BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

សមាគមអ្នកសារព័ត៌មានកីឡាជប៉ុនពីគ្នា ១០នាក់ជាងកើនដល់ជិត ២០០នាក់

ជប៉ុន៖ ក្នុងដំណើរទស្សនៈកិច្ចរបស់ក្រុមការងារទូរទស្សន៍បាយ័ន BTV News ទៅកាន់ប្រទេសជប៉ុន ថ្ងៃទី២៧ ខែកុម្ភៈ ឆ្នាំ២០២៣នេះ សមាគមអ្នកសារព័ត៌មានកីឡា (AJPS) បានធ្វើបទបង្ហាញទាក់ទងនឹងប្រវត្តិ និងបទពិសោធន៍នៃការបង្កើតសមាគមនេះឡើង ក៏ដូចជាកិច្ចការដែលខ្លួនសម្រេចបានក្នុងកីឡាជប៉ុន និងពិភពលោក។លោក Takafumin Kojo អគ្គលេខាធិការបានបង្ហាញថា សមាគមអ្នកសារព័ត៌មានកីឡាជប៉ុននេះបង្កើតឡើងនៅខែកញ្ញា ឆ្នាំ១៩៧៥ ដោយអ្នកសារព័ត៌មាន ដែលរួមមានអ្នកថត និងអ្នកសរសេររឿងកីឡាជួបប្រជុំគ្នាដើម្បីរៀបចំបង្កើតអង្គភាពនេះឡើង។ មួយឆ្នាំបន្ទាប់សមាជិកកើនឡើងដល់ ១៦នាក់ ភាគច្រើនជាអ្នកសារព័ត៌មានដែលស្រឡាញ់នឹងចូលចិត្តកីឡា និងសកម្មក្នុងរឿងកីឡាជប៉ុន ហើយបង្កើតក្នុងគោលបំណងការពារវិជ្ជាជីវៈសារព័ត៌មានកីឡា និងចូលរួមចំណែកអភិវឌ្ឍកីឡាជប៉ុនក្នុងពិភពលោក។ កិច្ចការដ៏សំខាន់មួយទៀតរបស់ AJPS គឺប្រមូលផ្តុំអ្នកសារព័ត៌មានកីឡា Freelance ឱ្យចូលគ្នាតែមួយក្នុងអង្គភាពនេះ ទោះបីជាមានការលំបាកក្នុងការឱ្យគេទទួលស្គាល់ អ្នកថត និងអ្នកសរសេរកីឡា Freelance ក៏ដោយ។លោកអគ្គលេខាធិការបន្តថា វាត្រូវការពេល ១០ឆ្នាំដើម្បីបង្កើតស្ថាប័នមួយនេះឱ្យជោគជ័យ និងបានចូលរួមលើកិច្ចការជាច្រើន ដូចជាការប្រកួតកីឡាអត្តពលកម្មដ៏ធំនៅជប៉ុនឆ្នាំ១៩៩០ កីឡាអាស៊ីលើកទី១១ នៅប៉េកាំងប្រទេសចិន តាំងពីពេលនោះមកសមាគមទទួលបានសិទ្ធក្នុងការចូលរួមកីឡាកីឡាអាស៊ី។ ក្រៅពីនោះនៅមានការប្រកួតអត្តពលកម្មជើងឯកពិភពលោកនៅតូក្យូឆ្នាំ១៩៩១ ហើយក៏បានក្លាយជាដៃគូតាំងពីពេលនោះ។ មិនយូរប៉ុន្មាន វាជាពេលវេលាមិនអាចបំភ្លេចបាន ដែលសមាគមត្រូវបានសមាគមសារព័ត៌មានកីឡាអន្តរជាតិ (AIPS) ទទួលស្គាល់ជាសមាជិក ហើយក៏បានលើកកម្ពស់អ្នកសារព័ត៌មានកីឡាជប៉ុនដល់កម្រិតអន្តរជាតិ និងបានចូលរួមកិច្ចការកីឡាពិភពលោកជាច្រើនរហូតដល់សព្វថ្ងៃ និងមានសមាជិកកើនជិត ២០០នាក់៕អត្ថបទ៖ គង់ ហួន

ព្រំ សំណាង ស្ទើរបាត់បង់ស្មារតីមុនផ្ដួលកីឡាកររុស្ស៊ី ដើម្បីលើកមុខមាត់គុនខ្មែរជាថ្មី

