BTV NEWS

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

គ្រូកម្ពុជា រំពឹងជ័យជម្នះលើកដំបូង ផ្ដល់កម្លាំងចិត្តដល់កូនក្រុម មុនជួបវៀតណាម

ព័ត៌មានកីឡា

សហព័ន្ធឃីកបុកស៊ីងជឿជាក់រៀបចំស៊ីហ្គេមដោយជោគជ័យ ក្រោយចប់វគ្គបណ្ដុះបណ្ដាលអន្ដរជាតិ

ឃីកបុកស៊ីង៖ លោក ហេង សុខឃន ប្រធានសហព័ន្ធកីឡាឃីកបុកស៊ីងកម្ពុជា បានបង្ហាញសុទិដ្ឋិនិយមខ្ពស់ក្នុងការត្រៀមលក្ខណៈរៀបចំស៊ីហ្គេមឆ្នាំ២០២៣ ឲ្យទទួលបានជោគជ័យ បន្ទាប់ពីបញ្ចប់វគ្គបណ្ដុះបណ្ដាលអាជ្ញាកណ្ដាល ចៅក្រម និងមន្ដ្រីបច្ចេកទេសអន្ដរជាតិលើកដំបូង ដែលបង្រៀនផ្ទាល់ដោយគ្រូឧទ្ទេសជាប្រធានសហព័ន្ធកីឡាឃីកបុកស៊ីងអាស៊ីលោក Nasser Nassiri។ ការលើកឡើងនេះ បន្ទាប់ពីសហព័ន្ធបានរៀបចំវគ្គបណ្ដុះបណ្ដាលនេះរយៈពេល ៣ថ្ងៃដែលទើបបញ្ចប់កាលពីថ្ងៃទី២៤ ខែតុលានៅសណ្ឋារគាភ្នំពេញ ក្រោមការឧបត្ថម្ភគាំទ្ររបស់គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) និងក្រសួងអប់រំ យុវជន និងកីឡា។ ពិធីបិទវគ្គនេះធ្វើឡើងក្រោមវត្តមានឯកឧត្តម តែម ម៉ឺន អគ្គលេខាធិការរងនៃគណៈកម្មាធិការជាតិអូឡាំពិកកម្ពុជា។ ក្នុងនាមអាជ្ញាធរកីឡា ឯកឧត្តម តែម ម៉ឺន បានវាយតម្លៃខ្ពស់ចំពោះការរៀបចំវគ្គបណ្ដុះបណ្ដាលនេះឡើង ស្របពេលកម្ពុជាត្រៀមធ្វើម្ចាស់ផ្ទះស៊ីហ្គេមនាឆ្នាំក្រោយ។ តាមរយៈនេះ ឯកឧត្តមបានជំរុញឲ្យសិក្ខាកាមដែលបានចូលរួមបណ្ដុះបណ្ដាល ត្រូវយកចំណេះដឹងទៅប្រើប្រាស់ឲ្យមានប្រយោជន៍ ពិសេសការត្រៀមខ្លួនរៀបចំព្រឹត្តិការណ៍ប្រវត្តិសាស្ដ្រនាឆ្នាំ២០២៣ ឲ្យទទួលបានជោគជ័យ ដូចអ្វីដែលកីឡាករ-កីឡាការិនីឃីកបុកស៊ីងធ្លាប់ដណ្ដើមបានមេដាយមាស ប្រាក់ និងសំរឹទ្ធក្នុងព្រឹត្តិការណ៍ស៊ីហ្គេមនាពេលកន្លងមកដែរ។បន្ថែមលើនេះ លោក ហេង សុខឃន បានបង្ហាញការជឿជាក់យ៉ាងមុតមាំ បន្ទាប់ពីមានអ្នកជំនាញអន្ដរជាតិមកចែករំលែកចំណេះដឹងផ្ទាល់ដល់មន្ដ្រីបច្ចេកទេសកម្ពុជា ដោយលោកសង្ឃឹមថា ការគាំទ្រពីស្ថាប័នជាតិ និងអន្ដរជាតិនេះ ស្ដែងឲ្យឃើញពីសញ្ញាណវិជ្ជមានក្នុងដំណើរឆ្ពោះទៅរកភាពជោគជ័យ នៃការរៀបចំការប្រកួតកីឡាស៊ីហ្គេមនាឆ្នាំ២០២៣ ខាងមុខ។ គួរដឹងថា វគ្គបណ្ដុះបណ្ដាលអាជ្ញាកណ្ដាល ចៅក្រម និងមន្ដ្រីបច្ចេកទេសអន្ដរជាតិលើកដំបូងនេះ មានសិក្ខាកាមចូលរួមសរុប ៣៨រូប ហើយត្រូវបានវាយតម្លៃខ្ពស់ពីគ្រូឧទ្ទេសលោក Nasser Nassiri បន្ទាប់ពីឆ្លងកាត់ការសិក្សានាពេលកន្លងមក។ ក្រោយបញ្ចប់វគ្គនេះ សិក្ខាកាមទាំងអស់នឹងត្រូវចូលរួមរៀបចំ និងកាត់សេចក្ដីក្នុងការប្រកួតកីឡាជាតិលើកទី៣ នាចុងខែវិច្ឆិកាខាងមុខដើម្បីពង្រឹងសមត្ថភាពបន្ថែម មុនឈានទៅរៀបចំព្រឹត្តិការណ៍ជាប្រវត្តិសាស្ដ្រនាឆ្នាំក្រោយ៕អត្ថបទ៖ លី ឈុនឡា

ប្រមុខកីឡា E-Sports ជំរុញកីឡាករត្រូវធ្វើជាជនគំរូ និងសម្រួចឆន្ទៈត្រៀមស៊ីហ្គេមឆ្នាំ២០២៣

