BTV NEWS

ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្តទុកដាក់បម្រើពលរដ្ឋ

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

នយោបាយ និង ការអភិវឌ្ឍន៍

អាណាព្យាបាលវេចខ្ចប់ម្ហូបអាហារសម្រាប់កូនទៅរៀន ដើម្បីលើកកម្ពស់សុវត្ថិភាពសុខភាព

ភ្នំពេញ៖ បច្ចុប្បន្នអាណាព្យាបាលមួយចំនួនពិសេសនៅរាជធានីភ្នំពេញ បានចាប់ផ្ដើមវេចខ្ចប់ម្ហូបអាហារ ក៏ដូចជាទឹកពិសារ សម្រាប់កូនទៅសិក្សាជារៀងរៀងរាល់ថ្ងៃ។ ការអនុវត្តនេះ គឺស្របទៅតាមគោលការណែនាំ របស់ក្រសួងអប់រំ យុវជន និងកីឡា ក្នុងការលើកកម្ពស់សុវត្ថិភាពសុខភាពរបស់សិស្សនៅតាមគ្រឹះស្ថានសិក្សា។ សកម្មភាពវេចខ្ទប់ម្ហូបអាហារដល់កូនក្នុងពេលទៅសិក្សានៅសាលានេះ សង្កេតឃើញមានច្រើននៅតាមសាលាគំរូ បឋមសិក្សាចតុមុខ រាជធានីភ្នំពេញ ដោយសិស្សគ្រប់រូបសុទ្ធតែមានកញ្ចប់ម្ហូបអាហារពីផ្ទះ សម្រាប់បរិភោគ។ក្នុងនាមជាអាណាព្យាបាល ដែលបានរៀបចំម្ហូបអាហារ ក៏ដូចជាទឹកពិសារសម្រាប់កូនមកសិក្សារៀងរាល់ថ្ងៃនេះអ្នកអាណាព្យាលបាលបានលើកឡើងថា សុខភាពរបស់កូន ជារឿងសំខាន់សម្រាប់អាណាព្យាបាលគ្រប់រូប។ ដូច្នេះទោះជារវល់យ៉ាងណាក្ដីក៏ត្រូវតែរៀបចំម្ហូបអាហារសម្រាប់កូនរៀងរាល់ថ្ងៃដែរ។លោក សូ ធី នាយករងក្ដាប់រួមសាលាបឋមសិក្សាចតុមុខ លើកឡើងថា សាលាបានដាក់គោលការណ៍ និងមានការឯកភាពពីអាណាព្យាបាល ក្នុងរៀបចំម្ហូបអាហារសម្រាប់កូនមកសិក្សា។ សាលាបានគ្រប់គ្រងលើបញ្ហាសុខភាពរបស់សិស្ស ដោយមិនអនុញ្ញាតឱ្យសិស្សចេញទៅទិញចំណីអាហារនៅខាងក្រៅសាលានោះទេ ហើយសាលាក៏មិនទាន់បើកឱ្យមានការលក់ដូរក្នុងសាលាផងដែរ។ឯកឧត្តម ហង់ ជួនណារ៉ុន ឧបនាយករដ្ឋមន្រ្ដី រដ្ឋមន្រ្ដីក្រសួងអប់រំ យុវជន និងកីឡា បានលើកឡើងថា ការលើកកម្ពស់សុវត្ថិភាពនៅតាមសាលារៀន ជាការងារអាទិភាព។ ការងារនេះ គឺទាមទារឱ្យគ្រប់គ្នាចូលរួមអនុវត្តឱ្យបានខ្ជាប់ខ្ជួន។ សូមជម្រាបថា ក្រសួងអប់រំបានចេញសេចក្ដីណែនាំពីចំណីអាហារហាមប្រាម ក្នុងការលក់ដូរក្នុងគ្រឹះស្ថានសិក្សា។ ចំណីអាហារដែលត្រូវបានហាមប្រាម ព្រោះវាអាចប៉ះពាល់ដល់សុខភាពនោះ គឺមាន ៦ប្រភេទ។ ចំណីអាហារទាំងនោះរួមមាន ចំណីអាហារគ្រប់ប្រភេទដែលហួសកំណត់កាលបរិច្ឆេទប្រើប្រាស់ គ្រឿងស្រវឹង និងផលិតផលថ្នាំជក់គ្រប់ប្រភេទ ចំណីអាហារដែលមិនមានប្រភពច្បាស់លាស់ ភេសជ្ជៈប៉ូវកម្លាំង ភេសជ្ជៈផ្អែម កាហ្វេ ការ៉េម ទឹកស៊ីរ៉ូគ្រប់ប្រភេទ ស្ករសូកូឡា ស្ករគ្រាប់ និងស្ករកៅស៊ូគ្រប់ប្រភេទ និងចាហួយគ្រប់ប្រភេទ នំដូណាត់ និងនំផ្អែមជាដើម៕អត្ថបទ៖ គឹមហុក

មន្ត្រីផែនការ-សង្គមស៊ីវិលសហការសម្ភាសន៍អ្នកបម្រើការទេសចរណ៍ក្រៅប្រព័ន្ធ ដើម្បីផ្តល់បណ្ណក្រីក្រ

