BTV NEWS

ក្រុមបាល់ទាត់ Geylang International FC មកដល់កម្ពុជាត្រៀមប្រកួតជាមួយព្រះខ័នរាជស្វាយរៀងស្អែក

Ronald Araujo ផ្លាស់ពី Barcelona មក Liverpool ក្នុងលក្ខខណ្ឌខ្ចីជើង និងជម្រើសទិញផ្តាច់

សសយក អលស្ដារ ជួបក្រុមរួមគ្នាដើម្បីកំពង់ស្ពឺ ល្ងាចនេះ ក្នុងកម្មវិធីបេះដូងសប្បុរសដើម្បីភូមិរង់ចាំ

កីឡាកាយសម្ព័ន្ធកម្ពុជា ដណ្ដើមបានមេដាយ ៣គ្រឿងពីជើងឯកអាស៊ី ឆ្នាំ២០២៦ នៅហ្វីលីពីន

ព័ត៌មានកីឡា

ឯកឧត្តម នេត សាវឿន ហាមក្រុមឈ្នះភ្លេចខ្លួន ក្រុមចាញ់រំសាយក្រុម ក្រោយចប់ពានសម្ដេចក្រឡាហោម

បាល់ទះ៖ ការប្រកួតបាល់ទះដណ្ដើមពានរង្វាន់សម្ដេចក្រឡាហោម ស ខេង រដូវកាលទី១ ឆ្នាំ២០២២ បានបញ្ចប់ហើយ ក្រោយឆ្លងកាត់ការប្រកួតដ៏ស្វិតស្វាញអស់រយៈពេល ១៨ថ្ងៃចាប់ពីថ្ងៃទី០៨ ដល់ថ្ងៃទី២៦ ខែមិថុនាម្សិលមិញ ដោយក្រុមបាល់ទះវិសាខា (B) បានលើកពាន បន្ទាប់ពីយកឈ្នះក្រុមរដ្ឋបាលរាជធានីភ្នំពេញ (B) ដោយលទ្ធផល ៣-២សិតក្នុងវគ្គផ្ដាច់ព្រ័ត្រ។ថ្លែងក្នុងពិធីបិទការប្រកួតនេះ ឯកឧត្តមនាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ និងជាប្រធានសហព័ន្ធកីឡាបាល់ទះកម្ពុជាបានធ្វើការកោតសរសើរ និងវាយតម្លៃខ្ពស់ចំពោះគណៈកម្មការរៀបចំ ដែលជំរុញឲ្យមានព្រឹត្តិការណ៍បាល់ទះកម្រិតអាជីព ៦នាក់ទល់ ៦នាក់នេះ។ ក្នុងនោះឯកឧត្តមបានផ្ដល់អនុសាសន៍សំខាន់ៗចំនួន ដល់បណ្ដាសមាគម/ក្លិបចូលរួមទាំងអស់ ពិសេសឯកឧត្តមបានសង្កត់ធ្ងន់ថា ក្រុមទទួលបានជ័យលាភីហាមភ្លេចខ្លួនគឺត្រូវបន្ដខំប្រឹងអភិវឌ្ឍន៍សមត្ថភាពបន្ថែម ខណៈក្រុមចាញ់ក៏ដូចគ្នាមិនត្រូវរំសាយក្រុមចោល ក្រោយចប់កម្មវិធីនេះឡើយ។ ការគូសបញ្ជាក់ដូច្នេះ ក្នុងន័យជំរុញការអភិវឌ្ឍសមាគម/ក្លិបបាល់ទះគ្រប់បណ្ដារាជធានី-ខេត្ត ដើម្បីធ្វើឲ្យវិស័យបាល់ទះកម្ពុជាកាន់តែរីកចម្រើន ត្រៀមចូលរួមការប្រកួតនានា ហើយផលិតធនធានកីឡាករបានកាន់តែច្រើនសម្រាប់បន្ដវេន ពិសេសត្រៀមស៊ីហ្គេមឆ្នាំ២០២៣ នៅកម្ពុជា។ អនុសាសន៍របស់ប្រមុខសហព័ន្ធ ក្នុងពិធីបិទពានរង្វាន់សម្ដេចក្រឡាហោមឆ្នាំ២០២២ គឺមាន ៦ចំណុចរួមមាន៖១-ក្រុមទាំងអស់ត្រូវកែលម្អចំណុចខ្វះខាតដែលមាន ក្នុងអំឡុងពេលរៀបចំការប្រកួត ឬបញ្ហាផ្សេងៗ ដើម្បីឆ្ពោះទៅរៀបចំពានរង្វាន់កម្រិតខ្ពស់មួយទៀត គឺពានរង្វាន់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជានាចុងឆ្នាំ២០២២ នេះ។២-ក្រុមជ័យលាភីត្រូវអភិវឌ្ឍន៍ខ្លួនបន្ថែមទៀត ព្រោះក្រុមថៃ ឥណ្ឌូនេស៊ី ហ្វីលីពីន និងវៀតណាមជាដើម គេមិនសុខចិត្តពេលឃើញបាល់ទះកម្ពុជារីកចម្រើនគួរឲ្យកត់សម្គាល់នោះទេ។ ចំណែកក្រុមមិនបានលទ្ធផលល្អត្រូវខិតខំប្រឹងប្រែង ហាមចាញ់ហើយបោះបង់ឈប់លេង។៣-គ្រូបង្វឹកមានតួនាទីរៀងៗខ្លួន ហើយកីឡាករ-កីឡាការិនីក៏មានតួនាទីរៀងខ្លួន។ គ្រូបង្វឹកត្រូវធ្វើយ៉ាងណាកុំឲ្យប៉ះពាល់ដល់ការបង្វឹក និងយក់ចិត្តទុកដាក់ខ្ពស់ក្នុងការបង្វឹក។ ឯកីឡាករ-កីឡាការិនីត្រូវមានឆន្ទៈក្នុងការបង្កើនសមត្ថភាពរបស់ខ្លួន កុំឲ្យសមត្ថភាពនៅដដែល ដែលត្រូវលេងឲ្យល្អជាងមុន។៤-ក្រុមទទួលបានជ័យលាភីមិនត្រូវភ្លេចខ្លួន ពោលគឺត្រូវអភិវឌ្ឍន៍ខ្លួនបន្ថែមទៀត ដើម្បីទទួលបានលទ្ធផលល្អថែមទៀត និងលទ្ធផលល្អលើឆាកអន្ដរជាតិនាពេលខាងមុខ។ ចំណែកក្រុមដែលទទួលទ្ធផលមិនសូវល្អ ក៏ត្រូវតែពង្រឹងសមត្ថភាពរបស់ខ្លួនឡើងវិញ ដើម្បីឲ្យល្អប្រសើរដែរ កុំឲ្យប្រកួតលើកក្រោយនៅលទ្ធផលអន់ដដែល។៥-ស្នើស្នងការរាជធានី-ខេត្ត អភិបាលរាជធានី-ខេត្ត បន្ដយកចិត្តទុកដាក់លើក្រុមបាល់ទះរបស់ខ្លួន សម្រាប់ការឧបត្ថម្ភគាំទ្រសម្រាប់ជាសម្ភារៈ ការកៀគរការឧបត្ថម្ភ និងការផ្ដល់ការហ្វឹកហាត់ជាប្រចាំ មិនមែនអស់កម្មវិធីនេះហើយរំសាយក្រុមចោលនោះទេ។ រឿងនេះក្រុមការងារគណៈកម្មាធិការប្រតិបត្តិសហព័ន្ធ ក៏ដូចជាអគ្គលេខាធិការដ្ឋានត្រូវតាមដាន បើលេងកុំឲ្យរំសាយក្រុម បើមិនដូច្នេះវិស័យបាល់ទះកម្ពុជានឹងមិនអាចដើរទៅមុខបានទេ។ ការធ្វើបែបនេះ ដើម្បីបង្កើនសមត្ថភាពត្រៀមប្រកួតពានរង្វាន់បន្ដបន្ទាប់ទៀត និងផលិតឲ្យបានកីឡាករ-កីឡាការិនីដែលមានគុណផលខ្ពស់កាន់តែច្រើន។៦-សម្រាប់ ៧ក្រុមដែលទទួលបានចំណាត់ថ្នាក់ខ្ពស់ជាងគេនៃពានសម្ដេចក្រឡាហោម ត្រូវចាត់ទុកជាក្រុមខ្លាំងដើម្បីទៅលេងពានសម្ដេចតេជោនាពេលខាងមុខ។ ដូច្នេះត្រូវបន្ដយកចិត្តទុកដាក់ហ្វឹកហាត់ឲ្យខ្លាំងបំផុត ដើម្បីគ្រូជម្រើសជាតិមើលឃើញពីសមត្ថភាពរបស់ខ្លួន ប្រឹងដើម្បីខ្លួនឯង ដើម្បីបាល់ទះកម្ពុជា និងដើម្បីមោទនភាពរបស់ជាតិទាំងមូល។សូមបញ្ជាក់ថា ពានបាល់ទះសម្ដេចក្រឡាហោម ស ខេង ឆ្នាំ២០២២ គឺមានបេក្ខភាព ២១ក្រុមចូលរួម។ ចំពោះការប្រកួតវគ្គផ្ដាច់ព្រ័ត្រម្សិលមិញបានបញ្ចប់ដោយភាពតានតឹងបំផុត បន្ទាប់ពីក្រុមវិសាខា (B) បានយកឈ្នះរដ្ឋបាលរាជធានីភ្នំពេញ (B) ២៩-២៧ នៅសិតទី១ តែត្រូវបានរដ្ឋបាលរាជធានីភ្នំពេញ (B) វាយបកឈ្នះ ២សិតផ្ទួនៗវិញក្នុងពិន្ទុ ២៥-២៣ និង ២៦-២៤ មុនវិសាខា (B) វាយបកយកឈ្នះ ២សិតចុងក្រោយក្នុងពិន្ទុ ២៥-១៧ និង ១៥-១១ ដើម្បីគ្រងជើងឯក អមថវិកា ២០លានរៀលតែម្ដង៕អត្ថបទ៖ លី ឈុនឡា

ការបញ្ចូល ITF ក្នុងកីឡាឧត្ដមសិក្សាជាការជំរុញការអភិវឌ្ឍបច្ចេកទេស និងអភិវឌ្ឍធនធានកីឡាករ

