BTV NEWS

ក្រុមបាល់ទាត់ Geylang International FC មកដល់កម្ពុជាត្រៀមប្រកួតជាមួយព្រះខ័នរាជស្វាយរៀងស្អែក

Ronald Araujo ផ្លាស់ពី Barcelona មក Liverpool ក្នុងលក្ខខណ្ឌខ្ចីជើង និងជម្រើសទិញផ្តាច់

សសយក អលស្ដារ ជួបក្រុមរួមគ្នាដើម្បីកំពង់ស្ពឺ ល្ងាចនេះ ក្នុងកម្មវិធីបេះដូងសប្បុរសដើម្បីភូមិរង់ចាំ

កីឡាកាយសម្ព័ន្ធកម្ពុជា ដណ្ដើមបានមេដាយ ៣គ្រឿងពីជើងឯកអាស៊ី ឆ្នាំ២០២៦ នៅហ្វីលីពីន

ព័ត៌មានកីឡា

Marin Cilic មិនអាចប្រកួតនៅ Wimbledon បានក្រោយតេស្តវិជ្ជមានកូវីដ-១៩

វាយកូនបាល់៖ កីឡាករវាយកូនបាល់ក្រូអាស៊ី Marin Cilic មិនអាចចូលរួមការប្រកួត Grand Slam, Wimbledon បានឡើយក្រោយតេស្តវិជ្ជមានកូវីដ-១៩ នៅថ្ងៃចន្ទម្សិលមិញ។ កីឡាករវ័យ ៣៣ឆ្នាំម្ចាស់ជើងឯក US Open ឆ្នាំ២០១៤ រូបនេះធ្លាប់ឡើងដល់វគ្គផ្តាច់ព្រ័ត្រ Wimbledon នេះកាលពី ៥ឆ្នាំមុនតែចាញ់ Roger Federer។ Marin Cilic មានចំណាត់នៅ Wimbledon លេខ ១៤ និងបានឈានដល់មកដល់ព្រឹត្តិការណ៍នេះជាមួយនឹងទំរង់លេងល្អផងដែរ បន្ទាប់ពីបានឈានដល់វគ្គពាក់កណ្តាលផ្តាច់ព្រ័ត្រ French Open និងពានរង្វាន់ The Queen ត្រៀម Wimbledon សប្តាហ៍មុន។ ដូច្នេះតំណែងរបស់ Marin Cilic នឹងត្រូវជំនួសដោយអ្នកចាញ់នៅវគ្គជម្រុះដែលមានសំណាងគឺកីឡាករព័រទុយហ្កាល់ Nuno Borges៕អត្ថបទ៖នាង សុភាវុធ

