BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

កីឡាករអូស្រ្តាលី Kaden Groves ឈ្នះដំណាក់កាលទី ៤ Vuelta a Espana តែអ្នកនាំមុខនៅដដែល

កីឡាករប្រណាំងកង់អូស្រ្តាលី Kaden Groves បានប្រជែងឈ្នះដំណាក់កាលទី ៤ នៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana នៅទឹកដីអេស្ប៉ាញ តែអ្នកនាំមុខគេក្នុងតារាងរួមនៅតែជាកីឡាករប៊ែលហ្ស៊ិក Remco Evenepoel ដដែល។ដំណាក់កាលទី ៤ ដែលមានចំងាយផ្លូវ ១៨៣.៤ គីឡូម៉ែត្រឆ្លងពីប្រទេសអង់ដូរ៉ាចូលមកប្រទេសអេស្ប៉ាញ កីឡាកររបស់ក្រុម Alpecin-Deceuninck បានមកដល់ទីព្រ័ត្រមុនគេប្រើពេល ៤ ម៉ោង ៥ នាទី ៤១ វិនាទី តាមពីក្រោយដោយកីឡាករកូឡុំប៊ី Sebastian Molano លេខ ២ និងលេខ ៣ កីឡាករប៊ែលហ្ស៊ិក Edward Theuns។ សម្រាប់ដំណាក់កាលទី ៤ នេះមិនមានការប្រែប្រួលលទ្ធផលច្រើនឡើយដោយក្រុមភាគច្រើនសុទ្ធតែប្រើពេលបញ្ចប់ទីដូចគ្នា។ ក្រោយ ៤ ដំណាក់កាលនេះ កីឡាករប៊ែលហ្ស៊ិក Remco Evenepoel របស់ក្រុម Soudal-Qucik-Step នៅតែបន្តនាំមុខគេដដែលមានវេលាចំនេញ ៥ វិនាទីពីអ្នកលេខ ២ កីឡាករអេស្ប៉ាញ Enric Mas និងលេខ ៣ កីឡាករបារាំង Lenny Martinez យឺតជាង ១១ វិនាទី។សម្រាប់ដំណាក់កាលទី ៥ ថ្ងៃពុធនេះមានចំងាយផ្លូវ ១៨៥.៧ គីឡូម៉ែត្រ៕ អត្ថបទ៖នាង សុភាវុធ

Grand Slam, US Open ចាប់ផ្តើមខណៈ Iga Swiatek ឈ្នះតែ Maria Sakkari ធ្លាក់ត្រឹមជុំទី ១

ព្រឹត្តិការណ៍វាយកូនបាល់ Grand Slam, US Open បានចាប់ផ្តើមនៅថ្ងៃចន្ទម្សិលមិញ ខណៈការប្រកួតផ្នែកនារី កីឡាការិនីលំដាប់លេខ ១ ពិភពលោក Iga Swiatek ឆ្លងផុតជុំដំបូង។កីឡាការិនីប៉ូឡូញរូបនេះបានយកឈ្នះដោយមិនលំបាកលើកីឡាការិនីស៊ុយអែត Rebecca Peterson ដោយលទ្ធផល ៦-០ និង ៦-១ ប្រើពេលត្រឹម ៥៨ នាទីប៉ុណ្ណោះ។ ផ្ទុយពី Iga Swiatek កីឡាការិនីក្រិក Maria Sakkari វិញបានធ្លាក់ចេញត្រឹមជុំទី ១ ប៉ុណ្ណោះក្រោយរងបរាជ័យក្រោមស្នាដៃកីឡាការិនីលំដាប់លេខ ៧១ ពិភពលោក Rebeka Masarova សញ្ជាតិអេស្ប៉ាញដោយលទ្ធផល ៦-៤ និង ៦-៤។ លទ្ធផលផ្សេងទៀតមានដូចជា Beatriz Haddad Maia យកឈ្នះជើងឯកឆ្នាំ ២០១៧ Sloane Stephens និង Elene Rybakina ឡើងជុំទី ២ បន្តក្រោយយកឈ្នះកីឡាការិនីអ៊ុយក្រែន Marta Kostyuk ៦-២ និង ៦-១៕ អត្ថបទ៖នាង សុភាវុធ

