BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

សេះ Without A Fight ឈ្នះការប្រណាំងសេះធំបំផុតនៅអូស្រ្តាលី Melbourne Cup

សេះ Without A Fight បានប្រជែងឈ្នះការប្រណាំងសេះ Melbourne Cup ដ៏ល្បីល្បាញរបស់អូស្ត្រាលីដោយផ្តល់ឱ្យអ្នកជិះសេះ Mark Zahra ទទួលជ័យជម្នះ ២ លើកជាប់គ្នា។ទោះជាយ៉ាងនេះក្តី វាគឺជាជ័យជម្នះលើកទីមួយសម្រាប់កីឡាករហ្វឹកហាត់ដែលជាឪពុក-កូនអូស្ត្រាលី Anthony និង Sam Freedman។អ្នកបានចំណាត់ថ្នាក់លេខ ២ នៃការប្រណាំងដែលមានចំងាយ ២ ម៉ាយល៍នេះបានទៅ Soulcombe និងលេខ ៣ Sheraz ដែលសុទ្ធតែត្រូវបានបណ្តុះបណ្តាលដោយ Chris Waller ជនជាតិអូស្ត្រាលី។Without A Fight គឺជាសេះដំបូងគេក្នុងរយៈពេលជាងពីរទស្សវត្សដែលបានឈ្នះពានរង្វាន់ Melbourne Cup និង Caulfield Cup ក្នុងឆ្នាំតែមួយ។Zahra បានជិះសេះ Gold Trip ដើម្បីទទួលជ័យជម្នះនៅឯ Flemington Racecourse កាលពីឆ្នាំមុន ប៉ុន្តែបានប្តូរសេះសម្រាប់ការប្រណាំងនៅឆ្នាំនេះ។Gold Trip បានបញ្ចប់ក្នុងចំណាត់ថ្នាក់ទី ១៧ កាលពីថ្ងៃអង្គារ ខណៈដែលសេះល្បីៗផ្សេងទៀតដូចជា Vauban និងអតីតជើងឯក Vow និង Declare បានត្រឹមចំណាត់ថ្នាក់លេខ ១៤ និងលេខ ៩៕ អត្ថបទ៖នាង សុភាវុធ

Miami Heat យកឈ្នះ LA Lakers ប្រផិតប្រផើយ ១០៨-១០៧ រដូវកាលថ្មីបាល់បោះ NBA

ក្រុមបាល់បោះ Miami Heat បានយកឈ្នះ Los Angeles Lakers ទាំងប្រផិតប្រផើយលទ្ធផល ១០៨-១០៧ នៃប្រកួតទី ៧ ក្របខណ្ឌបាល់បោះ NBA រដូវកាលថ្មី។កីឡាករ Bam Adebayo ធ្វើបានយ៉ាងល្អសម្រាប់ Miami Heat ដោយ Triple-Double រឺពិន្ទុពីរខ្ទង់សំខាន់ៗរួមមានបោះបញ្ចូលកន្ត្រកបាន ២២ ពិន្ទុ ២០ បាល់រីបោន និង ១០ បាល់បញ្ជូន ខណៈដែល Jimmy Butler បោះបានច្រើនជាងគេ ២៨ ពិន្ទុ។ Miami Heat បាននាំមុខដាច់ ១០ពិន្ទុ តែក៏ត្រូវកាត់បន្ថយមកវិញត្រឹម ១ពិន្ទុនៅទីបញ្ចប់បន្ទាប់ពី LeBron James របស់ LA Lakers បោះបាន ៣០ ពិន្ទុម្នាក់ឯង ជាពិសេស ៧ ពិន្ទុនៅ ១ នាទី ១៩ វិនាទីចុងក្រោយ។ លទ្ធផលនេះធ្វើឱ្យ Miami Heat រំកិលឡើងមកលេខ ១១ នៅភាគខាងកើតក្រោយឈ្នះ ៣ ចាញ់ ៤ ខណៈដែល Los Angeles Lakers ឈរលេខ ១០ នៅភាគខាងលិចឈ្នះ ៣ ចាញ់ ៤ ដូចគ្នា។ ងាកមកប្រកួតផ្សេងទៀត Philadelphia បានយកឈ្នះ Washington Wizards ១៤៦-១២៨ ស្របពេលដែល Joel Embiid របស់ Philadelphia បោះបាន ៤៨ ពិន្ទុ ម្នាក់ឯង ១១ បាល់រីបោន ៦ បាល់បញ្ជូន។នេះជាជ័យជំនះ ៥ ប្រកួតជាប់គ្នាសម្រាប់ Philadelphia តាំងពីចាញ់ថ្ងៃបើករដូវកាលក្រោមស្នាដៃ Milwaukee Bucks និងឡើងមកឈរលេខ ២ នៅភាគខាងកើតឈ្នះ ៥ ចាញ់ ១ ស្របពេលដែល Washington Wizards ឈរក្រោមគេនៅភាគខាងកើតដូចគ្នាឈ្នះ ១ ចាញ់ ៥។ លទ្ធផលផ្សេងទៀត New York Knicks យកឈ្នះ LA Clippers ដែលមានវត្តមានកីឡាករចំនូលថ្មី James Harden ១១១-៩៧។ ចំណែកឯក្រុមការពារតំណែងជើងឯក Denver Nuggets វាយបកពីក្រោយ ២០ ពិន្ទុរហូតយកឈ្នះ New Orleans Pelicans ១៣៤-១១៦តាមរយៈ Triple-Double របស់ Nikola Jokic រួមមាន ៣៥ ពិន្ទុ ១៤ បាល់រីបោន និង ១២ បាល់បញ្ជូន៕ អត្ថបទ៖នាង សុភាវុធ