សហព័ន្ធបាល់បោះរទេះជនពិការចាប់ផ្ដើមរឹងមាំ ក្រោយដើរដួលជាច្រើនឆ្នាំ

បាល់បោះ៖ សហព័ន្ធបាល់បោះរទេះជនពិការកម្ពុជាចាប់ផ្ដើមរឹងមាំជាមួយផែនការការងារ និងទិសដៅដ៏ច្បាស់លាស់ បន្ទាប់ពីសហព័ន្ធនេះបានដើរដួលអស់ជាច្រើនឆ្នាំដោយសារគ្មានម៉ាស៊ីនដឹកនាំ មុនប្រកាសឯកឧត្តម លី ធុជ ទេសរដ្ឋមន្ដ្រីទទួលបន្ទុកបេសកកម្មពិសេសអាជ្ញាធរមីន ជាប្រធានសហព័ន្ធលើកដំបូងកាលពីថ្ងៃទី២៧ ខែមិថុនា ឆ្នាំ២០២២ ម្សិលមិញ។ លោក មុយ ស៊ឹ អគ្គលេខាធិការសហព័ន្ធបានបង្ហាញនូវមោទនភាព ដែលឯកឧត្តមទេសរដ្ឋមន្ដ្រីបានឯកភាពមកដឹកនាំសហព័ន្ធធ្វើឲ្យកីឡាករ-កីឡាការិនីបាល់បោះរទេះជនពិការកម្ពុជាកាន់តែមានក្ដីសង្ឃឹម ក្នុងការខិតខំប្រឹងប្រែងហ្វឹកហាត់ ដើម្បីត្រៀមចូលរួមការប្រកួត និងដណ្ដើមមេដាយជូនជាតិក្នុងព្រឹត្តិការណ៍អន្ដរជាតិនានា ពិសេសកីឡាអាស៊ានប៉ារ៉ាហ្គេមលើកទី១២ ដែលកម្ពុជាធ្វើម្ចាស់ផ្ទះតែម្ដង។ បុរសពិការជើងដែលទទួលបានការគាំទ្រធ្វើជាអគ្គលេខាធិការសហព័ន្ធកាលពីឆ្នាំ២០១៩ ដដែលបន្ដថា ពីមុនសហព័ន្ធជួបការលំបាកដោយសារខ្វះខាតសម្ភារៈហ្វឹកហាត់ពិសេសរទេះ ។ តែពេលនេះសហព័ន្ធមានឧបករបច្ចេកទេសត្រឹមត្រូវ ហើយបូករួមជាមួយសក្ដានុពលធនធានកីឡាករ-កីឡាការិនីស្រាប់ លោកសង្ឃឹម និងមានការតាំងចិត្តខ្ពស់ សម្រាប់ការប្រកួតកីឡាអាស៊ានប៉ារ៉ាហ្គេមជាប្រវត្តិសាស្ដ្រនៅកម្ពុជា។សូមរំឭកថា សហព័ន្ធបាល់បោះរទេះជនពិការកម្ពុជាបានកកើតតាំងពីឆ្នាំ២០១២ តែរយៈពេល ១០ឆ្នាំមកនេះ សហព័ន្ធពុំមានប្រធានសហព័ន្ធដើម្បីដឹកនាំនោះទេរហូតដល់ថ្ងៃទី២៧ ខែមិថុនា ឆ្នាំ២០២២ ទើបសហព័ន្ធមានការអញ្ជើញ និងការឯកភាពពីសំណាក់ឯកឧត្តមទេសរដ្ឋមន្ដ្រី លី ធុជ ចូលកាន់តំណែងដ៏សំខាន់នេះដើម្បីដឹកនាំសហព័ន្ធឆ្ពោះទៅរកការអភិវឌ្ឍ និងរីកចម្រើន ក្នុងនោះក៏មានការជួយឧបត្ថម្ភគាំទ្រពីមូលនិធិសប្បុរសធម៌របស់ក្រុមហ៊ុនព្រីនស៍ ហូលឌីង គ្រុប ទៀតផង៕អត្ថបទ លី ឈុនឡា

ប្រតិភូអាស៊ានប៉ារ៉ាហ្គេមបើកកិច្ចប្រជុំលម្អិតអំពីការទទួលទង់ និងការប្រកួតនៅឥណ្ឌូនេស៊ី

អាស៊ានប៉ារ៉ាហ្គេម៖ ប្រតិភូកីឡាអាស៊ានប៉ាហ្គេមកម្ពុជារួមទាំងមន្ដ្រីជំនាញនៅថ្ងៃទី២៧ ខែមិថុនា ឆ្នាំ២០២២ បានបើកកិច្ចប្រជុំពិភាក្សាលម្អិតអំពីការត្រៀមលក្ខណៈទទួលទង់កីឡាអាស៊ានប៉ារ៉ាហ្គេម ដើម្បីបន្ដវេនធ្វើម្ចាស់ផ្ទះនាឆ្នាំ២០២៣ និងការចូលរួមរបស់ប្រតិភូ គ្រូបង្វឹក និងអត្តពលិកជនពិការកម្ពុជានៅក្នុងព្រឹត្តិការណ៍កីឡាអាស៊ានប៉ារ៉ាហ្គេមលើកទី១១ នៅទីក្រុងសូឡូចាប់ពីថ្ងៃទី៣០ ខែកក្កដាដល់ថ្ងៃទី០៦ ខែសីហា ឆ្នាំ២០២២ ខាងមុខ។កិច្ចប្រជុំនេះដឹកនាំដោយឯកឧត្តម វ៉ាត់ ចំរើន អគ្គលេខាធិការគណៈកម្មាធិការ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) និងជាអគ្គលេខាធិការគណៈកម្មាធិការជាតិ រៀបចំការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ នៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC)។ ក្រោយបញ្ចប់កិច្ចប្រជុំឯកឧត្តម យី វាសនា អគ្គលេខាធិការរងនៃគណៈកម្មាធិការ រៀបចំការប្រកួតកីឡាអាស៊ានប៉ារ៉ាហ្គេមលើកទី១២ បានគូសបញ្ជាក់ថា កិច្ចប្រជុំនេះបានពិភាក្សាលម្អិតអំពីដំណើរឆ្ពោះទៅ ចូលរួមការប្រកួតកីឡាអាស៊ានប៉ារ៉ាហ្គេមលើកទី១១ ដែលជាការស្វែងរកនូវឧត្តមភាពផ្នែកបច្ចេកទេសកីឡាផង និងការចូលរួមដើម្បីសិក្សារៀនសូត្រ និងដកស្រង់បទពិសោធន៍សម្រាប់ត្រៀមធ្វើម្ចាស់ផ្ទះនាឆ្នាំ២០២៣ ផង។លើសពីនេះ កិច្ចប្រជុំក៏បានជជែកអំពីការទទួលទង់កីឡាអាស៊ានប៉ារ៉ាហ្គេមពីឥណ្ឌូនេស៊ីនាថ្ងៃទី០៦ ខែសីហាខាងមុខ ហើយគ្រោងនឹងរៀបចំក្បួនដង្ហែ បន្ទាប់ពីទង់តំណាងឲ្យព្រឹត្តិការណ៍កីឡាជនពិការប្រចាំតំបន់អាស៊ាននេះ ធ្វើដំណើរមកដល់ប្រទេសកម្ពុជាផងដែរ។ ឯកឧត្តម យី វាសនា បន្ថែមថា ឆ្នាំនេះកម្ពុជាបានបញ្ជូនប្រតិភូ និងអត្តពលិកប្រមាណ ១៦០នាក់ដែលជាចំនួនដ៏ច្រើន បើធៀបនឹងការចូលរួមប្រកួតកីឡាអាស៊ានប៉ារ៉ាហ្គេមមុនៗ។ ឯកឧត្តមពន្យល់ថា ការបញ្ចូនប្រតិភូ និងអត្ដពលិកទៅច្រើននេះ ក្រៅពីស្វែងរកនូវឧត្តមភាពលក្ខណៈបច្ចេកទេស ក៏ដើម្បីសិក្សារៀនសូត្រ និងដកស្រង់បទពិសោធន៍ដើម្បីយកមករៀបចំ និងធ្វើម្ចាស់ផ្ទះការប្រកួតកីឡាអាស៊ានប៉ារ៉ាហ្គេម លើកទី១២ នាឆ្នាំ២០២៣ នៅកម្ពុជាផងដែរ៕អត្ថបទ៖ លី ឈុនឡា

