នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី
TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្ត​លើ​រាជរដ្ឋាភិបាល និងកងទ័ព

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាសអញ្ជើញជួបជាមួយកម្មករជិត២ម៉ឺននាក់ នៅខេត្តកណ្ដាល

2023/11/02 09:13:46 am        206
Facebook Telegram Linkin
កណ្ដាល៖ នៅព្រឹកថ្ងៃទី០២ ខែវិច្ឆិកា ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញ​ចុះជួប​សំណេះសំណាល​ជា​មួយ​បង​ប្អូ​ន​កម្មករនិយោជិតចំនួន ១៨ ១៩០នាក់ នៅតាមបណ្តារោងចក្រ សហគ្រាស ដែល​មាន​មូលដ្ឋាន​ក្នុង​ស្រុកកណ្តាលស្ទឹង និងក្រុងតាខ្មៅ ខេត្តកណ្តាល។*ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្ដេចធិបតីនាយករដ្ឋមន្ត្រី៖ ការចុះជួបសំណេះសំណាលផ្ទាល់ជាមួយកម្មករ និយោជិត គឺដើម្បីស្វែង យល់ពីសុខទុក្ខរបស់កម្មករ និយោជិត និងផ្សព្វផ្សាយពីគោលនយោបាយរបស់រដ្ឋាភិបាល ដើម្បីបំពេញតម្រូវការរបស់ប្រជាពលរដ្ឋ ឱ្យចំទិសដៅ និងជាក់ស្ដែងនិយម។-សម្ដេចធិបតី៖ ការរៀបចំផែនការរបស់រដ្ឋាភិបាល គឺចុះស្រាវជ្រាវនៅគ្រប់តំបន់ គ្រប់ផ្នែក គ្រប់ភាគីពាក់ព័ន្ធ ដើម្បីដាក់ចេញនូវគោលនយោបាយឱ្យចំទិសដៅ និងជាក់ស្ដែងនិយម។-សម្ដេចធិបតីនាយករដ្ឋមន្ត្រី៖ រាជរដ្ឋាភិបាលបានកំណត់គោលដៅឆ្នាំ២០៥០ កម្ពុជាក្លាយជាប្រទេសរីកចម្រើន។-សម្ដេចធិបតី៖ គោលដៅរបស់រាជរដ្ឋាភិបាល គឺដើម្បីជាតិនិងប្រជាជនកម្ពុជា ដែលជា អ្នកកំណត់ជោគវាសនាប្រទេស។-សម្តេចធិបតី ហ៊ុន ម៉ាណែត បានលើកឡើងថា ប្រជាពលរដ្ឋគឺជាជោគវាសនារបស់ប្រទេស ដូច្នេះរាជរដ្ឋាភិបាលគ្មានអ្វីក្រៅពីធ្វើឲ្យបងប្អូនប្រជាពលរដ្ឋរីកចម្រើន និងមានបាននោះទេ ខណៈរយៈពេលពីរខែ ដែលសម្តេចធ្វើ ជានាយករដ្ឋមន្រ្តីនេះ គឺបានដាក់ចេញនូវគោល​នយោបាយ​ច្បាស់លាស់​ដើម្បីជាប្រទីពដឹកនាំប្រទេសឲ្យកាន់តែរីកចម្រើនបន្ថែមទៀតនោះ។-សម្ដេចធិបតីនាយករដ្ឋមន្ត្រី៖ ប្រទេសយើងខ្លាំងទាល់តែប្រជាជនរស់រវើក មានសមត្ថភាព និងមាន សុខភាពរឹងមាំ។-សម្ដេចធិបតី៖ ការយល់យោគនាំឱ្យខ្មែរខ្លាំង នយោបាយឈ្នះ ឈ្នះ អនុវត្តបានជោគជ័យ គឺដោយសារការយល់យោគនេះឯង។-សម្តេចធិបតី ហ៊ុន ម៉ាណែត ចំអកឲ្យក្រុមអ្នកវិភាគមួយក្តាប់តូច ដែលរិះគន់ដល់ការកាន់តំណែងរបស់សម្តេចរយៈពេល២ខែមកនេះថា មិនបានធ្វើអ្វីសោះគិតតែពីដើរនិយាយ ដោយការលើកឡើងរបស់ជនអគតិទាំងនោះ ត្រូវបានសម្តេចធិបតី ឆ្លើយតបទៅវិញថា ការដើរនិយាយរបស់សម្តេចនេះ​គឺជាការផ្សព្វផ្សាយអំពីគោលនយោបាយច្បាស់លាស់របស់រាជរដ្ឋាភិបាល បន្ទាប់មកគឺអនុវត្តជាក់ស្តែងតែម្តង ដើម្បីផលប្រយោជន៍ប្រជាជន និងប្រទេសជាតិ មិនចេះតែនឹកឃើញ និង​ឆក់កណ្ដៀត​តាម​អារម្មណ៍​ដូចអ្នកអង្គុយរិះគន់នោះទេ។-សម្ដេចធិបតីនាយករដ្ឋមន្ត្រី៖ ប្រទេសជាតិប្រៀបដូចភោជនីយដ្ឋាន ឬ ហាងមួយដែរ ដើម្បីជោគជ័យ ត្រូវមានអតិថិជនច្រើន មានចំណូលច្រើន និងពង្រីកសាខាទៅកាន់តំបន់ផ្សេងៗ ដើម្បីជោគជ័យទាំងនេះ គឺត្រូវមានសុខសុវត្ថិភាព មានផាសុកភាព ការធ្វើដំណើរងាយស្រួល បរិស្ថានរស់នៅ និងការបំពេញការងារស្រួល ព្រមទាំងពលរដ្ឋមានភាពរួសរាយរាក់ទាក់ មានសុខភាពល្អ មានជំនាញវិជ្ជាជីវៈ មានសមត្ថភាពគ្រប់គ្រាន់បំពេញគ្រប់តម្រូវការ។-សម្ដេចធិបតីនាយករដ្ឋមន្ត្រី៖ ដើម្បីប្រជាពលរដ្ឋរឹងមាំ គឺរាជរដ្ឋាភិបាលដាក់ចេញនូវយុទ្ធសាស្ត្រ បង្រៀនពលរដ្ឋឱ្យចេះស្ទូចត្រី តាមរយៈការដាក់ចេញនូវវិធីសាស្ត្របណ្ដុះបណ្ដាលជំនាញវិជ្ជាជីវៈ ពិតប្រាកដជូនប្រជាពលរដ្ឋ ដើម្បីបានប្រកបការងារផ្សេងៗ ចិញ្ចឹមជីវិត និងធ្វើឱ្យជីវភាពគ្រួសារកាន់ តែប្រសើរ។-សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ជំរុញឱ្យផ្សព្វផ្សាយឱ្យបានទូលំទូលាយអំពី កម្មវិធីបណ្ដុះបណ្តាលជំនាញបច្ចេកទេសវិជ្ជាជីវៈដល់យុវជនមកពីគ្រួសារកីក្រ និងគ្រួសារងាយរង​ហានិភ័យ​នៅទូទាំងប្រទេសចំនួនប្រមាណ ១.