E-Sports៖ ឯកឧត្តម ជា ច័ន្ទបរិបូរណ៍ ប្រធានសហព័ន្ធកីឡាអេឡិចត្រូនិកកម្ពុជា (E-Sports) បានក្រើនរំឮក និងជំរុញឲ្យកីឡាកររបស់ខ្លួនត្រូវបន្ដធ្វើជាជនគំរូក្នុងសង្គម ពិសេសត្រូវសម្រួចឆន្ទៈ និងស្មារតីឲ្យបានមុតស្រួច សម្រាប់ត្រៀមលក្ខណៈធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២ ឆ្នាំ២០២៣ ខាងមុខ។ ការគូសបញ្ជាក់នេះ បន្ទាប់ពីសហព័ន្ធបានរៀបចំមហាសន្និបាតបញ្ជប់អាណត្តិទី២ និងលើកទិសដៅការងារបន្ដសម្រាប់អាណត្តិទី៣ ឆ្នាំ២០២២-២០២៦ ដែលជាអាណត្តិដ៏សំខាន់ក្នុងការត្រៀមធ្វើម្ចាស់ផ្ទះព្រឹត្តិការណ៍ ជាប្រវត្តិសាស្ដ្រលើកដំបូងនៅកម្ពុជានាឆ្នាំក្រោយ។ ក្នុងនោះឯកឧត្តម ជា ច័ន្ទបរិបូរណ៍ ត្រូវបានសមាជិកគណៈកម្មាធិការប្រតិបត្តិ បោះឆ្នោតគាំទ្របន្ដធ្វើជាប្រធានសហព័ន្ធអាណត្តិថ្មីបន្ដទៀត។ ឯកឧត្តមមានប្រសាសន៍ថា ២អាណត្តិកន្លងមក សហព័ន្ធបានខិតខំប្រឹងប្រែងធ្វើយ៉ាងណា កែប្រែផ្នត់គំនិតដើម្បីឲ្យសង្គមទទួលស្គាល់កីឡាអេឡិចត្រូនិចគឺជាកីឡាស្របច្បាប់ តាមរយៈការបើកសិក្ខាសាលាផ្សេងៗ ដើម្បីបញ្ជ្រាបឲ្យសាធារណជនយល់ ហើយកែប្រែពីពាក្យថា “ក្មេងលេងហ្គេម” ឲ្យក្លាយជាកីឡាករពិតប្រាកដដែលមានការទទួលស្គាល់ ទាំងថ្នាក់ជាតិ និងអន្ដរជាតិរហូតមានឱកាសចូលរួមប្រកួតព្រឹត្តិការណ៍ធំៗ តំណាងជាតិជាបន្ដបន្ទាប់ទៀតផង។យ៉ាងណាមិញប្រមុខសហព័ន្ធដដែលបានធ្វើការក្រើនរំឮក ២ចំណុចក្នុងនាមកីឡាករអេឡិចត្រូនិកកម្ពុជា ទី១. កីឡាករអេឡិចត្រូនិចត្រូវមានសីលធម៌សង្គមល្អ ឈានទៅដណ្តើមមេដាយពីស៊ីហ្គេមប្រកបដោយកិត្តិយស និងទី២. ត្រូវធ្វើជាសិស្សពូកែ ទាំងនៅវិទ្យាល័យ និងឧត្តមសិក្សា ព្រោះសហព័ន្ធនឹងមានកិត្តិយសបន្ថែមទៀត នៅពេលកីឡាករអេឡិចត្រូនិកទទួលបានជោគជ័យ ទាំងការសិក្សា និងការលេងកីឡាទំនើបមួយនេះ។ បន្ថែមលើនេះក្នុងនាមប្រធានសហព័ន្ធ ឯកឧត្តមបានប្តេជ្ញានឹងដឹកនាំសហព័ន្ធឲ្យកាន់តែរីកចំរើន ឈានទៅដណ្តើមមេដាយជូនកម្ពុជាពីការប្រកួតកម្រិតអន្តរជាតិ ជាពិសេសព្រឹត្តិការណ៍ស៊ីហ្គេមឆ្នាំ២០២៣ ដោយឯកឧត្តមបានស្នើឲ្យសមាជិកប្រតិបត្តិ ពង្រឹងលើគោលដៅ ផែនការយុទ្ធសាស្ត្ររបស់សហព័ន្ធ និងប្រឹងប្រែងឲ្យអស់ពីសមត្ថភាព បណ្តុះឆន្ទៈឲ្យមុតស្រួចក្នុងការហ្វឹកហាត់បង្កើនគុណភាពបច្ចេកទេស និងដុសខាត់សមត្ថភាពរបស់អត្តពលិកកីឡាអេឡិចត្រូនិច ដើម្បីសម្រួចគោលដៅដណ្តើមមេដាយមាស ១គ្រឿងក្នុងព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជានេះ។គួរដឹងថា កីឡាអេឡិចត្រូនិកគឺជាប្រភេទកីឡាមួយក្នុងចំណោម ៣៨ប្រភេទកីឡា ដែលត្រូវបានអនុម័តដាក់ក្នុងកម្មវិធីប្រកួតកីឡាស៊ីហ្គេមឆ្នាំ២០២៣ ហើយសហព័ន្ធបានត្រៀមវិញ្ញាសាចំនួន ៩ ដាក់ក្នុងការប្រកួតនេះ។ ប៉ុន្ដែមុនឈានដល់ការប្រកួតស៊ីហ្គេមនៅកម្ពុជា កន្លងមកកីឡាអេឡិចត្រូនិកក៏ធ្លាប់បានចូលរួម ប្រកួតព្រឹត្តិការណ៍ប្រចាំតំបន់នេះ ២ដងរួចមកហើយ កាលពីស៊ីហ្គេមឆ្នាំ២០១៩ នៅហ្វីលីពីន និងស៊ីហ្គេមឆ្នាំ២០២១ នៅវៀតណាម៕អត្ថបទ៖ លី ឈុនឡា

