BTV NEWS

នាវាទេសចរណ៍ SEVEN SEA VOYAGER សញ្ជាតិ BAHAMAS ដឹកនាវិក និងភ្ញៀវទេសចរជាង១ពាន់នាក់ចូលទស្សនាខេត្តព្រះសីហនុ

ខេត្តក្រចេះ ទទួលបានភ្ញៀវទេសចរប្រមាណជិត ៣០ ម៉ឺននាក់ រយៈពេល៣ថ្ងៃ ក្នុងពិធីបុណ្យចូលឆ្នាំថ្មី

រយៈពេល៣ថ្ងៃ ក្នុងឱកាសបុណ្យចូលឆ្នាំខ្មែរ មានភ្ញៀវទេសចរ និងប្រជាពលរដ្ឋ ធ្វើដំណើរកម្សាន្តទូទាំងប្រទេសជិត ២៤លាននាក់ កើនឡើង ៩,៩% ធៀបនឹងឆ្នាំ២០២៤

អាជ្ញាធរជាតិអប្សរា ត្រៀមភ្នាក់ងារទេសចរជាង៤០០នាក់ ទទួលភ្ញៀវទេសចរចម្រុះជាតិសាសន៍ មកទស្សនាកម្សាន្តក្នុងព្រឹត្តិការណ៍អង្គរសង្ក្រាន្ត ឆ្នាំ២០២៥

វប្បធម៌ និងទេសចរណ៍

ក្រុមការងារអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី

ភ្នំពេញ៖ ក្រុមការងារនៃនាយកដ្ឋានអភិរក្សប្រាសាទក្រៅ និងក្នុងឧទ្យានអង្គរនៃអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី ស្ថិតនៅកណ្ដាលបារាយណ៍ នៃប្រាសាទបេងមាលា។ គម្រោងជួសជុលនេះ គឺធ្វើឡើងដោយមានការចូលរួមពីវិស័យឯកជន។ប្រាសាទផ្ទីដែលស្ថិតនៅចំកណ្តាលបារាយណ៍ប្រាសាទបេងមាលា មានទីតាំងស្ថិតនៅភូមិបេងមាលា ឃុំបេងមាលា ស្រុកស្វាយលើ ខេត្តសៀមរាប។ ប្រាសាទនេះ មានលក្ខណៈជាសំណង់ថ្មបាយក្រៀម រាងការ៉េ ប្រវែង១៥ម៉ែត្របួនជ្រុង និងមានជញ្ជាំងព័ទ្ធជុំវិញកម្ពស់១ម៉ែត្រ។ នៅចំកណ្តាល គេតម្កល់រូបព្រះពុទ្ធប្រក់នាគសរុបទាំងខឿនកម្ពស់ ៦,៥ម៉ែត្រ អំពីថ្មភក់ ដែលទំនងជាត្រូវបានសាងសង់ឡើងរវាងពាក់កណ្ដាលសតវត្សទី១២ ទៅចុងសតវត្សទី១២។ឯកឧត្ដម គឹម សុធិន អគ្គនាយករងអាជ្ញាធរជាតិអប្សរា មានប្រសាសន៍ថា គម្រោងជួសជុលប្រាសាទផ្ទីបានសម្រេចរួចរាល់ហើយនៅចុងខែ ឧសភា ឆ្នាំ២០២១នេះ បន្ទាប់ពីចាប់ផ្តើមដំណើរការនៅដើមខែមេសា។ នៅដើមខែមីនា ការធ្វើកំណាយពិនិត្យរចនាសម្ពន្ធប្រាសាទនេះបានចាប់ផ្តើម និងឈានដល់ការជួសជុលលើកតម្លៃឡើងវិញ ក្រោមការចូលរួមពីវិស័យឯកជន គឺលោកជំទាវ ហេម ចិត្តា មហាឧបាសិកាពុទ្ធសាសនូបត្ថម្ភ ម៉ៅ ម៉ាល័យ កែ គឹមយ៉ាន ក្នុងបំណងដើម្បីចូលរួមអភិរក្សមរតកសម្បត្តិបេតិកភណ្ឌជាតិ។ បើតាមការបញ្ជាក់ពីឯកឧត្តម គឹម សុធិន ថា គម្រោងជួសជុលនេះមានការលំបាកបន្ដិចដែរ ព្រោះការដ្ឋានស្ថិតនៅកណ្ដាលបារាយណ៍ ក្នុងព្រៃ ហើយផ្លូវធ្វើដំណើរមានភាពតូចបន្ដិច ដែលពិបាកក្នុងការដឹកជញ្ជូនថ្មតាមរថយន្តធុនធ្ងន់។ យ៉ាងណាក្រុមការងារ បានបង្ហាញសុទិដ្ឋិនិយម និងអារម្មណ៍រីករាយជាខ្លាំងជាមួយសមិទ្ធផលថ្មីមួយបន្ថែមទៀតនេះ ពិសេសប្រាសាទដែលបានដួលរលំឃើញតែគំនរដុំថ្ម ហើយបានខិតខំរកផ្គុំឱ្យមានរូបរាងឡើងវិញ៕ អត្ថបទ៖ រដ្ឋា

អាជ្ញាធរជាតិអប្សរាសុំការយោគយល់ចំពោះការបិទមិនឱ្យដំណើរការផ្នែកខ្លះនៃស្រះខាងជើង

សៀមរាប៖ អាជ្ញាធរជាតិអប្សរាសុំការយោគយល់ចំពោះការបិទមិនឱ្យដំណើរការផ្នែកខ្លះនៃស្រះខាងជើងមួយរយៈ ដើម្បីភាពងាយស្រួលដល់ការបំពេញការងារ និងពន្លឿនសកម្មភាពជួសជុល។អាជ្ញាធរជាតិអប្សរាប្រកាសថា ដោយមើលឃើញពីស្ថានភាពជាក់ស្តែងនៃការដ្ឋានជួសជុលស្រះទឹកខាងជើងប្រាសាទ អង្គរវត្តមានភាពតូចចង្អៀត ពិបាកក្នុងការបំពេញការងារ ធ្វើឱ្យដំណើរការជួសជុលមានភាពយឺតយ៉ាវ អាជ្ញាធរជាតិអប្សរានឹងពង្រីកការដ្ឋាននេះបន្ថែម ដើម្បីមានភាពងាយស្រួលដល់ការបំពេញការងារ និងពន្លឿនសកម្មភាពជួសជុល។តាមរយៈសកម្មភាពនេះនឹងធ្វើឱ្យប៉ះពាល់ខ្លះដល់ការផ្តិតយករូបភាពថ្ងៃរះ និងប្រាសាទអង្គរវត្ត។ ដូច្នេះហើយ សូមភ្ញៀវទេសចរជាតិ-អន្តរជាតិ មគ្គុទ្ទេសក៍ទេសចរ មេត្តាយោគយល់ចំពោះការបិទមិនឱ្យដំណើរការផ្នែកខ្លះនៃស្រះខាងជើងមួយរយៈ និងសូមទៅថតរូបនៅស្រះខាងត្បូងវិញ ដើម្បីទុកលទ្ធភាពឱ្យអ្នកជំនាញបំពេញការងារជួសជុលអភិរក្សសម្បត្តិដូនតាខ្មែរឱ្យបានស្រួល និងប្រកបដោយគុណភាព៕

