នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
Giunness World Records ប្រគល់វិញ្ញាបនបត្របញ្ជាក់ពីការបំបែកឯតទគ្គកម្ម «ការតាំងបង្ហាញ​រថយន្ត SUPER CARS / HYPER CARS ច្រើនជាងគេបំផុតលើពិភពលោក» ជូនប្រជាជាតិកម្ពុជា
មន្ត្រី​ជាន់ខ្ពស់ក្រសួង​វប្បធម៌ អំពាវនាវមន្ត្រី និងពលរដ្ឋចូលរួមថែរក្សាវប្បធម៌ប្រពៃណី នៃការ​ស្លៀកពាក់​ឱ្យបានសមរម្យ
នាវាទេសចរណ៍បរទេស ផ្ទុកអ្នកដំណើរចម្រុះជាតិសាសន៍ជាង ២.០០០នាក់ ចូលចត​ធ្វើទស្សនកិច្ច​នៅកម្ពុជា
បីថ្ងៃនៃព្រះរាជពិធីបុណ្យអុំទូកឆ្នាំ២០២៤នេះ មណ្ឌលគិរី ទទួលភ្ញៀវទេសចរបានជាង ៥ម៉ឺននាក់

វប្បធម៌ និងទេសចរណ៍

ថ្ងៃឆ្លងឆ្នាំសកលមានយានយន្តជិត ៣ម៉ឺនគ្រឿង ធ្វើដំណើរលើផ្លូវល្បឿនលឿនភ្នំពេញ-ព្រះសីហនុ

2024/01/01 10:41:30 am        427
Facebook Telegram Linkin
ពេញមួយថ្ងៃនៃថ្ងៃទី៣១ ខែធ្នូ ដែលជាថ្ងៃឆ្លងឆ្នាំសកល មាន​យានយន្ត​ជិត​៣ម៉ឺន​គ្រឿង​បាន​ធ្វើ​ដំណើរ​លើ​ផ្លូវ​ល្បឿនលឿនភ្នំពេញ-ព្រះសីហនុ។ពេញមួយថ្ងៃនៃថ្ងៃទី៣១ ខែធ្នូ ឆ្នាំ២០២៣ ដែលជាថ្ងៃមានការ​ធ្វើ​ដំណើរ​សម្រាប់​ការ​កម្សាន្ត​នានា​ក្នុង​ពេល​ឆ្លង​ឆ្នាំសកល ២០២៣ ឈានចូលឆ្នាំ២០២៤ ការធ្វើចរាចរណ៍​លើ​ផ្លូវ​ល្បឿន​លឿន​ភ្នំពេញ-ព្រះសីហនុ មាន​ភាពមមាញឹកច្រើន ដែលមានយានយន្តចំនួន ២៨,៨៦១ គ្រឿង​បាន​ធ្វើ​ដំណើ​រលើ​ផ្លូវ​ល្បឿនលឿននេះ ដែលចំនួននេះគឺមានការកើនឡើងប្រមាណ ១ម៉ឺនគ្រឿង ខណៈ​ដែល​ថ្ងៃ​អាទិត្យ​ធម្មតាជាទូទៅមានចំនួនយានយន្តប្រមាណ ១ម៉ឺន៩ពាន់គ្រឿងធ្វើដំណើរ។ នេះ​បើ​តាម​ឯកឧត្តម ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និង​ដឹក​ជញ្ជូន​បាន​ប្រាប់​ឱ្យ​ដឹង​នៅ​ព្រឹកថ្ងៃទី០១ ខែមករា ឆ្នាំ២០២៤នេះ។ឯកឧត្តម ហ៊ាង សុទ្ធាយុត្តិ បានបន្ថែមថា ខែធ្នូ ឆ្នាំ២០២៣កន្លងទៅនេះ គឺជា​ខែ​ដែល​មាន​ចរាចរណ៍​ខ្ពស់​ជាងគេ ក្នុងឆ្នាំ ២០២៣ ដែលមានចំនួនរហូតដល់ទៅ ៤៥,៨ម៉ឺនគ្រឿង។ ឯកឧត្តម​បញ្ជាក់ថា បើគិតមួយឆ្នាំពេញនៃឆ្នាំ២០២៣ គឺមានយានយន្តជាង ៤,៩លាន​គ្រឿង​បាន​ធ្វើ​ចរាចរណ៍​លើផ្លូវល្បឿនលឿនភ្នំពេញ-ព្រះសីហនុ។ការធ្វើចរាចរណ៍លើផ្លូវល្បឿនលឿនភ្នំពេញ-ព្រះសីហនុ គឺជា​ការ​ធ្វើ​ចរាចរណ៍​ទៅ​មក​សម្រាប់​ភ្នំពេញ-​កំពង់ស្ពឺ ភ្នំពេញ-ស្រែអំបិលនៃខេត្តកោះកុង និងភ្នំពេញ-ព្រះសីហនុផ្ទាល់។ ជាមួយ​គ្នា​នេះក្នុ​ងនាមក្រសួងសាធារណការ និងដឹកជញ្ជូន ឯកឧត្តម ហ៊ាង សុទ្ធាយុត្តិ បាន​អំពាវ​នាវ​ដល់​អ្នក​ដែល​ធ្វើដំណើរលើ​ផ្លូវល្បឿនលឿនទាំងអស់ សូមគោរពច្បាប់ចរាចរណ៍ កុំបើកបញ្ច្រាស ដែល​នាំ​ឱ្យ​មាន​គ្រោះថ្នាក់ដល់អាយុជីវិតខ្លួនឯង និងអ្នកដទៃ សូមបើក​តាមល្បឿនកំណត់ និង​មិន​លើស​ល្បឿន ១២០គីឡូម៉ែត្រក្នុងមួយម៉ោង៕ អត្ថបទ៖ ប្រាក់ វ៉ាន់ដា

អតីតតំបន់សង្គ្រាមនៅភ្នំគូលេនខេត្ដសៀមរាប ក្លាយជាកន្លែងលំហែរកម្សាន្តធម្មជាតិ សម្រាប់អ្នកទេសចរ

