BTV NEWS

ព្រឹត្តិការណ៍វាយកូនហ្គោល Vattanac Legends Championship 2025 រយៈពេល ៣ថ្ងៃ បញ្ចប់ទៅដោយជោគជ័យជាប្រវត្តិសាស្រ្តថ្មីមិនធ្លាប់មាន ដែលប្រទេសកម្ពុជាធ្វើជាម្ចាស់ផ្ទះលើកដំបូងរៀបចំព្រឹត្តិការណ៍ប្រកួតវាយកូនហ្គោលកម្រិតអន្តរជាតិ

ទេសចរអន្តរជាតិអះអាងថា រាជធានីភ្នំពេញជាគោលដៅទេសចរណ៍ល្អមួយលើពិភពលោក

រយៈពេល១០ខែឆ្នាំនេះ ខេត្តបាត់ដំបងទទួលបានភ្ញៀវទេសចរជាតិ និងអន្តរជាតិជិត ៥៦ម៉ឺននាក់

លោកជំទាវបណ្ឌិតសភាចារ្យ ភឿង សកុណា រួមជាមួយឯកឧត្តម វ៉ាង វិនពីង អញ្ជើញចូលរួមកម្មវិធីតាំងពិព័រណ៍មិនអចិន្ត្រៃយ៍ «ចំណងប្រវត្តិសាស្ត្រ៖ ទំនាក់ទំនងខ្មែរ-ចិន តាមរយៈវប្បធម៌ និងសិល្បៈ» នៅសារមន្ទីរជាតិកម្ពុជា

វប្បធម៌ និងទេសចរណ៍

ភ្ញៀវទេសចរជាង ៣ម៉ឺន៦ពាន់នាក់ ទស្សនាព្រឹត្ដិការណ៍ថ្ងៃរះចំកំពូលប្រាសាទអង្គរ

អ្នកជំនាញទេសចរណ៍ នៃអាជ្ញាធរជាតិអប្សរាបានឲ្យដឹងថា ភ្ញៀវទេសចរជាតិ និងអន្ដរជាតិ ទៅទស្សនាព្រឹត្តិការណ៍ព្រះអាទិត្យចំកំពូលប្រាសាទអង្គរវត្ត ចាប់ពីថ្ងៃទី២១ដល់ថ្ងៃទី២៣ខែកញ្ញា ឆ្នាំ២០២៥នេះ មានជាង៣ម៉ឺន៦ពាន់នាក់ ខណៈដែលព្រឹត្ដិការណ៍នេះ មិនឃើញពន្លឺព្រះអាទិត្យច្បាស់ដោយសារអាកាសធាតុមិនល្អ។ភ្ញៀវទេសចរជាតិ បានលើកឡើងថា ក្នុងរយៈពេលបីថ្ងៃ នៃព្រឹត្ដិការណ៍សមរាត្រី មិនឃើញថ្ងៃរះចំកំពូលប្រាសាទអង្គរ កំពូលប្រាសាទច្បាស់ក្ដី ប៉ុន្ដែពួកគាត់ពេញចិត្ដ និងសប្បាយយរីករាយ ដោយសារជាព្រឹត្ដិការណ៍មួយអស្ចារ្យដែលនៅលើពិភពលោកមិនអាចប្រៀបផ្ទឹមបានជាមួយវប្បធម៌របស់ខ្មែរ។ ពួកគាត់បន្ដថា ការទៅទស្សនាប្រាសាទអង្គរវត្តនាថ្ងៃរះចាប់ពីម៉ោង៤ព្រឹក ប៉ុន្ដែមិនខកបំណងឡើយដែលខ្លួនចំណាយពេលដើម្បីមករង់ចាំទស្សនាថ្ងៃរះនៅប្រាសាទអង្គរវត្ត។ ពួកគាត់មានមោទនភាព ដែលភ្ញៀវទេសចរជាច្រើនទៅទស្សនាព្រឹត្ដិការណ៍សមរាត្រីខ្លះបានអង្គុយរង់ចាំនៅបរិវេណច្រាំងកសិន្ធុខាងមុខប្រាសាទ ខ្លះចូលមកអង្គុយត្រៀបត្រានៅបណ្តាល័យ និងខ្លះទៀតឈរង់ចាំនៅលើរានហាល ក្បែរស្រះទឹកខាងជើង និងខាងត្បូងនៃប្រាសាទ ដើម្បីទស្សនាទិដ្ឋភាព និងផ្តិតយករូបភាព ដ៏អស្ចារ្យថ្ងៃរះនៅប្រាសាទអង្គរវត្ត។លោក សេង សុធារ៉ា ប្រធាននាយកដ្ឋានអភិវឌ្ឍន៍ទេសចរណ៍ និងវប្បធម៌អង្គរ នៃអាជ្ញាធរជាតិអប្សរាបានឱ្យដឹងថា ព្រឹត្ដិការណ៍ថ្ងៃរៈចំកណ្ដាលកំពូលប្រាសាទអង្គរ ក្នុងរយៈពេល៣ថ្ងៃ ចាប់ពីថ្ងៃទី២១ដល់ថ្ងៃទី២៣ខែកញ្ញាឆ្នាំ២០២៥នេះ មានភ្ញៀវទេសចរជាតិនិងអន្ដរជាតិ ជាង៣ម៉ឺន៦ពាន់នាក់។ ក្នុងចំណោមភ្ញៀវទេសចរជាង៣ម៉ឺន៦ពាន់នាក់នោះ មានភ្ញៀវទេសចរអន្ដរជាតិ ២៥៧៦នាក់ និងភ្ញៀវទេសចរជាតិ ៣៣,៧៤៦នាក់។ លោកបន្ដថា អ្នកទេសចរបានទៅទស្សនានៅពីម៉ោង៥:០០នាទី-៧:០០នាទី។សូមរំលឹកថា កាលពីឆ្នាំ២០២៤ ចាប់ពីថ្ងៃទី២១ដល់ថ្ងៃទី២៣ ខែកញ្ញា ភ្ញៀវទេសចរជាតិ និងអន្ដរជាតិ ទៅទស្សនាព្រឹត្តិការណ៍ព្រះអាទិត្យរះចំកំពូលប្រាសាទអង្គរវត្ត ឬហៅថា សមរាត្រីមានជាង៣ម៉ឺន៧ពាន់នាក់ ក្នុងនោះមានភ្ញៀវទេសចរអន្ដរជាតិ ១៨៣៤នាក់ ៕

