BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

David Alaba រងការរើសអើងក្រោយបោះឆ្នោតឱ្យ Messi ឈ្នះពាន FIFA មិនមែនមិត្តរួមក្រុម Benzema

បាល់ទាត់៖ ប្រធានក្រុមជម្រើសជាតិអូទ្រីស David Alaba បានរងការរិះគន់ និងឈានទៅដល់ការរើសអើងទៀតផងនៅលើបណ្តាញសង្គម បន្ទាប់ពីសម្រេចចិត្តបោះឆ្នោតឱ្យខ្សែប្រយុទ្ធអាហ្សង់ទីន Lionel Messi ឈ្នះពានកីឡាករឆ្នើមរបស់ FIFA មិនមែនមិត្តរួមក្រុម Real Madrid, Karim Benzema។ កីឡាករអាហ្សង់ទីន Lionel Messi បានក្លាយជាម្ចាស់ពានកីឡាករឆ្នើមប្រចាំឆ្នាំមួយនេះជាលើកទី២ ក្រោយទទួលបានសំឡេងគាំទ្រច្រើនបំផុតពីលើ Kylian Mbappe និង Karim Benzema។ Alaba បាននិយាយថា ការសំរេចចិត្តបោះឆ្នោតឱ្យ Messi កើតឡើងពីការមូលមតិដោយមិត្តរួមក្រុមជម្រើសជាតិអូទ្រីសទាំងមូល មិនមែនជាការសំរេចចិត្តតែរូបគេម្នាក់ឯងឡើយ។ ឆ្លងកាត់ការមូលមតិភាគច្រើន ប្រធានក្រុម Alaba បានបោះឆ្នោតឱ្យ Messi លេខ១, Benzema លេខ២ Mbappe លេខ៣ ដែលធ្វើឱ្យអ្នកគាំទ្រ Real Madrid មិនសប្បាយចិត្ត ឈានដល់មានការរើសអើងនៅលើបណ្តាញសង្គមតាមរយៈការសរសេរពាក្យនៅលើ Trending #AlabaOut៕អត្ថបទ៖នាង សុភាវុធ

Manchester United ឡើងវគ្គ ៨ក្រុម FA Cup តែ Spurs ចាញ់ Sheffield United

បាល់ទាត់៖ ក្រុមបិសាចក្រហម Manchester United បានបន្តដំណើរជោគជ័យរបស់ខ្លួនទៅមុខទៀតហើយ ក្រោយវាយបកយកឈ្នះក្រុមភ្ញៀវញញួរធំ West Ham ៣-១ ឡើងវគ្គ ៨ក្រុមចុងក្រោយ FA Cup។ មុនមកដល់ការប្រកួតនេះ Manchester United ទើបតែលើកពាន Carabao Cup ដែលជាពានដំបូងក្នុងរយៈពេល ៦ឆ្នាំ និងជាពានដំបូងក្រោមការដឹកនាំរបស់ Erik ten Hag ផងដែរ។ បន្ទាប់ពីវគ្គទី១ គ្មានក្រុមណារកគ្រាប់បាល់បាន West Ham បានបើកការនាំមុខនៅវគ្គទី២ ដោយ Said Benrahma នៅនាទីទី៥៤ មុនពេលដែលម្ចាស់ផ្ទះតាមស្មើវិញដោយបាល់ចូលទីខ្លួនឯងរបស់ Nayef Aguerd នាទីទី៧៧។ បន្ទាប់ពីតាមស្មើហើយកីឡាករវ័យក្មេងអាហ្សង់ទីន Alejandro Garnacho បានស៊ុតបញ្ចូលទីគ្រាប់នាំមុខលើកដំបូងនៅនាទីទី៩០ យ៉ាងអស្ចារ្យ មុនពេលដែល Fred ស៊ុតធានាជ័យជំនះនៅនាទីទី៩០+៥។ ជ័យជំនះនេះធ្វើឱ្យ Manchester United បន្តដំណើរប៉ុនប៉ងឈ្នះពាន ៤ ក្នុងរដូវកាលដោយត្រូវឡើងវគ្គ ៨ក្រុមចុងក្រោយ FA Cup ទទួលស្វាគមន៍ Fulham។ ងាកទៅក្រុមនៅ Premier League មួយទៀត Tottenham Hotspur មានជោគវាសនាផ្ទុយពីនេះគឺធ្លាក់ត្រឹមជុំទី៥ នេះក្រោយចាញ់នៅទឹកដីក្រុមនៅ League Champoinship, Sheffield United ១-០ ដោយគ្រាប់បាល់ជ័យជំនះរបស់ Iliman Ndiaye។ ជ័យជំនះនេះធ្វើឱ្យ Sheffield United ត្រូវជួប Blackburn Rovers នៅវគ្គ ៨ក្រុម។ ចំណែកការប្រកួតមួយគូទៀត ក្រុមមកពីលីគទី៤ League Two, Grimsby បានបង្កើតប្រវត្តិសាស្ត្រឡើងវគ្គ ៨ក្រុមចុងក្រោយ FA Cup លើកដំបូងក្នុងរយៈពេល ៨៤ឆ្នាំក្រោយយកឈ្នះនៅទឹកដី Southampton ២-១ មិនគួរឱ្យជឿដើម្បីបន្តទៅជួបម្ចាស់ផ្ទះ Brighton។ យោងតាមការចាប់ឆ្នោតវគ្គ ៨ក្រុមផងដែរ Manchester City នឹងត្រូវជួបជាមួយ Burnley ដែលកំពុងដឹកនាំដោយអតីតខ្សែការពាររបស់ខ្លួន Vincent Kompany៕អត្ថបទ៖នាង សុភាវុធ

