BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

អ្នកការពារជើងឯក Yamaguchi ឡើងវគ្គ ១៦ នាក់ចុងក្រោយវាយសីជើងឯក BWF World Championship

កីឡាការិនីវាយសីជប៉ុន Akane Yamaguchi ដែលជាអ្នកការពារតំណែងជើងឯកវាយសីពានរង្វាន់ BWF World Championship បានឈានឡើងវគ្គ ១៦ នាក់ចុងក្រោយហើយក្រោយយកឈ្នះកីឡាការិនីទួកគី Neslihan Arin នៅទីក្រុង Copenhagen ប្រទេសដាណឺម៉ាក។កីឡាការិនីវ័យ ២៦ ឆ្នាំ Yamaguchi ប្រើពេលមិនដល់ខ្លះម៉ោងផងដើម្បីយកឈ្នះការប្រកួតនេះដោយលទ្ធផល ២១-៧ និង ២១-១១ លើ Neslihan Arin។ជាមួយគ្នានោះដែរ កីឡាការិនីឆាយនីសតៃប៉ិ Tai Tzu Ying ក៏បានបន្តដំណើរទៅវគ្គ ១៦ នាក់ចុងក្រោយដែរក្រោយយកឈ្នះកីឡាការិនីម្ចាស់ផ្ទះដាណឺម៉ាក Line Christophersen ២១-១៦ និង២១-១៣។ងាកមកវិញ្ញាសារវាយគូចម្រុះបុរស-នារី ដៃគូថៃកីឡាករ Dechapol Puavaranukroh និងកីឡាការិនី Sapsiree Taerattanachai បានយកឈ្នះដៃគូហុងកុងកីឡាករ Chun Man និងកីឡាការិនី Tse Ying Suet ដោយលទ្ធផល ២១-១៣ និង ២១-១៤៕ អត្ថបទ៖នាង សុភាវុធ

អត្តពលិកអង់គ្លេស Josh Kerr ឈ្នះមេដាយមាសរត់ ១៥០០ ម៉ែត្រពិភពលោកនៅហុងគ្រី

អត្តពលិកអង់គ្លេស Josh Kerr ធ្វើឱ្យមានរឿងភ្ញាក់ផ្អើលក្រោយឈ្នះមេដាយមាសវិញ្ញាសារត់ ១៥០០ ម៉ែត្រនៃការប្រកួតកីឡាអត្តពលកម្មជើងឯកពិភពលោកនៅទីក្រុង Budapest ប្រទេសហុងគ្រី ក្រោយយកឈ្នះម្ចាស់មេដាយមាសអូឡាំពិក Jakob Ingebrigsten។ កាលពីឆ្នាំ ២០២២ ជើងឯកពិភពលោកដូចគ្នាកីឡាករន័រវេស Ingebrigsten ក៏បរាជ័យនៅចំនុចដូចគ្នានេះក្រោមស្នាដៃកីឡាករអង់គ្លេស Jake Wightman ហើយឆ្នាំ ២០២៣ នេះទៀតកីឡាករអង់គ្លេស Josh Kerr បានធ្វើរឿងដូចឆ្នាំមុនដោយយកឈ្នះ Ingebrigsten នៅចំនុច ២០០ ម៉ែត្រចុងក្រោយដដែល។ងាកមកការប្រកួតផ្នែកនារីវិញ វិញ្ញាសារត់ ៤០០ ម៉ែត្រ កីឡាការិនីមកពីសាធារណរដ្ឋដូមីនីកង់ Marileidy Paulino ជាអ្នកឈ្នះមេដាយមាសដោយមកដល់ទីព្រ័ត្រដាច់គេ។ វិញ្ញាសាបន្តទៀតនេះគឺរត់ ៤០០ ម៉ែត្រផ្លោះរបងបុរស ជ័យជំនះមេដាយមាសបានទៅកីឡាករន័រវេស Karsten Warholm ដែលម្ចាស់កំណត់ត្រាពិភពលោក និងម្ចាស់មេដាយមាសអូឡាំពិកក្រោយមកដល់ទីព្រ័ត្រប្រើពេល ៤៦ វិនាទី ៨៩។ ចុងក្រោយនេះវិញ្ញាសាលោតកំពស់ប្រើថ្នោល កីឡាការិនីអាមេរិក Katie Moon និងកីឡាការិនីអូស្រ្តាលី Nina Kennedy សម្រេចចិត្តកាន់មេដាយមាសរួមគ្នាបន្ទាប់ពីកីឡាការិនីទាំងពីរលោតបាន ៤.៩០ ម៉ែត្រ ហើយបរាជ័យនៅកំពស់ ៤.៩៥ ម៉ែត្រដូចគ្នាខណៈការប្រកួតរវាងអ្នកទាំងពីរប្រើពេលដល់ទៅ ២ ម៉ោង ១០ នាទី៕ អត្ថបទ៖នាង សុភាវុធ