2023/12/31 03:31:03 pm        687
Facebook Telegram Linkin
សៀមរាប៖ អតីតជាតំបន់សង្គ្រាមនៅភ្នំគូលែន ខេត្ដសៀមរាប ក្លាយជាកន្លែងលំហែរ​កម្សាន្ត​ដ៏​ល្អ​ប្រណិត សម្រាប់អ្នកទេសចរចូលចិត្ដទស្សនាបែបធម្មជាតិ ជាពិសេស​ក្នុង​ថ្ងៃ​ឆ្លង​ឆ្នាំ​សកល​ឆ្នាំ២​០២៣​ឈានចូលឆ្នាំ២០២៤នេះ។ តំបន់ទេសចរណ៍នេះ មានឈ្មោះថា ស្ពានពស់អូរមានជ័យ ស្ថិត​នៅ​ជើងភ្នំគូលែន ស្រុកស្វាយលើ ដែលមានចំង៉ាយប្រមាណ៧០គីឡូម៉ែត្រពីខេត្ដសៀមរាប ។លោក យ៉ាត សាយ័ន អ្នកគ្រប់គ្រងតំបន់ទេសចរណ៍ស្ពានពស់ អូរមានជ័យ មានប្រសាសន៍ថា តំបន់​ទេសចរណ៍នេះ បានបង្ហាញសម្រស់ធម្មជាតិ ដែល​គ្រប់​ដណ្ដប់​ទៅ​ដោយ​វាល​ស្មៅស​ម្រស់​ជើង​ភ្នំគូលែន មានខ្យល់អាកាសល្អបរិសុទ្ធ សម្រាប់​ក្លាយជាជ​ម្រើស​លំហែរ​កាយ​ដ៏​ទាក់​ទាញរ​បស់​អ្នក​ទេសចរ​ក្នុងឱកាសបុណ្យឆ្លងឆ្នាំសកលនេះ ក៍ដូចជាការដើរ​កំសាន្ដ​អ្នក​ទេសចរ​ដែល​ស្រលាញ់​បែប​ទេសចរណ៍​ធម្មជាតិ។លោកបន្ដថា នៅតំបន់នេះ អតីតជាតំបន់សង្គ្រាម ប៉ុន្ដែដោយសារប្រទេសជាតិមានសុខសន្ដិភាព លោក​បានអភិវឌ្ឍន៍ឱ្យទៅជាតំបន់ទេសចរណ៍ដ៍ប្រណិត ដោយមានកន្លែងបោះតង់ ភោជនីយដ្ឋាន ការជិះកង់លើស្ពានពស់ ថតរូបព្រីវីឌីង អមទៅដោយធម្មជាតិស្រស់បំព្រង ជាពិសេស​នៅរដូវវស្សា ដែលអាចមើល​ឃើញ​ដល់​ទិដ្ឋភាព​ខៀវស្រង៉ាត់​នៃ​ជើង​ភ្នំគូលែន​។​ ជាមួយ​គ្នា​នេះ​ ការអភិវឌ្ឍន៍ឱ្យក្លាយជាតំបន់ទេសចរណ៍ទាក់ទាញនេះ ដើម្បីបង្កើត​ឱ្យ​កាស​ការងារ​ដល់​ប្រជា​ពលរដ្ឋ មានប្រាក់ចំណូលក្នុងគ្រួសារ កាត់បន្ថយការធ្វើចំណាកស្រុក ជាពិសេស​បង្កើត​ដើម្បី​ឱ្យ​អ្នក​ទេសចរ​ដែល​ចូល​ចិត្ដបែប​ធម្មជា​តិ​ទៅ​កំសាន្ដ​សប្បាយ​មិ​ន​ថា​ថ្ងៃ​បុណ្យ​ឬ​ថ្ងៃ​ឈប់​សំរាក​ថ្ងៃ​សៅរ៍​ថ្ងៃអាទិត្យនោះទេ។លោក យ៉ាត សាយ័ន ជាអ្នកគ្រប់គ្រង បានលើកឡើងថា សម្រាប់ថ្ងៃឆ្លងឆ្នាំសកលនេះ តំបន់​ទេសចរណ៍​ស្ពានពស់អូរមានជ័យ មានភ្ញៀវទេសចរ​ជាច្រើន​បាន​ទំនាក់​ទំនង​មក​កក់​បន្ទប់​ស្នាក់នៅ និងកក់ម្ហូបអាហារ សម្រាប់ជួបជុំកម្សាន្ត ប្រកបដោយភាពសុខសាន្ដ មានសុខសន្ដិភាព ។ លោក​បន្ដថា ស្រុកស្វាយលើ ខេត្ដសៀមរាប មានអភិវឌ្ឍន៍តំបន់ទេសចរណ៍ជាច្រើន កន្លែង ដោយ​អ្នកទេសចរអាចទៅទស្សនានៅស្ពានពស់ ប្រាសាទបឹងមាលា ភ្នំគូលែន ប្រាសាទកោះកេរ និង​ទី​កន្លែងជាច្រើនទៀត ដែលអាចធ្វើដំណើរតាមផ្លូវជាតិលេខ៦៤ តភ្ជាប់​ពី​ផ្លូវ​ជាតិ​លេខ​៦​ត្រង់​ចំណុច​ស្រុក​សូទ្រនិគមខេត្ដសៀមរាប៕

រដ្ឋបាលខេត្ដព្រះសីហនុ រំពឹងនឹងមានភ្ញៀវទេសចរច្រើនមកលេងកម្សាន្ដឆ្លងឆ្នាំសកល

2023/12/31 12:23:25 pm        263
Facebook Telegram Linkin
រដ្ឋបាលខេត្តព្រះសីហនុ បានត្រៀមរួចស្រេចក្នុងការធានាសុន្ដិសុខ សណ្ដាប់ធ្នាប់ជូនប្រជាពលរដ្ឋ និង​ភ្ញៀវទេសចរ ដែលមកលេងកម្សាន្ដ និងស្នាក់នៅលម្ហែ នៅថ្ងៃទី៣១ ខែធ្នូ ឆ្នាំ២០២៣ ដើម្បី​អបអរ​សាទរ​ពិធីបុណ្យឆ្លងឆ្នាំសកល ២០២៣-២០២៤ នៅក្នុងខេត្ដព្រះសីហនុ ដោយសុវត្ថភាព និងក្ដីរីករាយ “ឆ្នាំថ្មី ជ័យជំនះថ្មី សិរីសួស្ដី” ។ អ្នកនាំពាក្យសាលាខេត្ដព្រះសីហនុ បង្ហាញពីភាពជឿជាក់ថា ទោះបីរដ្ឋបាលខេត្ត មិន​បាន​រៀបចំ​កម្ម​វិធី ឬព្រឹត្ដិការណ៍អ្វីធំដំនោះទេ តែរដ្ឋបាលខេត្ដ និងស្ថាប័នពាក់ព័ន្ធ ព្រមទាំង​កិច្ច​សហការ​ពី​វិស័យ​ឯកជន បានត្រៀមជាស្រេចក្នុងរៀបចំតុបតែងលម្អទីប្រជុំជនក្នុងក្រុង និងកម្មវិធី​កម្សាន្ដ​មួយ​ចំនួន​ដែល​វិស័យឯកជនរៀបចំ ដូចជាការប្រគុំតន្ដ្រី ស្ដង់តាំងពិព័រណ៍ពាណិជ្ជកម្ម ។ល។ ទន្ទឹមនឹងនោះ គណៈបញ្ជាការឯកភាពរដ្ឋបាលខេត្ដព្រះសីហនុ បានចាត់​ចែង​បែង​ចែក​កម្លាំង​សមត្ថកិច្ច និងអាជ្ញាធរមូលដ្ឋានដាក់ពង្រាយកម្លាំងតាមគោលដៅទេសចរណ៍ រម្មនីយដ្ឋាន និង​តាម​តំបន់ឆ្នេរសមុទ្រទាំងនៅលើគោក និងតំបន់ដីកោះ ដើម្បីរៀបចំសណ្ដាប់ធ្នាប់សាធារណៈ ធានា​បាននូវសុវត្ថិភាពសន្ដិសុខល្អជូនប្រជាពលរដ្ឋ និងភ្ញៀវទេសចរ​។ខេត្ដព្រះសីហនុ មានហេដ្ឋារចនាសម្ព័ន្ធល្អ ធនធានធម្មជាតិសម្បូរបែប រម្មនីយដ្ឋានធម្មជាតិ និង​រមណីយដ្ឋានកែច្នៃជាច្រើន ប្រព័ន្ធគមនាគមន៍សម្បូរបែប បានផ្ដល់ជម្រើសសម្រាប់ពលរដ្ឋ និង​ភ្ញៀវ​អាច​ធ្វើដំណើរចេញ-ចូលខេត្ដព្រះសីហនុ ដោយសេរី ពិសេសផ្លូវល្បឿនលឿនភ្នំពេញ-ខេត្ដ​ព្រះសីហនុ។ ខេត្ដ មានឆ្នេរសមុទ្រស្អាតជាងគេលើពិភពលោកវែងជាងគេ ប្រវែងជាង ១៧៥​គីឡូ​ម៉ែត្រ មានកោះតូចធំ ៣០កោះ និងថ្មប៉ប្រះទឹកចំនួន ០២ ដែលមានឆ្នេរខ្សាច់សល្អស្អាត ជាមួយ​នឹង​ធន​ធានធម្មជាតិសមុទ្រ អាចឱ្យពលរដ្ឋ ឬភ្ញៀវទេសចរ អាចជិះទូកស្ទូចត្រី មុជទឹកមើលផ្កាថ្ម មុជទឹកមើលសួនធម្មជាតិបាតសមុទ្រ ។ល។ អត្ថបទៈ គង់ ប៊ុនថា 

