BTV NEWS

ក្រុមបាល់ទាត់ Geylang International FC មកដល់កម្ពុជាត្រៀមប្រកួតជាមួយព្រះខ័នរាជស្វាយរៀងស្អែក

Ronald Araujo ផ្លាស់ពី Barcelona មក Liverpool ក្នុងលក្ខខណ្ឌខ្ចីជើង និងជម្រើសទិញផ្តាច់

សសយក អលស្ដារ ជួបក្រុមរួមគ្នាដើម្បីកំពង់ស្ពឺ ល្ងាចនេះ ក្នុងកម្មវិធីបេះដូងសប្បុរសដើម្បីភូមិរង់ចាំ

កីឡាកាយសម្ព័ន្ធកម្ពុជា ដណ្ដើមបានមេដាយ ៣គ្រឿងពីជើងឯកអាស៊ី ឆ្នាំ២០២៦ នៅហ្វីលីពីន

ព័ត៌មានកីឡា

NOCC យកខេត្តកែបរៀបចំកម្មវិធីជិះកង់កម្សាន្តអបអរទិវាអូឡាំពិក និងផ្សព្វផ្សាយស៊ីហ្គេមឆ្នាំ២០២៣

អូឡាំពិក៖ គណៈកម្មាធិការជាតិអូឡាំពិកកម្ពុជា(NOCC) បានប្រកាសនឹងរៀបចំកម្មវិធីជិះកង់កម្សាន្ដមួយនៅខេត្តកែបនាថ្ងៃទី២២-២៣ ខែមិថុនាសប្ដាហ៍នេះដើម្បីចូលរួមអបអរសាទរទិវាអូឡាំពិក (Olympic Day) ផង និងផ្សព្វផ្សាយពីដំណើរឆ្ពោះទៅធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជាផង។ យោងតាមការជូនដំណឹងរបស់ NOCC បានឲ្យដឹងថា កម្មវិធីនេះគ្រោងធ្វើឡើង ២ថ្ងៃដោយនៅថ្ងៃទី២២ ខែមិថុនា ក្រុមការងារ NOCC នឹងធ្វើការផ្សព្វផ្សាយស្ដីពីគុណតម្លៃកីឡាអូឡាំពិក និងដំណើរឆ្ពោះទៅស៊ីហ្គេមឆ្នាំ២០២៣ ដល់សិស្សានុសិស្សប្រមាណជាង ១០០នាក់នៃវិទ្យាល័យ ហ៊ុន សែន ចំការដូង និងវិទ្យាល័យ ប៊ុន រ៉ានី ហ៊ុន សែន ចរិយាវង្ស។ ចំណែកថ្ងៃទី២៣ ខែមិថុនា ឆ្នាំ២០២២ NOCC នឹងរៀបចំកម្មវិធីជិះកង់កម្សាន្ដដើម្បីអបអរសាទរទិវា Olympic Day និងបញ្ជ្រាបការផ្សព្វផ្សាយពីស៊ីហ្គេមឆ្នាំ២០២៣ នៅជុំវិញក្រុងកែបដោយចេញដំណើរ និងបញ្ចប់នៅឆ្នេរសមុទ្រ “ស្រីស”។ តាមគម្រោងកម្មវិធីជិះកង់ដែលមិនផ្ដោតលើការប្រកួតប្រជែងនេះ នឹងមានអ្នកចូលរួម ៥០នាក់ក្នុងនោះក៏មានកីឡាករ-កីឡាការិនីទ្រីយ៉ាត្លុងជម្រើសជាតិកម្ពុជាផងដែរ។សូមបញ្ជាក់ថា ខេត្តកែបគឺជាខេត្តមួយដែលត្រូវបានគណៈកម្មាធិការជាតិ CAMSOC កំណត់សម្រាប់ត្រៀមរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ លើប្រភេទកីឡាទ្រីយ៉ាត្លុង។ ដូច្នេះការរៀបចំកម្មវិធិជិះកង់កម្សាន្ដនេះក៏ដើម្បីរួមចំណែកការផ្សព្វផ្សាយ ពីការត្រៀមធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រនៅកម្ពុជា នាទឹកដីខេត្តជាប់មាត់សមុទ្រនេះដែរ៕អត្ថបទ៖ លី ឈុនឡា

កីឡាករប្រដាល់រុស្ស៊ី Beterbiev ឈ្នះកីឡាករអាមេរិក Joe Smith ដណ្ដើមខ្សែក្រវាត់បីស្ថាប័នទៀតមកគ្រប់គ្រង

