BTV NEWS

Kazuyoshi Miura កីឡាករបាល់ទាត់អាជីពវ័យចំណាស់បំផុតស៊ុតបញ្ចូលទីជាលើកដំបូងក្នុងរយៈពេលជិត ៤ឆ្នាំ នៅវ័យ ៥៩ឆ្នាំ

វីរបុរស World Cup របស់កាប់វែរ Vozinha ព្រមព្រៀងផ្ទេរទៅកាន់ក្លិប Colo-Colo របស់ស៊ីលី

សារដ៏ចម្រូងចម្រាស «The Malvinas are Argentine» ត្រូវបានបោះពុម្ពផ្សាយដោយឥតគិតថ្លៃនៅអាហ្សង់ទីន

ក្រុម ស.ស.យ.ក អលស្ដារ គ្រោងរៀបចំការប្រកួតសប្បុរសធម៌ នាចុងខែសីហា ក្រោយជំនួបមិត្តភាពផ្លូវការលើកដំបូង

ព័ត៌មានកីឡា

កីឡារាំកម្ពុជា ឈ្នះមេដាយ ៥គ្រឿងបណ្ដោះអាសន្ន នៃជើងឯកអាស៊ី និងជើងឯកអាស៊ីអាគ្នេយ៍ នៅវៀតណាម

ក្រុមកីឡារាំជម្រើសជាតិកម្ពុជា បានឈ្នះមេដាយចំនួន ៥គ្រឿងបណ្ដោះអាសន្ន ក្នុងបេសកកម្មចូលរួមការប្រកួតជើងឯកអាស៊ី និងអាស៊ីអាគ្នេយ៍ ឆ្នាំ២០២៥ (WDSF Asian-South East Asian Championship 2025) នៅក្រុងហូជីមិញ ប្រទេសវៀតណាម ដែលប្រព្រឹត្តទៅពីថ្ងៃទី៨ ដល់ថ្ងៃទី១៣ ខែកក្កដាចុសងប្ដាហ៍នេះ។ គិតត្រឹមល្ងាចថ្ងៃទី១០ ខែកក្កដាកន្លងទៅ ពោលគឺក្រោយចាប់ផ្ដើមការប្រកួតផ្លូវការបាន ២ថ្ងៃ ក្រុមកីឡារាំកម្ពុជា ដណ្ដើមបានមេដាយ ៥គ្រឿងជូនជាតិ ក្នុងនោះមានមេដាយប្រាក់ ១ និងមេដាយសំរឹទ្ធ ៤ ។ សម្រាប់មេដាយប្រាក់ ដណ្ដើមបានដោយកីឡាការិនី ឱ រចនី លើវិញ្ញាសារាំចង្វាក់ Jive ហើយកញ្ញា ក៏ឈ្នះមេដាយសំរឹទ្ធ ១ លើវិញ្ញាសារាំចង្វាក់ Paso Doble ផងដែរ។ រីឯមេដាយសំរឹទ្ធ ៣គ្រឿងទៀត ទទួលបានដោយកីឡាករ ជុំ លីហៀង និងកីឡាការិនី ឱ រក្សា លើវិញ្ញាសារាំចង្វាក់ Samba ១គ្រឿង និងវិញ្ញាសារាំចង្វាក់ Cha Cha Cha ១គ្រឿង ព្រមទាំងកីឡាករ សេង សុគីម និងកីឡាការិនី ម៉ូវ ដានីតា ទទួលបានលើវិញ្ញាសារាំចង្វាក់ Paso Doble។ គួរដឹងថា ព្រឹត្តិការណ៍ WDSF Asian-South East Asian Championship 2025 នេះ មានអត្តពលិកចូលរួមសរុបជាង ៣ពាន់នាក់ មកពី ៣៧ប្រទេសក្នុងទ្វីបអាស៊ី ក្នុងនោះសហព័ន្ធកីឡារាំកម្ពុជា បានបញ្ជូនអត្ដពលិករបស់ខ្លួន ១៨នាក់ចូលរួមការប្រកួតប្រចាំឆ្នាំនេះផងដែរ៕អត្ថបទ លី ឈុនឡា, រូបភាពពាក់ព័ន្ធ៕

AirAsia និងព្រះខ័នរាជស្វាយរៀង ចាប់ដៃគ្នាដើម្បីលើកកម្ពស់វិស័យបាល់ទាត់កម្ពុជាក្នុងតំបន់

