BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ការប្រកួតស៊ីហ្គេមនឹងលក់សំបុត្រចូលរួមទស្សនាតាមប្រភេទកីឡា ខណៈពិធីបើកបិទនឹងលក់មួយចំនួនដែរ

ស៊ីហ្គេម៖ មន្ត្រីជាន់ខ្ពស់គណៈកម្មាធិការជាតិរៀបចំការប្រកួតស៊ីហ្គេមលើកឡើងថា មកដល់ពេលនេះពិធីបើកបិទក៏ ដូចជាការប្រកួតប្រភេទកីឡានីមួយៗមិនទាន់កំណត់នៅឡើយថា តើលក់សំបុត្រចូលរួមទស្សនាក្នុងកម្រិតណា តែអាចនឹងលក់តាមប្រភេទកីឡា។ ក្នុងសន្និសីទសារព័ត៌មានដែលរៀបចំដោយក្លិបអ្នកកាសែតកម្ពុជា ក្រោមវត្តមានឯកឧត្តម ថោង ខុន អនុប្រធានអចិន្ត្រៃយ៍ CAMSOC នៅទីស្នាក់ការគណៈកម្មាធិការជាតិអូឡាំពិកកម្ពុជា ព្រឹកថ្ងៃទី២៣ ខែកុម្ភៈ ឆ្នាំ២០២៣ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតស៊ីហ្គេមប្រាប់ឱ្យដឹងថា សំបុត្រក្នុងពិធីបើកបិទនឹងជជែកគ្នាបន្ថែមទៀត ហើយទុកឱ្យថ្នាក់ដឹកនាំជាសម្រេចចិត្ត តែយ៉ាងណានឹងមានលក់ខ្លះ ខណៈពេលនេះមានប្រទេសជាច្រើន និងភ្នាក់ងារទេសចរនានាសុទ្ធតែសួរពីបញ្ហានេះ។ ឯកឧត្តមអគ្គលេខាធិការបានបន្តទៀតថា ចំពោះការប្រកួតកីឡានឹងត្រូវលក់សំបុត្រតាមប្រភេទកីឡាដែលមានប្រជាប្រិយ ដូចជាបាល់ទាត់(បុរស) បាល់ទះ គុនខ្មែរ និងកីឡាដែលទទួលបានការគាំទ្រមួយចំនួនទៀត ប៉ុន្តែអាចលក់តែការប្រកួតរបស់ក្រុមកីឡាករម្ចាស់ផ្ទះប្រកួតជាមួយប្រទេសផ្សេងៗតែប៉ុណ្ណោះ។ សូមជម្រាបជូនថា គណៈកម្មាធិការរៀបចំការប្រកួតខាងបច្ចេកទេស បានច្របាច់បញ្ចូលគ្នារវាងក្រុមកីឡាថ្នាល និងក្រុមកីឡាជម្រើសជាតិឈានទៅសម្រិតសម្រាំង ជ្រើសរើសកីឡាករជម្រើសជាតិសរុប ៩៣៨នាក់ (កីឡាការិនី ៣៤៦នាក់) និងគ្រូបង្វឹក ១៧៦នាក់ដែលមានគុណផលខ្ពស់ និងសីលធម៌ល្អ ព្រមទាំងអនុរក្សចំនួន ៥២នាក់ឱ្យប្រកួតស៊ីហ្គេម ២០២៣ ខណៈប៉ារ៉ាហ្គេមមានកីឡាករ-កីឡាការិនី ១៦៥នាក់ប្រកួតលើ ១៣ប្រភេទកីឡា ក្នុងជាង ១០០វិញ្ញាសា។ ស៊ីហ្គេម ២០២៣ ដំណើរការប្រកួតពីថ្ងៃទី២៩ ខែមេសាដល់ថ្ងៃទី១៧ ខែឧសភា ខណៈពិធីបើកផ្លូវការថ្ងៃទី៥ ខែឧសភា ឯអាស៊ានប៉ារ៉ាហ្គេមដំណើរការប្រកួតពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣ ពោលគិតត្រឹមថ្ងៃទី២៣ ខែកុម្ភៈនេះអាស៊ានប៉ារ៉ាហ្គេមនៅសល់ ១០០ថ្ងៃគត់៕អត្ថបទ៖ គង់ ហួន

ក្រុមបាល់ទាត់នារីព័រទុយហ្កាល់ និងហៃទីកក់កៅអី World Cup លើកដំបូង ក្រោយឈ្នះគូប្រកួតរៀងៗខ្លួន