ប្រដាល់៖ ជើងឯកប្រដាល់ពិភពលោកទម្ងន់ស្រាលសញ្ជាតិរុស្ស៊ី Artur Beterbiev បានយកឈ្នះកីឡាករអាមេរិក Joe Smith ត្រឹមទឹកទី២ ប៉ុណ្ណោះដណ្តើមបានខ្សែក្រវាត់ WBO, WBC និង IBF មកគ្រប់គ្រង។ កីឡាកររុស្ស៊ីកាត់កាណាដារូបនេះបានវាយឱ្យគូប្រកួតរបស់ខ្លួន ត្រូវបានអាជ្ញាកណ្តាលរាប់ ៣ដងមុនពេលដែលទឹកទី២ នៅដល់ ៤០វិនាទីទៀតចប់ក៏ត្រូវបានអាជ្ញាកណ្តាលបញ្ឈប់។ ជ័យជំនះនេះធ្វើឱ្យកីឡាករវ័យ ៣៧ឆ្នាំ Artur Beterbiev ឈ្នះសរុបក្នុងអាជីព ១៨លើកមិនដែលស្មើ មិនដែលចាញ់ ហើយជ័យជំនះទាំង ១៨ប្រកួតនេះសុទ្ធតែផ្តួលគូប្រកួតឱ្យសន្លប់ និងបោះបង់។ គោលដៅបន្តរបស់ Artur Beterbiev នៅពេលនេះគឺផ្តោតលើការប្រកួតទល់នឹងកីឡាកររុស្ស៊ី Dmitry Bivol ដើម្បីដណ្តើមខ្សែក្រវាត់ WBA មួយទៀត ក៏ដូចជាប្រកួតជាមួយកីឡាករអង់គ្លេស Anthony Yarde៕អត្ថបទ៖នាង សុភាវុធ

ភ្នំពេញពាក់កណ្ដាលម៉ារ៉ាតុងអន្ដរជាតិលើកទី១០ បញ្ចប់ដោយជោគជ័យ និងទទួលបានការសាទរពីអ្នករត់

ម៉ារ៉ាតុង៖ ទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិលើកទី១០ ដែលជាការចាប់ផ្ដើមរៀបចំឡើងវិញនៅព្រឹកថ្ងៃទី១៩ ខែមិថុនា ឆ្នាំ២០២២ ក្រោយខកខានរៀបចំ ២ឆ្នាំដោយសារជំងឺរាតត្បាតកូវីដ-១៩ គឺបានដំណើរការដោយជោគជ័យ និងទទួលបានការសាទរជាខ្លាំងពីសំណាក់អ្នកចូលរួមប្រមាណ ៥ពាន់នាក់។ ព្រឹត្តិការណ៍កីឡា និងទេសចរណ៍នេះបានធ្វើឡើងក្រោមអធិបតីភាពឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា(NOCC), ឯកឧត្តម កុល ប៊ុនលី រដ្ឋលេខាធិការក្រសួងព្រះបរមរាជវាំង និងមានការចូលរួមពីឯកឧត្តម នួន ផារ័ត្ន អភិបាលរងរាជធានីភ្នំពេញ។ ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងអគ្គលេខាធិការ NOCC បានបញ្ជាក់ថា ការត្រឡប់មកវិញនៃទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិនេះ បានចាប់ផ្ដើមជាមួយសញ្ញាណដ៏ល្អដែលសបញ្ជាក់ឲ្យឃើញពីសុខសន្ដិភាព និងសុវត្ថិភាព បន្ទាប់ពីមានការគ្រប់គ្រងស្ថានភាពកូវីដ-១៩ បានយ៉ាងល្អប្រសើរជាក់ស្ដែងអ្នកចូលរួម ដ្បិតមានអ្នកចុះឈ្មោះតែ ៣,៦២១នាក់ក្ដី តែអ្នករត់ជាក់ស្ដែងគឺមានចំនួនប្រមាណ ៥ពាន់នាក់ឯណោះ។ ទន្ទឹមជាមួយគ្នាកីឡាករ-កីឡាការិនីជាតិ និងអន្ដរជាតិដែលបានចូលរួមរត់កម្សាន្ដក្នុងព្រឹត្តិការណ៍នេះ បានសម្ដែងនូវសេចក្ដីត្រេកអរដែលបានចូលរួម ពិសេសការរៀបចំឡើងវិញ បន្ទាប់ពីទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិនេះខកខានរៀបចំ ២ឆ្នាំដោយសារបញ្ហាកូវីដ-១៩។បន្ថែមលើសនេះ ពួកគេក៏បានអំពាវនាវឲ្យប្រជាពលរដ្ឋផ្សេងទៀត បានចូលរួមព្រឹត្តិការណ៍កីឡានេះឲ្យកាន់តែច្រើនកុះករបន្ថែមទៀត ដើម្បីទទួលបានសុខភាពល្អផង និងចូលរួមផ្សព្វផ្សាយដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ផងដែរ។ សូមបញ្ជាក់ថា ទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិលើកទី១០ ដែលរៀបចាប់ផ្ដើមរត់ និងបញ្ចប់នៅមុខព្រះបរមរាជវាំងគឺមាន ៣វិញ្ញាសារួមមានរត់ចម្ងាយ ២១គីឡូម៉ែត្រ ១០គីឡូម៉ែត្រ និងរត់កម្សាន្ដចម្ងាយ ៣គីឡូម៉ែត្រ។ ចំពោះលទ្ធផលវិញ្ញាសារត់ចម្ងាយ ២១គីឡូម៉ែត្រផ្នែកបុរសលេខ១ កីឡាករកម្ពុជា វ៉ាន់ ភារ៉ា, លេខ២ កីឡាករកម្ពុជា ម៉ា វីរ៉ូ និងលេខ៣ កីឡាករជប៉ុន Ota Yugo ខណៈផ្នែកនារីលេខ១ កីឡាការិនីជប៉ុន Ota Natsuko, លេខ២ កីឡាការិនីហុងកុង Lee Yin Ling និងលេខ៣ កីឡាការិនីជប៉ុន Fukunari Mizuki។ រីឯរត់ចម្ងាយ ១០គីឡូម៉ែត្រផ្នែកបុរសលេខ១ បានទៅកីឡាករ Ayal Andarge មកពី Ethiopian, លេខ២ កីឡាករកម្ពុជា កាំង ធឿន និងលេខ៣ កីឡាករកម្ពុជា អ៊ុក រ៉ូហ៊ីត។ ចំណែកផ្នែកនារីលេខ១ បានទៅកីឡាការិនីកម្ពុជា ធុន សុម៉ាវត្ដី, លេខ២ កីឡាការិនីកម្ពុជា អ៊ុត ច័ន្ទសុភ័ក្ដ្រា និងលេខ៣ កីឡការិនីកម្ពុជា អេង មួយជីង៕អត្ថបទ៖ លី ឈុនឡា

