BTV NEWS

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

គ្រូកម្ពុជា រំពឹងជ័យជម្នះលើកដំបូង ផ្ដល់កម្លាំងចិត្តដល់កូនក្រុម មុនជួបវៀតណាម

ព័ត៌មានកីឡា

Mark Allen ការពារជើងឯកស្នូកឃ័រពានរង្វាន់ Northern Ireland Open បានសំរេច

ស្នូកឃ័រ៖ កីឡាករម្ចាស់ផ្ទះ Mark Allen បានការពារតំណែងជើងឯកស្នូកឃ័រពានរង្វាន់ Northern Ireland Open របស់ខ្លួនបានសម្រេចក្រោយយកឈ្នះកីឡាករចិន Zhou Yuelong នៅវគ្គផ្តាច់ព្រ័ត្រ ៩-៤ហ្វ្រេម។ កីឡាករវ័យ ៣៦ឆ្នាំសញ្ជាតិអៀកឡង់ខាងជើង Mark Allen ចាប់ផ្តើមមិនបានល្អឡើយដោយកីឡាករចិន Zhou Yuelong នាំមុខមុន ៤-១ហ្វ្រេម។ តែក្រោយមក Allen ក៏បានយកឈ្នះ ៣ហ្វ្រេមផ្ទួនៗវិញមុនចប់ដំណាក់កាលទី១ ដោយលទ្ធផលបណ្តោះអាសន្ន ៤-៤ហ្វ្រេម។ ចាប់ផ្តើមដំណាក់កាលទី២ Mark Allen មិនឱ្យ Yuelong តដៃបានឡើយជាមួយនឹងជ័យជំនះ ៥ហ្វ្រេមបន្ថែមទៀត។ Mark Allen ទទួលបានប្រាក់រង្វាន់ ៨ម៉ឺនផោនក្នុងនាមជាជើងឯក Northern Ireland Open នេះ និងទទួលបានពានរង្វាន់ Alex Higgin៕អត្ថបទ៖នាង សុភាវុធ

ក្រុមកំពូលតារាងអាល្លឺម៉ង់ Union Berlin ចាញ់ក្រុមបាតតារាង Bochum ខកខានពន្លាតពិន្ទុនាំមុខ

បាល់ទាត់៖ ក្រុមកំពូលតារាងក្របខណ្ឌកំពូលអាល្លឺម៉ង់ Bundesliga, Union Berlin បានរងបរាជ័យនៅទឹកដីក្រុមបាតតារាង Bochum ២-១ ខកខានក្នុងការពន្លាតពិន្ទុនាំមុខត្រឹមសប្តាហ៍ទី១១។ Union Berlin មានរដូវកាលដ៏អស្ចារ្យរបស់ខ្លួនដោយជាក្រុមដែលរបូតគ្រាប់បាល់តិចបំផុត ខណៈបរាជ័យនេះទៀតសោតគឺជាបរាជ័យលើកទី២ ប៉ុណ្ណោះ និងជាលើកទី២ ផងដែរដែលរបូតគ្រាប់បាល់លើសពី ១គ្រាប់។ ពីរគ្រាប់របស់ម្ចាស់ផ្ទះធ្វើបានដោយ Philipp Hofmann នៅនាទីទី៤៣ និង Gerrit Holtmann នៅនាទីទី៧១។ Union Berlin មានឱកាសតាមពីក្រោយ ១គ្រាប់វិញនៅនាទីទី៧៨ តែ Milos Pantovic ស៊ុតបាល់ពិន័យ ១១ម៉ែត្រមិនចូល មុនពេលដែល Pantovic ដដែលរកគ្រាប់បាល់បាននៅនាទីទី៩០+៣ តែយឺតពេលទៅហើយ។ បរាជ័យនេះធ្វើឱ្យ Union Berlin កាត់បន្ថយការនាំមុខក្នុងតារាងមកត្រឹម ១ពិន្ទុពីក្រុមការពារជើងឯក Bayern Munich ខណៈលេខ៣ គឺ Freiburg។ ចំណែកឯ Bochum បានងើបពីបាតតារាងមកឈរពីលើ Schalke វិញ ១ពិន្ទុ៕អត្ថបទ៖នាង សុភាវុធ

មន្ត្រីក្រសួងអប់រំចាត់ទុកទិវាកីឡាសម្រាប់ទាំងអស់គ្នា ជាការជំរុញចលនាជាតិឆ្ពោះទៅស៊ីហ្គេម-អាស៊ានប៉ារ៉ាហ្គេម២០២៣

