BTV NEWS

កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់ទាត់តំបន់អាស៊ីអាគ្នេយ៍ (ASEAN Hyundai Cup 2026)

វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត

Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន

មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

ព័ត៌មានកីឡា

Vincent Kompany៖ Bayern Munich ត្រៀមរួចរាល់ក្នុងការកក់កៅអីវគ្គផ្តាច់ព្រ័ត្រ Champions League

ក្លិបយក្សអាល្លឺម៉ង់ Bayern Munich កំពុងឈានដល់ជំហានសំខាន់មួយក្នុងការប្រកួតអឺរ៉ុប ខណៈពួកគេនៅសល់តែមួយប្រកួតប៉ុណ្ណោះ ដើម្បីឈានទៅវគ្គផ្តាច់ព្រ័ត្រ UEFA Champions League។គ្រូបង្វឹក Vincent Kompany បាននិយាយមុនការប្រកួតជើងទី២ វគ្គពាក់កណ្តាលផ្តាច់ព្រ័ត្រ ទល់នឹងក្លិបបារាំង Paris Saint-Germain ថា កីឡាករ និងអ្នកគាំទ្ររបស់ Bayern កំពុងត្រៀមខ្លួនសម្រាប់ពេលវេលាដ៏អស្ចារ្យមួយ។ក្នុងការប្រកួតជើងទី១ PSG ដែលជាជើងឯកឆ្នាំមុន បានយកឈ្នះយ៉ាងតានតឹង ៥-៤ បន្ទាប់ពី Bayern តាមពីក្រោយ ៥-២។ ទោះជាយ៉ាងណា Kompany បានបញ្ជាក់ថា ក្រុមរបស់គាត់មានទំនុកចិត្តខ្ពស់មុនការប្រកួតជើងទីពីរទោះកំពុងតាមពីក្រោយមួយគ្រាប់ក៏ដោយ។Kompany បាននិយាយថា៖ “ខ្ញុំមានអារម្មណ៍មួយថា ពួកយើងនឹងបន្តជំហានបន្ទាប់ជាមួយគ្នា។ នៅដើមរដូវកាល មានមនុស្សតិចណាស់ជឿថា យើងអាចមានឱកាសដល់កម្រិតនេះ។ ប៉ុន្តែឥឡូវនេះ យើងនៅទីនេះ ហើយអ្នកគាំទ្រជឿជាក់លើយើង ដើម្បីធ្វើឲ្យពេលវេលានេះក្លាយជាអ្វីដែលមិនអាចភ្លេចបាន”។នៅក្រោមការដឹកនាំរដូវកាលទី២របស់ Kompany គេឃើញ Bayern Munich ឈ្នះពាន Bundesliga រួចរាល់ ហើយកំពុងមានឱកាសឈ្នះពានក្នុងស្រុកមួយទៀត ប្រសិនបើពួកគេអាចយកឈ្នះ Stuttgart ក្នុងវគ្គផ្តាច់ព្រ័ត្រ German Cup នៅថ្ងៃទី ២៣ ខែឧសភា៕ អត្ថបទ៖នាង សុភាវុធ

Phil Foden ព្រមព្រៀងកិច្ចសន្យាថ្មី ៤ឆ្នាំបន្ថែមជាមួយ Manchester City

កីឡាករអង់គ្លេស Phil Foden បានឈានដល់កិច្ចព្រមព្រៀងលើកិច្ចសន្យាថ្មីរយៈពេល ៤ ឆ្នាំជាមួយក្លិបបាល់ទាត់ Manchester City ដែលនឹងធ្វើឲ្យរូបគេបន្តស្នាក់នៅកីឡដ្ឋាន Etihad រហូតដល់ឆ្នាំ ២០៣០ ហើយមានជម្រើសបន្ថែមមួយឆ្នាំទៀតផងដែរ។កីឡាករវ័យ ២៥ ឆ្នាំរូបនេះ មានកិច្ចសន្យាចាស់ដែលនឹងផុតកំណត់នៅរដូវក្តៅឆ្នាំក្រោយ ប៉ុន្តែការព្រមព្រៀងលើលក្ខខណ្ឌថ្មីនេះ បង្ហាញពីការប្តេជ្ញាចិត្តរបស់ភាគីទាំងពីរក្នុងការបន្តសហការគ្នាទៅមុខ ទោះបីជា Foden កំពុងជួបបញ្ហាទម្រង់លេងមួយរយៈចុងក្រោយក៏ដោយ និងមិនទាន់រកគ្រាប់បាល់បានចាប់តាំងពីថ្ងៃទី ១៤ ខែធ្នូកន្លងមកម្ល៉េះ។នៅក្នុងការប្រកួតចុងក្រោយ កាលពីថ្ងៃចន្ទ កន្លងទៅ Foden បានចូលលេងជាកីឡាករបម្រុង ក្នុងការប្រកួតស្មើគ្នា ៣-៣ ជាមួយ Everton ដែលលទ្ធផលនេះធ្វើឲ្យ City ត្រូវតាមពីក្រោយ ៥ ពិន្ទុពីក្រុមកំពូលតារាង Arsenal ក្នុងក្របខណ្ឌ Premier League ខណៈពួកគេនៅមានមួយប្រកួតនៅដៃ។ចំពោះកម្រិតជាតិ Foden កំពុងសង្ឃឹមថានឹងអាចរកកន្លែងមួយក្នុងបញ្ជីកីឡាកររបស់ក្រុមជម្រើសជាតិអង់គ្លេស ដែលដឹកនាំដោយគ្រូបង្វឹក Thomas Tuchel សម្រាប់ការប្រកួតពានរង្វាន់ FIFA World Cup នៅរដូវក្តៅខាងមុខ។ ទោះយ៉ាងណា Tuchel បានបញ្ជាក់កាលពីខែមុនថា តំណែងរបស់ Foden នៅក្នុងក្រុមមិនទាន់ធានាបានទេ។គួររំលឹកថា Foden បានចាប់ផ្តើមលេងឲ្យក្រុមដំបូងរបស់ Manchester City តាំងពីអាយុ ១៧ ឆ្នាំក្រោមការដឹកនាំរបស់គ្រូបង្វឹក Pep Guardiola ហើយរហូតមកដល់ពេលនេះ គាត់បានបង្ហាញខ្លួនសរុប ៣៦៥ ប្រកួត ឈ្នះពានរង្វាន់ Premier League ចំនួន ៦ ដង UEFA Champions League ១ ដង និងពាន FA Cup ចំនួន ២ ដងជាមួយក្លិប៕ អត្ថបទ៖នាង សុភាវុធ

