BTV NEWS

ក្រុមបាល់ទាត់ Geylang International FC មកដល់កម្ពុជាត្រៀមប្រកួតជាមួយព្រះខ័នរាជស្វាយរៀងស្អែក

Ronald Araujo ផ្លាស់ពី Barcelona មក Liverpool ក្នុងលក្ខខណ្ឌខ្ចីជើង និងជម្រើសទិញផ្តាច់

សសយក អលស្ដារ ជួបក្រុមរួមគ្នាដើម្បីកំពង់ស្ពឺ ល្ងាចនេះ ក្នុងកម្មវិធីបេះដូងសប្បុរសដើម្បីភូមិរង់ចាំ

កីឡាកាយសម្ព័ន្ធកម្ពុជា ដណ្ដើមបានមេដាយ ៣គ្រឿងពីជើងឯកអាស៊ី ឆ្នាំ២០២៦ នៅហ្វីលីពីន

ព័ត៌មានកីឡា

Takumi Minamino ព្រមព្រៀងផ្លាស់ទៅកាន់ Monaco តម្លៃ ១៥.៥លានផោន

បាល់ទាត់៖ ក្រុមហង្សក្រហម Liverpool បានឈានដល់កិច្ចព្រមព្រៀងហើយក្នុងការលក់ចេញខ្សែប្រយុទ្ធជប៉ុន Takumi Minamino ទៅកាន់ AS Monaco ក្នុងតម្លៃ ១៨លានអឺរ៉ូ រឺ ១៥.៥លានផោន។ ក្លិបបាល់ទាត់នៅក្របខណ្ឌបារាំង Ligue 1 មួយនេះគឺជាបេក្ខភាពមួយក្នុងចំណោមក្លិបដទៃទៀត ដែលបានដាក់សំណើមកកាន់ Liverpool ក្នុងនាំយកខ្សែប្រយុទ្ធវ័យ ២៧ឆ្នាំរូបនេះ។ Takumi Minamino បានផ្លាស់មកកាន់ Liverpool កាលពីឆ្នាំ២០២០ ពីក្លិបអូទ្រីស Red Bull Salzburg ក្នុងតម្លៃ ៧.២៥លានផោន។ Minamino បានស៊ុតបញ្ចូលទីសរុប ១៤គ្រាប់ក្នុងការបង្ហាញខ្លួន ៥៥ប្រកួតឱ្យ Liverpool និងជាកីឡាករដែលស៊ុតបញ្ចូលទីច្រើនបំផុតនៅពានក្នុងស្រុកដែលជា Liverpool ជាជើងឯកទាំងពីរ។Takumi Minamino ស៊ុតបញ្ចូលទីបាន ៧គ្រាប់ឱ្យក្រុមរបស់លោក Jurgen Klopp លើកពាន FA Cup និង League Cup តែការបង្ហាញខ្លួននៅ Premier League នៅមានកម្រិក ពោលគឺចាប់ផ្តើម ១១នាក់បានតែមួយលើក និងចូលលេងជាកីឡាករបម្រុង ១០លើកខណៈ Liverpool បានត្រឹមជើងឯករងដោយចាញ់ Manchester City ១ពិន្ទុ។ កន្លងមក Takumi Minamino ក៏ធ្លាប់ត្រូវបាន Liverpool បញ្ចេញឱ្យ Southampton ខ្ចីជើងដែរកាលពីខែកុម្ភៈ ឆ្នាំ២០២១៕អត្ថបទ៖នាង សុភាវុធ

