BTV NEWS

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

គ្រូកម្ពុជា រំពឹងជ័យជម្នះលើកដំបូង ផ្ដល់កម្លាំងចិត្តដល់កូនក្រុម មុនជួបវៀតណាម

ព័ត៌មានកីឡា

Xhaka ស៊ុតគ្រាប់ជ័យជំនះឲ្យ Arsenal ឡើងវគ្គ ១៦ក្រុមចុងក្រោយ Europa League

បាល់ទាត់៖ ក្រុមនាំមុខគេនៅ English Premier League កាំភ្លើងធំ Arsenal បានកក់កៅអីនៅវគ្គ ១៦ក្រុមចុងក្រោយនៃក្របខណ្ឌ UEFA Europa League ហើយក្រោយយកឈ្នះក្រុមហូឡង់ PSV Eindhoven យប់មិញ ១-០។ គ្រាប់បាល់ជ័យជំនះមួយគ្រាប់គត់របស់ Arsenal សម្រេចបានដោយ Granit Xhaka នៅនាទីទី៧០ ដែលធ្វើឱ្យក្រុមរបស់លោក Mikel Arteta ឈ្នះពេញទាំង ៤ប្រកួតនៅក្នុងពូល A មាន ១២ពិន្ទុ។ នេះក៏ជាជ័យជំនះ ៨ប្រកួតជាប់គ្នាគ្រប់ក្របខណ្ឌផងដែរសម្រាប់ Arsenal តាំងពីចាញ់ Manchester United នៅ Old Trafford។ អ្វីដែល Arsenal ត្រូវធ្វើបន្ទាប់នោះគឺរកត្រឹម ១ពិន្ទុទៀតប៉ុណ្ណោះដើម្បីធានាថាជាក្រុមលេខ១ ក្នុងពូល នៅពេលត្រលប់ទៅទឹកដីហូឡង់វិញសប្តាហ៍ក្រោយ៕អត្ថបទ៖នាង សុភាវុធ

Tyson Fury និង Derek Chisora នឹងជួបគ្នាលើកទី៣ ចុងឆ្នាំនេះ

ប្រដាល់៖ កំពូលកីឡាករប្រដាល់ទំងន់ធ្ងន់ពីររូប Tyson Fury និង Derek Chisora នឹងឡើងសង្វៀនជួបគ្នាជាលើកទី៣ នៅថ្ងៃទី៣ ខែធ្នូចុងឆ្នាំនេះ បន្ទាប់ពីការបញ្ជាក់ច្បាស់ដោយប្រូម៉ូទ័រ Frank Warren នៅថ្ងៃព្រហស្បតិ៍ម្សិលមិញ។ កីឡាករវ័យ ៣៤ឆ្នាំ Tyson Fury នឹងឡើងការពារខ្សែក្រវាត់ទំងន់ធ្ងន់ WBC របស់ខ្លួនជាលើកទី៣ ទល់នឹង Derek Chisora ដែលខ្លួនធ្លាប់ឈ្នះពីរលើកមកហើយ។ ជំនួបរវាងអ្នកទាំងពីរកាលពី ២លើកមុន Tyson Fury បានយកឈ្នះ Derek Chisora ទាំងពីរប្រកួតនៅឆ្នាំ២០១១ និង ២០១៤។ តាមពិតទៅ Tyson Fury ត្រូវបានគេរំពឹងថានឹងអាចជួបជាមួយ Anthony Joshua នៅខែធ្នូខាងមុខតែការចរចាមិនបានសំរេច។ Tyson Fury មិនទាន់ចាញ់ការប្រកួតណាមួយឡើយចំនួន ៣២ប្រកួតនៃអាជីពរបស់ខ្លួន ខណៈដែលកីឡាករវ័យ ៣៨ឆ្នាំ Derek Chisora កំពុងស្ថិតក្នុងដំណើរចុងក្រោយនៃអាជីពរបស់ខ្លួន បន្ទាប់ពីចាញ់ ៣ ក្នុងចំណោម ៤ប្រកួតចុងក្រោយ។កាលពីខែកក្កដាកន្លងទៅ Derek Chisora បានបញ្ចប់បរាជ័យ ៣ប្រកួតផ្ទួនៗរបស់ខ្លួនដោយយកឈ្នះ Kubrat Pulev តែ Tyson Fury នឹងឡើងសង្វៀនលើកដំបូងតាំងពីយកឈ្នះ Dallian Whyte នៅ Wembley កាលពីខែមេសា។ ជំនួបរវាង Tyson Fury និង Derek Chisora លើកទី៣ នឹងធ្វើឡើងនៅថ្ងៃទី៣ ខែធ្នូនៅកីឡដ្ឋានបាល់ទាត់របស់ Tottenham Hotspur៕អត្ថបទ៖នាង សុភាវុធ