នាវាទេសចរណ៍បរទេសមួយគ្រឿងទៀត ផ្ទុកទេសចរជិត ១.០០០នាក់ ចូលចតធ្វើទស្សនកិច្ចក្នុងខេត្ដព្រះសីហនុ នៅព្រឹកនេះ

2023/12/29 09:31:54 am        182
Facebook Telegram Linkin
នាវាទេសចរណ៍បរទេសមួយគ្រឿងទៀត ដែលមានផ្ទុកអ្នកដំណើរចម្រុះជាតិសាសន៍ ៩៥៩នាក់ បានចូលចតនៅកំពង់ ផែស្វយ័តអន្ដរជាតិក្រុងព្រះសីហនុ នៅថ្ងៃទី២៩ ខែធ្នូ នេះ ដើម្បីធ្វើ​ទស្សន​កិច្ច​នៅ​ខេត្ដព្រះសីហនុ រយៈពេល១ថ្ងៃ មុនចាក ចេញទៅវិញនៅយប់នេះ ។នាយនគរបាលអន្ដោប្រវេសន៍ច្រកទ្វារកំពង់ផែស្វយ័តអន្ដរជាតិក្រុងព្រះសីហនុ បានឱ្យដឹងថា នាវា​​ដែល​ចូលចតថ្ងៃនេះ មានឈ្មោះ SEABOURN ENCORE សញ្ជាតិ BAHAMAS បាន​ធ្វើ​ដំណើរ​មក​ពីប្រទេសថៃ ដែលមានផ្ទុកអ្នកដំណើរ ចម្រុះជាតិសាសន៍ ហើយជាតិ​សាសន៍​ដែល​ច្រើន​ជាង​គេ គឺសញ្ជាតិអាមេរិក និងអូស្រ្ដាលី ។មួយរយៈពេល​ចុងក្រោយនេះ បន្ទាប់ពីវិបត្ដិជំងឺកូវីដ-១៩បានបញ្ចប់ មាននាវាទេសចរណ៍បរទេស បាន​ចូលចតជាបន្ដ បន្ទាប់នៅកំពង់ផែស្វយ័តអន្ដរជាតិក្រុងព្រះសីហនុ ដើម្បី​ធ្វើ​ទស្សន​កិច្ច​ក្នុង​ខេត្ដ​ព្រះសីហនុ និងព្រះរាជាណាចក្រកម្ពុជា។ការចូលចតនាវាទេសចណ៍ បានផ្ដល់​ឱកាស​ឱ្យ​ភ្ញៀវ​ទេសចរ​ចម្រុះ​ជាតិ​សាសន៍​បាន​ទស្សនា​ពី​វឌ្ឍនភាព​ខេត្ដព្រះសីហនុ្ និងបានស្វែងយល់ពីវប្បធម៌រស់នៅរបស់ប្រជាពលរដ្ឋខ្មែរ និង​ធន​ធាន​ធម្មជាតិ​ដ៏​សម្បូរបែបរបស់ខេត្ដព្រះសីហនុ ដែល អាចឱ្យភ្ញៀវទេសចរ បន្ដផ្សព្វផ្សាយ​ពី​ខេត្ដ​ព្រះសីហនុ ក៏ដូចជាប្រទេសកម្ពុជា ក្នុងការទាក់ទាញភ្ញៀវទេសចរ សម្រាប់លើក កម្ពស់​វិស័យ​ទេសចរណ៍ឡើងវិញ ៕

នាវាទេសចរណ៍បរទេសផ្ទុកអ្នកដំណើរជាង ១០០០នាក់ ចូលចតធ្វើទស្សនកិច្ច ក្នុងខេត្ដព្រះសីហនុ

