BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

Ivan Perisic របួសដាច់សសៃពួរជង្គង់ ត្រូវសម្រាកពេញមួយរដូវកាល

ខ្សែបម្រើ Tottenham Hotspur, Ivan Perisic នឹងត្រូវទទួលវះកាត់ បន្ទាប់ពីរងរបួសអំឡុងការហ្វឹកហាត់ដល់ដាច់សសៃពួរជង្គង់ខាងស្តាំ ដែលនឹងត្រូវសម្រាកពេញមួយរដូវកាលនេះ នេះបើតាមការបញ្ជាក់របស់ក្លិបនៅ Premier League មួយនេះ។កីឡាករវ័យ ៣៤ ឆ្នាំរូបនេះបង្ហាញខ្លួនឱ្យ Spurs បាន ៦ ប្រកួតគ្រប់ក្របខណ្ឌរដូវកាលនេះ ប៉ះបញ្ជូនឱ្យមានគ្រាប់បាល់ពីរលើក។ អតីតកីឡាកររបស់ Inter Milan រូបនេះនឹងត្រូវទទួលការវះកាត់នៅទីក្រុងឡុងដ៍សប្តាហ៍នេះ។ Ivan Perisic បានមកដល់ Spurs ពី Inter Milan នៅឆ្នាំ ២០២២ ជាមួយនឹងកិច្ចសន្យា ២ ឆ្នាំ ពោលគឺកិច្ចសន្យានឹងអស់សុពលភាពដំណាច់រដូវកាលថ្មីនេះ។ Spurs បច្ចុប្បន្នមិនទាន់ចាញ់ឡើយនៅ Premier League ក្រោយលេងបាន ៥ ប្រកួតឈ្នះ ៤ និងស្មើ ១ ឈរលេខ ២ ក្នុងតារាងក្រោមការដឹកនាំរបស់អ្នកចាត់ការថ្មីលោក Ange Postecoglou។រំលឹកថា Ivan Perisic គឺជាជ័យលាភីឈ្នះជើងឯក UEFA Champions League ជាមួយនឹង Bayern Munich នៅឆ្នាំ ២០២០ និង ជាសមាជិករបស់ Inter Milan ឈ្នះជើងឯកអ៊ីតាលី Serie A នៅឆ្នាំ ២០២១៕ អត្ថបទ៖នាង សុភាវុធ

ក្រុមថៃទាំងពីរ Buriram និង Bangkok United រកបាន ៣ ពិន្ទុរៀងខ្លួននៅ AFC Champions League

ក្រុមបាល់ទាត់មកពីលីគកំពូលថៃទាំងពីរ Buriram United និង Bangkok United សុទ្ធតែរកបានបីពិន្ទុរៀងខ្លួនពីការប្រកួតទី ១ ក្នុងពូលនៅក្របខណ្ឌក្លិបកំពូលអាស៊ី AFC Champions League។គូដំបូងនេះ Buriram United បើកទ្វាផ្ទះទទួលស្វាគមន៍ក្រុមចិន Zhejiang FC នៅកីឡដ្ឋាន Chang Arena។ ៤ គ្រាប់កើតឡើងនៅក្នុងវគ្គទី ១ ពោលគឺម្ចាស់ផ្ទះរកបានគ្រាប់នាំមុខមុន ៣-០ ដោយ Lousana Boumbouya មុនពេលដែល Goran Causic រកបានពីរគ្រាប់ម្នាក់ឯង។ មុនចប់វគ្គទី ១ ក្រុមភ្ញៀវចិន Zhejiang តាមបានមួយគ្រាប់វិញដោយបាល់ពិន័យ ១១ ម៉ែត្ររបស់ Leonardo តែវគ្គទី ១ Buriram រកបានគ្រាប់ចុងក្រោយដោយ Pansa Hemviboon។ បីពិន្ទុនេះធ្វើឱ្យ Buriram ឡើងឈរលើគេក្នុងពូល H តាមពីក្រោយក្រុមអូស្រ្តាលី Melbourne City FC និងក្រុមជប៉ុន Ventforet Kofu ដែលស្មើគ្នា ១-១។ ងាកមកក្រុមថៃមួយទៀត Bangkok United ធ្វើដំណើរទៅទឹកដីសិង្ហបុរី និងបានយកឈ្នះក្រុមម្ចាស់ផ្ទះ Lion City Sailors ២-១។ ក្រុមម្ចាស់ផ្ទះនាំមុខដោយគ្រាប់របស់វ៉ូឡេរបស់ Diego Lopez នៅវគ្គទី ១ តែ Bangkok United វាយបកវិញនៅវគ្គទី ២ ដោយគ្រាប់បាល់របស់ Everton តែតបញ្ចូលទីនៅនាទីទី ៥១ និង Thitipan Puangchan។ បីពិន្ទុនេះ Bangkok United ឈរលេខ ២ ក្នុងពូល F ជាមួយក្រុមកូរ៉េ Jeonbuk ដែលបានយកឈ្នះក្រុមភ្ញៀវហុងកុង Kitchee FC ២-១។ លទ្ធផលផ្សេងទៀតក្រុមកូរ៉េ Pohang Steelers យកឈ្នះនៅទឹកដីវៀតណាម Hanoi FC ៤-២ ឈរលើគេក្នុងពូល J ខណៈ ក្រុមចិន Wuhan Three Towns និងក្រុមជប៉ុន Urawa Reds ស្មើគ្នា ២-២៕ អត្ថបទ៖នាង សុភាវុធ