ឯកឧត្តម វ៉ាត់ ចំរើន បញ្ជាក់ពីការលក់សិទ្ធិផ្សព្វផ្សាយទូរទស្សន៍ តែគ្មានការកំណត់តម្លៃឡើយ

ស៊ីហ្គេម៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ (CAMSOC-CAMMAPGOC) បានអះអាងថា ការលក់សិទ្ធិផ្សព្វផ្សាយទូរទស្សន៍ ឬការផ្សាយផ្ទាល់ព្រឹត្តិការណ៍កីឡាប្រចាំតំបន់នេះគឺគោរពតាមស្មារតីរួម ដែលបានឯកភាពគ្នាជាឯកច្ឆន្ទក្នុងក្រុមប្រឹក្សាកីឡាអាស៊ីអាគ្នេយ៍ តែគ្មានការកំណត់តម្លៃដូចការចុះផ្សាយរបស់សារព័ត៌មានថៃឡើយ។ នេះគឺជាការស្រាយបំភ្លឺ ក៏ដូចជាឆ្លើយតបទៅនឹងសារព័ត៌មានថៃមួយចំនួនដែលបានផ្សាយថា កម្ពុជាបានកំណត់តម្លៃលើការទិញសិទ្ធិផ្សព្វផ្សាយទូរទស្សន៍ពីព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣។ ហេតុនេះ ឯកឧត្តមបានស្នើឲ្យមតិសាធារណជនកុំយល់ច្រឡំ ដ្បិតកម្ពុជាពុំបានកំណត់តម្លៃនោះទេ តែជាការអនុវត្តតាមច្បាប់ត្រឹមត្រូវ តាមរយៈការធ្វើការជាមួយគណៈកម្មាធិការជាតិអូឡាំពិកនៃប្រទេសអាស៊ីអាគ្នេយ៍ ហើយគណៈកម្មាធិការជាតិទាំងនោះនឹងធ្វើកិច្ចការផ្សាព្វផ្សាយនេះ ជាមួយស្ថានីយទូរទស្សន៍របស់គេរៀងៗខ្លួន ហើយបានគេយកតម្លៃនោះមកចរចាជាមួយម្ចាស់ផ្ទះវិញ។ គួរដឹងថា ក្នុងឋានៈកម្ពុជា ដោយមានឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា គឺជាប្រធានក្រុមប្រឹក្សាកីឡាអាស៊ីអាគ្នេយ៍ ដើម្បីដឹកនាំរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ កម្ពុជាបង្កើតឲ្យមានច្បាប់ថ្មីមួយៗចំនួន សម្រាប់ជាគំរូដល់ប្រទេសផ្សេងៗដែលត្រូវធ្វើម្ចាស់ផ្ទះក្រោយៗ ជាក់ស្ដែងការកំណត់ឲ្យមានការលក់សិទ្ធិផ្សព្វផ្សាយទូរទស្សន៍របស់ម្ចាស់ផ្ទះជាដើម ដោយចាប់ផ្ដើមអនុវត្តចេញពីកម្ពុជាមុនគេ។ ការកំណត់នេះក៏មិនមានមតិណាមួយបានជំទាស់ លើការលក់សិទ្ធិផ្សព្វផ្សាយទូរទស្សន៍របស់ម្ចាស់ផ្ទះកម្ពុជាដែរ៕អត្ថបទ៖ លី ឈុនឡា

