BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

ក្រុមវាយកូនបាល់ពិភពលោកឈ្នះក្រុមអឺរ៉ុបលើកពាន Laver Cup ពីរឆ្នាំជាប់គ្នា

ក្រុមវាយកូនបាល់ពិភពលោក បានក្លាយជាជើងឯកការប្រកួតវាយកូនបាល់ពានរង្វាន់ Laver Cup ពីរឆ្នាំជាប់ៗគ្នា ក្រោយយកឈ្នះក្រុមអឺរ៉ុបនៅទីក្រុង Vancouver ប្រទេសកាណាដា។ កីឡាករអាមេរិក Ben Shelton និង Frances Tiafoe បានយកឈ្នះ ក្នុងវិញ្ញាសាវាយគូលើក្រុមអឺរ៉ុបដែលមានកីឡាករប៉ូឡូញ Hubert Hurkacz និងកីឡាកររុស្ស៊ី Ruben Rublev ៧-៦(៧-៤) និង ៧-៦(៧-៥) ប្រកួតចុងក្រោយព្រឹកមិញនេះ។ ក្រុមពិភពលោក គឺជាជើងឯកឆ្នាំទៅផងដែរក្នុងឱកាសបង្ហាញខ្លួនចុងក្រោយរបស់កីឡាករស្វ៊ីស Roger Federer មុនចូលនិវត្តន៍។ តាមពិតទៅក្រុមពិភពលោកបាននាំមុខ ១០-២ ដាច់ទៅហើយមុនឈានដល់ការប្រកួតថ្ងៃអាទិត្យម្សិលមិញ បន្ទាប់ពីជ័យជំនះរបស់ Taylor Fritz និង Frances Tiafoe និងវាយគូ Felix Auger-Aliassime ចាប់ដៃគូជាមួយ Ben Shelton ក៏ឈ្នះការប្រកួតដែរ។ ក្រុមអឺរ៉ុបឈ្នះតែមួយប្រកួតគត់គឺកីឡាករន័រវេស Casper Ruud យកឈ្នះ Tommy Paul តែមិនគ្រប់គ្រាន់សម្រាប់ក្រុមអឺរ៉ុបប្រជែងជើងឯកបានឡើយ។ អឺរ៉ុបគឺជាជើងឯក Laver Cup នេះ ៤ ឆ្នាំដំបូងជាប់គ្នាតាំងពីពាននេះបង្កើតឡើងនៅឆ្នាំ ២០១៧៕ អត្ថបទ៖នាង សុភាវុធ

អារ៉ាប៊ីសាអ៊ូឌីតទំលាក់វៀតណាមពី Asian Games ខណៈកូរ៉េខាងជើងបន្តឈ្នះតែថៃស្មើ

ក្រុមបាល់ទាត់ U23 ជម្រើសជាតិវៀតណាមបានធ្លាក់ចេញពីការប្រកួតវិញ្ញាសាបាល់ទាត់នៅព្រឹត្តិការណ៍កីឡាអាស៊ីលើទឹកដីចិនហើយក្រោយបរាជ័យក្រោមស្នាដៃអារ៉ាប៊ីសាអ៊ូឌីត ៣-១។ នេះជាជំនួបចុងក្រោយនៅក្នុងពូល B នេះខណៈក្រុមទាំងពីរត្រូវការជ័យជំនះដាច់ខាតរៀងខ្លួន ដើម្បីឡើងវគ្គបន្ត។ អារ៉ាប៊ីសាអ៊ូឌីតជាក្រុមមានប្រៀបដោយមាន ៤ ពិន្ទុមុនការប្រកួត ហើយបីគ្រាប់របស់អារ៉ាប៊ីសាអ៊ូឌីតរកបានដោយ Mohammed Eisa, Khalil Maran និង Zakaria Hawsawi ខណៈវៀតណាមរកបានមួយគ្រាប់នៅចុងម៉ោងដោយគ្រាប់បាល់ចូលទីខ្លួនឯង។ ចប់ការប្រកួតអារ៉ាប៊ីសាអ៊ូឌីតទទួលបាន ៣ ពិន្ទុបន្ថែមមាន ៧ ពិន្ទុឈរលេខ ២ ឡើងវគ្គ ៨ ក្រុមចុងក្រោយជាមួយក្រុមលេខ ១ អ៊ីរ៉ង់ដែលបានយកឈ្នះម៉ុងហ្គោលីប្រកួតចុងក្រោយ ៣-០។ ងាកមកក្រុមកូរ៉េខាងជើង នៅតែបន្តធ្វើឱ្យមានភាពភ្ញាក់ផ្អើលក្នុងការវិលត្រលប់មកវិញរបស់ក្រុមបាល់ទាត់ក្រោយអវត្តមានលើឆាកអន្តរជាតិ ៣ ឆ្នាំ ដោយបានយកឈ្នះទាំង ៣ ប្រកួតក្នុងពូល។ Kim Yu-song ជាអ្នករកបានគ្រាប់ជ័យជំនះតែមួយគ្រាប់គត់ឱ្យកូរ៉េខាងជើងយកឈ្នះឥណ្ឌូនេស៊ីគ្រប់គ្រាន់ល្មម ដើម្បីទទួលបាន ៣ ពិន្ទុបន្ថែមមាន ៩ ពិន្ទុពេញឡើងវគ្គបន្តជាមួយគីជីស្ថាន។ ចំណែកឯឥណ្ឌូនេស៊ីត្រូវរង់ចាំការប្រកួតវិលជុំក្នុងពូលផ្សេងទៀតបញ្ចប់ដើម្បីដឹងថា បានឡើងជុំបន្តរឺក៏អត់តាមរយៈការប្រៀបផ្ទឹមក្រុមលេខ ៣ ល្អបំផុត។ គូចុងក្រោយនេះ ថៃរកបានត្រឹម ១ ពិន្ទុប៉ុណ្ណោះក្រោយស្មើគុយវ៉ែត ១-១ មានន័យថាពូលនេះ កូរ៉េដែលឈ្នះបារ៉ែនប្រកួតចុងក្រោយជាក្រុមលេខ ១ ក្នុងពូលមាន ៩ ពិន្ទុពេញឡើងវគ្គបន្តជាមួយបារ៉ែន ខណៈថៃឈរលេខ ៣ ចាំអ៊ុតជាមួយក្រុមលេខ ៣ ក្នុងពូលផ្សេងទៀត៕ អត្ថបទ៖នាង សុភាវុធ

