នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ​ និង ការអភិវឌ្ឍន៍

មេដឹកនាំកោះតៃវ៉ាន់និយាយថា ទំនាក់ទំនងជាមួយចិន ត្រូវតែសម្រេចដោយឆន្ទៈរបស់ប្រជាជន

2024/01/01 01:10:05 pm        76
Facebook Telegram Linkin
មេដឹកនាំកោះតៃវ៉ាន់ លោកស្រី Tsai Ing-wen បាននិយាយនៅថ្ងៃចន្ទទី១ ខែ មករា នេះថា ទំនាក់ទំនងរបស់កោះតៃវ៉ាន់ ជាមួយប្រទេសចិន ត្រូវតែសម្រេចដោយឆន្ទៈរបស់ប្រជាជន ហើយសន្តិភាពត្រូវតែពឹងផ្អែកលើ «សេចក្តីថ្លៃថ្នូរ» បន្ទាប់ពីមេដឹកនាំចិន លោក Xi Jinping បាននិយាយថា ការបង្រួបបង្រួមឡើងវិញ ជាមួយកោះនេះ គឺជៀសមិនរួច។ ប្រទេសចិន កំពុងបង្កើនសម្ពាធយោធា ដើម្បីអះអាងសិទ្ធិការទាមទារដែនអធិបតេយ្យភាពរបស់ខ្លួនជុំវិញកោះតៃវ៉ាន់គ្រប់គ្រងតាមបែបប្រជាធិបតេយ្យ ដែលនៅថ្ងៃទី ១៣ ខែមករា នឹងរៀបចំការបោះឆ្នោតមេដឹកនាំ និងសភា។ ការអត្ថាធិប្បាយរបស់លោក Xi នៅក្នុងសុន្ទរកថា នៅថ្ងៃចូលឆ្នាំសកល បាននិយាយបញ្ជាក់ខ្លាំងជាងឆ្នាំមុន ដែលលោកបាននិយាយថា ប្រជាជនទាំងសងខាងនៃច្រកសមុទ្រតៃវ៉ាន់ គឺជាសមាជិកនៃគ្រួសារតែមួយ និងជាគ្រួសារដូចគ្នា។ ដោយត្រូវបានសួរអំពីសុន្ទរកថារបស់លោក Xi នៅក្នុងសន្និសីទសារព័ត៌មានឆ្នាំថ្មី នៅការិយាល័យមេដឹកនាំក្នុងទីក្រុងតៃប៉ិ លោកស្រី សៃ(Tsai) បាននិយាយថា គោលការណ៍សំខាន់បំផុតស្តីពីអ្វីដែលត្រូវអនុវត្តតាមទំនាក់ទំនងជាមួយប្រទេសចិន គឺលទ្ធិប្រជាធិបតេយ្យ។ លោកស្រីនិយាយថា នេះគឺជាការទទួលយកឆន្ទៈរួមគ្នារបស់ប្រជាជនកោះតៃវ៉ាន់ ដើម្បីធ្វើការសម្រេចចិត្ត។ បន្ទាប់មក យើងជាប្រទេសលទ្ធិប្រជាធិបតេយ្យ។លោកស្រី Tsai និយាយថា ប្រទេសចិន គួរតែគោរពលទ្ធផលនៃការបោះឆ្នោតរបស់កោះតៃវ៉ាន់ ហើយវាជាទំនួលខុសត្រូវរបស់ភាគីទាំងពីរ ក្នុងការរក្សាសន្តិភាព និងស្ថិរភាពនៅក្នុងច្រកសមុទ្រ។លោកស្រី Tsai បានជំរុញ និងធ្វើទំនើបកម្ម វិស័យការពារជាតិរបស់កោះតៃវ៉ាន់ ជាវិស័យអាទិភាព រួមទាំងការជំរុញកម្មវិធីនាវាមុជទឹកផលិតក្នុងស្រុកផងដែរ។

មេដឹកនាំកូរ៉េខាងជើងប្រាប់កងទ័ពឱ្យ បំផ្លាញកូរ៉េខាងត្បូង និងអាមេរិក ប្រសិនបើពួកគេ ផ្តួចផ្តើមជម្លោះ

2024/01/01 01:05:43 pm        68
Facebook Telegram Linkin
យោងតាមប្រព័ន្ធផ្សព្វផ្សាយរដ្ឋ បានរាយការណ៍នៅថ្ងៃចន្ទ ទី១ ខែមករានេះថា មេដឹកនាំប្រទេសកូរ៉េខាងជើង លោក Kim Jong Un បានប្រាប់មន្ត្រីយោធាជាន់ខ្ពស់របស់លោក ឱ្យប្រើកម្លាំងអតិបរមាប្រឆាំងប្រទេសកូរ៉េខាងត្បូង និងសហរដ្ឋអាមេរិក ប្រសិនបើពួកគេផ្តួចផ្តើមការប្រឈមមុខដាក់គ្នាផ្នែកយោធា ។ទីក្រុងសេអ៊ូល និងទីក្រុងវ៉ាស៊ីនតោន បានបង្កើនកិច្ចសហប្រតិបត្តិការលើវិស័យការពារជាតិ ក្នុងការប្រឈមមុខទៅនឹងការសាកល្បងអាវុធដ៏ច្រើនបំផុតជាបន្តបន្ទាប់ ធ្វើឡើងដោយទីក្រុងព្យុងយ៉ាង កាលពីឆ្នាំមុន។ ទីភ្នាក់ងារសារព័ត៌មានមជ្ឈិមកូរ៉េ (KCNA) បានរាយការណ៍ថា នៅក្នុងកិច្ចប្រជុំមួយជាមួយមន្ត្រីទីបញ្ជាការសំខាន់ៗរបស់កូរ៉េខាងជើង នៅទីក្រុងព្យុងយ៉ាង ក្នុងថ្ងៃចូលឆ្នាំសកល លោក Kim បាននិយាយថា យោធារបស់លោកនឹងបំផ្លាញសត្រូវ ប្រសិនបើមានការបង្កហេតុ។ លោក Kim បាននិយាយថា ប្រសិនបើសត្រូវ ជ្រើសរើសយកការប្រឈមមុខដាក់គ្នា និងការបង្កហេតុខាងយោធាប្រឆាំងប្រទេសកូរ៉េខាងជើង កងទ័ពរបស់យើងនឹងវាយប្រហារដ៏ឃោឃៅ ដើម្បីបំផ្លាញពួកគេ ដោយប្រមូលគ្រប់មធ្យោបាយ និងសក្តានុពលដ៏លំបាកបំផុត ដោយមិនស្ទាក់ស្ទើរ។ ការអត្ថាធិប្បាយរបស់លោកKim បានគាំទ្រការគំរាមកំហែងរបស់លោក ដែលបានធ្វើឡើងក្នុងអំឡុងពេលកិច្ចប្រជុំគណបក្សនៅចុងឆ្នាំ ស្តីពីការវាយប្រហារដោយនុយក្លេអ៊ែរលើទីក្រុងសេអ៊ូល និងបញ្ជាឱ្យសាងសង់ឃ្លាំងអាវុធយោធា ដើម្បីត្រៀមសម្រាប់សង្រ្គាម ដែលលោកនិយាយថាអាច ផ្ទុះនៅពេលណាមួយ នៅលើឧបទ្វីបនេះ។ ក្នុងអំឡុងពេលនៃកិច្ចប្រជុំ ដើម្បីកំណត់របៀបវារៈគោលនយោបាយសម្រាប់ឆ្នាំ ២០២៤ មេដឹកនាំកូរ៉េខាងជើង បានចោទប្រកាន់សហរដ្ឋអាមេរិកថា បានបង្ហាញនូវរូបភាពនៃការគំរាមកំហែងផ្នែកយោធាផ្សេងៗគ្នា។ លោកបានអំពាវនាវដល់កងកម្លាំងប្រដាប់អាវុធឱ្យ បំផ្លាញទឹកដីទាំងមូលរបស់ប្រទេសកូរ៉េខាងត្បូង ដែលប្រមូលផ្តុំគ្រប់មធ្យោបាយរូបវន្ត រួមទាំងកងកម្លាំងនុយក្លេអ៊ែរ ក្នុងករណីកើតមានព្រឹត្តិការណ៍អស្ចារ្យ ដែលសំដៅទៅលើជម្លោះប្រដាប់អាវុធ។