កីឡាជឺជីតស៊ូដណ្ដើមបានមេដាយកម្រិតអាស៊ី ៧គ្រឿង មុនស៊ីហ្គេមឆ្នាំ២០២៣ មកដល់

ជឺជីតស៊ូ៖ ក្រុមកីឡាជឺជីតស៊ូជម្រើសជាតិកម្ពុជាបានទទួលមេដាយសរុប ៧គ្រឿងរួមមានមេដាយប្រាក់៤ និងសំរឹទ្ធ ៣គ្រឿងនៅក្នុងការប្រកួតកីឡាជឺជីតស៊ូជ្រើសរើសជើងឯកអាស៊ីលើកទី៧ ឆ្នាំ២០២៣ នៅទីក្រុងបាងកក ប្រទេសថៃ ដែលទើបបញ្ចប់ក្នុងសប្ដាហ៍នេះ។ លោក សៀន សុភ័ក្ដ្រ អគ្គលេខាធិការសហព័ន្ធបានឲ្យដឹងថា ការប្រកួតនេះធ្វើឡើង ៤ថ្ងៃពីថ្ងៃទី២៥ ដល់ថ្ងៃទី២៨ ខែកុម្ភៈ ដោយមានអត្តពលិកចូលរួមសរុបជាង ៥០០នាក់មកពី ៣០ប្រទេស ក្នុងនោះក៏មានវត្តមានកីឡាករ-កីឡាការិនីកម្ពុជា ១៨នាក់ផងដែរ។ ជាលទ្ធផល ទោះបីក្រុមកីឡាជឺជីតស៊ូកម្ពុជាពុំទទួលបានមេដាយមាស តែការដណ្ដើមបានមេដាយប្រាក់ ៤ និងសំរឹទ្ធ ៣ នេះគឺជាផ្លែផ្កាមួយដ៏ល្អប្រសើរសម្រាប់កីឡាករ-កីឡាការិនីកម្ពុជា ឆ្ពោះទៅប្រជែងមេដាយក្នុងការប្រកួតកីឡាស៊ីហ្គេមលើកទី៣២ នៅកម្ពុជានាខែឧសភា ឆ្នាំ២០២៣ ខាងមុខ។ តាមរយៈនេះ សហព័ន្ធក៏បានថ្លែងអំណរគុណសម្តេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិ CAMSOC ដែលបានអនុញ្ញាតជាគោលការណ៍ឲ្យប្រតិភូកីឡាជឺជីតស៊ូកម្ពុជា ចូលរួមព្រឹត្តិការណ៍កម្រិតទ្វីបប្រចាំឆ្នាំនេះ ដើម្បីជាវាស់ស្ទង់ និងពង្រឹងសមត្ថភាពកីឡាករ-កីឡាការិនីកម្ពុជាឲ្យកាន់តែរឹងមាំបន្ថែមទៀតផងដែរ៕ អត្ថបទ៖ លី ឈុនឡា

CAMSOC បែងចែកការផលិតប្រភេទកីឡាក្នុងស៊ីហ្គេម ដើម្បីជំរុញការផ្សព្វផ្សាយកាន់តែផុសផុល