មន្រី្តជាន់ខ្ពស់ក្រសួងវប្បធម៌ ស្នើដល់យុវជន ចូលរួមអភិរក្ស និងអភិវឌ្ឍវិស័យសិល្បៈវប្បធម៌ខ្មែរ

ភ្នំពេញ៖ ស្របពេលដែលក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា នឹងរៀបចំមហោស្រពសិល្បៈចម្រៀងខ្មែរជាសកល លើកទី៥ ឆ្នាំ២០១៩នាពេលខាងមុខនេះ, លោកស្រី ឌុក ស៊ីថា អនុ ប្រធាននាយកដ្ឋានសិល្បៈទស្សនីយភាព នៃក្រសួងវប្បធម៌ និងវិចិត្រសិល្បៈ បានស្នើដល់យុវជនជំនាន់ក្រោយ ចូលរួមអភិរក្ស និងអភិវឌ្ឍវិស័យសិល្បៈវប្បធម៌ខ្មែរ។លោកស្រី បានលើកឡើងទៀតថា បច្ចុប្បន្ននេះពិតណាស់វិស័យសិល្បៈ កំពុងជួបបញ្ហាប្រឈមជាច្រើន ក៏ប៉ុន្តែទាមទារនូវការអភិវឌ្ឍន៍ និងអភិរក្ស។ ដូច្នេះយើងគ្មានបញ្ហាទាំងអស់ ដោយសារតែយើងមានក្រសួងវប្បធម៌ ជាគ្រឹះក្នុងការណែនាំ ដឹកនាំសិល្បករ សិល្បការិនី គ្រប់រូប។បើតាមលោកស្រី អ៊ិន ថាច អនុគណៈកម្មការមហោស្រពសិល្បៈចម្រៀងខ្មែរជាសកល លើកទី៥ ឆ្នាំ២០១៩ ថា បេក្ខជន បេក្ខនារី ដែលចូលរួមក្នុងមហោស្រពនេះ ត្រូវមានអត្តសញ្ញាណជាពណ៌សម្បុរខ្មែរ តាំងពីដំណើរ សំលៀកបំពាក់។ជាមួយគ្នានោះដែរ លោកសាស្ត្រាចារ្យ ងួន សំអាត គ្រូបង្ហាត់បង្រៀនលើផ្នែកសិល្បៈចាប់តាំងពីឆ្នាំ១៩៦៣មក បានបង្ហាញចំណាប់អារម្មណ៍របស់ខ្លួនថា។មហោស្រពសិល្បៈចម្រៀងខ្មែរជាសកល លើកទី៥ ឆ្នាំ២០១៩ នេះ ប្រារព្ធឡើងក្នុងគោលដៅបំផុសចលនាមហាជន ជាពិសេសយុវជនខ្មែរទាំងនៅក្នុង និងក្រៅប្រទេស ឲ្យចូលរួមលើកស្ទួយតម្លៃសិល្បៈវប្បធម៌ និងអត្តសញ្ញាណជាតិ សំដៅរួមចំណែកអភិវឌ្ឍសង្គម និងលើកកម្ពស់កិត្យានុភាពជាតិ។កម្មវិធីបើកមហោស្រពសិល្បៈចម្រៀងខ្មែរជាសកលនេះ នឹងប្រព្រឹត្តទៅនាថ្ងៃទី១៦ ខែតុលា ឆ្នាំ២០១៩ និងកម្មវិធីបិទនាថ្ងៃទី២៦ ខែតុលា ឆ្នាំ២០១៩ នៅរាជធានីភ្នំពេញ៕

មន្រី្តជាន់ខ្ពស់ក្រសួងវប្បធម៌៖ មន្ត្រីគ្រប់រូបក្នុងក្របខណ្ឌក្រសួង ចាំបាច់ពង្រឹងសមត្ថភាពខ្លួនបន្ថែម

