BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

បញ្ចប់មន្ទិលរឿងផ្លាស់ទៅ Bayern Munich, Kyle Walker បន្តកិច្ចសន្យាជាមួយ Man City ពីរឆ្នាំទៀត

ខ្សែការពារអង់គ្លេស Kyle Walker បានជម្រះមន្ទិលក្នុងការមិនប្រាកដប្រជាជាមួយក្រុមមេឃខៀវ Manchester City បន្ទាប់ពីសំរេចចុះហត្ថលេខារយៈពេល ២ ឆ្នាំបន្តនៅកីឡដ្ឋាន Etihad ដល់ឆ្នាំ ២០២៦។ កិច្ចសន្យាចាស់របស់កីឡាករវ័យ ៣៣ ឆ្នាំរូបនេះនឹងអស់សុពលភាពនៅឆ្នាំ ២០២៤ ដំណាច់រដូវកាលនេះ ស្របពេលមានទំនាក់ទំនងផ្ទេរទៅកាន់ក្លិបអាល្លឺម៉ង់ Bayern Munich នៅពេលទីផ្សារទិញដូរកីឡាករបើកចំហរកន្លងមក។Kyle Walker បានឈ្នះពានសរុបជាមួយ Manchester City ១៣ ក្នុងរយៈពេល ៦ ឆ្នាំកន្លងមក។ខ្សែការពារស្លាបស្តាំរូបនេះបានផ្លាស់មកាន់ City កាលពីខែសីហាឆ្នាំ ២០១៧ ផ្ទេរពី Tottenham Hotspur ក្នុងតម្លៃ ៤៥ លានផោន។រដូវកាលមុន Kyle Walker បង្ហាញខ្លួនសរុប ៣៩ ប្រកួតគ្រប់ក្របខណ្ឌឱ្យ Manchester City ដែលឈ្នះពានបីក្នុងមួយរដូវកាល តែមិនបានចូលលេង ១១ នាក់ដំបូងឡើយពេល City ឈ្នះ Inter Milan នៅវគ្គផ្តាច់ព្រ័ត្រ។រំលឹកថារដូវកាលមុន Walker ស្ទើរតែបាត់បង់តំណែងរបស់ខ្លួនទៅហើយ ដោយធ្លាប់ត្រូវបានគេដឹងថាមិនសប្បាយចិត្តនឹងពាក្យសំដីរបស់អ្នកចាត់ការ Pep Guardiola ដែលលើកឡើងថា Walker មិនអាចបត់បែនខ្លួនតាមយុទ្ធសាស្រ្តនៃប្រព័ន្ធការពារថ្មីដែលត្រូវលោក Pep យកមកប្រើប្រាស់ចាប់ពីពាក់កណ្តាលរដូវកាលមុន។ យ៉ាងណាក្តី អ្នកចាត់ការសញ្ជាតិអេស្ប៉ាញរូបនេះបានលើកឡើងកាលពីខែកក្កដាកន្លងមកថា នឹងធ្វើអ្វីៗគ្រប់យ៉ាងដើម្បីរក្សា Walker ឱ្យនៅបន្តជាមួយ Manchester City ស្របពេល Bayern Munich កាន់តែកៀកក្នុងការនាំយកខ្សែការពារវ័យ ៣៣ ឆ្នាំរូបនេះ។ រដូវកាលនេះ Kyle Walker បានចូលលេង ១១ នាក់ដំបូងទាំង ៤ ប្រកួតរបស់ City នៅ Premier League និង មួយប្រកួតទៀតនៅ UEFA Super Cup៕ អត្ថបទ៖នាង សុភាវុធ

Jadon Sancho ត្រូវហ្វឹកហាត់ដាច់ដោយឡែករហូតដល់បញ្ហាជាមួយ Erik ten Hag ត្រូវបានដោះស្រាយ