2023/12/26 10:49:54 am        1757
Facebook Telegram Linkin
នាវាទេសចរណ៍បរទេស ផ្ទុកអ្នកដំណើរជាង១០០០នាក់ បាន​ចូលចត​នៅ​កំពង់ផែ​ស្វយ័ត​អន្ដរជាតិ​ក្រុង​ព្រះសីហនុ នៅថ្ងៃទី២៦ធ្នូនេះ ដើម្បីធ្វើទស្សនកិច្ចនៅខេត្ដព្រះសីហនុ មុន​​ចេញ​ដំណើរ​បន្ដទៅប្រទេសវៀតណាម នៅយប់ថ្ងៃដដែលនេះ ។នាយនគរបាលអន្ដោប្រវេសន៍ច្រកទ្វារកំពង់ផែស្វយ័តអន្ដរជាតិក្រុងព្រះសីហនុ បានឱ្យដឹងថា នាវា​ដែលចូលចតថ្ងៃនេះ មានឈ្មោះ UASCO DA GAMA សញ្ជាតិ Portugal បានធ្វើ​ដំណើរ​មក​ពី​ប្រទេស​ថៃ ដែលមានផ្ទុកអ្នកដំណើរចម្រុះជាតិសាសន៍ ចំនួន១១០០នាក់ ក្នុងនោះ មាននាវិក ចំនួន ៤៩១នាក់ ជាតិសាសន៍ដែលច្រើនជាងគេ គឺសញ្ជាតិអាល្លឺម៉ង់ ។ នាវានេះ នឹង​ចាក​ចេញ​ពី​កំពង់ផែ​ស្វយ័តអន្ដរជាតិក្រុងព្រះសីហនុ បន្ដដំណើរទេសចរណ៍ទៅកាន់ប្រទេសវៀតណាម នៅ​យប់​ថ្ងៃ​នេះ។លោកវរសេនីយ៍ បានបន្ដថា ការចូលចតនាវាទេសចណ៍ បានផ្ដល់ឱកាស​ឱ្យ​ភ្ញៀវ​ទេសចរ​ចម្រុះ​ជាតិ​សាសន៍​បានទស្សនា ពីវឌ្ឍនភាពខេត្ដព្រះសីហនុ្ និងបានស្វែងយល់​ពី​វប្បធម៌​រស់​នៅ​របស់​ប្រជាពលរដ្ឋ​ខ្មែរ ជាមួយនឹងធនធានធម្មជាតិដ៏សម្បូរ បែបរបស់ខេត្ដ ដែលនឹងអាចឱ្យភ្ញៀវទេសចរ បន្ដ​ផ្សព្វផ្សាយពីខេត្ដព្រះសីហនុ ក៏ដូចជាប្រទេសកម្ពុជា ក្នុងការទាក់ទាញ ភ្ញៀវទេសចរ សម្រាប់​លើក​កម្ពស់​វិស័យទេសចរណ៍នៅកម្ពុជា។ ម្យ៉ាងវិញទៀត ការចូលចតនេះ បានផ្ដល់អត្ថ​ប្រយោជន៍ មួយចំនួនដល់ប្រជាពលរដ្ឋខេត្ដព្រះសីហនុ ដែលជាអ្នកលក់ផលិតទេសចរណ៍ ពិសេស​អ្នក​រត់តាក់ស៊ី ឬម៉ូតូកង់បី និងម៉ូតូឌុប ជាដើម ៕

ព្រឹត្តិការណ៍សប្តាហ៍ផ្លាស់ប្តូរវប្បធម៌ និងភាពយន្តកម្ពុជា-ចិន ឆ្នាំ២០២៣ បានបញ្ចប់ដោយជោគជ័យ

2023/12/23 11:22:48 am        186
Facebook Telegram Linkin
ព្រឹត្តការណ៍ «សប្តាហ៍ផ្លាស់ប្តូរវប្បធម៌ និងភាពយន្តកម្ពុជា-ចិន ឆ្នាំ២០២៣»​ ដែល​បាន​ធ្វើ​ឡើង​នៅ​ទីក្រុង​សៀកមិន ខេត្តហ្វូចៀន សាធារណរដ្ឋប្រជាមានិតចិន ចាប់ផ្តើមពីថ្ងៃទី១៩-២០ ខែធ្នូ ឆ្នាំ​២០២៣ បានបញ្ចប់ដោយជោគជ័យ ។ឯកឧត្តម ហាប់ ទូច រដ្ឋលេខាធិការប្រចាំការ តំណាងលោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ បានដឹកនាំគណ:ប្រតិភូក្រសួងវប្បធម៌ និង​វិចិត្រ​សិល្ប: និងផលិតករ សិល្បករភាពយន្តកម្ពុជា ចូលរួមព្រឹត្តិការណ៍ខាងលើនេះ។កម្មវិធីនេះសហការរៀបចំដោយរដ្ឋបាលសង្កាត់ ហ៊ូលី ទីក្រុងសៀកមិន គណៈ​កម្មការ​រៀប​ចំ​មហោ​ស្រព​ភាពយន្តអាស៊ីកម្ពុជា និងនាយកដ្ឋានសិល្បៈភាពយន្ត និងផ្សព្វផ្សាយវប្បធម៌ ដោយ​មាន​ការ​គាំទ្រ​ដោយ ការិយាល័យភាពយន្តប្រចាំខេត្តហ្វូជៀន ការិយាល័យ​ភាពយន្ត​ទីក្រុង​សៀក​មិន និងសាលាភាពយន្ត នៃសាកលវិទ្យាល័យសៀកមិន។នៅក្នុងព្រឹត្តការណ៍រយៈពេល០២ថ្ងៃនេះ ភាពយន្តកម្ពុជា០៤ចំណងជើង ត្រូវ​បាន​ចាក់​បញ្ចាំង​ជា​សាធារណៈ ​តាមរោងភាពយន្តនានានៅទីក្រុងសៀកមិន ព្រមទាំង​មាន​ការ​រៀបចំ​តាំង​ពិរព័ណ៍​វត្ថុ​សិល្បៈ​ខ្មែរ​ផងដែរ។ ជាមួយនេះគណៈប្រតិភូ ក៏បានទស្សនកិច្ចនៅសាលាភាពយន្ត នៃ​សាកល​វិទ្យាល័យសៀកមិន និងចូលរួមកម្មវិធីកិច្ចពិភាក្សាស្តីពីឱកាស និងបញ្ហាប្រឈម នៃ​ការ​ធ្វើ​សហ​ផលិត​កម្មការរីកចម្រើន នៃការសម្តែងភាពយន្តផងដែរ​។ក្នុងនាមក្រសួងវប្បធម៌ ឯកឧត្តម ហាប់ ទូច បានចាត់ទុកការរៀបចំសប្តាហ៍ផ្លាស់ប្តូរភាពយន្ត និង​វប្បធម៌​កម្ពុជា-ចិន នៅទីក្រុងសៀកមិន គឺជាព្រឹត្តការណ៍ដ៏សំខាន់មួយទៀត ក្នុងការ​លើក​កម្ពស់​ចំណង​មិត្តភាព និងកិច្ចសហប្រតិបត្តិការលើវិស័យវប្បធម៌រវាងប្រទេសទាំងពីរ កម្ពុជា-ចិន ជា​ពិសេស​លើវិស័យភាពយន្ត និងជាឱកាសសម្រាប់អ្នកដឹកនាំរឿង ផលិតករ និងអ្នក​ដែល​មាន​អាជីព​ក្នុង​វិស័យភាពយន្ត ដើម្បីជាប្រយោជន៍របស់ភាគីទាំងសងខាង រួមចំណែក​ក្នុង​ការ​បង្កើន​ការ​យល់​ដឹងរវាងប្រជាជន និងប្រជាជន និងជាផ្នែក​មួយ​ជួយ​ពង្រឹង​ទំនាក់​ទំនង​លើ​វិស័យ​វប្បធម៌​។សូមបញ្ជាក់ផងដែរថា ព្រឹត្តិការណ៍ «សប្តាហ៍ផ្លាស់ប្តូរវប្បធម៌ និងភាពយន្តកម្ពុជា-ចិន» គឺក្នុង​គោ​​ល​បំណង​ជំរុញ និងលើកកម្ពស់កិច្ចសន្ទនាវប្បធម៌ និងទំនាក់ទំនងទ្វេភាគី ពិសេស​រវាង​ប្រជាជន​កម្ពុជា​ និងប្រជាជននៅទីក្រុងសៀកមិន ស្របពេលដែលប្រទេសទាំងពីរ ប្រារព្ធខួបលើកទី៦៥ នៃ​ទំនាក់ទំនងការទូត នាឆ្នាំ២០២៣នេះ៕ អត្ថបទ៖ រដ្ឋា

