BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

ប្រធានសហព័ន្ធបាល់ទាត់អេស្ប៉ាញនឹងលាលែងពីតំណែងក្រោយថើបមាត់កីឡាការិនីបន្ទាប់ពីឈ្នះពាន World Cup

ប្រធានកីឡាបាល់ទាត់អេស្ប៉ាញលោក Luis Rubiales នឹងលាលែងពីតំណែង បន្ទាប់ពីត្រូវបានថ្កោលទោសយ៉ាងពេញទំហឹងពីពិភពបាល់ទាត់ ចំពោះការថើបមាត់កីឡាការិនីអេស្ប៉ាញ បន្ទាប់ពីអេស្ប៉ាញឈ្នះជើងឯកបាល់ទាត់នារីពិភពលោក នេះបើតាមប្រព័ន្ធផ្សព្វផ្សាយជាច្រើនបានរាយការណ៍នៅថ្ងៃព្រហស្បតិ៍ម្សិលមិញ។លោក Rubiales អាយុ ៤៦ ឆ្នាំនឹងដាក់សំណើលាលែងពីតំណែងជាប្រធានសហព័ន្ធបាល់ទាត់អេស្ប៉ាញ (RFEF) នៅថ្ងៃសុក្រនេះនៅឯមហាសន្និបាតវិសាមញ្ញមួយ នេះបើយោងតាមរបាយការណ៍។បន្ទាប់ពីក្រុមអេស្ប៉ាញឈ្នះ ១-០ លើក្រុមអង់គ្លេសក្នុងវគ្គផ្តាច់ព្រ័ត្រនៅទីក្រុងស៊ីដនីកាលពីថ្ងៃអាទិត្យ Rubiales បានឱបខ្សែបម្រើ Jennifer Hermoso និងថើបបបូរមាត់។រដ្ឋមន្ត្រីអេស្ប៉ាញទទួលបន្ទុកសមភាពលោកស្រី Irene Montero សរសេរលើបណ្តាញសង្គមភ្លាមៗបន្ទាប់ពីរបាយការណ៍នេះបានលេចឡើងថា "ភាពជាស្ត្រីកំពុងផ្លាស់ប្តូរអ្វីៗទាំងអស់" ។Rubiales ស្ថិតក្រោមសម្ពាធដែលមិនធ្លាប់មានពីមុនមកក្នុងការលាលែងពីតំណែង ជាមួយនឹងការរិះគន់ជាច្រើនដូចជា នាយករដ្ឋមន្ត្រីអេស្ប៉ាញ Pedro Sanchez លីគនារីរបស់អេស្ប៉ាញ និងក្លឹប La Liga បុរសមួយចំនួន ក៏ដូចជាអន្តរជាតិផងដែរ។ Rubiales ក្រោយមកក៏ចេញសុំទោសជាសាធារណៈផងដែរ តែនាយករដ្ឋមន្ត្រីអេស្ប៉ាញថាមិនគ្រប់គ្រាន់ឡើយ៕ អត្ថបទ៖នាង សុភាវុធ

Wolves បដិសេធសំណើ ៤៧ លានផោនពី Man City ចង់បានខ្សែបម្រើព័រទុយហ្គាល់ Matheus Nunes

ក្លិបបាល់ទាត់ Wolverhampton Wanderers បានបដិសេធសំណើ ៤៧ លានផោនពី Manchester City ដែលចង់បានខ្សែបម្រើព័រទុយហ្កាល់ Matheus Nunes។ កីឡាករវ័យ ២៤ ឆ្នាំរូបនេះទើបមកដល់ Wolves ពី Sporting Lisbon រដូវកាលមុនក្នុងតម្លៃផ្ទេរ ៣៨ លានផោនថ្លៃបំផុតក្នុងប្រវត្តិសាស្រ្តក្លិប និងបានចុះហត្ថលេខារយៈពេល ៥ ឆ្នាំ។ Man City កំពុងរកអ្នកបំពេញចំនុចខ្វះខាតនៅតំបន់បម្រើកណ្តាល បន្ទាប់ពីកីឡាករនាំលេងប៊ែលហ្ស៊ិក Kevin de Bruyne មានរបួសត្រូវសម្រាកយ៉ាងហោចណាស់ ៤ ខែ។ City ថែមទាំងចាប់អារម្មណ៍ខ្សែបម្រើស្លាប Crystal Palace ផងដែរគឺកីឡាករវ័យ ២៥ ឆ្នាំ Eberechi Eze ដែលទើបបង្ហាញខ្លួនឱ្យក្រុមជំរើសជាតិអង់គ្លេសលើកដំបូងកាលពីខែមិថុនា។ សម្រាប់ Wolverhampton រដូវក្តៅនេះបានលក់ចេញប្រធានក្រុម Ruben Neves ទៅ Al-Hilal តម្លៃ ៤៧ លានផោន និងខ្សែប្រយុទ្ធ Raul Jimenez ទៅកាន់ Fulham តម្លៃ ៥ លានផោន៕ អត្ថបទ៖នាង សុភាវុធ

