នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ
Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu
បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រ​ផ្អាក​ការ​ប្រកួត​តាមរយៈ​ការ​ព្យាបាល​អ្នកចាំទី"
Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដក​ខ្លួន​ចេញ​ពី​ការ​ប្រជែង

ព័ត៌មានកីឡា

មន្ដ្រីក្រសួងអប់រំថា មន្ដ្រីបច្ចេកទេស គឺជាផ្នែកមួយដ៏សំខាន់ ដើម្បីរក្សានូវតម្លៃ និងប្រជាប្រិយកីឡាលើកទម្ងន់

2023/10/03 10:29:29 pm        410
Facebook Telegram Linkin
លោក ដួង មាសចំរើន អគ្គនាយករង អគ្គនាយកដ្ឋានកីឡា នៃក្រសួងអប់រំ យុវជន និងកីឡា បាន​ចាត់​ទុក​មន្ដ្រីបច្ចេកទេស គឺជាធនធានដ៏សំខាន់ ដើម្បីជំរុញការអភិវឌ្ឍន៍ និងលើក​កម្ពស់​សក្ដានុពល​កីឡាលើកទម្ងន់កម្ពុជា ប្រកបដោយគុណតម្លៃ និង​ប្រជាប្រិយ៍​ភាព​សម្រាប់​ប្រជា​ពលរដ្ឋ​ទូទៅ ។ការគូសបញ្ជាក់នេះ ធ្វើឡើង​ក្នុង​ពិធី​បិទ​វ​គ្គ​បណ្ដុះ​បណ្ដាល​មន្ដ្រី​បច្ចេក​ទេស​កីឡា​លើក​ទម្ងន់​ថ្នាក់​ជាតិ លើកទី៣ ឆ្នាំ២០២៣ បន្ទាប់ពីដំណើរការរយៈពេល ៣ថ្ងៃ ដែល​ទើប​បញ្ចប់​កាល​ពី​ចុង​សប្ដាហ៍​កន្ល​ងទៅ នៅទីស្នាក់ការគណៈកម្មាធិការជាតិអូឡាំពិកកម្ពុជា ។មន្ដ្រីជំនាញ នៃក្រសួងអប់រំដដែលបន្ដថា វគ្គបណ្ដុះបណ្ដាលនេះ ពិតជាមានសារៈសំខាន់ សម្រាប់​សហព័ន្ធ ដែលជាប្រភេទកីឡាអូឡាំពិក ។ សម្រាប់សហព័ន្ធថ្មី ដែលទើបកកើត មន្ដ្រីបច្ចេកទេស ក្នុង​នាម​ជាអ្នកសម្រេចចិត្តកាត់សេចក្ដី អនុវត្តទៅតាមច្បាប់អន្ដរជាតិ ប្រកបដោយតម្លាភាព យុត្តិធម៌ និងមានការទទួលខុសត្រូវក្រមសិលធម៌ និងវិជ្ជាជីវ។ដូច្នេះការអភិវឌ្ឍវិស័យកីឡាលើកទម្ងន់ឲ្យក្លាយជាប្រភេទកីឡា ដែលមានសក្តានុពល មាន​ប្រជាប្រិយ៍​ភាព ដើម្បីសុខភាពប្រជាពលរដ្ឋ គឺជាយុទ្ធសាស្ត្រដ៏ធំធេងណាស់ ត្រូវការ​កត្តា​រួម​ផ្សំ​ពី​គ្រប់​មជ្ឈដ្ឋាន មន្ត្រីបច្ចេកទេស គ្រូបង្វឹក និងអត្តពលិក ត្រូវស្វែងយល់អំពីច្បាប់ បទ​បញ្ជាការ​ប្រកួត​ឲ្យ​បាន​ច្បាស់លាស់ និងត្រូវផ្សព្វផ្សាយពីរបៀប នីតិវិធីនៃការហ្វឹកហាត់ ការប្រកួត ទៅដល់អា​ណា​ព្យាបាល​ និងមហាជន ដើម្បីជៀសវាងនូវការយល់ច្រឡំ នាំឲ្យបានបង់នូវតម្លៃមន្ត្រីបច្ចេកទេស និង​ប្រជាប្រីយ៍ភាពសហព័ន្ធ ។តាមរយៈនេះ លោកបានជំរុញសហព័ន្ធសាមី ត្រូវបន្ដយកចិត្តទុកដាក់ ហើយ​ប​ន្ដ​រៀប​ចំ​វ​គ្គ​បណ្ដុះ​បណ្ដាល​កម្រិត​អន្ដ​រជាតិបន្ថែមទៀត ដើម្បីឆ្លើយតបតម្រូវការ នៃការរីកចម្រើន​វិស័យ​កីឡាជាតិ​បច្ចុប្បន្ន សម្រាប់ត្រៀមការប្រកួតកីឡាលើកទម្ងន់អន្ដរជាតិនានានា ពិសេស​ដំណើរ​ឆ្ពោះ​ទៅ​ធ្វើ​ម្ចាស់​ផ្ទះ​កីឡា​យុវជនអាស៊ី លើកទី៥ នាឆ្នាំ២០២៩ ក៏ដូចជាការចូលរួមរៀបចំការប្រកួតកីឡាជាតិ លើក​ទី៤ នាឆ្នាំ២០២៤ ខាងមុខផងដែរ ។លោក សំ សុខយី អគ្គលេខាធិការ បានបញ្ជាក់ថា វគ្គនេះ មានសិក្ខាកាមចូលរួម ២០នាក់ មកពី ៤​រាជ​ធានី-ខេត្ត ។ ជាលទ្ធផលក្រោយសិក្សា ៣ថ្ងៃ មានសិក្ខាកាមទទួលបាននិទ្ទេសល្អ ៣៥% ស្មើ​នឹង ៧នាក់, និទ្ទេសល្អបង្គួរ ៥៥% ស្មើនឹង ១១នាក់ និងសិក្ខាកាម​ទទួល​បាន​និទ្ទេស​មធ្យ​ម​ចំនួន​ ១០% ស្មើនឹង ២នាក់ ៕ អត្ថបទ លី ឈុនឡា

