នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងពិធីបើកការដ្ឋានសាងសង់ស្ពានឆ្លងកាត់ទន្លេបាសាក់ ចាក់អង្រែក្រោម-ព្រែកប្រា

2024/02/19 09:40:05 am        165
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី១៩ ខែកុម្ភៈ ឆ្នាំ២០២៤ បានអញ្ជើញជាអធិបតីក្នុងពិធីបើកការដ្ឋានសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) ប្រវែងជាង ៨០០ម៉ែត្រ។ ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ ស្ពានឆ្លងកាត់ទន្លេបាសាក់(ចាក់អង្រែក្រោម-ព្រែកប្រា) ជាប្រភេទស្ពាន ដែលអនុញ្ញាតឱ្យរថយន្តបើកឆ្លងកាត់ចំនួន ២ ខ្សែទៅ ២ ខ្សែមក។-សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បញ្ជាឱ្យឯកឧត្តម ឃួង ស្រេង អភិបាលរាជធានីភ្នំពេញពិនិត្យលទ្ធភាពជាមួយវិស័យឯកជន និងប្រជាពលរដ្ឋម្ចាស់ដី ដើម្បីអាចបើកផ្លូវត្រង់ចំណុចស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) ដោយធ្វើយ៉ាងណាអាចឱ្យពលរដ្ឋធ្វើដំណើរត្រង់ទៅចំផ្លូវជាតិលេខ១តែម្ដង ដើម្បីផ្ដល់ភាពកាន់តែងាយស្រួលក្នុងការធ្វើដំណើររបស់ប្រជាពលរដ្ឋ។-សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ការតភ្ជាប់ហេដ្ឋារចនាសម្ព័ន្ធ ស្ពាន ផ្លូវ គឺបាន ជួយឱ្យការធ្វើដំណើរប្រជាពលរដ្ឋកាន់តែងាយស្រួល កាត់បន្ថយចំណាយ និងកាត់បន្ថយពេលវេលាធ្វើដំណើរ បង្រួមខេត្តក្រុងឱ្យកាន់តែជិតគ្នា។-សម្ដេចធិបតី ហ៊ុន ម៉ាណែត ថ្លែងថា តាមរយៈកំណើន ហេដ្ឋារចនាសម្ព័ន្ធ ផ្លូវ ស្ពាននៅទូទាំងប្រទេសកម្ពុជា បានចូលរួមរុញកំណើន រោងចក្រ សហគ្រាស ជាច្រើនទៅដល់បណ្ដាខេត្ត បង្កើនការងារ និងមុខរបរជាច្រើនដល់ប្រជាពលរដ្ឋនៅទូទាំងប្រទេស។-សម្ដេចធិបតី ហ៊ុន ម៉ាណែត បញ្ជាក់ថា គោលនយោបាយកសាងហេដ្ឋារចនាសម្ព័ន្ធ ផ្លូវ ស្ពាន គឺជាអាទិភាពទីពីរដែលរាជរដ្ឋាភិបាលបានយកចិត្តទុកដាក់ និងដាក់ចេញក្នុងគោលនយោបាយ និងយុទ្ធសាស្រ្ដជាតិ បន្ទាប់ពីមនុស្ស។-សម្ដេចធិបតី ហ៊ុន ម៉ាណែត នាយករដ្ឋមន្រ្ដីថ្លែងថា គម្រោងសាងសង់ស្ពានពីផ្សារចាស់ទៅអរិយក្សត្រ និងស្ពានដែលធំជាងគេនៅខេត្តក្រចេះ ពេលនេះកំពុងសិក្សាដើម្បីឈានទៅធ្វើការសាងសង់នាពេលខាងមុខ។-សម្ដេចធិបតី ហ៊ុន ម៉ាណែត៖ ស្ពានដែលឆ្លងកាត់ទន្លេធំៗនៅកម្ពុជា មាន ១៩ បានសាងសង់រួច, ៣ កំពុងធ្វើ និង ៣ ទៀតកំពុងសិក្សាសាងសង់។-សម្ដេចធិបតី ហ៊ុន ម៉ាណែត ថ្លែងថា ការបង្កើនការស្ថាបនាហេដ្ឋារចនាសម្ព័ន្ធ ផ្លូវ ស្ពាន គឺដោយសារមានកំណើនប្រជាជន និងសេដ្ឋកិច្ចជាតិ រីកចម្រើន ដែលទាមទារឱ្យមានការពង្រីកការសាងសង់បន្ថែម។-សម្ដេចធិបតី បានបញ្ជាក់ថា បច្ចុប្បន្នប្រជាពលរដ្ឋនៅក្នុងរាជធានីភ្នំពេញ គិតទាំងប្រជាពលរដ្ឋរស់នៅអចិន្រ្ដៃយ៍ និងប្រជាពលរដ្ឋមកប្រកបការងារពីបណ្ដាខេត្តសរុបមានជាង ៣ លាននាក់ ដូច្នេះការដោះស្រាយបញ្ហាចរាចរណ៍គឺត្រូវគិតគូរមិនអាចរងចាំបានទេ។-សម្ដេចធិបតី ហ៊ុន ម៉ាណែត បញ្ជាក់ថា បញ្ហាចរាចរណ៍នេះ ត្រូវបានគិតគូរតាំងពីអាណត្តិមុនដោយសម្ដេចតេជោ ហ៊ុន សែន ដូច្នេះមិនត្រូវរងចាំទៀតទេគឺត្រូវការដោះស្រាយបញ្ហនេះតាមរយៈការបង្កើនសមត្ថភាពមធ្យោបាយដឹកជញ្ជូនសាធារណៈ, ការបើកផ្លូវក្រវាត់ក្រុង និងមធ្យោបាយក្រោមដី (រថភ្លើងក្រោមដី) និងលើអាកាស (រថភ្លើងលើអាកាស)។-សម្ដេចធិបតី ហ៊ុន ម៉ាណែត៖ កន្លងមក ចិនបានជួយសាងសង់ស្ពានធំៗឆ្លង កាត់ទន្លេនៅកម្ពុជា បានចំនួន ១៦ ស្ពានរួចហើយ។-សម្ដេចធិបតី៖ ចិន គឺជាប្រទេសដែលឈរនៅលំដាប់ទី១ ដែលបានផ្ដល់ឥណទាន និងជំនួយផ្សេងៗ ដើម្បីជំរុញការសាងសង់ហេដ្ឋារចនាសម្ពន្ធ(ស្ពាន, ផ្លូវ,...)នៅកម្ពុជា។-សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានប្រកាសឱ្យត្រៀមមធ្យោបាយដឹកជញ្ជូន និងទឹកសុទ្ធ សម្រាប់ជូនបងប្អូនប្រជាពលរដ្ឋធ្វើដំណើរទៅលេងស្រុកកំណើត ក្នុងឱកាសពិធីបុណ្យចូលឆ្នាំថ្មីប្រពៃណីជាតិខែ្មរនាពេលខាងមុខ។-សម្ដេចធិបតី នាយករដ្ឋមន្រ្ដី បានបញ្ជាក់ថា កម្ពុជាមិនអាចអត់ឱនឱ្យបានទេ ចំពោះជនជាតិចិនតៃវ៉ាន់ពីរនាក់ ដែលបានផលិតមាតិកាវីដេអូប្រឌិត ធ្វើឱ្យខូចមុខមាត់ និង​កិត្តិយស​កម្ពុជា តាមរយៈការផលិតវីដូ ចាប់ជំរិត និងវីដេអូប្រឌិតជាច្រើនទៀត ដូច្នេះមិនអាចឱ្យមានការអន្តរាគមន៍ជាដាច់ខាត។-សម្ដេចធិបតីព្រមានដល់ក្រុមអ្នកផលិតមាតិកាវីដេអូផ្សេងៗ ដែលធ្វើឱ្យប៉ះពាល់មុខមាត់កម្ពុជា ត្រូវបញ្ឈប់សកម្មភាពជាបន្ទាន់ បើមិនដូច្នេះទេ កម្ពុជានឹងអនុវត្តច្បាប់យ៉ាងតឹងរ៉ឹងចំពោះករណីនេះ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី បានព្រមានដល់ពលរដ្ឋនៅប្រទេសផ្សេងទៀត ដែលមានបំណងចង់យកកម្ពុជា ដើម្បីធ្វើអាជីវកម្មផ្ទាល់ខ្លួន នឹងត្រូវចាប់ដាក់ឃុំខ្លួន ក្នុងពន្ធនាគារចំនួន ២ ឆ្នាំ បន្ទាប់មកបណ្ដេញចេញពីកម្ពុជា ហើយនឹងត្រូវដាក់ក្នុងបញ្ជីខ្មៅ មិនឱ្យចូលមកកម្ពុជាមួយជីវិត ថែមទៀត។-សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បញ្ជាឱ្យបន្តការត្រួតពិនិត្យ និងរឹតបន្ដឹងច្បាប់ចរាចរណ៍បន្ថែមទៀត ជាពិសេសករណីត្រួតពិនិត្យគ្រឿងស្រវឹងនៅតាមរាជធានី ខេត្ត។ - សម្ដេចស្នើឱ្យប្រជាពលរដ្ឋស្វ័យម្ចាស់ការលើការបើកបរ ត្រូវបើកបរដោយប្រុងប្រយ័ត្ន។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ចំនួនអ្នកស្លាប់ដោយបញ្ហាចរាចរណ៍នៅកម្ពុជា បច្ចុប្បន្ន ច្រើនជាងអ្នកស្លាប់ដោយសង្គ្រាម និងគ្រាប់មីនទៅទៀត។-សម្ដេចធិបតី ហ៊ុន ម៉ាណែត ស្នើដល់អ្នកបើកបរបង្កគ្រោះថ្នាក់ចរាចរណ៍ កុំគេចវេះ និងត្រូវចូលខ្លួនមកទទួលខុសត្រូវលើកំហុសរបស់ខ្លួន។-សម្ដេចធិបតី ហ៊ុន ម៉ាណែត នាយករដ្ឋមន្ត្រី បានអំពាវនាវដល់អ្នកបើកបរយានយន្តទាំងអស់ សូមបើកបរគោរពតាមច្បាប់ចរាចរណ៍ ដើម្បីបញ្ចៀសកុំឱ្យមានទុក្ខសោកដល់ក្រុមគ្រួសារអ្នកដទៃ បញ្ជៀសកុំឱ្យអ្នកដទៃស្រក់ទឹកភ្នែក ដោយសារការបើកបរមិនគោរពច្បាប់។