Aymeric Laporte ចាកចេញពី Manchester City ទៅកាន់ Al-Nassr ផ្លូវការតម្លៃ ២៣.៦ លានផោន

ខ្សែការពារអេស្ប៉ាញ Aymeric Laporte បានសំរេចក្នុងការផ្លាស់ពី Manchester City ទៅកាន់ក្លិបអារ៉ាប៊ីសាអ៊ូឌីត Al-Nassr ក្នុងតម្លៃផ្ទេរ ២៣.៦ លានផោន។កីឡាករវ័យ ២៩ ឆ្នាំរូបនេះបង្ហាញខ្លួនសរុបជាមួយ Manchester City ១៨០ លើក រកបាន ១២ គ្រាប់ តែឱកាសលេងបាល់ជម្រើសដំបូងត្រូវបានកាត់បន្ថយរដូវកាលមុន។ លោក Pep Guardiola បានដាក់ Laporte នៅពីក្រោយជម្រើសរបស់ Manuel Akanji ហើយរដូវកាលថ្មីនេះតាំងពីការមកដល់របស់ Josko Gvardiol ពី Leipzig ធ្វើឱ្យឱកាសលេងរបស់ Laporte មានកំរិត។រំលឹកថា Aymeric Laporte បានមកដល់ Manchester City តាំងពីឆ្នាំ ២០១៨ ផ្ទេរពី Athletic Bilbao ក្នុងតម្លៃផ្ទេរ ៥៧ លានផោន និងក្លាយជាសមាជិកសំខាន់របស់ក្រុមភ្លាមៗដែរ និងឈ្នះជើងឯក English Premier League ៥ លើក FA Cup ២ លើក EFL Cup ៣ លើក និង UEFA Champions League ១ លើក រដូវកាលមុន។ ការចាកចេញទៅកាន់ Al-Nassr, Aymeric Laporte នឹងរួមក្រុមជាមួយ Cristiano Ronaldo, Sadio Mane, Marcelo Brozovic, Alex Telles និង Otavio៕ អត្ថបទ៖នាង សុភាវុធ

Jeremy Doku ផ្លាស់មកកាន់ Manchester City ផ្លូវការតម្លៃ ៥៥.៤ លានផោន

ក្លិបបាល់ទាត់ Manchester City បានសំរេចក្នុងការនាំយកខ្សែបម្រើស្លាបប៊ែលហ្ស៊ិក Jeremy Doku ពីក្លិបបារាំង Rennes តម្លៃ ៥៥.៤ លានផោន។ កីឡាករវ័យ ២១ ឆ្នាំរូបនេះបានចុះហត្ថលេខារយៈពេល ៥ ឆ្នាំនៅ Etihad។ Jeremy Doku ដែលធ្លាប់បង្ហាញខ្លួន ១៦ ប្រកួតឱ្យក្រុមជម្រើសជាតិប៊ែលហ្ស៊ិកនោះ ទទួលបានអាវលេខ ១១ នៅ Manchester City និងក្លាយជាកីឡាករទី ៣ ដែលផ្លាស់មកកាន់ក្រុមរបស់លោក Pep Guardiola បន្ទាប់ពី Meto Kovacic ដែលផ្លាស់ពី Chelsea តម្លៃ ២៥ លានផោន និង Josko Gvardiol ផ្លាស់ពី Leipzig តម្លៃ ៧៧ លានផោន។West Ham, Spurs និង Chelsea សុទ្ធតែចាប់អារម្មណ៍ក្នុងការផ្ទេរ Jeremy Doku ដែលស៊ុតបញ្ចូលទីបាន ៧ គ្រាប់ក្នុងការបង្ហាញខ្លួន ៣៥ ប្រកួតរដូវកាលមុនជាមួយ Rennes។មុនផ្លាស់មកកាន់ City នេះ Jeremy Doku នៅសល់កិច្ចសន្យា ២ ឆ្នាំទៀតជាមួយ Rennes បន្ទាប់ពីផ្ទេរពី Anderlecht តម្លៃ ២២.៣ លានផោនកាលពីឆ្នាំ ២០២០ មុនពេលទទួលបានឱកាសកោះហៅចូលក្រុមជម្រើសជាតិប៊ែលហ្ស៊ិកលើកដំបូងភ្លាមៗ៕ អត្ថបទ៖នាង សុភាវុធ

