នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា

នយោបាយ​ និង ការអភិវឌ្ឍន៍

UN៖ បញ្ជាជម្លៀសនៅតំបន់ហ្គាហ្សារបស់អ៊ីស្រាអែល អាចបំពានច្បាប់អន្តរជាតិ

2023/10/18 11:44:53 am        75
Facebook Telegram Linkin
ការិយាល័យសិទ្ធិមនុស្សរបស់អង្គការសហប្រជាជាតិ បាននិយាយកាលពីថ្ងៃអង្គារ (១៧ តុលា) ថា ការឡោមព័ទ្ធរបស់អ៊ីស្រាអែលនៅតំបន់ហ្គាហ្សា និងបញ្ជាជម្លៀសខ្លួនសម្រាប់ភាគខាងជើងនៃតំបន់នេះ អាចជាការផ្ទេរជនស៊ីវិលដោយបង្ខំ និងបំពានច្បាប់អន្តរជាតិ។ដោយថ្លែងទៅកាន់អ្នកសារព័ត៌មាននៅទីក្រុងហ្សឺណែវ លោកស្រី រ៉ាវីណា សាមដាសានី (Ravina Shamdasani) អ្នកនាំពាក្យការិយាល័យសិទ្ធិមនុស្សរបស់អង្គការសហប្រជាជាតិ បាននិយាយថា អ៊ីស្រាអែលហាក់ដូចជាមិនបានខិតខំប្រឹងប្រែងដើម្បីធានាថា ជនស៊ីវិលដែលត្រូវបានជម្លៀសជាបណ្ដោះអាសន្ននៅតំបន់ហ្គាហ្សា ត្រូវបានផ្តល់កន្លែងស្នាក់នៅសមរម្យ ក៏ដូចជាលក្ខខណ្ឌអនាម័យ សុខភាព សុវត្ថិភាព និងអាហារូបត្ថម្ភនោះទេ ហើយការធ្វើបែបនោះ «ស្មើនឹងការផ្ទេរជនស៊ីវិលដោយបង្ខំ»។នៅក្នុងការអត្ថាធិប្បាយដាច់ដោយឡែកមួយ កម្មវិធីស្បៀងអាហារពិភពលោកបាននិយាយថា ការផ្គត់ផ្គង់ស្បៀងអាហាររបស់ខ្លួននៅក្នុងតំបន់ហ្គាហ្សា កំពុងមានកម្រិតទាប ប៉ុន្តែខ្លួនកំពុងស្តុកទុកការផ្គត់ផ្គង់នៅក្នុងទីក្រុង អាល់ អារីស (Al-Arish) របស់ប្រទេសអេហ្ស៊ីប នៅក្បែរនោះ។ រថយន្តដឹកទំនិញជាច្រើនគ្រឿង ដែលផ្ទុកសម្ភារផ្គត់ផ្គង់ បានធ្វើដំណើរឆ្ពោះទៅកាន់ច្រកព្រំដែន Rafah ក្នុងប្រទេសអេហ្ស៊ីប ដែលជាចំណុចចូលតែមួយគត់ទៅកាន់តំបន់ដែលនៅក្រៅការគ្រប់គ្រងរបស់អ៊ីស្រាអែល ទោះបីជាគេមិនប្រាកដថា រថយន្តជំនួយទាំងនោះអាចឆ្លងកាត់បាន ឬយ៉ាងណានោះទេ៕

បេសកជនចិន នឹងទៅកាន់មជ្ឈិមបូព៌ានៅសប្ដាហ៍នេះ ដើម្បីទប់ស្កាត់កុំឲ្យសង្គ្រាមរាលដាល

2023/10/18 11:35:22 am        76
Facebook Telegram Linkin
ប្រទេសចិន នឹងថ្លឹងថ្លែងនៅសប្ដាហ៍នេះលើសង្រ្គាមរវាងអ៊ីស្រាអែល និងក្រុមហាម៉ាស ដោយការបញ្ជូនបេសកជនពិសេសរបស់ខ្លួនទៅកាន់តំបន់មជ្ឈិមបូព៌ា បន្ទាប់ពីសហរដ្ឋអាមេរិក បានស្នើឲ្យចិនប្រើឥទ្ធិពលរបស់ខ្លួន ដើម្បីបញ្ឈប់ជម្លោះកុំឲ្យរីករាលដាល។ ទីក្រុងវ៉ាស៊ីនតោន និយាយថា ខ្លួនសង្ឃឹមថាមិត្តភាពរបស់ចិនជាមួយអ៊ីរ៉ង់ដែលគាំទ្រក្រុមហាម៉ាស អាចជួយទប់ស្កាត់ជម្លោះនេះបាន ជាពិសេស បន្ទាប់ពីទីក្រុងប៉េកាំង បានសម្របសម្រួលគូសត្រូវដ៏អង្វែង រវាងទីក្រុងតេអេរ៉ង់ និងទីក្រុងរីយ៉ាដ កាលពីដើមឆ្នាំនេះ ។អ៊ីរ៉ង់ បានព្រមានពីលទ្ធភាពនៃការធ្វើសកម្មភាពមុន ប្រឆាំងនឹងប្រទេសអ៊ីស្រាអែល ខណៈអ៊ីស្រាអែលត្រៀមវាយលុកនៅលើដីលើតំបន់ហ្គាហ្សា ។ក៏មានភាពភ័យខ្លាចផងដែរ ថាក្រុមហេស្បូឡា មានមូលដ្ឋាននៅក្នុងប្រទេសលីបង់ដែល ត្រូវបានគាំទ្រដោយប្រទេសអ៊ីរ៉ង់ អាចនាំឲ្យផ្ទុះការប្រឈមដាក់គ្នាជាលើកទី២ជាមួយអ៊ីស្រាអែល ។ប្រទេសចិន បានប្រកាសថា បេសកជនពិសេសលោក ចៃ ជុន (Zhai Jun ) នឹងបំពេញទស្សកិច្ចទៅកាន់មជ្ឈិមបូរព៌ានៅសប្ដាហ៍នេះ ដោយលោកស្រី Mao Ning អ្នកនាំពាក្យក្រសួងការបរទេសចិន និយាយថា វត្ថុបំណងរបស់បេសកជនពិសេស គឺដើម្បីសម្របសម្រួលការខ្វែងគំនិតជាអន្តរជាតិ ក៏ដូចជាជំរុញដល់ភាគីពាក់ព័ន្ធទាំងអស់បញ្ឈប់នយោបាយអរិភាពដាក់គ្នា បន្ធូរបន្ថយកម្ដៅស្ថានការណ៍ និងបង្កើតខណ្ឌចាំបាច់សម្រាប់ដំណោះស្រាយនយោបាយ៕