យុវជនសង្គមស៊ីវិល និងក្រុមសេដ្ឋកិច្ចក្រៅប្រព័ន្ធថ្កោលទោស​ចំពោះទង្វើគំរាមកំហែង​ដល់អង្គបោះឆ្នោត ធ្វើឡើងដោយគណបក្សភ្លើងទៀន

2024/02/16 02:45:04 pm        399
Facebook Telegram Linkin
ភ្នំពេញ៖ ក្រុមយុវជនសង្គមស៊ីវិលតាមបណ្តាខេត្ត-រាជធានី និងក្រុមសេដ្ឋកិច្ចក្រៅប្រព័ន្ធ នៅថ្ងៃទី១៦ ខែកុម្ភៈ ឆ្នាំ២០២៤នេះ បានចេញ​លិខិត​ថ្កោល​ទោស​ចំពោះ​ទង្វើ​គំរាម​កំហែង​ដល់​អង្គ​បោះឆ្នោតដែលធ្វើឡើងដោយគណបក្សភ្លើងទៀន។ ក្រុមយុវជន​សង្គមស៊ីវិល បានលើកឡើងថា ពួកគេបាន​តាម​ដាន​អំពី​ស្ថានការ​ក្នុង​ការ​ឃោសនា​ការ​បោះឆ្នោត​ជ្រើស​តាំង​សមាជិកព្រឹទ្ធសភា នីតិកាលទី៥ យ៉ាងយកចិត្តទុកដាក់ក្នុងនោះ ក្នុង​នាម​យុវជន​សង្គម​ស៊ីវិល និងក្រុមសេដ្ឋកិច្ចក្រៅប្រព័ន្ធ បានកោត​សរសើរ​ដល់​គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) និង​ស្ថាប័ន​ពាក់ព័ន្ធ​ដែល​បាន​យក​ចិត្តទុកដាក់​ក្នុង​ការ​រៀបចំ​ដំណើរ​ការ​ឃោសនាបោះឆ្នោត និងសម្រ​ប​សម្រួល​ដើម្បី​ធានា​បាន​ថា​ការបោះឆ្នោត​ព្រឹទ្ធ​សភា នីតិកាលទី៥ បានប្រព្រឹត្តទៅដោយសេរី យុត្តិធម៌ ស្របតាមគោលការណ៍លទ្ធិប្រជាធិបតេយ្យ សេរី​ពហុបក្ស។ក្រុមយុវជនលើកឡើងថា ប៉ុន្តែជា​អកុសលម្តង​ហើយ​ម្តង​ទៀត​មាន​គណបក្ស​នយោបាយ​មួយ​ដែល​គ្មាន​បញ្ជី​បេក្ខជនឈរឈ្មោះបោះឆ្នោតព្រឹទ្ធសភា សម្រាប់អាណត្តិនេះ បាន​និង​កំពុង​ធ្វើ​សកម្មភាព​ញុះញង់​ដល់ស​មាជិកក្រុមប្រឹក្សា ឃុំ-សង្កាត់ ដែលជាអង្គបោះឆ្នោតទៅវិញ។ ទង្វើ​គំរាម​កំហែង​លើអង្គបោះឆ្នោត បង្គាប់បញ្ជាឲ្យបោះឆ្នោត ជូនគណបក្សនេះ ឬគណបក្សនោះ ស​បញ្ជាក់​ថា​ជា​កា​រ​រំលោភ លើសិទ្ធិ​ក្នុងការសម្រេចចិត្តរបស់អង្គបោះឆ្នោត រំលោភ​លើ​ការ​សម្ងាត់​នៃ​បោះឆ្នោត និងធ្វើឱ្យបាត់ទំនុកចិត្តលើការបោះឆ្នោតជាដើម។ ក្រុមយុវជន​សង្គមស៊ីវិល និងក្រុមសេដ្ឋកិច្ចក្រៅប្រព័ន្ធ ចាត់ទុកថា សកម្មភាពគំរាម​កំហែង​របស់​គណបក្សនោះ​ជា​ទង្វើមិនគប្បី និងផ្ទុយពីគោលការណ៍នៃច្បាប់ និងរំលោភបំពាន​ដល់​សិទ្ធិ​បោះឆ្នោត​ជ្រើស​រើសសមាជិកព្រឹទ្ធសភា ដែលធានាដោយរដ្ឋធម្មនុញ្ញនៃព្រះរាជាណាចក្រកម្ពុជា និង​ច្បាប់​ស្តីពី​ការ​បោះឆ្នោត​ជ្រើសតាំង​សមាជិក​ព្រឹទ្ធសភា​ព្រម​ទាំង​លិខិត​បទដ្ឋាន​គតិយុត្ត​ពាក់ព័ន្ធ​ផ្សេងៗ​ទៀត​។ ក្រុមយុវជនសង្គមស៊ីវិលប្រកាសថ្កោលទោសយ៉ាងដាច់អហង្ការចំពោះអ្នកនយោបាយ បុគ្គល ឬ​ក្រុម​ណា​មួយ​ដែលមានចិត្តគំនិតបំបែកបំបាក់ និងធ្វើឱ្យប្រទេសជាតិកម្ពុជា អស្ថិរភាព អសន្តិសុខ និង​អណាធិបតេយ្យ។ ក្រុមយុវជនគាំទ្រដល់ស្ថាប័នពាក់ព័ន្ធ ពិសេសក្រសួងមហាផ្ទៃ និង គ.ជ.ប ចាត់​វិធានចំពោះគណបក្សនយោបាយឬបុគ្គលជ្រុលនិយមទាំងអស់នោះ ដើម្បី​ធានា​ដល់​ការ​បោះឆ្នោត​ជ្រើសតាំងសមាជិកព្រឹទ្ធសភានីតិកាលទី៥ ដែលនឹងប្រព្រឹត្តទៅថ្ងៃទី ២៥ ខែកុម្ភៈ ឆ្នាំ​២០២៤ ខាមុខនេះ ប្រព្រឹត្តដោយរលូន សេរីភាព រក្សាការសម្ងាត់ និង​ប្រជាធិបតេយ្យ​យ៉ាង​ពិត​ប្រាកដ​៕