Pep Guardiola សរសើរ Jude Bellingham ពេញមាត់មុនជួប Dortmund យប់នេះ

បាល់ទាត់៖ អ្នកចាត់ការ Manchester City លោក Pep Guardiola បានកោតសរសើរខ្សែបម្រើអង់គ្លេស Jude Bellingham ពេញៗមាត់មុនជួប Dortmund យប់នេះនៅទឹកដីអាល្លឺម៉ង់ក្របខណ្ឌ UEFA Champions League។ Manchester City ធ្វើដំណើរទៅទឹកដី Borussia Dortmund រាត្រីនេះដែលជាប្រកួតទី៥ ក្នុងពូល G ខណៈដែលក្រុមជើងឯកអង់គ្លេសមួយនេះធានាបានកៅអីនៅវគ្គបន្ទាប់រួចហើយ។ ខ្សែបម្រើអង់គ្លេសវ័យ ១៩ឆ្នាំ Jude Bellingham បានស៊ុតបញ្ចូលទី ២លើករួចហើយក្នុងជំនួបទល់នឹងក្រុមរបស់លោក Pep។ អ្នកចាត់ការសញ្ជាតិអេស្ប៉ាញរូបនេះបាននិយាយថា Bellingham គ្រប់គ្នាក៏បានដឹងថា កីឡាកររូបនេះមានមួយកញ្ចប់ ជាពិសេសមានវ័យទើប ១៩ឆ្នាំ និងថែមទាំងជាប្រធានក្រុមទៀត។ Jude Bellingham ដែលធ្លាប់បង្ហាញខ្លួននៅក្រុមជម្រើសជាតិអង់គ្លេស ១៧លើកបានផ្លាស់ទៅកាន់ Dortmund កាលពីឆ្នាំ២០២០ ពី Birmingham City ក្នុងវ័យត្រឹម ១៧ឆ្នាំប៉ុណ្ណោះ។ Bellingham បានស៊ុតបញ្ចូលទី ១៨គ្រាប់ និងបោះបញ្ជូន ២០បាល់ក្នុងការបង្ហាញខ្លួន ១០៧ ឱ្យក្លិបអាល្លឺម៉ង់ និងចុងក្រោយស៊ុតបញ្ចូលទីពីរគ្រាប់ឱ្យ Dortmund យកឈ្នះ Stuttgart ៥-០ ចុងសប្តាហ៍កន្លងទៅ៕អត្ថបទ៖នាង សុភាវុធ

ប្រធានសហព័ន្ធជឺជិតស៊ូ៖ អ្នកដឹកនាំល្អត្រូវធ្វើជាគំរូដល់អ្នកក្រោមឱវាទ គ្រប់សកម្មភាព និងទង្វើរបស់ខ្លួន

ជឺជិតស៊ូ៖ លោកបណ្ឌិត សេង ប៊ុនសុង ប្រធានសហព័ន្ធកីឡាជឺជិតស៊ូកម្ពុជាបានណែនាំឲ្យមន្ដ្រីបច្ចេកទេស ក៏ដូចជាមន្ដ្រីក្រោមឱវាទត្រូវមានភាពជាគំរូ រាល់គ្រប់សកម្មភាព និងទង្វើរបស់ខ្លួន ដើម្បីបង្ហាញភាពជាអ្នកដឹកនាំល្អ ហើយជំរុញវិស័យកីឡាមួយនេះឲ្យកាន់តែរីកចម្រើន។ ការគូសបញ្ជាក់ដូច្នេះធ្វើឡើងក្នុងពិធីបិទវគ្គបណ្ដុះបណ្ដាលអាជ្ញាកណ្ដាល គ្រូបង្វឹក និងមន្ដ្រីបច្ចេកទេសកីឡាជឺជិតស៊ូកម្រិតមូលដ្ឋានឆ្នាំ២០២២ កាលពីល្ងាចថ្ងៃទី២៤ ខែតុលា ឆ្នាំ២០២២ នៅទីស្នាក់ការគណៈកម្មាធិការជាតិអូឡាំពិកកម្ពុជា ខណៈថ្នាក់ដឹកនាំបានចាត់ទុកវគ្គនេះគឺជាផ្នែកមួយដ៏សំខាន់ ក្នុងការអភិវឌ្ឍធនធានមនុស្សត្រៀមឆ្ពោះទៅរៀបចំស៊ីហ្គេមឆ្នាំ២០២៣។ ឆ្លៀតឱកាសនេះ ប្រធានសហព័ន្ធដដែលបានលើកទឹកចិត្តសិក្ខាកាមទាំងអស់ ត្រូវបន្តការខិតខំអភិវឌ្ឍសមត្ថភាពបន្ថែមដើម្បីត្រៀមចូលរួមដឹកនាំ និងរៀបចំការប្រកួត អំឡុងពេលកម្ពុជាទទួលធ្វើម្ចាស់ផ្ទះស៊ីហ្គេម បន្ទាប់ពីកម្ពុជារង់ចាំអស់រយៈពេល ៦៤ឆ្នាំ។ លោកសង្ឃឹមថា អ្នកពាក់ព័ន្ធក្នុងវិស័យកីឡានេះទាំងអស់នឹងចាប់ដៃគ្នាប្រឹងប្រែងឲ្យអស់ពីលទ្ធភាព ដើម្បីស្វែងរកសមិទ្ធផលល្អ និងកិត្តិយសជូនជាតិមាតុភូមិ។បន្ថែមពីលើនេះ លោកបានជំរុញឲ្យសិក្ខាកាមទាំងអស់គោរពឲ្យបាននូវវិន័យ សកម្មភាពរបស់ខ្លួន និងទង្វើរបស់ខ្លួន ក្នុងនាមជាអ្នកដឹកនាំត្រូវធ្វើឲ្យបានល្អប្រសើរ ដើម្បីជាគំរូល្អដល់អ្នកក្រោមឱវាទ ព្រោះទាំងអាជ្ញាកណ្ដាល គ្រូបង្វឹក និងមន្ដ្រីបច្ចេកទេសទាំងអស់គឺត្រូវបានចាត់ទុកជាអ្នកដឹកនាំហើយ ពិសេសក្នុងនាមអ្នកកាត់សេចក្ដីត្រូវមានស្មារតីប្រកបដោយសុក្រឹតភាព យុត្តិធម៌ឲ្យស្របតាមស្មារតីកីឡា។ លោក សៀន សុភក្ត្រ អគ្គលេខាធិការសហព័ន្ធបានបញ្ជាក់ថា វគ្គបណ្ដុះបណ្ដាលមូលដ្ឋានលើកដំបូងនេះមានរយៈពេល ៤ថ្ងៃពីថ្ងៃទី២១ ដល់ថ្ងៃទី២៤ ខែតុលា ដោយមានសិក្ខាកាម ៤៩រូបចូលរួមដែលបង្រៀន និងចែករំលែបទពិសោធន៍ដោយគ្រូឧទ្ទេស ៥រូបរួមមានគ្រូឧទ្ទេសខ្មែរ ២នាក់ ថៃម្នាក់ ហូឡង់ម្នាក់ និងអាមេរិកម្នាក់ ដោយផ្តោតសំខាន់លើ ៥មុខសំខាន់ៗ រួមមានអាជ្ញាកណ្តាល Ne-Waza គ្រូបង្វឹក Coach Fighting System អាជ្ញាកណ្តាល Duo Show គ្រូបង្វឹក Coach Duo Show និងមេរៀន Sport Data៕អត្ថបទ៖ លី ឈុនឡា