អ៊ីតាលី វាយបកយកឈ្នះអ៊ុយរូហ្កាយការប្រកួតបាល់ឱបពិភពលោក នៅបារាំង

ក្រុមបាល់ឱបអ៊ីតាលី ធ្វើបានយ៉ាងល្អក្នុងការប្រកួតវគ្គទីពីរក្នុងវាយបកពីក្រោយយកឈ្នះអ៊ុយរូហ្កាយ ៣៨-១៧ ដើម្បីឡើងឈរលើគេក្នុងពូល A ការប្រកួតបាល់ឱបជើងឯកពិភពលោកនៅប្រទេសបារាំង។អ៊ីតាលីរកបាន Try នាំមុខមុនក្នុងវគ្គទី ១ មុនពេលដែលអ៊ុយរូហ្កាយរកបាន ២ Try ផ្ទួនៗក្នុងវគ្គទី ១ ដដែលដើម្បីនាំមុខលើអ៊ីតាលី ១៧-៧ ចប់វគ្គទី ១។ឈានដល់វគ្គទី ២ ពិន្ទុ ១៧ របស់អ៊ុយរូហ្គាយគាំងត្រឹមនេះ បន្ទាប់ពីអ៊ីតាលីកែប្រែយុទ្ធសាស្រ្តនៅវគ្គទី ២ និងវាយសម្រុកខ្លាំង និងរកបាន ៤ Try ដើម្បីយកឈ្នះការប្រកួត ៣៨-១៧ លើអ៊ុយរូហ្កាយ។ជ័យជំនះនេះធ្វើឱ្យអ៊ីតាលីឡើងឈរលើគេបណ្តោះអាសន្ននៅក្នុងពូល A នេះក្រោយឈ្នះទាំងពីរប្រកួតក្នុងពូល ដូចនឹងក្រុមម្ចាស់ផ្ទះបារាំងដែរ តែអ៊ីតាលីមានពិន្ទុបន្ថែម ២ ពិន្ទុពីការប្រកួតទាំងពីរលើករបស់ខ្លួន។ ថ្ងៃនេះក្រុមម្ចាស់ផ្ទះបារាំងនឹងត្រូវជួបជាមួយណាំមីប៊ី ជាការប្រកួតទី ៣ ក្នុងពូល ខណៈអ៊ីតាលីនឹងត្រូវជួបនូវេស៊ីឡង់ប្រកួតទី៣ របស់ខ្លួននៅថ្ងៃទី ២៩៕ អត្ថបទ៖នាង សុភាវុធ

ក្រុម F1 McLaren បន្តកិច្ចសន្យាជាមួយកីឡាករអូស្រ្តាលី Oscar Piastri ដល់ដំណាច់រដូវកាល ២០២៦

ក្រុមប្រណាំង Formula One, McLaren បានសំរេចបន្តកិច្ចសន្យាឱ្យកីឡាករវ័យក្មេងអូស្រ្តាលី Oscar Piastri ដល់ដំណាច់រដូវកាល ២០២៦។កីឡាករវ័យ ២២ ឆ្នាំរូបនេះធ្វើឱ្យក្រុម McLaren មានការចាប់អារម្មណ៍ក្នុងការសហការជាមួយមិត្តរួមក្រុម Lando Norris រដូវកាលនេះ ដែលក្រុម McLaren រំពឹងថា Oscar ជាតារាឆ្នើមរបស់ក្រុមនៅថ្ងៃអនាគត។ប្រធានគ្រប់គ្រងបច្ចេកទេសរបស់ McLaren លោក Andrea Stella ឱ្យដឹងថា ការសម្រេចបន្តកិច្ចសន្យាជាមួយ Oscar Piastri ជាការសំរេចចិត្តដ៏ងាយស្រួល តាមរយៈទេពកោសល្យ ការងារជាក្រុម និងអត្តចារឹត។ Oscar Piastri សមត្ថភាពគួរកត់សំគាល់រដូវកាលនេះគឺទទួលបានចំណាត់ថ្នាក់លេខ ២ ក្នុងប្រណាំង Sprint Race នៅប៊ែលហ្ស៊ិក និងបានលេខ ៣ ក្នុងការប្រណាំងយកទីចេញដំណើរនៅអង់គ្លេស បន្ទាប់ពីផ្លាស់មកកាន់ McLaren រដូវកាលនេះផ្ទេរពី Alpine F1 Team។Oscar Piastri កំពុងឈរលេខ ១១ ក្នុងតារាងចំណាត់ថ្នាក់ពិភពលោកមាន ៤២ ពិន្ទុក្នុងចំណោមកីឡាករ ២២ នាក់រដូវកាលនេះ៕ អត្ថបទ៖នាង សុភាវុធ

