BTV NEWS

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

នយោបាយ និង ការអភិវឌ្ឍន៍

ក្រុមហ៊ុន ប្រេងឥន្ធនៈ TotalEnergies បង្ហាញបំណងចង់វិនិយោគ លើថាមពល កកើតឡើងវិញនៅកម្ពុជា

នៅក្នុងកិច្ចជំនួបពិភាក្សាការងារជាមួយសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅ ទីក្រុងប៉ារីស ប្រទេសបារាំង នាថ្ងៃទី១៥ ខែមករានេះ លោក Patrick POUYANNÉ ប្រធាន និងជានាយកប្រតិបត្តិក្រុមហ៊ុន TotalEnergies បានបង្ហាញបំណងចង់វិនិយោគលើថាមពលកកើតឡើងវិញនៅកម្ពុជា ខណៈ គម្រោងនេះនឹងធ្វើឱ្យកម្ពុជាកាន់តែមានជម្រើសប្រភពថាមពលបន្ថែមទៀត។ លោកប្រធាន និងជានាយកប្រតិបត្តិ បានគោរពជម្រាបជូនសម្តេចធិបតីថា ក្រុមហ៊ុន TotalEnergies របស់លោក គឺជាក្រុមហ៊ុនមានកិត្តិនាមល្បីល្បាញ លើវិស័យប្រេង និងឧស្ម័ន នៅព្រះរាជាណាចក្រកម្ពុជា ហើយក្រៅពីវិស័យនេះ ក្រុមហ៊ុនក៏មានអាជីវកម្មលើវិស័យថាមពល អគ្គិសនីផងដែរ។ ក្នុងន័យនេះ លោកប្រធាន និងជានាយកប្រតិបត្តិក្រុមហ៊ុន ក៏បានបង្ហាញអំពីបំណងក្នុងការស្វែងរកឱកាសវិនិយោគលើវិស័យថាមពលកកើតឡើងវិញ ដោយបច្ចុប្បន្នក្រុមហ៊ុន TotalEnergies កំពុងស្វែងរកឱកាសវិនិយោគលើវិស័យថាមពលកកើតឡើងវិញនៅប្រទេសសិង្ហបុរី ហើយជោគជ័យនៃគម្រោងនេះនឹងជំរុញដល់ការវិនិយោគលើថាមពលកកើតឡើងវិញនៅកម្ពុជា ដែលនឹងធ្វើឱ្យកម្ពុជាកាន់តែមានជម្រើសប្រភពថាមពលបន្ថែមទៀតផងដែរ។ នៅក្នុងកិច្ចជំនួបនោះដែរ លោក Patrick POUYANNÉ ក៏បានថ្លែងអំណរគុណដល់សម្តេចធិបតីនាយករដ្ឋមន្រ្តី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោក និងសហការី ចូលជួបសម្តែងការគួរសមព្រមទាំងបានជម្រាបអំពីវឌ្ឍនភាពនៃការរីកចម្រើននូវសកម្មភាពអាជីវកម្មរបស់ក្រុមហ៊ុន TotalEnergies និងអំពីគម្រោងនៃការពង្រីកការវិនិយោគរបស់ខ្លួនបន្ថែមទៀតនៅក្នុងប្រទេសកម្ពុជានោះ។ថ្លែងនៅក្នុងកិច្ចជំនួបនោះដែរសម្តេចធិបតី ហ៊ុន ម៉ាណែត បានស្វាគមន៍ចំពោះលោក Patrick POUYANNÉ និង សហការី និងបានបង្ហាញក្តីរីករាយ និងគាំទ្រចំពោះគម្រោងរបស់ក្រុមហ៊ុនក្នុងការបោះទុនវិនិយោគនៅកម្ពុជាទៅលើវិស័យថាមពលកកើតឡើងវិញ ព្រោះថាកម្ពុជាមានគោលនយោបាយច្បាស់លាស់ក្នុងការជំរុញការបង្កើតប្រភពថាមពលកកើតឡើងវិញនេះ។ សម្តេចក៏បានបង្ហាញការគាំទ្រ និងផ្ដល់កិច្ចសហប្រតិបតិ្តការលើការវិនិយោគនៃការតភ្ជាប់បណ្តាញចរន្តអគ្គិសនី ក្រោមបាតសមុទ្រពីកម្ពុជាទៅសិង្ហបុរីផងដែរ។ មួយវិញទៀតសម្ដេចធិបតីក៏បានលើកទឹ៝ចិត្ត និងជំរុញឱ្យក្រុមហ៊ុន បន្ដកិច្ចសហការជាមួយក្រសួង ស្ថាប័នពាក់ព័ន្ធ ជាពិសេស ក្រសួងរ៉ែ និងថាមពលផងដែរ៕ អត្ថបទ៖បាន ចក់

ក្រុមហ៊ុន Blue Circle របស់បារាំងថា ខេត្តចំនួនពីរនៅកម្ពុជាដែលអាចផ្តល់លទ្ធភាពផលិតអគ្គិសនីដើរដោយខ្យល់បាន