Salem Al Dawsari និង Sam Kerr ឈ្នះជ័យលាភីកីឡាករ-កីឡាការិនីឆ្នើមប្រចាំឆ្នាំរបស់ទ្វីបអាស៊ី

ខ្សែប្រយុទ្ធអារ៉ាប៊ីសាអ៊ូឌីត Salem Al Dawsari និងខ្សែប្រយុទ្ធអូស្រ្តាលី Sam Kerr បានក្លាយជាកីឡាករ-កីឡាការិនីឆ្នើមបំផុតប្រចាំឆ្នាំរបស់ទ្វីបអាស៊ី។ កម្មវិធីប្រគល់ពានជ័យលាភីកីឡាករ-កីឡាការិនីបាល់ទាត់ឆ្នើមប្រចាំទ្វីបអាស៊ី AFC Awards ត្រូវបានរៀបចំឡើងនៅទីក្រុងដូហាប្រទេសកាតាកាលពីថ្ងៃអង្គារ។ មួយគ្រាប់ជ័យជំនះរបស់ Salem Al Dawsari ឱ្យអារ៉ាប៊ីសាអ៊ូឌីតឈ្នះអាហ្សង់ទីននៅ World Cup 2022 ឆ្នាំមុន គឺជាអនុស្សាវរីយ៍មិនអាចបំភ្លេចបានសម្រាប់បាល់ទាត់អាស៊ី និងជាចំណែកមួយជួយឱ្យរូបគេឈ្នះពានជ័យលាភីនេះ។ ក្រៅពីនេះ Al Dawsari គឺជាសមាជិកសំខាន់មិនអាចខ្វះបានរបស់ក្លិបបាល់ទាត់អារ៉ាប៊ីសាអ៊ូឌីត Al-Hilal ដែលឈានឡើងវគ្គផ្តាច់ព្រ័ត្រ FIFA Club World Cup នៅម៉ារ៉ុកឆ្នាំមុន ក៏ដូចជាវគ្គផ្តាច់ព្រ័ត្រ AFC Champions League រដូវកាលមុន ថែមទាំងឈ្នះជើងឯកលីគកំពូលអារ៉ាប៊ីសាអ៊ូឌីត និងKing’s Cup។Salem Al Dawsari បានក្លាយជាកីឡាករទី ៦ របស់អារ៉ាប៊ូសាអ៊ូឌីត ដែលឈ្នះពានជ័យលាភីនេះ និងជាកីឡាករទី ៥ ដែលមកពីក្លិប Al-Hilal ផងដែរ។ ងាកមកជ័យលាភីផ្នែកនារីវិញ អ្នកដែលធ្លាប់ឈ្នះនៅឆ្នាំ ២០១៧ កីឡាការិនីអូស្រ្តាលី Sam Kerr គឺជាម្ចាស់ជ័យលាភី ដែលជាលើកទី ២ ក្នុងអាជីព។ ពានជ័យលាភីគ្រូបង្វឹកឆ្នើមប្រចាំឆ្នាំបានទៅគ្រូបង្វឹកជនជាតិជប៉ុន Hajime Moriyasu ខណៈលោកស្រី Xui Qingxia ឈ្នះជ័យលាភីគ្រូបង្វឹកក្រុមនារីឆ្នើម៕ អត្ថបទ៖នាង សុភាវុធ