AFC Cup៖ ភ្នំពេញក្រោន វាយបកទម្លាក់ Tampines Rover បន្ទាប់ពីរបូត ២គ្រាប់មុន

ក្លិបបាល់ទាត់ភ្នំពេញក្រោន របស់កម្ពុជា បានឡើងវគ្គចែកពូល(Group Stage) នៃពានរង្វាន់ AFC Cup 2023 ហើយ ក្រោយវាយបកយកឈ្នះក្រុមម្ចាស់ផ្ទះ Tampines Rover FC របស់សិង្ហបុរី ក្នុងលទ្ធផល ៣-២ ក្នុងវគ្គជម្រុះ Play-Off កាលពីថ្ងៃទី២៣ ខែសីហាម្សិលមិញ ។ជំនួបដ៏ជក់ចិត្តនៅកីឡដ្ឋាន Jalan Besar នេះ ក្រុមម្ចាស់ផ្ទះ Tampines Rover FC បានបើកការនាំមុខក្រុមជើងឯកលីគកំពូលកម្ពុជា ២គ្រាប់មុន ដោយខ្សែប្រយុទ្ធសញ្ជាតិម៉ុងតេណេហ្គ្រោ Boris Koptovic នៅនាទីទី៩ និងនាទី២៤ មុនកីឡាករ Yudai Ogawa ស៊ុតពីចម្ងាយជួយឲ្យភ្នំពេញក្រោន ១គ្រាប់វិញ នៅនាទី៤៣ នៃចុងវគ្គទី១ ។បន្ទាប់មកក្រុមទាំងពីរ បានព្យាយាមសម្រុកគ្នាកាន់តែខ្លាំង ពិសេសក្រុមសិង្ហក្រហមភ្នំពេញក្រោន ខណៈក្រោយចាប់ផ្ដើមលេងប្រមាណ ៧នាទី នៃវគ្គទី២ ភ្នំពេញក្រោន ក៏រកបាន ២គ្រាប់ផ្ទួនៗ ដោយកីឡាករ Andrés Nieto នៅនាទី៥២ និងកីឡាករ Hintaro Shimizu នៅនាទី៥៣ ហើយ លទ្ធផលនេះ ក៏បានរក្សាដល់ចប់ការប្រកួត ដែលនាំឲ្យភ្នំពេញក្រោន ទទួលបានជ័យជម្នះ ៣-២ និងទម្លាក់ក្រុម Tampines Rover FC ត្រឹមវគ្គ Play-Off នេះតែម្ដង ។ជាមួយការវាយបកយកឈ្នះក្រុមម្ចាស់ផ្ទះដ៏ភ្ញាក់ផ្អើលនេះ នាំឲ្យក្រុមភ្នំពេញក្រោន ឡើងទៅវគ្គចែកពូល នៃពានរង្វាន់ AFC Cup 2023 ដែលគ្រោងនឹងធ្វើការចាប់ឆ្នោតនាពេលឆាប់ៗខាងមុខ គ្រាដែលការប្រកួតវគ្គចែកពូលនេះ គ្រោងនឹងចាប់ផ្ដើមពីពាក់កណ្ដាលខែកញ្ញា រហូតដល់ដំណាច់ឆ្នាំ២០២៣ខាងមុខ៕ អត្ថបទ៖ លី ឈុនឡា