Holger Rune ធ្លាក់ជុំដំបូងតែ Dominic Thiem និង Casper Ruud ទៅជុំបន្ត US Open

កីឡាករវាយកូនបាល់ដាណឺម៉ាក Holger Rune បានរងបរាជ័យភ្ញាក់ផ្អើលត្រឹមជុំដំបូងនៃព្រឹត្តិការណ៍ Grand Slam, US Open ក្រោយចាញ់កីឡាករលំដាប់លេខ ៦៣ ពិភពលោក Roberto Carballes សញ្ជាតិអេស្ប៉ាញ។កីឡាករវ័យ ២០ ឆ្នាំរូបនេះចាញ់ដោយលទ្ធផល ៦-៣ ៤-៦ ៦-៣ និង ៦-២ បន្ទាប់ពីកីឡាករដាណឺម៉ាករូបនេះ ក៏ធ្លាប់រិះគន់ទីលានប្រកួតដែរ មុនការប្រកួតមកដល់។ Holger Rune ធ្លាប់ឡើងដល់វគ្គ ៨ នាក់ចុងក្រោយ Wimbledon កាលពីខែកក្កដា តែក្រោយមកលេងបានតែ ២ ប្រកួតប៉ុណ្ណោះដោយសារបញ្ហារបួស។ងាកមកកីឡាករអូទ្រីស Dominic Thiem មិនមានបញ្ហាឡើយក្រោយយកឈ្នះកីឡាករលំដាប់លេខ ២៥ Alexander Bublik ដែលជាជ័យជំនះដំបូងនៅ Grand Slam ក្នុងរយៈពេលជាង ២ ឆ្នាំ។ជ័យជំនះចុងក្រោយបំផុតនៅ Grand Slam របស់កីឡាករវ័យ ២៩ ឆ្នាំរូបនេះគឺឈ្នះ និងឡើងដល់ជុំទី ៤ Grand Slam, Australian Open កាលពីឆ្នាំ ២០២១។ ជុំទី ២ Dominic Thiem នឹងជួបកីឡាករម្ចាស់ផ្ទះអាមេរិកដែលកំពុងរះ Ben Shelton។ ចំណែកឯជើងឯករងឆ្នាំមុន Casper Ruud ក៏មិនមានបញ្ហាដែរក្រោយយកឈ្នះកីឡាករម្ចាស់ផ្ទះអាមេរិក Emilio Nava តានតឹង ៧-៦(៧-៥) ៣-៦ ៦-៤ និង ៧-៦(៧-៥)៕ អត្ថបទ៖នាង សុភាវុធ

Matheus Nunes ឈប់ហ្វឹកហាត់ជាមួយ Wolves ចង់ផ្លាស់ទៅកាន់ Manchester City

ខ្សែបម្រើ Wolverhampton, Matheus Nunes មិនបានចូលរួមហ្វឹកហាត់ជាមួយក្លិបឡើយដោយមានបំណងចង់ផ្លាស់ទៅកាន់ Manchester City។ក្រុមនាំមុខគេនៅ Premier League បច្ចុប្បន្ន Manchester City បានដាក់សំណើ ៤៧ លានផោនចង់បានកីឡាករវ័យ ២៥ ឆ្នាំព័រទុយហ្កាល់រូបនេះកាលពីសប្តាហ៍មុន តែសំណើនោះត្រូវបាន Wolves បដិសេធ។ យ៉ាងណាក្តី Wolves ត្រូវបានគេរំពឹងថានឹងសុំតម្លើងថ្លៃផ្ទេរនេះ មុនពេលទីផ្សារទិញដូរកីឡាករបិទបញ្ចប់នៅថ្ងៃសុក្រខាងមុខនេះពោលគឺតម្លៃ ៦០ លានផោនអាចនឹងព្រមព្រៀង។ កីឡាករវ័យ ២៤ ឆ្នាំរូបនេះទើបមកដល់ Wolves ពី Sporting Lisbon រដូវកាលមុនក្នុងតម្លៃផ្ទេរ ៣៨ លានផោនថ្លៃបំផុតក្នុងប្រវត្តិសាស្រ្តក្លិប និងបានចុះហត្ថលេខារយៈពេល ៥ ឆ្នាំ។ Man City កំពុងរកអ្នកបំពេញចំនុចខ្វះខាតនៅតំបន់បម្រើកណ្តាល បន្ទាប់ពីកីឡាករនាំលេងប៊ែលហ្ស៊ិក Kevin de Bruyne មានរបួសត្រូវសម្រាកយ៉ាងហោចណាស់ ៤ ខែ។ City ថែមទាំងចាប់អារម្មណ៍ខ្សែបម្រើស្លាប Crystal Palace ផងដែរគឺកីឡាករវ័យ ២៥ ឆ្នាំ Eberechi Eze ដែលទើបបង្ហាញខ្លួនឱ្យក្រុមជំរើសជាតិអង់គ្លេសលើកដំបូងកាលពីខែមិថុនា។ សម្រាប់ Wolverhampton រដូវក្តៅនេះបានលក់ចេញប្រធានក្រុម Ruben Neves ទៅ Al-Hilal តម្លៃ ៤៧ លានផោន និងខ្សែប្រយុទ្ធ Raul Jimenez ទៅកាន់ Fulham តម្លៃ ៥ លានផោន៕ អត្ថបទ៖នាង សុភាវុធ