ជំនួប Ajax និង Feyenoord ត្រូវផ្អាកត្រឹមនាទី ៥៦ ក្រោយអ្នកគាំទ្រគប់កាំជ្រួចផ្សែងចូលទីលាន

ការប្រកួតបាល់ទាត់ក្របខណ្ឌលីគកំពូលហូឡង់ ជំនួបធំរបស់ក្លិបយក្សទាំងពីរ Ajax Amsterdam ទទួលស្វាគមន៍ក្រុមភ្ញៀវ Feyenoord ត្រូវបានផ្អាកត្រឹមនាទីទី ៥៦ ក្រោយអ្នកគាំទ្រក្រុមម្ចាស់ផ្ទះចោលកាំជ្រួចផ្សែងមកលើទីលាន។ ក្រុមភ្ញៀវ Feyenoord បាននាំមុខដល់ទៅ ៣-០ ទៅហើយនៅកីឡដ្ឋាន Johan Cruyff Arena មុនពេលការប្រកួតត្រូវបានផ្អាកមិនអាចបន្តបាន ពោលគឺមុននេះក៏មានការផ្អាកពីរលើកដែរ។ការផ្អាកដំបូងបន្ទាប់ពីមានអ្នកគាំទ្រចោលដបទឹកចូលទីលាននៅពេល Feyenoord នាំមុខ ២-០ និងផ្អាកលើកទីពីរក៏ជាការចោលកាំជ្រួចផ្សែងផងដែរ។ក្លិបបាល់ទាត់ Ajax បានចេញសេចក្តីថ្លែងការថ្កោលទោចំពោះទង្វើអ្នកគាំទ្ររបស់ខ្លួន។ ក្រោយការប្រកួតត្រូវបានផ្អាក ក៏មិនស្ងប់ស្ងាត់ដែរ អ្នកគាំទ្របានព្យាយាមរត់ចូលទីលាន មុនពេលអាជ្ញាធរមានសមត្ថកិច្ចប្រើឧស្ម័នបង្ហូរទឹកភ្នែក ដើម្បីបំបែកក្រុមអ្នកគាំទ្របង្កភាពចលាចលនៅខាងក្រៅកីឡដ្ឋាន។ សូមបញ្ជាក់ថា ការមិនពេញចិត្តរបស់អ្នកគាំទ្រ Ajax គឺបន្ទាប់ពីក្រមជើងឯកលីគកំពូលហូឡង់ ៣៦ សម័យមួយនេះ ឈ្នះតែ ១ ប្រកួតគត់ក្រោយលេងបាន ៤ ប្រកួតរដូវកាលថ្មីនេះខណៈកំពុងឈរលេខ ១៣ ពីលើតំបន់គ្រោះថ្នាក់តែ ២ ពិន្ទុប៉ុណ្ណោះ។ Ajax បញ្ចប់រដូវកាលមុននៅចំណាត់ថ្នាក់លេខ ៣ ខកខានមិនបានលេងនៅក្របខណ្ឌអឺរ៉ុប UEFA Champions League លើកដំបូងក្នុងរយៈពេល ១៣ រដូវកាលចុងក្រោយស្របពេល Feyenoord គឺជាជើងឯក៕ អត្ថបទ៖នាង សុភាវុធ