AFC Cup៖ ភ្នំពេញក្រោន ជួប DH Cebu របស់ហ្វីលីពីន បើកឆាកពូល F យប់នេះ

ក្រុមបាល់ទាត់ភ្នំពេញក្រោន របស់កម្ពុជា នឹងត្រូវជួបក្រុមម្ចាស់ផ្ទះ Dynamic Herb Cebu FC របស់ហ្វីលីពីន នាវេលាម៉ោង ៧យប់ ថ្ងៃទី២១ ខែកញ្ញា ឆ្នាំ២០២៣ នេះ ដែលជាជំនួបបើកឆាកពូលF នៃពានរង្វាន់ AFC Cup 2023/24 នៅកីឡដ្ឋាន Rizal Memorial ។ក្រុមភ្នំពេញក្រោន បានធ្វើដំណើរទៅដល់រដ្ឋធានីម៉ានីល កាលពីរាត្រីថ្ងៃទី១៨ ឈានចូលថ្ងៃទី១៩ ខែកញ្ញាកន្លងទៅ ប៉ុន្ដែយ៉ាងណាលោក Oleg Starynskyi គ្រូបង្វឹកភ្នំពេញក្រោន បានបង្ហាញសុទិដ្ឋិនិយមខ្ពស់ថា កូនក្រុមរបស់ខ្លួននឹងអាចដណ្ដើមបាន ៣ពិន្ទុត្រឡប់មកផ្ទះវិញ ។លោក Oleg ធ្លាប់បានបញ្ជាក់មុនចាកចេញពីកម្ពុជាថា AFC Cup គឺជាពានដ៏សំខាន់ ដូចនឹងលីគកំពូលកម្ពុជាដែរ ដែលភ្នំពេញក្រោន បានយកចិត្តទុកដាក់ ។ ដូច្នេះលោកបានត្រៀមខ្លួនជាស្រេចសម្រាប់ការប្រកួតបើកឆាកចែកពូល ជាមួយក្រុម DF Cebu FC របស់ហ្វីលីពីន នៅរាត្រីថ្ងៃព្រហស្បត្តិ៍នេះ ដើម្បីស្វែងរកជ័យជម្នះក្នុងការប្រកួតដំបូងរបស់ខ្លួនក្នុងពូល ។គួរដឹងថា សម្រាប់ការប្រកួតវគ្គចែកពូល នៃពានរង្វាន់កម្រិតទី២ ប្រចាំទ្វីបអាស៊ីនេះ ក្រុមជើងឯកលីគកំពូលកម្ពុជា ភ្នំពេញក្រោន គឺស្ថិតក្នុងពូល F ជាមួយក្រុមមកពី ៣ប្រទេសផ្សេងទៀត រួមមានក្រុម Macarthur FC របស់អូស្ដ្រាលី, ក្រុម Dyanamic Herb Cebu FC របស់ហ្វីលីពីន និងក្រុម Shan United របស់មីយ៉ាន់ម៉ា ។វគ្គចែកពូលនេះ គ្រោងនឹងបញ្ចប់ការប្រកួតនាពាក់កណ្ដាលខែធ្នូ ឆ្នាំ២០២៣ ខាងមុខ ដោយប្រើប្រព័ន្ធប្រកួតក្នុងដី និងក្រៅដី(Home/Away) ពោលគឺក្រុមនីមួយៗ ត្រូវធ្វើការប្រកួត ២ជើង ដើម្បីសន្សំពិន្ទុ និងស្វែងរកក្រុមមានពិន្ទុខ្ពស់ជាងគេឡើងវគ្គបន្ដ ។ តាមរយៈនេះ មានន័យថា ក្រុមតំណាងកម្ពុជា ភ្នំពេញក្រោន នឹងត្រូវធ្វើម្ចាស់ផ្ទះចំនួន ៣ប្រកួត សម្រាប់ពូលF ផងដែរ ។សូមរំឮកដែលថា មុនឈានដល់ការប្រកួតវគ្គចែកពូលនេះ ក្រុមសិង្ហក្រហមភ្នំពេញក្រោន បានឆ្លងកាត់ការប្រកួតជម្រុះ ២ដំណាក់កាលមកហើយ ពោលគឺបានយកឈ្នះ Young Elephants FC របស់ឡាវ ដោយលទ្ធផល ៣-០ ក្នុងវគ្គជម្រុះបឋម(Preliminary Stage) មុនបន្ដយកឈ្នះក្រុមម្ចាស់ផ្ទះ Tampines Rover FC របស់សិង្ហបុរី ដោយលទ្ធផល ៣-២ ក្នុងវគ្គ Play-Off កាលពីខែសីហា ឆ្នាំ២០២៣ កន្លងទៅ៕ អត្ថបទ លី ឈុនឡា