ភ្នំពេញ៖ ឯកឧត្តម អ៊ុក សុជាតិ រដ្ឋលេខាធិការក្រសួងវប្បធម៌ និងវិចិត្រសិល្បៈ អះអាងថា មន្រី្តគ្រប់រូបក្នុងក្របខណ្ឌក្រសួង ត្រូវមានកាតព្វកិច្ច ចាំបាច់ពង្រឹងសមត្ថភាពខ្លួនបន្ថែម ដោយខិតខំ សិក្សារៀនសូត្របំពាក់នូវចំណេះដឹងផ្ទាល់ខ្លួន ដើម្បីក្លាយខ្លួនជាមន្ត្រីដែលមានសមត្ថភាពចេះទទួលខុសត្រូវ ក្នុងភារកិច្ចដែលក្រសួងផ្តល់ឲ្យ។ការថ្លែងរបស់ឯកឧត្តម អ៊ុក សុជាតិ បែបនេះ ក្នុងវគ្គបណ្ដុះបណ្ដាលការងាររដ្ឋបាល និងការងារគ្រប់គ្រងដល់សិក្ខាកាមជាមន្ត្រីរាជការ សរុប១២០រូប ក្នុងនោះ សិក្ខាកាមជាស្ត្រីមាន៤៣រូប មកពីបណ្តានាយកដ្ឋានក្រោមឱវាទក្រសួង និងមន្ទីរវប្បធម៌ និងវិចិត្រសិល្ប:រាជធានីខេត្ត, នាព្រឹកថ្ងៃទី២៥ មិថុនា ២០១៩នេះ នៅទីសី្តការក្រសួង។ឯកឧត្តម បន្តថា វគ្គបណ្តុះបណ្តាលនេះ គឺជាលទ្ធផលថ្មីមួយ ដែលទាមទារឲ្យថ្នាក់ដឹកនាំក្រសួងវប្បធម៌ និងវិចិត្រសិល្បៈខិតខំប្រឹងប្រែងបំពេញ ភារកិច្ចក្នុងការបណ្តុះបណ្តាល ធនធានមនុស្ស ផ្តល់ចំណេះដឹង ដល់អស់លោក លោកស្រី ដែលជាមន្ត្រីរាជការទាំងអស់ឲ្យមានការទទួលខុសត្រូវ ក្នុងការងារ។ នេះគឺជាកាតព្វកិច្ចរបស់មន្ត្រីរាជការក្នុងការបំពេញការងារបម្រើផលប្រយោជន៍ជាតិ ជំរុញឲ្យការងារក្នុងវិស័យវប្បធម៌និងវិចិត្រសិល្បៈកាន់តែរីកចម្រើន ប្រសើរឡើងថែមទៀត។ជាមួយគ្នានោះដែរ លោក តន សុវណ្ណឧត្តម នាយកសាលាបណ្តុះបណ្តាលក្របខណ្ឌវប្បធម៌ នៃក្រសួងវប្បធម៌ និងវិចិត្រសិល្បៈ បានឲ្យដឹងថា វគ្គបណ្តុះបណ្តាលនេះ ធ្វើឡើងក្នុងគោលបំណងពង្រឹងសមត្ថភាពមន្ត្រីរាជការបន្ថែម លើការងាររដ្ឋបាល ការងារគ្រប់គ្រង កំណែទម្រង់ និងសសេរផែនការ ដល់សិក្ខាកាមជាអនុប្រធាននាយកដ្ឋាន អនុប្រធានមន្ទីរ ប្រធានការិយាល័យ អនុប្រធានការិយាល័យ នៅតាមអង្គភាពចំណុះក្រសួងវប្បធម៌ និងវិចិត្រសិល្ប: ដើម្បីឆ្លើយតបនឹងការបម្រើសេវាសាធារណៈជូនប្រជាពលរដ្ឋ ក៏ដូចជាការពង្រឹងប្រសិទ្ធភាពការងារអោយកាន់តែប្រសើរឡើង និងក្នុងបំណងរួមចំណែកជាមួយរាជរដ្ឋាភិបាល ក្នុងការប្រកាន់យក នូវការងារកំណែទម្រង់លើគ្រប់វិស័យជាអាទិភាព ជាអាទិ៍កំណែទម្រង់ រដ្ឋបាលសាធារណៈ កំណែទម្រង់ការគ្រប់គ្រងហិរញ្ញវត្ថុសាធារណៈ កំណែទម្រង់វិមជ្ឈការ និងវិសហមជ្ឈការ កំណែទម្រង់ច្បាប់ និងតុលាការ និងកំណែទម្រង់តាមវិស័យដទៃទៀត ដោយប្រតិបតិ្តយ៉ាងខ្ជាប់ខ្ជួននូវគោលការណ៍អភិបាលកិច្ច ល្អជាមូលដ្ឋាន ដើម្បីលើកកម្ពស់កម្រិតនីតិរដ្ឋឲ្យបានកាន់តែរឹងមាំ និងអំពាវនាវឲ្យមន្រី្តរាជការគ្រប់រូបចូលរួមឲ្យកាន់តែសកម្មខ្លាំងក្លាថែមទៀត ក្នុងការអនុវត្តគោលនយោបាយកំណែទម្រង់ខាងលើនេះ៕

បុណ្យអុំទូកបីថ្ងៃ ៖ ស្លាប់ ១៩នាក់ និងរបួស ៥៣នាក់ ដោយគ្រោះថ្នាក់ចរាចរណ៍

ភ្នំពេញ៖ នៅក្នុងព្រះរាជពិធីបុណ្យ អុំទូក បណ្ដែតប្រទីប សំពះព្រះខែ និងអកអំបុក រយៈពេលបីថ្ងៃ គឺពីថ្ងៃទី៣០–៣១ ខែតុលា ដល់ថ្ងៃទី១ ខែវិច្ឆិកា ឆ្នាំ២០២០ គ្រោះថ្នាក់ចរាចរណ៍បានកើតឡើងចំនួន ៣៦លើក បណ្តាលឲ្យមនុស្សស្លាប់ និងរបួស ចំនួន ៧២នាក់ ក្នុងនោះ ស្លាប់ ១៩នាក់ និងរបួសធ្ងន់ស្រាលចំនួន ៥៣នាក់។ នេះបើតាមការបញ្ជាក់របស់លោកឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ។អ្នកនាំពាក្យអគ្គស្នងការដ្ឋាននគរបាលជាតិ បានបន្តថា បើប្រៀបធៀបនឹងរយៈពេលបីថ្ងៃដូចគ្នា នៃព្រះរាជពិធីបុណ្យ អុំទូក បណ្ដែតប្រទីប សំពះព្រះខែ និងអកអំបុក ឆ្នាំ២០១៩ អ្នកស្លាប់កើនចំនួន ៩នាក់ (១៩នាក់លើ១០នាក់) របួសថយ ២៤នាក់ (៥៣លើ៧៧នាក់)៕

