BTV NEWS

ក្រុមបាល់ទាត់ Geylang International FC មកដល់កម្ពុជាត្រៀមប្រកួតជាមួយព្រះខ័នរាជស្វាយរៀងស្អែក

Ronald Araujo ផ្លាស់ពី Barcelona មក Liverpool ក្នុងលក្ខខណ្ឌខ្ចីជើង និងជម្រើសទិញផ្តាច់

សសយក អលស្ដារ ជួបក្រុមរួមគ្នាដើម្បីកំពង់ស្ពឺ ល្ងាចនេះ ក្នុងកម្មវិធីបេះដូងសប្បុរសដើម្បីភូមិរង់ចាំ

កីឡាកាយសម្ព័ន្ធកម្ពុជា ដណ្ដើមបានមេដាយ ៣គ្រឿងពីជើងឯកអាស៊ី ឆ្នាំ២០២៦ នៅហ្វីលីពីន

ព័ត៌មានកីឡា

ឯកឧត្តមបណ្ឌិត ថោង ខុន បំផុសការស្ម័គ្រចិត្តផ្សព្វផ្សាយស៊ីហ្គេម-អាស៊ានប៉ារ៉ាហ្គេម ខណៈនៅសល់តែ ៣១៦ថ្ងៃទៀត

ស៊ីហ្គេម៖ ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍នៃគណៈកម្មាធិការរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានបំផុស និងជំរុញអ្នកសារព័ត៌មានទាំងអស់ត្រូវស្ម័គ្រចិត្ត ចូលរួមយុទ្ធនាការផ្សព្វផ្សាយពីព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ខណៈនៅសល់ពេលតែ ៣១៦ថ្ងៃទៀតប៉ុណ្ណោះ។ ឯកឧត្តមមានប្រសាសន៍បែបនេះ នៅក្នុងវេទិកាជួបជាមួយប្រព័ន្ធផ្សព្វផ្សាយឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅពហុកីឡដ្ឋានជាតិមរតកតេជោនៅថ្ងៃទី២៣ ខែមិថុនា ឆ្នាំ២០២២ ក្រោមការសហការរៀបចំរវាងក្រសួងព័ត៌មាន និងគណៈកម្មាធិការ CAMSOC ហើយក៏មានការអញ្ជើញចូលរួមពីឯកឧត្តម ខៀវ កាញារីទ្ធ រដ្ឋមន្ដ្រីក្រសួងព័ត៌មានផងដែរ។ ឯកឧត្តមបណ្ឌិត ថោង ខុន បន្ដថា ការងារជំរុញ និងការបញ្ជ្រាបការយល់ដឹងរបស់អ្នកសារព័ត៌មានអំពីបញ្ហាស៊ីហ្គេម គួរតែត្រូវបានបង្កើនតាមរយៈការផ្សព្វផ្សាយរបស់ខ្លួន។ ដូច្នេះបណ្ដាសារព័ត៌មានទាំងអស់ត្រូវដុតដៃដុតជើង ពិសេសត្រូវជួយផ្សព្វផ្សាយដោយស្ម័គ្រចិត្ត ស្របតាមគោលការណ៍ CAMSOC ដូចជាការជំរុញយុទ្ធនាការប្រជាជនម្នាក់លេងកីឡាមួយមុខ កម្ពុជាស្អាត កម្ពុជាកាត់បន្ថយគ្រោះថ្នាក់ចរាចរណ៍ និងបញ្ហាគ្រឿងញៀនជាដើម។សូមបញ្ជាក់ថា គិតត្រឹមថ្ងៃទី២៣ ខែមិថុនានេះកម្ពុជានៅសល់ ៣១៦ថ្ងៃទៀតប៉ុណ្ណោះ សម្រាប់ដំណើរឆ្ពោះទៅស៊ីហ្គេមលើកទី៣២ ដែលនឹងប្រព្រឹត្តទៅចាប់ពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣ មុនបន្ដរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ចាប់ពីថ្ងៃទី០៣-០៩ ខែមិថុនា ឆ្នាំ២០២៣ ដដែល៕អត្ថបទ៖ លី ឈុនឡា