Chelsea ទាក់ទងមកកាន់ Manchester City ផ្លូវការរឿងចរចាទិញ Raheem Sterling

បាល់ទាត់៖ រឿងរ៉ាវផ្ទេរខ្សែបម្រើប្រយុទ្ធអង់គ្លេស Raheem Sterling ពី Manchester City ទៅកាន់ Chelsea ខិតជិតចេញជារូបរាងហើយ បន្ទាប់ពីក្លិបនៅទីក្រុងឡុងដ៍បានទាក់ទងផ្លូវការក្នុងការចរចាផ្ទេរ។ Chelsea រំពឹងថា វត្តមានរបស់ Raheem Sterling នឹងអាចប៉ះប៉ូវនៅពេល Romelu Lukaku ចាកចេញទៅកាន់ Inter Milan ខណៈអនាគតរបស់ Hakim Ziyech និង Christian Pulisic ក៏នៅស្រពិចស្រពិលដែរ។ គេមិនបានបង្ហាញពីតំលៃនៃសំណើរបស់ Chelsea ទៅកាន់ Manchester City ឡើយក្នុងការនាំយកកីឡាករវ័យ ២៧ឆ្នាំរូបនេះ តែត្រូវបានគេដឹងថាការផ្ទេរនឹងមិនក្រោមតម្លៃ ៤៥លានផោនឡើយ។ កីឡាករវ័យ ២៧ឆ្នាំរូបនេះទើបតែឈ្នះជើងឯក English Premier League លើកទី៤ ជាមួយ Manchester City តែ Sterling បានត្រឹមអង្គុយកៅអីបម្រុងប៉ុណ្ណោះនៅសប្តាហ៍ចុងក្រោយដែលយកឈ្នះ Aston Villa ក៏ដូចជាវគ្គពាក់កណ្តាលផ្តាច់ព្រ័ត្រ Champions League ទាំងពីរជើងនៅពេលចាញ់ Real Madrid។នៅសល់តែ ១ឆ្នាំទៀតកិច្ចសន្យារបស់ Sterling នឹងអស់សុពលភាព ដែលធ្វើឱ្យកីឡាករអង់គ្លេសរូបនេះត្រូវសំរេចចិត្តពីអនាគតរបស់ខ្លួន។ Raheem Sterling កំពុងត្រូវការពេលវេលាលេងបាល់ទៀតទាត់មួយ ដើម្បីឱកាសបង្ហាញខ្លួនឱ្យក្រុមជំរើសជាតិអង់គ្លេសនៅ World Cup ទឹកដីកាតាចុងឆ្នាំនេះ៕អត្ថបទ៖នាង សុភាវុធ