Napoli ព្រមព្រៀងទិញផ្តាច់ Rasmus Hojlund ពី Manchester United ៣៨ លានផោន

ក្លិបបាល់ទាត់អង់គ្លេស Manchester United នឹងទទួលបានប្រាក់ចំណូលមួយចំនួនធំក្នុងរដូវក្តៅខាងមុខ បន្ទាប់ពីក្លិបអ៊ីតាលី Napoli បញ្ជាក់ថាពួកគេនឹងទិញផ្តាច់ខ្សែប្រយុទ្ធ Rasmus Hojlund ក្នុងតម្លៃប្រមាណ ៣៨ លានផោន។តាមព័ត៌មានកីឡាករជម្រើសជាតិដាណឺម៉ាករូបនេះ បានព្រមព្រៀងលើកិច្ចសន្យារយៈពេលវែងថ្មីមួយជាមួយ Napoli រួចរាល់ហើយ។ Hojlund បានផ្ទេរទៅកាន់ Napoli ក្នុងទម្រង់ខ្ចីជើងមួយរដូវកាលកន្លងមក បន្ទាប់ពីមិនអាចបង្ហាញសមត្ថភាពបានល្អនៅ Old Trafford។ខ្សែប្រយុទ្ធវ័យ ២៣ ឆ្នាំរូបនេះ បានផ្ទេរមក United ពី Atalanta ក្នុងតម្លៃ ៧៦ លានផោន នៅឆ្នាំ ២០២៣ ប៉ុន្តែត្រូវបានចាត់ទុកថាជាការវិនិយោគមិនបរាជ័យមួយសម្រាប់ក្លិប តាមរយៈការបង្ហាញទម្រង់លេងមិនល្អរកបានត្រឹមតែ ២៦ គ្រាប់ក្នុងការបង្ហាញខ្លួន ៩៥ ប្រកួតគ្រប់ក្របខណ្ឌ មុនពេលក្លិបសម្រេចចិត្តអនុញ្ញាតឲ្យចាកចេញ។យ៉ាងណាមិញ ចាប់តាំងពីចូលរួមជាមួយ Napoli កីឡាកររូបនេះបានបង្ហាញទម្រង់លេងល្អឡើងវិញ ដោយរកបាន ១១ គ្រាប់បាល់ ក្នុង ៣០ ប្រកួតនៅលីគ Serie A ក្រោមការដឹកនាំរបស់គ្រូបង្វឹក Antonio Conte។ដំបូងឡើយ ការផ្ទេរជាអចិន្ត្រៃយ៍នេះ ត្រូវបានគេរំពឹងថា នឹងអាស្រ័យលើការដែល Napoli ទទួលបានកៅអីចូលរួមប្រកួត UEFA Champions League រឺអត់។ ប៉ុន្តែប្រធានផ្នែកកីឡារបស់ក្លិប Giovanni Manna បានបញ្ជាក់យ៉ាងច្បាស់ថា ក្លិបនឹងរក្សាទុក Hojlund ទោះជាលទ្ធផលយ៉ាងណាក៏ដោយ៕ អត្ថបទ៖នាង សុភាវុធ

កីឡាករ-កីឡាការិនីវាយកូនបាល់មួយចំនួននឹងពហិការមិនចូលរួម French Open ដោយសារបញ្ហាប្រាក់រង្វាន់