Nadal ចាប់ផ្តើមរដូវកាលប្រកួតលើទីលានស្មៅយកឈ្នះ Wawrinka ត្រៀម Wimbledon

វាយកូនបាល់៖ កីឡាករវាយកូនបាល់អេស្ប៉ាញ Rafael Nadal បានចាប់ផ្តើមរដូវកាលប្រកួតលើទីលានស្មៅរបស់ខ្លួន ជាមួយនឹងជ័យជំនះលើកីឡាករស្វីស Stanislas Wawrinka ក្នុងការប្រកួតកម្មវិធី Giorgio Armani Tennis Classic។ មិនមានសញ្ញាណាមួយពីការរំខាននៃបញ្ហារបួសជើងរបស់ Nadal ដែលទទួលរងនៅ French Open កាលពីដើមខែឡើយ ពោលគឺកីឡាករអេស្ប៉ាញរូបនេះបានយកឈ្នះដោយលទ្ធផល ៦-២ និង ៦-៣។ នេះជាការប្រកួតដំបូងរបស់ Rafael Nadal នៅលើទីលានស្មៅតាំងពីឆ្នាំ២០១៩។ សូមបញ្ចាក់ថា Nadal បានប្រកាសកាលពីសប្តាហ៍មុនថា គេនឹងចូលរួមការប្រកួត Grand Slam, Wimbledon ឆ្នាំនេះក្នុងការប៉ុនប៉ងចង់ឈ្នះពាន Grand Slam បីជាប់គ្នាបន្ទាប់ពីជើងឯក Australian Open និង French Open ក្នុងឆ្នាំនេះ។ងាកមកសកម្មភាពការប្រកួតកម្មវិធីផ្សេងទៀត កីឡាករកំពូលរបស់រុស្ស៊ី Daniil Medvedev បានឈានឡើងវគ្គ ៨នាក់ចុងក្រោយកម្មវិធី Mallorca Championship នៅទឹកដីអេស្ប៉ាញក្រោយយកឈ្នះមិត្តរួមជាតិរុស្ស៊ី Aslan Karatsev។ Medvedev ជាអ្នកការពារតំណែងជើងឯកនៅទីនេះ តែចាប់ផ្តើមសិតដំបូង Karatsev យកឈ្នះ ៦-៤ មុនពេល Medvedev វាយបកយកឈ្នះវិញពីរសិតផ្ទួនៗ ៦-៣ និង ៦-២ ដោយចំណាយពេលអស់ ២ម៉ោង ១៩នាទី។ ជុំបន្ត Daniil Medvedev នឹងត្រូវជួបជាមួយកីឡាករម្ចាស់ផ្ទះអេស្ប៉ាញ Roberto Bautista Agut ដែលឡើងដោយស្វ័យប្រវត្តិក្រោយគូប្រកួត Nick Kyrgios ដកខ្លួនដោយសាររបួស។ កីឡាករទាំងពីរ Daniil Medvedev និង Aslan Karatsev សុទ្ធតែមិនអាចចូលរួមការប្រកួត Grand Slam, Wimbledon បានដោយសារប្រទេសម្ចាស់ផ្ទះហាមប្រាមមិនឱ្យកីឡាករ-កីឡាការិនីរុស្ស៊ី និងបេឡារុសចូលរួមពាក់ព័ន្ធនឹងសង្គ្រាមរបស់រុស្ស៊ីលើអ៊ុយក្រែន៕អត្ថបទ៖នាង សុភាវុធ

Henrikh Mkhitaryan ផ្លាស់ពី AS Roma មកកាន់ Inter Milan ផ្លូវការ

បាល់ទាត់៖ អតីតខ្សែបម្រើប្រយុទ្ធរបស់កាំភ្លើងធំ Arsenal និងបិសាចក្រហម Manchester United, Henrikh Mkhitaryan បានផ្លាស់មកកាន់ Inter Milan ជាផ្លូវការហើយក្រោយបដិសេធសំណើបន្តកិច្ចសន្យានៅ AS Roma។ Mkhitaryan បានចំណាយពេល ៣រដូវកាលនៅ Roma និងជាសមាជិកសំខាន់របស់ Roma ឈ្នះជើងឯក UEFA Europa Conference League រដូវកាលកន្លងមក។ រដូវកាលមុននេះកីឡាករវ័យ ៣៣ឆ្នាំរូបនេះបង្ហាញខ្លួនសរុប ៤៤ប្រកួតរកបាន ៥គ្រាប់ និងបញ្ជូន ៩ ឱ្យ Roma ដែលស្ថិតក្រោមការដឹកនាំរបស់លោក Jose Mourinho។ រំលឹកថា កេរ្តិ៍ឈ្មោះរបស់កីឡាករជំរើសអាមេនីរូបនេះធំឡើងនៅពេលប្រកបអាជីពជាមួយ Borussia Dortmund ដោយធ្លាប់ជាកីឡាករដែលមានស្ថិតិបញ្ជូនច្រើនបំផុតនៅរដូវកាល ២០១៥-១៦។ ក្រោយមក Mkhitaryan ក៏បានផ្លាស់មកកាន់ Manchester United ក្នុងតម្លៃ ៣០លានផោនដោយបង្ហាញខ្លួនសរុប ៦៣ប្រកួត៕អត្ថបទ៖នាង សុភាវុធ