៥ លាននាក់ នៅតាមបណ្ដាខេត្ត ដើម្បីឱ្យយុវជនគោលដៅបានចូលមកសិក្សាលើជំនាញនេះ។-សម្ដេចធិបតីនាយករដ្ឋមន្ត្រី ស្នើឱ្យរៀបចំចុះឈ្មោះពលរដ្ឋ ដែលចង់រៀនជំនាញវិជ្ជាជីវៈនានា ឱ្យកាន់ តែងាយស្រួល និងត្រូវដកចេញនូវនីតិវិធីដែលស្មុគស្មាញចោល។-សម្តេចធិបតី ហ៊ុន ម៉ាណែត បន្តជំរុញឱ្យសម្របសម្រួលជាមួយភាគីពាក់ព័ន្ធអនុញ្ញាតឱ្យកម្មករ​និយោជិត​អាចចូលរៀនជំនាញវិជ្ជាជីវៈលើ កម្មវិធីបណ្ដុះបណ្តាលជំនាញបច្ចេកទេសវិជ្ជាជីវៈដល់​យុវជនមកពីគ្រួសារកីក្រ និងគ្រួសារងាយរងហានិភ័យនៅទូទាំងប្រទេសចំនួនប្រមាណ ១.៥ លាននាក់ ដល់កម្មករនិយោជិតផងដែរ​ ដើម្បីបង្កើនផលិតភាព ប្រសិទ្ធភាព ការងារនៅកន្លែង​ការងារ ដោយត្រូវរៀបចំវគ្គបណ្តុះបណ្តាលនៅវេនពេលយប់ ឬចុងសប្ដាហ៍។-សម្ដេចធិបតីនាយករដ្ឋមន្ត្រី ស្នើឱ្យរៀបចំវគ្គបណ្ដុះបណ្ដាលជូនពលរដ្ឋឱ្យកាន់តែច្រើន ទាំងវគ្គបណ្ដុះ បណ្ដាលពីថ្ងៃចន្ទ ដល់ថ្ងៃសុក្រ, វគ្គថ្ងៃសៅរ៍ និងថ្ងៃអាទិត្យ និងវគ្គបណ្ដុះបណ្ដាលពេលយប់ជាដើម។-សម្តេចធិបតី ហ៊ុន ម៉ាណែត បញ្ជាក់ថា កម្មវិធីបណ្ដុះបណ្តាលជំនាញបច្ចេកទេសវិជ្ជាជីវៈដល់យុវជនមកពីគ្រួសារកីក្រ និងគ្រួសារងាយរងហានិភ័យនៅទូទាំងប្រទេសចំនួនប្រមាណ ១.៥ លាននាក់នេះ គឺបានផ្ដោតសំខាន់លើការបណ្ដុះបណ្ដាលលើវិស័យសំខាន់ៗចំនួន ១០ ក្នុងនោះមានមុខជំនាញចំនួន ៣៨ មុខជំនាញ។-សម្ដេចធិបតីនាយករដ្ឋមន្ត្រី បញ្ជាក់ថា វគ្គបណ្ដុះបណ្ដាលជំនាញវិជ្ជាជីវៈ ដែលគ្រោងនឹងដំណើរការ ជាផ្លូវការនៅថ្ងៃទី១៤ ខែវិច្ឆិកា ឆ្នាំ២០២៣ ខាងមុខ គឺផ្ដោតលើវិស័យចំនួន ១០ ដែលក្នុងនោះមានជំ នាញចំនួន ៣៨ មុខ។-សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានណែនាំទៅអ្នកនយោបាយចាស់វស្សានៅក្រៅប្រទេសមួយរូបដែលបន្តរកវិធីរិះគន់លើសញ្ញាបត្រថ្នាក់បណ្ឌិតរបស់សម្ដេច ដោយគ្រាន់តែយកសម្អាងពីអ្នកសារព័ត៌មានបរទេសមួយរូបដែលទៅសុំនិក្ខេបបទរបស់សម្ដេចមិនបាននោះ គឺជាការមិយល់ពីអ្វីដែលជាការសិក្សាថ្នាក់បណ្ឌិតរបស់សម្ដេចនោះទេ។-សម្ដេចធិបតីនាយករដ្ឋមន្ត្រី៖ និក្ខេបបទបណ្ឌិតដែលខ្ញុំបានសរសេរកាលពីជាង ២០ ឆ្នាំមុនដែលផ្ដោត លើសហគ្រាសធុនតូច និងមធ្យម ដែលស្រាវជ្រាវពីបទពិសោធន៍របស់ប្រទេសនានាជិត ១០០ ប្រទេ សនោះ គឺត្រូវនឹងបរិបទសង្គមបច្ចុប្បន្ន និងត្រូវគ្រប់ប្រទេសកំពុងអភិវឌ្ឍ។-សម្ដេចធិបតីនាយករដ្ឋមន្ត្រី៖ គោលដៅរបស់រាជរដ្ឋាភិបាលលើការបណ្ដុះបណ្ដាលជំនាញវិជ្ជាជីវៈ គឺ ផ្ដោតជាសំខាន់លើការរៀនចប់ចេះ មានការងារធ្វើ និងចំគោលដៅ។-សម្ដេចធិបតីនាយករដ្ឋមន្ត្រី៖ ការបណ្ដុះបណ្ដាលជំនាញវិជ្ជាជីវៈនៅពេលខាងមុខ គឺផ្ដោតទាំងលើជំ នាញសម្រាប់បំពេញការងារផង និងឥរិយាបថនៅក្នុងការបំពេញការងារផងដែរ។-សម្តេចធិបតី ហ៊ុន ម៉ាណែត ណែនាំឱ្យពិនិត្យលើការបណ្ដុះបណ្ដាលជំនាញដល់យុវជនចំនួន ១,៥ លាននាក់នាពេលខាងមុខ គឺត្រូវផ្ដោតលើការអនុវត្តឱ្យច្រើនជាងទ្រឹស្ដី និងចៀសវាងសិស្ស អវត្តមានច្រើន ដើម្បីចៀសឱ្យផុតការចេញសញ្ញាបត្រសេះហោះដល់សិស្ស។-សម្តេចធិបតី ហ៊ុន ម៉ាណែត លើកទឹកចិត្តដល់វិស័យឯកជនឱ្យចូលរួម ក្នុងកម្មវិធីបណ្ដុះបណ្តាលជំនាញ បច្ចេកទេសវិជ្ជាជីវៈដល់យុវជនមកពីគ្រួសារកីក្រ និងគ្រួសារងាយរងហានិភ័យនៅទូទាំងប្រទេសចំនួនប្រមាណ ១.៥ លាននាក់ ដែលរាជរដ្ឋាភិបាលកំពុងរៀបចំដាក់ចេញនាពេលខាងមុខ តាមរយៈការផ្ដល់ទីតាំងហាត់ការផ្ទាល់ និងការបណ្ដុះបណ្ដាលជំនាញដោយផ្ទាល់នៅតាមក្រុមហ៊ុន ឬរោងចក្រនានាតែម្ដង។-សម្ដេចធិបតីនាយករដ្ឋមន្ត្រី៖ ខេត្តកណ្ដាល បានបាត់ទឹកដីបន្តិចម្ដងៗ ចូលទៅរាជធានីភ្នំពេញ ដោយ សារការរីកចម្រើន។-សម្ដេចធិបតី នាយករដ្ឋមន្ត្រី៖ នៅលើពិភពលោកមានប្រទេសរាប់រយ ដែលត្រូវប្រកួតប្រជែងជាមួយកម្ពុជា ហេតុនេះរាជរដ្ឋាភិបាលត្រូវដាក់ចេញនូវគោលនយោបាយច្បាស់លាស់ ដើម្បីទាក់ទាញវិនិយោគមកកម្ពុជា។