ថ្នាក់ដឹកនាំកីឡាវាយកូនបាល់បង្ហាញមោទនភាពចំពោះភាពជោគជ័យនៅ Davis Cup

វាយកូនបាល់៖ ក្រុមកីឡាវាយកូនបាល់ជម្រើសជាតិកម្ពុជា និងប្រតិភូបានធ្វើដំណើរមកមាតុភូមិវិញហើយកាលពីល្ងាចថ្ងៃទី២៤ ខែតុលា ឆ្នាំ២០២២ ក្រោយបញ្ចប់បេសកកម្មប្រកួត Davis Cup ប្រចាំតំបន់អាស៊ី/អូសេអានីកម្រិតទី៣ ដោយជោគជ័យ បន្ទាប់ពីទទួលបានជ័យជម្នះ ៤ប្រកួតផ្ទួនៗឡើងទៅកម្រិតទី៣ នៃព្រឹត្តិការណ៍ពិភពលោកនេះវិញ នាឆ្នាំ២០២៣ ខាងមុខ។ លោក ជា ពៅ អគ្គលេខាធិការរងសហព័ន្ធ និងជាគ្រូជម្រើសជាតិដែលដឹកនាំកីឡាករត្រឡប់មកកម្ពុជា ជំនួសលោក ទេព រិទ្ធីវិទ្ធ អគ្គលេខាធិការសហព័ន្ធ និងជាប្រធានប្រតិភូដែលជាប់បេសកកម្មទៅកាន់ប្រទេសឥណ្ឌាបន្ដ បានបង្ហាញមោទនភាពចំពោះភាពជោគជ័យនៃការប្រកួត Davis Cup ឆ្នាំនេះ។ លោកបានចាត់ទុកសមិទ្ធផលនេះគឺជាសញ្ញាណដ៏ល្អ សម្រាប់ការត្រៀមលក្ខណៈឆ្ពោះទៅស៊ីហ្គេមឆ្នាំ២០២៣។ ទន្ទឹមជាមួយគ្នាកីឡាករ ប៊ុន កេន្នី, ឡុង សំនៀង និងសិស្សប្អូន ឃ្លាំង ពន្លក បានសម្ដែងអារម្មណ៍រីករាយជាខ្លាំង ដែលអាចជួយក្រុមជម្រើសជាតិកម្ពុជាត្រឡប់ទៅកាន់កម្រិតទី៣ នៃព្រឹត្តិការណ៍ Davis Cup វិញ ហើយពួកគេបានប្ដេជ្ញានឹងបន្ដការខិតខំប្រឹងប្រែងបន្ថែមទៀត ដើម្បីត្រៀមការប្រកួតកីឡាស៊ីហ្គេមឆ្នាំ២០២៣ ដែលកម្ពុជានឹងធ្វើម្ចាស់ផ្ទះនាពេលខាងមុខ។គួរដឹងថា ក្រុមកីឡាវាយកូនបាល់កម្ពុជាបានចូលរួមប្រកួត Davis Cup កម្រិតទី៣ ប្រចាំតំបន់អាស៊ី/អូសេអានីចាប់ពីថ្ងៃទី១៧ ដល់ថ្ងៃទី២២ ខែតុលាកន្លងទៅនៅទីក្រុង Isa Town ប្រទេសបារ៉ែន ដោយកម្ពុជាស្ថិតក្នុងពូល A ជាមួយប៊ូតាន ម៉ុងហ្គោលី និងទួកមេនីស្ថាន។ ជាលទ្ធផលការប្រកួតក្នុងពូលកម្ពុជាបានទទួលជ័យជម្នះទាំង ៣ប្រកួតដោយយកឈ្នះប៊ូតាន ៣-០, ឈ្នះម៉ុហ្គោលី ៣-០ និងឈ្នះទូកមេនីស្ថាន ២-១ ដើម្បីឈរកំពូលតារាងពូល A។ ជ័យជម្នះនេះបានធ្វើឲ្យក្រុមកីឡាវាយកូនបាល់កម្ពុជាឡើងទៅវគ្គផ្ដាច់ព្រ័ត្រ ដោយជួបក្រុមឈរលេខ១ នៃពូល B គឺក្រុមជម្រើសជាតិសិង្ហបុរី ហើយកម្ពុជាបានយកឈ្នះក្រុមិត្តអាស៊ាននេះដោយលទ្ធផល ២-១ ដើម្បីគ្រងតំណែងជើងឯក និងទទួលបានកៅអីកម្រិតទី៣ នៃព្រឹត្តិការណ៍ Davis Cup 2023 វិញ បន្ទាប់ពីខកខានអស់រយៈពេល ៦ឆ្នាំកន្លងទៅ៕អត្ថបទ៖ លី ឈុនឡា