គុនខ្មែរ៖ អ្នកលេងគុនខ្មែរ ព្រំ សំណាង បានធ្វើឲ្យកក្រើកសង្វៀន Thai Fight ជាថ្មី បន្ទាប់ពីផ្ដួលកីឡាកររុស្ស៊ី Firdavszhon Naiimov ត្រឹមទឹកទី១ កាលពីរាត្រីថ្ងៃទី២៦ ខែកុម្ភៈកន្លងទៅ។ ប៉ុន្ដែមុនទទួលបានជ័យជម្នះដ៏ត្រចះត្រចង់ ដើម្បីលើកមុខមាត់គុនខ្មែរលើឆាកអន្ដរជាតិនេះ សំណាង ស្ទើរបាត់បង់ស្មារតី បន្ទាប់ពីត្រូវនាគវាត់កន្ទុយដ៏ត្រណមពីសំណាក់អ្នកជំនាញឃីកបុកស៊ីងរុស្ស៊ី។ ថ្លែងប្រាប់អ្នកសារព័ត៌មាន ក្រោយត្រឡប់មកដល់មាតុភូមិនៅថ្ងៃចន្ទដើមសប្ដាហ៍នេះ ព្រំ សំណាង បានទទួលស្គាល់ Firdavszhon Naiimov គឺជាជើងខ្លាំងដែលខ្លួនស្ទើរពិបាកទប់ទល់ ពិសេសក្រោយត្រូវមួយជើងនៅពាក់កណ្ដាលទឹកទី១ រូបគេបានវង្វេងស្មារតី។ តែយ៉ាងណាកីឡាករវ័យ ៣៨ឆ្នាំរូបនេះបានតាំងអារម្មណ៍រហូតរក្សាជំហរវាយកីឡាកររុស្ស៊ីរូបនេះឲ្យបោះបង់ការប្រកួត និងទទួលបានការកោតសរសើរ ក៏ដូចការឧបត្ថម្ភពីសំណាក់អ្នកគាំទ្រដ៏ច្រើនទៀតផង។ ជាមួយគ្នាដែរ ឯកឧត្តម ហេង សុខឃន អគ្គលេខាធិការសហព័ន្ធកីឡាប្រដាល់គុនខ្មែរបានលើកឡើងថា មុនការប្រកួត ក៏ដូចជាក្រោយចាប់ផ្ដើមប្រកួតបាន ១នាទីក្នុងនាមថ្នាក់ដឹកនាំ ឯកឧត្តមពិតជាមានការព្រួយបារម្ភ ដ្បិតបានដឹងគូប្រកួតរបស់ ព្រំ សំណាង នេះ ៤ថ្ងៃប៉ុណ្ណោះមុនការប្រកួត។ តែយ៉ាងណាដោយជោគជ័យលើការហ្វឹកហាត់ បានជំរុញឲ្យអ្នកលេងគុនខ្មែររូបនេះ មានសមត្ថភាពគ្រប់គ្រាន់ដើម្បីដណ្ដើមជ័យជម្នះ និងធ្វើឲ្យគុនខ្មែរកាន់តែល្បីថែមទៀតលើឆាកអន្ដរជាតិ ពិសេសគឺជាសញ្ញាណដ៏ល្អត្រៀមស៊ីហ្គេមនាពេលខាងមុខ។ សូមបញ្ជាក់ថា នេះគឺជាលើកទី២ ហើយ ដែល ព្រំ សំណាង បានផ្ដួលដៃគូឲ្យបោះបង់ការប្រកួតលើសង្វៀន Thai Fight បន្ទាប់ពីបានយកឈ្នះកីឡាករអង់គ្លេស Thomas Carpenter ត្រឹមទឹកទី១ ដោយប្រើជង្គង់ដូចគ្នាកាលពីដើមខែកុម្ភៈកន្លងទៅ។ ការប្រកួតនេះក៏អាចក្លាយជាការប្រកួតអន្ដរជាតិចុងក្រោយសម្រាប់ ព្រំ សំណាង ដើម្បីចៀសវាងបញ្ហារបួសផ្សេងៗ ហើយសម្រុកហ្វឹកហាត់ និងពង្រឹងសមត្ថភាព បច្ចេកទេស ត្រៀមការប្រកួតកីឡាស៊ីហ្គេមលើកទី៣២ ដែលខិតជិតមកដល់នាខែឧសភា ឆ្នាំ២០២៣ ខាងមុខ៕ អត្ថបទ៖ លី ឈុនឡា

Sergio Ramos ប្រកាសចូលនិវត្តន៍ពីក្រុមជម្រើសជាតិអេស្ប៉ាញ ក្រោយទទួលទូរស័ព្ទពីគ្រូបង្គោលអេស្ប៉ាញ