Tyson Fury ប្រកាសផ្លូវការពីការឡើងសង្វៀន នៅអារ៉ាប៊ីសាអ៊ូឌីតជួបអតីតជើងឯកទម្ងន់ធ្ងន់ UFC

ម្ចាស់ខ្សែក្រវាត់ទម្ងន់ធ្ងន់ WBC កីឡាករ Tyson Fury បានប្រកាសជាផ្លូវការក្នុងការឡើងសង្វៀនជួបជាមួយអតីតម្ចាស់ខ្សែក្រវាត់ទម្ងន់ធ្ងន់ UFC Francis Ngannou នៅអារ៉ាប៊ីសាអូឌីត នៅថ្ងៃទី ២៨ ខែតុលា ក្នុងការប្រកួតប្រើច្បាប់ប្រដាល់សកល។ តាមពិតទៅ Fury មានគំរោងជួបជាមួយកីឡាករអ៊ុយក្រែន Oleksandr Usyk ដែលជាម្ចាស់ជើងឯក IBF, IBO, WBO និង WBA ប៉ុន្តែការចរចាបរាជ័យកាលពីខែមីនា។កីឡាករវ័យ ៣៤ ឆ្នាំ Tyson Fury ខកខានមិនបានឡើងសង្វៀនប្រកួតចាប់តាំងពីការប្រកួតដែលគេអាចការពារខ្សែក្រវាត់ WBC របស់ខ្លួនបាននៅពេលយកឈ្នះនៅទឹកទី ១០ លើមិត្តរួមជាតិអង់គ្លេស Derek Chisora កាលពីខែធ្នូឆ្នាំមុន ដើម្បីបន្តស្ថិតិមិនដែលចាញ់របស់ខ្លួន។ចំណែកឯកីឡាករបារាំងកាត់កាមេរូន Francis Ngannou ត្រូវបានដកខ្សែក្រវាត់ទម្ងន់ធ្ងន់របស់ខ្លួនបន្ទាប់ពីមានជម្លោះកិច្ចសន្យាជាមួយ UFC កាលីខែមករាឆ្នាំ ២០២៣ នេះ។ កីឡាករវ័យ ៣៦ ឆ្នាំរូបនេះមានបទពិសោធប្រកួតលក្ខណៈ MMA ចំនួន ២០ លើក ឈ្នះ ១៧ ចាញ់ ៣ និងផ្តួលគូប្រកួតនៅលើសង្វៀន ១២ លើក៕ អត្ថបទ៖នាង សុភាវុធ