ភ្នំពេញ៖ សមាគមន៍ អង្គការសង្គមស៊ីវិល ជាដៃគូមន្ទីរផែនការនៃរាជធានីភ្នំពេញ បានបង្កើនកិច្ចសហការ បន្តស្វែងរកបុគ្គលបម្រើការតាមមណ្ឌលសេវាកម្សាន្តទេសចរណ៍ ផ្នែកសេដ្ឋកិច្ចក្រៅប្រព័ន្ធ ដែលមានឈ្មោះនៅក្នុងបញ្ជី នៃក្រសួងផែនការ មកផ្តល់បទសំភាសន៍នៅតាមសាលាសង្កាត់ ដើម្បីផ្តល់ជូនបណ្ណមូលនីធីសមធម៌សុខាភិបាល ទទួលបានអត្ថប្រយោជន៍ និងការពិនិត្យថែទាំសុខភាព ព្យាបាលជំងឺដោយមិនគិតថ្លៃ ពីរាជរដ្ឋាភិបាល។មន្ត្រីមន្ទីរផែនការរាជធានីភ្នំពេញ និងសមាគមន៍នារីកម្ពុជា ដើម្បីសន្តិភាព និងការអភិវឌ្ឍ CWPD បានថ្លែងប្រាប់BTV នៅថ្ងៃទី៤ ខែកញ្ញានេះថា នៅពេលនេះ យុទ្ធនាការចុះសម្ភាសន៍ផ្តល់បណ្ណមូលនីធីសមធម៌ ឬបណ្ណក្រីក្រ ជូនបុគ្គលបម្រើការ នៅតាមមណ្ឌលសេវាកម្សាន្តទេសចរណ៍ ផ្នែកសេដ្ឋកិច្ចក្រៅប្រព័ន្ធ នៅបណ្តាខ័ណ្ឌនានា នៅក្នុងរាជធានីភ្នំពេញ ត្រូវបានបញ្ចប់ ប៉ុន្តែសម្រាប់អ្នកបម្រើការតាមសេវាកម្សាន្តនេះ ដែលនៅមិនទាន់ទៅផ្តល់សម្ភាសន៍ ត្រូវបានបុគ្គលិក នៃសមាគន៍ CWPD និងអង្គការជាដៃគូនានាទៀត គឺបាននិងកំពុងស្វែងរកបុគ្គលបម្រើការតាមសេវាកម្សាន្តទាំងនោះ ទៅទៅផ្តល់ការសម្ភាសន៍ ធ្វើបណ្ណសមធម៌តាមសាលាសង្កាត់ដើម្បីបានបណ្ណក្រីក្រនោះ។បុគ្គលិកបម្រើការសេដ្ឋកិច្ចក្រៅប្រព័ន្ធ ក្នុងវិស័យទេសចរណ៍ បានថ្លែងអរគុណរាជរដ្ឋាភិបាល និងអាជ្ញាធរមូលដ្ឋានដែលសហការរៀបចំផ្តល់បណ្ណក្រីក្រ សម្រាប់អ្នកបម្រើការងារសេដ្ឋកិច្ចក្រៅប្រព័ន្ធ មកពីតាមបណ្តាខេត្តនានា មកស្នាក់នៅបម្រើការ នៅក្នុងរាជធានីភ្នំពេញ។លោក កែវ អ៊ូលី ប្រធាននាយកដ្ឋានកំណត់អត្តសញ្ញាណកម្មគ្រួសារក្រីក្រនៃ ក្រសួងផែនការ បានថ្លែងថា បុគ្គលបម្រើការ នៅតាមមណ្ឌលសេវាកម្សាន្តទេសចរណ៍ ក្រៅប្រព័ន្ធ ដែលមានជីវភាពក្រីក្រ ហើយអាចធ្វើបណ្ណក្រីក្រ បានគឺតម្រូវឲ្យមានអត្ថសញ្ញាណបណ្ណសញ្ជាតិខ្មែរ មានលិខិតបញ្ជាក់ការស្នាក់នៅពីអាជ្ញាធរសង្កាត់ចំនួនបីខែឡើងទៅ និងមានឈ្មោះនៅក្នុងបញ្ជី ដែលផ្តល់មកពី អាជ្ញាធរមូលដ្ឋាន ឃុំសង្កាត់ អង្គការសង្គមស៊ីវិល និងមន្ទីរទេសចរណ៍រាជធានីខេត្តជាដើម នៅតាមបណ្តាគោលដៅទេសចរណ៍នានាទូទាំងប្រទេស៕អត្ថបទ ស៊ុម សុខជា

ប្រទេសទួរគី និងអ៊ីស្រាអែលពិភាក្សាគ្នាអំពីការនាំចេញឧស្ម័នធម្មជាតិ ដោយសម្លឹងឃើញអឺរ៉ុប