បាល់ទាត់៖ ខ្សែការពារអេស្ប៉ាញ Sergio Ramos បានសម្រេចចិត្តចូលនិវត្តន៍ពីក្រុមជម្រើសជាតិអេស្ប៉ាញហើយ ក្រោយទទួលទូរស័ព្ទពីគ្រូបង្គោលក្រុមជម្រើសជាតិលោក Luis de la Fuente។ ខ្សែការពារវ័យ ៣៦ឆ្នាំបច្ចុប្បន្នកំពុងប្រកបអាជីពនៅក្លិប Paris Saint Germain រូបនេះ គឺជាកីឡាករដែលបង្ហាញខ្លួនឱ្យក្រុមជម្រើសជាតិអេស្ប៉ាញច្រើនជាងគេសរុប ១៨០លើក។ Ramos មិនត្រូវបានកោះហៅចូលក្រុមជម្រើសជាតិតាំងពីខែមីនា ឆ្នាំ២០២១ និងស្ថិតក្រៅជម្រើសរបស់អតីតគ្រូបង្វឹកអេស្ប៉ាញលោក Luis Enrique។ សរសេរនៅលើបណ្តាញសង្គមផ្ទាល់ខ្លួន អតីតខ្សែការពារ Real Madrid រូបនេះឱ្យដឹងថា គេបាននិយាយទូរស័ព្ទជាមួយ Luis de la Fuente ខណៈគ្រូបង្គោលអេស្ប៉ាញរូបនេះបានប្រាប់ថា គេនឹងមិនទទួលបានការកោះហៅចូលក្រុមជម្រើសជាតិឡើយ មិនថាពេលនេះ រឺអនាគត។ លោក Fuente បានទទួលតំណែងដឹកនាំក្រុមជម្រើសជាតិអេស្ប៉ាញបន្តពីលោក Luis Enrique ដែលបានសម្រេចលាលែងពីតំណែងក្រោយអេស្ប៉ាញធ្លាក់ត្រឹមវគ្គ ១៦ក្រុមចុងក្រោយ World Cup 2022 នៅកាតា។ រំលឹកថា ក្នុងការបង្ហាញខ្លួនឱ្យក្រុមជម្រើសជាតិអេស្ប៉ាញ ១៨០ប្រកួត Sergio Ramos គឺជាកម្លាំងសំខាន់ក្នុងពេលអេស្ប៉ាញឈ្នះជើងឯក World Cup 2010 នៅអាហ្វ្រិកខាងត្បូង និងជើងឯកអឺរ៉ុបពីរលើកជាប់គ្នានៅឆ្នាំ២០០៨ និង ២០១២៕អត្ថបទ៖នាង សុភាវុធ

អ្នកចាំទីអង់គ្លេស Jordan Pickford ព្រមព្រៀងបន្តកិច្ចសន្យាជាមួយ Everton

បាល់ទាត់៖ អ្នកចាំទីក្រុមជម្រើសជាតិអង់គ្លេស Jordan Pickford បានឈានដល់កិច្ចព្រមព្រៀងហើយក្នុងការបន្តកិច្ចសន្យាជាមួយ Everton។ កីឡាករវ័យ ២៨ឆ្នាំរូបនេះនឹងផុតកិច្ចសន្យាចាស់ត្រឹម ១២ខែខាងមុខ និងធ្លាប់មានទំនាក់ទំនងផ្ទេរទៅកាន់ Tottenham Hotspur ផងដែរ។ Jordan Pickford បានមកដល់ Everton កាលពីឆ្នាំ២០១៧ ផ្ទេរពី Sunderland ក្នុងតម្លៃ ៣០លានផោន និងបានបង្ហាញខ្លួនសរុប ២២២ប្រកួតមកហើយឱ្យក្លិបដែលមានមូលដ្ឋាននៅ Merseyside មួយនេះ។ Everton បច្ចុប្បន្នកំពុងឈរលេខ១៦ នៅ Premier League មួយពិន្ទុពីលើតំបន់គ្រោះថ្នាក់ ពោលគឺពួកគេទើបរកបានជ័យជំនះ ២លើកក្នុងចំណោម ៣ប្រកួតចុងក្រោយក្រោមការដឹកនាំរបស់អ្នកចាត់ការថ្មីលោក Sean Dyche ដែលមកជំនួសលោក Frank Lampard ដែលត្រូវបញ្ចប់តំណែង៕អត្ថបទ៖នាង សុភាវុធ

ខ្សែការពារក្រូអាស៊ី Dejan Lovren ប្រកាសចូលនិវត្តន៍ពីក្រុមជម្រើសជាតិ

បាល់ទាត់៖ ខ្សែការពារក្រុមជម្រើសជាតិក្រូអាស៊ី Dejan Lovren បានសំរេចចិត្តចូលនិវត្តន៍ពីក្រុមជម្រើសជាតិហើយ ក្រោយចំណាយពេល ១៤ឆ្នាំប្រកួតតំណាងជាតិ។ កីឡាករវ័យ ៣៣ឆ្នាំដែលកំពុងប្រកបអាជីពជាលើកទី២ ជាមួយក្លិបបារាំង Olympique Lyon រូបនេះគឺជាសមាជិកក្រុមជម្រើសជាតិក្រូអាស៊ីដែលឡើងដល់វគ្គផ្តាច់ព្រ័ត្រ World Cup 2018 ចាញ់បារាំងនៅទីក្រុង Moscow។ អតីតខ្សែការពារ Liverpool ក៏ជាសមាជិកក្រុមក្រូអាស៊ីដែរនៅពេលទទួលបានចំណាត់ថ្នាក់លេខ៣ នៅ World Cup 2022 លើទឹកដីកាតាឆ្នាំមុន។ រំលឹកថា Dejan Lovren ដែលធ្លាប់ចំណាយពេលជាមួយ Southampton ដែរនោះមានអាជីពជោគជ័យជាមួយក្រុមហង្សក្រហម Liverpool ក្នុងការចំណាយពេល ៦ឆ្នាំនៅ Anfield ឈ្នះជើងឯក UEFA Champions League នៅឆ្នាំ២០១៩ និងជើងឯក English Premier League នៅឆ្នាំ២០២០៕អត្ថបទ៖នាង សុភាវុធ

