BTV NEWS

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ និង ការអភិវឌ្ឍន៍

នាយឧត្តមសេនីយ៍ ទៀ សីហា៖ ការសន្ទនា និងការទូតជាឧបករណ៍ដ៏មានប្រសិទ្ធភាពបំផុត ក្នុងការដោះស្រាយជម្លោះ

នៅទីក្រុងបេកាំងប្រទេសចិន នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជាបានថ្លែងថា ការប្រែប្រួលភូមិសាស្ត្រនយោបាយ និងការកើតឡើងនូវបញ្ហាប្រឈមផ្នែកសន្តិសុខ ដែលចេះតែរីកធំឡើងពីមួយថ្ងៃទៅមួយថ្ងៃ ខណៈបញ្ហាទាំងនេះកើតឡើង គឺកើតចេញពីការប្រកួតប្រជែងរបស់ប្រទេសមហាអំណាចនានា ដូច្នេះកម្ពុជារំពឹងថា មានតែការសន្ទនា និងការទូតទេជាឧបករណ៍ដ៏មានប្រសិទ្ធភាពបំផុតក្នុងការដោះស្រាយជម្លោះទាំងឡាយនោះ។ការថ្លែងរបស់ប្រមុខការពារជាតិកម្ពុជានេះ គឺបានធ្វើឡើងក្នុងឱកាសដែលឯកឧត្តមចូលរួមក្នុង វេទិកា សៀងសាន លើកទី១០ នៅទីក្រុងប៉េកាំងនាថ្ងៃទី៣០ ខែតុលា ឆ្នាំ២០២៣នេះ ដោយវេទិកានេះ មានការអញ្ជើញចូលរួមពីប្រមុខថ្នាក់ដឹកនាំការពារជាតិ និងកងទ័ពមកពីបណ្តាប្រទេសនៅអឺរុប អាហ្វ្រិកអាស៊ី និងប្រទេសក្នុងតំបន់អាស៊ានសរុបទាំងអស់ជាង ៦០ប្រទេស។នាយឧត្តមសេនីយ៍ ទៀ សីហា បានថ្លែងទៅកាន់វេទិកានេះថា ឯកឧត្តមសូមសម្តែងនូវសេចក្តីសោមនស្សរីករាយដែលបានចូលរួមក្នុងវេទិកា សៀងសាន ទីក្រុងប៉េកាំង លើកទី១០ ដែលជាវេទិកាដ៏សំខាន់ សម្រាប់ការប្តេជ្ញាចិត្តរួមរបស់យើងក្នុងការលើកកម្ពស់ និងថែរក្សាសន្តិភាព សន្តិសុខ និងកិច្ចសហប្រតិបត្តិការ។ ឯកឧត្តមបានថ្លែងទៀតថា ទិដ្ឋភាពសកលលោកកំពុងឆ្លងកាត់ការផ្លាស់ប្តូរយ៉ាងរហ័សដែលមិនធ្លាប់ឃើញពីមុនមក និងពោពេញទៅដោយភាពមិនប្រាកដប្រជា ទាំងការប្រែប្រួលភូមិសាស្ត្រនយោបាយ និងការកើតឡើងនូវបញ្ហាប្រឈមផ្នែកសន្តិសុខ ដែលចេះតែរីកធំឡើងពីមួយថ្ងៃទៅមួយថ្ងៃ។ ការប្រកួតប្រជែងភូមិសាស្ត្រនយោបាយកាន់តែខ្លាំងឡើងក្នុងចំណោមមហាអំណាចនានា កំពុងជំរុញឱ្យមានការផ្លាស់ប្តូរជាបន្តបន្ទាប់នៅក្នុងទិដ្ឋភាពយុទ្ធសាស្ត្រក្នុងតំបន់ និងពិភពលោកដោយស្ថានភាពនេះបានដាក់សម្ពាធលើសន្តិភាព សន្តិសុខ និងវិបុលភាពជាដើម។ យ៉ាងណាក៏ដោយឯកឧត្តមនាយឧត្តមសេនីយ៍ បានបញ្ជាក់ទៅកាន់អង្គវេទិកាទៀតថា « តាមបទពិសោធន៍របស់កម្ពុជា យើងជឿជាក់យ៉ាងមុតមាំថា ការសន្ទនា និងការទូតជាឧបករណ៍ដ៏មានប្រសិទ្ធភាពបំផុតក្នុងការដោះស្រាយជម្លោះ។ ភាគីពាក់ព័ន្ធទាំងអស់ក្នុងជម្លោះ គួរតែធ្វើការទំនាក់ទំនងគ្នាទៅវិញទៅមកប្រកបដោយការស្ថាបនា ដើម្បីបញ្ឈប់អំពើហិង្សាជំរុញការយោគយល់គ្នា និងគោរពផលប្រយោជន៍ និងសន្តិសុខរបស់គ្នាទៅវិញទៅមក ក្នុងពេលដែលនៅបន្តរក្សាសន្តិសុខ និងផលប្រយោជន៍ជាតិរៀងៗខ្លួន។ សន្តិភាពនៅតែជាមូលដ្ឋានគ្រឹះនៃសេចក្តីប្រាថ្នារួមរបស់យើង។ មានតែតាមរយៈការរួមរស់ជាមួយគ្នាដោយសន្តិវិធី និងការសន្ទនាប៉ុណ្ណោះទើបយើងអាចសម្រេចបាននូវស្ថិរភាព និងបង្កើតបរិយាកាសអំណោយផលដល់វឌ្ឍន¬ភាព និងការអភិវឌ្ឍ»។ក្នុងនាមក្រសួងការពារជាតិកម្ពុជា ឯកឧត្តម ទៀ សីហា ក៏បានបញ្ជាក់ឡើងវិញនូវការប្តេជ្ញាចិត្តរបស់កម្ពុជាក្នុងការពង្រឹង និងពង្រីកកិច្ចសហប្រតិបត្តិការប្រកបដោយការស្ថាបនា ជាមួយប្រជាជាតិទាំងអស់ តាមរយៈក្របខណ្ឌទ្វេភាគី តំបន់ និងអន្តរជាតិ ដើម្បីរួមចំណែកដល់សន្តិភាព សន្តិសុខ ស្ថិរភាព ការអភិវឌ្ឍប្រកបដោយចីរភាព និងវិបុលភាពពិភពលោកជាដើម។ ឯកឧត្តមបានបញ្ជាក់ទៅកាន់វេទិកាដ៏ធំនេះទៀតថា កម្ពុជានឹងបន្តដើរតាមផ្លូវនៃគោលនយោបាយការបរទេសឯករាជ្យ និងអព្យាក្រឹតផ្អែកលើច្បាប់ ការគោរពគ្នាទៅវិញទៅមក និងការប្រកាន់ខ្ជាប់នូវគោលការណ៍ទាំងធម្មនុញ្ញអង្គការសហប្រជាជាតិ និងធម្មនុញ្ញអាស៊ាន។ គោលដៅរបស់យើងគឺលើកកម្ពស់ផលប្រយោជន៍ជាតិ ពង្រឹងមិត្តភាពដែលមានស្រាប់ និងជំរុញទំនាក់ទំនងមិត្តភាពថ្មី។ កម្ពុជានៅតែប្រកាន់ជំហរប្រឆាំងនឹងការគំរាមកំហែង ឬការប្រើប្រាស់កម្លាំងក្នុងទំនាក់ទំនងអន្តរជាតិ ការជ្រៀតជ្រែកកិច្ចការផ្ទៃក្នុងរបស់ប្រទេសដទៃ៕ អត្ថបទ៖ បាន ចក់