ពានសម្ដេចតេជោ ហ៊ុន សែន ចាប់ផ្ដើមការប្រកួតវគ្គជម្រុះថ្នាក់ជាតិស្អែកនេះ

បាល់ទាត់៖ ពានរង្វាន់សម្ដេចតេជោ ហ៊ុន សែន លើកទី១៦ ឆ្នាំ២០២២ នឹងចាប់ផ្ដើមការប្រកួតវគ្គជម្រុះថ្នាក់ជាតិ ឬដំណាក់កាលទី២ នាថ្ងៃទី២១ ខែមិថុនាស្អែកនេះហើយដោយមានបេក្ខភាពប្រកួតប្រជែង ១៤ក្រុមដើម្បីចម្រាញ់រកក្រុមខ្លាំងៗឡើងទៅប្រកួតដំណាក់កាលទី៣ ឬការប្រកួតថ្នាក់ជាតិនាពេលខាងមុខ។ សម្រាប់កម្មវិធីប្រកួតវគ្គជម្រុះថ្នាក់ជាតិស្អែកនេះ រួមមានក្រុមកំពតអេហ្វស៊ីបើកទ្វារផ្ទះទទួលព្រៃវែងអេហ្វស៊ី ខណៈក្រុមឬទ្ធីសែនជួបក្រុមកោះកុងអេហ្វស៊ីនៅទីលានវិទ្យាល័យ ហ៊ុន សែន កំពង់ត្រឡាច និងខេត្តឧត្ដរមានជ័យជួបក្រុម ISI ដង្កោសែនជ័យនៅទីលានវិទ្យាល័យតេជោសែន សំរោង នាវេលាម៉ោង ៣៖៣០នាទីរសៀលដូចគ្នា។ ចំណែកនៅថ្ងៃបន្ទាប់ពោលគឺនៅថ្ងៃទី២២ ខែមិថុនាក៏មានការប្រកួត ៣គូដែររួមមានក្រុមភ្នំពេញហ្គាឡាក់ស៊ីជួបក្រុមអាស៊ីអឺរ៉ុប នៅទីលានវិទ្យាល័យបឹងត្របែក។ ក្លិបសៀមរាបអេហ្វស៊ីជួបក្រុមមានមូលដ្ឋានក្នុងខេត្តសៀមរាបជាមួយគ្នា គឺក្រុមណិចស្ដិបនៅកីឡដ្ឋានខេត្តសៀមរាប និងក្រុមសូលទីឡូអង្គរជួបខេត្តបន្ទាយមានជ័យនៅកីឡដ្ឋានហនុមាន នាវេលាម៉ោង ៣៖៣០នាទីរសៀលដូចគ្នា។គួរដឹងថា ការប្រកួតដំណាក់កាលទី២ ដែលមានបេក្ខភាពប្រកួតប្រជែង ១៤ក្រុមនឹងធ្វើការជម្រុះយកក្រុមខ្លាំងៗ ៨ក្រុម ឡើងទៅប្រកួតដំណាក់កាលទី៣ ជាមួយក្រុមក្របខណ្ឌលីគកំពូលកម្ពុជា ឬវគ្គ ១៦ក្រុមចុងក្រោយ ដើម្បីឈានទៅប្រកួតប្រជែងដណ្ដើមជើងឯកពានរង្វាន់សម្ដេចតេជោ ហ៊ុន សែន ថ្នាក់ជាតិ ឆ្នាំ២០២២ ដែលគ្រោងនឹងធ្វើការប្រកួតពីថ្ងៃទី២០ ខែកក្កដារហូតដល់ថ្ងៃទី២៥ ខែតុលា ឆ្នាំ២០២២ ខាងមុខ៕អត្ថបទ៖ លី ឈុនឡា