ថ្នាក់ដឹកនាំ និងកីឡាករ ចង់ឃើញវិស័យឯកជន ចូលរួមគាំទ្រកីឡាបាល់ទាត់កាន់តែច្រើន

ឯកឧត្តមនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា(FFC) ក៏ដូចជាកីឡាករជម្រើសជាតិកម្ពុជា បានបង្ហាញក្ដីរីករាយ បន្ទាប់ពីមានក្រុមហ៊ុនឯកជនចូលរួមឧបត្ថម្ភគាំទ្រវិស័យកីឡាបាល់ទាត់ជាតិជាបន្ដបន្ទាប់ ហើយចង់ឃើញអ្នកវិនិយោគជាតិ និងអន្ដរជាតិផ្សេងៗទៀត ចូលរួមគាំទ្រកាន់តែច្រើន ដើម្បីជំរុញការអភិវឌ្ឍវិស័យកីឡាមួយនេះឲ្យកាន់តែរីកចម្រើន ។ការគូសបញ្ជាក់នេះ បន្ទាប់ពីសហព័ន្ធកីឡាបាល់ទាត់កម្ពុជា បានចុះហត្ថលេខាលើអនុស្សារណៈនៃការយោគយល់គ្នា ធនាគារអេស៊ីលីដា កាលពីថ្ងៃទី១៩ ខែកញ្ញា ឆ្នាំ២០២៣ ។ឯកឧត្តម សៅ សុខា មានប្រសាសន៍ថា សហព័ន្ធមានគោលការណ៍គន្លឹះ ៤ នៅក្នុងការអភិវឌ្ឍបាល់ទាត់កម្ពុជា ១-រដ្ឋបាលគ្រប់គ្រង ២-បច្ចេកទេស និងអភិវឌ្ឍន៍ ៣-ការប្រកួត និង៤-ការចូលរួមឧបត្ថម្ភផ្នែកហិរញ្ញវត្ថុ ការលេង និងការគាំទ្រពីទស្សនិកជន ហើយដើម្បីអនុវត្តគោលការណ៍នេះ សហព័ន្ធបានដាក់ចេញនូវយុទ្ធសាស្ដ្រ ១២ចំណុចផ្សេងទៀត ។ដូច្នេះការងារនេះ ត្រូវការចូលរួមពីគ្រប់ភាគីពាក់ព័ន្ធ ទាំងសហព័ន្ធ រាជរដ្ឋាភិបាល និងក្រសួង-ស្ថាប័នពាក់ព័ន្ធជាតិ និងអន្ដរជាតិ ក្នុងនោះក៏ត្រូវការការគាំទ្រផ្នែកហិញ្ញវត្ថុពីវិស័យឯកជនដែរ ។ តាមរយៈនេះ ក្នុងនាមមហាគ្រួសារបាល់ទាត់ជាតិ និងសហព័ន្ធកីឡាបាល់ទាត់កម្ពុជា ឯកឧត្តមបានអំពាវនាវក្រុមហ៊ុនអ្នកវិនិយោគជាតិ និងបរទេសដទៃផ្សេងទៀត ព្រមទាំងអ្នកដែលនិយមលេង និងទស្សនាកីឡាបាល់ទាត់ បន្ដចូលរួមគាំទ្រសកម្មភាពកីឡាប្រភេទនេះបន្ដទៀត ដើម្បីធានាបាននូវការអភិវឌ្ឍ និងរីកចម្រើន ។ចំណែកកីឡាករ ហ៊ុល គឹមហ៊ុយ អ្នកចាំទីជម្រើសជាតិកម្ពុជា បានសម្ដែងការសប្បាយចិត្ត ដែលមានក្រុមហ៊ុនឯកជនធំៗ ចាប់ផ្ដើមចាប់អារម្មណ៍ និងចូលរួមឧបត្ថម្ភគាំទ្រជាបន្ដបន្ទាប់ ដ្បិតរូបគេ បានចាត់ទុកការចូលរួមគាំទ្រផ្នែកហិរញ្ញវត្ថុនេះពិវិស័យឯកជន គឺមានសារៈសំខាន់ណាស់ ដើម្បីជំរុញការអភិវឌ្ឍបាល់ទាត់ជាតិ ។ ដូច្នេះគេសង្ឃឹមថា ក្រុមហ៊ុនផ្សេងៗ នឹងចូលរួមឧបត្ថម្ភគាំទ្រកាន់តែច្រើនថែមទៀត ។ឆ្លៀតឱកាសនោះ លោក អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា ក៏បានសម្ដែងការសប្បាយចិត្ត ក្នុងការរួមចំណែកជាមួយសហព័ន្ធ ដើម្បីគាំទ្រ និងចូលរួមសកម្មភាពកីឡាបាល់ទាត់កម្ពុជា ។ លើសពីនេះ លោកបានសម្ដែងការភ្ញាក់ផ្អើល និងចាប់អារម្មណ៍ជាខ្លាំង បន្ទាប់ពីយល់ច្បាស់អំពីគុណតម្លៃ និងអត្ថប្រយោជន៍របស់កីឡា ចំពោះសង្គមជាតិ តាមរយៈប្រសាសន៍របស់ឯកឧត្តមនាយឧត្តមសេនីយ៍ សៅ សុខា៕ អត្ថបទ លី ឈុនឡា