ក្រុមហ៊ុនអាកាសចរណ៍ AirAsia Cambodia បានចុះហត្ថលេលើអនុស្សរណៈយោគយល់គ្នា(MoU)ជាមួយក្រុមជើងឯកលីគកំពូលកម្ពុជា ព្រះខ័នរាជស្វាយរៀង ក្នុងនាមជាដៃគូក្រុមហ៊ុនអាកាសចរណ៍របស់ក្លឹប សម្រាប់ដំណើរទស្សនកិច្ចរបស់ក្លឹបទៅកាន់ទីក្រុងកូឡាឡាំពួរនាពេលខាងមុខ។ ពិធីចុះ MoU នេះ បានធ្វើឡើងកាលពីថ្ងៃទី៨ ខែកក្កដាទៅ ដោយមានការចូលរួមពីតំណាងក្រុមហ៊ុន និងក្លិប ក៏ដូចជាកីឡាករមួយចំនួនផងដែរ។តាមរយៈភាពជាដៃគូនេះ នឹងពង្រឹងចក្ខុវិស័យរួមគ្នា រវាងក្រុមហ៊ុនអាកាសចរណ៍ AirAsia Cambodia និងក្លិបព្រះខ័នរាជស្វាយរៀង ក្នុងការលើកកម្ពស់វិស័យបាល់ទាត់កម្ពុជានៅក្នុងឆាកតំបន់ ដោយក្រុមហ៊ុន នឹងផ្តល់សំបុត្រធ្វើដំណើរដល់ថ្នាក់ដឹកនាំ ព្រមទាំងកីឡាករ-កីឡាការិនីរបស់ ក្លឹបចំនួន ៥១រូប ក្នុងដំណើរទស្សនកិច្ចមុនរដូវរបស់ក្លឹបពីទីក្រុងភ្នំពេញ ទៅកាន់ទីក្រុងកូឡាឡាំពួរ នៅចន្លោះថ្ងៃទី១៤ ខែកក្កដា ឆ្នាំ ២០២៥ ដែលជាផ្នែកមួយ នៃកម្មវិធីហ្វឹកហាត់កំឡុង Pre-Season មុនរដូវកាល និងត្រៀមខ្លួនកាន់តែល្អប្រសើរ តាមរយៈការប្រកួតមិត្តភាពជាមួយក្លឹបល្បីៗរបស់ប្រទេសម៉ាឡេស៊ី។ គំនិតផ្តួចផ្តើមនៃដំណើរទស្សនៈកិច្ចនេះ នឹងផ្តល់នូវការបង្ហាញខ្លួនលើឆាកអន្តរជាតិរបស់កម្ពុជាដ៏មានតម្លៃ លើកកម្ពស់មោទនភាពជាតិនិងពង្រឹង ទំនាក់ទំនងក្នុងតំបន់ តាមរយៈទំនាក់ទំនងការទូតកីឡា។ ភាពជាដៃគូនេះ បានឆ្លុះបញ្ចាំងពីតម្លៃស្នូលរបស់ក្រុមហ៊ុនអាកាសចរណ៍ AirAsia «ហ៊ានស្រមៃ» (Dare to Dream) និងស្របជាមួយយុទ្ធសាស្ត្ររបស់ក្រុមហ៊ុនក្នុងការលើកកម្ពស់អត្តពលិក និងបង្រួបបង្រួមសហគមន៍ប្រជាជាតិអាស៊ីអាគ្នេយ៍អាស៊ានតាមរយៈកីឡា។ ដោយធ្វើឱ្យការធ្វើដំណើរកាន់តែងាយស្រួល ក្រុមហ៊ុនអាកាចរណ៍ AirAsia Cambodia នៅ តែប្តេជ្ញាក្នុងការបន្តគាំទ្រយុវជនដែលមានទេពកោសល្យនិងសមត្ថភាព និងលើកកម្ពស់មោទនភាពជាតិ ភាពរួបរួមគ្នា និងទំនាក់ទំនងឆ្លងតំបន់។ ជាមួយគ្នា ភាគីទាំងពីរ ក៏មានគោលបំណងបំផុសគំនិតដល់អត្តពលិកជំនាន់ក្រោយរបស់កម្ពុជា និងបង្ហាញពីអានុភាពបង្រួបបង្រួមគ្នាតែមួយនៃកីឡាក្នុងការផ្សារភ្ជាប់វប្បធម៌ និងពង្រឹងទំនាក់ទំនងតំបន់។លោក ណម វិស្សុត នាយកប្រតិបត្តិនៃក្រុមហ៊ុនអាកាសចរណ៍ AirAsia Cambodia មានប្រសាសន៍ថា ក្រុមហ៊ុនមានទំនុកចិត្តលើការតភ្ជាប់ទំនាក់ទំនងមនុស្ស និងសហគមន៍ ហើយកីឡា គឺជាមធ្យោបាយដ៏ឥទ្ធិពលមួយក្នុងការធ្វើវា។ លោកមានមោទនភាពក្នុងការគាំទ្រាក្លឹបបាល់ទាត់ព្រះខ័នរាជស្វាយរៀង ក្នុងដំណើររបស់ពួកគេ និងចូលរួមចំណែកក្នុងការលើកកម្ពស់ក្លិប ដែលមានសមត្ថភាពរបស់កម្ពុជាទៅក្នុងតំបន់។ ដោយមានតែការធ្វើដំណើរទេ ដែលអាចផ្តល់ជាលទ្ធភាពឲ្យពួកគេ ហើយយើងនៅតែប្តេជ្ញាបន្តពង្រឹងយុវជន និងជំរុញភាពរួបរួមទូទាំងអាស៊ាន តាមរយៈបទពិសោធន៍រួមគ្នា ទាំង នេះក៏ដូចជាការចូលរួមចំណែកមួយនេះផងដែរ។ឯកឧត្តម ឌី វិជ្ជា ប្រធានក្លឹបព្រះខ័នរាជស្វាយរៀង បានមានប្រសាសន៍ថា ភាពជាដៃគូនេះ គឺជាផ្នែកមួយនៃ ចក្ខុវិស័យកាន់តែធំទូលាយក្នុងការនាំយកបាល់ទាត់កម្ពុជាទៅកាន់កម្រិតខ្ពស់មួយដែលល្អប្រសើរជាងនេះ ខណៈពេលដែលធានាបានថា ក្រុមបានត្រៀមខ្លួនយ៉ាងល្អ ដើម្បីប្រកួតក្នុងកម្រិតកំពូលបំផុតរបស់ក្រុម។ ជាមួយគ្នា ឯកឧត្តមក៏បានថ្លែងអំណរគុណ ចំពោះក្រុមហ៊ុនអាកាចរណ៍ AirAsia Cambodia ដែលជឿជាក់លើចក្ខុវិស័យរបស់ក្លិប និងសម្លឹងឆ្ពោះទៅមុខពីភាពជោគជ័យ និងមានអត្ថន័យខ្ពស់ចំពោះភាពជាដៃគូនេះនាពេលអនាគត។អត្ថបទ លី ឈុនឡា, រូបភាព គង់ ហន៕