ទួរគី៖ មន្ត្រីទួរគី និងអ៊ីស្រាអែល បានជួបពិភាក្សាគ្នាអំពីកិច្ចសហប្រតិបត្តិការថាមពល ខណៈដែលប្រទេសទាំងពីរ ស្វែងរកការពង្រីកទំនាក់ទំនងសេដ្ឋកិច្ច បន្ទាប់ពីមានជម្លោះរយៈពេលជាច្រើនឆ្នាំ។រដ្ឋមន្ត្រីថាមពលទួរគីលោក អាល់ប៉ាស្លាន បេរ៉ាក់តា (Alparslan Bayraktar) កាលពីថ្ងៃអាទិត្យ បានពិភាក្សាគ្នាអំពី«ឱកាសសម្រាប់កិច្ចសហប្រតិបត្តិការថាមពលទ្វេភាគី និងក្នុងតំបន់ រួមទាំងឧស្ម័នធម្មជាតិ តាមទូរស័ព្ទជាមួយសមភាគីអ៊ីស្រាអែល លោក អ៊ីស្រាអែល កាត (Israel Katz)។លោកបេរ៉ាក់តា បាននិយាយនៅលើកម្មវិធីប្រព័ន្ធផ្សព្វផ្សាយសង្គមXថា៖«ខ្ញុំនឹងទៅទស្សនកិច្ចប្រទេសអ៊ីស្រាអែលតាមការអញ្ជើញរបស់លោករដ្ឋមន្ត្រីកាត នៅពេលវេលាឆាប់បំផុត ដែលអាចធ្វើទៅបាន» ។ប្រទេសទាំងពីរ កំពុងស្វែងរកការស្វែងរកឱកាសនាំចេញឧស្ម័នទៅអឺរ៉ុបតាមរយៈប្រទេសទួរគីតាមសមុទ្រ មេឌីទែរ៉ាណេចេញពីតំបន់ហ្គាហ្សាស្ទ្រីប៕

សម្តេចធិបតី ហ៊ុន ម៉ាណែតនិងលោកជំទាវ បានមកដល់អាកាសយាន្តដ្ឋានអន្តរជាតិ Soekarno-Hatta ទីក្រុងហ្សាការតា ប្រកបដោយសុវត្ថិភាព

ភ្នំពេញ៖ គណៈប្រតិភូរាជរដ្ឋាភិបាលកម្ពុជា ដឹកនាំដោយ សម្តេចមហាបវរធិបតី ហ៊ុន ម៉ាណែត និងលោកជំទាវ បានមកដល់អាកាសយាន្តដ្ឋានអន្តរជាតិ Soekarno-Hatta ទីក្រុងហ្សាការតា សាធារណរដ្ឋឥណ្ឌូនេស៊ី ប្រកបដោយសុវត្ថិភាព ត្រូវបានទទួលស្វាគមន៍ដោយ ឯកឧត្តម H. Sandiaga Salahuddin Uno រដ្ឋមន្ត្រីក្រសួងទេសចរណ៍ និងច្នៃប្រឌិត អមដំណើដោយ ឯកឧត្តម ឯកអគ្គរាជទូតកម្ពុជា តំណាងអចិន្ត្រៃយ៍ ប្រចាំអាស៊ាន និងភារធារីស្តីទី នៃស្ថានទូតកម្ពុជា ប្រចាំសាធារណរដ្ឋឥណ្ឌូណេស៊ី និងបានត្រៀមខ្លួនរួចរាល់ សម្រាប់កិច្ចប្រជុំកំពូលអាស៊ាន លើកទី៤៣ ចាប់ពីថ្ងៃទី៤-៧ កញ្ញា ២០២៣។

លទ្ធផលជំនួបសម្ដេចតេជោ ជួបជាមួយឯកឧត្តម លីវ ជានឆាវ រដ្ឋមន្ត្រីក្រសួងទំនាក់ទំនង អន្តរជាតិ នៃគណៈកម្មាធិការមជ្ឈិមបក្សកុម្មុយនីស្តចិន