មន្រ្តីថ្នាក់ក្រោមជាតិប្តេជ្ញាពង្រឹងប្រសិទ្ធភាពការងារឱ្យកាន់តែល្អប្រសើរ តាមការណែនាំរបស់ប្រមុខរាជរដ្ឋាភិបាល

ភ្នំពេញ៖ មន្រ្តីថ្នាក់ក្រោមជាតិ ប្តេជ្ញាពង្រឹងប្រសិទ្ធភាពការងារឱ្យកាន់តែល្អប្រសើរ បន្ទាប់ពីសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានផ្តល់អនុសាសន៍ណែនាំ ពិសេសលើការផ្ដល់សេវាសាធារណៈជូនប្រជា ពលរដ្ឋដោយភាពទំនើបកម្ម ។លោក ឌី សុខខែម អភិបាលរងខណ្ឌមានជ័យ នៅថ្ងៃទី៣១ ខែតុលា នេះ បានប្រាប់BTVថា បច្ចុប្បន្ន ការផ្តល់សេវាសាធារណៈជូនប្រជាពលរដ្ឋនៅក្នុងមូលដ្ឋានខណ្ឌរបស់លោក គឺមានភាពមមាញឹក ហើយការផ្តល់សេវានេះ ធ្វើឡើងដោយតម្លាភាព មិនមានការរើសអើងនោះទេ ។លោកអភិបាលរង បានប្តេជ្ញាថា នឹងអនុវត្តអនុសាសន៍ណែនាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ក្នុងពង្រឹងសេវាសាធារណៈ និងដោះស្រាយបញ្ហាក្នុងមូលដ្ឋានឱ្យមានប្រសិទ្ធភាព។ប្រជាពលរដ្ឋ ដែលបានទៅរកសេវាសាធារណៈនៅសាលាខណ្ឌមានជ័យ បានសរសើរមន្រ្តីនៅ ទីនេះថា បានយកចិត្តទុកដាក់ផ្តល់សេវារហ័ស និងគ្មានការយកថវិកាក្រៅផ្លូវការនោះទេ។ ពួកគេ រំពឹងថា ការផ្តល់សេវាសាធារណៈនៅមូលដ្ឋាន នឹងកាន់តែមានភាពល្អថែមទៀត ទៅពេលអនាគត ។ក្នុងពិធីសម្ពោធអគាររដ្ឋបាលថ្មី និងសមិទ្ធផលនានានៅខេត្តកំពង់ស្ពឺ និងប្រកាសជាខេត្តអស់មីន នៅថ្ងៃទី៣០ ខែតុលា នេះ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានផ្តល់អនុសាសន៍៥ចំណុច ក្នុងគោលបំណងឱ្យរដ្ឋបាលរាជធានី-ខេត្ត ពង្រឹងសេវាសាធារណៈរបស់ខ្លួន និងដោះស្រាយបញ្ហា នានាក្នុងមូលដ្ឋានឲ្យមានប្រសិទ្ធភាព និងទាន់ពេលវេលា ។អនុសាសន៍ទាំង៥ចំណុចរួមមាន៖ ទី១- ត្រូវចូលរួមពង្រឹងការជ្រើសរើសមន្រ្តីចូលបម្រើការងារ ប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព ពោលគឺត្រូវធានាថា មន្រ្តីជាអ្នកបម្រើប្រជាជន ប្រកបដោយសមត្ថភាព ក្រមសីលធម៌ និងវិជ្ជាជីវៈខ្ពស់។ ទី២- ត្រូវដាក់ចេញនូវយន្តការ រាយការណ៍ ឬយន្តការទទួលពាក្យបណ្តឹងអំពីបញ្ហាណាមួយ ពីសំណាក់ប្រជាពលរដ្ឋ ហើយត្រូវឆ្លើយតប ជូនវិញឱ្យបានឆាប់រហ័ស និងដោយប្រសិទ្ធភាពខ្ពស់។ ទី៣- ត្រូវធ្វើយ៉ាងណាផ្តល់សេវាសាធារណៈឱ្យបាន ល្អបំផុតដល់ប្រជាពលរដ្ឋ ដោយមិនស្មុគស្មាញ ។ ទី៤ - ត្រូវតាមដានជាប់នូវគោលនយោបាយរបស់រាជ រដ្ឋាភិបាល និងត្រូវត្រៀមខ្លួនជានិច្ច ដើម្បីធ្វើការងារឱ្យមានប្រសិទ្ធភាពខ្ពស់ និង៥- ត្រូវពង្រឹងភាពស្អាតស្អំ របស់ខ្លួន កុំប្រើប្រាស់អំណាចខុសច្បាប់ ធ្វើឱ្យប៉ះពាល់ដល់ផលប្រយោជន៍ប្រជាពលរដ្ឋជាដើម៕អត្ថបទ៖ ទូច សោភ័ណ

សហភាពអឺរ៉ុបគ្រោងជួយកែទម្រង់តំបន់បាល់កង់ខាងលិច ជាមួយនឹងកញ្ចប់ថវិកាចំនួន ៦ពាន់លានអឺរ៉ូ

