BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

រោងចក្រធំជាងគេនៅស្រុកកណ្ដាលស្ទឹង បានបើកដំណើរការជាថ្មី ក្រោយផ្អាកដំណើរការជាង១០ថ្ងៃ

កណ្ដាល ៖ រោងចក្រស្បែកជើង សាន់បូ ជារោងចក្រធំជាងគេក្នុងភូមិសាស្ត្រស្រុកកណ្ដាលស្ទឹង ខេត្តកណ្តាល បានបើកដំណើរការជាថ្មី ក្រោយផ្អាកដំណើរការអស់រយៈពេលជាង១០ថ្ងៃ ដោយសារមានការឆ្លងជំងឺ កូវីដ-១៩។ ការបើកដំណើរការជាថ្មីនាពេលនេះ គឺពុំទាន់ដំណើរការទាំងស្រុងនោះទេ ដោយមានកម្មករកម្មការិនីប្រមាណជាង ២០០០នាក់ប៉ុណ្ណោះចូលបំពេញការងារ ខណៈពេលដែលបុគ្គលិកសរុបមានរហូតដល់ជាង ៨០០០ពាន់នាក់។ជាទិដ្ឋភាពរួមនៃការចាប់ផ្ដើមដំណើរការជាថ្មីនៃរោងចក្រស្បែកជើង សាន់បូ នាពេលនេះ គឺមានវត្តមានខាងរោងចក្រ និងសន្តិសុខជាច្រើននៅរង់ចាំត្រង់ចំណុចច្រកចូល ដើម្បីត្រួតពិនិត្យការពាក់ម៉ាសរបស់កម្មករ កម្មការិនីគ្រប់រូប។ រាល់កម្មករកម្មការិនី ដែលពុំមានពាក់ម៉ាសការពារ គឺ មិនមានសិទ្ធិចូលទៅក្នុងបរិវេណរោងចក្រនោះទេ។សម្រាប់ការបើកដំណើរការជាថ្មីនេះ កញ្ញា មុនី ផល ជាប្រធានរដ្ឋបាលនៃរោងចក្រ លើកឡើងថា រោងចក្របើកដំណើរការត្រឹមផ្នែកមួយចំនួន មិនទាន់បើកដំណើរការទាំងស្រុងនោះទេ ។ ចំពោះការបើកដំណើរការជាថ្មីនេះ គឺមានកម្មករប្រមាណជាង ២០០០នាក់នៃចំនួនកម្មករសរុបជាង ៨០០០នាក់ ហើយភាគីរោងចក្រ បានដាក់ចេញគោលការណ៍តឹង រឹងដោយតម្រូវឱ្យ កម្មករកម្មការិនី ដែលមានការពាក់ព័ន្ធកូវីដ-១៩ ត្រូវមានលិខិត បញ្ជាក់ថា បានបញ្ចប់ការធ្វើចត្តាឡីស័ក ត្រឹមត្រូវ ទើបក្រុមហ៊ុនអនុញ្ញាតឱ្យចូលបំពេញការងារ។ ប្រធានរដ្ឋបាលរោងចក្រ បានបន្តថា ដំណាក់កាលនេះ គឺរោងចក្រនៅតែអនុវត្តវិធានការពារ ទាំងការពាក់ម៉ាសការពារ ការបាញ់អាល់កុល វាស់កម្ដៅ ហើយរោងចក្រក៏គ្រោងបំពាក់ម៉ាស៊ីនបាញ់អាល់កុល និងវាស់កម្ដៅស្វ័យប្រវត្តិ និងរៀបចំឃាំងដាច់ៗសម្រាប់កន្លែងពិសារអាហារ ផងដែរ។ ចំពោះការបើកដំណើរការទាំងស្រុង ភាគីរោងចក្រពុំទាន់អាចបញ្ជាក់បាននោះទេ ដោយកិច្ចការនេះត្រូវមានការសិក្សា និងមានការឯកភាពពីមន្ត្រីជំនាញ រួមទាំងអាជ្ញាធរពាក់ព័ន្ធទាំងអស់។សម្រាប់កម្មករមួយរូបឈ្មោះ ចរិយា ដែលលោកបានមកបំពេញការងារជាថ្មីនៅថ្ងៃនេះ លើកឡើងថា លោកសប្បាយចិត្តពេលដែលរោងចក្រអាចបើកដំណើរការជាថ្មីបែបនេះ។ លោកថាបើរោងចក្របន្តបិទ វានឹងអាចប៉ះពាល់ដល់ចំណូលសម្រាប់ជីវភាពរបស់គាត់ ហើយលោកក៏ពេញចិត្តដែលរោងចក្រទាមទារលិខិតបញ្ចប់ចត្តាឡីស័ក ពីកម្មករដែលពាក់ព័ន្ធ ដើម្បីសុវត្ថិភាពគ្រប់គ្នាផងដែរ។សម្រាប់រោងចក្រស្បែកជើង សាន់បូ ក្នុងកំឡុងពេលផ្អាកដំណើរការមួយរយៈមកនេះ ក៏បានធ្វើការបាញ់ថ្នាំសម្លាប់មេរោគចំនួន ៣ដង ក្រោមការត្រួតពិនិត្យពីអាជ្ញាធរផងដែរ ។ សម្រាប់ភូមិសាស្ត្រស្រុកកណ្ដាលស្ទឹង តាមការលើកឡើងរបស់លោក អភិបាលស្រុក កាលពីសប្ដាហ៍មុនបញ្ជាក់ថា ស្រុកកណ្ដាលស្ទឹង មានរោងចក្រសហគ្រាសសរុបចំនួន ១៩ ដោយមានកម្មករកម្មការិនីសរុបជាង ៣ម៉ឺននាក់។ ក្នុងនោះរោងចក្រពាក់ព័ន្ធនឹងជំងឺកូវីដ-១៩ មានចំនួនពីររោងចក្រ រាប់បញ្ជូនទាំងរោងចក្រស្បែកជើង សាន់បូ ដែលបើកដំណើរការវិញនាពេលនេះ៕អត្ថបទ ៖ គឹមហុក