វែលឡើងវគ្គ ៨ ក្រុមបាល់ឱបពិភពលោកមុនគេ ខណៈស្កុតឡេននៅសល់ក្តីសង្ឃឹមតិចតួច

ក្រុមបាល់ឱបវែលបានក្លាយជាក្រុមមុនគេ កក់កៅអីនៅវគ្គ ៨ ក្រុមចុងក្រោយបាល់ឱបជើងឯកពិភពលោកនៅទឹកដីបារាំងក្រោយយកឈ្នះអូស្រ្តាលីនៅទីក្រុង Lyon យប់មិញ។Gareth Anscombe ទាត់បញ្ចូលទី ២៣ ពិន្ទុម្នាក់ឯង បួករួមទាំងការរកបាន Try ពីកីឡាករ Gareth Davies, Nick Tompkins និង Jac Morgan គ្រប់គ្រាន់សម្រាប់ជ័យជំនះរបស់វែលលើក្រុមជើងឯកពិភពលោក ២ សម័យអូស្រ្តាលីដាច់ ៤០-៦។ ៦ ពិន្ទុរបស់អូស្រ្តាលីរកបានដោយបាល់ពិន័យ ២ លើករបស់ Ben Donaldson។ ក្រុមរបស់លោក Eddie Jones នៅពេលនេះជាក្រុមអូស្រ្តាលីដំបូងដែលប្រឈមធ្លាក់ត្រឹមវគ្គចែកពូល បន្ទាប់ពីបទពិសោធរបស់អូស្រ្តាលីកន្លងមកតែងតែឆ្លងផុតវគ្គចែកពូល ពោលគឺធ្លាក់ត្រឹមវគ្គ ៨ ក្រុម ៣ ដង បានលេខ ៤ ម្តង លេខ ៣ ម្តង ជើងឯករង ២ ដង និងជើងឯក ២ ដង។ ដោយឡែកសម្រាប់ក្រុមវែលនៅពេលនេះធានាបានកៅអីនៅវគ្គបន្តហើយ តែត្រូវប្រកួតទល់នឹងហ្សកហ្ស៊ីចុងក្រោយដើម្បីសម្រេចថាជាក្រុមលេខ ១ ក្នុងពូលរឺអត់។ ងាកទៅការប្រកួតមួយទៀតក្រុមដែលមកពីចក្រភពអង់គ្លេសផងដែរ គឺស្កុតឡេនបានយកឈ្នះតុងហ្កា ៤៥-១៧ នៅសល់ក្តីសង្ឃឹមតិចតួចឡើងវគ្គ ៨ ក្រុមចុងក្រោយ។George Turner, Duhan van der Merwe, Kyle steyn និង Rory Darge រកបានម្នាក់ ១ Try ក្នុងចំណោមពិន្ទុរបស់ស្កុតឡេន ៤៥ នេះ។ ស្កុតឡេនទើបលេងបាន ២ ប្រកួតប៉ុណ្ណោះនៅក្នុងពូល B មានត្រឹម ៥ ពិន្ទុខណៈតុងហ្កា និងរ៉ូម៉ានីនៅក្រោយមិនមានពិន្ទុរាប់ តែពីក្រុមខាងលើលេងបាន ៣ ប្រកួតដូចគ្នារួមមានអៀកឡង់លើគេមាន ១៤ ពិន្ទុ និងលេខ ២ អាហ្វ្រិកខាងត្បូងមាន ១០ ពិន្ទុ៕ អត្ថបទ៖នាង សុភាវុធ

កម្មវិធីពួកម៉ាក់ល្អ អូសឡាន ឈ្នះឡាន របស់ Ganzberg រកឃើញក្រុមឈ្នះរថយន្ដ Pick Up 2023

ព្រឹត្តិការណ៍ «GANZBERG ពួកម៉ាល្អ អូសឡាន ឈ្នះឡាន» បានប្រព្រឹត្តទៅយ៉ាងរលូន និងបញ្ចប់ជោគជ័យ ក្រោយដំណើរការប្រកួតដ៏ស្វិតស្វាញ ១ថ្ងៃពេញ នៅទីលានមុខសាលមហោស្រពកោះពេជ្រ កាលពីថ្ងៃទី២៣ ខែកញ្ញា ឆ្នាំ២០២៣ ដោយជយលាភី បានទៅក្រុមដឹកនាំដោយប្រធានក្រុមកីឡាករ ថូ ខេមរា មកពីខេត្តកំពង់ធំ ដែលឈ្នះពានរង្វាន់រថយន្ដ Pick Up ស៊េរីឆ្នាំ២០២៣ ១គ្រឿង ។យោងតាមគណៈកម្មការរៀបចំការប្រកួតនេះ បានឲ្យដឹងថា កម្មវិធី ពួកម៉ាក់ល្អ អូសឡាន ឈ្នះឡាន លើកដំបូង ដែលរៀបចំដោយក្រុមហ៊ុន Ganzberg នេះ មានបេក្ខភាពចុះឈ្មោះចូលរួមចំនួន ៥៥៥ក្រុម ប៉ុន្ដែក្រុមចូលរួមប្រកួតជាងស្ដែង គឺមានចំនួនជិត ៤០០ក្រុម ដែលបានធ្វើការប្រកួតជម្រុះជាច្រើនដំណាក់កាល ទើបរកឃើញក្រុមជយលាភី ពិសេសក្រុមវគ្គសំខាន់ៗ និងវគ្គផ្ដាច់ព្រ័ត្រ ដែលបានដំណើរការប្រកួតក្រោមដំណក់ភ្លៀងដ៏រីករាយ ។បន្ទាប់ពីឆ្លងកាត់ការប្រកួត ១ថ្ងៃពេញ ដែលទទួលបានការសាទរយ៉ាងច្រើនកុះករពីមហាជន និងអ្នកទស្សនាទូទាំងប្រទេស ព្រឹត្តិការណ៍ «GANZBERG ពួកម៉ាល្អ អូសឡាន ឈ្នះឡាន» ក៏បានរកឃើញក្រុមជយលាភី ដែលចំណាត់ថ្នាក់លេខ១ បានទៅក្រុម១៤២ ដែលដឹកនាំដោយធានក្រុម ថូ ខេមរា និងដៃគូ ២នាក់ទៀត ទទួលបានរង្វាន់រថយន្ត Pick Up ស៊េរីថ្មី ឆ្នាំ ២០២៣ ១គ្រឿង។ ចំណាត់ថ្នាក់លេខ២ បានទៅក្រុម២៥១ ដឹកនាំដោយប្រកួតក្រុម ឌុន សៅ និងដៃគូ ២នាក់ទៀត មកពីខេត្តកណ្ដាល ទទួលបានរង្វាន់ម៉ូតូធំចំនួន ៣គ្រឿង និងចំណាត់ថ្នាក់លេខ៣ បានទៅក្រុម ៤៨៥ ដឹកនាំដោយប្រធានក្រុម ហេង វុទ្ធី និងដៃគូ ២នាក់ទៀត ទទួលបានប្រាក់រង្វាន់ ៣ពាន់ដុល្លារផងដែរ៕ អត្ថបទ លី ឈុនឡា