សេវាកម្មដឹកជញ្ជូនទំនិញ តាមផ្លូវគោកនៅកម្ពុជា ចាប់ផ្តើមងើបឡើង

ភ្នំពេញ៖ ប្រធានសមាគមភស្តុភារកម្មកម្ពុជា ថ្លែងថា វិស័យសេវាកម្មដឹកជញ្ជូនទំនិញតាមផ្លូវគោក នៅប្រទេសកម្ពុជា ដែលបានធ្លាក់ចុះដោយសារការររឹតបន្តឹងការឆ្លងកាត់ព្រំដែន ដើម្បីទប់ទល់នឹងការរាលដាលជំងឺកូវីដ ១៩ បានចាប់ផ្តើមងើបឡើងវិញ ក្នុងរង្វង់ ១០% ទៅ ១៥% នៃការនាំចូលវត្ថុធាតុដើម បម្រើឲ្យវិស័យរោងចក្រ សហគ្រាស និងនាំចេញផលិតផលពីប្រទេសកម្ពុជាទៅកាន់ទីផ្សារអន្តរជាតិ។លោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជា បានថ្លែងប្រាប់ភ្នាក់ងារអ្នកយកព័ត៌មាន BTV ស្តីពីវិស័យនៃការដឹកជញ្ជូន នៅថ្ងៃទី០២ ខែវិច្ឆិកា ឆ្នាំ២០២០ ស្ថិតនៅក្នុងការរីករាលដាលដោយសារជំងឺកូវីដ ១៩ នេះ ការដឹកជញ្ជូនតាមផ្លូវអាកាស បានធ្លាក់ចុះស្ទើរស្មើសូន្យ ហើយការដឹកជញ្ជូនតាមផ្លូវទឹក និងផ្លូវគោក ក៏បានរងផលប៉ះពាល់យ៉ាងធ្ងន់ធ្ងរផងដែរ។លោកឧកញ៉ា បន្តថា ដោយមានការបន្ទូបន្ថយ និងរៀបចំឱ្យមានការដឹកជញ្ជូនឆ្លងកាត់ឡើងវិញ របស់រាជរដ្ឋាភិបាលកម្ពុជា ការដឹកជញ្ជូនតាមផ្លូវគោកបានងើបឡើងរង្វង់ ១០% ទៅ ១៥%។ លោកឧកញ៉ា សង្ឃឹមថា ការដឹកជញ្ជូននេះ នឹងមានកំណើនកើនឡើងវិញជាបន្តបន្ទាប់ទៀត បន្ទាប់ពីស្ថានភាពជំងឺកូវីដ–១៩ បានធូរស្រាល និងត្រឡប់មលវិញជាប្រក្រតីផងដែរ។សូមបញ្ជាក់ថា ក្នុងពេលថ្មីៗនេះ ក្រុមប្រឹក្សាជាតិភស្តុភារកម្ម បានរៀបចំគម្រោងស្តីពី ការធ្វើឱ្យប្រសើរឡើង នូវច្រកទ្វារព្រំដែនអន្តរជាតិ បាវិត-ម៉ុកបៃ, ប៉ោយប៉ែត-អារញ្ញ ប្រាថេត, ស្ទឹងបត់-បានណងអៀន និងព្រៃវល្លិ៍-ប៊ិញហៀប ដើម្បីបម្រើដល់ការផ្លាស់ប្តូរទំនិញ និងនាំចេញ-នាំចូល ឲ្យបានទាន់ពេលវេលា៕ អត្ថបទ៖ សុន រ៉ាឌី

រយៈពេល២ថ្ងៃឈប់សម្រាក ខេត្តកោះកុង ទទួលអ្នកទេសចរជិត៩ពាន់នាក់ មានការថយចុះបើធៀបឆ្នាំមុន

កោះកុង ៖ រយៈពេល ២ថ្ងៃនៃការឈប់សម្រាក ខេត្តកោះកុង មានភ្ញៀវទេសចរសរុបជិត៩ពាន់នាក់ បានមកលេងកម្សាន្តស្នាក់ នៅតាមរមណីយដ្ឋាននានា។ ទោះបីជាអាកាសធាតុបានអំណោយផលល្អយ៉ាងណាក៏ដោយ។ក្នុងឱកាសព្រះរាជពិធីគ្រងព្រះបរមរាជសម្បត្តិរបស់ព្រះមហាក្សត្រ និងពិធីបុណ្យអុំទូក បណ្តែតប្រទីប អកអំបុក និងសំពះព្រះខែ ចាប់ពីថ្ងៃទី២៩ ដល់ថ្ងៃទី៣០ ខែតុលា ឆ្នាំ២០២០ គឺមានភ្ញៀវទេសចរជាតិ និងអន្តរជាតិសរុប៨.៩៦៦នាក់ បានមកស្នាក់នៅ និងលេងកម្សាន្តនៅតាមរមណីយដ្ឋានផ្សេងៗ ក្នុងខេត្តកោះកុង។គូសបញ្ជាក់ប្រាប់ទូរទស្សន៍ប៊ីធីវី នៅព្រឹកថ្ងៃទី៣១ខែតុលា លោក សុខ ចាន់គ្រឹស្នា ប្រធានមន្ទីរទេសចរណ៍ ខេត្តកោះកុង វាយតម្លៃបឋមថា តួលេខអ្នកទេសចរថយចុះច្រើន បើធៀបនឹងរយៈពេលដូចគ្នាកាលពីឆ្នាំមុន ព្រោះតែបញ្ហាគ្រោះទឹកជំនន់ នៅតាមបណ្តាភាគពាយព្យប្រទេសកម្ពុជាកន្លងទៅ ធ្វើឱ្យបាត់បង់ឱកាសដំណើរកម្សាន្ត ស្របពេលជំងឺវិបត្តិជំងឺកូវីដ១៩ផងដែរ។ ត្បិតអាកាសធាតុភ្លៀងខ្យល់ស្ងប់ស្ងាត់ល្អអំឡុងពេលថ្ងៃឈប់សម្រាកក៏ដោយ។លោកប្រធានមន្ទីរទេសចរណ៍ខេត្តកោះកុង ឱ្យដឹងទៀតថា មន្ទីរបានណែនាំដល់ក្រុមអាជីវកម្ម និងប្រតិបត្តិករផ្នែកសេវាកម្សាន្តស្នាក់នៅទាំងអស់ពីរបៀបថែរក្សាអនាម័យបរិស្ថានសោភណ្ឌ ពង្រឹងគុណភាពចំណីអាហារ រក្សាតម្លៃផលិតផលសេវាកម្មឱ្យសមរម្យ ជាពិសេសអនុវត្តវិធានការទប់ស្កាត់ការរីករាលដាលជំងឺកូវីដជាដើម។ក្រុមអ្នកទេសចរក្នុងស្រុកមកពីរាជធានីភ្នំពេញ និងខេត្តកំពង់ស្ពឺ ដែលបានមកកម្សាន្តនៅរមណីយដ្ឋានធម្មជាតិព្រៃកោងកាងពាមក្រសោប សម្តែងនូវក្តីរំភើបចិត្តក្រោយពីទស្សនាចរពីភាពខៀវខ្ចីព្រៃប្រឹក្សា ដើរលើស្ពានយោល ព្រមទាំងបរិភោគអាហារសមុទ្រស្រស់។ក្រុមអ្នកទេសចរដដែល អះអាងថា សេវាកម្មនិងផលិតផលលក់ដូរជូនពួកគាត់ គឺតម្លៃអាចទទួលបានមិនថ្លៃពេកនោះទេ ហើយសំណូមពរដល់អាជីវករបន្តរក្សាតម្លៃបែបរហូត ដើម្បីស្តារសេដ្ឋកិច្ចឡើងវិញក្រោយជួបបញ្ហាវិបត្តិជំងឺកូវីដ។អ្នកស្រី ទិត្យ ប៉ោង អ្នកលក់សំបុត្រចូលកម្សាន្តសហគមន៍ទេសចរពាមក្រសោប លើកឡើងថា ២ថ្ងៃមកនេះ មានភ្លៀងទេសចរចូលលេងត្រឹម៩០០នាក់ទេ គឺថយចុះ៥ទៅ៦ពាន់នាក់ ធៀបនឹងឆ្នាំ២០១៩ កន្លងទៅ ដោយអ្នកស្រីយល់ថាមកពីគ្រោះទឹកជំនន់ និងជំងឺកូវីដតែម្តង៕អត្ថបទ ៖ ឈឹម មករា