តារាវាយកូនបាល់នារីលំដាប់កំពូលពិភពលោក Aryna Sabalenka បានបង្ហាញការព្រួយបារម្ភយ៉ាងខ្លាំងអំពីប្រាក់រង្វាន់ប្រកួត និងព្រមានថា កីឡាករ-កីឡាការិនីមួយចំនួនធំអាចនឹងធ្វើពហិការបដិសេធមិនចូលរួមប្រកួតក្នុងព្រឹត្តិការណ៍ Grand Slam, French Open ប្រសិនបើមិនមានការកែសម្រួលបន្ថែមលើប្រាក់រង្វាន់។ការប្រកាសនេះកើតឡើងនៅចំកណ្ដាលវិវាទក្តៅគគុករវាងកីឡាករ និងអ្នករៀបចំការប្រកួត Roland Garros បន្ទាប់ពីមានការកើនឡើងប្រាក់រង្វាន់ប្រមាណ ៩.៥% សម្រាប់ឆ្នាំនេះ រឺសរុបជាទឹកប្រាក់ ៧២ លានដុល្លារ។ ទោះជាយ៉ាងណា កីឡាករ-កីឡាការិនីជាច្រើនគិតថា ចំនួននេះនៅតែទាបបើប្រៀបធៀបទៅនឹងប្រាក់ចំណូលសរុបនៃព្រឹត្តិការណ៍ទទួលបាន។Sabalenka និងកីឡាករលេខ ១ ពិភពលោកផ្នែកបុរស Jannik Sinner រួមជាមួយកីឡាករផ្សេងៗ បានចេញសេចក្តីថ្លែងការណ៍ថា ប្រាក់រង្វាន់ដែលពួកគេទទួលបាន អាចនៅតែតិចជាង ១៥% នៃប្រាក់ចំណូលសរុបរបស់ព្រឹត្តិការណ៍។ទោះបីជាយ៉ាងណា Sabalenka ក៏បង្ហាញក្តីសង្ឃឹមថា ការចរចារវាងភាគីទាំងពីរនឹងនាំឲ្យមានដំណោះស្រាយល្អប្រសើរឆាប់ៗនេះ។បើប្រៀបធៀបទៅនឹង Grand Slam ផ្សេងៗ US Open បានផ្តល់ប្រាក់រង្វាន់ប្រមាណ ៩០ លានដុល្លារកាលពីឆ្នាំមុន ខណៈ Wimbledon មានប្រហែល ៧២.៥ លានដុល្លារ និង Australian Open ៨០ លានដុល្លារនៅឆ្នាំនេះ។រហូតមកដល់ពេលនេះ សហព័ន្ធកីឡាវាយកូនបាល់បារាំង មិនទាន់មានប្រតិកម្មជាផ្លូវការទៅនឹងការអះអាងនេះឡើយ៕ អត្ថបទ៖នាង សុភាវុធ

តំណាងសិស្ស-និស្សិតនៅកូវ៉ែត រំពឹងវគ្គផ្ដាច់ព្រ័ត្រ ACGL នឹងធ្វើឲ្យពិភពអារ៉ប់ស្គាល់ច្បាស់ពីក្លិប និងប្រទេសកម្ពុជា

យុវជន ម៉ាត់ ស៊ីនីន តំណាងសិស្ស-និស្សិសកម្ពុជា ដែលកំពុងសិក្សានៅប្រទេសកូវ៉ែត រំពឹងជំនួបរវាងក្រុមព្រះខ័នរាជស្វាយរៀង របស់កម្ពុជា និងក្រុម Al Kuwait របស់កូវ៉ែត ក្នុងវគ្គផ្ដាច់ព្រ័ត្រពានរង្វាន់កម្រិតទី៣ ទ្វីបអាស៊ី AFC Challenge League (ACGL) 2025/26 នឹងធ្វើឲ្យពិភពអារ៉ាប់ស្គាល់កាន់តែច្បាស់ពីក្លិបបាល់ទាត់ និងប្រទេសកម្ពុជា។ការលើកឡើងនេះ ស្របពេលជំនួបវគ្គផ្ដាច់ព្រ័ត្រ រវាងក្រុមតំណាងប្រទេសទាំងពីរ នឹងមកដល់នាថ្ងៃទី១៣ ខែឧសភា ឆ្នាំ២០២៦ ខាងមុខ នៅពហុកីឡដ្ឋានជាតិ Jaber Al-Ahmad International ស្ថិតនៅរដ្ឋធានីកូវ៉ែត នៃរដ្ឋកូវ៉ែត។យុវជនខ្មែររូបនេះថា សិស្ស-និស្សិតកម្ពុជា ដែលកំពុងសិស្សានៅរដ្ឋកូវ៉ែត ពិតជារំភើប និងមានមោទនភាព ចំពោះព្រឹត្តិការណ៍ប្រវត្តិ និងកម្រ លើទឹកដីអារ៉ាប់នេះ ហើយតាមរយៈការប្រកួតវគ្គផ្ដាច់ព្រ័ត្រនាសប្ដាហ៍ក្រោយនេះ នឹងពាំនាំវិស័យកីឡាបាល់ទាត់កម្ពុជា ក៏ដូចជាឲ្យពិភពអារ៉ាប់ស្គាល់ពីប្រទេសកម្ពុជាកាន់តែច្រើន។គួរដឹងថា ជំនួបវគ្គផ្ដាច់ព្រ័ត្រពានរង្វាន់កម្រិតទី៣ ទ្វីបអាស៊ី រវាងព្រះខ័នរាជស្វាយរៀង និងក្រុមម្ចាស់ផ្ទះ Al Kuwait នឹងចាប់ផ្ដើមការប្រកួតនាវេលាម៉ោង ៧ និង ១៥នាទីយប់ សម្រាប់ម៉ោងនៅរដ្ឋកូវ៉ែត ត្រូវនឹងម៉ោង ១១ និង ១៥នាទីយប់ សម្រាប់ម៉ោងនៅកម្ពុជា៕ អត្ថបទ លី ឈុនឡា

ព្រះខ័នរាជ ជួបបឹងកេតស្អែក មុនហោះទៅប្រកួតវគ្គផ្ដាច់ព្រ័ត្រ AFC Challenge League នៅកូវ៉ែត