បាល់ទាត់៖ ក្រុមបាល់ទាត់នារីជម្រើសជាតិព័រទុយហ្កាល់បានកក់កៅអី នៅព្រឹត្តិការណ៍បាល់ទាត់នារីជើងឯកពិភពលោក FIFA Women’s World Cup ជាលើកដំបូងក្នុងប្រវត្តិសាស្ត្រ ក្រោយយកឈ្នះក្រុមបាល់ទាត់នារីកាមេរូន ២-១ ក្នុងវគ្គ Play-Off នៅលើទឹកដីនូវេស៊ីឡង់។ ក្រោយវត្តមានរបស់អតីតខ្សែប្រយុទ្ធក្រុមជម្រើសជាតិកាមេរូន Samuel Eto’O ទៅទស្សនាការប្រកួតផងដែរនោះ ព័រទុយហ្កាល់បានបើកការនាំមុខមុននៅនាទីទី២២ ដោយកីឡាការិនី Kika Nazareth ស៊ុតបាល់ Freekick បុករបាទី និងបន្ថែមបញ្ចូលទីបានសំរេចដោយ Diana Gomez។ ហៀបនឹងចប់ការប្រកួតទៅហើយ កាមេរូនមានឱកាសតាមស្មើវិញបានសម្រេចដោយកីឡាការិនី Ajara Nchout ផ្តល់ក្តីសង្ឃឹមឱ្យកាមេរូន និងអូសបន្លាយដល់វគ្គបន្ថែមម៉ោង ១៥នាទីពីរដង។ នៅក្នុងម៉ោងបន្ថែមបាល់ប៉ះដៃរបស់ខ្សែការពារកាមេរូនកីឡាការិនី Etelle Johnson ឆែកឃើញដោយ VAR ធ្វើឱ្យអាជ្ញាកណ្តាលផ្តល់បាល់ពិន័យ ១១ម៉ែត្រទៅខាងព័រទុយហ្កាល់។ Carole Costa គឺជាអ្នកសម្រេចគ្រាប់បាល់ជ័យជំនះឱ្យព័រទុយហ្កាល់ឡើងលេងបាល់ទាត់នារីជើងឯកពិភពលោក ២០២៣ ដោយព័រទុយហ្កាល់នឹងស្ថិតក្នុងពូល E ជាមួយហូឡង់ វៀតណាម និងក្រុមការពារតំណែងជើងឯកអាមេរិក។ ចំណែកក្រុមបាល់ទាត់នារីជម្រើសជាតិហៃទីក៏បានបង្កើតប្រវត្តិសាស្ត្ររបស់ខ្លួនផងដែរ ក្រោយយកឈ្នះក្រុមនារីស៊ីលីនៅវគ្គ Play-Off ដោយលទ្ធផល ២-១ ដូចគ្នា។ ហៃទីដែលមានចំណាត់ថ្នាក់ពិភពលោកលេខ ៥៥ នឹងស្ថិតក្នុងពូល D នៅ World Cup ជាមួយអង់គ្លេស ដាណឺម៉ាក និងចិន។ World Cup នារី ២០២៣ នឹងចាប់ផ្តើមពីថ្ងៃទី២០ ខែកក្កដាដល់ថ្ងៃទី២០ ខែសីហារៀបចំនៅអូស្ត្រាលី និងនូវេស៊ីឡង់៕អត្ថបទ៖នាង សុភាវុធ

Xavi ថា Barcelona នឹងជួបក្រុម Manchester United ល្អបំផុតក្នុងរយៈពេលប៉ុន្មានឆ្នាំនេះ

បាល់ទាត់៖ Barcelona នឹងត្រូវប្រឈមជាមួយក្រុមបិសាចក្រហម Manchester United ដែលល្អបំផុតមួយក្នុងរយៈពេលប៉ុន្មានឆ្នាំនេះនៅជើងទី២ វគ្គ Play-Off Europa League រាត្រីនេះ នេះជាការលើកឡើងរបស់អ្នកចាត់ការ Barcelona លោក Xavi Hernandez ក្នុងសន្និសីទសារព័ត៌មានម្សិលមិញ។ បន្ទាប់ពីការប្រកួតស្វិតស្វាញនៅជើងទី១ ដែលក្រុមទាំងពីរស្មើគ្នា ២-២ លោក Xavi Hernandez ដឹងច្បាស់ថា ក្រុមរបស់លោកត្រូវរៀបចំឱ្យល្អបំផុត លេងល្អបំផុតបើចង់ឆ្លងទៅវគ្គ ១៦ក្រុមចុងក្រោយ។ ការប្រកួតជើងទី១ ត្រូវបានគេមើលឃើញថា Manchester United ធ្វើបានល្អជាង ស្របពេលដែលជើងទី២ នេះទៀត Barcelona និងអវត្តមានកីឡាករសំខាន់ពីរ Pedri និង Ousmane Dembele ដែលមានរបួស និង Gavi ជាប់ពិន័យ។ Barcelona មុនការប្រកួតយប់នេះពួកគេមិនទាន់ចាញ់នៅឡើយក្នុងឆ្នាំ២០២៣ នេះដោយកំពុងនាំមុខដាច់ ៨ពិន្ទុពីក្រុមលេខ២ Real Madrid នៅ La liga។ ចំណែក Manchester United គិតមកដល់ទៅពេលនេះមិនទាន់ចាញ់នៅ ឡើយ ៨ប្រកួតចុងក្រោយគ្រប់ក្របខណ្ឌ និងកំពុងឈរលេខ៣ នៅ Premier League មាន ៤៩ពិន្ទុតាមពីក្រោយក្រុមកំពូលតារាង Arsenal ៥ពិន្ទុ៕អត្ថបទ៖នាង សុភាវុធ

