BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

រដ្ឋបាលខេត្ដព្រះសីហនុត្រៀមខ្លួនជាស្រេចក្នុងការរៀបចំទទួលស្វាគមន៍ប្រតិភូកីឡាប្រកួតស៊ីហ្គេម

ស៊ីហ្គេម៖ នៅសល់ប្រមាណជាង ៧០ថ្ងៃទៀត កម្ពុជាធ្វើជាម្ចាស់ផ្ទះស៊ីហ្គេមលើកទី៣២ គិតត្រឹមថ្ងៃនេះ ចំពោះមុខរដ្ឋបាលខេត្ដព្រះសីហនុបានត្រៀមខ្លួនជាស្រេច ក្នុងការទទួលស្វាគមន៍ប្រតិភូកីឡាប្រណាំងទូកក្ដោង ម៉ូតូទឹក និងកីឡាបាល់ទះលើឆ្នេរខ្សាច់ ប៉ុន្តែគេហាក់ដូចជាមិនទាន់ឃើញផ្ទាំងផ្សព្វផ្សាយស៊ីហ្គេមត្រូវបានលើក ដើម្បីផ្សព្វផ្សាយជូនប្រជាពលរដ្ឋក្នុងខេត្ត ក៏ដូចជាភ្ញៀវទេសចរណ៍ជាតិ និងអន្តរជាតិឱ្យបានដឹងទូលំទូលាយនៅឡើយ។ទាក់ទិនទៅនឹងការរៀបចំនេះ ភ្នាក់ងារទូរទស្សន៍ ប៊ីធីវី បានព្យាយាមស្នើសុំព័ត៌មានពីលោក ឃាង ភារម្យ អ្នកនាំពាក្យសាលាខេត្ដព្រះសីហនុមិនទាន់បាន តែលោក ឡុង ឌីម៉ង់ អភិបាលរងខេត្ដ និងជាអ្នកនាំពាក្យសាលាខេត្ដព្រះសីហនុប្រាប់ឱ្យដឹងថា លោកកំពុងបំពេញបេសកកម្មនៅបរទេស ចំពោះការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅខេត្ដព្រះសីហនុ រដ្ឋបាលខេត្ដព្រះសីហនុ បានត្រៀមខ្លួនជាស្រេចក្នុងការរៀបចំទទួលស្វាគមន៍ ចំពោះការប្រកួតកីឡានេះ។ “យើងជាម្ចាស់ផ្ទះក្នុងការប្រកួតកីឡាស៊ីហ្គេមចំនួន៣ ប្រភេទកីឡា គឺ១-កីឡាម៉ូតូទឹក ២-កីឡាទូកក្តោង និង៣-កីឡាបាល់ទះលើកឆ្នេរខ្សាច់”។លោកបញ្ជាក់បន្ថែមថា កីឡាទាំង ៣ប្រភេទពុំមានកីឡាករខេត្តព្រះសីហនុទេ ក្នុងនាមម្ចាស់ផ្ទះ រដ្ឋបាលខេត្តមានតួនាទីចង្អុលទីកន្លែងប្រកួត និងអមដំណើរចុះពិនិត្យសម្រេចជាមួយគណៈកម្មការអូឡាំពិក និងមានភារកិច្ចសម្របសម្រួលសន្តិសុខ សណ្តាប់ធ្នាប់ ព្រមទាំងចង្អុលកន្លែងស្នាក់នៅ ហូបចុក។ល៕

ប្រធានសហព័ន្ធទាញព្រ័ត្រប្តេជ្ញាបញ្ចូលវិញ្ញាសាកីឡាទាញព្រ័ត្រក្នុងការប្រកួតស៊ីហ្គេមនៅពេលខាងមុខ