លឹម ពិសុទ្ធ និង សារ ទី ផ្លាស់ប្ដូរទ្រនំគ្នា បង្កការភ្ញាក់ផ្អើលដល់អ្នកគាំទ្រ

កីឡាករជម្រើសជាតិកម្ពុជា លឹម ពិសុទ្ធ និង សារ ទី ត្រូវបានប្រកាសផ្លាស់ប្ដូរទ្រនំថ្មី ដើម្បីបន្ដអាជីពរៀងៗខ្លួន ដោយ ពិសុទ្ធ ចាកចេញពីភ្នំពេញក្រោន ទៅចូលរួមជាមួយវិសាខា គ្រាដែល សារ ទី ចេញពីវិសាខា ទៅចូលរួមជាមួយភ្នំពេញក្រោន ។ ការដោះដូរនេះ បានធ្វើឲ្យអ្នកគាំទ្រមានការភ្ញាក់ផ្អើលជាខ្លាំង ក្នុងទីផ្សារដោះដូរកីឡាករត្រៀមរដូវកាលថ្មីខាងមុខ។ លឹម ពិសុទ្ធ គឺជាកីឡាករដែលទទួលការបណ្ដុះបណ្ដាលក្នុងជំរំថ្នាលផ្ទាល់របស់ភ្នំពេញក្រោន តាំងពីឆ្នាំ២០១២ រហូតដល់ឆ្នាំ២០១៩ មុនដំឡើងមកកាន់ក្រុមធំសិង្ហក្រហម ពីឆ្នាំ២០២០ រហូតដល់ល្ងាចថ្ងៃទី៩ ខែកក្កដា ភ្នំពេញក្រោន ក៏បានប្រកាសចែកផ្លូវគ្នា ជាមួយសារអរគុណរូបគេ ដែលខិតខំប្រឹងប្រែងប្រកួតប្រជែងលើទីលាន និងទទួលបានសម្មិទ្ធផលដ៏ជោគជ័យជាមួយក្លិបនាពេលកន្លងមក។ ទន្ទឹមជាមួយការចាកចេញ ក្រោយរួមរស់ជាង ១០ឆ្នាំនេះដែរ ពិសុទ្ធ ក៏បានបង្ហោះសារថ្លែងអំណរគុណថ្នាក់ដឹកនាំក្លិបភ្នំពេញក្រោន ពិសេសលោកឧកញ៉ា ឬទ្ធី សំណាង អតីតប្រធានក្លិប និងលោកជំទាវ Phu Cherlin ប្រធានក្លិបបច្ចុប្បន្ន ដែលបានបង្កើតក្លឹបភ្នំពេញក្រោន ជួយទៅដល់ការងារសង្គម និងអភិវឌ្ឍន៍យុវជន និងបាល់ទាត់នៅកម្ពុជា ជាក់ស្ដែងរូបគេ ក៏ទទួលបានការបណ្ដុះបណ្ដាលនៅទីនេះផងដែរ។ ពិសុទ្ធ បានអរគុណដល់គ្រប់ភាគីពាក់ព័ន្ធ ដែលបានមើលថែខ្លួនបានយ៉ាងល្អ ហើយខ្លួននឹងកត់ត្រាភ្នំពេញក្រោនក្នុងបេះដូងជារៀងរហូតខ្លួន ក៏ដូចជាជូនពរភ្នំពេញក្រោន ឲ្យបន្ដទទួលបានភាពជោគជ័យផងដែរ។ ដំណាលគ្នានឹងការប្រកាសចែកផ្លូវជាមួយ លឹម ពិសុទ្ធ នោះ ក្រឡេកទៅក្រុមវិសាខា ក៏បានប្រកាសចែកផ្លូវជាមួយកីឡាករ សារ ទី នៅល្ងាចថ្ងៃទី៩ ខែកក្កដា បន្ទាប់ពីរូបគេបានរួមចំណែកជួយក្លិបអស់រយៈពេល ៣រដូវកាលកន្លងមក ។ សារ ទី បានផ្ដើមអាជីពបាល់ទាត់ នៅសាលាបាល់ទាត់ជាតិបាទី នៅចន្លោះឆ្នាំ២០១៩-២០២០ មុនផ្ទេរមកលេងឲ្យអតីតក្រុមបាល់ទាត់អគ្គិសនីកម្ពុជា នៅចន្លោះឆ្នាំ២០២០-២០២១ ជាទីកន្លែងដែលរូបគេបានបង្ហាញសមត្ថភាព និងកសាងនូវភាពលេចធ្លោរក្នុងអាជីពបាល់ទាត់ រហូតដល់ឆ្នាំ២០២២ រូបគេក៏បានផ្ទេរមកកាន់ក្រុមវិសាខា។ អ្វីដែលភ្ញាក់ផ្អើល គឺនៅព្រឹកថ្ងៃទី១០ ខែកក្កដានេះ ក្នុងពេលតែមួយ វត្តមានខ្សែប្រយុទ្ធវ័យក្មេងដ៏មានសក្ដានុពលរបស់ក្រុមជម្រើសជាតិកម្ពុទាំង ២រូប ត្រូវបានក្លិបភ្នំពេញក្រោន និងវិសាខា ប្រកាសនាំចូលត្រៀមរដូវកាលថ្មីរៀងៗខ្លួន ដោយ លឹម ពិសុទ្ធ បានផ្ទេរទៅកាន់វិសាខា និង សារ ទី ផ្ទេរទៅកាន់ភ្នំពេញក្រោន។ ធ្លាប់ជាក្រុម និងជាដៃគូប្រកួតប្រជែងដ៏ខ្លាំងក្លាក្នុងលីគ ការផ្លាស់ប្ដូរនេះ បានបង្កការភ្ញាក់ផ្អើលជាខ្លាំង ដែលធ្វើឲ្យអ្នកគាំទ្រស្ទើរមិនគួរឲ្យជឿ ។ តែយ៉ាងណានេះ គឺជាបាល់ទាត់ដែលអាចមានការប្រែប្រួលគ្រប់ពេល ហើយគេក៏សង្ឃឹមថា ការផ្លាស់ប្ដូរទ្រនំថ្មីនេះ ទាំង លឹម ពិសុទ្ធ និង សារ ទី នឹងអភិវឌ្ឍន៍ខ្លួនកាន់តែរីកចម្រើនបន្ថែមទៀត៕អត្ថបទ លី ឈុនឡា, រូបភាពពាក់ព័ន្ធ៕