Man City បើកយុទ្ធនាការការពារជើងឯក UCL ឈ្នះជើងឯកឆ្នាំ ១៩៩១ Red Star Belgrade ៣-១

ក្រុមការពារតំណែងជើងឯក Manchester City បានចាប់ផ្តើមរដូវកាលថ្មី UEFA Champions League ជាមួយនឹងជ័យជំនះ ៣-១ លើក្រុមជើងឯកឆ្នាំ ១៩៩១ Red Star Belgrade របស់ស៊ែបនៅទឹកដី Etihad។ក្រុមជើងឯកស៊ែបមួយនេះចាប់ផ្តើមជាមួយនឹងជំនឿចិត្ត និងរកបានគ្រាប់នាំមុខនៅនាទីទី ៤៥ ដោយ Osman Bukari តែដើមវគ្គទី ២ City ក៏តាមស្មើ និងនាំមុខវិញដោយខ្សែប្រយុទ្ធអាហ្សង់ទីន Julian Alvarez ពីរគ្រាប់ម្នាក់ឯង មុនពេលដែល Rodri ធានាជ័យជំនះនៅនាទីទី ៧៣។ ថ្វីបើឈ្នះក្តីលោក Pep Guardiola បានបង្ហាញពីក្តីបារម្ភបន្ទាប់ពីខ្សែបម្រើព័រទុយហ្កាល់ Bernardo Silva រងរបួសដែលនឹងត្រូវអវត្តមានប្រហែលមួយខែ។ City បច្ចុប្បន្នកំពុងមានបញ្ហាកីឡាកររបួសស្រាប់រួមមាន Kevin de Bruyne, Jack Grealish, Mateo Kovacic និង John Stones។ក្នុងពូល G នេះដែរ Leipzig ឈ្នះនៅទឹកដី Young Boys ៣-១ ដូចគ្នាឡើងឈរលើគេក្នុងពូលជាមួយ City។ ងាកទៅក្រុមអង់គ្លេសមួយទៀត Newcastle United ដែលបង្ហាញខ្លួនលើកដំបូងនៅក្របខណ្ឌ UEFA Champions League ក្នុងរយៈពេល ២០ ឆ្នាំរកបានមួយពិន្ទុពីទឹកដីអ៊ីតាលី AC Milan ដោយលទ្ធផល ០-០។ អ្នកចាត់ការ Newcastle លោក Eddie Howe ឱ្យដឹងថា ១ ពិន្ទុជាលទ្ធផលល្អមួយសម្រាប់ក្រុម ហើយនេះជាបទពិសោធថ្មីមួយសម្រាប់កូនក្រុម ដែលបទពិសោធនេះនឹងជាប្រយោជន៍សម្រាប់ការប្រកួតបន្ទាប់ទៀត។ ពូល F នេះដែរ Paris Saint Germain ឡើងឈរលេខ ១ ក្នុងពូលក្រោយឈ្នះ Dortmund ២-០ ដោយគ្រាប់បាល់របស់ Kylian Mbappe និង Achraf Hakimi។ ចំណែកឯ Barcelona មិនពិបាកឡើយក្រោយយកឈ្នះក្រុមភ្ញៀវប៊ែលហ្ស៊ិក Royal Antwerp ៥-០ ដែលរួមមានគ្រាប់របស់ Joao Felix ពីរគ្រាប់ ឡើងឈរលើគេក្នុងពូល H ជាមួយ Porto ដែលឈ្នះ Shakhtar Donetsk ៣-១។ ពូលចុងក្រោយគេនេះវិញគឺពូល E Feyenoord ឡើងឈរលេខ ១ ក្នុងពូលក្រោយឈ្នះ Celtic ២-០ ខណៈ Lazio តាមស្មើចុងម៉ោង ១-១ ក្នុងដីរបស់ខ្លួនដោយការតែតបញ្ចូលទីរបស់អ្នកចាំទី Ivan Provedel នាទីទី ៩០+៥៕អត្ថបទ៖នាង សុភាវុធ

Julian Nagelsmann ឈានដល់កិច្ចព្រមព្រៀងដឹកនាំក្រុមជម្រើសជាតិអាល្លឺម៉ង់

អតីតអ្នកចាត់ការ Bayern Munich លោក Julian Nagelsmann បានឈានដល់កិច្ចព្រមព្រៀង ដើម្បីក្លាយជាគ្រូបង្វឹកថ្មីនៃក្រុមជម្រើសជាតិអាល្លឺម៉ង់។ បុរសវ័យ ៣៦ ឆ្នាំរូបនេះ នឹងក្លាយជាគ្រូបង្វឹកវ័យក្មេងបំផុតទីពីរដែលដឹកនាំក្រុមជម្រើសជាតិអាល្លឺម៉ង់បន្ទាប់ពីលោក Otto Nerz ដែលធ្លាប់ដឹកនាំក្នុងវ័យ ៣៤ ឆ្នាំកាលពីឆ្នាំ ១៩២៦។ តាំងពី Bayern Munich បញ្ចប់តំណែងជំនួសដោយលោក Thomas Tuchel លោក Julian Nagelsmann បានស្ថិតក្នុងគោលដៅពីក្លិបធំៗនៅអឺរ៉ុបជាច្រើន។សារព័ត៌មានអាល្លឺម៉ង់បានចុះផ្សាយថា សហព័ន្ធបាល់ទាត់អាល្លឺម៉ង់ និងលោក Nagelsmann ឈានដល់កិច្ចព្រមព្រៀងក្នុងការដឹកនាំក្រុមជម្រើសជាតិអាល្លឺម៉ង់ដល់ Euro 2024។រំលឹកថាលោក Julian Nagelsmann បានចាប់ផ្តើមអាជីពជាអ្នកចាត់ការដំបូងដោយដឹកនាំ Hoffenheim កាលពីឆ្នាំ ២០១៦ ក្នុងវ័យ ២៩ ឆ្នាំ មុនពេលផ្លាស់ទៅ Leipzig នៅឆ្នាំ ២០១៩ និងបានដឹកនាំក្រុមឡើងដល់វគ្គពាក់កណ្តាលផ្តាច់ព្រ័ត្រ UEFA Champions League រដូវកាល ២០១៩-២០ ចាញ់ Paris Saint Germain។ក្រោយមកលោក Nagelsmann ក៏ត្រូវបានតែងតាំងជាអ្នកចាត់ការ Bayern Munich បន្តតំណែងពីលោក Hansi Flick ក្នុងតម្លៃផ្ទេរបំបែកកំណត់ត្រាពិភពលោក ២៥ លានអឺរ៉ូ និងបានឈ្នះជើងឯក Bundesliga នៅរដូវកាល ២០២១-២២៕ អត្ថបទ៖នាង សុភាវុធ