ប្រធានប្រតិបត្តិសហភាពអឺរ៉ុប លោកស្រី Ursula von der Leyen បាននិយាយនៅក្នុងរដ្ឋធានី ស្កុបព្យេ (Skopje) កាលពីថ្ងៃចន្ទថា សហភាពអឺរ៉ុប គ្រោងជួយបណ្តាប្រទេសនៅតំបន់បាល់កង់ខាងលិច បន្តការកែទម្រង់ដែលត្រូវការសម្រាប់ការធ្វើសមាហរណកម្មជាមួយប្លុកអ្នកមាន ជាមួយនឹងការវិនិយោគចំនួន ៦ពាន់លានអឺរ៉ូ (៦.៤ពាន់លានដុល្លារ)។លោកស្រី von der Leyen បាននិយាយថា ប្រទេសម៉ាសេដូនីខាងជើង អាល់បានី កូសូវ៉ូ ស៊ែរប៊ី ម៉ុងតេណេហ្គ្រោ និងបូស្នី និងហឺហ្សេហ្គោវីណា ទាំងអស់ ត្រូវការចាប់យក«ឱកាស" សម្រាប់ការពង្រីកសហភាពអឺរ៉ុប និងធ្វើការ ដើម្បីកំណត់ស្តង់ដារបស់ពួកគេចំពោះអ្នកនៅក្នុងប្លុកនេះ។លោកស្រី Von der Leyen បាននិយាយថា ផែនការកំណើនថ្មីរបស់សហភាពអឺរ៉ុបសម្រាប់តំបន់នឹងរួមបញ្ចូលការបើកទីផ្សាររួមរបស់ខ្លួន ទៅកាន់បណ្តាប្រទេសនៅតំបន់បាល់កង់ខាងលិច ក្នុងវិស័យដូចជា ការដឹកជញ្ជូនទំនិញ និងសេវាកម្មដោយសេរី ការដឹកជញ្ជូន និងថាមពល។ ផែនការនេះ ក៏បានជំរុញឲ្យប្រទេសនានាបើកទីផ្សាររួមក្នុងតំបន់ ហើយបន្តអនុវត្តន៍ជាមួយនឹងកំណែទម្រង់ដែលចាំបាច់។ជាឧទាហរណ៍ ប្រទេសម៉ាសេដូនីខាងជើង ត្រូវការកែទម្រង់បរិយាកាសធុរកិច្ចរបស់ខ្លួន បង្កើតរដ្ឋបាលសាធារណៈប្រកបដោយប្រសិទ្ធភាព មានហិរញ្ញវត្ថុសាធារណៈល្អ និងកែលម្អការប្រយុទ្ធប្រឆាំងនឹងអំពើពុករលួយ។ ប្រទេសនេះ ក៏ចាំបាច់ត្រូវធ្វើវិសោធនកម្មរដ្ឋធម្មនុញ្ញ ដើម្បីទទួលស្គាល់ជនជាតិប៊ុលហ្គារីជាជនជាតិភាគតិច ដូចដែលបានស្នើសុំដោយប្រទេសប៊ុលហ្គារី ដើម្បីអនុញ្ញាតឲ្យប្រទេសនេះ ចូលរួមក្នុងសហភាពអឺរ៉ុប។

រឿង«គិតម៉េចឡូវ? NOW WHAT» ជាប់ជ័យលាភីលេខ០១ ក្នុងមហោស្រពភាពយន្តខ្លីចតុមុខ ឆ្នាំ២០២៣

ភ្នំពេញ៖ ស្នាដៃផលិតករវ័យក្មេង Peace Chong មានចំណងជើងថា «គិតម៉េចឡូវ? NOW WHAT» ប្រកាសជាប់ជ័យលាភីលេខ០១ ក្នុងពិធីបិទមហោស្រពភាពយន្តខ្លីចតុមុខ ឆ្នាំ២០២៣ ជំនាន់ទី១២ នៅរាត្រី ថ្ងៃទី៣១ ខែតុលា ឆ្នាំ២០២៣ នៅ Legend Premium Cinema Olympia។ថ្លែងក្នុងពិធីបិទមហោស្រពភាពយន្ត ឯកឧត្តម ហាប់ ទូច រដ្ឋលេខាធិការក្រសួងវប្បធម៌ និងវិចិត្រសិល្បៈថា ការចូលរួមទាំងផ្នែករដ្ឋ វិស័យឯកជន និងដៃគូពាក់ព័ន្ធ គឺជាការចាំបាច់ណាស់ ដើម្បីយើងពុះពារទាំងអស់គ្នា។ ហើយក្រសួងវប្បធម៌ និងវិចិត្រសិល្បៈ ខិតខំជួយដើម្បីគាំទ្រដល់វិស័យភាពយន្ត ក្នុងទិសដៅមួយឲ្យព្រះរាជាណាចក្រកម្ពុជា ក្លាយជាដែនដីនៃការផលិតភាពយន្តជាតិ និងអន្តរជាតិ។ចំណែកផលិតករវ័យក្មេង Peace Chong ជាប់ជ័យលាភីលេខ០១ ក្នុងការប្រកួតមហោស្រពភាពយន្តខ្លី មានអារម្មណ៍សប្បាយរីករាយ ដែលគំនិតរបស់លោកត្រូវបានគណៈកម្មាធិការមេប្រយោគទទួលស្គាល់។ លោកក៏សង្ឃឹមថា អ្វីដែលលោក រួមនិងក្រុមការងារបានផលិតឡើង និងផ្តល់សារជូនដល់អ្នកគាំទ្រ។បើតាមលោក ស៊ុ ស៊ីថែន ប្រធានមហោស្រព និងស្ថាបនិកក្រុមភាពយន្តឈូករ័ត្ន បានឲ្យដឹងថា ក្រុមការងារភាពយន្ត ឈូករ័ត្ន ឈានដល់របត់ថ្មី នៃការរៀបចំកម្មវិធីនៅរក្សាបេសកកម្មដដែរ។ តាមរយៈការរៀបចំមហោស្រពឆ្នាំនេះ បានចែករំលែកបទពិសោធន៍៧ចំណុច ដែលប្លែកពីជំនាន់មុនៗនៃមហោស្រពភាពយន្តខ្លី ចតុមុខ ដោយនៅក្នុងនោះរួមមាន៖ ជំនាន់ទី១២ យើងទទួលបានភាពយន្តខ្លីបានច្រើន ទោះបីរឿងក្នុងស្រុក តិច ជាងបរទេស បន្តិច ខុសពីឆ្នាំមុន។ តែគុណភាពរឿងសុទ្ធតែល្អៗ ហើយប្រធានបទ ស្រដៀង ឆ្នាំមុនៗគឺទាក់ទង នឹងរឿង«គ្រួសារ» និង «អត្តសញ្ញាណផ្ទាល់ខ្លួន»។ ភាពយន្តឯកសារ នៅបន្តទទួលទាំងក្នុងស្រុក និងក្រៅស្រុក ជាពិសេស ពីដៃគូសហគមន៍ ចំនួន២ គឺ៖ ដេប៉ាតឺម៉ង់ផ្សព្វផ្សាយ និងសារគមនាគមន៍ និងមជ្ឈមណ្ឌលសោតទស្សន៍បុប្ផាណា៕អត្ថបទ៖ រដ្ឋា