ស៊ីហ្គេម៖ នាយកដ្ឋានអប់រំកាយ និងកីឡានៃក្រសួងអប់រំ យុវជន និងកីឡាកាលពីចុងសប្ដាហ៍កន្លងទៅ បានរៀបចំទិវាកីឡាសម្រាប់ទាំងអស់គ្នាឆ្នាំ២០២២ ក្រោមប្រធានបទ “យើងរួមគ្នាអភិវឌ្ឍន៍កីឡាជាតិ” នៅពហុកីឡដ្ឋានជាតិ។ ព្រឹត្តិការណ៍នេះធ្វើឡើងក្រោមវត្តមានឯកឧត្តម ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា ហើយឯកឧត្តមបានចាត់ទុកកម្មវិធីនេះគឺជាការជំរុញចលនាជាតិមួយ ដើម្បីគាំទ្រដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ យោងតាមរបាយការណ៍នាយកដ្ឋានអប់រំកាយ និងកីឡា “ទិវាកីឡាសម្រាប់ទាំងអស់គ្នា ឬ Sport For All” ដែលធ្វើរយៈពេលពេញ ១ព្រឹកនេះមានលោកគ្រូ-អ្នកគ្រូ និងសិស្ស-និស្សិតក្នុងរាជធានីភ្នំពេញចូលរួម ៣០០នាក់, គរុនិស្សិតវិទ្យាស្ថានជាតិអប់រំកាយ និងកីឡាចំនួន ១៥០នាក់, សមាគមន៍សីស្លាបខ្មែរ ១០៧នាក់, មហាជន ២៥៩នាក់ សរុប ៨១៦នាក់ដែលធ្វើការប្រកួតលើ ៥ប្រភេទកីឡារួមមានរត់ចម្ងាយ ៤គីឡូម៉ែត្រ, កីឡាបាល់ទះបុរស-នារី, បាល់បោះបុរស-នារី, កីឡាសីស្លាបខ្មែរ និងការហាត់ប្រាណតាមចង្វាក់ភ្លេង។ ឯកឧត្តម ប៊ូ ជុំសេរី បានមានប្រសាសន៍ថា កីឡាសម្រាប់ទាំងអស់គ្នាគឺជាទិវាមួយរបស់អន្ដរជាតិដែលតែងរៀបចំរៀងរាល់ឆ្នាំ ហើយក៏ជាផ្នែកមួយដែលក្រសួងអប់រំ យុវជន និងកីឡាបានយកចិត្តទុកដាក់ផងដែរ ទោះបីមិនផ្ដោតលើកីឡាអាជីព តែក្រសួងបានចាត់ទុកកម្មវិធីនេះគឺជាការជំរុញឲ្យមហាជនលេងកីឡាដើម្បីសុខភាព។ម្យ៉ាងក៏ជាការជំរុញចលនាជាតិឲ្យប្រជាជនម្នាក់ ត្រូវចេះលេងកីឡាមួយប្រភេទ ដើម្បីគាំទ្រដល់យុទ្ធនាការឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ស្របតាមការអំពាវនាវរបស់រាជរដ្ឋាភិបាលផងដែរ។ តាមរយៈការប្រកួតលក្ខណៈសប្បាយរីករាយនេះដែរ បន្ទាប់ពីចប់ការប្រកួតសម្រាប់កីឡាករ-កីឡាការិនីដណ្ដើមបានជ័យលាភីពីលេខ១ ដល់លេខ៣ តាមប្រភេទកីឡានីមួយៗគឺបានទទួលវត្ថុអនុស្សាវរីយ៍។ បន្ថែមលើនេះគណៈកម្មការរៀបចំក៏បានថ្លែងអំណរគុណដល់គ្រឹះស្ថាន និងគ្រប់ភាគីពាក់ព័ន្ធដែលបានចូលរួមកម្មវិធីនេះយ៉ាងច្រើនកុះករផងដែរ៕អត្ថបទ៖ លី ឈុនឡា

Newcastle ហក់ចូល Top4 ក្រោយឈ្នះនៅទឹកដី Spurs

បាល់ទាត់៖ ក្លិបអ្នកមានថ្មី Newcastle United បានហក់ចូលតំបន់កំពូលទាំង ៤ ហើយក្រោយយកឈ្នះនៅទឹកដី Tottenham Hotspur ២-១។ បន្ទាប់ពីរដូវកាលដ៏លំបាកកាលពីរដូវកាលមុន នៅពេលដោះដូរក្បាលម៉ាស៊ីនរបស់ក្លិប Newcastle បានបន្តការចាប់ផ្តើមរដូវកាលថ្មីនេះបានយ៉ាងល្អ។ពីរគ្រាប់នាំមុខមុនដោយ Callum Wilson និង Almiron បានក្លាយគ្រាប់បាល់ជ័យជំនះ ៣ពិន្ទុដ៏មានសារសំខាន់សម្រាប់ក្រុមរបស់លោក Eddie Howe បើទោះជា Spurs តាមពីក្រោយមួយគ្រាប់វិញដោយ Harry Kane ក៏ដោយ។ ស្របពេលដែល Newcastle ឡើងមកកាន់ Top4 លើកដំបូងក្នុងការចាប់ផ្តើម ១២ប្រកួតដំបូងនៃរដូវកាលតាំងពីខែមេសា ឆ្នាំ២០១២ Spurs ឯណោះវិញរងបរាជ័យ ២ប្រកួតផ្ទួនៗ។ ងាកមកក្រុមកំពូលតារាងកាំភ្លើងធំ Arsenal នៅពេលនេះត្រូវបានកាត់បន្ថយការនាំមុខមកត្រឹម ២ពិន្ទុពី Manchester City ក្រោយស្មើនៅទឹកដី Southampton ១-១។ គ្រាប់បាល់នាំមុខរបស់ Granit Xhaka នៅនាទីទី១១ ត្រូវបានលុបចោលវិញ តាមរយៈការតាមស្មើវិញរបស់ម្ចាស់ផ្ទះដោយ Stuart Armstrong។លទ្ធផលនេះធ្វើឱ្យក្រុមរបស់លោក Mikel Arteta បន្តនាំមុខក្នុងតារាងដដែលតែកាត់មកត្រឹម ២ពិន្ទុពីលើក្រុមលេខ២ Manchester City ដែលយកឈ្នះ Brighton ៣-១ កាលពីថ្ងៃសៅរ៍។ លទ្ធផលផ្សេងទៀតយប់មិញរួមមាន Aston Villa ចាប់ផ្តើមជីវិតក្រោយពេល Gerrard ចាកចេញដោយយកឈ្នះ Brentford ៤-០។ Leicester City ងើបផុតពីតំបន់គ្រោះថ្នាក់ក្រោយឈ្នះនៅដី Wolves ៤-០ ខណៈ Leeds ចាញ់ Fulham ក្នុងដីខ្លួនឯង ២-៣៕អត្ថបទ៖នាង សុភាវុធ