កីឡាអាស៊ី២០២២៖ ម្ចាស់ផ្ទះចិន និងប្រទេសអាស៊ានបីបើកការប្រកួតសុទ្ធតែឈ្នះ

ប្រភេទកីឡាបាល់ទាត់ក្នុងព្រឹត្តិការណ៍កីឡាអាស៊ី បានដំណើរការប្រកួតហើយ ដោយម្ចាស់ផ្ទះចិន រួមនិងប្រទេសអាស៊ានបី សហភាពមីយ៉ាន់ម៉ា វៀតណាម និងឥណ្ឌូនេស៊ី បើកការប្រកួតសុទ្ធតែឈ្នះ ខណៈថៃ បានត្រឹមតែស្មើ។មួយគ្រាប់របស់កីឡាករ Hasan Murad Tipu ធ្វើឱ្យមានកំហុសចូលទីខ្លួនឯង បើកផ្លូវឱ្យសហភាពមីយ៉ាន់ម៉ា ឈ្នះបង់ក្លាដេស ១ទល់០ ក្នុងពូល A ឯម្ចាស់ផ្ទះចិន បានយកឈ្នះឥណ្ឌា ៥ទល់១ ពីមុខអ្នកគាំទ្រជាង៣០០០០នាក់។ក្នុងពូល B ក្រុមបាល់ទាត់វៀតណាម ឈ្នះម៉ុងហ្គោលី ៤ទល់នឹង២។ ជំនួបនេះលេងបានបីនាទី វៀតណាមនាំមុខដោយកីឡាករ Nguyen Quoc Viet។ នាទីទី៣១ កីឡាកររូបនេះដដែល បន្ថែមគ្រាប់ទីពីររបស់ខ្លួន មុនពេលកីឡាករ Khuat van Khang ស៊ុតបញ្ចូលទីគ្រាប់នាំមុខទីបីឱ្យវៀតណាម ៤នាទីមុនចប់តង់ទី១។ យ៉ាងណាក៏ដោយផ្តើមតង់ទី២ មិនដល់មួយនាទីផង ម៉ុងហ្គោលីវាយបកបានមួយគ្រាប់វិញ ដោយកីឡាករ Uuganbat Temullan។ តែនាទីទី៦៤ កីឡាករ Vo Nguyen Hoang បន្ថែមគ្រាប់បាល់ទី៤ឱ្យវៀតណាម ខណៈដែលកីឡាករ Tserenbat Baasanjav រកគ្រាប់ទីពីរឱ្យម៉ុងហ្គោលី។ ក្នុងពូលជាមួយគ្នានោះដែរ អារ៉ាប៊ីសាអូឌីត និងអ៊ីរ៉ង់ ស្មើគ្នា ០ទល់០។មកចាប់អារម្មណ៍ ការប្រកួតពូល E វិញ ថៃបើកយុទ្ធនាការកីឡាអាស៊ី បានត្រឹមតែស្មើបារ៉ែន ១ទល់១។ ការប្រកួតនេះទោះបីបារ៉ែននាំមុខមុនក្នុងតង់ទី១ ដោយកីឡាករ Abdulazizយ៉ាងណាក៏ដោយ តែជិតចប់ការប្រកួតទាំងមូល ថៃតាមស្មើដោយគ្រាប់បាល់របស់កីឡាករ Purachet Thodsanit។ចំនែក កូរ៉េខាងត្បូង អ្នកការពារមេដាយមាស ផ្តើមការប្រកួតដោយយកឈ្នះកូវ៉ែត ៩ទល់នឹង០។ ជំនួបនេះតង់ទី១ កូរ៉េខាងត្បូងនាំមុខ ៤ទល់នឹង០ដោយគ្រាប់បាល់របស់កីឡាករ Jeong Woo-yeong នាទីទី៣, កីឡាករ Cho Young-wook នាទីទី២០, កីឡាករ Paik Seung-ho នាទីទី៤៤ និងកីឡាករ Jeong Woo-yeong នាទីទី៤៥។ កូរ៉េខាងត្បូងនៅបន្តធ្វើបានល្អទៀត ក្នុងតង់ទី២ រកបានប្រាំគ្រាប់បន្ថែមដោយកីឡាករ Jeong Woo-yeong, Um Won-sang នាទីទី៥២, Cho Young-wook នាទីទី៧៤, Bak Jae-yong នាទីទី៨០ និងកីឡាករ An Jae-jun នាទីទី៩០។ការប្រកួតពូល F កូរ៉េខាងជើង ឈ្នះឆាយនីសតៃប៉ិ ២ទល់នឹង០។ លេងបានត្រឹម៧នាទី កីឡាករ Ri Jo Guk ស៊ុតបញ្ចូលទីនាំមុខឱ្យកូរ៉េខាងជើង មុនពេលដែលកីឡាករ Kim Kuk Jin បន្ថែមគ្រាប់ទី២នាទីទី១១។ នាទីនៅសល់ មិនមានគ្រាប់បាល់កើតឡើងនោះទេ។នេះជាការបង្ហាញខ្លួនលើកដំបូងរបស់កូរ៉េខាងជើង ក្នុងព្រឹត្តិការណ៍បាល់ទាត់អន្តរជាតិ បន្ទាប់ពី ប្រកួត ០ទល់នឹង០ ជាមួយលីបង់ ការប្រកួតជម្រុះបាល់ទាត់ពិភពលោក នៅខែវិច្ឆិកា ឆ្នាំ២០២១៩។ក្នុងពូលជាមួយគ្នានេះម្ចាស់មេដាយមាសឥណ្ឌូនេស៊ី ឈ្នះ កៀហ្ស៊ីស៊ីស្ថាន ២ទល់នឹង០។ កីឡាបាល់ទាត់ក្នុងកីឡាអាស៊ី នឹងបញ្ចប់នៅថ្ងៃទី៧ ខែតុលា ខាងមុខនេះ មួយថ្ងៃមុនពិធីបិទកីឡាស៊ី ២០២២ផ្លូវការ៕

