នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់​ទាត់តំបន់​អាស៊ី​អាគ្នេយ៍ ​(ASEAN Hyundai Cup 2026)
វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត
Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន
មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

ព័ត៌មានកីឡា

NOCC ពិចារណាផែនការរៀបចំព្រឹត្តិការណ៍កីឡាទេសចរណ៍ថ្មី នៅកោះរ៉ុង

2026/03/13 06:09:27 pm        97
Facebook Telegram Linkin
គណៈកម្មាធិការជាតិអូឡាំពិកកម្ពុជា (NOCC) បាននឹងកំពុងពិចារណាផែនការរៀបចំព្រឹត្តិការណ៍រត់ប្រណាំងថ្មីមួយ នៅកោះរ៉ុង ខេត្តព្រះសីហនុ ដើម្បីពង្រីក និងផ្សព្វផ្សាយសក្ដានុពេលទេសចរណ៍តំបន់កោះដ៏ស្រស់ស្អាតមួយនេះ។ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានបង្ហើប កាលពីថ្មីៗថា បន្ទាប់ពីរៀបចំទិវារត់ប្រណាំងអន្ដរជាតិពាក់កណ្ដាលម៉ារ៉ាតុង លើកទី១១ នៅខេត្តព្រះសីហនុ នាថ្ងៃទី២២ ខែមីនាខាងមុខ ឯកឧត្តម និងដឹកនាំក្រុមការងារជំនាញ ទៅពិនិត្យស្ថានភាពផ្លូវ នៅកោះរ៉ុង ក្រោមកិច្ចសហការ និងសម្របសម្រួលពីរដ្ឋបាលខេត្ត។ឯកឧត្តមបន្ដថា ជាការពិតការរៀបចំព្រឹត្តិការណ៍កីឡាទេសចរណ៍ ពិសេសកម្មវិធីរត់ពាក់កណ្ដាលម៉ារ៉ាតុង  និងម៉ារ៉ាតុង សុទ្ធតែផ្ដល់នូវផលចំណាយច្រើន ក្នុងការផ្សាភ្ជាប់គោលដៅទេសចរណ៍នានា ប៉ុន្ដែសម្រាប់គម្រោងរៀបចំព្រឹត្តិការណ៍រត់ប្រណាំង នៅកោះរ៉ុង ក្នុងនាមគណៈកម្មការជំនាញ ចាំបាច់ត្រូវសិក្សាឲ្យបានល្អិតល្អន់ ជាពិសេសមធ្យោបាយធ្វើដំណើរពីដីគោក ទៅកោះ និងស្នាក់នៅជាដើម។យ៉ាងណាមិញឯកឧត្តមទទួលស្គាល់ថា កោះរ៉ុងពិតជាមានសក្ដានុពល និងហេដ្ឋារចនាសម្ព័ន្ធល្អ ដែលអាចរៀបចំកម្មវិធីរត់ប្រណាំងបាន ដូចដែលរដ្ឋបាលខេត្តធ្លាប់បានរៀបចំសាកល្បងម្ដងរួចមកហើយ ដោយបានទាក់ទាញអ្នកចូលរួមជាង ១ពាន់នាក់ ។ គួរផ្សំមានភ្ញៀវទេសចរបរទេសរស់នៅកោះរ៉ុងច្រើនផង ឯកឧត្តមថា ប្រសិនបើការត្រួតពិនិត្យទៅរលូន ហើយអាចរៀបចំព្រឹត្តិការណ៍នេះ នឹងអាចទាក់ទាញអ្នកចូលរួមកាន់តែច្រើនថែមទៀត ដែលទាមទារឲ្យគណៈកម្មការរៀបចំ ត្រូវផ្ដោតការយកចិត្តទុកដាក់ខ្ពស់លើសុវត្ថិភាព នៃការធ្វើដំណើរ។គួរដឹងថា ចំពោះមុខនាពេលឆាប់ៗខាងមុខ គណៈកម្មាធិការជាតិអូឡាំពិកកម្ពុជា (NOCC) ដោយមានកិច្ចសហការពីរដ្ឋបាលខេត្តព្រះសីហនុ នឹងរៀបចំទិវារត់ប្រណាំងអន្ដរជាតិពាក់កណ្ដាលម៉ារ៉ាតុង លើកទី១១ នៅឆ្នេរអូឈើទា ជាមួយការពង្រីកតម្រាយផ្លូវតាមឆ្នេរកាន់តែវែង ដើម្បីបង្កលក្ខណៈងាយស្រួលដល់អ្នកចូលរួម ហើយទៅថ្ងៃអនាគត គណៈកម្មាធិការជាតិអូឡាំពិកកម្ពុជា ក៏មានគម្រោងពង្រីកព្រឹត្តិការណ៍នេះ ទៅជាព្រឹត្តិការណ៍ម៉ារ៉ាតុង ចម្ងាយ ៤២គីឡូម៉ែត្រទៀតផង៕ អត្ថបទ លី ឈុនឡា