តេក្វាន់ដូ៖ ប្រាប់អ្នកសារព័ត៌មានក្នុងឱកាសរៀបចំការប្រកួតកីឡានិស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិនៅថ្ងៃទី២៦ ខែមិថុនា នៅវិទ្យាស្ថានជាតិអប់រំកាយ និងកីឡា លោក បួនហ៊ីង សុធីយ៉ា អគ្គលេខាធិការសហព័ន្ធកីឡាតេក្វាន់ដូ ITF ឱ្យដឹងថា ថ្នាក់ដឹកនាំសហព័ន្ធ ឯកឧត្តម កែវ រ៉េមី បានចាត់ទុកការរៀបចំការប្រកួតកីឡានិស្សិតឧត្តមសិក្សាថ្នាក់ជាតិនេះ ជួយជំរុញលើកកម្ពស់បន្ថែមដល់ការអភិវឌ្ឍបច្ចេកទេស ព្រមទាំងការអភិវឌ្ឍធនធានកីឡាករ-កីឡាការិនីជានិស្សិតឲ្យកាន់តែសម្បូរបែប និងមានគុណភាពខ្ពស់នាថ្ងៃអនាគត។ លើសពីនេះលោកបានបន្ថែមទៀតថា តាមរយៈការរៀបចំប្រកួតកីឡាតេក្វាន់ដូ ITF នៃព្រឹត្តិការណ៍ឧត្តមសិក្សាថ្នាក់ជាតិនេះ គឺល្អខ្លាំងណាស់ក្នុងការជួយជំរុញឲ្យមន្ត្រីបច្ចេកទេស អាជ្ញាកណ្តាល-ចៅក្រមរបស់សហព័ន្ធបានដុះខាត់សមត្ថភាពបន្ថែម ឆ្ពោះទៅទទួលរៀបចំធ្វើម្ចាស់ផ្ទះស៊ីហ្គេមលើកទី៣២ ឆ្នាំ២០២៣ ជាប្រវត្តិសាស្ត្រដំបូងរបស់ព្រះរាជាណាចក្រកម្ពុជា។ សម្រាប់ប្រភេទកីឡាតេក្វាន់ដូ ITF មានកីឡាករ-កីឡាការិនីជានិស្សិតចូលរួមសរុបចំនួន ៦៤នាក់ (កីឡាករ ៣៦នាក់ និងកីឡាការិនី ២៨នាក់) មកពីគ្រឹះស្ថានឧត្តមសិក្សា និងមធ្យមសិក្សាបច្ចេកទេសចំនួន៧ ដោយមាន ១៣វិញ្ញាសា ក្នុងនោះរៀបចំវិញ្ញាសាសម្តែងមេគុណចំនួន៤ និងវិញ្ញាសាប្រយុទ្ធចំនួន៩ ដោយធ្វើការប្រកួតពីថ្ងៃទី២៥ ដល់ថ្ងៃទី៣០ ខែមិថុនា។សូមបញ្ជាក់ថា ការប្រកួកីឡានិស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិប្រចាំឆ្នាំ២០២២ ដំណើរការពីថ្ងៃទី២១ ដល់ថ្ងៃទី៣០ ខែមិថុនាដោយមាន ១២ប្រភេទកីឡាស្មើនឹង ៨៨វិញ្ញាសា ក្រោមការរៀបចំរបស់ក្រសួងអប់រំ យុវជន និងកីឡាសហការបច្ចេកទេសជាមួយសហព័ន្ធកីឡាជាតិទាំង ១២ប្រភេទកីឡា៕អត្ថបទ៖ គង់ ហួន

CAMSOC ប្រកាសប្រឡងគំនូរមេដាយ និងភ្លើងគប់ស៊ីហ្គេម-អាស៊ានប៉ារ៉ាហ្គេមឆ្នាំ២០២៣

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានប្រកាសជូនដំណឹងដល់សាធារណៈជន ពិសេសសិស្ស-និស្សិត និងយុវជនទាំងអស់អំពីការរៀបចំការប្រកួតជ្រើសរើសស្នាដៃ ប្រឡងប្រណាំងគំនូរមេដាយ និងគំនូរភ្លើងគប់ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ដើម្បីប្រើប្រាស់ជាផ្លូវការក្នុងព្រឹត្តិការណ៍ជាប្រវត្តិសាស្ដ្រនេះ។ យោងតាមលក្ខខណ្ឌប្រឡងប្រណាំងនេះ គណៈកម្មាធិការជាតិ CAMSOC តម្រូវ៖ ១-បើកចំហរជាសាធារណៈដល់សិស្ស-និស្សិត យុវជន និងបងប្អូនប្រជាពលរដ្ឋដែលមានស្នាដៃគំនូរ និងមានទេពកោសល្យល្អចូលរួមគូសគំនូរមេដាយ និងគប់ភ្លើងស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ ២-ស្នាដៃដែលបានសម្រេចជ្រើសរើសត្រូវរក្សាសិទ្ធិផ្ដាច់មុខដោយ CAMSOC។ ៣-ជ័យលាភីនឹងទទួលបានប្រាក់រង្វាន់លើកទឹកចិត្ត ១០លានរៀលសម្រាប់ទាំងពីរស្នាដៃនៃគំនូរមេដាយ និងគំនូរគប់ភ្លើង។អាស្រ័យហេតុនេះ CAMSOC បានជូនដំណឹងដល់បេក្ខជនដែលចាប់អារម្មណ៍ក្នុងគំនូរមេដាយ និងគំនូរភ្លើងគប់នេះ ហើយមានបំណងចូលរួមប្រឡងប្រណាំង អាចយកស្នាដៃរបស់ខ្លួនមកដាក់នៅអគ្គលេខាធិការដ្ឋាន CAMSOC ចាប់ពីថ្ងៃទី០១ ដល់ថ្ងៃទី៣០ ខែកក្កដា ឆ្នាំ២០២២ ឆាប់ៗខាងមុខនេះ នៅអគារទីស្នាក់ការគណៈកម្មាធិការជាតិអូឡាំពិកកម្ពុជា។ សូមបញ្ជាក់ថា មេដាយ និងភ្លើងគប់ស៊ីហ្គេម-អាស៊ានប៉ារ៉ាហ្គេម គឺអត្តសញ្ញាណផ្លូវការមួយក្នុងចំណោមអត្តសញ្ញាណសំខាន់ៗជាច្រើនទៀត ដែលនឹងត្រូវចារទុកជាប្រវត្តិសាស្ដ្រក្នុងព្រឹត្តិការណ៍កីឡាប្រចាំតំបន់នេះ ហើយអ្នកទទួលបានជ័យលាភីក៏នឹងក្លាយជាផ្នែកមួយនៃកំណត់ត្រាប្រវត្តិសាស្ដ្រនេះដែរ៕អត្ថបទ៖ លី ឈុនឡា