ជឺជីតស៊ូបញ្ជូនអត្តពលិកទ្រង់ទ្រាយធំទៅប្រកួតជើងឯកអាស៊ាន ដើម្បីស្ទង់សមត្ថភាពត្រៀមស៊ីហ្គេម

សហព័ន្ធកីឡាជឺជីតស៊ូកម្ពុជា បានបញ្ជូនប្រតិភូកីឡារបស់ខ្លួន ២១រូប ក្នុងនោះមានកីឡាករ-កីឡាការិនី ១៨រូប ទៅចូលរួមព្រឹត្តិការណ៍ប្រកួតកីឡាជឺជីតស៊ូជ្រើសរើសជើងឯកអាស៊ីអាគ្នេយ៍ លើកទី២(JJAU South East Asian Regional Championships 2025) នៅទីក្រុងម៉ានីល ប្រទេសហ្វីលីពីន នាថ្ងៃទី១២-១៣ ខែកក្កដា ឆ្នាំ២០២៥ ខាងមុខ។ឯកឧត្តម ថោង បញ្ញាធន អគ្គលេខាធិការសហព័ន្ធកីឡាជឺជីតស៊ូកម្ពុជា បានឲ្យដឹងថា នេះជាលើកទី២ ដែលសមាគមកីឡាជឺជីតស៊ូអាស៊ីអាគ្នេយ៍បានរៀបចំព្រឹត្តិការណ៍ថ្នាក់តំបន់នេះឡើង បន្ទាប់ពីលើកទី១ បានរៀបចំនៅកោះបាលី ប្រទេសឥណ្ឌូនេស៊ី កាលពីឆ្នាំមុន ។ ប៉ុន្ដែឆ្នាំនេះ កម្ពុជា បានបញ្ជូនអត្ដពលិកច្រើនបំផុត ក្នុងប្រវត្តិសាស្ដ្រសហព័ន្ធ ដែលធ្លាប់បញ្ជូនអត្តពលិកទៅប្រកួតក្រៅប្រទេសកន្លងមក។ឯកឧត្តមបន្ដថា កីឡាករ-កីឡាការិនី ១៨រូប ដែលត្រូវបានបញ្ជូនទៅចូលរួមការប្រកួតជើងឯកអាស៊ីអាគ្នេយ៍នេះ សុទ្ធតែមានបទពិសោធន៍ប្រកួតអន្ដរជាតិ ក្នុងនោះក៏មានកីឡាករថ្មី ២រូប ដែលជាកូនកាត់ខ្មែរ-អាមេរិក ទើបចូលរួមប្រកួតតំណាងកម្ពុជាលើកដំបូងផងដែរ គឺកីឡាករ អូមហ្វេល វីល្លាមចន្ទ និងកីឡាករ អូប៉េរ៉ាណា ខៃមុនី រីឆាវឌ្ឍ ដែលជាឱកាសល្អមួយសម្រាប់សហព័ន្ធក្នុងការតាមដានសមត្ថភាពពួកគេ។ក្នុងនាមថ្នាក់ដឹកនាំសហព័ន្ធ ឯកឧត្តម ថោង បញ្ញាធន បានចាត់ទុកការប្រកួតថ្នាក់តំបន់នេះ គឺជាឱកាសដ៏ល្អ ដើម្បីវាស់ស្ទងសមត្ថភាពកីឡាករ-កីឡាការិនីកម្ពុជា ដែលខិតខំប្រឹងប្រែងហ្វឹកហាត់កន្លងមក ហើយអ្នកដែលធ្វើបានល្អក្នុងការប្រកួតនេះ សហព័ន្ធនឹងចុះឈ្មោះពួកគេ ដើម្បីចូលរួមការប្រកួតកីឡាស៊ីហ្គេម លើកទី៣៣ នៅប្រទេសថៃ នាចុងឆ្នាំ២០២៥ ។ ឯកឧត្តមសង្ឃឹមថា ក្នុងចំណោមអត្តពលិកកម្ពុជាទាំង ១៨នាក់ នឹងអាចដណ្ដើមមេដាយជូនជាតិទាំងអស់គ្នា។គួរដឹងថា ព្រឹត្តិការណ៍ប្រកួតកីឡាជឺជីតស៊ូជ្រើសរើសជើងឯកអាស៊ីអាគ្នេយ៍ លើកទី២ នៅទីក្រុងម៉ានីល នាចុងសប្ដាហ៍នេះ មានងត្តពលិកចូលរួមសរុបជាង ៤០០នាក់ មកពី ៨ប្រទេសក្នុងតំបន់អាស៊ាន ក្នុងនោះក៏មានអត្តពលិកកម្ពុជា ១៨រូបចូលរួមប្រកួតប្រជែងផងដែរ៕