ក្រុមជើងឯក ព្រះខ័នរាជស្វាយរៀង នឹងត្រូវបើកទ្វារពហុកីឡដ្ឋានជាតិមរតកតេជោ ទទួលក្រុមបឹងកេត ក្នុងជំនួបសប្ដាហ៍ទី៣១ នៃលីគកំពូលកម្ពុជា ឆ្នាំ២០២៥/២៦ នាល្ងាចថ្ងៃទី៧ ខែឧសភា ឆ្នាំ២០២៦ មុនចេញដំណើរទៅទឹកដីអារ៉ាប់ ដើម្បីត្រៀមការប្រកួតវគ្គផ្ដាច់ព្រ័ត្រពានរង្វាន់កម្រិតទី៣ ទ្វីបអាស៊ី AFC Challenge League 2025/26 ទល់ក្រុមម្ចាស់ផ្ទះ Al Kuwait របស់កូវ៉ែត នាថ្ងៃទី១៣ ខែឧសភាខាងមុខ។ជំនួបលើកទី៤ រវាងក្រុមទាំងពីរ នារដូវកាលនេះ ដំបូងឡើងត្រូវប្រកួតនៅថ្ងៃទី១០ ខែឧសភា តែដោយសារកៀកថ្ងៃប្រកួតវគ្គផ្ដាច់ព្រ័ត្រពានកម្រិតទី៣ ទ្វីបអាស៊ី របស់ក្លិបព្រះខ័នរាជស្វាយរៀង ហើយត្រូវប្រកួតក្រៅដីផងនោះ ភាគីពាក់ព័ន្ធ ទាំងក្លិបព្រះខ័នរាជស្វាយរៀង បឹងកេត ក៏ដូចជាក្រុមហ៊ុនខេមបូឌានព្រីមៀរលីគ ក៏បានសម្រេចលើកជំនួបសប្ដាហ៍ទី៣១ រវាងក្រុមទាំងពីរ មកនៅថ្ងៃទី៧ ខែឧសភាស្អែកនេះវិញ ដើម្បីទុកពេលឲ្យព្រះខ័នរាជស្វាយរៀង មានពេលគ្រប់គ្រាន់សម្រាប់ត្រៀមលក្ខណៈប្រកួតប្រជែងពានកម្រិតទ្វីប ក្នុងនាមក្លិបតំណាងកម្ពុជា។ក្រឡេកទៅចាប់អារម្មណ៍ការប្រកួតនេះដែរ ឆ្លងកាត់ការជួបគ្នាក្នុងលីគ ៣លើកកន្លងមក ក្រុមទាំងពីរ បានឈ្នះម្ដងម្នាក់ និងស្នើគ្នាម្ដង ពោលគឺជួបលើកទី១ ព្រះខ័នរាជស្វាយរៀង ឈ្នះ ៣-០ ខណៈជួបគ្នាលើកទី២ បឹងកេត ឈ្នះ ២-១ និងលើកទី៣ ស្មើគ្នា ០-០។ជំនួបនាថ្ងៃព្រហស្បតិ៍នេះ អាចជាការប្រកួតធម្មតាសម្រាប់ព្រះខ័នរាជស្វាយរៀង ដែលបានក្លាយជាជើងឯកផ្លូវការ តែគឺជាការប្រកួតដ៏សំខាន់មួយ សម្រាប់ក្រុមបឹងកេត ដែលកំពុងត្រូវការពិន្ទុ ដើម្បីមានឱកាសប្រជែងចំណាត់ថ្នាក់លេខ២ ជាមួយភ្នំពេញក្រោន និងអង្គរថាយហ្គឺរ ដែលកំពុងនាំមុខខ្លួន ៣ពិន្ទុ ដើម្បីមានឱកាសលេងពានរង្វាន់អន្ដរជាតិ នារដូវកាលឆ្នាំ២០២៦/២៧ ក្នុងនាមក្លិបតំណាងកម្ពុជាមួយ ដែលទទួលបានអាជ្ញាប័ណ្ណពី AFC នារដូវកាលថ្មី។បច្ចុប្បន្នព្រះខ័នរាជស្វាយរៀង មាន ៦៦ពិន្ទុ ឈរកំពូលតារាង តាមពីក្រោយដោយភ្នំពេញក្រោន ឈរលេខ២ និងអង្គរថាយហ្គឺរ ឈរលេខ៣ មាន ៥០ពិន្ទុស្មើគ្នា គ្រាដែលបឹងកេត មាន ៤៧ពិន្ទុ ឈរលេខ៤។ ដូច្នេះប្រសិនបើបឹងកេត អាចយកឈ្នះក្រុមជើងឯកព្រះខ័នរាជ នាថ្ងៃស្អែក ពួកគេនឹងមានពិន្ទុស្មើភ្នំពេញក្រោន និងអង្គរថាយហ្គឺរ ហើយក៏មានក្ដីសង្ឃឹមខ្ពស់ ដើម្បីប្រជែងចំណាត់ថ្នាក់លេខ២ នៃលីគកំពូលកម្ពុជា រដូវកាលនេះផងដែរ៕ អត្ថបទ លី ឈុនឡា

ភាពអស្ចារ្យនៃស៊ីហ្គេម-២០២៣ នៅដកជាប់ក្រអៅបេះដូងពលរដ្ឋខ្មែរជានិច្ច ដ្បិតកន្លងផុត ៣ឆ្នាំក្ដី