U23 កម្ពុជាផ្លាស់ប្ដូរកីឡាករស្ទើរពាក់កណ្ដាល ត្រៀមការប្រកួតជម្រុះ AFC U23 Asian Cup

សហព័ន្ធកីឡាបាល់ទាត់កម្ពុជា(FFC) បានបង្ហាញបញ្ជីឈ្មោះកីឡាករក្រុមជម្រើសជាតិអាយុក្រោម ២៣ឆ្នាំកម្ពុជា ដើម្បីប្រមូលផ្ដុំហ្វឹកហាត់ត្រៀមការប្រកួតវគ្គជម្រុះពានរង្វាន់ AFC U23 Asian Cup Qatar 2024 ពូលJ នៅប្រទេសអារ៉ាប៊ីសាអូឌីតហើយ ដោយការប្រកួតនឹងធ្វើឡើងចាប់ពីថ្ងៃទី០៦ ដល់ថ្ងៃទី១២ ខែកញ្ញា ឆ្នាំ២០២៣ ខាងមុខ ។ប៉ុន្ដែបេសកកម្មរបស់ក្រុមគោព្រៃជំទង់កម្ពុជាលើកនេះ នឹងដឹកនាំដោយគ្រូបង្វឹកជនជាតិជប៉ុនលោក Koji Gyotoku ជំនួសលោក Felix Dalmas ដែលជាប់ភារកិច្ចដឹកនាំក្រុមជម្រើសជាតិកម្ពុជា ត្រៀមការប្រកួតមិត្តភាពអន្ដរជាតិ ២ប្រកួត ជាមួយក្រុមភ្ញៀវហុងកុង នាថ្ងៃទី០៧ ខែកញ្ញា និងជួបក្រុមភ្ញៀវម៉ាកាវ នាថ្ងៃទី១១ ខែកញ្ញាខាងមុខ ។អ្វីដែលគួរឲ្យកត់សម្គាល់ទៀតនោះ គឺសមាសភាពកីឡាករ ដែលត្រៀមប្រកួតជម្រុះជើងឯកយុវជនអាស៊ីនាពេលខាងមុខ មានការផ្លាស់ប្ដូរស្ទើរពាក់កណ្ដាលក្រុម នៃកីឡាករ ដែលបានចូលរួមប្រកួតជើងឯកយុវជនអាស៊ាន AFF U23 Champinship 2023 នៅប្រទេសថៃ កាលពីថ្មីៗ ។យោងតាមបញ្ជីឈ្មោះកីឡាករ ២៣រូប ដែលបានបង្ហាញនៅថ្ងៃទី២៨ ខែសីហា រួមមានសមាជិកក្រុមព្រះខ័នរាជស្វាយរៀង ៣នាក់, ណាហ្គាវើលដ៏ ៤នាក់, អង្គរថាយហ្គឺរ ៣នាក់, វិសាខា ៥នាក់, បឹងកេត ២នាក់, ព្រៃវែង ២នាក់, ភ្នំពេញក្រោនម្នាក់, គិរីវង់សុខសែនជ័យម្នាក់, ISI ដង្កោសែនជ័យម្នាក់ និងសាលាបាល់ទាត់ជាតិបាទីម្នាក់ ។សម្រាប់បេសកកម្ម នៃការប្រកួតជម្រុះ AFC U-23 Asian Cup 2024 ក្រុមជម្រើសជាតិ U23 កម្ពុជា គឺស្ថិតក្នុងពូលJ ជាមួយក្រុមម្ចាស់ផ្ទះអារ៉ាប់ប៊ីសាអូឌីត, លីបង់ និងក្រុមជម្រើសជាតិ U23 ម៉ុងហ្គោលី ។ ចំពោះកម្មវិធីប្រកួត ក្រុមគោព្រៃជំទង់កម្ពុជា នឹងត្រូវលីបង់មុនគេ នាថ្ងៃទី០៦ ខែកញ្ញា មុនបន្ដជួបក្រុម U23 ម៉ុងហ្គោលី នាថ្ងៃទី០៩ ខែកញ្ញា និងចុងក្រោយ ជួបក្រុមម្ចាស់ផ្ទះអារ៉ាប់ប៊ីសាអូឌីត នាថ្ងៃទី១២ ខែកញ្ញា ឆ្នាំ២០២៣ ខាងមុខ ។គួរដឹងថា ការប្រកួតវគ្គជម្រុះ នៃព្រឹត្តិការណ៍បាល់ទាត់យុវជនប្រចាំទ្វីបអាស៊ីនេះ គឺមាន ៤៣ក្រុមចូលរួម និងបែងចេញជា ១១ពូល ដើម្បីធ្វើការប្រកួតជម្រុះ ចាប់ពីថ្ងៃទី០៤-១២ ខែកញ្ញា ឆ្នាំ២០២៣ ហើយចម្រាញ់រកក្រុមកំពូលតារាង នៃពូលនីមួយៗ ព្រមទាំងក្រុមលេខ២ ល្អជាងគេ ៤ក្រុម ឡើងទៅជុំផ្ដាច់ព្រ័ត្រ ជាមួយក្រុមម្ចាស់ផ្ទះកាតា ដែលគ្រោងធ្វើការប្រកួតវគ្គ ១៦ក្រុមចុងក្រោយ ចាប់ពីថ្ងៃទី១៥ ខែមេសា ដល់ថ្ងៃទី០៣ ខែឧសភា ឆ្នាំ២០២៤ ខាងមុខ ៕ អត្ថបទ លី ឈុនឡា