អតីតជើងឯក Tour de France, Geraint Thomas បន្តកិច្ចសន្យា ២ ជាមួយក្រុមកង់ Ineos Grenadiers

កីឡាករប្រណាំងកង់វែល Geraint Thomas បានសំរេចចុះហត្ថលេខារយៈពេល ២ ឆ្នាំជាមួយក្រុមកង់ Ineos Grenadiers។ អតីតជើងឯក Tour de France និងធ្លាប់ឈ្នះមេដាយមាសអូឡាំពិកពីរលើករូបនេះ ក៏ធ្លាប់បន្តកិច្ចសន្យាពីរម្តងដែរកាលពីឆ្នាំ ២០២១ ហើយនឹងបន្តនៅជាមួយក្រុមកង់អង់គ្លេសមួយនេះរហូតដល់ឆ្នាំ២០២៥ ថែមទៀត។ កីឡាករវ័យ ៣៧ ឆ្នាំរូបនេះ បានបញ្ចប់ជាជើងឯករងក្នុងការប្រកួតប្រណាំងកង់លំដាប់ Grand Tour, Giro d’Italia ឆ្នាំនេះខណៈជើងឯកបានទៅកីឡាករស្លូវេនី Primoz Roglic។រំលឹកថា Geraint Thomas គឺជាសមាជិករបស់ក្រុមកង់ Ineos តាំងពីឆ្នាំ ២០១០ ម្ល៉េះ ដែលពីមុនក្រុមកង់នេះត្រូវគេស្គាល់ថា Team Sky។បន្ទាប់ពីឈ្នះមេដាយមាសអូឡាំពិក ២ លើក កីឡាករវែលរូបនេះបានឈ្នះការប្រកួត Grand Tour, Tour de France កាលពីឆ្នាំ ២០១៨ និងជាជើងឯករងកម្មវិធីធំៗពីរលើករួមមាន Vuelta a Espana និង Giro d’Italia៕ អត្ថបទ៖នាង សុភាវុធ

កីឡាទ្រីយ៉ាត្លុង ចាប់ផ្ដើមទទួលពាក្យចូលរួមការប្រកួតជើងឯកថ្នាក់ជាតិ នៅខេត្តកែប

សហព័ន្ធកីឡាទ្រីយ៉ាត្លុងកម្ពុជា បានប្រកាសនឹងរៀបចំការប្រកួតជ្រើសរើសជើងឯកថ្នាក់ជាតិ ឆ្នាំ២០២៣ ចាប់ពីថ្ងៃទី១៥ ដល់ថ្ងៃទី១៧ ខែធ្នូខាងមុខ នៅឆ្នេរលេងទឹក ខេត្តកែប ។យោងតាមសេចក្ដីជូនដំណឹងរបស់សហព័ន្ធ ការប្រកួតដែលគាំទ្រដោយក្រសួងអប់រំ យុវជន និងកីឡា ដែលសហការរៀបចំ រវាងសហព័ន្ធ និងរដ្ឋបាលខេត្តកែបនេះ គឺចាប់ផ្ដើមទទួលពាក្យចូលរួមប្រកួតពីដើមខែវិច្ឆិកា រហូតដល់ថ្ងៃទី០៤ ខែធ្នូ ឆ្នាំ២០២៣ ទើបបញ្ចប់ ។ចំពោះវិញ្ញាសាប្រកួតក្នុងព្រឹត្តិការណ៍ប្រចាំឆ្នាំនេះ សហព័ន្ធបានកំណត់ចំនួន ៤វិញ្ញាសា រួមមានវិញ្ញាសាអាគ័តត្លុងបុរស-នារី (ហែលទឹក ១គីឡូម៉ែត្រ និងរត់ប្រណាំង ៥គីឡូម៉ែត្រ) និងវិញ្ញាសាអាគ័តត្លុងបុរស-នាទីអាយុក្រោម ១៨ឆ្នាំ (ហែលទឹក ៥០០ម៉ែត្រ និងរត់ ២,៥០០ម៉ែត្រ) ។គួរដឹងថា ការប្រកួតជើងឯកថ្នាក់ជាតិនេះ ធ្វើឡើងស្របតាមផែនការរបស់ក្រសួងអប់រំ យុវជន និងកីឡា និងសហព័ន្ធ ដើម្បីពន្លឿនការអភិវឌ្ឍកីឡាជាតិ ឆ្ពោះទៅរកការផលិត និងសម្រួចសមត្ថភាព បច្ចេកទេស របស់កីឡាករ-កីឡាការិនី សម្រាប់ស្វែងរកអ្នកមានគុណផលខ្ពស់ ចូលរួមការប្រកួតថ្នាក់ជាតិ និងអន្ដរជាតិនានា៕ អត្ថបទ លី ឈុនឡា