Francesco Bagnaia ឈ្នះការប្រណាំង MotoGP នៅប្រទេសហូឡង់

ប្រណាំងម៉ូតូ៖ កីឡាករអ៊ីតាលី Francesco Bagnaia បានប្រជែងឈ្នះការប្រណាំង MotoGP នៅប្រទេសហូឡង់ បន្ទាប់ពីអ្នកនាំមុខគេក្នុងតារាងជើងឯក Fabio Quartararo ជួបគ្រោះថ្នាក់។ Quartararo បានដួលដល់ទៅពីរលើកពោលគឺលើកដំបូងអាចបន្តការប្រកួត តែលើកទី២ នៅពេលសល់ ១៤ជុំទៀតចប់ក៏ដួលមកម្តងទៀតដល់របួសជើងមិនអាចបន្តការប្រកួតបាន។ ចំណែកឯកីឡាកររបស់ក្រុម Ducati, Francesco Bagnaia មិនមានបញ្ហាធំដុំឡើយក្នុងការប្រកួតនេះ ពោលគឺជាអ្នកចេញដំណើរមុខគេ និងរក្សាការនាំមុខដល់ទីបញ្ចប់។ លេខ ២ ក្នុងការប្រកួតបានទៅកីឡាករអ៊ីតាលីរបស់ក្រុម Ducati មួយរូបទៀត Marco Bezzechi និងលេខ ៣ កីឡាករអេស្ប៉ាញ Maverick Vinales របស់ក្រុម Yamaha។ យ៉ាងណាក្តីក្រោយប្រណាំងបាន ១១ទីលានរដូវកាលនេះ Fabio Quartararo នៅតែបន្តនាំមុខគេក្នុងតារាងជើងឯកពិភពលោកដដែលមានសរុប ១៧២ពិន្ទុ តាមពីក្រោយដោយកីឡាករអេស្ប៉ាញ Aleix Espagaro មាន ១៣៨ពិន្ទុ និងលេខ ៣ Johann Zarco មាន ១១១ពិន្ទុ។ ទីលានបន្ទាប់ដែលជាទីលានទី១២ ក្នុងចំណោម ២០ទីលានក្នុងរដូវកាល ២០២២ នេះ MotoGP នឹងបន្តដំណើរទៅចក្រភពអង់គ្លេសនៅថ្ងៃទី៧ ខែកក្កដាខាងមុខ៕អត្ថបទ៖នាង សុភាវុធ

Hubert Hurkacz សន្យាផ្តល់ ១០០អឺរ៉ូរាល់ការចេញសេវាបានពិន្ទុម្តងៗដើម្បីជួយអ៊ុយក្រែន

វាយកូនបាល់៖ កីឡាករវាយកូនបាល់ប៉ូឡូញ Hubert Hurkacz បានសន្យាផ្តល់ ១០០អឺរ៉ូរាល់ការចេញសេវាបានពិន្ទុម្តងៗនៅការប្រកួត Grand Slam, Wimbledon ដើម្បីជួយដល់ប្រជាជនអ៊ុយក្រែនដែលរងគ្រោះដោយសារសង្គ្រាម។ កីឡាករប៉ូឡូញវ័យ ២៥ឆ្នាំរូបនេះត្រូវបានគេស្គាល់ថា ជាកំពូលកីឡាករដែលពូកែចេញសេវា ពោលគឺឈរលេខ ៣ ក្នុងតារាងកីឡាករដែលចេញសេវាបានពិន្ទុខ្ពស់បំផុតរបស់ ATP ក្នុងឆ្នាំនេះ ដោយមានសរុបដល់ទៅ ៤៥២លើកតាមពីក្រោយកីឡាករអាមេរិកទាំងពីរ John Isner និង Reilly Opelka។ការប្រកួតនៅលើទីលានវាលស្មៅ ៦ប្រកួតចុងក្រោយរបស់ Hurkacz គេធ្វើវាយសេវាបានពិន្ទុដល់ទៅ ៧០លើកទៅហើយ ពោលគឺការប្រកួតសប្តាហ៍មុននៅអាល្លឺម៉ង់ដែលឈ្នះជើងឯកកម្មវិធី Halle Open ក្រោយយកឈ្នះកីឡាករលេខ ១ ពិភពលោក Daniil Medvedev នៅវគ្គផ្តាច់ព្រ័ត្រ។ Hubert Hurkacz នឹងចាប់ផ្តើមប្រកួតនៅ Grand Slam, Wimbledon ឆ្នាំនេះជុំដំបូងជួបជាមួយកីឡាករអេស្ប៉ាញ Alejandro Davidovich Fokina នៅថ្ងៃចន្ទនេះ៕អត្ថបទ៖នាង សុភាវុធ