អេស្ប៉ាញឈ្នះអង់គ្លេសលើកពានបាល់ទាត់នារីជើងឯកពិភពលោកលើកដំបូងក្នុងប្រវត្តិសាស្រ្ត

ក្រុមបាល់ទាត់នារីអង់គ្លេស ត្រូវរង់ចាំឈ្នះជើងឯកបាល់ទាត់នារីជើងឯកពិភពលោកបន្តទៀត បន្ទាប់ពីចាញ់ក្រុមនារីអេស្ប៉ាញនៅវគ្គផ្តាច់ព្រ័ត្រនៅទីក្រុងស៊ីដនីប្រទេសអូស្រ្តាលី។អង់គ្លេសខកខានឈ្នះជើងឯកបាល់ទាត់ពិភពលោក មិនថានារីរឺបុរសតាំងពីក្រុមបុរសឈ្នះចុងក្រោយគេបង្អស់តាំងពីឆ្នាំ ១៩៦៦ លើទឹកដីរបស់ខ្លួន។ ប្រធានក្រុមអេស្ប៉ាញ កីឡាការិនី Olga Carmona គឺជាអ្នកសំរេចគ្រាប់បាល់ជ័យជំនះតែមួយគ្រាប់គត់តាំងពីនាទីទី ២៩ និងរក្សាការនាំមុខរហូតដល់ចប់ការប្រកួត ដើម្បីជួយក្រុមនារីអេស្ប៉ាញគ្រងជើងឯកបាល់ទាត់នារីពិភពលោក ជាលើកដំបូងក្នុងប្រវត្តិសាស្រ្តក្នុងការបង្ហាញខ្លួននៅវគ្គផ្តាច់ព្រ័ត្រលើកដំបូងផងដែរ។អេស្ប៉ាញលើកពាននៅពេលនេះ ស្ថិតក្រោមពពកខ្មៅនៃរឿងចម្រូងចម្រាសជាមួយសហព័ន្ធបាល់ទាត់អេស្ប៉ាញ។ ក្រុមកីឡាការនីអេស្ប៉ាញចំនួន ១៥ នាក់កាលពី ១២ ខែមុនធ្លាប់បានធ្វើពហិការចាកចេញពីក្រុមជម្រើសជាតិ ប្រសិនបើគ្រូបង្វឹក បច្ចុប្បន្នលោក Jorge Vilda មិនត្រូវបានបណ្តេញចេញ។ យ៉ាងណាក្តី កីឡាការិនីទាំង ១៥ នាក់នោះ បានច្រាលចោលព័ត៌មានទាំងនោះ តែធ្លាប់បានរិះគន់ពីយុទ្ធពិធីក្នុងការដឹកនាំរបស់លោក Vilda។ មកទល់ពេលនេះ ក្រុមនារីអេស្ប៉ាញបានជម្រះរាល់រឿងយល់ច្រឡំនឹងគ្រូបង្វឹករបស់ខ្លួនទាំងឡាយ មកឈ្នះជើងឯកពិភពលោក។ អេស្ប៉ាញនៅពេលនេះបានក្លាយជាប្រទេសទី ៥ ប៉ុណ្ណោះដែលធ្លាប់ឈ្នះជើងឯកពិភពលោកបន្ទាប់ពីអាមេរិកឈ្នះ ៤ លើក អាល្លឺម៉ង់ ២ លើក ន័រវេស ១ លើក និងជប៉ុន ១ លើក៕ អត្ថបទ៖នាង សុភាវុធ