FIFA អនុញ្ញាតឲ្យចុះបញ្ជីកីឡាករ ២៦នាក់ក្នុងមួយក្រុមនៅ World Cup ២០២២

បាល់ទាត់៖ សហព័ន្ធកីឡាបាល់ទាត់ពិភពលោក FIFA បានអនុម័តឱ្យប្រើប្រាស់កីឡាករសរុប ២៦នាក់ក្នុងមួយក្រុមនៅព្រឹត្តិការណ៍បាល់ទាត់ពិភពលោក FIFA World Cup 2022 ទឹកដីកាតាឆ្នាំនេះ។ ការសំរេចបែបនេះគឺស្របនឹងបរិបទក្រោយកូវីដ-១៩ និងកាលវិភាគប្រកួតដ៏មមាញឹករបស់ក្លិបអាជីព និងក្រុមជំរើសជាតិ ដោយពីមុនក្នុងមួយក្រុមមានតែ ២៣នាក់ប៉ុណ្ណោះ។ FIFA ក៏បានបញ្ជាក់ដែរថា ក្នុងការប្រកួតនីមួយៗ ក្រុមនីមួយៗអាចមានកីឡាករបម្រុងដល់ទៅ ១៥នាក់ដែលមានន័យថាកីឡាករគ្រប់គ្នាទាំង ២៦នាក់សុទ្ធតែអាចចូលលេងបាន។ ក្រៅពីនោះមន្ត្រីក្រុមសរុប ១១នាក់ដែលក្នុងនោះត្រូវតែមានម្នាក់ជាពេទ្យប្រចាំក្រុម អាចអង្គុយនៅតំបន់កៅអីបម្រុងបាន។ ក្រុមទាំង ៣២ នឹងត្រូវចុះបញ្ជីកីឡាករផ្លូវការសំរេច World Cup នៅថ្ងៃទី២០ ខែតុលាពោលគឺ ៣០ថ្ងៃមុនព្រឹត្តិការណ៍ចាប់ផ្តើម។ ព្រឹត្តិការណ៍បាល់ទាត់ពិភពលោកនឹងចាប់ផ្តើមនៅថ្ងៃទី២០ ខែវិច្ឆិកា ដោយគូដំបូងគឺជាជំនួបរវាងសេណេហ្កាល់ជួបជាមួយហូឡង់នៅកីឡដ្ឋាន Al Thumama៕អត្ថបទ៖នាង សុភាវុធ

ខ្សែប្រយុទ្ធ Leipzig, Christopher Nkunku បន្តកិច្ចសន្យាពីរឆ្នាំបន្ថែម

បាល់ទាត់៖ ខ្សែប្រយុទ្ធ Leipzig ដែលជាគោលដៅរបស់ក្លិបធំៗជាច្រើន Christopher Nkunku បានចុះហត្ថលេខាបន្តកិច្ចសន្យាបន្ថែម ២ឆ្នាំទៀតដែលនឹងរក្សារូបនេះគេនៅជាមួយក្លិបអាល្លឺម៉ង់មួយនេះដល់ឆ្នាំ២០២៦។ កីឡាករវ័យ ២៤ឆ្នាំរូបនេះត្រូវបានក្លិបធំៗនៅ Premier League ទាក់ទងដូចជា Chelsea និង Manchester United។ Nkunku ត្រូវបានបោះឆ្នោតជាកីឡាករឆ្នើមបំផុតប្រចាំរដូវកាល ២០២១-២២ នៅក្របខណ្ឌអាល្លឺម៉ង់ Bundesliga ក្រោយជួយ Leipzig ឈ្នះជើងឯកអាល្លឺម៉ង់ខាប់។ Christopher Nkunku បានស៊ុតបញ្ចូលទី ២០គ្រាប់ និង ១៤បាល់បញ្ជូនក្នុងការបង្ហាញខ្លួន ៣៤ប្រកួតក្នុងលីគរដូវកាលមុន ខណៈ Leipzig បានលេខ៤ នៅ Bundesliga៕អត្ថបទ៖នាង សុភាវុធ