មន្ត្រីក្រសួងទេសចរណ៍ ឱ្យដឹងថា វិថីលក់ម្ហូបអាហារជាច្រើនកន្លែង នឹងត្រូវបង្កើតឡើង

កំពត ៖ នៅថ្ងៃទី២០ ខែធ្នូ នេះ ទីតាំងវិថីលក់ម្ហូបអាហារ ឬហៅថា Food Street មួយកន្លែង នៅតាមបណ្តោយ សួនច្បារ ជិតផ្សារណាត់ ក្នុងក្រុងកំពត ត្រូវបានបើកដំណើរការលក់ម្ហូបអាហារខ្មែរ ជាលើកដំបូង នៅក្នុង ប្រទេសកម្ពុជា ដែលមន្ត្រីក្រសួងទេសចរណ៍ បានឱ្យដឹងថា វិថីលក់ម្ហូបអាហារនេះ មិនមែនបើកលក់តែ រយៈពេលបីថ្ងៃ ក្នុងកម្មវិធីបុណ្យសមុទ្ទនេះទេ ពោលត្រូវបើកដំណើរការជារៀងរហូត។លោក តុប សុភក្ត្រ អនុរដ្ឋលេខាធិការ និងជាអ្នកនាំពាក្យក្រសួងទេសចរណ៍ បានប្រាប់BTV នៅថ្ងៃ ទី២០ ខែធ្នូ នេះថា ការបើកឱ្យមានវិថីលក់ម្ហូបអាហារនៅខេត្តកំពត ដំបូងគេ នៅកម្ពុជា គឺធ្វើឡើងស្រប តាមគោលការណ៍ចង់បានរបស់អង្គការទេសចរណ៍ពិភពលោក នៃអង្គការសហប្រជាជាតិ (UNWTO) និងស្របតាមការណែនាំរបស់ប្រមុខរាជរដ្ឋាភិបាល។លោកបានបញ្ជាក់ថា វិថីលក់ម្ហូបអាហារនេះ គឺត្រូវបានបង្កើតឡើងក្នុងគោលដៅសំខាន់ គឺធ្វើការ ផ្សព្វផ្សាយផលិតផលទេសចរណ៍ និងការបង្ហាញអត្តសញ្ញាណម្ហូបខ្មែរ រចនាបថខ្មែរ ជូនភ្ញៀវទេសចរជាតិ អន្តរជាតិ និងទាក់ទាញភ្ញៀវទេសចរអន្តរជាតិ ឱ្យស្នាក់នៅបានយូរនៅក្នុងប្រទេសកម្ពុជាផងដែរ។លោក តុប សុភក្ត្រ បានឱ្យដឹងថា វិថីលក់ម្ហូបអាហារ នេះ បានបើកបើកដំណើរការ ដំបូងប្រមាណ ៥៥តូប ដែលតុបតែងតាមរចនាបថខ្មែរ ហើយម្ហូបអាហារប្រមាណ៩០ភាគរយ គឺជាអាហារ ដែលជាអត្ត សញ្ញាណខ្មែរ ដែលមានគុណភាព និងស្តង់ដាអនាម័យខ្ពស់ ហើយក្រៅពីនេះ ជាប្រភេទភេសជ្ជៈនាំចូល មកពីក្រៅប្រទេស។ វិថីម្ហូបអាហារខ្មែរនេះ គឺជាទីតាំងស្តង់ដារមួយ ដែលមិនអនុញ្ញាតឱ្យយានជំនិះគ្រប់ ប្រភេទ បើកបរឆ្លងកាត់ ឬចូលចតឡើយ គឺអនុញ្ញាតឱ្យភ្ញៀវដើរទស្សនា ពិសារអាហារ និងស្តាប់ដូរតន្ត្រី ខ្នាតតូច ដើម្បីកម្សាន្តអារម្មណ៍ នៅពេលពិសារអាហារដ៏ឆ្ងុយឆ្ងាញ់របស់ខ្មែរតែប៉ុណ្ណោះ។តាមការគ្រោងទុក ក្រសួងទេសចរណ៍ នឹងបើកទីតាំងវិថីលក់ម្ហូបអាហារនេះ នៅតាមបណ្តាខេត្ត មួយចំនួនទៀត ជាពិសេសនៅខេត្តកែប ហើយនៅខេត្តបាត់ដំបង នៅក្នុងឱកាសរៀបចំបុណ្យទន្លេ នៅខែ មីនា ឆ្នាំ២០២០ ៕

កម្ពុជា និងចិន បានប្រឹងប្រែងក្នុងការជំរុញកិច្ចសហប្រតិបត្តិការ និងការផ្លាស់ប្តូរគ្នាឱ្យកាន់តែស៊ីជម្រៅក្នុងវិស័យវប្បធម៌ សិល្បៈ និងខ្សែភាពយន្តរវាងប្រទេសទាំងពីរ

ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានលើកឡើងថា ប្រទេសកម្ពុជានិងចិនបានប្រឹងប្រែងក្នុងការជំរុញកិច្ចសហប្រតិបត្តិការ និងការផ្លាស់ប្តូរគ្នាឱ្យកាន់តែស៊ីជម្រៅក្នុងវិស័យវប្បធម៌ សិល្បៈ និងខ្សែភាពយន្តរវាងប្រទេសទាំងពីរ។ការថ្លែងរបស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បែបនេះក្នុងពិធីសម្ពោធបើកព្រឹត្តិការណ៍ ដំណើរភាពយន្តចល័តចិន-កម្ពុជា លើកទី៤, នៅសាលសន្និសីទចតុម្មុខ រសៀលថ្ងៃទី៤ វិច្ឆិកា ២០១៩នេះ។លោកជំទាវកិត្តិសង្គហបណ្ឌិត ម៉ែន សំអន បានបន្តថា តាមរយៈព្រឹត្តិការណ៍ “ដំណើរភាពយន្តចល័តចិន-កម្ពុជាដ៏ឆ្នើម”នេះ យើងអាចមើលឃើញថា វិទ្យុមិត្តភាពកម្ពុជាចិន មិនត្រឹមតែ បានចូលរួមយ៉ាងសកម្មក្នុងសកម្មភាព ផ្សព្វផ្សាយព័ត៌មាន និងផ្លាស់ប្តូរវប្បធម៌រវាងប្រទេសនិងប្រជាជនទាំងពីរប៉ុណ្ណោះទេ ថែមទាំងបានដើរតួនាទីជាស្ពានចម្លងក្នុងការលើកកម្ពស់ការយល់ដឹង និងផ្លាស់ប្តូរវប្បធម៌និងព័ត៌មានរវាងប្រជាជននៃប្រទេសទាំងពីរ ព្រមទាំងបានចូលរួមក្នុងការពង្រឹងចំណងមិត្តភាពជាប្រពៃណី រវាងកម្ពុជានិងចិន ឱ្យកាន់តែរឹងមាំនិងស្ថិតស្ថេរជារៀងរហូត។ព្រោះថាព្រះរាជាណាចក្រកម្ពុជា និងសាធារណរដ្ឋប្រជាមានិតចិន បានចាប់ផ្តើមមានទំនាក់ទំនង ការទូតជាផ្លូវការ ចាប់ពីថ្ងៃទី១៩ ខែកក្កដា ឆ្នាំ១៩៥៨មក ពោលគឺតាំង ពីជំនាន់អតីតព្រះមហាក្សត្រ កម្ពុជា សម្តេចព្រះបរមរតនកោដ្ឋ នរោត្តម សីហនុ និងឯកឧត្តមប្រធាន ម៉ៅ សេទុង ក៏ដូចជាឥស្សរជនកម្ពុជា និងចិនជំនាន់ ក្រោយ រហូតដល់បច្ចុប្បន្ន ដែលមានសម្តេចតេជោ ហ៊ុន សែន ជាប្រមុខរាជរដ្ឋភិបាល និងឯកឧត្តម ប្រធានស៊ី ជិងពីង។ពេលនេះចំណងមិត្តភាពកម្ពុជា និងចិន មានរយៈពេលជាង៦០ឆ្នាំមកហើយ ដែលបង្កើតជា «ភាពជាដៃគូកិច្ចសហប្រតិបត្តិការ យុទ្ធសាស្ត្រគ្រប់ជ្រុងជ្រោយកម្ពុជា-ចិន» នៅឆ្នាំ ២០១០ ដែលបានផ្តល់ផលប្រយោជន៍ជាច្រើន មិនត្រឹមតែប្រជាជនចិនប៉ុណ្ណោះទេ ប៉ុន្តែ សម្រាប់មនុស្សជាតិទាំងមូល។ជាការពិត គំនិតផ្តួចផ្តើមខ្សែក្រវាត់ និងផ្លូវ ដែលរដ្ឋាភិបាលចិនបានដាក់ចេញពិតជាបានពង្រីក និងលើកកម្ពស់ «ភាពជាដៃគូដែលមានប្រយោជន៍ទៅវិញទៅមក» «កិច្ចសហប្រតិបត្តិការឈ្នះឈ្នះ»និង«វិបុលភាពរួមគ្នា»រវាងបណ្តាប្រទេសនៅតាមខ្សែក្រវាត់ និងផ្លូវ តាមរយៈការតភ្ជាប់ហេដ្ឋារចនាសម្ព័ន្ធរូបវន្ត ស្ថាប័ន និងប្រជាជន ក៏ដូចជាសហប្រតិបត្តិការផ្នែកធុរកិច្ច វប្បធម៌ និងវិស័យសំខាន់ៗដទៃទៀតទាំងបច្ចុ ប្បន្ន និងអនាគត។ជាក់ស្តែងចាប់តាំងពីឆ្នាំ១៩៩៩ មកដល់បច្ចុប្បន្ន សម្តេចតេជោនាយករដ្ឋមន្ត្រីបានធ្វើទស្សនកិច្ចផ្លូវការ ទៅប្រទេសចិន ចំនួន ១៩លើកមកហើយ។ កាលពីឆ្នាំ២០១៨ ប្រទេសយើងទាំងពីរក៏បានប្រារព្ធខួប ៦០ឆ្នាំ នៃទំនាក់ទំនងកម្ពុជា-ចិនផងដែរ ដើម្បីរំលឹកដល់ចំណងទំនាក់ទំនងការទូតនិងមិត្តភាពជាប្រពៃណីរវាងប្រទេសទាំងពីរកម្ពុជានិងចិន។ចាប់តាំងពីឆ្នាំ២០១៦មក ព្រឹត្តិការណ៍“ដំណើរភាពយន្តចល័តចិន-កម្ពុជាដ៏ឆ្នើម” ដែលបានរៀបចំឡើងដោយវិទ្យុមិត្តភាពកម្ពុជាចិន ដោយសហការ ជាមួយនាយកដ្ឋានសិល្បៈ ភាពយន្ត និងផ្សព្វផ្សាយវប្បធម៌នៃក្រសួងវប្បធម៌និងវិចិត្រសិល្បៈរបស់កម្ពុជា បានចាក់បញ្ចាំងអស់រយៈពេល៣ឆ្នាំជាប់ៗគ្នារួចមកហើយ ដែលបានគ្របដណ្ដប់ខេត្ត-ក្រុងចំនួន២០នៅក្នុងប្រទេសកម្ពុជា ហើយបានចាក់បញ្ជាំង ជូន ប្រជាជនខ្មែរជិត១០ម៉ឺននាក់ នៅតាមតំបន់នីមួយៗ បានចូលរួមទស្សនា។ជាចុងក្រោយលោកជំទាវកិត្តិសង្គហបណ្ឌិត ម៉ែន សំអន សូមជូនពរឱ្យព្រឹត្តិការណ៍”ដំណើរភាពយន្តចល័តចិន-កម្ពុជាដ៏ឆ្នើមលើកទី៤” នេះទទួលបានជោគជ័យកាន់តែធំធេងថែមទៀត និងសង្ឃឹមថាវិទ្យុមិត្តភាពកម្ពុជាចិននឹងនៅតែបន្តការខិតខំបំពេញការងារ របស់ខ្លួនបន្តទៀត ដើម្បីបម្រើអារម្មណ៍ប្រិយមិត្តអ្នកស្តាប់កម្ពុជា និងទទួលបាន ការគោរពស្រឡាញ់គាំទ្រកាន់តែច្រើនពីសំណាក់ប្រជាជនកម្ពុជា។ទន្ទឹមគ្នានោះឯកឧត្តម Wang Wentian អគ្គរដ្ឋទូតចិន ប្រចាំព្រះរាជាណាចក្រកម្ពុជា បានមានប្រសាសន៍ថា ទំនាក់ទំនងរវាងប្រទេស និងប្រទេសស្ថិតនៅក្រោមការស្រលាញ់គ្នាទៅវិញទៅមកនៃប្រជាជន ហើយការស្រលាញ់គ្នាទៅវិញទៅមក នៃប្រជាជនស្ថិតក្រោមការយល់ចិត្តគ្នាទៅវិញទៅមក។ ថ្នាក់ដឹកនាំកំពូលនៃប្រទេសទាំងពីរបានចាត់ទុកឆ្នាំ២០១៩ ជាឆ្នាំវប្បធម៌ ទេសចរណ៍រវាងកម្ពុជា និងចិន គឺដើម្បីជំរុញកិច្ចទំនាក់ទំនងមនុស្សសាស្ត្រនៃប្រទេសទាំងពីរកាន់តែល្អប្រសើរ។ប្រទេសកម្ពុជា និងចិន ជាប្រទេសបុរាណដែលមានប្រវតិ្តសាស្ត្រយូរអង្វែង និងអរិយធម៌នៃវប្បធម៌ដ៏ផូផង់ វប្បធម៌ចិន និងអរិយអធម៌អង្គរគួរតែពង្រឹងការសិក្សា និងស្រាវជ្រាវទៅវិញទៅមក ដើម្បីសម្រេចបានការអភិវឌ្ឍ និងមានវិបុលភាពរួមគ្នា។បច្ចុប្បន្នប្រទេសកម្ពុជា និងចិន កំពុងចូលរួមយ៉ាងសកម្មក្នុងការកសាងសហគមន៍ជោគវាសនារួមក្រោមអត្ថន័យយុទ្ធសាស្ត្រ ហើយកិច្ចទំនាក់ទំនងលើវិស័យមនុស្សសាស្ត្រជាផ្នែកមួយយ៉ាងសំខាន់ដែលមិនអាចខ្វះបានក្នុងចំណោមនៃផ្នែកដទៃផងដែរ៕