ជឺជីតស៊ូកម្ពុជាបញ្ចប់ការប្រកួតដណ្ដើមចំណាត់ថ្នាក់ពិភពលោកនៅថៃដោយឈ្នះមេដាយសំរឹទ្ធ ១

ជឺជីតស៊ូ៖ កីឡាករ-កីឡាការិនីជឺជីតស៊ូកម្ពុជា ៣រូបដែលត្រូវបានសហព័ន្ធបញ្ជូនទៅចូលរួមប្រកួតក្នុងព្រឹត្តិការណ៍ Ju-Jitsu Grand Prix Thailand Open 2022 នៅប្រទេសថៃ ដើម្បីដណ្ដើមចំណាត់ថ្នាក់ពិភពលោក (World Ranking) បានបញ្ចប់បេសកកម្មរបស់ខ្លួនដោយដណ្ដើមបានមេដាយសំរឹទ្ធ ១គ្រឿងប៉ុណ្ណោះ។ តាមការបញ្ជាក់របស់មន្ដ្រីសហព័ន្ធកីឡាជឺជីតស៊ូកម្ពុជាបានឲ្យដឹងថា ព្រឹត្តិការណ៍នេះមានរយៈពេល ៤ថ្ងៃចាប់ពីថ្ងៃទី១៦ ដល់ថ្ងៃទី១៩ ខែមិថុនា ឆ្នាំ២០២២ ដោយមានកីឡាករ-កីឡាការិនីចូលរួមសរុប ៣០៤នាក់មកពី ១៨ប្រទេស ក្នុងនោះក៏មានវត្តមានកីឡាករ-កីឡាការិនីកម្ពុជា ៣រូបដែរគឺកីឡាករ សៅ សុភារ៉ា, ថន អេនដ្រូ និងកីឡាការិនី ម៉ាប់ សុខហួយ។ ជាលទ្ធផលការប្រកួតសម្រាប់កីឡាករ សៅ សុភារ៉ា ដែលប្រកួតវិញ្ញាសាជឺជីតស៊ូមានហ្គី (GI) ទម្ងន់ក្រោម ៦០គីឡូក្រាមមានកីឡាករចំនួន ៦រូបចូលរួម។ ក្នុងវគ្គសន្សំពិន្ទុ កីឡាករកម្ពុជារូបនេះបានឈរលេខ២ ក្នុងពូល មុនឡើងទៅប៉ះកីឡាករថៃនៅវគ្គពាក់កណ្ដាលផ្ដាច់ព្រ័ត្រ ហើយបានចាញ់ម្ចាស់ផ្ទះថៃក្នុងលទ្ធផល ២-០ពិន្ទុនាំឲ្យ សុភារ៉ា ទទួលបានមេដាយសំរឹទ្ធស្ទួន។ ចំណែកកីឡាករ ថន អេនដ្រូ ប្រកួតវិញ្ញាសាជឺជីតស៊ូមានហ្គី (GI) ទម្ងន់ក្រោម ៦២គីឡូក្រាមមានកីឡាករចូលរួម ១៥នាក់មកពី ១២ប្រទេស។ សម្រាប់វគ្គសន្សំពិន្ទុ អេនដ្រូ ឈរលេខ០៥ ក្នុងពូល ហើយបានឡើងប៉ះកីឡាករសិង្ហបុរីនៅវគ្គ ១៦នាក់ចុងក្រោយ តែរូបគេមិនអាចឡើងវគ្គបន្ដបានឡើយក្រោយចាញ់កីឡាករសិង្ហបុរីដោយលទ្ធផល ៦-០ពិន្ទុ។រីឯកីឡាការិនី ម៉ាប់ សុខហួយ ម្ចាស់មេដាយសំរឹទ្ធស៊ីហ្គេមដែលប្រកួតវិញ្ញាសាជឺជីតស៊ូមានហ្គី (GI) ទម្ងន់ក្រោម ៥២គីឡូក្រាម មានកីឡាការិនីចូលរួម ១១នាក់មកពី ៨ប្រទេស។ ក្នុងវគ្គសន្សំពិន្ទុ សុខហួយ បានឈរលេខ៤ ក្នុងពូល ហើយបានឡើងជួបកីឡាការិនីហ្វីលីពីនក្នុងវគ្គ ៨នាក់ចុងក្រោយដោយប្រកួតស្មើពិន្ទុគ្នា ០-០ តែសោកស្ដាយកីឡាការិនីកម្ពុជារូបនេះបានរបូតឱកាសឡើងវគ្គបន្ដ ព្រោះចាញ់ប្រៀប Advantage របស់កីឡាការិនីហ្វីលីពីន។ សូមបញ្ជាក់ថា ព្រឹត្តិការណ៍នេះរៀបចំឡើងក្នុងគោលបំណងផ្ដល់ឱកាសឲ្យកីឡាករ-កីឡាការិនីទាំងអស់ ពិសេសកីឡាករ-កីឡាការិនីដែលពុំទាន់មានចំណាត់ថ្នាក់ពិភពលោកបានចូលរួមប្រកួតប្រជែង ខណៈក្រោយចប់ការប្រកួតគណៈកម្មការរៀបចំនឹងធ្វើការវិនិច្ឆ័យទៅតាមសមត្ថភាព និងគុណផលរបស់កីឡាករ-កីឡាការិនីម្នាក់ៗ៕អត្ថបទ៖ លី ឈុនឡា