Ding Junhui តម្រូវឱ្យចាញ់ហ្វ្រេមដំបូង​ក្រោយស្លៀកខោខុសពណ៌​នៅការប្រកួតស្នូកឃ័រ English Open

2023/10/03 10:03:46 pm        275
Facebook Telegram Linkin
កីឡាករស្នូកឃ័រចិន Ding Junhui ត្រូវបាន​កំណត់​ឱ្យ​ចាញ់​ហ្វ្រេមដំបូង​ក្នុង​ជំនួប​ដែល​យក​ឈ្នះ​មិត្ត​រួមជាតិ Ma Hailong នៅការប្រកួតពានរង្វាន់ English Open ដោយសារ​ស្លៀកខោ​ខុស​ពណ៌​។Ding Junhui បានស្លៀកខោសាច់ក្រណាត់ពណ៌ត្នោត ភ្លេចថាឯកសណ្ឋានផ្លូវការរបស់កម្មវិធី English Open គឺខ្មៅមួយឈត់។ កីឡាករវ័យ ៣៦ ឆ្នាំរូបនេះបាន​ពឹង​ឱ្យ​មិត្ត​ភក្តិ​របស់​ខ្លួន​ទៅ​ទិញ​ខោ​ពណ៌​ខ្មៅនៅ​ហាងក្បែរ​កីឡដ្ឋាន​ តែទំរាំបានគឺយឺតពេលប្រកួតដែលបានកំណត់ ដែលធ្វើ​ឱ្យ​គណៈ​កម្មាការ​តម្រូវ​ឱ្យ​ចាញ់​ហ្វ្រេម​ដំបូង​។យ៉ាងណាក្តី ចាញ់ហ្វ្រេមដំបូងមិនមែនជាបញ្ហាឡើយ Ding Junhui បានយកឈ្នះ Ma Hailong នៅទីបញ្ចប់ ៤-៣ ហ្វ្រេម។ លទ្ធផលផ្សេងទៀតក្នុងជុំដំបូង English Open នេះមានដូចជា Mark Allen យកឈ្នះ Mostafa Dorgham ស្របពេលកីឡាករអូស្រ្តាលី Neil Robertson ចាញ់ Sanderson Lam។ ចំណែកឯជើងឯកពិភពលោក ៧ សម័យ Ronnie O’Sullivan បានបន្តទៅជុំទី ២ ក្រោយ​យក​ឈ្នះ ​Andrew Pagett ៤-០ ហ្វ្រេម ខណៈដែល John Higgins យកឈ្នះ Marco Fu ៤-៣ ហ្វ្រេម​៕ អត្ថបទ៖នាង សុភាវុធ