Marco Bezzecchi ឈ្នះការប្រណាំងម៉ូតូ GP រៀបចំលើទឹកដីឥណ្ឌាលើកដំបូង

កីឡាករប្រណាំងម៉ូតូអ៊ីតាលី Marco Bezzecchi បានប្រជែងឈ្នះនៅក្នុងព្រឹត្តិការណ៍ប្រណាំងម៉ូតូ GP ដែលរៀបចំឡើងនៅលើទឹកដីឥណ្ឌាលើកដំបូងថ្ងៃអាទិត្យម្សិលមិញ។ អ្នកនាំមុខគេក្នុងតារាងជើងឯកពិភពលោក Francesco Bagnaia ដែលកំពុងឈរជើងនៅលេខ ២ នោះ បានដួល មិនអាចបន្តការប្រកួតបានត្រឹមជុំទី ៨។Marco Bezzecchi ដែលចេញដំណើរមុខគេ បានរក្សាការនាំមុខរបស់ខ្លួនរហូតដល់ទីព្រ័ត្រ។ចំណែកឯកីឡាកររបស់ក្រុម Pramac Racing, Jorge Martin ដែលឈ្នះការប្រណាំង Sprint កាលពីថ្ងៃសៅរ៍នោះ ទទួលបានចំណាត់ថ្នាក់លេខ ២ ក្នុងការប្រណាំង Grand Prix នេះ ដើម្បីរំកិលឡើងមកឈរលេខ ២ ក្នុងតារាងជើងឯកពិភពលោក តាមពីក្រោយអ្នកនាំមុខ Francesco Bagnaia ១៣ ពិន្ទុ ខណៈដែលអ្នកឈ្នះ Marco Bezzecchi ដេញពីក្រោយ ៤៤ ពិន្ទុ។ចំណែកលេខ ៣ ក្នុងការប្រកួតបានទៅកីឡាករបារាំងរបស់ក្រុម Yamaha, Fabio Quartararo។ ព្រឹត្តិការណ៍ម៉ូតូ GP នឹងបន្តដំណើរមកទឹកដីជប៉ុនចុងសប្តាហ៍នេះ៕ អត្ថបទ៖នាង សុភាវុធ

ព្រះខ័នរាជ រក្សាកំណត់ត្រាឈ្នះ ខណៈគិរីវង់ បង្អាក់ដំណើរស្វែងរកជ័យជម្នះក្នុងដីរបស់ណាហ្គា