ក្រុមកីឡាបេស្បលកម្ពុជារំពឹងឈ្នះពានរង្វាន់អន្តរជាតិ DGB Cup នៅប្រទេសឡាវ

បេស្បល៖ គ្រូបង្វឹកជម្រើសជាតិកីឡាបេស្បលកម្ពុជាមានក្ដីរំពឹងខ្ពស់ថា កម្ពុជានឹងឈ្នះពានរង្វាន់ Indochina Baseball Dream League 2023 (DGB Cup) នៅប្រទេសឡាវដែលការប្រកួតនេះនឹងធ្វើឡើងនៅថ្ងៃទី២៤ ដល់ ២៦ ខែកុម្ភៈ ឆ្នាំ២០២៣។ លោក Andrew William Wagers គ្រូបង្វឹកកីឡាបេស្បលកម្ពុជាបានឲ្យដឹងថា ក្រុមជម្រើសជាតិកម្ពុជានឹងត្រូវចូលរួមក្នុងព្រឹត្តិការណ៍ Indochina Baseball Dream League 2023 (DGB Cup) នៅប្រទេសឡាវរយៈពេល ៣ថ្ងៃដើម្បីប្រជែងពានជាមួយម្ចាស់ផ្ទះឡាវ ថៃ វៀតណាម។ គ្រូបង្វឹកដែលមានបទពិសោធន៍ច្រើនរូបនេះបន្ថែមទៀតថា អ្វីដែលលោកកត់សម្គាល់នោះគឺក្រុមកម្ពុជាមានសមត្ថភាពលើគេ បន្ទាប់មកទៀតគឺប្រទេសថៃ។ ដោយសារតែលោកជាអ្នកបង្ហាត់ផ្ទាល់ ដូច្នេះលោកដឹងពីសមត្ថភាពកីឡាករកម្ពុជាច្បាស់ ខណៈការហ្វឹកហាត់ត្រៀមសម្រាប់ការប្រកួតក៏មានរយៈពេលវែង និងពេញលេញល្អទៀតនោះ នាំឲ្យគ្រូជម្រើសជាតិខាងលើជឿជាក់ថា នឹងឈ្នះពានត្រលប់មកកម្ពុជាវិញ៕

Manchester United វាយបក Barcelona ឡើងវគ្គ ១៦ក្រុមចុងក្រោយ Europa League

បាល់ទាត់៖ ក្រុមបិសាចក្រហម Manchester United បានធ្វើការវាយបកនៅវគ្គទី២ ដើម្បីយកឈ្នះក្រុមកំពូលតារាង La Liga, FC Barcelona ឡើងវគ្គ ១៦ក្រុមចុងក្រោយ UEFA Europa League។ បន្ទាប់ពីការនាំមុខមួយគ្រាប់មុនដោយ Barcelona នៅវគ្គទី១ ពីបាល់ពិន័យ ១១ម៉ែត្ររបស់ Robert Lewandowski ក្រោយកំហុសរបស់ Bruno Fernandes នោះ Manchester United បានផ្លាស់ប្តូរកីឡាករបម្រុងចូលពីរនាក់នៅវគ្គទី២ រួមមាន Fred និង Antony។ កីឡាករប្រេស៊ីលទាំង ២នាក់នេះហើយគឺជារកគ្រាប់បាល់បានដោយ Fred តាមស្មើនៅនាទីទី៤៧ និង Antony ស៊ុតគ្រាប់ជ័យជំនះនៅនាទីទី៧៣។ នេះជាលើកដំបូងហើយដែល Barcelona ធ្លាក់ពីការប្រកួតក្របខណ្ឌអឺរ៉ុបឡើងមិនដល់វគ្គ ១៦ក្រុមចុងក្រោយរាប់ពីរដូវកាល ១៩៩៨-៩៩។ នេះក៏ជាបរាជ័យដំបូងរបស់ Barcelona ដែររាប់ពីខែតុលា បញ្ចប់ដំណើរមិនដែលចាញ់ ១៨ប្រកួតជាប់គ្នា។ Manchester United នៅពេលនេះទុកបេសកកម្ម Europa League ត្រឹមនេះ ដោយត្រូវបន្តដំណើរទៅកីឡដ្ឋាន Wembley ជួបជាមួយ Newcastle United នៅវគ្គផ្តាច់ព្រ័ត្រ Carabao Cup ថ្ងៃសៅរ៍នេះ។ សម្រាប់លទ្ធផលផ្សេងទៀត ក្រុមដែលឈ្នះពីការប្រកួតវគ្គ Play-Off ឡើងវគ្គ ១៦ក្រុមរួមមាន Juventus, Sevilla, Sporting, Leverkusen, Union Berlin, Shakhtar Donetsk និង Roma៕អត្ថបទ៖នាង សុភាវុធ