ឃីកបុកស៊ីងអញ្ជើញប្រធានសហព័ន្ធអន្ដរជាតិមកបង្រៀនអាជ្ញាកណ្ដាល-ចៅក្រមត្រៀមស៊ីហ្គេម

ឃីកបុកស៊ីង៖ សហព័ន្ធកីឡាប្រដាល់ឃីកបុកស៊ីងកម្ពុជា បានបើកវគ្គបណ្ដុះបណ្ដាលអាជ្ញាកណ្ដាល ចៅក្រម និងមន្ត្រីបច្ចេកទេសកម្រិតអន្តរជាតិឆ្នាំ២០២២ ដោយបានអញ្ជើញប្រធានសហព័ន្ធកីឡាឃីកបុកស៊ីងអន្ដរជាតិលោក Nasser Nassiri បានបង្រៀនផ្ទាល់ដើម្បីពង្រឹងសមត្ថភាព និងចំណេះដឹងត្រៀមការប្រកួតនានា ពិសេសស៊ីហ្គេមឆ្នាំ២០២៣ នៅកម្ពុជា។ វគ្គបណ្ដុះបណ្ដាលនេះធ្វើឡើងរយៈពេល ៥ថ្ងៃចាប់ពីថ្ងៃទី២២ ដល់ថ្ងៃទី២៦ ខែតុលា ឆ្នាំ២០២២ នៅសណ្ឋាគារសុខា ដោយមានសិក្ខាកាមចំនួន ៤៨រូបចូលរួម។ ពិធីបើកវគ្គបណ្ដុះបណ្ដាលអាជ្ញាកណ្ដាល ចៅក្រមអន្ដរជាតិនេះធ្វើឡើងក្រោមវត្តមានឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិ CAMSOC។ លោក ហេង សុខឃន ប្រធានសហព័ន្ធកីឡាប្រដាល់ឃីកបុកស៊ីងកម្ពុជាបានឲ្យដឹងថា គោលបំណងនៃការរៀបចំវគ្គបណ្ដុះបណ្ដាលកម្រិតអន្ដរជាតិនេះ គឺដើម្បីពង្រឹងសមត្ថភាព និងគុណភាពរបស់អាជ្ញាកណ្ដាល ចៅក្រម និងមន្ដ្រីបច្ចេកទេសសហព័ន្ធស្រមតាមនិយាមអន្ដរជាតិ ដើម្បីចូលរួមក្នុងការប្រកួតកីឡាជាតិលើកទី៣ នាខែវិច្ឆិកាខាងមុខ ពិសេសព្រឹត្តិការណ៍ស៊ីហ្គេមឆ្នាំ២០២៣។ឆ្លៀតឱកាសនោះ ឯកឧត្តម វ៉ាត់ ចំរើន បានវាយតម្លៃខ្ពស់ចំពោះវគ្គនេះដែលមានសិក្ខាកាមជាស្ដ្រីចូលរួម ស្របតាមចលនាកីឡាត្រូវមានស្ដ្រី ៣០% ដែលជាគោលការណ៍អន្ដរជាតិ។ ឯកឧត្តមបានក្រើនរំឮកដល់សិក្ខាកាមទាំងអស់ ដោយវគ្គនេះគ្រូឧទ្ទេសគឺជាប្រធានសហព័ន្ធអន្ដរជាតិ ដូច្នេះត្រូវយកចិត្តទុកដាក់ និងក្រេបយកចំណេះដឹងថ្មីៗពាក់ព័ន្ធនឹងបច្ចេកទេស និងបទបញ្ជាការប្រកួតនានា ដើម្បីពង្រឹងសមត្ថភាពគ្រប់គ្រាន់ ត្រៀមចូលរួមកាត់សេចក្ដីក្នុងព្រឹត្តិការណ៍ជាប្រវត្តិសាស្ដ្រនាឆ្នាំក្រោយ៕អត្ថបទ៖ លី ឈុនឡា