ព្រះខ័នរាជស្វាយរៀង ធ្វើការប្តឹងឧទ្ធរណ៍ទៅ FFC ក្រោយពិន័យកីឡាករ Gabriel ៦ខែ

ក្លិបបាល់ទាត់ព្រះខ័នរាជស្វាយរៀង បានសម្រេចធ្វើការប្ដឹងឧទ្ធរណ៍ទៅកាន់សហព័ន្ធកីឡាបាល់ទាត់កម្ពុជា(FFC) ដោយសម្ដែងការមិនពេញចិត្ត ចំពោះការសម្រេចរបស់គណៈកម្មការវិន័យសហព័ន្ធ ដែលធ្វើការពិន័យកីឡាករប្រ៊ុយស៊ីល Gabriel Silva Costa រយៈពេល ៦ខែ ចំពោះការអបអរសាទរគ្រាប់បាល់ដោយបង្ហាញពាក្យស្លោក«100% Jesus» ក្នុងជំនួបលីគកំពូលកម្ពុជា សប្ដាហ៍ទី៩ កាលពីសប្ដាហ៍មុន ។សូមរំឮកថា Gabriel Silva ត្រូវបានពិន័យមិនឲ្យចូលរួមការប្រកួតដែលរៀបចំដោយសហព័ន្ធ និងក្រុមហ៊ុនខេមបូឌានព្រីមៀរលីគ រយៈពេល ៦ខែ និងពិន័យជាប្រាក់ចំនួន ២លានរៀល បន្ទាប់ពីកីឡាករវ័យ ២៦ឆ្នាំរូបនេះ បង្ហាញពាក្យស្លោក «100% Jesus» លើអាវយឺតក្នុងរបស់ខ្លួន កំឡុងពេលអបអរសាទរគ្រាប់បាល់ ដែលខ្លួនស៊ុតបញ្ចប់ទីក្លិបបឹងកេត កាលពីថ្ងៃទី២៨ ខែតុលា ក្រោមហេតុផលថា បានបំពេញមាត្រា៤១ និងមាត្រា៥១.១ នៃក្រមសីលធម៌ និងវិជ្ជាជីវៈរបស់សហព័ន្ធកីឡាបាល់ទាត់ទ្វីបអាស៊ី ។ជុំវិញការពិន័យលើកីឡាករដ៏សំខាន់របស់ខ្លួន ក្លិបព្រះខ័នរាជស្វាយរៀង បានសម្ដែងការមិនពេញចិត្ត ហើយបានចេញសេចក្ដីថ្លែងការណ៍មួយ នៅល្ងាចថ្ងៃទី០១ ខែវិច្ឆិកា ដោយក្លិបបានប្រកាសជាផ្លូវការ ក្លិបមិនទទួលយកការសម្រេចនេះឡើយ ដោយហេតុផលថា ក្លិបជឿលើ Gabriel ថា គេមិនមានបំណងបញ្ចេញនូវពាក្យសំដីរើសអើង ឬធ្វើឲ្យនរណាម្នាក់អាក់អន់ចិត្តជាមួយនឹងពាក្យស្លោកនៅលើអាវខាងក្នុងរបស់គេឡើយ ដែលជាហេតុផលឈានទៅដល់សហព័ន្ធដាក់ពិន័យដូច្នេះ ដោយគ្រាន់តែយោងទៅតាមមាត្រាដូចដែលបានរៀបរាប់នៅក្នុងលិខិតវិន័យនោះទេ។តាមរយៈនេះ ក្លិបបានបញ្ជាក់ថា ឥលូវនេះក្លិបបានធ្វើការជាមួយមេធាវីកីឡាអន្តរជាតិ ដើម្បីប្តឹងឧទ្ធរណ៍ទៅសហព័ន្ធកីឡាបាល់ទាត់កម្ពុជា ហើយក្លិបបានត្រៀមបញ្ជូនរឿងក្តីនេះ បន្តទៅតុលាការអាជ្ញាកណ្តាលសម្រាប់កីឡា (CAS) ប្រសិនបើចាំបាច់ទៀតសិន ។ ដោយសារនេះជាករណីផ្លូវច្បាប់ ក្លឹបសូមរក្សាសិទ្ធិមិនធ្វើសេចក្ដីអត្ថាធិប្បាយបន្ថែមឡើយ។ នេះបើយោងតាមសេចក្ដីថ្លែងការណ៍របស់ក្រុមកំពុងឈរកំពូលតារាង នៃលីគកំពូលកម្ពុជា ជាមួយកំណត់ត្រាឈ្នះ ៩ប្រកួតជាប់គ្នា មិនទាន់ស្គាល់ចាញ់ ឬស្មើនេះ៕ អត្ថបទ លី ឈុនឡា