Coco Gauff គ្រងជើងឯកវាយកូនបាល់ Cincinnati Open ជាជ័យជំនះធំបំផុតក្នុងអាជីព

កីឡាការិនីវាយកូនបាល់វ័យក្មេងអាមេរិក Coco Gauff ដណ្តើមបានសមិទ្ធផលធំបំផុតក្នុងអាជីពរបស់ខ្លួនក្រោយ គ្រងជើងឯកពានរង្វាន់ Cincinnati Open លើទឹកដីរបស់ខ្លួន តាមរយៈជ័យជំនះលើកីឡាការនីឆែក Karolina Muchova នៅវគ្គផ្តាច់ព្រ័ត្រ។កីឡាករវ័យ ១៩ ឆ្នាំរូបនេះបានយកឈ្នះកីឡាការិនីលេខ ១ ពិភពលោក Iga Swiatek គួរឱ្យភ្ញាក់ផ្អើលនៅវគ្គពាក់កណ្តាលផ្តាច់ព្រ័ត្រ មុនពេលបន្តយកឈ្នះ Karolina Muchova នៅវគ្គផ្តាច់ព្រ័ត្រ ៦-៣ និង ៦-៤ ទៀត។នេះជាជើងឯកទី ៥ ក្នុងអាជីពរបស់ Coco Gauff និងជាពានទី ៣ ក្នុងឆ្នាំ ២០២៣ នេះ បន្ទាប់ពីឈ្នះជើងឯកនៅ Washington DC និង Auckland។កីឡាការិនីវ័យក្មេងអាមេរិក Coco Gauff បានក្លាយជាកីឡាការិនីដំបូងដែលឈ្នះជើងឯកនៅក្នុងក្របខណ្ឌ WTA បីក្នុងឆ្នាំតែមួយបន្ទាប់ពី Bianchi Andreescu ដែលធ្វើបានដូចគ្នានេះនៅឆ្នាំ ២០១៩។ជ័យជំនះនេះដែរ ក៏បានជំរុញទឹកចិត្តមោះមុតរបស់ខ្លួន និងបណ្តុះមហិច្ចតាគ្រងជើងឯក Grand Slam លើកដំបូងរបស់ខ្លួននៅ US Open ដែលនឹងចាប់ផ្តើមនៅចុងខែសីហានេះ៕ អត្ថបទ៖នាង សុភាវុធ

Novak Djokovic វាយបកយកឈ្នះ Carlos Alcaraz លើកពាន Cincinnati Open

កីឡាករវាយកូនបាល់ស៊ែប Novak Djokovic បានសងសឹកបានសម្រេច ដោយយកឈ្នះកីឡាករលំដាប់លេខ ១ ពិភពលោក Carlos Alcaraz នៅវគ្គផ្តាច់ព្រ័ត្រដើម្បីគ្រងជើងឯកពានរង្វាន់ Cincinnati Open។ កីឡាករអេស្ប៉ាញ Carlos Alcaraz ដែលយកឈ្នះ Djokovic នៅវគ្គផ្តាច់ព្រ័ត្រ Wimbledon ខែមុននោះ មើលទៅ ហាក់បន្តជ័យជំនះរបស់ខ្លួនលើកីឡាករស៊ែបក្រោយយកឈ្នះសិតដំបូង ៧-៥។តែកំហុសជាច្រើនរបស់ Alcaraz នៅសិតបន្ទាប់ក៏បានបណ្តោយឱ្យ Djokovic វាយបកយកឈ្នះវិញសិតទីពីរ ៧-៦(៩-៧) ពោលគឺខ្វះតែមួយបាល់ទៀត Alcaraz អាចឈ្នះសិតនេះទៅហើយ តែ Djokovic អាចសង្គ្រោះពិន្ទុ Match Point របស់ Alcaraz បាន មុនបន្តយកឈ្នះសិតកាត់សេចក្តី ៧-៦(៧-៤) ដើម្បីយកឈ្នះការប្រកួតនេះដោយប្រើពេលសរុប ៣ ម៉ោង ៤៩ នាទី។ បូកបន្ថែមជើងឯកនៅ Cincinnati Open នេះមួយទៀត Djokovic នៅពេលនេះបានពន្លាតកំណត់ត្រាឈ្នះជើងឯកនៅក្របខណ្ឌ ATP Masters ច្រើនគេសរុប ៣៩ លើកក្នុងអាជីព និងជាពានរង្វាន់សរុបក្នុងអាជីពលើកទី ៩៥៕ អត្ថបទ៖នាង សុភាវុធ