ស.ស.យ.ក ស្នើយុវជនរួបរួមគ្នា ដើម្បីផលប្រយោជន៍ជាតិជាចម្បង

ភ្នំពេញ៖ សហភាពសហព័ន្ធយុវជនកម្ពុជា(ស.ស.យ.ក) បានបើកកិច្ចប្រជុំស្ដីពី “លទ្ធផលការចូលរួមនៃយុទ្ធនាការអប់រំផ្សព្វផ្សាយប្រយុទ្ធប្រឆាំងនឹងការីករាលដាលនៃជំងឺកូវីដ១៩ ការសម្របសម្រួលការចាក់វ៉ាក់សាំង និងការផ្ដល់ជំនួយសង្គមបន្ទាន់ជូនជនងាយរងគ្រោះ នៅរាជធានីភ្នំពេញ” ។កិច្ចប្រជុំតាមរយៈប្រព័ន្ធវីដេអូនេះ ក្រោមវត្តមានឯកឧត្ដម ហ៊ុន ម៉ានី ប្រធាន ស.ស.យ.ក. និងដោយមានការចូលរួមពីឯកឧត្ដម សាយ សំអាល់ អនុប្រធាន និងជាប្រធាន ស.ស.យ.ក. រាជធានីភ្នំពេញរួមទាំងសមាជិក ស .ស.យ.ក.វិស័យ និងនៅតាមបណ្ដាខណ្ឌទាំង១៤ ក្នុងរាជធានីភ្នំពេញ។ឯកឧត្តម សាយ សំអាល់ ប្រធាន ស.ស.យ.ក រាជធានីភ្នំពេញបានលើកឡើងថា ជំនួយរបស់ ស.ស.យ.ក. ត្រូវបានបែងចែកទៅដល់បងប្អូនគ្រប់មជ្ឈដ្ឋានរួមមាន សមាជិករបស់យើង ប្រជាពលរដ្ឋជួបការលំបាក អាជ្ញាធរ និងកងកម្លាំងមានសមត្ថកិច្ចផងដែរ។ទន្ទឹមនឹងនោះ វត្តមានរបស់សមាជិក ស.ស.យ.ក. នៅតាមបណ្តាទីតាំងនានា ដូចជាកន្លែងចាក់វ៉ាក់សាំង ទីតាំងយកសំណាកជាដើម ត្រូវបានទទួលស្គាល់ពីសមត្ថភាព និងភាពម្ចាស់ការដោយអាជ្ញាធរដែលបំពេញការងារនៅទីនោះ”។ ហើយរាល់ការចូលរួមគឺ ស.ស.យ.ក. បានគិតគូរយ៉ាងខ្លាំងដល់សុវត្ថិភាពជាចម្បងចំពោះសមាជិករបស់ខ្លួន ដែលត្រូវចុះផ្ទាល់នៅតាមទីតាំងដែលមានហានិភ័យ។ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានថ្លែងកោតសរសើរដល់សមាជិក ស.ស.យ.ក.ទាំងអស់ ដែលបានចូលរួមយ៉ាងសកម្មក្នុងការងារប្រយុទ្ធនឹងការឆ្លងរាលដាលនៃជំងឺកូវីដ ១៩ តាំងពីចាប់ផ្តើមការផ្ទុះឡើងនៃជំងឺនេះ និងជាពិសេសសមាជិករាជធានីភ្នំពេញ និងវិស័យ ដែលបានខិតខំប្រឹងប្រែងកាន់តែខ្លាំងឡើង ក្នុងដំណាក់កាលចុងក្រោយដែលភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាលត្រូវបានបិទខ្ទប់។ជាមួយនឹងជោគជ័យដ៏ធំធេងនេះ ឯកឧត្តម ហ៊ុន មានី ក៏បានក្រើនរំលឹកដល់សមាជិកឲ្យបន្តថែរក្សាស្មារតី ២ ធ្នូ ដែលជាការដាក់ផលប្រយោជន៍ខ្លួនឯង និងក្រុមដោយឡែក ហើយរួបរួមគ្នាដាក់ផលប្រយោជន៍ប្រទេសជាតិជាចំបង។ម្យ៉ាងទៀតក្នុងដំណាក់កាលដ៏លំបាកនេះ ការបន្តចូលរួមប្រកបដោយស្មារតី និងឆន្ទៈពីសំណាក់បងប្អូន ស.ស.យ.ក. គឺជាកត្តាគួបផ្សំដ៏មានសារៈសំខាន់ក្នុងការឈានទៅយកឈ្នះលើជំងឺកូវីដ ១៩ និងការបិទបញ្ចប់ព្រឹត្តិការ ណ៍សហគមន៍ ២០ កុម្ភៈជាស្ថាពរ។សូមបញ្ជាក់ថា នៅដំណាក់កាលចុងក្រោយនេះ ការឆ្លងរាលដាលក្រោយផ្ទុះព្រឹត្តិការណ៍សហគមន៍ ២០កុម្ភៈមានការឆ្លងលឿននេះ យុវជនបានចូលរួមយ៉ាងសកម្ម ក្នុងនោះសមាជិករបស់ ស.ស.យ.ក. មិនបានរាថយនោះឡើយ ដោយបានខិតខំប្រឹងប្រែងជំនះភាពភ័យខ្លាចទាំងឡាយបានដោយជោគ ជ័យ សហការជាមួយអាជ្ញាធរ ចូលរួមកិច្ចការផ្សេងៗ ដើម្បីរួមចំណែកទប់ស្កាត់ការឆ្លងរាលដាល និងកាត់ផ្តាច់ឬសគល់នៃមេរោគកូវីដ១៩ ក្នុងសហគមន៍កម្ពុជា៕

រដ្ឋមន្ត្រីក្រសួងសុខាភិបាល ក្រើនរំឭកឱ្យមន្ត្រីជំនាញបង្កើនការប្រុងប្រយ័ត្នខ្ពស់ចំពោះការវិភាគរកមេរោគកូវីដ-១៩

