នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
​សម្តេចតេជោ ហ៊ុន សែន ​៖ ការដកមន្ត្រីផ្លែទុរេននៅខេត្តបាត់ដំបងចេញពីក្របខណ្ឌមិនទាន់គ្រប់គ្រាន់ទេគួរបញ្ជូនទៅACUបន្ថែមទៀត
សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សា មន្ត្រី និងសម្ពោធអគារទីស្នាក់ការគណបក្សប្រជាជនកម្ពុជាខេត្តព្រៃវែង
កម្ពុជា និងសហរដ្ឋអាម៉េរិក ប្ដេជ្ញាបន្តពង្រឹងកិច្ចសហប្រតិបត្តិការទ្វេភាគី ឱ្យកាន់តែស៊ីជម្រៅ
រដ្ឋសភាបានអនុម័តជាឯកច្ឆន្ទលើសេចក្តីព្រាងច្បាប់ស្តីពីកាតព្វកិច្ចយោធា និងការធានាទូទាត់ថាមពលអគ្គិសនី ដើម្បីពង្រឹងសន្តិសុខជាតិ និងសេដ្ឋកិច្ច

នយោបាយ​ និង ការអភិវឌ្ឍន៍

លោកអាសាត និយាយថា ស៊ីរីសង្ឃឹមថា នឹងបានរៀនសូត្រពីបទពិសោធន៍អភិវឌ្ឍន៍របស់ចិន

2023/10/01 10:46:17 am        495
Facebook Telegram Linkin
ប្រធានាធិបតីស៊ីរីលោក បាសា អាល់ អាសាតបាននិយាយថា ប្រទេសរបស់លោកកំពុងសំឡឹងទៅរកការរៀនសូត្រចក្ខុវិស័យដ៏មានតម្លៃពី បទពិសោធន៍​ការអភិវឌ្ឍ​ទទួលបានជោគជ័យរបស់ចិន ដែលផ្ដោតទៅលើការអភិវឌ្ឍបច្ចេកវិទ្យា និងសង្គម ខណៈដែលរបៀបរបបជាច្រើនរបស់លោកខាងលិច បានបញ្ជាក់ពីការប្រឆាំងផលិតភាពក្នុងតំបន់។លោកអាសាតថ្មីៗនេះ បានធ្វើទស្សនកិច្ចផ្លូវរដ្ឋមួយទៅប្រទេសចិន ជាទស្សកិច្ចលើកដំបូង​របស់លោកទៅកាន់ប្រទេសនេះចាប់តាំងពីឆ្នាំ២០០៤។ ក្នុងអំឡុងពេលដែលលោក បានជាមួយប្រធានាធិបតីចិន លោកស៊ី ជីនពីង និងបានចូលរួម​ពិធីបើកការប្រកួតកីឡាអាស៊ី (Asia Ganes) លើកទី១៩នៅក្រុង ហាងចូវ (Hangzhou) ភាគខាងកើតប្រទេសចិន កាលពីថ្ងៃសៅរ៍ផងដែរ។នៅក្នុងអំឡុងពេលជំនួប​របស់លោកជាមួយលោកស៊ី ក្នុងក្រុងហាង (Hangzhou) លោកអាសាត បាន​និយាយ​ពី​កិច្ចប្រឹងប្រែង​ដ៏ខ្លាំងក្លារបស់ចិន ​នៅក្នុងការបន្ដលើមាគ៌ាសង្គមនិយម​ជាមួយ​នឹងចរិកលក្ខណៈរបស់ចិន។ដោយឡែក លោកស៊ី បាននិយាយថា ភាពជាដៃគូររវាងភាគីទាំងពីរ បានឈរលើការ​សាល្បងនៃការផ្លាស់ប្ដូរក្នុងស្ថានការណ៍អន្ដរជាតិ ​និងបានហៅភាពជាដៃគូថា ជាចំណុច​ចាប់ផ្ដើមដ៏មានសារៈសំខាន់នៅក្នុងប្រវត្ដិសាស្រ្ដនៃទំនាក់ទំនងទ្វេភាគី។នៅក្នុងការផ្ដល់បទសម្ភាសមួយជាមួយទូរទស្សន៍មជ្ឈឹម (CCTV) ក្នុងក្រុងប៉េកាំងកាលពីថ្ងៃច័ន្ទ លោកអាសាត បាននិយាយថា ភាគីស៊ីរី កំពុងសំឡឹងទៅរកកិច្ចសហប្រតិបត្ដការទៅវិញទៅមក​ជាមួយប្រទេសចិន ​ឲ្យកាន់តែស៊ីជម្រៅ ហើយសង្ឃឹមថា ​នឹងបានរៀនសូត្រពីបទពិសោធន៍អភិវឌ្ឍន៍​ទទួលបានជោគជ័យរបស់ចិនផ្ទាល់។អត្ថបទ មករា 

ឥទ្ធិពលកងទ័ពអាកាសឥណ្ឌា ត្រូវបង្ហាញនៅឯទីក្រុងបឹងBhopal (បូប៉ាល់)

2023/10/01 10:38:25 am        472
Facebook Telegram Linkin
កងទ័ពអាសឥណ្ឌា បានប្រារព្ធខួប៩១ឆ្នាំនៃការបង្កើតកងទ័ពអាកាសរបស់ខ្លួន ដោយបានបង្កើតពិព័រណ៍អាកាសដើម្បីបង្ហាញយន្ដហោះប្រយុទ្ធ និងឧទ្ធម្ភាគចក្រចំនួន៥០គ្រឿង នៅក្នុងកលយុទ្ធផ្សេងៗ ក្នុងក្រុងបូប៉ាល់ភាគកណ្ដាលប្រទេសឥណ្ឌា។កងទ័ពអាកាសឥណ្ឌាបានបង្ហាញ កម្លាំងយន្ដហោះរបស់ខ្លួនមួយចំនួនដែលគេចង់បង្ហាញបំផុត ក្នុងនោះរួមមានឧទ្ធម្ភាសចក្រម៉ាកឈីណុក យន្ដហោះម៉ាកស៊ូខយ SU-30MKI យន្ដហោហោះប្រភេទ Tejasនិងឧទ្ធម្ភាគចក្រ C-130j Super Herculesក៏ស្ថិតនៅក្នុងចំណោមនោះដែរ។ព្រឹត្ដិការណ៍នះ ស្ថិតក្រោមអធិបតីភាព ប្រមុខរដ្ឋាភិបាលរដ្ឋ លោក ស៊ីវរ៉ាស ស៊ីង ឆូហាន (Shivraj Singh Chouhan) និងក៏បានមើលឃើញោងដែរទាហានឆ័ត្រយោងមួយក្រុម​មានសមាជិក​១០នាក់​ដែលមកពីកងទ័ពអាកាសឥណ្ឌា កំពុងបង្ហាញ ការហោះហើរពត់ពេនលើអាកាស​នៅកម្ពស់​ចាប់ពី ១០.000ហ្វីតឡើង។កងទ័អាកាសឥណ្ឌា ត្រូវបានបង្កើតឡើងនៅថ្ងៃទី៨ខែតុលា ឆ្នាំ១៩៣២ ដោយមានជំនួយពី​កងទ័ពអាកាសភូមិន្ទអង់គ្លេស។ទិវាកងទ័ពអាកាស ត្រូវបានគេតាមដានមើលលើកដំបូង​ក្នុងឆ្នាំ១៩៣២ ​ជាពេលដែលឥណ្ឌា កំពុងស្ថិតក្រោមអាណានិគមអង់គ្លេស។ហើយនៅពេលនោះ កងទ័ពអាកាសឥណ្ឌា ក៏ជាជំនួយដល់ចក្រភពនោះផងដែរ៕អត្ថបទ មករា 

