BTV NEWS

ក្រុមបាល់ទាត់ Geylang International FC មកដល់កម្ពុជាត្រៀមប្រកួតជាមួយព្រះខ័នរាជស្វាយរៀងស្អែក

Ronald Araujo ផ្លាស់ពី Barcelona មក Liverpool ក្នុងលក្ខខណ្ឌខ្ចីជើង និងជម្រើសទិញផ្តាច់

សសយក អលស្ដារ ជួបក្រុមរួមគ្នាដើម្បីកំពង់ស្ពឺ ល្ងាចនេះ ក្នុងកម្មវិធីបេះដូងសប្បុរសដើម្បីភូមិរង់ចាំ

កីឡាកាយសម្ព័ន្ធកម្ពុជា ដណ្ដើមបានមេដាយ ៣គ្រឿងពីជើងឯកអាស៊ី ឆ្នាំ២០២៦ នៅហ្វីលីពីន

ព័ត៌មានកីឡា

Antonio Rudiger ថាបានច្រានចោលសំណើ Barcelona ជ្រើសយក Real Madrid

បាល់ទាត់៖ ខ្សែការពារចូលថ្មីរបស់ Real Madrid, Antonio Rudiger បានបង្ហាញខ្លួនជាផ្លូវការហើយក្រោយចាកចេញពីតោខៀវ Chelsea។ Antonio Rudiger បានចាកចេញពី Chelsea ក្រោយកិច្ចសន្យាអស់សុពលភាព។ កីឡាករជំរើសជាតិអាល្លឺម៉ង់វ័យ ២៩ឆ្នាំរូបនេះចុះហត្ថលេខាលើកិច្ចសន្យា ៤ឆ្នាំជាមួយក្រុមជើងឯកអេស្ប៉ាញ និងអឺរ៉ុប Real Madrid ក្រោយបដិសេធសំណើបន្តកិច្ចសន្យាជាមួយ Chelsea។ និយាយក្នុងឱកាសបង្ហាញខ្លួនឱ្យ Real Madrid នៅចំពោះមុខអ្នកសារព័ត៌មាន Rudiger បាននិយាយថា គេបានបដិសេធសំណើរបស់ FC Barcelona ក៏ព្រោះតែចាប់អារម្មណ៍តែលើការផ្ទេរមកកាន់ Real Madrid គេចាត់ទុកថាជាក្លិបកំពូលនៅលើលោក។ រំលឹកថា Antonio Rudiger បានផ្លាស់មកកាន់ Chelsea កាលពីឆ្នាំ២០១៧ ផ្ទេរពី AS Roma ក្នុងតម្លៃ ២៩លានផោន និងបានបង្ហាញខ្លួនសរុប ២០៣ប្រកួតរកបាន ១២គ្រាប់ ឈ្នះជើងឯក FA Cup, Champions League, Europa League, UEFA Super Cup និង FIFA Club World Cup៕អត្ថបទ៖នាង សុភាវុធ