Cardiff City បើកការចរចាក្នុងការផ្ទេរ Gareth Bale

បាល់ទាត់៖ ក្លិបបាល់ទាត់វែល Cardiff City បានចាប់ផ្តើមបើកការចរចាជាមួយតំណាងរបស់ Gareth Bale ក្នុងការផ្ទេរប្រធានក្រុមវែលរូបនេះមកកាន់ទឹកដីកំណើត។ កីឡាករវ័យ ៣២ឆ្នាំរូបនេះកំពុងនៅទំនេរ បន្ទាប់ពីកិច្ចសន្យារបស់គេអស់សុពលភាពជាមួយ Real Madrid។ យ៉ាងណាក្តីការចរចាមិនទាន់ចេញជាផ្លែផ្កាឡើយ ខណៈដែលភ្នាក់ងាររបស់ Bale ក៏កំពុងទទួលបានសំណើជាច្រើនពីក្លិបផ្សេងទៀតផងដែរ។ Gareth Bale ធ្លាប់បានបញ្ជាក់ថា ក្លិបបន្ទាប់ដែលរូបគេនឹងបន្តអាជីពនោះ គឺជាក្លិបដែលគេមានឱកាសលេងបាល់បានច្រើនតាមដែលអាចធ្វើបាន ក្នុងគោលដៅរួមដំណើរជាមួយក្រុមវែលទៅកាន់ World Cup ចុងឆ្នាំនេះ។ សូមបញ្ជាក់ថា វែលទើបតែបានទទួលកៅអី World Cup នៅកាតាកាលពីដើមខែ ក្រោយយកឈ្នះអ៊ុយក្រែនៅវគ្គ Play-Off ផ្តាច់ព្រ័ត្រ។រំលឹកថា អាជីពរបស់ Bale នៅ Real Madrid ត្រូវបានរំខានខ្លាំងដោយសារបញ្ហារបួស ខណៈរយៈពេល ៩ឆ្នាំនៅ Real Madrid, Gareth Bale បង្ហាញខ្លួន ២៥៨ប្រកួតស៊ុតបញ្ចូលទីបាន ១០៦គ្រាប់ ឈ្នះពាន La Liga ៣លើក និង UEFA Champions League ៥លើក៕អត្ថបទ៖នាង សុភាវុធ

ការចរចាមិនទាន់សម្រេចតែ Antony ថាពិតជាផ្លាស់ទៅកាន់ Manchester United

បាល់ទាត់៖ ខ្សែបម្រើស្លាបប្រេស៊ីលរបស់ក្លិប Ajax, Amsterdam, Antony បានបញ្ជាក់ពីគោលបំណងចង់ផ្លាស់ទៅកាន់ក្លិបបិសាចក្រហម Manchester United បើទោះជាការចរចាមិនទាន់ចេញជារូបរាងនៅឡើយ។ Manchester United ត្រូវបានគេដឹងថា មានចំណាប់អារម្មណ៍ក្នុងការនាំយកកីឡាករវ័យ ២២ឆ្នាំរូបនេះមកកាន់ Old Trafford តាមរយៈអតីតអ្នកចាត់ការ Ajax លោក Erik ten Hag។ អាចនិយាយបាន Antony ជាគោលដៅបន្ទាប់ផងដែរសំរាប់ Manchester United បន្ទាប់ក្លិបមួយនេះបរាជ័យក្នុងការនាំយកខ្សែប្រយុទ្ធ Benfica, Darwin Nunez ដែលផ្លាស់ទៅកាន់ Liverpool។សូមបញ្ជាក់ថា Antony បានក្លាយជាសមាជិកសំខាន់របស់ Ajax ក្នុងរយៈពេល ១៨ខែកន្លងមកបន្ទាប់ពីផ្លាស់ពីក្លិបប្រេស៊ីល Sao Paulo ហើយក្លិបប្រេស៊ីលមួយនេះក៏នឹងទទួលបានលាភសក្ការៈផងដែរ ប្រសិនការផ្ទេរបានសំរេចដែលជាផ្នែកមួយនៃកិច្ចសន្យាកន្លងមក។ តម្លៃនៃការផ្ទេររបស់កីឡាកររប្រេស៊ីល Antony ពី Ajax ត្រូវបានគេដឹងថាក្នុងរង្វង់ពី ៥០ ទៅ ៦០លានអឺរ៉ូ។ Manchester United បច្ចុប្បន្នក៏កំពុងចរចាទិញខ្សែប្រយុទ្ធ Barcelona, Frankie de Jong ផងដែរ៕អត្ថបទ៖នាង សុភាវុធ

Sadio Mane ផ្លាស់ទៅ Bayern Munich ផ្លូវការតម្លៃ ៣៥លានផោន

បាល់ទាត់៖ ខ្សែប្រយុទ្ធសេណេហ្កាល់ Sadio Mane បានផ្លាស់ទៅកាន់ក្លិបអាល្លឺម៉ង់ Bayern Munich ជាផ្លូវការហើយក្នុងតម្លៃផ្ទេរ ៣៥លានផោនពីហង្សក្រហម Liverpool។ Liverpool នឹងទទួលបានតម្លៃផ្ទេរ ៣២លានអឺរ៉ូបូកនឹងប្រាក់បន្ថែម ៦លានអឺរ៉ូផ្សេងទៀតអាស្រ័យលើការបង្ហាញខ្លួនរបស់ Mane នៅ Bayern Munich ហើយបូករួមទាំង ៣លានអឺរ៉ូសំរាប់សមិទ្ធផលផ្ទាល់ខ្លួន និងសមិទ្ធផលក្រុម។ សូមបញ្ជាក់ថា មុនមកដល់ការផ្ទេរជាផ្លួវការនេះ Liverpool បានច្រានចោលសំណើទិញ Sadio Mane ពីរលើករួចមកហើយពី Bayern Munich។ រំលឹកថា Sadio Mane បានមកកាន់ Liverpool កាលពីឆ្នាំ២០១៦ ផ្ទេរពី Southampton ក្នុងតម្លៃ ៣៤លានផោនឈ្នះពានសំខាន់ៗចំនួន ៦ ជាមួយ Liverpool ដែលរួមមាន English Premier League, UEFA Champions League, FA Cup, EFL Cup, UEFA Super Cup និង FIFA Club World Cup៕អត្ថបទ៖នាង សុភាវុធ