World Cup 2026 លើទឹកដីអាមេរិក កាណាដា ម៉ិកស៊ិកមាន ៤៨ក្រុមចូលរួម ១៦ទីលាន ១១ទីក្រុង

បាល់ទាត់៖ ព្រឹត្តិការណ៍បាល់ទាត់ពិភពលោកឆ្នាំ២០២៦ FIFA World Cup 2026 នឹងត្រូវរៀបចំឡើងដោយមាន ៤៨ក្រុមលើកដំបូងនៅប្រទេសម្ចាស់ផ្ទះចំនួន ៣ កីឡដ្ឋានសរុប ១៦ ក្នុងទីក្រុងចំនួន ១១ លើទឹកដីសហរដ្ឋអាមេរិក កាណាដា និងម៉ិកស៊ិក។ FIFA បានប្រកាសពីកីឡដ្ឋានផ្លូវការដែលនឹងត្រូវប្រើប្រាស់សំរាប់ World Cup 2026 ដែលមានទីតាំងនៅប្រទេសម៉ិកស៊ិក ៣ទីក្រុង កាណាដា ២ទីក្រុង និងសហរដ្ឋអាមេរិក ១១ទីក្រុង។ ទីក្រុង Atlanta, Houston, Miami, Philadelphia, Seattle, Kansas City, Missouri សុទ្ធតែជាទីក្រុងដែលត្រូវបានប្រកាសចុងក្រោយ រួមជាមួយទីក្រុងមួយចំនួនទៀតដែលត្រូវបានជ្រើសរើសរួចរាល់។ កីឡដ្ឋាន SoFi របស់ក្លិបបេស្បល Los Angeles Rams ដែលវិនិយោគដោយមហាសេដ្ឋីមានលុយរាប់ពាន់លានដុល្លារអាមេរិកក៏ស្ថិតក្នុងបញ្ជីនេះដែរ ពោលគឺគ្រប់កីឡដ្ឋានទាំង ១១ របស់អាមេរិកសុទ្ធតែជាទឹកដីរបស់ក្លិបបេស្បលអាមេរិកទាំងអស់។ចំណែកនៅប្រទេសម៉ិកស៊ិក កីឡដ្ឋានប្រវត្តិសាស្ត្រ Azteca ត្រូវបានជ្រើសរើសផងដែរ។ យ៉ាងណាក្តីជុំវិញកីឡដ្ឋានដែលនឹងត្រូវប្រើប្រាស់សំរាប់ការប្រកួតវគ្គផ្តាច់ព្រ័ត្រនៅមិនទាន់សំរេចនៅឡើយ ខណៈដែលប្រធាន FIFA លោក Gianni Infantino ត្រូវធ្វើការជជែកពិភាក្សាបន្ថែមទៀត។ សូមបញ្ជាក់ថា World Cup 2026 នឹងជាព្រឹត្តិការណ៍ដំបូងដែលមានដល់ទៅ ៤៨ក្រុមចូលរួមដែលជាគោលគំនិតរបស់ FIFA ក្នុងការពង្រីកវិសាលភាពរបស់ខ្លួន ក៏ដូចជាផ្តល់ឱកាសដល់ប្រទេសផ្សេងៗដែលមិនធ្លាប់មានមុខនៅ World Cup បានចូលរួម៕អត្ថបទ៖នាង សុភាវុធ

អេស៊ីបបណ្តេញគ្រូបង្វឹកជំរើសជាតិចេញក្រោយដឹកនាំទើបតែបាន ៣ប្រកួត

បាល់ទាត់៖ សមាគមបាល់ទាត់អេស៊ីបបានសំរេចបណ្តេញគ្រូបង្វឹកក្រុមជំរើសជាតិលោក Ehab Galal ចេញពីតំណែងហើយក្រោយដឹកនាំទើបបាន ៣ប្រកួត។ បុរសវ័យ ៥៤ឆ្នាំរូបនេះបានមកជំនួសតំណែងលោក Carlos Quieroz កាលពីខែមេសាបន្ទាប់ពីអេស៊ីបគ្មានកៅអី World Cup ឆ្នាំនេះ។ សមាគមបាល់ទាត់អេស៊ីបបញ្ជាក់ថា នឹងជ្រើសរើសគ្រូបង្វឹកថ្មីដែលជាជនបរទេស។ លោក Ehab Galal ធ្លាប់មានអាជីពជោគជ័យជាមួយក្លិបបាល់ទាត់ក្នុងស្រុកមួយចំនួន មុននឹងទទួលបានតំណែងនេះ។ ប្រកួតដំបូងក្នុងតំណែងលោក Galal អេស៊ីបឈ្នះហ្គីណេ ១-០ តែក៏បរាជ័យ ២-០ ក្រោមថ្វីដៃអេចូពីនៅវគ្គជំរុះបាល់ទាត់ទ្វីបអាហ្វ្រិក ២០២៣ និងលេងមិត្តភាពចាញ់កូរ៉េ ៤-១។ បាល់ទាត់អេស៊ីបមួយរយៈចុងក្រោយនេះមិនជោគជ័យឡើយ ពោលគឺតាំងពីនៅក្នុងតំណែងលោក Carlos Quieroz ម្ល៉េះដោយអេស៊ីបឡើងដល់វគ្គផ្តាច់ព្រ័ត្រ Africa Cup of Nations នៅកាមេរូន តែចាញ់សេណេហ្កាល់នៅវគ្គផ្តាច់ព្រ័ត្រ ហើយក៏ចាញ់សេណេហ្កាល់ម្តងនៅវគ្គ Play-Off ចុងក្រោយដើម្បីកៅអី World Cup៕អត្ថបទ៖នាង សុភាវុធ