អតីតជើងឯក Grand Tour , Nairo Quintana នឹងត្រលប់មកក្រុម Movistar វិញឆ្នាំ ២០២៤ ក្រោយចាកចេញ ៤ ឆ្នាំ

កីឡាករប្រណាំងកង់កូឡុំប៊ី Nairo Quintana នឹងត្រលប់មកចូលរួមការប្រកួតប្រណាំងកង់វិញនៅឆ្នាំ ២០២៤ ខាងមុខជាមួយក្រុមប្រណាំង Movistar បន្ទាប់ពីអវត្តមានពីក្រុមជិត ៤ ឆ្នាំ នេះបើតាមសេចក្តីប្រកាសរបស់ក្រុមប្រណាំងដែលមានមូលដ្ឋាននៅប្រទេសអេស្ប៉ាញមួយនេះ។និយាយក្នុងសន្និសីទសារព័ត៌មាននៅទីក្រុង Bogota ប្រទេសកូឡុំប៊ី Nairo Quintana បានបង្ហាញក្តីរីករាយចំពោះការវិលត្រលប់មកកាន់ក្រុម Movistar វិញ។ កីឡាករវ័យ ៣៣ ឆ្នាំរូបនេះ ធ្លាប់ឈ្នះការប្រកួតប្រណាំងកង់ជាច្រើន ជាពិសេសកម្មវិធីធំ Grand Tour ពីរលើករួមមាន Giro d’Italia នៅឆ្នាំ ២០១៤ និង Vuelta a Espana នៅឆ្នាំ ២០១៦។ កាលពីឆ្នាំ ២០២២ Nairo Quintana ក៏បានចូលរួមការប្រកួត Tour de France ផងដែរ ដោយទទួលបានចំណាត់ថ្នាក់លេខ ៦ តែក៏ត្រូវលុបចោលលទ្ធផលវិញក្រោយរកឃើញមានសារធាតុហាមឃាត់ក្នុងខ្លួន៕ អត្ថបទ៖នាង សុភាវុធ

CPL អនុញ្ញាតឲ្យក្លិបសមាជិកក្លាយជាម្ចាស់ភាគហ៊ុន តែមិនបន្ដកុងត្រាលោក Satoshi Saito ឡើយ