សម្តេចធិបតី៖ គ្រប់កម្មវិធីនយោបាយរបស់រាជរដ្ឋាភិបាល តែងផ្ដល់ការយកចិត្តទុកដាក់លើមនុស្សចាស់ជាអាទិភាព

2023/10/01 10:30:48 am        467
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានថ្លែងបញ្ជាក់ថា គ្រប់កម្មវិធីនយោបាយរបស់រាជរដ្ឋាភិបាល តែងតែផ្ដល់ការយកចិត្តទុកដាក់លើមនុស្សចាស់ជាអាទិភាពមួយ ក្នុងចំណោមគោលនយោបាយអាទិភាពផ្សេងៗទៀត។ តាមរយៈសារលិខិតក្នុងឱកាសទិវាមនុស្សចាស់កម្ពុជា ​និងទិវាមនុស្សចាស់អន្តរជាតិ នាថ្ងៃទី១ ខែតុលា ឆ្នាំ២០២៣នេះ ក្រោមប្រធានបទ «ការជួយមនុស្សចាស់ គឺជួយយើងទាំងអស់គ្នា» សម្តេចធិបតី ហ៊ុន ម៉ាណែត បានលើកឡើងថា ឈរលើស្មារតីយកចិត្តទុកដាក់លើមនុស្សចាស់ រាជរដ្ឋាភិបាល បានបង្កើតគណៈកម្មាធិការជាតិកម្ពុជា ដើម្បីមនុស្សចាស់ ដែលជាយន្តការសម្រាប់អនុវត្តគោលនយោបាយជាតិ ស្តីពី មនុស្សវ័យចាស់ឆ្នាំ២០១៧-២០៣០ និងមានគម្រោងកម្មវិធីគាំទ្រផ្សេងៗ សម្រាប់ជួយលើកកម្ពស់សុខុមាលភាព មនុស្សវ័យចាស់​នៅកម្ពុជា ហើយរាជរដ្ឋាភិបាលក៏បានអនុវត្តនូវក្របខណ្ឌគោលនយោបាយជាតិ​គាំពារសង្គម ឆ្នាំ២០១៦-២០២៥ ​និងគោលនយោបាយជាតិ ស្តីពីមនុស្សវ័យចាស់ ឆ្នាំ២០១៧-២០៣០ ផងដែរ។តាមរយៈសារលិខិតនេះដែរសម្តេចធិបតី ហ៊ុន ម៉ាណែត ក៏បានរំលេចផងដែរថា រាជរដ្ឋាភិបាល នីតិកាលទី៧នៃរដ្ឋសភា បានដាក់ចេញនូវយុទ្ធសាស្ត្របញ្ចកោណ-ដំណាក់កាលទី១ ដែលក្នុងនោះ ការអភិវឌ្ឍវិស័យសង្គមកិច្ចជាអាទិភាពសំខាន់មួយៗនៅក្នុងបញ្ចកោណទី១ «ការអភិវឌ្ឍមូលធនមនុស្ស» និងក្នុងមុំទី៤ «ការពង្រឹងប្រព័ន្ធគាំពារសង្គម និងប្រព័ន្ធស្បៀង» ដែលមានគោលដៅជាយុទ្ធសាស្ត្រ គឺការកសាង និងការអភិវឌ្ឍប្រព័ន្ធគាំពារសង្គម​ឲ្យមាន​លក្ខណៈប្រមូលផ្តុំ និងសង្គតិភាព ទាំងក្នុងប្រព័ន្ធជំនួយសង្គម ​និងប្រព័ន្ធសន្តិសុខ សង្គម និងការ​ពង្រឹងប្រព័ន្ធស្បៀងដែលផ្តល់សន្តិសុខស្បៀង និងអាហារូបត្ថម្ភសម្រាប់ប្រជាជនគ្រប់រូបផងដែរ។សម្តេចធិបតីនាយករដ្ឋមន្ត្រី បានថ្លែងបន្ថែមទៀតថា ការបន្តអភិវឌ្ឍប្រព័ន្ធគាំពារសង្គមឈរលើស្មារតី «មិនបោះបង់ពលរដ្ឋខ្មែរណាម្នាក់» ហើយការពង្រីកវិសាលភាព នៃប្រព័ន្ធគាំពារសង្គមឈរលើអភិក្រម មួយចំនួនដូចជា ចីរភាព នៃកម្មវិធី, លទ្ធភាពអាចទ្រទ្រង់បាន នៃថវិកាជាតិ, ការធានាបរិយាបន្ន និងសមធម៌សង្គម ដោយផ្តោតលើកិច្ចអន្តរាគមន៍របស់រដ្ឋលើគ្រួសារក្រីក្រ ងាយរងគ្រោះ និងងាយរងហានិភ័យ, និងភាពអាចពង្រីកវិសាលភាព នៃប្រព័ន្ធគាំពារសង្គមតាមរយៈការអភិវឌ្ឍជាប្រព័ន្ធជាដើម។សម្ដេចធិបតី ហ៊ុន ម៉ាណែត នាយករដ្ឋមន្ត្រី ក៏បានកោតសរសើរចំពោះក្រសួងសង្គមកិច្ច អតីតយុទ្ធជន និងយុវនីតិសម្បទា គណៈកម្មាធិការជាតិកម្ពុជាដើម្បីមនុស្សចាស់ គ្រប់ក្រសួង ស្ថាប័ន និងរដ្ឋបាលថ្នាក់ក្រោមជាតិទាំងអស់ ដែលបាននឹងកំពុងយកចិត្តទុកដាក់អនុវត្តគោល​នយោបាយជាតិ ស្តីពីមនុស្សវ័យចាស់ ឆ្នាំ២០១៧-២០៣០ និងបានកោតសរសើរចំពោះកាកបាទ​ក្រហមកម្ពុជា ដៃគូអភិវឌ្ឍ អង្គការមិនមែនរដ្ឋាភិបាល​ អង្គការអន្តរជាតិ និងសមាគមនានា ដែលបានធ្វើសកម្មភាពគាំទ្រប្រកបដោយមនុស្សធម៌ និងសាមគ្គីធម៌ចំពោះមនុស្សវ័យចាស់នៅ​តាមសហគមន៍នានាផងដែរ៕អត្ថបទ៖ បាន ចក់ 