គិតមកទល់ពេលនេះ បុគ្គលស្វ័យនិយោជន៍ជាង៥ម៉ឺននាក់ បានស្នើសុំធ្វើប័ណ្ណ ប.ស.ស.

2023/10/18 11:17:25 am        242
Facebook Telegram Linkin
ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ឲ្យដឹងថា គិតចាប់ពីដាក់ឲ្យដំណើរ​ការសាកល្បងកាលពីថ្ងៃទី៩ ​ខែសីហា ឆ្នាំ២០២៣ ​រហូតមកដល់បច្ចប្បន្ននេះ ប្រជាពលរដ្ឋដែល​ប្រកបរបរ ​និងមានចំណូលផ្ទាល់ខ្លួន​ ឬហៅថា បុគ្គលស្វ័យនិយោជន៍ មានចំនួន ៥៧ ៨២៩ នាក់ហើយ ដែលបានស្នើសុំធ្វើប័ណ្ណ ប.ស.ស. តាមរយៈរបបភាគទានដោយស្ម័គ្រចិត្ត ។បន្ទាប់ពីរាជរដ្ឋាភិបាលកម្ពុជា បាន​សម្រេចប្រកាសដាក់ឱ្យអនុវត្តនូវគម្រោង​សាកល្បងរបបថែទាំ​សុខភាព​សម្រាប់បុគ្គលស្វ័យនិយោជន៍ ​តាមរយៈរបបភាគទានដោយស្ម័គ្រចិត្ត ប្រជាពលរដ្ឋដែល​កំពុងប្រកបរបរ និ​ងរកចំណូលផ្ទាល់ខ្លួន ​មានការសប្បាយរីករាយយ៉ាងខ្លាំង ព្រោះពួកគេអាចមាន​សិទ្ធិក្នុងការស្នើសុំធ្វើប័ណ្ណសមាជិក ប.ស.ស. និងទទួល​បានការគាំពារទៅលើការថែទាំសុខភាព រួមទាំងប្រាក់បំណាច់មាតុភាព​ ដូចទៅនឹងមន្រ្តីរាជការ និងអ្នកដែលកំពុងមានការងារធ្វើជាសមាជិក ប.ស.ស. ដទៃទៀតដែរ។នៅក្នុងបទសម្ភាស៍ជាមួយទូរទស្សន៍ព័ត៌មាន ប៊ីធីវី នាព្រឹកថ្ងៃទី១៨ ខែតុលានេះ អ្នកស្រី ម៉ាន់ រ៉ិម អាជីករលក់បន្លែ ​និងគ្រឿងទេស ​នៅសង្កាត់ចោមចៅ ២​ ខណ្ឌពោធិ៍សែនជ័យ ក៏ដូចជាអាជីវករ​ជាច្រើនទៀត បានលើកឡើងថា ​ពួកគាត់សប្បាយរីករាយខ្លាំងណាស់ ពីព្រោះមិនធ្លាប់នឹកស្មានថា​អាចទទួលបានសិទ្ធិក្នុងការស្នើសុំប័ណ្ណសមាជិក ប.ស.ស. ដូចអ្នកធ្វើការងារនៅតាមរោងចក្រ និងក្រុមហ៊ុនផ្សេងៗដែរ។ ពួកគាត់លើកឡើងស្រដៀងគ្នាថា ប័ណ្ណ ប.ស.ស. នេះ ពិតជាមានសារៈសំខាន់ណាស់​សម្រាប់​ជួយសម្រាលលើបន្ទុកចំណាយជាច្រើនពេលមានជំងឺត្រូវទៅរកការព្យាបាល។ឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ​បានបញ្ជាក់ថា ​បុគ្គលស្វ័យនិយោជន៍ ​ក្រៅពីការផ្តល់របបថែទាំសុខភាព ​និងប្រាក់បំណាច់មាតុភាព រាជរដ្ឋាភិបាល​នឹងផ្តល់ជូននូវប្រាក់បំណាច់ពេល​ឈប់សម្រាកពេលមានជំងឺ លើកាវតា​លិកអប្បបរមា​បន្ថែមទៀតផងដែរ។ ក្រៅពីនេះពួកគេក៏ទទួលបានរបបសន្តិសុខសង្គម ផ្នែកថែទាំងសុខភាព និងរបបសន្តិសុខសង្គមផ្នែកប្រាក់សោធន ដូចគ្នាទៅនឹងកម្មករនិយោជិត និងមន្រ្តីរាជការដែរ៕ អត្ថបទ៖ ឈិត បូរ៉ាវី

ក្រុមអ្នកជំនាញសិទ្ធិមនុស្ស UN អំពាវនាវឲ្យប៉ាគីស្ថានបញ្ឈប់ផែនការនិរទេសជនអន្តោប្រវេសន៍អាហ្វហ្គានីស្ថាន