ក្រសួងការងារ បន្តបើកកិច្ចចចារប្រាក់ឈ្នួលអប្បបរមាកម្មករកាត់ដេរជាលើកទី៣ នាថ្ងៃនេះ

ភ្នំពេញ៖ ក្រុមប្រឹក្សាជាតិប្រាក់ឈ្នួលអប្បបរមា បន្តបើកកិច្ចប្រជុំ ចចារលើការដំឡើងប្រាក់ឈ្នួលអប្បបរមាសម្រាប់ឆ្នាំ២០២៤ នាថ្ងៃទី៤ ខែកញ្ញា ឆ្នាំ២០២៣នេះ ខណៈនាព្រឹកនេះ ភាគីសហជីព និងភាគីនិយោជកបានបើកកិច្ចប្រជុំផ្ទៃក្នុងរៀងៗ មុននឹងបើកកិច្ចប្រជុំចចារលក្ខណៈត្រីភាគី។កិច្ចប្រជុំលើកនេះ គឺជាកិច្ចប្រជុំលើកទី៣ហើយ ដែលក្រុមប្រឹក្សាជាតិប្រាក់ឈ្នួលអប្បបរមា ប្រកាសបើកកិច្ចប្រជុំចចារ ដើម្បីកំណត់តួលេខប្រាក់ឈ្នួលអប្បបរមារបស់កម្មករនិយោជិតផ្នែកវាយនភ័ណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ២០២៤ នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។តាមលោក អាត ធន់ ប្រធានសភាពការងារកម្ពុជា បានឱ្យដឹងថា កាលពីកិច្ចប្រជុំលើកទី២កន្លងទៅ ភាគីសហជីពបានបញ្ចេញតួលេខចំនួន២ គឺស្នើសុំដំឡើងចំនួនជាង ១២ដុល្លារ និងតួលេខមួយទៀត ស្នើសុំដំឡើងជាង ២០ដុល្លារ។ លោកបន្តថា នេះគ្រាន់តែជាតួលេខស្នើសុំក្នុងការពិភាក្សារបស់ក្រុមសហជីពទេ ដោយមិនដឹងថា ភាគីនិយោជកឯកភាពក្នុងចំនួនប៉ុន្មាននោះផងដែរ។សូមរម្លឹកទៀតថា កិច្ចប្រជុំចចារប្រាក់ឈ្នួលអប្បបរមារបស់កម្មករនិយោជិតផ្នែកវាយនភ័ណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប គឺត្រូវផ្អែកគោលការណ៍លក្ខណវិនិច្ឆ័យបែបសង្គម (ស្ថានភាពគ្រួសារ អាត្រាអតិផរណា និងការចំណាយក្នុងការរស់នៅ) និងលក្ខណវិនិច្ឆ័យបែបសេដ្ឋកិច្ច (ផលិតភាព ភាពប្រកួតប្រជែងរបស់ប្រទេស ស្ថានភាពទីផ្សារការងារ និងកម្រិតចំណេញរបស់វិស័យ) ក៏ដូចជាបន្ទាត់ភាពក្រីក្រ សម្រាប់ធ្វើជាមូលដ្ឋានក្នុងការពិភាក្សាប្រាក់ឈ្នួលអប្បបរមានៅកម្ពុជា។ គិតត្រឹមឆ្នាំ២០២៣នេះ ប្រាក់ឈ្នួលអប្បរមាដែលកម្មករនិយោជិតទទួលបាន គឺចំនួន ២០០ដុល្លារអាម៉េរិក ក្នុងមួយខែ។សូមជម្រាបថា តាមរយៈជំនួបជាមួយកម្មករកម្មការិនី កាលពីថ្ងៃទី ២៩ ខែសីហា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានប្រគល់ភារកិច្ចដល់ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ត្រូវប្រជុំដោះស្រាយជាមួយភាគីពាក់ព័ន្ធ ដើម្បីកំណត់ប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ២០២៤ ឱ្យបានរួចរាល់នៅមុនថ្ងៃពិធីបុណ្យភ្ជុំបិណ្ឌនាខែតុលា ខាងមុខនេះ៕អត្ថបទ៖ ឈិត បូរ៉ាវី

និស្សិតរំពឹងថា ជំនួបនានារបស់សម្ដេចធិបតី អំឡុងកិច្ចប្រជុំអាស៊ាននឹងនាំផ្លែផ្កាជាច្រើនដល់កម្ពុជា

ភ្នំពេញ៖ សិស្សនិស្សិត បានបង្ហាញនូវសុទិដ្ឋិនិយម និងក្តីរំពឹងយ៉ាងមុតមាំថា ក្នុងដំណើរចូលរួមកិច្ចប្រជុំកំពូលអាស៊ាន នៅក្នុងប្រទេសឥណ្ឌូនេស៊ីរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ក៏ដូចជាមានជំនួបទ្វេភាគីជាមួយមេដឹកនាំប្រទេសមួយចំនួន នឹងនាំមកនូវផ្លែផ្កាជាច្រើនមកដល់ប្រទេសកម្ពុជា ។ក្រុមនិស្សិតនៃសាកលវិទ្យាល័យភូមិន្ទកសិកម្ម បានលើកឡើងថា ពួកគេជឿជាក់ថា សម្ដេចធិបតី នាយករដ្ឋមន្ត្រី ហ៊ុន ម៉ាណែត នឹងនាំយកសក្ដានុពលផ្សេងៗ ទៅប្រាប់ដល់ប្រទេសអន្តរជាតិទាំងអស់នោះ ពិសេសវិស័យកសិកម្ម ដែលកម្ពុជា កំពុងមានការរីកចម្រើន ក៏ដូចជាការនាំមកនូវការវិនិយោគបន្ថែមពី អ្នកវិនិយោគបរទេស ។ពួកគេ ក៏រំពឹងផងដែរ ចំពោះសម្ដេចធិបតី នឹងពិភាក្សាជាមួយប្រទេស ដែលមានការរីកចម្រើន ទាំងអស់នោះ ក្នុងការផ្ដល់នូវអាហារូបករណ៍បន្ថែមដល់សិស្សនិស្សិតកម្ពុជា ឬពួកគេនឹងផ្ដល់នូវអ្នកជំនាញលើវិស័យនានា មកផ្ដល់ចំណេះដឹងដល់ពលរដ្ឋកម្ពុជា ក្នុងនោះមានវិស័យកសិកម្ម ទេសចរណ៍ ជាដើម ។ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាអ្នកនាំពាក្យរាជរដ្ឋាភិបាល បានមាន ប្រសាសន៍ថា នាឱកាសចូលរួមកិច្ចប្រជុំកំពូល នៅក្នុងក្រុងចាកាតា ប្រទេសឥណ្ឌូនេស៊ី ប្រមុខរាជរដ្ឋាភិបាលកម្ពុជា ដែលជាមេដឹកនាំក្មេងជាងគេ ក្នុងចំណោមមេដឹកនាំនានានោះ គ្រោងជួបពិភាក្សាទ្វេភាគី ជាមួយមេដឹកនាំប្រទេសធំៗជាច្រើន មានដូចជា ចិន ជប៉ុន កូរ៉េខាងត្បូង រុស្ស៊ី ឥណ្ឌា សហរដ្ឋអាមេរិក អូស្ត្រាលី និងនូវែលហ្សេឡង់ ជាដើម ។ ឯកឧត្តម បានបញ្ជាក់ថា នៅមុនពេលចេញដំណើរនេះ សម្តេចធិបតី ហ៊ុន ម៉ាណែត ក៏បានជួប ពិភាក្សាការងាររួចហើយជាមួយតំណាងប្រទេសមហាអំណាចធំៗ ដូចជា ឯកអគ្គរដ្ឋទូតសហភាពអឺរ៉ុបប្រ ចាំកម្ពុជា, គណៈប្រតិភូសភា និងតំណាងរដ្ឋាភិបាលសហរដ្ឋអាមេរិក និងរដ្ឋមន្ត្រីទំនាក់ទំនងអន្តរជាតិ នៃគណៈកម្មាធិការមជ្ឈិមបក្សកុម្មុយនិស្តចិន ជាដើម ៕អត្ថបទ៖ បាន សុខរិទ្ធិ