ស្ពានអាកាសព្រះមុនីវង្ស គ្រោងនឹងបញ្ចប់ការសាងសង់មុនផែនការប្រមាណ៤ខែ

ភ្នំពេញ៖ អាជ្ញាធររាជធានីភ្នំពេញ បានឱ្យដឹងថា ស្ពានអាកាសព្រះមុនីវង្ស ប្រសព្វរវាងមហាវិថីព្រះមុនីវង្សមហាវិថីសម្តេចតេជោ ហ៊ុន សែន និងមហាវិថីយោធពលខេមរភូមិន្ទ (ផ្លូវ២៧១) ដែលកំពុងសាងសង់គ្រោងនឹងបញ្ចប់ការសាងសង់មុនផែនការប្រមាណ០៤ខែ ពោលជំហានទី១ នឹងបញ្ចប់មុនចូលឆ្នាំថ្មីប្រពៃណីជាតិឆ្នាំ២០២៤ ( ក្នុងគម្រោងខែសីហា ២០២៤ ) និងជំហានទី២ នឹងបញ្ចប់មុនចូលឆ្នាំប្រពៃណីជាតិ ឆ្នាំ២០២៥ ( ក្នុងគម្រោងខែសីហា ឆ្នាំ២០២៥ ) ។ស្ពាននេះនឹងដើរតួនាទីយ៉ាងសំខាន់ ក្នុងការជួយសម្រួលការធ្វើចរាចរណ៍ក្នុងរាជធានីភ្នំពេញបញ្ចៀសបានពីការកកស្ទះ ដែលមានកំណើនយានយន្ត និងការធ្វើចរាចរណ៍កាន់តែច្រើនឡើងពីមួយឆ្នាំទៅមួយឆ្នាំ ។ ពលរដ្ឋអ្នកដំណើរ ក៏បានសម្តែងអារម្មណ៍រីករាយចំពោះសមិទ្ធផលថ្មីខាងលើនេះ ថ្វីត្បិតវាមិនទាន់សាងសង់រួចរាល់ក៏ពិតមែន ប៉ុន្តែពួកគាត់រំពឹងថា ស្ពាននេះនឹងជួយសម្រាលដល់ការកកស្ទះ ដែលពួកគាត់តែរមែងជួបជាប្រចាំ ។សូមបញ្ជាក់ថា ស្ពានអាកាសខាងលើនេះ សាងសង់ដោយក្រុមហ៊ុនវិនិយោគទុនអាណិកជនកម្ពុជា OCIC គ្រោងចំណាយថវិកាជាង៣៦លានដុល្លារ ។បច្ចុប្បនេះនៅក្នុងរាជធានីភ្នំពេញ មានស្ពានអាកាសចំនួន៧ហើយ ដែលបានសាងសង់រួចរាល់ និងកំពុងប្រើប្រាស់ រួមមាន៖ ស្ពានអាកាសក្បាលថ្នល់ , ស្ពានអាកាស៧មករា , ស្ពានអាកាសស្ទឹងមានជ័យ , ស្ពានអាកាស៥មករា , ស្ពានអាកាសមិត្តភាពកម្ពុជា-ចិន សែនសុខ ឬហៅថា ស្ពានអាកាសផ្សារដីហ៊ុយ , ស្ពានអាកាសចោមចៅ និងស្ពានអាកាស ឫស្សីកែវ លើកំណាត់ផ្លូវជាតិលេខ០៥ ៕ អត្ថបទ ៖ លីហេង

រដ្ឋបាលខណ្ឌ៧មករា បើកសិក្ខាសាលាសមាហរណកម្មកម្មវិធីវិនិយោគបីឆ្នាំរំកិលឆ្នាំ២០២៤-២០២៦

ភ្នំពេញ៖ ដើម្បីឱ្យគម្រោងបានឆ្លុះបញ្ចាំងពីតម្រូវការជាអាទិភាពនៅថ្នាក់មូលដ្ឋាន ក៏ដូចជាប្រើប្រាស់ធនធានឱ្យចំគោលដៅ និងអនុវត្តទៅប្រកបដោយប្រសិទ្ធភាព រដ្ឋបាលខណ្ឌ៧មករា បានរៀបចំសិក្ខាសាលា សមាហរណកម្ម កម្មវិធីវិនិយោគបីឆ្នាំរំកិល ២០២៤ –២០២៦ ដើម្បីអោយមន្ទីរជំនាញជុំវិញរដ្ឋបាលរាជធានីតំណាងដៃគូអភិវឌ្ឍន៍ សប្បុរសជន និងវិស័យឯកជនបានចូលរួម។កម្មវិធីនេះធ្វើឡើងនៅព្រឹកថ្ងៃទី ៣១ ខែតុលា ឆ្នាំ២០២៣នេះ ក្រោមអធិបតីភាព ឯកឧត្តម ហ៊ុន សុរិទ្ធី អភិបាលរងរាជធានីតំណាងដ៏ខ្ពង់ខ្ពស់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ លោក ថេង សុថុល អភិបាលខណ្ឌ៧មករា ក្រុមប្រឹក្សាខណ្ឌ មន្ទីរជំនាញជុំវិញរដ្ឋបាលរាជធានី តំណាងដៃគូអភិវឌ្ឍន៍ សប្បុរសជន និងវិស័យឯកជនផងដែរ។លោក ថេង សុថុល អភិបាលខណ្ឌ៧មករា បានមានប្រសាសន៍លើកឡើងថា ការរៀបចំសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល ២០២៤-២០២៦ របស់សង្កាត់ទាំង៨របស់ខណ្ឌ នៅពេលនេះ មានគោលបំណងដើម្បីផ្សព្វផ្សាយគម្រោងវិនិយោគជាអាទិភាពឆ្នាំ២០២៤ របស់រដ្ឋបាលខណ្ឌ សង្កាត់ និងការ ស្នើសុំការគាំទ្រគម្រោង ពីមន្ទីរ អង្គភាពជំនាញ អង្គការ ដៃគូអភិវឌ្ឍន៍នានា វិស័យឯកជន និងសប្បុរសជន ដើម្បីគាំទ្រគម្រោងរបស់សង្កាត់ និងខណ្ឌ។លោកបន្តថា ជារៀងរាល់ឆ្នាំ នៅតាមសាលាខណ្ឌនីមួយៗ តែងតែបាន រៀបចំសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិលរបស់សង្កាត់ ខណ្ឌ តាមការណែនាំរបស់ថ្នាក់ជាតិ ហើយឆ្នាំនេះសិក្ខាសាលាសមាហរណកម្មបានចាប់ផ្ដើមពី ថ្ងៃទី២៥ ខែតុលា ដល់ថ្ងៃទី០២ ខែវិច្ឆិកា ឆ្នាំ២០២៣នៅតាមសាលាខណ្ឌនីមួយៗ ។ សិក្ខាសាលានេះរៀបចំឡើង ស្របតាមផែនការអភិវឌ្ឍប្រាំឆ្នាំ ទាំងរបស់សង្កាត់ និងខណ្ឌ ដែលនៅក្នុងនោះចាំបាច់ត្រូវមានការចូលរួមគាំទ្រពី មន្ទីរជំនាញ ដៃគូអភិវឌ្ឍន៍ សប្បុរសជន និងវិស័យឯកជន ដើម្បីឱ្យគម្រោងដែលបានរៀបចំឆ្លុះបញ្ចាំងពីតម្រូវការជាអាទិភាពនៅថ្នាក់មូលដ្ឋាន ប្រើប្រាស់ធនធានឱ្យចំគោលដៅ និងអនុវត្តទៅប្រកបដោយប្រសិទ្ធភាព។ឯកឧត្តម ហ៊ុន សុរិទ្ធី អភិបាលរងរាជធានីភ្នំពេញ បានលើកឡើងផងដែរថា សូមកោតសរសើរ និងវាយតម្លៃខ្ពស់ ចំពោះសង្កាត់ទាំង៨ដែលបានខិតខំប្រឹងប្រែង ក្នុងដំណើរការកសាងកម្មវិធីវិនិយោគបីឆ្នាំរំកិលសង្កាត់របស់ខ្លួន និងសូមថ្លែងអំណរគុណយ៉ាងជ្រាលជ្រៅបំផុត ចំពោះមន្ទីរ អង្គភាពនានាចំណុះរដ្ឋបាល រាជធានីភ្នំពេញ អង្គការសង្គមស៊ីវិល សប្បុរសជនដែលបានគាំទ្រគម្រោងរបស់សង្កាត់ ខណ្ឌក្នុងឆ្នាំកន្លងមកនេះ។ឯកឧត្តម បានបញ្ជាក់បន្ថែមថា អង្គភាពជំនាញពាក់ព័ន្ធនឹងបន្តការគាំទ្រដល់ គម្រោងសកម្មភាពកម្មវិធីវិនិយោគបីឆ្នាំរំកិលខណ្ឌ និងគម្រោងសកម្មភាពកម្មវិធីវិនិយោគជាអាទិភាពរបស់សង្កាត់ជាបន្តទៀត ដើម្បីឆ្លើយតបទៅនឹងតម្រូវការរបស់ប្រជាពលរដ្ឋ ពិសេសការអភិវឌ្ឍនៅមូលដ្ឋាន។បើតាមរបាយការណ៍ នៃគម្រោងកម្មវិធីវិនិយោគបីឆ្នាំរំកិល របស់រដ្ឋបាលខណ្ឌ ដែលទទួលបានការគាំទ្រក្នុងសិក្ខាសាលា សមាហរណកម្មឆ្នាំ២០២២ ដែលបានអនុវត្តឆ្នាំ២០២៣ រួមមាន គម្រោងដែលទទួលបានការគាំទ្រឆ្នាំ២០២៣ សរុបចំនួន ១៨១គម្រោង អនុវត្តសម្រេចបាន ១២៥គម្រោង ដែលមានដូចជា ផ្នែកសេដ្ឋកិច្ច ចំនួន ៣៩គម្រោង ផ្នែកសង្គមកិច្ចចំនួន ៧៦គម្រោង លើ ផ្នែកគ្រប់គ្រងដីធ្លី ធនធានធម្មជាតិ បរិស្ថាន ចំនួន ៣៦គម្រោង ផ្នែកសេវា រដ្ឋបាល និងសន្តិសុខសណ្តាប់ធ្នាប់សាធារណៈ ៣០ គម្រោង។ សម្រាប់គម្រោងជាអាទិភាព ឆ្នាំ២០២៤ ដែលត្រូវដាក់ស្នើសុំការគាំទ្រនៅក្នុងសិក្ខាសាលាសមាហរណកម្មនាពេលនេះមានចំនួន ១១០គម្រោង ដែលមានផ្នែកសេដ្ឋកិច្ច ៣២គម្រោង; ផ្នែកសង្គមកិច្ច៤៦គម្រោង ;ផ្នែកគ្រប់គ្រងដីធ្លីធនធានធម្មជាតិបរិស្ថាន៨គម្រោង; ផ្នែកសេវាកម្មរដ្ឋបាល និងសន្តិសុខ២៤គម្រោង៕ អត្ថបទ៖ កុម្ភៈ