ពេទ្យព្យាបាល Maradona មុនពេលស្លាប់ប្រឈមនឹងការដាក់ទោសពីបទមនុស្សឃាត

បាល់ទាត់៖ បុគ្គលិកពេទ្យចំនួនប្រាំបីនាក់ដែលបានព្យាបាលលោក Diego Maradona ប៉ុន្មានសប្តាហ៍មុនពេលគាត់ស្លាប់កាលពីខែវិច្ឆិកា ឆ្នាំ២០២០ នោះប្រឈមនឹងការដាក់ទោសពីបទមនុស្សឃាត។ ចៅក្រមនៅអាហ្សង់ទីនបានបញ្ជាឱ្យកាត់ទោស បន្ទាប់ពីមានការស៊ើបអង្កេតលើការស្លាប់របស់ Maradona ដោយសារគាំងបេះដូង។ របាយការណ៍បានរកឃើញថា ការព្យាបាលនៅសប្តាហ៍ចុងក្រោយនៃជីវិតរបស់គាត់ កង្វះការយកចិត្តទុកដាក់ និងព្យាបាលមិនត្រឹមត្រូវ។ របាយការណ៍ក៏បានអះអាងដែរថា Maradona អាចមានឱកាសគេចផុតពីការស្លាប់ ប្រសិនបើគាត់បានទទួលការព្យាបាលគ្រប់គ្រាន់ និងត្រឹមត្រូវ។ ក្នុងចំណោមបុគ្គលិកដែលប្រឈមនឹងការចោទប្រកាន់ គឺវេជ្ជបណ្ឌិតផ្ទាល់របស់លោក Maradona គឺលោក Leopoldo Luque ដែលបានបដិសេធមិនទទួលខុសត្រូវចំពោះការស្លាប់នេះ។ ចៅក្រមបានចោទប្រកាន់ក្រុមពេទ្យទាំង ៨នាក់ពីបទធ្វើឃាតដោយអចេតនា ហើយប្រសិនបើរកឃើញថាមានទោស បុគ្គលិកពេទ្យអាចប្រឈមនឹងការជាប់ពន្ធនាគាររហូតដល់ ២៥ឆ្នាំ៕អត្ថបទ៖នាង សុភាវុធ

Newcastle ទិញបានអ្នកចាំទីអង់គ្លេស Nick Pope ពី Burnley

បាល់ទាត់៖ ក្លិបសារិកាព្រៃ Newcastle បានសំរេចក្នុងការនាំយកអ្នកចាំទីក្រុមជំរើសជាតិអង់គ្លេស Nick Pope ពីក្លិបបាល់ទាត់ Burnley ក្នុងតម្លៃមួយបិទជិត។ កីឡាករវ័យ ៣០ឆ្នាំរូបនេះបានចុះហត្ថលេខារយៈពេល ៤ឆ្នាំនៅកីឡដ្ឋាន St. James Park បន្ទាប់ពីចំណាយពេល ៦រដូវកាលនៅ Burnley។ Nick Pope បានផ្លាស់ទៅកាន់ Burnley កាលពីឆ្នាំ២០១៦ នៅពេល Burnley ឡើងមក English Premier League និងបានបង្ហាញខ្លួនសរុប ១៥៥ប្រកួតតាំងពីពេលនោះមកបូករួមទាំង ៣៦ប្រកួតរដូវកាលមុន។ Nick Pope គឺជាសមាជិកសំខាន់របស់ Burnley កាលពីរដូវកាល ២០១៧-១៨ ដែលឈានដល់វគ្គជម្រុះ Europa League ក្រោយបានលេខ៧ នៅ Premier League។ Nick Pope ត្រូវបានកោះហៅចូលក្រុមជំរើសជាតិអង់គ្លេសដំបូងនៅឆ្នាំ២០១៨ និងត្រូវបានប្តូរចូលពេលអង់គ្លេសជួបកូស្តារីកា។ក្រោយមកនៅឆ្នាំ២០២១ Nick Pope ក៏បានក្លាយជាអ្នកចាំទីអង់គ្លេសដំបូង ដែលរក្សាសំណាញ់ទីមិនឱ្យរបូតគ្រាប់បាល់ ៦ប្រកួត។ Nick Pope បានក្លាយសមាជិកទីពីរដែលផ្លាស់មកកាន់ Burnley មុនរដូវកាលថ្មីចាប់ផ្តើមនៅពេលខាងមុខ បន្ទាប់ពីខ្សែការពារឆ្វេង Matt Targett ផ្ទេរពី Aston Villa ក្នុងតម្លៃ ១៥លានផោន៕អត្ថបទ៖នាង សុភាវុធ