សម្ដេចតេជោទទួលជួបឯកឧត្តម លីវ ជានឆាវ រដ្ឋមន្ត្រីក្រសួងទំនាក់ទំនង អន្តរជាតិ នៃគណៈកម្មាធិការមជ្ឈិមបក្សកុម្មុយនីស្តចិន

ភ្នំពេញ៖ នៅវិមាន៧មករា ព្រឹកមិញនេះ សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា បានទទួលជួបឯកឧត្តម លីវ ជានឆាវ រដ្ឋមន្ត្រីក្រសួងទំនាក់ទំនង អន្តរជាតិនៃគណៈកម្មាធិការមជ្ឈិមបក្សកុម្មុយនីស្តចិន ។បើតាមសេចក្តីប្រកាសព័ត៌មានរបស់គណបក្សប្រជាជនកម្ពុជាបានឱ្យដឹងថា«គណបក្សប្រជាជនកម្ពុជា និងគណបក្សកុម្មុយនីស្តចិន បន្តពង្រឹងកិច្ចសហប្រតិបត្តិការឆ្ពោះទៅការកសាងសហគមន៍ជោគវាសនារួមកម្ពុជា-ចិន ក្នុងយុគសម័យថ្មី»។សេចក្តីប្រកាស បន្តថា តបតាមការអញ្ជើញរបស់គណបក្សប្រជាជនកម្ពុជា ឯកឧត្តម លីវ ជានឆាវ រដ្ឋមន្ត្រីក្រសួងទំនាក់ទំនង អន្តរជាតិនៃគណៈកម្មាធិការមជ្ឈិមបក្សកុម្មុយនីស្តចិន បានដឹកនាំគណៈប្រតិភូមកបំពេញទស្សនកិច្ចនៅព្រះរាជាណាចក្រកម្ពុជា ចាប់ពីថ្ងៃទី៣ ដល់ថ្ងៃទី៤ ខែកញ្ញា ឆ្នាំ២០២៣។ក្នុងឱកាសទស្សនកិច្ចនេះ ឯកឧត្តម លីវ ជានឆាវ បានជួបសម្តែងការគួរសមចំពោះ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងចំពោះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល ព្រមទាំង បានជួបពិភាក្សាការងារជាមួយ ឯកឧត្តម ប្រាក់ សុខុន សមាជិកគណៈអចិន្ត្រៃយ៍នៃគណៈកម្មាធិការកណ្តាល និងជាប្រធានគណៈទាក់ទងបរទេស។កិច្ចពិភាក្សាបានផ្តោតលើប្រធានបទទ្វេភាគីជាច្រើន ដែលផ្តល់ប្រយោជន៍ទៅវិញទៅមក រួមមាន សភាពការណ៍ក្រោយការបោះឆ្នោតនៅកម្ពុជា ការប្រារព្ធខួបអនុស្សាវរីយ៍លើកទី៦៥ នៃការបង្កើតទំនាក់ទំនង ការទូត និងឆ្នាំមិត្តភាពកម្ពុជា-ចិន និងកិច្ចសហប្រតិបត្តិការរវាងគណបក្សកាន់អំណាចទាំងពីរ។នៅក្នុងឱកាសនៃការប្រារព្ធខួបលើកទី៦៥ នៃទំនាក់ទំនងការទូត និងឆ្នាំមិត្តភាពកម្ពុជា-ចិន ភាគីទាំងពីរបានពិភាក្សាអំពីផែនការសកម្មភាព ដើម្បីជំរុញបន្ថែមទៀតនូវកិច្ចសហប្រតិបត្តិការពហុវិស័យ រួមមានទំនាក់ទំនងនយោបាយ ការទូត ការពង្រីកពាណិជ្ជកម្ម ការសម្របសម្រួលការវិនិយោគ ការលើកកម្ពស់វិស័យទេសចរណ៍ ការផ្លាស់ប្តូរលើវិស័យអប់រំ ការអភិវឌ្ឍវិស័យហេដ្ឋារចនាសម្ព័ន្ធ និងកិច្ចសហប្រតិបត្តិការលើវិស័យសន្តិសុខ។ឯកឧត្តម លីវ ជានឆាវ បានបញ្ជាក់នូវការប្តេជ្ញាចិត្តឥតងាកររបស់ប្រទេសចិនក្នុងការគោរពអធិបតេយ្យ របស់កម្ពុជា និងបានពាំនាំនូវការគាំទ្រយ៉ាងពេញទំហឹងរបស់ ឯកឧត្តមអគ្គលេខាធិការបក្ស ស៊ី ជិនភីង ចំពោះរាជរដ្ឋាភិបាលថ្មី ដែលដឹកនាំដោយគណបក្សប្រជាជនកម្ពុជាក្នុងការជ្រើសរើសមាគ៌ាអភិវឌ្ឍន៍ស្របតាម លក្ខខណ្ឌជាតិរបស់កម្ពុជា។គណបក្សប្រជាជនកម្ពុជា បានបញ្ជាក់សារជាថ្មីពីការប្ដេជ្ញាចិត្តយ៉ាងមោះមុត ក្នុងការបន្តពង្រឹងនិងពង្រីក កិច្ចសហការកសាងសហគមន៍ជោគវាសនារួមកម្ពុជា-ចិន ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់ ព្រមទាំងលើកកម្ពស់ក្របខ័ណ្ឌកិច្ចសហប្រតិបត្តិការត្បូងពេជ្រ ដើម្បីជាផលប្រយោជន៍ទៅវិញទៅមកសម្រាប់ គណបក្ស ប្រទេស និងប្រជាជនទាំងពីរ។គណបក្សប្រជាជនកម្ពុជា បានថ្លែងអំណរគុណយ៉ាងជ្រាលជ្រៅចំពោះការគាំទ្រ និងជំនួយអភិវឌ្ឍន៍ជាច្រើនរបស់ប្រទេសចិន រួមមានការផ្តល់វ៉ាក់សាំងជំងឺកូវីដ-១៩ និងអាហារូបករណ៍ដែលបានចូលរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ច-សង្គម និងហេដ្ឋារចនាសម្ព័ន្ធនៅកម្ពុជា ថែមទាំងបានជួយពង្រឹងការកសាងជាតិនិងចូលរួមកាត់បន្ថយភាពក្រីក្រ។គណបក្សទាំងពីរ បានសម្តែងនូវការពេញចិត្តចំពោះសន្ទុះដ៏រឹងមាំ និងប្រកបដោយថាមវន្តនៃភាពជា ដៃគូយុទ្ធសាស្ត្រគ្រប់ជ្រុងជ្រោយនៃកិច្ចសហប្រតិបត្តិការរវាងប្រទេសទាំងពីរ ដើម្បីវិបុលភាព សន្តិភាព និងការអភិវឌ្ឍលើគ្រប់វិស័យ។គណបក្សទាំងពីរ ប្តេជ្ញាបង្កើនទំនាក់ទំនងគ្រប់ថ្នាក់ គ្រប់ផ្នែក ជាពិសេសអង្គការមហាជន និងយុវជន ព្រមទាំងរួមគ្នាដើម្បីធ្វើឱ្យគម្រោង “ផ្ទះយុវជនសម្រាប់មិត្តភាពកម្ពុជា-ចិន» ដំណើរការបានល្អប្រសើរ។គណបក្សទាំងពីរ បានវាយតម្លៃខ្ពស់អំពីការអនុវត្តយ៉ាងខ្ជាប់ខ្ជួននូវអនុស្សរណៈយោគយល់ស្តីពី កិច្ចសហប្រតិបត្តិការ និងការផ្លាស់ប្តូររវាងគណបក្សទាំងពីរ ដែលត្រូវបានចុះហត្ថលេខាក្រោមអធិបតីភាពរបស់សម្តេចតេជោ ប្រធានគណបក្ស។គណបក្សទាំងពីរ នឹងប្តេជ្ញាបន្តការប្រាស្រ័យទាក់ទងគ្នា ការផ្លាស់ប្តូរ ទស្សនកិច្ច និងការគាំទ្រគ្នាទៅវិញទៅមកក្នុងវេទិកាតំបន់ និងអន្តរជាតិ៕

មេបញ្ជាការកងទ័ពអាកាសអ៊ីរ៉ង់៖យន្តហោះអាមេរិកបានព្រមានបិទដែនអាកាសអ៊ីរ៉ង់ជាច្រើនដង ក្នុងរយៈពេល២ឆ្នាំ