ប្រធានក្រុមព្រះខ័នរាជ រំពឹងវត្ដមានកីឡាករថ្មីៗ នឹងអាចបំពេញក្ដីស្រម៉ៃក្រុម ពិសេសការប្រជែងពានអន្ដរជាតិ

កីឡាករ សឿយ វិសាល ប្រធានក្រុមព្រះខ័នរាជស្វាយរៀង រំពឹងការនាំចូលកីឡាករថ្មីៗ និងប្រកបដោយគុណភាព នឹងអាចបំពេញក្ដីស្រម៉ៃក្រុមបានកាន់តែច្រើន ជាពិសេសការប្រកួតប្រជែងពានរង្វាន់អន្ដរជាតិតែម្ដង។ ជាមួយគ្នា គេក៏បានថ្លែងអំណរគុណ ចំពោះឯកឧត្តម ឌី វិជ្ជា ប្រធានក្លិបព្រះខ័នរាជស្វាយរៀង ដែលបានលះបង់ និងចំណាយធនធានដ៏ច្រើន ដើម្បីពង្រឹងក្រុមកាន់តែរឹងមាំផងដែរ។ ខ្សែការពារវ័យ ២៩ឆ្នាំរូបនេះ បន្ដថា ការនាំចូលកីឡាករថ្មីៗ មិនមែនកីឡាករចាស់ៗខ្វះបទពិសោធន៍ ឬអត់សមត្ថភាពនោះទេ តែជាការផ្លាស់ប្ដូរ ដើម្បីពង្រឹងឲ្យកាន់តែខ្លាំង សម្រាប់ឆ្លើយតបនឹងការប្រកួតដ៏មមាញឹក ទាំងពានក្នុងស្រុក និងក្រៅស្រុក នារដូវកាលថ្មី ។ ដូច្នេះ វិសាល បានចាត់ទុកនេះជាផលវិជ្ជមានសម្រាប់ក្រុម ស្របពេលក្លិប បានដាក់គោលដៅកាន់តែខ្ពស់ ពិសេសគឺការឈានទៅប្រជែងពានអន្ដរជាតិមកកាន់ទឹកដីកម្ពុជាតែម្ដង។ សូមរំឮកថា កំឡុងរដូវកាល Pre-Season ត្រៀមរដូវកាលថ្មី ព្រះខ័នរាជស្វាយរៀង ក្រៅពីផ្លាស់ប្ដូរនូវក្រុមការងារគ្រូទ្រង់ទ្រាយធំ ក្លិបក៏បាននាំចូលកីឡាករល្អៗ ទាំងក្នុងស្រុក និងក្រៅស្រុកមកពង្រឹងក្រុមផងដែរ ជាក់ស្ដែងមកទល់ពេលនេះ មានសមាជិកថ្មី ៨រូប ដែលក្លិបបានប្រកាស ដូចជាកីឡាករ សៀង ចន្ធា និង ចន្ថា ចន្ទាកា ផ្ទេរមកពីក្លិបបឹងកេត, សុផល ឌីម៉ង់ ផ្ទេរមកពីក្លិបអង្គរថាយហ្គឺរ, ចិន ណារក្ស អតីតកីឡាករអង្គរថាយហ្គឺរ ព្រមទាំងកីឡាករ សឿត បារាំង និង Yudia Ogawa ផ្ទេរមកពីក្លិបភ្នំពេញក្រោន។ រីឯកីឡាករនាំចូលពីក្រៅស្រុក មានដូចជាខ្សែប្រយុទ្ធសញ្ជាតិប្រេស៊ីល Patrick Robson de Souza Monteiro និងខ្សែប្រយុទ្ធសញ្ជាតិហ្គាណា Peprah Kwame ជាដើម៕អត្ថបទ លី ឈុនឡា, រូបភាព គង់ ហន និងរូបពាក់ព័ន្ធ៕

ណាហ្គាវើលដ៏ ដាក់គោលដៅខ្ពស់ នារដូវកាលថ្មី ជាមួយការនាំចូលកីឡាករបរទេសល្អៗមកពង្រឹងក្រុម