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានរៀបចំបែងចែកឲ្យមានប្រភេទកីឡាមួយចំនួនដែលត្រូវផលិតដោយក្រុមជំនាញអន្ដរជាតិ ខណៈកីឡាមួយចំនួននឹងត្រូវបើកឲ្យមានការផ្សព្វផ្សាយដោយសេរី សម្រាប់បណ្ដាស្ថានីយ៍ទូរទស្សន៍ក្នុងស្រុកដើម្បីជំរុញ និងពង្រឹងការផ្សព្វផ្សាយព្រឹត្តិការណ៍កីឡាប្រចាំតំបន់លើកដំបូងនៅកម្ពុជានេះឲ្យកាន់តែផុសផុល និងស្ដង់ដារ។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC ក្នុងកិច្ចប្រជុំជាមួយបណ្ដាស្ថានីយ៍ទូរទស្សន៍ជាតិកាលពីថ្ងៃទី០១ ខែមីនា ឆ្នាំ២០២៣ នៅពហុកីឡដ្ឋានជាតិមរតកតេជោ។ ឯកឧត្តមបានបញ្ជាក់ថា យ៉ាងយោចណាស់មានកីឡា ១៧ប្រភេទក្នុងចំណោម ៣៧ប្រភេទនឹងត្រូវផលិតដោយអ្នកឯកទេសអន្ដរជាតិ ហើយកីឡាផ្សេងៗទៀតនឹងត្រូវផលិតដោយទូរទស្សន៍ក្នុងស្រុកដែលមានគុណភាព និងវិជ្ជាជីវៈ ដើម្បីជំរុញឲ្យការផ្សព្វផ្សាយព្រឹត្តិការណ៍ប្រវត្តិសាស្ដ្រនេះមានភាពទាក់ទាញពីប្រជាជនទូទាំងពិភពលោក។ តាមការបញ្ជាក់របស់ឯកឧត្តម វ៉ាត់ ចំរើន មជ្ឈមណ្ឌលផ្សាយផ្ទាល់ IBC នឹងចាប់ផ្ដើមទទួលការងាររៀបចំ និងការងារផ្សព្វផ្សាយនេះចាប់ពីថ្ងៃទី១៥ ខែមេសា ឆ្នាំ២០២៣ តទៅ ហើយការផ្សាយផ្ទាល់ដំបូងគេនឹងធ្វើឡើងនៅពហុកីឡដ្ឋានជាតិ ជាមួយវិញ្ញាសាកីឡាបាល់ទាត់មុនគេដែលនឹងត្រូវធ្វើការប្រកួតនាថ្ងៃទី២៩ ខែមេសា មុនពិធីបើកការប្រកួតកីឡាស៊ីហ្គេមលើកទី៣២ ជាផ្លូវការនាថ្ងៃទី០៥ ខែឧសភា ឆ្នាំ២០២៣ ខាងមុខ៕អត្ថបទ៖ លី ឈុនឡា

Cremonese យកឈ្នះ Roma ជាជ័យជំនះដំបូងបំផុតនៅ Serie A រដូវកាលនេះ

បាល់ទាត់៖ ក្រុមបាតតារាងនៅក្របខណ្ឌអ៊ីតាលី Serie A, Cremonese ទើបតែបានស្គាល់ជ័យជំនះដំបូងក្នុងរដូវកាល ក្រោយយកឈ្នះ AS Roma ២-១ យប់មិញក្នុងសប្តាហ៍ទី២៤។ ក្រុមម្ចាស់ផ្ទះ Cremonese បើកការនាំមុខមុននៅនាទីទី១៧ ដោយ Frank Tsadjout ហើយ Roma ត្រូវរង់ចាំដល់នាទីទី៧១ ទើបអាចតាមស្មើបានដោយ Leonardo Spinazzola។ ដើមវគ្គទី២ នេះអ្នកចាត់ការ Roma លោក Jose Mourinho ត្រូវបានអាជ្ញាកណ្តាលផ្តល់កាតក្រហមបណ្តេញចេញពីទីលាន ក្រោយប៉ះពាក្យសំដីជាមួយមន្ត្រីទី៤។ ៧នាទីមុនចប់ការប្រកួត Cremonese ក៏មានឱកាសរកគ្រាប់បាល់ជ័យជំនះដោយបាល់ពិន័យ ១១ម៉ែត្ររបស់ Daniel Ciofani។ ជ័យជំនះនេះធ្វើឱ្យ Cremonese បញ្ចប់ការទន្ទឹងរង់ចាំ ២៤ប្រកួតទំរាំឈ្នះប្រកួតដំបូង និងឡើងពីបាតតារាងលេខ២០ មកឈរលេខ១៩ ពីលើ Sampdoria វិញ។ មួយគូទៀតយប់មិញដែរ Juventus យកឈ្នះក្រុមរួមទីក្រុង Turin, Torino ដោយលទ្ធផល ៤-២ ឡើងមកឈរលេខ៧ មាន ៣៥ពិន្ទុ៕អត្ថបទ៖នាង សុភាវុធ