ខ្សែបម្រើស្លាប Manchester United, Jadon Sancho នឹងត្រូវហ្វឹកហាត់ដាច់ដោយឡែកពីក្រុម រហូតដល់បញ្ហាជាមួយអ្នកចាត់ការ Erik ten Hag ត្រូវបានដោះស្រាយរួចរាល់។អតីតអ្នកចាត់ការ Ajax រូបនេះ មិនបានដាក់ឈ្មោះ Sancho ក្នុងបញ្ជីពេលចាញ់កាំភ្លើងធំ Arsenal ឡើយ ដោយលើកឡើងថាកីឡាករអង់គ្លេសរូបនេះបង្ហាញទំរង់ក្រោមស្តង់ដាអំឡុងពេលហ្វឹកហាត់។យ៉ាងណាក្តី កីឡាករវ័យ ២៣ ឆ្នាំរូបនេះ បានបកស្រាយនៅលើបណ្តាញសង្គមថា ខ្លួនគឺជាពពែដែលចាំតែទទួលកំហុសយូរមកហើយ ដែលធ្វើឱ្យមានការផ្ទុះឡើងនៅការជជែកគ្នានៅលើបណ្តាញសង្គមជុំវិញទំនាក់ទំនងរបស់អ្នកចាត់ការ និងកីឡាកររូបនេះ។ Sancho ដែលផ្លាស់ពី Dortmund កាលពីឆ្នាំ ២០២១ ក្នុងតម្លៃ ៧៣ លានផោននោះ ធ្លាប់សម្រាក ៣ ខែរដូវកាលមុនដើម្បីទទួលការព្យាបាលបញ្ហាផ្លូវចិត្តផងដែរ ដែលធ្វើឱ្យការផ្លាស់មកកាន់ Old Trafford នេះ Sancho មិនបានចូលលេងជាប់លាប់ឡើយ ពោលគឺរយៈពេល ៣ ឆ្នាំកន្លងមកនេះបង្ហាញខ្លួនបានត្រឹម ៥៨ ប្រកួតនៅ Premier League រកបាន ៩ គ្រាប់ និង ៦ បាល់បញ្ជូន។ Sancho ជាកីឡាករបម្រុងដែលផ្លាស់ប្តូរចូល ៣ ប្រកួតរដូវកាលនេះ ដែល Manchester United ឈ្នះ ២ ចាញ់ ២ នៅ Premier League៕ អត្ថបទ៖នាង សុភាវុធ

កីឡាករក្រុមយុវជន Real Madrid ៤ នាក់ត្រូវឃាត់ខ្លួនពីបទចែករំលែកវីដេអូអាសអាភាស

កីឡាករ ៤ នាក់របស់ក្រុមយុវជន Real Madrid ត្រូវបានឃាត់ខ្លួនជុំវិញរឿងចែករំលែកវីដេអូអាសអាភាស ដែលរួមមានទាំងអនិតិជនម្នាក់ផងដែរ នេះបើតាមការលើកឡើងរបស់មន្ត្រីមានសមត្ថកិច្ច។កីឡាករទាំង ៤ នាក់នោះត្រូវបានចោទសួរ ទទួលការអប់រំ និងដោះលែងទៅវិញបន្ទាប់ពីវីដេអូនោះត្រូវបានដកហូត។ ការសំរេចឃាត់ខ្លួននេះ បន្ទាប់ពីមានការត្អូញត្អែរដោយម្តាយរបស់ក្មេងស្រីវ័យ ១៦ ឆ្នាំម្នាក់ដែលមានមុខនៅក្នុងវីដេអូនោះនេះបើតាមការបញ្ជាក់បន្ថែមរបស់នគរបាល។កីឡាករទាំងបួននាក់នោះ ត្រូវបាននគរបាលឃាត់ខ្លួននៅទីលានហ្វឹកហាត់កាលពីថ្ងៃព្រហស្បតិ៍។ចំណែក Real Madrid បានឱ្យដឹងដែរថា ក្លិបនឹងធ្វើការតាមដានរឿងនេះ ហើយនឹងចាត់វិធានការវិន័យផងដែរ។ក្នុងចំណោម ៤ នាក់នោះមាន ៣ នាក់ស្ថិតនៅក្នុងក្រុម Real Madrid C និងម្នាក់ទៀតស្ថិតនៅក្រុម Real Madrid B ដែលគេស្គាល់ថា Castilla។សូមបញ្ជាក់ថា វីដេអូអាសអាភាសដែលមានវត្តមានក្មេងស្រីវ័យ ១៦ ឆ្នាំដែលលើកឡើងនាងមិនបានយល់ព្រមនោះ ត្រូវបានគេចែករំលែកនៅលើបណ្តាញទំនាក់ទំនងសង្គម WhatsApp៕ អត្ថបទ៖នាង សុភាវុធ

មួយជង្គង់របស់ Benzema ជួយ Al-Ittihad ឈ្នះនៅទឹកដី Al-Okhdood ឈរកំពូលតារាងបណ្តោះអាសន្ន