ក្រសួងអប់រំប្រាប់សហព័ន្ធជាតិត្រូវមានម្ចាស់ការលើការរៀបចំកីឡាជាតិ ដូចស៊ីហ្គេមដែរ

កីឡាជាតិ៖ អគ្គនាយកដ្ឋានកីឡានៃក្រសួងអប់រំ យុវជន និងកីឡានាពេលថ្មីៗនេះបានកោះប្រជុំជាមួយអគ្គលេខាធិការ និងនាយកបច្ចេកទេសរបស់សហព័ន្ធកីឡាជាតិទាំង ៣៨ ដែលបានកំណត់ដាក់ក្នុងការប្រកួតកីឡាជាតិលើកទី៣ ដើម្បីពិភាក្សាការងារបច្ចេកទេសត្រៀមរៀបចំព្រឹត្តិការណ៍ដ៏ធំនេះ ដែលជាព្រឹត្តិការណ៍ដ៏សំខាន់ក្នុងការសាកល្បងត្រៀមឆ្ពោះទៅរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ ថ្លែងចំពោះមុខថ្នាក់ដឹកនាំ និងមន្ដ្រីបច្ចេកទេសហព័ន្ធជាច្រើន ឯកឧត្តម អ៊ុក សិទ្ធិជាតិ អគ្គនាយកនៃអគ្កនាយកដ្ឋានកីឡា បានក្រើនរំឮកដល់សហព័ន្ធកីឡាជាតិទាំងអស់ ត្រូវមានម្ចាស់ការលើការរៀបចំតាមប្រភេទកីឡានីមួយៗ ដោយខ្លួនឯង ដូចទៅនឹងព្រឹត្តិការណ៍ស៊ីហ្គេមដែរ ព្រោះនេះគឺជាឱកាសដ៏សំខាន់ដើម្បីវាស់ស្ទង់ពីសមត្ថភាព និងចំណុចខ្វះខាតដែលត្រូវបំពេញបន្ថែម មុនឈានដល់ការរៀបចំព្រឹត្តិការណ៍ជាប្រវត្តិសាស្ដ្រនាឆ្នាំ២០២៣។ ឯកឧត្តមបានគូសបញ្ជាក់ថា សហព័ន្ធកីឡាជាតិនីមួយៗមានតួនាទីសំខាន់ ក្នុងការសរសេរបទបញ្ជាការប្រកួត ការចុះឈ្មោះ និងការរៀបចំការប្រកួតពីចាប់ផ្ដើមរហូតដល់ចែកមេដាយ ត្រូវធានាឲ្យបានជោគជ័យ។ ហេតុនេះរាល់កិច្ចត្រូវធានាឲ្យបានរួចរាល់ និងហ្មត់ចត់បំផុត ពិសេសលើការរៀបចំសៀវភៅបច្ចេកទេស Technical Handbook មុនចែកចាយដល់រាជធានី-ខេត្ត និងក្រសួង ចៀសវាងនូវការភាន់ច្រឡំនាំឲ្យប៉ះពាល់ដល់ដំណើរការប្រកួតផ្សេងៗ។មន្ដ្រីកីឡាជាន់ខ្ពស់នៃក្រសួងអប់រំ យុវជន និងកីឡាដដែលបន្ថែមថា ការប្រកួតកីឡាជាតិនេះពិតជាសំខាន់ណាស់ ការណាការរៀបចំទទួលបានជោគជ័យ នោះឈានដល់ស៊ីហ្គេមក៏មិនសូវលំបាកដែរ តែបើការរៀបចំកីឡាជាតិមិនបានល្អ ច្បាស់ណាស់ការត្រៀមស៊ីហ្គេមត្រូវមានការកែសម្រួល និងបំពេញបន្ថែមជាច្រើន។ ហេតុនេះឯកឧត្តមបានជំរុញឲ្យសហព័ន្ធកីឡាជាតិ ក៏ដូចជាគ្រប់ភាគីពាក់ព័ន្ធត្រូវយកចិត្តទុកដាក់ខ្ពស់ ក្នុងការប្រកួតដែលជាសាកល្បងឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នេះ។ គួរដឹងថា ការប្រកួតកីឡាជាតិលើកទី៣ គ្រោងដំណើរការប្រកួតពីថ្ងៃទី១៩ ដល់ថ្ងៃទី៣០ ខែវិច្ឆិកាខាងមុខ ដោយកំណត់កីឡាចំនួន ៣៨ប្រភេទក្នុងការប្រកួត ដូចទៅនឹងប្រភេទកីឡាដែលបានអនុម័តក្នុងការប្រកួតកីឡាស៊ីហ្គេមលើកទី៣២ នាខែឧសភា ឆ្នាំ២០២៣ ខាងមុខដែរ៕អត្ថបទ៖ លី ឈុនឡា