អ្នកគាំទ្រលោក Tshisekedi អបអរជ័យជម្នះក្នុងការបោះឆ្នោតនៅកុងហ្គោ ក្នុងរដ្ឋធានី

2024/01/01 12:58:14 pm        79
Facebook Telegram Linkin
ហ្វូងមនុស្សបានអបអរសាទរការជាប់ឆ្នោតថ្មី របស់ប្រធានាធិបតីសាធារណរដ្ឋប្រជាធិបតេយ្យកុងហ្គោ លោក Felix Tshisekedi នៅរដ្ឋធានី Kinshasa កាលពីថ្ងៃអាទិត្យ។គណៈកម្មាធិការរៀបចំការបោះឆ្នោតរបស់ប្រទេស បាននិយាយកាលពីថ្ងៃអាទិត្យថា លោក Tshisekedi ត្រូវបានបោះឆ្នោតឱ្យនៅក្នុងអាណត្តិទីពីរ បន្ទាប់ពីទទួលបានសំឡេងច្រើនជាង ៧៣ភាគរយ នៅក្នុងការបោះឆ្នោតស្ទង់មតិកាលពីថ្ងៃទី ២០ ខែធ្នូ។ឧបសគ្គផ្នែកដឹកជញ្ជូន ដំណើរការថ្ងៃបោះឆ្នោត និងការរាប់សន្លឹកឆ្នោតដ៏ស្មុគស្មាញ បានបង្កឱ្យមានជម្លោះ ដែលគំរាមកំហែងធ្វើឲ្យមានអស្ថិរភាពប្រទេសបន្ថែមទៀត។គណបក្សនយោបាយ បេក្ខជន និងអ្នកទាំងឡាយដែលមានកាតព្វកិច្ច មានរយៈពេលពីរថ្ងៃដើម្បីប្រជែងលទ្ធផលនៃការបោះឆ្នោត នៅតុលាការធម្មនុញ្ញ។ បន្ទាប់មក តុលាការមានពេលប្រាំពីរថ្ងៃ ដើម្បីចេញសេចក្តីសម្រេច លើសំណុំរឿង និងប្រកាសលទ្ធផលចុងក្រោយ។ការអបអរសាទរ បានផ្ទុះឡើងពីក្រុមអ្នកគាំទ្ររបស់ លោក Tshisekedi នៅខាងក្រៅទីស្នាក់ការកណ្តាលរបស់គណបក្ស បន្ទាប់ពី គណបក្ស Kadima បានប្រកាសថា លោក Tshisekedi ត្រូវបានជ្រើសរើសបណ្តោះអាសន្ន។

សេតវិមាន បានប្រកាសលក់អាវុធបន្ទាន់ចំនួន ១៤៧ លានដុល្លារ ដល់អ៊ីស្រាអែល

2024/01/01 12:30:34 pm        59
Facebook Telegram Linkin
រដ្ឋបាលលោកបៃដិន បាននិយាយថា ខ្លួនបានអនុញ្ញាតឲ្យលក់អាវុធបន្ទាន់ចំនួន ១៤៧ លានដុល្លារ ទៅឲ្យ អ៊ីស្រាអែល ដោយគ្មានការយល់ព្រមពីសភា ខណៈដែលក្រុងហ្ស៊េរុយសាឡឹម បង្កើនកិច្ចខិតខំប្រឹងប្រែងធ្វើសង្គ្រាមប្រឆាំងនឹងក្រុមហាម៉ាស នៅតំបន់ហ្កាហ្សាស្ទ្រីបភាគខាងត្បូង។ទីភ្នាក់ងារសហប្រតិបត្តិការសន្តិសុខការពារជាតិអាមេរិក បានប្រកាសថា សេតវិមាន បានចាកចេញពីសភាកាលពីថ្ងៃសុក្រ ហើយបានអនុម័តលើការបែងចែកថវិកាគ្រាអាសន្នចំនួន ១៤៧,៥ លានដុល្លារ ដើម្បីបញ្ជូនកាំភ្លើងធំ ១៥៥មិល្លីម៉ែត្រ និងឧបករណ៍ជំនួយដល់អ៊ីស្រាអែល ក្រោមបទប្បញ្ញត្តិនៃច្បាប់គ្រប់គ្រងការនាំចេញអាវុធ។មន្ត្រីទីភ្នាក់ងារសហប្រតិបត្តិការសន្តិសុខការពារជាតិ បាននិយាយនៅក្នុងសេចក្តីថ្លែងការណ៍មួយថា៖«ក្រសួងការបរទេស បានកំណត់ និងផ្តល់យុត្តិកម្មលម្អិតដល់សភាថា មានស្ថានគ្រាអាសន្នដែលតម្រូវឲ្យលក់ជាបន្ទាន់ទៅឲ្យរដ្ឋាភិបាលអ៊ីស្រាអែល ដែលមានក្នុងលក្ខខណ្ឌ និងសេវាកម្មការពារជាតិខាងលើ ក្នុងផលប្រយោជន៍សន្តិសុខជាតិរបស់សហរដ្ឋអាមេរិក។ ការសម្រេចនេះ កើតឡើង នៅពេលដែលចំនួនអ្នកស្លាប់នៅក្នុងសង្គ្រាមរបស់អ៊ីស្រាអែលប្រឆាំងនឹងក្រុមសកម្មប្រយុទ្ធហាម៉ាស នៅក្នុងតំបន់ហ្កាហ្សា បានកើនឡើងដល់ ២១.៦០០នាក់ កាលពីថ្ងៃសៅរ៍ នេះបើយោងតាមមន្ត្រីសុខាភិបាលប៉ាឡេស្ទីន។