ក្រុមហ៊ុនខេមបូឌានព្រីមៀរលីគ(CPL) បានប្រកាសធ្វើកំណែទម្រង់ថ្មី ដោយអនុញ្ញាតឲ្យក្លិបសមាជិកទាំងអស់ ក្លាយជាម្ចាស់ភាគហ៊ុនរបស់ក្រុមហ៊ុន ស្របពេល CPL មិនបន្ដកុងត្រាជាមួយនាយកប្រតិបត្តិលោក Satoshi Saito ឡើយ បន្ទាប់ពីអតីតអ្នកគ្រប់គ្រងផ្នែកទីផ្សារក្លិប FC Barcelona និងជាទីប្រឹក្សារបស់សហព័ន្ធកីឡាបាល់ទាត់ពិភពលោក(FIFA) នេះ ដឹកនាំបានរយៈពេល ២ឆ្នាំ ។យោងតមាសេចក្ដីប្រកាសព័ត៌មាន នៅព្រឹកថ្ងៃទី៣១ ខែតុលា ឆ្នាំ២០២៣ ក្រោយកិច្ចប្រជុំពិភាក្សា និងសេចក្ដីសម្រេចពីសមាជិកក្រុមប្រឹក្សាភិបាលរបស់ខ្លួន ក្រុមហ៊ុនខេមបូឌានមៀរលីគ នឹងធ្វើការកំណែរទំរង់លើរចនាសម្ព័នម្ចាស់ភាគហ៊ុន ឲ្យមានក្លិបដែលជាសមាជិកក្លាយជាម្ចាស់ភាគហ៊ុនភាគច្រើនរបស់ក្រុមហ៊ុន។ កំណែរទំរង់នេះ ធ្វើឡើងដើម្បីឲ្យក្លិបជាសមាជិកមានសំឡេងភាគច្រើនក្នុងក្រុមប្រឹក្សាភិបាលរបស់ក្រុមហ៊ុនក្នុងការសម្រេចចិត្ត និងគ្រប់គ្រងសកម្មភាព ដំណើរការអភិវឌ្ឍលីគ ។តាមរយៈកំណែរទំរង់នេះដែរ ក្រុមហ៊ុនខេមបូឌានព្រីមៀរលីគ នឹងមិនបន្តកុងត្រាជាមួយនាយកប្រតិបត្តិ លោក Satoshi Saito បន្ទាប់ពីកុងត្រាលោកត្រូវបញ្ចប់នៅចុងឆ្នាំ២០២៣ នេះ ដោយក្រុមប្រឹក្សាភិបាលបច្ចុប្បន្ន ទុកភារកិច្ចក្នុងការរៀបចំរចនាសម្ព័ន្ធគ្រប់គ្រងថ្មី ក៏ដូចជាសមាសភាពបុគ្គលិក ដូចជានាយកប្រតិបត្តិ នាយកទីផ្សារ និងនាយកបច្ចេកទេសជាដើម ឲ្យទៅក្រុមព្រឹក្សាភិបាលថ្មីក្រោយធ្វើការកំណែរទំរង់។ កំឡុងនៃការផ្លាស់ប្តូរនេះ សមាជិកក្រុមប្រឹក្សាភិបាល នៃក្រុមហ៊ុនខេមបូឌានព្រីមៀរលីគ នឹងផ្តល់ការគាំទ្រផ្នែកដឹកនាំប្រតិបត្តិដល់ការប្រកួតលីគ រហូតដល់ការរៀបចំរចនាសម្ព័ន្ធម្ចាស់ភាគហ៊ុនថ្មីរួចរាល់៕ អត្ថបទ លី ឈុនឡា

ព្រះខ័នរាជ អាចរក្សាកំណត់ត្រាឈ្នះបានទេ ប៉ះបឹងកេត បញ្ចប់ជើងទី១ ស្អែកនេះ?