ទាញព្រ័ត្រ៖ ប្រធានសហព័ន្ធកីឡាទាញព្រ័ត្រកម្ពុជាបានអំពាវនាវដល់ពលរដ្ឋ យុវជនឲ្យចូលរួមលេងកីឡាទាញព្រ័ត្រឲ្យបានផុលផុស និងបានស្នើដល់បណ្តាប្រទេសអាស៊ាន ដែលមានវប្បធម៌លេងកីឡាទាញព្រ័ត្រត្រូវខិតខំលើកតម្កើង ថែរក្សា និងអភិវឌ្ឍន៍ទាំងអស់គ្នា។ ហើយសហព័ន្ធប្តេជ្ញាថា នឹងបញ្ចូលវិញ្ញាសាទាញព្រ័ត្រនេះទៅក្នុងការប្រកួតកីឡាស៊ីហ្គេមនៅពេលខាងមុខឲ្យបាន។ ថ្លែងនៅក្នុងកម្មវិធីបិទវគ្គបណ្តុះបណ្តាលគ្រូបង្វឹក អាជ្ញាកណ្តាល កីឡាទាញព្រ័ត្រថ្នាក់ជាតិឆ្នាំ២០២២ ដែលចាប់ផ្តើមធ្វើពីថ្ងៃទី១៤ ដល់ថ្ងៃទី១៨ ខែកុម្ភៈ ឆ្នាំ២០២៣ នៅពហុកីឡដ្ឋានខេត្តកំពត ឯកឧត្តម មាស សារិន ទីប្រឹក្សាសម្តេចវិបុលសេនាភក្តី សាយ ឈុំ និងជាប្រធានសហព័ន្ធកីឡាទាញព្រ័ត្រកម្ពុជាបានលើកឡើងថា កីឡាទាញព្រ័ត្រត្រូវបានគេកាត់ចេញពីវិញ្ញាសាកីឡាអូឡាំពិកនៅឆ្នាំ១៩២០ ប៉ុន្តែបច្ចុប្បន្នកីឡាទាញព្រ័ត្រមាននៅក្នុងវិញ្ញាសាប្រកួតកីឡាពិភពលោកនៅឡើយ។ ដោយឡែកនៅកម្ពុជាកីឡាទាញព្រ័ត្របានកកើតនៅឆ្នាំ២០០៥ និងមានសកម្មភាពលេងទាំងថ្នាក់ក្រោមជាតិ ថ្នាក់ជាតិ និងអន្តរជាតិ។ ហើយកីឡាទាញព្រ័ត្រនេះត្រូវបានដាក់បញ្ចូលក្នុងបញ្ជីសម្បត្តិវប្បធម៌មនុស្សជាតិរបស់អង្គការយូនីស្កូនៅឆ្នាំ២០១៥។ ហើយដើម្បីលើកតម្កើង ថែរក្សា និងអភិវឌ្ឍកីឡាទាញព្រ័ត្រដែលជាកេរមរតកពីដូនតាកុំឲ្យបាត់បង់នោះ ឯកឧត្តមបានអំពាវនាវដល់ពលរដ្ឋ យុវជនចូលរួមលេងកីឡាទាញព្រ័ត្រឲ្យបានផុលផុស និងបានស្នើដល់បណ្តាប្រទេសនៅអាស៊ានដែលមានវប្បធម៌លេងកីឡាទាញព្រ័ត្រ ដូចជាប្រទេស ថៃ ឡាវ ហ្វីលីពិនជាដើមត្រូវប្រឹងប្រែងទាំងអស់គ្នា ព្រោះទៅថ្ងៃមុខសហព័ន្ធកីឡាទាញព្រ័ត្រកម្ពុជាប្តេជ្ញានឹងបញ្ចូលវិញ្ញាសាកីឡានេះ ចូលក្នុងការប្រកួតកីឡាស៊ីហ្គេមឲ្យបាន។ សិក្ខាកាមចូលរួមវគ្គបណ្តុះបណ្តាលគ្រូវបង្វឹក អាជ្ញាកណ្តាលកីឡាទាញព្រ័ត្រថ្នាក់ជាតិឆ្នាំ២០២២ សរុបចំនួន ៤០រូប (នារី ១៥រូប) មកពីអង្គភាពកីឡានរគបាលជាតិកម្ពុជា ក្រសួងការពារជាតិ មន្ទីរអប់រំ ខេត្តកំពត បាត់ដំបង កំពង់ស្ពឺ និងខេត្តកណ្តាល។ ហើយក្នុងកម្មវិធីនោះក៏មានការប្រកួតកីឡាទាញព្រ័ត្រយុវជន ៤ក្រុមសាកល្បងផងដែរដើម្បីប្រកួតជ្រើសរើសចំណាត់ថ្នាក់លេខ១ ដល់លេខ៣ ក្រោមការត្រួតពិនិត្យលក្ខណៈបច្ចេកទេសការប្រកួតពីលោក ស៊ូឆាត ជាស៊ុរ៉ាផាត់ ប្រធានកីឡាទាញព្រ័ត្រនៃព្រះរាជាណាចក្រថៃ និងអាជ្ញាកណ្តាលលោក គ្រីសាដា ផាតាណាសាប់ មកពីប្រទេសឡាវ៕

Marcus Rashford ក្លាយជាកីឡាករដំបូងស៊ុតបញ្ចូលទី ៧ប្រកួតជាប់គ្នាក្នុងផ្ទះឲ្យ Man United រាប់ពី Wayne Rooney