រដ្ឋមន្ដ្រីក្រសួងអប់រំ៖ គ្រឹះស្ថានឧត្ដមសិក្សាទាំងអស់ត្រូវធានាកីឡាករ-កីឡាការិនីចូលរួមជានិស្សិតរៀនពេញម៉ោង

កីឡាឧត្តមសិក្សា៖ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាបានមានប្រសាសន៍ថា គ្រឹះស្ថានឧត្តមសិក្សាទាំងអស់ត្រូវចាត់តាំងកីឡាករ-កីឡាការិនីចូលរួមប្រកួតកីឡាឧត្តមសិក្សា និងមធ្យមសិក្សាបច្ចេកទេស តែនិស្សិតដែលបានសិក្សាពេញម៉ោងនៅគ្រឹះស្ថានរបស់ខ្លួនពិតប្រាកដប៉ុណ្ណោះ ជៀសវាងការបន្លំកីឡាករ-កីឡាការិនី។ ការសង្កត់ធ្ងន់របស់ឯកឧត្តមរដ្ឋមន្ដ្រី ធ្វើឡើងក្នុងពិធីបើកការប្រកួតផ្លូវការនៃព្រឹត្តិការណ៍កីឡានិស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិប្រចាំឆ្នាំ២០២២ នៅសាលដំបូលទូក នៃសាកលវិទ្យាល័យភូមិន្ទភ្នំពេញកាលពីល្ងាចថ្ងៃទី២២ ខែមិថុនា ឆ្នាំ២០២២។ ឯកឧត្តមមានប្រសាសន៍បែបនេះ ដើម្បីធានាបាននូវការប្រកួតប្រជែងប្រកបដោយតម្លាភាព ស្របតាមស្មារតីកីឡា ពិសេសគោលការណ៍ Fair-Play តែម្ដង។ ក្នុងឱកាសនោះ ឯកឧត្តមបណ្ឌិតសភាចារ្យ ហង់ជួន ណារ៉ុន ក៏បានក្រើនរំលឹកដល់គ្រឹះស្ថានឧត្តមសិក្សាទាំងអស់ ទាំងរដ្ឋ និងឯកជនឲ្យបង្កើនការយកចិត្តទុកដាក់លើការពង្រឹង និងពង្រីកវិស័យអប់រំកាយ និងកីឡានៅក្នុងសាលារៀន ពិសេសរៀបចំកម្មវិធីកីឡាដើម្បីសុខភាព ភាពសប្បាយរីករាយ បញ្ញាវាងវៃ បង្កើនគុណភាពសិក្សា ហើយជ្រើសរើសនិស្សិតដែលមានទេពកោសល្យ និងស្រលាញ់វិស័យកីឡាតាមប្រភេទកីឡានីមួយៗ ហ្វឹកហាត់ឲ្យបានហ្មត់ចត់ចូលរួមការប្រកួតនានា។លើកពីនេះ ឯកឧត្តមរដ្ឋមន្ដ្រីបានជំរុញឲ្យមានចុះឈ្មោះជាសមាជិកភាព ជាមួយសហព័ន្ធកីឡាសិស្ស-និស្សិតកម្ពុជា ក្នុងគោលបំណងពង្រឹង និងពង្រីកសមាជិកនៅតាមគ្រឹះស្ថានឧត្តមសិក្សា និងមធ្យមសិក្សាបច្ចេកទេសសាធារណៈ និងឯកជន ដើម្បីធ្វើសកម្មភាពកីឡាឲ្យបានខ្លាំងក្លា ពិសេសដំណើរឆ្ពោះទៅស៊ីហ្គេមឆ្នាំ២០២៣ នៅកម្ពុជា ព្រោះកីឡាករ-កីឡាការិនីដែលមានសមត្ថភាព និងទេពកោសល្យនឹងក្លាយជានិស្សិតតំណាងកម្ពុជា ចូលរួមការប្រកួតកីឡាសិស្ស-និស្សិតអាស៊ាន ហើយក៏មានឱកាសចូលរួមព្រឹត្តិការណ៍ជាប្រវត្តិសាស្ដ្រនៅកម្ពុជា នាឆ្នាំក្រោយផងដែរ។ ពាក់ព័ន្ធជាមួយការប្រកួតកីឡាឧត្តមសិក្សា និងមធ្យមសិក្សាបច្ចេកទេសថ្នាក់ជាតិឆ្នាំនេះវិញ លោក ហួត សេងទ្រី ប្រធាននាយកដ្ឋានរៀបចំ និងគ្រប់គ្រងព្រឹត្តិការណ៍កីឡានៃក្រសួងអប់រំ យុវជន និងកីឡាបានឲ្យដឹងថា ការប្រកួតនេះមានរយៈពេល ១០ថ្ងៃចាប់ពីថ្ងៃទី២១ ដល់ថ្ងៃទី៣០ ខែមិថុនា ឆ្នាំ២០២២ នៅរាជធានីភ្នំពេញ ដោយមានប្រតិភូ កីឡាករ-កីឡាការិនីចូលរួមសរុប ១,៤៤៣នាក់មកពីមានគ្រឹះស្ថានឧត្តមសិស្សា និងមធ្យមសិក្សាបច្ចេកទេសសរុបចំនួន ៣៨ ដែលប្រកួតលើ ១២ប្រភេទកីឡាស្មើនឹង ៨៨វិញ្ញាសា។ព្រឹត្តិការណ៍នេះរៀបចំឡើងក្នុងគោលបំណង ដើម្បីផ្តល់ឱកាសដល់និស្សិតពេញម៉ោងតាមគ្រឹះស្ថានឧត្តមសិក្សា និងមធ្យមសិក្សាបច្ចេកទេសទូទាំងប្រទេសបានចូលរួមប្រកួតប្រជែង និងផ្តល់លទ្ធភាពជូនសហព័ន្ធកីឡាជាតិ យកការប្រកួតនេះធ្វើជាមូលដ្ឋានអនុវត្តការងារ ក៏ដូចជារៀបចំការប្រកួត ដើម្បីត្រៀមលក្ខណៈឆ្ពោះទៅធ្វើជាម្ចាស់ផ្ទះនៃការប្រកួតកីឡាស៊ីហ្គេមឆ្នាំ២០២៣៕អត្ថបទ៖ លី ឈុនឡា

