BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ជើងឯកតុងហ្គីលម៉ូដូថ្នាក់ជាតិបញ្ចប់ដោយជោគជ័យ ខណៈក្លិបបាក់ទូកឈ្នះមេដាយច្រើនជាងគេ

តុងហ្គីលម៉ូដូ៖ ការប្រកួតកីឡាតុងហ្គីលម៉ូដូជ្រើសរើសជើងឯកប្រចាំឆ្នាំ២០២២ បានបញ្ចប់ជោគជ័យ ក្រោយដំណើរការប្រកួតរយៈពេល ៤ថ្ងៃកាលពីចុងសប្ដាហ៍កន្លងទៅ ដោយក្លិបកីឡាតុងហ្គីលម៉ូដូបាក់ទូកដណ្ដើមបានមេដាយច្រើនជាងគេ។ ពិធីបិទការប្រកួតនេះបានធ្វើឡើងក្រោមវត្តមានឯកឧត្តមបណ្ឌិត ជ័យ ចាប ប្រធានសហព័ន្ធកីឡាតុងហ្គីលម៉ូដូកម្ពុជា និងឯកឧត្តម ប៊ូ ជុំសេរី អនុរដ្ឋលេខាធិការនៃក្រសួងអប់រំ យុវជន និងកីឡា ព្រមទាំងលោក ប៊ើណាតដឹណូ ជីវីឡាគេនតេ ប្រធានសហព័ន្ធកីឡាតុងហ្គីលម៉ូដូប្រចាំអាស៊ីប៉ាស៊ីហ្វិកផងដែរ។ លោក ប៉ែន សម្បត្តិ អគ្គលេខាធិការបានបញ្ជាក់ថា ជើងឯកថ្នាក់ជាតិឆ្នាំ២០២២ ដែលលើកមករៀបចំក្នុងឆ្នាំ២០២៣ នេះគឺមានកីឡាករ-កីឡាការិនីចូលរួមសរុប ១៣៥នាក់មកពី ១៧ក្លិប ៤រាជធានីខេត្ត ដែលធ្វើការប្រកួតនៅទីលាន FFWPU-Cambodia។ ជាលទ្ធផលបច្ចេកទេសការប្រកួតរយៈពេល ៤ថ្ងៃគឺក្លិបកីឡាតុងហ្គីលម៉ូដូបាក់ទូកដណ្ដើមបានមេដាយច្រើនជាងគេសរុប ៨គ្រឿង (មាស ៥ ប្រាក់ ១ និងសំរឹទ្ធ ២) ខណៈក្លិបកីឡាតុងហ្គីលម៉ូដូនាគរាជចតុមុខ ឈរលេខ២ ឈ្នះមេដាយសរុប ១១គ្រឿង (មាស ៤ ប្រាក់ ៤ និងសំរឹទ្ធ ៣) និងក្លិបកីឡាតុងហ្គីលម៉ូដូវិទ្យាល័យព្រះរាជសម្ភារ ឈរលេខ៣ ឈ្នះមេដាយសរុប ៤គ្រឿង (មាស ៣ និងប្រាក់ ១)។ ឯកឧត្តមបណ្ឌិត ជ័យ ចាប បានកោតសរសើរ និងវាយតម្លៃខ្ពស់ចំពោះការប្រកួតជើងឯកថ្នាក់ជាតិនេះ ហើយឯកឧត្តមបានជំរុញឲ្យកីឡាករ-កីឡាការិនីទាំងអស់ ទាំងអ្នកទទួលបានជយលាភី និងពុំទទួលបានជយលាភីត្រូវបន្ដខិតខំប្រឹងប្រែងហ្វឹកហាត់ ដើម្បីជំរុញការអភិវឌ្ឍន៍វិស័យកីឡានេះ ហើយឈានទៅប្រកួតប្រជែង និងដណ្ដើមមេដាយជូនជាតិក្នុងព្រឹត្តិការណ៍អន្ដរជាតិនានា ស្របតាមការយកចិត្តទុកដាក់ខ្ពស់របស់រាជរដ្ឋាភិបាលកម្ពុជាបច្ចុប្បន្ន៕អត្ថបទ៖ លី ឈុនឡា