ព្រះខ័នរាជ និងភ្នំពេញក្រោន ត្រូវធ្វើការងារធ្ងន់ក្នុងលីគចុងសប្ដាហ៍នេះ

2026/03/13 05:58:57 pm        168
Facebook Telegram Linkin
ក្រុមព្រះខ័នរាជស្វាយរៀង និងភ្នំពេញក្រោន នឹងត្រូវធ្វើការងារធ្ងន់រៀងៗខ្លួន ក្នុង​ជំនួប​លីគ​កំពូល​កម្ពុជា ​សប្ដាហ៍ទី២៥ នាថ្ងៃទី១៥ ខែមីនាចុងសប្ដាហ៍នេះ បន្ទាប់ពីក្រុមទាំងពីរ ទើប​បញ្ចប់​ការ​ប្រកួត​ជើង​ទី២ ក្នុងវគ្គ ៨ក្រុមចុងក្រោយ នៃពានរង្វាន់ AFC Challenge League 2025/26 ​កាល​ពីយប់មិញ។សម្រាប់ព្រះខ័នរាជស្វាយរៀង នឹងត្រូវជួបក្រុមភ្ញៀវអង្គរថាយហ្គឺរ នៅពហុកីឡដ្ឋាន​ជាតិ​មរតក​តេជោ ខណៈភ្នំពេញក្រោន ត្រូវបើកទ្វារផ្ទះទទួលក្រុមបឹងកេត ។ រីឯជំនួប Top-6 មួយប្រកួត​ទៀត ​គឺក្រុមណាហ្គាវើលដ៏ ត្រូវជួបក្រុមកំពុងឡើងជើង អឹមអូអាយ កំពុងដេវ៉ា នៅកីឡដ្ឋានវិសាខា នាល្ងាចថ្ងៃអាទិត្យដូចគ្នា។ចំពោះលទ្ធផលការប្រកួតចុងក្រោយរបស់ព្រះខ័នរាជស្វាយរៀង គឺបានស្មើណាហ្គាវើលដ៏ ១-១ គ្រាដែលភ្នំពេញក្រោន ចាញ់ អឹមអូអាយ កំពង់ដេវ៉ា ២-១។ លទ្ធផលនេះ បានធ្វើឲ្យគម្លាតពិន្ទុរវាងក្រុមលំដាប់កំពូលតារាងទាំងពីរ កាន់តែដាច់ឆ្ងាយ ដោយព្រះខ័នរាជស្វាយរៀង មាន ៥៥ពិន្ទុ គ្រាដែលភ្នំពេញក្រោន មាន ៤៧ពិន្ទុ។ដូច្នេះការប្រកួតថ្ងៃអាទិត្យនេះ សុទ្ធតែជាប្រកួតសំខាន់ ពិសេសភ្នំពេញក្រោន ដែលកំពុងចាញ់ប្រៀប ៨ពិន្ទុពីក្រុមកំពូលតារាង ត្រូវការជ័យជម្នះចាំបាច់ ដើម្បីរក្សាឱកាស ខណៈព្រះខ័នរាជស្វាយរៀង ក៏ត្រូវការឈ្នះដូចគ្នា ដើម្បីពង្រឹងកៅអីកំពូលតារាង និងឈានទៅគ្រងតំណែងជើងឯកជាថ្មី ស្របពេលបច្ចុប្បន្នក្រុមនីមួយៗ សល់ ៨ប្រកួតក្នុងដៃស្មើគ្នា។ចំណែកការប្រកួតរវាងបេក្ខភាពខាងក្រោមទាំង ៥ ឬ Bottom-5 វិញ នឹងធ្វើឡើងនៅថ្ងៃទី១៤ ខែមីនាស្អែក ដោយក្រុមវិសាខា ត្រូវបើកទ្វារផ្ទះទទួលក្រុម ISI ដង្កោសែនជ័យ និងក្រុមឡាយហ្វខេត្តព្រះសីហនុ ត្រូវជួបក្រុមភ្ញៀវកងយោធពលខេមរភូមិន្ទ នាវេលាម៉ោង ៦ល្ងាចដូចគ្នា៕ អត្ថបទ លី ឈុនឡា