ក្រុមហ៊ុន Blue Circle របស់បារាំង ចាប់អារម្មណ៍វិនិយោគលើថាមពលកកើតឡើងវិញ ពិសេសថាមពលដែលដើរដោយកម្លាំងខ្យល់នៅកម្ពុជាក្រោយក្រុមហ៊ុននេះបានកត់សម្គាល់ឃើញថាខេត្តចំនួនពីរនៅកម្ពុជា មានខេត្តកំពត និងខេត្តមណ្ឌលគិរី ដែលអាចផ្តល់លទ្ធភាពផលិតអគ្គិសនីដើរដោយកម្លាំងខ្យល់បាន។ក្នុងកិច្ចជំនួបជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា នាថ្ងៃទី១៥ ខែមករា ឆ្នាំ២០២៤ នៅទីក្រុងប៉ារីស ប្រទេសបារាំង លោក Olivier Duguet ប្រធាន និងជានាយកប្រតិបត្តិក្រុមហ៊ុន Blue Circle បានថ្លែងអំណរគុណចំពោះ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោក និងសហការី ចូលជួបសម្តែងការគួរសម ព្រមទាំងបានជម្រាបអំពីវឌ្ឍនភាពរីកចម្រើន នៃសកម្មភាពអាជីវកម្មរបស់ក្រុមហ៊ុន Blue Circle និងអំពីគម្រោងនៃការពង្រីកការវិនិយោគរបស់ខ្លួននៅក្នុងប្រទេសកម្ពុជាផងដែរ។ លោកនាយកប្រតិបត្តិក្រុមហ៊ុន បានគូសរំលេចជូនសម្តេចធិបតីថា ក្រុមហ៊ុន របស់លោក គឺជាក្រុមហ៊ុន មានជំនាញ និងបទពិសោធន៍ក្នុងអាជីវកម្មថាមពលកកើតឡើងវិញ ពិសេសថាមពលដែលដើរដោយកម្លាំងខ្យល់ ហើយកន្លងមកតំណាងក្រុមហ៊ុនរបស់លោក បានធ្លាប់មកកាន់តំបន់អាស៊ី រួមទាំងកម្ពុជាផងដែរ និងបានជួបពិភាក្សាជាមួយក្រុមហ៊ុនដែលជាដៃគូក្នុងស្រុក ក្នុងការសិក្សាស្វែងយល់ពីស្ថានភាពភូមិសាស្រ្តនៅកម្ពុជា និងរកទីតាំងដែលសម្បូរខ្យល់ ក្នុងកម្រិតល្បឿនល្អដែលអាចផលិតជាថាមពលអគ្គិសនីបាន។ លោកបន្ថែមទៀតថា «ក្រោយពីការសិក្សាទៅលើស្ថានភាពភូមិសាស្រ្តរួចមកខាងក្រុមហ៊ុន បានកត់សម្គាល់ទីតាំងមួយចំនួនដែលអាចផ្តល់លទ្ធភាពផលិតអគ្គិសនីដើរដោយកម្លាំងខ្យល់ រួមមាន តំបន់ភ្នំបូកគោ ក្នុងខេត្តកំពត និងខេត្តមណ្ឌលគីរីជាដើម»។ ជាមួយគ្នានោះលោកនាយកប្រតិបត្តិក្រុមហ៊ុន ក៏បានគោរពជម្រាបជូនសម្តេចធិបតីថា ជាមួយការជួយជ្រោមជ្រែង និងការសហប្រតិបត្តិការល្អជាមួយនឹងដែគូពាក់ព័ន្ធនឹងកម្ពុជា និងការគាំពារពីរាជរដ្ឋាភិបាល ក្រុមហ៊ុននឹងអាចផលិតថាមពលអគ្គិសនីបានច្រើន ដោយក្នុងដំណាក់កាលដំបូង ក្រុមហ៊ុនអាចផលិតថាមពលបាន១០០ មេហ្កាវ៉ាត់ និងអាចឈានទៅពង្រីកជាបន្តបន្ទាប់ ទៅថ្ងៃអនាគត។ ក្នុងន័យនេះ កម្ពុជាអាចនឹងទទួលបានប្រភពថាមពលអគ្គិសនីដែលកើតចេញពីប្រភពកកើតឡើងវិញកាន់តែច្រើន និងអាចនាំចេញថាមពលអគ្គិសនីទៅក្រៅប្រទេស បានផងដែរ។ ថ្លែងនៅក្នុងកិច្ចជំនួបនោះដែរម្តេចធិបតី ហ៊ុន ម៉ាណែត បានស្វាគមន៍ចំពោះលោក Olivier Duguet និងសហការី និងបានបង្ហាញក្តីរីករាយ និងសូមគាំទ្រចំពោះគម្រោងរបស់ក្រុមហ៊ុនដែលចាប់អារម្មណ៍ក្នុងការបោះទុនវិនិយោគនៅក្នុងព្រះរាជាណាចក្រកម្ពុជា និងសូមជូនពរក្រុមហ៊ុនទទួលបានជោគជ័យលើកិច្ចការដែលវិនិយោគនៅពេលអនាគត និងស្នើក្រុមហ៊ុនទាក់ទងជាមួយដៃគូ ក៏ដូចជាក្រសួង ស្ថាប័នពាក់ព័ន្ធនៅកម្ពុជា ដើម្បីពិនិត្យលទ្ធភាព និងស្វែងរកឱកាសធ្វើយ៉ាងណាឱ្យគម្រោងផលិតថាមពលអគ្គិសនី ដើរដោយកម្លាំងខ្យល់នេះ ឱ្យសម្រេចបានជាលទ្ធផលផ្លែផ្កាជាក់ស្តែងផងដែរ៕ អត្ថបទ៖ បាន ចក់

រដ្ឋមន្ត្រីក្រសួងការងារ ស្វែងយល់ការបណ្តុះបណ្តាលជំនាញផលិតនាឡិកាស្តង់ដារស្វីសរបស់Prince Horology

ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅរសៀលថ្ងៃទី១៥ ខែមករា ឆ្នាំ២០២៤នេះ បានអញ្ជើញទស្សនា និងស្វែងយល់ការបណ្តុះបណ្តាលជំនាញផលិតនាឡិកាដៃរបស់មជ្ឈមណ្ឌលបណ្តុះបណ្តាលវិជ្ជាជីវៈPrince Horology ដែលមានទីតាំងក្នុងរាជធានីភ្នំពេញ។ ក្នុងឱកាសនោះ អ្នកជំនាញរបស់មជ្ឈមណ្ឌល បានពន្យល់ឯកឧត្តមរដ្ឋមន្ត្រីពីដំណាក់កាលនីមួយៗនៃការបណ្តុះបណ្តាល និងហ្វឹកហ្វឺនសិក្ខាកាម និងបុគ្គលិកខ្មែរដែលកំពុងហាត់ការ និងបម្រើការងារក្នុងមជ្ឈមណ្ឌលផ្ទាល់។ តាមគោលការណ៍មជ្ឈមណ្ឌលផ្តល់ការហ្វឹកហ្វឺនជូនសិក្ខាកាមរយៈពេល២ឆ្នាំ ដោយភ្ជាប់នឹងប្រាក់ឧបត្ថម្ភផងដែរ ដើម្បីឱ្យសិក្ខាកាមអាចក្រេបជញ្ជក់ដើម្បីទទួលបានអាជីពដ៏កម្រនេះព្រោះថា ថ្វីត្បិតតែមជ្ឈមណ្ឌលមិនស្វែងរកប្រាក់ចំណេញចេញពីការផលិតក៏ពិតមែន ប៉ុន្តែមជ្ឈមណ្ឌលបាននាំចូលបច្ចេកវិទ្យាស្តង់ដារនៃប្រទេសស្វីស តាមរយៈអ្នកជំនាញរបស់ស្វីសមកបណ្តុះបណ្តាលផ្ទាល់។ ជាមួយគ្នានោះ ឯកឧត្តមរដ្ឋមន្ត្រី បានវាយតម្លៃខ្ពស់ចំពោះមជ្ឈមណ្ឌលបណ្ដុះបណ្តាលវិជ្ជាជីវៈ Prince Horology ដែលបានបណ្តុះបណ្តាលជំនាញពិសេសនេះឱ្យពលរដ្ឋខ្មែរ។ សូមរំលឹកថា មជ្ឈមណ្ឌលបណ្តុះបណ្តាលវិជ្ជាជីវៈ Prince Horology នេះហើយដែលបានផលិតនាឡិកាជូនប្រមុខរដ្ឋ និងប្រមុខរដ្ឋាភិបាល អាស៊ាន និងពិភពលោកក្នុងកិច្ចប្រជុំកំពូលអាស៊ានលើកទី៤១ កាលពីឆ្នាំ២០២២ដែលកម្ពុជាធ្វើជាម្ចាស់ផ្ទះ៕

កិច្ចពិភាក្សាផែនការសន្តិភាពអ៊ុយក្រែននៅទីក្រុង Davos បញ្ចប់ដោយគ្មានផ្លូវច្បាស់លាស់ទៅមុខ

កិច្ចប្រជុំនៃទីប្រឹក្សាសន្តិសុខជាតិ ផ្តោតលើផែនការសន្តិភាពរបស់អ៊ុយក្រែន បានបញ្ចប់នៅទីក្រុង Davos ប្រទេសស្វ៊ីស ដោយពុំមានផ្លូវច្បាស់លាស់ឆ្ពោះទៅមុខ មុនពេលការមកដល់របស់លោកប្រធានាធិបតី វ៉ូឡូមៀ ហ្សេឡិនស្គី (Volodymyr Zelenskiy) ទៅចូលរួមកិច្ចប្រជុំសកល នៅថ្ងៃអង្គារ។ទីក្រុងគីវ បានសង្ឃឹមថា កិច្ចប្រជុំដែលបានធ្វើឡើងមុនពេលចាប់ផ្តើមជាផ្លូវការនៃវេទិកាសេដ្ឋកិច្ចពិភពលោកនៅទីក្រុងតំបន់ភ្នំនៃប្រទេសស្វ៊ីស នឹងជួយកសាងការគាំទ្រសម្រាប់ផែនការសន្តិភាព ១០ចំណុចរបស់ខ្លួនក្នុងចំណោមប្រទេសមកពីសកលលោកខាងត្បូង ដែលភាគច្រើនមានការស្ទាក់ស្ទើរ ក្នុងការគាំទ្រ គីវ ចាប់តាំងពីការឈ្លានពានរបស់រុស្ស៊ីជិតពីរឆ្នាំហើយនោះ។រដ្ឋមន្ត្រីការបរទេសស្វ៊ីស លោក Ignazio Cassis ដែលធ្វើជាប្រធានកិច្ចប្រជុំ បាននិយាយថា ជំនួបនេះ បានបំភ្លឺចំណុចមួយចំនួនសម្រាប់ពិភាក្សានៅដំណាក់កាលខ្លះ ប៉ុន្តែថា ទាំងអ៊ុយក្រែន និងរុស្ស៊ី ដែលមិនត្រូវបានអញ្ជើញ ត្រូវបានរៀបចំដើម្បីធ្វើសម្បទានទឹកដី។ កិច្ចប្រជុំថ្នាក់ដឹកនាំដែលអ៊ុយក្រែនចង់ធ្វើ មិនត្រូវបានកំណត់ពេលវេលាទេ។នៅក្នុងសន្និសីទសារព័ត៌មានមួយ ជំនួយការប្រធានាធិបតីលោក Andriy Yermak បាននិយាយថា អ៊ុយក្រែន មិនត្រូវបានដាក់សម្ពាធដោយដៃគូ ដើម្បីពិភាក្សាអំពីការប្រគល់ទឹកដីទៅឲ្យរុស្ស៊ី ជិតពីរឆ្នាំបន្ទាប់ពីការលុកលុយ។ រដ្ឋមន្ត្រីការពារជាតិ លោក Rustem Umerov បាននិយាយថា ការវិលត្រឡប់ទៅកាន់ព្រំដែនឆ្នាំ ១៩៩១នៅតែជាគោលដៅយុទ្ធសាស្ត្ររបស់អ៊ុយក្រែន។ នោះនឹងរួមបញ្ចូលឧបទ្វីបគ្រីម៉េដែលជាឧបទ្វីបដែលរុស្ស៊ីបញ្ចូលដោយខុសច្បាប់ ក្នុងឆ្នាំ ២០១៤។

អាល្លឺម៉ង់ គ្រោងការពារអ៊ីស្រាអែល នៅតុលាការយុត្តិធម៌អន្តរជាតិជុំវិញការចោទប្រកាន់បទអំពីប្រល័យពូជសាសន៍ហ្កាហ្សា