ក្លិបបាល់ទាត់ណាហ្គាវើលដ៏ បានដាក់គោលដៅកាន់តែខ្ពស់ សម្រាប់រដូវកាលថ្មី ឆ្នាំ២០២៥/២៦ ដោយយ៉ាងហោចឈរនៅ Top-2 ក្នុងលីគកំពូលកម្ពុជា និងឡើងវគ្គផ្ដាច់ព្រ័ត្រ នៃពានរង្វាន់សម្ដេចតេជោ ហ៊ុន សែន លើកទី១៩ ។ នេះបើតាមការបញ្ជាក់របស់គ្រូបង្វឹកលោក ឃឹម បូរី ។គ្រូបង្វឹកវ័យ ៣៥ឆ្នាំរូបនេះ បន្ដថា ណាហ្គាវើលដ៏ បានត្រៀមខ្លួនរួចរាល់ សម្រាប់ការប្រកួតប្រជែងដ៏ខ្លាំងក្លា នារដូវកាលថ្មី ដោយក្លិបបានដាក់គោលដៅកាន់តែខ្ពស់ ហើយដើម្បីសម្រេចគោលដៅនេះ ក្លិបត្រៀមនឹងនាំចូលកីឡាករបរទេសមានគុណភាពល្អៗ មកពង្រឹងក្រុម បន្ថែមលើធនធានកីឡាករក្នុងស្រុកដែលមានសមត្ថភាពស្រាប់។ លោកទទួលស្គាល់គ្រប់ក្រុមសុទ្ធតែរៀបចំបានល្អ ដើម្បីត្រៀមរដូវកាលថ្មី តែណាហ្គា ត្រូវការបង្កើនការប្រកួតប្រជែងឲ្យបានប្រហាក់ប្រហែលក្នុងចំណោមបេក្ខភាព Top-4។គួរដឹងថា ក្រោយចប់រដូវកាលចាស់ រហូតមកទល់ពេលនេះ ណាហ្គាវើលដ៏ បានចែកផ្លូវជាមួយកីឡាករ ៩រូបមកហើយ ដូចជាកីឡាករ ភេម តៅសិញ, ហេង ទីណា, ឡេង មករា, យ៉ន ធារ៉ាត់, ចាន់ ហួង, Kikuchi Yuta, Kametani Hugo, Marcio Marques និង Thiha Zaw ជាដើម ។ ចំពោះសមាជិកថ្មី ក្លិបនាំចូលបានមួយចំនួនប៉ុណ្ណោះ រួមមានអ្នកចាំទីកូនកាត់ខ្មែរ-នីហ្សេរីយ៉ា Immanoel Aking Osamuj អតីតយុវជនបឹងកេត, កីឡាករសញ្ជាតិខ្មែរ Zogbe Vireak ដែលទើបត្រឡប់ពីប្រកបអាជីពនៅលីគកំពូលថៃ ព្រមទាំងយុវជន ២រូប ដែលត្រូវបានដំឡើងមកកាន់ក្រុមធំ គឺកីឡាករ ហ្វើត ហ្វាឡាស់ និង ផយ ផាណា ។រីឯកីឡាករចំណូលថ្មីម្នាក់ទៀត គឺខ្សែប្រយុទ្ធសញ្ជាតិប្រេស៊ីល Lucas Venuto ដែលមានបទពិសោធន៍ជោគជាំលេងនៅអឺរ៉ុប ពិសេសកីឡាករវ័យ ៣០ឆ្នាំឬូបនេះ ក៏ធ្លាប់លេងឲ្យក្លិប Santos នៃលីគកំពូលប្រេស៊ីល កាលពីចន្លោះឆ្នាំ២០១៩-២០២២ ទៀតផង ។ ក្រៅពីនេះ ណាហ្គាវើលដ៏ ក៏បានប្រកាសបន្ដកុងត្រាជាមួយកីឡាករសំខាន់ៗជាច្រើនផងដែរ ដូចជាកីឡាករ ជឿន ណាចា ខ្ចីជើងក្រុមកងយោធពលខេមរភូមិន្ទ, ខ្សែការពារប្រេស៊ីល Mateus Martins, ខ្សែប្រយុទ្ធជប៉ុន Minagawa Yusuke, កីឡាករ នេន សុធារដ្ឋ, ហួត វ៉ាន់ណេត, សុះ ស៊ូហាណា, ជា សុខម៉េង, ផាត សុខា, ជា ច័ន្ទដារ៉ា និងអ្នកចាំទី រ៉េត លីហេង ជាដើម៕អត្ថបទ លី ឈុនឡា

Spurs ប្រកាសតែងតាំងគ្រុបង្គោលថ្មីអតីតអ្នកចាត់ការ Brentford លោក Thomas Frank

ក្លិបបាល់ទាត់ Tottenham Hotspur បានប្រកាសតែងតាំងគ្រូបង្គោលថ្មីដែលជាអតីតអ្នកចាត់ការ Brentford លោក Thomas Frank ជាមួយនឹងកិច្ចសន្យាដឹកនាំដល់ឆ្នាំ ២០២៨។ បុរសវ័យ ៥១ ឆ្នាំរូបនេះ បានមកជំនួសតំណែងលោក Ange Postecoglou ដែលត្រូវបានបញ្ចប់តំណែងកាលពីដើមខែមិថុនានេះ ទោះបីដឹកនាំ Spurs លើកពាន UEFA Europa League ក៏ដោយ។ រាប់ពីឆ្នាំ ២០២១ លោក Thomas Frank បានក្លាយជាគ្រូបង្គោលទីបួនហើយដែលដឹកនាំ Spurs។ Spurs បានបញ្ចប់រដូវកាលនៅ Premier League ចំណាត់ថ្នាក់លេខ ១៧ ចាញ់ ២២ ប្រកួតក្នុងចំណោម ៣៨ ប្រកួតក្នុងលីគ ខណៈ Brentford ឈរលេខ ១០ នៅពីលើ Spurs ១៨ ពិន្ទុ។ យ៉ាងណាក្តី Spurs បានទទួលកៅអីនៅ UEFA Champions League រដូវកាលក្រោយ តាមរយៈជ័យជនះនៅEuropa League ដែលយកឈ្នះ Manchester United វគ្គផ្តាច់ព្រ័ត្រ។ រំលឹកថាលោក Thomas Frank បានកាន់តំណែងនៅ Brentford អស់រយៈពេល ៧ ឆ្នាំមកហើយ ដោយដំបូងជាជំនួយការលោក Dean Smith នៅឆ្នាំ ២០១៦ មុនទទួលតំណែងគ្រូបង្គោលនៅឆ្នាំ ២០១៨។ រដូវកាល ២០១៩-២០ Brentford បានឡើងដល់វគ្គផ្តាច់ព្រ័ត្រ Play-Off League Championship តែចាញ់ Fulham ២-១ ហើយរដូវកាលក្រោយមកក៏ឡើងវគ្គផ្តាច់ព្រ័ត្រម្តងទៀតយកឈ្នះ Swansea ទទួលបានកៅអី Premier League តាំងពីរដូវកាល ២០២០-២១។ តាំងពីពេលនោះមក Brentford បានឈរជើងនៅ Premier League យ៉ាងរឹងមាំក្រោមការដឹកនាំរបស់គ្រូបង្វឹកសញ្ជាតិដាណឺម៉ាករូបនេះ ដោយបញ្ចប់រដូវកាលលេខ ១៣ លេខ ៩ លេខ ១៦ និងលេខ ១០ រដូវកាលមុន៕អត្ថបទ៖នាង សុភាវុធ