ជើងឯក F1 ពិភពលោក Max Verstappen ឈ្នះលើកទី១៣ រដូវកាលនេះនៅសហរដ្ឋអាមេរិក

ប្រណាំងរថយន្ត៖ ជើងឯក F1 ពិភពលោកកីឡាករហូឡង់ Max Verstappen មិនទាន់ហត់នឿយនឹងជ័យជំនះរបស់ខ្លួនឡើយ បើទោះបីជាក្លាយជាជើងឯកពិភពលោករដូវកាល ២០២២ រួចហើយក្តី។ កីឡាកររបស់ក្រុម Red Bull រូបនេះនៅតែអាចយកឈ្នះការប្រកួតនៅទីលាន Austin រដ្ឋតិចសាសសហរដ្ឋអាមេរិកដែលជាជ័យជំនះទី១៣ របស់ខ្លួនក្នុងរដូវកាលនេះតាមស្មើកំណត់ត្រារបស់ Michael Schumacher និង Sebastian Vettel ក្នុងនាមជាកីឡាករដែលឈ្នះច្រើនទីលានបំផុតក្នុងរដូវកាល។ Max Verstappen បានចេញដំណើរលំដាប់លេខ២ និងបានវ៉ាផុត Carlos Sainz ដែលនៅពីមុខគេ មុនពេលដែលកីឡាកររបស់ Ferrari រូបនេះមានការប៉ះទង្គិចនៅផ្លូវបត់ទីមួយ និងក្រោយបោះបង់ការប្រកួត។ Verstappen ទំរាំឈ្នះការប្រកួតនេះត្រូវប្រជែងជាមួយ Charles Leclerc និងវ៉ា Lewis Hamilton។ ជ័យជំនះនេះដែរក៏បានធានាឱ្យក្រុមប្រណាំង Red Bull ក្លាយជាជើងឯកពិភពលោកផងដែរ បន្ទាប់ពី Max Verstappen គ្រងជើងឯកអ្នកបើកបរពិភពលោកកាលពីនៅទឹកដីជប៉ុន។ នៅក្នុងតារាងជើងឯកពិភពលោកនៅពេលនេះ Charles Leclerc ឡើងមកលេខ២ វិញពីលើ Sergio Perez ២ពិន្ទុ ខណៈការប្រកួតនៅសល់ត្រឹម ៣ទីលានទៀតចប់រដូវកាល។ ទីលានបន្ទាប់ F1 បន្តស្នាក់នៅទ្វីបអាមេរិកដោយឆ្លងដែនរដ្ឋតិចសាសមកកាន់ទឹកដីម៉ិកស៊ិកចុងសប្តាហ៍នេះ៕អត្ថបទ៖នាង សុភាវុធ

Rory McIlroy ឡើងឈរលេខ១ ពិភពលោកវិញ ក្រោយឈ្នះការប្រកួតវាយកូនគោលកម្មវិធី CJ Cup

វាយកូនគោល៖ កីឡាករវាយកូនគោលអៀកឡង់ខាងជើង Rory McIlroy បានវិលមកឈរតំណែងលេខ១ ពិភពលោកវិញជាលើកដំបូងក្នុងរយៈពេលជាង ២ឆ្នាំក្រោយការពារជើងឯកកម្មវិធី CJ Cup បានសម្រេចនៅរដ្ឋ South Carolina សហរដ្ឋអាមេរិក។ McIlroy បានយកឈ្នះការប្រកួតទាំងប្រផិតប្រផើយផងដែរ ក្រោយបញ្ចប់ការប្រកួតជាមួយនឹងលទ្ធផល ១៧អាន់ឌើផា យកឈ្នះអ្នកលេខ២ កីឡាករអាមេរិក Kurt Kitayama ១ស្ត្រូក និងលេខ៣ បានទៅកីឡាករកូរ៉េ KH Lee ដែលធ្វើបាន ១៥អាន់ឌើផា។ ជ័យជំនះនេះធ្វើឱ្យ Rory McIlroy ឡើងមកឈរពីលើ Scottie Scheffler ក្នុងតារាងចំណាត់ថ្នាក់ពិភពលោក។ Scottie Scheffler ធ្វើមិនបានល្អឡើយក្នុងការប្រកួតនេះ ដោយបញ្ចប់ជាមួយនឹងលទ្ធផល ១អាន់ឌើផាឈរលេខ ៤៥ ឯណោះ៕អត្ថបទ៖នាង សុភាវុធ

Francesco Bagnaia ពន្លាតពិន្ទុនាំមុខក្នុងតារាងជើងឯកពិភពលោក MotoGP ក្រោយឈ្នះនៅម៉ាឡេស៊ី

ប្រណាំងម៉ូតូ៖ កីឡាករប្រណាំងម៉ូតូអ៊ីតាលី Francesco Bagnaia បានបោះមួយជំហានទៀតក្នុងដំណើរឆ្ពោះទៅគ្រងជើងឯក MotoGP ពិភពលោកក្រោយប្រជែងឈ្នះការប្រកួតនៅទឹកដីម៉ាឡេស៊ី។ កីឡាកររបស់ក្រុមប្រណាំង Ducati រូបនេះចេញដំណើរបានយ៉ាងល្អដោយងើបពីលេខ៩ ដល់លេខ២ នៅពីក្រោយ Jorge Martin ត្រឹមជុំទី១។ ក្រោយមក Jorge Martin ក៏បានដួលនៅជុំទី៩ ដើរចេញពីការប្រកួតហើយ Bagnaia ក៏ឡើងមកនាំមុខគេរហូតដល់ចប់កការប្រកួត។ លេខ២ ក្នុងការប្រកួតនៅម៉ាឡេស៊ីនេះបានទៅកីឡាករអ៊ីតាលីផងដែរ Enea Bastianini និងលេខ៣ កីឡាករបារាំង Fabio Quartararo។ កីឡាកររបស់ក្រុម Yamaha, Fabio Quartararo នៅសល់ឱកាសតិចតួចក្នុងការប្រជែងជើងឯកនៅទីលានចុងក្រោយនៅទឹកដី Valencia ប្រទេសអេស្ប៉ាញ។ Francesco Bagnaia ត្រូវការត្រឹមបញ្ចប់យ៉ាងហោចណាស់លេខ១៤ ប៉ុណ្ណោះនៅទឹកដី Valencia នៅថ្ងៃទី៦ ខែវិច្ឆិកាដើម្បីគ្រងជើងឯកពិភពលោកលើកដំបូងក្នុងអាជីព ហើយគេក៏អាចក្លាយជាកីឡាករអ៊ីតាលីដំបូងដែលគ្រងជើងឯក MotoGP ផងដែររាប់ពីឆ្នាំ២០០៩ ដែលធ្វើបានដោយ Valentino Rossi៕អត្ថបទ៖នាង សុភាវុធ