នាយឧត្តមសេនីយ៍ ដាំ ដារ៉ានី៖ យោធិនត្រូវលះបង់គ្រប់យ៉ាង ដើម្បីអង្រឹងវិស័យការពារជាតិឲ្យកាន់តែរឹងមាំ

2023/10/01 09:27:10 am        556
Facebook Telegram Linkin
ភ្នំពេញ៖ ក្នុងឱកាសចុះជួបសំណេះសំណាល និងពិនិត្យមើលវឌ្ឍនភាពការងារយេឌ័រ នៅបញ្ជាការដ្ឋានយោធភូមិភាគទី៤កាលពីថ្ងៃទី៣០ ខែកញ្ញាម្សិលមិញ លោកជំទាវនាយឧត្តមសេនីយ៍ ដាំ ដារ៉ានី រដ្ឋលេខាធិការក្រសួងការពារជាតិ បានក្រើនរំលឹកដល់យោធិនទាំងអស់ត្រូវពង្រឹងសមត្ថភាពរបស់ខ្លួនបន្ថែម និងត្រូវលះបង់គ្រប់យ៉ាង ដើម្បីពង្រឹងខឿនការពារជាតិកម្ពជាឲ្យកាន់តែរឹកមាំបន្ថែមទៀតផងដែរ។លោកជំទាវរដ្ឋលេខាធិការបានសង្កត់ធ្ងន់ថា« ក្នុងនាមនាយទាហាន នាយទាហានរង និង ពលទាហាន​យោធភូមិភាគទី៤ត្រូវមានភាពស្មោះត្រង់ចំពោះជាតិ សាសនា ព្រះមហាក្សត្រ ពិសេសស្មោះត្រង់ ​និងគោរពការពារដាច់ខាត​ រាល់បទបញ្ជារបស់ប្រមុខរាជរដ្ឋាភិបាលស្របច្បាប់ ដែលប្រសូត្រចេញពីការបោះឆ្នោត ។ជាមួយគ្នានេះដែរ​កងយោធពលខេមរៈភូមិន្ទ ក៏​ត្រូវ​យកចិត្ត​ទុកដាក់ពង្រឹង​សមត្ថភាពជំនាញបន្ថែមទៀត ​ដើម្បីបំពេញភារកិច្ចការពារបូរណភាពទឹកដី ដោយហ៊ាន​ពុះពារ លះបង់ គ្រប់ការលំបាក​ ចូលរួមនៅគ្រប់ភារកិច្ច ដើម្បីពង្រឹងវិស័យ​ការពារជាតិ​អោយបានកាន់តែរឹងមាំ»។ក្នុងឱកាសនោះដែរលោកជំទាវដាំ ដារ៉ានី ​ក៏បានបញ្ជាក់ផងដែរថា នាពេលបច្ចុប្បន្ននេះ​ការងារ​យេនឌ័រ ត្រូវបានរាជរដ្ឋាភិបាល ​ផ្ដល់ការយកចិត្តទុកដាក់សិទ្ធិជាអាទិភាពឱ្យ​ដល់​យោធិនជានារី មាន​សិទ្ធិស្មើគ្នាទៅនឹងបុរសក្នុងការបំពេញ​តួនាទីភារកិច្ចការងារ ​សម្រាប់ជាតិមាតុភូមិនិងប្រជាជន​នៅក្នុង​សង្គមផងដែរ។ លោកជំទាវ បានវាយតម្លៃខ្ពស់ចំពោះ ​ថ្នាក់ដឹកនាំ មេបញ្ជាការ មេបញ្ជាការរង គ្រប់ស្ថាប័នអង្គភាព​ចំណុះឲ្យយោធភូមិភាគទី៤ទាំងអស់ ដែលបានអនុវត្តការងារប្រកបដោយស្មារតីទទួលខុសត្រូវខ្ពស់​ពិសេសបាន​គិតគូរដល់ការលើកកម្ពស់ការងារយេនឌ័រ ​ដោយបានប្រគល់តួនាទី-ភារកិច្ចដល់​យោធិនជានារីយើង​បានចូលរួមបំពេញភារកិច្ច ការពារព្រំដែន ​ការពារអធិបតេយ្យ បូរណភាពទឹកដី របស់​ព្រះរាជាណា​ចក្រកម្ពុជា​ និងភារកិច្ចការពារស្ថេរភាព ​សន្តិសុខ​ សណ្ដាប់ធ្នាប់សារធារណៈ ក្នុង​មូលដ្ឋានដែលខ្លួនឈរជើងទទួល​ខុសត្រូវ​បានយ៉ាងល្អជាដើម។លោកជំទាវ ក៏បានកោតសរសើរ ​និងវាយតម្លៃខ្ពស់ ​ចំពោះថ្នាក់ដឹកនាំ គ្រប់លំដាប់ថ្នាក់ ក្នុង​បញ្ជាការដ្ឋានយោធភូមិភាគទី ៤កងទ័ពជើងគោក ​ដែលកន្លងមកបានសហការគ្នាយ៉ាងល្អ ជាមួយ​គ្រប់ស្ថាប័នទ័ពជំនាញរបស់កងយោធពលខេមរភូមិន្ទ ​ពិសេសជាមួយអាជ្ញាធរដែនដី មូលដ្ឋានគ្រប់លំដាប់ថ្នាក់​ ក្នុងការចូលរួមចំណែកកសាង និងអភិវឌ្ឍគ្រប់ហេដ្ឋារចនា​សម្ព័ន្ធ​សម្រាប់ជាតិ-អង្គភាពកងយោធពលខេមរភូមិន្ទ ​ចាប់តាំងពីថ្នាក់យោធភូមិភាគ​ រហូតដល់ថ្នាក់ក្រោម នៃអង្គភាពចំណុះឱ្យមានការរីកចម្រើនលើគ្រប់វិស័យ ​ពិសេសពង្រឹងបានប្រៀបរឹងមាំ ប្រព័ន្ធ​ការពារជាតិ នៅតាមបណ្ដោយព្រំដែន​ជាមួយប្រទេសជិតខាងឱ្យក្លាយជាព្រំដែន​សន្តិភាព​ពិតប្រាកដមានកិច្ចសហប្រតិបត្តិការ ​និងការអភិវឌ្ឍន៍វិស័យនយោបាយ សេដ្ឋកិច្ចរីកចម្រើន​ឆាប់រហ័សផងដែរ៕អត្ថបទបាន ចក់