សេចក្តីប្រកាសព័ត៌មានរបស់រដ្ឋាភិបាលសហព័ន្ធអាល្លឺម៉ង់ បាននិយាយថា ប្រទេសអាល្លឺម៉ង់ គ្រោងនឹងធ្វើអន្តរាគមន៍ជំនួសអ៊ីស្រាអែល នៅក្រុងឡាអេ បន្ទាប់ពីប្រទេសអាហ្រ្វិកខាងត្បូង បានចាប់ផ្តើមដំណើរការនីតិវិធីចោទប្រកាន់អ៊ីស្រាអែលពីបទប្រល័យពូជសាសន៍ប្រឆាំងនឹងប៉ាឡេស្ទីន។អាហ្រ្វិកខាងត្បូង បានចាប់ផ្តើមសំណុំរឿងនេះជាផ្លូវការនៅតុលាការយុត្តិធម៌អន្តរជាតិ ឬហៅកាត់ថា ICJ នៅថ្ងៃទី ២៩ ខែធ្នូ។ សវនាការសាធារណៈរយៈពេលពីរថ្ងៃ នៅវិមានសន្តិភាពទីក្រុងឡាអេ បានចាប់ផ្តើមនៅថ្ងៃទី១១ ខែមករា។សេចក្តីថ្លែងការណ៍របស់លោក Steffen Hebestreit អ្នកនាំពាក្យរដ្ឋាភិបាលសហព័ន្ធអាល្លឺម៉ង់ បានលើកឡើងពីការសម្លាប់រង្គាល និងការប្រល័យពូជសាសន៍ជ្វិហ្វ ៦លាននាក់ដោយរបបណាស៊ីរបស់លោក អាដូហ្វ ហ៊ីត្លែរ (Adolf Hitler)។ដោយមើលឃើញពីប្រវត្តិសាស្រ្តរបស់ប្រទេសអាល្លឺម៉ង់ និងឧក្រិដ្ឋកម្មប្រឆាំងមនុស្សជាតិ រដ្ឋាភិបាលសហព័ន្ធមើលឃើញថា ខ្លួនជាអ្នកប្តេជ្ញាចិត្តជាពិសេសចំពោះអនុសញ្ញាប្រឆាំងនឹងអំពើប្រល័យពូជសា សន៍។ អនុសញ្ញានេះ គឺជាឧបករណ៍ដ៏សំខាន់នៃច្បាប់អន្តរជាតិ ដើម្បីអនុវត្ត មិនឲ្យមានអំពើប្រល័យពូជសាសន៍ម្តងទៀត។សេចក្តីថ្លែងការណ៍នោះ បានថ្កោលទោសអះអាងអំពើប្រល័យពូជសាសន៍ថា ជា«ឧបករណ៍នយោបាយ»។

មេដឹកនាំជាប់ឆ្នោតថ្មីរបស់កោះតៃវ៉ាន់ សង្ឃឹមថា អាមេរិកអាចបន្តគាំទ្រដល់តៃវ៉ាន់

មេដឹកនាំថ្មីកោះតៃវ៉ាន់ដែលទើបជាប់ឆ្នោត លោក ឡៃ ឈីងតឺ (Lai Ching-te) បានប្រាប់គណៈប្រតិភូទស្សនកិច្ចរបស់អតីតមន្ត្រីជាន់ខ្ពស់អាមេរិកនៅថ្ងៃចន្ទ (១៥ មករា) នេះថា លោកសង្ឃឹមថាសហរដ្ឋអាមេរិកនឹងបន្តគាំទ្រកោះតៃវ៉ាន់បន្តទៀត។លោក ឡៃ ដែលត្រូវបានគេស្គាល់យ៉ាងទូលំទូលាយដោយឈ្មោះជាភាសាអង់គ្លេសរបស់ខ្លួនគឺ វីលៀម បាននិយាយថារដ្ឋបាលរបស់លោកនឹងបន្តការពារសន្តិភាព និងស្ថិរភាពនៅច្រកសមុទ្រតៃវ៉ាន់។ បេក្ខជនមេដឹកនាំនៃគណបក្សប្រជាធិបតេយ្យជឿនលឿន (DPP) ដែលកំពុងកាន់អំណាច បានឈ្នះការបោះឆ្នោតកាលពីថ្ងៃសៅរ៍ (១៣ មករា) ហើយនឹងចូលកាន់តំណែងនៅថ្ងៃទី២០ ខែឧសភា។រដ្ឋបាលលោកប្រធានាធិបតីអាមេរិក ចូ បៃដិន បានភ័យខ្លាចថាការបោះឆ្នោតកាលពីថ្ងៃសៅរ៍ ការផ្លាស់ប្តូរ និងរដ្ឋបាលថ្មី នឹងបង្កើនភាពតានតឹងជាមួយទីក្រុងប៉េកាំង ដែលបានដាក់សម្ពាធលើកោះតៃវ៉ាន់ទាំងផ្នែកយោធា និងសេដ្ឋកិច្ច ដើម្បីអះអាងការទាមទារអធិបតេយ្យភាពរបស់ខ្លួន៕

អ្នកជំនាញចិន និងអាស៊ីអាគ្នេយ៍ជួបពិភាក្សាគ្នា ដើម្បីកសាងទំនាក់ទំនងលើផ្នែកអប់រំបច្ចេកទេស