FFC ប្រកាសរំសាយយុវជន ៩រូបទៀតក្រោយបញ្ចប់ការសិក្សានៅសាលាបាល់ទាត់ជាតិបាទី

បាល់ទាត់៖ សហព័ន្ធកីឡាបាល់ទាត់កម្ពុជា (FFC) បានប្រកាសរំសាយយុវជនចំនួន ៩រូបទៀតបន្ទាប់ពីបញ្ចប់ការសិក្សានៅមជ្ឈមណ្ឌល និងសាលាបាល់ទាត់ជាតិបាទីក្នុងឆ្នាំ២០២២ នេះ។ យុវជន ៩រូបដែលត្រូវចាកចេញពីបណ្ដុះបណ្ដាលបាល់ទាត់ គ្រប់គ្រងដោយសហព័ន្ធនេះរួមមានកីឡាករ យ៉ង ភូមិន្ទ, អ៊ាវ សុវណ្ណារ៉ា, ហួត វ៉ាន់ណេត, ម៉េង សុភា, សួន សាវឌី, រ៉េត លីហេង, ឃាន់ សុបិន, ហេង សុវណ្ណបញ្ញា និង ចាន់វិបុល ដាវីដ ដែលពួកគេភាគច្រើនកើតនៅឆ្នាំ២០០៤ លើកលែងកីឡាករ អ៊ាង សុវណ្ណារ៉ា និង សួន សាវឌី ដែលកើតនៅឆ្នាំ២០០៥។ តាមរយៈការប្រកាសពីការបញ្ចប់ការសិក្សារបស់យុវជនទាំង ៩រូបប្រៀបបានការជូនដំណឹងដល់បណ្ដាក្លិបនានា ក្នុងការនាំយកពួកគេទៅរួមរស់ជាមួយក្លិបដើម្បីបន្ដអាជីព និងអភិវឌ្ឍន៍សមត្ថភាពបន្ថែមជាមួយលក្ខខណ្ឌងាយស្រួល ដែលសម្របសម្រួលដោយសហព័ន្ធកីឡាបាល់ទាត់កម្ពុជា ដោយគ្មានការយកកម្រៃពីក្លិបណាមួយឡើយ ដោយគោរពតាមគោលការណ៍របស់ថ្នាក់ដឹកនាំសហព័ន្ធ ដើម្បីរួមចំណែកជួយដល់ក្លិបក្នុងការកសាង និងអភិវឌ្ឍន៍ធនធានកីឡាករយុវជ ជំរុញឲ្យវិស័យបាល់ទាត់កម្ពុជាកាន់តែរីកចម្រើនថែមទៀត។គេចាំបានថា គិតចាប់ពីឆ្នាំ២០១៨ រហូតមកទល់បច្ចុប្បន្ន នៅរៀងរាល់ចុងឆ្នាំសហព័ន្ធកីឡាបាល់ទាត់កម្ពុជា តែងតែប្រកាសពីយុវជនតិច ឬច្រើនដែលបញ្ចប់ការសិក្សានៅសាលាបាល់ទាត់ជាតិបាទី ដើម្បីរំសាយឲ្យពួកគេបានចេញទៅប្រកបអាជីពតាមបណ្ដាក្លិបផ្សេងៗ ហើយមកទល់ពេលនេះមានយុវជនជាច្រើន ដែលកើតចេញពីមូលដ្ឋាននៅទឹកដីខេត្តតាកែវនេះ កំពុងប្រកបអាជីពជាមួយបណ្ដាក្លិបតូចធំនានា ហើយបានរួមចំណែកជួយក្រុមជម្រើសជាតិកម្ពុជាជាច្រើនដូចជា សៀង ចន្ធា, ទេស សម្បត្តិ និងកីឡាករជាច្រើនរូបទៀត៕អត្ថបទ៖ លី ឈុនឡា