វិសាខា តាំងចិត្តខ្ពស់ ក្រោយទទួលបានដៃគូឧបត្ថម្ភធំថ្មី

2026/03/13 05:47:49 pm        520
Facebook Telegram Linkin
ក្លិបបាល់ទាត់ វិសាខា បានបង្ហាញនូវការប្ដេជ្ញាចិត្តយ៉ាងមុតមាំ ក្នុងការបន្ដបេសកកម្មអភិវឌ្ឍ និងការប្រកួតប្រជែង ដើម្បីឆ្ពោះទៅដណ្ដើមពានរង្វាន់នានា ក៏ដូចជាមានឱកាសទៅលេងពានរង្វាន់អន្ដរជាតិ ក្រោយទទួលបានដៃគូឧបត្ថម្ភធំថ្មី។នេះបើតាមការលើកឡើងរបស់អគ្គនាយិកាក្លិបកញ្ញា អ៊ូ បញ្ញាសុកិត្យា បន្ទាប់ពីក្លិបបានចុះអនុស្សារណៈយោគយល់គ្នា ជាមួយក្រុមហ៊ុន ប៊ីអេស ត្រេនស្ព័រថេស៊ិន & ត្រេឌីង លើភាពជាដៃគូឧបត្ថម្ភធំរបស់ក្លិប ចាប់ពីរដូវកាលឆ្នាំ២០២៦ តទៅ នៅថ្ងៃទី១២ ខែមីនា ឆ្នាំ២០២៦ នៅកីឡដ្ឋានវិសាខា។ក្នុងនាមថ្នាក់ដឹកនាំក្លិប កញ្ញាបានសម្ដែងក្ដីរីករាយ ក្រោយទទួលបានដៃគូឧបត្ថម្ភធំថ្មី ដែលជាជំហានដ៏៏សំខាន់សម្រាប់ការរួមចំណែកអភិវឌ្ឍន៍វិស័យកីឡាបាល់ទាត់កម្ពុជា ដែលនឹងជំរុញដំណើរការអភិវឌ្ឍក្លិបកាន់តែប្រសើរ និងទទួលបានជោគជ័យថ្មីៗបន្ថែមទៀត ហើយក្លិបក៏តាំងចិត្តនឹងបន្ដការខំប្រឹងកាន់តែខ្លាំង ដើម្បីឈ្នះពានរង្វាន់នានា ហើយបានទៅលេងពានរង្វាន់អន្ដរជាតិ ហើយនាំកេរ្ដិ៍ក្រុមហ៊ុនដៃគូទៅកឆាកអន្ដរជាតិផងដែរ។ជាមួយគ្នា លោកស្រី យូ វលក្ខណ៍ អគ្គនាយិកាក្រុមហ៊ុន ប៊ីអេស ត្រេនស្ព័រថេស៊ិន បានសម្ដែងសេចក្ដីរីករាយ ដែលបានរួមចំណែកអភិវឌ្ឍន៍វិស័យកីឡានៅកម្ពុជា តាមរយៈក្លិបបាល់ទាត់ វិសាខា ដែលជាវិស័យដ៏មានសារៈសំខាន់ សម្រាប់កសាងនូវធនធានមនុស្ស និងការអភិវឌ្ឍសង្គមជាតិផងដែរ។គួរដឹងថា ក្រោយយទទួលបានដៃគូឧបត្ថម្ភធំថ្មីនេះ វិសាខា គ្រោងនឹងរៀបចំកម្មវិធីជាច្រើន ពិសេសចប់រដូវកាលនេះ ក្លិបគ្រោងរៀបចំពានរង្វាន់ Pre-Season ដ៏ពិសេសមួយ ដើម្បីអបអរសាទរខួប ១០ឆ្នាំនៃការបង្កើតក្លិបផង និងជាការសាទរដល់កិច្ចសហការជាមួយម្ចាស់ឧបត្ថម្ភធំរបស់ខ្លួនផង៕ អត្ថបទ លី ឈុនឡា

ព្រះខ័នរាជ ឡើងវគ្គ ១/២ ពានលំដាប់ទី៣ អាស៊ី ជាមួយពាក្យសរសើរ និងការជូនពរ​ពី​គ្រូភ្នំពេញ​ក្រោន

2026/03/13 05:36:37 pm        147
Facebook Telegram Linkin
ក្រុមព្រះខ័នរាជស្វាយរៀង បានឡើងទៅកាន់វគ្គពាក់កណ្តាលផ្តាច់ព្រ័ត្រ នៃ​ពាន​រង្វាន់​ជើង​ឯក​ក្លិប​បាល់​ទាត់​លំដាប់ទី៣ អាស៊ី AFC Challenge League 2025/26 ក្រោយ​យក​ឈ្នះ​ក្រុម​ភ្នំពេញ​ក្រោន ​សរុបទាំង ២ជើង ក្នុងលទ្ធផល ៦-២ បន្ទាប់ពីបន្ដវាយបកឈ្នះ ២-១ ក្នុងជំនួបជើងទី២ នៃ​វ​គ្គ ៨ក្រុមចុងក្រោយ កាលពីរាត្រីថ្ងៃទី១២ ខែមីនា ឆ្នាំ២០២៦ នៅ​ពហុកីឡដ្ឋាន​ជាតិ​មរត​ក​តេជោ​។ជំនួបដ៏ស្វិតស្វាញចំពោះមុខអ្នកទស្សនាផ្ទាល់ ១២,១៧៣នាក់នេះ ភ្នំពេញក្រោន នៅតែ​ជា​ក្រុម​រក​បាន​គ្រាប់បាល់នាំមុខមុន ដោយកីឡាករ Moses Dyer នៅនាទី៤៥+៣ ។ បន្ទាប់​មក​ព្រះខ័ន​រាជ​ស្វាយ​រៀង ក៏វាយបកបាន ២គ្រាប់វិញ នៅដើមវគ្គទី២ ដោយកីឡាករ Takasi Odawara ​នៅ​នាទី​៥១​ និងនាទី៦០ ហើយលទ្ធផលនេះ ក៏បានរក្សាដល់ចប់ការប្រកួតពេញម៉ោង។ក្រោយ​ចប់ការប្រកួតលោក Oleg Starynskyi បានអរគុណកូនក្រុម ដែលខំប្រឹងមិនបោះបង់ ទោះ​បី​លទ្ធផលពីជើងទី១ បានផ្ដល់ផលលំបាក តែពួកគេព្យាយាមដល់វនាទីចុងក្រោយ។ បែប​នេះ​ក្ដី​លោកបានទទួលស្គាល់ពីភាពខ្លាំងរបស់ព្រះខ័នរាជស្វាយរៀង ដែលប្រមូល​ផ្ដុំ​ដោយ​កីឡាករ​ល្អ​ៗ​ និងក្រុមការងារគ្រូដ៏ល្អ ហើយលោកក៏ជូនពរឲ្យក្រុមតំណាងកម្ពុជានេះ ទទួល​បាន​ជោគជ័យ​នៅ​វគ្គ​បន្ដ​ផងដែរ។ដោយឡែកគ្រូបង្វឹកព្រះខ័នរាជស្វាយរៀង លោក McConkey Matthew ​ក៏​ដូច​ជា​កីឡាករ ​Odawara​ ថា ​ការប្រកួតជើងទី២ នេះ មិនងាយស្រួលនោះទេ រហូតបង្កឲ្យក្រុមមានក្ដីបារម្ភ បន្ទាប់​ពី​ត្រូវភ្នំពេញក្រោននាំមុខ ១គ្រាប់ទៀតផង។ យ៉ាងណាលោកក៏សរសើរកូនក្រុម ដែល​ធ្វើ​បាន​យ៉ាង​ល្អ ហើយលោកនឹងព្យាយាមបន្ថែមទៀត នៅវគ្គបន្ទាប់ ដែលត្រូវជួបក្រុម Manila Digger ​របស់ហ្វីលីពីន។ក្រោយបន្ដយកឈ្នះភ្នំពេញក្រោន ទាំង ២ជើងក្នុងវគ្គ ៨ក្រុមចុងក្រោយ ព្រះខ័នរាជស្វាយរៀង នឹង​ត្រូវជួបក្រុម Manila Digger ជាថ្មី នៅវគ្គពាក់កណ្ដាលផ្ដាច់ព្រ័ត្រ ដ្បិតកាល​ពី​វគ្គ​ចែក​ពូល​ពាន​លំដាប់​ទី​៣ អាស៊ីនេះ ក្រុមទាំងពីរ ធ្លាប់ជួបគ្នាម្ដងរួចមកហើយ នៅពហុកីឡដ្ឋានជាតិ​មរតក​តេជោ ​ដោយលទ្ធផលស្មើគ្នា ២-២។ជំនួបវគ្គពាក់កណ្ដាលផ្ដាច់ព្រ័ត្រ រវាងក្រុមខ្លាំងកម្ពុជា និងហ្វីលីពីននេះ នឹងធ្វើឡើង ២ជើង ដើម្បី​កាត់​សេចក្ដីក្រុមឈ្នះឡើងទៅវគ្គផ្ដាច់ព្រ័ត្រ ដោយជើងទី១ គ្រោងនឹងប្រកួតនាថ្ងៃទី៩ ខែមេសា នៅ​ពហុកីឡដ្ឋានជាតិមរតកតេជោ និងជើងទី២ ក្រុម Manila Digger ត្រូវធ្វើម្ចាស់ផ្ទះ នៅ​ទឹក​ដី​ហ្វីលីពីន​វិញម្ដង នាថ្ងៃទី១៦ ខែមេសា ឆ្នាំ២០២៦ ខាងមុខ៕ អត្ថបទ លី ឈុនឡា