គុនខ្មែរបើកវគ្គបណ្ដុះបណ្ដាលអាជ្ញាកណ្ដាល-ចៅក្រមកម្រិតបឋមលើកដំបូង

គុនខ្មែរ៖ សហព័ន្ធកីឡាប្រដាល់គុនខ្មែរបានរៀបចំវគ្គបណ្ដុះបណ្ដាលអាជ្ញាកណ្ដាល-ចៅក្រមប្រដាល់គុនខ្មែរកម្រិតបឋមឆ្នាំ២០២៣ លើកដំបូង ដើម្បីកសាងធនធានមន្ដ្រីបច្ចេកទេស ហើយរួមចំណែកអភិវឌ្ឍន៍វិស័យកីឡាក្បាច់គុនបុរាណមួយនេះឲ្យកាន់តែរីកចម្រើន។ ឯកឧត្តម តែម ម៉ឺន ប្រធានសហព័ន្ធកីឡាប្រដាល់គុនខ្មែរបានបញ្ជាក់ថា នេះជាលើកដំបូងហើយដែលសហព័ន្ធរៀបចំវគ្គបណ្ដុះបណ្ដាលកម្រិតបឋមនេះឡើង ដោយកៀរគរអតីតកីឡាករចាស់ៗ និងមន្ដ្រីបច្ចេកទេសវ័យក្មេងចូលរួមវគ្គដ៏មានសារៈសំខាន់នេះ សម្រាប់បន្ដវេនពីមន្ដ្រីបច្ចេកទេសចាស់ៗ។ ប្រធានសហព័ន្ធដដែលបានលើកឡើងថា មន្ដ្រីបច្ចេកទេស ទាំងអាជ្ញាកណ្ដាល និងចៅក្រមមានតួនាទីសំខាន់ណាស់ក្នុងវិស័យកីឡានីមួយៗ ពិសេសវិស័យកីឡាប្រដាល់គុនខ្មែរ ស្របពេលវិស័យកីឡាមួយនេះរីកចម្រើន មានកម្មវិធីប្រកួតច្រើន ក៏ទាមទារឲ្យមានមន្ដ្រីបច្ចេកទេសច្រើន ដើម្បីចូលរួមបម្រើការងារប្រកបដោយវិជ្ជាជីវៈ និងមានប្រសិទ្ធភាពខ្ពស់ផងដែរ។ តាមរយៈនេះ ឯកឧត្តមសង្ឃឹមថា រយៈពេល ៣ថ្ងៃចាប់ពីថ្ងៃទី២០ ដល់ថ្ងៃទី២២ ខែកុម្ភៈនេះ សិក្ខាកាមចូលរួមទាំងអស់ នឹងខិតខំសិក្សាស្វែងយល់ឲ្យបានច្បាស់ពីក្បួនច្បាប់ និងបទបញ្ជាការប្រកួតនានារបស់ប្រដាល់គុនខ្មែរ ដើម្បីក្លាយជាធនធានបន្ដវេនប្រកបដោយគុណផលខ្ពស់ ហើយអាចឈានទៅចូលរួមកាត់សេចក្ដីលើឆាកអន្ដរជាតិនាថ្ងៃអនាគតទៀតផង៕អត្ថបទ៖ លី ឈុនឡា

CAMSOC ទទួលបានដៃគូ ២បន្ថែមដើម្បីគាំទ្រការរៀបចំស៊ីហ្គេម-អាស៊ានប៉ារ៉ាហ្គេម២០២៣

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ (CAMSOC-CAMAPGOC) បានទទួលដៃគូឧបត្ថម្ភគាំទ្រពីវិស័យឯកជនចំនួន ២ទៀតហើយដែលបានចុះហត្ថលេខាលើភាពជាដៃគូចលនូបត្ថម្ភផ្ដាច់មុខលើផលិតរបស់ខ្លួនក្នុងព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ កាលពីចុងសប្ដាហ៍កន្លងទៅគឺក្រុមហ៊ុនវឌ្ឍនៈប្រ៊ូវើរី និងក្រុមហ៊ុនទឹករ៉ែធម្មជាតិ អូគូលែន។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC និង CAMAPGOC បានបញ្ជាក់ថា ការឧបត្ថម្ភនេះពិតជាមានគុណតម្លៃសម្រាប់កីឡាករ-កីឡាការិនីជាតិ និងអន្តរជាតិ ដើម្បីឆ្លើយតបតម្រូវការអ្នកលេងកីឡាកម្រិតខ្ពស់។ បន្ថែមលើភាពជាដៃគូនេះដែរ ក្រុមហ៊ុនវឌ្ឍនៈក៏បានចូលរួមឧបត្ថម្ភគាំទ្រច្រើនដល់អត្ដពលិកកម្ពុជា ដោយនឹងមានការរៀបចំកម្មវិធីជប់លាងជូនអ្នកដណ្ដើមបានមេដាយជូនជាតិទៀតផង។ រដ្ឋលេខាធិការក្រសួងទេសចរណ៍ដដែលបន្ថែមថា ការស្វែងរកដៃគូឯកជនគឺជាគោលការណ៍រៀបចំព្រឹត្តិការណ៍កីឡា ដោយទាមទារការចូលរួមគ្រប់ផ្នែកទាំងអស់ ទាំងប្រជាពលរដ្ឋ វិស័យជនជនជាដើម ដើម្បីរួបរួមគ្នាជំរុញឲ្យព្រឹត្តិការណ៍កីឡាទាំងមូលកាន់តែល្អប្រសើរ ជាក់ស្ដែងមកទល់ពេលនេះគឺមានក្រុមហ៊ុនចំនួន ៦ ហើយដែលបានចុះហត្ថលេខាចូលរួមឧបត្ថម្ភគាំទ្រ ព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ ហើយមានក្រុមហ៊ុនជាច្រើនទៀតកំពុងសិក្សាលក្ខខណ្ឌច្បាប់ ដើម្បីចូលរួមឧបត្ថម្ភគាំទ្រដូចគ្នា៕អត្ថបទ លី ឈុនឡា

ប្រធានក្លិប Liverpool ច្រានចោលពីការប្រកាសលក់ក្លិប

បាល់ទាត់៖ ប្រធានក្លិប Liverpool សញ្ជាតិអាមេរិកលោក John Henry បាននិយាយថា មិនមានគំរោងណាមួយក្នុងការលក់ក្លិបនៅ Premier League មួយនេះទេ។ ការលើកឡើងនេះគឺផ្ទុយពីអ្វីដែលលោកបាននិយាយកាលពីខែវិច្ឆិកា ឆ្នាំ២០២២ កន្លងទៅដោយក្រុមហ៊ុន Fenway Sports Group (FSG) ដែលបានទិញយកភាគហ៊ុនធំរបស់ហង្សក្រហម Liverpool មកគ្រប់គ្រងកាលពីឆ្នាំ២០១០ ក្នុងតម្លៃ ៣០០លានផោនបាននិយាយកាលពីបីខែមុនថា ក្លិបនឹងពិចារណារកដៃគូវិនិយោគថ្មីប្រសិន Liverpool ស្ថិតក្នុងការចាប់អារម្មណ៍ខ្លាំង។ យ៉ាងណាក្តីក្រោយពីការលើកឡើងបែបនេះកាលពីខែវិច្ឆិកានោះ នាយកគ្រប់គ្រងលោក Tom Werner បាននិយាយថា ក្លិបមិនទាន់មានការប្រញាប់ប្រញាល់ក្នុងការផ្លាស់ក្បាលម៉ាស៊ីនថ្មីឡើយ។ Liverpool កំពុងឈរលេខ៨ នៅ Premier League ក្រោយ ២២ប្រកួតមាន ៣៥ពិន្ទុដេញពីក្រោយតំបន់ Top4 ចំនួន ៧ពិន្ទុ។ សូមបញ្ជាក់ថា ក្លិប Premier League មួយចំនួនកំពុងស្ថិតក្នុងការចរចាផ្លាស់ប្តូរអ្នកវិនិយោគថ្មី ដូចជាបិសាចក្រហម Manchester United ដែលបានប្រកាសលក់ និងមានអ្នកដេញថ្លៃពីររួមមានប្រធានក្រុម INEOS មហាសេដ្ឋីអង់គ្លេស Sir Jim Ratcliffe និងកូនប្រុសអតីតនាយករដ្ឋមន្ត្រីកាតា Sheikh Jassim Bin Hamad Al Thani៕អត្ថបទ៖នាង សុភាវុធ

U22 កម្ពុជានឹងប្រមូលផ្ដុំហ្វឹកហាត់ជាប់ចាប់ពីចុងខែនេះរហូតដល់ស៊ីហ្គេមឆ្នាំ២០២៣

បាល់ទាត់៖ ក្រុមបាល់ទាត់ជម្រើសជាតិអាយុក្រោម ២២ឆ្នាំកម្ពុជានឹងធ្វើការប្រមូលផ្ដុំ និងបោះជំរំហ្វឹកហាត់ទាំងក្នុង និងក្រៅស្រុកជាប់ចាប់ពីចុងខែកុម្ភៈនេះរហូតដល់ការប្រកួតកីឡាស៊ីហ្គេមឆ្នាំ២០២៣ នៅកម្ពុជានាខែឧសភាខាងមុខ ។នេះបើតាមការលើកឡើងរបស់លោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា ស្របពេលសហព័ន្ធបានប្រកាសបេក្ខភាពកីឡាករ ៣០នាក់នៃក្រុមជម្រើសជាតិ U22 កម្ពុជាដែលត្រូវប្រមូលផ្ដុំ និងបោះជំរំហ្វឹកហាត់លើកទី១ នៅកោះសាមុយ ប្រទេសថៃ ចាប់ពីថ្ងៃទី២៧ ខែកុម្ភៈដល់ថ្ងៃទី១៥ ខែមីនាខាងមុខ។ សម្រាប់កីឡាករ ៣០នាក់ដែលត្រូវបានជ្រើសរើស ត្រៀមការប្រកួតព្រឹត្តិការណ៍ប្រវត្តិសាស្ដ្រស៊ីហ្គេមនៅកម្ពុជា រួមមានកីឡាករក្លិបព្រះខ័នរាជស្វាយរៀង ៦នាក់ (កីឡាករ វីរៈ ដារ៉ា, មិន រតនៈ, វី លាភផេង, នី សុខរី និង អ៊ាន ពិសី)។ កីឡាករក្លិបបឹងកេត ៥នាក់ (កីឡាករ កយ សាលីម, សឿត ណាវ៉ា, តាំង ប៊ុនឆៃ, វ៉ាំង ដាវីន និង សៀង ចន្ធា)។ កីឡាករក្លិបវិសាខា ៦នាក់ (កីឡាករ សារ ទី, វឿន វ៉ា, ស៊ិន សុវណ្ណាមករា, ស រតនា, ចាន់ សារ៉ាពេជ្រ និង ឡេង ណូរ៉ា)។ កីឡាករក្លិបណាហ្គាវើលដ៏ ៤នាក់ (កីឡាករ រ៉េត លីហេង, លីម អារុណ រ៉េយមិន, ជា សុខម៉េង និង ផាត សុខា)។ កីឡាករក្លិបភ្នំពេញក្រោន ៣នាក់ (កីឡាករ ឈុំ សុខហៃ, កើត ពេជ្រ និង លឹម ពិសុទ្ធ)។ កីឡាករក្លិបកងយោធពលខេមរភូមិន្ទ ២នាក់ (កីឡាករ ញាន សុស៊ីដាន និង ទេព ហ្វីលីព)។ កីឡាករក្លិបអង្គរថាយហ្គឺរម្នាក់ (សុខផល ឌីម៉ង)។ កីឡាករក្លិបសូលទីឡូអង្គរម្នាក់ (អ៊ីម វ៉ាឃីម)។ កីឡាករក្លិបអគ្គិសនីកម្ពុជាម្នាក់ (ហាវ សុខនេត) និងកីឡាករក្លិបព្រៃវែងម្នាក់ (គី រីណា)។តាមការបញ្ជាក់របស់លោក កែវ សារ៉េត ក្រោយបង្ហាញបញ្ជីឈ្មោះរួចរាល់ ពួកគេនឹងត្រូវចេញទៅប្រមូលផ្ដុំហ្វឹកហាត់នៅថៃមួយរយៈ មុនចេញទៅប្រកួតមិត្តភាពអន្ដរជាតិជាមួយក្រុមម្ចាស់ផ្ទះសិង្ហបុរី និងម៉ាឡេស៊ីនាខែមីនាខាងមុខ។ ក្រោយបញ្ចប់ការប្រកួតមិត្តភាពនៅសិង្ហបុរី ក្រុមគោព្រៃជំទង់កម្ពុជាគ្រោងនឹងទៅហ្វឹកហាត់ថៃម្ដងទៀត រហូតដល់ការប្រកួតស៊ីហ្គេមឆ្នាំ២០២៣ នៅកម្ពុជាតែម្ដង។ គួរដឹងថា សម្រាប់វិញ្ញាសាបាល់ទាត់បុរសក្នុងព្រឹត្តិការណ៍ស៊ីហ្គេម ឆ្នាំ២០២៣ នៅកម្ពុជា ក្នុងនាមម្ចាស់ផ្ទះកម្ពុជាបានសម្រេចកំណត់វិញ្ញាសាប្រកួតអាយុក្រោម ២២ឆ្នាំទាំងអស់ មិនត្រូវឲ្យមានកូតាកីឡាករលើសអាយុដូចស៊ីហ្គេមមុនៗនោះទេ។ ការកំណត់ត្រានេះត្រូវបានអ្នកគាំទ្រចាត់ទុកជាយុទ្ធសាស្ដ្រមួយ ក្រោមការដឹកនាំរបស់លោក Keisuke Honda អ្នកចាត់ការទូទៅក្រុមជម្រើសជាតិ U22 កម្ពុជា ដើម្បីបង្កើនលទ្ធភាពប្រកួតប្រជែងជាមួយដៃគូ ឆ្ពោះទៅស្វែងរកមេដាយក្នុងព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជានេះ៕អត្ថបទ៖ លី ឈុនឡា