ភ្ញៀវទេសចរជាង ៧ម៉ឺននាក់ ចូលលេងកម្សាន្ត និងស្នាក់នៅលម្ហែក្នុងអំឡុងឱកាសបុណ្យភ្ជុំបិណ្ឌនៅខេត្តព្រះសីហនុ

ប្រធានមន្ទីរទេសចរណ៍ ខេត្តព្រះសីហនុ ប្រាប់ឱ្យដឹងថា ខេត្តព្រះសីហនុ ទទួលបានភ្ញៀវទេសចរចូលមកលេងកម្សាន្ត និងស្នាក់នៅលម្ហែក្នុងអំឡុងឱកាសបុណ្យភ្ជុំបិណ្ឌ នាថ្ងៃទី២២ ខែកញ្ញា ឆ្នាំ២០២៥ មានភ្ញៀវសរុប ៧៧.៤៧៤នាក់ កើនឡើង ៣៣% ក្នុងនោះ ភ្ញៀវជាតិ ៧៥.៦២៩នាក់ កើនឡើង ៣៣% និងភ្ញៀវបរទេសសរុប ១.៨៤៥នាក់ កើនឡើង ៧% ។ លោក តាំង សុចិត្តគ្រឹស្នា បន្តថា ភ្ញៀវតាមបណ្តាឆ្នេរ និងរមណីយដ្ឋាននានាសរុប ៧៦.៥១៥នាក់ កើនឡើង ៣៣% ក្នុងនោះ ភ្ញៀវជាតិ ៧៥.១៦០នាក់ កើនឡើង ៣៣% និងភ្ញៀវបរទេស ១.៣៥៥នាក់ កើនឡើង ១៦% ។ ចំណែកឯ ភ្ញៀវចូលតាមអាកាសយានដ្ឋានអន្តរជាតិខេត្តព្រះសីហនុចំនួន ០៣ជើង ស្មើនឹង ចំនួនសរុប ១៥៩នាក់ ថយចុះជិត ៣០% ក្នុងនោះ ភ្ញៀវជាតិ ០២នាក់ ថយចុះ ៥០% និងភ្ញៀវអន្តរជាតិ ១៥៧នាក់ ថយចុះ ២៧% ។ រីឯ ភ្ញៀវទេសចរទៅកម្សាន្តតាមបណ្តាកោះនានាសរុប ៨០០នាក់ កើនឡើង ៤០% ក្នុងនោះ ភ្ញៀវជាតិ ៤៦៧នាក់ កើនឡើង ៩៦% និងភ្ញៀវបរទេស ៣៣៣នាក់ កើនឡើង ១% ។ សូមបញ្ជាក់ថា ខេត្តព្រះសីហនុ មានកោះតូច-ធំ ៣២ ថ្មដុះ ១ និងថ្មប៉ប្រះទឹក ៥ ឆ្នេរសមុទ្រប្រវែងជាង ១៧៥គីទ្បូម៉ែត្រ សម្បូរទៅដោយធនធានធម្មជាតិ មានសមុទ្រ កោះ ឆ្នេរ ព្រែក ព្រៃកោងកាង វាលទំនាប ខ្ពង់រាប ភ្នំ ទឹកជ្រោះ ឧទ្យានជាតិ(លើកគោក) ឧទ្យានជាតិបាតសមុទ្រ (ដែលសំបូរទៅដោយ សត្វសមុទ្រ ស្មៅសមុទ្រ មច្ឆសមុទ្រ និងផ្កាថ្ម) រួមទាំងជីវៈចម្រុះគ្រប់ប្រភេទ ដែលជាសក្តានុពលសម្បូរបែប និងជាមូលដ្ឋានគ្រឹះសម្រាប់ការអភិវឌ្ឍសេដ្ឋកិច្ចសង្គម (ពាណិជ្ជកម្ម ឧស្សាហកម្ម កសិកម្ម) និងជាគោលដៅទេសចរណ៍ប្រកបដោយប្រជាប្រិយភាព ដែលមានភ្ញៀវទេសចរជាតិ និងអន្តរជាតិមកទស្សនាមកសម្រាកលម្ហែយ៉ាងច្រើន ហើយត្រូវបានប្រសិទ្ធនាមថាជា «តារារះនាទិសនិរតី»៕

អ្នកដំណើរជាតិអន្តរជាតិភាគច្រើនចង់ធ្វើដំណើរហោះត្រង់ចេញ-ចូលកម្ពុជា តាមព្រលានយន្តហោះថ្មីលំដាប់ 4F