Valverde ធ្វើបាន Hat-Trick ក្នុងវគ្គទីមួយខណៈ Real Madrid ឈ្នះ Manchester City ៣-០ ជើងទីមួយ

2026/03/12 10:01:24 pm        202
Facebook Telegram Linkin
Federico Valverde ស៊ុតបញ្ចូលទីបីគ្រាប់ម្នាក់ឯក Hat-Trick នៅក្នុងវគ្គទីមួយជួយឱ្យ Real Madrid កាន់ជ័យជនះយ៉ាងកក់ក្តៅ ៣-០ លើ Manchester City មុនត្រលប់ទៅជើងទីពីរ។ក្រុមរបស់លោក Pep Guardiola ចាប់ផ្តើមការប្រកួតជើងទីមួយនៅទីក្រុង Madrid នេះជាក្រុមមានប្រៀប តែការវាយបកនៅពេល Federico Valverde រកបានគ្រាប់ដំបូងពីការប៉ះបញ្ជូនដោយអ្នកចាំទី Thibaut Courtois សម្រេចទីនៅនាទីទី ២០។ ៧ នាទីបន្ទាប់ Vinicius Junior ប៉ះបញ្ជូនឱ្យកីឡាករអ៊ុយរូហ្កាយដដែលសម្រេចដោយជើងឆ្វេងនាំមុខ ២-០ នៅនាទីទី ២៧ មុនពេលគ្រាប់បាល់ទីបីសម្រេចនៅនាទីទី ៤២។ ៣-០ នេះបានរក្សាដល់ ៩០ នាទីគ្មានការកែប្រែមានន័យថាក្រុមរបស់លោក Pep Guardiola ត្រូវធ្វើការងារធ្ងន់នៅជើងទីពីរ។ បរាជ័យរបស់ Manchester City នេះដែរមានន័យថាក្រុមអង់គ្លេសទាំងអស់ដែលមកដល់វគ្គ ១៦ ក្រុមចុងក្រោយ សុទ្ធតែគ្មានក្រុមស្រនុកសុខស្រួលនៅជើងទីពីរ រឺប្រឈមធ្លាក់ទាំងអស់ក៏ថាបាន។ ក្រៅពី Man City ចាញ់នៅផ្ទះ Real Madrid ៣-០ ក្រុមអង់គ្លេសផ្សេងទៀតសុទ្ធតែមិនឈ្នះរួមមាន Chelsea ចាញ់នៅផ្ទះ PSG ៥-២ Tottenham Hotspur ចាញ់នៅផ្ទះ Atletico Madrid ៥-២ Liverpool ចាញ់នៅផ្ទះ Galatasaray ១-០ និងមានតែ Arsenal មួយប៉ុណ្ណោះដែលស្មើ។ រំលឹកដែរថា ២០២២-២៣ ជារដូវកាលមួយដែលក្រុមអង់គ្លេសទាំងអស់មានមុខនៅវគ្គ ១៦ ក្រុម តែឆ្លងផុតមិនផុតទាំងអស់៕អត្ថបទ៖នាង សុភាវុធ