ប្រធានសហព័ន្ធកាយវប្បកម្មប្ដេជ្ញាបន្ដខំប្រឹងអភិវឌ្ឍន៍ ដើម្បីមុខមាត់កម្ពុជាលើឆាកអន្ដរជាតិ

កាយវប្បកម្ម៖ លោក តឹក ប៊ុនវី ប្រធានសហព័ន្ធកីឡាកាយវប្បកម្ម និងលំហាត់ប្រាណកម្ពុជាបានប្ដេជ្ញានៅតែបន្ដខំប្រឹងអភិវឌ្ឍន៍វិស័យកីឡាមួយនេះឲ្យរីកចម្រើន ដើម្បីមានសមត្ថភាពគ្រប់គ្រាន់ចូលរួមប្រកួតប្រជែងលើឆាកអន្ដរជាតិ ក៏ដូចជាការត្រៀមចូលរួមប្រកួតជើងឯកពិភពលោកនាចុងឆ្នាំ២០២៣ នេះ។ ការលើកឡើងនេះធ្វើឡើងក្នុងសន្និសីទសារព័ត៌មានពាក់ព័ន្ធនឹងកីឡាករ ២រូបរួមមានកីឡាករ ផាន់ ណារិទ្ធ និងកីឡាករ ស៊ាង ម៉េងសាង ដែលបានទទួលស្គាល់កំហុស បន្ទាប់ពីរកឃើញសារធាតុហាមឃាត់កំឡុងការប្រកួតកីឡាជាតិលើកទី៣ ហើយសហព័ន្ធបានពិន័យអ្នកទាំងពីរតាមកិច្ចសន្យា ដោយបញ្ឈប់ការប្រកួតទាំងថ្នាក់ជាតិ និងអន្ដរជាតិ ព្រមទាំងពិន័យប្រាក់ម្នាក់ ២,៥០០ដុល្លារ និងបានដកហូតមេដាយកីឡាជាតិពួកគេទៀតផង។ ប្រធានសហព័ន្ធដដែលបានសម្ដែងការសោកស្ដាយ ចំពោះករណីកីឡាករជម្រើសជាតិទាំង ២រូបដែលទទួលស្គាល់ការប្រើប្រាស់សារធាតុហាមឃាត់ដោយចេតនា បណ្ដាលឲ្យកីឡាកាយវប្បកម្មត្រូវបានដកសិទ្ធពីការប្រកួតស៊ីហ្គេម។ យ៉ាងណាក្ដីក៏លោកប្ដេជ្ញា និងជំរុញឲ្យកីឡាករផ្សេងៗពួតដៃគ្នា បន្ដការខិតខំប្រឹងប្រែងត្រៀមចូលរួមប្រកួតអន្ដរជាតិនានា ដើម្បីលើកមុខមាត់កីឡាកាយវប្បកម្មកម្ពុជាលើឆាកអន្ដរជាតិជាថ្មីផងដែរ។ គួរដឹងថា ការប្រើប្រាស់សារធាតុហាមឃាត់ក្នុងវិស័យកីឡាត្រូវបានហាមឃាត់ដាច់ខាត ពិសេសប្រមុខរាជរដ្ឋាភិបាលកម្ពុជាបានជំរុញឲ្យយកចិត្តទុកដាក់ខ្ពស់លើការងារនេះ។ ដើម្បីចៀសវាងនូវបញ្ហាណាមួយកើតឡើងក្នុងស៊ីហ្គេម ម្ចាស់ផ្ទះកម្ពុជាក៏បានសម្រេចដកកីឡាកាយវប្បកម្មពីស៊ីហ្គេមឆ្នាំ២០២៣ តែម្ដង។ យ៉ាងណាមិញក្នុងនាមសហព័ន្ធ លោក តឹក ប៊ុនវី បានទទួលស្គាល់នូវការដកសិទ្ធនេះ ប៉ុន្ដែលោកបានសំណូមពរឲ្យកីឡាករ-កីឡាការិនីទាំងអស់ កុំបោះបង់ការខំប្រឹងត្រូវបន្ដការហ្វឹកហាត់ ដោយគោរពច្បាប់សហព័ន្ធឲ្យបានត្រឹមត្រូវ ដើម្បីមានឱកាសចូលរួមប្រកួតអន្ដរជាតិផ្សេងៗនាពេលខាងមុខ៕អត្ថបទ៖ លី ឈុនឡា