NOCC យកវេទិកាទិវាអូឡាំពិកដើម្បីបញ្ជ្រាបគុនតម្លៃអូឡាំពិក និងផ្សព្វផ្សាយពីស៊ីហ្គេម

អូឡាំពិក៖ គណៈកម្មាធិការជាតិអូឡាំពិកកម្ពុជា (NOCC) នៅថ្ងៃទី២២ ខែមិថុនា ឆ្នាំ២០២២ បានរៀបចំនូវកម្មវិធីទិវាអូឡាំពិក ឬ Olympic Day នៅខេត្តកែប ដើម្បីបញ្ជ្រាបអំពីគុណតម្លៃអូឡាំពិកផង និងផ្សព្វផ្សាយយុទ្ធនាការឆ្ពោះទៅធ្វើម្ចាស់ផ្ទះព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ផងដែរ។ កម្មវិធីនេះបានរៀបចំនៅវិទ្យាល័យហ៊ុន សែន ប៊ុន រ៉ានីចរិយាវង្ស និងវិទ្យាល័យហ៊ុន សែន ប៊ុន រ៉ានីចំការដូង ដោយមានសិស្សានុសិស្សចំនួន ៧០នាក់ចូលរួមក្រោមការធ្វើបទបង្ហាញរបស់លោក ប៊ុយ សុភ័ណ្ឌ ទីប្រឹក្សាគណៈកម្មាធិការជាតិអូឡាំពិកកម្ពុជា។ លោក ប៊ុយ សុភ័ណ្ឌ ថា កម្មវិធីរៀបចំឡើងដើម្បីផ្សព្វផ្សាយពីគុណតម្លៃអូឡាំពិក ពិសេសអត្ថប្រយោជន៍នៃការលេងកីឡាដល់សិស្សានុសិស្ស។ ហើយក្នុងឱកាសនោះក៏មានការបញ្ជ្រាបនូវការផ្សព្វផ្សាយ ពីការត្រៀមធ្វើម្ចាស់ផ្ទះព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ខាងផងដែរ ពិសេសខេត្តកែបផ្ទាល់ក៏នឹងត្រូវធ្វើម្ចាស់ផ្ទះរៀបចំការប្រកួតប្រភេទកីឡាមួយចំនួន ក្នុងព្រឹត្តិការណ៍ជាប្រវត្តិសាស្ដ្រនេះដែរ។លោកបន្ដថា ក្រៅពីការធ្វើបទបង្ហាញអំពីទ្រឹស្ដីកីឡា និងចលនាអូឡាំពិកដល់សិស្សានុសិស្ស នៅថ្ងៃទី២៣ ខែមិថុនានេះគណៈកម្មាធិការជាតិអូឡាំពិកកម្ពុជា ក៏នឹងមានរៀបចំកម្មវិធីជិះកង់កម្សាន្ដមួយនៅជុំវិញក្រុងកែប ដោយនឹងមានសិស្សានុសិស្សរួមជាមួយកីឡាករ-កីឡាការិនីជម្រើសជាតិទ្រីយ៉ាត្លុង ដែលកំពុងបោះជុំរុំហ្វឹកហាត់នៅទីនោះចូលរួមជិះកម្សាន្ដ ដើម្បីអបអរទិវាអូឡាំពិក និងអបអរដំណើរឆ្ពោះទៅឆ្នាំ២០២៣ ផងដែរ៕អត្ថបទ៖ លី ឈុនឡា