ឯកអគ្គរដ្ឋទូតហ្វីលីពីន កោតសរសើរចំពោះវឌ្ឍនភាព និងសមិទ្ធផលជាច្រើន ដែល​រាជរដ្ឋាភិបាល​កម្ពុជាសម្រេចបាន នាពេលកន្លងមក

2024/02/16 02:27:58 pm        274
Facebook Telegram Linkin
នាព្រឹកថ្ងៃទី១៦ ខែកុម្ភៈ ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃ​ព្រះរាជា​ណាចក្រកម្ពុជា បានអនុញ្ញាតឱ្យ លោកជំទាវ ម៉ារៀ អាមេលីតា ស៊ី អាគីណូ (Maria Amelita C. Aquino) ឯកអគ្គរដ្ឋទូត នៃសាធារណរដ្ឋហ្វីលីពីន ប្រចាំព្រះរាជាណាចក្រកម្ពុជា ចូល​ជួប​សម្តែងការគួរសម និងជម្រាបលា។ ក្នុងឱកាសនៃជំនួបនេះ លោកជំទាវ ម៉ារៀ អាមេលីតា ស៊ី អាគីណូ បានថ្លែងអំណរគុណចំពោះ សម្តេចធិបតី ដែលបានឆ្លៀតពេលដ៏មមាញឹកអនុញាតឱ្យរូបលោកជំទាវ និងសហការី ចូលជួប​សម្តែង​ការ​គួរសម និងជម្រាបលា​ក្នុង​ឱកាសដែល​លោក​ជំទាវ​បញ្ចប់អណត្តិការទូតនៅ​ព្រះរាជា​ណា​ចក្រ​​កម្ពុជា​ ។ ព្រមទាំងបានសម្តែងនូវការអបអរសាទរចំពោះ សម្តេចធិបតី ដែលត្រូ​វ​បាន​ជ្រើស​តាំង​ជានាយករដ្ឋមន្រ្តី នៃព្រះរាជាណាចក្រកម្ពុជា។ ជាមួយគ្នានេះដែរ លោកជំទាវ​ឯក​អគ្គ​រដ្ឋទូត ក៏បាន​សម្តែង​នូវ​ការវាយតម្លៃខ្ពស់ចំពោះភាពជោគជ័យរបស់រាជរដ្ឋាភិបាលកម្ពុជាក្នុងការគ្រប់គ្រងប្រយុទ្ធប្រឆាំងនឹងការរីករាលដាល​ នៃជំងឺកូវីដ-១៩ និងបានថ្លែងអំណរគុណចំពោះរាជរដ្ឋាភិបាលកម្ពុជា ដែលបានអនុញ្ញាតឱ្យមានការចាក់វ៉ាក់សាំងបង្ការជំងឺកូវីដ-១៩ ដល់ជនបរទេស ដែលកំពុងស្នាក់នៅ និងធ្វើការនៅក្នុងប្រទេសកម្ពុជាដោយមិនគិតថ្លៃ និងមិនមានការរើសអើង។ លោកជំទាវឯកអគ្គរដ្ឋទូត ក៏បានថ្លែងនូវការកោតសរសើរចំពោះភាពជោគជ័យនៃការរៀបចំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ ព្រឹត្តិការណ៍ស៊ីហ្គេមលើកទី៣២ (32nd SEA Games) និងអាស៊ានប៉ារ៉ាហ្គេមលើកទី១២ (12th ASEAN Para Games) ព្រមទាំងការរួមចំណែកដ៏ធំធេងរបស់កម្ពុជា ក្នុងបេសកកម្មថែរក្សាសន្តិភាពពិភពលោក តាមរយ:ការបញ្ជូនកងកម្លាំងរក្សាសន្តិភាពក្រោមឆ័ត្រអង្គការសហប្រជាជាតិ ផងដែរ។ ទន្ទឹមនឹងនោះ លោកជំទាវក៏បានជម្រាបជូន សម្តេចធិបតី ផងដែរអំពីការបំពេញបេសកកម្មការទូត និងការសម្រេចបាននូវសមិទ្ធផលជាច្រើននៅក្នុងទំនាក់ទំនងនៃកិច្ចសហប្រតិបត្តិការរវាងប្រទេសទាំងពីរក្នុងអាណត្តិការទូតរបស់លោកជំទាវ ជាពិសេសវិស័យពាណិជ្ជកម្ម ការនាំចេញអង្ករពីកម្ពុជាទៅកាន់ប្រទេសហ្វីលីពីន ការលើកកម្ពស់នៃការភ្ជាប់ទំនាក់ទំនងរវាងប្រជាជននិងប្រជាជន កិច្ចសហប្រតិបត្តិការលើវិស័យដោះមីន ទេសចរណ៍ ក៏ដូចជាវិស័យការពារជាតិរវាងកងទ័ព និងកងទ័ព និងការផ្សារភ្ជាប់ទំនាក់ទំនងរវាងធុរកិច្ចនៃប្រទេសកម្ពុជា-ហ្វីលីពីន ផងដែរ។ជាការឆ្លើយតប សម្តេចធិបតី បានស្វាគមន៍ចំពោះវត្តមានរបស់ លោកជំទាវ ម៉ារៀ អ៊ែមើលីតា ស៊ី អាគីណូ និងសហការី និងបានវាយតម្លៃខ្ពស់ចំពោះបេសកកម្មការទូតរបស់ លោកជំទាវ ក្នុងការពង្រឹងនិងពង្រីកកិច្ចសហប្រតិបត្តិការរវាងប្រទេសទាំងពីរ លើវិស័យជាច្រើន។ ពាក់ព័ន្ធទៅនឹងពាណិជ្ជកម្ម សម្ដេចធិបតី បានជំរុញនិងលើកទឹកចិត្តឱ្យមានការភ្ជាប់ទំនាក់ទំនងបន្ថែមទៀតរវាងវិស័យឯកជននិងធុរជន នៃប្រទេសទាំងពីរ។ ដោយឡែក ចំពោះ វិស័យទេសចរណ៍ សម្ដេចធិបតី សង្ឃឹមថា តាមរយៈជំនួបរបស់សម្ដេចជាមួយ ឯកឧត្តមប្រធានាធិបតីហ្វីលីពីន នាពេលកន្លងមក ការតភ្ជាប់លើវិស័យទេសចរណ៍នៃប្រទេសទាំងពីរនឹងកាន់តែរីកចម្រើនបន្ថែមទៀត ជាពិសេសគឺការពង្រីកជើងហោះហើរផ្ទាល់ពីគោលដៅទេសចរណ៍ផ្សេងៗនៅក្នុងប្រទេសហ្វីលីពីនមកកាន់ព្រះរាជាណាចក្រកម្ពុជាបន្ថែមទៀត។ បន្ថែមពីនេះ សម្តេចធិបតី សង្ឃឹមថា កិច្ចសហប្រតិបត្តិការលើវិស័យការពារជាតិ ជាពិសេសរវាងកងទ័ពនៃប្រទេសទាំងពីរ នឹងកាន់តែត្រូវបានបន្តពង្រឹង និងពង្រីកបន្ថែម តាមរយៈការផ្លាស់ប្ដូរបទពិសោធន៍ និងការបណ្ដុះបណ្ដាលធនធានមនុស្ស៕