ACU ចាត់តាំងមន្ត្រី និងអ្នកសង្កេតការណ៍ស្ម័គ្រចិត្តជាង ៣៣០០នាក់ សម្រាប់ការប្រឡងទុតិយភូមិឆ្នាំ២០២៣

ភ្នំពេញ៖ អង្គភាពប្រឆាំងអំពើពុករលួយ បានចាត់តាំងមន្ត្រី និងអ្នកសង្កេតការណ៍ស្ម័គ្រចិត្តជាង ៣៣០០នាក់ ដើម្បីសង្កេតការណ៍ដំណើរការប្រឡងសញ្ញាបត្រមធ្យមសិក្សាទុតិយភូមិ នាខែវិច្ឆិកា ខាងមុខនេះ។ដើម្បីទប់ស្កាត់បាតុភាពមិនប្រក្រតីនានា រាប់ទាំងបាតុភាពនៃអំពើពុករលួយ អង្គភាពប្រឆាំងអំពើពុករលួយ បានចាត់តាំងមន្ត្រីនគរបាលយុត្តិធម៌ចំនួន ២៩៧រូប និងអ្នកសង្កេតការណ៍ស្ម័គ្រចិត្ត ចំនួន ៣.០៤០ រូប សម្រាប់សង្កេតការណ៍ដំណើរការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ៦ វិច្ឆិកា ឆ្នាំ២០២៣ខាងមុខនេះ។ នេះបើតាមលោក សយ ចាន់វិចិត្រ អ្នកនាំពាក្យអង្គភាពប្រឆាំងអំពើពុករលួយបានប្រាប់ទូរទស្សន៍ BTV ។លោក សយ ចាន់វិចិត្រ បានបន្ថែមថា ការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៣នេះ មានបេក្ខជនប្រឡងចំនួន ១៣៧.៤១២នាក់ ដោយបែងចែកជា ២២៧មណ្ឌល ត្រូវជា ៥.៥៤៣បន្ទប់ នៅទូទាំងប្រទេស។ លោក សយ ចាន់វិចិត្រ បានបន្ថែមទៀតថា អង្គភាពប្រឆាំងអំពើពុករលួយ បានបណ្ដុះបណ្ដាលអំពីតួនាទីភារកិច្ច និងសិទ្ធិរបស់អ្នកសង្កេតការណ៍ស្ម័គ្រចិត្ត និងច្បាប់នានា ដូចជា ក្រមព្រហ្មទណ្ឌ ច្បាប់ស្តីពីការប្រឆាំងអំពើពុករលួយ ច្បាប់ស្តីពីសហលក្ខន្តិកៈមន្ត្រីរាជការស៊ីវិល សារាចរ ប្រកាស សេចក្តីណែនាំ បទបញ្ញត្តិ ព្រមទាំងលិខិតបទដ្ឋានគតិយុត្តផ្សេងៗទៀត ដល់អ្នកសង្កេតការណ៍ស្ម័គ្រចិត្ត សម្រាប់អនុវត្តក្នុងពេលប្រឡង ដើម្បីធ្វើយ៉ាងណាធានាបាននូវតម្លាភាព យុត្តិធម៌សង្គម និងលទ្ធផលទទួលយកបានតាមស្មារតី អ្នកចេះគឺជាប់៕អត្ថបទ ៖ ប្រាក់ វ៉ាន់ដា