ក្រុមបាល់ទាត់ Al-Ittihad បានត្រលប់ឡើងមកឈរកំពូលតារាងនៃក្របខណ្ឌលីគកំពូលអារ៉ាប៊ីសាអ៊ូឌីតបណ្តោះអាសន្ន ក្រោយយកឈ្នះនៅទឹកដី Al-Okhdood ១-០ យប់ថ្ងៃព្រហស្បតិ៍ម្សិលមិញ។ថ្វីបើមានឱកាសច្រើនសម្រាប់ក្រុមចាយលុយច្រើន Al-Ittihad តែពួកគេត្រូវរង់ចាំដល់នាទីទី ៧២ ទើបរឿងសប្បាយចិត្តកើតឡើងសម្រាប់អ្នកគាំទ្រ។ គ្រាប់បាល់បញ្ចូលទីសម្រេចដោយខ្សែប្រយុទ្ធបារាំង អតីតខ្សែប្រយុទ្ធ Real Madrid, Karim Benzema ប្រើប្រាស់ជង្គង់អុកបញ្ចូលទីយ៉ាងល្អ។ នេះជាគ្រាប់បាល់ទី ៣ របស់ Karim Benzema នៅ Saudi Pro League សម្រាប់ Al-Ittihad តាំងពីផ្លាស់ពី Real Madrid រដូវក្តៅកន្លងមក។ បីពិន្ទុនេះធ្វើឱ្យ Al-Ittihad ឡើងមកឈរកំពូលតារាងវិញបណ្តោះអាសន្នមាន ១៥ ពិន្ទុពីការប្រកួត ៦ លើក ខណៈបរាជ័យមួយលើកនោះគឺចាញ់ក្រុមខ្លាំង Al-Hilal ដែលមិនទាន់ប្រកួតនៅឡើយសប្តាហ៍ទី ៦ នេះ៕ អត្ថបទ៖នាង សុភាវុធ

មន្ដ្រីសហព័ន្ធ៖ ខាន់ ចេសា ប្រកួតលើសង្វៀន ONE មិនប៉ះពាល់ដល់ការប្រកួតកីឡាអាស៊ីនោះទេ