គ.ជ.ប នឹងដកសិទ្ធិបេក្ខជន និងបក្សនយោបាយណាប្រព្រឹត្ត​អំពើញុះញង់​ដល់​ការឃោសនាបោះឆ្នោត

2024/02/16 01:51:59 pm        357
Facebook Telegram Linkin
អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ថា គ.ជ.ប នឹង​ចាត់​វិធានការ​ច្បាប់​ដោយដកសិទ្ធិបេក្ខជន និងគណបក្សនយោបាយណាដែលបាន​ប្រព្រឹត្ត​អំពើ​ញុះញង់​ដល់​ដំណើរការឃោសនាបោះឆ្នោតជ្រើសតាំងសមាជិកព្រឹទ្ធសភា។បន្ទាប់ពី គ.ជ.ប កត់សម្គាល់ឃើញមាន គណបក្ស​នយោបាយ​ដែល​គ្មាន​បញ្ជី​បេក្ខជន​ឈរ​ឈ្មោះ​បោះឆ្នោត​បាន​ធ្វើសកម្មភាពគំរាមកំហែងសមាជិកក្រុមប្រឹក្សាឃុំ-សង្កាត់ ឯកឧត្តម ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានថ្លែងប្រាប់ BTV នៅថ្ងៃទី១៦ ខែកុម្ភៈនេះថា ក្នុងអំឡុង​យុទ្ធនាការ​ឃោសនាបោះឆ្នោតជ្រើសតាំងសមាជិកព្រឹទ្ធសភា គណបក្សនយោបាយមានសិទ្ធិ និងឱកាស​ទាក់​ទាញអ្នកគាំទ្ររបស់ខ្លួន ដោយផ្អែកលើក្រមសីលធម៌ និងច្បាប់ស្តីពីការ​បោះឆ្នោត​។ ឯកឧត្តម បន្តថា យោងតាមមាត្រា៧១ ចែងថា គ្រប់គណបក្ស​នយោបាយ​ទាំងអស់​មិន​ត្រូវ​ធ្វើ​សកម្មភាព​នយោបាយគំរាមកំហែង បំភិតបំភ័យ លួងលោមអ្នកបោះឆ្នោតឱ្យប្តិតមេដៃ ឬស្បថ ក៏​ដូច​ជា​សន្យា​បោះឆ្នោតឱ្យគណបក្សណាមួយនោះទេ។ អ្នកនាំពាក្យ គ.ជ.ប បញ្ជាក់ថា ក្នុងករណីមានការដាក់ពាក្យបណ្តឹងផ្លូវការ និងមាន​ជា​សកម្ម​ភាព​ញុះញង់ គ.ជ.ប នឹងពិនិត្យហើយចាត់វិធានការច្បាប់ដោយដកសិទ្ធិជាបេក្ខជន ឬគណបក្ស​នយោបាយ​នោះ​ផ្អែកលើហេតុផលបង្កឱ្យប៉ះពាល់ដល់ដំណើរការបោះឆ្នោត។ អ្នកនាំពាក្យរូបនេះបញ្ជាក់ទៀតថា គិតមកទល់ពេលនេះ គ.ជ.ប មិនទាន់​ទទួល​បាន​ពាក្យ​បណ្តឹង​ណាមួយ​ជា​ផ្លូវការនៅឡើយទេ ប៉ុន្តែ គ.ជ.ប ស្វាគមន៍ទទួល​រាល់​ពាក្យ​បណ្តឹង​ពាក់ព័ន្ធ​ចាប់​ពី​ពេល​នេះ​តទៅ​រហូតដល់ថ្ងៃបិទយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា។តាម​រយៈសេចក្តីថ្លែងការណ៍របស់ គ.ជ.ប កាលពីថ្ងៃទី១៥ ខែកុម្ភៈម្សិលមិញនេះ បានចាត់​ទុក​សកម្ម​ភាព​អំពើញុះញង់ដល់ដំណើរការឃោសនាបោះឆ្នោតជ្រើសតាំងសមាជិកព្រឹទ្ធសភានេះ ជា​ការ​រំលោភសិទ្ធិក្នុងការសម្រេចចិត្តរបស់អ្នកបោះឆ្នោត រំលោភការសម្ងាត់នៃការបោះឆ្នោត និង​ធ្វើ​ឱ្យ​បាត់​ទំនុកចិត្តលើការបោះឆ្នោត។ទន្ទឹម​គ្នានេះ ក្រសួងមហាផ្ទៃ កាលពីម្សិលមិញ ក៏បាន​ចេញ​សេចក្តី​ប្រកាស​ព័ត៌មាន​ដោយ​ចាត់​ទុក​បញ្ហា​ការ​បង្ខិតបង្ខំ គំរាមកំហែងជាអំពើដែលត្រូវផ្តន្ទាទោសតាមច្បាប់ ដោយសារ​នេះ​ជា​ការ​រំលោភ​បំពាន​ដល់​សិទ្ធិសេរីភាពរបស់អ្នកបោះឆ្នោតនៅក្នុងការសម្រេចចិត្តបោះឆ្នោតរបស់អ្នកបោះឆ្នោត ដែល​ធានាការពារដោយរដ្ឋធម្មនុញ និងច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា ព្រម​ទាំងច្បាប់ និងលិខិតបទដ្ឋានគតិយុត្តពាក់ព័ន្ធ។ ក្រសួងមហាផ្ទៃ បានសង្កត់ធ្ងន់ថា សកម្មភាព​ទាំង​នេះ​ធ្វើ​ឱ្យ​ចលាចល​ដល់​អ្នក​បោះឆ្នោត​ដែល​ជា​សមាជិក​ក្រុម​ប្រឹក្សាឃុំ-សង្កាត់ដែលមានតួនាទីធានានូវការគ្រប់គ្រង និងរៀបចំ​ដំណើរ​ការ​ប្រព្រឹត្ត​ទៅ​នៃ​រដ្ឋបាលឃុំ-សង្កាត់នីមួយៗ ដើម្បីដោះស្រាយបញ្ហា និងតម្រូវ​ការ​ចាំបាច់​របស់​ប្រជាពលរដ្ឋ​នៅ​ក្នុង​មូលដ្ឋាន ដែលបានកំណត់ដោយច្បាប់៕ អត្ថបទ៖ សេក ឧត្តម 