លោក Putin នៅក្នុងសុន្ទរកថាឆ្នាំថ្មី និយាយយោងទៅរកអ៊ុយក្រែនតែប៉ុណ្ណោះ

2024/01/01 11:22:59 am        151
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) ដែលប្រឈមមុខទៅនឹងការបោះឆ្នោត ក្នុងខែមីនា បាននិយាយនៅក្នុងសុន្ទរកថាចូលឆ្នាំថ្មីរបស់លោក អំពីសង្គ្រាមរបស់លោកនៅអ៊ុយក្រែន ដោយសាទរទាហានថាជាវីរបុរស ប៉ុន្តែភាគច្រើនបញ្ជាក់ច្បាស់លើសាមគ្គីភាព និងការប្តេជ្ញាចិត្តរួមគ្នា។សុន្ទរកថាដែលបានថតទុកជាមុន ត្រូវបានចាក់ផ្សាយនៅមុនពាក់កណ្តាលអធ្រាត្រ នៅក្នុងតំបន់របស់រុស្ស៊ីនៅម៉ោង១១ ដែលមានភាពផ្ទុយស្រឡះកាលពីឆ្នាំមុន នៅពេលលោកបានឈរនៅពីក្រោយទាហាន ដែលមើលទៅក្រៀមក្រំ ដើម្បីធ្វើការអំពាវនាវដ៏ម៉ឺងម៉ាត់ចំពោះការលះបង់នៅក្នុងអ្វីដែលលោកបានចាត់ទុកថាជាការប្រយុទ្ធសម្រាប់ការរស់រានមានជីវិត។លោកPutin និយាយថា ចំពោះអ្នកគ្រប់គ្នាដែលស្ថិតនៅប៉ុស្តិ៍ប្រយុទ្ធ នៅសមរភូមិជួរមុខនៃការប្រយុទ្ធសម្រាប់ការពិត និងយុត្តិធម៌ អ្នកគឺជាវីរបុរសរបស់យើង បេះដូងរបស់យើងនៅជាមួយអ្នក យើងមានមោទនភាពចំពោះអ្នក យើងកោតសរសើរចំពោះភាពក្លាហានរបស់អ្នក។ ប៉ុន្តែក្នុងរយៈពេលប៉ុន្មានខែចុងក្រោយនេះ ដោយសង្រ្គាមបានជាប់គាំង លោក Putin បានកាត់បន្ថយការបញ្ជូនសារជាតិនិយមរបស់លោកដែលមានកាលពីពេលមុនស្តីពីអ៊ុយក្រែន ហើយបានផ្តល់ការយកចិត្តទុកដាក់ជាសាធារណៈបន្ថែមទៀតចំពោះសេដ្ឋកិច្ច និងអតិផរណា ដែលបញ្ហាទាំងអស់ទំនងជាខិតទៅជិតបេះដូងអ្នកបោះឆ្នោត។

ប្រជាជនរុស្ស៊ីក្នុងសម័យសង្គ្រាម នៅទីក្រុងមូស្គូ សង្ឃឹមថាមានសន្តិភាពក្នុងឆ្នាំថ្មីនេះ

2024/01/01 11:10:49 am        120
Facebook Telegram Linkin
នៅពេលចាប់ផ្តើមនៃឆ្នាំថ្មី អ្នកក្រុងមូស្កូ របស់រុស្ស៊ី បានរីករាយនឹងការតុបតែងដ៏ត្រចះត្រចង់ និងពិធីបុណ្យនៅតាមដងផ្លូវនៃរដ្ឋធានីកាលពីថ្ងៃអាទិត្យ (៣១ ធ្នូ) ហើយបាននិយាយថាពួកគេសង្ឃឹមថារុស្ស៊ីនឹងបញ្ចប់សង្គ្រាម។អ្នកស្រុកបានប្រាប់សារព័ត៌មានរ៉យទ័រថា «យើងជឿថានេះនឹងក្លាយជាឆ្នាំថ្មីដ៏គួរឱ្យចាប់អារម្មណ៍ និងសម្បូរបែប ហើយពិតណាស់ យើងប្រាថ្នាចង់បានមេឃដែលមានសន្តិភាពសម្រាប់យើង។ មានភាពរុងរឿង សេចក្តីស្រឡាញ់ ហើយអ្វីគ្រប់យ៉ាងនឹងល្អ មានសន្តិភាពនៅលើផែនដី អ្វីដែលសំខាន់បំផុតគឺសន្តិភាព»។ការបាញ់កាំជ្រួចអបអរនឹងមិនមាននៅក្នុងទីក្រុងមូស្គូ នោះទេនៅឆ្នាំនេះក្នុងថ្ងៃបុណ្យសម្រាប់ក្រុមគ្រួសារដ៏ធំបំផុតរបស់រុស្ស៊ី ប៉ុន្តែស្ទើរតែគ្រប់មធ្យោបាយផ្សេងទៀតនៅតែកើតមានសម្រាប់ការប្រារព្ធឆ្នាំថ្មី ដែលរដ្ឋធានីនេះមានភាពអ៊ូអរដូចនៅឆ្នាំថ្មីកាលពីមុនពេលសង្រ្គាមនៅអ៊ុយក្រែន។កាលពីឆ្នាំមុន ការដួលរលំនៃអ្វីដែលរុស្ស៊ីហៅថា «ប្រតិបត្តិការយោធាពិសេស» របស់ខ្លួន ដែលបានចាប់ផ្តើមកាលពី ១០ខែមុន ហើយការអំពាវនាវជ្រើសរើសយោធាបានធ្វើឱ្យប៉ះពាល់ដល់អារម្មណ៍របស់អ្នកក្រុងមូស្កូសម្រាប់ការកម្សាន្ត ប៉ុន្តែក្នុងឆ្នាំនេះ មានតែការឡើងថ្លៃទំនិញទេ ដែលធ្វើឲ្យការប្រារព្ធពិធីនេះមិនមានភាពអ៊ូអរ៕-

[BREAKING NEWS] រាជរដ្ឋាភិបាលកម្ពុជា ចេញអនុក្រឹត្យកំណត់យកថ្ងៃទី២៩ ខែធ្នូ ជារៀងរាល់ឆ្នាំ ជា «ទិវាសន្តិភាពនៅកម្ពុជា»