Ronaldo ចូលរួមប្រារព្ធពិធីបុណ្យជាតិថ្ងៃកំណើតអារ៉ាប៊ីសាអ៊ូឌីត

បាល់ទាត់៖ ខ្សែប្រយុទ្ធ Cristiano Ronaldo របស់ក្លឹប Al Nassr បានចូលរួមជាមួយពិធីបុណ្យក្នុងស្រុកជាមួយក្លឹបថ្មីរបស់ខ្លួន ខណៈដែលជនជាតិអារ៉ាប៊ីសាអូឌីតបានប្រមូលផ្តុំគ្នា ដើម្បីប្រារព្ធបុណ្យជាតិថ្ងៃកំណើតនៃរដ្ឋអារ៉ាប៊ីសាអ៊ូឌីត។ ដោយស្លៀកពាក់បែបប្រពៃណី ម្ចាស់ជ័យលាភី Ballon d'Or ៥សម័យ និងមិត្តរួមក្រុម Al Nassr រួមជាមួយនឹងគ្រូបង្វឹក Rudi Garcia សុទ្ធតែមានវត្តមានក្នុងវីដេអូដែលចែកចាយ ដោយប្រព័ន្ធផ្សព្វផ្សាយសង្គមរបស់លីគបាល់ទាត់អារ៉ាប៊ីសាអ៊ូឌីត Saudi Pro League។ ទិវាមួយត្រូវបានប្រារព្ធឡើង ដើម្បីរំលឹកដល់ការបង្កើតរដ្ឋអារ៉ាប៊ីសាអូឌីតដំបូងបង្អស់ និងរាជវង្ស Saud នៅឆ្នាំ១៧២៧ ត្រូវបានប្រកាសជាថ្ងៃបុណ្យជាតិកាលពីឆ្នាំមុនដោយស្តេច Salman bin Abdulaziz ដែលបានចេញព្រះរាជក្រឹត្យ។ ចាប់ពីថ្ងៃទី២២ ខែកុម្ភៈតទៅ ព្រឹត្តិការណ៍វប្បធម៌ និងសិល្បៈត្រូវបានប្រារព្ធឡើងនៅទូទាំងព្រះរាជាណាចក្រ រួមទាំងនៅកីឡដ្ឋាន Mrsool Park របស់ Al Nassr ផងដែរ។ Ronaldo បានផ្លាស់ទៅប្រទេសអារ៉ាប៊ីសាអូឌីតក្នុងខែមករា បន្ទាប់ពីកិច្ចសន្យារបស់ខ្លួនត្រូវបានបញ្ចប់ដោយ Manchester United ហើយចាប់តាំងពីពេលនោះមកកីឡាករវ័យ ៣៨ឆ្នាំរូបនេះបានស៊ុតបញ្ចូលទីបាន ៥គ្រាប់ក្នុង ៤ប្រកួត ខណៈដែល Al Nassr ឈរនៅលើកំពូលតារាងលីគកំពូលអារ៉ាប៊ីសាអ៊ូឌីត៕អត្ថបទ៖នាង សុភាវុធ

Mahrez ស៊ុតបញ្ចូលទីមួយគ្រាប់តែ Man City បានត្រឹមស្មើនៅទឹកដី Leipzig

បាល់ទាត់៖ បន្ទាប់ពីក្រុមអង់គ្លេស ៣ សុទ្ធតែចាញ់នៅជើងទី១ វគ្គ ១៦ក្រមចុងក្រោយ UEFA Champions League ក្រុមអង់គ្លេស Manchester City ក៏មិនអាចរកបានជ័យជំនះពីជើងទី១ របស់ខ្លួនដែរក្រោយស្មើនៅទឹកដីអាល្លឺម៉ង់របស់ RB Leipzig ១-១។ ក្រុមរបស់លោក Pep Guardiola ជាក្រុមមានប្រៀបសឹងតែលេងពាក់កណ្តាលតារាងទៅហើយ ហើយក៏រកបានគ្រាប់នាំមុខនៅនាទីទី២៧ ដោយ Riyad Mahrez។ តែនៅវគ្គទី២ ក៏បានកែប្រែ និងមានសាច់បាល់លេងមកវិញ និងរកបានគ្រាប់តាមស្មើបានសំរេចនៅនាទីទី៧០ ដែលការតែតបញ្ចូលទីរបស់ Josko Gvardiol។ Manchester City កំពុងប៉ុនប៉ងដណ្តើមពាន UCL លើកដំបូងក្នុងប្រវត្តិសាស្ត្រ តែត្រូវរង់ចាំការប្រកួតនៅជើងទី២ ត្រលប់មកទឹកដី Etihad វិញនៅថ្ងៃទី១៤ ខែមីនាខាងមុខ។ ងាកទៅការប្រកួតមួយគូទៀត Inter Milan រកបានជ័យជំនះក្នុងទឹកដីរបស់ខ្លួន ១-០ ទៅលើក្រុមភ្ញៀវព័រទុយហ្កាល់ FC Porto។ គ្រាប់ជ័យជំនះរបស់ Inter Milan សម្រេចបានដោយកីឡាករបម្រុង Romelu Lukaku នៅនាទីទី៨៦ ទៅហើយ ខណៈ Porto សល់គ្នាតែ ១០នាក់ត្រឹមនាទីទី៧៨ នៅពេល Otavio ទទួលបានកាតលឿងទី២។ ជើងទី២ នឹងត្រលប់ទៅទឹកដី Porto វិញនៅថ្ងៃទី១៤ ខែមីនាខាងមុខ៕អត្ថបទ៖នាង សុភាវុធ

ក្រោយបរាជ័យដំបូងនៃជំនួបមិត្តភាព ក្រុមបាល់ទះកម្ពុជាសិក្សារកចំណុចខ្វះខាតទើបអាចមានជ័យជំនះលើក្រុម U19 បារាំងវិញ