ព្រឹត្តិការណ៍រត់ម៉ារ៉ាតុងឆ្លងកាត់វាលខ្សាច់សាហារ៉ាបញ្ចប់ដោយជោគជ័យ

រត់ម៉ារ៉ាតុង៖ បន្ទាប់ពីការរត់ចម្ងាយ ៤២គីឡូម៉ែត្រឆ្លងកាត់វាលខ្សាច់សាហារ៉ា អ្នករត់រាប់រយនាក់បានមកដល់ជំរំជនភៀសខ្លួន Smara Sahrawi ក្នុងទីក្រុង Tindouf ប្រទេសអាល់ហ្សេរីកាលពីថ្ងៃអង្គារដោយសភាពអស់កម្លាំងខ្លាំង ប៉ុន្តែមានមោទនភាពដែលបានគាំទ្រប្រជាជននៅសាហារ៉ាខាងលិច។ ព្រឹត្តិការណ៍សាហារ៉ាម៉ារ៉ាតុងគឺជាផ្នែកមួយនៅលើគំនិតផ្តួចផ្តើមដើម្បីជួយដល់កុមារនៅ Sahrawi ដែលរស់នៅក្នុងជំរំជនភៀសខ្លួននៅជុំវិញទីក្រុង Tindouf។ ការប្រកួតនេះបានចាប់ផ្តើមនៅជំរំជនភៀសខ្លួន Auserd ហើយបានបញ្ចប់នៅ Smara។ ព្រឹត្តិការណ៍សាហារ៉ាម៉ារ៉ាតុងលើកទី២៣ នេះបានកើតឡើងមួយថ្ងៃបន្ទាប់ពីការប្រារព្ធខួបលើកទី៤៧ នៃការប្រកាសសាធារណរដ្ឋប្រជាធិបតេយ្យអារ៉ាប់សាហារ៉ាវី។ ការរត់នេះក៏រួមបញ្ចូលទាំងការរត់ចម្ងាយ ២១គីឡូម៉ែត្រ, ១០គីឡូម៉ែត្រ និង ៥គីឡូម៉ែត្រផងដែរ។ ប្រទេសម៉ារ៉ុកចាត់ទុកសាហារ៉ាខាងលិចជារបស់ខ្លួន ប៉ុន្តែចលនាឯករាជ្យដែលគាំទ្រដោយអាល់ហ្សេរីទាមទាររដ្ឋអធិបតេយ្យមួយ។ អស់រយៈពេលជាច្រើនឆ្នាំ ប្រទេសភាគច្រើនរួមទាំងអេស្ប៉ាញបានតស៊ូមតិសម្រាប់ការធ្វើប្រជាមតិឯករាជ្យ ដើម្បីកំណត់ជោគវាសនារបស់សាហារ៉ាខាងលិច៕អត្ថបទ៖នាង សុភាវុធ