ក្រុមការពារជើងឯក PSG កាន់បីគ្រាប់ចំនេញក្រោយឈ្នះ Chelsea ៥-២ ជើងទីមួយ

2026/03/12 09:55:14 pm        129
Facebook Telegram Linkin
ក្រុមការពារតំណែងជើងឯក Paris Saint Germain បានយកឈ្នះក្រុមភ្ញៀវអង់គ្លេសតោខៀវ Chelsea ៥-២ ក្នុងជំនួបជើងទីមួយនៃវគ្គ ១៦ ក្រុមចុងក្រោយ Champions League នៅទីក្រុងប៉ារីស។កំហុសរបស់អ្នកចាំទីដៃទីពីរ Chelsea, Filip Jorgensen បានធ្វើឱ្យការប្រកួតក្រឡាប់ចាក់បន្ទាប់ពីក្រុមទាំងពីរ មានសភាពប្រហាក់ប្រហែលគ្នា។ Bradley Barcola បើកការនាំមុខឱ្យ PSG នៅនាទីទី ១០ តែ Malo Gusto ក៏ឆ្លើយតបវិញតាមស្មើឱ្យ Chelsea នៅនាទីទី ២៨ មុនពេលដែល PSG ត្រលប់មកនាំមុខវិញនៅនាទីទី ៤០ ដោយ Ousmane Dembele មុនចប់វគ្គទី ១។ Enzo Fernandez ជាអ្នកស៊ុតតាមស្មើ ២-២ ឱ្យ Chelsea នៅនាទីទី ៥៧ តែកំហុសរបស់បច្ចេកទេសរបស់អ្នកចាំទី Chelsea, Filip Jorgensen ធ្វើឱ្យ Vitinha រកបានគ្រាប់បាល់នាំមុខសាជាថ្មីឱ្យ PSG។ កីឡាករបម្រុង Kvaratskhelia ដែលប្តូរចូលជំនួស Desire Doue បានក្លាយជាតួឯកក្នុងការប្រកួតនេះបន្ទាប់ពី រកបានពីរគ្រាប់ម្នាក់ឯងនៅនាទីទី ៨៦ និង ៩០+៤។ ចប់ការប្រកួតក្រុមរបស់លោក Luis Enrique យកឈ្នះ ៥-២ ខណៈ Chelsea ត្រូវត្រលប់ទៅទឹកដីរបស់ខ្លួនវិញ ត្រូវការ ៣ គ្រាប់នៅ Stamford Bridge សប្តាហ៍ក្រោយ៕ អត្ថបទ៖នាង សុភាវុធ

Bodo/Glimt បន្តបង្កភាពភ្ញាក់ផ្អើលនៅអឺរ៉ុបក្រោយឈ្នះ Sporting ៣-០ ជើងទីមួយ

2026/03/12 09:44:09 pm        142
Facebook Telegram Linkin
ក្រុមបាល់ទាត់ន័រវេស Bodo/Glimt នៅតែបន្តបង្កភាពភ្ញាក់ផ្អើលរបស់ខ្លួននៅអឺរ៉ុបក្រោយយកឈ្នះក្រុមភ្ញៀវ Sporting ៣-០ ជើងទីមួយវគ្គ ១៦ ក្រុមចុងក្រោយ UEFA Champions League។នេះជាជ័យជំនះ ៥ ប្រកួតជាប់គ្នាសម្រាប់ Bodo/Glimt ដែលទើបបង្ហាញខ្លួនលើកដំបូងនៅ Champions League នេះ។ Bodo/Glimt លេងមិនឈ្នះការប្រកួត ៦ ប្រកួតដំបូងនៅវគ្គវិលជុំ មុនពេលឈ្នះពីរប្រកួតចុងក្រោយលើ Manchester City និង Atletico Madrid ទទួលបានកៅអី Play-Off មុនបន្តយកឈ្នះជើងឯករងឆ្នាំមុន Inter Milan ទាំងទៅទាំងមកទទួលបានកៅអីវគ្គ ១៦ ក្រុមនេះ។ ក្រុមរបស់លោក Kjetil Knutsen បានដាក់ ១១ នាកដំបូងដដែលដូចពេលឈ្នះក្រុមធំៗមុនៗ ហើយ ១១ នាក់ដដែលនេះក៏នៅតែមានប្រសិទ្ធភាព។ Soundre Fet រកបានគ្រាប់ដំបូងឱ្យក្រុមម្ចាស់ផ្ទះដោយបាល់ពិន័យ ១១ ម៉ែត្រមុនពេល Ole Blomberg បន្ថែមមួយគ្រាប់ទៀតចុងវគ្គទីមួយ ហើយខ្សែប្រយុទ្ធ Kasper Hoge ជាអ្នកសម្រេចគ្រាប់បាល់ចុងក្រោយឱ្យ Bodo/Glimt ឈ្នះយ៉ាងកក់ក្តៅ ៣-០ លើ Sporting។ Bodo/Glimt នឹងត្រលប់ទៅកាន់ទឹកដីព័រទុយហ្កាល់វិញសប្តាហ៍ក្រោយដើម្បីសម្រេចជោគវាសនារបស់ខ្លួននៅអឺរ៉ុប ខណៈជ័យជំនះនឹងធ្វើឱ្យពួកគេទៅវគ្គ ៨ ក្រុមចុងក្រោយជួប Leverkusen រឺ Arsenal៕ អត្ថបទ៖នាង សុភាវុធ