បាល់ទះ៖ ក្រុមបាល់ទះជម្រើសជាតិកម្ពុជាបានកែប្រែបរាជ័យដំបូងនៃជំនួបមិត្តភាព និងបានយកឈ្នះការប្រកួតទី២ ទៅលើក្រុមបាល់ទះជម្រើសជាតិបារាំងអាយុក្រោម ១៩ឆ្នាំដោយលទ្ធផល ៣-១ ល្ងាចថ្ងៃទី២២ កុម្ភៈម្សិលមិញនេះនៅពហុកីឡដ្ឋានជាតិ។ ការប្រកួតនេះបានធ្វើឡើងក្រោមវត្តមានឯកឧត្តមនាយឧត្ដមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ និងជាប្រធានសហព័ន្ធកីឡាបាល់ទះកម្ពុជា ហើយក៏មានការអញ្ជើញចូលរួមទស្សនាពីមន្ដ្រីទូតបារាំងប្រចាំប្រទេសកម្ពុជាផងដែរ។ ជំនួបមិត្តភាពអន្ដរជាតិជាមួយក្រុមយុវជនបារាំង ដែលជាប្រទេសមហាអំណាចបាល់ទះមួយលើពិភពលោកនេះ បានផ្ទុះការចាប់អារម្មណ៍ជាខ្លាំងពីអ្នកគាំទ្រដែលមានទស្សនាផ្ទាល់ប្រមាណ ៥ពាន់នាក់។ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានឲ្យដឹងថា បរាជ័យ ៣សិតផ្ទួនកាលពីថ្ងៃទី១៩ ក្រោមស្នាដៃក្រុម U19 បារាំង ក្រុមបាល់ទះជម្រើសជាតិកម្ពុជាបានសិក្សាស្វែងយល់ពីចំណុចខ្សោយរបស់ខ្លួន និងចំនុចខ្លាំងរបស់បារាំងទើបឈានដល់ការទទួលបានជ័យជំនះបែបនេះ។ ចំណែកគ្រូបង្វឹកក្រុមបាល់ទះជម្រើសជាតិកម្ពុជាលោក Li Jun ក៏បានបញ្ជាក់ថា ការប្រកួតមិត្តភាពទី២ នេះក្រុមរបស់លោកមានភាពជឿជាក់ និងស្មារតីល្អជាងការប្រកួតទី១ និងមានការផ្លាស់ប្តូរយុទ្ធសាស្ត្រមួយចំនួន។ សូមបញ្ជាក់ថា វត្តមានរបស់ក្រុមយុវជននៃប្រទេសមហាអំណាចវិស័យបាល់ទះពិភពលោកនេះ ត្រូវបានចាត់ទុកជាសញ្ញាណដ៏ល្អ សម្រាប់វិស័យបាល់ទះកម្ពុជា ដើម្បីបង្ហាញពីសក្ដានុពលរបស់ខ្លួនលើឆាកអន្ដរជាតិ បន្ទាប់ពីក្រុមបាល់ទះជម្រើសជាតិកម្ពុជាបានបំបែកកំណត់ត្រាប្រវត្តិសាស្ដ្រ ឈ្នះមេដាយសំរឹទ្ធស៊ីហ្គេមលើកដំបូង និងជាការកំដៅសាច់ដុំមួយត្រៀមលក្ខណៈដណ្តើមយកមេដាយជូនជាតិ នៅពេលកម្ពុជាធ្វើជាម្ចាស់ផ្ទះស៊ីហ្គេមលើកទី៣២ នៅខែឧសភាខាងមុខនេះ៕អត្ថបទ៖ នាងសុភាវុធ

ក្រុមជម្រើសជាតិកម្ពុជាទទួលបានការលើកទឹកចិត្ត ដើម្បីត្រៀមប្រជែងមេដាយស៊ីហ្គេម-អាស៊ានប៉ារ៉ាហ្គេម ២០២៣