សម្តេចធិបតី អំពាវនាវដល់គ្រប់ក្រសួង ស្ថាប័នទាំងអស់ត្រូវលើកម្ពស់សុខុមាលភាពមនុស្សចាស់ ឲ្យបានប្រសើរថែមទៀត

2023/10/01 09:02:31 am        417
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បាន​អំពាវនាវ​ដល់គ្រប់ក្រសួង ស្ថាប័នទាំងអស់​ត្រូវយកចិត្តទុកដាក់លើកកម្ពស់នូវ​សុខុមាលភាព​របស់​មនុស្សចាស់បន្ថែមទៀត ​ខណៈការយកចិត្តទុកដាក់ជួយ​មនុស្សចាស់​ប្រៀបបានដូចនឹងការជួយ​ខ្លួនឯង​យ៉ាងដូច្នេះដែរ។តាមរយៈសារលិខិតក្នុងឱកាសទិវាមនុស្សចាស់កម្ពុជា ​និងទិវាមនុស្សចាស់អន្តរជាតិ នាថ្ងៃទី១ ខែតុលា ឆ្នាំ២០២៣នេះ ​ក្រោមវិធានបទ«ការជួយមនុស្សចាស់គឺជួយយើងទាំងអស់គ្នា»សម្តេចធិបតី ហ៊ុន ម៉ាណែត ​បានលើកឡើងថា ​ការរៀបចំទិវាមនុស្សចាស់កម្ពុជា ​និងទិវា​មនុស្សចាស់អន្តរជាតិ នាថ្ងៃនេះ​មានគោលបំណងលើកកម្ពស់កិច្ចគាំពារ ​ដ៏មានប្រសិទ្ធភាព ​សំដៅលើកស្ទួយសុខុមាល ភាពរបស់មនុស្សវ័យចាស់ឱ្យកាន់តែប្រសើរឡើង ​ហើយទិវានេះក៏បង្ហាញ​ឱ្យឃើញពីតួនាទីដ៏សំខាន់ របស់មនុស្ស វ័យចាស់​ បុព្វការីជន​ ដែលបានបង្កើតធនធាន​ដ៏មានសារប្រយោជន៍ ព្រមទាំងផ្តល់​នូវចំណេះដឹង ចំណេះ ធ្វើ​និង​បទពិសោធន៍​យ៉ាង​ច្រើន​ឥតគណនា​សម្រាប់​មនុស្ស​ជំនាន់​ក្រោយផងដែរ។សម្តេចធិបតី បានចាត់ទុកទិវាមនុស្សចាស់កម្ពុជា ​និងទិវាមនុស្ស​ចាស់​អន្តរជាតិ ជាទិ​វាបុណ្យរំលឹក​ដល់​គុណូបការៈរបស់​មនុស្សវ័យចាស់កម្ពុជា ​បុព្វការីជន ជីដូនជីតា ឪពុកម្ដាយ អ៊ុ ពូ មីង ដែលបាន កសាង ​និងបន្សល់ទុកនូវកេរមរតកដ៏​ថ្លៃថ្លា​សម្រាប់កូនចៅជំនាន់នេះ​ និងជំនាន់ក្រោយៗទៀត។តាមរយៈសារលិខិតនេះ សម្រេចធិបតី​នាយករដ្ឋមន្រ្តីកម្ពុជា ​បានអំពាវនាវដល់ ​ក្រសួងសង្គមកិច្ច អតីត​យុទ្ធជន និងយុវនីតិសម្បទា ​គណៈកម្មាធិការជាតិកម្ពុជា ​ដើម្បី​មនុស្សចាស់​គ្រប់ក្រសួង ស្ថាប័ន​ ព្រមទាំងអាជ្ញាធរមានសមត្ថកិច្ចគ្រប់លំដាប់ថ្នាក់ ​ត្រូវបង្កើនការយកចិត្តទុកដាក់និងគាំទ្រ តាម​គ្រប់មធ្យោបាយ​ដើម្បីលើកស្ទួយសុខុមាលភាពមនុស្សវ័យ​ចាស់​ឱ្យបានកាន់​តែល្អ​ប្រសើរ​ឡើង។ ហើយគ្រប់ក្រសួង ស្ថាប័ន ​ព្រមទាំងរដ្ឋបាលថ្នាក់ក្រោមជាតិគ្រប់លំដាប់ថ្នាក់ សូមបង្កើន​ការយកចិត្តទុកដាក់ និងគាំទ្រតាមគ្រប់មធ្យោបាយ​នៅពេលចុះបំពេញ​ការងារ​តាមមូលដ្ឋាន សូម​ឆ្លៀត​សួរសុខទុក្ខ ​និង​ជួយ​ឧបត្ថម្ភ​ដល់ជនចាស់​ជរាជាពិសេស​ជនចាស់ជរាពិការដែល​មានការ​លំបាកនៅតាមសហគមន៍ជាដើម។សម្តេចធិបតី ក៏អំពាវនាវឲ្យគ្រប់ភាគីទាំងអស់ ជួយបង្កលក្ខណៈងាយ​ស្រួល​ដល់សមាគម​មនុស្សចាស់​កម្ពុជា​ដែលមានស្រាប់ និងសូមជួយគាំទ្របន្តដល់ការអន្តរាគមន៍ជំរុញ​សកម្មភាព​បង្កើតជួយពង្រឹង ​និងពង្រីកសមាគមមនុស្សចាស់នៅ​តាមសហគមន៍មូលដ្ឋាន ដើម្បីបង្កើន​ស្មារតីសាមគ្គីជួយគ្នាទៅវិញ ​ទៅមករវាងមនុស្សចាស់ទូទៅនៅកម្ពុជា​ ជាពិសេសមនុស្សចាស់​ជរាពិការ មនុស្សចាស់​ជរាមានជំងឺក្រីក្រគ្មានទីពឹង។ ​កាកបាទក្រហមកម្ពុជា មូលនិធិស្ថានីយ​វិទ្យុ និងទូរទស្សន៍ ​ដៃគូអភិវឌ្ឍ សប្បុរសជន អង្គការមិនមែនរដ្ឋាភិបាលជាតិ ​និងអន្តរជាតិនានា សូម​បន្តបង្កើនសកម្មភាពឧបត្ថម្ភគាំទ្រ​ផ្នែកជំនួយមនុស្សធម៌ ​ទាំងស្បៀង​ សម្ភារ ថវិកា បច្ចេកទេស​សម្រាប់​ផ្តល់សេវាសុខុមាលភាពរបស់មនុស្សវ័យចាស់ ​ដែលបាន ​និងកំពុងជួបប្រទះការលំបាក ទាំងផ្នែកជីវភាព​ និងសុខភាពទាំងផ្លូវកាយ​ និងផ្លូវចិត្ត។​គ្រប់គ្រួសារនៅតាមសហគមន៍នីមួយៗ សូមបន្តពង្រឹងនូវសីលធម៌ ​និង​ទំនៀមទម្លាប់​ល្អរបស់ខ្មែរយើង​ ជាពិសេសត្រូវអប់រំកូនចៅ និង​ក្មេងជំនាន់ក្រោយឱ្យចេះគោរពដំបូន្មានរបស់មាតាបិតា ជីដូនជីតា ​និងចេះគោរពព្រឹទ្ធាចារ្យជាដើម។សម្តេចធិបតី នាយករដ្ឋមន្រ្តី ក៏បានអំពាវនាវឲ្យគ្រប់ស្ថានីយវិទ្យុ និងទូរទស្សន៍របស់រដ្ឋ ​និងឯកជន ព្រមទាំងគ្រប់ភ្នាក់ងារព័ត៌មាន ​សូមជួយផ្សព្វផ្សាយឱ្យបានទូលំទូលាយនូវស្នាដៃ និង​សមិទ្ធផល​នានា​ដែលមនុស្សវ័យចាស់​បានបន្សល់ទុកសម្រាប់មនុស្ស​ជំនាន់ក្រោយ ក៏ដូចជា​សម្រាប់សង្គមជាតិ​ទាំងមូល​ និងផ្សព្វផ្សាយ​សកម្មភាពនានា​ដែល​បង្ហាញ​អំពី​ការ​យកចិត្តទុកដាក់ និង​លើកស្ទួយ​សុខុមាលភាព​មនុស្ស​វ័យ​ចាស់​នៅក្នុង​សង្គម​កម្ពុជា​ទាំង​មូល​ផងដែរ៕ អត្ថបទ៖ បាន ចក់