Carlos Alcaraz ឈ្នះ Casper Ruud ឡើងវគ្គពាក់កណ្តាលផ្តាច់ព្រ័ត្រ China Open

2023/10/03 09:23:34 pm        147
Facebook Telegram Linkin
កីឡាករវាយកូនបាល់លេខ ២ ពិភពលោក Carlos Alcaraz បាន​ឈាន​ឡើង​វគ្គ​ពាក់​កណ្តាល​ផ្តាច់​ព្រ័ត្រ​ហើយ នៃការប្រកួតកម្មវិធី China Open ក្រោយយកឈ្នះ Casper Ruud ២ សិត​ផ្ទួនៗ​។កីឡាករអេស្ប៉ាញរូបនេះចាប់ផ្តើមដោយតានតឹងនៅសិតដំបូងក្រោយ កីឡាករន័រវេសនាំមុខ ៣-០ មុនពេលវេយបកពីក្រោយវិញយកឈ្នះ ៦-៤ និងបន្តយកឈ្នះសិតទីពីរទៀត ៦-២។ជ័យជំនះនេះ Carlos Alcaraz នឹងបន្តដំណើរជួបជាមួយកីឡាករអ៊ីតាលី Jannik Sinner។ កីឡាករវ័យ ២២ ឆ្នាំ Jannik Sinner បានយកឈ្នះកីឡាករប៊ុលហ្ការី Grigor Dimitrov ដោយ​លទ្ធផល​តានតឹង ២ សិតទល់នឹង ១ ពិន្ទុ ៦-៤ ៣-៦ និង ៦-២ ថ្ងៃចន្ទម្សិលមិញដូចគ្នា។នៅវគ្គពាក់កណ្តាលផ្តាច់ព្រ័ត្រមួយគូទៀត នឹងជាជំនួបរវាងកីឡាករលេខ ៣ ពិភពលោក Daniil Medvedev ជួបជាមួយកីឡាករអាល្លឺម៉ង់ Alexander Zverev។ប្រសិនបើ Carlos Alcaraz និង Daniil Medvedev ជួបគ្នានៅវគ្គផ្តាច់ព្រ័ត្រ គេនឹង​នឹក​ឃើញ​ការ​ប្រកួត​វគ្គ​ពាក់កណ្តាលផ្តាច់ព្រ័ត្រ US Open នៅពេលកីឡាករវ័យ ២៧ ឆ្នាំរុស្ស៊ី Medvedev បញ្ចប់​ដំណើរឈ្នះជាប់គ្នារបស់ Carlos Alcaraz នៅពេលនោះ៕ អត្ថបទ៖នាង សុភាវុធ

កម្ពុជា ចាប់ផ្ដើមប្រមូលផ្ដុំហ្វឹកហាត់ ត្រៀមជួបប៉ាគីស្ថាន ក្នុងវគ្គជម្រុះ World Cup ជុំទី១

2023/10/03 09:04:50 pm        799
Facebook Telegram Linkin
ក្រុមបាល់ទាត់ជម្រើសជាតិកម្ពុជា បានចាប់ផ្ដើមប្រមូលផ្ដុំហ្វឹកហាត់ ដើម្បីត្រៀម​ការ​ប្រកួត​ពាន​រង្វាន់​បាល់​ទាត់​ពិភពលោក FIFA World Cup 2026 វគ្គជម្រុះជុំទី១ ជាមួយ​ក្រុម​ជម្រើស​ជាតិ​ប៉ាគីស្ថាន​ នាសប្ដាហ៍ក្រោយ ។ការប្រមូលផ្ដុំហ្វឹកហាត់ថ្ងៃដំបូងនេះ ធ្វើឡើងនៅទីលានកម្ដៅសាច់ដុំ នៃ​ពហុកីឡដ្ឋាន​ជាតិ​មរតក​តេជោ បន្ទាប់ពីសហព័ន្ធកីឡាបាល់ទាត់កម្ពុជា បានបង្ហាញបញ្ជីឈ្មោះបឋម ដែលមានកីឡាករ ២៧​នាក់ កាលពីថ្ងៃទី០២ ខែតុលា ឆ្នាំ២០២៣ ។សម្រាប់កីឡាករដែលត្រូវបានលោក Felix Dalmas គ្រូបង្វឹកក្រុមជម្រើសជាតិកម្ពុជា កោះ​ហៅ​ប្រមូ​លផ្ដុំ​ហ្វឹកហាត់លើកនេះ រួមមានសមាជិកក្រុមព្រះខ័នរាជស្វាយរៀង ៣នាក់ មានកីឡាករ សឿយ វិសាល, ថេឡរ ឌឿន នីកូឡាស និងអ្នកចាំទី វីរៈ ដារ៉ា និងភ្នំពេញក្រោន ៤នាក់ មាន​កីឡាករ​ អ៊ន ចាន់ប៉ូលីន, យ៉ើ ម៉ូស្លីម, ជួន ចាន់ចាវ និង លឹម ពិសុទ្ធ ។សមាជិកក្លិបបឹងកេត ៥នាក់ មានកីឡាករ ចាន់ វឌ្ឍនាកា, កាន់ ពិសាល, វ៉ាន់ តៃឡាម៉ី, ចន្ថា ចន្ទាកា និង តាំង ប៊ុនឆៃ ។ ណាហ្គាវើលដ៍ ៣នាក់ មានកីឡាករ គួច សុកុម្ភៈ, សុះ ស៊ូហាណា និង ឈង់ ប៊ុនណាត ។ វិសាខា ៩នាក់ មានកីឡាករ រ៉ឺង ប៊ុនហៀង, កែវ សុខសិលា, ស៊ិន សុផាណាត់, អ៊ុក សុវណ្ណ, ហ៊ុល គឹមហ៊ុយ, ទេស សម្បត្តិ, សារ ទី, ស រតនា និង ស៊ិន សុវណ្ណមករា និងសមាជិកក្រុមព្រៃវែងម្នាក់ គឺកីឡាករ គង់ លីហ៊ួរ ។ រីឯម្នាក់ទៀត គឺកីឡាករ សៀង ចន្ធា ដែលកំពុងប្រកបអាជីពនៅលីគទី២ កាតា ។គួរដឹងថា ក្រុមគោព្រៃកម្ពុជា មានពេលប្រមូលផ្ដុំហ្វឹកហាត់ ១០ថ្ងៃ មុន​បើក​ទ្វារ​ផ្ទះ​ទទួល​ក្រុម​ជម្រើស​ជាតិ​ប៉ាគីស្ថាន ក្នុងជើងទី១ នៃវគ្គជម្រុះពានរង្វាន់ FIFA World Cup 2026 ជុំទី១ នា​ល្ងាច​ថ្ងៃ​ទី១២ ខែតុលា ឆ្នាំ២០២៣ នៅពហុកីឡដ្ឋានជាតិ(ស្ដាតអូឡាំពិក) មុនការ​ប្រកួត​កាត់​សេចក្ដី​ជើង​ទី២ នៅទឹកដីប្រទេសប៉ាគីស្ថានវិញ នាថ្ងៃទី១៧ ខែតុលា ឆ្នាំ២០២៣ ខាងមុខ ៕ អត្ថបទ លី ឈុនឡា