បាល់ទាត់៖ ខ្សែប្រយុទ្ធអង់គ្លេស Marcus Rashford បានក្លាយជាកីឡាកររបស់ក្រុមបិសាចក្រហម Manchester United ដំបូងបន្ទាប់ពី Wayne Rooney ដែលស៊ុតបញ្ចូលទី ៧ប្រកួតជាប់គ្នានៅ English Premier League នៅ Old Trafford បន្ទាប់ពីរកបាន ២គ្រាប់ទៀតយកឈ្នះ Leicester City ៣-០ យប់មិញ។ ពីរគ្រាប់របស់ Rashford យប់មិញជាគ្រាប់ទី ២៤ របស់គេក្នុងរដូវកាលនេះ។ ៧ប្រកួតជាប់គ្នាមកហើយនៅក្នុងទឹកដីដែល Rashford អាចរកគ្រាប់បាល់បាន ដែលស្ថិតិនេះធ្លាប់ធ្វើបានចុងក្រោយបំផុតដោយ Wayne Rooney កាលពីឆ្នាំ២០១០។ យ៉ាងណាក្តី Rashford នៅតាមពីក្រោយកំណត់ត្រារបស់ Cristiano Ronaldo នៅឡើយដែលធ្លាប់ស៊ុតបញ្ចូលទីនៅ Old Trafford ១០ប្រកួតជាប់គ្នា។ ទំរង់លេងឡើងល្អខ្លាំងពី Marcus Rashford ធ្វើឱ្យក្រុមរបស់លោក Erik ten Hag ស្ថិតក្នុងចំណាត់ថ្នាក់លេខ៣ ដែលដេញពីក្រោយ Manchester City ត្រឹម ៣ពិន្ទុ និងដេញពីក្រោយក្រុមកំពូលតារាង Arsenal ៥ពិន្ទុតែ Arsenal នៅសល់មួយប្រកួតនៅក្នុងដៃ៕អត្ថបទ៖នាង សុភាវុធ

ពានរង្វាន់ឯកឧត្តមបណ្ឌិត ហ៊ុន ម៉ាណែត លើកទី២ នៅត្បូងឃ្មុំមានលក្ខណៈពិសេសជាងមុន

បាល់ទាត់៖ ការប្រកួតបាល់ទាត់ដណ្ដើមពានរង្វាន់ឯកឧត្តមបណ្ឌិត ហ៊ុន ម៉ាណែត រដូវកាលទី២ ឆ្នាំ២០២៣ បានបើកការប្រកួតជាផ្លូវការហើយនៅថ្ងៃទី១៩ ខែកុម្ភៈម្សិលមិញដោយមានបេក្ខភាពចូលរួមសរុប ៤២ក្រុមចូលរួមនៅទីលានពោធិ៍រោងលើ ស្ថិតនៅភូមិពោធិរោងលើ ឃុំកោងកាង ស្រុកពញាក្រែក ខេត្តត្បូងឃ្មុំ។ ពិធីបើកការប្រកួតនេះបានធ្វើឡើងក្រោមវត្តមានឯកឧត្តម គង់ រ័ត្នមុនី អភិបាលរងខេត្តត្បូងឃ្មុំ។ លោក នៅ សារី អគ្គនាយកក្រុមហ៊ុនអាហ្ស៊ី ម៉ះរ៉បើ និងជាអ្នកផ្ដួចផ្ដើមគំនិតរៀបចំការប្រកួតនេះបានឲ្យដឹងថា គោលបំណងសំខាន់នៃពានរង្វាន់មហាជននេះ ទី១-ដើម្បីគាំទ្រឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ដ្រីនាថ្ងៃអនាគត និងទី២-ដើម្បីចូលរួមចំណែកអភិវឌ្ឍន៍វិស័យកីឡាជាតិ ពិសេសក្នុងខេត្ដត្បូងឃ្មុំ ជាក់ស្ដែងឆ្នាំនេះការប្រកួតខុសប្លែកពីលើកដំបូង ដោយគណៈកម្មការបានសម្រេចរៀបចំនូវពានយុវជន U13, U15, U18 និងពានរង្វាន់វ័យចាស់ ក្រៅពីពានរង្វាន់សម្រាប់មនុស្សពេញវ័យទៀតផង។ ទន្ទឹមជាមួយគ្នា ឯកឧត្តម គន់ រ័ត្នមុនី បានកោតសរសើរ និងវាយតម្លៃខ្ពស់ចំពោះគណៈកម្មការរៀបចំ ក៏ដូចជាក្រុមបាល់ទាត់ចូលរួមទាំងអស់ដែលជំរុញឲ្យព្រឹត្តិការណ៍នេះលេចចេញជារូបរៀង និងផ្ដល់ឱកាសឲ្យប្រជាពលរដ្ឋ ក៏ដូចជាយុវជនបានចូលរួមលេងកីឡា ដែលជាគុណតម្លៃមួយដ៏សំខាន់ ក្នុងការរួមចំណែកកាត់បន្ថយភាពអសកម្ម និងអំពើអបាយមុខក្នុងសង្គម។ មិនតែប៉ុណ្ណោះ កីឡាថែមទាំងរួមចំណែកកសាងធនធានមនុស្សឲ្យក្លាយជាពលរដ្ឋល្អ សិស្សល្អ និងមិត្តល្អ ដើម្បីរួមចំណែកអភិវឌ្ឍន៍សង្គមជាតិទៀតផង។ សូមបញ្ជាក់ថា ការប្រកួតបាល់ទាត់ដណ្ដើមពានរង្វាន់ឯកឧត្តមបណ្ឌិត ហ៊ុន ម៉ាណែត រដូវកាលទី២ ឆ្នាំ២០២៣ គឺ ៥កម្រិតផ្សេងគ្នា ក្នុងនោះការប្រកួតបាល់ទាត់មហាជនផ្នែកបុរសលេខ១ ទទួលបាន ២៨លានរៀល, លេខ២ ទទួលបាន ២០លានរៀល, លេខ៣ ទទួលបាន ១២លានរៀល និងលេខ៤ ទទួលបាន ៨លានរៀល។ ក្រៅពីនេះក៏មានការប្រកួតពានរង្វាន់មហាជនផ្នែកនារី, ក្រុមបាល់ទាត់មហាជនវ័យចំណាស់, ជើងឯកយុវជនអាយុក្រោម ១៣ឆ្នាំ និងជើងឯកអាយុក្រោម ១៥ឆ្នាំ ដោយការប្រកួតទាំងមូលគ្រោងនឹងបញ្ចប់នាថ្ងៃទី០៧ ខែមីនា ឆ្នាំ២០២៣ ខាងមុខ៕ អត្ថបទ៖ លី ឈុនឡា