ក្រុមព្រះខ័នរាជស្វាយរៀង បានយកឈ្នះក្រុមម្ចាស់ផ្ទះវិសាខា ១-០ ក្នុងជំនួបសប្ដាហ៍ទី៦ នៃលីគកំពូលកម្ពុជា Cambodian Premier League 2023/24 ស្របពេលក្រុមភ្ញៀវគិរីវង់សុខសែនជ័យ បានបង្អាក់ដំណើរស្វែងរកជ័យជម្នះក្នុងដីរបស់ក្រុមណាហ្គាវើលដ៏ បន្ទាប់ពីវាយបកតាមស្មើ ១-១ នៅចុងម៉ោង ។សម្រាប់ជំនួបធំប្រចាំសប្ដាហ៍ រវាងព្រះខ័នរាជស្វាយរៀង និងវិសាខា បានអូសបន្លាយការប្រកួតស្ទើរពេញម៉ោង ទើបមានគ្រាប់បាល់កើតឡើង ដែលធ្វើសម្រេចដោយកីឡាករ Macus Haber នៅនាទី៨២ ដែលជាគ្រាប់បាល់ជ័យជម្នះ ជួយឲ្យព្រះខ័នរាជស្វាយរៀង រក្សាកំណត់ត្រាឈ្នះ ៦ប្រកួតជាប់គ្នា ហើយក៏ជាកំណត់ត្រាផ្ទាល់ខ្លួនរបស់ Haber ដែលរកបានគ្រាប់បាល់ចំនួន ៦ប្រកួតជាប់គ្នាផងដែរ ។ជាមួយជ័យជម្នះនេះ បានជួយឲ្យក្រុមព្រះខ័នរាជស្វាយរៀង បន្ដឈរកំពូលតារាង ដោយរកបាន ១៨ពិន្ទុ បន្ទាប់ពីទទួលបានជ័យជម្នះ ៦ប្រកួតផ្ទួនៗ ហើយជាលើកដំបូង ដែលក្រុមមានមូលដ្ឋាននៅខេត្តស្វាយរៀង បានយកឈ្នះ ៦ប្រកួតជាប់គ្នាផងដែរ ។ចំណែកក្រុមណាហ្គាវើលដ៏វិញ បន្ទាប់ពីនាំមុខក្រុមភ្ញៀវគិរីវង់ ១គ្រាប់មុន ដោយបាល់ភ្លាត់ចូលទីខ្លួនឯង(Own Goal) របស់កីឡាករ Nobiraki Deiransupernsa នៅនាទី២៣ ក្រុមទាំងពីរ បានបន្ដវាយសម្រុកគ្នា ហើយបានអូសបន្លាយដល់ចុងម៉ោង ទើបកីឡាករ ស៊ុំ សាន់ រកបានគ្រាប់តាមស្មើឲ្យក្រុមគិរីវង់សុខសែនជ័យវិញ នៅនាទី៩០ ហើយលទ្ធផលនេះ ក៏បានរក្សាដល់ចប់ការប្រកួតតែម្ដង។លទ្ធផលនេះ បានធ្វើឲ្យក្រុមណាហ្គាវើលដ៏ នៅតែមិនទាន់ស្គាល់ជ័យជម្នះលើទឹកដីរបស់ខ្លួន នៅកីឡដ្ឋានខេត្តកំពង់ស្ពឺ ហើយក៏មិនទាន់ស្គាល់ជ័យជម្នះ សម្រាប់ ៥ប្រកួតចុងក្រោយផងដែរ បន្ទាប់ពីពួកគេរកបានជ័យជម្នះលើកដំបូង កាលពីជំនួបបើករដូវកាលជាមួយក្រុមម្ចាស់ផ្ទះព្រៃវែងអេហ្វស៊ី។សម្រាប់លទ្ធផលសប្ដាហ៍ទី៦ នៃលីគកំពូលកម្ពុជា ចំនួន ២គូទៀត គឺក្រុមកងយោធពលខេមរភូមិន្ទ បានវាយបកយកឈ្នះក្រុមម្ចាស់ផ្ទះបឹងកេត ដោយលទ្ធផល ៤-៣ គួរភ្ញាក់ផ្អើល នៅពហុកីឡដ្ឋានជាតិ ។ ជំនួបជើងទី១ នេះ បឹងកេត បាននាំមុខក្រុមភ្ញៀវម្ដងហើយម្ដងទៀត តែត្រូវបានកងយោធពលខេមរភូមិន្ទ វាយបកតាមស្មើជាបន្ដបន្ទាប់ មុនពួកគេរកបានគ្រាប់បាល់ទី៤ នៅនាទី៨៥ ដោយកីឡាករ ណាត សង្ហា ដែលជួយឲ្យក្រុមកងយោធពលខេមរភូមិន្ទ តាមស្មើក្រុមបឹងកេត ដោយមាន ១០ពិន្ទុស្មើគ្នា ។រីឯក្រុមព្រៃវែងអេហ្វស៊ីវិញ គឺបានយកឈ្នះក្រុមម្ចាស់ផ្ទះអង្គរថាយហ្គឺរ ដោយលទ្ធផល ២-១ ។ ជំនួបនៅទឹកដីខេត្តសៀមរាបនេះ ផាន សុផេន រកបាន ៦គ្រាប់មុនឲ្យក្រុមភ្ញៀវ មុនកីឡាករ Bugas Pocholo Aprllano រកបាន ១គ្រាប់ឲ្យម្ចាស់ផ្ទះអង្គរថាយហ្គឺរ នៅនាទី៥៩ ហើយលទ្ធផលនេះ ក៏បានរក្សាដល់ចប់ការប្រកួតតែម្ដង ។ដោយឡែកក្រុមភ្នំពេញក្រោន នឹងត្រូវបើកទ្វារផ្ទះទទួលក្រុមភ្ញៀវ ISI ដង្កោសែនជ័យ បង្គ្រប់សប្ដាហ៍ទី៦ នៅល្ងាចថ្ងៃទី២៥ ខែកញ្ញានេះ បន្ទាប់ពីភ្នំពេញក្រោន បានត្រឡប់មកពីប្រកួតជម្រុះពានរង្វាន់ AFC Cup 2023/24 ពូលF ដោយបានយកឈ្នះក្រុម Cebu FC របស់ហ្វីលីពីន កាលពីថ្មីៗ៕ អត្ថបទ លី ឈុនឡា