FIA យល់ព្រមសំណើរបស់អតីតជើងឯក IndyCar, Michael Andretti បង្កើតក្រុមប្រណាំង F1 ជាមយយរថយន្ត Cadillac

2023/10/03 08:28:08 pm        186
Facebook Telegram Linkin
អតីតជើងឯកប្រណាំងរថយន្ត IndyCar និងជាអតីតកីឡាករប្រណាំងរថយន្ត F1 ផងដែរលោក Michael Andretti ធ្លាប់បានប្រកាសគំរោងបង្កើតក្រុមប្រណាំង F1 ដោយខ្លួនឯងមួយនៅឆ្នាំ ២០២៤។ មកទល់ពេលនេះ សំណើរបស់លោក Andretti ត្រូវបាន FIA យល់ព្រមហើយ ដោយក្រុម F1 ថ្មីនឹងប្រើប្រាស់រថយន្តអាមេរិក Cadillac។ក្រុម F1 របស់លោក Andretti ជាសំណើដែលត្រូវបានអនុញ្ញាតដោយ FIA តែមួយ​គត់​ក្នុង​ចំណោម​សំណើថ្មីចំនួន ៤ ពីក្រុមហ៊ុនផ្សេងទៀត។ បុរសវ័យ ៥៩ ឆ្នាំដែលជាកូនប្រុសរបស់អតីតជើងឯក F1 ពិភពលោកឆ្នាំ ១៩៧៨ លោក Mario នឹង​ចាប់ផ្តើមជំហ៊ានបន្តទៀតក្នុងបោះជើងចូល F1 ហើយនឹងមានការតាមដាន និងវាយ​តម្លៃ​បន្ថែម​ទៀត​ពី F1។ លោក Andretti ធ្លាប់បានបង្ហើបកាលពីឆ្នាំ ២០២២ ថា ក្រុមប្រណាំងថ្មីនឹងអាចមានឈ្មោះថា Andretti Global F1 Team តែឈ្មោះដែលត្រូវ FIA យល់ព្រមនៅពេលនេះគឺ Andretti Formula Racing។នេះមិនមែនជាលើកដំបូងទេដែលលោក Michael Andretti មានមហិច្ចតាបង្កើតក្រុមប្រណាំង F1 ដោយខ្លួនឯង បែបនេះ ពោល​គឺ​កាល​ពី​ឆ្នាំមុន​លោក​មាន​បំណង​ទិញ​ភាគ​ហ៊ុន​កាន់​កាប់​ក្រុម​ប្រណាំង​ F1 Sauber តែមិនបានសំរេច។ លោក Andretti ធ្លាប់ជាកីឡាករប្រណាំង F1 នៅឆ្នាំ ១៩៩៣ ដោយបានចូលប្រណាំងសរុប ១៣ លើក​តែមិនជោគជ័យឡើយជាមួយក្រុមប្រណាំង McLaren។ចំណាត់ថ្នាក់ល្អបំផុតគឺលេខ ៣ នៅប្រទេសអ៊ីតាលីក្នុងឆ្នាំ ១៩៩៣ នោះ ហើយ​ក៏​បាន​ចាក​ចេញ​ពី​ក្រុម​ McLaren វិញនៅពេលសល់ ៣ ទីលានទៀតចប់រដូវកាល៕ អត្ថបទ៖នាង សុភាវុធ