បាល់ពិន័យ ១១ ម៉ែត្រសម្រេចដោយ Havertz សង្គ្រោះ Arsenal ពីបរាជ័យនៅទឹកដី Leverkusen

2026/03/12 09:35:01 pm        123
Facebook Telegram Linkin
ខ្សែប្រយុទ្ធអាល្លឺម៉ង់ Kai Havertz ក្លាយជាអ្នកសង្គ្រោះក្រុមកំពូលនៅអង់គ្លេសកាំភ្លើងធំ Arsenal ពីបរាជ័យនៅទឹកដី Leverkusen បន្ទាប់ពីស៊ុតបាល់ពិន័យ ១១ ម៉ែត្រចុងម៉ោងតាមស្មើ ១-១ ជើងទីមួយវគ្គ ១៦ ក្រុម។ កីឡាករអាល្លឺម៉ង់រូបនេះ ធ្លាប់ចំណាយពេល ១០ ឆ្នាំជាមួយ Leverkusen មុនពេលផ្លាស់មកកាន់ Chelsea នៅឆ្នាំ ២០២០ ក្នុងតម្លៃ ៧១ លានផោន។ Robert Andrich រកបានគ្រាប់នាំមុខឱ្យ Leverkusen នៅនាទីទី ៤៦ តែតបញ្ចូលទីពីបាល់ជ្រុងរបស់ Alex Grimaldo និងជាលើកដំបូងដែល Arsenal ត្រូវបានគេនាំមុខមុនរដូវកាលនេះ។ក្រុមរបស់លោក Mikel Arteta មកដល់ការប្រកួតនេះជាមួយនឹងស្ថិតិល្អឥតខ្ចោះឈ្នះ ៨ ប្រកួតពេញនៅ Champions League តែពួកគេប៊ិះនឹងស្គាល់បរាជ័យលើកដំបូងទៅហើយ។ Noni Madueke ត្រូវបានបង្អាក់ដំណើរដោយខ្សែការពារ Leverkusen, Malik Tillman ធ្វើឱ្យអាជ្ញាកណ្តាលផ្តល់បាល់ពិន័យ ១១ ម៉ែត្រទៅកាន់ Arsenal។Kai Havertz មិនភ្លាត់ឡើយក្នុងការស៊ុតបាល់ ១១ ម៉ែត្រឱ្យ Arsenal តាមស្មើអតីតក្រុមរបស់ខ្លួន ១-១ នៅនាទីទី ៨៩។Arsenal នៅពេលនេះបាត់បង់កំណត់ត្រាឈ្នះជាប់រហូតនៅ Champions League រដូវកាលនេះ តែហោចណាស់ក៏ពួកគេជាក្រុមមានប្រៀប និងមានឱកាសឡើងវគ្គបន្តនៅពេលត្រលប់ទៅទឹកដី Emirate សប្តាហ៍ក្រោយ៕ អត្ថបទ៖នាង សុភាវុធ

សហព័ន្ធវាយកូនបាល់ត្រៀមប្រកួតជើងឯកជាតិស្វែងរកធនធានឆ្នើមៗត្រៀមការប្រកួតកម្រិតអន្តរជាតិ