Inter Milan ឈានដល់កិច្ចព្រមព្រៀងខ្ចី Lukaku ពី Chelsea ពេញមួយរដូវកាល

បាល់ទាត់៖ ក្លិបបាល់ទាត់អ៊ីតាលី Inter Milan បានឈានដល់កិច្ចព្រមព្រៀងហើយ ក្នុងការនាំយកខ្សែប្រយុទ្ធប៊ែលហ្ស៊ិក Romelu Lukaku ពី Chelsea ក្នុងលក្ខខណ្ឌខ្ចីជើងពេញមួយរដូវកាល។ Chelsea បាននាំយកកីឡាករវ័យ ២៩ឆ្នាំរូបនេះត្រលប់មកកាន់ទឹកដី Stamford Bridge វិញកាលពីខែសីហាឆ្នាំ២០២១ ក្នុងតម្លៃ ៩៧.៥លានផោន។ ខ្សែប្រយុទ្ធជួរមុខរបស់ប៊ែលហ្ស៊ិករូបនេះបានស៊ុតបញ្ចូលទីសរុប ១៥គ្រាប់ឱ្យ Chelsea រដូវកាលមុន ក្នុងនោះមាន ៨គ្រាប់ក្នុងការបង្ហាញខ្លួន ២៦ប្រកួតនៅ English Premier League។ យ៉ាងណាក្តី Romelu Lukaku ហាក់មិនសប្បាយចិត្តឡើយក្នុងជីវិតនៅ Stamford Bridge ជាពិសេសគឺក្រោមការដឹកនាំរបស់អ្នកចាត់ការអាល្លឺម៉ង់ Thomas Tuchel។ ការផ្ទេរក្នុងលក្ខខណ្ឌខ្ចីជើងពី Chelsea នេះត្រូវបានគេដឹងថា Inter Milan ត្រូវចំណាយលុយ ៨លានអឺរ៉ូ។ Inter Milan បញ្ចប់រដូវកាលមុនជាជើងឯករងក្របខណ្ឌអ៊ីតាលី Serie A ចាញ់ក្រុមជើងឯក AC Milan ២ពិន្ទុ៕អត្ថបទ៖នាង សុភាវុធ

សហព័ន្ធកីឡាវាយកូនគោលយកវេទិកាសន្និបាត ដើម្បីពង្រឹងបន្ថែមលើការអនុវត្តការងារឆ្ពោះទៅស៊ីហ្គេម ២០២៣

វាយកូនគោល៖ សហព័ន្ធកីឡាវាយកូនគោលកម្ពុជានៅព្រឹកថ្ងៃទី២២ ខែមិថុនានេះបានរៀបចំសន្និបាតបូកសរុបលទ្ធផលការងារឆ្នាំ២០២០-២០២១ និងឆមាសទី១ ឆ្នាំ២០២២ និងទិសដៅអនុវត្តការងារបន្ដឆមាសទី២ ឆ្នាំ២០២២ និងឆ្នាំ២០២៣ ដើម្បីពង្រឹងការអនុវត្តការងារបន្ថែម ពិសេសដើម្បីសម្រួចទិសដៅឆ្ពោះទៅស៊ីហ្គេមឆ្នាំ២០២៣ នៅកម្ពុជា។ សន្និបាតនេះបានធ្វើឡើងក្រោមវត្តមានឯកឧត្តម ជា បូរ៉ា អគ្គលេខាធិការសហព័ន្ធ តំណាងដ៏ខ្ពង់ខ្ពស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានសហព័ន្ធ នៅទីស្នាក់ការគណៈកម្មាធិការជាតិអូឡាំពិកកម្ពុជា ហើយក៏មានការចូលរួមធ្វើជាសក្ខីភាពពីសំណាក់ឯកឧត្តម វ៉ាត់ ចំរើន អគ្គលេខាធិការ NOCC និងឯកឧតុ្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡាផងដែរ។ ឯកឧត្តម ជា បូរ៉ា មានប្រសាសន៍ថា គោលបំណងសំខាន់នៃសន្និបាតនេះធ្វើឡើងដើម្បីពិនិត្យវឌ្ឍនភាពការងារ ពិភាក្សា ផ្លាស់ប្ដូរយោបល់ និងដកស្រង់បទពិសោធន៍ល្អៗដើម្បីជាត្រីវិស័យ និងជាផែនទីបង្ហាញផ្លូវក្នុងការដោះស្រាយ បំពេញបន្ថែម និងកែលម្អចំណុចខ្វះខាតនាពេលកន្លងមក ដែលសហព័ន្ធពុំបានអនុវត្តអំឡុងវិបត្តិកូវីដ-១៩ ដើម្បីឈានទៅអនុវត្តទិសដៅ និងការងារថ្មីនៅឆមាសទី២ ឆ្នាំ២០២២ ពិសេសឆ្ពោះទៅសម្រេចឲ្យបានជោគជ័យក្នុងព្រឹត្តិការណ៍ស៊ីហ្គេមឆ្នាំ២០២៣។តាមរយៈនេះ ឯកឧត្តមអគ្គលេខាធិការបានជំរុញឲ្យ សមាជិកគណៈកម្មាធិការប្រតិបត្តិសហព័ន្ធទាំងអស់ ត្រូវខិតខំបំពេញការងារឲ្យអស់ពីកម្លាំងកាយចិត្ត ដើម្បីជំរុញការអភិវឌ្ឍន៍វិស័យកីឡាវាយកូនគោលកម្ពុជាឲ្យកាន់តែរីកចម្រើន និងត្រៀមធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានាឆ្នាំក្រោយ៕អត្ថបទ៖ លី ឈុនឡា