ថ្ងៃទី៥ ខែឧសភា ឆ្នាំ២០២៦ គឺជាខួប ៣ឆ្នាំ នៃថ្ងៃបើកព្រឹត្តិការណ៍ប្រវត្តិសាស្ដ្រ ស៊ីហ្គេម លើកទី៣២ ឆ្នាំ២០២៣ នៅកម្ពុជា ហើយក៏ជាព្រឹត្តិការណ៍ ដែលនៅតែដកជាប់ក្រអៅបេះដូងប្រជាពលរដ្ឋខ្មែរគ្រប់វ័យជានិច្ច។ដើម្បីរំឮកខួប ៣ឆ្នាំ និងអបអរសាទរនូវមហាជោគជ័យដ៏អស្ចារ្យនេះ គណៈកម្មាធិការជាតិអូឡាំពិកកម្ពុជា ក៏បានរៀបចំផ្សាយឡើងវិញ នូវកម្មវិធីបើកព្រឹត្តិការណ៍ស៊ីហ្គេម ឆ្នាំ២០២៣ ជូនដល់ប្រជាពលរដ្ឋបានចូលទស្សនានូវទស្សនីយភាព ដែលធ្វើឲ្យពិភពលោកមានការភ្ញាក់ផ្អើលនេះជាថ្មី នៅគ្រប់រោងភាពយន្ដ Legend Cinema និង Sabay Cinema ហើយបានទទួលការសាទរជាខ្លាំងពីប្រជាពលរដ្ឋ ដែលបង្ហាញពីការចងចាំមិនភ្លេចចំពោះថ្ងៃប្រវត្តិសាស្ដ្រនេះ។ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា(NOCC) មានប្រសាសន៍ថា ការចាក់ផ្សាយឡើងវិញនេះ គឺដើម្បីផ្ដល់ឱកាសដល់ប្រជាពលរដ្ឋ រួមទាំងក្រុមការងារ ដែលភាគច្រើនពុំបានចូលទស្សនាផ្ទាល់ បានរំលឹកឡើងវិញ ជាមួយការទស្សនាពិធីបើកមហាព្រឹត្តិការណ៍ស៊ីហ្គេម ឆ្នាំ២០២៣ ។ បន្ថែមលើនេះ ក្រុមការងារក៏នឹងមានរៀបចំនូវការចាប់រង្វាន់មេដាយមាសអនុស្សាវរីយ៍ស៊ីហ្គេម ជូនដល់អ្នកចូលរួមទស្សនារាល់ថ្ងៃ ចាប់ពីថ្ងៃទី៨ ខែឧសភា ឆ្នាំ២០២៦ ខាងមុខផងដែរ។ទន្ទឹមជាមួយគ្នា ព្រឹទ្ធាចារ្យកីឡា ព្រមទាំងយុវជន-យុវតី ដែលបានចូលរួមការចាក់ផ្សាយឡើងវិញ បានបង្ហាញនូវមោទនភាពជាថ្មី ដ្បិតភាពអស្ចារ្យនៃស៊ីហ្គេម លើកទី៣២ នៅកម្ពុជា នៅតែដក់ជាប់ក្រអៅបេះដូង និងចង់ទស្សនាម្ដាយហើយម្ដងទៀត ហើយសង្ឃឹមថា នៅថ្ងៃអនាគត នឹងបានទស្សនានូវព្រឹត្តិការណ៍កីឡាធំៗ និងអស្ចារ្យជាបន្ដបន្ទាប់ទៀត ក្រោមម្លប់នៃសន្ដិភាព និងការអភិវឌ្ឍលើគ្រប់វិស័យនៅកម្ពុជា។សូមបញ្ជាក់ថា បន្ទាប់ពីការចាក់ផ្សាយឡើងវិញ ដើម្បីអបអរសាទរខួប ៣ឆ្នាំ នៃមហាជោគជ័យព្រឹត្តិការណ៍ស៊ីហ្គេម ឆ្នាំ២០២៣ គណៈកម្មាធិការជាតិអូឡាំពិកកម្ពុជា ក្រោមកិច្ចសហការជាមួយរោងភាពយន្ដដៃគូ នឹងរៀបចំផ្សាយឡើងវិញ នៃពិធីបើកស៊ីហ្គេម ឆ្នាំ២០២៣ ចាប់ពីថ្ងៃទី៨ ខែឧសភា ឆ្នាំ២០២៦ តទៅ ដោយការចាក់បញ្ចាំងទស្សនាមានបរិច្ចាគការឧបត្ថម្ភដល់ក្រុមអត្តពលិកជម្រើសជាតិកម្ពុជា សម្រាប់ដំណើរឆ្ពោះទៅកីឡាអូឡាំពិក ឆ្នាំ២០២៨ នៅសហរដ្ឋអាមេរិក ចំនួន ១២,០០០រៀល និង ២ម៉ឺនរៀល ក្នុងមួយសំបុត្រ។គោលបំណងនៃការរៀបចំបញ្ចាំងឡើងវិញនេះដែរ គឺដើម្បី៖ ១-រំលឹកជោគជ័យជាប្រវត្តិសាស្ដ្រ ក្រោយរង់ចាំ ៦៤ឆ្នាំ សម្រាប់ស៊ីហ្គេម នៅកម្ពុជា, ២-ដាស់ស្មារតីចងចាំ “ខ្មែរធ្វើបាន ហើយធ្វើបានអស្ចារ្យថែមទៀត”, ៣-ចង់ឲ្យព្រឹត្តិការណ៍ជាតិដ៏អស្ចារ្យនេះ កើតឡើងម្ដងទៀត នាឆ្នាំ២០៣១, ៤-ផ្ដល់ការឧបត្ថម្ភដល់យុទ្ធនាការស្វែងរកជំនួយឧបត្ថម្ភដល់ក្រុមអត្តពលិកអូឡាំពិក ឆ្នាំ២០២៨ នៅសហរដ្ឋអាមេរិក និង ៥-រួមគ្នាដើម្បីក្រុមកីឡាអូឡាំពិកកម្ពុជា៕ អត្ថបទ លី ឈុនឡា