ស៊ីហ្គេម៖ ក្រសួងអប់រំ យុវជន និងកីឡាបានរៀបចំពិធីសំណេះសំណាល និងសួរសុខទុក្ខក្រុមជម្រើសជាតិកម្ពុជា នៅពហុកីឡដ្ឋានជាតិមរតកតេជោកាលពីល្ងាចថ្ងៃទី២២ ខែកុម្ភៈ ឆ្នាំ២០២៣ ដែលបង្ហាញការយកចិត្តទុកដាក់ និងលើកទឹកចិត្តដល់ក្រុមជម្រើសជាតិ ដើម្បីត្រៀមប្រជែងមេដាយក្នុងការប្រកួតកីឡាស៊ីហ្គេម-អាស៊ានប៉ារ៉ាហ្គេមនាខែឧសភា និងខែមិថុនា ឆ្នាំ២០២៣ នៅកម្ពុជា។ ឯកឧត្តម អ៊ុក សិទ្ធិជាតិ អគ្គនាយកកីឡាតំណាងដ៏ខ្ពង់ខ្ពស់ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាបានបង្ហាញការវាយតម្លៃខ្ពស់ ចំពោះកិច្ចសហការរបស់ក្រសួងអប់រំ គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិដែលកំពុងយកចិត្តទុកដាក់ ដល់ការបោះជំរំហ្វឹកហាត់របស់ក្រុមជម្រើសជាតិកម្ពុជាទាំងក្នុងស្រុក និងក្រៅស្រុក ដើម្បីត្រៀមឆ្ពោះទៅប្រកួតប្រជែងមេដាយស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ ក្នុងនាមក្រសួងអប់រំ យុវជន និងកីឡា ឯកឧត្តមអគ្គនាយកបានកោតសរសើរចំពោះការលះបង់ពុះពារការលំបាក យកអស់ស្មារតីខិតខំហ្វឹកហាត់ក្នុងការបង្កើនគុណផលរបស់កីឡាករ កីឡាការិនី គ្រូបង្វឹក អនុរក្ស ដើម្បីត្រៀមប្រកួតដណ្តើមមេដាយជូនជាតិ ក្នុងព្រឹត្តិការណ៍កីឡាជាប្រវត្តិសាស្ត្រដំបូងរបស់កម្ពុជា ក្នុងពេលដ៏ខ្លីខាងមុខនេះ។ ជាមួយគ្នានេះ ឯកឧត្តមអគ្គនាយកកីឡាក៏ថ្លែងអំណរគុណចំពោះថ្នាក់ដឹកនាំ គណៈកម្មាធិការជាតិ CAMSOC ដែលមានសម្តេចពិជ័យសេនា ទៀ បាញ់ ជាប្រធាន និងឯកឧត្តមបណ្ឌិត ថោង ខុន អនុប្រធានអចិន្ត្រៃយ៍ CAMSOC តែងតែឧបត្ថម្ភគាំទ្រ និងផ្តល់ការលើកទឹកចិត្តគ្រប់បែបយ៉ាង ដល់ការហ្វឹកហាត់របស់ក្រុមជម្រើសជាតិ ដើម្បីឆ្ពោះទៅសម្រេចភាពជោគជ័យក្នុងព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ២០២៣ ក្រោយកម្ពុជារង់ចាំ ៦៤ឆ្នាំ។ លោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡាបានបញ្ជាក់ថា ការរៀបចំប្រមូលផ្តុំក្រុមកីឡាជម្រើសជាតិត្រៀមចូលរួមការប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ ដោយឆ្នាំ២០២១-២០២៣ នេះ ក្រសួងបានច្របាច់បញ្ចូលគ្នារវាងក្រុមកីឡាថ្នាល និងក្រុមកីឡាជម្រើសជាតិឈានទៅសម្រិតសម្រាំង ជ្រើសរើសកីឡាករជម្រើសជាតិសរុប ៩៣៨នាក់ (កីឡាការិនី ៣៤៦នាក់) និងគ្រូបង្វឹក ១៧៦នាក់ដែលមានគុណផលខ្ពស់ និងសីលធម៌ល្អ ព្រមទាំងអនុរក្សចំនួន ៥២នាក់។ លោកបញ្ជាក់ថា ក្រុមជម្រើសជាតិត្រូវបានរៀបចំឱ្យមានការហាត់ហ្វឹកហ្វឺនក្នុងប្រទេស ដូចជានៅក្នុងពហុកីឡដ្ឋានជាតិមរតកតេជោមាន ៩ប្រភេទកីឡា ១៦២វិញ្ញាសា កីឡាករ កីឡាកាវិនីសរុប ១៦១នាក់ គ្រូបង្វឹក ៣១នាក់ និងអនុរក្ស ០៨ នាក់, នៅក្នុងពហុកីឡដ្ឋានជាតិអូឡាំពិកមាន ១៧ប្រភេទកីឡា មាន ២៣០វិញ្ញាសា កីឡាករ កីឡាការិនីសរុប ៣០៩នាក់ គ្រូបង្វឹក ៦២នាក់ និងអនុរក្ស ១៧នាក់ និងនៅតាមសហព័ន្ធកីឡាជាតិមាន ១៤ប្រភេទកីឡា មាន១៨៦វិញ្ញាសា កីឡាករ កីឡាការិនីសរុប ២៨៣នាក់ គ្រូបង្វឹក ៦២នាក់ និងអនុរក្ស ១៤នាក់។ ចំពោះការហាត់ហ្វឹកហ្វឺនក្រៅប្រទេសមានកីឡាករ កីឡាការិនីសរុប ២២៦នាក់ត្រូវបានបញ្ជូនឱ្យធ្វើការហាត់ហ្វឹកហ្វឺននៅក្រៅប្រទេស ដូចជា៖ នៅសាធារណរដ្ឋប្រជាមានិតចិនមាន ១២ប្រភេទកីឡា មាន ៧៨វិញ្ញាសា កីឡាករ កីឡាកាវិនីសរុប ១៤១នាក់ និងគ្រូបង្វឹកចំនួន ១៣នាក់ ហាត់ហ្វឹកហ្វឺនរយៈពេល ០៤ខែ។ នៅសហរដ្ឋអាមេរិកមាន ៦ប្រភេទកីឡាជីជីតស៊ូ តេក្វាន់ដូ WT បាល់បោះ ហែលទឹកវាយ កូនបាល់ និងវាយកូនឃ្លីលើតុមាន ១៣វិញ្ញាសា កីឡាករ កីឡាការិនីសរុប ២៦នាក់ និងគ្រូបង្វឹក ០៤នាក់ហាត់ហ្វឹកហ្វឺនរយៈពេល៤ខែ។ នៅប្រទេសបារាំងមាន ២ប្រភេទកីឡាតេក្វាន់ដូ WT និងទ្រីយ៉ាត្លុងមាន ៣វិញ្ញាសា កីឡាករសរុប ៣នាក់ហាត់ហ្វឹកហ្វឺនរយៈពេល ៤ខែ, និងនៅបណ្តាប្រទេសអាស៊ីរួមមានប្រទេសវៀតណាម ថៃ មីយ៉ាន់ម៉ា អ៊ូបេគីស្ថាន កាណាដា និងកូរ៉េខាងត្បូងជាដើម ដោយមាន ៦៤វិញ្ញាសា កីឡាករ កីឡាកាវិនីសរុប ៨៧នាក់ និងគ្រូបង្វឹក ១៤នាក់ហាត់ហ្វឹកហ្វឺនរយៈពេល ៤ខែ។ ដោយឡែកការហាត់ហ្វឹកហ្វឺនក្រុមកីឡាជម្រើសជនពិការជាតិ សម្រាប់ចូលរួមប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ ក្រសួងអប់រំ យុវជន និងកីឡាសហការជាមួយគណៈកម្មាធិការជាតិប៉ារ៉ាឡាំពិកកម្ពុជា ក្នុងការជ្រើសរើសកីឡាករ កីឡាការិនីជនពិការ និងប្រមូលផ្តុំហាត់ហ្វឹកហ្វឺនរយៈពេល ៥ខែចាប់ពីខែមករារហូតដល់ខែឧសភា មានចំនួន ១៣ប្រភេទកីឡា មាន ១០១វិញ្ញាសា កីឡាករ កីឡាការិនីសរុប ១៦៥នាក់ គ្រូបង្វឹក ៣១នាក់ និងអនុរក្ស ១៦នាក់ និងត្រូវបានរៀបចំឱ្យហាត់ហ្វឹកហ្វឺននៅមជ្ឈមណ្ឌលជាតិជនពិការតេជោសែន៕