Manchester United កំពុងព្យាយាមតាមប្រមាញ់ខ្សែបម្រើដាណឺម៉ាក Christian Eriksen

បាល់ទាត់៖ ក្លិបបិសាចក្រហម Manchester United កំពុងព្យាយាមតាមប្រមាញ់ខ្សែបម្រើដាណឺម៉ាក Christian Eriksen ឱ្យបានមុនរដូវកាលថ្មីចាប់ផ្តើមនាពេលខាងមុខនេះ។ កីឡាករវ័យ ៣០ឆ្នាំរូបនេះត្រូវបានគេរំពឹងថា នឹងបន្តស្នាក់នៅទីក្រុងឡុងដ៍បន្តទៀត បន្ទាប់ពីពាក់កណ្តាលរដូវកាលដ៏ជោគជ័យជាមួយក្លិប Brentford។ Brentford ក៏សង្ឃឹមដែរថា Eriksen នឹងមិនចាកចេញ ស្របពេល Tottenham Hotspur ក៏កំពុងព្យាយាមនាំយករូបគេត្រលប់ទៅវិញដែរ។ យ៉ាងណាក្តីមកទល់ពេលនេះ មិនទាន់មានកិច្ចសន្យាជាមួយក្លិបណាមួយជោគជ័យឡើយសំរាប់អនាគតរបស់ Christian Eriksen។ រំលឹកថា Christian Eriksen គឺជាកីឡាករដែលបានដួលសន្លប់អំឡុងការប្រកួតនៅ Euro 2020 នៅពេលដាណឺម៉ាកចាញ់ហ្វាំងឡង់ ១-០។ ក្រោយមក Inter Milan ក៏បានព្រមព្រៀងជាមួយ Eriksen ក្នុងការចែកផ្លូវគ្នា មុនពេលកីឡាករជំរើសជាតិដាណឺម៉ាករូបនេះផ្លាស់មកកាន់ Brentford នៅក្របខណ្ឌ English Premier League៕អត្ថបទ៖នាង សុភាវុធ

សម្តេចតេជោ ហ៊ុន សែន នឹងថ្លែងសារពិសេសក្នុងកិច្ចប្រជុំក្រុមប្រឹក្សាអាស៊ីអាគ្នេយ៍-អាស៊ានប៉ារ៉ាហ្គេម