ប្រធានខេមរសហព័ន្ធតេក្វាន់ដូ WT ជំរុញរៀបចំការងារសេសសល់ ដើម្បីត្រៀមស៊ីហ្គេមឆ្នាំ២០២៣

តេក្វាន់ដូ៖ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ដ្រីក្រសួងអប់រំ យុវជន និងកីឡា និងជាប្រធានខេមរសហព័ន្ធតេក្វាន់ដូ WT ជំរុញឲ្យអគ្គលេខាធិការសហព័ន្ធ រួមជាមួយគណៈកម្មាធិការប្រតិបត្តិត្រូវពន្លឿនរៀបចំការងារសេសសល់ ដើម្បីត្រៀមលក្ខណៈសម្បត្តិឲ្យបានរួចរាល់ និងទាន់ពេល សម្រាប់ការប្រកួតកីឡាស៊ីហ្គេមលើកទី៣២ ក្នុងនាមម្ចាស់ផ្ទះនាខែឧសភា ឆ្នាំ២០២៣ ខាងមុខ។ ការថ្លែងបែបនេះធ្វើឡើងក្នុងសន្និបាតបូកសរុបលទ្ធផលការងារប្រចាំឆ្នាំ២០២២ និងលើកទិសដៅអនុវត្តបន្ដឆ្នាំ២០២៣ នៅសាលប្រជុំនៃមជ្ឈមណ្ឌលជាតិហ្វឹកហ្វឺនកីឡាកាលពីថ្ងៃទី១៩ ខែកុម្ភៈ ឆ្នាំ២០២៣ ម្សិលមិញ។ ឯកឧត្តមរដ្ឋមន្ដ្រីបានធ្វើការវាយតម្លៃខ្ពស់ កិច្ចខិតខំរបស់ថ្នាក់ដឹកនាំ គ្រូបង្វឹក និងកីឡាករ-កីឡាការិនីទាំងអស់សម្រាប់ឆ្នាំ២០២២ បន្ទាប់ពីធូរស្រាលនូវជំងឺកូវីដ-១៩។ យ៉ាងណាក្ដីភារកិច្ចដ៏សំខាន់ចំពោះមុខ គឺឯកឧត្តមបានជំរុញឲ្យគ្រប់ភាគីពាក់ព័ន្ធត្រូវយកចិត្តទុកដាក់លើការរៀបចំ និងត្រៀមធ្វើម្ចាស់ផ្ទះការប្រកួតកីឡាស៊ីហ្គេមឆ្នាំ២០២៣។ ឯកឧត្តមបណ្ឌិតសភាចារ្យ ហង់ជួន ណារ៉ុន បានគូសបញ្ជាក់ថា នៅសល់ជាង ៧០ថ្ងៃទៀតប៉ុណ្ណោះ ស៊ីហ្គេមលើកទី៣២ នឹងមកដល់ ដូច្នេះត្រូវរៀបចំផែនការសកម្មភាពឆ្ពោះទៅស៊ីហ្គេមឲ្យបានច្បាស់លាល់ថា តើត្រូវធ្វើអ្វី? ខ្វះខាតអ្វី? ដើម្បីរាយការណ៍ជូណគណៈកម្មាធិការជាតិ CAMSOC ក្នុងន័យពន្លឿនការងារទាំងនោះឲ្យបានរួចរាល់ និងទាន់ពេលវេលា ។ ក្នុងនាមប្រធានសហព័ន្ធ ឯកឧត្តមសង្ឃឹមយ៉ាងមុតមាំថា គណៈកម្មាធិការប្រតិបត្តិក៏ដូចជាកីឡាករ-កីឡាការិនីតេក្វាន់ដូ WT ទាំងអស់នឹងសម្រេចបាននូវជោគជ័យដ៏ត្រចះត្រចង់ ក្នុងព្រឹត្តិការណ៍ជាប្រវត្តិសាស្ដ្រលើកដំបូងដែលកម្ពុជារង់ចាំអស់រយៈពេល ៦៤ឆ្នាំនេះ ទាំងការរៀបចំការប្រកួត និងការដណ្ដើមមេដាយជូនជាតិជាដើម៕អត្ថបទ៖ លី ឈុនឡា