សំបុត្រទស្សនាការប្រកួត AFC Cup រវាងភ្នំពេញក្រោន និងក្លិប Shan United ដាក់លក់ហើយ

2023/10/03 05:36:40 pm        1626
Facebook Telegram Linkin
សំបុត្រសម្រាប់ចូលរួមទស្សនាការប្រកួតកីឡាបាល់ទាត់ពានរង្វាន់ក្លិបទ្វីបអាស៊ីកម្រិតទីពីរ (AFC Cup) រវាងក្លិបជើងឯកកម្ពុជា ភ្នំពេញក្រោន និង ជើងឯកសហភាពមីយ៉ាន់ម៉ា Shan United ដាក់​លក់​ចាប់ពីព្រឹកថ្ងៃទី០៣ ខែតុលានេះហើយ។យោងតាមផេកផ្លូវការរបស់ក្លិបភ្នំពេញក្រោនបានបញ្ជាក់ថា សំបុត្រចូលរួមទស្សនាការប្រកួត AFC Cup ថ្ងៃទី៥ ខែតុលា ឆ្នាំ២០២៣នេះ បានដាក់លក់ចាប់ពីម៉ោង៩និង០០ព្រឹក ថ្ងៃទី០៣ ខែ​តុលានេះ​ហើយ នៅកីឡដ្ឋានស្មាត អ អេស អិន។លោក លី ហៀង អគ្គលេខាធិការ ក្លិបបាល់ទាត់ភ្នំពេញក្រោន បានប្រាប់ឱ្យដឹងថាសំបុត្រមានតម្លៃ ២០ ០០០រៀល ហើយដោយអនុវត្តតាមសហព័ន្ធបាល់ទាត់ទ្វីបអាស៊ី (AFC) អនុញ្ញាត​ឱ្យ​លក់​តែ​កន្លែង​អង្គុយ​ដែល​មានដំបូល (កៅអីផ្អែក) តែប៉ុណ្ណោះ។ មុនការប្រកួតមកដល់នេះ លោក​អគ្គ​លេខាធិការ បានសំណូមពរឱ្យមានការចូលរួមគាំទ្រក្លិបរបស់កម្ពុជាឱ្យបានច្រើនកុះករ។ សូមជម្រាបជូនថាការប្រកួតរវាងភ្នំពេញក្រោន និង Shan United ធ្វើឡើងនៅថ្ងៃទី៥ ខែតុលា ឆ្នាំ​២០២៣ នៅពហុកីឡដ្ឋានជាតិ (អូឡាំពិក) វេលាម៉ោង ៧និង០០នាទីយប់ ហើយ​មាន​ការ​ផ្សាយ​ផ្ទាល់​តាមទូរទស្សន៍ BTV News។ ភ្នំពេញក្រោនបើកការប្រកួត AFC Cup ក្នុងពូល F ដោយយកឈ្នះក្លិប HD Cebu ជើង​ឯក​រង​លីគ​កំពូល​ហ្វីលីពីន ៣ទល់នឹង០៕ 