មជ្ឈមណ្ឌលតំបន់អាស៊ីអាគ្នេយ៍ សម្រាប់ការអភិវឌ្ឍអប់រំបច្ចេកទេស និងអង្គការ GO STUDY Global Education បានសហការរៀបចំសិក្ខាសាលាអន្តរជាតិស្តីពី “ភាពជាដៃគូរវាងអាស៊ាន-ចិន”។ សិក្ខាសាលាអន្តរជាតិនេះ គឺដើម្បីកសាងទំនាក់ទំនង និងភាពជាដៃគូលើផ្នែកអប់រំបច្ចេកទេស និងដើម្បីផ្សារភ្ជាប់សាលាអប់រំបច្ចេកទេស តាមរយៈការចែករំលែកបទពិសោធន៍លើជំនាញបច្ចេកទេសពីអ្នកឯកទេសមកពីប្រទេសចិន និងប្រទេសមកពីតំបន់អាស៊ីអាគ្នេយ៍។លោក អៃ សុងហ៊ាង នាយកមជ្ឈមណ្ឌលតំបន់អាស៊ីអាគ្នេយ៍ សម្រាប់ការអភិវឌ្ឍអប់រំបច្ចេកទេស បានលើកឡើងថា ការរៀបចំឱ្យមានសិក្ខាសាលាអន្តរជាតិនេះ គឺដើម្បីកសាងទំនាក់ទំនង និងភាពជាដៃគូលើផ្នែកអប់រំបច្ចេកទេស និងដើម្បីផ្សារភ្ជាប់សាលាអប់រំបច្ចេកទេស តាមរយៈការចែករំលែកបទពិសោធន៍លើជំនាញបច្ចេកទេសពីអ្នកឯកទេសមកពីប្រទេសចិន និងប្រទេសមកពីតំបន់អាស៊ីអាគ្នេយ៍។ ជាក់ស្ដែងគឺមានការចូលរួមពី អ្នកឯកទេសមកពីប្រទេសចិន ប្រទេសប្រ៊ុយណេ កម្ពុជា ឥណ្ឌូនេស៊ី ម៉ាឡេស៊ី សិង្ហបុរី ថៃ និងវៀតណាម សរុបចំនួន ៤២សាលា និង៨អង្គភាពពាក់ព័ន្ធ។ លោកនាយកមជ្ឈមណ្ឌលតំបន់អាស៊ីអាគ្នេយ៍ សម្រាប់ការអភិវឌ្ឍអប់រំបច្ចេកទេស លើកឡើងបន្ថែមថា ជាផ្នែកសំខាន់នៃសិក្ខាសាលានេះ គឺក្រុមអ្នកឯកទេសទាំងអស់ នឹងចុះទៅទស្សនកិច្ចដោយផ្ទាល់ នៅមជ្ឈមណ្ឌលបណ្ដុះបណ្ដាលវិជ្ជាជីវៈ TVET របស់កម្ពុជា ដើម្បីសិក្សាស្វែងយល់ពី ការអនុវត្តជាក់ស្ដែងផងដែរ។ ឯកឧត្តម លីវ យូយី (Liu Youyi) អគ្គនាយកនៃនាយកដ្ឋានអប់រំតំបន់ក្វាងស៊ីហ្សួង Guangxi Zhuang) នៃសាធារណៈរដ្ឋប្រជាមានិតចិន បានលើកឡើងថាសិក្ខាសាលានេះជាឱកាសក្នុងការជួបប្រជុំគ្នា និងពង្រឹងកិច្ចសហប្រតិបត្តិការវាងអាស៊ាននិងចិនលើការអប់រំបច្ចេកទេស។ ថ្លែងក្នុងពិធីបើកសិក្ខាសាលានេះ ឯកឧត្តម អ៊ុម រម្យណី រដ្ឋលេខាធិការនៃក្រសួងអប់រំ យុវជន និងកីឡា បានគូសបញ្ជាក់ថាសិក្ខាសាលាអន្តរជាតិនេះ ជាឱកាសដ៏ល្អ សម្រាប់ពួកយើងដើម្បីស្វែងយល់ពីការអនុវត្តល្អបំផុតស្តីពីភាពជាដៃគូ និងកិច្ចសហប្រតិបត្តិការក្នុងចំណោមតំណាងសាលាអប់រំបច្ចេកទេសពីប្រទេសចិន និងពីប្រទេសសមាជិកអាស៊ាន ដើម្បីឆ្លុះបញ្ចាំងពីអ្វីដែលយើងបានធ្វើកាលពីអតីតកាល និងផែនការសម្រាប់សកម្មភាពនាពេលអនាគត។ លើសពីនេះ គម្រោង និងសំណើសហប្រតិបត្តិការនាពេលអនាគតក៏ត្រូវបានលើកឡើងសម្រាប់ការពិចារណារបស់យើង ដើម្បីបង្កើនភាពជាដៃគូជិតស្និទ្ធ។ ការភ្ជាប់ទំនាក់ទំនងគ្នាគឺជាគន្លឹះ និងកម្លាំង ដែលជាមូលដ្ឋាននៃការធ្វើការរួមគ្នាដើម្បីដោះស្រាយដោយជោគជ័យនូវគោលដៅអភិវឌ្ឍន៍ប្រកបដោយចីរភាព (SDGs)”៕ អត្ថបទ៖ គឹម ហុក

យោធាកូរ៉េខាងត្បូង ថ្កោលទោសការបាញ់មីស៊ីលចុងក្រោយរបស់កូរ៉េខាងជើង

យោធាកូរ៉េខាងត្បូង នៅថ្ងៃចន្ទ (១៥ មករា) នេះបានថ្កោលទោសការបាញ់បង្ហោះមីស៊ីលចុងក្រោយរបស់កូរ៉េខាងជើង ដែលទីក្រុងព្យុងយ៉ាងអះអាងថា ជាមីស៊ីលល្បឿនលឿនជាងសំឡេងឥន្ធនៈរឹងថ្មី ដែលមានរយៈចម្ងាយមធ្យម។មីស៊ីលរបស់កូរ៉េខាងជើងនេះត្រូវបានបាញ់ចេញពីតំបន់ទីក្រុងព្យុងយ៉ាង នៅម៉ោងប្រហែល ២:៥៥នាទីរសៀល (ម៉ោងក្នុងស្រុក) នៅថ្ងៃអាទិត្យ (១៤ មករា) ហើយបានហោះហើរប្រហែល ១.០០០គីឡូម៉ែត្រ ពីឆ្នេរសមុទ្រភាគខាងកើតរបស់ប្រទេស នេះបើយោងតាមយោធារបស់ប្រទេសកូរ៉េខាងត្បូង។ ក្រសួងការពារជាតិជប៉ុនបាននិយាយថា កម្ពស់អតិបរមារនៃការហោះរបស់មីស៊ីលគឺយ៉ាងហោចណាស់ ៥០គីឡូម៉ែត្រ។ប្រធានផ្នែកកិច្ចការសាធារណៈរួមរបស់កូរ៉េខាងត្បូង (JCS) លោកវរសេនីយ៍ឯក លី ស៊ុងជុន (Lee Sung-jun) បាននិយាយថា ការបាញ់បង្ហោះនេះគឺជាការញុះញង់យ៉ាងច្បាស់ដែលគំរាមកំហែងយ៉ាងធ្ងន់ធ្ងរដល់សន្តិភាព និងស្ថិរភាពនៅលើឧបទ្វីបកូរ៉េ ដោយបន្ថែមថាកូរ៉េខាងត្បូង សហរដ្ឋអាមេរិក និងជប៉ុនកំពុងធ្វើការវិភាគនៅលើមីស៊ីល។ការបាញ់មីស៊ីលនេះបានកើតឡើងក្នុងថ្ងៃតែមួយដែលរដ្ឋមន្ត្រីការបរទេសកូរ៉េខាងជើងបានចាកចេញទៅរុស្ស៊ី។ វាកើតឡើងស្របពេលមានភាពតានតឹងកាន់តែខ្លាំងឡើងរវាងកូរ៉េទាំងពីរបន្ទាប់ពីការបាញ់បង្ហោះមីស៊ីលបាលិស្ទិកអន្តរទ្វីបជាបន្តបន្ទាប់របស់ទីក្រុងព្យុងយ៉ាង និងផ្កាយរណបចារកម្មយោធាដំបូងរបស់ខ្លួន ក៏ដូចជាការធ្វើឱ្យទំនាក់ទំនងកាន់តែស៊ីជម្រៅរវាងទីក្រុងព្យុងយ៉ាង និងទីក្រុងមូស្គូ ដែលបានធ្វើឱ្យទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួនព្រួយបារម្ភយ៉ាងខ្លាំង៕