ព្រះសីហនុ ៖ រដ្ឋមន្ត្រីក្រសួងសុខាភិបាល អមដំណើរដោយអភិបាល នៃគណៈអភិបាលខេត្តព្រះសីហនុ និងសមត្ថកិច្ច ស្ថាប័នពាក់ព័ន្ធ បានអញ្ជើញត្រួតពិនិត្យមន្ទីរពិសោធន៍វេជ្ជសាស្ត្ររកមេរោគកូវីដ-១៩ នៅមន្ទីរពេទ្យបង្អែកខេត្តព្រះសីហនុ ដែលមានទីតាំង នៅក្នុងបរិវេណមន្ទីរពេទ្យបង្អែកខេត្ដ ស្ថិតក្នុងសង្កាត់លេខ៤ ក្រុង-ខេត្ដព្រះសីហនុ អង្គារ ៧កើត ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៨ ខែឧសភា ឆ្នាំ២០២១។នៅក្នុងឱកាសនោះ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល បានណែនាំដល់ក្រុមគ្រូពេទ្យផ្នែកមន្ទីរពិសោធន៍ ត្រូវយកចិត្តទុកដាក់ក្នុងការវិភាគរកមេរោគកូវីដ-១៩ ពិសេសមេរោគបំប្លែងថ្មី ដែលមានហានិភ័យខ្ពស់ និងត្រូវតែមានការ ប្រុងប្រយ័ត្ន ដោយធ្វើអនាម័យជាប់ជាប្រចាំ កុំធ្វេសប្រហែសនាំឱ្យមានការឆ្លងជំងឺកូវីដ-១៩ មកខ្លួនឯង។ ជាមួយគ្នានោះ លោកវេជ្ជបណ្ឌិត ផេង សេច័ន្ទគ្រឹះស្នា អ្នកសម្របសម្រួលរួម នៃមន្ទីរពិសោធន៍ខេត្តព្រះសីហនុ ប្រាប់ថា មន្ទីរពិសោធន៍ មានបុគ្គលិកចំនួន ១០នាក់ ដើម្បីបំរើសេវាពិសោធន៍ជំងឺទូទៅ ពិសេសជំងឺកូវីដ-១៩ ប្រសិនបើមានសម្ភារៈ គ្រប់គ្រាន់ គឺក្រុម ការងារ អាចវិភាគរកមេរោគកូវីដ-១៩ ចន្លោះពី ៣០០ ទៅ ៤០០នាក់ ក្នុងមួយថ្ងៃ។ នេះ ជាការបញ្ជាក់ប្រាប់ឱ្យដឹងពីលោក ឃាង ភារម្យ អ្នកនាំពាក្យសាលាខេត្ដព្រះសីហនុ នារសៀលថ្ងៃទី១៨ ខែឧសភានេះ។លោក បន្ដថា ឯកឧត្តម គួច ចំរើន អភិបាលខេត្តព្រះសីហនុ បានថ្លែងអំណរគុណដល់ក្រុមគ្រូពេទ្យជួរមុខ ជួរក្រោយ និងក្រុម គ្រូពេទ្យផ្នែកមន្ទីរពិសោធន៍ ដែលបានខិតខំបំពេញការងារមិនខ្លាចនឿយហត់ទាំងថ្ងៃទាំងយប់ មិនថាភ្លៀង ឬថ្ងៃក្តៅ ដោយ មិនបានសម្រាកគ្រប់គ្រាន់ក្នុងការរួមគ្នាប្រយុទ្ធប្រឆាំងនឹងជំងឺឆ្លងកូវីដ-១៩ សូមបន្ដរួមគ្នាកាត់ផ្តាច់ប្រភពចម្លងជំងឺកូវីដ-១៩ នៅក្នុងសហគមន៍ ឱ្យបានជោគជ័យ។ មន្ទីរពិសោធន៍វេជ្ជសាស្ត្រនេះ បើកដំណើរការដំបូងក្រោមជំនួយរបស់រដ្ឋាភិបាល នៃ សាធារណរដ្ឋប្រជាមានិតចិន មានម៉ាស៊ីនពិសោធន៍ និងសម្ភារៈពិសោធន៍សម្រាប់ពិសោធន៍ ២.០០០សំណាក តែប៉ុណ្ណោះ។ ខេត្តព្រះសីហនុ មានការផ្ទុះនូវជំងឺកូវីដ-១៩ ទំហំធំ តម្រូវការសម្ភារៈវិភាគជំងឺកូវីដ-១៩ ជូនប្រជាពលរដ្ឋចំនួនច្រើន បានធ្វើ ឱ្យមន្ទីរពិសោធន៍ មានការខ្វះខាតសម្ភារៈ វិភាគនេះ ទើបរដ្ឋបាលខេត្ដ បាននិងកំពុងបញ្ជាទិញសម្ភារៈបន្ថែម។ ទន្ទឹមនឹងនោះ ក្រសួងសុខាភិបាល បានជួយឧបត្ថម្ភនូវសម្ភារៈធ្វើតេស្ដលឿន (Rapid Test) និងការបញ្ជាទិញរបស់រដ្ឋបាលខេត្ត ដើម្បី ពន្លឿនការយកសំណាកប្រជាពលរដ្ឋក្នុងតំបន់បិទខ្ទប់ (តំបន់ក្រហម) ត្រូវបានបញ្ចប់កាលពីថ្ងៃទី១៣ ខែឧសភា ឆ្នាំ២០២១ កន្លងមក បានធ្វើឱ្យអត្រាឆ្លងជំងឺកូវីដ-១៩ មានការថយចុះ។ លោក បញ្ជាក់បន្ថែមថា បើតាមការណែនាំរបស់ អង្គការសុខភាពពិភពលោក ត្រូវតាមដានព្យាបាលអ្នកជំងឺកូវីដ-១៩ ចំនួន ២១ថ្ងៃ ម្យ៉ាងទៀត ការព្យាបាលអ្នកជំងឺកូវីដ-១៩ កម្រិតធ្ងន់ ត្រូវតេស្តម៉ាស៊ីនវិភាគរកមេរោគកូវីដ-១៩ (PCR) ដោយទទួល លទ្ធផលអវិជ្ជមានពីរដង ទើបឱ្យចេញពីមន្ទីរពេទ្យ និងបន្តធ្វើចត្តាឡីស័ក ១៤ថ្ងៃបន្តទៀត។ ដោយឡែក អ្នកជំងឺកូវីដ-១៩ កម្រិតស្រាល ត្រូវធ្វើតេស្តម៉ាស៊ីនវិភាគរកមេរោគកូវីដ-១៩ (PCR) ទទួលលទ្ធផលអវិជ្ជមានមួយដង អាចឱ្យចេញពីមន្ទីរ ពេទ្យបាន ប៉ុន្តែត្រូវបន្តធ្វើចត្តាឡីស័ក រយៈពេល១៤ថ្ងៃបន្តទៀតដូចគ្នាដែរ៕អត្ថបទ ៖ គង់ ប៊ុនថា

អំណោយ និងសម្ភារៈមួយចំនួនរបស់លោកជំទាវកិត្តិសង្គហបណ្ឌិត ម៉ែន សំអន ត្រូវបានប្រគល់ជូនមន្ទីរពេទ្យហ្លួងម៉ែ