Messi ស៊ុត ១០ គ្រាប់ក្នុង ៧ ប្រកួតជួយ Inter Miami ឈ្នះពានដំបូងក្នុងរយៈពេល ៣ ឆ្នាំ

Lionel Messi ត្រូវបានគេចាត់ទុកជាកីឡាករអស្ចារ្យបំផុតលើលោក ដោយអ្នកគាំទ្រ និងសមាជិករបស់ក្លិបអាមេរិក Inter Miami ទាំងអស់បន្ទាប់ពីជួយក្រុមឈ្នះជើងឯកដំបូងតាំងពីឆ្នាំ ២០២០។ កីឡាករអាហ្សង់ទីនវ័យ ៣៦ ឆ្នាំរូបនេះគឺជាអ្នកស៊ុតបញ្ចូលទីគ្រាប់នាំមុខឱ្យ Inter Miami ដែលជាគ្រាប់ទី ១០ របស់ខ្លួនក្នុង ៧ ប្រកួតដែលខ្លួនបានចូលលេង មុនពេលដែល Nashville SC តាមស្មើវិញនៅវគ្គផ្តាច់ព្រ័ត្រ League Cup ដែលក្រុមទាំងពីរត្រូវលេងបន្តនៅវគ្គ ១១ ម៉ែត្រកាត់សេចក្តីរកជើងឯក។ ទំរាំតែរកចាញ់ឈ្នះឃើញ ក្រុមទាំងពីរត្រូវស៊ុតដល់គ្រាប់ទី ១០ រៀងខ្លួនមុនពេលដែលអ្នកចាំទី Inter Miami, Drake Callender សង្គ្រោះគ្រាប់បាល់ចុងក្រោយឱ្យ Inter Miami ឈ្នះ Nashville ដោយបាល់ ១១ ម៉ែត្រកាត់សេចក្តី ១០-៩។ Inter Miami មានស្ថិតិមិនល្អឡើយនៅ Major League Soccer រដូវកាលនេះ មុនពេលម្ចាស់ជ័យលាភី World Cup រូបនេះមករួមក្លិបកាលពីខែមុនរួមជាមួយ Jordi Alba និង Sergio Busquet។Inter Miami នៅពេលនេះមិនទាន់ចាញ់ឡើយ ៧ ប្រកួតជាប់គ្នានៅពានរង្វាន់ League Cup ដែលរួមបញ្ចូលទាំងវត្តមានរបស់ក្លិបនៅលីគអាមេរិក និងម៉ិកស៊ិក។ ចំណែក Lionel Messi ដែលជាម្ចាស់ពានរង្វាន់កីឡាករឆ្នើម Ballon d’Or ៧ លើក មកទល់ពេលនេះឈ្នះពានសរុប ៤៤ ពានក្នុងអាជីព ច្រើនជាងកីឡាករណាៗទាំងអស់៕ អត្ថបទ៖នាង សុភាវុធ

Aymeric Laporte មកកាន់ទឹកដីអារ៉ាប៊ីសាអ៊ូឌីតថ្ងៃនេះ មុនចុះហត្ថលេខាផ្ទេរផ្លូវការមកកាន់ Al-Nassr