បណ្តាអ្នកដំណើរជាតិ និងអន្តរជាតិ ដែលធ្វើដំណើរហោះចេញចូលកម្ពុជា នៅថ្ងៃនេះ គឺច្រើនបានបង្ហាញការចាប់អារម្មរណ៍ខ្លាំង ចង់ធ្វើដំណើរតាមផ្លូវអាកាសហោះចេញចូលកម្ពុជាដោយត្រង់ មិនចង់ចុះឈប់សំចតនៅប្រទេសណាឡើយ ខណៈការបើកដំណើរការផ្លូវការអាកាសយានដ្ឋានអន្តរជាតិតេជោលំដាប់4F របស់កម្ពុជា គឺអាចទទួលជើងយន្តហោះខ្នាតធំៗ គ្រប់ប្រភេទទាំងអស់របស់ពិភពលោកអាចចុះចតបាន។អ្នកដំណើរជាតិ អន្តរជាតិ បានថ្លែងប្រាប់BTV នៅថ្ងៃទី១៥ ខែកញ្ញានេះថា អ្នកដំណើរទាំងអស់គ្នា មានចិត្តសប្បាយរីករាយ និងអបអរសាទរកម្ពុជា ដែលមានព្រលានយន្តហោះថ្មីលំដាប់ពិភពលោក មានរចនាបថថ្មីប្លែកអស្ចារ្យ ដែលអាចទទួលជើងយន្តហោះគ្រប់ប្រភេទទាំងអស់របស់ពិភពលោកចុះចតបាន ហើយចាប់ពីពេលតទៅ មុននឹងធ្វើដំណើរចេញចូលកម្ពុជា គឺគេស្វែងរកជើងយន្តហោះត្រង់មកកម្ពុជា ក្នុងគោលបំណងសន្សំថវិកា និងធ្វើដំណើរលឿនឆាប់មកដល់កម្ពុជាតែម្តង។សូមញ្ជាក់ថា ក្នុងរយៈ៤ថ្ងៃដំបូងការបើកអាកាសយានដ្ឋានអន្តរជាតិតេជោ គឺបានទទួលជើងហោះហើរចេញចូលសរុបប្រមាណ៥១៩ជើង ក្នុងនោះ ជើងយន្តហោះចូលកម្ពុជា មានចំនួន២៦៥ជើង ហោះមកពីបណ្តាប្រទេសចំនួន១៥ មានជាង៣០គោលដៅ ។សម្រាប់អ្នកដំណើរជាតិអន្តរជាតិវិញ ធ្វើដំណើរចូលកម្ពុជា ក្នុងរយៈពេល៤ថ្ងៃដំបូងនោះដែរ គឺមានប្រមាណ ជាង៣ម៉ឺននាក់ ក្នុងនោះអ្នកដំណើរអន្តរជាតិមានប្រមាណជាង២៤,០០០នាក់ មាន ១១២សញ្ជាតិ និងអ្នកដំណើរជាតិអន្តរជាតិធ្វើដំណើរចេញ សរុបជាង ២៦,០០០នាក់ ក្នុងនោះអ្នកដំណើរអន្តរជាតិមានប្រមាណជិត២ម៉ឺននាក់។ដោយឡែកសម្រាប់រយៈពេល១ថ្ងៃចុងក្រោយនេះដែរ បើតាមមន្ត្រីនគរបាលអន្តោប្រវេសន៍បានឲ្យដឹងថា នៅថ្ងៃទី១៤ ខែកញ្ញាម្សិលមិញនេះ គឺមានកំណើនជើងហោះហើរ ហោះចេញចូលកម្ពុជាសរុបមានចំនួន១០៥ជើង ក្នុងនោះជើងហោះចេញមានចំនួន៥២ជើង ហើយមានអ្នកដំណើរជាតិអន្តរជាតិចេញចូលសរុប ចំនួន១២ ៦១៣នាក់ ដែលមានចំនួនជាង៧០សញ្ជាតិ៕ អត្ថបទ ស៊ុម សុខជា

ប្រជាពលរដ្ឋជាច្រើនបន្តនាំគ្នាមកទស្សនាព្រលានយន្តហោះថ្មីដែលជាសមិទ្ធផលប្រវត្ដិសាស្ដ្ររបស់កម្ពុជា

គិតចាប់តាំងពីកម្ពុជាប្រកាសដាក់ឱ្យដំណើរការហោះហើរជាផ្លូវការនៅអាកាសយានដ្ឋានអន្តរជាតិតេជោ កាលពីថ្ងៃទី៩ ខែកញ្ញា រហូតត្រឹមថ្ងៃទី១២ ខែកញ្ញា ឆ្នាំ២០២៥នេះ ប្រជាពលរដ្ឋមកពីតំបន់ផ្សេងៗគ្នាយ៉ាងច្រើនកុះករ បាននាំគ្នាមកទស្សនា សមិទ្ធផលថ្មីស្រឡាង និងជាប្រវត្ដិសាស្ដ្ររបស់កម្ពុជា ក្រោមការដឹកនាំរបស់សម្ដេចតេជោ ហ៊ុន សែន និងសម្ដេចធិបតី ហ៊ុន ម៉ាណែត។អ្នកឧកញ៉ា ឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) មានប្រសាសន៍ឱ្យដឹងថា គិតចាប់ពីថ្ងៃបើកដំណើរផ្លូវការរហូតមកដល់ពេលនេះ ឃើញមានប្រជាជនយ៉ាងច្រើនកុះករមកលេងនៅទីនេះដោយទឹកមុខសប្បាយរីករាយ និងមានវិន័យល្អ។ អ្នកឧកញ៉ា បានបន្តថា ក្រៅពីអ្នកធ្វើដំណើរ ការមកដល់របស់ប្រជាពលរដ្ឋនៅទីនេះ ពលរដ្ឋភាគច្រើនដើម្បីមកថតរូបលេងកម្សាន្ត ខ្លះទៀតដើរទស្សនាជុំវិញព្រលាន និងមួយចំនួនផ្សេងទៀតមកថ្វាយបង្គំព្រះពុទ្ធប្បដិមាជាដើម។ អ្នកឧកញ៉ា បន្ថែមទៀតថា ព្រលានយន្តហោះថ្មីនេះនៅតែបើកទទួលស្វាគមន៍ប្រជាពលរដ្ឋគ្រប់មជ្ឈដ្ឋានទាំងអស់ និងមិនគិតថ្លៃចំណតរថយន្តរយៈពេលមួយសប្តាហ៍ គិតចាប់ពីថ្ងៃប្រកាសបើកដំណើរការ។ក្រុមប្រជាពលដែលអញ្ជើញមកដើរលេងកម្សាន្តនៅព្រលានយន្តថ្មីនេះ បានបង្ហាញអារម្មណ៍រំភើប និងត្រេកអរជាពន់ពេក ចំពោះរាជរដ្ឋាភិបាលកម្ពុជាដែលបានខិតខំប្រឹងប្រែងស្ថាបនាឱ្យលេចចេញជារូបរាងនូវព្រលានយន្តហោះថ្មីមួយទៀត ដែលមានឈ្មោះថា អាកាសយានដ្ឋានអន្តរជាតិតេជោ។ ពួកគាត់បានលើកឡើងស្រដៀងគ្នាថា ព្រលានយន្តហោះថ្មីនេះ មានភាពធំទូលំទូលាយ និងអស្ចារ្យជាងមុន ជាពិសេសមានការរចនាបទបែបខ្មែរ បំពាក់ទៅដោយឧបករណ៍ទំនើបៗដូចនៅប្រទេសដទៃទៀតផងដែរ ដែលនេះបានផ្ដល់ទំនុកចិត្តខ្ពស់សម្រាប់អ្នកធ្វើដំណើរ។ ពួកគាត់ បានចាត់ទុកព្រលានយន្តហោះថ្មីនេះ គឺជាសមិទ្ធផលថ្មីមួយទៀតដែលបានកើតឡើងដោយការខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការធ្វើសកម្មភាពដើម្បីមានការរីកចម្រើន នៅក្នុងយុគសម័យសម្តេចតេជោ។សូមបញ្ជាក់ថា អាកាសយានដ្ឋានអន្តរជាតិតេជោ ត្រូវបានសាងសាង់លើផ្ទៃដីសរុប ២ ៦០០ហិកតា ជាប្រភេទព្រលានយន្តហោះខ្នាតធំ ប្រភេទ 4F ដែលអាចស្រូបយក និងទទួលបានការហោះហើរពីឆ្ងាយឆ្លងទ្វីប ដែលអាចឲ្យប្រភេទយន្តហោះធុនយក្ស រហូតដល់ Airbus A380-800 និងយន្តហោះ Boeing 747-800 ចុះចតបាន។ តាមផែនការ អាកាសយានដ្ឋានអន្តរជាតិតេជោនឹងត្រូវសាងឡើងជា៣ដំណាក់កាល ដោយដំណាក់កាលទី១ មានផ្លូវរត់ចម្ងាយ៤គីឡូម៉ែត្រ មានសមត្ថភាពទទួលអ្នកដំណើរប្រមាណ ១៣លាននាក់ក្នុងមួយឆ្នាំ នៅឆ្នាំ២០២៥។ ដំណាក់កាលទី២ ការបន្ថែមផ្លូវរត់ពីរបន្ថែមទៀត នឹងបង្កើនសមត្ថភាពអ្នកដំណើរដល់៣០លាននាក់ នៅឆ្នាំ២០៣០ ខណៈដំណាក់កាលទី៣ អាកាសយានដ្ឋាននេះ នឹងពង្រីកបន្ថែមទៀត ជាមួយនឹងការដាក់ឱ្យប្រើប្រាស់ផ្លូវរត់ទីបី ដែលអាចទទួលអ្នកដំណើរបាន រហូតដល់៤៥លាននាក់ នៅឆ្នាំ២០៥០៕ អត្ថបទ៖ ឈិត បូរ៉ាវី