កម្មវិធី«សំណេរអង្គរ» នឹងបំផុសចលនាមហាជនរួមគ្នាលើកកម្ពស់វិស័យអក្សរសាស្រ្តខ្មែរ

2023/12/22 02:40:34 pm        233
Facebook Telegram Linkin
កម្ពុជានឹងរៀបចំកម្មវិធីប្រកួតប្រជែងការសរសេរតាមអានជាសាធារណៈលើកដំបូងដែលមានឈ្មោះ​ថា «សំណេរអង្គរ» នៅតំបន់រមណីយដ្ឋានអង្គរ ខេត្តសៀមរាប ដើម្បីបំផុស​ចលនា​មហា​ជន​ឱ្យ​ចាប់អារម្មណ៍លើការសរសេរអក្សរសាស្រ្តខ្មែរឱ្យបានត្រឹមត្រូវតាមក្បួនខ្នាត។ បញ្ញវន្តមួយក្រុមដែលជាអ្នកស្រលាញ់វិស័យអក្សរសាស្រ្តខ្មែរ បានសហការ​គ្នា​ផ្ដួច​ផ្ដើម​គំនិត​បង្កើត​កម្ម​វិធី​ប្រកួត​សរសេរតាមអានជាសាធារណៈដោយដាក់ឈ្មោះថា «សំណេរអង្គរ» ដើម្បី​ទាញ​ចំណាប់​អារម្មណ៍​សាធារណជន ជាពិសេសកូនខ្មែរគ្រប់រូប ត្រូវរួមគ្នាថែរក្សា ការពារ និងលើក​កម្ពស់​វិស័យ​អក្សរសាស្រ្តខ្មែរ តាមរយៈការសរសេរ និងប្រើប្រាស់អក្ខរាវិរុទ្ធខ្មែរឱ្យបានត្រឹមត្រូវ ជៀស​វាងការសរសេរដោយប្រថុយប្រថានមិនដឹងពាក្យណាខុស ពាក្យណាត្រូវ ដែលអាច​ធ្វើ​ឱ្យ​អក្សរ​សាស្រ្តខ្មែរធ្លាក់ចុះ និងធ្វើឱ្យប៉ះពាល់ដល់វប្បធម៌ អរិយធម៌ខ្មែរ។ ឯកឧត្តម លឹម ប៊ុនហុក អ្នករៀបចំកម្មវិធី «សំណេរអង្គរ» បានលើកឡើងថា ក្រៅពី​ការ​បំផុស​ចលនា​មហាជនឱ្យស្រលាញ់ និងលើកស្ទួយវិស័យអក្សរសាស្រ្តជាតិ តាមរ​យៈ​កម្ម​វិធី​ប្រកួត​សរសេរ​តាម​អានជាសាធារណៈនេះ ក៏នឹងរួមចំណែក​ជួយ​ផ្សព្វ​ផ្សាយ​ពី​សក្ដានុពល​ទេចរណ៍​នៅ​ក្នុង​តំបន់​រមណីយដ្ឋានអង្គរផងដែរ។ សូម​ជម្រាបជូនថា ការប្រកួតសរសេរតាមអានជាសាធារណៈលើកទី១នៅកម្ពុជា «សំណេរអង្គរ» នេះ នឹងប្រព្រឹត្តទៅនាថ្ងៃទៅ ២១ ខែមករា ឆ្នាំ២០២៣ រៀបចំធ្វើនៅស្ពានហាល ច្រក​ចូល​ខាង​លិច​ប្រាសាទ​អង្គរវត្ត ដែលទើបនឹងសម្ពោធដាក់ឱ្យប្រើប្រាស់ឡើងវិញកាលពីពេលថ្មីៗ កន្លង​ទៅ​នេះ។​ កម្មវិធីសំណេរអង្គរផ្ដល់ឱកាសឱ្យសាធារណជនគ្រប់ស្រទាប់វណ្ណៈអាចចុះឈ្មោះចូលរួមប្រកួតប្រជែងសរសេរបាន មិនប្រកាន់ភេទ និងអាយុឡើយ។ កម្មវិធីសំណេរអង្គរនេះ ទទួល​បាន​ការ​គាំទ្រ​ពី​ក្រសួងអប់រំយុវជន និងកីឡា ក៏ដូចជាក្រសួងវប្បធម៌ និងវិចិត្រសិល្បៈ ព្រមទាំង​ស្ថាប័ន​ពាក់​ព័ន្ធ​ជា​ច្រើន​ទៀត។ ចំពោះជ័យលាភីលេខ១ និងទទួលបានថវិកា ១លាន ២សែនរៀល និង​ការ​ស្នាក់នៅ​សណ្ឋាគារ​ផ្កាយ​ប្រាំ ៣យប់ , ជ័យលាភីលេខ២ ទទួលបានថវិកា ៨០ម៉ឺនរៀល និងស្នាក់​នៅ​សណ្ឋាគារ​ផ្កាយ​បួន ៣យប់ និងជ័យលាភីលេខ៣ ទទួលបានថវិកា ៤០ម៉ឺនរៀល និងស្នាក់នៅ​សណ្ឋាគារ​ផ្កាបី ៣យប់ ព្រមទាំងរង្វាន់លួងចិត្តជាច្រើនទៀត៕ អត្ថបទ៖ ចេន សុភានាថ 

ក្រសួងវប្បធម៌ប្រារព្ធពិធី «រាត្រីចងចាំ» អបអរសាទរខួបលើកទី៣១ នៃការចុះបញ្ជី​ប្រាសាទអង្គរវត្ត​ក្នុងបញ្ជីបេតិកភណ្ឌពិភពលោករបស់អង្គការយូណេស្កូ