កីឡាអាស៊ីអាគ្នេយ៍៖ កម្ពុជានឹងធ្វើម្ចាស់ផ្ទះរៀបចំកិច្ចប្រជុំក្រុមប្រឹក្សាសហព័ន្ធកីឡាអាស៊ីអាគ្នេយ៍ និងក្រុមប្រឹក្សាកីឡាអាស៊ានប៉ារ៉ាហ្គេមនាថ្ងៃទី១១ ដល់ថ្ងៃទី១៣ ខែកក្កដាខាងមុខនៅរាជធានីភ្នំពេញ ដើម្បីអនុម័តចុងក្រោយលើការងារសំខាន់ៗមួយចំនួនជុំវិញដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) មានប្រសាសន៍ថា កិច្ចប្រជុំនេះនឹងធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ហើយសម្ដេចនឹងធ្វើការថ្លែងសារពិសេស ដើម្បីផ្ដល់ភាពកក់ក្ដៅដល់បណ្ដាប្រទេសសមាជិកស៊ីហ្គេម និងអាស៊ានប៉ារ៉ាហ្គេមផងដែរ។ នេះបើតាមការបញ្ជាក់ ក្រោយកិច្ចប្រជុំប្រចាំសប្ដាហ៍របស់គណៈអចិន្ដ្រៃយ៍ CAMSOC ស្ដីពីការត្រៀមធ្វើម្ចាស់ផ្ទះរៀបចំកិច្ចប្រជុំក្រុមប្រឹក្សាសហព័ន្ធកីឡាអាស៊ីអាគ្នេយ៍ និងអាស៊ានប៉ារ៉ាហ្គេមកាលពីថ្ងៃទី២១ ខែមិថុនា ឆ្នាំ២០២២ នៅទីស្នាក់ការគណៈកម្មាធិការអូឡាំពិកកម្ពុជា ក្រោមវត្តមានឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍ CAMSOC។ឯកឧត្តម វ៉ាត់ ចំរើន បន្ដថា ដំណាលគ្នានឹងការផ្ដល់កិត្តិយសដ៏ខ្ពង់ខ្ពស់អញ្ជើញថ្លែងសារពិសេសពីសម្ដេចតេជោនាយករដ្ឋមន្ដ្រី កិច្ចប្រជុំនេះនឹងផ្ដោតសំខាន់លើការងារ ២ចំណុច ទី១-ស្វែងរកការគាំទ្របន្ថែមក្នុងឋានៈកម្ពុជាជាម្ចាស់ផ្ទះ អំពីការត្រៀមខ្លួនរៀបចំការប្រកួតស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ និងទី២-ការធានាបាននូវការគាំទ្រពីអន្ដរជាតិ ក្នុងការត្រួតពិនិត្យ និងវាយតម្លៃហេដ្ឋារចនាសម្ព័ន្ធកីឡា ដែលកម្ពុជាត្រៀមរៀបចំព្រឹត្តិការណ៍ជាប្រវត្តិសាស្ដ្រនេះផងដែរ។ រដ្ឋលេខាធិការក្រសួងទេសចរណ៍ដដែលបន្ដថា ជាមួយគ្នានឹងការត្រៀមធ្វើម្ចាស់ផ្ទះកិច្ចប្រជុំដ៏មានសារៈសំខាន់នេះ ក្រោមការចង្អុលបង្ហាញរបស់ឯកឧត្តមបណ្ឌិត ថោង ខុន ក៏បានជំរុញឲ្យមានការយកចិត្តទុកដាក់ខ្ពស់លើការបដិសណ្ឋារកិច្ចដល់ថ្នាក់ដឹកនាំគណៈកម្មាធិការជាតិអូឡាំពិក ជាសមាជិកស៊ីហ្គេម និងអាស៊ានប៉ារ៉ាហ្គេមផងដែរ ពិសេសប្រតិភូក្រុមប្រឹក្សាកីឡាអាស៊ានប៉ារ៉ាហ្គេមតែម្ដង។គួរបញ្ជាក់ថា នេះជាលើកទី២ ហើយដែលកម្ពុជាបានរៀបចំកិច្ចប្រជុំក្រុមប្រឹក្សាសហព័ន្ធកីឡាអាស៊ីអាគ្នេយ៍ បន្ទាប់ពីកិច្ចប្រជុំលើកទី១ បានរៀបចំនៅខេត្តសៀមរាបកាលពីខែមេសាកន្លងទៅ។ ប៉ុន្ដែនេះជាលើកដំបូងដែលមានការបូកបញ្ចូលគ្នាជាមួយនឹងក្រុមប្រឹក្សាកីឡាអាស៊ានប៉ារ៉ាហ្គេម ។ ចំពោះស៊ីហ្គេមលើកទី៣២ នៅកម្ពុជាគ្រោងនឹងប្រព្រឹត្តទៅចាប់ពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣។ រីឯកីឡាអាស៊ានប៉ារ៉ាហ្គេមលើកទី១២ គ្រោងប្រកួតពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ដដែល៕អត្ថបទ៖ លី ឈុនឡា

ថ្នាក់ដឹកនាំកីឡាវាយសីជំរុញកីឡាករ-កីឡាការិនីឲ្យផ្ដោតស៊ីហ្គេម ២០២៣ ក្រោយបរាជ័យនៅវៀតណាម