ឯកឧត្តម សៅ សុខា៖ បាល់ទាត់បានរួមចំណែកកសាងទាំងសង្គម និងសេដ្ឋកិច្ច

បាល់ទាត់៖ ឯកឧត្ដមនាយឧត្ដមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជាមានប្រសាសន៍ថា ភាពរីកចម្រើននៃវិស័យកីឡាបាល់ទាត់កម្ពុជាបានរួមចំណែកកសាងទាំងសង្គម និងសេដ្ឋកិច្ចជាតិ។ នេះបើតាមការបញ្ជាក់ក្នុងពិធីចុះអនុស្សារណៈយោគយល់គ្នារវាងក្រុមហ៊ុនវៀតធេល ខេមបូឌាកាលពីល្ងាចថ្ងៃទី២៣ ខែមិថុនាម្សិលមិញ។ ឯកឧត្តមបានរំលឹកថា ក្រោយបាល់ទាត់កម្ពុជាចាប់ផ្ដើមសកម្មភាពឡើងវិញ ទាំងត្រដាបត្រដួសកាលពីឆ្នាំ២០០៦ ពីមួយឆ្នាំទៅមួយឆ្នាំ វិស័យកីឡាបាល់ទាត់កម្ពុជាបានវិវឌ្ឍន៍ និងរីកចម្រើនជាបន្ដបន្ទាប់រហូតមកទល់បច្ចុប្បន្ន ដែលក្រៅពីការប្រកួតលក្ខណៈជាតិ និងអន្ដរជាតិក្នុងស្មារតីកសាងមិត្តភាព សាមគ្គីភាព បាល់ទាត់បានរួមចំណែកយ៉ាងច្រើនក្នុងការងារសង្គម និងសេដ្ឋកិច្ចជាតិ។ ប្រមុខសហព័ន្ធដដែលបានពន្យល់ថា ចំពោះការជួយដល់ផ្នែកសង្គមកម្ពុជារួមមាន៖១-កាត់បន្ថយនូវការបោះបង់សាលារបស់យុវជន២-កាត់បន្ថយការប្រើប្រាស់គ្រឿងញៀនក្នុងចំណោមយុវជន៣-កាត់បន្ថយការគ្រោះថ្នាក់ចរាចរណ៍ក្នុងចំណោមយុវជន និងអ្នកគាំទ្របាល់ទាត់៤-បង្កើនការយល់ដឹងអំពីការរីករាលដាលនៃជំងឺឆ្លង ពិសេសជំងឺអេដស៍ ហើយបច្ចុប្បន្ននេះគឺជំងឺកូវីដ-១៩៥-ផ្ដល់ឲ្យយុវជន និងអ្នកគាំទ្របាល់ទាត់កម្ពុជាជៀសផុសពីយុទ្ធភ័ណ្ឌមិនទាន់ផ្ទុះដោយសង្គ្រាម៦-បានអប់រំដល់ពលរដ្ឋ និងយុវជនកម្ពុជារួមគ្នាក្នុងការថែរក្សាបរិស្ថាន និងអនាម័យ។ចំពោះការរួមចំនែកក្នុងផ្នែកសេដ្ឋកិច្ចវិញ ឯកឧត្តមថា តាមរយៈបាល់ទាត់ធ្វើឲ្យបរទេសស្គាល់កម្ពុជាកាន់តែច្បាស់ ដែលជាប្រទេសសម្បូរដោយតំបន់ទេសចរណ៍ពិសេសប្រាសាទបុរាណ ដោយបានទាក់ទាញអ្នកទេសចរណ៍តាមរយៈបាល់ទាត់ ក្នុងនោះក៏មានអ្នកវិនិយោគបានចាប់អារម្មណ៍ ហើយបានមកបណ្ដាក់ទុនមករកស៊ីនៅកម្ពុជា បង្កើនការងារជូនប្រជាជនកម្ពុជា បង្កើនប្រាក់ចំណូល ធ្វើឲ្យសេដ្ឋកិច្ចកម្ពុជាមានការរីកចម្រើនផងដែរ៕អត្ថបទ៖ លី ឈុនឡា

Paul Pogba ខិតជិតការត្រលប់ទៅកាន់ Juventus វិញ

បាល់ទាត់៖ ខ្សែបម្រើបារាំង Paul Pogba កាន់តែកៀកក្នុងការវិលត្រលប់ទៅកាន់សេះបង្កង់ Juventus វិញ ខណៈដែលភ្នាក់ងាររបស់កីឡាករបារាំងរូបនេះចាប់ផ្តើមចរចា ជាមួយក្លិបអ៊ីតាលីថ្ងៃព្រហស្បតិ៍ម្សលិមិញ។ Paul Pogba បានក្លាយជាកីឡាករដែលនៅទំនេរបន្ទាប់ពីចាកចេញពី Manchester United ក្រោយចំណាយពេល ៦រដូវកាលនៅ Old Trafford និងសំរេចចិត្តមិនបន្តកិច្ចសន្យាថ្មី។ សារព័ត៌មាន Sky Sports អ៊ីតាលីក៏បានចុះផ្សាយដែរថា Pogba និង Juventus ឈានដល់កិច្ចព្រមព្រៀងទៅហើយ ជាមួយនឹងកិច្ចសន្យារយៈពេល ៣ ទៅ ៤ឆ្នាំនឹងចុះហត្ថលេខានៅដើមខែកក្កដាខាងមុខ។ រំលឹកថា Paul Pogba បានចូលរួមជាមួយ Manchester United ដំបូងនៅឆ្នាំ២០០៩ ផ្ទេរពីក្លិបបារាំង Le Havre ក្នុងវ័យត្រឹម ១៦ឆ្នាំ។ តែនៅឆ្នាំ២០១២ Pogba បានចាកចេញនៅពេលកិច្ចសន្យាសន្យាអស់សុពលភាពនៅខែកក្កដា ឆ្នាំ២០១២ ក្រោយបង្ហាញខ្លួនឱ្យ Manchester United ត្រឹម ៧ប្រកួតប៉ុណ្ណោះ។ ទៅដល់ Juventus, Paul Pogba បានឈ្នះពានសំខាន់ចំនួន ៨ នៅទីក្រុង Turin បូករួមទាំងពាន Serie A បួនរដូវកាលជាប់គ្នា។ត្រលប់មកកាន់ Manchester United, Paul Pogba បានឈ្នះពាន EFL Cup និង UEFA Europa League ក្នុងរដូវកាលដំបូងនៃការវិលត្រលប់របស់ខ្លួន។ សរុបមក Paul Pogba បង្ហាញខ្លួនសរុប ២៣៣ប្រកួតស៊ុតបញ្ចូលទីបាន ៣៩គ្រាប់ជាមួយក្រុមបិសាចក្រហម Manchester United និងបង្ហាញខ្លួនចុងក្រោយនៅពេលជួប Norwich City កាលពីខែមេសា និងត្រូវបានអ្នកគាំទ្រខ្លួនឯងហ៊ោប្រមាថ៕អត្ថបទ៖នាង សុភាវុធ

សហព័ន្ធទោចក្រយានរៀបចំយុទ្ធនាការ “ប្រជាជនម្នាក់ កង់មួយគ្រឿង” ដើម្បីផ្សព្វផ្សាយស៊ីហ្គេម២០២៣