2024/01/01 09:14:58 am        330
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានសម្រេច​ចេញ​អនុក្រឹត្យ​កំណត់​យក​រាល់​ថ្ងៃ​ទី២៩ ជារៀងរាល់ឆ្នាំជា«ទិវាសន្តិភាពនៅកម្ពុជា» ហើយ​ក៏​ជាថ្ងៃ​ជាតិ​ផ្លូវ​ការ​មួយ​នៅ​ព្រះរាជា​ណា​ចក្រក​ម្ពុជា ដោយឲ្យមានការឈប់សម្រាកជាសាធារណៈផងដែរ ខណៈការ​កំណត់​យក​ថ្ងៃ​ទី​២៩​ជា​ទិវាសន្តិភាពនៅកម្ពុជានេះ ក៏ដើម្បីឆ្លើយទៅនឹងបំណងប្រាថ្នាដ៏ពិសិដ្ឋរបស់ប្រជាជនកម្ពុជា គឺការស្រលាញ់សន្តិភាព និងការស្អប់ខ្ពើមសង្រ្គាមផងដែរ។យោងតាមអនុក្រឹត្យរបស់រាជរដ្ឋាភិបាល ស្តីពីទិវាសន្តិភាពនៅកម្ពុជា ដែលបានចេញនៅថ្ងៃទី ១ ខែ​មករា ឆ្នាំ២០២៤នេះ បានលើកឡើងទៀតថា «ទិវាសន្តិភាពនៅកម្ពុជា»នេះ ក៏ជា​ការ​រំលឹក​ដល់​ការ​សម្រេចបាននូវការបញ្ចប់សង្រ្គាមទាំងស្រុង និងការកសាងបាននូវសន្តិភាព និងឯកភាព​ជាតិ​ពេញ​លេញ និងព្រះរាជាណាចក្រកម្ពុជា ដោយនយោ បាយឈ្នះ ឈ្នះ កាលពីថ្ងៃទី២៩ ខែធ្នូ ឆ្នាំ១៩៩៨។ ជាការរំលឹកដឹងគុណ និងចងចាំជានិច្ចនូវគំរូវីរភាពដ៏ អង់អាចក្លាហាន និង​ការ​ធ្វើ​ពលិកម្ម​គ្រប់បែបយ៉ាងស្វិតស្វាញនៅគ្រប់សមរភូមិ ទាំងសមរភូមិសង្រ្គាម ទំាំង សមរភូមិការទូត ទំាង​សមរភូមិនយោបាយ រហូតសម្រេចបាននូវការបញ្ចប់ជាស្ថាពរនូវសង្រ្គាមនៅកម្ពុជា ហើយ​សម្រេច​បាន​នូវការបង្រួបបង្រួមជាតិ ឯកភាពជាតិ និងនាំមកជូនជាតិ និងប្រជាជនកម្ពុជានូវសុខ សន្តិភាពពេញលេញផ្ទៃប្រទេសនៅព្រះរាជាណាចក្រកម្ពុជា ជាដើម។អនុក្រឹត្យបានបន្ថែមទៀតថា ការកំណត់យកថ្ងៃទី២៩ ជាទិវាសន្តិភាពនៅកម្ពុជានេះ ក៏ជាការ ដាស់តឿនក្រើនរំលឹកដល់ប្រជាជនកម្ពុជាគ្រប់ជំនាន់ ទាំងក្នុងបច្ចុប្បន្ន ទាំងក្នុងពេលអនាគត ឲ្យ​ចងចាំជា និច្ចអំពីមហាវិនាសកម្មរបស់ជាតិ និងទុក្ខលំបាកយ៉ាងវេទនារបស់ប្រជាជនកម្ពុជា ព្រម​ទាំង​ផល​វិបាកនានា ដែលបង្កឡើងដោយសង្រ្គាម និងការបែកបាក់ជាតិ ព្រមទាំង​បំផុស​ស្មារតី​ដល់​ប្រជាជន​កម្ពុជាគ្រប់ជំនាន់ ទាំងក្នុងពេលបច្ចុប្បន្ន ទាំងក្នុងពេល​អនាគត​ឲ្យ​ដឹង​ច្បាស់ «គុណ​តម្លៃ​នៃ​សុខសន្តិភាព» ហើយរួមគ្នាលើក កម្ពស់«វប្បធម៌សន្តិភាព» នៅកម្ពុជា ជាពិសេស​ការ​ចូលរួម​ការពារ និងថែរក្សាឲ្យបានដាច់ខាត«សុខសន្តិភាព» ដែលជាអាយុជីវិតរបស់ជាតិ និង​ជា​គ្រឹះ​ដ៏​មាន​តម្លៃបំផុតសម្រាប់ការអភិវឌ្ឍប្រទេសជាតិ និងភាព សុខសាន្ត​របស់​ប្រជាជន​កម្ពុជា​ប្រកប​ដោយ​ចីរភាព និងភិយ្យោភាពជាដើម។អនុក្រឹត្យនេះក៏បានលើកឡើងផងដែរថា «ទិវាសន្តិភាពនៅកម្ពុជា»នេះ ត្រូវ​បាន​កំណត់​ជា​ថ្ងៃ​ឈប់ សម្រាកជាសាធារណៈ ហើយគ្រប់ក្រសួង ស្ថាប័នរដ្ឋបាលថ្នាក់ក្រោមជាតិ សង្គមស៊ីវិល អង្គការអន្តរជាតិ និងវិស័យឯកជន ត្រូវចូលរួម​បំផុស​ស្មារតី​ប្រជាជន​កម្ពុជា​ឲ្យ​យល់​ដឹង​អំពី​គុណ​តម្លៃ​នៃ​សន្តិភាព លើកកម្ពស់វប្បធម៌សន្តិភាព និងរួមគ្នា​ថែ​រក្សា​ការពារ​សន្តិភាព​នៅ​កម្ពុជា​ឲ្យ​បាន​គង់វង្ស​ជារៀងរហូងផងដែរ៕ អត្ថបទ៖ បាន ចក់

ព្រះមហាក្សត្រ ស្ដេចយាងសួរសុខទុក្ខ និងប្រទានព្រះរាជអំណោយដល់​ប្រជាកសិករ នៅខេត្តព្រៃវែង