វាយសី៖ ឯកឧត្តម លី កុសល ប្រធានសហព័ន្ធកីឡាវាយសីកម្ពុជាបានលើកទឹកចិត្ត និងជំរុញឲ្យកីឡាករ-កីឡាការិនីទាំងអស់ត្រូវខិតខំប្រឹងប្រែងហ្វឹកហាត់ត្រៀមស៊ីហ្គេមឆ្នាំ២០២៣ ទោះបីលទ្ធផលក្នុងការប្រកួតស៊ីហ្គេមលើកទី៣១ នៅប្រទេសវៀតណាមកាលពីថ្មីៗកន្លងទៅពុំល្អប្រសើរក៏ដោយ។ ការលើកឡើងនេះ បន្ទាប់ពីសហព័ន្ធបានកោះប្រជុំជាមួយក្រុមការងារគ្រូ និងកីឡាករ-កីឡាការិនីនៃក្រុមជម្រើសជាតិកម្ពុជា ដើម្បីជជែកអំពីចំណុចខ្វះខាតនៃការប្រកួតកីឡាស៊ីហ្គេម នៅប្រទេសវៀតណាមកាលពីថ្មីៗ និងពង្រឹងការហ្វឹកហាត់នៅទីស្នាក់ការគណៈកម្មាធិការជាតិអូឡាំពិកកម្ពុជាកាលពីថ្ងៃទី២១ ខែមិថុនា ឆ្នាំ២០២២ ម្សិលមិញ។ ឯកឧត្តមប្រធានសហព័ន្ធបានលើកឡើងថា ការបរាជ័យក្នុងស៊ីហ្គេមនៅវៀតណាមគឺជារឿងមួយដែលសហព័ន្ធ ពិសេសកីឡាករ-កីឡាការិនីពិបាកទទួលយក។ ប៉ុន្ដែកីឡាករ-កីឡាការិនីគ្រប់រូបត្រូវយកមេរៀន និងបទពិសោធន៍មួយនេះ មកពង្រឹងសមត្ថភាពរបស់ខ្លួនឲ្យបានខ្លាំង ឈានដល់ស្ដង់ដារអាចប្រកួតប្រជែងមេដាយបាន ដើម្បីព្រឹត្តិការណ៍ជាប្រវត្តិសាស្ដ្រនៅកម្ពុជានាឆ្នាំក្រោយ។ឯកឧត្តម ជាម សុភា អគ្គលេខាធិការសហព័ន្ធបានគូសបញ្ជាក់ថា អ្វីដែលជាចំណុចខ្វះខាតរបស់កីឡាករ-កីឡាការិនីកម្ពុជា ក្នុងការប្រកួតស៊ីហ្គេមកន្លងមកគឺផ្នែកចិត្តសាស្ដ្រ។ ចំណែកបច្ចេកទេស និងកម្លាំង ពួកគេធ្វើបានល្អប្រសើរ មិនចាញ់ប្រៀបគូប្រជែងដូចពីមុនៗឡើយ។ ដូច្នេះក្នុងនាមសហព័ន្ធ ឯកឧត្តមបានជំរុញឲ្យកីឡាករ-កីឡាការិនី រួមទាំងក្រុមការងារគ្រូត្រូវផ្ដោតសំខាន់លើការពង្រឹងចិត្តសាស្ដ្រនេះ ដើម្បីឈានទៅសម្រេចការដណ្ដើមមេដាយជូនជាតិនាពេលខាងមុខ។ សូមបញ្ជាក់ថា ក្រោយបញ្ចប់កិច្ចប្រជុំ ក៏ដូចជាការណែនាំដល់ក្រុមជម្រើសជាតិរួច សហព័ន្ធក៏បានផ្ដល់សម្ភារៈហ្វឹកហាត់ដល់ក្លិបសមាជិកមួយចំនួន ដើម្បីសម្រួលដល់ការហ្វឹកហាត់ និងការបណ្ដុះបណ្ដាលកីឡាករ-កីឡាការិនីបន្ថែមផងដែរ៕អត្ថបទ៖ លី ឈុនឡា