សិង្ហបុរីឈ្នះមេដាយមាសកីឡាអត្តពលកម្ម Asian Games លើកដំបូងតាំងពីឆ្នាំ ១៩៧៤

2023/10/03 05:08:39 pm        204
Facebook Telegram Linkin
កីឡាការិនី Shanti Pereira បានក្លាយជាអត្តពលិកសិង្ហបុរី​ដំបូង​ដែល​ដណ្តើម​បាន​មេដាយ​មាស​នៅ​ក្នុង​ប្រភេទកីឡាអត្តពលកម្ម នៅក្នុងព្រឹត្តិការណ៍កីឡាអាស៊ីតាំងពីឆ្នាំ ១៩៧៤ បន្ទាប់​ពី​ដណ្តើម​​បាន​មេដាយមាសវិញ្ញាសារត់ ២០០ ម៉ែត្រ។Shanti Pereira បានមកដល់ទីព្រ័ត្រមុនគេនៅវគ្គផ្តាច់ព្រ័ត្រដោយប្រើថេរវេលា ២៣ វិនាទី ០៣ នៅ​កីឡដ្ឋាន Hangzhou Sports Centre ខ​ណៈដែលកីឡាការិនីចិន Li Yuting ទទួល​បាន​មេដាយ​ប្រាក់​ក្រោយប្រើថេរវេលា ២៣ វិនាទី ២៨ និងមេដាយសំរិទ្ធបានទៅ កីឡាការិនីបារ៉ែន Edidong Ofonime Odiong ដែលប្រើថេរវេលា ២៣ វិនាទី ៤៨។ សូមបញ្ជាក់ថា នេះជាមេដាយមាសកីឡាអាស៊ីដំបូងសម្រាប់សិង្ហបុរីលើប្រភេទកីឡាអត្តពលកម្ម រាប់​តាំង​ពីឆ្នាំ ១៩៧៤ ដែលឈ្នះចុងក្រោយដោយកីឡាការិនី Chee Swee Lee វិញ្ញាសារត់ ៤០០ ម៉ែត្រនារី៕ អត្ថបទ៖នាង សុភាវុធ

Rangers បញ្ចប់តំណែងអ្នកចាត់ការ Michael Beale ក្រោយចាញ់ ៣ ប្រកួតរដូវកាលនេះ

2023/10/02 10:46:33 pm        359
Facebook Telegram Linkin
ក្លិបបាល់ទាត់ស្កុតឡេន Glasgow Rangers បានសំរេចបញ្ចប់តំណែងអ្នកចាត់ការ Michael Beale ចេញពីតំណែងហើយក្រោយរងបរាជ័យ ៣ ប្រកួតក្នុងចំណោម ៧ ប្រកួតក្នុងលីគរដូវកាលនេះ។បរាជ័យក្នុងទឹកដីរបស់ខ្លួនចុងសប្តាហ៍កន្លងទៅ ក្រោមថ្វីជើង Aberdeen បានធ្វើឱ្យ Rangers នៅពេលនេះដេញពីក្រោយគូប្រជែង Celtic ដល់ទៅ ៧ នៅក្របខណ្ឌ Scottish Premiership។មុនជួប Aberdeen នេះដែរ Rangers ក៏បានរងបរាជ័យធ្ងន់កផងដែរក្រោមថ្វីជើង PSV នៅ UEFA Champions League។អតីតខ្សែបម្រើក្លិបលោក Steven Davis ឡើងមកកាន់តំណែង​បណ្តោះអា​សន្ន​សិន​ទំ​រាំ​ក្លិប​រក​បាន​អ្នក​ចាត់ការថ្មី។រំលឹកថាលោក Michael Beale បានចាកចេញពី QPR កាលពីខែវិច្ឆិកាឆ្នាំ​មុន​ជំនួស​តំណែង​អ្នក​ចាត់​ការ​សញ្ជាតិហូឡង់ Giovanni van Bronckhorst និងចាប់ផ្តើមអាជីព​រប​ស់​ខ្លួន​ដោយ​រក​​បាន​ជ័យ​ជំនះ​ ១៣ ក្នុងចំណោម ១៤ ប្រកួតដំបូងរដូវកាលមុន៕ អត្ថបទ៖នាង សុភាវុធ