Ryan Giggs លាលែងពីតំណែងអ្នកចាត់ការក្រុមជំរើសជាតិវែលផ្លូវការ

បាល់ទាត់៖ អតីតខ្សែបម្រើក្រុមបិសាចក្រហម Manchester United, Ryan Giggs បានលាលែងពីតំណែងអ្នកចាត់ការក្រុមជំរើសជាតិវែលជាផ្លូវការហើយ។ បុរសវ័យ ៤៨ឆ្នាំរូបនេះបាននៅឆ្ងាយពីតំណែងរបស់ខ្លួនតាំងពីខែវិច្ឆិកា ឆ្នាំ ២០២០ បន្ទាប់ពីត្រូវបានឃាត់ខ្លួនពាក់ព័ន្ធនឹងរៀងប្រើអំពើហិង្សាលើមិត្តស្រីរបស់ខ្លួន។ Ryan Giggs បានប្រកាសក្នុងសេចក្តីថ្លែងការរបស់ខ្លួនថា លោកបានសំរេចចិត្តពីការលាលែងពីតំណែងនេះ ដើម្បីផ្តល់ឱកាសដល់គ្រូបង្វឹកក៏ដូចជាកីឡាករជ្រះស្រឡះមន្ទិលសង្ស័យ និងផ្តោតអារម្មណ៍លើ World Cup។ តាំងពីពេលនោះមកលោក Robert Page បានចូលមកកាន់តំណែងបណ្តោះអាសន្ន និងបានដឹកនាំក្រុមវែលបានកៅអីនៅ World Cup ជាលើកដំបូងតាំងពីឆ្នាំ១៩៥៨។ លោក Robert Page វ័យ ៤៧ឆ្នាំធ្លាប់ជាប្រធានក្រុមជំរើសជាតិវែលពេលជាកីឡាករ គឺជាជំនួយការលោក ryan Giggs តាំងពីឆ្នាំ២០១៩។ ក្រុមការដឹកនាំរបស់លោក Robert Page វែលបញ្ចប់ការប្រកួតជំរុះតាមពូលដោយទទួលបានកៅអី Play-Off ពោលគឺបានយកឈ្នះស្កុតឡេន មុនឡើងមកយកឈ្នះអ៊ុយក្រែននៅវគ្គផ្តាច់ព្រ័ត្រដើម្បីទទួលបានកៅអី World Cup។ មិនតែប៉ុណ្ណោះ វែលបច្ចុប្បន្នក៏កំពុងឈរលើគេផងដែរនៅក្នុងពូលការប្រកួតក្របខណ្ឌ UEFA Nations League។ វែលស្ថិតក្នុងពូល B នៅ World Cup ដោយនឹងត្រូវជួបជាមួយអង់គ្លេស អាមេរិក និងអ៊ីរ៉ង់៕អត្ថបទ៖នាង សុភាវុធ

West Ham ទិញបានខ្សែការពារម៉ារ៉ុក Nayef Aguerd តម្លៃ ៣០លានផោនពីក្លិបបារាំង Rennes

បាល់ទាត់៖ ក្លិបបាល់ទាត់ញញួរធំ West Ham បានសម្រេចក្នុងការនាំយកខ្សែការពារម៉ារ៉ុក Nayef Aguerd តម្លៃ ៣០លានផោនពីក្លិបបារាំង Rennes។ ក្លិបបាល់ទាត់នៅ Premier League មួយនេះបានបញ្ជាក់ថា កីឡាករវ័យ ២៦ឆ្នាំរូបនេះបានសំរេចចុះហត្ថលេខារយៈពេល ៥ឆ្នាំជាមួយ West Ham។ Nayef Aguerd បានបង្ហាញខ្លួនសរុប ៦៦ប្រកួតឱ្យ Rennes តាំងពីផ្លាស់ពី Dijon នៅឆ្នាំ២០២០។ ការផ្ទេររបស់ Nayef Aguerd មកកាន់ West Ham បានធ្វើឱ្យរូបគេក្លាយជាកីឡាករថ្លៃបំផុតទី៤ របស់ក្លិបបន្ទាប់ពី Sebastien Haller, Felipe Anderson និង Kurt Zouma។ West Ham បានឈានឡើងដល់វគ្គពាក់កណ្តាលផ្តាច់ព្រ័ត្រ UEFA Europa League រដូវកាលមុន និងបញ្ចប់លេខ ៧ ក្នុងតារាងនៅ English Premier League។ Nayef Aguerd គឺជាសមាជិកសំខាន់របស់ក្រុមជំរើសជាតិម៉ារ៉ុកដោយធ្លាប់បានបង្ហាញខ្លួនសរុប ២៥លើក បូករួមទាំងចូលរួមការប្រកួតពានរង្វាន់ជើងឯកអាហ្វ្រិកដែលម៉ារ៉ុកឡើងដល់វគ្គ ៨ក្រុមចុងក្រោយ និងបង្ហាញខ្លួនទាំងពីរប្រកួតវគ្គ Play-Off ដែលម៉ារ៉ុកយកឈ្នះសាធារណរដ្ឋកុងហ្គោបានកៅអី World Cup នៅកាតា៕អត្ថបទ៖នាង សុភាវុធ

កូរ៉េសម្រេចដេញថ្លៃធ្វើម្ចាស់ផ្ទះរៀបចំការប្រកួតបាល់ទាត់ជើងឯកអាស៊ី ២០២៣ ដែលចិនដកខ្លួន