Arsenal ឈានដល់កិច្ចព្រមព្រៀងទិញខ្សែបម្រើ Porto, Fabio Vieira តម្លៃ ៤០លានអឺរ៉ូ

បាល់ទាត់៖ ក្លិបបាល់ទាត់កាំភ្លើងធំ Arsenal បានឈានដល់កិច្ចព្រមព្រៀងហើយ ក្នុងការនាំយកខ្សែបម្រើក្លិបព័រទុយហ្កាល់ FC Porto, Pablo Vieira ក្នុងតម្លៃ ៤០លានអឺរ៉ូ។ កីឡាករវ័យ ២២ឆ្នាំរូបនេះមិនធ្លាប់បង្ហាញខ្លួនឱ្យក្រុមធំជំរើសជាតិព័រទុយហ្កាល់នៅឡើយ តែរូបគេត្រូវបានបោះឆ្នោតជាកីឡាករឆ្នើមបំផុត នៅព្រឹត្តិការណ៍បាល់ទាត់ជើងឯកអឺរ៉ុបអាយុក្រោម ២១ឆ្នាំកាលពីឆ្នាំមុន។ Pablo Vieira នឹងក្លាយជាកីឡាករទី៣ ដែលផ្លាស់មកកាន់កីឡដ្ឋាន Emirate បន្ទាប់ពីអ្នកចាំទីអាមេរិក Matt Turner និងខ្សែប្រយុទ្ធវ័យក្មេងប្រេស៊ីល Marquinhos។ រដូវកាលមុន Pablo Vieira មានស្ថិតិបញ្ជូនបាល់ ១៤លើកឱ្យ Porto នៅក្របខណ្ឌកំពូលព័រទុយហ្កាល់ ពោលគឺច្រើនជាងកីឡាករណាៗទាំងអស់។ Pablo Vieira បង្ហាញខ្លួនឱ្យក្រុមយុវជនអាយុក្រោម ២១ឆ្នាំព័រទុយហ្កាល់សរុប ២១លើក ហើយរំពឹងថានឹងអាចកោះហៅចូលក្រុមធំឆាប់ៗនេះ៕អត្ថបទ៖នាង សុភាវុធ

Antony ខិតជិតដល់កិច្ចព្រមព្រៀងផ្ទេរមកកាន់ Manchester United

បាល់ទាត់៖ ភ្នាក់ងាររបស់កីឡាករបាល់ទាត់ប្រេស៊ីល Antony ត្រូវបានគេដឹងថា បានហោះហើរមកកាន់ទឹកដីអង់គ្លេសកាលពីដើមសប្តាហ៍ដើម្បីចរចាលើការផ្ទេរមកកាន់ Manchester United។ ខ្សែប្រយុទ្ធវ័យក្មេងរូបនេះត្រូវបានគេដឹងថា មានទំនាក់ទំនងផ្ទេរមកកាន់ Manchester United ដើម្បីរួមរស់ជាមួយអតីតអ្នកចាត់ការរបស់ខ្លួនវិញគឺលោក Erik ten Hag ដែលមកកាន់តំណែងនៅ Old Trafford។ អាចនិយាយបាន Antony ជាគោលដៅបន្ទាប់ផងដែរសំរាប់ Manchester United បន្ទាប់ពីក្លិបមួយនេះបរាជ័យក្នុងការនាំយកខ្សែប្រយុទ្ធ Benfica, Darwin Nunez ដែលត្រូវបានគេដឹងឈានដល់កិច្ចព្រមព្រៀងជាមួយ Liverpool។ សូមបញ្ជាក់ថា Antony បានក្លាយជាសមាជិកសំខាន់របស់ Ajax ក្នុងរយៈពេល ១៨ខែកន្លងមកបន្ទាប់ពីផ្លាស់ពីក្លិបប្រេស៊ីល Sao Paulo ហើយក្លិបប្រេស៊ីលមួយនេះក៏នឹងទទួលបានលាភសក្ការផងដែរ ប្រសិនការផ្ទេរបានសំរេចដែលជាផ្នែកមួយនៃកិច្ចសន្យាកន្លងមក។ តម្លៃនៃការផ្ទេររបស់កីឡាករប្រេស៊ីល Antony ពី Ajax ត្រូវបានគេដឹងថាក្នុងរង្វង់ពី ៥០ ទៅ ៦០លានអឺរ៉ូ។ Manchester United បច្ចុប្បន្នក៏កំពុងចរចាទិញខ្សែប្រយុទ្ធ Barcelona, Frankie de Jong ផងដែរ៕អត្ថបទ៖នាង សុភាវុធ