ភ្នំពេញ ៖ ឯកឧត្តម ប៉េង ពោធិ៍នា តំណាងដ៏ខ្ពង់ខ្ពស់ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងាររាជរដ្ឋាភិបាលចុះមូលដ្ឋានរាជធានីភ្នំពេញ បាននាំយកថវិកា និងសម្ភារៈមួយចំនួន ប្រគល់ជូនដល់ លោកឧត្តមសេនីយ៍ទោ វេជ្ជបណ្ឌិត សោម សោភណ្ឌ នាយកមន្ទីរពេទ្យហ្លួងម៉ែ ដែលមានទីតាំងស្ថិតក្នុងសង្កាត់ព្រៃស ខណ្ឌដង្កោ រាជធានីភ្នំពេញ នាព្រឹកថ្ងៃអង្គារ ៧កើត ខែជេស្ឋ ឆ្នាំជូត ត្រីស័ក ព.ស.២៥៦៥ ត្រូវនឹងថ្ងៃទី១៨ ខែឧសភា ឆ្នាំ២០២១។ថ្លែងក្នុងឱកាសនោះ ឯកឧត្តម ប៉េង ពោធិ៍នា ក៏បានពាំនាំការផ្តាំផ្ញើសាកសួរសុខទុក្ខពីសំណាក់លោកជំទាវកិត្តិសង្គហបណ្ឌិត ម៉ែន សំអន ជូនដល់គណៈគ្រប់គ្រងមន្ទីរពេទ្យ និងបងប្អូនទាំងអស់នៅមន្ទីរពេទ្យនេះ ដោយក្តីនឹករលឹក និងការគិតគូរអំពីសុខុមាលភាព។ ដូច្នេះដើម្បីរួមចំណែកនៅក្នុងស្ថានការណ៍ការលំបាកជាមួយរាជរដ្ឋាភិបាល និងការលំបាករបស់ក្រុមគ្រួពេទ្យជួរមុខរបស់សម្តេចតេជោ លោកជំទាវកិត្តិសង្គហបណ្ឌិត ក៏បានចាត់តំណាងនាំយក នូវស្បៀង អាហារទំនុកបម្រុង និងសម្ភារៈវេជ្ជសាស្ត្រ មួយចំនួនទៀតជាបន្តបន្ទាប់ ដែលបម្រើឱ្យសកម្មភាពយុទ្ធនាការ បង្ការ ទប់ស្កាត់ជំងឺកូវីដ-១៩ ជូនដល់មន្ទីរពេទ្យនាពេលនេះ ។លោកឧត្តមសេនីយ៍ទោ វេជ្ជបណ្ឌិត សោម សោភណ្ឌ ក៏បានថ្លែងអំណរគុណដល់លោកជំទាវកិត្តិសង្គហបណ្ឌិត ព្រមទាំងក្រុមការងារទាំងអស់ ដែលបានយកចិត្តទុក្ខដាក់ក្នុងការជួយឧបត្ថម្ភដល់មន្ទីរពេទ្យ។ សកម្មភាពទាំងនេះ បានបង្ហាញអំពីការចូលរួមរបស់សប្បុរសជន ជាថ្នាក់ដឹកនាំ មន្ត្រីរាជការ ក្នុងការយកចិត្តទុកដាក់ រួមដៃគ្នាជាមួយវិស័យសុខាភិបាល ក្នុងការរួមចំណែកជាមួយរាជរដ្ឋាភិបាល ក្នុងសកម្មភាព ប្រយុទ្ធបង្ការទប់ស្កាត់ ជំងឺកូវីដ១៩ នៅក្នុងរាជធានីភ្នំពេញយ៉ាងសស្រាក់សស្រាំ។ឯកឧត្តម ប៉េង ពោធិ៍នា ក៏បានផ្ដាំផ្ញើដល់គ្រូពេទ្យ សូមបន្តការខិតខំយកចិត្តទុកដាក់ បន្ថែមទៀត ដើម្បីធ្វើយ៉ាងណារួមគ្នា ទប់ស្កាត់ការឆ្លងជំងឺដ៏កាចសាហាវនេះ ឱ្យមានប្រសិទ្ធភាពខ្ពស់។សូមជម្រាបផងដែរថា អំណោយដែលនាំមកនៅពេលនេះ រួមមាន ៖ ១.ម៉ាស់ពេទ្យ ៤៥.០០០ម៉ាស់ ២.អង្ករ ៥០០គីឡូក្រាម ៣.ទឹកសុទ្ធ ២០កេស ៤.មី ២០កេសតូច ៥.ទឹកស៊ីអ៊ីវ ២៤០ដប ៦.ទឹកត្រី ២៤០ដប ៧.អាល់កុល ៥កាន និងថវិកាមួយចំនួនផងដែរ៕

អាជ្ញាធរខណ្ឌទួលគោក អនុញ្ញាតបើកទីតាំងធ្វើចត្តាឡីស័ក ឲ្យដំណើរការឡើងវិញចំនួន ៣ទីតាំង

ភ្នំពេញ៖ ដោយមានការបញ្ជាផ្ទាល់ពី លោក ឯក ឃុនដឿន អភិបាល នៃគណៈអភិបាល ខណ្ឌទួលគោក បានណែនាំអោយ រដ្ឋបាលសង្កាត់ទឹកល្អក់ទី៣ ដឹកនាំដោយលោក ជា ឃាង ចៅសង្កាត់ ចុះធ្វើកំណត់ហេតុ អនុញ្ញាតបើកទីតាំងធ្វើចត្តាឡីស័ក អោយដំណើរការឡើងវិញចំនួន ៣ទីតាំង នាព្រឹកថ្ងៃទី១៨ ខែឧសភា ឆ្នាំ២០២១។យោងតាមរបាយការណ៍ របស់រដ្ឋសង្កាត់ទឹកល្អក់ទី៣ បានបញ្ជាក់ថា ទីតាំង១.ផ្ទះលេខ១៣៥B ផ្លូវលេខ១៩២ ភូមិ៩ ។ ទីតាំងទី២.ផ្ទះលេខ៣៥KB ផ្លូវលេខ២៦៥ ភូមិ១៣។ និងទីតាំងទី៣.ផ្ទះលេខ១M ផ្លូវលេខ២៦៥ ភូមិ១៣ បានអនុវត្តវិធាន របស់ក្រសួងសុខាភិបាល និងសេចក្ដីណែនាំរបស់រដ្ឋាភិបាល បានត្រឹមត្រូវផងដែរ។ក្នុងឱកាសនោះ លោក ជា ឃាង ចៅសង្កាត់ទឹកល្អក់ទី៣ បានណែនាំអោយម្ចាស់ផ្ទះអនុវត្ត តាមវិធានការណ៍របស់រាជរដ្ឋាភិបាល ៣កុំ ៣ការពារ និងបន្តធ្វើចត្តាឡីស័ក នៅផ្ទះរយៈពេល១៤ថ្ងៃទៀត អនុវត្តតាមការ ណែនាំរបស់ក្រសួងសុខាភិបាល ដាក់ខ្លួនដាច់ដោយឡែក ចំពោះអ្នកដែលបានជាសះស្បើយពីជំងឺ៕អត្ថបទ ៖ កុម្ភះ