Roberto Mancini ដាក់គោលដៅលើកពាន AFC Asian Cup ជាមួយអារ៉ាប៊ីសាអ៊ូឌីត

គ្រូបង្វឹកនៃក្រុមជម្រើសជាតិអារ៉ាប៊ីសាអ៊ូឌីតថ្មីលោក Roberto Mancini បានដាក់គោលដៅក្នុងការដណ្តើមជើងឯក AFC Asian Cup ជាលើកដំបូងក្នុងរយៈពេល ២៧ ឆ្នាំសម្រាប់ក្រុមជម្រើសជាតិអារ៉ាប៊ីសាអ៊ូឌីត។ការលើកឡើងបែបនេះធ្វើឡើងក្នុងសន្និសីតសារព័ត៌មានផ្លូវការ បង្ហាញគ្រូបង្វឹកថ្មីដោយសហព័ន្ធកីឡាបាល់ទាត់ អារ៉ាប៊ីសាអ៊ូឌីត SAFF នៅរាជធានី Riyadh ប្រទេសអារ៉ាប៊ីសាអ៊ូឌីតថ្ងៃចន្ទម្សិលមិញ។ បុរសវ័យ ៥៨ ឆ្នាំរូបនេះបានដឹកនាំក្រុមជម្រើសជាតិអ៊ីតាលីឈ្នះជើងឯក Euro ២០២០ ដោយយកឈ្នះអង់គ្លេសនៅវគ្គផ្តាច់ព្រ័ត្រដោយបាល់ ១១ ម៉ែត្រកាត់សេចក្តីនៅកីឡដ្ឋាន Wembley របស់អង់គ្លេស។មិនតែប៉ុណ្ណោះអ៊ីតាលីក៏បានបំបែកកំណត់ត្រាពិភពលោក ក្រោយលេងមិនចាញ់សោះ ៣៧ ប្រកួតជាប់គ្នា តែនៅតែមិនអាចមានកៅអីនៅ World Cup ២០២២ នៅកាតាឆ្នាំមុន។អារ៉ាប៊ីសាអ៊ូឌីតក្រោមការដឹកនាំរបស់លោក Herve Renard កន្លងមកបានយកឈ្នះអាហ្សង់ទីនប្រកួតដំបូងក្នុងពូលនៅ World Cup ឆ្នាំមុនគួរឱ្យភ្ញាក់ផ្អើល តែមិនអាចឆ្លងផុតវគ្គចែកពូលឡើយ។លោក Roberto Mancini បានសំរេចចុះហត្ថលេខាដឹកនាំក្រុមអារ៉ាប៊ីសាអ៊ូឌីតដល់ឆ្នាំ ២០២៧ ហើយការប្រកួតក្នុងតំណែងដំបូងគឺដឹកនាំក្រុមប្រកួតមិត្តភាពនៅថ្ងៃទី ៨ ខែកញ្ញាខាងមុខទល់នឹងកូស្តារីកានៅកីឡដ្ឋាន St. James Park របស់ Newcastle។ រំលឹកដែរថាលោក Mancini ធ្លាប់ដឹកនាំ Manchester City ឈ្នះជើងឯក English Premier League លើកដំបូងក្នុងប្រវត្តិសាស្រ្តក្លិបកាលពីឆ្នាំ ២០១២ ហើយក៏ធ្លាប់ចំណាយពេលដឹកនាំក្លិបអាជីពមួយចំនួនទៀតដូចជា Fiorentina, Lazio, Inter Milan, Galatasaray និង Zenit St. Petersburg៕ អត្ថបទ៖នាង សុភាវុធ