ក្រុមវាយកូនគោលនារីអឺរ៉ុបគ្រងជើងឯកពានរង្វាន់ Solheim Cup

ព្រឹត្តិការណ៍វាយកូនបាល់ពានរង្វាន់ Solheim Cup ដែលជាការប្រកួតតំណាងក្រុមពីររវាងក្រុមអាមេរិក និងអឺរ៉ុប បានបញ្ចប់ទៅដោយអឺរ៉ុបយកឈ្នះការប្រកួតនៅវគ្គបន្ថែមឡូកាត់សេចក្តី។ ស្រដៀងគ្នានឹងការប្រកួតពានរង្វាន់ Ryder Cup ផងដែរ តែនេះជាការប្រកួតផ្នែកនារីដោយឆ្នាំនេះ Solheim Cup រៀបចំនៅទឹកដីអឺរ៉ុបក្នុងប្រទេសអេស្ប៉ាញ បន្ទាប់ពី ២ ឆ្នាំមុនរៀបចំនៅសហរដ្ឋអាមេរិក ជើងឯកបានទៅក្រុមអឺរ៉ុប។ កីឡាការិនីម្ចាស់ទឹកដីអេស្ប៉ាញ Carlota Ciganda បានក្លាយជាតួឯកក្នុងជ័យជំនះរបស់ក្រុមអឺរ៉ុបនេះ បន្ទាប់ពីក្រុមទាំងពីរស្មើគ្នានៅទីបញ្ចប់ ១៤-១៤ មុនពេល Ciganda ជាអ្នកសម្រេចជ័យជំនះនៅវគ្គបន្ថែមឡូកាត់សេចក្តីលើកីឡាការិនីអាមេរិក Nelly Korda ២-១។ មិនត្រឹមតែវគ្គកាត់សេចក្តីនេះទេ Carlota Ciganda បានយកឈ្នះរាល់ការប្រកួតរបស់ខ្លួន ៤ ប្រកួតផងដែរ ដែលធ្វើឱ្យក្រុមអឺរ៉ុបអាចមានពិន្ទុស្មើនឹងអាមេរិកនៅទីបញ្ចប់បាន។រៀបចំឡើងរៀងរាល់ពីរឆ្នាំម្តង Solheim Cup ត្រូវបានរៀបចំឡើងដំបូងនៅឆ្នាំ ១៩៩០ និងមកដល់ពេលនេះមានសរុប ១៨ លើកខណៈអាមេរិកឈ្នះ ១០ លើកអឺរ៉ុបឈ្នះ ៨ លើក៕ អត្ថបទ៖នាង សុភាវុធ

Max Verstappen ឈ្នះការប្រណាំង F1 នៅជប៉ុនខណៈ Red Bull គ្រងជើងឯកពិភពលោកក្រុមស្ថាបនិក

ជើងឯកពិភពលោក ២ សម័យ Max Verstappen បានប្រជែងឈ្នះការប្រណាំង F1 នៅទឹកដីជប៉ុន ដែលជាជ័យជំនះទី ១៣ រដូវកាលនេះ ស្របពេលដែលក្រុមប្រណាំង Red Bull គ្រប់ពិន្ទុគ្រងជើងឯកពិភពលោកក្រុមស្ថាបនិកទៅហើយ។ កីឡាករហូឡង់រូបនេះចាប់ផ្តើមដោយមានការប្រជែងខ្លាំងពីកីឡាកររបស់ McLaren ទាំងពីរ Oscar Piastri និង Lando Norris តែក៏អាចរក្សាស្ថានការបានក្រោយផ្លូវបត់ទី ១ និងរក្សាការនាំមុខរបស់ខ្លួនរហូតដល់ទីព្រ័ត្រ។ Lando Norris ក្រោយមកក៏វ៉ាជែងមិត្តរួមក្រុម Oscar Piastri ដើម្បីទទួលបានចំណាត់ថ្នាក់លេខ ២ ខណៈកីឡាករអូស្រ្តាលី Piastri ដែលទើបបន្តកិច្ចសន្យាជាមួយ McLaren នោះបានត្រឹមលេខ ៣។កីឡាករម៉ូណាកូរបស់ Ferrari, Charles Leclerc ទទួលបានចំណាត់ថ្នាក់លេខ ៤ ខណៈជើងឯក ៧ សម័យ Lewis Hamilton បានត្រឹមលេខ ៥ តាមពីក្រោយដោយកីឡាករអេស្ប៉ាញ Carlos Sainz។Max Verstappen នៅពេលនេះកាន់តែកៀកក្នុងការគ្រងជើងឯកពិភពលោក ៣ សម័យជាប់គ្នាផងដែរ ដែលអាចលទ្ធភាពអាចនឹងកើតមាននៅប្រកួតបន្ទាប់លើទឹកដីកាតាសប្តាហ៍នេះ។ចំណែកឯក្រុមប្រណាំង Red Bull គ្រប់ពិន្ទុហើយក្នុងការគ្រងជើងឯកក្រុមស្ថាបនិកក្រោយជ័យជំនះនៅជប៉ុននេះ ដោយដាច់ពិន្ទុក្រុមលេខ ២ Mercedes ដល់ទៅ ៣១៨ ពិន្ទុ៕ អត្ថបទ៖នាង សុភាវុធ