Ronaldo ត្រូវដកពីបញ្ជីឈ្មោះរបស់ Manchester United ពេលជួប Chelsea សប្តាហ៍នេះ

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo កំពុងស្ថិតក្នុងចំនុចក្តៅជាមួយក្លិបបិសាចក្រហម Manchester United ដែលឈានដល់ការកាត់ឈ្មោះចេញពីបញ្ជីពេលទៅទឹកដី Chelsea ចុងសប្តាហ៍នេះ។ កីឡាករវ័យ ៣៨ឆ្នាំរូបនេះបានដើរចេញពីទីលានមុនការប្រកួតចប់នៅពេល Manchester United យកឈ្នះ Tottenham Hotspur ២-០ កាលពីយប់ថ្ងៃពុធ។ ក្នុងនាមជាកីឡាករបម្រុងដែលមិនត្រូវបានប្រើប្រាស់ ជាអ្វីដែលអ្នកគាំទ្រគិតថា Ronaldo សម្រេចចិត្តដើរចេញពីទីលាន តែសារព័ត៌មានអង់គ្លេសមួយចំនួនបានចុះផ្សាយថា មូលហេតុដែលអតីតខ្សែប្រយុទ្ធ Real Madrid រូបនេះដើរចេញពីលានមុនចប់នោះ គឺដោយសារគាត់បដិសេធមិនព្រមដូរចូលនៅចុងម៉ោង នោះទើបដើរចេញតែម្តង។ Ronaldo បានដើរចេញពីទីលាននៅនាទីទី៨៩ ភ្លាមៗបន្ទាប់ពីកីឡាករពីររូបត្រូវបានដូរចូលរួមមាន Christian Eriksen និង Anthony Elanga។ បញ្ហារបស់ Ronaldo កាត់តែក្តៅនៅ Old Trafford ដែលបានបន្សល់នូវអនុស្សាវរីយ៍ដ៏អាក្រក់មួយផងដែរចំពោះអ្នកគាំទ្រ ជាពិសេសចំពោះក្លិបដែលខ្លួនចាប់ផ្តើមអាជីពដ៏ជោគជ័យមកដល់ពេលនេះ។អ្នកវិភាគបាល់ទាត់ភាគច្រើននៅអង់គ្លេសបានលើកឡើងស្រដៀងគ្នាថា ទង្វើររបស់ Ronaldo បានបង្ហាញពីអាកប្បកិរិយាមិនគោរពចំពោះក្លិប ចំពោះគ្រូបង្វឹក ចំពោះអ្នករាល់គ្នា។ ការសំរេចចិត្តមិនដាក់ឈ្មោះ Ronaldo នៅពេល Manchester United ធ្វើដំណើរទៅទឹកដី Chelsea ចុងសប្តាហ៍នេះរបស់លោក Erik ten Hag ចាត់ទុកថា ជាវិធានការវិន័យមួយតឹងរ៉ឹងតបស្នងទៅលើអ្វីដែល Ronaldo និងជាមេរៀនមួយសម្រាប់កីឡាករផ្សេងទៀតនៅក្នុងក្លិប។ ការធ្វើបែបនេះរបស់អ្នកចាត់ការសញ្ជាតិហូឡង់រូបនេះ បានទទួលការគាំទ្រក្លិប និងអ្នកគាំទ្រភាគច្រើនផងដែរ៕អត្ថបទ៖នាង សុភាវុធ

វគ្គផ្ដាច់ព្រ័ត្រពានសម្ដេចតេជោ ហ៊ុន សែន នឹងធ្វើឡើងលើកទី៣ លើទឹកដីក្លិបភ្នំពេញក្រោន

បាល់ទាត់៖ កីឡដ្ឋាន Smart RSN នៃក្លិបភ្នំពេញក្រោនត្រូវបានជ្រើសរើសជាទឹកដីកណ្ដាល សម្រាប់ការប្រកួតវគ្គផ្ដាច់ព្រ័ត្រនៃពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ រវាងក្រុមបឹងកេត និងវិសាខាដែលគ្រោងធ្វើការប្រកួតនាថ្ងៃទី០៦ ខែវិច្ឆិកា ឆ្នាំ២០២២ ខាងមុខ។ នេះជាលើក៣ ហើយដែលការប្រកួតដំណាក់កាលលើកពាន បានរៀបចំឡើងនៅទឹកដីរបស់ក្លិបភ្នំពេញក្រោន បន្ទាប់ពីឆ្នាំ២០១៩ ដែលគ្រងតំណែងជើងឯកដោយក្រុមបឹងកេត និងឆ្នាំ២០២១ គ្រងតំណែងជើងឯកដោយក្រុមវិសាខា មុនក្រុមខ្លាំងទាំងពីរត្រូវជួបគ្នាក្នុងវគ្គផ្ដាច់ព្រ័ត្រនាដើមខែក្រោយ។ មុនឈានដល់វគ្គផ្ដាច់ព្រ័ត្រ បឹងកេតគឺបានយកឈ្នះក្រុមអគ្គិសនីកម្ពុជាទាំង ២ជើងក្នុងលទ្ធផល ៥-០ ក្នុងនោះជើងទី១ បឹងកេតបានទទួលជ័យជម្នះក្នុងដី ៣-០ និងជើងទី២ ពួកគេបានយកឈ្នះក្រៅដី ២-០។ រីឯវិសាខាបានយកឈ្នះភ្នំពេញក្រោនទាំង ២ជើងដោយលទ្ធផល ៤-២ ពោលគឺទាំងក្នុងដី និងក្រៅដី វិសាខាបានទទួលជ័យជម្នះ ២-១ ដូចគ្នា។គួរដឹងថា វិសាខា បានគ្រងជើងឯកពានរង្វាន់សម្ដេចតេជោ ២សម័យមកហើយកាលពីឆ្នាំ២០២០ និងឆ្នាំ២០២១ ខណៈបឹងកេតធ្លាប់បានលើកពានម្ដងកាលពីឆ្នាំ២០១៩។ នេះជាលើកដំបូងហើយដែលក្រុមទាំងពីរបានជួបគ្នានៅវគ្គផ្ដាច់ព្រ័ត្រ ដ្បិតកន្លងមក បឹងកេត និងវិសាខាធ្លាប់បានជួបគ្នាត្រឹមវគ្គពាក់កណ្ដាលផ្ដាច់ព្រ័ត្រប៉ុណ្ណោះ។ ប៉ុន្ដែមុនឈានដល់ការប្រកួតវគ្គផ្ដាច់ព្រ័ត្រនេះ ក៏នឹងមានជំនួបដណ្ដើមចំណាត់ថ្នាក់លេខ៣ រវាងភ្នំពេញក្រោន និងអគ្គិសនីកម្ពុជានៅរសៀលថ្ងៃជាមួយគ្នានោះផងដែរ៕អត្ថបទ៖ លី ឈុនឡា