កម្ពុជាបង្កើតបណ្ណសម្គាល់ជនមានពិការភាពជាលើកដំបូង

ភ្នំពេញ៖ ក្រសួងសង្គមកិច្ច អតីតយុទ្ធជន និងយុវនីតិសម្បទា បានបង្កើតបណ្ណសម្គាល់ជនមានពិការភាពជា លើកដំបូង ។ នៅថ្ងៃទី៣០ ខែតុលា នេះ ក្រសួងសង្គមកិច្ច រួមទាំងក្រសួងស្ថាប័នពាក់ព័ន្ធ និងដៃគូអភិវឌ្ឍន៍ បានផ្ដល់បណ្ណសម្គាល់ជនមានពិការភាព ជូនជនមានពិការភាព។ បច្ចុប្បន្ន បណ្ណសម្គាល់ជនមាន ពិការភាព ដែលផលិតរួចរាល់ គឺមានជាង២២ម៉ឺនសន្លឹករួចមកហើយ។ក្នុងពិធីផ្ដល់បណ្ណសម្គាល់ជនមានពិការភាព នៅថ្ងៃនេះ ឯកឧត្តម ជា សុមេធី រដ្ឋមន្ត្រីក្រសួងសង្គម កិច្ច អតីតយុទ្ធជន និងយុវនីតិសម្បទា បានលើកឡើងថា ការផ្តល់បណ្ណសម្គាល់ជនមានពិការភាពនេះ គឺដើម្បីបង្កលក្ខណៈងាយស្រួលដល់ជនមានពិការភាព ក្នុងការចូលរួមសកម្មភាព សង្គម សេដ្ឋកិច្ច និង ទទួលបានអត្ថប្រយោជន៍ពីវិស័យសាធារណៈ វិស័យឯកជន អង្គការសង្គមស៊ីវិល និងអ្នកផ្ដល់សេវាផ្សេងៗ ប្រកបដោយសមធម៌ និងបរិយាបន្ន ស្របតាមគោលនយោបាយរាជរដ្ឋាភិបាល ។សម្រាប់ជនមានពិការភាព ដែលទទួលបានបណ្ណសម្គាល់នៅថ្ងៃនេះ ក៏បានបង្ហាញក្ដីរីករាយផងដែរ ដោយពួកគេជឿជាក់ថា បណ្ណនេះ នឹងជួយសម្រួល និងផ្ដល់ជាអត្ថប្រយោជន៍មួយចំនួនសម្រាប់ពួកគេ។ ពួកគេក៏សង្ឃឹមថា បណ្ណសម្គាល់ជនមានពិការភាពនេះ នឹងពង្រីកវិសាលភាពអត្ថប្រយោជន៍កាន់ តែធំ ។ពាក់ព័ន្ធនឹងបណ្ណសម្គាល់ជនមានពិការភាពនេះ ឯកឧត្តម សន សុផល អគ្គនាយក នៃអគ្គនាយក ដ្ឋានស្ដារសម្បទា បានលើកឡើងដែរថា បណ្ណនេះ នឹងផ្ដល់ជាអត្ថប្រយោជន៍សម្រាប់កម្មវិធីជំនួយសង្គមថ្មី “កម្មវិធីកញ្ចប់គ្រួសារ” ដែលត្រៀមដាក់ឱ្យអនុវត្តនៅចុងឆ្នាំនេះ។ ជនមានពិការភាព ជាក្រុមគោលដៅមួយ ផងដែរ សម្រាប់កម្មវិធីជំនួយសង្គមថ្មីនេះ ។ឯកឧត្តម បានបន្តថា ក្រសួងស្ថាប័នពាក់ព័ន្ធ ក៏កំពុងពិភាក្សា ធ្វើការរួមគ្នា ដើម្បីពង្រីកវិសាលភាព អត្ថប្រយោជន៍ នៃបណ្ណសម្គាល់ជនមានពិការភាពផងដែរ ។គួរបញ្ជាក់ថា បណ្ណសម្គាល់ជនមានពិការភាព មានសុពលភាពជាអចិន្ត្រៃយ៍។ ការដកបណ្ណ លើក លែងតែ ជននោះទទួលមរណភាព ចាកចេញពីកម្មវិធីដោយស្ម័គ្រចិត្ត មិនមានពិការភាពអចិន្ត្រៃយ៍ ជាដើម ។ បណ្ណសម្គាល់ជនមានពិការភាពនេះ ត្រូវបានកំណត់តាមប្រភេទ និងកម្រិតពិការភាព ដោយកម្រិត ១ មានន័យថា ពិការភាពកម្រិតធ្ងន់ កម្រិត២ កម្រិតមធ្យម និងកម្រិត៣ កម្រិតស្រាល ៕អត្ថបទ៖ គឹមហុក

គណៈកម្មាធិការសិទ្ធិមនុស្ស រៀបចំសិក្ខាសាលាអនុវត្តកតិកាសញ្ញាអន្តរជាតិស្ដីពីសិទ្ធិសេដ្ឋកិច្ច និងសង្គមកិច្ច