ក្រុមឡើងថ្មី Nottingham Forest ទិញបានកីឡាករថ្លៃបំផុតបំបែកកំណត់ត្រាក្លិប

បាល់ទាត់៖ ក្លិបបាល់ទាត់ដែលទើបឡើងមកក្របខណ្ឌ English Premier League, Nottingham Forest បានសំរេចក្នុងការនាំយកកីឡាករដែលមានតម្លៃថ្លៃបំផុតក្នុងប្រវត្តិសាស្ត្រក្លិប ដើម្បីត្រៀមរដូវកាលថ្មីនៅក្របខណ្ឌកំពូល។ ខ្សែប្រយុទ្ធនីហ្សេរីយ៉ា Taiwo Awoniyi បានផ្លាស់ពីក្លិបអាល្លឺម៉ង់ Union Berlin មកកាន់ Nottingham Forest ក្នុងតម្លៃ ១៧លានផោនជាមួយនឹងកិច្ចសន្យា ៥ឆ្នាំ។ កីឡាករវ័យ ២៤ឆ្នាំរូបនេះបានស៊ុតបញ្ចូលទី ២០គ្រាប់ក្នុងការបង្ហាញខ្លួន ៤៣ប្រកួតគ្រប់ក្របខណ្ឌរដូវកាលមុន និង ១៥គ្រាប់នៅ Bundesliga ក្នុងការបង្ហាញខ្លួនក្នុងលីគ ៣១ប្រកួត ឈរលេខ ៦ ក្នុងតារាងអ្នកស៊ុតបញ្ចូលទីច្រើនបំផុតប្រចាំរដូវកាល និងជួយ Union Berlin បានលេខ ៥ មានកៅអីនៅក្របខណ្ឌអឺរ៉ុប UEFA Europa League ជាលើកដំបូងតាំងពីឆ្នាំ២០០២។ Taiwo Awoniyi ដំបូងជាកីឡាកររបស់ Liverpool តាំងពីឆ្នាំ២០១៥ តែមិនដែលបង្ហាញខ្លួនឡើយ ហើយក៏បានចំណាយពេល ៦ឆ្នាំរបស់ខ្លួនជាកីឡាករខ្ចីជើង ដែលចុងក្រោយនៅ Union Berlin មុនពេលផ្លាស់ផ្លូវការនៅខែកក្កដា ឆ្នាំ២០២១។Taiwo Awoniyi បានបង្ហាញខ្លួនដំបូងឱ្យក្រុមជំរើសជាតិនីហ្សេរីយ៉ាកាលពីខែកក្កដា និងសរុបចូលលេងបាន ៤ប្រកួតរកបានមួយគ្រាប់ពេលនីហ្សេរីយ៉ាយកឈ្នះសូដង់កាលពីខែមករា នៅពានរង្វាន់ជើងឯកអាហ្វ្រិក។ Nottingham Forest ក៏រំពឹងថានឹងនាំយកអ្នកចាំទី Manchester United, Dean Henderson ផងដែរក្នុងលក្ខខណ្ឌខ្ចីជើង ហើយក៏កំពុងចរចានាយកខ្សែការពារកណ្តាល Moussa Niakhate ពី Mainz ផងដែរ៕អត្ថបទ៖នាង សុភាវុធ

Gareth Bale ព្រមព្រៀងផ្លាស់ទៅកាន់ក្លិបអាមេរិក Los Angeles FC

បាល់ទាត់៖ ប្រធានក្រុមបាល់ទាត់ជំរើសជាតិវែល Gareth Bale រកទ្រនំថ្មីឃើញហើយ ក្រោយឈានដល់កិច្ចព្រមព្រៀងផ្លាស់ទៅកាន់ក្លិបអាមេរិក Los Angeles FC។ ខ្សែប្រយុទ្ធវ័យ ៣២ឆ្នាំរូបនេះបានចាកចេញពី Real Madrid ក្រោយកិច្ចសន្យាអស់សុពលភាពបន្ទាប់ពីការចំណាយពេល ៩ឆ្នាំនៅទីក្រុង Madrid។ ម្ចាស់ជ័យលាភី Champions League ៥លើករូបនេះ មុននេះត្រូវបានគេរំពឹងថានឹងអាចផ្លាស់មកកាន់ទឹកដីអង់គ្លេសវិញជាមួយ Tottenham Hotpsur រឺក្លិបនៅប្រទេសកំណើត Cardiff City។ មកដល់ពេលនេះក្លិបនៅក្របខណ្ឌ Major League Soccer មួយនេះមិនទាន់ប្រកាសផ្លូវការនៅឡើយពីការផ្ទេររបស់ Gareth Bale តែសាមីខ្លួនកីឡាករបានបង្ហោះលើបណ្តាញសង្គម Twitter ថា ជួបគ្នាឆាប់ៗ Los Angeles។Gareth Bale ដែលផ្លាស់ទៅកាន់ Real Madrid កាលពីឆ្នាំ២០១៣ ក្នុងតម្លៃផ្ទេរថ្លៃបំផុតលើលោកនៅពេលនោះ ៨៥លានផោន នឹងដើរតាមលំនាំខ្សែការពារជើងចាស់អ៊ីតាលី Giorgio Chiellini ដែលផ្លាស់មកកាន់ LAFC កាលពីខែមុន។ LAFC ដែលកំពុងស្ថិតក្រោមការដឹកនាំរបស់អតីតជំរើសជាតិអាមេរិកលោក Steve Cherundolo បច្ចុប្បន្នកំពុងឈរលើគេនៅក្របខណ្ឌ Major League Soccer៕អត្ថបទ៖នាង សុភាវុធ