ពេជ្រ សម្បតិ្ត និងគ្រូបង្វឹកសង្ឃឹមយកខ្សែក្រវាត់ខារ៉ាបាវជូនអ្នកគាំទ្រគុនខ្មែរឱ្យបាន

គុនខ្មែរ៖ ព្រឹត្តិការណ៍ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ ប្រភេទទំងន់ ៦០គីឡូក្រាមនឹងឈានដល់វគ្គផ្តាច់ព្រ័ត្រហើយនៅថ្ងៃអាទិត្យចុងសប្តាហ៍នេះ។ ការប្រកួតនៅសង្វៀនស្ទូឌីយោស្ទឹងមានជ័យរបស់អគ្គនាយកដ្ឋានវិទ្យា និងទូរទស្សន៍បាយ័ននឹងពេញដោយអ្នកគាំទ្រមកទស្សនាផ្ទាល់ច្រើនណែនណាន់តាន់តាប់ ដើម្បីគាំទ្រគុនខ្មែរជាពិសេសកីឡាករ ពេជ្រ សម្បត្តិ ដែលឡើងមកដល់វគ្គផ្តាច់ព្រ័ត្រជួបជាមួយកីឡាករថៃ ផាត់ថាណា ស៊ីតអាចានវីន។ ជាពន្លកកីឡាករគុនខ្មែរវ័យក្មេង និងមានបទពិសោធប្រកួតមិនដល់ ២ឆ្នាំផង ពេជ្រ សម្បតិ្ត បានឆក់យកបេះដូងអ្នកគាំទ្រគុនខ្មែរទូទាំងប្រទេស ពីក្មេងម្នាក់ដែលគេមើលស្រាលសមត្ថភាពពេលចាប់ផ្តើមអាជីព រហូតខ្វះមួយជំហ៊ានទៀតប៉ុណ្ណោះដើម្បីគ្រងខ្សែក្រវាត់នៅសង្វៀនដែលមានការគាំទ្រខ្លាំងបំផុតនៅប្រទេសកម្ពុជា។ ជុំវិញការត្រៀមលក្ខណៈមុនការប្រកួតវគ្គផ្តាច់ព្រ័ត្រនេះ ពេជ្រ សម្បតិ្ត បានឱ្យដឹងថា ត្រៀមខ្លួនបានល្អដើម្បីនាំយកខ្សែក្រវាត់ជូនអ្នកគាំទ្រគុនខ្មែរ។ចំណែកគ្រូបង្វឹកផ្ទាល់របស់ ពេជ្រ សម្បត្តិ ដែលជាអតីតកំពូលកីឡាករប្រដាល់គុនខ្មែរមួយរូបគឺលោក ពេជ្រ សុផាន់ជឿជាក់ថា ពេជ្រ សម្បត្តិ អាចធ្វើបាន និងសង្ឃឹមច្រើនទៅលើ ពេជ្រ សម្បត្តិ ក៏ដូចជាអំពាវនាវឱ្យបងប្អូនអ្នកគាំទ្រគុនខ្មែរបន្តគាំទ្រ និងលើកទឹកចិត្តឱ្យ ពេជ្រ សម្បតិ្ត ជោគជ័យថ្ងៃអាទិត្យនេះ។ សូមបញ្ជាក់ថា ក្រៅពីគូពេជ្រ សម្បតិ្តជួបជាមួយ ផាត់ថាណាស៊ីតអាចានវីន នៅវគ្គផ្តាច់ព្រ័ត្រ ក៏នឹងមានការប្រកួតដណ្តើមចំណាត់ថ្នាក់លេខ៣ ផងដែរដែលជាជំនួបរវាងអ្នកចាញ់នៅវគ្គពាក់កណ្តាលផ្តាច់ព្រ័ត្រទាំងពីរ ធន់ ផានិត ជួបជាមួយកីឡាករថៃ ទួនប៉េ ស៊ីតសាមផាយ៉ាក។ ការប្រកួតនឹងចាប់ផ្តើមពីវេលាម៉ោង ៦ល្ងាចតទៅផ្សាយផ្ទាល់តាមរយៈកញ្ចក់ទូរទស្សន៍បាយ័ន និងផេកផ្លូវការនៅបណ្តាញសង្គមហ្វេសប៊ុកផងដែរ៕អត្ថបទ៖នាង សុភាវុធ