វីរកីឡាការិនីជឺជីតស៊ូឆ្នើមកម្ពុជា ខាន់ ចេសា នឹងបង្ហាញខ្លួនលើកដំបូងលើសង្វៀន ONE Championship ក្នុងការប្រកួតដណ្តើមខ្សែក្រវាត់ជាមួយកីឡាការិនីអាមេរិក Danielle Kelly ក្នុងកម្មវិធី ONE Fight Night 14 នៅសិង្ហបុរី នាថ្ងៃទី២៩ ខែកញ្ញា ឆ្នាំ២០២៣ ខាងមុខ មុនបន្ដដំណើរមកកម្ពុជា ដើម្បីចេញទៅប្រកួតកីឡាអាស៊ី Asian Games លើកទី១៩ នៅទីក្រុង Hangzhou ប្រទេសចិន នាដើមខែក្រោយ ។ជុំវិញជំនួបរវាងម្ចាស់មេដាយមាសស៊ីហ្គេម ឆ្នាំ២០២៣ ចេសា និងជើងខ្លាំងជឺជីតស៊ូលំដាប់ពិភពលោកដូចគ្នា នាចុងខែនេះ ត្រូវបានលោកមន្ដ្រីជាន់ខ្ពស់សហព័ន្ធកីឡាជឺជីតស៊ូកម្ពុជា បញ្ជាក់ថា មិនប៉ះពាល់ដល់ដំណើរឆ្ពោះទៅការពារមេដាយមាសកីឡាអាស៊ី របស់កីឡាការិនីកូនកាត់ ៣សាសន៍ ខាន់ ចេសា ឡើយ ។មន្ដ្រីសហព័ន្ធដដែលបន្ដថា ក្រោយការសម្រេចចិត្តផ្ទាល់ខ្លួន ដោយមានការឯកភាពគ្នា រវាងកីឡាការិនីជម្រើសជាតិកម្ពុជា និងដៃគូប្រកួត ក៏ដូចជាអ្នករៀបចំកម្មវិធី ខាន់ ចេសា នឹងចូលរួមប្រកួតលើសង្វៀន ONE Championship ធម្មតា ក្រោយលក្ខខណ្ឌប្រកួតវិញ្ញាសាទម្ងន់ស្រាល នៃប្រភេទកីឡាជឺជីតស៊ូ មិនមែនជាការប្រកួតគុនចម្រុះ ឬ MMA នោះទេ ។ម្យ៉ាងដោយសារកីឡាការិនីទាំងពីរ សុទ្ធតែជាកីឡាការិនីកម្រិតខ្ពស់ ហេតុនេះការប្រកួតលើសង្វៀន ONE នាចុងខែនេះ ក៏ជាឱកាសពង្រឹងសមត្ថភាព និងបច្ចេកទេសបន្ថែម ពិសេសសម្រាប់កីឡាការិនីកម្ពុជា ខាន់ ចេសា ដើម្បីត្រៀមលក្ខណៈកាន់តែប្រសើរ សម្រាប់ការប្រកួតកីឡាអាស៊ី លើកទី១៩ ក្នុងនាមបេក្ខភាពការពារមេដាយមាស នាពេលឆាប់ៗខាងមុខផងដែរ ។បន្ទាប់ពីចប់ការប្រកួតនេះ ចេសា នឹងត្រូវធ្វើដំណើរមកកម្ពុជា ហើយត្រូវបន្ដដំណើរទៅប្រទេសចិន នៅថ្ងៃទី០២ ខែតុលា ដើម្បីចូលរួមការប្រកួតកីឡាអាស៊ី នៅទីក្រុង Hangzhou ដែលម្ចាស់មេដាយមាស ឆ្នាំ២០១៨ របស់កម្ពុជារូបនេះ នឹងត្រូវធ្វើការប្រកួតនៅថ្ងៃទី០៦ ខែតុលា ។ ដូច្នេះផ្អែកលើពេលវេលានេះ លោកមន្ដ្រីសហព័ន្ធដដែល អះអាងថា មិនមានផលប៉ះពាល់អ្វីដល់ ចេសា រវាងការនៅលើសង្វៀន ONE Championship និងការប្រកួតកីឡាអាស៊ីនោះទេ ។គួរដឹងថា ខាន់ ចេសា គឺអត្តពលិកកីឡាជឺជីតស៊ូម្នាក់ ក្នុងចំណោម ២នាក់ ដែលសហព័ន្ធត្រៀមបញ្ជូនទៅចូលរួមប្រកួតកីឡាអាស៊ី លើកទី១៩ ។ អ្វីដែលពិសេស បេសកកម្មលើកនេះដែរ ចេសា ត្រូវការពារមេដាយមាសរបស់ខ្លួន បន្ទាប់ពីកញ្ញាដណ្ដើមបានមេដាយមាសជូនជាតិលើកដំបូង ក្នុងកីឡាអាស៊ី លើកទី១៨ នៅទីក្រុងហ្សាកាតា ប្រទេសឥណ្ឌូនេស៊ី មុនបន្ដដណ្ដើមបានមេដាយមាសស៊ីហ្គេម ២សម័យ កាលពីឆ្នាំ២០១៩ នៅហ្វីលីពីន និងស៊ីហ្គេម ឆ្នាំ២០២៣ នៅកម្ពុជា ៕ អត្ថបទ លី ឈុនឡា

ម្ចាស់ផ្ទះបារាំងបន្តឈ្នះ ២ ប្រកួតជាប់គ្នានៅការប្រកួតបាល់ឱបជើងឯកពិភពលោក

ក្រុមម្ចាស់ផ្ទះបារាំង បានបន្តជ័យជំនះ ២ ប្រកួតផ្ទួនៗរបស់ខ្លួននៅក្នុងពូល ក្រោយយកឈ្នះក្រុមអ៊ុយរូហ្កាយ ២៧-១២។ បារាំងដែលធ្វើការផ្លាស់ប្តូរជម្រើសដំបូងរបស់ខ្លួនដល់ទៅ ១២ នាក់ពីការប្រកួតដំបូងដែលយកឈ្នះនូវែស៊ីឡង់នោះ បាននាំមុខមុនដោយបាល់ពិន័យរបស់ Melvyn Jaminet មុនពេលដែលអ៊ុយរូហ្កាយតាមពីក្រោយវិញដោយ Try របស់ Nicolas Freitas តែ Antoine Hastoy ជាអ្នកជួយបារាំងនាំមុខសាជាថ្មី។អ៊ុយរូហ្កាយក៏ធ្វើបានល្អតាមរយៈការដាក់សម្ពាធលើក្រុមបារាំង តែក្រុមម្ចាស់ផ្ទះអាចគ្រប់គ្រងស្ថានការបានខណៈដែល Peato Mauvaka និង Louis Bielle-Biarrey ជាអ្នកសម្រេចជ័យជំនះឱ្យបារាំង។ជ័យជំនះពីរប្រកួតផ្ទួនៗនេះធ្វើឱ្យបារាំង កាន់តែកៀកក្នុងការឈានឆ្ពោះទៅវគ្គ ៨ ក្រុមចុងក្រោយ ខណៈពួកគេនឹងត្រូវជួបជាមួយ ណាមីប៊ីប្រកួទបន្ទាប់ ឯអ៊ុយរូហ្កាយត្រូវជួបអ៊ីតាលី៕ អត្ថបទ៖នាង សុភាវុធ