អត្តពលិកកម្ពុជា ៦ប្រភេទកីឡា នឹងត្រូវធ្វើការប្រកួតកីឡាអាស៊ី នៅចិន ថ្ងៃនេះ

អត្តពលិកកម្ពុជា ៦ប្រភេទកីឡា រួមមានកីឡាបាល់បោះ ៣នាក់ ទល់ ៣នាក់, ហែលទឹក, យូដូ, តេក្វាន់ដូ WT, ទូកក្ដោង និងកីឡាគុនដាវ នឹងត្រូវធ្វើការប្រកួតក្នុងព្រឹត្តិការណ៍កីឡាអាស៊ី(Asian Games) លើកទី១៩ នៅទីក្រុង Hangzhou ប្រទេសចិន នៅថ្ងៃទី២៥ ខែកញ្ញា ឆ្នាំ២០២៣ ។ក្នុងចំណោមអត្តពលិកទាំង ៦ប្រភេទកីឡានេះដែរ មាន ៣ប្រភេទកីឡា ដែលបានធ្វើការប្រកួតដំបូងរបស់ខ្លួន កាលពីថ្ងៃអាទិត្យម្សិលមិញ ក្រោយពិធីបើកការប្រកួតកីឡាអាស៊ីជាផ្លូវការ កាលពីរាត្រីថ្ងៃទី២៣ ខែកញ្ញាកន្លងទៅ គឺមានកីឡាករ-កីឡាការិនីហែលទឹក គុនដាវ និងយូដូ ប៉ុន្ដែពុំមានអ្នកផុតវគ្គជម្រុះនោះទេ ។សម្រាប់អត្តពលិកកីឡាហែលទឹក ដែលឆ្លងកាត់ការប្រកួតពីម្សិលមិញ គឺមានកីឡាករ ដឺ ឡាប៉ារ៉ង់ អង់ត្វ័ន វិញ្ញាសាហែលរបៀបសេរី និងផ្ងារ ១០០ម៉ែត្រ ។ កីឡាករ មនត្រស ផានសុវណ្ណអារុន វិញ្ញាសាហែលរបៀបសេរី ១០០ម៉ែត្រ និងកីឡាការិនី សុខ វរល័ក្ខណ៍ វិញហែលរបៀបកង្កែប ៥០ម៉ែត្រ ។ចំណែកកីឡាគុនដាវិញ គឺកីឡាការិនី ម៉ែន ម៉ូនីកា ប្រកួតលើវិញ្ញាសាឯកត្តជននារី Women’s Epee Individual និងយូដូ គឺកីឡាករកូនកាត់ ហ្គូឆ្កូវ វូឡូឌីមៀរ ប្រកួតវិញ្ញាសាទម្រង់ក្រោម ៦០គីឡូក្រាម ដែលសុទ្ធតែធ្លាក់ត្រឹមវគ្គជម្រុះ ។ដោយឡែកកម្មវិធីប្រកួត នៃប្រភេទកីឡានីមួយៗថ្ងៃនេះ សម្រាប់ក្រុមបាល់បោះ ៣នាក់ ទល់ ៣នាក់ ក្រុមកម្ពុជា នឹងត្រូវជួបក្រុមជម្រើសជាតិថៃ ក្នុងវគ្គជម្រុះពូលD ។កីឡាហែលទឹក មានកីឡាករ កូសុងដឹ ឡាប៉ារង់អង់ត្វ័នម៉ាកាំងក្ដូដ និងកីឡាការិនី ឃឺន ច័ន្ទចរិយា ប្រកួតវិញ្ញាសាហែលផ្ងា ៥០ម៉ែត្របុរស-នារី ។ លើសពីនេះ កីឡាករកូនកាត់ កូសុងដឹ ឡាប៉ារង់អង់ត្វ័នម៉ាកាំងក្ដូឌ ដដែល រួមជាមួយកីឡាករ មនត្រស ផានសុវណ្ណអារុន ក៏ត្រូវប្រកួតវិញ្ញាសាហែលសេរី ៥០ម៉ែត្របុរសផងដែរ ។កីឡាតេក្វាន់ដូ WT មានកីឡាករ ២រូប ត្រូវធ្វើការប្រកួត រួមមានកីឡាករ សំ យូដេត ជួបកីឡាករស្រីលង្ការ Liyanager Chalinda ក្នុងទម្ងន់ក្រោម ៥៨គីឡូក្រាម និងកីឡាករ គ្រី លីដែន ជួបកីឡាករនេប៉ាល់ Tamang Aniali ក្នុងទម្ងន់ក្រោម ៤៩គីឡូក្រាម ។កីឡាយូដូ កីឡាករកូនកាត់ អាណូ ស៊ីនតារ៉ូ ត្រូវប្រកួតជម្រុះលើវិញ្ញាសាទម្ងន់ក្រោម ៧៣គីឡូក្រាម និងកីឡាការិនីគុនដាវ ហៃ ស្រីស្រស់ ត្រូវប្រកួតវិញ្ញាសា Women’s Foil Individual ។រីឯកីឡាទូកក្ដោង មានកីឡាករ ៣រូប ត្រូវចាប់ផ្ដើមការប្រកួតថ្ងៃដំបូងរបស់ខ្លួន រួមមានកីឡាករ កែវ ភានុន ប្រកួតវិញ្ញាសា Windsurfing IQFoil, កីឡាករ កែវ ភារុណ ត្រូវប្រកួតវិញ្ញាសា Men Windsurfer RS និងកីឡាករ ញ៉ូវ ចាន់ ត្រូវប្រកួតវិញ្ញាសា Men Dingy ILCA7 ។គួរដឹងថា ការប្រកួតកីឡាអាស៊ី លើកទី១៩ នៅទីក្រុង Hangzhou ចាប់ផ្ដើមការប្រកួតផ្លូវការពីថ្ងៃទី២៣ ខែកញ្ញា ដល់ថ្ងៃទី០៨ ខែតុលាខាងមុខ ហើយកម្ពុជា បានបញ្ជូនអត្តពលិក ១៧ប្រភេទកីឡាទៅចូលរួម គឺមានកីឡាអត្តពលកម្ម, ហែលទឹក, បាល់ទះ, បាល់បោះ, ជឺជីតស៊ូ, តេក្វាន់ដូ WT, គ្រិកឃីត, យូដូ, ចំបាប់, វាយសី, ការ៉ាតេ, ទូកក្ដោង, ទ្រីយ៉ាត្លុង, ទូកប្រពៃណី, សូហ្វតិន្នីស, អុកចិន និងកីឡាគុនដាវ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

លោក Zelenskyyមានកិច្ចប្រជុំដ៏ល្អជាមួយលោកTrump នៅឯសេតវិមានខណៈស្វែងរកកិច្ចសហប្រតិបត្តិការបន្ថែមជាមួយអាមេរិក