កីឡាករ ២៦នាក់ ត្រូវបានកោះហៅប្រមូលផ្ដុំ ត្រៀមប្រកួតមិត្តភាពជាមួយហុងកុង និងម៉ាកាវ

សហព័ន្ធកីឡាបាល់ទាត់កម្ពុជា បានបង្ហាញបញ្ជីឈ្មោះកីឡាករ នៃក្រុមជម្រើសជាតិកម្ពុជា ដើម្បីប្រមូលផ្ដុំហ្វឹកហាត់ត្រៀមការប្រកួតមិត្តភាពអន្ដរជាតិ ជាមួយក្រុមហុងកុង និងម៉ាកាវ នាខែក្រោយហើយ ដោយលោក Felix Dalmas គ្រូបង្វឹកក្រុមគោព្រៃកម្ពុជា បានកោះហៅកីឡាករ ២៦នាក់ ដើម្បីត្រៀមការប្រកួតទាំងពីរនេះ ។ក្នុងបញ្ជីឈ្មោះកីឡាករ ដែលត្រូវបានកោះហៅលើកនេះ មានកីឡាករមួយចំនួន បានត្រឡប់មកកាន់កៅអីជម្រើសជាតិវិញ ក្រោយខកខានជាយូរ ខណៈកីឡាករវ័យក្មេងមួយចំនួន ក៏ត្រូវបានផ្ដល់ឱកាស ក្នុងការប្រកួតមិត្តភាព ដែលជាការត្រៀមឆ្ពោះទៅការប្រកួតជម្រុះពានរង្វាន់បាល់ទាត់ពិភពលោក នាពេលខាងមុខផងដែរ ។សម្រាប់កីឡាករ ២៦រូប ដែលត្រូវបានកោះហៅ រួមមានកីឡាករ សៀង ចន្ធា ដែលកំពុងប្រកបអាជីពជាមួយក្លិប Shahania Sports Club នៃលីគទី២ កាតា ។ កីឡាករ សឿយ វិសាល, គួច ដានី និង ថេឡរ ឌឿង នីកូឡាស មកពីព្រះខ័នរាជស្វាយរៀង ។ កីឡាករ វ៉ាន់ តៃឡាម៉ី, ជា វេសលី, ចាន់ វឌ្ឍនាកា, ចន្ថា ចន្ទាកា, ឃាន់ សុប៉ិន និង កាន់ ពិសាល មកពីក្លិបបឹងកេត ។កីឡាករ ឈង់ ប៊ុនណា និង គួច សុកុម្ភៈ មកពីណាហ្គាវើលដ៍ ។ កីឡាករ អ៊ន ចាន់ប៊ូលីន, លឹម ពិសុទ្ធ, យ៉ើ មូស្លីម, ផាច សុជាវីឡា និង ជួន ចាន់ចាវ មកពីភ្នំពេញក្រោន ។ កីឡាករ គីម ចាន់វាសនា និង គង់ លីហ៊ួរ មកពីព្រៃវែងអេហ្វស៊ី ព្រមទាំងកីឡាករ ហ៊ុល គឹមហ៊ុយ, អ៊ិន សូដាវីដ, អ៊ុក សុវណ្ណ, ស៊ិន សុផាណាត់, កែវ សុខសិលា, រ៉ឹង ប៊ុនហៀង និង ស៊ិន កក្កដា មកពីវិសាខា ។តាមការបញ្ជាក់របស់មន្ដ្រីសហព័ន្ធ ក្រុមជម្រើសជាតិកម្ពុជា គ្រោងនឹងធ្វើការប្រមូលផ្ដុំហ្វឹកហាត់ នៅថ្ងៃទី៣០ ខែសីហាស្អែកនេះ ដើម្បីត្រៀមការប្រកួតមិត្តភាពអន្ដរជាតិទាំង ២ប្រកួត នៅពហុកីឡដ្ឋានជាតិអូឡាំពិក ពោលគឺត្រូវជួបក្រុមហុងកុង នាថ្ងៃទី០៧ ខែកញ្ញា និងជួបក្រុមម៉ាកាវ នាថ្ងៃទី១១ ខែកញ្ញាខាងមុខ៕ អត្ថបទ៖ លី ឈុនឡា

ខ្សែប្រយុទ្ធក្រៅជម្រើស Chelsea, Romelu Lukaku ខិតជិតផ្លាស់ទៅកាន់ Roma ក្នុងកិច្ចសន្យាខ្ចីជើង