អត្តពលកម្មបើកវគ្គបណ្ដុះបណ្ដាលអាជ្ញាកណ្ដាល-ចៅក្រមអន្ដរជាតិកម្រិត១

អត្តពលកម្ម៖ សហព័ន្ធខ្មែរកីឡាអត្តពលកម្មបានបើកវគ្គបណ្ដុះបណ្ដាលមន្ដ្រីបច្ចេកទេស អាជ្ញាកណ្ដាល-ចៅក្រមអន្ដរជាតិកម្រិត ១ ឆ្នាំ២០២៣ ដើម្បីបង្កើនធនធានមន្ដ្រីបច្ចេកទេស និងឆ្លើយតបតម្រូវការជាក់ស្ដែងនៃការប្រកួតប្រចាំឆ្នាំ ទាំងថ្នាក់ជាតិ និងអន្ដរជាតិនានា។ លោក បូរ ពុធរាត្រី អគ្គលេខាធិការសហព័ន្ធបានគូសបញ្ជាក់ថា វគ្គនេះមានរយៈពេល ៥ថ្ងៃចាប់ពីថ្ងៃទី២០ ដល់ថ្ងៃទី២៤ ខែកុម្ភៈដោយមានសិក្ខាកាមចូលរួមសរុប ៥០នាក់។ លោកថា វគ្គនេះពិតជាចាំបាច់ត្រូវរៀបចំដើម្បីធានាការរៀបចំប្រកបដោយនិរន្ដភាព ដ្បិតកីឡាអត្តពលកម្មមានវិញ្ញាសាជាច្រើនត្រូវប្រកួត។សូមបញ្ជាក់ថា វគ្គបណ្ដុះបណ្ដាលមន្ដ្រីបច្ចេកទេស អាជ្ញាកណ្ដាល-ចៅក្រមកីឡាអត្តពលកម្មអន្ដរជាតិកម្រិត១ ឆ្នាំ២០២៣ នេះរៀបចំឡើងក្រោមគម្រោងថវិការបស់រាជរដ្ឋាភិបាល តាមរយៈក្រសួងអប់រំ យុវជន និងកីឡា ហើយគ្រូឧទ្ទេសប្រចាំវគ្គនេះគឺលោក Cuddikota Valson ប្រធានបច្ចេកប្រចាំកីឡាអត្តពលកម្មប្រចាំតំបន់អាស៊ី និងជាសមាជិកមន្ត្រីបច្ចេកទេសកីឡាអត្តពលកម្មពិភពលោកផងដែរ៕អត្ថបទ៖ លី ឈុនឡា