ទោចក្រយាន៖ សហព័ន្ធកីឡាទោចក្រយានកម្ពុជាបានរៀបចំយុទ្ធនាការ “ប្រជាជនម្នាក់ កង់មួយគ្រឿង ឆ្ពោះទៅស៊ីហ្គេមឆ្នាំ២០២៣” ដើម្បីបំផុសវិស័យមួយនេះផង និងចូលរួមផ្សព្វផ្សាយពីព្រឹត្តិការណ៍ជាប្រវត្តិសាស្ដ្រនៅកម្ពុជានេះផង។ នេះបើតាមការបញ្ជាក់របស់លោក នូ ចំរើន អគ្គលេខាធិការសហព័ន្ធ បន្ទាប់ពីយុទ្ធនាការមួយនេះត្រូវបានរៀបចំផ្ដើមចេញពីខេត្តកែបកាលពីថ្ងៃទី២៣ ខែមិថុនា ឆ្នាំ២០២២ ម្សិលមិញដោយមានកីឡាករ-កីឡាការិនីចូលរួមសរុបប្រមាណ ១០០នាក់។ លោកបន្ដថា កម្មវិធីនេះរៀបចំឡើងក្រោមគម្រោងឧបត្ថម្ភគាំទ្រ របស់សហព័ន្ធកីឡាទោចក្រយានអន្ដរជាតិដោយក្នុង ១ឆ្នាំ សហព័ន្ធគ្រោងរៀបចំយ៉ាងហោច ៣ដងនៅតាមខេត្តគោលដៅទេសចរណ៍ ពិសេសខេត្តត្រៀមរៀបចំការប្រកួតកីឡាស៊ីហ្គេម ជាក់ស្ដែងបន្ទាប់ពីខេត្តកែប សហព័ន្ធគ្រោងរៀបចំនៅខេត្តសៀមរាបនាពេលឆាប់ៗខាងមុខ។តាមរយៈនេះក្នុងនាមសហព័ន្ធលោកបានជំរុញ និងលើកទឹកចិត្តឲ្យប្រជាពលរដ្ឋក៏ដូចជាយុវជន-យុវតីចូលរួមជិះកង់ និងលេងកីឡាឲ្យបានច្រើនកុះករដើម្បីបង្កើតចំណងមិត្តភាព សាមគ្គីភាព និងទទួលបានសុខភាពល្អ ក៏ដូចជាចៀសឆ្ងាយពីគ្រឿងញៀនផង ពិសេសដើម្បីផ្សព្វផ្សាយ និងអបអរសាទរដំណើរឆ្ពោះទៅធ្វើម្ចាស់ផ្ទះការប្រកួតកីឡាស៊ីហ្គេម លើកទី៣២ នាឆ្នាំ២០២៣ ផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

អនុប្រធានទី១ អាជ្ញាធរមីន៖ សមិទ្ធផលជិត២០ឆ្នាំនៃគម្រោងបោសសម្អាតមីនដើម្បីលទ្ធផលបានរួមចំណែកកសាងសហគមន៍មានសុវត្ថិភាព ខណៈកម្ពុជាប្រឈមនឹងបន្ទុកមនុស្សធម៌ថ្មីដែលបង្កឡើងដោយប្រទេសថៃ

ការចូលជាសមាជឹកសហគមន៍កសិកម្មទំនើប បានផ្ដល់ផលប្រយោជន៍ជាច្រើនដល់ប្រជាកសិករក្នុងសហគមន៍

ទីភ្នាក់ងារ៖ កូរ៉េខាងត្បូងប្តេជ្ញារក្សាជំហររបស់ខ្លួនមិនផ្គត់ផ្គង់អាវុធដល់អ៊ុយក្រែន

រុស្ស៊ីព្រមានអ៊ុយក្រែនកុំឲ្យធ្វើសកម្មភាពបង្កហេតុណាមួយប្រឆាំងនឹងប្រទេសបេឡារុស

ឯកអគ្គរដ្ឋទូតរុស្ស៊ីរិះគន់ទណ្ឌកម្មថ្មីរបស់កាណាដាថា ជាការបង្ហាញអាកប្បកិរិយាឥតប្រយោជន៍

អ៊ីស្រាអែលទទួលស្គាល់ថា ការចរចាកំពុងដំណើរការលើគ្រប់វិស័យសំខាន់ៗ

ស្ថានទូត៖ រុស្ស៊ីនឹងចាត់វិធានការឆ្លើយតបចំពោះវត្តមានរបស់ NATO ដែលកំពុងកើនឡើង នៅហ្វាំងឡង់

លោក TRUMP អះអាងថា ច្រកសមុទ្រហ័រមូសត្រូវបានបោសសម្អាតមីនទាំងស្រុង

កងកម្លាំងយោធា និងសមត្ថកិច្ចការពារព្រំដែនភូមិសាស្ត្រស្រុកម៉ាឡៃ បង្ក្រាបទំនិញថៃឆ្លងដែនដោយខុសច្បាប់ ពីសំណាក់ក្រុមឈ្មួញលួចនាំចូលមកកម្ពុជា (សាច់បង្កក់នាំពីថៃចូលមក)

រដ្ឋមន្រ្តីក្រសួងសេដ្ឋកិច្ច ប្រកាសដាក់ឱ្យអនុវត្តយុទ្ធសាស្រ្តជាតិស្តីពីការអភិវឌ្ឍធុរកិច្ចថ្មីឆ្នាំ២០២៦-២០៣០

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ឯកឧត្តម នេត សាវឿន ហាមក្រុមឈ្នះភ្លេចខ្លួន ក្រុមចាញ់រំសាយក្រុម ក្រោយចប់ពានសម្ដេចក្រឡាហោម