កម្ពុជាគ្រោងនឹងទិញយន្តហោះផលិតដោយចិនផ្ទាល់ ប្រភេទC909 regional ២០គ្រឿង ខណៈ១០គ្រឿងបានបញ្ជាទិញរួចហើយ

តាមរយៈបណ្ដាញសង្គមនៅថ្ងៃទី១០ ខែកញ្ញា ឆ្នាំ២០២៥ ឯកឧត្តម វ៉ាង វិនពីន (WANG Wenbin) ឯកអគ្គរដ្ឋទូត សាធារណរដ្ឋប្រជាមានិតចិន ប្រចាំនៅកម្ពុជា បានបញ្ជាក់ថា ក្រុមហ៊ុនអាកាសចរណ៍កម្ពុជា និងចិន បានចុះអនុស្សរណៈ នៃការយោគយល់គ្នា អំពីការគ្រោងនឹងទិញយន្តហោះដែលផលិតដោយចិនផ្ទាល់ចំនួន ២០គ្រឿង គឺប្រភេទ C909 regional ក្នុងនោះ ១០គ្រឿងបានបញ្ជាក់ការបញ្ជាទិញ និងចំនួន ១០គ្រឿងផ្សេងទៀតមានបំណងបញ្ជាទិញ។ ឯកឧត្តម វ៉ាង វិនពីន បានសរសេរថា កាលពីថ្ងៃទី៨ ខែកញ្ញា ក្រុមហ៊ុនកម្ពុជា Cambodia Airways និង ក្រុមហ៊ុនចិន Commercial Aircraft Corporation of China, Ltd.,(COMAC) បានអនុស្សរណៈ នៃការយោគយល់គ្នា អំពីការគ្រោងនឹងទិញយន្តហោះដែលផលិតដោយចិនផ្ទាល់គឺ C909 regional ចំនួន ២០ គ្រឿង ដែលក្នុងនោះចំនួន ១០គ្រឿងបានបញ្ជាក់ការបញ្ជាទិញ និងចំនួន ១០គ្រឿងផ្សេងទៀតមានបំណងបញ្ជាទិញ។ ភាគីទាំងពីរនូវគ្រោងនឹងសហការគ្នាលើវិស័យការបញ្ជាទិញយន្តហោះ ការគាំទ្រប្រតិបត្តិការ និងបណ្ដុះបណ្ដាលផលិតកម្មជាដើម។ឯកឧត្ដមឯកអគ្គរដ្ឋទូតចិនបានគូសបញ្ជាក់ថា នេះគឺជាវឌ្ឍនភាពថ្មី នៃកិច្ចសហប្រតិបត្តិការក្នុងវិស័យដែនអាកាស នៃប្រទេសទាំងពីរ ដែលមានអត្ថប្រយោជន៍សំខាន់សម្រាប់ភាគីទាំងពីរ៕

អាកាសយានដ្ឋានអន្តរជាតិតេជោ ស្វាគមន៍យ៉ាងកក់ក្ដៅភ្ញៀវទេសចរដំបូងគេមកពីប្រទេសចិននៅព្រឹកនេះ