លីគកំពូលកម្ពុជា ត្រឡប់មកវិញចុងសប្ដាហ៍នេះ ក្រោយសម្រាក FIFA Day ២សប្ដាហ៍

ការប្រកួតជម្រើសជើងឯកលីគកំពូលកម្ពុជា Cambodian Premier League 2023/24 នឹងបន្ដការប្រកួតសន្សំពិន្ទុ សប្ដាហ៍ទី៥ នាចុងសប្ដាហ៍នេះ បន្ទាប់ពីសម្រាកការប្រកួត ២សប្ដាហ៍ កំឡុងថ្ងៃ FIFA កាលពីថ្មីៗកន្លងទៅ ។សម្រាប់កម្មវិធីប្រកួតសប្ដាហ៍ទី៥ រួមមាននៅថ្ងៃទី១៦ ខែកញ្ញា ក្រុមមិនទាន់ស្គាល់ចាញ់ ឬស្មើ ព្រះខ័នរាជស្វាយរៀង ត្រូវបើកទ្វារផ្ទះទទួលក្រុមអង្គររថាយហ្គឺរ និងកំពុងឡើងជើងព្រៃវែងអេហ្វស៊ី ជួបក្រុមភ្ញៀវកងយោធពលខេមរភូមិន្ទ ។ចំណែកនៅថ្ងៃទី១៧ ខែកញ្ញា គឺមាន ៣គូ រួមមានក្រុម ISI ដង្កោសែនជ័យ ត្រូវជួបក្រុមភ្ញៀវណាហ្គាវើលដ៍ ខណៈក្រុមបឹងកេត ត្រូវជួបគិរីវង់សុខសែនជ័យ នៅពហុកីឡដ្ឋានជាតិ និងក្រុមវិសាខា ត្រូវជួបក្រុមភ្នំពេញក្រោន នៅកីឡដ្ឋានព្រីនស៍ ។គួរដឹងថា គិតត្រឹមសប្ដាហ៍ទី៤ មានតែក្រុមព្រះខ័នរាជស្វាយរៀងប៉ុណ្ណោះ ដែលមិនទាន់ស្គាល់ចាញ់ ឬស្មើ ពោលគឺពួកគេ កំពុងឈរកំពូលតារាង និងមាន ១២ពិន្ទុពេញ ក្រោយឈ្នះ ៤ប្រកួតផ្ទួនៗ គ្រាដែលវិសាខា និងភ្នំពេញក្រោន មាន ៩ពិន្ទុស្មើគ្នា ឈរលេខ២ និងលេខ៣ តាមពីក្រោយដោយព្រៃវែងអេហ្វស៊ី និងបឹងកេត ដែលរកបាន ៧ពិន្ទុស្មើគ្នា ៕ អត្ថបទ លី ឈុនឡា

ក្រុម F1 Alfa Romeo សម្រេចប្រើប្រាស់កីឡាករ Valtteri Bottas និង Zhou Guanyu មួយឆ្នាំទៀត