ខ្សែការពារក្រុមជម្រើសជាតិអេស្ប៉ាញ Aymeric Laporte នឹងមកកាន់ទឹកដីអារ៉ាប៊ីសាអ៊ូឌីតថ្ងៃចន្ទនេះ ដើម្បីពិនិត្យសុខភាព និងចុះហត្ថលេខាផ្លូវការផ្ទេរពី Manchester City មកកាន់ Al-Nassr។កីឡាករវ័យ ២៩ ឆ្នាំរូបនេះក៏បានរួមដំណើរជាមួយ City ដែរក្នុងការយកឈ្នះ Sevilla លើកពាន UEFA Super Cup កាលពីសប្តាហ៍មុន។ បើតាមសារព័ត៌មានអង់គ្លេសបានចុះផ្សាយថា Aymeric Laporte នឹងទទួលបានប្រាក់ឈ្នួលក្នុងឆ្នាំ ២១ លានអឺរ៉ូ ក្នុងការចូលរួមជាមួយ Cristiano Ronaldo នៅ Al-Nassr នេះ។លោក Pep Guardiola បានដាក់ Laporte នៅពីក្រោយជម្រើសរបស់ Manuel Akanji ហើយរដូវកាលថ្មីនេះតាំងពីការមកដល់របស់ Josko Gvardiol ពី Leipzig ធ្វើឱ្យឱកាសលេងរបស់ Laporte មានកំរិត និងខិតជិតឈានដល់ទីបញ្ចប់នៃអាជីព ៥ ឆ្នាំនៅ Etihad។រំលឹកថា Aymeric Laporte បានមកដល់ Manchester City តាំងពីឆ្នាំ ២០១៨ ក្នុងតម្លៃផ្ទេរ ៥៧លានផោន និងក្លាយជាសមាជិកសំខាន់របស់ក្រុមភ្លាមៗដែរ និងបានបង្ហាញខ្លួនសរុប ១២១ លើក រកបាន ៨ គ្រាប់ ឈ្នះជើងឯក English Premier League ៥ លើក FA Cup ២ លើក EFL Cup ៣ លើក និង UEFA Champions League ១ លើក រដូវកាលមុន។ ការចាកចេញទៅកាន់ Al-Nassr, Aymeric Laporte នឹងរួមក្រុមជាមួយ Cristiano Ronaldo, Sadio Mane, Marcelo Brozovic និង Alex Telles៕ អត្ថបទ៖នាង សុភាវុធ

អ្នកការពារជើងឯក MotoGP, Francesco Bagnaia រកបានជ័យជំនះទី ៥ រដូវកាលនេះ

កីឡាករប្រណាំងម៉ូតូអ៊ីតាលី Francesco Bagnaia ដែលជាអ្នកការពារតំណែងជើងឯក បានបន្តរកបានជ័យជំនះទី ៥ របស់ខ្លួនក្នុងចំណោម ១០ ទីលានរដូវកាលនេះ បន្ទាប់ពីយកឈ្នះការប្រកួតនៅប្រទេសអូទ្រីសចុងសប្តាហ៍កន្លងទៅ។ កីឡាករវ័យ ២៦ ឆ្នាំរូបនេះបានយកឈ្នះការប្រណាំង Sprint Race កាលពីថ្ងៃសៅរ៍ ហើយមកដល់ការប្រកួត Grand Prix នៅថ្ងៃអាទិត្យបានរក្សាការនាំមុខរបស់ខ្លួនតាំងពីពេលចេញដំណើរដល់ទីព្រ័ត្រ។ លេខ ២ ក្នុងការប្រកួតបានទៅកីឡាករអាហ្រ្វិកខាងត្បូង Brad Binder របស់ក្រុម KTM ខណៈលេខ ៣ តាមពីក្រោយដោយកីឡាករអ៊ីតាលី Marco Bezzecchi។ ចំណែកឯកីឡាករអេស្ប៉ាញ Jorge Martin ដែលឈរលេខ ២ ក្នុងតារាងជើងឯកនោះ ធ្វើមិនបានល្អឡើយដោយបញ្ចប់ការប្រកួតត្រឹមចំណាត់ថ្នាក់លេខ ៧។ លទ្ធផលនេះធ្វើឱ្យកីឡាកររបស់ក្រុម Ducati, Francesco Bagnaia ពន្លាតការនាំមុខក្នុងតារាងជើងឯកដល់ ៦២ ពិន្ទុ ពី Jorge Martin និងលេខ Marco Bezzecchi។ ទីលានទី ១១ រដូវកាលនវ MotoGP នឹងបន្តដំណើរទៅទីលាន Catalunya ប្រទេសអេស្ប៉ាញដើមខែកញ្ញា៕ អត្ថបទ៖នាង សុភាវុធ