Carlos Alcaraz ឈ្នះជើងឯកដំបូងក្រោយជាពីរបួសនៅអាហ្សង់ទីន

វាយកូនបាល់៖ កីឡាករវាយកូនបាល់លេខ២ ពិភពលោក Carlos Alcaraz បានគ្រងជើងឯកពានរង្វាន់ Argentina Open ដែលជាពានដំបូងក្នុងឆ្នាំ២០២៣ នេះក្រោយយកឈ្នះកីឡាករអង់គ្លេស Cameron Norrie នៅវគ្គផ្តាច់ព្រ័ត្រនៅទីក្រុង Buenos Aires ប្រទេសអាហ្សង់ទីន។ អតីតកីឡាករលេខ១ ពិភពលោកសញ្ជាតិអេស្ប៉ាញរូបនេះ ក៏បានបង្ហាញខ្លួនក្នុងការប្រកួតដំបូងរបស់ខ្លួនផងដែរ តាំងពីមានរបួសកាលពីខែវិច្ឆិកាឆ្នាំមុន។ Carlos Alcaraz បានយកឈ្នះកីឡាករអង់គ្លេស Cameron Norrie ដោយលទ្ធផល ២សិតផ្ទួនៗ ៦-៣ និង ៧-៥ ដើម្បីឈ្នះលើកទី៧ បូករួមទាំង Grand Slam, US Open ឆ្នាំមុន។ ចំណែក Cameron Norrie បានត្រឹមខកបំណងមិនអាចឈ្នះពាននៅក្របខណ្ឌ ATP Tour លើកទី៥ ក្នុងអាជីពរបស់ខ្លួនបាន។ ងាកទៅការប្រកួតកម្មវិធីផ្សេងទៀត កីឡាកររុស្សី Daniil Medvedev បានគ្រងជើងឯក Rotterdam Open នៅប្រទេសហូឡង់ ក្រោយយកឈ្នះកីឡាករអ៊ីតាលី Jannik Sinner ៥-៧ ៦-២ និង ៦-២ ដើម្បីលើកពានដំបូងរាប់ពីខែតុលាដែលឈ្នះចុងក្រោយបំផុតនៅកម្មវិធី Vienna Open ប្រទេសអូទ្រីស។ ជ័យជំនះនេះធ្វើឱ្យកីឡាកររុស្ស៊ីវ័យ ២៧ឆ្នាំរូបនេះដែលបច្ចុប្បន្នឈរលេខ១១ ពិភពលោក នឹងហក់ចូលក្នុងលំដាប់ Top 10 ថ្ងៃចន្ទនេះ៕អត្ថបទ៖នាង សុភាវុធ

ទោះចាញ់ ៣-០ តែក្រុមជម្រើសជាតិកម្ពុជាទទួលបានការសរសើរពីក្រុមបារាំង

បាល់ទះ៖ ក្រុមបាល់ទះជម្រើសជាតិកម្ពុជាបានបរាជ័យក្រោមថ្វីដៃក្រុមភ្ញៀវ U19 បារាំងដោយលទ្ធផល ៣-០សិត ក្នុងជំនួបមិត្តភាពអន្ដរជាតិនៅវិមានពហុកីឡដ្ឋានជាតិកាលពីល្ងាចថ្ងៃទី១៩ ខែកុម្ភៈម្សិលមិញ។ ការប្រកួតនេះបានធ្វើឡើងក្រោមវត្តមានឯកឧត្តមនាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ និងជាប្រធានសហព័ន្ធកីឡាបាល់ទះកម្ពុជា ហើយក៏មានការអញ្ជើញចូលរួមទស្សនាពីមន្ដ្រីទូតបារាំងប្រចាំប្រទេសកម្ពុជាផងដែរ។ ជំនួបមិត្តភាពអន្ដរជាតិជាមួយក្រុមយុវជនបារាំង ដែលជាប្រទេសមហាអំណាចបាល់ទះមួយលើពិភពលោកនេះ បានផ្ទុះការចាប់អារម្មណ៍ជាខ្លាំងពីអ្នកគាំទ្រដែលមានទស្សនាផ្ទាល់ប្រមាណ ៥ពាន់នាក់ រហូតធ្វើឲ្យប្រធានក្រុមជម្រើសជាតិ U19 បារាំង កីឡាករ Mathis Henno មានការភ្ញាក់ផ្អើល។ លើសពីនេះគេក៏បានកោតសរសើរចំពោះការលេងរបស់ក្រុមម្ចាស់ផ្ទះកម្ពុជាដែរ ទោះបីមានចំណុចខ្វះខាតមួយចំនួនត្រូវកែតម្រូវក៏ដោយ។ ដោយឡែកលោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានទទួលស្គាល់ពីកម្រិតគុណផលកើនឡើងរបស់កីឡាករកម្ពុជា ទោះបីចាញ់ក៏ពិតមែន។ តែយ៉ាងណាលោកបានចាត់ទុកនេះគឺជាបទពិសោធន៍មួយដ៏ល្អ សម្រាប់គ្រូ ក៏ដូចជាកីឡាករ ដែលត្រូវខិតខំប្រឹងប្រែងដុសខាតសមត្ថភាពបន្ថែម ដើម្បីត្រៀមការប្រកួតបន្ទាប់ឲ្យបានល្អ ពិសេសត្រៀមការប្រកួតកីឡាស៊ីហ្គេមឆ្នាំ២០២៣ នាពេលលខាងមុខ។ សូមបញ្ជាក់ថា សម្រាប់លទ្ធផលបច្ចេកទេសនៃជំនួបមិត្តភាពអន្ដរជាតិជើងទី១ រវាងក្រុមបាល់ទះជម្រើសជាតិកម្ពុជា និងក្រុម U19 បារាំង គឺក្រុមម្ចាស់ផ្ទះកម្ពុជាបានបរាជ័យក្នុងពិន្ទុ ២៣-២៥, ២១-២៥ និង ២៣-២៥។ បន្ទាប់ពីការប្រកួតនេះ ក្រុមទាំងពីរនឹងត្រូវជួបគ្នាម្ដងទៀតនាថ្ងៃទី២២ ខែកុម្ភៈខាងមុខនៅវិមានពហុកីឡដ្ឋានជាតិ (ស្ដាតអូឡាំពិក)ដដែល៕អត្ថបទ៖ លី ឈុនឡា