2023/12/31 04:54:01 pm        517
Facebook Telegram Linkin
ព្រៃវែង៖ នៅព្រឹកថ្ងៃទី៣១ ខែធ្នូ ឆ្នាំ២០២៣នេះ ព្រះករុណា ព្រះបាទសមេ្តចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គ​បានសព្វព្រះរាជហឫទ័យ ស្តេចយាងសួរសុខទុក្ខ និងប្រោស​ព្រះរាជ​ទាន​នូវ​ព្រះរាជ​អំណោយ​ដល់​ប្រជារាស្រ្តជាកសិករប្រមាណ៤០៤គ្រួសារ ស្ថិតនៅភូមិព្រៃរូង និងភូមិត្របែក ឃុំ​ពានរោង ស្រុកស្វាយអន្ទរ ខេត្តព្រៃវែង។ព្រះក​រុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត នៃព្រះរាជាណាចក្រកម្ពុជា ព្រះអង្គ​បានសព្វព្រះរាជហឫទ័យ ស្តេចយាងចុះជួបសំណេះសំណាល និងទត​ដោយ​ផ្ទាល់​ព្រះភក្ត្រ​របស់​ព្រះអង្គ ចំពោះគ្រួសារប្រជាកសិករចំនួន៣គ្រួសារដល់ក្នុងលំនៅឋាន។ព្រះអង្គ​បានសព្វព្រះរាជហឫទ័យ ប្រោសព្រះរាជ​ទាន​ព្រះរា​ជ​អំណោយ​ដល់​គ្រួសារ​ទាំង​៣​ដោយ​ក្នុង​មួយ​គ្រួសារៗ ទទួលបានអង្ករ ៥០គីឡូក្រាម ឃីត ១កញ្ចប់ (មានមុង១ ភួយ១ សារុង១ និងក្រមា១) តង់កៅស៊ូ១ផ្ទាំង មី ១កេស ត្រីខ ១០ កំប៉ុង ស្បែកជើងផ្ទាត់១គូ អាវ​យឺត​មាន​ស្លាក​ព្រះរាជ​អំណោយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ចំនួន១ និងថវិកា១០ម៉ឺនរៀល។ដោយឡែកលោកគ្រូ អ្នកគ្រូ ក៏ទទួលបានព្រះរាជអំណោយ ដោយក្នុងម្នាក់ៗទទួលបាន ឃីត ១កញ្ចប់ (មានមុង១ ភួយ១ សារុង១ និងក្រមា១) អាវយឺតមានស្លាកព្រះរាជអំណោយ ព្រះករុណា ព្រះបាទសម្តេចឪ ព្រះបរមនាថ នរោត្តម សីហមុនី ព្រះមហាក្សត្រ នៃ​ព្រះរាជា​ណា​ចក្រ​កម្ពុជា ចំនួន១ និងថវិកា ៥ម៉ឺនរៀល។ ចំណែកកុមារចំនួន ៣១៧នាក់ ទទួលបាន​អាហារ​សម្រន់​មួយ​ពេល ថវិកា ៥ពាន់រៀល សម្លៀកបំពាក់មួយសម្រាប់ អាវយឺតមាន​ស្លាក​ព្រះរាជ​អំណោយ ព្រះករុណា ព្រះបាទសម្តេចព្របរមនាថ នរោត្តម សីហមុនី ព្រះមហាក្សត្រ នៃព្រះរាជា​ណា​ចក្រ​កម្ពុជា ចំនួន១ និងសម្ភារសិក្សាមួយចំនួន។បន្ទាប់ពីព្រះរាជបន្ទូលសំណេះ សំណាលរួចមក ព្រះករុណា ព្រះមហាក្សត្រ នៃព្រះរាជាណា​ចក្រ​កម្ពុជា​ ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គបាន​សព្វ​ព្រះរាជ​ហឫទ័យ​ស្តេច​យាង​ប្រោស​ព្រះរាជ​ទាន​នូវព្រះរាជអំណោយដោយផ្ទាល់ ព្រះហស្តរបស់ព្រះអង្គ ដល់ប្រជា​រាស្រ្តជា​កសិករ​ទាំង​៤០៤​គ្រួសារ ប្រកបដោយទឹកព្រះទ័យសប្បាយរីករាយ និងអាណិតស្រឡាញ់ជាទីបំផុត។ព្រះរាជអំណោយដែលព្រះអង្គប្រទានដល់ប្រជារាស្ត្រជាកសិករទាំង៤០៤គ្រួសារ ក្នុងមួយ​គ្រួសារ​ៗ​ទទួល​បាន អង្ករ ៥០គីឡូក្រាម ឃីត ១កញ្ចប់ (មានមុង១ ភួយ១ សារុង១ និងក្រមា១) តង់​កៅស៊ូ១ផ្ទាំង មី ១កេស ត្រីខ ១០កំប៉ុង ស្បែកជើងផ្ទាត់១គូ អាវយឺតអាវរងារ មាន​ស្លាក​ព្រះរាជ​អំណោយ​ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃ​ព្រះរាជាណាចក្រកម្ពុជា ចំនួន១ និងថវិកា១០ម៉ឺនរៀល៕

សមិទ្ធិផលសំខាន់ៗដែលក្រសួងការងារ និងបណ្តុះបណ្តាលវិជ្ជាជីវៈ​សម្រេចក្នុងរយៈពេល៤ខែ ដើមអាណត្តិ