សម្តេចធិបតី៖ គោលនយោបាយរាជរដ្ឋាភិបាលមិនចេះតែនឹកឃើញនិយាយ និង​ឆក់កណ្ដៀត​ដូចអ្នកអង្គុយចាំរិះគន់នោះទេ

2023/11/02 08:47:25 am        130
Facebook Telegram Linkin
កណ្ដាល៖ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានថ្លែងថា គោលនយោបាយ​របស់​រាជរដ្ឋាភិបាលគឺបានដាក់ចេញច្បាស់លាស់ ​ដើម្បីផលប្រយោជន៍​របស់​ប្រជាជន និង​ប្រទេសជាតិទាំងមូល ​មិនចេះតែនឹកឃើញ​ និង​ឆក់កណ្ដៀត​ដូចអ្នកអង្គុយចាំរិះគន់នោះទេ។ការលើកឡើងរបស់សម្តេចធិបតី នាយករដ្ឋមន្រ្តីបែបនេះ គឺចង់ចំអកឲ្យក្រុមអ្នកវិភាគមួយក្តាប់តូច ដែលបានរិះគន់ដល់សម្តេចធិបតីថា ​បានកាន់​តំណែង​ជានាយករដ្ឋមន្រ្តី ក្នុងរយៈពេលពីរខែមក​នេះ​គឺគ្មាន ធ្វើអ្វីសោះក្រៅពីដើរនិយាយ ​និងដើរជួបកម្មករ ​និយោជិតនោះ។ក្នុងឱកាស​បន្តចុះ​ជួប​សំណេះសំណាល​ជាមួយ​បងប្អូនកម្មករ និយោជិតមកពីតាមបណ្តា​រោងចក្រ​នានា​នៅ​ក្រុងតាខ្មៅ ស្រុកកណ្តាលស្ទឹង ខេត្តកណ្តាល នាថ្ងៃទី២ ​ខែវិច្ឆិកា ​ឆ្នាំ២០២៣នេះ សម្តេចធិបតី ​ហ៊ុន ម៉ាណែត បានបញ្ជាក់ថា មានអ្នកអង្គុយរិះគន់​ដល់​សម្តេចថា ​មិនបានធ្វើអ្វីសោះ​ក្នុង​រយៈពេលពីរខែ ​មកនេះ គិតតែពីដើរនិយាយ ​ដូច្នេះសម្តេច បានឆ្លើយទៅពួកទាំងនោះវិញថា ការ​ដើរនិយាយរបស់សម្តេចនេះ គឺជាការផ្សព្វផ្សាយអំពីគោលនយោបាយច្បាស់លាស់​របស់​រាជរដ្ឋាភិបាលបន្ទាប់មកគឺអនុវត្តជាក់ស្តែងតែម្តង ដើម្បីផលប្រយោជន៍ប្រជាជន​ និងប្រទេសជាតិ មិនចេះតែនឹកឃើញ ​និង​ឆក់កណ្ដៀត​តាមអារម្មណ៍​ដូចអ្នកអង្គុយរិះគន់នោះទេ។នៅក្នុងឱកាសនោះដែរសម្តេចធិបតី ហ៊ុន ម៉ាណែត ​នាយករដ្ឋមន្រ្តីក៏បានលើកឡើងផងដែរថា ប្រជាពលរដ្ឋគឺជាជោគវាសនារបស់ប្រទេស ​ដូច្នេះរាជរដ្ឋាភិបាលគ្មានអ្វីក្រៅពីធ្វើឲ្យបងប្អូន​ប្រជាពលរដ្ឋរីក​ចម្រើន ​និងមានបានកាន់តែច្រើននោះទេ ​ខណៈរយៈពេលពីរខែ ដែលសម្តេចធ្វើ​ជា​នាយករដ្ឋមន្រ្តីនេះ គឺបានដាក់ចេញនូវគោលនយោបាយច្បាស់លាស់ ដើម្បីជាប្រទីពដឹកនាំ​ប្រទេស​ឲ្យកាន់តែរីកចម្រើនបន្ថែមទៀត ​នេះហើយគឺជា​កម្រិត​នយោបាយរបស់រាជរដ្ឋាភិបាល​ដែល​ត្រូវដាក់ចេញ៕ អត្ថបទ៖ បាន ចក់

សម្ដេចធិបតី ហ៊ុន ម៉ាណែត ដាក់ចេញផែនការសកម្មភាព រយៈពេល២ឆ្នាំខាងមុខ ឲ្យក្រសួងការងារ យកចិត្តទុកដាក់អនុវត្តការងារអាទិភាព៤