Robert Milkins ឈ្នះ Shaun Murphy លើកពានស្នូកឃ័រ Welsh Open

ស្នូកឃ័រ៖ កីឡាករស្នូកឃ័រអង់គ្លេស Robert Milkins បានគ្រងជើងឯកពានរង្វាន់ Welsh Open ក្រោយយកឈ្នះ Shaun Murphy នៅវគ្គផ្តាច់ព្រ័ត្រ ៩-៧ហ្វ្រេមដើម្បីលើកពានស្នូកឃ័រ Ranking លើកទី២ ក្នុងអាជីព។ ការប្រកួតវគ្គផ្តាច់ព្រ័ត្រមានការតានតឹងបន្ទាប់ពី Shaun Murphy តាមស្មើ ៥-៥ហ្វ្រេម មុនពេលដែល Robert Milkins យកឈ្នះ ៤ហ្វ្រេមជាប់គ្នាដើម្បីគ្រងជើងឯកលើកទី២ ក្នុងអាជីព បន្ទាប់ពីឈ្នះពានដំបូងឆ្នាំមុនកម្មវិធី Gibraltar Open។ ជើងឯក Welsh Open នេះ Robert Milkins ទទួលបានប្រាក់រង្វាន់ ៨០,០០០ផោន។ លើសពីនេះ Milkins បានទទួលប្រាក់រង្វាន់ដាច់ដោយឡែក ច្រើនជាងប្រាក់ជើងឯកទៅទៀតគឺប្រាក់រង្វាន់របស់ BetVictor ចំនួន ១៥០,០០០ផោនបន្ទាប់ពីឈរលេខ ១ ក្នុងការប្រកួត ៨ប្រកួតជាប់គ្នា។ នេះជាការទទួលប្រាក់រង្វាន់បានច្រើនបំផុតក្នុងអាជីពរបស់ Robert Milkins បន្ទាប់ពីធ្លាប់ទទួលបានប្រាក់រង្វាន់ ១៣៩,០០០ផោន ក្រោយឈ្នះពាន Gibraltar Open ឆ្នាំមុនឡើងមកឈរលំដាប់ Top 16 ក្នុងតារាងចំណាត់ថ្នាក់ពិភពលោកនៅពេលនោះ៕អត្ថបទ៖នាង សុភាវុធ

សាកសពរបស់ Christian Atsu ត្រូវបានរកឃើញក្រោមគំនរអគារដែលដួលរលំដោយសាររញ្ជួយដីនៅទួកគី

បាល់ទាត់៖ អតីតកីឡាករបាល់ទាត់ដែលធ្លាប់ប្រកបអាជីពនៅក្របខណ្ឌ English Premier League, Christian Atsu ត្រូវបានគេរកឃើញសាកសពក្រោមអគារដែលដួលរលំដោយសាររញ្ជួយដីនៅទួកគី។ កីឡាករជំរើសជាតិហ្កាណាវ័យ ៣១ឆ្នាំរូបនេះស្ថិតក្នុងគេហដ្ឋានរបស់ខ្លួន អំឡុងពេលនៃគ្រោះរញ្ជួយដីកាលពី ២សប្តាហ៍មុន ហើយក៏ត្រូវសង្កត់ដោយគំនរផ្ទះដែលដួលរលំនោះ។ តាំងពីហេតុការណ៍រញ្ជួយដីកម្រិត ៧.៨រិចឆ្ទ័រមិនធ្លាប់មាននៅទីក្រុង Antakya ខេត្ត Hatay ប្រទេសទួកគី Christian Atsu ក៏បានបាត់ខ្លួន និងត្រូវបានគេសង្ស័យថាបាត់បង់ជីវិតបាត់ទៅហើយ។ នេះជាដំណឹងដ៏អកុសល និងសោកសង្រេងមួយសម្រាប់គ្រួសារបាល់ទាត់ទាំងមូល ខណៈការប្រកួតនៅ English Premier League កាលពីថ្ងៃសៅរ៍រវាង Newcastle និង Liverpool ក៏មានការគោរពវិញ្ញាណក្ខន្ធរបស់ Atsu និងអ្នកបាត់បង់ជីវិតផ្សេងទៀតប្រមាណជាង ៤ម៉ឺននាក់។ Atsu បានស៊ុតបញ្ចូលទីគ្រាប់ជ័យជំនះនៅនាទីទី៩០+៧ នៅក្របខណ្ឌលីគកំពូលទួកគីឱ្យក្រុមបាល់ទាត់ Hatayspor ឈ្នះលើ Kasimpasa ១-០ តែបានប៉ុន្មានម៉ោងក្រោយមកក៏ត្រូវបានគេរាយការណ៍ថាបាត់ខ្លួន បន្ទាប់ពីហេតុការណ៍រញ្ជួយដីកំរិត ៧.៨រិចឆ្ទ័រដែលបានលេបត្របាក់អគារស្នាក់មួយចំនួនធំនៅព្រំដែនទួកគី និងប្រទេសស៊ីរី។ រំលឹកថា Christian Atsu បច្ចុប្បន្នវ័យ ៣១ឆ្នាំធ្លាប់ចំណាយពេលលេងនៅ Premier League ជាមួយ Newcastle និង Everton ហើយក៏ធ្លាប់ផ្លាស់ទៅ Chelsea ក្នុងកិច្ចសន្យាខ្ចី មុនផ្លាស់ទៅកាន់ Hatayspor កាលពីខែកញ្ញាឆ្នាំមុន៕អត្ថបទ៖នាង សុភាវុធ

