BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Foden ស៊ុតពីរគ្រាប់ម្នាក់ឯង ខណៈ Manchester City ឈ្នះនៅផ្ទះ Bristol ឡើងវគ្គ ៨ក្រុម FA Cup

បាល់ទាត់៖ ក្រុមជើងឯក Premier League, Manchester City បានកក់កៅអីនៅវគ្គ ៨ក្រុមចុងក្រោយពានរង្វាន់ FA Cup ហើយក្រោយជ័យជំនះនៅទឹកដី Bristol City ៣-០។ ខ្សែបម្រើប្រយុទ្ធអង់គ្លេស Phil Foden បានស៊ុតបញ្ចូលទីពីរគ្រាប់ម្នាក់ឯងក្នុងជ័យជំនះនេះ ខណៈដែល Kevin de Bruyne រកបានមួយគ្រាប់ផងដែរ។ កីឡាករវ័យ ២២ឆ្នាំ Phil Foden នៅពេលនេះបានស៊ុតបញ្ចូលទី ៣គ្រាប់ហើយក្នុងរយៈពេល ៤ថ្ងៃ បន្ទាប់ពីរកបានមួយគ្រាប់ផងដែរក្នុងការប្រកួតទល់នឹង Bournemouth កាលពីថ្ងៃសៅរ៍។ Foden បានខកខានឱកាសបង្ហាញខ្លួន ១១នាក់ដំបូងក្រោយបញ្ចប់បេសកកម្មជាមួយក្រុមអង់គ្លេសនៅ World Cup តែពេលនេះលោក Pep Guardiola ថា Foden ត្រលប់មកទម្រង់លេងដើមរបស់ខ្លួនវិញហើយ។ ចំណែក Bristol មុនមកដល់វគ្គនេះ ពួកគេមិនដែលចាញ់ឡើយ ១២ប្រកួតជាប់គ្នារាប់តាំងពីថ្ងៃទី២៦ ខែធ្នូ។ លទ្ធផលផ្សេងទៀតនៅ FA Cup ផងដែររួមមាន Fulham យកឈ្នះ Leeds ២-០, Brighton ឈ្នះនៅទឹកដី Stoke ១-០ និង Blackburn ទម្លាក់ម្ចាស់ផ្ទះ Leicester City ២-១៕អត្ថបទ៖នាង សុភាវុធ

ព្រឹត្តិការណ៍ម៉ូតូហោះ Flying Bike Super Cross នឹងដំណើរការប្រកួតចុងសប្ដាហ៍នេះ

ប្រណាំងម៉ូតូ៖ ការប្រកួតកីឡាម៉ូតូហោះ Flying Bike Super Cross ឆ្នាំ២០២៣ នឹងដំណើរការប្រកួតនាថ្ងៃទី៥ ខែមីនាចុងសប្ដាហ៍នេះនៅទីលានសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។ លោក ព្រែ អ៊ីវកាត់ទ្រី អ្នករៀបចំព្រឹត្តិការណ៍នេះបានថ្លែងក្រោយចុះត្រួតពិនិត្យ និងជិះសាកល្បងនៅទីលានកាលពីថ្មីៗបានគូសបញ្ជាក់ថា ដោយសារទីលានតូចល្មមការទទួលចុះឈ្មោះចូលរួមប្រកួតរបស់កីឡាករ ត្រូវបានកំណត់ត្រឹម ៥០ ទៅ ៦០នាក់ប៉ុណ្ណោះដោយក្នុងកម្រិត (Class) នីមួយៗមានចំនួនកីឡាករលើសចំនួនត្រូវប្រកួតជម្រុះជាមុន ដ្បិតការប្រកួតនេះមាន ៥ Class រួមមាន Class A, B, C, VIP និងClass Kids។ លោកបន្ដថា ការរៀបចំនៅទីលានព្រែកលៀបនេះបានធ្វើឡើងអស់រយៈពេល ១០ឆ្នាំមកហើយៗ ប៉ុន្តែបានខកខានចាប់ត្រឹមឆ្នាំ២០១៧ ខណៈនៅឆ្នាំ២០២៣ នេះត្រូវបានរៀបចំឡើងវិញ ដើម្បីបន្តជំរុញលើកស្ទួយគុណភាពកីឡាករម៉ូតូហោះនៅកម្ពុជាឲ្យមានការរីកចម្រើន ដែលជាការដុសខាត់សមត្ថភាពឲ្យបានខ្ពស់ៗត្រៀមចូលរួមប្រកួតអន្តរជាតិនានា។ តាមរយៈនេះ លោកបានអំពាវនាវដល់កីឡាករដែលចង់ចូលរួមប្រកួតប្រជែង បញ្ចេញសមត្ថភាពក្នុងព្រឹត្តិការណ៍កីឡាម៉ូតូហោះនេះរួសរាន់ចុះឈ្មោះចូលរួមឲ្យបានទាន់ពេលវេលា ដើម្បីងាយស្រួលក្នុងការរៀបចំឲ្យបានល្អប្រសើរ ៕អត្ថបទ៖ លី ឈុនឡា