2023/11/02 08:33:56 am        479
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បាន​ដាក់​ចេញ​នូវ​ផែនការ​សកម្មភាពក្នុងរយៈពេលពីរឆ្នាំខាងមុខឱ្យក្រសួងការងារ និងបណ្តុះបណ្តាលវិជ្ជាជីវៈ យក​ចិត្តទុកដាក់អនុវត្តលើការងារអាទិភាពចំនួន ៤ បន្ថែមទៀត ក្នុងនោះរួមមាន៖១៖ សហការជាមួយក្រសួងកិច្ចការនារី ក្រសួងអប់រំ យុវជន និងកីឡា តំណាងភាគីនិយោជក និងតំណាងភាគីកម្មករនិយោជិត រួមគ្នាសិក្សាលទ្ធភាពបង្កើតទារកដ្ឋាន និងមត្តេយ្យសហគមន៍ នៅតាមតំបន់ដែលមានរោងចក្រ ដោយមានការចូលរួមទ្រទ្រង់ពីនិយោជក និងភាគីពាក់ព័ន្ធនានា។២៖ សហការជាមួយភាគីពាក់ព័ន្ធជំរុញការកែលម្អកន្លែងហូបបាយ ឬអាហារដ្ឋាន​នៅតាម​រោងចក្រ ដែលកំពុងដំណើរការឱ្យបានសមរម្យសម្រាប់កម្មករនិយោជិត និងតម្រូវ​ឱ្យ​មាន​ការ​រៀបចំ​កន្លែង​ហូបបាយ ឬអាហារដ្ឋានសម្រាប់រោងចក្រដែលត្រូវបង្កើតថ្មី។៣៖ សហការជាមួយភាគីពាក់ព័ន្ធសិក្សាយន្តការគាំទ្រ និងលើកទឹកចិត្ត​ឱ្យមា​ន​ការ​ផ្លាស់​ប្ដូរ​ជា​បណ្តើរ​ៗ​នូវមធ្យោបាយដឹកជញ្ជូនកម្មករនិយោជិត ដែលស្របតាមបទដ្ឋានបច្ចេកទេស និង ផាសុខភាពជាងមុនត្រឹមឆ្នាំ២០២៧។៤៖ ជំរុញកម្មវិធីធ្វើតេស្តទទួលស្គាល់ជំនាញ ដែលជាឱកាសសម្រាប់កម្មករនិយោជិត ទាំងក្នុង និង​ក្រៅប្រទេសអាចមានវិញ្ញាបនបត្រទទួលស្គាល់ជំនាញមួយ ដើម្បីបង្ហាញពីសមត្ថភាព និង​កម្រិត​ជំនាញរបស់ខ្លួនផងដែរ។

សម្ដេចធិបតី ហ៊ុន ម៉ាណែត អញ្ជើញជួបសំណេះសំណាលជាមួយកម្មករនិយោជិត ជិត ២ម៉ឺននាក់ នៅខេត្តកណ្ដាល

2023/11/02 07:41:52 am        230
Facebook Telegram Linkin
នៅព្រឹកថ្ងៃទី០២ ខែវិច្ឆិកា ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញ​ចុះជួប​សំណេះសំណាល​ជា​មួយ​បង​ប្អូ​ន​កម្មករនិយោជិតចំនួន ១៨ ១៩០នាក់ នៅតាមបណ្តារោងចក្រ សហគ្រាស ដែល​មាន​មូលដ្ឋាន​ក្នុង​ស្រុកកណ្តាលស្ទឹង និងក្រុងតាខ្មៅ ខេត្តកណ្តាល។រោងចក្រ សហគ្រាសទាំង ២៩នេះ ជាប្រភេទរោង ចក្រកាត់ដេរសម្លៀកបំពាក់ ចំនួន ២០ រោង​ចក្រ​ផលិតផលធ្វើដំណើរ និងកាបូប ចំនួន ៣ រោងចក្រដេរស្បែកជើង ចំនួន ២ រោងចក្រ​បោក​គក់​សម្លៀក​បំពាក់ចំនួន ២ រោងចក្រប៉ាក់លើសម្លៀកបំពាក់ ចំនួន ១ និងរោងចក្រ​បោះពុម្ព​លើ​សម្លៀក​បំពាក់ចំនួន ១  ។នេះ គឺជាលើកទី៨ ដែលសម្តេចមហាបវរធិបតី ហ៊ុន ម៉ាណែត បាន​អញ្ជើញ​ចុះ​ជួប​សំណេះ​សំណាល​ជាមួយ​នឹងបងប្អូនកម្មករ និយោជិត តាមបណ្តារោងចក្រ សហគ្រាសនានា ក្នុង​ឋានៈ​ជានាយករដ្ឋមន្ត្រី នៃព្រះរាជាណាចក្រកម្ពុជា។