កីឡាវាយកូនគោលដាក់ចេញអភិក្រមតម្រង់ទិស ៣ចំណុចដើម្បីធានាការអភិវឌ្ឍត្រៀមស៊ីហ្គេម២០២៣

វាយកូនគោល៖ សហព័ន្ធកីឡាវាយកូនគោលកម្ពុជាបានដាក់ចេញនូវគោលការណ៍ និងអភិក្រមតម្រង់ទិស ៣ចំណុច ដើម្បីជំរុញ និងធានាបាននូវការអភិវឌ្ឍវិស័យកីឡាឲ្យកាន់តែរីកចម្រើន ពិសេសក្នុងដំណាក់កាលត្រៀមស៊ីហ្គេមឆ្នាំ២០២៣ តែម្ដង។ នេះបើតាមការបញ្ជាក់របស់ឯកឧត្តមជា បូរ៉ា អគ្គលេខាធិការសហព័ន្ធក្នុងសន្និបាតបូកសរុបលទ្ធផលការងារឆ្នាំ២០២០-២០២១ និងឆមាសទី១ ឆ្នាំ២០២២ និងលើកទិសដៅអនុវត្តការងារបន្ដឆមាសទី២ ឆ្នាំ២០២២ និងឆ្នាំ២០២៣ កាលពីថ្ងៃទី២២ ខែមិថុនាម្សិលមិញ។ឯកឧត្តម ជា បូរ៉ា បានថ្លែងកោតសរសើរចំពោះការខិតខំប្រឹងប្រែង និងលទ្ធផលដែលសហព័ន្ធសម្រេចបានក្នុងឆ្នាំកន្លងមក ហើយក្នុងនាមសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានសហព័ន្ធ ឯកឧត្តមបានដាក់ចេញនូវយុទ្ធសាស្ដ្រមួយចំនួន សម្រាប់អង្គសន្និបាតយកធ្វើជាគោលការណ៍ និងអភិក្រមតម្រង់ទិសរួមមាន៖ ១-យកបទពិសោធន៍ និងបញ្ហាប្រឈមការងារកន្លងមកធ្វើជាកាលានុវឌ្ឍភាព នៃការកែលម្អចំណុចខ្វះខាតក្នុងការអភិវឌ្ឍវិស័យកីឡាវាយកូនគោលកម្ពុជា ឲ្យកាន់តែរីកចម្រើនបន្ថែមទៀត។ ២-គណៈកម្មាធិការប្រតិបត្តិ និងគណៈកម្មការជំនាញទាំងអស់ត្រូវពង្រឹងយន្តការការងារ ដោយគោរពក្រមប្រតិបត្តិ និងក្រមសីលធម៌ការងារឲ្យបានខ្ជាប់ខ្លួន ដោយអនុវត្តតាមការណែនាំតម្រងរបស់ថ្នាក់ដឹកនាំ ដើម្បីបង្កើតសុខដុមនីយកម្មការងារ និងប្រសិទ្ឋភាពការងាររបស់សហព័ន្ធកីឡាវាយកូនគោលកម្ពុជា។ ៣-ផែនការសកម្មភាពឆមាសទី២ ឆ្នាំ២០២២ និងឆ្នាំ២០២៣ ពិតជាមានសារៈសំខាន់ និងជាពេលវេលាត្រៀមសហការរៀបចំការប្រកួត ក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ក្នុងន័យនេះសូមគណៈកម្មាធិការប្រតិបត្តិ និងគណៈកម្មការជំនាញដាក់ចេញនូវការប្តេជ្ញាចិត្ត ឆន្ទៈមោះមុត ដែលជាសម្មិតិកម្មគន្លឹះក្នុងភាពជោគជ័យសម្រាប់ឆ្នាំ២០២២ និងឆ្នាំ២០២៣។អគ្គលេខាធិការសហព័ន្ធដដែលបន្ដថា ដើម្បីសម្រួចបានផ្លែផ្កាក្នុងស៊ីហ្គេមឆ្នាំ២០២៣ លុះត្រាមានការខិតខំប្រឹងប្រែងទាំងអស់គ្នា ទាំងសហព័ន្ធ និងកីឡាករ-កីឡាការិនី។ ប៉ុន្ដែផ្អែកលើសមិទ្ធផលកន្លងមក ឯកឧត្តមមានសុទិដ្ឋិនិយមថា កីឡាវាយកូនគោលនឹងអាចបង្កើតកំណត់ត្រា ក្នុងព្រឹត្តិការណ៍ស៊ីហ្គេមជាប្រវត្តិសាស្ដ្រនៅកម្ពុជានាឆ្នាំក្រោយ។ ទន្ទឹមជាមួយគ្នាផងដែរ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា ក៏បានចែករំលែកនូវបទពិសោធន៍ និងផ្ដល់នូវការណែនាំបន្ថែមដល់សហព័ន្ធ ដើម្បីពង្រឹងប្រសិទ្ធភាពការងាររបស់ខ្លួន ពិសេសលើការងារបណ្ដុះបណ្ដាលកីឡាករ-កីឡាការិនី ដ្បិតស៊ីហ្គេមនៅសល់ពេលប្រហែល ១ឆ្នាំទៀតប៉ុណ្ណោះ។ តាមរយៈនេះ ឯកឧត្តមបានជំរុញឲ្យសហព័ន្ធត្រូវកំណត់គោលដៅច្បាស់លាស់ក្នុងការស្វែងរកមេដាយ។ ចំណែកកីឡាករ-កីឡាការិនី និងគ្រប់ភាគីពាក់ព័ន្ធក៏ត្រូវមានការប្ដេជ្ញាចិត្ត និងមានឆន្ទៈខ្ពស់ទើបអាចសម្រេចគោលដៅមួយនេះផងដែរ៕អត្ថបទ៖ លី ឈុនឡា