នៅព្រឹកថ្ងៃទី៩ ខែកញ្ញា ឆ្នាំ២០២៥នេះ អាកាសយានដ្ឋានអន្តរជាតិតេជោ សមិទ្ធផលប្រវត្ដិសាស្ដ្រកម្ពុជា ស្ថិតក្នុងខេត្ដកណ្ដាល និងមួយផ្នែកស្ថិតក្នុងខេត្ដតាកែវ មានតម្លៃប្រមាណ ១៥០០លានដុល្លារអាមេរិក ដែលជាច្រកទ្វារថ្មីភ្ជាប់កម្ពុជាទៅកាន់ពិភពលោក បានចាប់ផ្តើមដំណើរការទទួលជើងហោះហើរហើយ។ជើងហោះហើរដំបូងគេ ដែលចូលចតក្នុងអាកាសយានដ្ឋានថ្មីនេះ គឺក្រុមហ៊ុនអាកាសចរណ៍ជាតិ Air Cambodia (K6 611) ដឹកភ្ញៀវទេសចរមកពីប្រទេសចិន ត្រូវបានទទួលស្វាគមន៍ ដោយឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុក រដ្ឋលេខាធិការដ្ឋានអាកាសចរស៊ីវិល និងរដ្ឋមន្ត្រីក្រសួងទេសចរណ៍ លោក ហួត ហាក់ ដែលមានការបាញ់ទឹកទទួលស្វាគមន៍យន្តហោះ ការលេងឆៃយាំ បំពាក់កម្រងផ្កា និងចែកវត្ថុអនុស្សាវរីយ៍ដល់អ្នកដំណើរផងដែរ។អាកាសយានដ្ឋានអន្តរជាតិថ្មីនេះ មានទីតាំងស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល។ អាកាសយានដ្ឋាននេះ សាងសង់លើផ្ទៃដីសរុប ២,៦០០ ហិកតា ជាអាកាសយានដ្ឋានប្រភេទ 4F ដែលអាចនឹងស្រូបយក និងទទួលបានការហោះហើរពីឆ្ងាយឆ្លងទ្វីបអាចឲ្យប្រភេទយន្តហោះធុនយក្សចុះចតបាន។ សូមបញ្ជាក់ថា អាកាសយានដ្ឋាននេះ ក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក គឺជាក្រុមហ៊ុនចម្រុះបង្កើតឡើងរួមគ្នាដោយ ក្រុមហ៊ុន OCIC និងរដ្ឋលេខាធិការដ្ឋានអាកាសចរស៊ីវិលកម្ពុជាក្នុងឆ្នាំ២០១៨ ក្រោមការណែនាំរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី បច្ចុប្បន្នជាប្រធានព្រឹទ្ធសភាកម្ពុជា ដើម្បីធ្វើការងារសាងសង់ព្រលានថ្មីមួយនេះ។ តាមការគ្រោងទុក ព្រលាននេះ នឹងសម្ពោធបើកឱ្យប្រើប្រាស់ជាផ្លូវការ នៅថ្ងៃទី២០ ខែតុលា ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា៕

ក្រសួងទេសចរណ៍៖ កម្ពុជានៅតែជាគោលដៅទេសចរណ៍សុវត្ថិភាព និងរាក់ទាក់ស្វាគមន៍

ក្រសួងទេសចរណ៍ នៃព្រះរាជាណាចក្រកម្ពុជា បានបញ្ជាក់ជូនដល់សាធារណជន សមាគមទេសចរណ៍ ប្រតិបត្តិករទេសចរណ៍ ផ្នែកឯកជន អ្នកសារព័ត៌មាន ភ្ញៀវទេសចរជាតិ និងអន្តរជាតិ និងភាគីពាក់ព័ន្ធទាំងអស់ថា ប្រទេសកម្ពុជានៅតែជាគោលដៅសុវត្ថិភាព និងស្ថិរភាពពេញលេញសម្រាប់វិស័យទេសចរណ៍ និងការធ្វើដំណើរតាមជើងហោះហើរអន្តរជាតិ និងច្រកព្រំដែនគោកជាច្រើន។យោងតាមសេចក្តីជូនដំណឹងរបស់ក្រសួងទេសចរណ៍ចុះផ្សាយនៅថ្ងៃទី០១ ខែសីហា ឆ្នាំ២០២៥ បានឲ្យដឹងថា ដោយកត់សម្គាល់ពីកិច្ចព្រមព្រៀងឈប់បាញ់បានចូលជាធរមានជាផ្លូវការ ការស្តារឡើងវិញយ៉ាងពេញលេញនូវសន្តិភាព និងស្ថិរភាពលើគ្រប់វិស័យ រួមទាំងទីតាំងដែលរងផលប៉ះពាល់ដោយការប៉ះទង្គិចតាមបណ្តោយព្រំដែននាពេលថ្មីៗនេះនៅជិតប្រាសាទព្រះវិហារ តំបន់ទេសចរណ៍ដ៏ស្រស់ស្អាត និងតំបន់ទេសចរណ៍ បេតិកភណ្ឌដ៏ល្បីល្បាញរបស់កម្ពុជាទាំងអស់ រួមទាំង ប្រាសាទអង្គរវត្តដែលជាសម្បត្តិបេតិកភណ្ឌពិភពលោក រាជធានីភ្នំពេញដែលជារាជធានីដ៏រស់រវើក បរិស្ថានឆ្នេរសមុទ្រដ៏ស្រស់ស្អាត និងឆ្នេរខ្សាច់សក្បុស ជាមួយនឹង ទឹកសមុទ្រពណ៌ខៀវនៅខេត្តព្រះសីហនុ ក៏ដូចជា តំបន់ឆ្នេរដែលមានភាពស្ងប់ស្ងាត់ និងធម្មជាតិ ដូចជា ខេត្តកំពត និងកែប ជាមួយនឹងតំបន់អេកូទេសចរណ៍ និងសហគមន៍នៅភូមិភាគឦសាន ប្រកបដោយសុវត្ថិភាព ពេញលេញ និងប្រកបដោយភាពកក់ក្តៅ ជាមួយនឹងការស្វាគមន៍របស់ប្រជាជន ក្នុងស្រុកដែលពោរពេញ ទៅដោយស្នាមញញឹម និងភាពស្មោះត្រង់។ក្រសួងទេសចរណ៍បញ្ជាក់ថា «រាជរដ្ឋាភិបាលកម្ពុជាបានចាត់វិធានការនានា ដើម្បីធានាសុវត្ថិភាព និងការការពារសម្រាប់ភ្ញៀវទេសចរ ដោយមានអាជ្ញាធរជាតិ និងក្នុងតំបន់ តាមដានយ៉ាងយកចិត្តទុកដាក់ និងរក្សាសុវត្ថិភាព នៅទូទាំងប្រទេស។ កម្ពុជាមានការប្តេជ្ញាចិត្តចំពោះគុណតម្លៃពិតនៃសន្តិភាព សុវត្ថិភាព ការគោរពវប្បធម៌ និង បដិសណ្ឋារកិច្ច។ វិស័យទេសចរណ៍នៅតែជាសសរស្តម្ភនៃមោទកភាពជាតិ និងមិត្តភាពអន្តរជាតិ។ ដូច្នេះ សុវត្ថិភាព និងសុខុមាលភាពរបស់ភ្ញៀវទេសចរទាំងអស់គឺតែងជាអាទិភាពខ្ពស់បំផុតរបស់យើងជានិច្ច»។តាមន័យនេះ ក្រសួងទេសចរណ៍សូមអំពាវនាវដល់ភ្ញៀវទេសចរទាំងអស់ដែលស្រឡាញ់ប្រទេសកម្ពុជា បន្តការធ្វើដំណើរទស្សនាក្នុងព្រះរាជាណាចក្រកម្ពុជា គាំទ្រ និងផ្សព្វផ្សាយ បេតិកភណ្ឌវប្បធម៌ដ៏សម្បូរបែប បដិសណ្ឋារកិច្ចដ៏កក់ក្តៅ និងទេសភាពដ៏ស្រស់បំព្រងប្រកបដោយទំនុកចិត្តពេញលេញ នៃសុវត្ថិភាព និង ភាពកក់ក្តៅ៕