កីឡាចំបាប់បឋមសិក្សាថ្នាក់ជាតិឆ្នាំនេះ បំបែកកំណត់ត្រាក្រុមចូលរួម ដែលជាសញ្ញាណវិជ្ជមាននៃភាពរីកចម្រើន

ការប្រកួតកីឡាចំបាប់ នៃព្រឹត្តិការណ៍កីឡាសិស្សបឋមសិក្សាថ្នាក់ជាតិឆ្នាំ២០២៦ បានទាក់ទាញក្រុមចូលរួមរហូតដល់ ១០រាជធានី-ខេត្ត ដោយមានកុមារា-កុមារីជាង ៤០នាក់ចូលរួម ដែលវិជ្ជមានថ្មីមួយ នៃភាពរីកចម្រើនរបស់វិស័យកីឡាចំបាប់នៅកម្ពុជា។លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា បានបញ្ជាក់ថា កំណើនក្រុមចូលរួម ពិសេសកំណើនកុមារតូចៗ ដែលបានហ្វឹកហាត់កីឡាចំបាប់នេះ គឺបង្ហាញពីភាពរីកចម្រើននៃធនធានបន្ដវេន ស្របតាមការគិតគូរ និងយកចិត្តទុកដាក់របស់សហព័ន្ធ ក្នុងការពង្រីក និងជំរុញការហ្វឹកហាត់តាមមូលដ្ឋានកាន់តែច្រើន ដើម្បីស្វែងរកធនធានកីឡាករ-កីឡាការិនីឆ្នើមត្រៀមបន្ដវេន សម្រាប់ការប្រកួតប្រជែង ទាំងថ្នាក់ជាតិ និងអន្ដរជាតិនាថ្ងៃអនាគត។សូមបញ្ជាក់ថា ការប្រកួតកីឡាចំបាប់ប្រចាំព្រឹត្តិការណ៍សិស្សបឋមសិក្សាថ្នាក់ជាតិ ឆ្នាំ២០២៦ បានប្រព្រឹត្តទៅពីថ្ងៃទី១ ដល់ថ្ងៃទី៤ ខែឧសភា នាសាលកីឡាចំបាប់នៃពហុកីឡដ្ឋានជាតិអូឡាំពិក ដោយមាន ៤ប្រភេទវិញ្ញាសា គឺចំបាប់សេរី កុមារា (-៣៥គីឡូក្រាម) និង (-៤១គីឡូក្រាម) ចំបាប់សេរី កុមារី (-៣០គីឡូក្រាម) និង (-៣៨គីឡូក្រាម)។ ជាលទ្ធផល ក្រុមកីឡាចំបាប់រាជធានីភ្នំពេញឈរលើគេក្នុងតារាងមេដាយដោយទទួលបានមេដាយមាស២ និង សំរឹទ្ធ១៕ អត្ថបទ លី ឈុនឡា

Manchester City ស្មើនៅផ្ទះ Everton ៣-៣ ធ្វើឱ្យឱកាសប្រជែងពានធ្លាក់ទៅ Arsenal ខ្ពស់ជាង

ការប្រជែងពាននៅក្របខណ្ឌអង់គ្លេស Premier League ហាក់ហុចឱ្យឱកាសទៅក្រុមកាំភ្លើងធំ Arsenal ខ្ពស់ជាង បន្ទាប់ក្រុមលេខពីរ Manchester City ស្មើនៅផ្ទះ Everton ៣-៣។ក្រុមរបស់លោក Pep Guardiola ត្រូវការឈ្នះរាល់ការប្រកួតដែលនៅសល់មុនការប្រកួតយប់មិញនេះដោយសារ Arsenal កំពុងនាំមុខ ៦ ពិន្ទុតែ City ប្រកួតយឺតជាង ២ ប្រកួត។ ការប្រកួតនៅកីឡដ្ឋានរបស់ Everton, Hill Dickinson ខ្សែបម្រើស្លាបប៊ែលហ្ស៊ិក Jeremy Doku រកបានគ្រាប់បាល់នាំមុខដ៏អស្ចារ្យនៅនាទីទី ៤៣។ ការប្រកួតនៅវគ្គទីពីរកំហុសបច្ចេកទេសរបស់ City រយៈពេល ១៣ នាទីចន្លោះពីនាទីទី ៦៨ ដល់ ៨១ ពួកគេភ្លាត់របូតគ្រាប់បាល់ដល់ទៅ ៣ គ្រាប់រួមមានខ្សែការពារ Marc Guehi បញ្ជូនបាល់ឱ្យអ្នកចាំទីមិនមើលក្រោយធ្វើឱ្យ Thierno Barry ស៊ុតតាមស្មើ ១-១ នាទីទី ៦៨ មុនពេល Jack O’Brien តែបញ្ចូលទីនាំមុខឱ្យ Everton នៅនាទីទី ៧៣ និង Barry ដដែលរកបានគ្រាប់ទីពីររបស់ខ្លួននៅនាទីទី ៨៣។ គិតថាចាញ់ទៅហើយសម្រាប់ City តែ Erling Haaland ស៊ុតតាមស្មើភ្លាមៗពេលកែបាល់ មុនពេលដែល Jeremy Doku មានគ្រាប់បាល់ដ៏អស្ចារ្យរបស់ខ្លួនមួយទៀតស៊ុតតាមស្មើចុងម៉ោងនាទីទី ៩០+៧។ ស្មើគ្នា ៣-៣ City យកបានត្រឹមមួយពិន្ទុប៉ុណ្ណោះពីទឹកដី Everton មានន័យថាពួកគេកាត់បន្ថយការនាំមុខរបស់ Arsenal មកត្រឹម ៥ ពិន្ទុ និងនៅសល់មួយប្រកួតក្នុងដៃ។ ប្រកួតបន្ទាប់ចុងសប្តាហ៍នេះ Manchester City ទទួល Brentford ខណៈ Arsenal ទៅទឹកដី West Ham។ Manchester City នឹងត្រូវទទួល Crystal Palace ផងដែរនៅពាក់កណ្តាលសប្តាហ៍ក្រោយ ជាការប្រកួតបង្គ្រប់៕ អត្ថបទ៖នាង សុភាវុធ