ពានសម្ដេចតេជោ ហ៊ុន សែន៖ ព្រៃវែងយកឈ្នះកំពត ៥-២ ក្នុងជើងទី១ នៃវគ្គជម្រុះថ្នាក់ជាតិ

បាល់ទាត់៖ ក្រុមបាល់ទាត់ខេត្តព្រៃវែងបានវាយបកយកឈ្នះក្រុមកំពតអេហ្វស៊ីដោយលទ្ធផល ៥-២ ក្នុងជំនួបជើងទី១ នៃពានរង្វាន់សម្ដេចតេជោ ហ៊ុន សែន លើកទី១៦ សម្រាប់វគ្គជម្រុះថ្នាក់ជាតិនៅកីឡដ្ឋានខេត្តកំពតកាលពីល្ងាចថ្ងៃទី២១ ខែមិថុនា ឆ្នាំ២០២២ ម្សិលមិញ។ ការប្រកួតនេះ កំពតបានបើកការនាំមុខក្រុមភ្ញៀវ ១គ្រាប់នៅនាទីទី៥ ដោយការបាល់ពិន័យ ១១ម៉ែត្ររបស់កីឡាករ ថៃ ចំរុង មុនកីឡាករ វឿន វ៉ា រកបានគ្រាប់តាមស្មើវិញដោយការស៊ុតបាល់ពិន័យ ១១ម៉ែតដូចគ្នានៅនាទី១៤។ ៨នាទីក្រោយមក ក្រុមម្ចាស់ផ្ទះបានរកគ្រាប់បាល់នាំមុខជាថ្មីដែលធ្វើសម្រេចដោយកីឡាករ យ៉ើ អះម៉ាក់ នៅនាទី២២ តែត្រូវកីឡាករ វឿន វ៉ា ដដែលជាអ្នករកគ្រាប់បាល់តាមស្មើនៅនាទី២៤ មុនរូបគេបន្ថែមគ្រាប់នាំមុខឲ្យព្រៃវែងនៅនាទី៣៨។ចូលវគ្គទី២ ក្រុមព្រៃវែងអេហ្វស៊ីបានបន្ថែម ២គ្រាប់ទៀតដោយកីឡាករ អ៊ិន ឃឹនដារ៉ូ នៅនាទី៧៥ និងកីឡាករ ផាន សុផេន នៅនាទី៩០+៣ ដើម្បីធានាជ័យជម្នះក្នុងការប្រកួតនេះតែម្ដង។ យ៉ាងណាក្ដីក្រុមទាំងពីរនឹងត្រូវជួបគ្នា ១ជើងទៀតដើម្បីកាត់សេចក្ដីរកក្រុមឈ្នះឡើងទៅប្រកួតពានរង្វាន់សម្ដេចតេជោ ហ៊ុន សែន ថ្នាក់ជាតិដោយជើងទី២ ក្រុមទាំងពីរគ្រោងជួបគ្នានាថ្ងៃទី០៦ ខែកក្កដាខាងមុខនៅកីឡដ្ឋានខេត្តព្រៃវែងវិញម្ដង៕អត្ថបទ៖ លី ឈុនឡា

ពានសម្ដេចតេជោ ហ៊ុន សែន៖ កោះកុងយកឈ្នះឬទ្ធីសែនទាំងលំបាកក្នុងជើងទី១ នៃវគ្គជម្រុះថ្នាក់ជាតិ

បាល់ទាត់៖ ក្រុមបាល់ទាត់កោះកុងអេហ្វស៊ីបានយកឈ្នះក្រុមម្ចាស់ផ្ទះឬទ្ធីសែន ទាំងប្រផិតប្រផើយដោយលទ្ធផល ៣-២ ក្នុងជំនួបជើងទី១ នៃពានរង្វាន់សម្ដេចតេជោ ហ៊ុន សែន លើកទី១៦ វគ្គជម្រុះថ្នាក់ជាតិកាលពីល្ងាចថ្ងៃទី២១ ខែមិថុនា ឆ្នាំ២០២២ ម្សិលមិញ។ ជំនួបនៅទីលានវិទ្យាល័យ ហ៊ុន សែន កំពង់ត្រឡាចនេះ វគ្គទី១ កុងអេហ្វស៊ីបានបើកការនាំមុខក្រុមម្ចាស់ផ្ទះ ២គ្រាប់មុនដែលធ្វើសម្រេចដោយកីឡាករ ពៅ ភារិទ្ធ នៅនាទីទី៧ និងកីឡាករ សាន បូរ៉ា នៅនាទី២២។ ប៉ុន្ដែចូលវគ្គទី២ លេងបានប្រមាណ ១៥នាទី ក្រុមឬទ្ធីសែនក៏បានវាយបកតាមស្មើ ២-២ វិញដែលរកបានដោយកីឡាករ បុក អាំងឡី នៅនាទី៥៥ និងកីឡាករ ជា សាវៃ នៅនាទី៦០។លទ្ធផលបណ្ដោះអាសន្ននេះបានធ្វើឲ្យក្រុមទាំងពីរ ព្យាយាមវាយសម្រុកគ្នាកាន់តែខ្លាំងរហូតដល់នាទី៧២ ទើបកីឡាករ សាន បូរ៉ា រកបានគ្រាប់ទី៣ ឲ្យក្រុមកោះកុងអេហ្វស៊ី ហើយក៏ជាគ្រាប់ជ័យជម្នះក្នុងការប្រកួតជើងទី១ នេះដែរ។ គួរដឹងថា ក្រុមទាំងពីរនឹងត្រូវជួបគ្នាម្ដងទៀតនៅជើងទី២ នាថ្ងៃទី០៦ ខែកក្កដាខាងមុខដើម្បីកាត់សេចក្ដីរកក្រុមខ្លាំងឡើងទៅលេងដំណាក់កាលទី៣ ឬការប្រកួតថ្នាក់ជាតិនៃពានរង្វាន់សម្ដេចតេជោ ហ៊ុន សែន លើកទី១៦៕អត្ថបទ៖ លី ឈុនឡា