ខ្សែប្រយុទ្ធតោខៀវ Chelsea ដែលស្ថិតនៅក្រៅជម្រើស Romelu Lukaku នឹងផ្លាស់ទៅចូលរួមជាមួយក្លិបអ៊ីតាលី AS Roma ក្នុងកិច្ចសន្យាខ្ចីជើងពេញមួយរដូវកាល។កិច្ចព្រមព្រៀងខ្ចីនេះ Roma ត្រូវបង់ថ្លៃ ៨ លានផោនមកកាន់ Chelsea ហើយ Roma នឹងរ៉ាប់រងប្រាក់ឈ្នួលរបស់កីឡាករវ័យ ៣០ ឆ្នាំរូបនេះពេញមួយរដូវកាលផងដែរ។ជុំវិញរឿងនេះដែរ Inter Milan ធ្លាប់សង្ឃឹមថា Lukaku នឹងមិនស្ថិតក្នុងគម្រោងរបស់អ្នកចាត់ការ Chelsea, Mauricio Pochettino រដូវកាលនេះ ដើម្បីយកកីឡាករប៊ែលហ្ស៊ិករូបនេះត្រលប់មក Serie A វិញក្នុងលក្ខខណ្ឌខ្ចីជើង។ផ្ទុយទៅវិញ Lukaku ក៏ធ្លាប់មិនសប្បាយចិត្តជាមួយគ្រូបង្វឹក Inter Milan លោក Simone Inzaghi ផងដែរ ដែលមិនបានដាក់រូបគេចូលលេងជម្រើសដំបូងនៅវគ្គផ្តាច់ព្រ័ត្រ UEFA Champions League ចាញ់ Manchester City រដូវកាលមុន។អ៊ីតាលីនៅតែគោលដៅរបស់ Lukaku ដដែល ខណៈការផ្លាស់ទៅកាន់ AS Roma នឹងឃើញរូបគេរួបរួមជាមួយ លោក Jose Mourinho វិញ បន្ទាប់ពីអ្នកទាំងពីរធ្លាប់រួមការងារនឹងគ្នានៅ Manchester United ផ្លាស់ពី Everton កាលពីឆ្នាំ ២០១៧។រំលឹកថា Romelu Lukaku បានផ្លាស់ត្រលប់មកកាន់ Chelsea ពី Inter Milan នៅឆ្នាំ ២០២១ ក្នុងតម្លៃ ៩៧.៥ លានផោនកិច្ចសន្យា ៥ ឆ្នាំ តែមិនអាចសម្របខ្លួននៅ Stamford Bridge បាន។Romelu Lukaku ធ្លាប់ស៊ុតបញ្ចូលទីសរុប ១៥ គ្រាប់ក្នុងការបង្ហាញខ្លួន ៥៩ ប្រកួតឱ្យ Chelsea និងឈរលេខ ២០ នៅ Premier League នៃតារាងអ្នកស៊ុតបញ្ចូលទីច្រើនជាងគេសរុប ១២១ គ្រាប់៕ អត្ថបទ៖នាង សុភាវុធ

Atletico Madrid ឈ្នះនៅផ្ទះ Vallecano ៧-០ ជាជ័យជំនះក្រៅដីធំបំផុត ក្នុងប្រវត្តិសាស្រ្ត La Liga

ក្រុមអេស្ប៉ាញ Atletico Madrid បានបំបែកកំណត់ត្រាមួយនៅក្របខណ្ឌបាល់ទាត់អេស្ប៉ាញ La Liga នៅយប់ថ្ងៃចន្ទម្សិលមិញក្រោយយកឈ្នះនៅទឹកដី Rayo Vallecano ៧-០ ដែលជាជ័យជំនះធំបំផុតនៅក្រៅដីមិនធ្លាប់មានពីមុនមក។ ក្រុមរបស់លោក Diego Simeone បាននាំមុខមុន ៣-០ ទៅហើយនៅត្រឹម ៣៦ នាទីដោយគ្រាប់បាល់របស់កីឡាករ ៣ នាក់រួមមាន Antoine Griezmann, Memphis Depay និង Mahuel Molina។ ឈានចូលវគ្គទីពីរ ៤ គ្រាប់ទៀតកើតឡើងត្រឹម ១៣ នាទីប៉ុណ្ណោះដោយ Alvaro Morata ពីរគ្រាប់ Angel Correa និង Marcos Llorente ម្នាក់មួយគ្រាប់។ ជ័យជំនះនេះធ្វើឱ្យ Atletico Madrid ឡើងឈរលេខ ២ ក្នុងតារាងមាន ៧ ពិន្ទុតាមពីក្រោយ Real Madrid ដែលមាន ៩ ពិន្ទុក្រោយឈ្នះទាំង ៣ ប្រកួត។ អ្វីដែលជាបញ្ហាតែមួយសម្រាប់ Atletico Madrid នោះគឺ បាត់បង់ Memphis Depay ដែលមានរបួស ប្តូរចេញតាំងពីវគ្គទី ១។ សូមរំលឹកថានេះជាលើកទី ២ ដែល Atletico Madrid ឈ្នះគូប្រកួត ៧ គ្រាប់បែបនេះនៅ La Liga ក្នុងសតវត្សទី ២១ នេះ បន្ទាប់ពីធ្លាប់ឈ្នះ Getafe ៧-០ បែបនេះដែរកាលពីឆ្នាំ ២០១៣៕ អត្ថបទ៖នាង សុភាវុធ