សហព័ន្ធបាល់ទះគ្រោងអញ្ជើញក្រុមចិនមកប្រកួតមិត្តភាព ដើម្បីពង្រឹងសមត្ថភាពត្រៀមស៊ីហ្គេម

បាល់ទះ៖ សហព័ន្ធកីឡាបាល់ទះកម្ពុជាគ្រោងនឹងធ្វើការអញ្ជើញ ក្រុមបាល់ទះជម្រើសជាតិយុវជនចិនមកធ្វើការប្រកួតមិត្តភាពអន្ដរជាតិជាមួយក្រុមជម្រើសជាតិកម្ពុជាបន្ដទៀត ដើម្បីពង្រឹងសមត្ថភាពត្រៀមការប្រកួតកីឡាស៊ីហ្គេមឆ្នាំ២០២៣ ខាងមុខ។ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធបានឲ្យដឹងថា ជំនួបមិត្តភាពអន្ដរជាតិនេះកំពុងដំណើរការក្នុងគម្រោងនៅឡើយ តែបើសិនមានការប្រកួតជាមួយក្រុមជម្រើសជាតិចិនកម្រិតណាមួយ មុនស៊ីហ្គេមកាន់តែប្រសើរ ដើម្បីវាស់ស្ទង់ និងពង្រឹងសមត្ថភាពបន្ថែម។ គួរបញ្ជាក់ថា ដើម្បីសម្រួចគោលដៅស៊ីហ្គេមឆ្នាំ២០២៣ សហព័ន្ធកីឡាបាល់ទះកម្ពុជាបានអញ្ជើញក្រុមខ្លាំងៗលំដាប់ពិភពលោក មកប្រកួតជាមួយក្រុមជម្រើសជាតិកម្ពុជាជាបន្ដបន្ទាប់ ជាក់ស្ដែងកាលពីខែកុម្ភៈកន្លងទៅ ក្រុមជម្រើសជាតិកម្ពុជាទើបតែបានប្រកួតមិត្តភាពអន្ដរជាតិ ២ប្រកួតជាមួយក្រុមជម្រើសជាតិ U19 បារាំងដោយឈ្នះ ១ប្រកួតម្នាក់ ក្រោយពីយកឈ្នះក្រុមជម្រើសជាតិ U21 គុយបាកាលពីចុងឆ្នាំ២០២២ ទៀតផង៕អត្ថបទ៖ លី ឈុនឡា

គ្រូបង្វឹកអាហ្សង់ទីន Lionel Scaloni បន្តកិច្ចសន្យាដឹកនាំក្រុមជម្រើសជាតិដល់ឆ្នាំ២០២៦

បាល់ទាត់៖ គ្រូបង្វឹកអាហ្សង់ទីនលោក Lionel Scaloni បានសម្រេចបន្តកិច្ចសន្យាដឹកនាំក្រុមជម្រើសជាតិអាហ្សង់ទីនដល់ឆ្នាំ២០២៦។ បុរសវ័យ ៤៤ឆ្នាំរូបនេះបានដឹកនាំក្រុមអាហ្សង់ទីនឈ្នះជើងឯកពិភពលោក FIFA World Cup 2022 នៅកាតា នៅពេលយកឈ្នះក្រុមការពារជើងឯកបារាំងនៅវគ្គផ្តាច់ព្រ័ត្រដោយបាល់ ១១ម៉ែត្រកាត់សេចក្តី។ លោក Scaloni បានចូលមកកាន់តំណែងដឹកនាំក្រុមអាហ្សង់ទីនកាលពីឆ្នាំ២០១៨ និងបានដឹកនាំក្រុមឈ្នះជើងឯកអាមេរិកខាងត្បូង Copa America ផងដែរនៅឆ្នាំ២០២១។ កិច្ចសន្យាថ្មីនេះមានន័យថា លោក Scaloni នឹងបន្តដឹកនាំក្រុមអាហ្សង់ទីនឆ្ពោះទៅការពារតំណែងជើងឯក World Cup២០២៦ ដែលរៀបចំនៅសហរដ្ឋអាមេរិក កាណាដា និងម៉ិកស៊ិក។ យប់មិញនេះដែរលោក Scaloni ក៏បានឈ្នះពានគ្រូបង្វឹកឆ្នើមបំផុតរបស់ FIFA ផងដែរ៕អត្ថបទ៖នាង សុភាវុធ

អតីតខ្សែប្រយុទ្ធអាល្លឺម៉ង់ Jurgen Klinsmann ត្រូវតែងតាំងជាគ្រូបង្គោលក្រុមជម្រើសជាតិកូរ៉េ