កម្លាំងអាវុធហត្ថរាជធានី ដែលចូលរួមអនុវត្តវិធានការបិទខ្ទប់ ១,៤៤៧នាក់ ទទួលបានអំណោយ ពីសម្តេចតេជោ និង សម្តេចកិត្តិព្រឹទ្ធបណ្ឌិត

ភ្នំពេញ ៖ នារសៀលថ្ងៃទី១៧ ខែឧសភា ម្សិលមិញនេះ សម្តេចតេជោ ហ៊ុន សែន នាយករដ្ឋមន្ត្រី និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានផ្តល់នូវអំណោយ ជូនដល់ កម្លាំងអាវុធហត្ថរាជធានីភ្នំពេញ ដែលបានចូលរួមអនុវត្តវិធានការបិទខ្ទប់ ក្នុងរយៈកាលកន្លងមក ចំនួន១,៤៤៧នាក់ ទុកជាការលើកទឹកចិត្ត និងបំពេញបន្ថែមតម្រូវការប្រើប្រាស់ក្នុងក្រុមគ្រួសាររៀងៗខ្លួន។ ក្នុងឱកាសបែងចែកអំណោយនេះផងដែរ លោកឧត្តមសេនីយ៍ឯក រ័ត្ន ស្រ៊ាង បានណែនាំដល់នាយទាហាន ដែលជាតំណាង តាមបណ្តាអង្គភាពចំណុះ កងរាជអាវុធហត្ថ រាជធានីភ្នំពេញ ឲ្យក្រើនរំលឹកដល់សមាជិករបស់ខ្លួនគ្រប់រូប បន្តរួមចំណែកអនុវត្ត បេសកកម្ម ប្រយុទ្ធប្រឆាំងការរីករាលដាល នៃជំងឺកូវីដ-១៩ តទៅមុខទៀត ដោយឥតរុញរា ក្នុងស្មារតីទទួលខុសត្រូវ និងប្តេជ្ញាខ្ពស់ ស្របតាមបទបញ្ជាថ្នាក់លើ ក៏ដូចជាការណែនាំនានា របស់ក្រសួងសុខាភិបាល និង អនុវត្តឲ្យបានម៉ឹងម៉ាត់ នូវវិធានការ «៣ការពារ និង៣កុំ» របស់ប្រមុខរាជរដ្ឋាភិបាល នៅគ្រប់ពេលវេលា និងគ្រប់ទីកន្លែង៕

គ្រូពេទ្យស្នើឱ្យអាជ្ញាធរមូលដ្ឋានផ្សព្វផ្សាយដល់ពលរដ្ឋឱ្យមកចាក់វ៉ាក់សាំងដូសទី២ តាមការកំណត់

ភ្នំពេញ ៖ ដើម្បីប្រសិទ្ធភាព នៃវ៉ាក់សាំង អាចប្រឆាំងការវាយលុកពីជំងឺកូវីដ-១៩បាន គ្រូពេទ្យចាក់វ៉ាក់សាំង បានស្នើដល់អាជ្ញាធរមូលដ្ឋានឱ្យជួយផ្សព្វផ្សាយដល់ពលរដ្ឋ ឱ្យមកចាក់វ៉ាក់សាំងដូសទី២គ្រប់ៗគ្នា តាម ការកំណត់។លោកឧត្តមសេនីយ៍ត្រី យឹម សាវុធ ប្រធានក្រុមការងារចាក់វ៉ាក់សាំងបង្ការជំងឺកូវីដ-១៩ ប្រចាំការ នៅសាលាបឋមសិក្សាចាក់អង្រែលើ បានប្រាប់BTV នៅព្រឹកថ្ងៃទី១៧ ខែឧសភានេះថា សម្រាប់ដូសទី១ នៅតាំងនេះ បានចាប់ផ្តើមតាំងពីថ្ងៃទី១ រហូតដល់ថ្ងៃទី១៣ ខែឧសភានេះ ដោយមានពលរដ្ឋជាង២ម៉ឺន នាក់ បានមកចាក់ គឺលើសផែនការចំនួនជាង៣ពាន់នាក់ ដែលមានទាំងកម្មករ កម្មការិនី និងជនបរទេស ផងដែរ។ សម្រាប់ដូសទី២ បានចាប់ផ្តើមតាំងពីថ្ងៃទី១៦ ខែឧសភានេះតទៅ។ការចាក់វ៉ាក់សាំងកូវីដ-១៩ គឺជាមធ្យោបាយមួយ ក្នុងចំណោមវិធានការសុខាភិបាលចាំបាច់ដទៃ ទៀត ដែលនឹងបង្ការការរាតត្បាត ការចម្លងជំងឺកូវីដ-១៩ និងកាត់បន្ថយផលប៉ះពាល់ នៃជំងឺកូវីដ-១៩ ទៅ លើវិស័យសេដ្ឋកិច្ច និងសង្គម។គិតចាប់ពីថ្ងៃទី១០ ខែកុម្ភៈ រហូតដល់ថ្ងៃទី១៦ ខែឧសភា ឆ្នាំ២០២១ ក្រសួងសុខាភិបាល និង ក្រសួងការពារជាតិ បានចាក់វ៉ាក់សាំងជូនពលរដ្ឋដូសទី១ បានជាង២លាននាក់ និងដូសទី២ បានចំនួន ជាង១លាន ១សែននាក់។បច្ចុប្បន្ន កម្ពុជា មានវ៉ាក់សាំងបង្ការជំងឺកូវីដ-១៩ សរុបចំនួនជាង៥លានដូសហើយ ដែលបាននឹង កំពុងប្រើប្រាស់ ក្នុងនោះ ១លាន ៧០ម៉ឺនដូស ប្រភេទ Sinopham ជាជំនួយរបស់ចិន ៣២ម៉ឺន៤ពាន់ដូស ប្រភេទ COVI-Shield ជាជំនួយតាមរយៈមជ្ឈមណ្ឌលកូវ៉ាក់ ក្រោមកិច្ចសម្របសម្រួលពីអង្គការសុខភាព ពិភពលោក និងវ៉ាក់សាំងប្រភេទ Sinovac ចំនួន៣លានដូស ជាការបញ្ជាទិញរបស់រដ្ឋាភិបាលកម្ពុជា ពី ប្រទេសចិន៕អត្ថបទ៖ ទូច សោភ័ណ