Paris Saint Germain និងក្រុមធំៗនៅអឺរ៉ុបធ្វើដំណើរដល់ទឹកដីអាមេរិកមុនព្រឹត្តិការណ៍ Club World Cup

ជើងឯកអឺរ៉ុបថ្មី Paris Saint-Germain បានធ្វើដំណើរដល់ទីក្រុង Los Angeles សហរដ្ឋអាមេរិកមុនការប្រកួត FIFA Club World Cup ខណៈដែលពួកគេមានបំណងឆ្ពោះទៅរកភាពជោគជ័យជាសកល បន្ទាប់ពីជ័យជម្នះជើងឯក UEFA Champions League ដែលរង់ចាំជាយូរមកហើយរបស់ពួកគេនៅទីក្រុង Munich កាលពីខែមុន។ ក្រុមរបស់លោក Luis Enrique នឹងទទួលក្រុម Atletico Madrid នៅថ្ងៃអាទិត្យទី ១៥ ខែមិថុនា ខាងមុខនេះ ដែលបានមកដល់ទីក្រុង Los Angeles មុនពេលការប្រកួតចាប់ផ្តើម។ ក្រុខ្លាំងប្រចាំទ្វីបអឺរ៉ុបផ្សេងទៀតដូចជា Bayern Munich បានចុះចតនៅទីក្រុង Orlando នៅថ្ងៃអង្គារ មិថុនា ខណៈពេលដែលក្រុមព័រទុយហ្គាល់ FC Porto បានចុះចតនៅរដ្ឋ New Jersey មុនការប្រកួតរបស់ពួកគេជាមួយនឹងក្រុម Palmeiras នៅថ្ងៃបើកឆាក។ ក្រុមធំៗផ្សេងទៀតរបស់អឺរ៉ុបដូចជា Manchester City និង Real Madrid នឹងមកដល់នាពេលបន្តបន្ទាប់។ ការប្រកួតពានរង្វាន់ Club World Cup ដែលមានក្រុមចំនួន ៣២ ជាលើកដំបូង នឹងចាប់ផ្តើមជាផ្លូវការនៅថ្ងៃសៅរ៍ ទី ១៤ មិថុនា ខាងមុខ នៅពេលដែល Inter Miami ជួបជាមួយក្លឹបអេហ្ស៊ីប Al Ahly នៅកីឡដ្ឋាន Hard Rock ជាការប្រកួតបើកឆាក៕ អត្ថបទ៖នាង សុភាវុធ

Dortmund បដិសេធសំណើ ៤២ លានផោនពី Chelsea ក្នុងការផ្ទេរ Jamie Gittens

ក្លិបបាល់ទាត់តោខៀវ Chelsea បានដាក់សំណើចុងក្រោយរបស់ខ្លួនតម្លៃ ៤២ លានផោនក្នុងការផ្ទេរខ្សែប្រយុទ្ធស្លាបអង់គ្លេស Jamie Gittens តែត្រូវបានបដិសេធដោយក្លិបអាល្លឺម៉ង់ Borussia Dortmund។ កីឡាករវ័យ ២០ ឆ្នាំរូបនេះ ត្រូវបាន Chelsea ត្រៀមកិច្ចព្រមព្រៀងដែលមានកិច្ចសន្យា ៧ ឆ្នាំនៅលើតុចាំស្រាប់ តែក្លិបទាំងពីរមិនអាចរកផ្លូវរួមគ្នាបានចំពោះតម្លៃផ្ទេរ។ មកទល់ពេលនេះ គេមិនទាន់ទទួលដំណឹងបន្ថែមឡើយពីការចរចាតម្លៃផ្ទេរនេះ ខណៈដែលទីផ្សារដោះដូរកីឡាករដំបូងមុន Club World Cup ត្រូវបានបិទបញ្ចប់នៅយប់ថ្ងៃអង្គារ។ បើតាមការចុះផ្សាយរបស់សារព័ត៌មានអង់គ្លេសឱ្យដឹងថា Dortmund ត្រូវការតម្លៃផ្ទេរ ៥០-៦០ លានផោនសម្រាប់កីឡាករវ័យ ២០ ឆ្នាំអង់គ្លេសរូបនេះ។ Jamie Gittens ជាកីឡាករដែលចេញពីយុវជនថ្នាលរបស់ Manchester City មុនពេលផ្លាស់ទៅ Dortmund នៅឆ្នាំ ២០២០ និងបានបង្ហាញខ្លួនដំបូងនៅក្របខណ្ឌកំពូលអាល្លឺម៉ង់ Bundesliga នៅឆ្នាំ ២០២២ ខណៈដែលរដូវកាលនេះស៊ុតបញ្ចូលទីបាន ៨ គ្រាប់ក្នុងការបង្ហាញខ្លួន ៣២ ប្រកួត។ Chelsea ត្រូវបានគេដឹងថា បានព្យាយាមចរចាយកកីឡាករផ្សេងទៀតផងដែររួមមាន Alejandro Garnacho ពី Manchester United និង Mohammed Kudus ពី West Ham ផងដែរ៕អត្ថបទ៖នាង សុភាវុធ