កម្ពុជាឈ្នះពានរង្វាន់មាស ផ្នែកអង្ករពូជស្រូវសែនក្រអូប

2023/11/01 02:51:15 pm        234
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅព្រឹកថ្ងៃទី១ខែវិច្ឆិកា ឆ្នាំ២០២៣នេះ បានប្រកាសឲ្យដឹងថា អង្ករពូជស្រូវសែនក្រអូបកម្ពុជា បានឈ្នះពានរង្វាន់មាស ក្នុងកម្មវិធីវាយតម្លៃគុណភាព រសជាតិ ប្រភេទអង្ករសគ្រាប់វែងចិន-អាស៊ាន លើកទី១ នៅប្រទេសចិន។យោងតាមសហព័ន្ធស្រូវអង្ករកម្ពុជា បានឲ្យដឹងថា អង្ករម៉ាកសមូលហភាព SKO ដែលផលិតចេញ ពីពូជស្រូវសែនក្រអូបនៅក្នុងឆ្នាំ២០២៣ ត្រូវបានឈ្នះពានរង្វាន់មាស នៅក្នុងកម្មវិធីវាយតម្លៃ គុណភាព រសជាតិ ប្រភេទអង្ករសគ្រាប់វែងចិន-អាស៊ាន លើកទី១ ដែលរៀបចំឡើងដោយ​វិទ្យាស្ថាន​វិទ្យាសាស្រ្តនៃបណ្ឌិតសភាវិទ្យាសាស្រ្តកសិកម្មខេត្តគ័ងស៊ី និងមណ្ឌលការគ្រប់គ្រងគ្រាប់​ពូជនៃតំបន់ស្វយ័ត គ័រស៊ី ជ័ង (Guangxi Zhuang) របស់ប្រទេសចិន។ប្រភពនេះ បានឲ្យដឹងទៀតថា ការឈ្នះពានរង្វាន់មាសរបស់អង្ករពូជស្រូវសែនក្រអូបកម្ពុជានេះ ត្រូវបានទទួលស្គាល់ដោយគណៈកម្មាធិការប្រកួត ជាពូជស្រូវល្អ ​និងមានរសជាតិឆ្ងាញ់ ព្រមទាំងឈ្នះពានរង្វាន់មាស ​ក្នុងចំណោមពានរង្វាន់មាសរបស់ពូជស្រូវរបស់ប្រទេសផ្សេងទៀត និង​ក្នុងចំណោមសំណាកអង្ករនៃពូជស្រូវសរុបចំនួន៦១ ​ដែលក្នុងនោះចំនួន ១២ប្រភេទ មកពីប្រទេសអាស៊ានចំនួន ​៥ប្រទេស និងចំនួន៤៩ប្រភេទ មកពីតំបន់ស្វយ័ត និងខេត្តដែលដាំដុះស្រូវនៅប្រទេសចិន។សូមបញ្ជាក់ថា ពូជស្រូវសែនក្រអូប ជាពូជស្រូវមិនប្រកាន់រដូវដែលដែលត្រូវបានដាំដុះ ដោយប្រជាកសិករតាំងពីពាក់កណ្តាលទស្សវត្ស៩០ ដើម្បីឆ្លើយតបទៅកាន់ទីផ្សារ ក្រសួងកសិកម្ម រុក្ខាប្រមាញ់ និងនេសាទ តាមរយៈអគ្គនាយកដ្ឋាន កសិកម្ម និងវិទ្យាស្ថានស្រាវជ្រាវ និងអភិវឌ្ឍន៍​កសិកម្មកម្ពុជា សកលវិទ្យាល័យភូមិន្ទកសិកម្ម សហព័ន្ធស្រូវអង្ករកម្ពុជា សាជីវកម្មហិរញ្ញវត្ថុ​អន្តរជាតិ និងកម្មវិធីខ្សែច្រវ៉ាក់តម្លៃកសិកម្មកម្ពុជា-អូស្រ្តាលី បានរៀបចំកិច្ច​ព្រមព្រៀង​សហប្រតិបត្តិការលើបច្ចេកទេស និងហិរញ្ញវត្ថុ ដើម្បីរៀបចំឱ្យមានពូជស្រូវសែនក្រអូបមួយ​ច្បាស់លាស់ ឆ្លងតាមការសិក្សានិងកិច្ចខិតខំ​របស់អ្នកវិទ្យាសាស្ត្រស្រូវនៃវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា បានសម្រាំងឡើងដោយជម្រើសឯកទត្តចេញពីពូជស្រូវក្រអូបផ្សេងៗ រហូតទទួលបានពូជស្រូវសែនក្រអូបមួយដែលល្អ ហើយត្រូវបានប្រកាសដាក់ឱ្យប្រើប្រាស់​ជាផ្លូវការ​នៅក្នុងឆ្នាំ២០១៩ ក្រោមឈ្មោះជាផ្លូវការថា «សែនក្រអូប ០១»៕អត្ថបទ៖ឈិត បូរ៉ាវី

ប្រទេសកោះស៊ីប ស្នើសុំបង្កើតច្រករបៀងសមុទ្រ ដើម្បីផ្តល់ជំនួយមនុស្សធម៌ដ៏សំខាន់ដល់តំបន់ហ្កាហ្សា

2023/11/01 01:46:14 pm        81
Facebook Telegram Linkin
ក្រុមអាជ្ញាធរ បាននិយាយកាលពីថ្ងៃអង្គារថា ប្រទេសកោះស៊ីប កំពុងធ្វើការជាមួយដៃគូក្នុងសហភាពអឺរ៉ុប និងមជ្ឈិមបូព៌ាលើផ្នែកដឹកជញ្ជូន ដើម្បីបង្កើតច្រករបៀងសមុទ្រ ដើម្បីផ្តល់ជំនួយមនុស្សធម៌ដ៏សំខាន់មួយទៅកាន់តំបន់ហ្កាហ្សាពីកំពង់ផែ Limassol ដ៏ធំរបស់កោះនេះ នៅពេលដែលស្ថានភាពជាក់ស្តែងអនុញ្ញាតឲ្យខ្លួននោះ។ .មន្ត្រីរដ្ឋាភិបាលជាន់ខ្ពស់ម្នាក់ ដែលបាននិយាយក្នុងលក្ខខណ្ឌមិនបញ្ចេញឈ្មោះ ដោយសារតែខ្លួនមិនត្រូវបានអនុញ្ញាតឲ្យនិយាយជាសាធារណៈនូវព័ត៌មានលម្អិតនៃសំណើនោះ បាននិយាយថា នាយករដ្ឋមន្ត្រី អ៊ីស្រាអែល លោក Benjamin Netanyahu «មិនត្រូវបានជំទាស់» ចំពោះគំនិតដែលលើកឡើងដោយប្រធានាធិបតីកោះស៊ីប លោក Nikos Christodoulides កាលពីសប្តាហ៍មុន។តម្រូវការមនុស្សធម៌របស់តំបន់ហ្កាហ្សា បានកើនឡើង បន្ទាប់ពីសង្គ្រាមអ៊ីស្រាអែល-ហាម៉ាស បានផ្ទុះឡើងបន្ទាប់ពីការវាយប្រហារដ៏គួរឲ្យភ្ញាក់ផ្អើលរបស់ក្រុមសកម្មប្រយុទ្ធប៉ាឡេស្ទីន កាលពីថ្ងៃទី៧ ខែតុលា នៅក្នុងប្រទេសអ៊ីស្រាអែល ដែលបានធ្វើឲ្យប្រជាជនអ៊ីស្រាអែលជិត១.៤០០នាក់ ស្លាប់ និងយ៉ាងហោចណាស់ ២៤០នាក់ ត្រូវបានចាប់ធ្វើជាចំណាប់ថ្នូរ។ អ៊ីស្រាអែល បានសងសឹកជាមួយនឹងប្រតិបត្តិការយោធាដែលបានធ្វើឲ្យប្រជាជនប៉ាឡេស្ទីនជាង ៨.០០០នាក់ ស្លាប់។ហេតុផលជាមូលដ្ឋាននៃសំណើរបស់ប្រទេសកោះស៊ីបនេះ គឺដើម្បីឲ្យមានលំហូរឥតឈប់ឈរនៃជំនួយក្នុងបរិមាណដ៏ច្រើន ដែលត្រូវផ្តល់តាមផ្លូវសមុទ្រ ក្នុងអំឡុងពេលដែលមន្ត្រីហៅថា «ការផ្អាកវាយប្រហារជាលក្ខណៈមនុស្សធម៌» ក្នុងការប្រយុទ្ធគ្នា ដើម្បីឲ្យជំនួយទៅដល់អ្នកដែលត្រូវការបន្ទាន់។