ការប្រកួតសន្សំពិន្ទុវិលជុំ ជើងទី១ សម្រាប់ដំណាក់កាលទី១ នៃលីគកំពូលកម្ពុជា ឆ្នាំ២០២៣/៤ នឹងត្រូវបញ្ចប់នាចុងសប្ដាហ៍នេះ ខណៈគូជក់ចិត្ត ដែលអ្នកគាំទ្រកំពុងចាប់អារម្មណ៍ គឺជំនួបរវាងក្រុមព្រះខ័នរាជស្វាយរៀង ជាមួយក្រុមបឹងកេត ដែលនឹងធ្វើឡើងនៅពហុកីឡដ្ឋានជាតិអូឡាំពិក នាល្ងាចថ្ងៃទី២៨ ខែតុលាស្អែកនេះ ។ជាការពិតអ្នកគាំទ្រចាប់អារម្មណ៍គូនេះ ដ្បិតពួកគេចង់ដឹងថា តើព្រះខ័នរាជស្វាយរៀង អាចបន្ដកំណត់ត្រាឈ្នះ ៩ប្រកួតពេញ សម្រាប់ជើងទី១ នៃលីគកំពូលកម្ពុជា ឬក្រុមនាគខៀវបឹងកេត អាចបញ្ចប់កំណត់ត្រានេះ? បច្ចុប្បន្នក្រុមព្រះខ័នរាជស្វាយរៀង កំពុងគ្រងកំពូលតារាង ដោយរកបាន ២៤ពិន្ទុពេញ គ្រាដែលបឹងកេត ឈរលេខ៤ ទើបរកបាន ១៣ពិន្ទុប៉ុណ្ណោះ ។ដោយឡែកសម្រាប់ការប្រកួតបញ្ចប់ជើងទី១ ចំនួន ៤គូផ្សេងទៀត នឹងត្រូវប្រកួតនៅថ្ងៃទី២៩ ខែតុលា ដែលរួមមានក្រុមគិរីវង់ ត្រូវបើកទ្វារផ្ទះក្រុមខ្លាំងភ្នំពេញក្រោន គ្រាដែលអង្គរថាយហ្គឺរ ជួបក្រុមភ្ញៀវណាហ្គាវើលដ៍ ។ ចំណែកក្រុមព្រៃវែង បើកទ្វារផ្ទះទទួលក្រុមវិសាខា និងកំពុងឡើងជើង ISI ដង្កោសែនជ័យ ត្រូវជួបក្រុមកងយោធពលខេមរភូមិន្ទ នៅលើទឹកដីរបស់ខ្លួន៕ អត្ថបទ លី ឈុនឡា

Premier League នឹងមានការប្រកួតមុនថ្ងៃគ្រីសស្មាសមួយថ្ងៃជាលើកដំបូង ក្នុងរយៈពេល ២៨ ឆ្នាំ

ក្របខណ្ឌបាល់ទាត់កំពូលអង់គ្លេស English Premier League នឹងមានការប្រកួតមួយគូលេងមុនថ្ងៃបុណ្យគ្រីសស្មាសមួយថ្ងៃជាលើកដំបូងក្នុងរយៈពេល ២៨ ឆ្នាំនៅពេល Wolverhampton ទទួលស្វាគមន៍តោខៀវ Chelsea។ការប្រកួតដំបូងរវាងក្រុមទាំងពីរតាមពិតទៅត្រូវប្រកួតនៅថ្ងៃទី ២៣ ខែធ្នូ តែនៅពេលនេះត្រូវផ្លាស់ប្តូរមកថ្ងៃទី ២៤ ខែធ្នូចំថ្ងៃអាទិត្យ។ តាំងពីលីគកំពូលអង់គ្លេសបានផ្លាស់មកជា Premier League នៅឆ្នាំ ១៩៩២ មានតែមួយប្រកួតប៉ុណ្ណោះដែលធ្លាប់លេងមុនថ្ងៃគ្រីសស្មាសមួយថ្ងៃបែបនេះគឺជំនួបដែល Leeds United យកឈ្នះ Manchester United ៣-១ នៅឆ្នាំ ១៩៩៥។ Premier League នឹងមានការប្រកួតដ៏មមារញឹកនៅចុងខែធ្នូដូចរដូវកាលសព្វដង ពោលគឺនឹងមានការប្រកួតបីជុំ នៅថ្ងៃទី ២៣ ២៦ និង ៣០ ដែលនៅអង់គ្លេស គេចាត់ទុកជាការប្រកួតអបអរថ្ងៃឈប់សម្រាកបុណ្យគ្រីសស្មាស និងចូលឆ្នាំសកល និងជាកាលវិភាគប្រកួតដែលមានប្រជាប្រិយភាពមួយមិនថា នៅក្នុងប្រទេស រឺជុំវិញពិភពលោក៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