Empoli ដេញអ្នកចាត់ការ Paolo Zanetti ចេញក្រោយចាញ់ Roma ៧-០

ក្លិបបាល់ទាត់អ៊ីតាលី Empoli បានសំរេចបញ្ចប់តំណែងអ្នកចាត់ការ Paolo Zanetti ហើយក្រោយបរាជ័យនៅទឹកដី Roma ៧-០ កាលពីថ្ងៃអាទិត្យ។ នេះជាបរាជ័យ ៤ ប្រកួតជាប់គ្នារកពិន្ទុមិនបានសូម្បីតែមួយរដូវកាលថ្មីនេះ មុនឈានដល់ការបញ្ចប់តំណែងលោក Zanetti នៅថ្ងៃអង្គារម្សិលមិញ។មិនត្រឹមតែចាញ់ទាំង ៤ ប្រកួតទេ Empoli ថែមទាំងរកគ្រាប់បាល់បញ្ចូលទីមិនបាននៅឡើយ តែរបូតដល់ទៅ ១២ គ្រាប់។ បុរសវ័យ ៤០ ឆ្នាំ ដែលជាអតីតកីឡាកររបស់ Empoli រូបនេះ ត្រូវបានតែងតាំងឱ្យដឹកនាំក្រុមកាលពីដើមរដូវកាលមុន ខណៈ Empoli បញ្ចប់នៅចំណាត់ថ្នាក់លេខ ១៤ នៅ Serie A។មុនមកដល់ Empoli លោក Zanetti ធ្លាប់ដឹកនាំ Venezia ឡើងមកកាន់ Serie A តែក៏ត្រូវបណ្តេញចេញនៅឆ្នាំ ២០២២ បន្ទាប់ពីក្រុមចាប់ផ្តើមរដូវកាលចាញ់ ៨ ប្រកួតជាប់គ្នា។ Empoli នឹងត្រូវទទួលក្រុមកំពូលតារាង Inter Milan ថ្ងៃអាទិត្យនេះ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

គណៈកម្មាធិការអចិន្ត្រៃយ៍ព្រឹទ្ធសភា ប្រជុំពិនិត្យសម្រេចលើរបៀបវារៈចំនួន៦ ដើម្បីបើកកិច្ចប្រជុំវិសាមញ្ញ

លទ្ធផលដំណើរទស្សនកិច្ច សម្តេចប្រធានរដ្ឋសភា នៅប្រទេសវៀតណាម នឹងនាំមកនូវផលប្រយោជន៍ជាច្រើនទៀតជូនប្រជាពលរដ្ឋទាំងសងខាង

គណៈប្រតិភូជាន់ខ្ពស់រដ្ឋសភា ធ្វើទស្សនកិច្ចក្រុមហ៊ុនViettel ដែលឈានមុខគេខាងបច្ចេកវិទ្យា និងទូរគមនាគមន៍ក្នុងប្រទេសវៀតណាម

អូម៉ង់ បង្ហាញអ៊ីរ៉ង់នូវផែនការគាំទ្រដោយរដ្ឋឈូងសមុទ្រសម្រាប់ការបង់ថ្លៃដោយស្ម័គ្រចិត្តនៅច្រកសមុទ្រ