2023/10/18 10:57:56 am        104
Facebook Telegram Linkin
ក្រុមតាមដានសិទ្ធិមនុស្សរបស់អង្គការសហប្រជាជាតិកាលពីថ្ងៃអង្គារទី១៧ខែតុលា បានអំពាវនាវដល់ប្រទេសប៉ាគីស្ថានបញ្ឈប់ការនិរទេសជនជាតិអាហ្វហ្គានីស្ថាន បន្ទាប់ពីទីក្រុង អ៊ីស្លាម៉ាបាត (Islamabad) បញ្ជាឲ្យអ្នកធ្វើអន្តោប្រវេសន៍ខុសច្បាប់ទាំងអស់រួមទាំងពលរដ្ឋអាហ្វហ្គានីស្ថានចំនួន១,៧៣លាននាក់ ចាកចេញពីប្រទេសរបស់ខ្លួន បើពុំនោះត្រូវប្រឈមការបណ្ដេញចេញ។ក្រុមអាជ្ញាធរប៉ាគីស្ថាន ដែលបានទុកពេលវេលាឲ្យក្រុមជនន្តោប្រវេសន៍សុខច្បាប់ចាកចេញរហូតដល់ថ្ងៃទី១វិច្ឆិកា បានជាប់ពាក់ព័ន្ធទៅនឹងវិធានការនានាចំពោះការចោទប្រកាន់របស់ពួកគេ ដែលថា ជនជាតិអាហ្វហ្គានីស្ថាន មានជាប់ពាក់ព័ន្ធនឹងការបំផ្ទុះគ្រាប់បែកអត្ថឃាតជាច្រើនលើកនៅឆ្នាំនេះ ។ អ្នកជំនាញដែលជាក្រុមអ្នករាយការណ៍ពិសេសរបស់អង្គការសហប្រជាជាតិបាននិយាយនៅក្នុងសេចក្តីថ្លែងការណ៍មួយថា យើងជំរុញឱ្យប៉ាគីស្ថានរក្សាគោលការណ៍ដាច់ខាត និងមិនគួរឱ្យមានភាពស្អប់ខ្ពើមកើនឡើង និងទប់ស្កាត់ការបណ្តេញចេញជាសមូហភាព និង ការវិលត្រឡប់ទៅប្រទេសកំណើតរបស់ពួកគេវិញដោយបង្ខំ ។ប្រទេសប៉ាគីស្ថានបានទទួលលំហូរចូលជនអន្តោប្រវេសន៍អាហ្វហ្គានីស្ថានច្រើនបំផុត ចាប់តាំងពីការឈា្លនពានរបស់សូវៀត ចូលទីក្រុងកាប៉ុល ប្រទេសអាហ្វហ្គានីស្ថានក្នុងឆ្នាំ១០៧៩។ បេសកកម្មការទូតរបស់ប៉ាគីស្ថាន ប្រចាំនៅអង្គការសហប្រជាជាតិ ក្នុងទីក្រុងហ្សឺណែវ ពុំបានឆ្លើយតបភ្លាមៗទេ ចំពោះសំណើរសុំការអត្ថាធិប្បាយលើសេចក្ដីថ្លែងការណ៍របស់ក្រុមអ្នកជំនាញសិទ្ធិមនុស្សខាងលើនេះ៕

ក្រុមប្រឹក្សាសន្តិសុខអង្គការសហប្រជាជាតិ នឹងបោះឆ្នោតលើបញ្ហាជម្លោះអ៊ីស្រាអែល និងតំបន់ហ្គាហ្សា

2023/10/18 10:53:56 am        100
Facebook Telegram Linkin
ក្រុមប្រឹក្សាសន្តិសុខអង្គការសហប្រជាជាតិ នឹងបោះឆ្នោតនៅថ្ងៃពុធនេះ លើសេចក្តីសម្រេចពង្រាងដោយប្រទេសប្រេស៊ីល ដែលអំពាវនាវឲ្យផ្អាកការប្រយុទ្ធសម្រាប់សកម្មភាពមនុស្សធម៌នៅក្នុងជម្លោះរវាងប្រទេសអ៊ីស្រាអែល និងក្រុមសកម្មប្រយុទ្ធហាម៉ាស់ប៉ាឡេស្ទីន ដើម្បីអនុញ្ញាតឱ្យមានដំណើរការជំនួយមនុស្សធម៌ចូលទៅកាន់តំបន់ហ្គាហ្សា។ ក្រុមអ្នកការទូត បាននិយាយថា ក្រុមប្រឹក្សានេះត្រូវបានគេរំពឹងថានឹងពិភាក្សា តាមសំណើរបស់ប្រទេសអារ៉ាប់រួម និងប្រទេសរុស្ស៊ី ខណៈមានការបំផ្ទុះនៅមន្ទីរពេទ្យហ្គាហ្សា ដែលបានបណ្តាលឲ្យមនុស្សរាប់រយនាក់ស្លាប់កាលពីថ្ងៃអង្គារ។ បេសកជនអង្គការសហប្រជាជាតិរបស់ប៉ាឡេស្ទីន លោក Riyad Mansour បានដាក់កំហុសលើកងកម្លាំងអ៊ីស្រាអែលចំពោះការសម្លាប់រង្គាល នៅមន្ទីរពេទ្យ ដោយអំពាវនាវឱ្យមានបទឈប់បាញ់បន្ទាន់។ ឯកអគ្គរដ្ឋទូតអង្គការសហប្រជាជាតិរបស់ប្រទេសអ៊ីស្រាអែល លោក Gilad Erdan បានចេញសេចក្តីថ្លែងការណ៍មួយ ដោយចោទប្រកាន់ក្រុមសកម្មប្រយុទ្ធ អ៊ីស្លាមជីហាតប៉ាឡេស្ទីន សម្រាប់ការទទួលខុសត្រូវ។ក្រុមជីហាតអ៊ីស្លាម បានបដិសេធការចោទប្រកាន់នេះ ហើយសារព័ត៌មានរ៉យទ័រ មិនអាចផ្ទៀងផ្ទាត់ដោយឯករាជ្យថានណាជាអ្នកទទួលខុសត្រូវចំពោះការបំផ្ទុះនេះទេ។ ក្រុមប្រឹក្សាដែលមានសមាជិកចំនួន ១៥ រូប ដំបូងបានកំណត់ពេលបោះឆ្នោតកាលពីថ្ងៃច័ន្ទលើសេចក្តីព្រាងរបស់ប្រទេសប្រេស៊ីល ប៉ុន្តែវាត្រូវបានពន្យារពេល ២៤ ម៉ោង ដើម្បីអនុញ្ញាតពេលវេលាបន្ថែមទៀតសម្រាប់ការចរចា។ បន្ទាប់មក សហរដ្ឋអាមេរិក បានជំរុញឱ្យមានការពន្យារពេល ខណៈប្រធានាធិបតីលោក Joe Biden ធ្វើទស្សនកិច្ចនៅប្រទេសអ៊ីស្រាអែលនៅថ្ងៃពុធនេះ។វាមិនច្បាស់នោះទេថាតើ សហរដ្ឋអាមេរិក ដែលមានអំណាចប្រើប្រាស់សិទ្ធិវេតូ តែងតែការពារអ៊ីស្រាអែល ជាសម្ព័ន្ធមិត្តរបស់ខ្លួនពីសកម្មភាពណាមួយរបស់ក្រុមប្រឹក្សាសន្តិសុខ នឹងអនុញ្ញាតឱ្យដំណោះស្រាយនេះអនុម័តឬយ៉ាងណា។