កីឡាករវាយកូនបាល់អាមេរិក John Isner ប្រកាសចូលនិវត្តន៍ក្រោយចប់ US Open

កីឡាករវាយកូនបាល់អាមេរិក ដែលគេស្គាល់ថាកីឡាករចេញសេវាខ្លាំង John Isner បានប្រកាសគម្រោងចូលនិវត្តន៍ពីអាជីពរបស់ខ្លួនក្រោយចប់ Grand Slam, US Open ឆ្នាំនេះ។ កីឡាករវ័យ ៣៨ ឆ្នាំរូបនេះបានចាប់ផ្តើមអាជីពវាយកូនបាល់របស់ខ្លួននៅឆ្នាំ ២០០៧ និងធ្លាប់ឡើងចំណាត់ថ្នាក់ពិភពលោកល្អបំផុតលេខ ៨។John Isner ធ្លាប់ឈ្នះជើងឯកសរុប ១៦ កម្មវិធីឯកត្តជន ហើយជើងឯកធំបំផុតនោះគឺ Miami Open នៅឆ្នាំ ២០១៨ ដែលជារដូវកាលល្អបំផុតរបស់ខ្លួន។Isner ធ្លាប់ឡើងដល់វគ្គពាក់កណ្តាលផ្តាច់ព្រ័ត្រ Wimbledon នៅឆ្នាំ ២០១៨ និងវគ្គ ៨ នាក់ចុងក្រោយ US Open ពីរលើកនៅឆ្នាំ ២០១១ និង ២០១៨។John Isner បច្ចុប្បន្នកំពុងកាន់កំណត់ត្រាវាយសេវាបានពិន្ទុច្រើនជាងគេនៅ ATP Tour សរុប ១៤៤១១ លើក និងជាកីឡាករដែលចេញសេវាលឿនបំផុតដែលមានល្បឿនគ្រាប់បាល់ដល់ទៅ ២៥៣ គីឡូម៉ែត្រក្នុងមួយម៉ោង ដែលល្បឿនលឿនបំផុតនេះធ្វើបាននៅជុំទី ១ Davis Cup កាលពីឆ្នាំ២០១៦។ មិនត្រឹមតែប៉ុណ្ណេះទេ John Isner គឺជាកីឡាករដែលឈ្នះការប្រកួតប្រើពេលយូរបំផុតមិនធ្លាប់មាន ១១ ម៉ោង ៥ នាទីប្រើពេលដល់ទៅ ៣ ថ្ងៃនៅ Wimbledon គឺជំនួបដែលគេយកឈ្នះកីឡាករបារាំង Nicolas Mahut នៅជុំទី ១ Wimbledon កាលពីឆ្នាំ ២០១០ ដោយលទ្ធផល ៦-៤ ៣-៦ ៦-៧(៧-៩) ៧-៦(៧-៣) និងសិតចុងក្រោយ ៧០-៦៨៕ អត្ថបទ៖នាង សុភាវុធ

បញ្ចប់មន្ទិលសង្ស័យ Bernardo Silva បន្តកិច្ចសន្យានៅជាមួយ Manchester City ដល់ឆ្នាំ ២០២៦

ខ្សែបម្រើព័រទុយហ្កាល់ Bernardo Silva បានចុះហត្ថលេខាបន្តកិច្ចសន្យាបន្ថែមមួយឆ្នាំទៀតជាមួយ Manchester City ដែលនឹងរក្សារូបគេនៅទឹកដី Etihad ដល់ឆ្នាំ ២០២៦។ កិច្ចសន្យាចាស់របស់កីឡាករវ័យ ២៩ ឆ្នាំរូបនេះនឹងអស់សុពលភាពនៅដំណាច់រដូវកាលនេះ ស្របពេលមានដំណឹងចង់បានពីក្លិបធំៗជាច្រើនដូចជា Barcelona និង Paris Saint Germain ជាពិសេសពីក្លិបអារ៉ាប៊ីសាអ៊ូឌីត Al-Hilal។ Bernardo Silva គឺជាសមាជិកមិនអាចខ្វះបានរបស់លោក Pep Guardiola ដែលឈ្នះជើងឯក English Premier League ៥ លើកតាំងពីផ្លាស់ពី Monaco។ រដូវកាលមុនដែល Manchester City ឈ្នះជើងឯក ៣ ពានសំខាន់ៗ Bernardo Silva បង្ហាញខ្លួនសរុបបាន ៥៥ ប្រកួតគ្រប់ក្របខណ្ឌ ស៊ុតបញ្ចូលទីបាន ៧ គ្រាប់ និង ៨ បាល់បញ្ជូន។ ការសម្រេចស្នាក់របស់ Silva ក៏បានកាត់បន្ថយភាពតានតឹងរបស់ City ខ្លះដែរបន្ទាប់ពីមិត្តរួមក្រុម Ilkay Gundogan ចាកចេញទៅ Barcelona, Riyad Mahrez ផ្លាស់ទៅ Al-Ahli ស្របពេលខ្សែការពារ Aymeric Laporte ក៏នឹងចាកចេញទៅកាន់ Al-Nassr ផងដែរ។Manchester City ចាប់ផ្តើមពីរប្រកួតដំបូងរបស់ខ្លួននៅ Premier League រដូវកាលនេះជាមួយនឹងជ័យជំនះនៅទឹកដី Burnley ៣-០ និងឈ្នះ Newcastle នៅ Etihad ១-០៕ អត្ថបទ៖នាង សុភាវុធ

Nottingham Forest ខ្ចីជើងម្ចាស់ជ័យលាភី World Cup អាហ្សង់ទីន Gonzalo Montiel ពេញមួយរដូវកាល