សេះ Without A Fight ឈ្នះការប្រណាំងសេះធំបំផុតនៅអូស្រ្តាលី Melbourne Cup

Miami Heat យកឈ្នះ LA Lakers ប្រផិតប្រផើយ ១០៨-១០៧ រដូវកាលថ្មីបាល់បោះ NBA

Salem Al Dawsari និង Sam Kerr ឈ្នះជ័យលាភីកីឡាករ-កីឡាការិនីឆ្នើមប្រចាំឆ្នាំរបស់ទ្វីបអាស៊ី

អតីតជើងឯក Tour de France, Geraint Thomas បន្តកិច្ចសន្យា ២ ជាមួយក្រុមកង់ Ineos Grenadiers

កីឡាទ្រីយ៉ាត្លុង ចាប់ផ្ដើមទទួលពាក្យចូលរួមការប្រកួតជើងឯកថ្នាក់ជាតិ នៅខេត្តកែប

ព្រះខ័នរាជស្វាយរៀង ធ្វើការប្តឹងឧទ្ធរណ៍ទៅ FFC ក្រោយពិន័យកីឡាករ Gabriel ៦ខែ

អតីតជើងឯក Grand Tour , Nairo Quintana នឹងត្រលប់មកក្រុម Movistar វិញឆ្នាំ ២០២៤ ក្រោយចាកចេញ ៤ ឆ្នាំ

CPL អនុញ្ញាតឲ្យក្លិបសមាជិកក្លាយជាម្ចាស់ភាគហ៊ុន តែមិនបន្ដកុងត្រាលោក Satoshi Saito ឡើយ

ព្រះខ័នរាជ អាចរក្សាកំណត់ត្រាឈ្នះបានទេ ប៉ះបឹងកេត បញ្ចប់ជើងទី១ ស្អែកនេះ?

Premier League នឹងមានការប្រកួតមុនថ្ងៃគ្រីសស្មាសមួយថ្ងៃជាលើកដំបូង ក្នុងរយៈពេល ២៨ ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

សេះ Without A Fight ឈ្នះការប្រណាំងសេះធំបំផុតនៅអូស្រ្តាលី Melbourne Cup

Miami Heat យកឈ្នះ LA Lakers ប្រផិតប្រផើយ ១០៨-១០៧ រដូវកាលថ្មីបាល់បោះ NBA

Salem Al Dawsari និង Sam Kerr ឈ្នះជ័យលាភីកីឡាករ-កីឡាការិនីឆ្នើមប្រចាំឆ្នាំ​របស់ទ្វីបអាស៊ី

អតីតជើងឯក Tour de France, Geraint Thomas បន្តកិច្ចសន្យា ២ ជាមួយក្រុមកង់ Ineos Grenadiers

កីឡាទ្រីយ៉ាត្លុង ចាប់ផ្ដើមទទួលពាក្យចូលរួមការប្រកួតជើងឯកថ្នាក់ជាតិ នៅខេត្តកែប

ព្រះខ័នរាជស្វាយរៀង ធ្វើការប្តឹងឧទ្ធរណ៍ទៅ FFC ក្រោយពិន័យ​កីឡាករ Gabriel ៦ខែ

អតីតជើងឯក Grand Tour , Nairo Quintana នឹងត្រលប់មកក្រុម Movistar វិញឆ្នាំ ២០២៤ ក្រោយចាកចេញ ៤ ឆ្នាំ

CPL អនុញ្ញាតឲ្យក្លិបសមាជិកក្លាយជាម្ចាស់ភាគហ៊ុន តែមិនបន្ដកុងត្រាលោក Satoshi Saito ឡើយ

ព្រះខ័នរាជ អាចរក្សាកំណត់ត្រាឈ្នះបានទេ ប៉ះបឹងកេត បញ្ចប់ជើងទី១ ស្អែកនេះ?

Premier League នឹងមានការប្រកួតមុនថ្ងៃគ្រីសស្មាសមួយថ្ងៃជាលើកដំបូង ក្នុងរយៈពេល ២៨ ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Salem Al Dawsari និង Sam Kerr ឈ្នះជ័យលាភីកីឡាករ-កីឡាការិនីឆ្នើមប្រចាំឆ្នាំរបស់ទ្វីបអាស៊ី

ព្រះខ័នរាជស្វាយរៀង ធ្វើការប្តឹងឧទ្ធរណ៍ទៅ FFC ក្រោយពិន័យកីឡាករ Gabriel ៦ខែ