2023/12/14 08:55:13 am        408
Facebook Telegram Linkin
ក្រសួងវប្បធម៌ និងវិចិត្រសិល្បៈ ប្រារព្ធពិធី «រាត្រីចងចាំ លើកទី៤» ឆ្នាំ២០២៣ ដើម្បី​អបអរ​សាទរ​ខួប​លើកទី៣១ នៃការចុះបញ្ជីប្រាសាទអង្គរវត្តក្នុងបញ្ជីបេតិកភណ្ឌពិភពលោក របស់​អង្គការ​យូណេស្កូ (UNESCO) (រមណីយដ្ឋានអង្គរ ត្រូវបាន​ចុះ​បញ្ជី​ជា​បេតិកភណ្ឌ​វប្បធម៌​រូបី​នៃ​ពិភពលោក នៅថ្ងៃទី១៤ ខែធ្នូ ឆ្នាំ១៩៩២)។តាមរយៈមហាព្រឹត្តិការណ៍ទស្សនីយភាពសិល្ប:វប្បធម៌ដ៏អស្ចារ្យ "រាត្រីចងចាំ លើកទី៤" ឆ្នាំ​២០២៣ មានដូចជា៖ ការបង្ហាញជូននូវសម្បត្តិបេតិកភណ្ឌវប្បធម៌រូបី និងអរូបី ព្រមទាំង​ទស្សនីយ​ភាព​សិល្បៈចម្រុះជាច្រើនទម្រង់។ មហាព្រឹត្តិការណ៍ដ៏អស្ចារ្យនេះ ក៏នឹងមានការចូល​រួម​សម្តែង​ពី​សិល្បករ សិល្បការិនីទាំងក្នុងនិងក្រៅប្រព័ន្ធជាង៣០០នាក់។ «រាត្រីចងចាំ» ផ្សាយជូន​ទស្សនា​នៅ​រាត្រីថ្ងៃទី១៤ ធ្នូ ឆ្នាំ២០២៣ ដើម្បីចូលរួមអបអរសាទរខួបលើកទី៣១ឆ្នាំ នៃការដាក់​បញ្ចូល​រមណីយដ្ឋានអង្គរ ក្នុងបញ្ជីបេតិកភណ្ឌវប្បធម៌រូបី នៃពិភពលោករបស់អង្គការយូណេស្កូ និង​ដើម្បីអបអរសាទរពិធីបុណ្យរំលឹកគុណអង្គរផងដែរ។ការរៀបចំ​ព្រឹត្តិការណ៍​រំលឹកគុណអង្គរ មានរយៈពេល៣ថ្ងៃ ចាប់ពីថ្ងៃទី១៤ ដល់១៦ ខែធ្នូ ឆ្នាំ២០២៣ ប្រារព្ធពិធីនៅមុខប្រាសាទអង្គរវត្ត ក្រោមអធិបតី​ភាព​ដ៏​ខ្ពង់​ខ្ពស់​របស់​លោ​ក​ជំទាវ​បណ្ឌិត ពេជ ចន្ទមុន្នី ហ៊ុនម៉ាណែត និងលោកជំទាវបណ្ឌិតសភាចារ្យ ភឿង សកុណា រដ្ឋ​មន្ត្រី​ក្រសួង​វប្បធម៌ និងវិចិត្រសិល្បៈ តំណាងអង្គការយូណេស្កូនៅភ្នំពេញ តំណាងស្ថានទូត និង​ថ្នាក់​ដឹកនាំ​មន្ត្រី​រាជការគ្រប់លំដាប់ថ្នាក់ សរុបជាង៦០០នាក់។ ក្នុងគោលបំណង​ដើម្បី​រំលឹក​គុណ​ដល់​បុព្វការីជន ដែលបានខិតខំកសាង និងថែរក្សារមណីយដ្ឋានអង្គរ ឱ្យបានស្ថិតស្ថិរគង់វង្ស ដល់​សព្វ​ថ្ងៃ រក្សាភាពសក្ដិសិទ្ធិ នៃរមណីយដ្ឋានអង្គរ ក្នុងបរិបទសាកលភាវូបនីយកម្ម និង​រំលឹក​ឡើង​វិញ​នូវ​កេរ្តិ៍​ដំណែលនៃពិធីដឹងគុណព្រះមហាក្សត្រ អនុវត្តក្នុងសម័យអង្គរ ក្រោមរូប​ភាព​ពិធី​ឡើង​សួយ​សារ​អាករ ពីរដ្ឋចំណុះ ជាពិសេសដើម្បីសម្តែងកតញ្ញូតាធម៌ និងគុណូបការៈ ចំពោះវីរជន ឥស្សរជន និងបុព្វបុរសគ្រប់ជំនាន់ ដែលបានលះបង់កាយចិត្ត ស្មារតីក្នុងការកសាង ថែរក្សា ការពារ និងអភិរក្សមរតកវប្បធម៌ ពិសេសដើម្បីបំផុសឱ្យភ្ញៀវជាតិ និងអន្តរជាតិ ០១នាក់ ចូល​រួម​ទស្សនា​អង្គរ យ៉ាងហោចណាស់ ០១ដង/០១ឆ្នាំ មកទស្សនាហើយចង់មកទៀត និងបំផុស​ចលនា​ស្រលាញ់ និងចូលរួមការពាររមណីយដ្ឋានអង្គរ ចៀសវាង​ឱ្យ​បាន​នូវ​ការ​បំផ្លាញ​ដោយ​ស្នា​ដៃ​មនុស្ស និងធម្មជាតិ តាមរយៈ​ការ​រៀបចំ​កម្ម​វិធី​ស្វែង​យល់​ផ្ទាល់​នៅ​ការដ្ឋាន​ការងារ​អាជ្ញាធរ​ជាតិ​អប្សរា បញ្ហាប្រឈម និងការបង្ក្រាបតាមរយៈការសម្តែងសិល្បៈទស្សនីយភាព ពោល​ដើម្បី​បណ្តុះ​ស្មារតី​យុវជន និងប្រជាពលរដ្ឋខ្មែរ ឱ្យចេះស្រលាញ់ ចូលរួមថែរក្សា ការពារ និង​លើក​តម្កើង​បេតិកភណ្ឌ វប្បធម៌ ទំនៀមទំលាប់ ប្រពៃណីផូរផង់ របស់កម្ពុជា លើកស្ទួយពាក្យស្លោក កម្ពុជា​ព្រះរាជាណាចក្រអច្ឆរិយៈ និងធ្វើឱ្យកាន់តែប្រាកដឡើងនូវពាក្យស្លោក កោះសន្តិភាព ដែ​ល​មាន​ចែង​ក្នុង​បុព្វកថានៃរដ្ឋធម្មនុញ្ញកម្ពុជា ក្រោមពាក្យស្លោក អរគុណសន្តិភាព និងកា​រ​ខិត​ខំប្រឹ​ង​ប្រែង​របស់រាជរដ្ឋាភិបាល ក៏ដូចជា​ចូលរួមចំណែកជាមួយក្រសួង/ស្ថាប័នពាក់ព័ន្ធ ក្នុង​ការ​ធ្វើ​ឱ្យ​រស់​រាន​ឡើង​វិញ​នូវវិស័យទេសចរណ៍របស់កម្ពុជា ដើម្បីបង្ហាញមោទកភាពជាតិ របស់​ព្រះរាជា​ណា​ចក្រ​កម្ពុជា​ ដែលជាមហាអំណាចវប្បធម៌ និងប្រវត្តិសាស្ត្រយូរលង់ ព្រមទាំង​លើក​គុណ​តម្លៃ​សម្បត្តិ​បេតិក​ភណ្ឌ ដើម្បីផ្សព្វផ្សាយពីសក្តានុពលវប្បធម៌ និងទេសចរណ៍ទៅកាន់ឆាកអន្តរជាតិ៕ អត្ថបទ រដ្ឋា