ទូតបារាំងនៅកម្ពុជា មើលឃើញថ្នាក់ដឹកនាំវ័យក្មេងជួររាជរដ្ឋាភិបាលកម្ពុជា មានឆន្ទៈខ្ពស់ ក្នុងការកែទម្រង់

លោក ហ្សាក់ ប៉ឺឡេ ឯកអគ្គរដ្ឋទូតបារាំងប្រចាំនៅកម្ពុជា បានថ្លែងថា តាមការមើលឃើញរបស់លោក ចំពោះការដឹកនាំរបស់មន្រ្តីក្នុងជួររាជរដ្ឋាភិបាលវ័យក្មេងកម្ពុជា ក្នុងរយៈពេលជាងបួនខែមកនេះ គឺមាន ឆន្ទៈខ្ពស់ក្នុងការកែទម្រង់ទាំងថ្នាក់ជាតិ និងថ្នាក់ក្រោមជាតិ ហើយលោករំពឹងថា ការប្តេជ្ញាចិត្តរបស់រាជរដ្ឋាភិបាលនេះ នឹងធ្វើឲ្យកម្ពុជាកាន់តែប្រសើរ រួមទាំងការពង្រឹងទំនាក់ទំនងទ្វេភាគីជាមួយបារាំងផងដែរ។ថ្លែងក្នុងសន្និសីទសារព័ត៌មាន នាថ្ងៃទី១៥ ខែមករា ឆ្នាំ២០២៤នេះក្នុងស្ថានទូបារាំង ស្តីពីដំណើរទស្សនកិច្ចរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ទៅកាន់ប្រទេសបារាំង លោក ហ្សាក់ ប៉ឺឡេ បានបញ្ជាក់ថា ក្រោយកាន់តំណែងរបស់នាយករដ្ឋមន្រ្តីវ័យក្មេងកម្ពុជានីតិកាលទី៧ ក្នុងរដ្ឋសភាអស់ រយៈពេលប៉ុន្មានខែមកនេះ លោកបានជួបរដ្ឋមន្រ្តីជាច្រើនដែលទើបតែងតាំងព្រមគ្នា ហើយក្នុងកិច្ចជំនួបនោះរដ្ឋមន្រ្តីទាំងនោះសុទ្ធតែមានឆន្ទៈមុះ មុតក្នុងការធ្វើកំណែទម្រង់របស់ខ្លួន ដើម្បីផលប្រយោជន៍រួម របស់ប្រជាជន និងប្រទេសជាតិ។នៅក្នុងសន្និសីទសារព័ត៌មាននោះដែរ លោកឯកអគ្គរដ្ឋទូតបារាំងក៏បានសម្តែងនូវសុទិដ្ឋិនិយម ផងដែរចំពោះដំណើរទស្សនកិច្ចរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីទៅកាន់ប្រទេសបារំាងជាផ្លូវការ និងជាលើកដំបូងនាពេលនេះ នឹងធ្វើឲ្យទំនាក់ទំនងទ្វេក្នុងក្របខណ្ឌភាគីកម្ពុជា និងបារាំងកាន់តែល្អប្រសើរ បន្ថែមទៀត ជាពិសេសនោះគឺវិស័យសេដ្ឋកិច្ច ខណៈបារាំងមើលឃើញកម្ពុជាមានស្ថានភាពល្អប្រសើរជាច្រើន ដែលគួរឲ្យអ្នកវិនិយោគិនបារាំងមកធ្វើការវិនិយោគនៅកម្ពុជាបន្ថែម៕អត្ថបទបាន ចក់

ឯកអគ្គរដ្ឋទូតសហភាពអឺរ៉ុបប្រចាំកម្ពុជា កោតសរសើរក្នុងការលើកកម្ពស់ និងការការពារសិទ្ធិមនុស្សនៅកម្ពុជា