ពេជ្រ សម្បត្តិ គ្រងជើងឯកខ្សែក្រវាត់ខារ៉ាបាវរដូវកាលទី៨ ក្រោយឈ្នះកីឡាករថៃ ផាត់ថាណា

ប្រដាល់៖ ព្រឹត្តិការណ៍ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ ក្នុងប្រភេទទំងន់ ៦០គីឡូក្រាមបានបិទបញ្ចប់ដោយជោគជ័យ ក្រោមការគាំទ្រពីស្នេហាគុនខ្មែរមិនគួរឱ្យជឿ។ រយៈពេលជិត ៥ខែតាំងពីចាប់ផ្តើមជុំដំបូងនៅដើមខែកក្កដា កីឡាករ ៨រូបរួមមានគុនខ្មែរ ៤ និងថៃ ៤រូបបានប្រកួតប្រជែងគ្នានៅសង្វៀនស្ទឹងមានជ័យរបស់អគ្គនាយកដ្ឋានវិទ្យុ និងទូរទស្សន៍បាយ័នបានទទួលការគាំទ្រយ៉ាងសន្ធឹក ខណៈការប្រកួតវគ្គផ្តាច់ព្រ័ត្រថ្ងៃអាទិត្យម្សិលមិញត្រូវបានគេប៉ាន់ប្រមាណថា មានទស្សនិកជនប្រមាណ ៤០០០នាក់ និងមានអ្នកទស្សនាផ្សាយផ្ទាល់នៅលើបណ្តាញសង្គមដល់ទៅជិត ៧០០០០គណនី។ ក្រោមក្រសែភ្នែកទស្សនិកជនរាប់ពាន់នាក់ក្នុងសង្វៀន និងរាប់លាននាក់ទស្សនាតាមគេហដ្ឋាន កីឡាករគុនខ្មែរមកពីក្លិបចលនាយុវជន ១៥៧ គុនខ្មែរ ពេជ្រ សម្បត្តិ មិនបានធ្វើឱ្យអ្នកគាំទ្រគុនខ្មែរខកបំណងឡើយ ដោយបានយកឈ្នះគូប្រកួតដែលគិតថា លំបាកបំផុតក្នុងរដូវកាលនេះ ផាត់ថាណា ស៊ីតអាចានវីន ដោយពិន្ទុ។នេះជាលើកដំបូងសម្រាប់ពន្លកគុនខ្មែរដែលទើបចាប់ផ្តើមអាជីពមិនដល់ ២ឆ្នាំផង និងបានគ្រងជើងឯកខ្សែក្រវាត់ នៅសង្វៀនដែលមានការគាំទ្របំផុតនៅកម្ពុជាមួយនេះ។ ពេជ្រ សម្បត្តិ បានទទួលប្រាក់រង្វាន់ ៦០០០ពាន់ដុល្លារក្នុងនាមជាជើងឯក អមជាមួយនឹងខ្សែក្រវាត់ និងពានមួយក្រោមការបំពាក់ដោយឯកឧត្តម តែម ម៉ឺន ប្រធានសហព័ន្ធកីឡាប្រដាល់គុនខ្មែរ ខណៈដែលជើងឯករង ផាត់ថាណា ទទួលបានប្រាក់រង្វាន់ ៣៥០០ដុល្លារ។ ថ្ងៃជាមួយគ្នានោះដែរ ធន់ ផានិត បានយកឈ្នះកីឡាករថៃ ទួនប៉េ ដើម្បីទទួលបានចំណាត់ថ្នាក់លេខ៣ អមជាមួយនឹងប្រាក់រង្វាន់ ២០០០ដុល្លារ ខណៈ ទួនប៉េ ទទួលបាន ១០០០ដុល្លារ៕អត្ថបទ៖នាង សុភាវុធ