ក្រុមកីឡាវាយកូនបាល់កម្ពុជាឡើងវគ្គផ្ដាច់ព្រ័ត្រ Davis Cup ក្រុម៤ ក្រោយឈ្នះ ៣ប្រកួតជាប់គ្នា

វាយកូនបាល់៖ ក្រុមកីឡាវាយកូនបាល់ជម្រើសជាតិកម្ពុជា បានឡើងវគ្គផ្ដាច់ព្រ័ត្រនៃព្រឹត្តិការណ៍ Davis Cup ក្រុម៤ ប្រចាំតំបន់អាស៊ី/អូសេអានីឆ្នាំ២០២២ បន្ទាប់ពីដណ្ដើមបានជ័យជម្នះ ៣ប្រកួតផ្ទួនៗក្នុងពូល A គ្រាដែលប្រកួតបញ្ចប់ពូលកាលពីល្ងាចថ្ងៃទី២០ ខែតុលាម្សិលមិញ កម្ពុជាបានយកឈ្នះក្រុមទួកមេនីស្ថានដោយលទ្ធផល ២-១។ ជំនួបបញ្ចប់ពូល A លើទឹកដីប្រទេសបារ៉ែននេះបានបញ្ចប់ការប្រកួតយ៉ាងស្វិតស្វាញ ដោយការប្រកួតបើកឆាកសម្រាប់វិញ្ញាសាឯកត្តជនដំបូង កីឡាករកម្ពុជា ឡុង សំនៀង បានយកឈ្នះកីឡាករ Rogusskiy, Y. នៅសិតទី១ ដោយពិន្ទុ ៦-៣ មុនកីឡាករទួកមេនីស្ថានរូបនេះវាយបកយកឈ្នះវិញនៅសិតទី២ និងសិតទី៣ ដោយពិន្ទុ ៧-៥ និង ៦-៣។ យ៉ាងណាក្ដីសម្រាប់វិញ្ញាសាឯកត្តជនទី២ កម្ពុជាកម្ពុជា ប៊ុន កេន្នី បានដណ្ដើមជ័យជម្នះវិញដោយបានយកឈ្នះកីឡាករ Orazmuhamedow Meylis ដោយលទ្ធផល ២-០សិតជាមួយពិន្ទុ ៦-១ និង ៦-០ មុន ប៊ុន កេន្នី ចាប់ដៃគូជាមួយកីឡាករកូនកាត់ខ្មែរ-អាមេរិក Mathew Krusling យកឈ្នះក្រុមទួកមេនីស្ថានដែលមានកីឡាករ Orazmuhamedow Meylis និង Rogusskiy, Y. ដោយលទ្ធផល ២-០សិតជាមួយពិន្ទុ ៦-១ និង ៦-១ ដូចគ្នា។នេះគឺជាជ័យជម្នះលើកទី៣ ក្នុងពូល A របស់កម្ពុជា បន្ទាប់ពីប្រកួតបើកឆាកឈ្នះប៊ូតាន ៣-០ និងប្រកួតបន្ទាប់ឈ្នះម៉ុងហ្គោលី ៣-០។ តាមរយៈជ័យជម្នះ ៣ប្រកួតផ្ទួនៗនេះ ធ្វើឲ្យកម្ពុជាឈរកំពូលតារាងពូល A ដែលត្រូវឡើងទៅវគ្គផ្ដាច់ព្រ័ត្រដោយត្រូវជួបក្រុមលេខ១ នៃពូល B គឺក្រុមជម្រើសជាតិសិង្ហបុរីដែលគ្រោងប្រកួតកាត់សេចក្ដីនាថ្ងៃទី២២ ខែតុលាចុងសប្ដាហ៍នេះ ខណៈក្រុមទទួលបានជ័យជម្នះនឹងទទួលបានកៅអីក្រុម៣ នៃព្រឹត្តិការណ៍ Davis Cup 2023 ។ នេះបើតាមការបញ្ជាក់របស់មន្ដ្រីសហព័ន្ធកីឡាវាយកូនបាល់កម្ពុជាពីប្រទេសបារ៉ែន ដោយពុំមានការប្រកួតខ្វែងនោះទេ ពោលគឺក្រុមឈរលេខ១ នៃពូល A និងពូល B បន្ទាប់ពីបញ្ចប់ការប្រកួតសន្សំពិន្ទុក្នុងពូលនីមួយៗនឹងត្រូវជួបគ្នាដណ្ដើមជើងឯកតែម្ដង៕អត្ថបទ៖ លី ឈុនឡា