ស.ស.យ.ក ភ្នំពេញ និងបឹងកេតទទួលបានដៃគូអភិវឌ្ឍន៍បាល់ទាត់យុវជន និងកុមាររយៈពេល ៣ឆ្នាំ

បាល់ទាត់៖ សហភាពសហព័ន្ធយុវជនកម្ពុជា (ស.ស.យ.ក) រាជធានីភ្នំពេញ និងក្លិបបាល់ទាត់បឹងកេតបានប្រកាសចុះអនុស្សារណៈយោគយល់គ្នាជាមួយក្រុមហ៊ុន AIA Cambodia ដើម្បីចូលរួមអភិវឌ្ឍន៍បាល់ទាត់យុវជន និងកុមាររយៈពេល ៣ឆ្នាំចាប់ពីឆ្នាំ២០២៣ រហូតដល់ឆ្នាំ២០២៥ ខាងមុខ។ ការចុះអនុស្សារណយោគយល់គ្នានេះបានធ្វើឡើងកាលពីថ្ងៃទី២៣ ខែកុម្ភៈនៅអគារខេរានី ដោយ AIA បានក្លាយជាដៃគូឧបត្ថម្ភផ្លូវការដល់ព្រឹត្តិការណ៍បាល់ទាត់ជើងឯកវិទ្យាល័យ ព្រមទាំងការត្រៀមរៀបចំកម្មវិធី ២ផ្សេងទៀតរួមមានការប្រកួតបាល់ទាត់កុមារ និងការប្រកួតបាល់ទាត់ក្នុងចំណោមបុគ្គលិក ឬ Cooperate Cup។ លោកស្រី ពុធ ធីតា ប្រធានក្លិបបឹងកេតបានសម្ដែងសេចក្ដីរីករាយជាខ្លាំង ចំពោះការចុះកិច្ចព្រមព្រៀងនេះដើម្បីរួមចំណែកលើកស្ទួកវិស័យកីឡាបាល់កម្ពុជា ស្របតាមចក្ខុវិស័យរបស់ក្លិប ក៏ដូចជាសហភាពសហព័ន្ធយុវជនកម្ពុជារាជធានីភ្នំពេញ និងក្រុមហ៊ុនដៃគូ។ តាមរយៈនេះភាគីទាំង៣ បានប្ដេជ្ញានឹងខំប្រឹងរៀបចំព្រឹត្តិការណ៍ ដើម្បីគាំទ្រវិស័យកីឡាក្នុងគោលបំណងលើកទឹកចិត្ត ក៏ដូចជាបណ្ដុះនូវឆន្ទៈរបស់យុវជនឲ្យសម្រេចក្ដីសុបិន្ដរបស់ខ្លួន និងប្រែក្លាយទៅជាកីឡាករជម្រើសជាតិនាថ្ងៃអនាគត។ ឯកឧត្តម ឃុត ចាន់ដារ៉ា អនុប្រធានប្រចាំការសហភាពសហព័ន្ធយុវជនកម្ពុជារាជធានីភ្នំពេញ បានបង្ហាញសុទិដ្ឋិនិយមដូចគ្នា ក្រោយទទួលបានដៃគូចូលរួមអភិវឌ្ឍន៍បាល់ទាត់ ដោយឯកឧត្តមរំពឹងថានឹងជំរុញឲ្យការរៀបចំព្រឹត្តិការណ៍នានា ពិសេសការប្រកួតជើងឯកវិទ្យាល័យកាន់តែមានភាពផុសផុល ក្នុងការប្រកួតរដូវកាលថ្មីឆ្នាំ២០២៣ ដែលគ្រោងរៀបចំនាខែមិថុនាដល់ខែសីហាខាងមុខ។ ទន្ទឹមជាមួយគ្នាដែរលោក Andrew Loh នាយកប្រតិបត្តិក្រុមហ៊ុន AIA Cambodia បានអះអាងថា ក្រៅពីឧបត្ថម្ភគាំទ្រការប្រកួតជើងឯកវិទ្យាល័យ លោករីករាយក្នុងការរៀបចំពានរង្វាន់យុវជន ដើម្បីរួមចំណែកអភិវឌ្ឍន៍ធនធានបន្ដវេន តាមរយៈការផ្ដល់ឱកាសឲ្យយុវជន និងកុមារទូទៅចូលរួមប្រកួត។ រីឯការប្រកួតពានរង្វាន់ក្នុងចំណោមបុគ្គលិកការងារ ក៏ជាផ្នែកមួយដើម្បីពង្រឹងចំណងមិត្តភាព សាមគ្គីភាព និងកិច្ចសហប្រតិបត្តិការការងារកាន់តែល្អប្រសើរផងដែរ៕អត្ថបទ៖ លី ឈុនឡា