ក្លិបបាល់ទាត់ Nottingham Forest បានសំរេចក្នុងការនាំយកខ្សែការពារជ័យលាភី World Cup 2022 ជាមួយ អាហ្សង់ទីន Gonzalo Montiel ពេញមួយរដូវកាលពីក្លិបអេស្ប៉ាញ Sevilla។Montiel គឺជាអ្នកស៊ុតបញ្ចូលទីគ្រាប់បាល់ ១១ ម៉ែត្រកាត់សេចក្តីចុងក្រោយឱ្យអាហ្សង់ទីនយកឈ្នះបារាំងនៅកាតាឆ្នាំមុន។ កីឡាករវ័យ ២៦ ឆ្នាំរូបនេះ ក៏អាចទទួលបានកិច្ចសន្យាទិញផ្តាច់ដែរក្រោយបញ្ចប់កិច្ចសន្យាខ្ចី និងបានក្លាយជាកីឡាករទី ៥ ដែលមកកាន់ Nottingham Forest រដូវកាលនេះដោយទទួលបានអាវលេខ ២៩។Gonzalo Montiel ជាកីឡាករដែលចេញពីយុវជនថ្នាលរបស់ក្លិបអាហ្សង់ទីន River Plate និងបានបង្ហាញខ្លួននៅក្រុមធំដំបូងឆ្នាំ ២០១៦ និងបង្ហាញខ្លួនបានសរុប ១៣៩ ប្រកួតឈ្នះជើងឯក Copa Libertadores នៅឆ្នាំ ២០១៨ មុនពេលផ្លាស់មកកាន់ Sevilla នៅឆ្នាំ ២០២១។ Montiel ក៏បានជួយ Sevilla ឈ្នះជើងឯក UEFA Europa League រដូវកាលមុនផងដែរតាមរយៈជ័យជំនះនៅវគ្គ ១១ ម៉ែត្រកាត់សេចក្តីលើ AS Roma។ Nottingham Forest ចាប់ផ្តើមរដូវកាលថ្មី English Premier League បានពីរប្រកួតដោយចាញ់នៅទឹកដី Arsenal ២-១ និងឈ្នះ Sheffield United ២-១ ខណៈចុងសប្តាហ៍នេះត្រូវទៅទឹកដី Manchester United៕ អត្ថបទ៖នាង សុភាវុធ

បើឈ្នះ F1 នៅហូឡង់សប្តាហ៍នេះទៀត Max Verstappen នឹងតាមស្មើកំណត់ត្រា Vettel ឈ្នះ ៩ ប្រកួតជាប់គ្នា

អ្នកការពារតំណែងជើងឯក Formula One ពិភពលោក Max Verstappen អាចតាមស្មើកំណត់ត្រាឈ្នះ ៩ ប្រកួតជាប់គ្នារបស់កីឡាករអាល្លឺម៉ង់ Sebastian Vettel បានប្រសិនឈ្នះការប្រកួតនៅទឹកដីហូឡង់របស់ខ្លួនចុងសប្តាហ៍នេះ។Formula One ពិភពលោកនឹងវិលត្រលប់មកវិញក្រោយសម្រាករដូវក្តៅក្នុងខែសីហានេះ ដោយនឹងបន្តនៅទីលាន Zandvoort ប្រទេសហូឡង់ចុងសប្តាហ៍នេះ ខណៈដែលកីឡាករវ័យ ២៥ ឆ្នាំហូឡង់របស់ក្រុម Red Bull, Max Verstappen នឹងអាចអបអរជាមួយនឹងអ្នកគាំទ្រច្រើនបំផុតរបស់ខ្លួន។ ជើងឯកពិភពលោក ២ សម័យរូបនេះក៏នឹងអាចមានឱកាស Hat-Trick ឈ្នះ ៣ លើកនៅទីលាន Zandvoort នេះដែរចាប់តាំងពីទីលានចំណាស់នៅហូឡង់នេះវិលត្រលប់មកក្នុងកាលវិភាគរបស់ F1 វិញនៅឆ្នាំ ២០២១។Max Verstappen កំពុងនាំមុខគេក្នុងតារាងជើងឯកដាច់មិត្តរួមក្រុម Red Bull, Sergio Perez ១២៥ ពិន្ទុក្រោយប្រណាំងបាន ១២ ទីលាន។ ចំណែកឯកីឡាករអាល្លឺម៉ង់ Sebastian Vettel ដែលចូលនិវត្តន៍ទៅហើយ គឺជាកីឡាករម្នាក់គត់ដែលឈ្នះ ៩ ទីលានជាប់គ្នាគិតមកដល់ពេលនេះ ពោលគឺកំណត់ត្រានេះធ្វើបាននៅឆ្នាំ ២០១៣ នៅពេលគ្រងជើងឯកពិភពលោកលើកទី ៤៕ អត្ថបទ៖នាង សុភាវុធ

Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោកខែកញ្ញាខាងមុខ

កីឡាករប្រដាល់ម៉ិកស៊ិក Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោករបស់ខ្លួននៅថ្ងៃទី៣០ ខែកញ្ញាខាងមុខ ដោយនឹងត្រូវជួបជាមួយជើងឯកទម្ងន់មធ្យមយុវជនពិភពលោក Jermell Charlo នៅកីឡដ្ឋាន T-Mobile Arena ទីក្រុង Las Vegas សហរដ្ឋអាមេរិក។ Canelo Alvarez មានស្ថិតិប្រកួតរបស់ខ្លួន ឈ្នះ ៥៩ ចាញ់ ២ ស្មើ ២ ផ្តួលគូប្រកួតឱ្យបោះបង់ ៣៩ លើក គឺជាអ្នកគ្រប់គ្រងខ្សែក្រវាត់ពីរបន្ទាប់ពីដណ្តើមខ្សែក្រវាត់ IBF ពី Caleb Plant កាលពីខែវិច្ឆិកាឆ្នាំ ២០២១ ក្រោយមកការពារខ្សែក្រវាត់របស់ខ្លួនបានតាមរយៈជ័យជំនះលើ Gennadiy Golovkin និង John Ryder។ នៅក្នុងចន្លោះនៃការប្រកួតខាងលើ Canelo Alvarez ក៏បានព្យាយាមទំលាក់ទម្ងន់របស់ខ្លួន ដើម្បីប្រជែងខ្សែក្រវាត់ WBA តែចាញ់ Dmitriy Bivol។ចំណែកគូប្រកួតនៅខែកញ្ញាខាងមុខ Jermell Charlo មានបទពិសោធប្រកួតឈ្នះ ៣៥ ស្មើ ១ ចាញ់ ១ ផ្តួលគូប្រកួតឱ្យបោះបង់ ១៩ លើក និងបានគ្រប់គ្រងខ្សែក្រវាត់យុវជននេះតាមរយៈការផ្តួល Brian Castano កាលពីខែឧសភាឆ្នាំមុន៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

កេនយ៉ាស៊ើបអង្កេតជាតិពុលដ៏មានសក្តានុពល ក្រោយដំរី ១៥ក្បាលងាប់នៅតំបន់ប្រព័ន្ធអេកូឡូស៊ី Amboseli

អ្នករស់នៅក្នុងទីក្រុងឡុងដ្រ៍ ចក្រភពអង់គ្លេស បង្ហាញក្តីបារម្ភពីរលកកម្តៅ អំឡុងរដូវក្តៅ

លោក Trump បញ្ជាក់ថា អាមេរិកនឹងចាត់វិធានការខ្លាំងក្លាលើអ៊ីរ៉ង់ តែនឹង «អនុញ្ញាតឱ្យពួកគេបន្តចរចា»

រដ្ឋអាជ្ញា៖ យុវជន ៣នាក់ ត្រូវបានចាប់ខ្លួនក្នុងការស៊ើបអង្កេតអំពើភេរវកម្មហូឡង់

ចិនចូលរួមរំលែកទុក្ខដល់ពលរដ្ឋស្លាប់ និងបន្តតាមដានសុវត្ថិភាពលដ្ឋរបស់ខ្លួន ក្រោយការរញ្ជួយដីនៅ ជប៉ុន

បារាំងបណ្តេញពិធីការិនីទូរទស្សន៍គាំទ្រវិមានក្រឹមឡាំងចេញពីប្រទេស

នេប៉ាល់ដាក់បំរាមគោចរ ក្រោយការប៉ះទង្គិចគ្នាហិង្សាកើតឡើងនៅស្រុក Sunsari

ចិនរិះគន់បំរាមសហរដ្ឋអាមេរិកលើការនាំចូលរូបយន្តរបស់ទីក្រុងប៉េកាំង

សាកសពត្រូវបានទាញចេញពីមន្ទីរពេទ្យក្រុង Mosul បន្ទាប់ពីការវាយប្រហាររបស់អាមេរិក-អារ៉ាប៊ីសាអ៊ូឌីតលើអ៊ីរ៉ាក់