បាល់ទាត់៖ កូរ៉េបានសម្រេចដេញថ្លៃរៀបចំព្រឹត្តិការណ៍បាល់ទាត់ជើងឯកទ្វីបអាស៊ី AFC Asian Cup 2023 បន្ទាប់ពីចិនបានសម្រេចដកខ្លួន នេះបើតាមការបញ្ជាក់របស់សហព័ន្ធបាល់ទាត់កូរ៉េ KFA នៅថ្ងៃចន្ទម្សិលមិញ។ ប្រធានាធិបតីកូរ៉េ Yoon Suk-yoel បានជំរុញ និងគាំទ្រពេញទំហឹងចំពោះគម្រោងនេះ។ ប្រទេសចិនដំបូងឡើយគឺជាម្ចាស់ផ្ទះរៀបចំការប្រកួតដែលគ្រោងធ្វើឡើងអំឡុងខែមិថុនា និងកក្កដាឆ្នាំក្រោយ តែចិនបានសម្រេចដកខ្លួនវិញដោយសារបញ្ហាកូវីដ-១៩។ កាលពីខែមុនសហព័ន្ធបាល់ទាត់អាស៊ី AFC បានស្នើសុំប្រទេសមួយចំនួនដើម្បីធ្វើម្ចាស់ផ្ទះការប្រកួត ខណៈថ្ងៃទី៣០ ខែមិថុនាខាងមុខ AFC នឹងប្រកាសជាផ្លូវការ៕អត្ថបទ៖នាង សុភាវុធ

លោក ប្រាក់ វុទ្ធី ចាត់ទុកការប្រកួតជើងឯកអាស៊ានជាដំណាក់កាលទី២ នៃការត្រៀមស៊ីហ្គេម២០២៣

បាល់ទាត់៖ លោក ប្រាក់ វុទ្ធី គ្រូបង្វឹកក្រុមបាល់ទាត់នារីជម្រើសជាតិកម្ពុជា បានចាត់ទុកការប្រកួតក្របខណ្ឌបាល់ទាត់នារីជើងឯកអាស៊ីអាគ្នេយ៍ AFF Women’s Championship 2022 នាខែកក្កដាខាងមុខគឺជាដំណាក់កាលទី២ នៃផែនការត្រៀមឆ្ពោះទៅស៊ីហ្គេមឆ្នាំ២០២៣។ ការលើកឡើងនេះ បន្ទាប់ពីក្រុមបាល់ទាត់នារីកម្ពុជាបានត្រឡប់ចូលជុំរុំហ្វឹកហាត់វិញ កាលពីចុងសប្ដាហ៍កន្លងទៅ ក្រោយបញ្ចប់បេសកកម្មចូលរួមការប្រកួតកីឡាស៊ីហ្គេមលើកទី៣១ នៅប្រទេសវៀតណាមកាលពីថ្មីៗ ដែលទទួលបានលទ្ធផលពុំគាប់ប្រសើរឡើយ។ លោកថា ការចូលរួមប្រកួតកីឡាស៊ីហ្គេមនៅវៀតណាម គឺជាការអនុវត្តផែនការដំណាក់កាលទី១ ក្នុងនាមក្រុមក្មេងខ្ចីដែលទើបចូលរួមប្រកួតលើកដំបូង។ ទោះបីក្រុមបាល់ទាត់នារីកម្ពុជាបានរងបរាជ័យ ២ប្រកួតផ្ទួនៗក្ដី តែលោកបានមើលឃើញចំណុចល្អមួយចំនួន ពិសេសលើប្រព័ន្ធការពារ។ រីឯការប្រកួតបាល់ទាត់នារីជើងឯកអាស៊ាន ដែលនឹងរៀបចំនៅប្រទេសហ្វីលីពីននាខែក្រោយវិញ គឺជាការរៀបចំដំណាក់កាលទី២ ដែលលោកនឹងបន្ដផ្ដោតសំខាន់លើការការពារ បូករួមជាមួយនឹងការវាយបក និងការលេងប្រព័ន្ធប្រយុទ្ធជាដើម ដើម្បីអភិវឌ្ឍណ៍គុណផលរបស់កីឡាការិនីម្នាក់ៗឲ្យកាន់តែប្រសើរ សម្រាប់ត្រៀមស៊ីហ្គេមឆ្នាំ២០២៣ នៅកម្ពុជា។បុរសវ័យ ៥១ឆ្នាំរូបនេះបន្ដថា អ្វីៗដែលក្រុមការងារកំពុងរៀបចំក្រោមការដឹកនាំរបស់សហព័ន្ធបច្ចុប្បន្ន សុទ្ធតែជាគោលដៅសម្រាប់ស៊ីហ្គេមឆ្នាំ២០២៣ ហើយមុនឈានដល់ព្រឹត្តិការណ៍ជាប្រវត្តិសាស្ដ្រនេះ លោកក៏មានគម្រោងស្វែងរកកីឡាការិនីកូនកាត់ខ្មែរបរទេស ដូចជានៅអូស្ដ្រាលី និងអាមេរិកជាដើម ដើម្បីមកជួយក្រុមបាល់ទាត់នារីជម្រើសជាតិកម្ពុជាផងដែរ។ សូមបញ្ជាក់ថា ការប្រកួតពានរង្វាន់បាល់ទាត់នារីប្រចាំតំបន់អាស៊ាន AFF Women’s Championship ឆ្នាំ២០២២ នេះ គ្រោងធ្វើការប្រកួតពីថ្ងៃទី០៤ ដល់ថ្ងៃទី១៧ ខែកក្កដាខាងមុខ ដោយក្រុមកម្ពុជាស្ថិតក្នុងពូល B ជាមួយក្រុមទើបឈ្នះមេដាយមាសស៊ីហ្គេមវៀតណាម មីយ៉ាន់ម៉ា, ឡាវ, ទីម័រខាងកើត។ ចំពោះប្រកួតដំបូងរបស់ក្រុមបាល់ទាត់នារីកម្ពុជា នឹងត្រូវជួបឡាវមុនគេនាថ្ងៃទី០៥ ខែកក្កដា ឆ្នាំ២០២២៕អត្ថបទ៖ លី ឈុនឡា