វឿន វាសនា ទទួលបានតម្លៃខ្លួនជាង ២ម៉ឺនដុល្លារ ខណៈមន្ដ្រីសហព័ន្ធអំពាវនាវឲ្យកីឡាករផ្សេងៗខំប្រឹង

បាល់ទះ៖ កីឡាករបាល់ទះជម្រើសជាតិកម្ពុជា វឿន វាសនា បានធ្វើដំណើរទៅដល់ប្រទេសវៀតណាមហើយ ដើម្បីចូលរួមជាថ្មីជាមួយក្លិប Lavie Long An ក្នុងតម្លៃខ្លួនប្រមាណជាង ២ម៉ឺនដុល្លារ។ នេះបើតាមការបញ្ជាក់របស់លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា ហើយលោកបានអំពាវនាវឲ្យកីឡាករផ្សេងៗ ត្រូវខិតខំប្រឹងប្រែងហ្វឹកហាត់ ដើម្បីទទួលបានឱកាសមាសដូច វាសនា នាថ្ងៃអនាគត។ វឿន វាសនា បានចាកចេញពីមាតុភូមិកាលពីម្សិលមិញ ក្រោយរួមចំណែកជួយក្រុមជម្រើសជាតិកម្ពុជាយកឈ្នះក្រុមជម្រើសជាតិ U19 បារាំងដោយលទ្ធផល ៣-១សិតក្នុងជំនួបមិត្តភាពអន្ដរជាតិលើកទី២ កាលពីល្ងាចថ្ងៃទី២២ ខែកុម្ភៈកន្លងទៅនៅវិមានពហុកីឡដ្ឋានជាតិ។ នេះជាលើកទី២ ហើយដែលកីឡាករវ័យ ២៣រូបនេះបានលេងឲ្យក្លិប Lavie Long An បន្ទាប់ពីរូបគេលេងឲ្យលើកដំបូងកាលពីកំឡុងខែមីថុនា ឆ្នាំ២០២២។ លោកបណ្ឌិត អាំង សិរីពិសិដ្ឋ បានបញ្ជាក់ថា កាលពីឆ្នាំកន្លងទៅ វាសនា បានលេងឲ្យក្លិបលីគកំពូលបាល់ទះវៀតណាមនេះក្នុងតម្លៃខ្លួនជាង ១ម៉ឺនដុល្លារសម្រាប់រយៈពេល ២សប្ដាហ៍ តែទៅលើកនេះគឺទទួលបានតម្លៃខ្លួនទ្វេ។ លោកបានចាត់ទុកនេះគឺជាការបើកផ្លូវមួយ សម្រាប់កីឡាករផ្សេងៗទៀតដែលត្រូវខិតខំប្រឹងប្រែងហ្វឹកហាត់ និងត្រូវលេងតាមក្បួនខ្នាតត្រឹមត្រូវ ដើម្បីទទួលបានឱកាសទៅលេងនៅក្រៅស្រុក និងទទួលបានតម្លៃខ្លួនខ្ពស់ដូចគ្នា។ សូមបញ្ជាក់ថា កិច្ចសន្យាជាមួយក្លិប Lavie Long An លើកនេះគឺ វឿន វាសនា មានភារកិច្ចជួយក្លិបចំនួន ៦ប្រកួតក្នុងនោះ ៣ប្រកួតត្រូវលេងកំឡុងខែកុម្ភៈ និងខែមីនា ហើយ ៣ប្រកួតទៀត វាសនា ត្រូវលេងឲ្យក្លិបបាល់ទះវៀតណាមនេះនាខែធ្នូ ឆ្នាំ២០២៣ ខាងមុខ៕អត្ថបទ៖ លី ឈុនឡា