បញ្ហាសិទ្ធិផ្សាយផ្ទាល់អាចធ្វើឱ្យមនុស្សរាប់លាននាក់ខកខានទស្សនា World Cup នៅចិន និងឥណ្ឌា

ខណៈដែលការប្រកួតបាល់ទាត់ពិភពលោក FIFA World Cup 2026 កំពុងខិតជិតមកដល់ក្នុងរយៈពេលប៉ុន្មានសប្ដាហ៍ទៀត មានការព្រួយបារម្ភថា អ្នកគាំទ្របាល់ទាត់រាប់លាននាក់នៅប្រទេសមានប្រជាជនច្រើនបំផុតពីរនៅពិភពលោក អាចខកខានទស្សនាការប្រកួត។បញ្ហាសំខាន់គឺជាការជាប់គាំងលើសិទ្ធិផ្សាយនៅប្រទេសឥណ្ឌា និងការមិនទាន់មានសេចក្ដីសម្រេចផ្លូវការណាមួយជុំវិញការទិញសិទ្ធិផ្សាយនៅចិន។តាមប្រភពព័ត៌មានបានឲ្យដឹងថា នៅឥណ្ឌាក្រុមហ៊ុនរួម Reliance-Disney បានដាក់សំណើប្រមាណ ២០ លានដុល្លារ សម្រាប់ការទិញសិទ្ធិផ្សាយ World Cup ប៉ុន្តែចំនួននេះនៅតិចជាងការទាមទាររបស់ FIFA និងត្រូវបានបដិសេធ។នៅខាងប្រទេសចិនក៏មិនទាន់មានការប្រកាសកិច្ចព្រមព្រៀងណាមួយទេ ទោះបីជា FIFA បានបញ្ជាក់ថា ប្រទេសនេះធ្លាប់មានចំណែកដល់ជិត ៥០% នៃម៉ោងទស្សនាសរុបលើវេទិកាឌីជីថល និងបណ្តាញសង្គម កាលពីព្រឹត្តិការណ៍ World Cup 2022 នៅកាតាក៏ដោយ។អ្នកនាំពាក្យរបស់ FIFA បានបញ្ជាក់ថា ការចរចាសិទ្ធិផ្សាយសម្រាប់ប្រទេសទាំងពីរនេះនៅតែបន្ត ហើយព័ត៌មានទាក់ទងត្រូវរក្សាជាសម្ងាត់។គួរបញ្ជាក់ថា FIFA World Cup 2026 នឹងចាប់ផ្តើមនៅថ្ងៃទី ១១ ខែមិថុនា ដែលមានពេលតិចជាង ៥ សប្ដាហ៍សម្រាប់បញ្ចប់កិច្ចព្រមព្រៀង រៀបចំបណ្ដាញផ្សាយ និងលក់ការផ្សាយពាណិជ្ជកម្ម។បញ្ហានេះអាចប៉ះពាល់យ៉ាងខ្លាំងដល់អ្នកគាំទ្របាល់ទាត់ នៅប្រទេសដែលមានប្រជាជនច្រើនជាងគេទាំងពីរ ប្រសិនបើមិនអាចសម្រេចកិច្ចព្រមព្រៀងបានទាន់ពេល។មកទល់ពេលនេះ FIFA បានឲ្យដឹងថា ពួកគេបានឈានដល់កិច្ចព្រមព្រៀងជាមួយភ្នាក់ងារផ្សព្វផ្សាយនៅលើសពី ១៧៥ ប្រទេសជុំវិញពិភពលោករួចហើយ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

គណបក្សប្រជាជនកម្ពុជាខេត្តកំពង់ស្ពឺ ប្រជុំបូកសរុបលទ្ធផលការងារខែកក្កដា ឆ្នាំ២០២៦ និងលើកទិសដៅភារកិច្ចខែបន្ទាប់

ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER

ការលាលែងពីតំណែងរបស់រដ្ឋមន្ត្រីអប់រំឥណ្ឌា គឺជាជ័យជម្នះដ៏ធំ សម្រាប់ក្រុមបាតុករយុវជន