ជប៉ុនផ្តល់ជំនួយថ្មី ៣សែនដុល្លារសម្រាប់ជួសជុល និងអភិវឌ្ឍធនធានមនុស្ស នៅតំបន់រមណីយដ្ឋានសំបូរព្រៃគុក

2023/12/12 10:09:19 am        250
Facebook Telegram Linkin
ភ្នំពេញ៖ រដ្ឋាភិបាលជប៉ុន បានសម្រេចផ្តល់គម្រោងជំនួយថ្មី ដែលមានចំនួនទឹកប្រាក់ស្មើនឹង ៣សែន​ដុល្លារ​សហរដ្ឋអាមេរិក សម្រាប់ការងារ ជួសជុលឡើងវិញ ក៏ដូចជាការ​អភិវ​ឌ្ឍ​ធនធាន​មនុស្ស លើតំបន់រមណីយដ្ឋានសំបូរព្រៃគុក ដែលមានឈ្មោះថា «គម្រោង​អភិវឌ្ឍន៍​ធនធាន​មនុស្ស​ក្នុង​ការថែរក្សា និងជួសជុលតំបន់រមណីយដ្ឋានសំបូរព្រៃគុក»។ នេះបើយោ​ង​តាម​សេច​ក្ដី​ប្រកាស​ព័ត៌មានរួមថ្ងៃទី១២ ខែធ្នូ ឆ្នាំ២០២៣។ សេចក្ដីប្រកាសព័ត៌មានរួមបានឱ្យដឹងថា រដ្ឋាភិបាលជប៉ុន បានផ្តល់ជំនួយ​លើ​សកម្ម​ភាព​នានា​ក្នុង​ការ​ថែរក្សា និងជួសជុលតំបន់ រមណីយដ្ឋានសំបូរព្រៃគុក ក្នុងរូបភាព​ចម្បង​តាមរ​យៈ​គម្រោង​មូល​និធិ ដៃគូ ដោយមានទឹកប្រាក់សរុបចំនួន ៦៣៨ ៩៦៧ ដុល្លារសហរដ្ឋអាមេរិក។ បើ​និយាយ​ឱ្យ​លម្អិត រដ្ឋាភិបាលជប៉ុនបានជួយលើសម្ភារៈ និងឧបករណ៍ ដេញថ្លៃ​នានា​សម្រាប់​ប្រើប្រាស់​លើ​ការងា​រ​ជួសជុលឡើងវិញដែលមានរយៈពេល៤ឆ្នាំ ចាប់ពីឆ្នាំ២០០៩ ដល់ ឆ្នាំ២០១២។ ចាប់​ពី​ឆ្នាំ២០២០ ដល់ឆ្នាំ២០២៤ រដ្ឋាភិបាលជប៉ុន បាននិងកំពុងសាងសង់អគារបណ្តុះបណ្តាល និង​ផ្តល់សម្ភារៈ និង​ឧបករណ៍​មួយ​ចំនួន​សម្រាប់​ការងារ​ជួសជុ​ល​អភិរក្ស​នៅ​រមណីយដ្ឋាន​សំបូរ​ព្រៃគុក​។ «យើង ជឿជាក់ថា តាមរយៈគម្រោងដែលបានរៀបរាប់ទាំងនេះ ព្រមទាំងគម្រោងជំនួយថ្មី នឹង​ជួយ​ផ្ដល់សមត្ថភាពដល់ សិស្ស និងអ្នកជំនាញវ័យក្មេងកម្ពុជា បានរៀនជំនាញវិជ្ជាជីវៈ កម្រិត​ខ្ពស់ ព្រមទាំងទទួលបានចំណេះដឹងតាមរ យៈកម្មវិធីកសាងសមត្ថភាព និងការ​បណ្តុះ​បណ្តាល​ការងារ​ដោយការអនុវត្តជាក់ស្ដែង។ យើងសង្ឃឹមថា គម្រោងជំនួយថ្មីនេះ នឹងរួម​ចំណែក​ដល់​ការ​អនុវត្ត​ប្រកបដោយប្រសិទ្ធិភាព និងរលូន ក្នុងការងារថែរក្សា និងជួស​ជុល​តំបន់​រមណីយដ្ឋាន​សំបូរ​ព្រៃគុក»។ នេះបើតាមសេចក្ដីប្រកាសព័ត៌មាន៕

សម្ដេច​ធិបតី៖ព្រះរាជពិធីបុណ្យអុំទូកឆ្នាំនេះបញ្ចប់ទៅដោយជោគជ័យមានសន្តិសុខសណ្ដាប់ធ្នាប់ល្អ