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី បានឧបត្ថម្ភថវិកាបន្ថែមចំនួន ២៤៩០លានរៀល (២,៤៩០,០០០,០០០រៀល) ជូនទៅបណ្តាខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត ដើម្បីរៀបចំាចាត់ចែងធ្វើចត្តាឡីស័ក ចាប់ពីថ្ងៃទី១៦ រហូតដល់ថ្ងៃទី២២ ខែឧសភា ឆ្នាំ២០២១។ បើយោងតាមការបញ្ជាក់របស់លោកជំទាវ វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជាប្រធានក្រុមការងារប្រតិបត្តិការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធ នឹងជំងឺកូវីដ-១៩ ប្រាប់BTV ព័ត៌មាននារសៀលថ្ងៃទី១៧ ខែឧសភា ឆ្នាំ២០២១នេះថា ដោយទទួលបានការយកចិត្តទុកដាក់ខ្ពស់ពីសម្តេចតេជោ ហ៊ុន សែន និងទទួលបានការឧបត្ថម្ភថវិកាបន្ថែម ជូនបណ្តាខេត្តចំនួន២២ ដូចខាងក្រោម១.ខេត្តបាត់ដំបង ទទួលបានថវិកា២៨០លានរៀល២.ខេត្តបន្ទាយមានជ័យ ទទួលបានថវិកា២៧០លានរៀល៣.ខេត្តឧត្តរមានជ័យ ទទួលបានថវិកា ៥០លានរៀល៤.ខេត្តប៉ៃលិន ទទួលបានថវិកា ៥០លានរៀល៥.ខេត្តកោះកុង ទទួលបានថវិកា ១០លានរៀល៦.ខេត្តពោធិ៍សាត់ ទទួលបានថវិកា ៣៥០លានរៀល៧.ខេត្តព្រះវិហារ ទទួលបានថវិកា ៣០លានរៀល៨.ខេត្តកណ្តាល ទទួលបានថវិកា ១៨០លានរៀល៩.ខេត្តស្វាយរៀង ទទួលបានថវិកា ៥០លានរៀល១០.ខេត្តព្រៃវែង ទទួលបានថវិកា ១៥០លានរៀល១១.ខេត្តត្បូងឃ្មុំ ទទួលបានថវិកា ៦០លានរៀល១២.ខេត្តក្រចេះ ទទួលបានថវិកា ១០លានរៀល១៣.ខេត្តរតនគិរី ទទួលបានថវិកា ៣០លានរៀល១៤.ខេត្តតាកែវ ទទួលបានថវិកា ៨០លានរៀល១៥.ខេត្តកំពង់ចាម ទទួលបានថវិកា ១៥០លានរៀល១៦.ខេត្តកំពង់ឆ្នាំង ទទួលបានថវិកា ១៣០លានរៀល១៧.ខេត្តកែប ទទួលបានថវិកា ១០លានរៀល១៨.ខេត្តកំពង់ស្ពឺ ទទួលបានថវិកា ២៧០លានរៀល១៩.ខេត្តកំពង់ធំ ទទួលបានថវិកា ១០០លានរៀល២០.ខេត្តស្ទឹងត្រែង ទទួលបានថវិកា ១០លានរៀល២១.ខេត្តព្រះសីហនុ ទទួលបានថវិកា ១០០លានរៀល២២.ខេត្តសៀមរាប ទទួលបានថវិកា ១២០លានរៀល។ ដោយឡែកសម្រាប់ខេត្តជាប់ព្រំដែនកម្ពុជា-ថៃ-វៀតណាម ទាំង២២ខេត្តនេះ មានអ្នកកំពុងធ្វើចត្តាឡីស័ក ចំនួនសរុប ៦៦៨៨៨នាក់៕អត្ថបទ ៖ អត្ថបទ រដ្ឋា