នៅព្រឹកនេះកម្ពស់ទឹកស្ទឹងពោធិ៍សាត់ បន្តស្រកចុះមកនៅក្រោមកំរិតប្រកាសអាសន្ន

2023/10/01 08:24:00 am        672
Facebook Telegram Linkin
ពោធិ៍សាត់៖ គិតត្រឹនម៉ោង៧ព្រឹកថ្ងៃទី១ខែតុលា ឆ្នាំ២០២៣នេះ ទឹកស្ទឹង ពោធិ៍សាត់ បានបន្តស្រកចុះ ដោយទឹកមានកម្ពស់ ៤,៨៨ ម៉ែត្រ ស្ថិតនៅក្រោមកម្ពស់ប្រកាសអាសន្ន ដែលមានកម្ពស់៥ម៉ែត្រ ។ នេះបើតាមរបាយការណ៍ របស់មន្ទីរធនធានទឹក និង ឧតុនិយម ខេត្តពោធិ៍សាត់ ។នៅក្នុងក្រុងពោធិ៍សាត់ និងស្រុកកណ្តៀង ផ្ទះប្រជាពលរដ្ឋតាមទីតាំងមួយចំនួនដែល​បានជន់​លិចកាលពីម្សិលមិញបាន ស្រកទៅវិញហើយ តែទីតាំងដែលមានទឹកបែកវាលនៅតែបន្ត​លិចលង់ដដែល នៅវាលស្រែចម្ការជាច្រើនពាន់ហិកតា ដែលលិចលង់ កំពុងប្រឈមនិងការខូចខាត ។ទោះជាយ៉ាងណាអាជ្ញាធរខេត្ត ពោធិ៍សាត់ នៅតែបន្តដឹកនាំកម្លាំង ចុះអន្តរាគមន៍ជួយ​ប្រជាពលរដ្ឋ​ជាប់ជានិច្ច។សូមបញ្ជាក់ដែរថា ក្នុងខេត្តពោធិ៍សាត់ មានក្រុងស្រុកចំនួន៤ ​បានជន់លិចដោយសារជំនន់​ទឹកភ្លៀង រួមមាន៖ ក្រុង ពោធិ៍សាត់ ស្រុកវាលវែង ស្រុកភ្នំក្រវាញ និងស្រុកកណ្តៀង ធ្វើ​ឲ្យប៉ះពាល់ស្រែ​ចម្ការជាច្រើន​ពាន់ហិកតា ​ប៉ះពាល់ប្រជាពលរដ្ឋជាច្រើនពាន់នាក់ ហើយ​ប្រជាពលរដ្ឋជាច្រើន​ត្រូវបានជម្លៀសទៅទីទួលសុវត្ថិភាព ​និងខូចខាតផ្លូវថ្នល់ស្ពានជាច្រើន​កន្លែងផងដែរ។ ពៅ ភិរុណ

ក្រសួងសាធារណការ និងដឹកជញ្ជូន រកឃើញយានយន្តលើសទម្ងន់ជាង៧១ម៉ឺនគ្រឿង គិតត្រឹមខែកញ្ញា ឆ្នាំ២០២៣