ភ្នំពេញ៖ គណៈកម្មាធិការសិទ្ធិមនុស្សកម្ពុជា បានរៀបចំសិក្ខាសាលាផ្សព្វផ្សាយ នៃរបាយការណ៍លើកទី២ស្តីពីការអនុវត្តកតិកាសញ្ញាអន្តរជាតិស្ដីពីសិទ្ធិសេដ្ឋកិច្ច សង្គមកិច្ច និងវប្បធម៌។នៅថ្ងៃទី៣០ខែតុលា ឆ្នាំ២០២៣ ឯកឧត្តម កែវ រ៉េមី ទេសរដ្ឋមន្រ្តី និងជាប្រធានគណៈកម្មាធិការសិទ្ធិមនុស្សកម្ពុជា បានអញ្ជើញជាអធិបតីក្នុងពិធីបើកសិក្ខាសាលាផ្សព្វផ្សាយ សេចក្ដីអង្កេតសន្និដ្ឋាននៃរបាយការណ៍លើកទី២របស់កម្ពុជា ស្ដីពីការអនុវត្តកតិកាសញ្ញាអន្តរជាតិស្ដីពីសិទ្ធិសេដ្ឋកិច្ច សង្គមកិច្ច និងវប្បធម៌ ដែលសិក្ខាសាលានេះមានការចូលរួមពីតំណាងក្រសួង-ស្ថាប័ន អង្គការសង្គមស៊ីវិល និងដៃគូអន្តរជាតិជាច្រើននាក់ ដោយមានការគាំទ្រពីការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា។ឯកឧត្តម អ៊ិត រ៉ាឌី អនុប្រធានគណៈកម្មាធិការសិទ្ធិមនុស្សកម្ពុជា ថ្លែងថា សិក្ខាសាលានេះមានគោលដៅ ដើម្បីឲ្យស្ថាប័នពាក់ព័ន្ធរបស់រាជរដ្ឋាភិបាលទាំងអស់បានយល់អំពីកាតព្វកិច្ចរបស់កម្ពុជា ក្នុងនាមជារដ្ឋសមាជិករបស់អង្គការសហប្រជាជាតិ ចូលរួមផ្ដល់ជារបាយការណ៍ ឬព័ត៌មានដែលពាក់ព័ន្ធលើការអនុវត្តអនុសាសន៍ដែលពាក់ព័ន្ធទាំងអស់មកគណៈកម្មាធិការសិទ្ធិមនុស្សកម្ពុជា។ក្នុងនាមគណៈកម្មាធិការសិទ្ធិមនុស្សកម្ពុជា ឯកឧត្តម អ៊ិត រ៉ាឌី លើកឡើងថា បន្ទាប់ពីរបាយការណ៍នៃការអនុវត្តកតិកាសញ្ញាអន្តរជាតិស្ដីពីសិទ្ធិសេដ្ឋកិច្ច សង្គមកិច្ច និងវប្បធម៌រួចរាល់នឹងជួបជាមួយអង្គការសង្គមស៊ីវិល ក្នុងការពិនិត្យរួមគ្នាលើរបាយការណ៍ទាំងនោះ និងស្នើសង្គមស៊ីវិលបញ្ជូនរបាយការណ៍របស់ខ្លួនមុនបញ្ជូនទៅអង្គការសហប្រជាជាតិ។សូមជម្រាបថា គោលបំណងនៃសិក្ខាសាលានេះដែរ ដើម្បីផ្សព្វផ្សាយ ពិភាក្សា និងរៀបចំផែនការអនុវត្តសាសនៅក្នុងសេចក្ដីអង្កេតសន្និដ្ឋានរបស់គណៈកម្មាធិការសិទ្ធិសេដ្ឋកិច្ច សង្គមកិច្ច និងវប្បធម៌របស់អង្គការសហប្រជាជាតិ ដែលជាគណៈកម្មាធិការទទួលបន្ទុកតាមដានការអនុវត្តកតិកាសញ្ញាអន្តរជាតិស្តីពីសិទ្ធិសេដ្ឋកិច្ច សង្គមកិច្ច និងវប្បធម៌ របស់រដ្ឋភាគី។លើសពីនេះ គណៈកម្មាធិការសិទ្ធិមនុស្សកម្ពុជា ក្នុងនាមជាសេនាធ្វើការរបស់រាជរដ្ឋាភិបាលទទួលបន្ទុកលើវិស័យសិទ្ធិមនុស្សនៅកម្ពុជា មានភារកិច្ចក្នុងការសរសេររបាយការណ៍ចំនួន៥ ជូនអង្គការសហប្រជាជាតិ រួមមាន៖ របាយការណ៍ពិនិត្យឡើងវិញជាសកតាមកាលកំណត់ (UPR), របាយការណ៍សិទ្ធិពលរដ្ឋ និងសិទ្ធិនយោបាយ, របាយការណ៍សិទ្ធិសេដ្ឋកិច្ច សង្គមកិច្ច និងវប្បធម៌, របាយការណ៍ស្តីពីការលុបចំបាត់រាល់ទម្រង់នៃការរើសអើងពូជសាសន៍ និងរបាយការណ៍ស្តីពីការការពារជនគ្រប់រូបពីការបាត់ខ្លួនដោយបង្ខំ៕

ក្រុមប្រទេសG7 អំពាវនាវឱ្យលុបចោលជាបន្ទាន់នូវបម្រាមលើអាហារជប៉ុន និងងាករកការដាក់សម្ពាធលើចិន

ក្រុមប្រទេសមហាអំណាចមានឧស្សាហកម្មលូតខ្លាំងទាំង៧ ឬG7 បានអំពាវនាវកាលពីថ្ងៃអាទិត្យឲ្យមានការការលុបចោលជាបន្ទាន់នៃបម្រាមបញ្ឈប់ការនាំចូលលើផលិតផលម្ហូបអាហាររបស់ជប៉ុន ដែលសំដៅដល់ការរឹតបន្តឹងរបស់ប្រទេសចិន បន្ទាប់ពីប្រទេសជប៉ុនបានចាប់ផ្តើមបញ្ចេញសំណល់ទឹក មានសារធាតុវិទ្យុសកម្មពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា (Fukushima) ។នៅក្នុងសេចក្តីថ្លែងការណ៍មួយបន្ទាប់ពីកិច្ចប្រជុំកាលពីចុងសប្តាហ៍នៅទីក្រុងអូសាកា(Osaka) ប្រទេសជប៉ុន រដ្ឋមន្ត្រីពាណិជ្ជកម្មសមាជិកប្រទេសG7 ពុំបាននិយាយពីប្រទេសចិនទេ ប៉ុន្តែបានរិះគន់ផងដែរ នូវអ្វីដែលពួកគេចាត់ទុកថាជាការកើនឡើងនៃការបង្ខិតបង្ខំសេដ្ឋកិច្ចតាមរយៈពាណិជ្ជកម្ម។ សេចក្តីថ្លែងការណ៍ដែលមានកម្រាស់១០ ទំព័របាននិយាយថា យើងមិនពេញចិត្តចំពោះសកម្មភាពប្រើប្រាស់អាវុធភាពអាស្រ័យសេដ្ឋកិច្ច និងប្តេជ្ញាកសាងទំនាក់ទំនងសេដ្ឋកិច្ច និងពាណិជ្ជកម្មដោយសេរី យុត្តិធម៌ និងផ្តល់ផលប្រយោជន៍ទៅវិញទៅមក។ ប្រទេសចិនបានផ្អាកការនាំចូលត្រីរបស់ជប៉ុនកាលពីពីរខែមុន នៅពេលជប៉ុនបានចាប់ផ្តើមបញ្ចេញទឹកមានសារធាតុវិទ្យុសកម្មដែលបានធ្វើប្រព្រឹត្តកម្មរួចពីរោងចក្រ Fukushima ដែលរងការបំផ្លិចបំផ្លាញ ចូលទៅក្នុងប៉ាស៊ីហ្វិក។ ខណៈប្រទេសជប៉ុន និងសហរដ្ឋអាមេរិក បានហៅថាជាការទប់ស្កាត់ មិនយុត្តិធម៌ ប្រទេសរុស្ស៊ីបានប្រកាសការរឹតបន្តឹងស្រដៀងគ្នានេះកាលពីដើមខែនេះផងដែរ។ ជាការឆ្លើយតប ប្រទេសចិនបានហៅចំណាត់ការរបស់ក្រុមប្រទេស G7 ថាជា ការបង្ខិតបង្ខំសេដ្ឋកិច្ច និងបានជំរុញឱ្យ ក្រុមប្រទេស G7 កុំប្រកាន់ខ្ជាប់ស្តង់ដារពីរ ហើយបែរមក ចាត់វិធានការជាក់ស្តែង ដើម្បីរក្សាសណ្ដាប់ធ្នាប់ពាណិជ្ជកម្ម និងការវិនិយោគអន្តរជាតិតាមធម្មតា។ ស្ថានទូតចិនប្រចាំប្រទេសជប៉ុនបាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃអាទិត្យថា ក្រុមប្រទេសជាសមាជិក G7 ធ្វើឱ្យប៉ះពាល់ដល់កម្រិតនៃការប្រកួតបប្រជែង និងរំខានដល់សន្តិសុខ និងស្ថិរភាពនៃសង្វាក់ផលិតកម្ម និងការផ្គត់ផ្គង់សកល ។ គួរឲ្យដឹងថា ប្រទេសសមាជិក G7 មាន សហរដ្ឋអាមេរិក ជប៉ុន អាល្លឺម៉ង់ អង់គ្លេស បារាំង អ៊ីតាលី និងកាណាដា បានបង្ហាញក្ដីបារម្ភ លើវិធានការត្រួតពិនិត្យថ្មីៗនេះលើការនាំចេញសារធាតុរ៉ែសំខាន់ៗពីប្រទេសចិន៕