Sebastian Ogier ឈ្នះការប្រណាំង Rally នៅអេស្ប៉ាញ ខណៈក្រុមតូយ៉ូតាគ្រងជើងឯកពិភពលោក

ប្រណាំងរថយន្ត៖ កីឡាករប្រណាំងរថយន្តបារាំង Sebastian Ogier បានប្រជែងឈ្នះការប្រណាំង Rally ពិភពលោកនៅទឹកដីអេស្ប៉ាញកាលពីថ្ងៃអាទិត្យ ធ្វើឱ្យក្រុមប្រណាំង Toyota Gazoo Racing គ្រប់ពិន្ទុគ្រងជើងឯកពិភពលោក។ កីឡាករបារាំងរូបនេះបានបញ្ចប់ការប្រកួតជាមួយនឹងថេរវេលា ១៦.៤វិនាទី ល្អជាងអ្នកលេខ២ កីឡាកររបស់ក្រុម Hyundai សញ្ជាតិប៊ែលហ្ស៊ិក Thierry Neuville។ កីឡាករហ្វាំងឡង់ Kalle Rovanpera ដែលគ្រប់ពិន្ទុគ្រងជើងឯកពិភពលោកកាលពីដើមខែតុលានោះ បានបញ្ចប់ការប្រកួតនៅអេស្ប៉ាញនេះចំណាត់ថ្នាក់លេខ៣។ ខណៈដែលនៅសល់តែ ១ជុំទៀតបញ្ចប់រដូវកាល ២០២២ នេះ ក្រុមប្រណាំង Toyota Gazoo Racing បាននាំមុខដាច់ក្រុមលេខ២ Hyundai Motorsport ដល់ទៅ ៩៣ពិន្ទុ។ ការប្រកួតបិទរដូវកាល Rally ពិភពលោកនឹងបញ្ចប់នៅទឹកដីជប៉ុនពីថ្ងៃទី១០ ដល់ ១៣ ខែវិច្ឆិកាខាងមុខ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រមុខការទូត៖អេស្ប៉ាញអំពាវនាវឲ្យសមាជិកសហភាពអឺរ៉ុបបង្ហាញសាមគ្គីភាព ខណៈមានវិបត្តិជនអន្តោប្រវេន៍

ទីប្រឹក្សាយោធា៖ អ៊ីរ៉ង់បានលុបផែនការវាយប្រហារទីតាំងចំនួន ៣ ក្រោយអ៊ុយក្រែនសូមអភ័យទោស

ក្រុមអ្នកសម្របសម្រួល (CLG) និង ក្រុមអ្នកសង្កេតការណ៍អាស៊ានប្រចាំកម្ពុជាចុះសង្កេតការណ៍ផ្ទៀងផ្ទាត់ អំពីស្ថានភាពតាមបណ្តោយព្រំដែនកម្ពុជា-ថៃ នៅចំណុចបង្គោលព្រំដែនលេខ៣៧

CMAC និង IMCCD ចុះកិច្ចព្រមព្រៀងគម្រោងបោសសម្អាតមីនថ្មី ខណៈឃុំតាសែន អតីតជាសមរភូមិសម្បូរដោយគ្រាប់មីនបានក្លាយជាភូមិគំរូទៅជាតំបន់កសិកម្មនាំចេញ

៦ខែ សមត្ថកិច្ចបង្ក្រាបករណីជួញដូរមនុស្ស ១១២ករណី និងឃាត់ខ្លួន ១៦៩នាក់ និងសង្គ្រោះជនរងគ្រោះជិត ៦០០នាក់

សាកលវិទ្យាល័យសម្តេចព្រះមហាសង្ឃរាជ បួរ គ្រី ប្រកាសផ្ដល់អាហារូបករណ៍ដល់ព្រះសង្ឃ សិស្ស និស្សិតខ្មែរកម្ពុជាក្រោម

អង្គការដៃគូនៃសាធារណរដ្ឋកូរ៉េ ផ្ដល់សម្លៀកបំពាក់៧ ៩៥៤សម្រាប់ ដល់កុមារនៅតាមសាលាមត្តេយ្យសហគមន៍ និងសហគមន៍ងាយរងគ្រោះ

ប៉ាឡេស្ទីន ចោទកងកម្លាំងអ៊ីស្រាអែលថាគាំទ្រការវាយប្រហាររបស់អ្នកតាំងលំនៅឋាន តំបន់ West Bank

ភ្លៀងធ្លាក់ខ្លាំងនៅឈីលី បណ្តាលឱ្យមនុស្សរាប់ពាន់នាក់ជម្លៀសចេញ និងបានជន់លិចលំនៅឋាន

គ្រូបង្រៀន និងបុគ្គលិករដ្ឋអាហ្សង់ទីន ធ្វើកូដកម្មជុំវិញបញ្ហាប្រាក់ឈ្នួល និងការកាត់ការងារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

សហព័ន្ធឃីកបុកស៊ីងជឿជាក់រៀបចំស៊ីហ្គេមដោយជោគជ័យ ក្រោយចប់វគ្គបណ្ដុះបណ្ដាលអន្ដរជាតិ

ប្រមុខកីឡា E-Sports ជំរុញកីឡាករត្រូវធ្វើជាជនគំរូ និងសម្រួចឆន្ទៈត្រៀមស៊ីហ្គេមឆ្នាំ២០២៣