Viktor Hovland គ្រងជើងឯកវាយកូនគោលកម្មវិធី BMW Championship

កីឡាករវាយកូនគោលន័រវេស Viktor Hovland បានក្លាយជាជើងឯកនៃការប្រកួតកម្មវិធី BMW Championship ក្រោយជ័យជំនះដ៏អស្ចារ្យនៅថ្ងៃចុងក្រោយ។ កីឡាករវ័យ ២៥ ឆ្នាំរូបនេះចាប់ផ្តើមថ្ងៃចុងក្រោយដោយតាមពីក្រោយអ្នកនាំមុខគេ Scottie Scheffler និង Matt Fitzpatrick ដល់ទៅ ៣ ស្ត្រូក តែធ្វើបាន ៧ Birdies ក្នុងចំណោម ៩ ឡូនៃថ្ងៃចុងក្រោយដោយបញ្ចប់ការប្រកួតទាំងស្រុងមាន ១៧ អាន់ឌើផា យកឈ្នះអ្នកទាំងពីរ ២ ស្ត្រូកវិញ។ Scheffler និង Fitzpatrick ឈរលេខ ២ ស្ទួនក្រោយធ្វើបាន ១៥ អាន់ឌើផាដូចគ្នា តាមពីក្រោយដោយកីឡាករ អៀងឡង់ខាងជើង Rory McIlroy ដែលធ្វើបាន ១២ អាន់ឌើផាឈរចំណាត់ថ្នាក់លេខ ៤។BMW Championship ជាវគ្គជម្រុះបឋមក្នុងដំណើរឆ្ពោះទៅព្រឹត្តិការណ៍បញ្ចប់រដូវកាលរបស់ FedEx Play-Off ហើយជ័យជំនះនៅទីនេះផងដែរ Viktor Hovland ទទួលបានប្រាក់រង្វាន់ ៣.៦ លានដុល្លារក្នុងនាមជាជើងឯក៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

កេនយ៉ាស៊ើបអង្កេតជាតិពុលដ៏មានសក្តានុពល ក្រោយដំរី ១៥ក្បាលងាប់នៅតំបន់ប្រព័ន្ធអេកូឡូស៊ី Amboseli

អ្នករស់នៅក្នុងទីក្រុងឡុងដ្រ៍ ចក្រភពអង់គ្លេស បង្ហាញក្តីបារម្ភពីរលកកម្តៅ អំឡុងរដូវក្តៅ

លោក Trump បញ្ជាក់ថា អាមេរិកនឹងចាត់វិធានការខ្លាំងក្លាលើអ៊ីរ៉ង់ តែនឹង «អនុញ្ញាតឱ្យពួកគេបន្តចរចា»

រដ្ឋអាជ្ញា៖ យុវជន ៣នាក់ ត្រូវបានចាប់ខ្លួនក្នុងការស៊ើបអង្កេតអំពើភេរវកម្មហូឡង់

ចិនចូលរួមរំលែកទុក្ខដល់ពលរដ្ឋស្លាប់ និងបន្តតាមដានសុវត្ថិភាពលដ្ឋរបស់ខ្លួន ក្រោយការរញ្ជួយដីនៅ ជប៉ុន

បារាំងបណ្តេញពិធីការិនីទូរទស្សន៍គាំទ្រវិមានក្រឹមឡាំងចេញពីប្រទេស

នេប៉ាល់ដាក់បំរាមគោចរ ក្រោយការប៉ះទង្គិចគ្នាហិង្សាកើតឡើងនៅស្រុក Sunsari

ចិនរិះគន់បំរាមសហរដ្ឋអាមេរិកលើការនាំចូលរូបយន្តរបស់ទីក្រុងប៉េកាំង

សាកសពត្រូវបានទាញចេញពីមន្ទីរពេទ្យក្រុង Mosul បន្ទាប់ពីការវាយប្រហាររបស់អាមេរិក-អារ៉ាប៊ីសាអ៊ូឌីតលើអ៊ីរ៉ាក់