Carlos Tevez ត្រូវបានតែងតាំងជាគ្រូបង្វឹកក្លិបប្រេស៊ីល Rosario Central

បាល់ទាត់៖ អតីតខ្សែប្រយុទ្ធក្រុមជំរើសជាតិអាហ្សង់ទីន Carlos Tevez ត្រូវបានតែងតាំងជាអ្នកចាត់ការនៃក្លិបបាល់ទាត់អាហ្សង់ទីន Rosario Central នេះបើតាមការបញ្ជាប់របស់ក្លិបកាលពីថ្ងៃអង្គារម្សិលមិញ។ អតីតខ្សែប្រយុទ្ធក្រុមបិសាចក្រហម Manchester United, Manchester City និង Juventus រូបនេះបានចុះហត្ថលេខាដឹកនាំក្លិបបាល់ទាត់នៅលីគកំពូលអាហ្សង់ទីនមួយរយៈពេល ១២ខែដែលជាការងារដំបូងនៃអាជីពជាគ្រូបង្វឹករបស់ខ្លួន។ បុរសវ័យ ៣៨ឆ្នាំរូបនេះបានសំរេចចិត្តចូលនិវត្តន៍ពីអាជីពបាល់ទាត់កាលដើមខែសីហានេះ បន្ទាប់ពីប្រកបអាជីពជាមួយក្លិបដើម Boca Junior ជាលើកទី៣ ពោលគឺ Boca Junior ជាក្លិបដែលគេបានចាប់ផ្តើមអាជីពតាំងពី ២០ឆ្នាំមុន។ Carlos Tevez ធ្លាប់ប្រកបបាល់ទាត់អាជីពជាមួយក្លិបជាច្រើនដូចជា Juventus, Corinthians, Shanghai Shenhua និងពីរលើកជាមួយ Boca Junior។ចំណែកនៅ Premier League វិញ Carlos Tevez បានរួមចំណែកយ៉ាងសំខាន់ក្នុងការជួយសង្គ្រោះ West Ham ពីការកាត់ចោលកាលពីឆ្នាំ២០០៧ មុនពេលផ្លាស់មកកាន់ Manchester United ឈ្នះពាន Premier League ពីរលើក និងបន្តទៅ Manchester City នៅឆ្នាំ២០០៩ និងឈ្នះពាន Premier League មួយលើកនៅឆ្នាំ២០១២។ សរុបរួមរយៈពេល ៧ឆ្នាំនៅទឹកដីអង់គ្លេស Tevez បង្ហាញខ្លួនសរុប ២០២ប្រកួតរកបាន ៨៤គ្រាប់។ Carlos Tevez ត្រូវបានកោះហៅចូលក្រុមជំរើសជាតិអាហ្សង់ទីននៅឆ្នាំ២០០៤ នៅពេលអាហ្សង់ទីនជួបអេក្វាដ័រ និងសរុបបង្ហាញខ្លួនបាន ៧៦លើក ស៊ុតបញ្ចូលទីបាន ១៣គ្រាប់៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អភិបាលតំបន់ Ceuta អំពាវនាវឲ្យមានការឃុំខ្លួនជនអន្តោប្រវេសន៍ក្នុងពេលមានវិបត្តិសម្រុកចូលទ្រង់ទ្រាយធំ

រដ្ឋាភិបាលស្តាំនិយមជ្រុលរបស់កូឡុំប៊ី ទទួលស្គាល់ការអះអាងរបស់អ៊ីស្រាអែលលើតំបន់ខ្ពង់រាប Golan

អាមេរិក លុបចោលទិដ្ឋាការជាង១៧៥.០០០ចាប់តាំងពីអាណត្តិទីពីររបស់លោកTrump ចាប់ផ្តើម

លោក Trump អះអាងពីការគ្រប់គ្រងទាំងស្រុងច្រកសមុទ្រ Hormuz ខណៈអ៊ីរ៉ង់កំណត់លក្ខខណ្ឌបើកច្រកសមុទ្រឡើងវិញ

នាយករដ្ឋមន្ត្រីអ៊ីរ៉ាក់និយាយថា សមាសភាពគណៈរដ្ឋមន្ត្រីថ្មី រៀបចំជិតរួចរាល់ មុនសភាបោះឆ្នោតអនុម័ត

អនុប្រធានទី១ អាជ្ញាធរមីន៖ សមិទ្ធផលជិត២០ឆ្នាំនៃគម្រោងបោសសម្អាតមីនដើម្បីលទ្ធផលបានរួមចំណែកកសាងសហគមន៍មានសុវត្ថិភាព ខណៈកម្ពុជាប្រឈមនឹងបន្ទុកមនុស្សធម៌ថ្មីដែលបង្កឡើងដោយប្រទេសថៃ

ការចូលជាសមាជឹកសហគមន៍កសិកម្មទំនើប បានផ្ដល់ផលប្រយោជន៍ជាច្រើនដល់ប្រជាកសិករក្នុងសហគមន៍