ព្រះខ័នរាជ និងខ្សែប្រយុទ្ធ Marcus Haber រក្សាកំណត់ត្រារៀងខ្លួន មុនលីគសម្រាក

2023/10/02 10:07:06 pm        189
Facebook Telegram Linkin
ក្រុមកំពូលតារាងព្រះខ័នរាជស្វាយរៀង បានរក្សាកំណត់ត្រាឈ្នះ ៧ប្រកួតជាប់គ្នា គិត​ត្រឹម​សប្ដាហ៍​ទី៧ នៃលីគកំពូលកម្ពុជា មុនលីគសម្រាកការប្រកួត កំឡុង FIFA Day ប្រចាំខែតុលា ស្រប​ពេលខ្សែប្រយុទ្ធរបស់ខ្លួន Marcus Haber ក៏បាន​បន្ដ​កំណត់​ត្រារ​កបា​ន​គ្រាប់​បាល់​គ្រប់​ការ​ប្រកួត​ សម្រាប់រដូវកាលឆ្នាំ២០២៣/២០២៤ នេះផងដែរ ។ក្រុមមានមូលដ្ឋាននៅខេត្តស្វាយរៀង បានបន្ដយកឈ្នះក្រុមចំណូលថ្មីព្រៃវែងអេហ្វស៊ី ៥-៣ ក្នុង​ជំនួប​ជើងទី១ នៃលីគកំពូលកម្ពុជា សប្ដាហ៍ទី៧ កាលពីចុងសប្ដាហ៍កន្លងទៅ ។ ការ​ប្រកួត​នៅ​កីឡដ្ឋាន​ខេត្តព្រៃវែងនេះ ព្រះខ័នរាជស្វាយរៀង រកបាន ៥គ្រាប់មុន ក្នុងនោះធ្វើ​សម្រេច​ដោយ​ខ្សែ​ប្រយុទ្ធ​សញ្ជាតិ​កាណាដា ៣គ្រាប់ម្នាក់ឯង នៅនាទី២៤, ៤៣ និងនាទី៧៥ និង ២គ្រាប់រក​បាន​ដោយ​កីឡាករ​ឡាវ Bounkong Bounphachan នៅនាទី៥១ និង៦៣ មុនក្រុមម្ចាស់ផ្ទះព្រៃវែង វាយបកបាន ៣គ្រាប់វិញ នៅចុងម៉ោង។ជ័យជម្នះនេះ បានធ្វើឲ្យក្រុមព្រះខ័នរាជស្វាយរៀង រកបាន ២១ពិន្ទុពេញ អមជាមួយ​កំណត់​ត្រា​ឈ្នះ​ ៧ប្រកួតជាប់ៗគ្នាលើកដំបូងក្នុងលីគ ។ មិនតែប៉ុណ្ណោះ ខ្សែប្រយុទ្ធកម្ពស់បាន Marcus Haber ក៏បានបង្កើតកំណត់ត្រាថ្មី ដោយរកបានគ្រាប់បាល់ ៧ប្រកួតជាប់គ្នា ដើម្បីរួម​ចំណែក​ជួយ​ក្រុម​យ​កឈ្នះគូប្រជែងជាបន្ដបន្ទាប់ ក្នុងលីករដូវកាលថ្មីនេះផងដែរ ។ដោយឡែកលទ្ធផលការប្រកួតសប្ដាហ៍ទី៧ ចំនួន ៤គូផ្សេងទៀត រួមមាន​ក្រុម​ការពារ​ដំណែង​ជើង​ឯក​ភ្នំពេញ​ក្រោន យកឈ្នះក្រុមអង្គរថាយហ្គឺរ ៣-០, ក្រុមបឹងកេត យកឈ្នះក្រុមណាហ្គាវើលដ៏ ៣-១, វិសាខា យកឈ្នះក្រុមកងយោធពលខេមរភូមិន្ទ ២-០ និងក្រុម ISI ដង្កោសែនជ័យ យក​ឈ្នះ​ក្រុម​ម្ចាស់ផ្ទះគិរីវង់សុខសែនជ័យ ១-០ ។ជាមួយលទ្ធផលនេះ នាំឲ្យក្រុមភ្នំពេញក្រោន បន្ដចាញ់ប្រៀបក្រុមកំពូលតារាង ៣ពិន្ទុ ដោយ​ពួក​គេ​រកបាន ១៨ពិន្ទុ បន្ទាប់ពីឆ្លងកាត់ ៧ប្រកួតដូចគ្នាឈ្នះ ៦ និងចាញ់ ១ គឺចាញ់​ក្រុម​ព្រះខ័នរាជ​ស្វាយរៀង គ្រាដែលក្រុមបឹងកេត បន្ដឈរលេខ៣ មាន ១៣ពិន្ទុ នាំមុខក្រុមវិសាខា ១ពិន្ទុ ដែល​រំកិល​មក​ឈរលេខ៤ ។ ឯក្រុមកងយោធពលខេមរភូមិន្ទ និងព្រៃវែង ឈរលេខ៥ និងលេខ៦ រក្សា ១០​ពិន្ទុក្នុងដៃ ស្របពេលក្រុម ISI ឡើងមកឈរលេខ៧ មាន ៧ពិន្ទុ ។ ចំណែក​ក្រុម​ណាហ្គាវើល​ដ៍​បានធ្លាក់មកឈរលេខ៨ មាន ៥ពិន្ទុ នាំមុខក្រុមអង្គរថាយហ្គឺរ ឈរលេខ៩ មាន ៣ពិន្ទុ និង​គិរីវង់​សុខសែនជ័យ ឈរបាតតារាងមាន ២ពិន្ទុ ។គួរដឹងថា បន្ទាប់ពីដំណើរការប្រកួតបាន ៧សប្ដាហ៍ លីគកំពូលកម្ពុជា នឹងត្រូវសម្រាកការប្រកួត ២​សប្ដាហ៍ កំឡុងថ្ងៃសម្រាក FIFA Day មុនត្រឡប់មកវិញ នាថ្ងៃទី២១-២២ ខែតុលា ដែល​ត្រូវ​បន្ដ​ការ​ប្រកួតសន្សំពិន្ទុ សប្ដាហ៍ទី៨ និងបន្ដការប្រកួតសប្ដាហ៍ទី៩ ដែលជាសប្ដាហ៍ចុងក្រោយ សម្រាប់​ជើងទី១ នៃលីគកំពូលកម្ពុជា នាថ្ងៃទី២៨-២៩ ខែតុលា ឆ្នាំ២០២៣ ខាងមុខ៕ អត្ថបទ លី ឈុនឡា