ធឿន ធារ៉ា ប្តេជ្ញាយកឈ្នះកីឡាករម៉ារ៉ុក Oussama el Kouche ឱ្យបាននៅសង្វៀនខារ៉ាបាវ

គុនខ្មែរ៖ កីឡាករគុនខ្មែររហ័សនាមអ្នកលេងពូថៅដៃ ធឿន ធារ៉ា នឹងបង្ហាញវត្តមាននៅលើសង្វៀនស្ទឹងមានជ័យរបស់អគ្គនាយកដ្ឋានវិទ្យុ និងទូរទស្សន៍ចុងសប្តាហ៍នេះ ហើយដោយនឹងត្រូវជួបជាមួយកីឡាករជនជាតិម៉ារ៉ុក។ មុនមកដល់សង្វៀនបាយ័ន ធឿន ធារ៉ា បានធ្វើឲ្យកក្រើកប្រទេសថៃ ក្រោយផ្ដួលកីឡាករលំដាប់កំពូលថៃ Saiyok Pumphanmuang ដោយអាជ្ញាកណ្ដាលបញ្ឈប់ការប្រកួតត្រឹមទឹកទី១ ដើម្បីគ្រងខ្សែក្រវាត់ និងពានរង្វាន់របស់ព្រះមហាក្សត្រថៃនៃព្រឹត្តិការណ៍ Thai Fight 100 Years Nakhon Ban កាលពីរាត្រីថ្ងៃទី២៤ ខែធ្នូ ចុងឆ្នាំ២០២២ កន្លងទៅ។ សម្រាប់ការមកកាន់សង្វៀនបាយ័ននេះដែរមិនមែនជាលើកទី១ ឡើយសម្រាប់ ធឿន ធារ៉ា ដោយកូនសិស្សរបស់លោកគ្រូ អេ ភូថង រូបនេះធ្លាប់បង្ហាញខ្លួនជាច្រើនលើករួចមកហើយ ដោយទទួលបានលទ្ធផលឈ្នះច្រើនជាងចាញ់។ ធឿន ធារ៉ា នឹងបង្ហាញខ្លួននៅសង្វៀនខារ៉ាបាវ ជាសង្វៀនដែលមានអ្នកគាំទ្រគុនខ្មែរចូលទស្សនាច្រើនបំផុតប្រចាំសប្តាហ៍។ សម្រាប់ដៃគូរបស់ ធឿន ធារ៉ា នៅថ្ងៃអាទិត្យនេះដែរគឺកីឡាករម៉ារ៉ុក Oussama el Kouche ដែលជាកីឡាករមានបទពិសោធប្រហាក់ប្រហែលនឹង ធឿន ធារ៉ាដែរ និងធ្លាប់ឈ្នះកីឡាករថៃជាច្រើនរូបផងដែរនៅទឹកដីថៃ។ កីឡាករវ័យ ២៣ឆ្នាំម៉ារ៉ុករូបនេះមានកំពស់ ១.៨៨ម៉ែត្រ ធ្លាប់ប្រកួត ៦២លើកឈ្នះ ៤៥ ចាញ់ ១៤ ស្មើ ៣ និងផ្តួលគូប្រកួតឱ្យបោះបង់ ១២លើក។ ដូច្នេះសូមបងប្អូនទស្សនិកជនកុំភ្លេចតាមដានទស្សនាជំនួបដ៏កក្រើកនេះ នៅសង្វៀនស្ទូឌីយោស្ទឹងមានជ័យរបស់ទូរទស្សន៍បាយ័នចាប់ពីវេលាម៉ោង ៦ល្ងាចថ្ងៃអាទិត្យតទៅផ្សាយផ្ទាល់ទូរទស្សន៍បាយ័ន និងនៅលើផេកហ្វេសប៊ុកផ្លូវការ Bayon and BTV Boxing រួមជាមួយនឹងដៃគូផងដែរ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អ្នករាយការណ៍ពិសេសរបស់អង្គការសហប្រជាជាតិ កោតសរសើរយុទ្ធនាការបង្ក្រាបឧក្រិដ្ឋកម្មឆបោកតាមប្រព័ន្ធអ៊ីនធឺណិតរបស់កម្ពុជា

មន្ត្រីក្រុមហាម៉ាស៖ អ៊ីស្រាអែលត្រូវតែអនុម័តកិច្ចព្រមព្រៀងរបស់លោក Trump មុនពេលដែលក្រុមហាម៉ាសអនុវត្ត

ជនភៀសខ្លួនមកពីម៉ារ៉ុក ត្អូញត្អែរពីភាពអត់ឃ្លាននិងអំពើហិង្សានៅដែនដីអេស្ប៉ាញ បន្ទាប់ពីប្រញាប់ប្រញាល់ឆ្លងព្រំដែន

អេស្ប៉ាញ៖ ជនអន្តោប្រវេសន៍កំពុងវិលត្រឡប់ចេញពីដែនដី Ceuta បន្ទាប់ពីមនុស្សជិត៦០នាក់បានស្លាប់

សមត្ថកិច្ចកម្ពុជាបានរកឃើញនារីជនជាតិសិង្ហបុរីនៅភ្នំពេញ ដោយមិនមានការចាប់បង្ខាំង ឬចាប់ជំរិតនោះទេ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

សមាគមអ្នកសារព័ត៌មានកីឡាជប៉ុនពីគ្នា ១០នាក់ជាងកើនដល់ជិត ២០០នាក់

ព្រំ សំណាង ស្ទើរបាត់បង់ស្មារតីមុនផ្ដួលកីឡាកររុស្ស៊ី ដើម្បីលើកមុខមាត់គុនខ្មែរជាថ្មី