ឯកអគ្គរដ្ឋទូតហ្វីលីពីន កោតសរសើរចំពោះវឌ្ឍនភាព និងសមិទ្ធផលជាច្រើន ដែលរាជរដ្ឋាភិបាលកម្ពុជា សម្រេចបាននាពេលកន្លងមក

2024/02/16 01:10:26 pm        142
Facebook Telegram Linkin
ភ្នំពេញ៖ នាព្រឹកថ្ងៃទី១៦ ខែកុម្ភៈ ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ លោកជំទាវ ម៉ារៀ អាមេលីតា ស៊ី អាគីណូ (Maria Amelita C. Aquino) ឯកអគ្គរដ្ឋទូត នៃសាធារណរដ្ឋហ្វីលីពីន ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងជម្រាបលា។ ក្នុងឱកាសនៃជំនួបនេះ លោកជំទាវ ម៉ារៀ អាមេលីតា ស៊ី អាគីណូ បានថ្លែងអំណរគុណចំពោះ សម្តេចធិបតី ដែលបានឆ្លៀតពេលដ៏មមាញឹកអនុញាតឱ្យរូបលោកជំទាវ និងសហការី ចូលជួបសម្តែងការគួរសម និងជម្រាបលា ក្នុង ឱកាសដែល លោក ជំទាវ បញ្ចប់អណត្តិការទូតនៅ ព្រះរាជាណាចក្រ កម្ពុជា ។ ព្រមទាំងបានសម្តែងនូវការអបអរសាទរចំពោះ សម្តេចធិបតី ដែលត្រូវបានជ្រើសតាំងជានាយករដ្ឋមន្រ្តី នៃព្រះរាជាណាចក្រកម្ពុជា។ ជាមួយគ្នានេះដែរ លោកជំទាវឯកអគ្គរដ្ឋទូត ក៏បានសម្តែងនូវការវាយតម្លៃខ្ពស់ចំពោះភាពជោគជ័យ​របស់រាជរដ្ឋាភិបាលកម្ពុជា ក្នុងការគ្រប់គ្រងប្រយុទ្ធប្រឆាំងនឹងការរីករាលដាលនៃជំងឺកូវីដ-១៩ និងបានថ្លែងអំណរគុណចំពោះរាជរដ្ឋាភិបាលកម្ពុជា ដែលបានអនុញ្ញាតឱ្យមានការចាក់វ៉ាក់សាំងបង្ការជំងឺកូវីដ-១៩ ដល់ជនបរទេស ដែលកំពុងស្នាក់នៅ និងធ្វើការនៅក្នុងប្រទេសកម្ពុជាដោយមិនគិតថ្លៃ និងមិនមានការរើសអើង។ លោកជំទាវឯកអគ្គរដ្ឋទូត ក៏បានថ្លែងនូវការកោតសរសើរចំពោះភាពជោគជ័យនៃការរៀបចំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ ព្រឹត្តិការណ៍ស៊ីហ្គេមលើកទី៣២ (32nd SEA Games) និងអាស៊ានប៉ារ៉ាហ្គេមលើកទី១២ (12th ASEAN Para Games) ព្រមទាំងការរួមចំណែកដ៏ធំធេងរបស់កម្ពុជា ក្នុងបេសកកម្មថែរក្សាសន្តិភាពពិភពលោក តាមរយ:ការបញ្ជូនកងកម្លាំងរក្សាសន្តិភាពក្រោមឆត្រអង្គការសហប្រជាជាតិ ផងដែរ។ ទន្ទឹមនឹងនោះ លោកជំទាវក៏បានជម្រាបជូន សម្តេចធិបតី ផងដែរអំពីការបំពេញបេសកកម្មការទូត និងការសម្រេចបាននូវសមិទ្ធផលជាច្រើននៅក្នុងទំនាក់ទំនងនៃកិច្ចសហប្រតិបត្តិការរវាងប្រទេសទាំងពីរក្នុងអាណត្តិការទូតរបស់លោកជំទាវ ជាពិសេសវិស័យពាណិជ្ជកម្ម ការនាំចេញអង្ករពីកម្ពុជាទៅកាន់ប្រទេសហ្វីលីពីន ការលើកកម្ពស់នៃការភ្ជាប់ទំនាក់ទំនងរវាងប្រជាជននិងប្រជាជន កិច្ចសហប្រតិបត្តិការលើវិស័យដោះមីន ទេសចរណ៍ ក៏ដូចជាវិស័យការពារជាតិរវាងកងទ័ព និងកងទ័ព និងការផ្សារភ្ជាប់ទំនាក់ទំនងរវាងធុរកិច្ចនៃប្រទេសកម្ពុជា-ហ្វីលីពីន ផងដែរ។ជាការឆ្លើយតប សម្តេចធិបតី បានស្វាគមន៍ចំពោះវត្តមានរបស់ លោកជំទាវ ម៉ារៀ អ៊ែមើលីតា ស៊ី អាគីណូ និងសហការី និងបានវាយតម្លៃខ្ពស់ចំពោះបេសកកម្មការទូតរបស់ លោកជំទាវ ក្នុងការពង្រឹងនិងពង្រីកកិច្ចសហប្រតិបត្តិការរវាងប្រទេសទាំងពីរ លើវិស័យជាច្រើន។ ពាក់ព័ន្ធទៅនឹងពាណិជ្ជកម្ម សម្ដេចធិបតី បានជំរុញនិងលើកទឹកចិត្តឱ្យមានការភ្ជាប់ទំនាក់ទំនងបន្ថែមទៀតរវាងវិស័យឯកជននិងធុរជន នៃប្រទេសទាំងពីរ។ ដោយឡែក ចំពោះ វិស័យទេសចរណ៍ សម្ដេចធិបតី សង្ឃឹមថា តាមរយៈជំនួបរបស់សម្ដេចជាមួយ ឯកឧត្តមប្រធានាធិបតីហ្វីលីពីន នាពេលកន្លងមក ការតភ្ជាប់លើវិស័យទេសចរណ៍នៃប្រទេសទាំងពីរនឹងកាន់តែរីកចម្រើនបន្ថែមទៀត ជាពិសេសគឺការពង្រីកជើងហោះហើរផ្ទាល់ពីគោលដៅទេសចរណ៍ផ្សេងៗនៅក្នុងប្រទេសហ្វីលីពីនមកកាន់ព្រះរាជាណាចក្រកម្ពុជាបន្ថែមទៀត។ បន្ថែមពីនេះ សម្តេចធិបតី សង្ឃឹមថា កិច្ចសហប្រតិបត្តិការលើវិស័យការពារជាតិ ជាពិសេសរវាងកងទ័ពនៃប្រទេសទាំងពីរ នឹងកាន់តែត្រូវបានបន្តពង្រឹង និងពង្រីកបន្ថែម តាមរយៈការផ្លាស់ប្ដូរបទពិសោធន៍ និងការបណ្ដុះបណ្ដាលធនធានមនុស្ស៕ 