តំបន់ក្រហមនៅភ្នំពេញ នឹងរួមតូចបន្ថែមទៀត មកត្រឹមបិទខ្នងផ្ទះ ឬអគារ

ភ្នំពេញ ៖ អាជ្ញាធររាជធានី នឹងបង្រួមតំបន់ក្រហមឱ្យកាន់តែនៅតូចបន្ថែមទៀត រហូតតាមខ្នងផ្ទះ តាមអគារ ឬនៅតាមខុនដូរ នៅថ្ងៃ១៩ ខែឧសភានេះ ដើម្បីផ្តាច់ ឬសគល់នៃជំងឺកូវីដ-១៩។អាជ្ញាធររាជធានីភ្នំពេញ គ្រោងនឹងបង្រួមតំបន់ក្រហម ដែលជាតំបន់មានហានិភ័យខ្ពស់នៃការរីករាលដាលជំងឺកូវីដ-១៩ មកនៅទំហំតូចជាងមុន រហូតដល់តាមខ្នងផ្ទះ អគារ ឬនៅតាមខុនដូរ ហើយការងារនេះ អាជ្ញាធររាជធានីភ្នំពេញ នឹងចាប់ផ្តើមអនុវត្តនៅថ្ងៃ១៩ ខែឧសភា ខាងមុខនេះ ដើម្បីផ្តាច់ឬសគល់កូវីដ-១៩ ។ ទោះបីជាយ៉ាងណាក្តីវិធានការការពាររបស់ក្រសួងសុខាភិបាល ពិសេសការអនុវត្ត៣កុំ និង៣ការពារ ត្រូវតែបន្តអនុវត្តឱ្យបានម៉ឺងម៉ាត់បំផុត។ នេះបើតាមការបញ្ជាក់របស់ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ ក្នុងកិច្ចប្រជុំ តាមរយៈ video conference ជាមួយអភិបាលខណ្ឌទាំង១៤ នាព្រឹកថ្ងៃទី១៧ ខែឧសភា ឆ្នាំ២០២១ ដើម្បីពិនិត្យ ពិភាក្សា និងកំណត់ទីតាំងឱ្យបានច្បាស់លាស់ ពាក់ព័ន្ធនឹងការបង្រួមតំបន់ក្រហមឱ្យនៅតូចរហូតនៅត្រឹមតាមខ្នងផ្ទះ តាមអគារ ឬនៅតាមខុនដូរ ក្រោយការអនុវត្តសេចក្ដីសម្រេចនៅថ្ងៃ១៩ ខែឧសភាខាងមុខនេះ។ឯកឧត្ដម ឃួង ស្រេង មានប្រសាសន៍ថា ទីតាំងតំបន់ក្រហម ម្ចាស់មូលដ្ឋានត្រូវតែទទួលខុសត្រូវ អនុវត្តឱ្យបានម៉ឺងម៉ាត់បំផុត ជៀសវាងការនាំជំងឺកូវីដ-១៩ពីតំបន់ក្រហមនេះ ទៅទីតាំងគេផ្សេងទៀត សុខចិត្តឈឺចាប់នៅក្នុងមូលដ្ឋានរបស់យើង កុំឱ្យបន្តការឈឺចាប់ទៅមូលដ្ឋានគេផ្សេង។ឯកឧត្ដម ឃួង ស្រេង អភិបាលរាជធានីក៏បានបញ្ជាក់ផងដែរថា ចំពោះទីតាំងដែលបិទខ្ទប់ អាជ្ញាធរខណ្ឌត្រូវមើលការខុសត្រូវឱ្យបានម៉ត់ចត់បំផុត ទាំងបញ្ហាសុខភាពប្រជាពលរដ្ឋ និងស្បៀងអាហារ ព្រោះថាស្បៀងមានគ្រប់គ្រាន់ មិនខ្វះចែកជូនប្រជាពលរដ្ឋនោះទេ។ ចំពោះការងារដែលត្រូវអនុវត្តនៅថ្ងៃទី១៩ ខែឧសភា ខាងមុខ គឺការបង្រួមតំបន់ក្រហមមកនៅតូចជាងមុន មកនៅត្រឹមតាមខ្នងផ្ទះ តាមអគារ ឬនៅតាមខុនដូ ដូច្នេះសូមតាមមូលដ្ឋានធ្វើការណែនាំ និងផ្សព្វផ្សាយឱ្យប្រជាពលរដ្ឋ ប្រកាន់ខ្ជាប់នូវវិធានការការពាររបស់ក្រសួងសុខាភិបាល ពិសេសគឺការអនុវត្ត ៣កុំ និង៣ការពារ៕អត្ថបទ ៖ ប្រាក់ វ៉ាន់ដា

សម្តេច សាយ ឈុំ ផ្ដល់អំណោយដល់សមាគមចលនាវប្បធម៌ជាតិដើម្បីកុមារកំព្រាកុមារក្រីក្រក្នុងវិបត្តិកូវីដ

ភ្នំពេញ ៖ អំណោយជាថវិកា និងស្បៀងអាហារមួយចំនួនរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភាសភា និងលោកជំទាវ បានប្រគល់ជូនសមាគមចលនាវប្បធម៌ជាតិ ដើម្បីកុមារកំព្រា កុមារក្រីក្រ ដើម្បីជួយសម្រួលក្នុងជីវភាពរស់នៅប្រចាំថ្ងៃ ក្នុងអំឡុងពេលនៃវិបត្តិការរាតត្បាតជំងឺកូវីដ១៩ ។ពិធីប្រគល់ និងទទួល នាព្រឹកថ្ងៃទី១៧ខែឧសភានេះ នៅវិមានព្រឹទ្ធសភា ឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា បាននាំមកនូវប្រសាសន៍ផ្ញើផ្សាំការសួរសុខទុក្ខពីសម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងសមាជិក សមាជិកាព្រឹទ្ធសភា ផ្ញើជូនបងប្អូន និងក្មួយរស់នៅក្នុងសមាគមចលនាវប្បធម៌ជាតិ ដើម្បីកុមារកំព្រា កុមារក្រីក្រ ប្រកបដោយក្តីនឹករលឹក។ឯកឧត្តម អគ្គលេខាធិការព្រឹទ្ធសភា បានបន្តអំពាវនាវដល់ប្រជាពលរដ្ឋអនុវត្តវិធានការសុខាភិបាល ឱ្យបានខ្ជាប់ខ្ជួនមិនគួរធ្វេសប្រហែសឡើយ ពីព្រោះថាជំងឺកូវីដ-១៩ នៅតែបង្កហានិភ័យខ្ពស់ដដែលនៅកម្ពុជាក៏ដូចជាពិភពលោកទំាងមូល បើទោះបីជាពេលនេះ រាជរដ្ឋាភិបាលបានបញ្ចប់វិធានការបិទខ្ទប់នៅរាជធានីភ្នំពេញ និងក្រុងតាខ្មៅ ខេត្តកណ្តាល យ៉ាងណាក្តី។ ដូច្នេះ ត្រូវប្រកាន់ខ្ជាប់នូវវិធាន ៣ការពារ ៣កុំ និង២ចូលរួម ដើម្បីទប់ស្កាត់ និងកាត់ផ្តាច់ការឆ្លងរីករាលដាលជំងឺកូវីដ-១៩ ក្នុងព្រឹត្តិការណ៍ “សហគមន៍ ២០កុម្ភៈ”។ អំណោយដែលផ្តល់ជូននាឱកាសនោះរួមមាន ៖ មី២០កេស ត្រីខកំប៉ុង ០២កេសធំ ទឹកត្រី១០យូរ ទឹកស៊ីអ៊ីវ១០យូរ អង្ករ៥០០គីឡូក្រាម និងថវិកាមួយលានរៀល៕

បណ្ដាញសង្គម

ព័ត៌មានថ្មីៗ

មន្ត្រី៖ មានឱកាសខ្ពស់ ដែលកម្មករជាប់ក្នុងរោងចក្រវារីអគ្គិសនីរបស់នេប៉ាល់ នៅមានជីវិត