លីគអាល្លឺម៉ង់កំពុងតានតឹងក្រោយ ៣ក្រុមកំពូលតារាងមានពិន្ទុស្មើគ្នា

បាល់ទាត់៖ ការប្រកួតបាល់ទាត់ក្របខណ្ឌលីគកំពូលអាល្លឺម៉ង់ Bundesliga កាន់តែតានតឹង បន្ទាប់ពីក្រុមកំពូលតារាងទាំង៣ មានពិន្ទុស្មើគ្នាក្រោយលេងបាន ២១ប្រកួតដូចគ្នា។ ការប្រកួតថ្ងៃអាទិត្យម្សិលមិញក្រុមកំពុងឡើងជើង Borussia Dortmund បានយកឈ្នះ Hertha Berlin ៤-១។ Karim Adeyemi បញ្ជូនមួយគ្រាប់ ស៊ុតបានមួយគ្រាប់ បូករួមទាំង ៣គ្រាប់ទៀតដោយ Donyell Malen, Marco Reus និង Julian Brandt ធ្វើឱ្យ Dortmund ឈ្នះ ៦ប្រកួតជាប់គ្នានៅក្នុងលីគឡើងមកឈរលេខ២ ក្នុងតារាងមាន ៤៣ពិន្ទុ។ ក្រុមកំពូលតារាងនៅតែ Bayern Munich ទោះបីក្រុមការពារជើងឯកមួយនេះចាញ់នៅទឹកដី Monchengladbach ៣-២ ក៏ដោយកាលពីថ្ងៃសៅរ៍។ ការប្រកួតកាលពីថ្ងៃសៅរ៍នោះ Dayot Upamecano លេងបានត្រឹម ៨នាទីក៏ទទួលបានកាតក្រហមធ្វើឱ្យ Bayern Munich ត្រូវលេងមានគ្នាត្រឹម ១០នាក់។ ចំណែកក្រុមលេខ៣ ដែលមាន ៤៣ពិន្ទុដែរនោះគឺ Union Berlin បានខកខាន ៣ពិន្ទុក្រោយស្មើក្រុមបាតតារាង Schalke ០-០ ថ្ងៃអាទិត្យម្សិលមិញ។ នេះជាប្រកួតដំបូងដែល Union Berlin បាត់បង់បីពិន្ទុនៅក្នុងឆ្នាំ២០២៣ នេះ បន្ទាប់ពីឈ្នះ ៦ប្រកួតរួចមកហើយនៅគ្រប់ក្របខណ្ឌក្នុងឆ្នាំ២០២៣ នេះ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ការវាយប្រហាររបស់អ៊ីស្រាអែល បណ្តាលឱ្យមានការបំផ្លាញយ៉ាងខ្លាំងនៅទូទាំងតំបន់ហ្កាហ្សា

ក្រុមការងារចុះមូលដ្ឋានខណ្ឌ៧មករា បាននាំយកទៀនព្រះវស្សាប្រគេនព្រះសង្ឈគង់ចាំវស្សានៅវត្តទាំង០៣ នៃមូលដ្ឋានខណ្ឌ៧មករា

លោកTrump៖ សហរដ្ឋអាមេរិក ពុំបានព្រមព្រៀងឱ្យអ៊ុយក្រែនផលិតមីស៊ីលប៉ាទ្រីយ៉ូតទេ

ប្រជាជនហៃទីចុះឈ្មោះបោះឆ្នោតប្រធានាធិបតីលើកដំបូងរបស់ប្រទេសក្នុងពេល១ទសវត្សរ៍កន្លងទៅនេះ

មនុស្សរាប់ពាន់នាក់ប្រមូលផ្តុំគ្នានៅទីក្រុងគីវ ដោយអំពាវនាវឱ្យរដ្ឋមន្ត្រីការពារជាតិត្រឡប់ទៅដឹកនាំវិញ

នាយករដ្ឋមន្ត្រីលីបង់ ចាត់ទុកការវាយប្រហារចុងក្រោយរបស់អ៊ីស្រាអែលថា ជាការរំលោភយ៉ាងជាក់ស្តែងលើអធិបតេយ្យភាព

អ៊ីរ៉ង់ ព្រមានថាការបិទផ្លូវទឹករបស់សហរដ្ឋអាមេរិក ប្រឈមនឹងការរំខានដល់ថាមពលសកល

អ្នករាយការណ៍ពិសេសរបស់អង្គការសហប្រជាជាតិ កោតសរសើរយុទ្ធនាការបង្ក្រាបឧក្រិដ្ឋកម្មឆបោកតាមប្រព័ន្ធអ៊ីនធឺណិតរបស់កម្ពុជា

មន្ត្រីក្រុមហាម៉ាស៖ អ៊ីស្រាអែលត្រូវតែអនុម័តកិច្ចព្រមព្រៀងរបស់លោក Trump មុនពេលដែលក្រុមហាម៉ាសអនុវត្ត

ជនភៀសខ្លួនមកពីម៉ារ៉ុក ត្អូញត្អែរពីភាពអត់ឃ្លាននិងអំពើហិង្សានៅដែនដីអេស្ប៉ាញ បន្ទាប់ពីប្រញាប់ប្រញាល់ឆ្លងព្រំដែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ជើងឯកតុងហ្គីលម៉ូដូថ្នាក់ជាតិបញ្ចប់ដោយជោគជ័យ ខណៈក្លិបបាក់ទូកឈ្នះមេដាយច្រើនជាងគេ

គុនខ្មែរបើកវគ្គបណ្ដុះបណ្ដាលអាជ្ញាកណ្ដាល-ចៅក្រមកម្រិតបឋមលើកដំបូង

CAMSOC ទទួលបានដៃគូ ២បន្ថែមដើម្បីគាំទ្រការរៀបចំស៊ីហ្គេម-អាស៊ានប៉ារ៉ាហ្គេម២០២៣

ប្រធានក្លិប Liverpool ច្រានចោលពីការប្រកាសលក់ក្លិប

U22 កម្ពុជានឹងប្រមូលផ្ដុំហ្វឹកហាត់ជាប់ចាប់ពីចុងខែនេះរហូតដល់ស៊ីហ្គេមឆ្នាំ២០២៣

ប្រធានសហព័ន្ធកាយវប្បកម្មប្ដេជ្ញាបន្ដខំប្រឹងអភិវឌ្ឍន៍ ដើម្បីមុខមាត់កម្ពុជាលើឆាកអន្ដរជាតិ