Pep Guardiola សរសើរ Jude Bellingham ពេញមាត់មុនជួប Dortmund យប់នេះ

ប្រធានសហព័ន្ធជឺជិតស៊ូ៖ អ្នកដឹកនាំល្អត្រូវធ្វើជាគំរូដល់អ្នកក្រោមឱវាទ គ្រប់សកម្មភាព និងទង្វើរបស់ខ្លួន

ថ្នាក់ដឹកនាំកីឡាវាយកូនបាល់បង្ហាញមោទនភាពចំពោះភាពជោគជ័យនៅ Davis Cup

ក្រសួងអប់រំប្រាប់សហព័ន្ធជាតិត្រូវមានម្ចាស់ការលើការរៀបចំកីឡាជាតិ ដូចស៊ីហ្គេមដែរ

ជើងឯក F1 ពិភពលោក Max Verstappen ឈ្នះលើកទី១៣ រដូវកាលនេះនៅសហរដ្ឋអាមេរិក

Rory McIlroy ឡើងឈរលេខ១ ពិភពលោកវិញ ក្រោយឈ្នះការប្រកួតវាយកូនគោលកម្មវិធី CJ Cup

Francesco Bagnaia ពន្លាតពិន្ទុនាំមុខក្នុងតារាងជើងឯកពិភពលោក MotoGP ក្រោយឈ្នះនៅម៉ាឡេស៊ី

Sebastian Ogier ឈ្នះការប្រណាំង Rally នៅអេស្ប៉ាញ ខណៈក្រុមតូយ៉ូតាគ្រងជើងឯកពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

សហព័ន្ធ​ឃី​ក​បុក​ស៊ី​ង​ជឿជាក់​រៀបចំ​ស៊ី​ហ្គេម​ដោយ​ជោគជ័យ ក្រោយ​ចប់​វគ្គ​បណ្ដុះបណ្ដាល​អន្ដ​រ​ជាតិ​

ប្រមុខ​កីឡា​ E-Sports ​ជំរុញ​កីឡាករ​ត្រូវ​ធ្វើជា​ជន​គំរូ និង​សម្រួច​ឆន្ទៈ​ត្រៀម​ស៊ី​ហ្គេមឆ្នាំ២០២៣

Pep Guardiola សរសើរ Jude Bellingham ពេញមាត់​មុន​ជួប Dortmund យប់​នេះ

ថ្នាក់ដឹកនាំ​កីឡា​វាយ​កូន​បាល់​បង្ហាញ​មោទនភាព​ចំពោះ​ភាព​ជោគជ័យ​នៅ​ Davis Cup

ក្រសួង​អប់រំ​ប្រាប់​សហព័ន្ធ​ជាតិ​ត្រូវ​មាន​ម្ចាស់ការ​លើ​ការរៀបចំ​កីឡា​ជាតិ ដូច​ស៊ី​ហ្គេម​ដែរ

ជើងឯក F1 ពិភពលោក Max Verstappen ឈ្នះ​លើក​ទី១៣ រដូវ​កាល​នេះ​នៅ​សហរដ្ឋអាមេរិក

Rory McIlroy ឡើងឈរ​លេខ​១ ពិភពលោក​វិញ​ ក្រោយ​ឈ្នះ​ការប្រកួត​វាយកូនគោល​កម្មវិធី CJ Cup

Francesco Bagnaia ពន្លាត​ពិន្ទុ​នាំមុខ​ក្នុង​តារាង​ជើងឯក​ពិភពលោក MotoGP ក្រោយ​ឈ្នះ​នៅ​ម៉ាឡេស៊ី​

Sebastian Ogier ឈ្នះ​ការប្រណាំង Rally នៅ​អេ​ស្ប៉ា​ញ ​ខណៈ​ក្រុម​តូយ៉ូតា​គ្រង​ជើងឯក​ពិភពលោក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហព័ន្ធឃីកបុកស៊ីងជឿជាក់រៀបចំស៊ីហ្គេមដោយជោគជ័យ ក្រោយចប់វគ្គបណ្ដុះបណ្ដាលអន្ដរជាតិ

ប្រមុខកីឡា E-Sports ជំរុញកីឡាករត្រូវធ្វើជាជនគំរូ និងសម្រួចឆន្ទៈត្រៀមស៊ីហ្គេមឆ្នាំ២០២៣

Pep Guardiola សរសើរ Jude Bellingham ពេញមាត់មុនជួប Dortmund យប់នេះ

ថ្នាក់ដឹកនាំកីឡាវាយកូនបាល់បង្ហាញមោទនភាពចំពោះភាពជោគជ័យនៅ Davis Cup

ក្រសួងអប់រំប្រាប់សហព័ន្ធជាតិត្រូវមានម្ចាស់ការលើការរៀបចំកីឡាជាតិ ដូចស៊ីហ្គេមដែរ

ជើងឯក F1 ពិភពលោក Max Verstappen ឈ្នះលើកទី១៣ រដូវកាលនេះនៅសហរដ្ឋអាមេរិក

Rory McIlroy ឡើងឈរលេខ១ ពិភពលោកវិញ ក្រោយឈ្នះការប្រកួតវាយកូនគោលកម្មវិធី CJ Cup

Francesco Bagnaia ពន្លាតពិន្ទុនាំមុខក្នុងតារាងជើងឯកពិភពលោក MotoGP ក្រោយឈ្នះនៅម៉ាឡេស៊ី

Sebastian Ogier ឈ្នះការប្រណាំង Rally នៅអេស្ប៉ាញ ខណៈក្រុមតូយ៉ូតាគ្រងជើងឯកពិភពលោក