2026/03/12 09:27:44 pm        163
Facebook Telegram Linkin
សហព័ន្ធកីឡាវាយកូនបាល់កម្ពុជាបានប្រកាសជូនដំណឹងដល់ក្រសួង រាជធានី-ខេត្ត សមាគម-ក្លឹបកីឡាវាយកូនបាល់ទាំងអស់ថា សហព័ន្ធគ្រោងនឹងរៀបចំការប្រកួតកីឡាវាយកូនបាល់ ជ្រើសរើសជើងឯកថ្នាក់ជាតិ ប្រចាំឆ្នាំ២០២៥មានរយៈពេល៤ថ្ងៃ ចាប់ពីថ្ងៃទី១៦-១៩ ខែមីនា ឆ្នាំ២០២៦ នៅទីលានពហុកីឡដ្ឋានជាតិអូឡាំពិក ដើម្បីស្វែងរកធនធានកីឡាករ កីឡាការិនីឆ្នើមៗត្រៀមការប្រកួតកម្រិតអន្តរជាតិ។លោក ជា ពៅ អគ្គលេខាធិការរង សហព័ន្ធកីឡាវាយកូនបាល់កម្ពុជាបានគូសបញ្ជាក់ថា តាមផែនការប្រចាំឆ្នាំរបស់សហព័ន្ធ ចំពោះការប្រកួតកម្រិតខ្ពស់ថ្នាក់ជាតិនេះ សហព័ន្ធត្រៀមរៀបចំវិញ្ញាសាចំនួន៤ រួមមាន៖ វាយឯកត្តជនបុរស-នារី វាយគូបុរស និងវិញ្ញាសាយុវជនអាយុក្រោម១៨ឆ្នាំ។ ចំពោះការទទួលពាក្យចុះឈ្មោះចូលរួមប្រកួតរបស់សមាគម-ក្លឹបនានាគ្រោងនឹងបញ្ចប់នាថ្ងៃទី១៤ ខែមីនាខាងមុខ។អគ្គលេខាធិការរងរូបនេះបន្ថែមថា គ្រប់សមាសភាពកីឡាករ កីឡាការិនី ក្លឹប-សមាគមទាំងអស់ដែលបានចុះឈ្មោះចូលរួមនឹងត្រូវមកជួបជុំគ្នា នៅរសៀលថ្ងៃទី១៥ ខែមីនា ដើម្បីប្រជុំបច្ចេកទេស និងចាប់ឆ្នោត។ ការប្រកួតកីឡាវាយកូនបាល់ ជ្រើសរើសជើងឯកថ្នាក់ជាតិនេះប្រើប្រាស់កញ្ចប់ថវិកាគាំទ្ររបស់ក្រសួងអប់រំ យុវជន និងកីឡា សម្រាប់ពន្លឿនផែនការអភិវឌ្ឍន៍ប្រភេទកីឡាអូឡាំពិកដ៏ពេញនិយមមួយនេះឱ្យកាន់តែល្អប្រសើរបន្ថែមទៀត ជាពិសេសជ្រើសរើសធនធានកីឡាករ កីឡាការិនីឆ្នើមៗ ត្រៀមជ្រើសរើសដាក់បញ្ជូលក្នុងក្រុមជម្រើសជាតិ ត្រៀមការប្រកួតអន្តរជាតិនានា នាពេលខាងមុខផងដែរ។គួររំលឹកថា សហព័ន្ធកីឡាវាយកូនបាល់កម្ពុជាតែងរៀបចំទទួលរៀបចំការប្រកួតកីឡាវាយកូនបាល់អាស៊ី វគ្គជម្រុះតំបន់ ក៏ដូចជារៀបចំព្រឹត្តិការណ៍អន្តរជាតិនានាជាបន្តបន្ទាប់ ដោយតែងតែបានផ្តល់ឱកាសជូនដល់កីឡាករ កីឡាការិនីរបស់ខ្លួនបានដកពិសោធន៍បង្កើនគុណភាពបច្ចេកទេសជាមួយអត្តពលិកមកពីបណ្តាប្រទេសនានា។ ចំពោះការចូលរួមប្រកួតរបស់អត្តពលិកកម្ពុជាក្នុងព្រឹត្តិការណ៍អន្តរជាតិត្រូវបានលោក ទេព រិទ្ធិវិទ្ធ អគ្គលេខាធិការ សហព័ន្ធកីឡាវាយកូនបាល់កម្ពុជាចាត់ទុកថា ការធ្វើម្ចាស់ផ្ទះពិតជាបានផ្តល់អត្ថប្រយោជន៍យ៉ាងច្រើនជាមួយនឹងការផ្តល់សេចក្តីទុកចិត្តពីសហព័ន្ធវាយកូនបាល់អន្តរជាតិ និងរិតចំណងមិត្តភាព សាមគ្គីភាពជាមួយបណ្តាប្រទេសចូលរួម ព្រមទាំងផ្តល់ឱកាសដល់អត្តពលិកកម្ពុជាទាំងឈុតយុវជន និងឈុតធំបានដកពិសោធន៍ក្នុងការប្រកួតលក្ខណៈអន្តរជាតិ។ បើចង់អភិវឌ្ឍសមត្ថភាពរបស់អត្តពលិកយើង នោះត្រូវផ្តល់ឱកាសឱ្យពួកគាត់បានចូលរួមប្រកួតឱ្យបានកាន់តែច្រើន គឺកាន់តែល្អប្រសើរ៕