Max Verstappen ឈ្នះការប្រកួត F1 នៅកាណាដាពន្លាតការនាំមុខក្នុងតារាងជើងឯក

ប្រណាំងរថយន្ត៖ កីឡាករប្រណាំងរថយន្ត F1 ហូឡង់ Max Verstappen បានប្រជែងឈ្នះការប្រកួត F1 នៅទឹកដីកាណាដាដើម្បីពន្លាតការនាំមុខក្នុងតារាងជើងឯកពិភពលោក។ Max Verstappen ដែលជាអ្នកឈ្នះក្នុងការប្រណាំងយកទីចេញដំណើរកាលពីថ្ងៃសៅរ៍នោះ បានរក្សាការនាំមុខរហូតដល់ទីព្រ័ត្រ បើទោះជាមានការប្រជែងខ្លាំងពីកីឡាកររបស់ Ferrari, Carlos Sainz នៅ ១៥ជុំចុងក្រោយ។ កីឡាកររបស់ Mercedes ទាំងពីរ Lewis Hamilton និង George Russell បានលេខ៣ និងលេខ៤ ស្របពេលកីឡាករម៉ូណាកូរបស់ Ferrari, Charles Leclerc បានលេខ៥ បន្ទាប់ពីចាប់ផ្តើមការប្រកួតនៅក្រោយគេដោយសារពិន័យ។ រីឯមិត្តរួមក្រុមរបស់ Verstappen កីឡាករម៉ិកស៊ិក Sergio Perez មិនអាចបញ្ចប់ការប្រកួតបានឡើយដោយសារបញ្ហាគ្រឿងម៉ាស៊ីន។ ក្រោយការប្រកួតនៅកាណាដានេះ Max Verstappen ពន្លាតការនាំមុខក្នុងតារាងជើងឯកពិភពលោកដោយមានសរុប ១៧៥ពិន្ទុពីលើមិត្តរួមក្រុម Sergio Perez ៤៦ពិន្ទុ ខណៈ Charles Leclerc ឈរលេខ៣ តាមពីក្រោយ Perez ៣ពិន្ទុ។ ទីលានបន្ទាប់ F1 នឹងបន្តដំណើរទៅទឹកដីអង់គ្លេសដើមខែកក្កដាខាងមុខ៕អត្ថបទ៖នាង សុភាវុធ