ការបញ្ចូល ITF ក្នុងកីឡាឧត្ដមសិក្សាជាការជំរុញការអភិវឌ្ឍបច្ចេកទេស និងអភិវឌ្ឍធនធានកីឡាករ

CAMSOC ប្រកាសប្រឡងគំនូរមេដាយ និងភ្លើងគប់ស៊ីហ្គេម-អាស៊ានប៉ារ៉ាហ្គេមឆ្នាំ២០២៣

FIFA អនុញ្ញាតឲ្យចុះបញ្ជីកីឡាករ ២៦នាក់ក្នុងមួយក្រុមនៅ World Cup ២០២២

ខ្សែប្រយុទ្ធ Leipzig, Christopher Nkunku បន្តកិច្ចសន្យាពីរឆ្នាំបន្ថែម

ពេទ្យព្យាបាល Maradona មុនពេលស្លាប់ប្រឈមនឹងការដាក់ទោសពីបទមនុស្សឃាត

Newcastle ទិញបានអ្នកចាំទីអង់គ្លេស Nick Pope ពី Burnley

ឯកឧត្តម សៅ សុខា៖ បាល់ទាត់បានរួមចំណែកកសាងទាំងសង្គម និងសេដ្ឋកិច្ច

Paul Pogba ខិតជិតការត្រលប់ទៅកាន់ Juventus វិញ

សហព័ន្ធទោចក្រយានរៀបចំយុទ្ធនាការ “ប្រជាជនម្នាក់ កង់មួយគ្រឿង” ដើម្បីផ្សព្វផ្សាយស៊ីហ្គេម២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ឯកឧត្តម នេ​ត សាវឿន ហាម​ក្រុម​ឈ្នះ​ភ្លេចខ្លួន ក្រុម​ចាញ់​រំសាយ​ក្រុម ក្រោយ​ចប់​ពាន​សម្ដេច​ក្រឡាហោម​

ការបញ្ចូល ITF​ ក្នុង​កីឡា​ឧត្ដមសិក្សា​ជា​ការ​ជំរុញ​ការអភិវឌ្ឍ​បច្ចេកទេស និង​អភិវឌ្ឍ​ធនធាន​កីឡាករ​

CAMSOC ​ប្រកាស​ប្រឡង​គំនូរ​មេដាយ និង​ភ្លើង​គប់​ស៊ី​ហ្គេម​-​អាស៊ាន​ប៉ា​រ៉ា​ហ្គេមឆ្នាំ​២០២៣

FIFA អនុញ្ញាត​ឲ្យ​ចុះបញ្ជី​កីឡាករ ២៦នាក់​ក្នុង​មួយ​ក្រុម​នៅ World Cup ២០២២

ខ្សែប្រយុទ្ធ Leipzig, Christopher Nkunku បន្ត​កិច្ចសន្យា​ពីរ​ឆ្នាំ​បន្ថែម​

ពេទ្យ​ព្យាបាល Maradona មុនពេល​ស្លាប់​ប្រឈម​នឹង​ការដាក់ទោស​ពីបទ​មនុស្សឃាត

Newcastle ទិញ​បាន​អ្នកចាំទី​អង់គ្លេស Nick Pope ពី Burnley

ឯកឧត្តម សៅ សុខា​៖ បាល់ទាត់​បាន​រួមចំណែក​កសាង​ទាំង​សង្គម និង​សេដ្ឋកិច្ច​

Paul Pogba ខិតជិត​ការ​ត្រលប់​ទៅកាន់ Juventus វិញ

សហព័ន្ធ​ទោចក្រយាន​រៀបចំ​យុទ្ធនាការ “​ប្រជាជន​ម្នាក់ ​កង់​មួយ​គ្រឿង​” ដើម្បី​ផ្សព្វផ្សាយ​ស៊ី​ហ្គេម២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្តម នេត សាវឿន ហាមក្រុមឈ្នះភ្លេចខ្លួន ក្រុមចាញ់រំសាយក្រុម ក្រោយចប់ពានសម្ដេចក្រឡាហោម

ការបញ្ចូល ITF ក្នុងកីឡាឧត្ដមសិក្សាជាការជំរុញការអភិវឌ្ឍបច្ចេកទេស និងអភិវឌ្ឍធនធានកីឡាករ

CAMSOC ប្រកាសប្រឡងគំនូរមេដាយ និងភ្លើងគប់ស៊ីហ្គេម-អាស៊ានប៉ារ៉ាហ្គេមឆ្នាំ២០២៣

FIFA អនុញ្ញាតឲ្យចុះបញ្ជីកីឡាករ ២៦នាក់ក្នុងមួយក្រុមនៅ World Cup ២០២២

ខ្សែប្រយុទ្ធ Leipzig, Christopher Nkunku បន្តកិច្ចសន្យាពីរឆ្នាំបន្ថែម

ពេទ្យព្យាបាល Maradona មុនពេលស្លាប់ប្រឈមនឹងការដាក់ទោសពីបទមនុស្សឃាត

Newcastle ទិញបានអ្នកចាំទីអង់គ្លេស Nick Pope ពី Burnley

ឯកឧត្តម សៅ សុខា៖ បាល់ទាត់បានរួមចំណែកកសាងទាំងសង្គម និងសេដ្ឋកិច្ច

Paul Pogba ខិតជិតការត្រលប់ទៅកាន់ Juventus វិញ

សហព័ន្ធទោចក្រយានរៀបចំយុទ្ធនាការ “ប្រជាជនម្នាក់ កង់មួយគ្រឿង” ដើម្បីផ្សព្វផ្សាយស៊ីហ្គេម២០២៣