Ivan Toney ព្រមទទួលថា ពិតជាបានរំលោភច្បាប់ភ្នាល់របស់ FA

បាល់ទាត់៖ ខ្សែប្រយុទ្ធ Brentford, Ivan Toney បានយល់ព្រមទទួលការពិន័យដោយសមាគមបាល់ទាត់អង់គ្លេស FA ពាក់ព័ន្ធរឿងរំលោភច្បាប់ភ្នាល់។ កីឡាករវ័យ ២៦ឆ្នាំរូបនេះត្រូវពិន័យដោយ FA កាលពីខែវិច្ឆិកាពាក់ព័ន្ធនឹងរឿងភ្នាល់នេះដែលមានដល់ទៅ ២៣២ករណី មុនពេលគេស៊ើបឃើញមានការរំលោភបំពានច្បាប់នេះ ៣០ករណីបន្ថែមទៀត។ Ivan Toney បានស៊ុតបញ្ចូលទី ១៤គ្រាប់រដូវកាលនេះក្នុងការបង្ហាញខ្លួន ២១លើកនៅ Premier League ខណៈ Brentford កំពុងឈរលេខ ៩ ក្នុងតារាង។ Ivan Toney ត្រូវបានគេរកឃើញចំពោះការបំពានច្បាប់របស់ FA នៅចំនុច E8 ដែលបានហាមឃាត់មិនឱ្យកីឡាករអាជីពពាក់ព័ន្ធនឹងការភ្នាល់ល្បែងស៊ីសង រឺផ្តល់ព័ត៌មានសំងាត់របស់ក្រុមទៅខាងក្រៅក្នុងគោលបំណងនៃការភ្នាល់។ បើតាមការបង្ហាញរបស់ FA, Ivan Toney មានពាក់ព័ន្ធនឹងរឿងភ្នាល់ចន្លោះពីថ្ងៃទី២៥ ខែកុម្ភៈ ឆ្នាំ២០១៧ ដល់ថ្ងៃទី២៣ ខែមករា ឆ្នាំ២០២១ នៅពេលប្រកបអាជីពជាមួយក្លិប Scunthorpe United, Wigan Athletic, Peterborough United និង Brentford។ រំលឹកថា ក្រៅពី Ivan Toney ខ្សែការពារអង់គ្លេស Kieran Trippier ក៏ធ្លាក់រងពិន័យ ១០សប្តាហ៍ដោយ FA កាលពីខែធ្នូ ឆ្នាំ២០២០ ផងដែរដែលបានផ្តល់ព័ត៌មានទៅខាងក្រៅ ដើម្បីធ្វើការភ្នាល់ពីការផ្ទេររបស់ខ្លួនពី Tottenham Hotspur ទៅកាន់ Atletico Madrid។ កាលពីឆ្នាំ២០១៧ អ្នកចាត់ការ និងជាអតីតកីឡាករជម្រើសជាតិអង់គ្លេស Joey Barton ត្រូវបាន FA ពិន័យ ៥ខែបន្ទាប់ពីត្រូវបានគេរកឃើញថាបានភ្នាល់បាល់ ១២៦០លើកក្នុងរយៈពេល ១០ឆ្នាំចុងក្រោយ៕អត្ថបទ៖នាង សុភាវុធ

Novak Djokovic ត្រូវការ ៣សិតដើម្បីឈ្នះការប្រកួតជុំទី១ Dubai Tennis Championships

វាយកូនបាល់៖ កីឡាករវាយកូនបាល់ស៊ែប Novak Djokovic ត្រូវការលេងសិតកាត់សេចក្តីដើម្បីយកឈ្នះ Tomas Machac ក្នុងការប្រកួតជុំដំបូងនៃកម្មវិធី Dubai Tennis Championships ដែលជាការប្រកួតដំបូងតាំងពីឈ្នះជើងឯក Grand Slam, Australian Open កាលពីខែមករា។ កីឡាករវ័យ ៣៥ឆ្នាំរូបនេះបានសម្រាកពីការប្រកួតនានារយៈពេល ៣សប្តាហ៍មកហើយដោយសារបញ្ហាសរសៃពួរក្រោយពីគ្រងជើងឯក Grand Slam លើកទី២២ ក្នុងអាជីព។ បច្ចុប្បន្នឈរលេខ ១ ពិភពលោក Novak Djokovic បានយកឈ្នះកីឡាករវ័យ ២២ឆ្នាំសញ្ជាតិឆែកលំដាប់លេខ ១៣០ ពិភពលោក Tomas Machac ដោយលទ្ធផល ៦-៣ ,៣-៦ និង ៧-៦(៧-១)។ នេះជាជ័យជំនះ ១៣ប្រកួតជាប់គ្នាផងដែរសំរាប់ Novak Djokovic ក្នុងឆ្នាំ២០២៣ នេះ។ លទ្ធផលផ្សេងទៀតមានដូចជាកីឡាកររុស្ស៊ី Daniil Medvedev យកឈ្នះ Matteo Arnaldi ៦-៤ និង ៦-២, Felix Auger-Aliassime យកឈ្នះ Maxime Cressy និង Karen Khachanov ចាញ់ Botic van de Zandschlup ៧-៥ និង ៦-២៕អត្ថបទ៖នាង សុភាវុធ