បាល់ទាត់៖ អតីតអ្នកចាត់ការក្រុមជម្រើសជាតិអាល្លឺម៉ង់ និងអាមេរិកលោក Jurgen Klinsmann ត្រូវបានប្រកាសតែងតាំងជាគ្រូបង្វឹកក្រុមជម្រើសជាតិកូរ៉េផ្លូវការ ជាមួយនឹងកិច្ចសន្យារយៈពេល ៣ឆ្នាំកន្លះ។ បុរសវ័យ ៥៨ឆ្នាំដែលជាសមាជិកជ័យលាភីជើងឯកពិភពលោក ជាមួយក្រុមជម្រើសជាតិអាល្លឺម៉ង់នៅឆ្នាំ១៩៩០ នោះនឹងដឹកនាំក្រុមកូរ៉េដល់ World Cup 2026 ដែលនឹងរៀបចំឡើងនៅទឹកដីអាមេរិក ម៉ិកស៊ិក និងកាណាដា។ ការងារដំបូងរបស់លោក Klinsmann គឺត្រូវដឹកនាំក្រុមកូរ៉េទទួលការប្រកួតមិត្តភាពទល់នឹងកូឡុំប៊ីនៅថ្ងៃទី២៤ ខែមីនាខាងមុខនៅទីក្រុង Ulsan។ Jurgen Klinsmann ដែលស៊ុតបញ្ចូលទី ៤៧គ្រាប់ក្នុងការបង្ហាញខ្លួនឱ្យអាល្លឺម៉ង់ ១០៨លើក បានមកបន្តតំណែងពីលោក Paulo Bento ដែលបានចាកចេញពីតំណែងក្រោយចំណាយពេល ៤ឆ្នាំដឹកនាំក្រុម បន្ទាប់ពីកូរ៉េធ្លាក់នៅវគ្គ ១៦ក្រុមចុងក្រោយ World Cup 2022 នៅកាតា។ អតីតអ្នកចាត់ការ Tottenham Hotspur រូបនេះនៅទំនេរពីអាជីពជាអ្នកចាត់ការរយៈពេលជាង ៣ឆ្នាំមកហើយ ដោយចុងក្រោយបំផុតគឺដឹកនាំក្លិបអាល្លឺម៉ង់ Hertha Berlin បានត្រឹម ១០សប្តាហ៍។ លោក Klinsmann ក៏ធ្លាប់ដឹកនាំក្រុមជម្រើសជាតិអាល្លឺម៉ង់ផងដែរនៅពេលអាល្លឺម៉ង់ជាម្ចាស់ផ្ទះ World Cup 2006 ដោយបានទទួលចំណាត់ថ្នាក់លេខ៣ និងដឹកនាំអាមេរិកឡើងដល់វគ្គ ១៦ក្រុមចុងក្រោយ World Cup 2014 នៅប្រេស៊ីល៕អត្ថបទ៖នាង សុភាវុធ