អត្តពលិកមានពិការភាពកីឡាហែលទឹកសម្រុកហ្វឹកហាត់ និងប្ដេជ្ញាដណ្ដើមយកមេដាយមាស

ហែលទឹក៖ ក្រុមអត្តពលិកមានពិការភាពក្នុងប្រភេទកីឡាហែលទឹក បច្ចុប្បន្នកំពុងសម្រុកហ្វឹកហាត់ជាខ្លាំង ដើម្បីដណ្ដើមយកមេដាយមាសក្នុងព្រឹត្តិការណ៍អាស៊ានប៉ារ៉ាហ្គេមខាងមុខ។ ជាក់ស្ដែងការហ្វឹកហាត់ធ្វើឡើងចាប់ពីថ្ងៃចន្ទដល់ព្រឹកថ្ងៃសៅរ៍ ដោយមួយថ្ងៃៗពួកគេត្រូវហាត់ហែលមិនក្រោម ៦០០០ម៉ែត្រក្នុងមួយថ្ងៃនោះទេ។ យុវជនពីររូបដែលជាអត្តពលិកធ្លាប់ទទួលបានមេដាយមាស មេដាយប្រាក់ និងសំរឹទ្ធក្នុងការចេញទៅប្រកួតក្រៅប្រទេសបានបង្ហាញនូវជំនឿចិត្ត និងការប្ដេជ្ញាខ្ពស់ក្នុងការដណ្ដើមមេដាយជូនជាតិ។ ពាក់ព័ន្ធនឹងកីឡាហែលទឹកជនមានពិការភាពនេះ កញ្ញា ហែមថុន វិទិនី ជាគ្រូបង្វឹកបានកត់សម្គាល់ និងជឿជាក់លើសមត្ថភាពរបស់អត្តពលិកកម្ពុជាផងដែរ។ កញ្ញាបញ្ជាក់ថា បច្ចុប្បន្នអត្តពលិកទាំងអស់ខំប្រឹងហ្វឹកហាត់ជាខ្លាំង និងមានពេលវេលាច្រើនក្នុងការហ្វឹកហាត់ បើធៀបនឹងការចេញទៅប្រកួតអាស៊ានប៉ារ៉ាហ្គេមឆ្នាំមុន។ កញ្ញាបន្តថា ការហ្វឹកហាត់ឆ្នាំមុនរបស់អត្តពលិកកម្ពុជាគឺមានពេលខ្លីប៉ុណ្ណោះ តែនៅអាចដណ្ដើមបានមេដាយ។ កីឡាហែលទឹកជនពិការជាប្រភេទកីឡាដែលមានសក្ដានុពលមួយសម្រាប់កម្ពុជា។ កន្លងមកកីឡាហែលទឹកជនពិការតែងទទួលបានមេដាយត្រឡប់មកវិញជូនជាតិ។ នេះជាការបញ្ជាក់របស់ឯកឧត្តម យី វាសនា អគ្គលេខាធិការ គណៈកម្មាធិការជាតិប៉ារ៉ាឡាំពិកកម្ពុជា។ ឯកឧត្តមដាក់ក្ដីសង្ឃឹមខ្ពស់ និងទស្សទាយថា អត្តពលិកមានពិការភាពកម្ពុជាក្នុងការធ្វើជាម្ចាស់ផ្ទះនេះ នឹងអាចដណ្ដើមបានមេដាយយ៉ាងហោចណាស់ក៏ ៥៦គ្រឿងដែរ៕អត្ថបទ៖ គឹមហុក

ក្រុមកីឡាករទ្រីយ៉ាថ្លុងជម្រើសជាតិកម្ពុជាកំពុងហ្វឹកហាត់យ៉ាងខ្លាំង ដើម្បីត្រៀមប្រកួតកីឡាស៊ីហ្គេម