[UPDATE] អ្នករស់រានមានជីវិតកើនឡើងដល់ ៤៨ នាក់ខណៈបន្តស្វែងរកអ្នកបាត់ខ្លួន ក្រោយនាវាវៀតណាមលិចនៅសមុទ្រចិនខាងត្បូង

[UPDATE] ចំនួនអ្នកស្លាប់ដោយសារភ្លៀងធ្លាក់ និងទឹកជំនន់ដ៏គំហុកកើនឡើងដល់ជាង១០០នាក់នៅទូទាំងប្រទេសប៉ាគីស្ថាន

[UPDATE] ចំនួនអ្នកស្លាប់ពីគ្រោះរញ្ជួយដីនៅជប៉ុន កើនឡើងដល់ជាង១០នាក់ ខណៈក្រុមជួយសង្គ្រោះកំពុងស្វែងរកអ្នកបាត់ខ្លួន

លោក Zelenskyyមានកិច្ចប្រជុំដ៏ល្អជាមួយលោកTrump នៅឯសេតវិមានខណៈស្វែងរកកិច្ចសហប្រតិបត្តិការបន្ថែមជាមួយអាមេរិក

យោធាអាមេរិកនិយាយថា មីស៊ីលច្រើនគ្រាប់ដែលបាញ់ដោយអ៊ីរ៉ង់ត្រូវបានស្ទាក់ចាប់

លោក Netanyahu និងលោក Trump កោតសរសើរជំនួបទល់មុខគ្នាលើកដំបូងនៅអាមេរិកចាប់តាំងពីការចាប់ផ្តើមសង្គ្រាមអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Ivan Perisic របួសដាច់សសៃពួរជង្គង់ ត្រូវសម្រាកពេញមួយរដូវកាល

ក្រុមថៃទាំងពីរ Buriram និង Bangkok United រកបាន ៣ ពិន្ទុរៀងខ្លួននៅ AFC Champions League

អ៊ីតាលី វាយបកយកឈ្នះអ៊ុយរូហ្កាយការប្រកួតបាល់ឱបពិភពលោក នៅបារាំង

ក្រុម F1 McLaren បន្តកិច្ចសន្យាជាមួយកីឡាករអូស្រ្តាលី Oscar Piastri ដល់ដំណាច់រដូវកាល ២០២៦

AFC Cup៖ ភ្នំពេញក្រោន ជួប DH Cebu របស់ហ្វីលីពីន បើកឆាកពូល F យប់នេះ

ថ្នាក់ដឹកនាំ និងកីឡាករ ចង់ឃើញវិស័យឯកជន ចូលរួមគាំទ្រកីឡាបាល់ទាត់កាន់តែច្រើន

Man City បើកយុទ្ធនាការការពារជើងឯក UCL ឈ្នះជើងឯកឆ្នាំ ១៩៩១ Red Star Belgrade ៣-១

Julian Nagelsmann ឈានដល់កិច្ចព្រមព្រៀងដឹកនាំក្រុមជម្រើសជាតិអាល្លឺម៉ង់

កីឡាអាស៊ី២០២២៖ ម្ចាស់ផ្ទះចិន និងប្រទេសអាស៊ានបីបើកការប្រកួតសុទ្ធតែឈ្នះ

Empoli ដេញអ្នកចាត់ការ Paolo Zanetti ចេញក្រោយចាញ់ Roma ៧-០

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Ivan Perisic របួសដាច់សសៃពួរជង្គង់ ត្រូវសម្រាកពេញមួយរដូវកាល

ក្រុមថៃទាំងពីរ Buriram និង Bangkok United រកបាន ៣ ពិន្ទុរៀងខ្លួននៅ AFC Champions League

អ៊ីតាលី វាយបកយកឈ្នះអ៊ុយរូហ្កាយការប្រកួតបាល់ឱបពិភពលោក នៅបារាំង

ក្រុម F1 McLaren បន្តកិច្ចសន្យាជាមួយកីឡាករអូស្រ្តាលី Oscar Piastri ដល់ដំណាច់រដូវកាល ២០២៦

AFC Cup៖ ភ្នំពេញក្រោន ជួប DH Cebu របស់ហ្វីលីពីន បើកឆាកពូល F យប់នេះ

ថ្នាក់ដឹកនាំ និងកីឡាករ ចង់ឃើញវិស័យឯកជន ចូលរួមគាំទ្រ​កីឡាបាល់ទាត់​កាន់តែច្រើន

Man City បើកយុទ្ធនាការការពារជើងឯក UCL ឈ្នះជើងឯកឆ្នាំ ១៩៩១ Red Star Belgrade ៣-១

Julian Nagelsmann ឈានដល់កិច្ចព្រមព្រៀងដឹកនាំក្រុមជម្រើសជាតិអាល្លឺម៉ង់

កីឡាអាស៊ី២០២២៖ ម្ចាស់ផ្ទះចិន និងប្រទេសអាស៊ានបីបើកការប្រកួតសុទ្ធតែឈ្នះ

Empoli ដេញអ្នកចាត់ការ Paolo Zanetti ចេញក្រោយចាញ់ Roma ៧-០

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ថ្នាក់ដឹកនាំ និងកីឡាករ ចង់ឃើញវិស័យឯកជន ចូលរួមគាំទ្រកីឡាបាល់ទាត់កាន់តែច្រើន