ពានរង្វាន់បាល់ទាត់អភិបាលខេត្តកណ្ដាលរៀបចំឡើងក្នុងគោលបំណងសំខាន់ៗពីរ

បាល់ទាត់៖ ការប្រកួតបាល់ទាត់ដណ្ដើមពានរង្វាន់ឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្ដាលលើកទី២ ឆ្នាំ២០២៣ គ្រោងនឹងបើកការប្រកួតនាថ្ងៃទី០៣ ខែមីនាចុងសប្ដាហ៍នេះហើយ ដោយមានបេក្ខភាព ១៩ក្រុមចូលរួម។ការប្រកួតនេះផ្ដោតលើគោលបំណងសំខាន់ៗពីរ ទី១-ដើម្បីបំផុសសកម្មភាពលេងកីឡាក្នុងខេត្ត និងទី២-ដើម្បីអបអរសាទរព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅកម្ពុជានាពេលខាងមុខ។ នេះបើតាមការគូសបញ្ជាក់របស់ឯកឧត្តម ធុល នាង ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្តកណ្ដាល និងជាប្រធានគណៈកម្មការរៀបចំការប្រកួតនៅក្នុងកិច្ចប្រជុំត្រួតពិនិត្យបច្ចេកទេស និងចាប់ឆ្នោតបែងចែកពូលកាលពីថ្ងៃទី២៧ ខែកុម្ភៈម្សិលមិញ នៅវិទ្យាស្ថានជាតិពហុបច្ចេកទេសតេជោសែន។ ឯកឧត្តមបានបញ្ជាក់ថា ការប្រកួតបាល់ទាត់ដណ្ដើមពានរង្វាន់ឯកឧត្តមអភិបាលខេត្តកណ្ដាលឆ្នាំនេះកាន់តែពិសេស ដោយមិនត្រឹមបំផុស និងជំរុញយុវជនលេងកីឡា ក៏ដូចជាផ្ដល់នូវទស្សនីយភាពដល់ប្រជាពលរដ្ឋក្នុងខេត្តនោះទេ តែក៏ជាការអបអរសាទរព្រឹត្តិការណ៍ជាប្រវត្តិសាស្ដ្រនៅកម្ពុជា បន្ទាប់ពីការរង់ចាំអស់រយៈពេល ៦៤ឆ្នាំផងដែរ។សូមបញ្ជាក់ថា សម្រាប់បេក្ខភាពចូលរួមប្រកួតពានរង្វាន់ឯកឧត្តម គង់ សោភ័ណ្ឌ ឆ្នាំ២០២៣ នេះគឺបែងចែកជា ៤ពូលក្នុងមួយពូលមាន ៥ក្រុម លើកលែងពូល D ប៉ុណ្ណោះដែលមានត្រឹម ៤ក្រុម។ ចំពោះលទ្ធផលចាប់ពូលវិញ សម្រាប់ពូល A រួមមានក្រុមរដ្ឋបាលខេត្តកណ្ដាល, សមាគមន៍បាល់ទាត់ខេត្តកណ្ដាល, វិទ្យាល័យជ័យវរ្ម័នទី៧, សម្ព័ន្ធយុវជនស្រលាញ់សន្ដិភាព និងក្រុម ស.ស.យ.ក កៀនស្វាយ។ ពូល B មានក្រុមយុវជនស្រុកល្វាឯម, យុវជនវត្តសិរីបន្ទាយដែក, ស្នងការដ្ឋាននគរបាលខេត្តកណ្ដាល, កងរាជអាវុធហត្ថខេត្តកណ្ដាល និងក្រុម ស.ស.យ.ក ក្រុងតាខ្មៅ។ ចំណែកពូល C មានក្រុមយុវជនស្រុកខ្សាច់កណ្ដាល, ស.ស.យ.ក ស្រុកពញាឮ, យុវជនស្រុកលើកដែក, ក្រុមព្រះនរាយណ៍ និងក្រុមស្អាងយើងស្អាត និងពូល D រួមមានក្រុមយុវជនស្រុកមុខកំពូល, ក្រុមយុវជនស្រុកកណ្ដាលស្ទឺង, ក្រុមសាលាស្រុកកោះធំ និងក្រុមយុវជនស្រុកអង្គស្នួល។ អ្វីដែលពិសេសកីឡាករនៃក្រុមនីមួយៗអាចចូលរួមបានលុះត្រាអាយុ ១៨ឆ្នាំឡើង និងត្រូវមានលំនៅដ្ឋានអចិន្ដ្រយ៍នៅខេត្តកណ្ដាលប៉ុណ្ណោះ៕អត្ថបទ៖ លី ឈុនឡា

Lionel Messi ឈ្នះពានកីឡាករឆ្នើមបំផុតរបស់ FIFA លើកទី២

បាល់ទាត់៖ ខ្សែប្រយុទ្ធអាហ្សង់ទីន Lionel Messi បានក្លាយជាម្ចាស់ពានជ័យលាភីកីឡាករឆ្នើមបំផុតប្រចាំឆ្នាំរបស់ FIFA បន្ទាប់ពីជួយក្រុមជម្រើសជាតិអាហ្សង់ទីនឈ្នះជើងឯកពិភពលោក ២០២២ នៅកាតា។ កីឡាករវ័យ ៣៥ឆ្នាំរូបនេះបានយកឈ្នះមិត្តរួមក្រុម PSG, Kylian Mbappe និងខ្សែប្រយុទ្ធបារាំង Karim Benzema ក្នុងការទទួលយកជ័យលាភីនេះ។ Lionel Messi គឺជាប្រធានក្រុមជម្រើសជាតិអាហ្សង់ទីនដែលយកឈ្នះបារាំងនៅវគ្គផ្តាច់ព្រ័ត្រ FIFA World Cup 2022 នៅកាតា និងបានស៊ុតបញ្ចូលទី ២៧គ្រាប់ក្នុងការបង្ហាញខ្លួន ៤៩ប្រកួតឱ្យក្លិបអាជីពនៅរដូវកាល ២០២១-២០២២។ នេះជាលើកទី២ អតីតខ្សែប្រយុទ្ធ Barcelona រូបនេះឈ្នះពានជ័យលាភីនេះ។ ចំណែកផ្នែកនារីវិញ ខ្សែប្រយុទ្ធ Barcelona កីឡាការិនី Alexia Putellas គឺជាអ្នកឈ្នះពានជ័យលាភីកីឡាការិនីឆ្នើមបំផុតរបស់ FIFA ពីរឆ្នាំជាប់គ្នាបន្ទាប់ពីស៊ុតបញ្ចូលទីបាន ៣៤គ្រាប់រដូវកាលមុន។ កីឡាការិនីវ័យ ២៩ឆ្នាំដែលអវត្តមានពីការប្រកួត Euro 2022 ដោយរបួសនោះបានយកឈ្នះខ្សែប្រយុទ្ធអង់គ្លេស Beth Mead និងកីឡាការិនីអាមេរិក Alex Morgan ដើម្បីទទួលបានពានជ័យលាភីនេះ។ សម្រាប់ពានជ័យលាភីផ្សេងៗទៀតរួមមាន Emiliano Martinez ឈ្នះពានអ្នកចាំទីឆ្នើមបំផុតបន្ទាប់ពីជួយសង្គ្រោះបាល់កាត់សេចក្តី ១១ម៉ែត្រនៅ World Cup ៤គ្រាប់បូករួមទាំងវគ្គផ្តាច់ព្រ័ត្រយកឈ្នះបារាំង។ រីឯលោក Lionel Scaloni ដែលជួយក្រុមជម្រើសជាតិអាហ្សង់ទីនឈ្នះពាន World Cup នោះក៏បានក្លាយជាគ្រូបង្វឹកឆ្នើមបំផុតប្រចាំឆ្នាំផងដែររបស់ FIFA៕អត្ថបទ៖នាង សុភាវុធ