ប្រតិភូក្រសួងទេសចរណ៍ទស្សនកិច្ចសារមន្ទីរ ព្រះស្រីឦសានវរ្ម័ន ស្វែងយល់ពីប្រវត្តិសេដ្ឋកិច្ច និងរូបិយវត្ថុកម្ពុជា

ឯកឧត្តម ហួត ហាក់ ដឹកនាំប្រតិភូក្រសួងទេសចរណ៍ ទស្សនកិច្ចនៅសារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន (ស.ស.រ) ដើម្បីស្វែងយល់ទាក់ទងទៅនឹងប្រវត្តិសាស្ត្ររបស់កម្ពុជា និងបច្ចុប្បន្នភាពនៃនវានុវត្តន៍ហិរញ្ញវត្ថុ និងគំនិតផ្តួចផ្តើមថ្មីៗ។លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា ក្នុងជំនួបពិភាក្សាការងារ និងទស្សនកិច្ចនៅសារមន្ទីរ សេដ្ឋកិច្ចនិងរូបិយវត្ថុ ព្រះស្រីឦសានវរ្ម័ន (ស.ស.រ) ប្រតិភូក្រសួងទេសចរណ៍ នៅរសៀលថ្ងៃទី១៦ ខែកក្កដា ឆ្នាំ២០២៥ នេះ, លោកជំទាវ បានលើកឡើងពីការចូលរួមគាំទ្រដល់ការអភិវឌ្ឍវិស័យទេសចរណ៍កម្ពុជា របស់ធនាគារជាតិ នៃកម្ពុជានាពេលកន្លងមក តាមរយៈនវានុវត្តន៍ហិរញ្ញវត្ថុ និងគំនិតផ្តួចផ្តើមថ្មីៗដូចជា ការសម្រេចបានការតភ្ជាប់ប្រព័ន្ធទូទាត់ឆ្លងដែន ជាមួយបណ្តាប្រទេស ជាច្រើន ការដាក់ឱ្យដំណើរការកម្មវិធីបាគងទេសចរ និងការដំណើរការសារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន (ស.ស.រ) នៅរាជធានីភ្នំពេញ ព្រមទាំងគម្រោងដំណើរការសារមន្ទីរ ស.ស.រ ខេត្តបាត់ដំបង និងខេត្តកំពត នាពេលខាងមុខជាដើម។ លោកជំទាវបណ្ឌិត ក៏បានលើកឡើងពីសារៈសំខាន់ នៃការប្រមូល និងចងក្រងស្ថិតិទេសចរ ព្រមទាំងបញ្ជាក់ពីឆន្ទៈចូលរួម សហការ និងគាំទ្រក្នុងការធ្វើឱ្យប្រសើរឡើង នូវគុណភាពទិន្នន័យទេសចរប្រកបដោយប្រសិទ្ធភាព។ជាការឆ្លើយតប ឯកឧត្តមរដ្ឋមន្រ្តី ហួត ហាក់ រដ្ឋមន្រ្តីក្រសួងទេសចរណ៍ បានលើកឡើងនូវវឌ្ឍនភាពគួរឱ្យកត់សម្គាល់ នៃ វិស័យទេសចរណ៍នាពេលកន្លងមក ក្រោមដំបូលសុខសន្តិភាព និងស្ថិរភាពនយោបាយ ដែលឆ្លុះបញ្ចាំងតាមរយៈការកើនឡើង នៃភ្ញៀវ អន្តរជាតិ និងទេសចរក្នុងស្រុក។ ឯកឧត្តមរដ្ឋមន្ត្រី ក៏បានលើកសរសើរ ពីការរួមចំណែករបស់ធនាគារជាតិនៃកម្ពុជា ក្នុងការជំរុញ វិស័យទេសចរណ៍នាពេលកន្លងមក តាមរយៈការដាក់ឱ្យដំណើរការផលិតផលហិរញ្ញវត្ថុថ្មីៗ ដែលទាំងនេះបានជួយសម្រួលយ៉ាងច្រើន ដល់ការទូទាត់ របស់ទេសចរ និងចូលរួមផ្សព្វផ្សាយពីសក្តានុពលទេសចរកម្ពុជាផងដែរ៕ អត្ថបទ៖ សុន រ៉ាឌី

«ដំណើរទេសចរណ៍នៅប្រទេសកម្ពុជាពិតជាសប្បាយរីករាយ និងពោរពេញដោយអនុស្សាវរីយ៍ល្អៗដែលមិនអាចបំភ្លេចបាន ហើយយើងមកលេងម្តងទៀតជាមិនខាន» ចំណាប់អារម្មរណ៍រួមរបស់ប្រតិភូបុគ្គលិកក្រុមហ៊ុន EdF និង GdF បារាំង