2023/12/31 04:22:06 pm        276
Facebook Telegram Linkin
ក្រសួងការងារ និងបណ្តុះបណ្តាលវិជ្ជាជីវៈក្នុងរយៈពេល៤ខែដំបូងនៃរាជរដ្ឋាភិបាលអាណត្តិទី៧ ក្រោមកិច្ចដឹកនាំរបស់ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បាន​សម្រេចនូវសមិទ្ធិផលធំៗមួយចំនួនគួរឱ្យកត់សម្កាល់លើ វិស័យការងារ កម្មវិធី​បណ្តុះ​បណ្តាល​​វិជ្ជាជីវៈ និងបច្ចេកទេស ការលើកកម្ពស់ជីវភាពកម្មករនយោជិត ពង្រឹងកិច្ច​សហការ​ជាមួយ​បណ្តា​ដៃគូរអភិវឌ្ឍន៍ជាតិ និងអន្តរជាតិ ពង្រឹងកិច្ចក​សហប្រតិបត្តិ​ការ​ជា​មួយ​បណ្តា​សហជីព និងបណ្តាវិស័យឯកជនានាលើការបង្វឹកកូនជាងផងដែរ។ សមិទ្ធិផលនៃកិច្ចការសំខាន់ៗទាំងនោះរួមមាន ការបញ្ចប់​ដោយ​ជោគជ័យ​លើ​ការ​សម្រប​សម្រួល​ចរ​ចា​ប្រាក់ឈ្នួលអប្បបរមាសំរាប់កម្មករនិយោជិតចំនួន ២០៤ ដុល្លារ ក្នុងឆ្នាំ២០២៤។ ជោគជ័យ​នេះមានការអបអរសាទរ និងទទួលយកពីកម្មករនិយោជិត និងភាគីនិយោជក សហជីព ដោយ​គ្រប់ភាគីទាំងអស់បានអះអាងថា ជាការដំឡើង បែប​យុទ្ធសាស្ត្រ​ដោយ​រក្សា​ឱកាស​ការងារ​ដែល​មាន​ស្រាប់ និងទាក់ទាញវិនិយោគថ្មីបន្ថែម។ ដោយឡែកកិច្ចការសំខាន់និងលេចធ្លោចំនួនពីរទៀតនោះគឺការដាក់ឱ្យអនុវត្តជាផ្លូវការនូវការ បណ្តុះ​បណ្តាលជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារ​ងាយរង​ហានិភ័យ​ចំនួន ១,៥លាននាក់ និងកម្មវិធីរបបសន្តិសុខ​សង្គម​ផ្នែក​ថែ​ទាំ​សុខភាព​តាម​របប​ភាគ​ទាន​ដោយ​ស្ម័គ្រចិត្តក្រោមអធិបតីដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នាថ្ងៃទី១៤ វិច្ឆិកា ឆ្នាំ២០២៣។ ក្នុងនោះកម្មវិធីបណ្តុះបណ្តាលមានអ្នកចុះឈ្មោះចូលរៀនប្រមាណជិត២ម៉ឺននាក់ ដោយឡែក ប.ស.ស មានក្រុមគោលដៅចំនួន១០២ ៦០៤នាក់ បានចុះបញ្ជី និងបាន​ទៅ​ប្រើប្រាស់​សេវា​ចំនួន ៤៦ ៩១២ដង។ការដាក់ឱ្យអនុវត្តជាផ្លូវការនូវកម្មវិធីថ្នាក់ជាតិទាំងពីរទទួលបានការគាំទ្រយ៉ាងផុសផុលពីសំណាក់អ្នក​វិភាគសង្គម ជំនាញសេដ្ឋកិច្ច អាជ្ញាធរមូលដ្ឋាន តារាចម្រៀង តារាតម្តែង សិល្បករ សិល្បការិនី និងមន្រ្តីគ្រប់ជាន់ថ្នាក់នៃក្រសួងការងារ និងបណ្តុះបណ្តាលវិជ្ជាជីវៈផងដែរ ។ បើ​ទោះបី​កម្មវិធីថ្នាក់ជាតិទាំងពីរនេះកំពុងតែតំណើរការការងាររបស់ខ្លួនយ៉ាងណាក៏ដោយ។ ក្រសួងការងារ និងបណ្តុះបណ្តាលវិជ្ជាជីវៈស្របតាមអនុសាសន៍របស់សម្តេច មហាបវរធិបតី ហ៊ុន ម៉ាណែត នៅថ្ងៃទី ១១ ខែវិច្ឆិកា ឆ្នាំ ២០២៣ ក្រសួងការងារ និងបណ្តុះបណ្តាលវិជ្ជាជីវៈ និង​អ្នក​ឧកញ៉ា គិត ម៉េង ប្រធានសភាពាណិជ្ជកម្ម រួមទាំងប្រធានសមាគមនិយោជកសរុបចំនួន ១៨ បាន​ចុះអនុស្សរណៈយោគយល់គ្នា ស្តីពី កិច្ចសហប្រតិបត្តិការលើការហាត់ការ និងកម្មសិក្សា​ដើម្បី​គាំទ្រ​ដល់​ការ​បណ្តុះបណ្តាលជំនាញវិជ្ជាជីវៈ និងបច្ចេកទេស ដែលធ្វើឡើងនៅ​មជ្ឈ​មណ្ឌល​ពិព័រណ៍ និងសន្និបាតកោះពេជ្រ។ ជាមួយគ្នានេះដែរ ក្រសួងការងារ និងបណ្តុះបណ្តាលក៏ទទួលបានពានរង្វាន់ «កិច្ច​សហការ​ប្រតិបត្តិ​ល្អ​ក្នុងការកសាងសមត្ថភាពគ្រូបង្គោល និងអភិវឌ្ឍផ្នែក TVET » ពីវិទ្យាស្ថាន ITE ដ៏​ល្បី​របស់​សង្ហបុរី ។ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះ​បណ្តាល​វិជ្ជាជីវៈ​បាន​ឡើង​ទទួល​ពាន​រង្វាន់នេះដោយផ្ទាល់ពីលោក ហឺង ឈាំងនី (Heng Chiang Gnee) នាយក​វិទ្យាស្ថាន​ ITE។ ក្រសួងការងារដែលជាសេនាធិការឱ្យរាជរដ្ឋាភិបាល បាន​ការ​រៀប​ចំ​ជំនួប​រវាង​សម្តេច​ធិបតី​នាយករដ្ឋមន្ត្រី ជាមួយបងប្អូនកម្មករនិយោជិតចំនួនបានចំនួន១០លើកផ្សេងៗគ្នា ដែល​មាន​កម្មករ កម្មការិនីរ៉ាប់ម៉ឺននាក់បានចូលរួម ក្នុងនោះដែរ​សម្តេច​ធិបតី​នាយករដ្ឋមន្រ្តី​ក៏​បាន​ផ្តល់​ប្រាក់​ឧបត្ថម្ភ​ដល់​បងប្អូនដែលជាកម្មការិនីមានផ្ទៃពោះ និងសម្រាលកូន​អំឡុង​ចូល​រួម​កម្ម​វិធី​សំណេះ​សំណាល​នេះ​ផង​ដែរ ។ ក្នុងជំនួបនោះ រដ្ឋមន្ត្រីក្រសួងការងារ បានបង្ហាញពីវឌ្ឍន​ភាព​លើ​វិស័យ​ការងារ បេឡាជាតិរបបសន្តិសុខសង្គម និងការ​បណ្តុះ​បណ្តាល​វិជ្ជា​ជីវៈ​ដែល​សម្តេច​នាយករដ្ឋ​មន្ត្រី​បាន​ណែនាំ។ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះ​បណ្តាល​វិជ្ជាជីវៈ​បានជួប​ពិភា​ក្សា​ការងារ​ជា​មួយ​ភាគី​បរទេស និងភាគីពាក់ព័ន្ធក្នុងប្រទេស ចាប់ពីថ្ងៃទី២៤ ខែសីហា ឆ្នាំ២០២៣ ដល់​ថ្ងៃ​ទី​២៩ ខែធ្នូ ឆ្នាំ២០២៣ ក្នុងនោះដែរជំនួបពិភាក្សាការងារជាមួយភាគីបរទេសចំនួន ៤០ លើក ជាមួយ អង្គទូតប្រចាំកម្ពុជា អង្គការអន្តរជាតិ អ្នកវិនិយោគគិនបរទេស ដោយពិភាក្សាអំពី