អ៊ីរ៉ង់៖ មេបញ្ជាការយោធាជាន់ខ្ពស់មួយរូប បានថ្លែងថា អ៊ីរ៉ង់បានប្រើប្រាស់យានដ្រូនស្ទាក់ចាប់ Karrar ផលិតក្នុងស្រុករបស់ខ្លួន ដើម្បីព្រមានយន្តហោះអាមេរិកឲ្យចេញពីដែនអាកាសរបស់ប្រទេសនេះ ក្នុងឱកាសជាច្រើនក្នុងរយៈពេលពីរឆ្នាំ កន្លងមកនេះ។នៅក្នុងបទសម្ភាសន៍ជាមួយទីភ្នាក់ងារសារព័ត៌មាន Tasnim ពាក់កណ្តាលផ្លូវការរបស់អ៊ីរ៉ង់ដែលត្រូវបានចេញផ្សាយកាលពីថ្ងៃអាទិត្យ លោក អាលីរីហ្សា អែលហាមី ( Alireza Elhami) មេបញ្ជាការរងនៃកងកម្លាំងការពារដែនអាកាសរបស់កងទ័ពអ៊ីរ៉ង់ បានធ្វើការបញ្ជាក់ ខណៈដែលកំពុងធ្វើអត្ថាធិប្បាយអំពីយានដ្រូននិងសមត្ថភាពការពាររបស់កងទ័ពអាកាស។លោកបាននិយាយថា អ៊ីរ៉ង់បានប្រើប្រាស់យានដ្រូន Karrar ដើម្បីព្រមានយន្តហោះអាមេរិក ក៏ដូចជាយន្តហោះចម្បាំងមកពីប្រទេសផ្សេងទៀត ឲ្យនៅឆ្ងាយពីដែនទឹកភាគខាងត្បូងរបស់ខ្លួន។លោក អែលហាមី បាននិយាយថា ក្នុងឱកាសមួយ យន្តហោះល្បាតដែនសមុទ្រ និងឈ្លបយកការណ៍ Boeing P-8 Poseidon របស់សហរដ្ឋអាមេរិក ត្រូវបានបង្ខំឲ្យផ្លាស់ប្តូរផ្លូវរបស់ខ្លួន បន្ទាប់ពីការព្រមាន ខណៈដែលនៅឱកាសមួយផ្សេងទៀត យានដ្រូន Northrop Grumman RQ-4 Global Hawk របស់សហរដ្ឋអាមេរិក ត្រូវបានព្រមានឲ្យចេញទៅឲ្យឆ្ងាយ៕

ការស្ទង់មតិ៖ ជាងពាក់កណ្តាលនៃប្រជាជនអូស្ត្រាលី ប្រឆាំងការដាក់បញ្ចូលក្រុមប្រឹក្សាជនជាតិដើមភាគតិចនៅក្នុងរដ្ឋធម្មនុញ្ញ

អូស្ត្រាលី៖ ជាងពាក់កណ្តាលនៃប្រជាជនអូស្ត្រាលី មានបំណងបដិសេធការដាក់បញ្ចូលក្រុមប្រឹក្សាជនជាតិដើមភាគតិចនៅក្នុងរដ្ឋធម្មនុញ្ញ ដែលជាការស្ទង់មតិរបស់សារព័ត៌មានមួយបានបង្ហាញនៅថ្ងៃចន្ទ (៤កញ្ញា) នេះ ខណៈរដ្ឋាភិបាលកំពុងជួបផលលំបាកក្នុងការដកការគាំទ្រ ចំពោះសំណើសំខាន់មុនការបោះឆ្នោតក្នុងរយៈពេលប្រហែលប្រាំមួយសប្តាហ៍ខាងមុខនេះ។ការស្ទង់មតិចុងក្រោយបំផុត ដែលធ្វើឡើងសម្រាប់សារព័ត៌មានអូស្ត្រាលី បានបង្ហាញការបន្តធ្លាក់ចុះនៃសំឡេងគាំទ្រសម្រាប់ «សំឡេងទៅកាន់សភា» ដែលជាគណៈកម្មាធិការជនជាតិដើមភាគតិចក្នុងការផ្តល់យោបល់ដល់សភាអំពីបញ្ហាដែលប៉ះពាល់ដល់ពួកគេ ដោយមានអ្នកបោះឆ្នោតត្រឹមតែ៣៨% ដែលមានបំណងគាំទ្រ ខណៈដែលប្រជាជនប្រហែល៥៣% ទៀតមានបំណងជំទាស់នឹងសំណើនោះ។ប្រទេសអូស្ត្រាលី កំពុងប្រឈមមុខនឹងយុទ្ធនាការរយៈពេលប្រាំមួយសប្តាហ៍ មុនពេលបោះឆ្នោតប្រជាមតិនៅថ្ងៃទី១៤ ខែតុលា នៅពេលដែលនឹងត្រូវបានសួរថា តើពួកគេគាំទ្រការកែប្រែរដ្ឋធម្មនុញ្ញដើម្បីបង្កើតគណៈកម្មាធិការជនជាតិដើមភាគតិច ដើម្បីផ្តល់យោបល់ដល់សភាសហព័ន្ធ ឬយ៉ាងណា។ការបោះឆ្នោតប្រជាមតិ ទាមទារសំឡេងជាតិភាគច្រើន ក៏ដូចជាសំឡេងភាគច្រើននៅក្នុងរដ្ឋយ៉ាងតិច៤ក្នុងចំណោមរដ្ឋទាំង៦ ដើម្បីផ្លាស់ប្តូររដ្ឋធម្មនុញ្ញបាន។ ចាប់តាំងពីការទទួលបានឯករាជ្យរបស់អូស្ត្រាលីក្នុងឆ្នាំ១៩០១មក មានតែសំណើចំនួន៨ប៉ុណ្ណោះក្នុងចំណោម៤៤សំណើសម្រាប់ការផ្លាស់ប្តូររដ្ឋធម្មនុញ្ញ ត្រូវបានអនុម័ត៕