ភ្នំពេញ៖ នៅទីស្តីការក្រសួងទេសចរណ៍ នារសៀលថ្ងៃទី១៦ ខែកក្កដា ឆ្នាំ២០២៥ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានអនុញ្ញាតជូនតំណាងប្រភិភូបុគ្គលិក-និយោជិក នៃក្រុមហ៊ុនថាមពលបារាំង EdF និង GdF ព្រមទាំងលោក អាំង ពិទូ ជាប្រធានសមាគមកូដូខែ្មរ ចូលជួបសម្តែងការគួរសម គោរពជម្រាបពីចំណាប់អាម្មរណ៍នៃដំណើរទេសចរណ៍នៅប្រទេសកម្ពុជារយៈពេលជាង២សប្តាហ៍ ព្រមទាំងគោរពជម្រាបលាត្រលប់ទៅប្រទេសបារាំងវិញ។ក្នុងឱកាសជំនួបនេះ ឯកឧត្តមរដ្ឋមន្រ្តី បានស្តាប់នូវចំណាប់អាម្មរណ៍ល្អៗ និងបទពិសោធផ្ទាល់ខ្លួនពីការធ្វើទេសចរណ៍នៅគោលដៅទេសចរណ៍នានាក្នុងប្រទេសកម្ពុជា ជាពិសេសគឺការស្នាក់នៅទទួលទាន និងការចុះធ្វើស្រែចំការតាមភូមិឋានជនបទនានាជាមួយប្រជាពលរដ្ឋកម្ពុជារបស់ប្រតិភូ និងថ្លែងអំណរគុណចំពោះការជ្រើសរើសប្រទេសកម្ពុជាជាគោលដៅវិស្សមកាលប្រចាំឆ្នាំរបស់ប្រតិភូ ព្រមទាំងការជួយផ្សព្វផ្សាយបន្តរបស់ប្រតិភូដល់ក្រុមគ្រួសារ មិត្តភ័ក្រ និងប្រជាពលរដ្ឋបារាំងទាំងអស់អំពីកត្តាសុខសន្តិភាព សុវត្ថិភាពល្អ ស្ថេរភាពសង្គម និងការអភិវឌ្ឍលើគ្រប់វិស័យរបស់ប្រទេសកម្ពុជានាពេលបច្ចុប្បន្ន ជាពិសេសបដិសណ្ឋារកិច្ចដ៏កក់ក្តៅ ម្ហូបអាហារដ៏មានឱជារស គ្រឿងផ្សំពីធម្មជាតិផ្តល់សុខភាពល្អ និងទេសភាពដ៏ស្រស់ត្រកាល អាកាសធាតុល្អ នារដូវការបៃតង៕

ក្រសួងវប្បធម៌ និងវិចិត្រសិល្បៈ រៀបចំពិធីអបអរសាទរការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និងសន្តិភាព” ក្នុងបញ្ជីបេតិកភណ្ឌពិភពលោក

នាព្រឹកថ្ងៃទី១៣ ខែកក្កដា ឆ្នាំ២០២៥ វេលាម៉ោង៧:០០នាទីព្រឹក នៅទីស្តីការក្រសួងវប្បធម៌ និងវិចិត្រសិល្បៈ បានរៀបចំកម្មវិធីអបអរសាទរការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សានិងសន្តិភាព” ក្នុងបញ្ជីបេតិកភណ្ឌពិភពលោក ក្រោមអធិបតីភាពឯកឧត្ដម ហាប់ ទូច រដ្ឋមន្ត្រីស្តីទីក្រសួងវប្បធម៌ និងវិចិត្រសិល្បៈ ព្រមទាំងថ្នាក់ដឹកនាំ មន្ត្រីរាជការ និងសិស្សានុសិស្ស ប្រមាណជាង ៣០០នាក់ ។ សូមបញ្ជាក់ជូនថា បូជនីយដ្ឋានចងចាំនៃកម្ពុជា ត្រូវបានគណ:កម្មាធិការបេតិកភណ្ឌពិភពលោក អនុម័តចុះក្នុងបញ្ជីបេតិកភណ្ឌពិភពលោកនៃអង្គការយូណេស្កូ តាមសំណើរបស់រាជរដ្ឋាភិបាលកម្ពុជា នាសម័យប្រជុំលើកទី៤៧ នៅទីក្រុងបារីស សាធារណរដ្ឋបារាំង នាថ្ងៃទី១១ ខែកក្កដា ឆ្នាំ២០២៥។ ជោគជ័យនៃការចុះ “បូជនីយដ្ឋានចងចាំនៃកម្ពុជា” ក្នុងបញ្ជីបេតិកភណ្ឌពិភពលោក ដែលមានទីតាំងចំនួន៣ រួមមាន៖ អតីតមន្ទីរឃុំឃាំង ម១៣ (ស្ថិតនៅព្រំប្រទល់ខេត្តកំពង់ឆ្នាំងនិងខេត្តកំពង់ស្ពឺ), សារមន្ទីរឧក្រិដ្ឋកម្មប្រល័យពូជសាសន៍ទួលស្លែង និង មជ្ឈមណ្ឌលប្រល័យពូជសាសន៍ជើងឯក (ស្ថិតនៅរាជធានីភ្នំពេញ) គឺកើតចេញពីគំនិតផ្តួចផ្តើមប្រកបដោយចក្ខុវិស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភា និងការដឹកនាំប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលជានិច្ចកាលតែងតែផ្តល់អាទិភាពខ្ពស់ដល់កិច្ចអភិរក្ស និងការអភិវឌ្ឍបេតិកភណ្ឌជាតិប្រកបដោយ ចីរភាព រួមទាំងការការពារសច្ចភាពប្រវត្តិសាស្ត្ររបស់ជាតិ។ ការចុះ “បូជនីយដ្ឋានចងចាំនៃកម្ពុជា” ក្នុងបញ្ជីបេតិកភណ្ឌពិភពលោក គឺជាមោទនភាពជាតិដ៏ធំធេងថ្មីមួយទៀត សម្រាប់ប្រជាជននិងប្រជាជាតិកម្ពុជា នៅលើឆាកអន្តរជាតិ និងជាគំរូមួយសម្រាប់ពិភពលោក បង្ហាញពីការតស៊ូដ៏យូរអង្វែងរបស់កម្ពុជា ការផ្សះផ្សាជាតិ ស្មារតីសាមគ្គីរួបរួមជាតិ ការស្វែងរកយុត្តធម៌ជូនជនរងគ្រោះ និងការកសាងសន្តិភាព ជាពិសេសតាមរយៈ នយោបាយឈ្នះ ឈ្នះ របស់ សម្តេចអគ្គមហាសេនាបតីតេជោ ហ៊ុន សែន ដែលបានប្រែក្លាយប្រទេសកម្ពុជាពី “វាលពិឃាដ” មកជា “ទឹកដីនៃសន្តិភាព” ដែលជារតនវត្ថុមិនអាចកាត់ថ្លៃបានសម្រាប់ប្រជាជាតិនិងប្រជាជនយើង ក្នុងការកសាងសន្តិភាព និងការអភិវឌ្ឍជាតិលើគ្រប់វិស័យ។

បណ្ដាញសង្គម

ព័ត៌មានថ្មីៗ

ភ្លៀងធ្លាក់ខ្លាំងបន្ថែមទុក្ខវេទនាដល់ប្រជាជន ដែលភៀសខ្លួនពីសង្គ្រាមនៅក្នុងដែនដីហ្កាហ្សា