Mark Williams ឈ្នះ Mark Selby លើកពានស្នូកឃ័រ British Open

2023/10/02 09:45:35 pm        229
Facebook Telegram Linkin
កីឡាករស្នូកឃ័រជើងចាស់ Mark Williams បានក្លាយជាជើងឯកនៃការប្រកួតពានរង្វាន់ British Open ក្រោយយកឈ្នះកីឡាករអង់គ្លេស Mark Selby នៅវគ្គផ្តាច់ព្រ័ត្រ ១០-៧ ហ្វ្រេម។កីឡាករវែលវ័យ ៤៨ ឆ្នាំ Mark Williams បាននាំមុខការប្រកួតដាច់នៅដំណាក់កាលដំបូង មុនពេលដែល Mark Selby វាយបកពីក្រោយកាត់បន្ថយការនាំមុខមកត្រឹម ៨-៧ ហ្វ្រេម។ តែ Mark Williams អាចរក្សាស្ថានការបានដោយយកឈ្នះ ២ ហ្វ្រេមបន្ទាប់ ដើម្បីគ្រងជើងឯក British Open លើកទី ៣ ក្នុងអាជីព និងជាពានលំដាប់ Ranking លើកទី ២៥ ផងដែរ។Mark Williams គ្រងជើងឯកនៅពេលនេះ ក៏បានក្លាយជាកីឡាករវ័យចំណាស់ទី ២ ដែលគ្រង​ជើងឯក​ពានស្នូកឃ័រលំដាប់ Ranking ក្នុងវ័យ ៤៨ ឆ្នាំ បន្ទាប់ពីអ្នកឈ្នះវ័យចំណាស់បំផុតគឺ Ray Reardon នៅពេលឈ្នះជើងឯកក្នុងវ័យ ៥០ ឆ្នាំកាលពីឆ្នាំ ១៩៨២៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

លោក Trump ប្រាប់​ពីកិច្ចចរចា «ល្អ» ជាមួយ​អ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា
07/28/2026 08:07 PM
Facebook Telegram Linkin
ក្រុម​គ្រួសារអ្នកដំណើរនៃ​ជើងហោះហើរ MH370 ចង់បានការពិត ខណៈតុលាការចិនបើក​សវនា​ការ​បណ្តឹងឧទ្ធរណ៍
07/28/2026 08:07 PM
Facebook Telegram Linkin
ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជា​អតិ​បរិមា​» ដើម្បី​បន្ថយភាពតានតឹងនៅមជ្ឈិមបូព៌ាឱ្យបានឆាប់
07/28/2026 08:07 PM
Facebook Telegram Linkin
រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅ​វាយប្រហារអ៊ីរ៉ង់
07/28/2026 08:07 PM
Facebook Telegram Linkin
អ៊ូហ្គង់ដាប្រកាសគ្មានជំងឺអេបូឡា បន្ទាប់ពី​អ្នក​ជំងឺ​ចុង​ក្រោយចេញពី​មន្ទីរពេទ្យ
07/28/2026 08:07 PM
Facebook Telegram Linkin
ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ ​«ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»
07/28/2026 08:07 PM
Facebook Telegram Linkin
កូរ៉េខាងត្បូងចេញការ​ជូនដំណឹងបន្ទាន់ អំពីការសង្ស័យ​លេចធ្លាយផូស្វ័រ នៅមូលដ្ឋានទ័ពអាកាសអាមេរិក
07/28/2026 07:07 PM
Facebook Telegram Linkin
វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់
07/28/2026 07:07 PM
Facebook Telegram Linkin
រញ្ជួយដីកម្រិត ៥,៧រ៉ិចទ័រ​ ធ្វើឱ្យញ័រ​​ខេត្ត​ Qinghai ​របស់​ប្រទេស​ចិន​
07/28/2026 07:07 PM
Facebook Telegram Linkin
របាយការណ៍៖ លោក Trump ហាក់​កាន់​តែ​ទោរទៅ​រក​លោក Zelenskyy ជាង​លោក Putin
07/28/2026 06:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.