អាមេរិក នឹងបញ្ជូននាវាផ្ទុកយន្តហោះ៥គ្រឿង ទៅសមុទ្រប៉ាស៊ីហ្វិកខាងលិចដើម្បីបង្ហាញកម្លាំងដាក់ចិន

2024/02/16 01:00:50 pm        78
Facebook Telegram Linkin
ក្រុមអ្នកវិភាគនិយាយថា សហរដ្ឋអាមេរិកទំនងជានឹងបញ្ជូននាវាផ្ទុកយន្តហោះជិតពាក់កណ្ដាលរបស់ខ្លួនចូលទៅក្នុងមហាសាគរប៉ាស៊ីហ្វិកភាគខាងលិចនៅឆ្នាំនេះ ជាសញ្ញានៃការរារាំងទប់ទល់នឹងសកម្មភាពយោធាដែលចេះតែកើនឡើងក្នុងតំបន់ ពីសំណាក់ប្រទេសចិន និងកូរ៉េខាងជើង។ នាវាផ្ទុកយន្តហោះចំនួន៣គ្រឿងរបស់អាមេរិក កំពុងធ្វើប្រតិបត្តិការរួចទៅហើយនៅក្នុងមហាសមុទ្រប៉ាស៊ីហ្វិក ខណៈ២គ្រឿងទៀត កំពុងធ្វើដំណើរទៅ។ ការទៅដល់របស់នាវាទាំងនោះនឹងក្លាយជាព្រឹត្តិការណ៍លើកដំបូងដែលមាន៥ ក្នុងចំណោមក្រុមនាវាដ៏មានអំណាច១១គ្រឿង បានធ្វើប្រតិបត្តិការក្នុងតំបន់។ យោងតាមក្រុមអ្នកតាមដានកងទ័ពជើងទឹករបស់វិទ្យាស្ថានកងទ័ពជើងទឹកអាមេរិក នាវាផ្ទុកយន្តហោះ USS Abraham Lincoln ជាផ្នែកមួយនៃអង្គភាពកងទ័ពជើងទឹកប៉ាស៊ីហ្វិករបស់សហរដ្ឋអាមេរិកត្រូវបានគេមើលឃើញកំពុងធ្វើដំណើរចាកចេញពីកំពង់ផែរបស់ខ្លួនក្នុងទីក្រុង សាន់ឌីហ្គោ(San Diego)រដ្ឋCalifornia និងកំពុងឆ្ពោះទៅកាន់មហាសាគរប៉ាស៊ីហ្វិកខាងលិច គិតត្រឹមថ្ងៃទី៥ខែកុម្ភៈ ។នាវា USS George Washington ក៏ត្រូវគេរំពឹងថានឹងដាក់ពង្រាយក្នុងតំបន់នេះផងដែរ ដើម្បីជំនួសវត្តមាននាវា USS Ronald Reagan ដែលនឹងត្រូវផ្លាស់ទីតាំងពីទីក្រុង Yokosuka ប្រទេសជប៉ុន សម្រាប់ជួយសម្របសម្រួលនៅបរិវេនអង្គភាពកងទ័ពជើងទឹកភូហ្គេតសោន(Puget Sound)ក្នុងទីក្រុងវ៉ាស៊ីនតោន។ កាលពីខែមករា នាវា USS Carl Vinson បានធ្វើសមយុទ្ធកងទ័ពជើងទឹកជាមួយកូរ៉េខាងត្បូងនិងជប៉ុន នៅក្នុងសមុទ្រចិនខាងកើត ក្រោយការបាញ់មីស៊ីលបាលីស្ទីករយៈចម្ងាយមធ្យមរបស់កូរ៉េខាងជើង។ លោក បេនចាមីន បាតុន សាស្ត្រាចារ្យរងនៅវិទ្យាស្ថាន ម៉ាឡេស៊ី របស់សាកលវិទ្យាល័យ ណូទីងហាម នៅចក្រភពអង់គ្លេសបាននិយាយថា ការទប់ទល់ឥទ្ធិពលចិនក្នុងតំបន់នៅតែជាអាទិភាពទី១របស់អាមេរិក ប្រសិនបើមានទំនាក់ទំនងកក់ក្ដៅទ្វេភាគី ៕

មន្ត្រីសេតវិមាន និយាយថា រុស្ស៊ីអាចនឹងដណ្តើមយកទីក្រុងមួយរបស់អ៊ុយក្រែន

2024/02/16 12:58:09 pm        127
Facebook Telegram Linkin
មន្ត្រីសេតវិមាន បានជំរុញឱ្យសភាសហរដ្ឋអាមេរិកអនុម័តសេចក្តីស្នើច្បាប់ថវិកា ដើម្បីផ្តល់មូលនិធិបន្ទាន់ដល់ប្រទេសអ៊ុយក្រែន ដោយព្រមានថា រុស្ស៊ីអាចនឹងដណ្តើមយកទីក្រុងមួយនៅភាគខាងកើតប្រទេសអ៊ុយក្រែន។ទីប្រឹក្សាទំនាក់ទំនងសន្តិសុខជាតិរបស់សេតវិមាន លោក John Kirby បាននិយាយទៅកាន់អ្នកសារព័ត៌មាន កាលពីថ្ងៃព្រហស្បតិ៍អំពីការប៉ុនប៉ងរបស់យោធាដែលនៅបន្តរបស់រុស្ស៊ី ដើម្បីហ៊ុមព័ទ្ធ និងដណ្តើមយកទីក្រុង អាវឌីកា(Avdiivka) នៅក្នុងតំបន់ Donetsk ភាគខាងកើត។លោក Kirby និយាយថា សេតវិមានបានទទួលដំណឹងពីប្រជាជនអ៊ុយក្រែនថា ស្ថានភាពធ្ងន់ធ្ងរខ្លាំង។ លោក បាននិយាយថា រុស្ស៊ី បន្តវាយលុកលើទីតាំងជាច្រើនកន្លែងរបស់អ៊ុយក្រែនជារៀងរាល់ថ្ងៃ ហើយទីក្រុង Avdiivka មានហានិភ័យក្នុងការធ្លាក់ចូលទៅក្នុងការគ្រប់គ្រងរបស់រុស្ស៊ី។ សហរដ្ឋអាមេរិក ពុំអាចផ្តល់ទៅឱ្យអ៊ុយក្រែននូវគ្រាប់កាំភ្លើងធំ ដែលពួកគេត្រូវការខ្លាំង ដើម្បីរារាំងការវាយលុករបស់រុស្ស៊ីទាំងនេះបានទេ។ព្រឹទ្ធសភាសហរដ្ឋអាមេរិក បានអនុម័តកញ្ចប់ជំនួយបរទេស កាលពីថ្ងៃអង្គារ រួមមានទាំងមូលនិធិសម្រាប់ប្រទេសអ៊ុយក្រែន និងប្រទេសអ៊ីស្រាអែល។ ប៉ុន្តែវានៅតែមិនច្បាស់លាស់នោះទេថាតើ សេចក្តីស្នើច្បាប់ថវិកា អាចធ្វើឲ្យដាច់ស្រេចសម្រាប់សភាជាន់ទាបដែលគ្រប់គ្រងដោយគណបក្សសាធារណរដ្ឋឬយ៉ាងណា។