យោធាអាមេរិកនិយាយថា មីស៊ីលច្រើនគ្រាប់ដែលបាញ់ដោយអ៊ីរ៉ង់ត្រូវបានស្ទាក់ចាប់

លោក Netanyahu និងលោក Trump កោតសរសើរជំនួបទល់មុខគ្នាលើកដំបូងនៅអាមេរិកចាប់តាំងពីការចាប់ផ្តើមសង្គ្រាមអ៊ីរ៉ង់

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រុមវាយកូនបាល់ពិភពលោកឈ្នះក្រុមអឺរ៉ុបលើកពាន Laver Cup ពីរឆ្នាំជាប់គ្នា

អារ៉ាប៊ីសាអ៊ូឌីតទំលាក់វៀតណាមពី Asian Games ខណៈកូរ៉េខាងជើងបន្តឈ្នះតែថៃស្មើ

ជំនួប Ajax និង Feyenoord ត្រូវផ្អាកត្រឹមនាទី ៥៦ ក្រោយអ្នកគាំទ្រគប់កាំជ្រួចផ្សែងចូលទីលាន

វែលឡើងវគ្គ ៨ ក្រុមបាល់ឱបពិភពលោកមុនគេ ខណៈស្កុតឡេននៅសល់ក្តីសង្ឃឹមតិចតួច

កម្មវិធីពួកម៉ាក់ល្អ អូសឡាន ឈ្នះឡាន របស់ Ganzberg រកឃើញក្រុមឈ្នះរថយន្ដ Pick Up 2023

Marco Bezzecchi ឈ្នះការប្រណាំងម៉ូតូ GP រៀបចំលើទឹកដីឥណ្ឌាលើកដំបូង

ព្រះខ័នរាជ រក្សាកំណត់ត្រាឈ្នះ ខណៈគិរីវង់ បង្អាក់ដំណើរស្វែងរកជ័យជម្នះក្នុងដីរបស់ណាហ្គា

ក្រុមវាយកូនគោលនារីអឺរ៉ុបគ្រងជើងឯកពានរង្វាន់ Solheim Cup

Max Verstappen ឈ្នះការប្រណាំង F1 នៅជប៉ុនខណៈ Red Bull គ្រងជើងឯកពិភពលោកក្រុមស្ថាបនិក

អត្តពលិកកម្ពុជា ៦ប្រភេទកីឡា នឹងត្រូវធ្វើការប្រកួតកីឡាអាស៊ី នៅចិន ថ្ងៃនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្រុមវាយកូនបាល់ពិភពលោកឈ្នះក្រុមអឺរ៉ុបលើកពាន Laver Cup ពីរឆ្នាំជាប់គ្នា

អារ៉ាប៊ីសាអ៊ូឌីតទំលាក់វៀតណាមពី Asian Games ខណៈកូរ៉េខាងជើងបន្តឈ្នះ​តែថៃស្មើ

ជំនួប Ajax និង Feyenoord ត្រូវផ្អាកត្រឹមនាទី ៥៦ ក្រោយអ្នកគាំទ្រ​គប់កាំជ្រួចផ្សែង​ចូលទីលាន

វែលឡើងវគ្គ ៨ ក្រុមបាល់ឱបពិភពលោកមុនគេ ខណៈស្កុតឡេននៅសល់ក្តីសង្ឃឹមតិចតួច

កម្មវិធីពួកម៉ាក់ល្អ អូសឡាន ឈ្នះឡាន របស់ Ganzberg រកឃើញក្រុមឈ្នះ​រថយន្ដ Pick Up 2023

Marco Bezzecchi ឈ្នះការប្រណាំងម៉ូតូ GP រៀបចំលើទឹកដីឥណ្ឌាលើកដំបូង

ព្រះខ័នរាជ រក្សាកំណត់ត្រាឈ្នះ ខណៈគិរីវង់ បង្អាក់ដំណើរស្វែងរកជ័យជម្នះក្នុងដីរបស់ណាហ្គា

ក្រុមវាយកូនគោលនារីអឺរ៉ុបគ្រងជើងឯកពានរង្វាន់ Solheim Cup

Max Verstappen ឈ្នះការប្រណាំង F1 នៅជប៉ុនខណៈ Red Bull គ្រងជើងឯកពិភពលោក​ក្រុមស្ថាបនិក

អត្តពលិកកម្ពុជា ៦ប្រភេទកីឡា នឹងត្រូវធ្វើការប្រកួតកីឡាអាស៊ី នៅចិន ថ្ងៃនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អារ៉ាប៊ីសាអ៊ូឌីតទំលាក់វៀតណាមពី Asian Games ខណៈកូរ៉េខាងជើងបន្តឈ្នះតែថៃស្មើ

ជំនួប Ajax និង Feyenoord ត្រូវផ្អាកត្រឹមនាទី ៥៦ ក្រោយអ្នកគាំទ្រគប់កាំជ្រួចផ្សែងចូលទីលាន

កម្មវិធីពួកម៉ាក់ល្អ អូសឡាន ឈ្នះឡាន របស់ Ganzberg រកឃើញក្រុមឈ្នះរថយន្ដ Pick Up 2023

Max Verstappen ឈ្នះការប្រណាំង F1 នៅជប៉ុនខណៈ Red Bull គ្រងជើងឯកពិភពលោកក្រុមស្ថាបនិក