ព្យុះផ្គររន្ទះដ៏ធ្ងន់ធ្ងរ វាយប្រហារទីក្រុងវ៉ាស៊ីនតោន ឌីស៊ី សហរដ្ឋអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ប្រធានសហព័ន្ធបាល់ទាត់អេស្ប៉ាញនឹងលាលែងពីតំណែងក្រោយថើបមាត់កីឡាការិនីបន្ទាប់ពីឈ្នះពាន World Cup

Wolves បដិសេធសំណើ ៤៧ លានផោនពី Man City ចង់បានខ្សែបម្រើព័រទុយហ្គាល់ Matheus Nunes

Aymeric Laporte ចាកចេញពី Manchester City ទៅកាន់ Al-Nassr ផ្លូវការតម្លៃ ២៣.៦ លានផោន

Jeremy Doku ផ្លាស់មកកាន់ Manchester City ផ្លូវការតម្លៃ ៥៥.៤ លានផោន

Tyson Fury ប្រកាសផ្លូវការពីការឡើងសង្វៀន នៅអារ៉ាប៊ីសាអ៊ូឌីតជួបអតីតជើងឯកទម្ងន់ធ្ងន់ UFC

កីឡាករវាយកូនបាល់អាមេរិក John Isner ប្រកាសចូលនិវត្តន៍ក្រោយចប់ US Open

បញ្ចប់មន្ទិលសង្ស័យ Bernardo Silva បន្តកិច្ចសន្យានៅជាមួយ Manchester City ដល់ឆ្នាំ ២០២៦

Nottingham Forest ខ្ចីជើងម្ចាស់ជ័យលាភី World Cup អាហ្សង់ទីន Gonzalo Montiel ពេញមួយរដូវកាល

បើឈ្នះ F1 នៅហូឡង់សប្តាហ៍នេះទៀត Max Verstappen នឹងតាមស្មើកំណត់ត្រា Vettel ឈ្នះ ៩ ប្រកួតជាប់គ្នា

Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោកខែកញ្ញាខាងមុខ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ប្រធានសហព័ន្ធបាល់ទាត់អេស្ប៉ាញនឹងលាលែងពីតំណែងក្រោយថើបមាត់កីឡាការិនីបន្ទាប់ពីឈ្នះពាន World Cup

Wolves បដិសេធសំណើ ៤៧ លានផោនពី Man City ចង់បាន​ខ្សែ​បម្រើ​ព័រទុយ​ហ្គាល់ Matheus Nunes

Aymeric Laporte ចាកចេញពី Manchester City ទៅកាន់ Al-Nassr ផ្លូវការតម្លៃ ២៣.៦ លានផោន

Jeremy Doku ផ្លាស់មកកាន់ Manchester City ផ្លូវការតម្លៃ ៥៥.៤ លានផោន

Tyson Fury ប្រកាសផ្លូវការពីការឡើងសង្វៀន នៅអារ៉ាប៊ីសាអ៊ូឌីតជួបអតីតជើងឯកទម្ងន់ធ្ងន់ UFC

កីឡាករវាយកូនបាល់អាមេរិក John Isner ប្រកាសចូលនិវត្តន៍ក្រោយចប់ US Open

បញ្ចប់មន្ទិលសង្ស័យ Bernardo Silva បន្តកិច្ចសន្យានៅជាមួយ Manchester City ដល់ឆ្នាំ ២០២៦

Nottingham Forest ខ្ចីជើងម្ចាស់ជ័យលាភី World Cup អាហ្សង់ទីន Gonzalo Montiel ពេញមួយរដូវកាល

បើឈ្នះ F1 នៅហូឡង់សប្តាហ៍នេះទៀត Max Verstappen នឹងតាមស្មើកំណត់ត្រា Vettel ឈ្នះ ៩ ប្រកួតជាប់គ្នា

Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោកខែកញ្ញាខាងមុខ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Wolves បដិសេធសំណើ ៤៧ លានផោនពី Man City ចង់បានខ្សែបម្រើព័រទុយហ្គាល់ Matheus Nunes