Manchester United សង្ឃឹមថា Ronaldo មិនចាកចេញក្រោយមានក្លិបច្រើនទាក់ទង

បាល់ទាត់៖ ក្លិបបិសាចក្រហម Manchester United រំពឹងថាខ្សែប្រយុទ្ធជួរមុខ Cristiano Ronaldo មិនចាកចេញ បើទោះបីជាមានក្លិបជាច្រើនព្យាយាមទាក់ទង។ តោខៀវ Chelsea និង Bayern Munich សុទ្ធតែត្រូវបានសារព័ត៌មានល្បីៗជុំវិញអឺរ៉ុបចុះផ្សាយថា កំពុងព្យាយាមទាក់ទងនាំយកខ្សែប្រយុទ្ធវ័យ ៣៧ឆ្នាំរូបនេះ។ភ្នាក់ងាររបស់ Ronaldo លោក Jorge Mendes បានជួបជាមួយម្ចាស់ក្លិបថ្មីរបស់ Chelsea លោក Todd Boehly សប្តាហ៍មុន ខណៈការជួបពិភាក្សារគ្នានោះក៏មានរឿងផ្ទេរ Ronaldo ផងដែរ។ ជាមួយគ្នានោះដែរក្រុមជើងឯកអាល្លឺម៉ង់ Bayern Munich ក៏ត្រូវបានគេដឹងថាបានទាក់ទងមកកាន់ Ronaldo ផងដែរក្នុងការស្វែងរកខ្សែប្រយុទ្ធជំនួសតំណែង Robert Lewandowski ដែលខិតជិតផ្ទេរទៅកាន់ Barcelona។ Manchester United បានបញ្ជាក់ច្បាស់ថា Cristiano Ronaldo មិនស្ថិតក្នុងបញ្ជីលក់ចេញឡើយ ស្របពេលកិច្ចសន្យារបស់ខ្សែប្រយុទ្ធព័រទុយហ្កាល់រូបនេះនៅសល់ ១ឆ្នាំទៀតនៅ Old Trafford ហើយ Ronaldo ក៏ស្ថិតក្នុងជំរើសជួរមុខរបស់អ្នកចាត់ការថ្មី Erik ten Hag ផងដែរ។អ្វីដែលគេបារម្ភនោះគឺ Ronaldo ដែលស៊ុតបញ្ចូលទីបាន ១៨គ្រាប់នៅ Premier League រដូវកាលមុននោះ ចង់ឈ្នះពាន UEFA Champions League ខណៈដែល Manchester United មិនមានតំណែងនៅក្របខណ្ឌកំពូលអឺរ៉ុបមួយនេះឡើយ៕អត្ថបទ៖នាង សុភាវុធ