Serena Williams វិលចូលប្រកួតវិញក្រោយអវត្តមាន ១ឆ្នាំ

វាយកូនបាល់៖ អតីតកីឡាការិនីវាយកូនបាល់លេខ១ ពិភពលោក Serena Williams នឹងវិលចូលប្រកួតវិញថ្ងៃនេះ ក្រោយអវត្តមានអស់រយៈពេល ១ឆ្នាំ។ កីឡាការិនីអាមេរិកវ័យ ៤០ឆ្នាំរូបនេះនឹងចូលរួមការប្រកួតកម្មវិធី Eastbourne International ក្នុងវិញ្ញាសាវាយគូនារីដោយចាប់ដៃគូជាមួយកីឡាការិនីទុយនេស៊ី Ons Jabeur។ Serena Williams ដែលធ្លាប់ឈ្នះ Grand Slam សរុប ២៣លើក និង ១៤លើកក្នុងវិញ្ញាសាវាយគូនៅ Grand Slam នោះបានអវត្តមានពីការប្រកួតតាំងទទួលរងរបួសនៅ Wimbledon ឆ្នាំមុន។ Serena Williams និងដៃគូ Ons Jabeur មានលំដាប់ថ្នាក់លេខ៣ ពិភពលោកក្នុងតារាង WTA ដោយអ្នកទាំងពីរនឹងចាប់ផ្តើមប្រកួតថ្ងៃនេះជួបជាមួយដៃគូកីឡាការិនីអេស្ប៉ាញ Sara Sorribes Tormo និង Marie Bouzkova សញ្ជាតិឆេក។ សូមបញ្ជាក់ថា Serena Williams គឺជាជើងឯក Wimbledon ៧សម័យ និងមានពាន Grand Slam ក្នុងដៃ ២៣លើកតាមពីក្រោយកំណត់ត្រារបស់កីឡាការិនីអូស្ត្រាលី Margaret Court ដែលមានសរុប ២៤លើក៕អត្ថបទ៖នាង សុភាវុធ

កីឡាការិនីវាយកូនបាល់រុស្ស៊ីម្នាក់បានប្រកួតនៅ Wimbledon វិញក្រោយផ្លាស់សញ្ជាតិ

វាយកូនបាល់៖ កីឡាការិនីដែលមានដើមកំណើតរុស្ស៊ី Natela Dzalamidze មានសិទ្ធិប្រកួតនៅ Grand Slam, Wimbledon វិញ បន្ទាប់ពីផ្លាស់ប្តូរសញ្ជាតិមកប្រកួតតំណាងឱ្យប្រទេសហ្សកហ្ស៊ី។ ពានរង្វាន់វាយកូនបាល់ធំជាងគេ Wimbledon បានសំរេចហាមឃាត់មិនឱ្យកីឡាករ-កីឡាការិនីរុស្ស៊ី និងបេឡារុស្ស៊ីចូលរួមការប្រកួតដោយសារតែបញ្ហាសង្គ្រាមរបស់រុស្ស៊ីមកលើអ៊ុយក្រែន។ កីឡាការិនី Natela Dzalamidze វ័យ ២៩ឆ្នាំបានស្ថិតក្នុងបញ្ជីឈ្មោះរបស់ Wimbledon ជាសញ្ជាតិហ្សកហ្ស៊ី និងបានចូលរួមការប្រកួត French Open កាលពីខែឧសភាកន្លងមដោយមិនស្ថិតក្រោមទង់រុស្ស៊ី។ Natele គឺជាកីឡាការិនីប្រកួតក្នុងវិញ្ញាសាវាយគូនារីដោយចាប់ដៃគូជាមួយកីឡាការិនីស៊ែប Aleksandra Krunic។ ព្រឹត្តិការណ៍ Grand Slam, Wimbledon នឹងចាប់ផ្តើមនៅថ្ងៃទី២៧ ខែមិថុនានេះ ហើយយើងនឹងមិនឃើញមានវត្តមានរបស់កីឡាករលំដាប់លេខ ១ ពិភពលោករុស្ស៊ី Daniil Medvedev ចូលរួមឡើយ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រភព៖ ការបំផ្ទុះគ្រាប់បែកដាក់ក្នុងរថយន្ត បានសម្លាប់ប្រធានចារកម្មយោធាលីប៊ីភាគខាងកើត