លោក ពូទីន ជំរុញឱ្យជនជាតិរុស្ស៊ីយកកូនឱ្យច្រើន ខណៈការរស់រានរបស់ប្រជាសាស្រ្ត កំពុងជួបហានិភ័យ

2024/02/16 12:48:50 pm        63
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) បាននិយាយកាលពីថ្ងៃព្រហស្បតិ៍ (១៥ កុម្ភៈ) ថា ក្រុមគ្រួសារជនជាតិរុស្ស៊ី ត្រូវតែបង្កើតកូនយ៉ាងហោចណាស់ពីរនាក់ សម្រាប់ជាប្រយោជន៍ដល់ការរស់រានមានជីវិតរបស់ប្រជាសាស្ត្រ ហើយត្រូវមានកូនបីនាក់ ឬច្រើនជាងនេះ ប្រសិនបើចង់អភិវឌ្ឍ និងរីកចម្រើនទៅមុខ។រុស្សីបានទទួលរងគ្រោះយ៉ាងធ្ងន់ធ្ងរ ប៉ុន្តែមិនត្រូវបានបង្ហាញឱ្យដឹង ចាប់តាំងពីការចាប់ផ្តើមសង្រ្គាមរបស់ខ្លួននៅអ៊ុយក្រែនជិត ២ ឆ្នាំមុនមក ហើយមនុស្សរាប់សែននាក់បានភៀសខ្លួនចេញពីប្រទេសនេះ ចេញពីការប្រឆាំងទៅនឹងជម្លោះ ឬការភ័យខ្លាចនៃការកោះហៅឱ្យចូលប្រយុទ្ធ។លោក ពូទីន បានប្រាប់និយោជិតនៅរោងចក្រផលិតរថក្រោះមួយនៅតំបន់ យ៉ូរ៉ាល់ស៍ (Urals) ថាកុមារពីរនាក់ក្នុងមួយគ្រួសារ គឺជាចំនួនអប្បបរមា ប្រសិនបើប្រជាជននៃប្រទេសរុស្ស៊ី ចង់រក្សាអត្តសញ្ញាណរបស់ពួកគេ ហើយបើចង់អភិវឌ្ឍ និងរីកចម្រើនទៅមុខទៀត គឺត្រូវយកកូនបីនាក់ក្នុងមួយគ្រួសារ។ការិយាល័យស្ថិតិរដ្ឋបានប៉ាន់ប្រមាណប្រជាជនមានចំនួន ១៤៦,៤ លាននាក់នៅដើមឆ្នាំ២០២៣ ដោយធ្លាក់ចុះពីចំនួនជិត ១៤៩ លាននាក់កាលពី ២០ ឆ្នាំមុន ប៉ុន្តែកើនឡើងលើសពីកម្រិតទាបដែលមានចំនួនប្រហែល ១៤៣ លាននាក់នៅចន្លោះឆ្នាំ២០០៧ និងឆ្នាំ ២០១២៕

រដ្ឋអាហ្វ្រិកខាងលិចចំនួនបី ដែលដឹកនាំដោយរបបសឹក បញ្ជាក់ពីផែនការបង្កើតសហព័ន្ធរដ្ឋត្រីភាគី

2024/02/16 12:42:11 pm        59
Facebook Telegram Linkin
ក្រសួងការបរទេសម៉ាលី បាននិយាយកាលពីថ្ងៃព្រហស្បតិ៍ (១៥ កុម្ភៈ) ថា ប្រទេសបួរគីណាហ្វាសូ ម៉ាលី និងនីហ្សេ ដែលដឹកនាំដោយរបបសឹក គ្រោងនឹងបង្កើតសហព័ន្ធត្រីភាគីមួយ ខណៈដែលប្រទេសទាំងបីបង្កើនទំនាក់ទំនងកាន់តែស៊ីជម្រៅតាមរយៈសម្ព័ន្ធភាព ដែលគំរាមកំហែងដល់សមាហរណកម្មអាហ្វ្រិកខាងលិចកាន់តែទូលំទូលាយ។ប្រទេសជិតខាងទាំងបីនៅក្នុងតំបន់ក្រីក្រ សាហែល (Sahel) របស់អាហ្រ្វិកនេះ បានប្រកាសកាលពីខែមករា ថាពួកគេនឹងចាកចេញពីសហគមន៍សេដ្ឋកិច្ចនៃរដ្ឋអាហ្វ្រិកខាងលិច (ECOWAS) ដោយនោះជាការសម្រេចមួយដែលប្លុកនេះបានជំរុញឱ្យពួកគេពិចារណាឡើងវិញ ដោយព្រមានអំពីផលលំបាកបន្ថែមជុំវិញការដកខ្លួន។នៅក្នុងកិច្ចប្រជុំមួយនៅរដ្ឋធានី អៅហ្កាឌូហ្គូ (Ouagadougou) របស់បួរគីណាហ្វាសូ រដ្ឋមន្ត្រីរបស់ប្រទេសទាំងបី បានបញ្ជាក់ពីការប្តេជ្ញាចិត្តរួមគ្នាក្នុងការដកខ្លួនចេញពីប្លុក ECOWAS ដោយមិនបង្អង់យូរ ហើយបន្តកិច្ចសហប្រតិបត្តិការក្រោមសន្ធិសញ្ញាដែលគេស្គាល់ថាជាសម្ព័ន្ធភាពនៃរដ្ឋ សាហែល (AES) និងការបង្កើតសហព័ន្ធរដ្ឋត្រីភាគី។ក្រុមនេះមិនបានចែករំលែកព័ត៌មានលម្អិតអំពីមធ្យោបាយដែលសហព័ន្ធនោះនឹងដំណើរការ ឬផែនការដើម្បីតម្រឹមផលប្រយោជន៍នយោបាយ សេដ្ឋកិច្ច និងសន្តិសុខនោះទេ ខណៈដែលពួកគេកំពុងជួបការលំបាកក្នុងការទប់ទល់នឹងការប្រយុទ្ធ ដែលមានអាយុកាលរាប់ទសវត្សរ៍ជាមួយពួកបះបោរអ៊ីស្លាម ដែលបានធ្វើឱ្យមានអស្ថិរភាពនៅក្នុងអនុតំបន់អាហ្រ្វិកមួយនេះ៕