កីឡាករប្រណាំង F1 ហ្វាំងឡង់ Valtteri Bottas និងកីឡាករចិន Zhou Guanyu នឹងបន្តស្នាក់នៅជាមួយក្រុមប្រណាំង F1 Alfa Romeo មួយរដូវកាលទៀត។Valtteri Bottas ដែលផ្លាស់ពី Mercedes កាលពីឆ្នាំ ២០២២ នោះ ស្ថិតក្នុងគំរោងរបស់ Alfa Romeo រដូវកាលក្រោយស្រាប់ តែកីឡាករចិន Zhou Guanyu ដំបូងស្ថិតក្នុងការពិចារណារបស់ក្រុម។យ៉ាងណាក្តី ស្របពេលក្រុម F1 ទាំងអស់កំពុងត្រៀមលក្ខណៈសម្រាប់ការប្រកួតនៅទឹកដីសិង្ហបុរីសប្តាហ៍នេះ Alfa Romeo បានបញ្ជាក់ថា កីឡាករទាំងពីររបស់ខ្លួននឹងបន្តបើកបរឱ្យ Alfa Romeo ៣ រដូវកាលជាប់គ្នា។Alfa Romeo នឹងត្រូវបញ្ចប់ឈ្មោះរបស់ខ្លួនត្រឹមដំណាច់រដូវកាលនេះ ហើយនឹងត្រូវប្រើប្រាស់ឈ្មោះថ្មីនៅរដូវកាលក្រោយ តែក្រុមមិនទាន់បង្ហាញនៅឡើយ។ សូមបញ្ជាក់ថា Alfa Romeo កំពុងឈរលេខ ៩ ក្នុងចំណោម ១០ ក្រុមនៅ F1 រដូវកាលនេះ ខណៈកីឡាករ Valtteri Bottas ឈរលេខ ១៥ មាន ៦ ពិន្ទុ និង Zhou Guanyu ឈរលេខ ១៦ មាន ៤ ពិន្ទុ៕ អត្ថបទ៖នាង សុភាវុធ

Sepp Kuss បង្កើនការនាំមុខនៅ Vuelta a Espana ទោះ Evenepoel ជាអ្នកឈ្នះដំណាក់កាលទី ១៨

កីឡាករប្រណាំងកង់អាមេរិក Sepp Kuss បានបន្តដំណើរត្រលប់មកពន្លាតវេលានាំមុខរបស់ខ្លួននៅ Vuelta a Espana ដែលកៀកនឹងបញ្ចប់ទៅហើយ បើទោះបីជាដំណាក់កាលទី ១៨ ជ័យជំនះបានទៅកីឡាករប្រណាំងកង់ប៊ែលហ្ស៊ិក Remco Evenepoel ក៏ដោយ។ដំណាក់កាលទី ១៨ ដែលមានចំងាយផ្លូវ ១៧៩ គីឡូម៉ែត្រ Sepp Kuss ដែលជិះឱ្យក្រុម Jumbo-Visma បានបញ្ចប់នៅចំណាត់ថ្នាក់លេខ ១០ ឯណោះ តែនៅលើគូប្រជែងរបស់គេទាំងពីរនាក់ដែលជាមិត្តរួមមាន Jonas Vingegaard និង Primoz Roglic ដែលសុទ្ធតែបញ្ចប់ដំណាក់កាលទី ១៨ នៅក្រៅចំណាត់ថ្នាក់ Top10។Sepp Kussជាមួយគ្នានោះដែរ កីឡាកររបស់ក្រុម Soudal-Quick-Step, Rembo Evenepoel ជាអ្នកឈ្នះដំណាក់កាលទី ១៨ នេះក្រោយមកដល់ទីព្រ័ត្រមុនគេប្រើពេល ៤ ម៉ោង ៤៧ នាទី ៣៧ វិនាទី តាមពីក្រោយដោយកីឡាករអ៊ីតាលី Damiano Caruso យឺតជាង ៤ នាទី ៤៤ វិនាទី និងលេខ ៣ Andreas Kron សញ្ជាតិដាណឺម៉ាក។ នៅក្នុងតារាងរួមវិញបីនាក់ខាងលើសុទ្ធតែជិះឱ្យក្រុម Jumbo-Visma ទាំងអស់ ក្នុងនោះ Sepp Kuss បង្កើនការនាំមុខដល់ ១៧ វិនាទីពីអ្នកលេខ ២ Jonas Vingegaard និងលេខ ៣ Primoz Roglic យឺតជាង ១ នាទី ៨ វិនាទី។សម្រាប់ដំណាក់កាលទី ១៩ ថ្ងៃសុក្រនេះមានចំងាយផ្លូវ ១៧៨ គីឡូម៉ែត្រ។ សូមបញ្ជាក់ថាព្រឹត្តិការណ៍ប្រណាំងកង់ Grand Tour នៅអេស្ប៉ាញ Vuelta a Espana នឹងបិទបញ្ចប់ទាំងស្រុងនៅថ្ងៃអាទិត្យដែលជាដំណាក់កាលទី ២១ បញ្ចប់នៅទីក្រុង Madrid៕ អត្ថបទ៖នាង សុភាវុធEvenepoel