Remco Evenepoel ឈ្នះដំណាក់កាលទី ៣ ប្រណាំងកង់ Vuelta a Espana

កីឡាករប្រណាំងកង់ប៊ែលហ្ស៊ិក Remco Evenepoel បានប្រជែងឈ្នះដំណាក់កាលទី ៣ នៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana តែបញ្ចប់ដោយបែកភ្នែកហូរឈាមក្រោយជិះបុកអ្នកគាំទ្រ។ដំណាក់កាលទី ៣ ដែលមានចំងាយផ្លូវ ១៥៨.៥ គីឡូម៉ែត្រប្រណាំងនៅក្នុងប្រទេសអង់ដូរ៉ានៅឡើយ អ្នកការពារតំណែងជើងឯករូបនេះបានមកដល់ទីព្រ័ត្រមុនគេប្រើពេល ៤ ម៉ោង ១៥ នាទី ៣៩ វិនាទី តាមពីក្រោយដោយកីឡាករដាណឺម៉ាក Jonas Vingegaard ១ វិនាទី លេខ ៣ កីឡាករអេស្ប៉ាញ Juan Ayuso លេខ ៤ កីឡាករស្លូវេនី Primoz Roglic និងលេខ ៥ កីឡាករអេស្ប៉ាញ Marc Soler សុទ្ធតែតាមពីក្រោយ ១ វិនាទី។ជាមួយគ្នានោះដែរកីឡាកររបស់ក្រុម Soudal-Quick Step, Evenepoel នៅពេលដល់ទីព្រ័ត្រភ្លាមក៏ជិះហួសទៅបុកនឹងអ្នកគាំទ្រជានារីម្នាក់ បណ្តាលឱ្យបែកឈាមនៅក្បែរភ្នែកស្តាំ។ នេះជាថ្ងៃទី ៣ ហើយដែលប្រណាំងកង់ Vuelta a Espana ជួបនឹងបញ្ហា បន្ទាប់ពីពីរដំណាក់កាលដំបូងមានការរំខាន និងពន្យាពេលដោយសារបញ្ហាភ្លៀងធ្លាក់ខ្លាំង។យ៉ាងណាក្តីក្រោយ ៣ ដំណាក់កាលនេះ កីឡាករប៊ែលហ្ស៊ិក Remco Evenepoel នៅតែបន្តនាំមុខគេដដែលមាន ៥ វិនាទីចំណេញពីអ្នកលេខ ២ កីឡាករអេស្ប៉ាញ Enric Mas និងលេខ ៣ កីឡាករបារាំង Lenny Martinez យឺតជាង ១១ វិនាទី។ សម្រាប់ដំណាក់កាលទី ៤ ថ្ងៃអង្គារនេះមានចំងាយផ្លូវ ១៨៣.៤ គីឡូម៉ែត្រឆ្លងដែនពីប្រទេសអង់ដូរ៉ាចូលប្រទេសអេស្ប៉ាញ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

កេនយ៉ាស៊ើបអង្កេតជាតិពុលដ៏មានសក្តានុពល ក្រោយដំរី ១៥ក្បាលងាប់នៅតំបន់ប្រព័ន្ធអេកូឡូស៊ី Amboseli

អ្នករស់នៅក្នុងទីក្រុងឡុងដ្រ៍ ចក្រភពអង់គ្លេស បង្ហាញក្តីបារម្ភពីរលកកម្តៅ អំឡុងរដូវក្តៅ

លោក Trump បញ្ជាក់ថា អាមេរិកនឹងចាត់វិធានការខ្លាំងក្លាលើអ៊ីរ៉ង់ តែនឹង «អនុញ្ញាតឱ្យពួកគេបន្តចរចា»

រដ្ឋអាជ្ញា៖ យុវជន ៣នាក់ ត្រូវបានចាប់ខ្លួនក្នុងការស៊ើបអង្កេតអំពើភេរវកម្មហូឡង់

ចិនចូលរួមរំលែកទុក្ខដល់ពលរដ្ឋស្លាប់ និងបន្តតាមដានសុវត្ថិភាពលដ្ឋរបស់ខ្លួន ក្រោយការរញ្ជួយដីនៅ ជប៉ុន