បណ្ដាញសង្គម

ព័ត៌មានថ្មីៗ

រដ្ឋមន្រ្តីការងារចុះទទួលស្វាគមន៍ពលករខ្មែរ ដែលសម្រុកត្រឡប់មកពីប្រទេសថៃ នៅព្រំដែន

ក្រសួងអប់រំបើកកិច្ចប្រជុំពិនិត្យស្ថានភាពអប់រំតាមខេត្តជាប់ព្រំដែន និងការត្រៀមរៀបចំការប្រឡងសិស្សថ្នាក់បាក់ឌុប

ប៉ាគីស្ថាន ព្រមានពីភ្លៀងមូសុងបន្ថែមទៀតនៅសប្តាហ៍ក្រោយ ខណៈអ្នកស្លាប់ឡើងជាង ២៧០នាក់

បាតុកររាប់រយនាក់នៅឥណ្ឌូនេស៊ី គោះឆ្នាំងតវ៉ា ជុំវិញវិបត្តិអត់ឃ្លានកាន់តែខ្លាំងនៅតំបន់ហ្កាហ្សា

ក្រសួងការពារជាតិ នៅតែហួសចិត្តចំពោះភាគីថៃ បន្តចោទកម្ពុជាថា ជាអ្នកបង្កហេតុមុន ខណៈថៃខ្លួនឯង ជាចោរឈ្លានពានមកលើកម្ពុជាសោះ

ចំហេះព្រៃកំពុងគំរាមកំហែងទីក្រុងធំបំផុតទីបួនរបស់ទួរគី ខណៈអ្នកស្រុកសម្រុកជម្លៀសខ្លួនចេញ

ACCD អំពាវនាវដល់ពលរដ្ឋ និងអ្នកយកសារព័ត៌មាន កុំថត ចែករំលែក ឬបង្ហោះរូបភាព ឬវីដេអូទីតាំងឈរជើង ចល័តកងទ័ព ឬសកម្មភាពកងទ័ព

ប្រជាពលរដ្ឋខ្មែរប្រមាណ ៥០០នាក់នៅប្រទេសជប៉ុនប្រមូលផ្តុំតវ៉ា និងថ្កោលទោសប្រឆាំងការឈ្លានពានរបស់ចោរសៀមលើអធិបតេយ្យភាពកម្ពុជា

ប្រជាជនហ្កាហ្សា អំពាវនាវឱ្យមានបទឈប់បាញ់ពេញលេញ ក្រោយអ៊ីស្រាអែល ប្រកាសផ្អាកប្រយុទ្ធតាមកន្លែង

រុស្ស៊ី ចាប់ផ្តើមជើងហោះហើរដឹកអ្នកដំណើរត្រង់ពីក្រុងមូស្គូ-ព្យុងយ៉ាង ជាលើកដំបូងក្នុងពេលច្រើនទសវត្សរ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

នាយឧត្តមសេនីយ៍ ទៀ សីហា៖ ការសន្ទនា និងការទូតជាឧបករណ៍ដ៏មានប្រសិទ្ធភាពបំផុត ក្នុងការដោះស្រាយជម្លោះ

សហភាពអឺរ៉ុបគ្រោងជួយកែទម្រង់តំបន់បាល់កង់ខាងលិច ជាមួយនឹងកញ្ចប់ថវិកាចំនួន ៦ពាន់លានអឺរ៉ូ

រឿង«គិតម៉េចឡូវ? NOW WHAT» ជាប់ជ័យលាភីលេខ០១ ក្នុងមហោស្រពភាពយន្តខ្លីចតុមុខ ឆ្នាំ២០២៣

ស្ពានអាកាសព្រះមុនីវង្ស គ្រោងនឹងបញ្ចប់ការសាងសង់មុនផែនការប្រមាណ៤ខែ

រដ្ឋបាលខណ្ឌ៧មករា បើកសិក្ខាសាលាសមាហរណកម្មកម្មវិធីវិនិយោគបីឆ្នាំរំកិលឆ្នាំ២០២៤-២០២៦

ACU ចាត់តាំងមន្ត្រី និងអ្នកសង្កេតការណ៍ស្ម័គ្រចិត្តជាង ៣៣០០នាក់ សម្រាប់ការប្រឡងទុតិយភូមិឆ្នាំ២០២៣

កម្ពុជាបង្កើតបណ្ណសម្គាល់ជនមានពិការភាពជាលើកដំបូង

ក្រុមប្រទេសG7 អំពាវនាវឱ្យលុបចោលជាបន្ទាន់នូវបម្រាមលើអាហារជប៉ុន និងងាករកការដាក់សម្ពាធលើចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

នាយឧត្តមសេនីយ៍ ទៀ សីហា៖ ការសន្ទនា និងការទូតជាឧបករណ៍ដ៏មានប្រសិទ្ធភាពបំផុត ក្នុងការដោះស្រាយជម្លោះ

សហភាពអឺរ៉ុបគ្រោងជួយកែទម្រង់តំបន់បាល់កង់ខាងលិច ជាមួយនឹងកញ្ចប់ថវិកាចំនួន ៦ពាន់លានអឺរ៉ូ

រឿង«គិតម៉េចឡូវ? NOW WHAT» ជាប់ជ័យលាភីលេខ០១ ក្នុងមហោស្រពភាពយន្តខ្លីចតុមុខ ឆ្នាំ២០២៣

ស្ពានអាកាសព្រះមុនីវង្ស គ្រោងនឹងបញ្ចប់ការសាងសង់មុនផែនការប្រមាណ៤ខែ

រដ្ឋបាលខណ្ឌ៧មករា បើកសិក្ខាសាលាសមាហរណកម្មកម្មវិធីវិនិយោគបីឆ្នាំរំកិលឆ្នាំ២០២៤-២០២៦

ACU ចាត់តាំងមន្ត្រី និងអ្នកសង្កេតការណ៍ស្ម័គ្រចិត្តជាង ៣៣០០នាក់ សម្រាប់ការប្រឡងទុតិយភូមិឆ្នាំ២០២៣

កម្ពុជាបង្កើតបណ្ណសម្គាល់ជនមានពិការភាពជាលើកដំបូង

ក្រុមប្រទេសG7 អំពាវនាវឱ្យលុបចោលជាបន្ទាន់នូវបម្រាមលើអាហារជប៉ុន និងងាករកការដាក់សម្ពាធលើចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