ភ្នំពេញ៖ នៅថ្ងៃទី១៥ ខែមករា ឆ្នាំ២០២៤ ឯកឧត្តម កែវ រ៉េមី ទេសរដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជា បានអនុញ្ញាតឱ្យឯកឧត្តម Igor Driesmans ឯកអគ្គរដ្ឋទូត នៃសហភាពអឺរ៉ុបប្រចាំកម្ពុជា ចូលជួបសម្តែងការគួរសម។ កិច្ចជំនួបនេះបានផ្តោតលើវឌ្ឍនភាពការងាររបស់គណៈកម្មាធិការសិទ្ធិមនុស្សកម្ពុជា (គ.ស.ម.ក.) និង កិច្ចសហការរវាង គ.ស.ម.ក. និងសហភាពអឺរ៉ុប នាពេលអនាគត។ជាកិច្ចចាប់ផ្តើម ឯកឧត្ដម កែវ រ៉េមី បានសម្តែងការស្វាគមន៍ចំពោះឯកឧត្ដម Igor Driesmans និងគណៈប្រតិភូ និងបានគូសបញ្ជាក់ពីការរៀបចំរបាយការណ៍នៃការពិនិត្យឡើងវិញជាសកលតាមកាលកំណត់ (UPR) ជុំទី៤ ដោយបានពិគ្រោះយោបល់ជាមួយអន្តរក្រសួង និងភាគីពាក់ព័ន្ធរួចរាល់ហើយ និងត្រៀមដាក់ជូនសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ពិនិត្យ និងសម្រេច មុននឹងបញ្ជូនទៅក្រសួងការបរទេសនិងហប្រតិបត្តិការអន្តរជាតិ ដើម្បីបន្តនីតិវិធី។បន្ថែមពីនេះ ឯកឧត្តម ទេសរដ្ឋមន្ត្រីលើកឡើងពីសេចក្តីព្រាងច្បាប់ស្តីពីការបង្កើតស្ថាប័នសិទ្ធិមនុស្សជាតិ ដែលផ្អែកលើគោលការណ៍ ទីក្រុងប៉ារីស និងបទដ្ឋានសិទ្ធិមនុស្សអន្តរជាតិ និងបានសហការជាមួយឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំប្រទេសកម្ពុជា (OHCHR) រៀបចំកិច្ចពិគ្រោះយោបល់ចំនួន៣២លើក ដែលមានការចូលរួមពីភាគីពាក់ព័ន្ធ ហើយបញ្ជូនទៅទីស្ដីការគណៈរដ្ឋមន្ត្រី នៅថ្ងៃទី១៩ ខែកញ្ញា ឆ្នាំ២០២៣ និងបានជួបពិគ្រោះយោបល់ជាមួយក្រុមប្រឹក្សាអ្នកច្បាប់ នៅថ្ងៃទី១៩ ខែធ្នូ ឆ្នាំ២០២៣។ ក្នុងឱកាសនៃជំនួបនេះ ឯកឧត្ដម Igor Driesmans បានថ្លែងអំណរគុណចំពោះ ឯកឧត្ដម កែវ រ៉េមី ដែលបានចំណាយពេលដ៏មមាញឹក អនុញ្ញាតឱ្យឯកឧត្ដម និងគណៈប្រតិភូចូលជួបសម្តែងការគួរសម និងបានកោតសរសើរពីកិច្ចខិតខំរបស់ គ.ស.ម.ក. ក្នុងការលើកកម្ពស់ និងការការពារសិទ្ធិមនុស្សនៅប្រទេស កម្ពុជា។ ទន្ទឹមនេះ ឯកឧត្តមឯកអគ្គរដ្ឋទូតបានស្វាគមន៍ចំពោះសំណើរបស់ឯកឧត្តមទេសរដ្ឋមន្ត្រី លើ ការពង្រឹងកិច្ចសហការរវាង គ.ស.ម.ក. និងស្ថានប្រតិភូអឺរ៉ុបប្រចាំប្រទេសកម្ពុជា រួមជាមួយនឹង OHCHR លើវិស័យសិទ្ធិមនុស្សនៅកម្ពុជា។លើសពីនេះ ឯកឧត្តមទេសរដ្ឋមន្ត្រីក៏បានលើកឡើងពីការចុះពិនិត្យស្ថានភាពសិទ្ធិមនុស្សជាប្រចាំនៅកន្លែងឃុំឃាំង ដូច ជាពន្ធធនាគារ មណ្ឌលអប់រំកែប្រែ និងមណ្ឌលស្តារនីតិសម្បទា និងបានវាយតម្លៃថា គឺមានភាពល្អប្រសើរ។ ទន្ទឹមនេះ ឯកឧត្តមទេសរដ្ឋមន្ត្រី ក៏បានស្នើដល់ឯកឧត្តមឯកអគ្គរដ្ឋទូត ពិនិត្យលទ្ធភាព ក្នុងការពង្រឹងកិច្ច សហការរវាង គ.ស.ម.ក. និងស្ថានប្រតិភូសហភាពអឺរ៉ុបប្រចាំព្រះរាជាណាចក្រកម្ពុជា រួមជាមួយនឹង OHCHR លើវិស័យសិទ្ធិមនុស្ស៕

បណ្ដាញសង្គម

ព័ត៌មានថ្មីៗ

ប្រធានតុលាការកំពូលកម្ពុជា ប្រាប់ប្រធានតុលាការកំពូលវៀតណាម-ឡាវ ពីការឈ្លានពាន និងការកាន់កាប់ទឹកដីដោយខុសច្បាប់ពីសំណាក់ភាគីថៃមកលើដែនអធិបតេយ្យរបស់កម្ពុជា

ប្រព័ន្ធផ្សព្វផ្សាយរដ្ឋលីបង់៖ ការវាយប្រហាររបស់អ៊ីស្រាអែលនៅភាគខាងត្បូង បានសម្លាប់មនុស្សយ៉ាងតិច ៧នាក់

ភ្លៀងធ្លាក់ខ្លាំងជាប់កំណត់ត្រា បានធ្វើឲ្យអ្នកដំណើររាប់ពាក់នាក់ជាប់ខ្លួននៅអាកាសយានដ្ឋានក្រុងតូក្យូ

យន្តហោះចម្បាំងអង្គការណាតូ បាញ់ទម្លាក់យានដ្រូននៅលើដែនអាកាសប្រទេសឡាតវី

ប្រធានក្រុមការងារគណបក្សចុះមូលដ្ឋានស្រុកថ្មបាំង ជំរុញឲ្យសមាជិកបក្សយកចិត្តទុកដាក់បន្ថែមទៀត ចំពោះសុខទុក្ខពលរដ្ឋនៅមូលដ្ឋាន

ការបណ្ដុះបណ្ដាលដែលផ្ដល់ដោយរដ្ឋាភិបាល ធ្វើឱ្យយុវជនមានជំនាញពិតប្រាកដ មាន ការងារធ្វើ និងប្រកបរបរបាន