Marco Varretti ចាកចេញពី PSG ទៅក្លិបកាតា Al-Arabi តម្លៃផ្ទេរជិត ៤០ លានផោន

ខ្សែបម្រើអ៊ីតាលី Marco Varretti បានសំរេចក្នុងការផ្លាស់ទៅកាន់ក្លិបកាតា Al-Arabi ហើយក្នុងតម្លៃផ្ទេរ ៣៨.៧ លានផោន រឺ ៤៥ លានអឺរ៉ូ។ Varretti ក្លាយជាកីឡាករអឺរ៉ុបទីពីរដែលផ្លាស់ទៅទឹកដីកាតាក្នុងរយៈពេល ១ សប្តាហ៍ចុងក្រោយនេះ បន្ទាប់ពីខ្សែបម្រើប្រេស៊ីល Philippe Coutinho ទើបផ្លាស់ទៅ Al-Duhail កាលពីថ្ងៃសុក្រក្នុងកិច្ចសន្យាខ្ចីជើងពេញមួយរដូវកាលពី Aston Villa។Marco Varretti ធ្លាប់ឈ្នះជើងឯកក្របខណ្ឌបារាំង Ligue1 ៩ លើកជាមួយ PSG តាំងពីផ្លាស់មកកាន់ទឹកដីបារាំងតាំងពីឆ្នាំ ២០១២ ហើយក៏ជាសមាជិករបស់ក្រុមជម្រើសជាតិអ៊ីតាលីដែលលើកពាន Euro 2020 ផងដែរ។Marco Varretti ក៏បានក្លាយជាកីឡាករអឺរ៉ុបម្នាក់ទៀតដែលផ្លាស់ទៅកាន់ទឹកដីមជ្ឈឹមបូព៌ាផងដែរ បន្ទាប់ពីកីឡាករដែលមានឈ្មោះល្បីជាច្រើនផ្លាស់ទៅក្របខណ្ឌ Saudi Pro League។កីឡាករវ័យ ៣០ ឆ្នាំរូបនេះនឹងបានរួមអាជីពជាមួយអតីតកីឡាករ PSG ម្នាក់គឺ Rafinha ដែលបងប្អូនភ្លោះនឹងខ្សែបម្រើ Liverpool, Thiago Alcantara ផងដែរ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រមុខជនភៀសខ្លួនរបស់UN មានសុទិដ្ឋិនិយមចំពោះភាពជាដៃគូអាមេរិក បន្ទាប់ពីរបាយការណ៍ភាពខ្វែងគំនិតគ្នាជាមួយលោក Trump

លោកស្រី Keiko Fujimori ស្បថចូលកាន់តំណែងជាប្រធានាធិបតីថ្មីរបស់ប្រទេសប៉េរូ

ក្រុងគីវ ព្រមានអ៊ីរ៉ង់ប្រឆាំងការបង្កើនភាពតានតឹងក្រោយការវាយប្រហារនៅសមុទ្រកាសព្យែន

ប្រេងឡើងថ្លៃ ខណៈភាពតានតឹងរវាងអាមេរិក និងអ៊ីរ៉ង់កើនឡើង បន្ទាប់ពីការវាយប្រហារដោយមីស៊ីលនៅអ៊ីរ៉ាក់

បារាំងចេញការព្រមានពីកម្ដៅក្នុងតំបន់រងគ្រោះដោយភ្លើងឆេះព្រៃ ខណៈមនុស្សរាប់ម៉ឺននាក់ត្រូវបានជម្លៀសនៅអេស្ប៉ាញ

អារ៉ាប៊ីសាអ៊ូឌីត បញ្ជាក់ពីការវាយប្រហារលើកងជីវពលគាំទ្រដោយអ៊ីរ៉ង់នៅក្នុងប្រទេសអ៊ីរ៉ាក់

ការវាយប្រហារដោយមីស៊ីលរបស់អ៊ីរ៉ង់ អាចមានផលប៉ះពាល់ខ្លាំងលើផ្នែកការទូត

សម្ដេចធិបតី ឯកភាពជាគោលការណ៍៨ចំណុច ដើម្បីពន្លឿនដោះស្រាយបញ្ហាកកស្ទះការចេញបណ្ណដីធ្លី

សម្ដេចធិបតី៖ ពីអាណត្តិមុនមកដល់អាណត្តិថ្មីនេះ រដ្ឋចុះបញ្ជីក្បាលដីជូនពលរដ្ឋបានជាង ១០ លានក្បាលដី

សម្ដេចធិបតី៖ កម្មសិទ្ធិដីធ្លីស្របច្បាប់ គឺជាមូលដ្ឋាននៃជីវិត មិនមែនត្រឹមតែជាទ្រព្យសម្បត្តិប៉ុណ្ណោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