បារាំងបណ្តេញពិធីការិនីទូរទស្សន៍គាំទ្រវិមានក្រឹមឡាំងចេញពីប្រទេស

នេប៉ាល់ដាក់បំរាមគោចរ ក្រោយការប៉ះទង្គិចគ្នាហិង្សាកើតឡើងនៅស្រុក Sunsari

ចិនរិះគន់បំរាមសហរដ្ឋអាមេរិកលើការនាំចូលរូបយន្តរបស់ទីក្រុងប៉េកាំង

សាកសពត្រូវបានទាញចេញពីមន្ទីរពេទ្យក្រុង Mosul បន្ទាប់ពីការវាយប្រហាររបស់អាមេរិក-អារ៉ាប៊ីសាអ៊ូឌីតលើអ៊ីរ៉ាក់

ព្យុះផ្គររន្ទះដ៏ធ្ងន់ធ្ងរ វាយប្រហារទីក្រុងវ៉ាស៊ីនតោន ឌីស៊ី សហរដ្ឋអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករអូស្រ្តាលី Kaden Groves ឈ្នះដំណាក់កាលទី ៤ Vuelta a Espana តែអ្នកនាំមុខនៅដដែល

Grand Slam, US Open ចាប់ផ្តើមខណៈ Iga Swiatek ឈ្នះតែ Maria Sakkari ធ្លាក់ត្រឹមជុំទី ១

Holger Rune ធ្លាក់ជុំដំបូងតែ Dominic Thiem និង Casper Ruud ទៅជុំបន្ត US Open

Matheus Nunes ឈប់ហ្វឹកហាត់ជាមួយ Wolves ចង់ផ្លាស់ទៅកាន់ Manchester City

U23 កម្ពុជាផ្លាស់ប្ដូរកីឡាករស្ទើរពាក់កណ្ដាល ត្រៀមការប្រកួតជម្រុះ AFC U23 Asian Cup

Roberto Mancini ដាក់គោលដៅលើកពាន AFC Asian Cup ជាមួយអារ៉ាប៊ីសាអ៊ូឌីត

កីឡាករ ២៦នាក់ ត្រូវបានកោះហៅប្រមូលផ្ដុំ ត្រៀមប្រកួតមិត្តភាពជាមួយហុងកុង និងម៉ាកាវ

ខ្សែប្រយុទ្ធក្រៅជម្រើស Chelsea, Romelu Lukaku ខិតជិតផ្លាស់ទៅកាន់ Roma ក្នុងកិច្ចសន្យាខ្ចីជើង

Atletico Madrid ឈ្នះនៅផ្ទះ Vallecano ៧-០ ជាជ័យជំនះក្រៅដីធំបំផុត ក្នុងប្រវត្តិសាស្រ្ត La Liga

Remco Evenepoel ឈ្នះដំណាក់កាលទី ៣ ប្រណាំងកង់ Vuelta a Espana

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករអូស្រ្តាលី Kaden Groves ឈ្នះដំណាក់កាលទី ៤ Vuelta a Espana តែអ្នកនាំមុខ​នៅដដែល

Grand Slam, US Open ចាប់ផ្តើមខណៈ Iga Swiatek ឈ្នះតែ Maria Sakkari ធ្លាក់ត្រឹមជុំទី ១

Holger Rune ធ្លាក់ជុំដំបូងតែ Dominic Thiem និង Casper Ruud ទៅជុំបន្ត US Open

Matheus Nunes ឈប់ហ្វឹកហាត់ជាមួយ Wolves ចង់ផ្លាស់ទៅកាន់ Manchester City

U23 កម្ពុជាផ្លាស់ប្ដូរកីឡាករស្ទើរពាក់កណ្ដាល ត្រៀមការប្រកួតជម្រុះ AFC U23 Asian Cup

Roberto Mancini ដាក់គោលដៅលើកពាន AFC Asian Cup ជាមួយអារ៉ាប៊ីសាអ៊ូឌីត

កីឡាករ ២៦នាក់ ត្រូវបានកោះហៅប្រមូលផ្ដុំ ត្រៀមប្រកួតមិត្តភាពជាមួយហុងកុង និងម៉ាកាវ

ខ្សែប្រយុទ្ធក្រៅជម្រើស Chelsea, Romelu Lukaku ខិតជិតផ្លាស់ទៅកាន់ Roma ក្នុងកិច្ចសន្យាខ្ចីជើង

Atletico Madrid ឈ្នះនៅផ្ទះ Vallecano ៧-០ ជាជ័យជំនះក្រៅដីធំបំផុត ក្នុងប្រវត្តិសាស្រ្ត La Liga

Remco Evenepoel ឈ្នះដំណាក់កាលទី ៣ ប្រណាំងកង់ Vuelta a Espana

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករអូស្រ្តាលី Kaden Groves ឈ្នះដំណាក់កាលទី ៤ Vuelta a Espana តែអ្នកនាំមុខនៅដដែល