កងអង្គរក្សផ្ដោតការហ្វឹកហាត់ទស្សនីយភាពធំៗពីរត្រៀមពិធីបើក-បិទកីឡាស៊ីហ្គេម និងអាស៊ានប៉ារ៉ាហ្គេម

ស៊ីហ្គេម៖ កងអង្គរក្សប្រមាណ ១,២០០នាក់នឹងត្រូវធ្វើការប្រមូលផ្ដុំហ្វឹកហាត់ទម្រង់គុនល្បុក្កតោជាប្រចាំ ក្រោមការចង្អុលបង្ហាញ និងយកចិត្តទុកដាក់ដ៏ខ្ពង់ខ្ពស់របស់ឯកឧត្តមនាយឧត្ដមសេនីយ៍កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការបញ្ជាការដ្ឋានអង្គរក្ស ដោយផ្ដោតសំខាន់លើទស្សនីយភាពធំៗពីរដើម្បីត្រៀមសម្ដែងអបអរសាទរក្នុងពិធីបើក-បិទព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ នាពេលឆាប់ៗខាងមុខ។ នេះបើតាមការលើកឡើងរបស់លោក អ៊ួ តារា អគ្គលេខាធិការរងសហព័ន្ធកីឡាគុនល្បុក្កតោកម្ពុជា ក្នុងពិធីបើកវគ្គហ្វឹកហ្វឺនទម្រង់ល្បុក្កតោអបអរសាទរកម្មវិធីបើក-បិទក្នុងព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ក្រោមវត្តមានឯកឧត្តមឧត្តមសេនីយ៍ឯក ឌៀង សារុន នាយរងសេនាធិការចម្រុះនៃកងយោធពលខេមរភូមិន្ទ មេបញ្ជាការរងបញ្ជាការរដ្ឋានអង្គរក្សនៅបន្ទាយស្វាយរលំ ក្រុងតាខ្មៅ ខេត្តកណ្ដាល កាលពីថ្ងៃទី២៧ ខែកុម្ភៈម្សិលមិញ។ លោក អ៊ូ តារា បានបញ្ជាក់ថា ការហ្វឹកហាត់ទម្រង់គុនល្បុក្កតោនេះគឺផ្ដោតសំខាន់លើផែនទស្សនីយភាពពីរ ទី១-ទស្សនីយភាពសម័យអង្គរដ៏រុងរឿង និងទី២-ទស្សនីយភាពគុនល្បុក្កតោសម័យទំនើប។ ចំពោះចំនួនកងកម្លាំងអង្គរក្សដែលចូលរួមហ្វឹកហាត់នេះ គឺមានចំនួនតិចជាងការហ្វឹកហាត់សម្ដែងក្នុងពិធីបើក-បិទកីឡាជាតិលើកទី៣ តែលោកមានសុទិដ្ឋិនិយមខ្ពស់នឹងផ្ដល់នូវភាពអស្ចារ្យ ក្នុងការសម្ដែងអបអរព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានាពេលខាងមុខ។ ឯកឧត្តមឧត្តមសេនីយ៍ឯក ឌៀង សារុន បានទទួលស្គាល់ថា ការសម្ដែងក្នុងព្រឹត្តិការណ៍កីឡាជាតិលើកទី៣ កាលពីចុងឆ្នាំ២០២២ គឺទទួលបានការកោតសរសើរច្រើនពីថ្នាក់ដឹកនាំ និងប្រជាពលរដ្ឋ តែក៏មិនទាន់ល្អឥតខ្ចោះនោះដែរ។ តាមរយៈនេះ ឯកឧត្តមបានជំរុញឲ្យកងកម្លាំងអង្គរក្សទាំងអស់ ដែលត្រូវបានជ្រើសរើសចូលរូមហាត់ហ្វឹកហ្វឺនពេលនេះ ត្រូវខិតខំយកចិត្តទុកដាក់ គោរពពេលវេលា និងវិន័យឲ្យបានត្រឹមត្រូវ ដើម្បីធានាបាននូវការសម្ដែងទស្សនីភាពដ៏អស្ចារ្យក្នុងពិធីបើក-បិទកីឡាស៊ីហ្គេម និងអាស៊ានប៉ារ៉ាហ្គេមនាពេលខាងមុខ។ ជាមួយគ្នាដែរ ឯកឧត្តមឧត្តមសេនីយ៍ឯក យីប កុយ អនុគណៈកម្មការដឹកនាំវគ្គបានប្ដេជ្ញា និងតាំងចិត្តខ្ពស់ក្នុងការដឹកនាំហាត់ហ្វឹកហ្វឺន ដើម្បីឆ្លើយតបការផ្ដល់សេចក្ដីទុកចិត្តរបស់ថ្នាក់ដឹកនាំ ក្នុងការរួមចំណែកធ្វើឲ្យពិធីបើក-បិទកីឡាថ្នាក់តំបន់នេះមានភាពអធិកអធម និងទាក់ទាញភ្ញៀវជាតិ-អន្ដរជាតិក្នុងព្រឹត្តិការណ៍ជាប្រវត្តិសាស្ដ្រនេះ។ សូមរំឭកថា ដើម្បីធានាបាននូវការសម្ដែងទស្សនីយភាពប្រកបដោយគុណភាពខ្ពស់ និងមានភាពទាក់ទាញ សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន CAMSOC បានអនុញ្ញាតឲ្យប្រើប្រាស់កម្លាំងកងអង្គរក្សជាង ១ពាន់នាក់សម្រាប់ហ្វឹកហាត់ទម្រង់គុនល្បុក្កតោ ខណៈអ្នកជំនាញ ពិសេសមន្ដ្រីសហព័ន្ធកីឡាគុនល្បុក្កតោបានចាត់ទុកជារឿងមួយដ៏ល្អ ដ្បិតកម្លាំងកងអង្គរក្សងាយស្រួលក្នុងការហ្វឹកហាត់ ស្របទៅតាមផែនទស្សនីយភាពនីមួយៗ ដែលរំលេចនូវភាពអស្ចារ្យនៃក្បាច់គុនបុព្វបុរសខ្មែរនេះ៕អត្ថបទ៖ លី ឈុនឡា