ជោគជ័យនៅ Davis Cup គឺជាសញ្ញាណវិជ្ជមានសម្រាប់កីឡាវាយកូនបាល់ត្រៀមស៊ីហ្គេម ២០២៣

វាយកូនបាល់៖ ទីបំផុតក្រុមកីឡាវាយកូនបាល់ជម្រើសជាតិកម្ពុជា បានសម្រេចបំណងឡើងក្រុម៣ នៃព្រឹត្តិការណ៍ Davis Cup ប្រចាំតំបន់អាស៊ី/អូសេអានីវិញហើយ ក្រោយបញ្ចប់បេសកកម្មក្នុងការប្រកួតក្រុម៤ ឆ្នាំ២០២២ ជាមួយកំណត់ត្រាឈ្នះ ៤ប្រកួតផ្ទួនៗ ពិសេសវគ្គផ្ដាច់ព្រ័ត្រដែលកម្ពុជាបានយកឈ្នះក្រុមជម្រើសជាតិសិង្ហបុរី ២-១ នៅទីក្រុង Isa Town ប្រទេសបារ៉ែនកាលពីចុងសប្ដាហ៍កន្លងទៅ។ នេះគឺជាការសម្រេចជោគជ័យមួយដ៏ធំរបស់ក្រុមកីឡាវាយកូនបាល់កម្ពុជា ដែលបានត្រឡប់ទៅកាន់កៅអីកម្រិត៣ នៃព្រឹត្តិការណ៍ពិភពលោកនេះវិញ បន្ទាប់ពីខកខានអស់រយៈពេល ៦ឆ្នាំ ហើយក៏ជាការសម្រេចគោលដៅមួយដ៏ធំ ក្នុងផែនការរបស់សហព័ន្ធ សម្រាប់ដំណើរឆ្ពោះទៅព្រឹត្តិការណ៍ប្រវត្តិសាស្ដ្រស៊ីហ្គេមលើកទី៣២ ឆ្នាំ២០២៣ នៅកម្ពុជាផងដែរ។ សម្រាប់ការប្រកួតកាត់សេចក្ដីរកបេក្ខភាពឡើងក្រុម៣ នៃព្រឹត្តិការណ៍ Davis Cup 2023 រវាងកម្ពុជា និងសិង្ហបុរីកាលពីចុងសប្ដាហ៍កន្លងទៅបានបញ្ចប់ការប្រកួតយ៉ាងស្វិតស្វាញ់ បន្ទាប់ពីប្រកួតទី១ លើវិញ្ញាសាឯកត្តជនរវាងកីឡាករខ្មែរ-អាមេរិក Mathew Krusling បានចាញ់កីឡាករសិង្ហបុរី Shaeed Alam ដោយលទ្ធផល ២សិត១ ដោយពិន្ទុ សិតទី១ Mathew Krusling បានចាញ់ពិន្ទុ ១-៦ មុនរូបគេវាយបកយកឈ្នះវិញ នៅសិតទី២ ដោយពិន្ទុ ៦-២ តែសិតទី៣ កីឡាករសិង្ហបុរីបានយកឈ្នះ ៦-៤។ចំណែកការប្រកួតទី២ លើឯកត្តជនដដែល កីឡាករជើងខ្លាំងកម្ពុជា ប៊ុន កេន្នី ធ្វើបានយ៉ាងល្អដោយយកឈ្នះ ២សិត០ លើកីឡាករសិង្ហបុរី Roy Hobbs ក្នុងពិន្ទុ ៦-៣ និង ៦-៣។ ឈានដល់ការប្រកួតកាត់សេចក្ដីលើវិញ្ញាសាវាយគូ កីឡាករ ប៊ុន កេន្នី ចាប់ដៃគ្នាជាមួយ Mathew Krusling ដោយបានយកឈ្នះកីឡាករសិង្ហបុរី Shaheed Alam និង Ethan Kai Xin Lye ២សិត០ ទៀតក្នុងពិន្ទុ ៧-៦ និង ៦-២។ តាមរយៈជ័យជម្នះនេះនាំឲ្យក្រុមកីឡាវាយកូនបាល់កម្ពុជាបានឡើងទៅក្រុម៣ នៃព្រឹត្តិការណ៍ Davis Cup ប្រចាំតំបន់អាស៊ី/អូសេអានីនាឆ្នាំ២០២៣ ជាមួយក្រុមជម្រើសជាតិស្រីលង្ការដែលទទួលបានជ័យជម្នះដូចគ្នានៅប្រទេសរបស់ខ្លួន។ លោក ទេព រិទ្ធីវិទ្ធ អគ្គលេខាធិការសហព័ន្ធកីឡាវាយកូនបាល់កម្ពុជាបានលើកឡើងថា បេសកកម្មក្នុងការប្រកួត Davis Cup នេះគឺជាការប្រកួតមួយដ៏សំខាន់របស់ក្រុមជម្រើសជាតិខ្លួន ក្នុងការត្រៀមខ្លួនឆ្ពោះទៅស៊ីហ្គេមឆ្នាំ២០២៣។ ដូច្នេះការទទួលបានជើងឯក ក៏ដូចជាការត្រឡប់ទៅកាន់ក្រុម៣ វិញនេះគឺជាទំនុកចិត្តមួយដ៏សំខាន់សម្រាប់ក្រុមកីឡាវាយកូនបាល់កម្ពុជា ដើម្បីត្រៀមលក្ខណៈធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រនាឆ្នាំក្រោយ៕អត្ថបទ៖ លី ឈុនឡា

Coco Gauff នឹងក្លាយជាកីឡាការិនីវាយកូនបាល់ក្មេងបំផុតតាំងពីឆ្នាំ២០០៥ ដែលបង្ហាញខ្លួននៅ WTA Finals