Neymar គ្រោងចាកចេញពី PSG ហើយមុនរដូវកាលថ្មីចាប់ផ្តើម

បាល់ទាត់៖ ខ្សែប្រយុទ្ធប្រេស៊ីល Neymar កំពុងពិចារណាពីការចាកចេញពីក្លិបបារាំង Paris Saint Germain ហើយមុនរដូវកាលថ្មីចាប់ផ្តើមខាងមុខនេះ។ សារព័ត៌មាន RMC Sport បានចុះផ្សាយថា Neymar មិនសប្បាយចិត្តឡើយ ក្រោយការលើកឡើងរបស់ប្រធានក្លិប Nasser Al-Khelaifi ថ្មីៗនេះនិយាយជុំវិញស្ថានភាពក្រុមរដូវកាលមុន។ លោក Al-Khelaifi បាននិយាយថា PSG ត្រូវតែមានការផ្លាស់ប្តូរ កីឡាករទាំងអស់ត្រូវមានការប្តេជ្ញាចិត្តខ្ពស់ជាងនេះ ត្រូវតែមានការផ្លាស់ប្តូរដោយមិនគួរងាយរងរបួស កាត់បន្ថយកំហុស ដែលប៉ះពាល់ដល់លទ្ធផលក្រុមទាំងមូល។ កីឡាករប្រេស៊ីល Neymar នៅមានកិច្ចសន្យារបស់គេជាមួយ PSG ដល់ឆ្នាំ២០២៧ ឯណោះ តែលទ្ធភាពនៃការលក់ចេញកីឡាករវ័យ ៣០ឆ្នាំរូបនេះនឹងអាចកើតមាន យោងតាមស្ថានភាពក្លិបនាពេលបច្ចុប្បន្ន។ ក្លិបជាច្រើនត្រូវបានគេដឹងថា បានទាក់ទងមកកាន់ Neymar ដូចជា Barcelona និង Real Madrid តែលទ្ធភាពដែលអាចទៅកាន់ទឹកដីអេស្ប៉ាញហាក់លំបាកដោយសារបញ្ហាហិរញ្ញវត្ថុ។ក្លិបនៅអង់គ្លេសមួយចំនួនដូចជា Chelsea, Newcastle និង Manchester United ក៏បង្ហាញជំហរក្នុងការចរចាយកកីឡាករប្រេស៊ីលរូបនេះដែរ តែបញ្ហានោះគឺ Neymar មិនចង់លេងនៅទឹកដីអង់គ្លេសឡើយ។ រំលឹកថា Neymar រកបានត្រឹម ១៣គ្រាប់ និងបញ្ជូន ៨ ក្នុងការបង្ហាញខ្លួន ២៨ប្រកួតឱ្យ PSG រដូវកាលមុន តែក៏ធ្លាប់ត្រូវបានចំអកដោយអ្នកគាំទ្រមួយចំនួនដែរ ជុំវិញបញ្ហារបួសញាំញីរបស់គេពីមួយរដូវកាលទៅមួយរដូវកាល៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

កងកម្លាំងយោធា និងសមត្ថកិច្ចការពារព្រំដែនភូមិសាស្ត្រស្រុកម៉ាឡៃ បង្ក្រាបទំនិញថៃឆ្លងដែនដោយខុសច្បាប់ ពីសំណាក់ក្រុមឈ្មួញលួចនាំចូលមកកម្ពុជា (សាច់បង្កក់នាំពីថៃចូលមក)

រដ្ឋមន្រ្តីក្រសួងសេដ្ឋកិច្ច ប្រកាសដាក់ឱ្យអនុវត្តយុទ្ធសាស្រ្តជាតិស្តីពីការអភិវឌ្ឍធុរកិច្ចថ្មីឆ្នាំ២០២៦-២០៣០

បេសកជន UN ព្រមានថា ការវាយប្រហាររបស់ក្រុមហ៊ូទីអាចរុញយេម៉ែនត្រឡប់ទៅរកសង្គ្រាម ទ្រង់ទ្រាយធំ

ការវាយប្រហាររបស់អ្នកតាំងទីលំនៅអ៊ីស្រាអែលលើភូមិ Al-Mughayyir បង្ហាញពីអំពើហិង្សាកើនឡើងនៅវេសបែង

រដ្ឋាភិបាលយេម៉ែនប្តេជ្ញាចាត់វិធានការឆ្លើយតប ខណៈការវាយប្រហាររបស់ក្រុមហ៊ូទីកាន់តែខ្លាំងឡើង

ក្រុម AOT ចុះសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅចំណុចសាលាបឋមសិក្សាតេជោមរកត ឃុំមរកត ស្រុកជាំក្សាន្ត ខេត្តព្រះវិហារ

បេក្ខជនប្រឡងបាក់ឌុបមួយចំនួនពិចារណាងាកមករៀនជំនាញបច្ចេកទេស ក្រោយប្រកាសលទ្ធផលប្រឡង

សម្តេចធិបតី ដឹកនាំកិច្ចប្រជុំឧត្តមក្រុមប្រឹក្សា ដើម្បីវាយតម្លៃចំពោះការផ្តល់ទស្សនទានស្ថាបនារបស់គណបក្សនយោបាយ

បេក្ខជនប្រឡងបាក់ឌុប នៅតែមានភាពជឿជាក់សម្រាប់ការប្រឡងលើមុខវិជ្ជាគោលនៅថ្ងៃចុងក្រោយ

អ្នកនាំពាក្យក្រសួងបរិស្ថាន៖ អ្នកផលិតមាតិកា ជាអ្នកចេះដឹងគួរតែនិយាយ និងជំរុញការការពារសត្វព្រៃ ជាជាងលើកទឹកចិត្តឱ្យបរិភោគដែលផ្ទុយនឹងច្បាប់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Marin Cilic មិនអាចប្រកួតនៅ Wimbledon បានក្រោយតេស្តវិជ្ជមានកូវីដ-១៩

សហព័ន្ធបាល់បោះរទេះជនពិការចាប់ផ្ដើមរឹងមាំ ក្រោយដើរដួលជាច្រើនឆ្នាំ

ប្រតិភូអាស៊ានប៉ារ៉ាហ្គេមបើកកិច្ចប្រជុំលម្អិតអំពីការទទួលទង់ និងការប្រកួតនៅឥណ្ឌូនេស៊ី