Ronnie O’Sullivan ធ្លាក់ត្រឹមជុំទី២ ស្នូកឃ័រជើងឯក Northern Ireland Open

ស្នូកឃ័រ៖ ជើងឯកស្នូកឃ័រពិភពលោក ៧សម័យ Ronnie O’Sullivan បានធ្លាក់ចេញពីការប្រកួតត្រឹមជុំទី២ ប៉ុណ្ណោះនៃពានរង្វាន់ Northern Ireland Open ក្រោយចាញ់កីឡាករ David Grace។ Ronnie O’Sullivan បានមុខការប្រកួតមុន ២ហ្វ្រេមទៅហើយ តែត្រូវបានកីឡាករលំដាប់លេខ ៦២ ពិភពលោក David Grace តាមពីក្រោយយកឈ្នះវិញដោយលទ្ធផលចុងក្រោយ ៤-៣ហ្វ្រេម។ កីឡាករវ័យ ៤៦ឆ្នាំរូបនេះបាននិយាយថា ហាក់ដូចជាបាត់បង់មហិច្ឆតាក្នុងការលេងកីឡាស្នូកឃ័រដូចមុន មានអារម្មណ៍ហាក់ដូចជាគ្រប់គ្រាន់ហើយ។ មុនមកដល់ Northern Ireland Open នេះ O’Sullivan ក៏បានចាញ់កីឡាករលំដាប់ទាប Alex Ursenbacher នៅជុំទី១ British Open ផងដែរ។ ងាកមកលទ្ធផលផ្សេងទៀតក្នុងថ្ងៃពុធម្សិលមិញផងដែរ អតីតជើងឯក Mark Williams យកឈ្នះ Jimmy Robertson ៤-២ហ្វ្រេម ខណៈកីឡាករអូស្ត្រាលី Neil Robertson យកឈ្នះ John Astley។ ចំណែកឯជើងឯកពិភពលោក ៤សម័យ Mark Selby យកឈ្នះ Hammad Miah ៤-២ហ្វ្រេមដើម្បីឡើងវគ្គ ១៦នាក់ចុងក្រោយផងដែរ៕អត្ថបទ៖នាង សុភាវុធ

ខ្សែការពាររបួសច្រើនពេក Gareth Southgate ចាប់ផ្តើមតាមដានខ្សែការពារ Liverpool, Joe Gomez

បាល់ទាត់៖ អ្នកចាត់ការក្រុមបាល់ទាត់ជម្រើសជាតិអង់គ្លេសលោក Gareth Southgate បានចាប់ផ្តើមតាមដានខ្សែការពារ Liverpool, Joe Gomez ហើយសម្រាប់ការត្រៀមលក្ខណៈរបស់អង់គ្លេសឆ្ពោះទៅ World Cup 2022 ខែក្រោយ។ Joe Gomez បានរងរបួសដែលធ្វើឱ្យគេខកខាន World Cup 2018 នៅរុស្ស៊ីម្តងរួចមកហើយ តែឆ្នាំនេះទំនងមានឱកាសឡើងវិញ។ Gomez មានស្ថិតិល្អក្នុងការបង្ហាញខ្លួនឱ្យ Liverpool យកឈ្នះ Manchester City កាលពីថ្ងៃអាទិត្យ ដោយរក្សាសំណាញ់ទីមិនឱ្យរបូតគ្រាប់បាល់ ទល់នឹងខ្សែប្រយុទ្ធដ៏គ្រោះថ្នាក់បំផុតម្នាក់នៅលើលោក។ ការតាមដាន Joe Gomez យ៉ាងយកចិត្តទុកដាក់ ស្របពេលអង់គ្លេសកំពុងមានបញ្ហារបួសខ្សែការពារជាច្រើន ជាពិសេសគឺនៅស្លាបស្តាំដូចជាខ្សែការពារ Chelsea, Reece James ដែលត្រូវខកខាន World Cup ដោយត្រូវវះកាត់ ស្របពេលដែលខ្សែការពារ Man City, Kyle Walker ក៏មានរបួសត្រូវវះកាត់។ អង់គ្លេសនឹងប្រកាសបញ្ជីឈ្មោះកីឡាកររបស់ខ្លួនផ្លូវការនៅថ្ងៃទី១០ ខែវិច្ឆិកាខាងមុខ។ អង់គ្លេសស្ថិតក្នុងពូល B ដោយនឹងត្រូវជួបអ៊ីរ៉ង់នៅថ្ងៃទី២១ ខែវិច្ឆិកា មុនបន្តជួបអាមេរិក និងវែល៕អត្ថបទ៖នាង សុភាវុធ