បញ្ចប់មន្ទិលរឿងផ្លាស់ទៅ Bayern Munich, Kyle Walker បន្តកិច្ចសន្យាជាមួយ Man City ពីរឆ្នាំទៀត

Jadon Sancho ត្រូវហ្វឹកហាត់ដាច់ដោយឡែករហូតដល់បញ្ហាជាមួយ Erik ten Hag ត្រូវបានដោះស្រាយ

កីឡាករក្រុមយុវជន Real Madrid ៤ នាក់ត្រូវឃាត់ខ្លួនពីបទចែករំលែកវីដេអូអាសអាភាស

មួយជង្គង់របស់ Benzema ជួយ Al-Ittihad ឈ្នះនៅទឹកដី Al-Okhdood ឈរកំពូលតារាងបណ្តោះអាសន្ន

មន្ដ្រីសហព័ន្ធ៖ ខាន់ ចេសា ប្រកួតលើសង្វៀន ONE មិនប៉ះពាល់ដល់ការប្រកួតកីឡាអាស៊ីនោះទេ

ម្ចាស់ផ្ទះបារាំងបន្តឈ្នះ ២ ប្រកួតជាប់គ្នានៅការប្រកួតបាល់ឱបជើងឯកពិភពលោក

លីគកំពូលកម្ពុជា ត្រឡប់មកវិញចុងសប្ដាហ៍នេះ ក្រោយសម្រាក FIFA Day ២សប្ដាហ៍

ក្រុម F1 Alfa Romeo សម្រេចប្រើប្រាស់កីឡាករ Valtteri Bottas និង Zhou Guanyu មួយឆ្នាំទៀត

Sepp Kuss បង្កើនការនាំមុខនៅ Vuelta a Espana ទោះ Evenepoel ជាអ្នកឈ្នះដំណាក់កាលទី ១៨

Marco Varretti ចាកចេញពី PSG ទៅក្លិបកាតា Al-Arabi តម្លៃផ្ទេរជិត ៤០ លានផោន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

បញ្ចប់មន្ទិលរឿងផ្លាស់ទៅ Bayern Munich, Kyle Walker បន្តកិច្ចសន្យាជាមួយ Man City ពីរឆ្នាំទៀត

Jadon Sancho ត្រូវហ្វឹកហាត់ដាច់ដោយឡែករហូតដល់បញ្ហាជាមួយ Erik ten Hag ត្រូវបានដោះស្រាយ

កីឡាករក្រុមយុវជន Real Madrid ៤ នាក់ត្រូវឃាត់ខ្លួនពីបទចែករំលែក​វីដេអូអាសអាភាស

មួយជង្គង់របស់ Benzema ជួយ Al-Ittihad ឈ្នះនៅទឹកដី Al-Okhdood ឈរកំពូលតារាងបណ្តោះអាសន្ន

មន្ដ្រីសហព័ន្ធ៖ ខាន់ ចេសា ប្រកួតលើសង្វៀន ONE ​មិនប៉ះពាល់ដល់ការប្រកួតកីឡាអាស៊ីនោះទេ

ម្ចាស់ផ្ទះបារាំងបន្តឈ្នះ ២ ប្រកួតជាប់គ្នានៅការប្រកួតបាល់ឱបជើងឯកពិភពលោក

លីគកំពូលកម្ពុជា ត្រឡប់មកវិញចុងសប្ដាហ៍នេះ ក្រោយសម្រាក FIFA Day ២សប្ដាហ៍

ក្រុម F1 Alfa Romeo សម្រេចប្រើប្រាស់កីឡាករ Valtteri Bottas និង Zhou Guanyu មួយឆ្នាំទៀត

Sepp Kuss បង្កើនការនាំមុខនៅ Vuelta a Espana ទោះ Evenepoel ជាអ្នកឈ្នះដំណាក់កាលទី ១៨

Marco Varretti ចាកចេញពី PSG ទៅក្លិបកាតា Al-Arabi តម្លៃផ្ទេរជិត ៤០ លានផោន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករក្រុមយុវជន Real Madrid ៤ នាក់ត្រូវឃាត់ខ្លួនពីបទចែករំលែកវីដេអូអាសអាភាស

មន្ដ្រីសហព័ន្ធ៖ ខាន់ ចេសា ប្រកួតលើសង្វៀន ONE មិនប៉ះពាល់ដល់ការប្រកួតកីឡាអាស៊ីនោះទេ