ទ្រីយ៉ាថ្លុង៖ គ្រូបង្វឹកកីឡាករទ្រីយ៉ាថ្លុងជម្រើសជាតិកម្ពុជាបញ្ជាក់ថា កម្ពុជាមានកីឡាករ-កីឡាការិនីទ្រីយ៉ាថ្លុង ១៦រូបកំពុងធ្វើការហ្វឹកហាត់យ៉ាងខ្លាំង ដើម្បីចូលរួមក្នុងការប្រកួតកីឡាស៊ីហ្គេមខាងមុខនេះ។ តាមសន្ទុះនៃការហ្វឹកហាត់ និងការតាំងចិត្តខិតខំរបស់កីឡាករ កម្ពុជារំពឹងថានឹងអាចទទួលបានមេដាយមាសយ៉ាងហោច ១គ្រឿងដែរ ខណៈដែលក្រុមកីឡាករថា នឹងបង្កើនការហ្វឹកហាត់ឲ្យកាន់តែខ្លាំងឡើងៗ។លោកស្រី សូ រ៉ាន់ដេត គ្រូបង្វឹកក្រុមកីឡាករទ្រីយ៉ាថ្លុងជម្រើសជាតិកម្ពុជា ដែលកំពុងហ្វឹកហាត់សិស្សនៅខេត្តកែបបានប្រាប់ឲ្យដឹងថា កម្ពុជាមានកីឡាករសរុប ១៦រូបដែលកំពុងធ្វើការហ្វឹកហាត់ ដើម្បីត្រៀមចូលរួមប្រកួតកីឡាស៊ីហ្គេម ២០២៣ ដែលកម្ពុជាធ្វើជាម្ចាស់ផ្ទះ។ ហើយកីឡាទ្រីយ៉ាថ្លុងដែលខេត្តកែបធ្វើជាម្ចាស់ផ្ទះនេះមានវិញ្ញាសាសរុប ៧វិញ្ញាសា។ ក្រុមកីឡាករជម្រើសជាតិកម្ពុជាសុទ្ធសឹងតែជាកីឡាករ និងកីឡាការិនីមានបទពិសោធន៍ និងមានប្រវត្តិការប្រកួតល្អទាំងនៅក្នុង និងក្រៅប្រទេសនោះប្រាប់ឲ្យដឹងថា នៅក្នុងការប្រកួតស៊ីហ្គេមខាងមុខនេះ ពួកគេបាននឹងកំពុងបង្កើនការហ្វឹកហាត់យ៉ាងខ្លាំង ក្នុងបំណងដណ្តើមយកមេដាយជូនជាតិឲ្យបាន។តាមការបញ្ជាក់របស់កីឡាករ ខេត្តកែបពិតជាអំណោយផលល្អក្នុងការជួយបង្កើនសមត្ថភាព និងថាមពលដល់កីឡាករ កែបមានឆ្នេរ មានភ្នំ មានផ្លូវល្អសម្រាប់ការហ្វឹកហាត់ងាយស្រួលបរិយាកាសល្អ។ ប៉ុន្តែយ៉ាងណាក៏ដោយក្រុមកីឡាករស្នើសុំឲ្យមានការចូលរួមពីប្រជាពលរដ្ឋ ជាពិសេសពេលឃើញក្រុមកីឡាករហ្វឹកហាត់ជិះកង់ សូមជួយចៀស និងមើលសត្វចិញ្ចឹមផ្សេងៗពិសេសឆ្កែកុំឲ្យរត់កាត់ផ្លូវ ព្រោះវាអាចបង្កគ្រោះថ្នាក់ដល់កីឡាករ៕

តុលាការច្រាលចោលសំណើសុំនៅក្រៅឃុំរបស់ Dani Alves ស្របពេលការស៊ើបអង្កេតនៅតែបន្ត

បាល់ទាត់៖ តុលាការអេស្ប៉ាញបានបញ្ជាក់កាលពីថ្ងៃអង្គារ ទី២១ ខែកុម្ភៈថា ចៅក្រមអេស្ប៉ាញបានច្រានចោលសំណើរបស់កីឡាករបាល់ទាត់ប្រេស៊ីល Dani Alves ក្នុងការនៅក្រៅឃុំ ហើយបានបញ្ជាឱ្យគាត់បន្តនៅក្នុងពន្ធនាគារបណ្តោះអាសន្ន ខណៈដែលការស៊ើបអង្កេតលើការចោទប្រកាន់ពីបទរំលោភបំពានផ្លូវភេទនៅក្នុងក្លឹបរាត្រី Barcelona នៅតែបន្ត។ បុរសវ័យ ៣៩ឆ្នាំរូបនេះបានបដិសេធថាមិនបានប្រព្រឹត្តខុសនោះទេ បន្ទាប់ពីត្រូវបានចាប់ខ្លួនដាក់ពន្ធនាគារនៅថ្ងៃទី២០ ខែមករា ក្រោយពីប៉ូលិសក្នុងតំបន់បានចាប់ខ្លួនទៅសាកសួរ។ ជនរងគ្រោះបានដាក់ពាក្យបណ្តឹងកាលពីដើមខែនេះ ហើយសំណុំរឿងនេះនៅតែបើកចំហជុំវិញបទល្មើសរំលោភផ្លូវភេទ។ Alves លេងឱ្យ Barcelona ពីឆ្នាំ២០០៨-២០១៦ ហើយបានត្រលប់ទៅក្រុម La Liga មួយរយៈពេលខ្លីសម្រាប់រដូវកាល ២០២១-២០២២។ Dani Alves បានលេងឱ្យក្រុមជម្រើសជាតិប្រេស៊ីលតាំងពីឆ្នាំ២០០៦ ដោយបានបង្ហាញខ្លួន ១២៦ដង និងស៊ុតបញ្ចូលទីបាន ៨គ្រាប់។ ក្លឹបបាល់ទាត់ម៉ិកស៊ិក Pumas UNAM បានបញ្ចប់កិច្ចសន្យារបស់ Dani Alves ផងដែរ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

នាយករដ្ឋមន្ត្រីលីបង់ ចាត់ទុកការវាយប្រហារចុងក្រោយរបស់អ៊ីស្រាអែលថា ជាការរំលោភយ៉ាងជាក់ស្តែងលើអធិបតេយ្យភាព

អ៊ីរ៉ង់ ព្រមានថាការបិទផ្លូវទឹករបស់សហរដ្ឋអាមេរិក ប្រឈមនឹងការរំខានដល់ថាមពលសកល

អ្នករាយការណ៍ពិសេសរបស់អង្គការសហប្រជាជាតិ កោតសរសើរយុទ្ធនាការបង្ក្រាបឧក្រិដ្ឋកម្មឆបោកតាមប្រព័ន្ធអ៊ីនធឺណិតរបស់កម្ពុជា