ក្រសួងការបរទេស៖ លោក Blinken នឹងធ្វើដំណើរទស្សនកិច្ចទៅកាន់ប្រទេសអ៊ីស្រាអែលនៅថ្ងៃសុក្រ

2023/11/01 01:05:38 pm        118
Facebook Telegram Linkin
អ្នកនាំពាក្យនិយាយថា រដ្ឋមន្ត្រីការបរទេសសហរដ្ឋអាមេរិក លោក Antony Blinken នឹងចាប់ផ្តើមដំណើរទស្សនកិច្ចថ្មី ទៅកាន់មជ្ឈឹមបូព៌ានៅថ្ងៃសុក្រ ទី៣ ខែវិច្ឆិកា ខណៈសង្គ្រាមរបស់អ៊ីស្រាអែលប្រឆាំងក្រុមហាម៉ាស់ ជាការឆ្លើយតបទៅនឹងការវាយប្រហារកាលពីថ្ងៃទី៧ ខែតុលា បានកើនឡើង។ ប្រព័ន្ធផ្សព្វផ្សាយអ៊ីស្រាអែល កាលពីពេលមុន បានរាយការណ៍អំពីដំណើរទស្សនកិច្ចនេះ ដែលបានលើកឡើងដោយមន្ត្រីប្រទេសអ៊ីស្រាអែល។ ប៉ុន្មានថ្ងៃបន្ទាប់ពីការវាយប្រហារដ៏ភ្ញាក់ផ្អើល ធ្វើឡើងដោយក្រុមសកម្មប្រយុទ្ធហាម៉ាស់ លោក Blinken បានធ្វើដំណើរទៅកាន់ប្រទេសអ៊ីស្រាអែល ជាការបង្ហាញអំពីការគាំទ្ររបស់សហរដ្ឋអាមេរិក និងដើម្បីសម្របសម្រួលលើការឆ្លើយតប។ កិច្ចប្រជុំដែលទាមទារឲ្យមានកិច្ចខិតខំប្រឹងប្រែង នៃផ្នែកការទូតទៅវិញទៅមក នៅក្នុងតំបន់មានភាពរីកចម្រើន ដោយអ្នកការទូតសហរដ្ឋអាមេរិក បានឈប់ចតជាច្រើនកន្លែង មាននៅប្រទេសហ្សកដានី អារ៉ាប៊ីសាអូឌីត អារ៉ាប់អេមីរ៉ាត់ អេហ្ស៊ីប និងត្រឡប់ទៅកាន់ប្រទេសអ៊ីស្រាអែល។ លោក បានអមដំណើរប្រធានាធិបតីJoe Biden ទៅកាន់ជំនួបជាមួយមន្ត្រីរដ្ឋាភិបាលអ៊ីស្រាអែល និងជនរងគ្រោះ អំឡុងដំណើរទស្សនកិច្ចរយៈពេល១ថ្ងៃរបស់មេដឹកនាំសហរដ្ឋអាមេរិក កាលពីថ្ងៃទី១៨ ខែ តុលា។ យោងតាមមន្ត្រីអ៊ីស្រាអែល បាននិយាយឲ្យដឹងថា ការវាយប្រហារឆ្លងកាត់ព្រំដែនដ៏ភ្ញាក់ផ្អើល បានសម្លាប់មនុស្ស១.៤០០នាក់ ខណៈខណៈជាង២៣០នាក់ ដែលមួយចំនួនជាពលរដ្ឋអាមេរិក ត្រូវបានចាប់ជាចំណាប់ថ្នូរ។ សហរដ្ឋអាមេរិក គឺជាអ្នកគាំទ្រធំបំផុតរបស់អ៊ីស្រាអែល ដែលផ្តល់ឲ្យប្រទេសនេះនូវជំនួយយោធាសំខាន់ៗជាច្រើន។ លោក Biden បានស្នើទៅកាន់សភា ដើម្បីអនុម័តការផ្តល់មូលនិធីបន្ថែម សម្រាប់ប្រទេសអ៊ីស្រាអែល ព្រមទាំងប្រទេសអ៊ុយក្រែនផងដែរ។ លោក Blinken កាលពីថ្ងៃអង្គារស្ថិតនៅវិមាន Capitol សហរដ្ឋអាមេរិក ដើម្បីការពារសំណើផ្តល់មូលនិធិ ប៉ុន្តែសវនាការព្រឹទ្ធសភា ត្រូវបានរារាំងដដែលៗដោយក្រុមអ្នកតវ៉ាគាំទ្រប៉ាឡេស្ទីន ដែលមួយចំនួនឲ្យអនុវត្ត «បទឈប់បាញ់ឥឡូវនេះ» «ពលរដ្ឋប៉ាឡេស្ទីនពុំមែនជាសត្វពាហៈនៈនោះទេ»។

កូរ៉េខាងជើងត្រៀមបិទស្ថានទូតរបស់ខ្លួនជាច្រើនជុំវិញពិភពលោក

2023/11/01 12:29:57 pm        208
Facebook Telegram Linkin
យោងតាមរបាយការណ៍របស់ប្រព័ន្ធផ្សព្វផ្សាយ និងអ្នកវិភាគជាច្រើនបានឱ្យដឹងថា ប្រទេសកូរ៉េខាងជើង បានត្រៀមបិទស្ថានទូតជាច្រើនរបស់ខ្លួន រួមទាំងនៅក្នុងប្រទេសអេស្ប៉ាញ ទីក្រុងហុងកុង និងប្រទេសជាច្រើនទៀតនៅក្នុងទ្វីបអាហ្រ្វិក នៅក្នុងសកម្មភាពមួយ ដែលអាចមើលឃើញជិត ២៥ភាគរយនៃបេសកកម្មរបស់ទីក្រុងព្យុងយ៉ាង ត្រូវបានបិទនៅទូទាំងពិភពលោក។ក្រសួងបង្រួបបង្រួមកូរ៉េខាងត្បូង បាននិយាយកាលពីថ្ងៃអង្គារ (៣១ តុលា) ថា ការបិទបេសកកម្មការទូតរបស់កូរ៉េខាងជើង នាពេលថ្មីៗនេះ គឺជាសញ្ញាមួយបង្ហាញថា ប្រទេសផ្ដាច់ខ្លួនមួយនេះកំពុងជួបការលំបាកក្នុងការរកប្រាក់នៅក្រៅប្រទេសដោយសារតែទណ្ឌកម្មអន្តរជាតិ។ការបិទស្ថានទូតនេះបានកំណត់ជាដំណាក់កាលសម្រាប់អ្វីដែលអាចជា «ការរង្គោះរង្គើគោលនយោបាយការបរទេសដ៏ធំបំផុតរបស់ប្រទេសកូរ៉េខាងជើង ក្នុងរយៈពេលជាច្រើនទសវត្សរ៍» ដោយមានការប៉ះពាល់ចំពោះការចូលរួមការទូត និងការងារមនុស្សធម៌នៅក្នុងប្រទេសផ្ដាច់ខ្លួនមួយនេះ ក៏ដូចជាសមត្ថភាពក្នុងការបង្កើតប្រាក់ចំណូលខុសច្បាប់ផងដែរ នេះបើយោងតាមលោក Chad O'Carroll ស្ថាបនិកគេហទំព័រ NK Pro ដែលផ្តោតលើប្រទេសកូរ៉េខាងជើង។លោកបាននិយាយនៅក្នុងរបាយការណ៍មួយនៅថ្ងៃពុធនេះថា បេសកកម្មការទូតជាងដប់ទីតាំង អាចនឹងត្រូវបិទ ដែលទំនងជាដោយសារតែទណ្ឌកម្មអន្តរជាតិ និន្នាការនៃការផ្តាច់ទំនាក់ទំនងរបស់ទីក្រុងព្យុងយ៉ាងនៅទូទាំងពិភពលោក និងការចុះខ្សោយដែលអាចកើតមាននៃសេដ្ឋកិច្ចកូរ៉េខាងជើង ផងដែរ៕