ចក្ខុវិស័យ​របស់ក្រសួងការងារ និងបណ្តុះបណ្តាលវិជ្ជាជីវៈ លើវិស័យការងារ សន្តិសុខសង្គម និង​ការបណ្តុះបណ្តាលវិជ្ជាជីវៈ។ ក្នុងនោះក៏មានដែរ ការបន្តពង្រឹងកិច្ចសហប្រតិបត្តិការទ្វេភាគី និង​ពលករ​ទេសន្តប្រវេសន៍។ដោយឡែក ជំនួបពិភាក្សាជាមួយភាគីពាក់ព័ន្ធក្នុងប្រទេសចំនួន ៥៧ លើក ជាមួយ​សមាគម​និយោជក សហជីព កម្មករនិយោជិត និង​អង្គការ​សមាគម​ផ្សេងៗ​ដោយ​ពិភាក្សា​លើ​ការ​លើក​កម្ពស់​ទំនាក់​ទាក់ទំនងវិជ្ជាជីវៈឱ្យកាន់តែប្រសើរ ការអនុវត្តកាតព្វកិច្ចហ្វឹកហ្វឺនកូនជាង និង​កិច្ច​សហប្រតិបត្តិការដើម្បីវឌ្ឍនភាពវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ។ទន្ទឹមនឹងជំនួបខាងលើ ឯកឧត្តមហេង  សួរ ក៏បានជួប​ពិភាក្សា​ការងារ​ជា​មួ​យ​តំណាង​សហជីព​កម្រិត​សភា និងសហព័ន្ធជាង២០០ ដើម្បី​ស្វែង​យល់​ពី​ចក្ខុវិស័យ​រួម​របស់​ក្រសួង​ក៏​ដូច​ជា​រាជ​រដ្ឋាភិបាល​កម្ពុជា​ក្នុង​អាណត្តិទី៧​នេះ​ក្នុង​គោល​បំណង​លើក​កម្ពស់​ជីវភាព​កម្មករ​និយោជិត​ដែល​ជាការគិតគូរ និង​យកចិត្តទុកដាក់ដ៏ខ្ពង់ខ្ពស់របស់សម្តេចនាយករដ្ឋមន្ត្រី ហ៊ុន ម៉ាណែត ។ ឯកឧត្តមក៏បាន ចុះទទួលទានអាហារជាមួយកម្មករនៅតាមរោងចក្រ និង​ការ​ចុះ​សួរ​សុខ​ទុក្ខ​បងប្អូនកម្មករនៅតាមផ្ទះជួលក្រោយម៉ោងសម្រាកការងារនៅតំបន់វេងស្រេង និង​ឫស្សី​កែវ​ជា​ដើម។ ក្នុងនោះឯកឧត្តម ហេង សួរ រដ្ឋមន្ត្រីក្រសួង​ការងារ​ធ្លាប់​បាន​រំលេច​ពី​ការ​ផ្តាំ​របស់​សម្តេច​តេជោ​នាយករដ្ឋ​មន្ត្រី​ដែល​ណែនាំ​ឱ្យ​មន្ត្រី​ទាំង​អស់​ត្រូវ​មាន​ជើង​ជាប់​ដី​ចុះ​ជួប​កម្មក​រ​និយោជិត​ដើម្បីស្វែងយល់ពីសុខទុក្ខនិងតម្រូវការដែលរដ្ឋាភិបាល និងអាជ្ញាធរ​ពាក់ព័ន្ធ​ត្រូវ​ដោះ​ស្រាយ​។ ការចុះដល់មូលដ្ឋាននេះ គឺធ្វើឡើងតែមួយ​ថ្ងៃ​ប៉ុណ្ណោះ​ក្រោយ​ការ​ទទួល​បាន​ការ​តែង​តាំង​កាល​ពី​ថ្ងៃទី២២ ខែសីហា ឆ្នាំ២០២៣។ ជាយន្តការក្នុងការពង្រឹងសមត្ថភាពមន្ត្រីរាជការរបស់ក្រសួង ឯកឧត្តម ហេង សួរ រដ្ឋមន្រ្តី​ក្រសួង​ការងារ ក្នុងរយៈពេល៤ខែ​ក៏បាន​ផ្តោត​លើកា​រ​បណ្តុះ​បណ្តាល និង​ពង្រឹង​សមត្ថភាព​ការងារ​របស់​ថ្នាក់​ដឹកនាំ និងមន្ត្រីរាជការក្រសួងដែលផ្តោតលើកិច្ចការងាររដ្ឋបាល លិខិតបទដ្ឋានគតិយុត្តិ និង​របៀប​និយាយជាសាធារណៈ រួមទាំងការសិក្សាជំនាញទន់(Soft Skill)ផងដែរ។ លើស​ពី​នេះ​ទៅ​ទៀត​ឯកឧត្តមក៏បានចូលរួមបិទវគ្គវិក្រឹត ការលើគ្រូឧទេស្ទដែលត្រូវបានជ្រើសរើសជាគ្រូបង្រៀន វគ្គ​បណ្តុះបណ្តាលជំនាញវិជ្ជាជីវៈ និងបច្ចេកទេសផងដែរ ។ ក្រសួងការងារ និងបណ្តុះបណ្តាលវិជ្ជាជីវៈក៏បាននៅព្រឹកថ្ងៃទី១០ វិច្ឆិកា បាន​បើក​ជា​ផ្លូវ​ការ​ពិព័រណ៍ការងារ និងផលិតភាពជាតិដោយមាន ក្រុមហ៊ុន សហគ្រាស និងស្ថាប័នធំៗចំនួន១៥០ ផ្តល់​ឱកាស​ការងារជាង ២ម៉ឺន កន្លែង នៅអាគារពិព័រណ៍កោះពេជ្រ ផងដែរ ។ ពិព័រណ៍ការងារ និង​ផលិតភាពជាតិ ឆ្នាំ២០២៣ ត្រូវបានសហការរៀបចំដោយទីភ្នាក់ងារជាតិមុខរបរ និង​ការងារ​(NEA) នៃក្រសួងការងារ និងបណ្តុះបណ្តាលវិជ្ជាជីវៈ សហភាពសហព័ន្ធយុវជនកម្ពុជា(UYFC) សមាគម​វាយនភណ្ឌ សម្លៀកបំពាក់ ស្បែកជើង និងផលិតផល ធ្វើដំណើរនៅកម្ពុជា(TAFTAC) អង្គការ​អន្តរជាតិខាងការងារ(ILO), ភីផលអីននិត(People in Need Cambodia) និង​ស្វីស​ខន​ថាក់​។ ដោយឡែកក្នុងស្មារតីពង្រឹងសាមគ្គីភាព និងជាតិនិយម ក្រសួងការងារ និង​បណ្តុះ​បណ្តាល​វិជ្ជាជីវៈ​បាន​រៀប​ចំ​ឱ្យ​មាន​ការ​គោរព​ទង់​ជាតិ​នៃ​ព្រះរាជា​ណា​ច​ក្រ​កម្ពុជា​រៀង​រាល់​២​ថ្ងៃ​ក្នុង​មួយ​សប្តាហ៍​ពោល​គឺនៅព្រឹកថ្ងៃចន្ទ និងល្ងាចថ្ងៃសុក្រ ផងដែរ ។ ជាពិសេសនោះ​ក្រោម​កិច្ច​សហការ​ពីក្រុ​ម​ការងារ ក្រសួងការងារ និងបណ្តុះបណ្តាលវិជ្ជាជីវៈ សហការជាមួយ​ស្ថាន​ទូត​ខ្មែរ​ប្រចាំ​សាធារណៈ​កូរ៉េ ជប៉ុន និងថៃ បានរៀបចំពិធីបុណ្យភ្ជុំបិណ្ឌ និងកាន់បិណ្ឌ ជាមួយប្អូន​ពលករ​នៅ​ទីនោះ​តាម​ប្រពៃណី។ ពិសេស ក្រៅពីការប្រារព្ឋពិធី កាន់បិណ្ឌនិងភ្ជុំបិណ្ឌ ក៏មានការរៀបចំ​កម្ម​វិធី​អាហារសាមគ្គីរួមគ្នាក្នុងនាមជាបងប្អូនខ្មែរផងដែរ។ ការរៀបចំកម្មវិធីទាំងនេះបញ្ជាក់អោយឃើញពីការសាមគ្គីគ្នា ស្រលាញ់គ្នា សហការគ្នា របស់​បង​ប្អូន​ពលករខ្មែរប្រចាំសាធារណៈកូរ៉េ ក្នុងនាមជាពលរដ្ឋខ្មែរនៅក្រៅប្រទេស ជាពិសេស បង្ហាញ​ឱ្យ​ឃើញ​ពី​ការយកចិត្តទុកដាក់ពីសំណាក់រាជរដ្ឋាភិបាល ក៏ដូចក្រសួងការងារ និងបណ្តុះ​បណ្តាល​វិជ្ជា​ជីវៈ និងស្ថានទូតព្រះ​រាជាណាចក្រ​កម្ពុជា​ចំពោះប​ងប្អូន​ពលក​រ​ខ្មែរ​ដែល​កំពុង​បម្រើ​ការងារ​នៅ​ទីនោះផងដែរ៕