Katie Ledecky ពន្លាតកំណត់ត្រាឈ្នះមេដាយមាសពិភពលោកសរុប ១៦គ្រឿង

ហែលទឹក៖ កីឡាការិនីហែលទឹកអាមេរិក Katie Ledecky បានពន្លាតកំណត់ត្រាពិភពលោករបស់ខ្លួន ដោយឈ្នះមេដាយមាសហែលទឹកជើងឯកពិភពលោកសរុប ១៦គ្រឿង ក្រោយឈ្នះការប្រកួតកាលពីចុងសប្តាហ៍កន្លងទៅនៅទីក្រុង Budapest ប្រទេសហុងគ្រី។ កីឡាការិនីវ័យ ២៥ឆ្នាំរូបនេះបានឈ្នះការប្រកួតចុងក្រោយនេះលើវិញ្ញាសារហែលទឹក ៤០០ម៉ែត្រសេរីដោយប្រើថេរវេលា ៣នាទី ៥៨វិនាទី ១៥ ខណៈដែលកីឡាការិនីវ័យ ១៥ឆ្នាំកាណាដា Summer McIntosh ទទួលបានចំណាត់ថ្នាក់លេខ២ និងលេខ៣ កីឡាការិនីអាមេរិក Leah Smith។ Katie Ledecky ក៏ជាម្ចាស់មេដាយមាសអូឡាំពិក ៧លើកផងដែរ ហើយកំពុងឈរលេខ៣ ក្នុងកំណត់ត្រាពិភពលោកដោយប្រៀបធៀបនឹងផ្នែកបុរស ពោលគឺកីឡាករអាមេរិក Michael Phelps ឈ្នះ ២៦លើក និង Ryan Lochte ១០លើក៕អត្ថបទ៖នាង សុភាវុធ

កីឡាករអ៊ីតាលី Matteo Berrettini ការពារតំណែងជើងឯក Queen Club បានសម្រេច

វាយកូនបាល់៖ កីឡាករវាយកូនបាល់អ៊ីតាលី Matteo Berrettini បានការពារតំណែងជើងឯកបានសម្រេចក្នុងការប្រកួតកម្មវិធី Queen Club នៅចក្រភពអង់គ្លេសក្រោយយកឈ្នះកីឡាករ Filip Krajinovic នៅវគ្គផ្តាច់ព្រ័ត្រ។ កីឡាករអ៊ីតាលីលំដាប់លេខ២ ក្នុងកម្មវិធី Berrettini បានយកឈ្នះដោយលទ្ធផល ៧-៥ និង ៦-៤ ដើម្បីឈ្នះជើងឯក Queen Club នេះពីរឆ្នាំជាប់គ្នា។ នេះជាជ័យជំនះ ២០ប្រកួតក្នុងចំណោម ២១ប្រកួតចុងក្រោយនៅលើទីលានស្មៅសំរាប់ Matteo Berrettini បន្ទាប់ពីបរាជ័យចុងក្រោយរបស់គេគឺតាំងពីចាញ់ Novak Djokovic នៅវគ្គផ្តាច់ព្រ័ត្រ Wimbledon ឆ្នាំមុន។ កីឡាករលំដាប់លេខ ១០ ពិភពលោករូបនេះថ្មីៗនេះដែរក៏ទើបតែឈ្នះជើងឯក Stuttgart Open នៅអាល្លឺម៉ង់ផងដែរកាលពីសប្តាហ៍មុន។ ជ័យជំនះនេះផងដែរក៏ធ្វើឱ្យ Matteo Berrettini កាន់តែមានជំនឿចិត្តសំរាប់ការប្រកួត Grand Slam, Wimbledon ដែលនឹងចាប់ផ្តើមថ្ងៃអាទិត្យនេះ៕អត្ថបទ៖នាង សុភាវុធ