អាស៊ែរបៃហ្សង់ នឹងធ្វើសមយុទ្ធយោធាជាមួយប្រទេសទួរគី នៅសប្តាហ៍ក្រោយ

2023/10/18 10:49:37 am        113
Facebook Telegram Linkin
អាស៊ែរបៃហ្សង់ បាននិយាយកាលពីថ្ងៃអង្គារថា ខ្លួននឹងរៀបចំធ្វើសមយុទ្ធយោធាជាមួយប្រទេសទួរគី ដែលជាសម្ព័ន្ធមិត្តជិតស្និទ្ធរបស់ខ្លួន នៅសប្តាហ៍ក្រោយ។នៅលើគេហទំព័ររបស់ខ្លួន ក្រសួងការពារជាតិនៃរដ្ឋកូកាស (Caucasus) ខាងត្បូង ដែលសម្បូរដោយជនជាតិភាគតិចទួរគី បាននិយាយថា សមយុទ្ធប្រារព្ធខួបមួយសតវត្សរ៍នៃសាធារណរដ្ឋទួរគី នឹងធ្វើឡើង នៅថ្ងៃទី២៣-២៥ ខែតុលា នៅក្នុងតំបន់ជាច្រើន។តំបន់ទាំងនេះ នឹងរួមបញ្ចូលរដ្ឋធានីបាគូ តំបន់ Nakhchivan និងទឹកដីអាស៊ែរបៃហ្សង់ដែលរឹបអូសបានពីការគ្រប់គ្រងរបស់ជនជាតិអាមេនី ចាប់តាំងពីឆ្នាំ ២០២០ ដែលបានស្វាគមន៍ជាមុនដោយប្រទេសទួរគី។តំបន់ Nakhchivan មានព្រំប្រទល់ជាប់ប្រទេសទួរគី និងអ៊ីរ៉ង់ ប៉ុន្តែតាមលក្ខណៈភូមិសាស្រ្ត ត្រូវបានបំបែកចេញពីអាស៊ែរបៃហ្សង់ដីគោកដោយប្រទេសអាមេនី។

ឯកឧត្តមសាស្រ្តាចារ្យ ឈាង រ៉ា ជួបប្រជុំពិភាក្សាជាមួយរដ្ឋមន្ត្រីស្ដីទីនៃគណៈកម្មាធិការសុខាភិបាលជាតិ ចិន