អត្តពលកម្មបើកវគ្គបណ្ដុះបណ្ដាលអាជ្ញាកណ្ដាល-ចៅក្រមអន្ដរជាតិកម្រិត១

Robert Milkins ឈ្នះ Shaun Murphy លើកពានស្នូកឃ័រ Welsh Open

សាកសពរបស់ Christian Atsu ត្រូវបានរកឃើញក្រោមគំនរអគារដែលដួលរលំដោយសាររញ្ជួយដីនៅទួកគី

លីគអាល្លឺម៉ង់កំពុងតានតឹងក្រោយ ៣ក្រុមកំពូលតារាងមានពិន្ទុស្មើគ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ជើងឯក​តុង​ហ្គី​ល​ម៉ូ​ដូ​ថ្នាក់ជាតិ​បញ្ចប់​ដោយ​ជោគជ័យ ខណៈ​ក្លិប​បាក់​ទូក​ឈ្នះ​មេដាយ​ច្រើនជាងគេ​

គុន​ខ្មែរ​បើក​វគ្គ​បណ្ដុះបណ្ដាល​អាជ្ញាកណ្ដាល​-​ចៅក្រម​កម្រិត​បឋម​លើកដំបូង​

CAMSOC ​ទទួលបាន​ដៃគូ ២​បន្ថែម​ដើម្បី​គាំទ្រ​ការរៀបចំ​ស៊ី​ហ្គេម​-​អាស៊ាន​ប៉ា​រ៉ា​ហ្គេម​២០២៣

ប្រធាន​ក្លិប Liverpool ច្រានចោល​ពី​ការប្រកាស​លក់​ក្លិប

U22 ​កម្ពុជា​នឹង​ប្រមូលផ្ដុំ​ហ្វឹកហាត់​ជាប់​ចាប់ពី​ចុងខែ​នេះ​រហូតដល់​ស៊ី​ហ្គេម​ឆ្នាំ​២០២៣

ប្រធាន​សហព័ន្ធ​កាយ​វប្បកម្ម​ប្ដេជ្ញា​បន្ដ​ខំប្រឹង​អភិវឌ្ឍន៍ ដើម្បី​មុខមាត់​កម្ពុជា​លើ​ឆាក​អន្ដរជាតិ

អត្តពលកម្ម​បើក​វគ្គ​បណ្ដុះបណ្ដាល​អាជ្ញាកណ្ដាល​-​ចៅក្រម​អន្ដរជាតិកម្រិត​១

Robert Milkins ឈ្នះ Shaun Murphy លើក​ពាន​ស្នូកឃ័រ Welsh Open

សាកសព​របស់ Christian Atsu ត្រូវបាន​រកឃើញ​ក្រោម​គំនរ​អគារ​ដែល​ដួលរលំ​ដោយសារ​រញ្ជួយ​ដី​នៅ​ទួ​ក​គី​

លី​គ​អាល្លឺម៉ង់​កំពុង​តានតឹង​ក្រោយ ៣ក្រុម​កំពូល​តារាង​មាន​ពិន្ទុ​ស្មើគ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជើងឯកតុងហ្គីលម៉ូដូថ្នាក់ជាតិបញ្ចប់ដោយជោគជ័យ ខណៈក្លិបបាក់ទូកឈ្នះមេដាយច្រើនជាងគេ

គុនខ្មែរបើកវគ្គបណ្ដុះបណ្ដាលអាជ្ញាកណ្ដាល-ចៅក្រមកម្រិតបឋមលើកដំបូង

CAMSOC ទទួលបានដៃគូ ២បន្ថែមដើម្បីគាំទ្រការរៀបចំស៊ីហ្គេម-អាស៊ានប៉ារ៉ាហ្គេម២០២៣

ប្រធានក្លិប Liverpool ច្រានចោលពីការប្រកាសលក់ក្លិប

U22 កម្ពុជានឹងប្រមូលផ្ដុំហ្វឹកហាត់ជាប់ចាប់ពីចុងខែនេះរហូតដល់ស៊ីហ្គេមឆ្នាំ២០២៣

ប្រធានសហព័ន្ធកាយវប្បកម្មប្ដេជ្ញាបន្ដខំប្រឹងអភិវឌ្ឍន៍ ដើម្បីមុខមាត់កម្ពុជាលើឆាកអន្ដរជាតិ

អត្តពលកម្មបើកវគ្គបណ្ដុះបណ្ដាលអាជ្ញាកណ្ដាល-ចៅក្រមអន្ដរជាតិកម្រិត១

Robert Milkins ឈ្នះ Shaun Murphy លើកពានស្នូកឃ័រ Welsh Open

សាកសពរបស់ Christian Atsu ត្រូវបានរកឃើញក្រោមគំនរអគារដែលដួលរលំដោយសាររញ្ជួយដីនៅទួកគី

លីគអាល្លឺម៉ង់កំពុងតានតឹងក្រោយ ៣ក្រុមកំពូលតារាងមានពិន្ទុស្មើគ្នា