បណ្ដាញសង្គម

ព័ត៌មានថ្មីៗ

មន្រ្តីជាន់ខ្ពស់ក្រសួងសង្គ្រាមអាមេរិកទៅទស្សនាប្រាសាទអង្គវត្ត បង្ហាញអំពីការគោរពគ្នាទៅវិញទៅមកចំពោះអធិបតេយ្យភាព និងបេតិកភណ្ឌវប្បធម៌កម្ពុជា និងអាមេរិក

ករណីលិចទូកនៅកោះប្រាក់៖ មនុស្ស ៣នាក់បាត់ខ្លួន រកមិនទាន់ឃើញ

ប្រធានក្រុមការងារចុះមូលសង្កាត់ដង្កោ ជំរុញដល់អាជ្ញាធរមូលដ្ឋាន ផ្ដល់សេវាឱ្យបានល្អដល់ប្រជាពលរដ្ឋ

ប្រជានេសាទអេក្វាឌ័រ ប្រឈមគ្រោះថ្នាក់២ គឺក្រុមជួយដូរគ្រឿងញៀន និងការវាយប្រហាររបស់អាមេរិក

បញ្ជូនជនជាតិចិន ៤នាក់ទៅសាលាដំបូងខេត្តព្រះសីហនុ ពាក់ព័ន្ធករណី ONLINE SCAMS

ចំនួនមនុស្សស្លាប់សរុបដោយសារគ្រោះមហន្តរាយលិចនាវាចម្លងនៅហ្ស៊ីមបាវ៉េ កើនឡើងដល់ ៧២នាក់

យន្តហោះចម្បាំងរបស់អង្គការណាតូបាញ់ទម្លាក់យានដ្រូនដែលរំលោភលើដែនអាកាសរបស់ប្រទេសរ៉ូម៉ានី

កាតាច្រានចោលការអះអាងរបស់ទីក្រុងតេអេរ៉ង់ថា ពួកគេបានឃាត់ខ្លួនអ្នកបើកបរយន្តហោះទម្លាក់គ្រាប់បែកអ៊ីរ៉ង់

មេដឹកនាំក្រុមហាម៉ាស ធ្វើដំណើរទៅកាន់ទីក្រុងគែ ប្រទេសអេហ្ស៊ីប សម្រាប់កិច្ចប្រជុំស្តីពីតំបន់ហ្កាហ្សា

សម្ដេចតេជោ ហ៊ុន សែន សរសើរលោកស្រី កឹម មនោវិទ្យា ថាពិតជាធនធានដ៏ល្អសម្រាប់ជាតិ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អាណាព្យាបាលវេចខ្ចប់ម្ហូបអាហារសម្រាប់កូនទៅរៀន ដើម្បីលើកកម្ពស់សុវត្ថិភាពសុខភាព

មន្ត្រីផែនការ-សង្គមស៊ីវិលសហការសម្ភាសន៍អ្នកបម្រើការទេសចរណ៍ក្រៅប្រព័ន្ធ ដើម្បីផ្តល់បណ្ណក្រីក្រ

ប្រទេសទួរគី និងអ៊ីស្រាអែលពិភាក្សាគ្នាអំពីការនាំចេញឧស្ម័នធម្មជាតិ ដោយសម្លឹងឃើញអឺរ៉ុប

ក្រសួងការងារ បន្តបើកកិច្ចចចារប្រាក់ឈ្នួលអប្បបរមាកម្មករកាត់ដេរជាលើកទី៣ នាថ្ងៃនេះ

និស្សិតរំពឹងថា ជំនួបនានារបស់សម្ដេចធិបតី អំឡុងកិច្ចប្រជុំអាស៊ាននឹងនាំផ្លែផ្កាជាច្រើនដល់កម្ពុជា

មេបញ្ជាការកងទ័ពអាកាសអ៊ីរ៉ង់៖យន្តហោះអាមេរិកបានព្រមានបិទដែនអាកាសអ៊ីរ៉ង់ជាច្រើនដង ក្នុងរយៈពេល២ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អាណាព្យាបាលវេចខ្ចប់ម្ហូបអាហារសម្រាប់កូនទៅរៀន ដើម្បីលើកកម្ពស់សុវត្ថិភាពសុខភាព

មន្ត្រីផែនការ-សង្គមស៊ីវិលសហការសម្ភាសន៍អ្នកបម្រើការទេសចរណ៍ក្រៅប្រព័ន្ធ ដើម្បីផ្តល់បណ្ណក្រីក្រ

ប្រទេសទួរគី និងអ៊ីស្រាអែលពិភាក្សាគ្នាអំពីការនាំចេញឧស្ម័នធម្មជាតិ ដោយសម្លឹងឃើញអឺរ៉ុប

ក្រសួងការងារ បន្តបើកកិច្ចចចារប្រាក់ឈ្នួលអប្បបរមាកម្មករកាត់ដេរជាលើកទី៣ នាថ្ងៃនេះ

និស្សិតរំពឹងថា ជំនួបនានារបស់សម្ដេចធិបតី អំឡុងកិច្ចប្រជុំអាស៊ាននឹងនាំផ្លែផ្កាជាច្រើនដល់កម្ពុជា

មេបញ្ជាការកងទ័ពអាកាសអ៊ីរ៉ង់៖យន្តហោះអាមេរិកបានព្រមានបិទដែនអាកាសអ៊ីរ៉ង់ជាច្រើនដង ក្នុងរយៈពេល២ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