វត្តយុគន្ធរហៅវត្តឆ្នុកទ្រូ ស្រុកបរិបូរណ៍ ទទួលអង្គកឋិនទានពីជំទាវ កែវ ម៉ាលី ទីប្រឹក្សាសម្ដេចប្រធានព្រឹទ្ធិសភា

ភ្នំពេញ៖ ដោយមានសទ្ធាជ្រះថ្លា ក្នុងវិស័យព្រះពុទ្ធសាសនា លោកជំទាវ កែវ ម៉ាលី ទីប្រឹក្សាសម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា រួមនឹងក្រុមការងារ បានដង្ហែរអង្គកឋិនទាន ទៅកាន់វត្តយុគន្ធរ ហៅវត្តឆ្នុកទ្រូ ឃំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង តាមប្រពៃណីសាសនា ដើម្បីបន្តកសាងនូវសមិទ្ធផលនានានៅក្នុងវត្តនេះ។ក្នុងឱកាសនោះ លោកជំទាវ បាននាំយកនូវទេយ្យទាន និងបច្ច័យមួយចំនួនប្រគេន ព្រះសង្ឃដែលគង់ក្នុងវត្តនេះ និងបានប្រគេនបច្ច័យសម្រាប់កសាងវត្តដែលបានប្រមូលពីពុទ្ធបរស័ទចូលរួមជិតមួយម៉ឺនដុល្លារ។សូមបញ្ជាក់ថា កឋិនទាន គឺជាបុណ្យមួយ ដែលមានតែក្នុងព្រះពុទ្ធសាសនាប៉ុណ្ណោះ និងជាទានមានមកតាមផ្លូវព្រះវិន័យ ហើយក៏ជាកាលទានដ៏ពិសេសមួយមានកំណត់ពេលវេលាច្បាស់លាស់ ពុំមែនចេះតែធ្វើនៅពេលណា ក៏បានតាមចិត្តចង់នោះឡើយ។ រយៈកាលទទួលកឋិនទានក្ដី និងរយៈកាលកឋិនទានក្ដី អាចធ្វើបានតែក្នុងសម័យតែ ១ខែគត់ (២៩ថ្ងៃ) ចាប់ពីថ្ងៃ ១រោច ខែអស្សុជ ដល់ថ្ងៃ១៥កើត ខែកត្តិក។ក្នុងវត្តមួយ បើការចាំវស្សា គ្មានភិក្ខុសោះ ក៏មិនអាចហែកឋិនចូលដែរ ព្រោះសាមណេរ គ្មានសិទ្ធិទទួលក្រាលគ្រងកឋិនទេ លុះតែយ៉ាងហោចបំផុតត្រូវមានភិក្ខុ១អង្គដែរហើយដែលបានចាំវស្សាអស់៣ខែ បានត្រឹមត្រូវទើបអាចហែកឋិនចូលបាន ៕