វគ្គជម្រុះថ្នាក់ជាតិនៃពានសម្ដេចតេជោ ហ៊ុន សែន នឹងចាប់ផ្ដើមប្រកួតនាដើមសប្ដាហ៍ក្រោយ

បាល់ទាត់៖ ការប្រកួតបាល់ទាត់ដណ្ដើមពានរង្វាន់សម្ដេចតេជោ ហ៊ុន សែន លើកទី១៦ ឆ្នាំ២០២២ នឹងចាប់ផ្ដើមការប្រកួតវគ្គជម្រុះថ្នាក់ជាតិ ឬដំណាក់កាលទី២ នាថ្ងៃទី២១ ខែមិថុនាដើមសប្ដាហ៍ក្រោយនេះហើយ បន្ទាប់ពីរកឃើញក្រុមជយលាភីថ្នាក់ខេត្តកាលពីថ្មីៗ។ តាមការបញ្ជាក់របស់គណៈកម្មការរៀបចំការប្រកួតសម្រាប់វគ្គជម្រុះថ្នាក់ជាតិ ឬការប្រកួតដំណាក់កាលទី២ នៃពានសម្ដេចតេជោ ហ៊ុន សែន ឆ្នាំនេះគឺមានបេក្ខភាព ១៤ក្រុមចូលរួមក្នុងនោះមាន ៤ក្រុមជាក្រុមជយលាភីមកពីពានសម្ដេចតេជោ ហ៊ុន សែន ថ្នាក់ខេត្តគឺមានក្រុមជើងឯកភ្នំពេញហ្គាឡាក់ស៊ី, ក្រុមលេខ២ ខេត្តឧត្ដរមានជ័យ, ក្រុមលេខ៣ ឬទ្ធីសែន និងក្រុមលេខ៤ ខេត្តកំពត។ ១០ក្រុមទៀតគឺជាក្រុមបេក្ខភាពលីគទី២ ឬ Cambodian League 2 រួមមានក្រុមអគ្គិសនីកម្ពុជា, នគរបាលជាតិ, ព្រៃវែងអេហ្វស៊ី, កោះកុងអេហ្វស៊ី, អាយ អេស អាយ ដង្កោសែនជ័យ, អាស៊ីអឺរ៉ុបយូណាយធីត, សៀមរាបអេហ្វស៊ី, បន្ទាយមានជ័យអេហ្វស៊ី, សូលទីឡូអង្គរ និងក្រុមណិចស្តិបអេហ្វស៊ី។សម្រាប់ការប្រកួតដំណាក់កាលទី២ នឹងជម្រុះយកក្រុមខ្លាំងៗ ៨ក្រុមឡើងទៅប្រកួតដំណាក់កាលទី៣ ជាមួយក្រុមក្របខណ្ឌលីគកំពូលកម្ពុជា ដើម្បីឈានទៅប្រកួតប្រជែងដណ្ដើមជើងឯកពានរង្វាន់សម្ដេចតេជោ ហ៊ុន សែន ថ្នាក់ជាតិឆ្នាំ២០២២។ ការប្រកួតដំណាក់កាលទី២ គ្រោងនឹងបញ្ចប់នាថ្ងៃទី០៧ ខែកក្កដាខាងមុខមុនបន្ដការប្រកួតវគ្គ ១៦ក្រុមចុងក្រោយនៃដំណាក់កាលទី៣ ដែលគ្រោងធ្វើការប្រកួតពីថ្ងៃទី២០ ខែកក្កដារហូតដល់ថ្ងៃទី២៥ ខែតុលា ឆ្នាំ២០២២ ខាងមុខ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ក្រុមស៊ើបអង្កេត UN៖ យោធាមីយ៉ាន់ម៉ាបានបង្កើនការវាយប្រហារតាមអាកាស និងការរំលោភបំពាន មុនការបោះឆ្នោត

នាវាដឹកទំនិញមួយគ្រឿង រងការវាយប្រហារនៅច្រកសមុទ្រ Bab el-Mandeb

អឺរ៉ុប និងចក្រភពអង់គ្លេសប្រឈមនឹងហានិភ័យសេដ្ឋកិច្ចកាន់តែខ្ពស់ ក្នុងអំឡុងពេលមានរលកកម្ដៅ

លោក TRUMP រំពឹងថា សេដ្ឋកិច្ចអ៊ីរ៉ង់ នឹងដួលរលំ ក្រោមសម្ពាធរបស់សហរដ្ឋអាមេរិក

យេម៉ែនដាក់គោលដៅលើទីតាំងនានា ដើម្បីឆ្លើយតបទៅនឹងការវាយប្រហាររបស់ក្រុមហ៊ូទី

ឡាតវីដាក់គោលដៅលើក្រុមរត់ពន្ធមនុស្សខុសច្បាប់ ស្របពេលភាពតានតឹងអន្តោប្រវេសន៍ជាមួយបេឡារុស

ចំនួនអ្នកស្លាប់ដោយសារជំងឺអេបូឡា កើនឡើងជាង ២.០០០នាក់ នៅសាធារណរដ្ឋប្រជាធិបតេយ្យ កុងហ្គោ

សារព័ត៌មាន៖ លោក Trump ធ្វើដំណើរតាមជើងហោះហើរសម្ងាត់របស់ទួរគី ក្រោយការគំរាមកំហែងពីអ៊ីរ៉ង់

តុលាការស៊ីរីកាត់ទោសប្រហារជីវិតមេដឹកនាំធ្លាក់ពីអំណាច លោក Bashar al-Assad ដោយកំបាំងមុខ

រូបភាពផ្កាយរណបថ្មី បង្ហាញពីទំហំការបំផ្លិចបំផ្លាញរបស់អ៊ីស្រាអែលនៅប្រាសាទ Beaufort របស់ប្រទេសលីបង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

NOCC យកខេត្តកែបរៀបចំកម្មវិធីជិះកង់កម្សាន្តអបអរទិវាអូឡាំពិក និងផ្សព្វផ្សាយស៊ីហ្គេមឆ្នាំ២០២៣

កីឡាករប្រដាល់រុស្ស៊ី Beterbiev ឈ្នះកីឡាករអាមេរិក Joe Smith ដណ្ដើមខ្សែក្រវាត់បីស្ថាប័នទៀតមកគ្រប់គ្រង

ភ្នំពេញពាក់កណ្ដាលម៉ារ៉ាតុងអន្ដរជាតិលើកទី១០ បញ្ចប់ដោយជោគជ័យ និងទទួលបានការសាទរពីអ្នករត់