Rafael Nadal ដកខ្លួនពីការប្រកួតនៅអាមេរិកដោយសាររបួស

វាយកូនបាល់៖ កីឡាករវាយកូនបាល់អេស្ប៉ាញ Rafael Nadal បានប្រកាសនៅថ្ងៃអង្គារម្សិលមិញថា នឹងមិនចូលរួមការប្រកួត ២កម្មវិធីនៅទឹកដីសហរដ្ឋអាមេរិកឡើយដោយសាររបួស។ ព្រឹត្តិការណ៍វាយកូនបាល់នៅក្នុងក្របខណ្ឌ Masters 1000 នៅ Indian Wells និង Miami ជាការប្រកួតដ៏សំខាន់មួយដែលរាប់ពិន្ទុចូលក្នុងចំណាត់ថ្នាក់ពិភពលោក ATP World Ranking។ កីឡាករវ័យ ៣៦ឆ្នាំរូបនេះបានអវត្តមានពីការប្រកួតតាំងពីចាញ់ត្រឹមជុំទី២ នៅ Australian Open កាលពីខែមករា។ ម្ចាស់ជើងឯក Grand Slam ២២លើករូបនេះត្រូវបានគេរំពឹងថានឹងអវត្តមានយ៉ាងហោចណាស់ ៦សប្តាហ៍ដោយសារបញ្ហាត្រគាកនៅពេលចាញ់ Mackenzie McDonald។ Rafael Nadal ធ្លាប់ឈ្នះជើងឯកការប្រកួត Indian Wells ដែលនឹងចាប់ផ្តើមនៅសប្តាហ៍ក្រោយបីលើកនៅឆ្នាំ២០០៧ ២០០៩ និង ២០១៣ ហើយឆ្នាំមុនចាញ់កីឡាករម្ចាស់ស្រុក Taylor Fritz នៅវគ្គផ្តាច់ព្រ័ត្រ។ Nadal នឹងបន្តអវត្តមានការប្រកួតនៅ Miami មួយទៀតដែលនឹងចាប់ផ្តើមនៅរយៈពេល ៣សប្តាហ៍ទៀត តែរំពឹងថានឹងអាចចូលរួមការប្រកួត Monte Carlo Masters ទាន់ ដែលជាការប្រកួតនៅលើទីលានដីក្រហម និងធ្លាប់ឈ្នះជើងឯកនៅទីនោះ ១១លើក។ ជាមួយគ្នានោះដែរ កីឡាករលេខ ២ ពិភពលោកសញ្ជាតិអេស្ប៉ាញម្នាក់ទៀត Carlos Alcaraz និងកីឡាករអង់គ្លេស Cameron Norrie ដែលឈ្នះជើងឯកម្នាក់មួយកាលពីខែកុម្ភៈនោះ បានប្រកាសដកខ្លួនពីការប្រកួត Mexican Open ដែលនឹងចាប់ផ្តើមសប្តាហ៍នេះផងដែរដោយសារបញ្ហារបួស៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

David Alaba រងការរើសអើងក្រោយបោះឆ្នោតឱ្យ Messi ឈ្នះពាន FIFA មិនមែនមិត្តរួមក្រុម Benzema

Manchester United ឡើងវគ្គ ៨ក្រុម FA Cup តែ Spurs ចាញ់ Sheffield United

ឯកឧត្តម វ៉ាត់ ចំរើន បញ្ជាក់ពីការលក់សិទ្ធិផ្សព្វផ្សាយទូរទស្សន៍ តែគ្មានការកំណត់តម្លៃឡើយ

កីឡាជឺជីតស៊ូដណ្ដើមបានមេដាយកម្រិតអាស៊ី ៧គ្រឿង មុនស៊ីហ្គេមឆ្នាំ២០២៣ មកដល់

CAMSOC បែងចែកការផលិតប្រភេទកីឡាក្នុងស៊ីហ្គេម ដើម្បីជំរុញការផ្សព្វផ្សាយកាន់តែផុសផុល