Maria Sakkari និង Jessica Pegula ឡើងវគ្គពាក់កណ្តាលផ្តាច់ព្រ័ត្រ Qatar Open

វាយកូនបាល់៖ កីឡាការិនីវាយកូនបាល់ក្រិក Maria Sakkari បានកក់កៅអីនៅវគ្គពាក់កណ្តាលផ្តាច់ព្រ័ត្រនៃការប្រកួតកម្មវិធី Qatar Open ក្រោយយកឈ្នះកីឡាការិនីបារាំង Caroline Garcia នៅថ្ងៃព្រហស្បតិ៍ម្សិលមិញនេះ។ Sakkari ត្រូវការពេលត្រឹម ៣៦នាទីប៉ុណ្ណោះដើម្បីយកឈ្នះសិតដំបូង ៦-២ មុនពេលដែល Caroline Garcia តាមស្មើវិញនៅសិតទីពីរ ៧-៦(៧-៥)។ ការប្រកួតសិតកាត់សេចក្តីក៏មានភាពតានតឹងដែរ តែកីឡាការិនីវ័យ ២៧ឆ្នាំ Maria Sakkari នៅតែអាចយកឈ្នះការប្រកួតបានដោយលទ្ធផល ៧-៦(៧-៥) វិញ។ ជ័យជំនះនេះធ្វើឱ្យបេក្ខភាពវគ្គពាក់កណ្តាលផ្តាច់ព្រ័ត្រ French Open និង US Open រូបនេះបន្តជួបជាមួយកីឡាការិនីអាមេរិក Jessica Pegula នៅវគ្គពាក់កណ្តាលផ្តាច់ព្រ័ត្រ។ Jessica Pegula បានកក់កៅអីវគ្គ ៤នាក់ចុងក្រោយជាមួយនឹងជ័យជំនះ ៦-៣ និង ៦-២ លើកីឡាការិនី Beatriz Haddad Maia ចំណាយពេល ៨៥នាទី៕អត្ថបទ៖នាង សុភាវុធ

អតីតខ្សែប្រយុទ្ធអេស្ប៉ាញ Fernando Llorente ប្រកាសចូលនិវត្តន៍ពីអាជីពបាល់ទាត់

បាល់ទាត់៖ អតីតខ្សែប្រយុទ្ធអេស្ប៉ាញ Fernando Llorente បានប្រកាសចូលនិវត្តន៍ពីអាជីពកីឡាករបាល់ទាត់ហើយនៅក្នុងវ័យ ៣៨ឆ្នាំ។ រយៈពេល ១៨ឆ្នាំនៃអាជីពជាកីឡាកររបស់ខ្លួន Fernando Llorente គឺជាផ្នែកមួយនៃក្រុមជម្រើសជាតិអេស្ប៉ាញដែលឈ្នះជើងឯក World Cup 2010 និង Euro 2012 ដោយធ្លាប់បង្ហាញខ្លួនសរុប ២៤លើករកបាន ៧គ្រាប់។ ជាមួយក្លិបអាជីព Fernando Llorente ធ្លាប់ជាកីឡាកររបស់ Athletic Bilbao, Sevilla, Juventus, Tottenham Hotspur និង Napoli ដែលរួមមានឈ្នះជើងឯក Serie A អ៊ីតាលី ៣លើក Italian Cup ២លើក និង UEFA Europa League ១លើក។ Llorente ក៏ធ្លាប់លេងឱ្យ Swansea ផងដែរ មុនពេលផ្លាស់ទៅ Spurs និងជួយ Spurs ឡើងវគ្គផ្តាច់ព្រ័ត្រ UEFA Champions League កាលពីឆ្នាំ២០១៩៕អត្ថបទ៖នាង សុភាវុធ

កីឡាករកម្រិតមធ្យម Daniel Wells ទម្លាក់កីឡាករលេខ៥ ពិភពលោក Judd Trump នៅ Welsh Open