Martinelli និង Zinchenko អវត្តមានពីការហ្វឹកហាត់របស់ Arsenal មុនជួប PSV យប់នេះ

បាល់ទាត់៖ កីឡាករសំខាន់ពីររូបរបស់ Arsenal រួមមាន Gabriel Martinelli និងខ្សែការពារស្លាប Oleksandr Zinchenko មិនមានវត្តមានក្នុងការហ្វឹកហាត់ជាមួយមិត្តរួមក្រុមឡើយ មុនការប្រកួតក្របខណ្ឌ Europa League ទល់នឹង PSV Eindhoven រាត្រីនេះ។លោក Mikel Arteta និយាយថា អ្នកទាំងពីរនៅស្រពិចស្រពិលនៅឡើយ ពីលទ្ធភាពដែលអាចចូលលេងបានរាត្រីនេះ។ Gabriel Martinelli បានចូលលេងឱ្យ Arsenal យកឈ្នះនៅទឹកដី Leeds កាលពីថ្ងៃអាទិត្យ តែ Zinchenko បានអវត្តមាន ៤ប្រកួតរួចមកហើយដោយសាររបួសកំភួនជើង។ Arsenal នឹងអាចធានាបានកៅអីនៅជុំបន្ត Europa League ប្រសិនស្មើ រឺឈ្នះការប្រកួតរាត្រីនេះលើ PSV ក្នុងពូល A នេះ។ ក្រុមនាំមុខគេនៅ Premier League មួយនេះឈរលើគេក្នុងពូល A នេះក្រោយឈ្នះទាំង ៣ប្រកួតមាន ៩ពិន្ទុពេញ ខណៈ PSV ឈរលេខ២ មាន ៧ពិន្ទុឈ្នះ២ ស្មើ១៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សេចក្ដីរាយការណ៍៖ អ៊ីរ៉ង់ និងអូម៉ង់ជិតឈានដល់កិច្ចព្រមព្រៀងបើកច្រកសមុទ្រ Hormuz ឡើងវិញ

អ៊ីរ៉ង់ អារ៉ាប៊ីសាអ៊ូឌីត និងប៉ាគីស្ថាន ពិភាក្សាអំពីកិច្ចប្រឹងប្រែងការទូត ដើម្បីធានាស្ថិរភាព និងសន្តិសុខក្នុងតំបន់

ប្រធានាធិបតីអ៊ីរ៉ង់បញ្ជាក់ថា អ៊ីរ៉ង់មិនស្វែងរកសង្គ្រាមកាន់តែធំធេងឡើយ

លោក Zelenskyy៖ អ៊ុយក្រែនជាផ្នែកសំខាន់ ក្នុងការប៉ុនប៉ងស្តារឥទ្ធិពលរបស់លោក Putin លើអតីតរដ្ឋសហភាពសូវៀត

បេសកជន៖ EU ត្រូវការការផ្លាស់ប្តូរនយោបាយផ្ទៃក្នុង ដើម្បីបញ្ឈប់ការគាំទ្រអ៊ុយក្រែន

រដ្ឋមន្ត្រីអ៊ីស្រាអែលស្តាំនិយមជ្រុល ទាមទារឲ្យមានការបោះឆ្នោតថ្មីស្តីពីផែនការតំបន់ហ្កាហ្សា

ចំហេះព្រៃនៅទីក្រុង Spokane សហរដ្ឋអាមេរិក បានបំផ្លាញអគារជាង៧០០និងបង្ខំឲ្យមនុស្សជាង៦ម៉ឺននាក់ភៀសខ្លួន

UNថ្កោលទោសការសម្លាប់ជនស៊ីវិលនៅហ្កាហ្សា និងនិយាយថា ត្រូវតែការពារមូលដ្ឋានថែទាំសុខភាព

ក្រសួងការបរទេស៖ រុស្ស៊ីត្រៀមខ្លួនសម្រាប់ការចរចាអំពីអ៊ុយក្រែន បើលោកខាងលិចមានវិធីសាស្ត្រដែលទទួលខុសត្រូវ

មេបញ្ជាការកងទ័ពស៊ូដង់ប្ដេជ្ញាថា នឹងយកជ័យជម្នះលើក្រុម RSF នៅចុងឆ្នាំនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Xhaka ស៊ុតគ្រាប់ជ័យជំនះឲ្យ Arsenal ឡើងវគ្គ ១៦ក្រុមចុងក្រោយ Europa League

Tyson Fury និង Derek Chisora នឹងជួបគ្នាលើកទី៣ ចុងឆ្នាំនេះ

FFC ប្រកាសរំសាយយុវជន ៩រូបទៀតក្រោយបញ្ចប់ការសិក្សានៅសាលាបាល់ទាត់ជាតិបាទី

Ronaldo ត្រូវដកពីបញ្ជីឈ្មោះរបស់ Manchester United ពេលជួប Chelsea សប្តាហ៍នេះ

វគ្គផ្ដាច់ព្រ័ត្រពានសម្ដេចតេជោ ហ៊ុន សែន នឹងធ្វើឡើងលើកទី៣ លើទឹកដីក្លិបភ្នំពេញក្រោន

ពេជ្រ សម្បតិ្ត និងគ្រូបង្វឹកសង្ឃឹមយកខ្សែក្រវាត់ខារ៉ាបាវជូនអ្នកគាំទ្រគុនខ្មែរឱ្យបាន