វាយកូនបាល់៖ កីឡាការិនីវាយកូនបាល់អាមេរិក Coco Gauff នឹងក្លាយជាកីឡាការិនីវ័យក្មេងបំផុតតាំងពីឆ្នាំ២០០៥ ដែលនឹងបង្ហាញខ្លួននៅព្រឹត្តិការណ៍បិទរដូវកាល WTA Finals លើវិញ្ញាសាឯកត្តជននារី។ កីឡាការិនីវ័យ ១៨ឆ្នាំរូបនេះក៏នឹងប្រកួតវិញ្ញាសាវាយគូក្នុងព្រឹត្តិការណ៍ WTA Finals នេះដែរដោយនឹងចាប់ដៃគូជាមួយ Jessica Pegula។ Coco Gauff និង Jessica Pegula នឹងក្លាយជាកីឡាការិនីអាមេរិកទី១ ដែលនឹងចូលរួមការប្រកួត WTA Finals ទាំងវាយទោល និងវាយគូតាំងពីឆ្នាំ២០០៩ ដែលធ្វើបានដោយ Serena Williams និងបងស្រី Venus Williams។ Coco Gauff ទទួលបានកៅអី WTA Finals ចុងខែនេះក្រោយឈានឡើងជុំទី៣ នៃព្រឹត្តិការណ៍វាយកូនបាល់ Guadalajara Open នៅប្រទេសម៉ិកស៊ិក។ WTA Finals នឹងរៀបចំនៅទីក្រុង Fort Worth រដ្ឋតិចសាសសហរដ្ឋអាមេរិកពីថ្ងៃទី៣១ ខែតុលានេះដល់ថ្ងៃទី៧ ខែវិច្ឆិកា។ Coco Gauff នៅពេលនោះនឹងជាកីឡាការិនីវ័យក្មេងបំផុតដែលបង្ហាញខ្លួននៅ WTA Finals បន្ទាប់ពី Lindsay Davenport ដែលធ្វើបានបែបនេះកាលពី ២៨ឆ្នាំមុន៕អត្ថបទ៖នាង សុភាវុធ

អ្នកគាំទ្រនៅកាតាជួបជុំគ្នាអបអររាប់ថយក្រោយ ១ខែទៀតដល់ World Cup

បាល់ទាត់៖ អ្នកគាំទ្របាល់ទាត់នៅកាតាបានជុំគ្នាសប្បាយរីករាយបាត់ទៅហើយ ដើម្បីអបអរការរាប់ថយក្រោយ ១ខែទៀតឈានដល់ព្រឹត្តិការណ៍បាល់ទាត់ពិភពលោក FIFA World Cup 2022 ដែលជា World Cup លើកដំបូងក្នុងទឹកដីមជ្ឈិមបូព៌ា។ នៅថ្ងៃទី២០ ខែវិច្ឆិកាខាងមុខ ព្រឹត្តិការណ៍បាល់ទាត់ធំបំផុតលើលោកនឹងចាប់ផ្តើម ប៉ុន្មានម៉ោងប៉ុណ្ណោះបន្ទាប់ពីថ្ងៃលិចនៅកីឡដ្ឋាន Al Bayt ដែលអាចផ្ទុកអ្នកទស្សនាបាន ៦០,០០០នាក់ ជាកីឡដ្ឋានថ្មីសន្លាងដែលសាងសង់សម្រាប់ World Cup ឆ្នាំនេះ។ ការប្រកួតទាំង ៦៤ ក្នុងរយៈពេល ២៩ថ្ងៃដែលមានក្រុមចំនួន ៣២ នឹងត្រូវធ្វើឡើងនៅក្នុងទីក្រុងដូហា ជាមួយនឹងកម្មវិធី និងព្រឹត្តិការណ៍វប្បធម៌ជាច្រើនទៀតនឹងត្រូវរៀបចំឡើង។ ភ្ញៀវទេសចរប្រហែល ១.២លាននាក់ត្រូវបានគេរំពឹងថាមកកាន់ប្រទេសកាតា សម្រាប់ការប្រកួតបាល់ទាត់ពិភពលោកលើកដំបូង នៅលើទឹកដីមជ្ឈឹមបូព៌ានេះ។កាតាកំពុងញាប់ដៃញាប់ជើង ដើម្បីបង្ហើយការងារដែលនៅសេសសល់មួយចំនួនក្នុងការរៀបចំ World Cup នៅខែក្រោយនេះ ពោលគឺកាតានឹងបើកទទួលភ្ញៀវទេសចរ World Cup ចាប់ពីថ្ងៃទី១ ខែវិច្ឆិកាខាងមុខនេះ ជាពេលដែលកាត Hayya ចាប់ផ្តើមសុពលភាព។ រាល់ភ្ញៀវទេសចរណ៍ដែលមកកាន់កាតា ទោះបីជាគ្មានគម្រោងមកទស្សនា World Cup ក្តី ត្រូវការចាំបាច់ឱ្យមានកាត Hayya នេះដើម្បីចូលប្រទេសកាតាបានអំឡុងព្រឹត្តិការណ៍ World Cup៕អត្ថបទ៖នាង សុភាវុធ