Sergio Ramos ប្រកាសចូលនិវត្តន៍ពីក្រុមជម្រើសជាតិអេស្ប៉ាញ ក្រោយទទួលទូរស័ព្ទពីគ្រូបង្គោលអេស្ប៉ាញ

អ្នកចាំទីអង់គ្លេស Jordan Pickford ព្រមព្រៀងបន្តកិច្ចសន្យាជាមួយ Everton

ខ្សែការពារក្រូអាស៊ី Dejan Lovren ប្រកាសចូលនិវត្តន៍ពីក្រុមជម្រើសជាតិ

ក្រុមកីឡាបេស្បលកម្ពុជារំពឹងឈ្នះពានរង្វាន់អន្តរជាតិ DGB Cup នៅប្រទេសឡាវ

Manchester United វាយបក Barcelona ឡើងវគ្គ ១៦ក្រុមចុងក្រោយ Europa League

ស.ស.យ.ក ភ្នំពេញ និងបឹងកេតទទួលបានដៃគូអភិវឌ្ឍន៍បាល់ទាត់យុវជន និងកុមាររយៈពេល ៣ឆ្នាំ

វឿន វាសនា ទទួលបានតម្លៃខ្លួនជាង ២ម៉ឺនដុល្លារ ខណៈមន្ដ្រីសហព័ន្ធអំពាវនាវឲ្យកីឡាករផ្សេងៗខំប្រឹង

ធឿន ធារ៉ា ប្តេជ្ញាយកឈ្នះកីឡាករម៉ារ៉ុក Oussama el Kouche ឱ្យបាននៅសង្វៀនខារ៉ាបាវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

សមាគម​អ្នកសារព័ត៌មាន​កីឡា​ជប៉ុន​ពី​គ្នា ​១០​នាក់​ជាង​កើន​ដល់​ជិត​ ២០០​នាក់​

ព្រំ សំណាង ស្ទើរ​បាត់បង់​ស្មារតី​មុន​ផ្ដួល​កីឡាករ​រុស្ស៊ី ដើម្បី​លើកមុខ​មាត់​គុន​ខ្មែរ​ជាថ្មី​

អ្នកចាំទី​អង់គ្លេស Jordan Pickford ព្រមព្រៀង​បន្ត​កិច្ចសន្យា​ជាមួយ Everton

ខ្សែការពារ​ក្រូ​អាស៊ី Dejan Lovren ប្រកាស​ចូលនិវត្តន៍​ពី​ក្រុម​ជម្រើសជាតិ

ក្រុមកីឡា​បេ​ស្ប​ល​កម្ពុជា​រំពឹង​ឈ្នះ​ពានរង្វាន់​អន្តរជាតិ DGB Cup នៅ​ប្រទេស​ឡាវ​

Manchester United វាយបក Barcelona ឡើង​វគ្គ ១៦ក្រុម​ចុងក្រោយ Europa League

ស​.​ស​.​យ​.​ក ភ្នំពេញ និង​បឹងកេត​ទទួលបាន​ដៃគូ​អភិវឌ្ឍន៍​បាល់ទាត់​យុវជន និង​កុមារ​រយៈពេល ៣​ឆ្នាំ​

ធឿន ធារ៉ា ប្តេជ្ញា​យកឈ្នះ​កីឡាករ​ម៉ា​រ៉ុ​ក Oussama el Kouche ឱ្យបាន​នៅ​សង្វៀន​ខា​រ៉ា​បាវ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សមាគមអ្នកសារព័ត៌មានកីឡាជប៉ុនពីគ្នា ១០នាក់ជាងកើនដល់ជិត ២០០នាក់

ព្រំ សំណាង ស្ទើរបាត់បង់ស្មារតីមុនផ្ដួលកីឡាកររុស្ស៊ី ដើម្បីលើកមុខមាត់គុនខ្មែរជាថ្មី

អ្នកចាំទីអង់គ្លេស Jordan Pickford ព្រមព្រៀងបន្តកិច្ចសន្យាជាមួយ Everton

ខ្សែការពារក្រូអាស៊ី Dejan Lovren ប្រកាសចូលនិវត្តន៍ពីក្រុមជម្រើសជាតិ

ក្រុមកីឡាបេស្បលកម្ពុជារំពឹងឈ្នះពានរង្វាន់អន្តរជាតិ DGB Cup នៅប្រទេសឡាវ

Manchester United វាយបក Barcelona ឡើងវគ្គ ១៦ក្រុមចុងក្រោយ Europa League

ស.ស.យ.ក ភ្នំពេញ និងបឹងកេតទទួលបានដៃគូអភិវឌ្ឍន៍បាល់ទាត់យុវជន និងកុមាររយៈពេល ៣ឆ្នាំ

ធឿន ធារ៉ា ប្តេជ្ញាយកឈ្នះកីឡាករម៉ារ៉ុក Oussama el Kouche ឱ្យបាននៅសង្វៀនខារ៉ាបាវ