2023/09/29 03:59:15 pm        632
Facebook Telegram Linkin
ភ្នំពេញ៖ របាយការណ៍ក្រសួងសាធារណការ និងដឹកជញ្ជូន ដែលBTVទទួលបាននៅថ្ងៃទី២៩ ខែកញ្ញា ឆ្នាំ២០២៣នេះ បានឱ្យដឹងថា គិតត្រឹមខែកញ្ញា ឆ្នាំ២០២៣ លេខាធិការដ្ឋានគណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំត្រួតពិនិត្យយានយន្តលើសទម្ងន់បានចំនួន ៧១៥,៥៣៤ គ្រឿង ក្នុងចំណោមរថយន្តដែលត្រូវត្រួតពិនិត្យសរុបចំនួន ២,២៤៦,១៤០គ្រឿង។របាយការណ៍ក្រសួងសាធារណការដដែល បានបន្ថែមទៀតថា ក្នុងការចុះត្រួតពិនិត្យមន្ដ្រីជំនាញរកឃើញ រថយន្តផ្ទុកមិនលើសទម្ងន់ចំនួន ១,៥២៨,៨៤០គ្រឿង,រថយន្តផ្ទុកលើសទម្ងន់ចំនួន៧១៧,៣០០ គ្រឿង ស្មើនឹង ៣១.៩៣% ក្នុងនោះមាន៖ រថយន្តផ្ទុកលើសទម្ងន់ ក្រោម ៥% ចំនួន ៧១៥,៥៣៤ គ្រឿង ស្មើនឹង៣១.៨៦% , រថយន្តផ្ទុកលើសទម្ងន់ ពី ៥% ទៅ ១០ % ចំនួន ២៨គ្រឿង , រថយន្តផ្ទុកលើសទម្ងន់ ១០% ទៅ ២០% ចំនួន ១,៣២៣គ្រឿង ស្មើនឹង០.០៦% , រថយន្តផ្ទុកលើសទម្ងន់លើសពី ២០% ចំនួន ៤១៥ គ្រឿង ស្មើនឹ ០.២% ។ក្រសួងសាធារណការ បានបន្ដទៀតថា ពាក់ព័ន្ធនឹងវិធានការករណីខាងលើគណៈកម្មាធិការ សម្របសម្រួលអចិន្ត្រៃយ៍ នៃ គណៈកម្មាធិការដឹកនាំ ត្រួតពិនិត្យយានយន្តលើសទម្ងន់ បានពិន័យរថយន្តដឹកលើទម្ងន់សរុបចំនួន១,៧៦៦គ្រឿង មានទឹកប្រាក់សរុបចំនួន ២,៧១០,៥០៩,០០០រៀល (ពីរប៊ីលាន ប្រាំពីររយដប់លាន ប្រាំរយប្រាំបួនពាន់រៀលគត់)។ ទន្ទឹមនឹងនោះ រថយន្តត្រូវ បាន ឃាត់ទុក ១ឆ្នាំ គិតត្រឹមថ្ងៃទី ២៥ខែកញ្ញា ឆ្នាំ២០២៣សរុបចំនួន ៣៥៦ គ្រឿង។ រថយន្តបានឃាត់ទុកមិនទាន់គ្រប់១ឆ្នាំ ដែលត្រូវដោះលែងមានចំនួន៩៦ គ្រឿង ៕

ឯកឧត្តម គន់ គីម ណែនាំអាជ្ញាធរពាក់ព័ន្ធបន្តអនុវត្តន៍តាមបទបញ្ជាសម្តេចធិបតី ឱ្យបានម៉ឺងម៉ាត់ជួយពលរដ្ឋពីគ្រោះទឹកជំនន់