សហព័ន្ធកីឡាបញ្ចស៊ីឡាត់ប្រកាសរៀបចំការប្រកួតជើងឯកជាតិលើកទី២ ចម្រាញ់រកអត្តពលិកឆ្នើម

2026/03/12 05:56:23 pm        369
Facebook Telegram Linkin
សហព័ន្ធកីឡាបញ្ចស៊ីឡាត់កម្ពុជាប្រកាសរៀបចំការប្រកួតកីឡាបញ្ចស៊ីឡាត់ជ្រើសរើសជើងឯកថ្នាក់ជាតិលើកទី២ ឆ្នាំ២០២៦ មានរយៈពេល ២ ថ្ងៃ នាចុងសប្តាហ៍នេះ ដើម្បីចម្រាញ់រកកីឡាករ-កីឡាការិនីឆ្នើមនៅត្រៀមចូលរួម The 22 ASEAN UniversityGames ឆ្នាំ២០២៦ នៅប្រទេសម៉ាឡេស៊ី។លោក អ៊ួ តារា អគ្គលេខាធិការសហព័ន្ធកីឡាគុនបញ្ចស៊ីឡាត់កម្ពុជាបានឲ្យដឹងថា ការប្រកួត កីឡាបញ្ចស៊ីឡាត់ជ្រើសរើសជើងឯកថ្នាក់ជាតិលើកទី២ ឆ្នាំ២០២៦នេះ ត្រូវបានធ្វើោឡើងក្រោមការចង្អុលបង្ហាញរបស់ ប្រធានសហព័ន្ធ និងសមាជិកប្រតិបត្តិសហព័ន្ធបានជំរុញឲ្យខានតែបានសម្រាប់រៀបចំការប្រកួតជើងឯកថ្នាក់ជាតិដើម្បីជាការបោះជំហានមួយទៀតក្នុង ប្រមូលផ្តុំអត្តពលិកមានទេពកោសល្យក្នុងការលេងប្រភេទកីឡានេះ និងផ្សព្វផ្សាយកីឡាបញ្ចស៊ីឡាត់ឲ្យកាន់តែសុះសាយនៅប្រទេសកម្ពុជា។លោកអគ្គលេខាធិការសហព័ន្ធបានបញ្ជាក់ថា នេះជាឆ្នាំទី២ហើយដែលសហព័ន្ធរៀបចំការប្រកួតនឹងប្រព្រឹត្តទៅចាប់ថ្ងៃទី១៤ -១៥ ខែមីនា ឆ្នាំ២០២៦ ដោយសារឆ្នាំទី១ គណៈកម្មាការ រៀបចំការប្រកួតទទួលបានការចូលរួមចុះឈ្មោះត្រឹមតែចំនួន២២ សាលាគុន មកពី៩ រាជធានីខេត្ត ក្នុងនោះមាន ខេត្តព្រៃវែង កណ្តាល កំពង់ឆ្នាំង រតនគីរី បន្ទាយមានជ័យ សៀមរាប តាកែវ បាត់ដំបង និងរាជធានីភ្នំពេញ។ ហើយអត្តពលិកចូលរួមមានចំនួន ១២៧រូប រួមមានកីឡាការិនី ៤១ រូប កីឡាករ ៨៦ រូប ប្រតិភូគ្រូបង្វឹក ៣០រូប មន្ត្រីបច្ចេកទេស ៣០រូប និង-ក្រុមការងារទទួលបន្ទុកការអនុគណៈកម្មាការនីមួយៗចំនួន២៥រូប។លោក អ៊ួ តារា បានបញ្ជាក់ទៀតថា ការប្រកួតកីឡាបញ្ចស៊ីឡាត់ជ្រើសរើសជើងឯកថ្នាក់ជាតិឆ្នាំនេះត្រូវបានថ្នាក់ដឹកនាំសហព័ន្ធខិតខំជំរុញកីឡាបញ្ចស៊ីឡាត់នេះឱ្យមានការរីកចម្រើន ដើម្បីចេញទៅប្រកួតនៅក្រៅប្រទេសអាចដណ្តើមមេដាយជូនប្រទេសជាតិ។សូមបញ្ជាក់ថា ការប្រកួតខាងលើនេះមានរយៈពេល ២ ថ្ងៃ គឺថ្ងៃទី១៤ និង១៥ ខែមីនា ឆ្នាំ២០២៦ នៅសាលដំបូលទូក នៃសាកលវិទ្យាល័យភូមិន្ទភ្នំពេញ ។ ក្នុងគោលបំណងដើម្បីសម្រិតសម្រាំងរកធនធានកីឡាករ កីឡាការិនីឆ្នើមៗដើម្បីត្រៀមខ្លួនចូលរួមក្នុងព្រឹត្តិការណ៍ការប្រកួតកីឡាសាកលវិទ្យាល័យអាស៊ានលើកទី២២ (The 22 ASEAN University Games) ឆ្នាំ២០២៦ នៅប្រទេសម៉ាឡេស៊ី ដែលគ្រោងនឹងរៀបចំពីថ្ងៃទី១០-១៩ ខែធ្នូ ឆ្នាំ២០២៦ នៅប្រទេសម៉ាឡេស៊ី៕

បណ្ដាញសង្គម

ព័ត៌មានថ្មីៗ

លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង
07/26/2026 02:07 PM
Facebook Telegram Linkin
មន្ទីរសាធារណការខេត្តកំពង់ស្ពឺ កំពុង​ពន្លឿន​ជួសជុល និងថែទាំកំណាត់ផ្លូវដែលកំពុងរងការខូចខាតឱ្យប្រសើរឡើងវិញ
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជនកម្ពុជាឃុំកណ្តឹងស្រុកបាទី ផ្សព្វផ្សាយសេចក្តីសម្រេចស្តីពីផែនការរួម ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ ២០២៧
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជាជនកម្ពុជារាជធានីភ្នំពេញ ប្រកាសបញ្ចូលជាសមាជិកថ្មីជិត ៣០០០នាក់នៅខណ្ឌព្រែកព្នៅ
07/26/2026 02:07 PM
Facebook Telegram Linkin
បណ្ដេញជនជាតិថៃ ៣៩នាក់ ចេញពីកម្ពុជាពាក់ព័ន្ធបទល្មើសចូលដោយទុច្ចរិតក្នុងទីលានយោធា និងលួចឆ្លងដែនដោយខុសច្បាប់
07/26/2026 02:07 PM
Facebook Telegram Linkin
ចំនួនមនុស្សស្លាប់ដោយសារជំងឺអេបូឡានៅប្រទេសកុងហ្គោកើនឡើងដល់ជាង ១.៣០០នាក់
07/26/2026 01:07 PM
Facebook Telegram Linkin
មនុស្សម្នាក់ស្លាប់ និង ១៥នាក់ រងរបួស ក្រោយរថយន្តមួយគ្រឿងបើកបុកហ្វូងមនុស្សនៅព្យុហយាត្រាឥន្ទធនូក្រុងប៊ែរឡាំង
07/26/2026 01:07 PM
Facebook Telegram Linkin
សមត្ថកិច្ចកម្ពុជាបណ្ដេញជនជាតិចិន ១៥៨នាក់ ចេញពីកម្ពុជាពាក់ព័ន្ធករណី Online Scams និងបទល្មើសផ្សេងៗ
07/26/2026 12:07 PM
Facebook Telegram Linkin
កម្ពុជាចូលរួមសន្និសីទជាន់ខ្ពស់នៃឧត្តមភាគីចុះកិច្ចព្រមព្រៀងនៃសន្ធិសញ្ញាមិត្តភាព និងសហប្រតិបត្តិការនៅតំបន់អាស៊ីអាគ្នេយ៍
07/26/2026 12:07 PM
Facebook Telegram Linkin
មនុស្សយ៉ាងហោច ២១នាក់ រងរបួស ក្នុងហេតុការណ៍អគ្គិភ័យនៅទីក្រុងញូវយ៉ក សហរដ្ឋអាមេរិក
07/26/2026 12:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.