ស្នូកឃ័រ៖ កីឡាករស្នូកឃ័រកម្រិតមធ្យម Daniel Wells បានធ្វើឱ្យមានការភ្ញាក់ផ្អើល ក្រោយទម្លាក់កីឡាករលំដាប់លេខ៥ ពិភពលោក Judd Trump នៅព្រឹត្តិការណ៍ស្នូកឃ័រ Welsh Open នៅប្រទេសវែល។ កីឡាករម្ចាស់ផ្ទះវែលវ័យ ៣៤ឆ្នាំបានវាយបកពីការនាំមុខ ២ហ្វ្រេមដំបូងដោយ Judd Trump រហូតយកឈ្នះ ៤ហ្វ្រេមផ្ទួនៗលើម្ចាស់ជើងឯក Masters។ យ៉ាងណាក្តី Daniel Wells ក៏បានធ្លាក់ត្រឹមវគ្គ ១៦នាក់ចុងក្រោយក្រោមសា្នដៃ Shaun Murphy។ ងាកមកលទ្ធផលផ្សេងទៀត កីឡាករលេខ១ ពិភពលោក Ronnier O’Sullivan បានបន្តដំណើរឡើងវគ្គ ៨នាក់ចុងក្រោយ បន្ទាប់ពីយកឈ្នះកីឡាករវ័យ ១៨ឆ្នាំប៊ែលហ្ស៊ិក Ben Mertens ៤-០ហ្វ្រេម។ ជុំបន្ត Ronnie O’Sullivan នឹងត្រូវជួបជាមួយកីឡាករចិនលំដាប់លេខ៤៩ ពិភពលោក Tian Pengfei ដែលបានទម្លាក់ជើងឯកពិភពលោក ៤សម័យ John Higgins ៤-១ហ្វ្រេម។ ងាកមកកីឡាករអង់គ្លេស Jack Lisowski បានរងបរាជ័យក្រោមស្នាដៃកីឡាករចិន Yuan Sijun ៤-១ហ្វ្រេម៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

វិស័យអប់រំបោះជំហានទៅមុខលើការបណ្ដុះយុវជនឱ្យខិតខំអភិវឌ្ឍជំនាញនិងការច្នៃប្រឌិតថ្មី

ក្រុមហ៊ូទី អះអាងថាបានបង្ខំឱ្យនាវាដឹកប្រេងអារ៉ាប៊ីសាអ៊ូឌីតចំនួន៨គ្រឿងផ្លាស់ប្តូរទិសដៅ

ទេសចរក្នុងស្រុកដាក់ផែនការទៅទស្សនាខេត្តសៀមរាប កំឡុងការបញ្ចុះតម្លៃសេវាស្នាក់រហូតដល់៥០%

រដ្ឋមន្រ្តីសុខាភិបាល «ការព្យាបាល និងស្ដារនីតិសម្បទាអ្នកញៀនគ្រឿងញៀន មិនមែនគ្រាន់តែជាការចូលរួមប្រយុទ្ធប្រឆាំងគ្រឿងញៀនប៉ុណ្ណោះទេ ប៉ុន្តែជាការចូលរួមអភិវឌ្ឍមូលធនមនុស្ស»

ជំនាញបច្ចេកទេសចំនួន៦ នៅវិទ្យាស្ថាន ITI ត្រូវនឹងទីផ្សារការងារទាំងពេលបច្ចុប្បន្ននិងអនាគត

ការវាយប្រហាររបស់អ៊ីស្រាអែល បណ្តាលឱ្យមានការបំផ្លាញយ៉ាងខ្លាំងនៅទូទាំងតំបន់ហ្កាហ្សា

ក្រុមការងារចុះមូលដ្ឋានខណ្ឌ៧មករា បាននាំយកទៀនព្រះវស្សាប្រគេនព្រះសង្ឈគង់ចាំវស្សានៅវត្តទាំង០៣ នៃមូលដ្ឋានខណ្ឌ៧មករា

លោកTrump៖ សហរដ្ឋអាមេរិក ពុំបានព្រមព្រៀងឱ្យអ៊ុយក្រែនផលិតមីស៊ីលប៉ាទ្រីយ៉ូតទេ

ប្រជាជនហៃទីចុះឈ្មោះបោះឆ្នោតប្រធានាធិបតីលើកដំបូងរបស់ប្រទេសក្នុងពេល១ទសវត្សរ៍កន្លងទៅនេះ

មនុស្សរាប់ពាន់នាក់ប្រមូលផ្តុំគ្នានៅទីក្រុងគីវ ដោយអំពាវនាវឱ្យរដ្ឋមន្ត្រីការពារជាតិត្រឡប់ទៅដឹកនាំវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

រដ្ឋបាលខេត្ដព្រះសីហនុត្រៀមខ្លួនជាស្រេចក្នុងការរៀបចំទទួលស្វាគមន៍ប្រតិភូកីឡាប្រកួតស៊ីហ្គេម

ប្រធានសហព័ន្ធទាញព្រ័ត្រប្តេជ្ញាបញ្ចូលវិញ្ញាសាកីឡាទាញព្រ័ត្រក្នុងការប្រកួតស៊ីហ្គេមនៅពេលខាងមុខ