មន្ត្រីក្រុមហាម៉ាស៖ អ៊ីស្រាអែលត្រូវតែអនុម័តកិច្ចព្រមព្រៀងរបស់លោក Trump មុនពេលដែលក្រុមហាម៉ាសអនុវត្ត

ជនភៀសខ្លួនមកពីម៉ារ៉ុក ត្អូញត្អែរពីភាពអត់ឃ្លាននិងអំពើហិង្សានៅដែនដីអេស្ប៉ាញ បន្ទាប់ពីប្រញាប់ប្រញាល់ឆ្លងព្រំដែន

អេស្ប៉ាញ៖ ជនអន្តោប្រវេសន៍កំពុងវិលត្រឡប់ចេញពីដែនដី Ceuta បន្ទាប់ពីមនុស្សជិត៦០នាក់បានស្លាប់

សមត្ថកិច្ចកម្ពុជាបានរកឃើញនារីជនជាតិសិង្ហបុរីនៅភ្នំពេញ ដោយមិនមានការចាប់បង្ខាំង ឬចាប់ជំរិតនោះទេ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ការប្រកួតស៊ីហ្គេមនឹងលក់សំបុត្រចូលរួមទស្សនាតាមប្រភេទកីឡា ខណៈពិធីបើកបិទនឹងលក់មួយចំនួនដែរ

ក្រុមបាល់ទាត់នារីព័រទុយហ្កាល់ និងហៃទីកក់កៅអី World Cup លើកដំបូង ក្រោយឈ្នះគូប្រកួតរៀងៗខ្លួន

Xavi ថា Barcelona នឹងជួបក្រុម Manchester United ល្អបំផុតក្នុងរយៈពេលប៉ុន្មានឆ្នាំនេះ

Ronaldo ចូលរួមប្រារព្ធពិធីបុណ្យជាតិថ្ងៃកំណើតអារ៉ាប៊ីសាអ៊ូឌីត

Mahrez ស៊ុតបញ្ចូលទីមួយគ្រាប់តែ Man City បានត្រឹមស្មើនៅទឹកដី Leipzig

ក្រុមជម្រើសជាតិកម្ពុជាទទួលបានការលើកទឹកចិត្ត ដើម្បីត្រៀមប្រជែងមេដាយស៊ីហ្គេម-អាស៊ានប៉ារ៉ាហ្គេម ២០២៣

អត្តពលិកមានពិការភាពកីឡាហែលទឹកសម្រុកហ្វឹកហាត់ និងប្ដេជ្ញាដណ្ដើមយកមេដាយមាស

ក្រុមកីឡាករទ្រីយ៉ាថ្លុងជម្រើសជាតិកម្ពុជាកំពុងហ្វឹកហាត់យ៉ាងខ្លាំង ដើម្បីត្រៀមប្រកួតកីឡាស៊ីហ្គេម

តុលាការច្រាលចោលសំណើសុំនៅក្រៅឃុំរបស់ Dani Alves ស្របពេលការស៊ើបអង្កេតនៅតែបន្ត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្រុមបាល់ទាត់​នារី​ព័រទុយហ្កាល់ និង​ហៃ​ទី​កក់​កៅអី World Cup លើកដំបូង​ ក្រោយឈ្នះគូប្រកួតរៀងៗខ្លួន

Xavi ថា Barcelona នឹង​ជួប​ក្រុម Manchester United ល្អ​បំផុត​ក្នុង​រយៈពេល​ប៉ុន្មាន​ឆ្នាំនេះ​

Ronaldo ចូលរួម​ប្រារព្ធ​ពិធី​បុណ្យជាតិ​ថ្ងៃកំណើត​អារ៉ាប៊ីសាអ៊ូឌីត​

Mahrez ស៊ុត​បញ្ចូល​ទីមួយ​គ្រាប់​តែ Man City បាន​ត្រឹម​ស្មើ​នៅ​ទឹកដី Leipzig

អត្ត​ព​លិ​កមាន​ពិការភាព​កីឡាហែលទឹក​សម្រុក​ហ្វឹកហាត់ ​និង​ប្ដេជ្ញា​ដណ្ដើមយក​មេដាយ​មាស

តុលាការ​ច្រាល​ចោល​សំណើសុំ​នៅក្រៅ​ឃុំ​របស់ Dani Alves ស្របពេល​ការស៊ើបអង្កេត​នៅតែ​បន្ត​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមបាល់ទាត់នារីព័រទុយហ្កាល់ និងហៃទីកក់កៅអី World Cup លើកដំបូង ក្រោយឈ្នះគូប្រកួតរៀងៗខ្លួន

Xavi ថា Barcelona នឹងជួបក្រុម Manchester United ល្អបំផុតក្នុងរយៈពេលប៉ុន្មានឆ្នាំនេះ

Ronaldo ចូលរួមប្រារព្ធពិធីបុណ្យជាតិថ្ងៃកំណើតអារ៉ាប៊ីសាអ៊ូឌីត

Mahrez ស៊ុតបញ្ចូលទីមួយគ្រាប់តែ Man City បានត្រឹមស្មើនៅទឹកដី Leipzig

អត្តពលិកមានពិការភាពកីឡាហែលទឹកសម្រុកហ្វឹកហាត់ និងប្ដេជ្ញាដណ្ដើមយកមេដាយមាស

តុលាការច្រាលចោលសំណើសុំនៅក្រៅឃុំរបស់ Dani Alves ស្របពេលការស៊ើបអង្កេតនៅតែបន្ត