លោកបៃដិន ប្រាប់លោកណេតាន់យ៉ាហ៊ូជាថ្មីម្តងទៀតថា ជនស៊ីវិលនៅទីក្រុងរ៉ាហ្វា ត្រូវតែត្រូវបានការពារ

2024/02/16 12:30:06 pm        48
Facebook Telegram Linkin
សេតវិមាន បាននិយាយថា លោកប្រធានាធិបតីអាមេរិក ចូ បៃដិន ( Joe Biden) កាលពីថ្ងៃព្រហស្បតិ៍បានប្រាប់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) ជាថ្មី ម្តងទៀតថា លោកមិនគួរបន្តសកម្មភាពយោធានៅទីក្រុងរ៉ាហ្វា( Rafah) ដោយគ្មានផែនការដែលអាចទុកចិត្តបាន និងអាចប្រតិបត្តិបាន ដើម្បីការពារជនស៊ីវិលប៉ាឡេស្ទីននោះទេ។ការសន្ទនារវាងមេដឹកនាំទាំងពីរកាលពីថ្ងៃព្រហស្បតិ៍ គឺជាលើកទី២ ក្នុងរយៈពេលតិចជាងមួយសប្តាហ៍ដែលលោកបៃដិន បានព្រមានលោកណេតាន់យ៉ាហ៊ូអំពីការផ្លាស់ប្តូរទៅកាន់ផ្នែកខាងត្បូងនៃតំបន់ហ្កាហ្សាស្ទ្រីប ដោយមិនមានផែនការធានាសុវត្ថិភាពសម្រាប់ប្រជាជនប្រមាណ មួយលាននាក់ដែលស្នាក់នៅទីនោះ។មេដឹកនាំពីរ ក៏បាននិយាយអំពីការចរចាអំពីចំណាប់ថ្នូរដែលកំពុងបន្ត ហើយលោកបៃដិន បានសន្យាថានឹងបន្តធ្វើការពេញម៉ោង ដើម្បីជួយរំដោះចំណាប់ថ្នូរ ដែលបានចំណាយពេល ១៣២ថ្ងៃ នៅក្នុងការចាប់ឃុំឃាំងក្រុមហាម៉ាស នេះបើយោងតាមសេតវិមានដែលអានការសន្ទនានោះ។កងកម្លាំងអ៊ីស្រាអែល បាននិយាយកាលពីថ្ងៃព្រហស្បតិ៍ថា ពួកគេបានវាយឆ្មក់ចូលមន្ទីរពេទ្យដែលមានមុខងារធំបំផុតនៅហ្កាហ្សា ដែលជាវាយលុកបានបង្កើនការជូនដំណឹងជាថ្មីអំពីជោគវាសនារបស់អ្នកជំងឺ និងបុគ្គលិកពេទ្យរាប់រយនាក់ និងជនភៀសខ្លួនប៉ាឡេស្ទីនជាច្រើននាក់ ដែលបានស្វែងរកទីជម្រកនៅទីនោះពីសង្គ្រាម។ការប្រយុទ្ធគ្នានៅមន្ទីរពេទ្យ បានកើតឡើងនៅពេលដែលអ៊ីស្រាអែលប្រឈមមុខនឹងសម្ពាធកាន់តែខ្លាំងឡើងពីអន្តរជាតិ ដើម្បីបង្ហាញការអត់ធ្មត់ បន្ទាប់ពីបានប្តេជ្ញាថា នឹងបង្កើនការវាយលុករបស់ខ្លួនទៅលើទីក្រុងរ៉ាហ្វា ដែលជាកន្លែងសុវត្ថិភាពចុងក្រោយ នៅតំបន់ហ្កាហ្សា។

បណ្ដាញសង្គម

ព័ត៌មានថ្មីៗ

ចំនួនអ្នកស្លាប់ក្នុងពេលទទួលជំនួយនៅហ្កាហ្សាកើនឡើង ខណៈនាយករដ្ឋមន្ត្រីអ៊ីស្រាអែលកំពុងពង្រីកការវាយលុក
08/05/2025 08:08 AM
Facebook Telegram Linkin
សប្បុរសជន បន្តឧបត្ថម្ភដល់កងពលតូចដឹកជញ្ជូនលេខ៩៩ ដើម្បីយកទៅចែកជូនបងប្អូនវីរកងទ័ពជួរមុខ
08/05/2025 08:08 AM
Facebook Telegram Linkin
PRESS BRIEFING – Update on the implementation of the immediate and unconditional ceasefire agreement between Cambodia and Thailand (07:00AM, August 5, 2025)
08/05/2025 07:08 AM
Facebook Telegram Linkin
PRESS BRIEFING – Update on the implementation of the immediate and unconditional ceasefire agreement between Cambodia and Thailand (07:00AM, August 5, 2025)
08/05/2025 07:08 AM
Facebook Telegram Linkin
ក្រសួងការបរទេសកម្ពុជា ថ្កោលទោសយ៉ាងខ្លាំងក្លាចំពោះទង្វើបង្ករឿងរបស់ទាហានថៃ មកលើកម្ពុជាជាថ្មី
08/05/2025 07:08 AM
Facebook Telegram Linkin
Press Briefing – Update on the implementation of the immediate and unconditional ceasefire agreement between Cambodia and Thailand
08/05/2025 07:08 AM
Facebook Telegram Linkin
សហគ្រាសក្នុងស្រុកកំពុងជំរុញផលិតយ៉ាងផុលផុស ផ្គត់ផ្គង់លើទីផ្សារ ខណៈកម្ពុជាកំពុងជួបវិបត្តិ
08/04/2025 08:08 PM
Facebook Telegram Linkin
ជនសង្ស័យស្ថិតក្នុងដំណើរការកាត់ទោស ពាក់ព័ន្ធនឹងការវាយប្រហារកន្លែងប្រគុំតន្ត្រីសម្លាប់មនុស្ស ១៤៩នាក់ នៅមូស្គូ
08/04/2025 08:08 PM
Facebook Telegram Linkin
អ៊ីរ៉ង់៖ ការទទួលខុសត្រូវរបស់អាមេរិក ចំពោះការវាយប្រហារលើទីតាំងនុយក្លេអ៊ែរ គឺជាផ្នែកនៃកិច្ចពិភាក្សា នាពេលអនាគត
08/04/2025 08:08 PM
Facebook Telegram Linkin
សម្តេចព្រះមហាក្សត្រី ព្រះវររាជមាតាជាតិខ្មែរ ប្រោសព្រះរាជទានព្រះរាជទ្រព្យ​១៥.០០០​ដុល្លារ រួមជាមួយស្បៀង​ និងសម្ភារមួយចំនួនទៀត ចំពោះកាកបាទក្រហមកម្ពុជា ​សម្រាប់ជួយដល់ប្រជារាស្ត្រភៀសសឹក...!!
08/04/2025 08:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.