យុវជនមកពីគ្រួសារក្រីក្រ និងពលរដ្ឋទូទៅជិត ៤ពាន់នាក់ក្នុងខេត្តស្វាយរៀង មានជំនាញ និងចំណូលសមរម្យ ក្រោយពីទទួលបានការបណ្ដុះបណ្ដាលក្នុងវិធី ១,៥លានរបស់សម្ដេចធិបតី

ការវាយប្រហារដោយយានដ្រូនរបស់អ៊ុយក្រែនចូលជ្រៅក្នុងប្រទេសរុស្ស៊ី ជាការវាយប្រហារដ៏សាហាវបំផុត ក្នុងរយៈពេល ២ឆ្នាំ

លោកTrump ព្យាយាមបំបាត់ចោលសម្ពាធទីក្រុងតេអេរ៉ង់ដោយច្រានចោលការទាមទារសំណង

ក្រសួងពាណិជ្ជកម្ម និងក្រសួងបរិស្ថានពួតដៃគ្នាពង្រឹងការអនុវត្តច្បាប់ដើម្បីការពារអ្នកធុរកិច្ច និងការពារបរិស្ថានអនុលោមតាម GSP+

លោក Zelenskyy បញ្ជាក់ថា រុស្ស៊ីកំពុងត្រៀមពង្រាយកងទ័ព និងមីស៊ីលកូរ៉េខាងជើងបន្ថែមទៀត

កូឡុំប៊ីបង្កើនកិច្ចខិតខំជួយសង្រ្គោះក្រោយការរញ្ជួយដី ខណៈចំនួនមនុស្សស្លាប់កើនឡើងដល់ ១៦៤នាក់

ក្រសួងអប់រំ៖ រការប្រឡងបាក់ឌុបពីថ្ងៃបានប្រព្រឹត្តទៅដោយរលូនល្អមិនមានបាតុភាពមិនប្រក្រតីណាមួយគួរឲ្យកត់សម្គាល់ឡើយ

អូស្ត្រាលី និងវៀតណាម ធ្វើឱ្យភាពជាដៃគូយុទ្ធសាស្ត្រកាន់តែស៊ីជម្រៅ

ស៊ីរី៖ គណៈប្រតិភូ IAEA នឹងមកបំពេញទស្សនកិច្ចប្រទេសនេះ ដើម្បីប្រកាសពីវឌ្ឍនភាពដ៏សំខាន់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Takumi Minamino ព្រមព្រៀង​ផ្លាស់​ទៅកាន់ Monaco តម្លៃ ១៥.៥​លាន​ផោន​

Inter Milan ឈានដល់​កិច្ចព្រមព្រៀង​ខ្ចី Lukaku ពី Chelsea ពេញ​មួយ​រដូវ​កាល

Manchester United កំពុង​ព្យាយាម​តាម​ប្រមាញ់​ខ្សែបម្រើ​ដា​ណឺ​ម៉ាក Christian Eriksen

ថ្នាក់ដឹកនាំ​កីឡា​វាយ​សី​ជំរុញ​កីឡាករ​-​កីឡា​ការិនី​ឲ្យ​ផ្ដោត​ស៊ី​ហ្គេម ២០២៣ ក្រោយ​បរាជ័យ​នៅ​វៀតណាម​

ពាន​សម្ដេច​តេ​ជោ ហ៊ុន សែន​៖ ព្រៃវែង​យកឈ្នះ​កំពត ៥-២ ក្នុង​ជើង​ទី​១ នៃ​វគ្គ​ជម្រុះ​ថ្នាក់ជាតិ​

Serena Williams វិល​ចូល​ប្រកួត​វិញ​ក្រោយ​អវត្តមាន ១ឆ្នាំ​

កីឡាការិនី​វាយ​កូន​បាល់​រុស្ស៊ី​ម្នាក់​បាន​ប្រកួត​នៅ Wimbledon វិញ​ក្រោយ​ផ្លាស់​សញ្ជាតិ