Steven Gerrard ត្រូវដកតំណែងហើយក្រោយ Aston Villa ចាញ់នៅទឹកដី Fulham ៣-០

បាល់ទាត់៖ ក្លិប Aston Villa បានសំរេចបញ្ចប់តំណែងអ្នកចាត់ការលោក Steven Gerrard ហើយបន្ទាប់ពីចាញ់នៅទឹកដី Fulham ៣-០ ក្របខណ្ឌ English Premier League យប់មិញ។ Aston Villa ឈ្នះតែ ២ប្រកួតប៉ុណ្ណោះរដូវកាលនេះក្រៅពីនោះស្មើ៣ និងចាញ់ ៦ ធ្លាក់ខ្លួនដល់លេខ ១៧ ក្នុងតារាងឈរពីលើតំបន់គ្រោះថ្នាក់ដោយសារគ្រាប់បាល់ចំណេញប៉ុណ្ណោះ។ លោក Steven Gerrard បានចូលមកកាន់តំណែងដឹកនាំ Aston Villa កាលពីខែវិច្ឆិកា ឆ្នាំ២០២១ បន្តតំណែងពីលោក Dean Smith បន្ទាប់ពីលាលែងពីក្លិបស្កុតឡេន Glasgow Rangers។ តែអតីតខ្សែបម្រើក្រុមជំរើសជាតិអង់គ្លេស និង Liverpool វ័យ ៤២ឆ្នាំរូបនេះដឹកនាំ Aston Villa ឈ្នះតែ ១៣ប្រកួតប៉ុណ្ណោះក្នុងចំណោម ៤០ប្រកួតក្នុងតំណែង។ ក្នុងរជ្ជកាលរបស់ Steven Gerrard, Aston Villa ក៏បាននាំយកកីឡាករសំខាន់ៗមួយចំនួនផងដែរដូចជា Philippe Coutinho ខ្សែការពារ Sevilla, Diego Carlos និងខ្សែបម្រើបារាំង Boubakar Kamara ជាដើម។យ៉ាងណាក្តី Diego Carlos រងរបួសពេលបើករដូវកាលស្របពេលដែល Kamara ក៏របួសដល់ឆ្នាំថ្មី។ រំលឹកថា Steven Gerrard ដែលលេងជាង ៧០០ប្រកួតឱ្យ Liverpool នោះបានចាប់ផ្តើមអាជីពជាអ្នកចាត់ការរបស់ខ្លួនកាលពីឆ្នាំ២០១៨ ដឹកនាំ Rangers ឈ្នះពានលីគកំពូលស្កុតឡេនលើកដំបូងក្នុងរយៈពេល ១០ឆ្នាំ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សេចក្ដីរាយការណ៍៖ អ៊ីរ៉ង់ និងអូម៉ង់ជិតឈានដល់កិច្ចព្រមព្រៀងបើកច្រកសមុទ្រ Hormuz ឡើងវិញ

អ៊ីរ៉ង់ អារ៉ាប៊ីសាអ៊ូឌីត និងប៉ាគីស្ថាន ពិភាក្សាអំពីកិច្ចប្រឹងប្រែងការទូត ដើម្បីធានាស្ថិរភាព និងសន្តិសុខក្នុងតំបន់

ប្រធានាធិបតីអ៊ីរ៉ង់បញ្ជាក់ថា អ៊ីរ៉ង់មិនស្វែងរកសង្គ្រាមកាន់តែធំធេងឡើយ

លោក Zelenskyy៖ អ៊ុយក្រែនជាផ្នែកសំខាន់ ក្នុងការប៉ុនប៉ងស្តារឥទ្ធិពលរបស់លោក Putin លើអតីតរដ្ឋសហភាពសូវៀត

បេសកជន៖ EU ត្រូវការការផ្លាស់ប្តូរនយោបាយផ្ទៃក្នុង ដើម្បីបញ្ឈប់ការគាំទ្រអ៊ុយក្រែន

រដ្ឋមន្ត្រីអ៊ីស្រាអែលស្តាំនិយមជ្រុល ទាមទារឲ្យមានការបោះឆ្នោតថ្មីស្តីពីផែនការតំបន់ហ្កាហ្សា

ចំហេះព្រៃនៅទីក្រុង Spokane សហរដ្ឋអាមេរិក បានបំផ្លាញអគារជាង៧០០និងបង្ខំឲ្យមនុស្សជាង៦ម៉ឺននាក់ភៀសខ្លួន

UNថ្កោលទោសការសម្លាប់ជនស៊ីវិលនៅហ្កាហ្សា និងនិយាយថា ត្រូវតែការពារមូលដ្ឋានថែទាំសុខភាព

ក្រសួងការបរទេស៖ រុស្ស៊ីត្រៀមខ្លួនសម្រាប់ការចរចាអំពីអ៊ុយក្រែន បើលោកខាងលិចមានវិធីសាស្ត្រដែលទទួលខុសត្រូវ

មេបញ្ជាការកងទ័ពស៊ូដង់ប្ដេជ្ញាថា នឹងយកជ័យជម្នះលើក្រុម RSF នៅចុងឆ្នាំនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Mark Allen ការពារជើងឯកស្នូកឃ័រពានរង្វាន់ Northern Ireland Open បានសំរេច

ក្រុមកំពូលតារាងអាល្លឺម៉ង់ Union Berlin ចាញ់ក្រុមបាតតារាង Bochum ខកខានពន្លាតពិន្ទុនាំមុខ