2023/09/29 02:59:40 pm        220
Facebook Telegram Linkin
ពោធិ៍សាត់៖ ទឹកភ្លៀងធ្លាក់ជាប់ៗគ្នាប្រមាណជាពីរថ្ងៃកន្លងមកនេះ បានបង្កជាទឹកជំនន់លិចនៅតំបន់មួយ ចំនួនក្នុងស្រុកវាលវែង ស្រុកកណ្តៀង និងក្រុងពោធិ៍សាត់ផងដែរ។ ដោយអនុវត្តន៍តាមបទបញ្ជារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ឯកឧត្តមទេសរដ្ឋមន្ត្រី គន់ គីម ណែនាំដល់អាជ្ញាធរពាក់ព័ន្ធបន្តអនុវត្តន៍​តាមបទបញ្ជា​សម្តេចធិបតី នាយករដ្ឋមន្ត្រី ឱ្យបានម៉ឺងម៉ាត់ជួយប្រជាពលរដ្ឋរងគ្រោះដោយទឹកជំនន់​ក្នុងរដូវវស្សានេះ។ ខណៈអាជ្ញាធរពាក់ព័ន្ធទាំងនៅថ្នាក់ជាតិ និងថ្នាក់ក្រោមជាតិបានស្រាក់ដៃគ្នាចុះជួយប្រជាពលរដ្ឋ និងដោះស្រាយផលប៉ះពាល់បណ្តាលមកពីជំនន់ទឹកភ្លៀងនេះ។ស្រុកវាលវែង ស្រុកកណ្តៀង និងក្រុងពោធិ៍សាត់ ស្ទើរតែរៀងរាល់ឆ្នាំនៅក្នុងរដូវវស្សាពេលមានភ្លៀងធ្លាក់ខ្លាំង តែង បង្ក ទៅជាទឹកជំនន់ជន់លិចនៅតាមតំបន់មួយចំនួនស្ថិតតាមបណ្តោយមាត់ស្ទឹងក្នុងខេត្តពោធិ៍សាត់។ អភិបាលខេត្តពោធិ៍សាត់ឯកឧត្តម ខូយ រីដា បានចុះដល់ទីតាំងរងគ្រោះ និងដាក់ចេញវិធានការនានា បង្ការ គ្រោះដល់អាយុជីវិតពលរដ្ឋ។ ជាពិសេសដឹកនាំអាជ្ញាធរ និងកងកម្លាំងរៀបចំទប់ទឹកមាត់ស្ទឹងក្រុងពោធិ៍សាត់ បញ្ចៀសផលប៉ះពាល់ធ្ងន់ធ្ងរដល់លំនៅឋានរបស់ប្រជាពលរដ្ឋ។នៅព្រឹកថ្ងៃទី២៩ ខែកញ្ញា ឆ្នាំ២០២៣នេះឯកឧត្តម ទេសរដ្ឋមន្ត្រី គន់ គីម អនុប្រធានទី១នៃគណៈ កម្មាធិការជាតិគ្រប់គ្រងគ្រោះមហន្តរាយ និងឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាលចុះជួយខេត្តពោធិ៍សាត់ បានចុះទៅដល់ខេត្តពោធិ៍សាត់ ដើម្បីពិនិត្យស្ថានភាពដោយផ្ទាល់ និងរួមគ្នាដាក់ចេញវិធានការជួយពលរដ្ឋរងគ្រោះ។ឯកឧត្តម ខូយ រីដា បានឱ្យដឹងថា ការជន់លិចនៅស្រុកកណ្តៀង និងក្រុងពោធិ៍សាត់នេះ ដោយសារកាលពីពីរថ្ងៃ មុនភ្លៀងបានធ្លាក់ខ្លាំងនៅជួរភ្នំក្រវាញ ហើយទឹកក៏បានលិច​នៅ​ស្រុកវាលវែង។ បន្ទាប់ពីភ្លៀងរាំង ទឹកស្រក នៅផ្នែកខាងលើ ទឹកក៏ហូរទាក់មកស្ទឹងពោធិ៍សាត់ និងលិចផ្នែកខ្លះក្នុងក្រុងពោធិ៍សាត់ និងស្រុកកណ្តៀង។ឯកឧត្តម ទេសរដ្ឋមន្ត្រី គន់ គីម បានវាយតម្លៃថា ប្រសិនបើមិនមានភ្លៀងធ្លាក់ផ្នែកខាងលើទៀត​ទេនោះ ស្ថានភាពនៃការ ជន់លិច ក្នុងក្រុងពោធិ៍សាត់ និងស្រុកកណ្តៀង នឹងធូរស្រាលក្នុង​ពេលឆាប់ៗ​ខាងមុខនេះ។ ទោះបីយ៉ាងណា ​ក្រោមបទបញ្ជារបស់សម្តេចធិបតី នាយករដ្ឋមន្ត្រីកម្ពុជា រូបលោកផ្ទាល់ ​និងអាជ្ញាធរពាក់ព័ន្ធទាំងអស់បន្ត តាមដានស្ថានការណ៍ ហើយដាក់ចេញវិធានការ​មួយចំនួនបញ្ចៀសផលប៉ះពាល់កុំឱ្យធ្ងន់ធ្ងរ។ ជាពិសេសការពារ អាយុជីវិតរបស់ប្រជាពលរដ្ឋ។ឯកឧត្តម ទេសរដ្ឋមន្ត្រី គន់ គីម បានអរគុណដល់អាជ្ញាធរ និងកងកម្លាំងប្រដាប់អាវុធ ដែលបាន​រួមគ្នាយ៉ាង សស្រាក់សស្រាំជួយដល់ប្រជាពលរដ្ឋរងគ្រោះ។ ឯកឧត្តម ទេសរដ្ឋមន្ត្រី ក៏បានណែនាំដល់អាជ្ញាធរពាក់ព័ន្ធបន្ត អនុវត្តន៍តាមបទបញ្ជាសម្តេចធិបតី នាយករដ្ឋមន្ត្រីឱ្យបានម៉ឺងម៉ាត់ជួយប្រជាពលរដ្ឋរងគ្រោះដោយទឹកជំនន់ក្នុងរដូវវស្សានេះ៕

ក្រុមប្រឹក្សាEU ពង្រីកការការពារបណ្តោះអាសន្នដល់ជនភៀសខ្លួនអ៊ុយក្រែន រហូតដល់ឆ្នាំ ២០២៥

2023/09/29 02:16:13 pm        193
Facebook Telegram Linkin
ក្រុមរដ្ឋមន្ត្រីក្រសួងមហាផ្ទៃនៃរដ្ឋជាសមាជិករបស់ក្រុមប្រឹក្សាសហភាពអឺរ៉ុប បានយល់ព្រមបន្តយន្តការការពារបណ្តោះអាសន្នសម្រាប់ជនភៀសខ្លួនពីអ៊ុយក្រែនសម្រាប់រយៈពេល មួយឆ្នាំ ចាប់ពីថ្ងៃទី៤ ខែមីនា ឆ្នាំ ២០២៤ ដល់ថ្ងៃទី៤ ខែមីនា ឆ្នាំ ២០២៥។សេវាកម្មសារព័ត៌មាន បានឲ្យដឹងថា៖«ដើម្បីផ្តល់ភាពប្រាកដប្រជាសម្រាប់ជនភៀសខ្លួនអ៊ុយក្រែនជាង ៤ លាននាក់ ដែលកំពុងរស់នៅក្នុងសហភាពអឺរ៉ុប ក្រុមប្រឹក្សានេះ បានយល់ព្រមបន្តការការពារបណ្តោះអាសន្នសម្រាប់មនុស្ស ដែលភៀសខ្លួនពីសង្គ្រាមឈ្លានពានរបស់រុស្ស៊ីប្រឆាំងនឹងអ៊ុយក្រែន»។លោក Fernando Grande-Marlaska Gómez រដ្ឋមន្ត្រីស្តីទីក្រសួងមហាផ្ទៃអេស្ប៉ាញដែលបច្ចុប្បន្នកាន់តំណែងជាប្រធានក្រុមប្រឹក្សាសហភាពអឺរ៉ុប បាននិយាយថា៖«សហភាពអឺរ៉ុប នឹងគាំទ្រប្រជាជនអ៊ុយក្រែនឲ្យបានយូរតាមដែលប្រទេសនេះត្រូវការ។ ការអូសបន្លាយស្ថានភាពការពារ ផ្តល់នូវភាពប្រាកដប្រជាដល់ជនភៀសខ្លួនជាង៤លាននាក់ដែលបានរកឃើញជម្រកសុវត្ថិភាពនៅក្នុងសហភាពអឺរ៉ុប»។បន្ទាប់ពីកិច្ចព្រមព្រៀងនយោបាយថ្ងៃនេះ ក្រុមប្រឹក្សាសហភាពអឺរ៉ុប នឹងត្រូវសម្រេចជាផ្លូវការលើការបន្តការការពារបណ្តោះអាសន្ន។ កិច្ចព្រមព្រៀងនេះ នឹងត្រូវអនុវត្ត នៅពេលដែលនីតិវិធីតាមច្បាប់ និងការបកប្រែទៅជាភាសាសហភាពអឺរ៉ុបទាំងអស់ ត្រូវបានបញ្ចប់។យន្តការការពារបណ្តោះអាសន្ន ត្រូវបានធ្វើឲ្យដំណើរការ នៅថ្ងៃទី៤ ខែមីនា ឆ្នាំ ២០២២ ហើយត្រូវបានបន្តដោយស្វ័យប្រវត្តិសម្រាប់រយៈពេលមួយឆ្នាំ។