2023/10/18 10:09:24 am        85
Facebook Telegram Linkin
ភ្នំពេញ៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានជួបពិភាក្សាការងារជាមួយឯកឧត្តមសាស្ត្រាចារ្យ Xuetao CAO រដ្ឋមន្ត្រីស្ដីទីនៃគណៈកម្មាធិការសុខាភិបាលជាតិ នៃសាធារណរដ្ឋប្រជាមានិតចិន នៅទីស្តីការគណៈកម្មាធិការសុខាភិបាលជាតិ ទីក្រុងប៉េងកាំង, ថ្ងៃទី១៧ ខែតុលា ឆ្នាំ២០២៣ នៅទីក្រុងប៉េងកាំង សាធារណរដ្ឋប្រជាមានិតចិន។ជាកិច្ចចាប់ផ្តើមឯកឧត្តមសាស្ត្រាចារ្យ Xuetao CAO បានស្វាគមន៍យ៉ាងកក់ក្តៅ និងថ្លែងអបអរសាទរ ឯកឧត្តមសាស្ត្រាចារ្យ រដ្ឋមន្ត្រី ក្នុងឱកាសដែល ឯកឧត្តម ទទួលបាននូវការទុកចិត្តពីរាជរដ្ឋាភិបាល​អាណត្តិទី៧ តែងតាំងជារដ្ឋមន្ត្រីក្រសួងសុខាភិបាល។ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានលើកឡើងថា បន្ទាប់ពីមានទំនាក់ទំនងការទូតពីឆ្នាំ១៩៥៨ ចំណងមិត្តភាពរវាងប្រទេសទាំងពីរ មានការរីកចំរើនគួរឱ្យកត់សម្គាល់។ ឯកឧត្តមសាស្ត្រាចារ្យ បានថ្លែងនូវអំណរគុណចំពោះប្រជាជន និងរដ្ឋាភិបាលនៃសាធារណរដ្ឋប្រជាមានិតចិន ដែលបានជួយគាំទ្រដល់ប្រជាជនកម្ពុជាយ៉ាងខ្លាំងក្លា ជាពិសេសក្នុងវិស័យសុខាភិបាល តាមរយៈគម្រោងជំនួយរបស់មិត្តចិនជាច្រើន​ត្រូវបានផ្តល់​ជូនកម្ពុជា ដូចជា៖ មន្ទីរពេទ្យមិត្តភាពកម្ពុជា-ចិន ព្រះកុសុមៈ, មន្ទីរពេទ្យមិត្តភាពកម្ពុជា-ចិន ខេត្តត្បូងឃ្មុំ ការផ្តល់រថយន្តសង្គ្រោះគិលានសង្គ្រោះ ការផ្តល់គ្លីនិកចល័ត និងឧបករណ៍​បរិក្ខារវេជ្ជសាស្ត្រជាច្រើន​ ជាពិសេសបានបញ្ជូនអ្នកជំនាញឯកទេសក្នុងការជួយលើផ្នែកបច្ចេកទេស ក្នុងអំឡុងពេលដែលពិភពលោកទាំងមូលរងនូវការរីករាលដាលជំងឺកូវីដ-១៩នៅកម្ពុជា។ឯកឧត្តមសាស្ត្រាចារ្យ Xuetao CAO បានជម្រាបជូនថា ភាគីមិត្តចិនសូមកោតសរសើរក្រសួងសុខាភិបាលកម្ពុជា ចំពោះកិច្ចសហការល្អ ជាពិសេសតាមរយៈកិច្ចសហប្រតិបត្តិការសុខាភិបាល អាស៊ាន-ចិន ដែលក្នុងនោះភាគីមិត្តចិន បានស្នើគម្រោងបង្កើតមជ្ឈមណ្ឌលសុខភាពមាតា និងទារក អាស៊ាន-ចិន ដែលកម្ពុជាបានធ្វើការគាំទ្រយ៉ាងពេញទំហឹងចំពោះសំណើរនេះ។ ភាគីមិត្តចិន សង្ឃឹមយ៉ាងមុតមាំថា កិច្ចសហប្រតិបត្តិការរវាងប្រទេសទាំងពីរក្នុងវិស័យសុខាភិបាល នឹងឈានឡើងទៅដល់កម្រិតខ្ពស់។ជាការឆ្លើយតបឯកឧត្តមសាស្ត្រាចារ្យ ឈាង រ៉ា ក៏បានសំដែងនូវការអរគុណចំពោះប្រជាជន និងរដ្ឋាភិបាលនៃសាធារណរដ្ឋប្រជាមានិតចិន ដែលបានជួយគាំទ្រដល់ប្រជាជនកម្ពុជា ជាពិសេសលើវិស័យសុខាភិបាល ដូចជាពេលថ្មីៗកន្លងទៅនេះ ក្រសួងសុខាភិបាលកម្ពុជា និងភាគីមិត្តចិន បានសម្ពាធគ្លីនិកឱសថបុរាណចិន នៅក្នុងមន្ទីរពេទ្យមិត្តភាពកម្ពុជា-ចិន ព្រះកុសុមៈ។ ជាមួយគ្នានេះ ឯកឧត្តមបានសង្កត់ធ្ងន់ថា ក្រសួងសុខាភិបាលកម្ពុជា និងគណៈកម្មាធិការសុខាភិបាលជាតិ នៃសាធារណរដ្ឋប្រជាមានិតចិន បានពង្រឹង និងពង្រីកកិច្ចសហប្រតិបត្តិការកាន់តែរឹងមាំតាមរយៈគម្រោងជាច្រើនមានដូចជា៖ ១)កិច្ចសហប្រតិបត្តិការទ្វេភាគី, ២)កិច្ចសហប្រតិបត្តិការក្រោមជំនួយហិរញ្ញប្បទានឥតសំណងពិសេស, ៣) កិច្ចសហប្រតិបត្តិការ មេគង្គ-ឡានឆាង។ ក្រសួងសុខាភិបាល បានស្នើភាគីមិត្តចិន ជួយពិនិត្យ និងជម្រុញគម្រោងដែលក្រសួងសុខាភិបាលកម្ពុជា បានលើកសំណើដែលកំពុងពិចារណា ក្នុងនោះរួមមាន៖ ក- កិច្ចសហប្រតិបត្តិការទ្វេភាគី៖១- គម្រោងផ្គត់ផ្គង់សម្ភារបរិក្ខារវេជ្ជសាស្ត្រ ដើម្បីបង្កើតបន្ទប់វះកាត់ជំងឺបេះដូង និងសរសៃរឈាមនៃមន្ទីរពេទ្យមិត្តភាពកម្ពុជា-ចិន ព្រះកុសុមៈ ២- គម្រោងកែប្រែមន្ទីរពេទ្យហ្លួងម៉ែ ទៅជាមន្ទីរពេទ្យឯកទេសព្យាបាលជំងឺមហារីក ៣- គម្រោងធ្វើឱ្យប្រសើរឡើងមន្ទីរពេទ្យបង្អែកខេត្តព្រះសីហនុ ៤- គម្រោងអភិវឌ្ឍន៍មណ្ឌលសុខភាពនៅតាមបណ្តាខេត្ត ខ- ហិរញ្ញប្បទានឥតសំណងពិសេស៖ ១- ការសាងសង់ និងជួសជុលមណ្ឌលសុខភាព ជាគម្រោងអាទិភាពក្នុងគ្រាអាសន្ន ២- គម្រោងសាងសង់អគារពិនិត្យព្យាបាលនៅមន្ទីរពេទ្យបង្អែកខេត្តតាកែវ គ-កិច្ចសហប្រតិបត្តិការមេគង្គ-ឡានឆាង៖ ១- បង្កើនសមត្ថភាពសហគមន៍ និងមន្ត្រីសុខាភិបាលប្រយុទ្ធនឹងជំងឺគ្រុនឈាមក្នុងខេត្តមួយចំនួន ២- គម្រោងកាត់បន្ថយការចំលងជំងឺគ្រុនឈាម តាមរយៈការអប់រំសុខភាព និងការចូលរួមរបស់សហគមន៍ក្នុងខេត្តដាច់ស្រយាល។ឯកឧត្តមសាស្ត្រាចារ្យ Xuetao CAO បានបញ្ជាក់ជូនថា ភាគីមិត្តចិន នឹងពិនិត្យលើគម្រោង​ដែលក្រសួងសុខាភិបាលកម្ពុជា បានលើកសំណើឱ្យបានឆាប់រហ័ស ព្រមទាំងសន្យាថា នឹងបន្តពង្រឹងកិច្ចសហប្រតិបត្តិការជាមួយក្រសួងសុខាភិបាលឱ្យកាន់តែរឹងមាំបន្ថែមទៀត។ ឯកឧត្តមសាស្ត្រាចារ្យរដ្ឋមន្ត្រី បានថ្លែងអំណរគុណដល់ គណៈកម្មាធិការសុខាភិបាលជាតិ នៃសាធារណរដ្ឋប្រជាមានិតចិន ដែលបានបញ្ជាក់ពីការពង្រឹង និងពង្រីកកិច្ចសហប្រតិបត្តិការបន្ថែម ដើម្បីរួមចំណែកជាមួយកិច្ចខិតខំប្រឹងប្រែងរបស់ក្រសួងសុខាភិបាល នៃព្រះរាជាណាចក្រកម្ពុជា ក្នុងការលើកកម្ពស់សុខមាលភាពរបស់ប្រជាជនកម្ពុជា ឈានទៅសម្រេចបាននូវការគ្របដណ្តប់សុខភាពជាសកលស្របតាមយុទ្ធសាស្រ្តបញ្ចកោណ នៃរាជរដ្ឋាភិបាលអាណត្តិទី៧ ក្រោមការដឹកនាំដ៏ឈ្លាសវៃ និងប៉ិនប្រសប់ប្រកបដោយគតិបណ្ឌិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕អត្ថបទ រដ្ឋា