ក្រុមកង់រំពេជិះកង់ពីភ្នំពេញទៅខេត្ដសៀមរាបប្រមូលថវិកាជួយមន្ទីរពេទ្គន្ធបុប្ផា និងសាលាមួយនៅខេត្តកំពង់ធំ

ជិះកង់៖ ក្រុមកង់រំពេជាង ៥០កង់នៅរាជធានីភ្នំពេញបាននាំគ្នាជិះកង់ឆ្ពោះទៅខេត្ដសៀមរាប ដែលមានចម្ងាយជាង ៣០០គីឡូម៉ែត្រដើម្បីរកថវិកាជួយឧបត្ថម្ភដល់មន្ទីរពេទ្យគន្ធបុប្ផា និងកុមារខ្វះខាតនៅសាលារៀនក្នុងខេត្ដកំពង់ធំ និងដើម្បីលើកកម្ពស់សុខភាព បង្កើនមិត្ដភាព សាមគ្គីភាព។ ឯកឧត្ដម វ៉ាន់ ពុទ្ធិពល អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថ និងជាតំណាងក្រុមអ្នកជិះកង់រំពេមានប្រសាសន៍ថា ការជិះកង់ជាក្រុមនេះមានរយៈពេលជាង ៨ម៉ោង ដោយចេញពីរាជធានីភ្នំពេញទៅកាន់ខេត្ដសៀមរាប ដោយបានរៀបចំកម្មវិធីពីរខែមុនដើម្បីរកមូលនិធិជួយមន្ទីរពេទ្យគន្ធបុប្ផា និងកុមារនៅខេត្ដកំពង់ធំ។ ឯកឧត្ដមបានបន្ដថា ការជិះកង់នេះមានក្រុមកីឡាករជិះកង់ជម្រើសជាតិបានចូលរួម ហើយជាការបណ្ដុះថ្នាលហ្វឹកហាត់ឱ្យក្លាយជាអ្នកជិះកង់អាជីព សម្រាប់ចូលការប្រកួតនៅកម្មវិធីផ្សេងៗ មិនថាតែកីឡាស៊ីហ្គេមនោះទេគឺទាំងការប្រកួតអន្ដរជាតិផងដែរ។ ជាមួយគ្នានោះការជិះផ្លូវឆ្ងាយនេះត្រូវមានការហ្វឹកហាត់ឱ្យបានហ្មត់ចត់ មានបច្ចេកទេសជិះត្រឹមត្រូវ ព្រោះការជិះផ្លូវវែងមិនដូចជាការជិះកង់កម្សាន្តនោះទេ។ បើតាមឯកឧត្ដម វ៉ាន់ ពុទ្ធិពល បានបន្ដថា ក្រៅពីការជិះកង់ចេញពីភ្នំពេញទៅសៀមរាប ក៏មានការជិះទៅតាមប្រាសាទ និងចែកអំណោយដល់កុមារនៅខេត្ដកំពង់ធំផងដែរ។ ឯកឧត្ដមបានអំពាវដល់ប្រជាពលរដ្ឋចូលរួមជិះកង់ ព្រោះវាបានផ្ដល់សុខភាពល្អ និងបង្កើតមិត្ដភាពសាមគ្គីភាពផងដែរ៕