ព្យុះផ្គររន្ទះដ៏ធ្ងន់ធ្ងរ វាយប្រហារទីក្រុងវ៉ាស៊ីនតោន ឌីស៊ី សហរដ្ឋអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

អ្នកការពារជើងឯក Yamaguchi ឡើងវគ្គ ១៦ នាក់ចុងក្រោយវាយសីជើងឯក BWF World Championship

អត្តពលិកអង់គ្លេស Josh Kerr ឈ្នះមេដាយមាសរត់ ១៥០០ ម៉ែត្រពិភពលោកនៅហុងគ្រី

AFC Cup៖ ភ្នំពេញក្រោន វាយបកទម្លាក់ Tampines Rover បន្ទាប់ពីរបូត ២គ្រាប់មុន

អេស្ប៉ាញឈ្នះអង់គ្លេសលើកពានបាល់ទាត់នារីជើងឯកពិភពលោកលើកដំបូងក្នុងប្រវត្តិសាស្រ្ត

Coco Gauff គ្រងជើងឯកវាយកូនបាល់ Cincinnati Open ជាជ័យជំនះធំបំផុតក្នុងអាជីព

Novak Djokovic វាយបកយកឈ្នះ Carlos Alcaraz លើកពាន Cincinnati Open

Messi ស៊ុត ១០ គ្រាប់ក្នុង ៧ ប្រកួតជួយ Inter Miami ឈ្នះពានដំបូងក្នុងរយៈពេល ៣ ឆ្នាំ

Aymeric Laporte មកកាន់ទឹកដីអារ៉ាប៊ីសាអ៊ូឌីតថ្ងៃនេះ មុនចុះហត្ថលេខាផ្ទេរផ្លូវការមកកាន់ Al-Nassr

អ្នកការពារជើងឯក MotoGP, Francesco Bagnaia រកបានជ័យជំនះទី ៥ រដូវកាលនេះ

Viktor Hovland គ្រងជើងឯកវាយកូនគោលកម្មវិធី BMW Championship

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

អ្នកការពារជើងឯក Yamaguchi ឡើងវគ្គ ១៦ នាក់ចុងក្រោយវាយសីជើងឯក BWF World Championship

អត្តពលិកអង់គ្លេស Josh Kerr ឈ្នះមេដាយមាសរត់ ១៥០០ ម៉ែត្រពិភពលោកនៅហុងគ្រី

AFC Cup៖ ភ្នំពេញក្រោន វាយបកទម្លាក់ Tampines Rover បន្ទាប់ពីរបូត ២គ្រាប់មុន

អេស្ប៉ាញឈ្នះអង់គ្លេសលើកពានបាល់ទាត់នារីជើងឯកពិភពលោកលើកដំបូងក្នុងប្រវត្តិសាស្រ្ត

Coco Gauff គ្រងជើងឯកវាយកូនបាល់ Cincinnati Open ជាជ័យជំនះធំបំផុតក្នុងអាជីព

Novak Djokovic វាយបកយកឈ្នះ Carlos Alcaraz លើកពាន Cincinnati Open

Messi ស៊ុត ១០​ គ្រាប់ក្នុង ៧ ប្រកួតជួយ Inter Miami ឈ្នះពានដំបូងក្នុងរយៈពេល ៣ ឆ្នាំ

Aymeric Laporte មកកាន់ទឹកដីអារ៉ាប៊ីសាអ៊ូឌីតថ្ងៃនេះ មុនចុះហត្ថលេខាផ្ទេរផ្លូវការមកកាន់ Al-Nassr

អ្នកការពារជើងឯក MotoGP, Francesco Bagnaia រកបានជ័យជំនះទី ៥ រដូវកាលនេះ

Viktor Hovland គ្រងជើងឯកវាយកូនគោលកម្មវិធី BMW Championship

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Messi ស៊ុត ១០ គ្រាប់ក្នុង ៧ ប្រកួតជួយ Inter Miami ឈ្នះពានដំបូងក្នុងរយៈពេល ៣ ឆ្នាំ