ការងារច្បាប់៖ សម័យប្រជុំរដ្ឋសភាលើកទី១ នីតិកាលទី៧ អនុម័តបានច្បាប់ចំនួន៧

2023/12/31 03:55:21 pm        218
Facebook Telegram Linkin
សម័យប្រជុំរដ្ឋសភាលើកទី១ នីតិកាលទី៧ ក្រោមការដឹកនាំរបស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា អនុម័ច្បាប់បានចំនួន៧ ក្នុងនោះមានសេចក្តីព្រាងច្បាប់ចំនួន៦ និង​សេចក្តី​ស្នើ​វិសោធនកម្មមាត្រាមួយចំនួននៃបទបញ្ជាផ្ទៃក្នុងរដ្ឋសភាចំនួនមួយលើក ។ សេចក្តីព្រាងច្បាប់ និងសេចក្តីស្នើវិសោធនកម្ម បទបញ្ជផ្ទៃក្នុងរដ្ឋសភា ដែលសម័យ​ប្រជុំ​រដ្ឋសភា ​លើកទី១ នីតិកាលទី៧ បានអនុម័តមាន៖១-សេចក្តីព្រាងច្បាប់ស្តីពី ការបង្កើតក្រសួងអធិការកិច្ច២-សេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានកិច្ចការព្រំដែន៣-សេចក្តីព្រាងច្បាប់ស្តីពីការបង្កើតរដ្ឋលេខាធិការដ្ឋានអាកាសចរណ៍ស៊ីវិល៤- សេចក្តីព្រាងច្បាប់ស្តីពី ការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២២៥- សេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២៤៦-សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងភាពជាដៃគូ​សេដ្ឋកិច្ច​គ្រប់​ជ្រុងជ្រោយ​រវាងរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃអេមីរ៉ាតអារ៉ាប់រួម៧-សេចក្តីស្នើវិសោធនកម្មប្រការ ៤ថ្មី ប្រការ ៦ថ្មី(ពីរ) និងប្រការ ២៩ថ្មី បទបញ្ជាផ្ទៃក្នុងនៃរដ្ឋសភា។សម័យប្រជុំរដ្ឋសភាលើកទី១ នីតិកាលទី៧ នៃរដ្ឋសភា បានប្រកាសបិទបញ្ចប់នៅថ្ងៃទី៣០ ខែធ្នូ ឆ្នាំ២០២៣នេះ ដែលមានថិរវេលាចំនួន ៣ខែតាមច្បាប់កំណត់ គិតចាប់ពីថ្ងៃទី២១សីហា រហូត​មក​ដល់​ថ្ងៃទី៣០ ខែធ្នូ ឆ្នាំ២០២៣នេះ។ នៅក្នុងរយៈពេលបីខែបន្តទៀតគឺជាពេលវេលាវិស្សមកាលពីសម័យប្រជុំពេញអង្គរដ្ឋសភា របស់​សមាជិក​សមាជិកា​រដ្ឋសភា ។ វិស្សមកាលជាពេលវេលាមួយ ដែលតំណាងរាស្រ្តចុះសិក្សាស្វែងយល់ពីតម្រូវការរបស់ប្រជាពលរដ្ឋនៅតាមមណ្ឌលនានា។ នៅក្នុងរយៈពេលវិស្សមកាលនេះ រដ្ឋសភាអាចកោះប្រជុំវិសាមញ្ញបាន ប្រសិនជាមានការចាំបាច់ និងដោយមានការកោះប្រជុំពីប្រធានរដ្ឋសភា៕

បណ្ដាញសង្គម

ព័ត៌មានថ្មីៗ

នាយករដ្ឋមន្ត្រីបារាំង ប្រឹងប្រែងបន្ទន់ជំហរប្រឆាំង ចំពោះច្បាប់ថវិការបស់លោក ដើម្បីបញ្ចៀសវិបត្តិថ្មី
07/18/2025 08:07 PM
Facebook Telegram Linkin
អ៊ីរ៉ង់៖ ប្រទេសអឺរ៉ុបគ្មានមូលដ្ឋានសីលធម៌ និងផ្លូវច្បាប់ ដើម្បីអនុវត្តទណ្ឌកម្មមានឡើងវិញភ្លាមៗ
07/18/2025 08:07 PM
Facebook Telegram Linkin
វិមានក្រឹមឡាំង ប្រាប់ថា រុស្ស៊ីបានបង្កើតអភ័យឯកសិទ្ធិជាក់លាក់ បន្ទាប់ពី EU ចេញទណ្ឌកម្មថ្មី
07/18/2025 07:07 PM
Facebook Telegram Linkin
បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា
07/18/2025 07:07 PM
Facebook Telegram Linkin
កម្ពុជា-ហ្វីលីពីន ឯកភាពបន្តពង្រឹងកិច្ចសហប្រតិបត្តិការលើវិស័យការពារជាតិ ជាពិសេសការបណ្តុះបណ្តាលធនធានមនុស្ស
07/18/2025 07:07 PM
Facebook Telegram Linkin
មន្ត្រីរាជការក្រសួងប្រៃសណីយ៍ ចូលរួមដាំដើមកោងកាងចំនួន៥៥០ ដើម ក្រោមប្រធានបទ “ឌីជីថល ផ្សារភ្ជាប់បរិស្ថាន”
07/18/2025 07:07 PM
Facebook Telegram Linkin
លោក Zelenskyy៖ លោកបានពិភាក្សាអំពីការផ្គត់ផ្គង់មីស៊ីល និងការបណ្តុះបណ្តាលអ្នកបើកយន្តហោះជាមួយលោក Macron
07/18/2025 07:07 PM
Facebook Telegram Linkin
ប្រធានការិយាល័យសិទ្ធិមនុស្ស UN ជំរុញឲ្យមានការទទួលខុសត្រូវ ចំពោះការសម្លាប់ នៅទីក្រុង Sweida របស់ស៊ីរី
07/18/2025 07:07 PM
Facebook Telegram Linkin
រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង
07/18/2025 07:07 PM
Facebook Telegram Linkin
ផ្លូវជនបទបញ្ចប់សុពលភាពនៅខេត្តពោធិ៍សាត់ បានរក្សាគុណភាពល្អសម្រាប់ការរស់នៅរបស់ប្រជាជន
07/18/2025 06:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.