បណ្ដាញសង្គម

ព័ត៌មានថ្មីៗ

ពលរដ្ឋស៊ីរីនាំគ្នាតវ៉ានៅទីក្រុង Hama ដើម្បីថ្កោលទោសការវាយប្រហាររបស់អ៊ីស្រាអែល

ក្រុមហ៊ុន Beijing Scitech Holdings Co., Ltd. បង្ហាញចំណាប់អារម្មណ៍ស្វែងរកឱកាសវិនិយោគនៅកម្ពុជា លើការចម្រាញ់ប្រេងឆៅ នៅកម្ពុជា

រដ្ឋមន្ត្រីបរិស្ថានកូរ៉េ ប្ដេជ្ញាជំរុញកិច្ចសហប្រតិបត្តិការលើវិស័យធនធានទឹកជាមួយកម្ពុជា

លោក Trumpបញ្ជាឲ្យសាងសង់ និងបើកដំណើរការឡើងវិញពន្ធនាគារ Alcatraz នៅរដ្ឋ California

ជប៉ុន និងឥណ្ឌាយល់ព្រមលើទំនាក់ទំនងការពារជាតិកាន់តែស៊ីជម្រៅ និងសម្លឹងដល់ស្ថាប័នសន្ទនាថ្មី

អ្នកភូមិឥណ្ឌារស់នៅតាមតំបន់ព្រំដែនប៉ាគីស្ថាន ថ្កោលទោសការវាយប្រហារនៅតំបន់កាស្មៀរ

រ៉្វាន់ដាបញ្ជាក់កិច្ចពិភាក្សាជាមួយសហរដ្ឋអាមរិកចំពោះការទទួលយកជនអន្តោប្រវេសន៍និរទេសខ្លួន

កោះតៃវ៉ាន់ត្រូវបានអង្រួនដោយរញ្ជួយដីនៅឆ្នេរភាគខាងកើត តែមិនទាន់មានរបាយការណ៍ភ្លាមៗ អំពីការខូចខាតឡើយ

អ្នកសរសេរប្លុករុស្ស៊ី៖ អ៊ុយក្រែនវាយប្រហារតំបន់ Kursk របស់រុស្ស៊ី

រដ្ឋមន្រ្តីក្រសួងសុខាភិបាល «សូមយើងរួមគ្នាប្រឆាំងជាមួយនឹងជំងឺមហារីក»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

វប្បធម៌ និងទេសចរណ៍

ក្រុមការងារអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី

អាជ្ញាធរជាតិអប្សរាសុំការយោគយល់ចំពោះការបិទមិនឱ្យដំណើរការផ្នែកខ្លះនៃស្រះខាងជើង

មន្រី្តជាន់ខ្ពស់ក្រសួងវប្បធម៌ ស្នើដល់យុវជន ចូលរួមអភិរក្ស និងអភិវឌ្ឍវិស័យសិល្បៈវប្បធម៌ខ្មែរ

មន្រី្តជាន់ខ្ពស់ក្រសួងវប្បធម៌៖ មន្ត្រីគ្រប់រូបក្នុងក្របខណ្ឌក្រសួង ចាំបាច់ពង្រឹងសមត្ថភាពខ្លួនបន្ថែម

បុណ្យអុំទូកបីថ្ងៃ ៖ ស្លាប់ ១៩នាក់ និងរបួស ៥៣នាក់ ដោយគ្រោះថ្នាក់ចរាចរណ៍

សេវាកម្មដឹកជញ្ជូនទំនិញ តាមផ្លូវគោកនៅកម្ពុជា ចាប់ផ្តើមងើបឡើង

រយៈពេល២ថ្ងៃឈប់សម្រាក ខេត្តកោះកុង ទទួលអ្នកទេសចរជិត៩ពាន់នាក់ មានការថយចុះបើធៀបឆ្នាំមុន

មន្ត្រីក្រសួងទេសចរណ៍ ឱ្យដឹងថា វិថីលក់ម្ហូបអាហារជាច្រើនកន្លែង នឹងត្រូវបង្កើតឡើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វប្បធម៌ និងទេសចរណ៍

ក្រុមការងារ​អាជ្ញាធរ​ជាតិ​អប្សរា​ បាន​បញ្ចប់​ការងារ​ជួសជុល​ប្រាសាទ​ផ្ទី​

អាជ្ញាធរ​ជាតិ​អប្សរា​សុំ​ការយោគ​យល់​ចំពោះកា​រ​បិទមិន​ឱ្យដំ​ណើរកា​រផ្នែក​ខ្លះនៃស្រះខាង​ជើង

បុណ្យអុំទូក​បី​ថ្ងៃ ៖ ស្លាប់ ១៩​នាក់ និង​របួស ៥៣​នាក់ ដោយ​គ្រោះថ្នាក់​ចរាចរណ៍​

សេវាកម្ម​ដឹកជញ្ជូន​ទំនិញ ​តាម​ផ្លូវ​គោក​នៅ​កម្ពុជា ចាប់​ផ្តើម​ងើបឡើង

រយៈពេល​២​ថ្ងៃ​ឈប់សម្រាក ​ខេត្តកោះកុង​ ទទួល​អ្នកទេសចរ​ជិត​៩​ពាន់​នាក់​ មានការថយចុះ​បើធៀបឆ្នាំមុន

មន្ត្រី​ក្រសួងទេសចរណ៍ ឱ្យដឹងថា វិថី​លក់​ម្ហូបអាហារ​ជាច្រើន​កន្លែង ​នឹងត្រូវ​បង្កើត​ឡើង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមការងារអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី

អាជ្ញាធរជាតិអប្សរាសុំការយោគយល់ចំពោះការបិទមិនឱ្យដំណើរការផ្នែកខ្លះនៃស្រះខាងជើង

បុណ្យអុំទូកបីថ្ងៃ ៖ ស្លាប់ ១៩នាក់ និងរបួស ៥៣នាក់ ដោយគ្រោះថ្នាក់ចរាចរណ៍

សេវាកម្មដឹកជញ្ជូនទំនិញ តាមផ្លូវគោកនៅកម្ពុជា ចាប់ផ្តើមងើបឡើង

រយៈពេល២ថ្ងៃឈប់សម្រាក ខេត្តកោះកុង ទទួលអ្នកទេសចរជិត៩ពាន់នាក់ មានការថយចុះបើធៀបឆ្នាំមុន

មន្ត្រីក្រសួងទេសចរណ៍ ឱ្យដឹងថា វិថីលក់ម្ហូបអាហារជាច្រើនកន្លែង នឹងត្រូវបង្កើតឡើង