Cremonese យកឈ្នះ Roma ជាជ័យជំនះដំបូងបំផុតនៅ Serie A រដូវកាលនេះ

ព្រឹត្តិការណ៍រត់ម៉ារ៉ាតុងឆ្លងកាត់វាលខ្សាច់សាហារ៉ាបញ្ចប់ដោយជោគជ័យ

Ivan Toney ព្រមទទួលថា ពិតជាបានរំលោភច្បាប់ភ្នាល់របស់ FA

Novak Djokovic ត្រូវការ ៣សិតដើម្បីឈ្នះការប្រកួតជុំទី១ Dubai Tennis Championships

Rafael Nadal ដកខ្លួនពីការប្រកួតនៅអាមេរិកដោយសាររបួស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

David Alaba រង​ការរើសអើង​ក្រោយ​បោះឆ្នោតឱ្យ Messi ឈ្នះ​ពាន FIFA មិនមែន​មិត្ត​រួម​ក្រុម Benzema

Manchester United ឡើង​វគ្គ ៨ក្រុម FA Cup តែ Spurs ចាញ់ Sheffield United

ឯកឧត្តម វ៉ា​ត់ ចំរើន បញ្ជាក់​ពី​ការលក់​សិទ្ធិ​ផ្សព្វផ្សាយ​ទូរទស្សន៍ តែ​គ្មាន​ការកំណត់​តម្លៃ​ឡើយ​

កីឡា​ជឺ​ជី​តស៊ូដណ្ដើមបាន​មេដាយ​កម្រិត​អាស៊ី ៧​គ្រឿង មុន​ស៊ី​ហ្គេមឆ្នាំ​២០២៣ មកដល់​

CAMSOC ​បែងចែក​ការផលិត​ប្រភេទ​កីឡា​ក្នុង​ស៊ី​ហ្គេម ដើម្បី​ជំរុញ​ការផ្សព្វផ្សាយ​កាន់តែ​ផុសផុល​

Cremonese យកឈ្នះ Roma ជា​ជ័យជំនះ​ដំបូង​បំផុត​នៅ Serie A រដូវ​កាល​នេះ​

ព្រឹត្តិការណ៍​រត់​ម៉ា​រ៉ា​តុង​ឆ្លងកាត់​វាល​ខ្សាច់​សាហា​រ៉ា​បញ្ចប់​ដោយ​ជោគជ័យ​

Ivan Toney ព្រម​ទទួល​ថា ​ពិតជា​បាន​រំលោភច្បាប់​ភ្នាល់​របស់ FA

Novak Djokovic ត្រូវការ ៣​សិត​ដើម្បី​ឈ្នះ​ការប្រកួត​ជុំ​ទី១ Dubai Tennis Championships

Rafael Nadal ដកខ្លួន​ពី​ការប្រកួត​នៅ​អាមេរិក​ដោយសារ​របួស​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

David Alaba រងការរើសអើងក្រោយបោះឆ្នោតឱ្យ Messi ឈ្នះពាន FIFA មិនមែនមិត្តរួមក្រុម Benzema

Manchester United ឡើងវគ្គ ៨ក្រុម FA Cup តែ Spurs ចាញ់ Sheffield United

ឯកឧត្តម វ៉ាត់ ចំរើន បញ្ជាក់ពីការលក់សិទ្ធិផ្សព្វផ្សាយទូរទស្សន៍ តែគ្មានការកំណត់តម្លៃឡើយ

កីឡាជឺជីតស៊ូដណ្ដើមបានមេដាយកម្រិតអាស៊ី ៧គ្រឿង មុនស៊ីហ្គេមឆ្នាំ២០២៣ មកដល់

CAMSOC បែងចែកការផលិតប្រភេទកីឡាក្នុងស៊ីហ្គេម ដើម្បីជំរុញការផ្សព្វផ្សាយកាន់តែផុសផុល

Cremonese យកឈ្នះ Roma ជាជ័យជំនះដំបូងបំផុតនៅ Serie A រដូវកាលនេះ

ព្រឹត្តិការណ៍រត់ម៉ារ៉ាតុងឆ្លងកាត់វាលខ្សាច់សាហារ៉ាបញ្ចប់ដោយជោគជ័យ

Ivan Toney ព្រមទទួលថា ពិតជាបានរំលោភច្បាប់ភ្នាល់របស់ FA

Novak Djokovic ត្រូវការ ៣សិតដើម្បីឈ្នះការប្រកួតជុំទី១ Dubai Tennis Championships

Rafael Nadal ដកខ្លួនពីការប្រកួតនៅអាមេរិកដោយសាររបួស