ព្រឹកស្អែក សម្ដេចធិបតី ហ៊ុន ម៉ាណែត នឹងបន្តជួបសំណេះសំណាលជាមួយកម្មករនិយោជិត ជិត ២ម៉ឺននាក់ នៅខេត្តកណ្ដាល

2023/11/01 11:55:35 am        170
Facebook Telegram Linkin
នៅព្រឹកថ្ងៃទី០២ ខែវិច្ឆិកា ឆ្នាំ២០២៣ស្អែកនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញ​ចុះជួប​សំណេះសំណាល​ជា​មួយ​បង​ប្អូ​ន​កម្មករនិយោជិតចំនួន ១៨ ១៩០នាក់ នៅតាមបណ្តារោងចក្រ សហគ្រាស ដែល​មាន​មូលដ្ឋាន​ក្នុង​ស្រុកកណ្តាលស្ទឹង និងក្រុងតាខ្មៅ ខេត្តកណ្តាល។រោងចក្រ សហគ្រាសទាំង ២៩នេះ ជាប្រភេទរោង ចក្រកាត់ដេរសម្លៀកបំពាក់ ចំនួន ២០ រោង​ចក្រ​ផលិតផលធ្វើដំណើរ និងកាបូប ចំនួន ៣ រោងចក្រដេរស្បែកជើង ចំនួន ២ រោងចក្រ​បោក​គក់​សម្លៀក​បំពាក់ចំនួន ២ រោងចក្រប៉ាក់លើសម្លៀកបំពាក់ ចំនួន ១ និងរោងចក្រ​បោះពុម្ព​លើ​សម្លៀក​បំពាក់ចំនួន ១  ។នេះ គឺជាលើកទី៨ ដែលសម្តេចមហាបវរធិបតី ហ៊ុន ម៉ាណែត បាន​អញ្ជើញ​ចុះ​ជួប​សំណេះ​សំណាល​ជាមួយ​នឹងបងប្អូនកម្មករ និយោជិត តាមបណ្តារោងចក្រ សហគ្រាសនានា ក្នុង​ឋានៈ​ជានាយករដ្ឋមន្ត្រី នៃព្រះរាជាណាចក្រកម្ពុជា។

នាយទាហានជាន់ខ្ពស់ចិន៖ មិត្តភាពកងទ័ពកម្ពជា-ចិន ត្រូវតែអនុវត្តឲ្យបានល្អ និងត្រូវលើកកម្ពស់បន្ថែម