លោកLavrov ៖រុស្ស៊ីបង្កើនកិច្ចខិតខំប្រឆាំងការគាំទ្រលោកខាងលិចសម្រាប់អ៊ុយក្រែន

[UPDATE] ចំនួនអ្នកស្លាប់ពីគ្រោះរញ្ជួយដីនៅឥណ្ឌូនេស៊ីនឡើងដល់ ៣៨នាក់ ខណៈក្រុមជួយសង្គ្រោះកំពុងប្រញាប់ប្រញាល់បញ្ជូនអ្នករងរបួសទៅកាន់មន្ទីរពេទ្យ

គ្រោះរាំងស្ងួតក្នុងប្រទេសបូស្នី ធ្វើឲ្យសត្វសេះព្រៃនៅតំបន់ខ្ពស់រាប Kruzi បោលស្វែងរកទឹកផឹក

លោក TRUMP និយាយថា លោកនឹងប្រកាសច្រកសមុទ្រហ័រមូសថា ជាផ្នែកមួយនៃទឹកដីអាមេរិក នាពេឆាប់ៗនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រុមហ៊ុន ប្រេងឥន្ធនៈ TotalEnergies បង្ហាញបំណងចង់វិនិយោគ លើថាមពល កកើតឡើងវិញនៅកម្ពុជា

ក្រុមហ៊ុន Blue Circle របស់បារាំងថា ខេត្តចំនួនពីរនៅកម្ពុជាដែលអាចផ្តល់លទ្ធភាពផលិតអគ្គិសនីដើរដោយខ្យល់បាន

រដ្ឋមន្ត្រីក្រសួងការងារ ស្វែងយល់ការបណ្តុះបណ្តាលជំនាញផលិតនាឡិកាស្តង់ដារស្វីសរបស់Prince Horology

កិច្ចពិភាក្សាផែនការសន្តិភាពអ៊ុយក្រែននៅទីក្រុង Davos បញ្ចប់ដោយគ្មានផ្លូវច្បាស់លាស់ទៅមុខ

មេដឹកនាំជាប់ឆ្នោតថ្មីរបស់កោះតៃវ៉ាន់ សង្ឃឹមថា អាមេរិកអាចបន្តគាំទ្រដល់តៃវ៉ាន់

អ្នកជំនាញចិន និងអាស៊ីអាគ្នេយ៍ជួបពិភាក្សាគ្នា ដើម្បីកសាងទំនាក់ទំនងលើផ្នែកអប់រំបច្ចេកទេស

យោធាកូរ៉េខាងត្បូង ថ្កោលទោសការបាញ់មីស៊ីលចុងក្រោយរបស់កូរ៉េខាងជើង

ទូតបារាំងនៅកម្ពុជា មើលឃើញថ្នាក់ដឹកនាំវ័យក្មេងជួររាជរដ្ឋាភិបាលកម្ពុជា មានឆន្ទៈខ្ពស់ ក្នុងការកែទម្រង់

ឯកអគ្គរដ្ឋទូតសហភាពអឺរ៉ុបប្រចាំកម្ពុជា កោតសរសើរក្នុងការលើកកម្ពស់ និងការការពារសិទ្ធិមនុស្សនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រុមហ៊ុន ប្រេងឥន្ធនៈ TotalEnergies បង្ហាញបំណងចង់វិនិយោគ លើថាមពល កកើតឡើងវិញនៅកម្ពុជា

ក្រុមហ៊ុន Blue Circle របស់បារាំងថា ខេត្តចំនួនពីរនៅកម្ពុជាដែល​អាចផ្តល់​លទ្ធភាពផលិតអគ្គិសនី​ដើរដោយខ្យល់បាន

រដ្ឋមន្ត្រីក្រសួងការងារ ស្វែងយល់​ការបណ្តុះបណ្តាលជំនាញផលិត​នាឡិកាស្តង់ដារ​ស្វីស​របស់Prince Horology

កិច្ចពិភាក្សាផែនការសន្តិភាពអ៊ុយក្រែននៅទីក្រុង Davos បញ្ចប់ដោយគ្មានផ្លូវច្បាស់លាស់ទៅមុខ

មេដឹកនាំជាប់ឆ្នោតថ្មីរបស់កោះតៃវ៉ាន់ សង្ឃឹមថា អាមេរិកអាចបន្តគាំទ្រដល់តៃវ៉ាន់

អ្នកជំនាញចិន និងអាស៊ីអាគ្នេយ៍ជួបពិភាក្សាគ្នា ដើម្បីកសាងទំនាក់ទំនងលើផ្នែកអប់រំបច្ចេកទេស

យោធាកូរ៉េខាងត្បូង ថ្កោលទោសការបាញ់មីស៊ីលចុងក្រោយរបស់កូរ៉េខាងជើង

ទូតបារាំងនៅកម្ពុជា មើលឃើញថ្នាក់ដឹកនាំវ័យក្មេងជួររាជរដ្ឋាភិបាលកម្ពុជា មានឆន្ទៈខ្ពស់ ក្នុងការកែទម្រង់

ឯកអគ្គរដ្ឋទូតសហភាពអឺរ៉ុបប្រចាំកម្ពុជា កោតសរសើរក្នុងការលើកកម្ពស់ និង​ការ​ការពារសិទ្ធិមនុស្សនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្រុមហ៊ុន Blue Circle របស់បារាំងថា ខេត្តចំនួនពីរនៅកម្ពុជាដែលអាចផ្តល់លទ្ធភាពផលិតអគ្គិសនីដើរដោយខ្យល់បាន

រដ្ឋមន្ត្រីក្រសួងការងារ ស្វែងយល់ការបណ្តុះបណ្តាលជំនាញផលិតនាឡិកាស្តង់ដារស្វីសរបស់Prince Horology

ឯកអគ្គរដ្ឋទូតសហភាពអឺរ៉ុបប្រចាំកម្ពុជា កោតសរសើរក្នុងការលើកកម្ពស់ និងការការពារសិទ្ធិមនុស្សនៅកម្ពុជា