Chelsea ទាក់ទងមកកាន់ Manchester City ផ្លូវការរឿងចរចាទិញ Raheem Sterling

Francesco Bagnaia ឈ្នះការប្រណាំង MotoGP នៅប្រទេសហូឡង់

Hubert Hurkacz សន្យាផ្តល់ ១០០អឺរ៉ូរាល់ការចេញសេវាបានពិន្ទុម្តងៗដើម្បីជួយអ៊ុយក្រែន

ក្រុមឡើងថ្មី Nottingham Forest ទិញបានកីឡាករថ្លៃបំផុតបំបែកកំណត់ត្រាក្លិប

Gareth Bale ព្រមព្រៀងផ្លាស់ទៅកាន់ក្លិបអាមេរិក Los Angeles FC

Manchester United សង្ឃឹមថា Ronaldo មិនចាកចេញក្រោយមានក្លិបច្រើនទាក់ទង

Neymar គ្រោងចាកចេញពី PSG ហើយមុនរដូវកាលថ្មីចាប់ផ្តើម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Marin Cilic មិន​អាច​ប្រកួត​នៅ Wimbledon បាន​ក្រោយ​តេស្ត​វិជ្ជមាន​កូ​វីដ​-១៩

សហព័ន្ធ​បាល់បោះ​រទេះ​ជន​ពិការ​ចាប់ផ្ដើម​រឹងមាំ ក្រោយ​ដើរ​ដួល​ជាច្រើន​ឆ្នាំ​

ប្រតិភូ​អាស៊ាន​ប៉ា​រ៉ា​ហ្គេម​បើក​កិច្ចប្រជុំ​លម្អិត​អំពី​ការ​ទទួល​ទង់ និង​ការប្រកួត​នៅ​ឥណ្ឌូនេស៊ី​

Chelsea ទាក់ទង​មកកាន់ Manchester City ផ្លូវការ​រឿង​ចរចា​ទិញ Raheem Sterling

Francesco Bagnaia ឈ្នះ​ការប្រណាំង MotoGP នៅ​ប្រទេស​ហូ​ឡង់​

Hubert Hurkacz សន្យា​ផ្តល់ ១០០អឺរ៉ូ​រាល់​ការចេញ​សេវា​បាន​ពិន្ទុ​ម្តងៗ​ដើម្បី​ជួយ​អ៊ុយ​ក្រែ​ន​

ក្រុម​ឡើង​ថ្មី Nottingham Forest ទិញ​បាន​កីឡាករ​ថ្លៃ​បំផុត​បំបែក​កំណត់ត្រា​ក្លិប

Gareth Bale ព្រមព្រៀង​ផ្លាស់​ទៅកាន់​ក្លិប​អាមេរិក Los Angeles FC

Manchester United សង្ឃឹមថា Ronaldo មិន​ចាកចេញ​ក្រោយ​មាន​ក្លិប​ច្រើន​ទាក់ទង​

Neymar គ្រោង​ចាក​ចេញពី PSG ហើយ​មុន​រដូវ​កាល​ថ្មី​ចាប់ផ្តើម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Marin Cilic មិនអាចប្រកួតនៅ Wimbledon បានក្រោយតេស្តវិជ្ជមានកូវីដ-១៩

សហព័ន្ធបាល់បោះរទេះជនពិការចាប់ផ្ដើមរឹងមាំ ក្រោយដើរដួលជាច្រើនឆ្នាំ

ប្រតិភូអាស៊ានប៉ារ៉ាហ្គេមបើកកិច្ចប្រជុំលម្អិតអំពីការទទួលទង់ និងការប្រកួតនៅឥណ្ឌូនេស៊ី

Chelsea ទាក់ទងមកកាន់ Manchester City ផ្លូវការរឿងចរចាទិញ Raheem Sterling

Francesco Bagnaia ឈ្នះការប្រណាំង MotoGP នៅប្រទេសហូឡង់

Hubert Hurkacz សន្យាផ្តល់ ១០០អឺរ៉ូរាល់ការចេញសេវាបានពិន្ទុម្តងៗដើម្បីជួយអ៊ុយក្រែន

ក្រុមឡើងថ្មី Nottingham Forest ទិញបានកីឡាករថ្លៃបំផុតបំបែកកំណត់ត្រាក្លិប

Gareth Bale ព្រមព្រៀងផ្លាស់ទៅកាន់ក្លិបអាមេរិក Los Angeles FC

Manchester United សង្ឃឹមថា Ronaldo មិនចាកចេញក្រោយមានក្លិបច្រើនទាក់ទង

Neymar គ្រោងចាកចេញពី PSG ហើយមុនរដូវកាលថ្មីចាប់ផ្តើម