Naomi Osaka ដកខ្លួនពី Grand Slam, Wimbledon ដោយសាររបួស

វាយកូនបាល់៖ កីឡាការិនីវាយកូនបាល់ជើងឯក Grand Slam ៤លើក Naomi Osaka បានបង្ខំចិត្តសម្រេចដកខ្លួនមិនចូលរួមព្រឹត្តិការណ៍ Grand Slam, Wimbledon ឆ្នាំនេះដោយសារបញ្ហារបួស។ កីឡាការិនីជប៉ុនរូបនេះខកខានមិនបានចូលរួមប្រកួតតាំងពី French Open កាលពីខែមុន និងបានបង្ហោះវីដេអូលើបណ្តាញសង្គមថា នាងត្រូវការសម្រាកព្យាបាលរបួសឱ្យជាសះស្បើយ ១០០%។ កីឡាការិនីវ័យ ២៤ឆ្នាំរូបនេះក៏ធ្លាប់បាននិយាយពីភាពមិនប្រាកដប្រជាពីការចូលរួមព្រឹត្តិការណ៍ Wimbledon ផងដែរកាលពីពេលកន្លងមកដោយសារបញ្ហាពិន្ទុក្នុង Ranking នៅព្រឹត្តិការណ៍ត្រូវបានកាត់បន្ថយ។ កាលពីខែមុនស្ថាប័នវាយកូនបាល់ទាំងបុរស និងនារី ATP និង WTA បានសម្រេចដកចំនួនពិន្ទុខ្លះពី Wimbledon បន្ទាប់ពីព្រឹត្តិការណ៍វាយកូនបាល់ធំជាងគេមួយនេះ សម្រេចហាមឃាត់មិនឱ្យកីឡាករ-កីឡាការិនីរុស្ស៊ី និងបេឡារុសចូលរួមដោយសារបញ្ហាសង្គ្រាមរុស្ស៊ីលើទឹកដីអ៊ុយក្រែន។សូមបញ្ជាក់ថា Naomi Osaka បច្ចុប្បន្នមានចំណាត់ថ្នាក់ពិភពលោកលេខ ៤៣ បានធ្លាក់ចំណាតថ្នាក់របស់ខ្លួនជាបន្តបន្ទាប់ ក្រោយដកខ្លួនចេញពីការប្រកួតនានាកាលពីឆ្នាំមុនដោយសារបញ្ហាផ្លូវចិត្ត។ រំលឹកដែរថា Naomi Osaka ធ្លាប់ឈ្នះជើងឯក Grand Slam ៤លើករបស់ខ្លួនរួមមាន US Open ពីរដង និង Australian Open ពីរដង នៅឡើយតែ French Open និង Wimbledon នេះដែលនាងមិនធ្លាប់ឈ្នះ៕អត្ថបទ៖នាង សុភាវុធ

អារ៉ាប៊ីសាអ៊ូឌីតគ្រងជើងឯកបាល់ទាត់អាស៊ីអាយុក្រោម ២៣ឆ្នាំក្រោយឈ្នះម្ចាស់ផ្ទះអ៊ូសប៊ែគីស្ថាន

បាល់ទាត់៖ ក្រុមបាល់ទាត់អារ៉ាប៊ីសាអ៊ូឌីតបានយកឈ្នះម្ចាស់ផ្ទះអ៊ូសប៊ែគីស្ថាន ២-០ នៅវគ្គផ្តាច់ព្រ័ត្រថ្ងៃអាទិត្យម្សិលមិញនេះ ដើម្បីគ្រងជើងឯកបាល់ទាត់អាស៊ីអាយុក្រោម ២៣ឆ្នាំ AFC U-23 Asian Cup លើកដំបូង។ អារ៉ាប៊ីសាអ៊ូឌីតបានស៊ុតបញ្ចូលទី ២គ្រាប់របស់ខ្លួននៅវគ្គទី២ ទាំងពីរគ្រាប់បន្ទាប់ពីគ្រាប់បាល់ពិន័យ ១១ម៉ែត្រក្នុងវគ្គទី១ ត្រូវបានលុបចោលដោយ VAR។ Ahmad Al Gamdi រកបានគ្រាប់នាំមុខនៅនាទីទី៤៩ ខណៈអ៊ូសប៊ែគីស្ថានតាមបាន ១គ្រាប់វិញតែជាបាល់ Off-Side។ ឈានដល់នាទីទី៧៤ អារ៉ាប៊ីសាអ៊ូឌីតក៏ធានាបានគ្រាប់បាល់ជ័យជំនះរបស់ខ្លួនដោយ Firas Al Brikan។នេះជាជើងឯក AFC U-23 Asian Cup លើកដំបូងសំរាប់អារ៉ាប៊ីសាអ៊ូឌីត បន្ទាប់ពីធ្លាប់ឡើងវគ្គផ្តាច់ព្រ័ត្រ ២លើកកន្លងមកបានត្រឹមជើងឯករង ពោលគឺឆ្នាំ២០១៣ ចាញ់អ៊ីរ៉ាក់ និង ២០២០ ចាញ់កូរ៉េ។ ចំណែកអ៊ូសប៊ែគីស្ថានបានត្រឹមខកចិត្តនៅចំពោះមុខអ្នកគាំទ្ររបស់ខ្លួន ក្នុងការបង្ហាញខ្លួននៅវគ្គផ្តាច់ព្រ័ត្រលើកទី២ តែធ្លាប់ឈ្នះជើងឯកម្តងកាលពីឆ្នាំ២០១៨៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ការកំពប់ប្រេងនៅជិតតំបន់ឆ្នេរប្រទេសអូម៉ង់ បង្ហាញពីសញ្ញានៃផលប៉ះពាល់ដល់បរិស្ថាន