ការផលិតអាវុធនៅរុស្ស៊ី និងអ៊ីរ៉ង់៖ ទួរគី ឥណ្ឌា និងប្រទេសដទៃ ទៀតទទួលបានការព្រមានជាបន្តបន្ទាប់

2023/09/29 02:11:49 pm        180
Facebook Telegram Linkin
ទីក្រុងប្រ៊ុចសែល បាននិយាយថា មានការហាមឃាត់ដ៏សំខាន់ទៅលើការលក់ទំនិញមួយចំនួនទៅឲ្យ ប្រទេសទួរគី ឥណ្ឌា និងប្រទេសចំនួនបួនផ្សេងទៀតដែលអ៊ីរ៉ង់ និងរុស្ស៊ីផ្គត់ផ្គង់គ្រឿងបន្លាស់សម្រាប់យានដ្រូន និងអាវុធផ្សេងទៀត ដែលបាននិងកំពុងវាយប្រហារទីក្រុងនានានរបស់អ៊ុយក្រែន។ ការអត្ថាធិប្បាយរបស់គណៈកម្មាការអ៊ឺរ៉ុប ធ្វើឡើង បន្ទាប់ពីឯកសារកម្រាស់៤៧ទំព័ររបស់កាសែត The Guardian ដែលរដ្ឋាភិបាលអ៊ុយក្រែន បានរៀបរាប់លម្អិតអំពីការប្រើប្រាស់បច្ចេកវិទ្យារបស់លោកខាង លិច។ឯកសាររបស់អ៊ុយក្រែន ដែលត្រូវបានបង្ហាញដល់រដ្ឋាភិបាល G7 ក្នុងខែសីហា បានបញ្ជាក់ថា ការវាយប្រហារចំនួន៦០០លើកលើទីក្រុងអ៊ុយក្រែនក្នុងរយៈពេលបីខែមុននេះ ត្រូវបានធ្វើឡើងដោយយានអាកាសដែលគ្មានមនុស្សបើក(UAVs) ដែលប្រើបច្ចេកវិទ្យាលោកខាងលិច។ព័ត៌មានគយបង្ហាញថា ការនាំចូលស្ទើរតែទាំងអស់ទៅកាន់ប្រទេសអ៊ីរ៉ង់ មានប្រភពមកពីប្រទេសទួរគី ឥណ្ឌា កាហ្សាក់ស្ថាន អ៊ូសបេគីស្ថាន វៀតណាម និងកូស្តារីកា។ក្រុមហ៊ុនអឺរ៉ុបចំនួន៥រួមទាំងក្រុមហ៊ុនបុត្រសម្ព័ន្ធរបស់ប៉ូឡូញនៃក្រុមហ៊ុនពហុជាតិរបស់អង់គ្លេស ត្រូវបានគេដាក់ឈ្មោះថា ជាក្រុមហ៊ុនមេដែលផលិតសមាសធាតុ ដែលត្រូវបានកំណត់អត្តសញ្ញាណ។

បណ្ដាញសង្គម

ព័ត៌មានថ្មីៗ

AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ភូមិជោគជ័យ ឃុំអូរបីជាន់
05/17/2026 03:05 PM
Facebook Telegram Linkin
លោក Zelenskiy ៖ រុស្ស៊ីពិចារណាផែនការវាយប្រហារប្រទេសសមាជិកអង្គការណាតូ ចេញពីបេឡារុស
05/17/2026 02:05 PM
Facebook Telegram Linkin
សហគមន៍អេកូទេសចរណ៍កោះផ្តៅ ក្នុងខេត្តក្រចេះ ជាតំបន់គួរទៅកម្សាន្ត
05/17/2026 01:05 PM
Facebook Telegram Linkin
រដ្ឋបាលខេត្តកែបទទួលស្វាគមន៍ដំណើរទស្សនកិច្ចរបស់ឯកអគ្គរដ្ឋទូតចិនប្រចាំកម្ពុជា
05/17/2026 01:05 PM
Facebook Telegram Linkin
ប្រធានក្រុមការងារចុះមូលដ្ឋានខេត្តកំពង់ធំ សម្ពោធដាក់ឱ្យប្រើប្រាស់អគារទីស្នាក់ការបក្សស្រុកស្ទោង
05/17/2026 01:05 PM
Facebook Telegram Linkin
ពលរដ្ឋមានជីវភាពខ្វះខាតចំនួន ៣០០គ្រួសារ ទទួលបានអំណោយពីយុវជនគណបក្សខេត្តបាត់ដំបង
05/17/2026 01:05 PM
Facebook Telegram Linkin
មន្ត្រីជំនាញចុះពិនិត្យវឌ្ឍនភាពការអនុវត្តគម្រោង និងតម្រង់ទិសជំរុញផលិតកម្មដំណាំស្រូវខេត្តត្បូងឃ្មុំ
05/17/2026 12:05 PM
Facebook Telegram Linkin
កម្ពុជាចូលរួមមហាសន្និបាតសុខភាពពិភពលោក លើកទី៧៩ (WHA79) នៅទីក្រុងហ្សឺណែវ ប្រទេសស្វីស
05/17/2026 12:05 PM
Facebook Telegram Linkin
ព្រឹត្តិការណ៍​ដង្ហែគោមឈូកព្រះពុទ្ធសាសនា «Lantern Parade/ Lotus Lantern Festival 2026»​ កណ្តាលទីក្រុងសេអ៊ូល​ សាធារណរដ្ឋ​កូរ៉េ​
05/17/2026 12:05 PM
Facebook Telegram Linkin
មេបញ្ជាការទី ២របស់ក្រុម ISIS ត្រូវបានសម្លាប់ ដោយកងកម្លាំងរបស់អាមេរិក និងនីហ្សេរីយ៉ា
05/17/2026 11:05 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.