2023/11/29 09:05:43 am        301
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បាន​កោតសរសើរ និងវាយតម្លៃខ្ពស់ចំពោះគណៈកម្មការរៀបចំពិធីបុណ្យអុំទូក បណ្តែតប្រទីប សំពះព្រះខែ និង​អកអំបុកឆ្នាំនេះ ដែលមានសាលារាជធានីភ្នំពេញ សមត្ថកិច្ចគ្រប់អង្គភាព និងរាល់ក្រសួង ស្ថាប័នពាក់ព័ន្ធ ដែលបានសហការគ្នាក្នុងការរៀបចំពិធី ដែលបានប្រព្រឹត្តទៅដោយរលូន មានសន្តិសុខសណ្ដាប់ធ្នាប់ល្អ ដែលបង្កលក្ខណៈឱ្យប្រជាពលរដ្ឋបានចូលរួមសប្បាយរីករាយ។សម្ដេច​ធិបតី​ នាយករដ្ឋមន្រ្ដី និង​ភរិយាមានការសប្បាយរីករាយយ៉ាងខ្លាំងដែលបានចូលរួមនៅក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅឆ្នាំ២០២៣នេះ។ សម្ដេច​ធិបតីថ្លែង​ថា ឆ្នាំនេះមានបងប្អូនប្រជាពលរដ្ឋខ្មែរទាំងអ្នករាជធានីភ្នំពេញ និងអ្នកមកពីតាមបណ្ដាខេត្ត ក៏ដូចជាជនជាតិបរទេសដែលមានវត្តមាននៅព្រះរាជាណាចក្រកម្ពុជាបានចូលរួមយ៉ាងច្រើនកុះករ ក្នុងរយៈពេល៣ថ្ងៃនេះ។ សម្ដេច​បានកោតសរសើរ និងវាយតម្លៃខ្ពស់ចំពោះគណៈកម្មការរៀបចំពិធីបុណ្យអុំទូក បណ្តែតប្រទីប សាលារាជធានីភ្នំពេញ សមត្ថកិច្ចគ្រប់អង្គភាព និងរាល់ក្រសួង ស្ថាប័នពាក់ព័ន្ធ ដែលបានសហការគ្នាក្នុងការរៀបចំពិធី ដែលបានប្រព្រឹត្តទៅដោយរលូន មានសន្តិសុខសណ្ដាប់ធ្នាប់ល្អ ដែលបង្កលក្ខណៈឱ្យប្រជាពលរដ្ឋបានចូលរួមសប្បាយរីករាយ។ ខ្ញុំសូមសរសើរចំពោះបងប្អូនគណៈកម្មការគ្រប់គ្រងការប្រកួតក៏ដូចជាកីឡាករ កីឡាការនីដែលចូលរួមក្នុងការប្រណាំងទូក និងក្រុមការងារពាក់ព័ន្ធទាំងអស់ដែលបានខិតខំអស់កម្លាំងកាយចិត្តក្នុងការគ្រប់គ្រងការប្រកួត ក៏ដូចជាខិតខំប្រកួតដោយស្មារតីសាមគ្គីភាព និងគោរពគ្នាទៅវិញទៅមក ដែលធ្វើឱ្យការប្រកួតអុំទូកនេះមានភាពជោគជ័យជារួម ទោះជាលទ្ធផលយ៉ាងណាក៏ដោយសម្រាប់ទូកនីមួយៗ។ សម្ដេច​ធិបតី ថ្លែង​អំណរគុណ ដល់បណ្ដាក្រសួងស្ថាប័ន និងក្រុមហ៊ុនឯកជនដែលបានចូលរួមរៀបចំប្រទីបស្អាតៗទាំងសោភ័ណភាព ទាំងអត្ថន័យល្អៗ ដើម្បីបង្ហាញដល់បងប្អូនប្រជាពលរដ្ឋបានទស្សនាក្នុងពេលរាត្រី ក្រោយពេលប្រណាំងទូកបានបញ្ចប់ក្នុងថ្ងៃនីមួយៗ។ ជាមួយគ្នានេះដែរការរៀបចំកន្លែងកម្សាន្ត​ និង​ការប្រគំតន្ត្រីជាច្រើនកន្លែង បានញ៉ាំងឱ្យពិធីនេះកាន់តែមានភាពអធិកអធម និងសប្បាយរីករាយសម្រាប់ប​ងប្អូនប្រជាពលរដ្ឋនៅទូទាំងប្រទេស​មកលេងកម្សាន្ត។​ជាមួយគ្នានេះ សម្ដេច​ធិបតី ក៏បានថ្លែងអំណរគុណដល់ក្រុមការងារសម្តែងគ្រប់ប្រភេទ ក៏ដូចសិល្ប:ករ សិល្បៈ ការីនីទាំងអស់ ដែលបានផ្តល់នូវផ្ទាំងទស្សនីយភាពរីករាយ និងការរាំលេងកំសាន្តគ្រប់ទីកន្លែងដល់​មហាជន ប្រកបដោយភាពស្រស់ស្រាយ និងសប្បាយអឺងកង ។ សម្ដេច​ធិបតីបញ្ជាក់ថា ភាពជោគជ័យនេះ អាចសម្រេចទៅបាន គឺដោយសារការចូលរួមចំណែកពីគ្រប់បណ្តាក្រុមការងារពាក់ព័ន្ធ ជាពិសេសកងកម្លាំងគ្រប់ប្រភេទ ដែលបានលះបង់ពេលវេលា និងកម្លាំងកាយចិត្តធ្វើយ៉ាងណាធានាឱ្យបានសេចក្តីសុខ សុវត្ដិភាព សណ្តាប់ធ្នាប់សាធារណៈ និងបង្កលក្ខណ:គ្រប់បែបយ៉ាង ដើម្បីបម្រើដល់ដំណើរការនៃព្រះរាជពិធីបុណ្យជាតិនេះឱ្យប្រព្រឹត្តទៅដោយភាពអធិកអធម និងសប្បាយរីករាយបំផុត៕អត្ថបទ៖ វ៉ន ដារ៉ា 

បណ្ដាញសង្គម

ព័ត៌មានថ្មីៗ

សម្តេចធិបតី អំពាវនាវបណ្ដាប្រទេស និងដៃគូទាំងអស់ រួមគ្នា សម្រេចឱ្យបានគោលដៅពិភពលោកគ្មានមីន
11/25/2024 10:11 AM
Facebook Telegram Linkin
Translator-KH នឹងផ្ដល់នូវលទ្ធភាពថ្មីៗសម្រាប់ភាសាខ្មែរក្នុងយុគសម័យឌីជីថល
11/25/2024 10:11 AM
Facebook Telegram Linkin
ជប៉ុន និងអាមេរិក នឹងបង្កើតផែនការមីស៊ីលក្នុងករណីមានអាសន្ននៅកោះតៃវ៉ាន់
11/25/2024 09:11 AM
Facebook Telegram Linkin
រដ្ឋាភិបាលក្នុងតំបន់របស់ចិន បង្កើនវិធានការសុវត្ថិភាពសាធារណៈ បន្ទាប់ពីការវាយប្រហារ
11/25/2024 09:11 AM
Facebook Telegram Linkin
រុស្ស៊ី បាននិយាយថាលោក Biden កំពុងធ្វើឱ្យខូចផ្លូវសន្តិភាពរបស់លោកTrump ក្នុងសង្រ្គាមអ៊ុយក្រែន
11/25/2024 09:11 AM
Facebook Telegram Linkin
ប៉ាគីស្ថានចុះហត្ថលេខាលើកិច្ចព្រមព្រៀងឈប់បាញ់រយៈពេល៧ថ្ងៃ រវាងក្រុមកំពុងមានជម្លោះក្រោយការសម្លាប់រង្គាល
11/25/2024 09:11 AM
Facebook Telegram Linkin
សម្តេចធិបតី ហ៊ុន ម៉ាណែត ទទួលជួបពិភាក្សាការងារ ជាមួយគណៈប្រតិភូជាន់ខ្ពស់ នៃបណ្តាប្រទេស និងអង្គការអន្តរជាតិ
11/25/2024 09:11 AM
Facebook Telegram Linkin
ចំនួនអ្នកអ្នកស្លាប់នៅលីបង់កើនឡើងរាល់ថ្ងៃ ព្រោះការវាយប្រហារពីអ៊ីស្រាអែល ខណៈអឺរ៉ុបអំពាវនាវឱ្យមានបទឈប់បាញ់
11/25/2024 08:11 AM
Facebook Telegram Linkin
ឯកឧត្តម ឡាវ វ៉ាន់៖ កត្តាសុខសន្តិភាពរបស់កម្ពុជា បានផ្តល់ឱកាសដល់និស្សិតខ្មែរសិក្សារៀនសូត្រពេញលេញ និងបន្តការសិក្សានៅក្រៅប្រទេស
11/25/2024 08:11 AM
Facebook Telegram Linkin
ស្តង់ពិព័រណ៍អបអរកិច្ចប្រជុំកំពូលសៀមរាប-អង្គរ​ ស្តីពីពិភពលោកគ្មានមីនដែលរៀបចំឡេីង​ នៅសណ្ឋាគារសុខាសៀមរាប
11/25/2024 07:11 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.