លោក ពូទីន ឆ្លើយតបទៅលោក បៃដិន៖ រុស្ស៊ីមិនអាចត្រូវគេ «គាបសង្កត់»ទេ ហើយអាមេរិក គួរតែរៀនគោរព

2023/10/18 10:03:22 am        207
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃអង្គារ បានច្រានចោលការអត្ថាធិប្បាយរបស់ប្រធានាធិបតីអាមេរិក លោក ចូ បៃដិន ដោយបាននិយាយនៅក្នុងបទសម្ភាសន៍មួយ នៅទីក្រុងប៉េកាំងថា ផលប្រយោជន៍របស់ទីក្រុងម៉ូស្គូ មិនអាចត្រូវបានគេបំផ្លិចបំផ្លាញបានទេ ហើយអ្នកនយោបាយអាមេរិក គួរតែរៀនគោរពអ្នកដទៃ។លោកពូទីន កំពុងឆ្លើយតបទៅនឹងការអត្ថាធិប្បាយរបស់ប្រធានាធិបតីអាមេរិក លោក ចូ បៃដិន នៅក្នុងបទសម្ភាសន៍ជាមួយសារព័ត៌មាន CBS News ជាកន្លែងដែលលោក បាននិយាយថា៖«ជាការពិត ចូរស្រមៃមើលថាតើមានអ្វីកើតឡើង ប្រសិនបើយើងបង្រួបបង្រួមអឺរ៉ុបទាំងអស់ ហើយទីបំផុតពូទីន ត្រូវបានគេគាបសង្កត់នោះ គឺលោកមិនអាចបណ្តោយឲ្យបញ្ហាប្រភេទនេះ កើតឡើងបានទេ។នៅក្នុងបទសម្ភាសន៍ខ្លីមួយ ដែលចាក់ផ្សាយតាមកញ្ចក់ទូរទស្សន៍រដ្ឋ អំឡុងពេលកិច្ចប្រជុំកំពូលមួយក្នុងរដ្ឋធានីចិន លោក ពូទីន បាននិយាយថា៖«នេះមិនមែនអំពីខ្ញុំផ្ទាល់ទេ នេះគឺអំពីផលប្រយោជន៍របស់ប្រទេស ហើយវាមិនអាចទៅរួចទេក្នុងការបំផ្លិចបំផ្លាញផលប្រយោជន៍របស់រុស្ស៊ីនោះ។ ពួកវាត្រូវតែត្រូវបានគេយកមកពិចារណា»។លោក ពូទីន បានបន្ថែមថា ទាំងលោកបៃដិន ដែលគាត់មានទំនាក់ទំនងបង្កជម្លោះ ចាប់តាំងពីប្រធានាធិបតីអាមេរិករូបនេះ ចូលការន់តំណែង នៅឆ្នាំ ២០២១ ហើយឥស្សរជននយោបាយអាមេរិកជាន់ខ្ពស់រូបនេះ ត្រូវរៀនគោរពប្រទេសរុស្ស៊ី។