Newcastle ហក់ចូល Top4 ក្រោយឈ្នះនៅទឹកដី Spurs

ឃីកបុកស៊ីងអញ្ជើញប្រធានសហព័ន្ធអន្ដរជាតិមកបង្រៀនអាជ្ញាកណ្ដាល-ចៅក្រមត្រៀមស៊ីហ្គេម

ពេជ្រ សម្បត្តិ គ្រងជើងឯកខ្សែក្រវាត់ខារ៉ាបាវរដូវកាលទី៨ ក្រោយឈ្នះកីឡាករថៃ ផាត់ថាណា

ជោគជ័យនៅ Davis Cup គឺជាសញ្ញាណវិជ្ជមានសម្រាប់កីឡាវាយកូនបាល់ត្រៀមស៊ីហ្គេម ២០២៣

Coco Gauff នឹងក្លាយជាកីឡាការិនីវាយកូនបាល់ក្មេងបំផុតតាំងពីឆ្នាំ២០០៥ ដែលបង្ហាញខ្លួននៅ WTA Finals

អ្នកគាំទ្រនៅកាតាជួបជុំគ្នាអបអររាប់ថយក្រោយ ១ខែទៀតដល់ World Cup

Steven Gerrard ត្រូវដកតំណែងហើយក្រោយ Aston Villa ចាញ់នៅទឹកដី Fulham ៣-០

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Mark Allen ការពារ​ជើងឯក​ស្នូកឃ័រ​ពានរង្វាន់ Northern Ireland Open បានសំរេច​

ក្រុម​កំពូល​តារាង​អាល្លឺម៉ង់ Union Berlin ចាញ់​ក្រុម​បាត​តារាង Bochum ខកខាន​ពន្លាត​ពិន្ទុ​នាំមុខ

Newcastle ហក់​ចូល Top4 ក្រោយ​ឈ្នះ​នៅ​ទឹកដី Spurs

ឃី​ក​បុក​ស៊ី​ង​អញ្ជើញ​ប្រធាន​សហព័ន្ធ​អន្ដរជាតិ​មក​បង្រៀន​អាជ្ញាកណ្ដាល​-​ចៅក្រម​ត្រៀម​ស៊ី​ហ្គេម​

ពេជ្រ សម្បត្តិ​ គ្រង​ជើងឯក​ខ្សែក្រវាត់​ខា​រ៉ា​បាវ​រដូវ​កាល​ទី៨ ក្រោយ​ឈ្នះ​កីឡាករ​ថៃ​ ផាត់​ថា​ណា​

ជោគជ័យ​នៅ​ Davis Cup ​គឺជា​សញ្ញាណ​វិជ្ជមាន​សម្រាប់​កីឡា​វាយ​កូន​បាល់​ត្រៀម​ស៊ី​ហ្គេម ២០២៣

Coco Gauff នឹង​ក្លាយជា​កីឡាការិនី​វាយ​កូន​បាល់​ក្មេង​បំផុត​តាំងពី​ឆ្នាំ​២០០៥ ដែល​បង្ហាញខ្លួន​នៅ WTA Finals

អ្នកគាំទ្រ​នៅ​កាតា​ជួបជុំគ្នា​អបអរ​រាប់​ថយក្រោយ ១​ខែ​ទៀត​ដល់ World Cup

Steven Gerrard ត្រូវ​ដកតំណែង​ហើយ​ក្រោយ Aston Villa ចាញ់​នៅ​ទឹកដី Fulham ៣-០

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Mark Allen ការពារជើងឯកស្នូកឃ័រពានរង្វាន់ Northern Ireland Open បានសំរេច

ក្រុមកំពូលតារាងអាល្លឺម៉ង់ Union Berlin ចាញ់ក្រុមបាតតារាង Bochum ខកខានពន្លាតពិន្ទុនាំមុខ

Newcastle ហក់ចូល Top4 ក្រោយឈ្នះនៅទឹកដី Spurs

ឃីកបុកស៊ីងអញ្ជើញប្រធានសហព័ន្ធអន្ដរជាតិមកបង្រៀនអាជ្ញាកណ្ដាល-ចៅក្រមត្រៀមស៊ីហ្គេម

ពេជ្រ សម្បត្តិ គ្រងជើងឯកខ្សែក្រវាត់ខារ៉ាបាវរដូវកាលទី៨ ក្រោយឈ្នះកីឡាករថៃ ផាត់ថាណា

ជោគជ័យនៅ Davis Cup គឺជាសញ្ញាណវិជ្ជមានសម្រាប់កីឡាវាយកូនបាល់ត្រៀមស៊ីហ្គេម ២០២៣

Coco Gauff នឹងក្លាយជាកីឡាការិនីវាយកូនបាល់ក្មេងបំផុតតាំងពីឆ្នាំ២០០៥ ដែលបង្ហាញខ្លួននៅ WTA Finals

អ្នកគាំទ្រនៅកាតាជួបជុំគ្នាអបអររាប់ថយក្រោយ ១ខែទៀតដល់ World Cup

Steven Gerrard ត្រូវដកតំណែងហើយក្រោយ Aston Villa ចាញ់នៅទឹកដី Fulham ៣-០