ក្រសួងមហាផ្ទៃបង្កើតសមាគមតេក្វាន់ដូ WT ផ្លូវការ ដើម្បីរួមចំណែកអភិវឌ្ឍន៍វិស័យកីឡាមួយនេះ

តេក្វាន់ដូ៖ ក្រុមប្រឹក្សាកីឡាក្រសួងមហាផ្ទៃបានប្រកាសបង្កើតសមាគមកីឡាតេក្វាន់ដូ WT ជាផ្លូវការ ដោយមានឯកឧត្តមនាយឧត្តមសេនីយ៍ សុខ មុនី ជាប្រធានសមាគម ដើម្បីរួមចំណែកអភិវឌ្ឍន៍វិស័យកីឡាមួយនេះឲ្យកាន់តែរីកចម្រើន។ មហាសន្និបាតរបស់សមាគមកីឡាតេក្វាន់ដូ WT ក្រសួងមហាផ្ទៃអាណត្តិទី១ នេះបានធ្វើឡើងក្រោមវត្តមានឯកឧត្តម សរ សិទ្ធិ អនុរដ្ឋលេខាធិការទទួលជួយការងារដឹកនាំអគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ ហើយក៏មានការចូលរួមពីលោក ប៉ាង សឹនហូ ប្រធានសហព័ន្ធកីឡាតេក្វាន់ដូនគរបាលពិភពលោក នៅមជ្ឈមណ្ឌលកីឡានគរបាលជាតិក្នុងពហុកីឡដ្ឋានជាតិកាលពីចុងសប្ដាហ៍កន្លងទៅ។ ឯកឧត្តម សុខ មុនី មានប្រសាសន៍ថា ការបង្កើតសមាគមកីឡាតេក្វាន់ដូន WT ក្រសួងមហាផ្ទៃនេះ ក្នុងគោលបំណងរឹតចំណងមិត្តភាពរវាងព្រះរាជាណាចក្រកម្ពុជា ជាមួយនឹងសាធារណៈរដ្ឋកូរ៉េ ដោយមានសហព័ន្ធតេកីឡាក្វាន់ដូនគរបាលពិភពលោក ជាភាគីពាក់ព័ន្ធសហការ ដើម្បីជំរុញការអភិវឌ្ឍសម្ថភាពអត្តពលិកកីឡាតេក្វាន់ដូ WT នៅក្នុងអង្គភាពកីឡានគរបាលជាតិក្រសួងមហាផ្ទៃឲ្យកាន់តែប្រសើរ និងមានកិត្យានុភាពនៅលើឆាកអន្តរជាតិ។ លោក រើន គន្ថា អគ្គលេខាធិការសមាគមកីឡាតេក្វាន់ដូ WT ក្រសួងមហាផ្ទៃបានបញ្ជាក់ថា កន្លងមកកីឡាតេក្វាន់ដូក្រសួងមហាផ្ទៃ ក្រោមការគ្រប់គ្រងរបស់អង្គភាពកីឡានគរបាលជាតិ នៃក្រុមប្រឹក្សាកីឡាក្រសួងមហាផ្ទៃបានចូលរួមការប្រកួតថ្នាក់ជាតិ ទទួលបានមេដាយសរុបចំនួន ៤៦គ្រឿងរួមមានមេដាយមាស ៣២គ្រឿង, ប្រាក់ ៧គ្រឿង និងសំរឹទ្ធ ៧គ្រឿង និងការប្រកួតអន្តរជាតិក្រៅប្រទេសចំនួន ២លើកក្នុងកម្មវិធី world police and fire games នៅប្រទេសចិន និងហូឡង់ទទួលបានមេដាយ ៩គ្រឿង មេដាយមាស ៦គ្រឿង, ប្រាក់ ១គ្រឿង និងសំរឺទ្ធិ ២គ្រឿងផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Foden ស៊ុតពីរគ្រាប់ម្នាក់ឯង ខណៈ Manchester City ឈ្នះនៅផ្ទះ Bristol ឡើងវគ្គ ៨ក្រុម FA Cup

ព្រឹត្តិការណ៍ម៉ូតូហោះ Flying Bike Super Cross នឹងដំណើរការប្រកួតចុងសប្ដាហ៍នេះ

សហព័ន្ធបាល់ទះគ្រោងអញ្ជើញក្រុមចិនមកប្រកួតមិត្តភាព ដើម្បីពង្រឹងសមត្ថភាពត្រៀមស៊ីហ្គេម

គ្រូបង្វឹកអាហ្សង់ទីន Lionel Scaloni បន្តកិច្ចសន្យាដឹកនាំក្រុមជម្រើសជាតិដល់ឆ្នាំ២០២៦