លោក វ្ល៉ាឌីមៀ ពូទីន បានជួបជាមួយលោក ស៊ី ជីនពីង នៅក្នុងកិច្ចប្រជុំកំពូលរបស់ចិន

2023/10/18 09:54:06 am        148
Facebook Telegram Linkin
ក្រសួងការបរទេសរុស្ស៊ីបានប្រកាសថា ប្រធានាធិបតីរុស្ស៊ី លោក វ្ល៉ាឌីមៀ ពូទីន ត្រូវបានស្វាគមន៍កាលពីថ្ងៃអង្គារ (១៧ តុលា) ដោយសមភាគីចិន និងសម្ព័ន្ធមិត្តរបស់ខ្លួន គឺលោកប្រធានាធិបតីចិន ស៊ី ជីនពីង ក្នុងឱកាសនៃកិច្ចប្រជុំកំពូល «ផ្លូវសូត្រថ្មី» នៅទីក្រុងប៉េកាំង ខណៈចំណាប់អារម្មណ៍របស់ពិភពលោក កំពុងផ្តោតលើ សង្គ្រាមអ៊ីស្រាអែល និងក្រុមហាម៉ាស។ស្ថានទូតរុស្ស៊ី បាននិយាយនៅក្នុងសារមួយ ដែលបានបង្ហោះលើបណ្ដាញសង្គម X ថា «លោកប្រធានាធិបតី ស៊ី ជីនពីង បានស្វាគមន៍លោកប្រធានាធិបតី វ្ល៉ាឌីមៀ ពូទីន នៅពេលលោកបានទៅដល់ ហើយមេដឹកនាំទាំងពីរ បានធ្វើការសន្ទនាខ្លីមួយជាមួយគ្នា»។ កិច្ចប្រជុំពេញលេញរវាងប្រមុខរដ្ឋទាំងពីរ គ្រោងធ្វើឡើងនៅថ្ងៃពុធ (១៨ តុលា) នេះ ហើយសង្គ្រាមរបស់រុស្ស៊ីលើអ៊ុយក្រែន ព្រមទាំងការចោទប្រកាន់ថា រុស្ស៊ីគាំទ្រក្រុមហាម៉ាស នឹងក្លាយជាប្រធានបទសំខាន់ជុំវិញការបង្ហាញខ្លួនរបស់លោកពូទីន នៅក្នុងព្រឹត្តិការណ៍ «ខ្សែក្រវាត់ និងផ្លូវ» របស់ប្រទេសចិនមួយនេះផងដែរ៕

សម្តេចធិបតី ស្នើវៀតណាមពន្លឿនការចរចានៃការតភ្ជាប់ផ្លូវល្បឿនភ្នំពេញ-បាវិត និងបាវិត-ហូជីមិញ ដើម្បីជាការសម្រួលដល់ការផ្លាស់ប្តូរពាណិជ្ជកម្ម និងទេសចរណ៍

2023/10/18 09:36:02 am        147
Facebook Telegram Linkin
ភ្នំពេញ៖ នាព្រឹកថ្ងៃទី១៨ ខែតុលា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានជួបពិភាក្សាការងារជាមួយ ឯកឧត្តម វ៉ វ៉ាន់ធឿង (Vo Van Thuong) ប្រធានាធិបតី នៃសាធារណរដ្ឋសង្គមនិយមវៀតណាម ក្នុងឱកាសនៃការចូលរួមក្នុង “វេទិកាខ្សែក្រវាត់ និងផ្លូវ លើកទី៣” នៅរដ្ឋធានីប៉េកាំង។ក្នុងឱកាសនៃជំនួបនេះ ឯកឧត្តម វ៉ វ៉ាន់ធឿង បានអបអរសាទរចំពោះ សម្តេចធិបតី ក្នុងការ​ចូលកាន់​មុខតំណែងជានាយករដ្ឋមន្រ្តី នៃព្រះរាជាណាចក្រកម្ពុជា ក្នុងនីតិកាលទី៧ នៃរដ្ឋសភា រួមជាមួយ​នឹងការផ្តាំផ្ញើសាកសួរសុខទុក្ខថ្វាយព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្តម មុនិនាថ សីហនុ ព្រមទាំងជូនដល់សម្តេចអគ្គមហាសេនាបតីតេជោ ហ៊ុន សែន។ ឯកឧត្តមប្រធានាធិបតីវៀតណាម បានសម្តែងនូវសុទិដ្ឋិនិយមថា ក្រោមការដឹកនាំរបស់ សម្តេចធិបតីនាយករដ្ឋមន្ត្រី, ប្រទេសកម្ពុជា​នឹងអាចអនុវត្តដោយជោគជ័យនូវរាល់​គោល​នយោបាយនានា ដែលបានដាក់ចេញគ្រប់កម្រិត ទាំងក្នុងក្របខ័ណ្ឌជាតិ និងអន្តរជាតិ។ ឯកឧត្តម វ៉ វ៉ាន់ធឿង ក៏បានបញ្ជាក់បន្ថែមថា ប្រទេសវៀតណាមនៅតែរក្សាចំណងមិត្តភាព និងកិច្ច​សហប្រតិបត្តិការជិតស្និទ្ធជាមួយកម្ពុជា ដើម្បីផលប្រយោជន៍រួមសម្រាប់ជាតិ និងប្រជាជនទាំងពីរ។ជាការឆ្លើយតប សម្តេចធិបតី ​បានថ្លែងអំណរគុណចំពោះជំនួបនេះ ​និងបានរំឭកអំពីជំនួបជាមួយ ឯកឧត្តមប្រធានាធិបតីវៀតណាម ​កាលពីបួនឆ្នាំមុន​ ដែលទាំងនេះ គឺសុទ្ធសឹងជាឱកាស​នៃការ​ពិភាក្សាដើម្បីពង្រឹង ​និងពង្រីកទំនាក់ទំនងកិច្ចសហប្រតិបត្តិការរវាងប្រទេសទាំងពីរ។ ក្នុងន័យនេះ សម្តេចធិបតី បានកត់សម្គាល់ដោយក្តីរីករាយចំពោះការរីកចម្រើននៃទំនាក់ទំនងលើគ្រប់វិស័យ ដោយ​ក្នុងនេះ ទំហំពាណិជ្ជកម្មទ្វេភាគី និងចំនួនភ្ញៀវទេសចររវាងប្រទេសទាំងពីរ ក៏មានការ​កើនឡើង​ជាលំដាប់ ហើយកិច្ចសហប្រតិបត្តិការក្នុងវិស័យការពារជាតិ និងការបណ្តុះបណ្តាល​ធនធាន​មនុស្ស ក៏មានភាពសកម្មជិតស្និទ្ធផងដែរ។ ក្នុងឱកាសនោះ សម្តេចធិបតី ក៏បានស្នើ ឯកឧត្តម ប្រធានាធិបតីវៀតណាម ពាក់ព័ន្ធ​នឹងការពន្លឿនការចរចានៃការតភ្ជាប់ផ្លូវល្បឿនភ្នំពេញ-បាវិត និងបាវិត-ហូជីមិញ ដែលការតភ្ជាប់នេះ នឹងជួយសម្រួលដល់ការផ្លាស់ប្តូរពាណិជ្ជកម្ម និងទេសចរណ៍។ជារួម ថ្នាក់ដឹកនាំទាំងពីរបានឯកភាពវាយតម្លៃខ្ពស់ចំពោះវឌ្ឍនភាព​រីកចម្រើននៃកិច្ច​សហប្រតិបត្តិការទ្វេភាគី​លើគ្រប់វិស័យ ជាពិសេស វិស័យការពារជាតិ, សន្តិសុខ, ពាណិជ្ជកម្ម, វិនិយោគ, អប់រំ, ទេសចរណ៍ ​និងការផ្លាស់ប្តូររវាងប្រជាជន និងប្រជាជន។ ទន្ទឹមនឹងនេះ ឯកឧត្តមប្រធានាធិបតីវៀតណាម ក៏បានស្នើបង្កើនការផ្លាស់ប្តូរទស្សនកិច្ច​ថ្នាក់​ដឹកនាំជាន់ខ្ពស់ ​ដោយបានបង្ហាញបំណងក្នុងការយាងព្រះមហាក្សត្រ ​ក៏ដូចជាអញ្ជើញ សម្តេចតេជោ ហ៊ុន សែន ​និងសម្តេចធិបតី ​ទៅបំពេញទស្សនកិច្ចនៅប្រទេសវៀតណាម។ សម្តេចធិបតី​ បានឆ្លើយតបទទួលយកការអញ្ជើញនេះ ដោយនឹងកំណត់កាលបរិច្ឆេទសមស្រប នាពេលឆាប់ៗខាងមុខ៕