អ្នកការទូតជាន់ខ្ពស់រុស្ស៊ី៖ អ៊ុយក្រែនចង់ពង្រីកប្រតិបត្តិការយោធាទៅកាន់ប្រទេសបេឡារុស

ក្រុមបាតុករបានវាយប្រហារអគាររដ្ឋាភិបាលនៅទីក្រុង Ain Al-Arab នៃប្រទេសស៊ីរី

គ្រោះរាំងស្ងួតត្រូវបានប្រកាសនៅតាមតំបន់ជាច្រើនរបស់អង់គ្លេស ក្រោយជួបខែកក្កដាក្តៅបំផុតជាប់កំណត់ត្រា

ផ្នូរដ៏ធំមួយមានសាកសពមនុស្ស ២៥នាក់ ត្រូវបានរកឃើញនៅទីក្រុង Kurmuk របស់ស៊ូដង់

អគ្គិភ័យដ៏ធំមួយបានឆាបឆេះរោងចក្រចម្រាញ់ប្រេង Zawiya របស់លីប៊ី ក្រោយការវាយប្រហារយានដ្រូន

កូរ៉េខាងជើងថ្កោលទោសសៀវភៅសរបស់ជប៉ុន ដោយចាត់ទុកថា «សៀវភៅឈ្លានពានជាថ្មី»

៧ខែឆ្នាំនេះ ពាណិជ្ជកម្មទ្វេភាគីកម្ពុជា-ចិន មានទឹកប្រាក់កើនឡើងដល់ជាង ១៣,៦ ពាន់លានដុល្លារ

ប្រភព៖ ការបំផ្ទុះគ្រាប់បែកដាក់ក្នុងរថយន្ត បានសម្លាប់ប្រធានចារកម្មយោធាលីប៊ីភាគខាងកើត

យុវជនមកពីគ្រួសារក្រីក្រ និងពលរដ្ឋទូទៅជិត ៤ពាន់នាក់ក្នុងខេត្តស្វាយរៀង មានជំនាញ និងចំណូលសមរម្យ ក្រោយពីទទួលបានការបណ្ដុះបណ្ដាលក្នុងវិធី ១,៥លានរបស់សម្ដេចធិបតី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Antonio Rudiger ថាបានច្រានចោលសំណើ Barcelona ជ្រើសយក Real Madrid

Ryan Giggs លាលែងពីតំណែងអ្នកចាត់ការក្រុមជំរើសជាតិវែលផ្លូវការ

West Ham ទិញបានខ្សែការពារម៉ារ៉ុក Nayef Aguerd តម្លៃ ៣០លានផោនពីក្លិបបារាំង Rennes

កូរ៉េសម្រេចដេញថ្លៃធ្វើម្ចាស់ផ្ទះរៀបចំការប្រកួតបាល់ទាត់ជើងឯកអាស៊ី ២០២៣ ដែលចិនដកខ្លួន

លោក ប្រាក់ វុទ្ធី ចាត់ទុកការប្រកួតជើងឯកអាស៊ានជាដំណាក់កាលទី២ នៃការត្រៀមស៊ីហ្គេម២០២៣