ទីភ្នាក់ងារ៖ កូរ៉េខាងត្បូងប្តេជ្ញារក្សាជំហររបស់ខ្លួនមិនផ្គត់ផ្គង់អាវុធដល់អ៊ុយក្រែន

រុស្ស៊ីព្រមានអ៊ុយក្រែនកុំឲ្យធ្វើសកម្មភាពបង្កហេតុណាមួយប្រឆាំងនឹងប្រទេសបេឡារុស

ឯកអគ្គរដ្ឋទូតរុស្ស៊ីរិះគន់ទណ្ឌកម្មថ្មីរបស់កាណាដាថា ជាការបង្ហាញអាកប្បកិរិយាឥតប្រយោជន៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ឯកឧត្តមបណ្ឌិត ថោង ខុន បំផុសការស្ម័គ្រចិត្តផ្សព្វផ្សាយស៊ីហ្គេម-អាស៊ានប៉ារ៉ាហ្គេម ខណៈនៅសល់តែ ៣១៦ថ្ងៃទៀត

Nadal ចាប់ផ្តើមរដូវកាលប្រកួតលើទីលានស្មៅយកឈ្នះ Wawrinka ត្រៀម Wimbledon

Henrikh Mkhitaryan ផ្លាស់ពី AS Roma មកកាន់ Inter Milan ផ្លូវការ

Cardiff City បើកការចរចាក្នុងការផ្ទេរ Gareth Bale

ការចរចាមិនទាន់សម្រេចតែ Antony ថាពិតជាផ្លាស់ទៅកាន់ Manchester United

Sadio Mane ផ្លាស់ទៅ Bayern Munich ផ្លូវការតម្លៃ ៣៥លានផោន

NOCC យកវេទិកាទិវាអូឡាំពិកដើម្បីបញ្ជ្រាបគុនតម្លៃអូឡាំពិក និងផ្សព្វផ្សាយពីស៊ីហ្គេម

កីឡាវាយកូនគោលដាក់ចេញអភិក្រមតម្រង់ទិស ៣ចំណុចដើម្បីធានាការអភិវឌ្ឍត្រៀមស៊ីហ្គេម២០២៣

Carlos Tevez ត្រូវបានតែងតាំងជាគ្រូបង្វឹកក្លិបប្រេស៊ីល Rosario Central

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Nadal ចាប់ផ្តើម​រដូវ​កាល​ប្រកួត​លើ​ទីលាន​ស្មៅ​យកឈ្នះ Wawrinka ត្រៀម Wimbledon

Henrikh Mkhitaryan ផ្លាស់​ពី AS Roma មកកាន់ Inter Milan ផ្លូវការ

Cardiff City បើក​ការចរចា​ក្នុង​ការ​ផ្ទេរ Gareth Bale

ការចរចា​មិនទាន់​សម្រេច​តែ Antony ថា​ពិតជា​ផ្លាស់​ទៅកាន់ Manchester United

Sadio Mane ផ្លាស់​ទៅ Bayern Munich ផ្លូវការ​តម្លៃ ៣៥​លាន​ផោន

NOCC ​យក​វេទិកា​ទិវា​អូឡាំពិកដើម្បី​បញ្ជ្រាប​គុន​តម្លៃ​អូឡាំពិក និង​ផ្សព្វផ្សាយ​ពី​ស៊ី​ហ្គេម​

កីឡាវាយកូនគោល​ដាក់​ចេញ​អភិក្រម​តម្រង់​ទិស ៣​ចំណុច​ដើម្បី​ធានា​ការ​អភិវឌ្ឍ​ត្រៀម​ស៊ី​ហ្គេម២០២៣

Carlos Tevez ត្រូវបានតែងតាំង​ជា​គ្រូបង្វឹក​ក្លិប​ប្រេ​ស៊ី​ល Rosario Central

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Nadal ចាប់ផ្តើមរដូវកាលប្រកួតលើទីលានស្មៅយកឈ្នះ Wawrinka ត្រៀម Wimbledon

Henrikh Mkhitaryan ផ្លាស់ពី AS Roma មកកាន់ Inter Milan ផ្លូវការ

Cardiff City បើកការចរចាក្នុងការផ្ទេរ Gareth Bale

ការចរចាមិនទាន់សម្រេចតែ Antony ថាពិតជាផ្លាស់ទៅកាន់ Manchester United

Sadio Mane ផ្លាស់ទៅ Bayern Munich ផ្លូវការតម្លៃ ៣៥លានផោន

NOCC យកវេទិកាទិវាអូឡាំពិកដើម្បីបញ្ជ្រាបគុនតម្លៃអូឡាំពិក និងផ្សព្វផ្សាយពីស៊ីហ្គេម

កីឡាវាយកូនគោលដាក់ចេញអភិក្រមតម្រង់ទិស ៣ចំណុចដើម្បីធានាការអភិវឌ្ឍត្រៀមស៊ីហ្គេម២០២៣

Carlos Tevez ត្រូវបានតែងតាំងជាគ្រូបង្វឹកក្លិបប្រេស៊ីល Rosario Central