បណ្ដាញសង្គម

ព័ត៌មានថ្មីៗ

ឯកឧត្តមរដ្ឋមន្ត្រី ជា វ៉ាន់ដេត ទទួលជំនួបជាមួយឯកអគ្គរាជទូតម៉ាឡេស៊ីប្រចាំកម្ពុជា ពិភាក្សាលើការងារពាក់ព័ន្ធនឹងវិស័យឌីជីថល
08/08/2025 12:08 PM
Facebook Telegram Linkin
សេតវិមាន៖ លោក Trump បើកចំហរឿងជួបលោក Putin ដោយមិនបាច់មានជំនួបជាមួយលោក Zelenskiy
08/08/2025 12:08 PM
Facebook Telegram Linkin
ជម្លោះខ្លាំងក្លាជុំវិញដីកោះនៅ Amazon ធ្វើឱ្យទំនាក់ទំនងរវាងកូឡុំប៊ី-ប៉េរូ កាន់តែក្តៅគគុក
08/08/2025 12:08 PM
Facebook Telegram Linkin
លោក Trump ស្នើឱ្យតុលាការកំពូលអាមេរិក ដកដែនកំណត់លើការឆ្មក់បង្រ្កាបអន្តោប្រវេសន៍
08/08/2025 12:08 PM
Facebook Telegram Linkin
អង្គការសុខភាពពិភពលោក៖ កុមារអាយុក្រោម៥ឆ្នាំ ជិត១២.០០០នាក់នៅហ្កាហ្សា ខ្វះអាហារូបត្ថម្ភធ្ងន់ធ្ងរ
08/08/2025 12:08 PM
Facebook Telegram Linkin
ឥណ្ឌា ជំរុញឱ្យបង្កើតក្រមប្រតិបត្តិអាកាសចរណ៍សកល ជុំវិញការជួលអាកាសយានិកជំនាញ
08/08/2025 12:08 PM
Facebook Telegram Linkin
ចិន ព្រមានហ្វីលីពីន ថាកំពុងតែប្រលែងលេងជាមួយភ្លើងលើបញ្ហាកោះតៃវ៉ាន់
08/08/2025 12:08 PM
Facebook Telegram Linkin
លោក Trump អបអរពន្ធថ្មី ខណៈកិច្ចចរចាពាណិជ្ជកម្មនៅតែបន្តជាមួយប្រទេសចិន
08/08/2025 12:08 PM
Facebook Telegram Linkin
កម្ពុជាបង្ហាញការព្រួយបារម្ភទាំងផ្នែកច្បាប់ និងសីលធម៌ ចំពោះយោធិនទាំង១៨នាក់ ដែលថៃចាប់ទៅ
08/08/2025 12:08 PM
Facebook Telegram Linkin
Finalizing the ASEAN Observer Team’s Terms of Reference is an Urgent Priority, Spokesperson (8 August, 2025)
08/08/2025 12:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.