លោក Trump រិះគន់ព័ត៌មានក្លែងក្លាយ និងបង្កឱ្យមានភាពចម្រូងចម្រាស ជុំវិញការបោះឆ្នោតឆ្នាំ២០២៨

មនុស្សយ៉ាងតិច ៥នាក់ស្លាប់ ក្នុងហេតុការណ៍បាក់ដី នៅភាគខាងជើងចិន

ម៉ិកស៊ិកនឹងមិនតបតពន្ធរបស់លោក Trump ទេ ខណៈការនាំចេញត្រូវបានការពារដោយកិច្ចព្រមព្រៀងពាណិជ្ជកម្ម

កម្មវិធីប្រកួតប្រជែងនិយាយជាសាធារណៈសម្រាប់និស្សិតសាកលវិទ្យាល័យរបស់អង្គភាពអ្នកនាំពាក្យរាជរដ្ឋាភិបាល រកឃើញអ្នកទទួលបានជ័យលាភីហើយ

ចិនតវ៉ាប្រឆាំងនឹងទណ្ឌកម្មរបស់សហភាពអឺរ៉ុប លើក្រុមហ៊ុនចិន ពាក់ព័ន្ធនឹងបញ្ហារុស្ស៊ី

មនុស្សជាង ១៦០.០០០នាក់ រត់គេចពីចំហេះព្រៃ នៅប្រទេសបារាំង និងអេស្ប៉ាញ

ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោកជិតដល់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Vincent Kompany៖ Bayern Munich ត្រៀមរួចរាល់ក្នុងការកក់កៅអីវគ្គផ្តាច់ព្រ័ត្រ Champions League

Phil Foden ព្រមព្រៀងកិច្ចសន្យាថ្មី ៤ឆ្នាំបន្ថែមជាមួយ Manchester City

Napoli ព្រមព្រៀងទិញផ្តាច់ Rasmus Hojlund ពី Manchester United ៣៨ លានផោន

កីឡាករ-កីឡាការិនីវាយកូនបាល់មួយចំនួននឹងពហិការមិនចូលរួម French Open ដោយសារបញ្ហាប្រាក់រង្វាន់

ព្រះខ័នរាជ ជួបបឹងកេតស្អែក មុនហោះទៅប្រកួតវគ្គផ្ដាច់ព្រ័ត្រ AFC Challenge League នៅកូវ៉ែត

ភាពអស្ចារ្យនៃស៊ីហ្គេម-២០២៣ នៅដកជាប់ក្រអៅបេះដូងពលរដ្ឋខ្មែរជានិច្ច ដ្បិតកន្លងផុត ៣ឆ្នាំក្ដី

កីឡាចំបាប់បឋមសិក្សាថ្នាក់ជាតិឆ្នាំនេះ បំបែកកំណត់ត្រាក្រុមចូលរួម ដែលជាសញ្ញាណវិជ្ជមាននៃភាពរីកចម្រើន

Manchester City ស្មើនៅផ្ទះ Everton ៣-៣ ធ្វើឱ្យឱកាសប្រជែងពានធ្លាក់ទៅ Arsenal ខ្ពស់ជាង

បញ្ហាសិទ្ធិផ្សាយផ្ទាល់អាចធ្វើឱ្យមនុស្សរាប់លាននាក់ខកខានទស្សនា World Cup នៅចិន និងឥណ្ឌា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Vincent Kompany៖ Bayern Munich ត្រៀមរួចរាល់ក្នុងការកក់កៅអីវគ្គផ្តាច់ព្រ័ត្រ Champions League

Phil Foden ព្រមព្រៀងកិច្ចសន្យាថ្មី ៤ឆ្នាំបន្ថែមជាមួយ Manchester City

Napoli ព្រមព្រៀងទិញផ្តាច់ Rasmus Hojlund ពី Manchester United ៣៨ លានផោន

កីឡាករ-កីឡាការិនីវាយកូនបាល់មួយចំនួននឹងពហិការមិនចូលរួម French Open ដោយសារ​បញ្ហាប្រាក់រង្វាន់

ព្រះខ័នរាជ ជួបបឹងកេតស្អែក មុនហោះទៅប្រកួតវគ្គផ្ដាច់ព្រ័ត្រ AFC Challenge League ​នៅ​កូវ៉ែត

ភាពអស្ចារ្យនៃស៊ីហ្គេម-២០២៣ នៅដកជាប់ក្រអៅបេះដូងពលរដ្ឋខ្មែរជានិច្ច ដ្បិតកន្លងផុត ៣ឆ្នាំក្ដី

Manchester City ស្មើនៅផ្ទះ Everton ៣-៣ ធ្វើឱ្យឱកាសប្រជែងពានធ្លាក់ទៅ Arsenal ខ្ពស់ជាង

បញ្ហាសិទ្ធិផ្សាយផ្ទាល់អាចធ្វើឱ្យមនុស្សរាប់លាននាក់ខកខានទស្សនា World Cup នៅចិន និងឥណ្ឌា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករ-កីឡាការិនីវាយកូនបាល់មួយចំនួននឹងពហិការមិនចូលរួម French Open ដោយសារបញ្ហាប្រាក់រង្វាន់

ព្រះខ័នរាជ ជួបបឹងកេតស្អែក មុនហោះទៅប្រកួតវគ្គផ្ដាច់ព្រ័ត្រ AFC Challenge League នៅកូវ៉ែត