2023/11/01 11:50:32 am        287
Facebook Telegram Linkin
នាយឧត្តមសេនីយ៍ ហឺ វេទុង អនុប្រធានគណៈកម្មាធិការយោធាមជ្ឈឹម នៃសាធារណរដ្ឋប្រជាមានិតចិន បានលើកឡើងថា មិត្តភាពរវាងកងទ័ពកម្ពុជា និងចិន ត្រូវតែអនុវត្តឲ្យបានល្អ និងត្រូវលើកកម្ពស់ឲ្យមានកម្រិតខ្ពស់បន្ថែមទៀត ខណៈទំនាក់ទំនង​រវាង​ភាគីទាំងពីរនេះ ​គឺបានកើតចេញពីការបង្កើតឡើង​ដោយការពូនជ្រុំរបស់​មេដឹកនាំ​ជំនាន់មុនៗ​នៃប្រទេសទាំងពីរ។នៅក្នុងកិច្ចជំនួបទ្វេភាគីជាមួយនាយឧត្តមសេនីយ៍ ទៀ សីហា ​ឧបនាយករដ្ឋមន្រ្តី រដ្ឋមន្រ្តីក្រសួង ការពារជាតិកម្ពុជា​នៅទីក្រុងប៉េកាំងប្រទេសចិន នាថ្ងៃទី៣១ ខែតុលា ឆ្នាំ២០២៣ម្សិលមិញនេះ នាយឧត្តមសេនីយ៍ ហឺ វេទុង បានបញ្ជាក់ថា«ទំនាក់ទំនងមិត្តភាពចិន និងកម្ពុជា បានបង្កើតឡើង​ដោយការពូនជ្រុំ ​ដោយមេដឹកនាំជំនាន់មុន។ មិត្តភាពចិន ​និងកម្ពុជា​បានចាក់ឫសយ៉ាងជ្រៅ​ក្នុងបេះដូង​របស់ប្រជាជននៃប្រទេសទាំងពីរ ហើយទំនាក់ទំនង​ កិច្ចសហប្រតិបត្តិការរាវង កងទ័ព នៃប្រទេសយើងទាំងពីរគឺជាទំនាក់ទំនងសំខាន់​ដែលកងទ័ពប្រទេសទាំងពីរ​ត្រូវខិតខំអនុវត្តអោយ​បានល្អ និងជំរុញ​សហប្រតិបត្តិការ កងទ័ពទាំងពីរអោយកាន់តែមានកម្រិតខ្ពស់»។នៅក្នុងកិច្ចជំនួបនេះ ​នាយឧត្តមសេនីយ៍ ហឺ វេទុង ក៏បានសម្តែងការស្វាគមន៍ចំពោះ​នាយ​ឧត្តមសេនីយ៍ ទៀ សីហា ឧបនាយករដ្ឋមន្ត្រី ​ដែលបានបំពេញ​ទស្សនកិច្ចជាផ្លូវការ និងជាមិត្តភាព​នៅសាធារណរដ្ឋប្រជាមានិតចិន​ និងចូលរួមក្នុងវេទិកាសៀនសានលើកទី១០ នៅទីក្រុងប៉េកាំង​ផងដែរ ខណៈដំណើរទស្សនកិច្ចនេះ ត្រូវបាននាយឧត្តមសេនីយ៍ ហឺ វេទុង សង្ឃឹមថា កងទ័ពទាំងពីរ ​នឹងពង្រឹងពង្រីកទំនាក់ទំនងកិច្ចសហប្រតិបត្តិការជាមួយគ្នា​ឲ្យកាន់តែមានការ​អភិវឌ្ឍរីកចម្រើន​ទៅមុខឥតឈប់ឈរ។ថ្លែងនៅក្នុងកិច្ចជំនួបនោះដែរ នាយឧត្តមសេនីយ៍ ទៀ សីហា ក៏បានថ្លែងអំណរគុណដល់រដ្ឋាភិបាល ក៏ដូចជា​ប្រជាជនចិន ជានិច្ចកាលតែងតែគាំទ្រដល់​ប្រទេសកម្ពុជា ជាពិសេសក្នុង​ពេលមានការឆ្លង​ជំងឺរាតត្បាតកូវីដ១៩ ចិនបានផ្ដល់នូវ​ឧបករណ៍​សម្ភារៈ បរិក្ខាពេទ្យ ឱសថ ដើម្បីទប់ស្កាត់ការឆ្លង​រីករាល​ដាល​ជំងឺឆ្លងកូវីដ ១៩ដល់កម្ពុជា។នាយឧត្តមសេនីយ៍ ទៀ សីហា ក៏បានលើកឡើងផងដែរថា ទំនាក់ទំនងមិត្តភាពកម្ពុជា ​និងចិន គឺ​ជាមិត្តភាពដ៏ល្អប្រសើរ និងមានភាពយូរអង្វែង ​ហើយកិច្ចសហប្រតិបត្តិការរវាង​កងទ័ពទាំងពីរ ក្នុងការ​ធ្វើសមយុទ្ធ​នាគមាស និង​សមយុទ្ធទេវតា​សន្តិភាព ក្នុងពេល​កន្លងមក​បាន​នាំ​មក​នូវការ​ពង្រឹង​សមត្ថភាព​ដល់កងយោធពលខេមរៈភូមិន្ទបន្ថែមទៀតផងដែរ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

TOP STORY | សម្ដេចធិបតី ហ៊ុន ម៉ាណែត ថ្លែងអំណរគុណចំពោះលោក ដូណាល់ ត្រាំ ដែលបានផ្តួចផ្តើមសម្របសម្រួល បទឈប់បាញ់ភ្លាមៗ រវាងកម្ពុជា និងថៃ ដោយគ្មានលក្ខខណ្ឌ ដើម្បីការពារអាយុជីវិតរបស់ទាហាន និងជនស៊ីវិលជាច្រើននាក់
07/27/2025 05:07 AM
Facebook Telegram Linkin
ឯកឧត្តម គីម វីរៈ ដឹកនាំក្រុមការងារចុះពិនិត្យ និងនាំស្បៀងមួយចំនួនចែកជូនពលរដ្ឋភៀសសឹក ក្នុងខេត្តព្រះវិហារ
07/27/2025 12:07 AM
Facebook Telegram Linkin
TOP STORY | ឯកឧត្តម ហេង រតនា៖ ចោរសៀមចិញ្ចឹមចិត្ត បើអញលួចប្លន់ប្រាសាទព្រះវិហារមិនបានទេ គឺត្រូវបំផ្លាញ និងកម្ទេចចោលតែម្តង!
07/26/2025 11:07 PM
Facebook Telegram Linkin
TOP STORY | ក្រសួងការពារជាតិកម្ពុជា ប្រកាសច្រានចោល និងថ្កោលទោសយ៉ាងដាច់អហង្ការ ចំពោះការចោទប្រកាន់មិនពិត និងមានចរិតព្យាបាទពីសំណាក់ថៃ
07/26/2025 09:07 PM
Facebook Telegram Linkin
TOP STORY | អ្នកនាំពាក្យសម្ដេចតេជោ៖ ថ្ងៃទី៣នៃសត្រូវឈ្លានពាន តេជោសែន បន្តផ្តល់ប្រឹក្សាយុទ្ធសាស្រ្តយោធាដល់សម្តេចធិបតី និងបណ្តាមេទ័ពដើម្បីវាយខ្មាំងដោយភាពហានក្លា
07/26/2025 08:07 PM
Facebook Telegram Linkin
ឯកឧត្តម ឌិត ទីណា បន្តសួរសុខទុក្ខប្រជាពលរដ្ឋជម្លៀសពីតំបន់ព្រំដែនអូរបីជាន់
07/26/2025 06:07 PM
Facebook Telegram Linkin
ក្រុមយុវជននាំគ្នារៀបចំចម្អិនម្ហូបជូនជនភៀសសឹក ដែលគេចពីតំបន់សមរភូមិវាយប្រហាររបស់កងទ័ពថៃ ក្នុងខេត្តឧត្តរមានជ័យ
07/26/2025 06:07 PM
Facebook Telegram Linkin
សិក្ខាកាមវគ្គអប់រំនយោបាយកម្រិត១វគ្គជំនាន់៨១របស់គណបក្សប្រជាជនកម្ពុជានាំយកអំណោយចែកជូននគរបាលការពារបេតិកភណ្ឌប្រាសាទព្រះវិហារ
07/26/2025 05:07 PM
Facebook Telegram Linkin
ប្រធាន IAEA ត្រូវលើកទឹកចិត្តដោយការសម្រេចចិត្តរបស់អ៊ីរ៉ង់ ឲ្យមកទស្សនកិច្ចប្រទេសនេះ នៅប៉ុន្មាន សប្តាហ៍ខាងមុខ
07/26/2025 05:07 PM
Facebook Telegram Linkin
មនុស្សយ៉ាងតិច ៨នាក់ បានស្លាប់ និង ១៣នាក់ បានរងរបួស នៅក្នុងការវាយប្រហារ «ភេរវកម្ម» នៅភាគអាគ្នេយ៍អ៊ីរ៉ង់
07/26/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.