អង់គ្លេសស្គាល់បរាជ័យដំបូងក្រោមការដឹកនាំរបស់អ្នកចាត់ការ Thomas Tuchel

ក្រុមបាល់ទាត់ជម្រើសជាតិអង់គ្លេស បានស្គាល់បរាជ័យដំបូងក្រោមការដឹកនាំរបស់អ្នកចាត់ការសញ្ជាតិអាល្លឺម៉ង់ លោក Thomas Tuchel ក្រោយចាញ់ក្រុមជម្រើសជាតិសេណេហ្កាល់ក្នុងជំនួបមិត្តលើទឹកដីរបស់ខ្លួន ១-៣។ អង់គ្លេសដែលទើបយកឈ្នះអង់ដូរ៉ាតានតឹង ១-០ ចុងសប្តាហ៍កន្លងទៅនៃការប្រកួតជម្រុះ World Cup នោះ ចាប់ផ្តើមការប្រកួតដោយនាំមុខមុនទៅលើសេណេហ្កាល់នៅនាទីទី ៧ ដោយខ្សែប្រយុទ្ធ Bayern Munich, Harry Kane តែខ្សែប្រយុទ្ធ Crystal Palace, Ismaila Sarr ជាអ្នកតាមស្មើឱ្យសេណេហ្កាល់នៅនាទីទី ៤០។ ក្រុមភ្ញៀវសេណេហ្កាល់ត្រូវបានគេមើលឃើញថា ជាក្រុមលេងល្អជាងក្នុងការប្រកួតនេះ ក៏រកបានគ្រាប់នាំមុខនៅវគ្គទីពីរនាទីទី Habib Diarra នាទីទី ៦២ មុនពេលដែល Cheikh Sabaly ធានាជ័យជំនះឱ្យសេណេហ្កាល់នៅនាទីទី ៩០+៣។ ក្រោយចប់ការប្រកួត អ្នកគាំទ្រអង់គ្លេសដែលនៅសល់ក្នុងកីឡដ្ឋានបានសម្តែងការមិនពេញចិត្តចំពោះទម្រង់លេងរបស់អង់គ្លេស និងមិនពេញចិត្តប្រព័ន្ធដឹកនាំរបស់លោក Tuchel ផងដែរ។ សេណេហ្កាល់បានក្លាយជាក្រុមកពីអាហ្វ្រិកដំបូង ដែលយកឈ្នះក្រុមបុរសអង់គ្លេស បន្ទាប់ពីជំនួប ២១ ប្រកួតកន្លងមកទល់នឹងក្រុមមកពីអាហ្វ្រិក អង់គ្លេសឈ្នះ ១៥ ស្មើ ៦ មិនដែលចាញ់៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អ៊ីរ៉ង់ចោទសហរដ្ឋអាមេរិកថា បានវាយប្រហារលើនាវាស្វែងរកនិងជួយសង្គ្រោះរបស់ខ្លួន

ប្រធានាធិបតីគុយបាចោទសហរដ្ឋអាមេរិកថា កំពុងព្យាយាមដណ្តើមគ្រប់គ្រងកោះនេះ

លោក ARAGHCHI ៖ ការវាយប្រហាររបស់អ៊ុយក្រែនលើនាវាអ៊ីរ៉ង់នៅសមុទ្រកាសព្យែន ត្រូវតែមានការឆ្លើយតប

ប្រភពពីក្រុមហ៊ូទីអះអាងថា ក្រុមនេះបានវាយប្រហារលើនាវាដឹកប្រេងអារ៉ាប៊ីសាអ៊ូឌីតចំនួន ៣គ្រឿង

អ្នកនាំពាក្យក្រសួងការងារ លើកទឹកចិត្តសិស្សវិទ្យាល័យចុះទស្សនកិច្ចសាលា TVET ដើម្បីស្វែងយល់ពីសក្តានុពលខ្លួនឯង ការបណ្តុះបណ្តាលជំនាញ និងឱកាសការងារនាពេលអនាគត

សម្តេចបវរធិបតី និង លោកជំទាវបណ្ឌិត បានឧបត្ថម្ភគ្រឿងឧបភោគបរិភោគមួយចំនួន ជូនតំបន់ប្រតិបត្តិការសឹករងកំពង់ឆ្នាំង

រដ្ឋាភិបាលបានចាប់ឆ្នោតផ្តល់លេខដីឡូតិ៍ និងផ្ទះនៃកម្មវិធីផ្តល់ដីការពារព្រៃ ដើម្បីរួមគ្នាអភិវឌ្ឍដោយចីរភាព