Max Verstappen ឈ្នះការប្រកួត F1 នៅកាណាដាពន្លាតការនាំមុខក្នុងតារាងជើងឯក

Katie Ledecky ពន្លាតកំណត់ត្រាឈ្នះមេដាយមាសពិភពលោកសរុប ១៦គ្រឿង

កីឡាករអ៊ីតាលី Matteo Berrettini ការពារតំណែងជើងឯក Queen Club បានសម្រេច

Naomi Osaka ដកខ្លួនពី Grand Slam, Wimbledon ដោយសាររបួស

អារ៉ាប៊ីសាអ៊ូឌីតគ្រងជើងឯកបាល់ទាត់អាស៊ីអាយុក្រោម ២៣ឆ្នាំក្រោយឈ្នះម្ចាស់ផ្ទះអ៊ូសប៊ែគីស្ថាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Antonio Rudiger ថា​បាន​ច្រានចោល​សំណើ Barcelona ជ្រើស​យក Real Madrid

Ryan Giggs លាលែង​ពី​តំណែង​អ្នកចាត់ការ​ក្រុម​ជំរើសជាតិ​វែ​ល​ផ្លូវការ

West Ham ទិញ​បាន​ខ្សែការពារ​ម៉ា​រ៉ុ​ក Nayef Aguerd តម្លៃ ៣០​លាន​ផោន​ពី​ក្លិប​បារាំង Rennes

កូរ៉េ​សម្រេច​ដេញថ្លៃ​ធ្វើ​ម្ចាស់ផ្ទះ​រៀបចំ​ការប្រកួត​បាល់ទាត់​ជើងឯក​អាស៊ី ២០២៣ ដែល​ចិន​ដក​ខ្លួន

លោក ប្រាក់ វុទ្ធី ចាត់​ទុក​ការប្រកួត​ជើងឯក​អាស៊ាន​ជា​ដំណាក់កាល​ទី​២ នៃ​ការ​ត្រៀម​ស៊ី​ហ្គេម​២០២៣

Max Verstappen ឈ្នះ​ការប្រកួត F1 នៅ​កាណាដា​ពន្លាត​ការ​នាំមុខ​ក្នុង​តារាង​ជើងឯក​

Katie Ledecky ពន្លាត​កំណត់ត្រា​ឈ្នះ​មេដាយមាស​ពិភពលោក​សរុប ១៦គ្រឿង

កីឡាករ​អ៊ីតាលី Matteo Berrettini ការពារ​តំណែង​ជើងឯក Queen Club បានសម្រេច

Naomi Osaka ដកខ្លួន​ពី Grand Slam, Wimbledon ដោយសារ​របួស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Antonio Rudiger ថាបានច្រានចោលសំណើ Barcelona ជ្រើសយក Real Madrid

Ryan Giggs លាលែងពីតំណែងអ្នកចាត់ការក្រុមជំរើសជាតិវែលផ្លូវការ

West Ham ទិញបានខ្សែការពារម៉ារ៉ុក Nayef Aguerd តម្លៃ ៣០លានផោនពីក្លិបបារាំង Rennes

កូរ៉េសម្រេចដេញថ្លៃធ្វើម្ចាស់ផ្ទះរៀបចំការប្រកួតបាល់ទាត់ជើងឯកអាស៊ី ២០២៣ ដែលចិនដកខ្លួន

លោក ប្រាក់ វុទ្ធី ចាត់ទុកការប្រកួតជើងឯកអាស៊ានជាដំណាក់កាលទី២ នៃការត្រៀមស៊ីហ្គេម២០២៣

Max Verstappen ឈ្នះការប្រកួត F1 នៅកាណាដាពន្លាតការនាំមុខក្នុងតារាងជើងឯក

Katie Ledecky ពន្លាតកំណត់ត្រាឈ្នះមេដាយមាសពិភពលោកសរុប ១៦គ្រឿង

កីឡាករអ៊ីតាលី Matteo Berrettini ការពារតំណែងជើងឯក Queen Club បានសម្រេច

Naomi Osaka ដកខ្លួនពី Grand Slam, Wimbledon ដោយសាររបួស