[UPDATE] ចំនួនអ្នកស្លាប់ក្នុងទឹកជំនន់បង្កឡើងដោយភ្លៀងធ្លាក់ខ្លាំងនៅស្រី លង្កា បានកើនឡើងដល់ជាង៤០នាក់ហើយ

សៀវភៅ «កេរដំណែលស្នាដៃម្ហូបខ្មែរ» ទទួលបានជ័យលាភី «Best of the Best-Cambodia» ពី Gourmand Awards Best of the Best ១៩៩៥-២០២៥

ព្រះមហាក្សត្រ៖ អបអរសាទរចំពោះស្ថាប័ននីតិប្បញ្ញត្តិ និងនីតិប្រតិបត្តិមានភាពប៉ិនប្រសប់ដឹកនាំ និងគ្រប់គ្រងសភាពការណ៍របស់ប្រទេសជាតិ ធានាបាននូវប្រក្រតីភាព និងបន្តការអភិវឌ្ឍ

ឯកអគ្គរាជទូតកម្ពុជាប្រចាំកូរ៉េខាងត្បូង ជួបសម្ដែងការគួរសម និងពិភាក្សាការងារជាមួយ ឯកឧត្តមសមាជិកសភាកូរ៉េ

យន្តហោះនិងនាវាបំពាក់មីស៊ីលស៊ីបគោលដៅរបស់អាមេរិក ត្រូវបានដាក់ពង្រាយទៅកាន់មូលដ្ឋានព័រតូរីកូ

កុមាររាប់រយនាក់ «ភ័យខ្លាច» និងឯកោ បន្ទាប់ពីភៀសខ្លួនពីទីក្រុង El-Fasher ប្រទេសស៊ូដង់

អាមេរិកទំនងជាគាំទ្រផែនការបែងចែកតំបន់ហ្កាហ្សា និងកសាងឡើងវិញ នូវផ្នែកគ្រប់គ្រងដោយអ៊ីស្រាអែល

FBI ឆ្មក់បង្ក្រាបនៅតាមលំនៅឋាន បន្ទាប់ពីសមាជិកឆ្មាំជាតិពីរនាក់ត្រូវបានបាញ់ប្រហារ

អ៊ីស្រាអែល បើកការវាយប្រហារថ្មីនៅភាគខាងត្បូងប្រទេសលីបង់ ក្នុងខួបនៃបទឈប់បាញ់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

វប្បធម៌ និងទេសចរណ៍

ភ្ញៀវទេសចរជាង ៣ម៉ឺន៦ពាន់នាក់ ទស្សនាព្រឹត្ដិការណ៍ថ្ងៃរះចំកំពូលប្រាសាទអង្គរ

ភ្ញៀវទេសចរជាង ៧ម៉ឺននាក់ ចូលលេងកម្សាន្ត និងស្នាក់នៅលម្ហែក្នុងអំឡុងឱកាសបុណ្យភ្ជុំបិណ្ឌនៅខេត្តព្រះសីហនុ

អ្នកដំណើរជាតិអន្តរជាតិភាគច្រើនចង់ធ្វើដំណើរហោះត្រង់ចេញ-ចូលកម្ពុជា តាមព្រលានយន្តហោះថ្មីលំដាប់ 4F

ប្រជាពលរដ្ឋជាច្រើនបន្តនាំគ្នាមកទស្សនាព្រលានយន្តហោះថ្មីដែលជាសមិទ្ធផលប្រវត្ដិសាស្ដ្ររបស់កម្ពុជា

កម្ពុជាគ្រោងនឹងទិញយន្តហោះផលិតដោយចិនផ្ទាល់ ប្រភេទC909 regional ២០គ្រឿង ខណៈ១០គ្រឿងបានបញ្ជាទិញរួចហើយ

អាកាសយានដ្ឋានអន្តរជាតិតេជោ ស្វាគមន៍យ៉ាងកក់ក្ដៅភ្ញៀវទេសចរដំបូងគេមកពីប្រទេសចិននៅព្រឹកនេះ

ក្រសួងទេសចរណ៍៖ កម្ពុជានៅតែជាគោលដៅទេសចរណ៍សុវត្ថិភាព និងរាក់ទាក់ស្វាគមន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វប្បធម៌ និងទេសចរណ៍

ភ្ញៀវទេសចរជាង ៣ម៉ឺន៦ពាន់នាក់ ទស្សនាព្រឹត្ដិការណ៍ថ្ងៃរះចំកំពូលប្រាសាទអង្គរ

អ្នកដំណើរជាតិអន្តរជាតិភាគច្រើនចង់ធ្វើដំណើរហោះត្រង់ចេញ-ចូល​កម្ពុជា​ តាម​ព្រលាន​យន្ត​ហោះថ្មី​លំដាប់ 4F

ប្រជាពលរដ្ឋជាច្រើនបន្តនាំគ្នាមកទស្សនាព្រលានយន្តហោះថ្មីដែលជាសមិទ្ធផលប្រវត្ដិសាស្ដ្ររបស់កម្ពុជា

កម្ពុជាគ្រោងនឹងទិញយន្តហោះផលិតដោយចិនផ្ទាល់ ប្រភេទC909 regional ២០គ្រឿង ខណៈ១០គ្រឿងបានបញ្ជាទិញរួចហើយ​

អាកាសយានដ្ឋានអន្តរជាតិតេជោ ស្វាគមន៍យ៉ាងកក់ក្ដៅភ្ញៀវទេសចរ​ដំបូងគេមកពីប្រទេស​ចិន​នៅព្រឹក​នេះ

ក្រសួងទេសចរណ៍៖ កម្ពុជានៅតែជាគោលដៅទេសចរណ៍សុវត្ថិភាព និងរាក់ទាក់ស្វាគមន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកដំណើរជាតិអន្តរជាតិភាគច្រើនចង់ធ្វើដំណើរហោះត្រង់ចេញ-ចូលកម្ពុជា តាមព្រលានយន្តហោះថ្មីលំដាប់ 4F

កម្ពុជាគ្រោងនឹងទិញយន្តហោះផលិតដោយចិនផ្ទាល់ ប្រភេទC909 regional ២០គ្រឿង ខណៈ១០គ្រឿងបានបញ្ជាទិញរួចហើយ

អាកាសយានដ្ឋានអន្តរជាតិតេជោ ស្វាគមន៍យ៉ាងកក់ក្ដៅភ្ញៀវទេសចរដំបូងគេមកពីប្រទេសចិននៅព្រឹកនេះ