អតីតខ្សែប្រយុទ្ធអាល្លឺម៉ង់ Jurgen Klinsmann ត្រូវតែងតាំងជាគ្រូបង្គោលក្រុមជម្រើសជាតិកូរ៉េ

ពានរង្វាន់បាល់ទាត់អភិបាលខេត្តកណ្ដាលរៀបចំឡើងក្នុងគោលបំណងសំខាន់ៗពីរ

Lionel Messi ឈ្នះពានកីឡាករឆ្នើមបំផុតរបស់ FIFA លើកទី២

កងអង្គរក្សផ្ដោតការហ្វឹកហាត់ទស្សនីយភាពធំៗពីរត្រៀមពិធីបើក-បិទកីឡាស៊ីហ្គេម និងអាស៊ានប៉ារ៉ាហ្គេម

ក្រុមកង់រំពេជិះកង់ពីភ្នំពេញទៅខេត្ដសៀមរាបប្រមូលថវិកាជួយមន្ទីរពេទ្គន្ធបុប្ផា និងសាលាមួយនៅខេត្តកំពង់ធំ

ក្រសួងមហាផ្ទៃបង្កើតសមាគមតេក្វាន់ដូ WT ផ្លូវការ ដើម្បីរួមចំណែកអភិវឌ្ឍន៍វិស័យកីឡាមួយនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Foden ស៊ុត​ពីរ​គ្រាប់​ម្នាក់ឯង​ ខណៈ Manchester City ឈ្នះ​នៅផ្ទះ Bristol ឡើង​វគ្គ ៨ក្រុម FA Cup

ព្រឹត្តិការណ៍​ម៉ូតូ​ហោះ​ Flying Bike Super Cross ​នឹង​ដំណើរ​ការប្រកួត​ចុង​សប្ដាហ៍​នេះ​

សហព័ន្ធ​បាល់ទះ​គ្រោង​អញ្ជើញ​ក្រុម​ចិន​មក​ប្រកួត​មិត្តភាព ដើម្បី​ពង្រឹង​សមត្ថភាព​ត្រៀម​ស៊ី​ហ្គេម​

គ្រូបង្វឹក​អា​ហ្ស​ង់​ទីន Lionel Scaloni បន្ត​កិច្ចសន្យា​ដឹកនាំ​ក្រុម​ជម្រើសជាតិ​ដល់​ឆ្នាំ២០២៦

អតីត​ខ្សែប្រយុទ្ធ​អាល្លឺម៉ង់ Jurgen Klinsmann ត្រូវ​តែងតាំង​ជា​គ្រូ​បង្គោល​ក្រុម​ជម្រើសជាតិ​កូរ៉េ

ពានរង្វាន់​បាល់ទាត់​អភិបាលខេត្ត​កណ្ដាលរៀបចំឡើង​ក្នុង​គោលបំណង​សំខាន់ៗ​ពីរ​

Lionel Messi ឈ្នះ​ពាន​កីឡាករ​ឆ្នើម​បំផុត​របស់ FIFA លើក​ទី២

ក្រសួងមហាផ្ទៃ​បង្កើត​សមាគម​តេ​ក្វាន់​ដូ​ WT ​ផ្លូវការ ដើម្បី​រួមចំណែក​អភិវឌ្ឍន៍​វិស័យ​កីឡា​មួយ​នេះ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Foden ស៊ុតពីរគ្រាប់ម្នាក់ឯង ខណៈ Manchester City ឈ្នះនៅផ្ទះ Bristol ឡើងវគ្គ ៨ក្រុម FA Cup

ព្រឹត្តិការណ៍ម៉ូតូហោះ Flying Bike Super Cross នឹងដំណើរការប្រកួតចុងសប្ដាហ៍នេះ

សហព័ន្ធបាល់ទះគ្រោងអញ្ជើញក្រុមចិនមកប្រកួតមិត្តភាព ដើម្បីពង្រឹងសមត្ថភាពត្រៀមស៊ីហ្គេម

គ្រូបង្វឹកអាហ្សង់ទីន Lionel Scaloni បន្តកិច្ចសន្យាដឹកនាំក្រុមជម្រើសជាតិដល់ឆ្នាំ២០២៦

អតីតខ្សែប្រយុទ្ធអាល្លឺម៉ង់ Jurgen Klinsmann ត្រូវតែងតាំងជាគ្រូបង្គោលក្រុមជម្រើសជាតិកូរ៉េ

ពានរង្វាន់បាល់ទាត់អភិបាលខេត្តកណ្ដាលរៀបចំឡើងក្នុងគោលបំណងសំខាន់ៗពីរ

Lionel Messi ឈ្នះពានកីឡាករឆ្នើមបំផុតរបស់ FIFA លើកទី២

ក្រសួងមហាផ្ទៃបង្កើតសមាគមតេក្វាន់ដូ WT ផ្លូវការ ដើម្បីរួមចំណែកអភិវឌ្ឍន៍វិស័យកីឡាមួយនេះ