Marcus Rashford ក្លាយជាកីឡាករដំបូងស៊ុតបញ្ចូលទី ៧ប្រកួតជាប់គ្នាក្នុងផ្ទះឲ្យ Man United រាប់ពី Wayne Rooney

ពានរង្វាន់ឯកឧត្តមបណ្ឌិត ហ៊ុន ម៉ាណែត លើកទី២ នៅត្បូងឃ្មុំមានលក្ខណៈពិសេសជាងមុន

ប្រធានខេមរសហព័ន្ធតេក្វាន់ដូ WT ជំរុញរៀបចំការងារសេសសល់ ដើម្បីត្រៀមស៊ីហ្គេមឆ្នាំ២០២៣

Carlos Alcaraz ឈ្នះជើងឯកដំបូងក្រោយជាពីរបួសនៅអាហ្សង់ទីន

ទោះចាញ់ ៣-០ តែក្រុមជម្រើសជាតិកម្ពុជាទទួលបានការសរសើរពីក្រុមបារាំង

Maria Sakkari និង Jessica Pegula ឡើងវគ្គពាក់កណ្តាលផ្តាច់ព្រ័ត្រ Qatar Open

អតីតខ្សែប្រយុទ្ធអេស្ប៉ាញ Fernando Llorente ប្រកាសចូលនិវត្តន៍ពីអាជីពបាល់ទាត់

កីឡាករកម្រិតមធ្យម Daniel Wells ទម្លាក់កីឡាករលេខ៥ ពិភពលោក Judd Trump នៅ Welsh Open

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Marcus Rashford ក្លាយជា​កីឡាករ​ដំបូង​ស៊ុត​បញ្ចូល​ទី ៧ប្រកួត​ជាប់​គ្នា​ក្នុង​ផ្ទះ​ឲ្យ Man United រាប់​ពី Wayne Rooney

​ពានរង្វាន់​ឯកឧត្តម​បណ្ឌិត ហ៊ុន ម៉ា​ណែ​ត លើក​ទី​២ នៅ​ត្បូងឃ្មុំមាន​លក្ខណៈពិសេស​ជាង​មុន​

ប្រធាន​ខេ​មរ​សហព័ន្ធ​តេ​ក្វាន់​ដូ​ WT ​ជំរុញ​រៀបចំ​ការងារ​សេសសល់ ដើម្បី​ត្រៀម​ស៊ី​ហ្គេមឆ្នាំ​២០២៣

Carlos Alcaraz ឈ្នះ​ជើងឯក​ដំបូង​ក្រោយ​ជា​ពីរ​បួស​នៅ​អា​ហ្ស​ង់​ទីន

ទោះ​ចាញ់ ៣-០ តែ​ក្រុម​ជម្រើសជាតិ​កម្ពុជា​ទទួល​បាន​ការ​សរសើរ​ពី​ក្រុម​បារាំង​

Maria Sakkari និង Jessica Pegula ឡើង​វគ្គ​ពាក់កណ្តាល​ផ្តាច់ព្រ័ត្រ Qatar Open

អតីត​ខ្សែប្រយុទ្ធ​អេ​ស្ប៉ា​ញ Fernando Llorente ប្រកាស​ចូលនិវត្តន៍​ពី​អាជីព​បាល់ទាត់​

កីឡាករ​កម្រិត​មធ្យម Daniel Wells ទម្លាក់​កីឡាករ​លេខ៥ ពិភពលោក Judd Trump នៅ Welsh Open

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Marcus Rashford ក្លាយជាកីឡាករដំបូងស៊ុតបញ្ចូលទី ៧ប្រកួតជាប់គ្នាក្នុងផ្ទះឲ្យ Man United រាប់ពី Wayne Rooney

ពានរង្វាន់ឯកឧត្តមបណ្ឌិត ហ៊ុន ម៉ាណែត លើកទី២ នៅត្បូងឃ្មុំមានលក្ខណៈពិសេសជាងមុន

ប្រធានខេមរសហព័ន្ធតេក្វាន់ដូ WT ជំរុញរៀបចំការងារសេសសល់ ដើម្បីត្រៀមស៊ីហ្គេមឆ្នាំ២០២៣

Carlos Alcaraz ឈ្នះជើងឯកដំបូងក្រោយជាពីរបួសនៅអាហ្សង់ទីន

ទោះចាញ់ ៣-០ តែក្រុមជម្រើសជាតិកម្ពុជាទទួលបានការសរសើរពីក្រុមបារាំង

Maria Sakkari និង Jessica Pegula ឡើងវគ្គពាក់កណ្តាលផ្តាច់ព្រ័ត្រ Qatar Open

អតីតខ្សែប្រយុទ្ធអេស្ប៉ាញ Fernando Llorente ប្រកាសចូលនិវត្តន៍ពីអាជីពបាល់ទាត់

កីឡាករកម្រិតមធ្យម Daniel Wells ទម្លាក់កីឡាករលេខ៥ ពិភពលោក Judd Trump នៅ Welsh Open