ក្រុមកីឡាវាយកូនបាល់កម្ពុជាឡើងវគ្គផ្ដាច់ព្រ័ត្រ Davis Cup ក្រុម៤ ក្រោយឈ្នះ ៣ប្រកួតជាប់គ្នា

Ronnie O’Sullivan ធ្លាក់ត្រឹមជុំទី២ ស្នូកឃ័រជើងឯក Northern Ireland Open

ខ្សែការពាររបួសច្រើនពេក Gareth Southgate ចាប់ផ្តើមតាមដានខ្សែការពារ Liverpool, Joe Gomez

Martinelli និង Zinchenko អវត្តមានពីការហ្វឹកហាត់របស់ Arsenal មុនជួប PSV យប់នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Xhaka ស៊ុត​គ្រាប់​ជ័យជំនះ​ឲ្យ Arsenal ឡើង​វគ្គ ១៦ក្រុម​ចុងក្រោយ Europa League

Tyson Fury និង Derek Chisora នឹង​ជួបគ្នា​លើក​ទី​៣ ចុងឆ្នាំ​នេះ

FFC ​ប្រកាស​រំសាយ​យុវជន ៩​រូប​ទៀត​ក្រោយ​បញ្ចប់​ការសិក្សា​នៅ​សាលា​បាល់ទាត់​ជាតិ​បាទី

Ronaldo ត្រូវ​ដក​ពី​បញ្ជី​ឈ្មោះ​របស់ Manchester United ពេល​ជួប Chelsea សប្តាហ៍​នេះ​

វគ្គ​ផ្ដាច់ព្រ័ត្រ​ពាន​សម្ដេច​តេ​ជោ ហ៊ុន សែន នឹង​ធ្វើ​ឡើង​លើក​ទី​៣ លើ​ទឹកដី​ក្លិប​ភ្នំពេញ​ក្រោ​ន

ពេជ្រ សម្បតិ្ត និង​គ្រូបង្វឹក​សង្ឃឹម​យក​ខ្សែក្រវាត់​ខា​រ៉ា​បាវ​ជូន​អ្នកគាំទ្រ​គុន​ខ្មែរ​ឱ្យ​បាន​

ក្រុមកីឡា​វាយ​កូន​បាល់​កម្ពុជា​ឡើង​វគ្គ​ផ្ដាច់ព្រ័ត្រ​ Davis Cup ​ក្រុម​៤ ក្រោយ​ឈ្នះ ៣​ប្រកួត​ជាប់​គ្នា​

Ronnie O’Sullivan ធ្លាក់​ត្រឹម​ជុំ​ទី២ ស្នូកឃ័រ​ជើងឯក Northern Ireland Open

ខ្សែការពារ​របួស​ច្រើន​ពេក Gareth Southgate ចាប់ផ្តើម​តាមដាន​ខ្សែការពារ Liverpool, Joe Gomez

Martinelli និង Zinchenko អវត្តមាន​ពី​ការហ្វឹកហាត់​របស់ Arsenal មុន​ជួប PSV យប់​នេះ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Xhaka ស៊ុតគ្រាប់ជ័យជំនះឲ្យ Arsenal ឡើងវគ្គ ១៦ក្រុមចុងក្រោយ Europa League

Tyson Fury និង Derek Chisora នឹងជួបគ្នាលើកទី៣ ចុងឆ្នាំនេះ

FFC ប្រកាសរំសាយយុវជន ៩រូបទៀតក្រោយបញ្ចប់ការសិក្សានៅសាលាបាល់ទាត់ជាតិបាទី

Ronaldo ត្រូវដកពីបញ្ជីឈ្មោះរបស់ Manchester United ពេលជួប Chelsea សប្តាហ៍នេះ

វគ្គផ្ដាច់ព្រ័ត្រពានសម្ដេចតេជោ ហ៊ុន សែន នឹងធ្វើឡើងលើកទី៣ លើទឹកដីក្លិបភ្នំពេញក្រោន

ពេជ្រ សម្បតិ្ត និងគ្រូបង្វឹកសង្ឃឹមយកខ្សែក្រវាត់ខារ៉ាបាវជូនអ្នកគាំទ្រគុនខ្មែរឱ្យបាន

ក្រុមកីឡាវាយកូនបាល់កម្ពុជាឡើងវគ្គផ្ដាច់ព្រ័ត្រ Davis Cup ក្រុម៤ ក្រោយឈ្នះ ៣ប្រកួតជាប់គ្នា

Ronnie O’Sullivan ធ្លាក់ត្រឹមជុំទី២ ស្នូកឃ័រជើងឯក Northern Ireland Open

ខ្សែការពាររបួសច្រើនពេក Gareth Southgate ចាប់ផ្តើមតាមដានខ្សែការពារ Liverpool, Joe Gomez

Martinelli និង Zinchenko អវត្តមានពីការហ្វឹកហាត់របស់ Arsenal មុនជួប PSV យប់នេះ