ពានសម្ដេចតេជោ ហ៊ុន សែន ចាប់ផ្ដើមការប្រកួតវគ្គជម្រុះថ្នាក់ជាតិស្អែកនេះ

ជឺជីតស៊ូកម្ពុជាបញ្ចប់ការប្រកួតដណ្ដើមចំណាត់ថ្នាក់ពិភពលោកនៅថៃដោយឈ្នះមេដាយសំរឹទ្ធ ១

World Cup 2026 លើទឹកដីអាមេរិក កាណាដា ម៉ិកស៊ិកមាន ៤៨ក្រុមចូលរួម ១៦ទីលាន ១១ទីក្រុង

អេស៊ីបបណ្តេញគ្រូបង្វឹកជំរើសជាតិចេញក្រោយដឹកនាំទើបតែបាន ៣ប្រកួត

Arsenal ឈានដល់កិច្ចព្រមព្រៀងទិញខ្សែបម្រើ Porto, Fabio Vieira តម្លៃ ៤០លានអឺរ៉ូ

Antony ខិតជិតដល់កិច្ចព្រមព្រៀងផ្ទេរមកកាន់ Manchester United

វគ្គជម្រុះថ្នាក់ជាតិនៃពានសម្ដេចតេជោ ហ៊ុន សែន នឹងចាប់ផ្ដើមប្រកួតនាដើមសប្ដាហ៍ក្រោយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករប្រដាល់​រុស្ស៊ី Beterbiev ឈ្នះ​កីឡាករ​អាមេរិក Joe Smith ដណ្ដើម​ខ្សែក្រវាត់​បី​ស្ថាប័ន​ទៀតមក​គ្រប់គ្រង

ភ្នំពេញ​ពាក់កណ្ដាល​ម៉ា​រ៉ា​តុង​អន្ដរជាតិ​លើក​ទី​១០ បញ្ចប់​ដោយ​ជោគជ័យ និង​ទទួល​បានការ​សាទរ​ពី​អ្នករត់​

ពាន​សម្ដេច​តេ​ជោ ហ៊ុន សែន ចាប់ផ្ដើម​ការប្រកួត​វគ្គ​ជម្រុះ​ថ្នាក់ជាតិ​ស្អែក​នេះ

ជឺ​ជី​តស៊ូ​កម្ពុជា​បញ្ចប់​ការប្រកួត​ដណ្ដើម​ចំណាត់ថ្នាក់​ពិភពលោក​នៅ​ថៃ​ដោយ​ឈ្នះ​មេដាយ​សំរឹទ្ធ ១

World Cup 2026 លើ​ទឹកដី​អាមេរិក កាណាដា ម៉ិ​ក​ស៊ិ​កមាន ៤៨ក្រុម​ចូលរួម ១៦ទីលាន ១១ទីក្រុង​

អេ​ស៊ី​ប​បណ្តេញ​គ្រូបង្វឹក​ជំរើសជាតិ​ចេញ​ក្រោយ​ដឹកនាំ​ទើបតែ​បាន ៣ប្រកួត

Arsenal ឈានដល់​កិច្ចព្រមព្រៀង​ទិញ​ខ្សែបម្រើ Porto, Fabio Vieira តម្លៃ ៤០​លាន​អឺរ៉ូ

Antony ខិតជិត​ដល់​កិច្ចព្រមព្រៀង​ផ្ទេរ​មកកាន់ Manchester United

វគ្គ​ជម្រុះ​ថ្នាក់ជាតិ​នៃ​ពាន​សម្ដេច​តេ​ជោ ហ៊ុន សែន នឹង​ចាប់ផ្ដើម​ប្រកួត​នា​ដើម​សប្ដាហ៍​ក្រោយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករប្រដាល់រុស្ស៊ី Beterbiev ឈ្នះកីឡាករអាមេរិក Joe Smith ដណ្ដើមខ្សែក្រវាត់បីស្ថាប័នទៀតមកគ្រប់គ្រង

ភ្នំពេញពាក់កណ្ដាលម៉ារ៉ាតុងអន្ដរជាតិលើកទី១០ បញ្ចប់ដោយជោគជ័យ និងទទួលបានការសាទរពីអ្នករត់

ពានសម្ដេចតេជោ ហ៊ុន សែន ចាប់ផ្ដើមការប្រកួតវគ្គជម្រុះថ្នាក់ជាតិស្អែកនេះ

ជឺជីតស៊ូកម្ពុជាបញ្ចប់ការប្រកួតដណ្ដើមចំណាត់ថ្នាក់ពិភពលោកនៅថៃដោយឈ្នះមេដាយសំរឹទ្ធ ១

World Cup 2026 លើទឹកដីអាមេរិក កាណាដា ម៉ិកស៊ិកមាន ៤៨ក្រុមចូលរួម ១៦ទីលាន ១១ទីក្រុង

អេស៊ីបបណ្តេញគ្រូបង្វឹកជំរើសជាតិចេញក្រោយដឹកនាំទើបតែបាន ៣ប្រកួត

Arsenal ឈានដល់កិច្ចព្រមព្រៀងទិញខ្សែបម្រើ Porto, Fabio Vieira តម្លៃ ៤០លានអឺរ៉ូ

Antony ខិតជិតដល់កិច្ចព្រមព្រៀងផ្ទេរមកកាន់ Manchester United

វគ្គជម្រុះថ្នាក់ជាតិនៃពានសម្ដេចតេជោ ហ៊ុន សែន នឹងចាប់ផ្ដើមប្រកួតនាដើមសប្ដាហ៍ក្រោយ