អេស្តូនីជ្រើសរើសមន្ត្រីទទួលពាក្យបណ្ដឹងពលរដ្ឋ លោកស្រី Madise ជាប្រធានាធិបតីបន្ទាប់របស់ប្រទេស

លោក Tusk ព្រមានថា ប៉ុន្មនានខែខាងមុខ អាចសម្រេចអនាគតរបស់អ៊ុយក្រែន និងសន្តិសុខរបស់អឺរ៉ុប

មនុស្ស ១០នាក់បាត់ខ្លួន ខណៈនាវាដឹកទំនិញទួរគីលិច បន្ទាប់ពីបុកគ្នានៅឆ្នេរសមុទ្រក្បែរទីក្រុងអ៊ីស្តង់ ប៊ុល

រដ្ឋមន្ត្រីការបរទេស៖ ក្រសួងការបរទេសអាល្លឺម៉ង់កោះអញ្ជើញបេសកជនរុស្ស៊ីជុំវិញឧប្បត្តិហេតុដ្រូននៅទីក្រុង Leipzig

សារព័ត៌មាន៖ អ៊ីស្រាអែលនឹងវាយប្រហារទីតាំងនុយក្លេអ៊ែររបស់អ៊ីរ៉ង់ ប្រសិនបើទីក្រុងតេអេរ៉ង់បង្កើនភាពតានតឹង

លោក Putin បញ្ជាក់ថា រុស្ស៊ីកំពុងជោគជ័យ នៅសមរភូមិ ហើយនឹងមិនចរចាជាមួយ «ភេរវករ» ទេ

របាយការណ៍៖ ការរីកចម្រើនមីស៊ីលរបស់អ៊ីរ៉ង់ធ្វើឲ្យមូលដ្ឋានទ័ពអាមេរិកនៅទូទាំងមជ្ឈិមបូព៌ា ស្ថិតនៅក្រោមសម្ពាធកាន់តែខ្លាំងឡើង

លោក Trump បញ្ជាក់ថា មិនបង្ខំអ៊ីរ៉ង់ឱ្យចូលតុចរចា និងអំពាវនាវឱ្យប្រជាជនអ៊ីរ៉ង់ «ក្រោកតស៊ូ»

ក្រសួងអធិការកិច្ច បង្ហាញសមិទ្ធផលក្នុងនីតិកាលទី៧ នៃរដ្ឋសភា គិតត្រឹមឆមាសទី១ ឆ្នាំ២០២៦ ដោយបានចុះធ្វើអធិការកិច្ច ២,៨០៧ អង្គភាព និងដោះស្រាយបណ្តឹងបញ្ចប់ ១៨៨ ករណី ក្នុងឱកាសជួបពិភាក្សាការងារជាមួយគណៈកម្មការទី១ នៃរដ្ឋសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

រោងចក្រធំជាងគេនៅស្រុកកណ្ដាលស្ទឹង បានបើកដំណើរការជាថ្មី ក្រោយផ្អាកដំណើរការជាង១០ថ្ងៃ

ស.ស.យ.ក ស្នើយុវជនរួបរួមគ្នា ដើម្បីផលប្រយោជន៍ជាតិជាចម្បង

អំណោយ និងសម្ភារៈមួយចំនួនរបស់លោកជំទាវកិត្តិសង្គហបណ្ឌិត ម៉ែន សំអន ត្រូវបានប្រគល់ជូនមន្ទីរពេទ្យហ្លួងម៉ែ

អាជ្ញាធរខណ្ឌទួលគោក អនុញ្ញាតបើកទីតាំងធ្វើចត្តាឡីស័ក ឲ្យដំណើរការឡើងវិញចំនួន ៣ទីតាំង

គ្រូពេទ្យស្នើឱ្យអាជ្ញាធរមូលដ្ឋានផ្សព្វផ្សាយដល់ពលរដ្ឋឱ្យមកចាក់វ៉ាក់សាំងដូសទី២ តាមការកំណត់

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត

តំបន់ក្រហមនៅភ្នំពេញ នឹងរួមតូចបន្ថែមទៀត មកត្រឹមបិទខ្នងផ្ទះ ឬអគារ

សម្តេច សាយ ឈុំ ផ្ដល់អំណោយដល់សមាគមចលនាវប្បធម៌ជាតិដើម្បីកុមារកំព្រាកុមារក្រីក្រក្នុងវិបត្តិកូវីដ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

រោងចក្រ​ធំ​ជាងគេ​នៅ​ស្រុក​កណ្ដាលស្ទឹង ​បាន​បើក​ដំណើរការ​ជាថ្មី ក្រោយ​ផ្អាក​ដំណើរការ​ជាង​១០​ថ្ងៃ

ស​.​ស​.​យ​.​ក ស្នើ​យុវជន​រួបរួមគ្នា ដើម្បី​ផលប្រយោជន៍​ជាតិ​ជា​ចម្បង​

អាជ្ញាធរខណ្ឌទួលគោក​ អនុញ្ញាត​បើក​ទីតាំង​ធ្វើចត្តាឡីស័ក ​ឲ្យ​ដំណើរការឡើងវិញចំនួន ៣ទីតាំង

សម្តេចតេជោ ហ៊ុន សែន ឧបត្ថម្ភ​ថវិកា ជូនទៅខេត្តជាប់ព្រំដែនកម្ពុជា-ថៃ ​និងវៀតណាម ចំនួន២២ខេត្ត

តំបន់​ក្រហម​នៅ​ភ្នំពេញ​ នឹង​រួម​តូច​បន្ថែមទៀត ​មក​ត្រឹម​បិទ​ខ្នង​ផ្ទះ ឬ​អគារ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

រោងចក្រធំជាងគេនៅស្រុកកណ្ដាលស្ទឹង បានបើកដំណើរការជាថ្មី ក្រោយផ្អាកដំណើរការជាង១០ថ្ងៃ

ស.ស.យ.ក ស្នើយុវជនរួបរួមគ្នា ដើម្បីផលប្រយោជន៍ជាតិជាចម្បង

អាជ្ញាធរខណ្ឌទួលគោក អនុញ្ញាតបើកទីតាំងធ្វើចត្តាឡីស័ក ឲ្យដំណើរការឡើងវិញចំនួន ៣ទីតាំង

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត

តំបន់ក្រហមនៅភ្នំពេញ នឹងរួមតូចបន្ថែមទៀត មកត្រឹមបិទខ្នងផ្ទះ ឬអគារ