BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

នយោបាយ និង ការអភិវឌ្ឍន៍

អ្នកប្រយុទ្ធក្រុមហ៊ុន Wagner ខឹងសម្បារនិងប្តេជ្ញាសងសឹកបន្ទាប់ពីមេដឹកនាំរបស់ពួកគេស្លាប់

រុស្ស៊ី៖ កងកម្លាំងក្រុមហ៊ុនទាហានស៊ីឈ្នួល Wagner កំពុងខឹងសម្បាប្រឆាំងជនក្បត់ជាតិរុស្ស៊ី និងកំពុងរៀបចំផែនការសងសឹកបន្ទាប់ពីការស្លាប់ជាក់ស្តែងរបស់មេដឹកនាំពួកគេគឺលោក Yevgeny Prigozhin ក្នុងឧបទ្ទវហេតុធ្លាក់យន្តហោះកាលពីថ្ងៃពុធ។ សេចក្តីថ្លែងការណ៍ដែលបានបង្ហោះកាលពីយប់មិញដោយ Grey Zone ជាគណនីតេឡេក្រាមជិតស្និទ្ធនឹងមេដឹកនាំក្រុមហ៊ុនទាហានស៊ីឈ្នួលWagner បានបង្ហាញការខឹងសម្បា។ សេចក្តីថ្លែងការណ៍និយាយថា ប្រធានក្រុមហ៊ុន Wagner ជាវីរបុរសរបស់ប្រទេសរុស្ស៊ីជាអ្នកស្នេហាជាតិពិតប្រាកដនៃប្រទេសរបស់លោក ដែលលោក Yevgeny Viktorovich Prigozhin បានស្លាប់ដោយសារសកម្មភាពរបស់ជនក្បត់ចំពោះប្រទេសរុស្ស៊ី។វាពុំច្បាស់ថាអ្វីដែលនាំទៅដល់ការធ្លាក់យន្តហោះនោះទេ ប៉ុន្តែវាត្រូវបានគេយល់ដឹងជាទូទៅថាជាការធ្វើឃាតដោយអាជ្ញាធររុស្ស៊ី ជាការវាយតម្លៃដែលគណនី Grey Zone ហាក់ដូចជាយល់ស្រប។ អង្គភាពសេវាព័ត៌មានរុស្ស៊ីឯករាជ្យ Mozhem Obysanit បានរាយការណ៍ថា អតីតអ្នកក្រោមបង្គាប់ក្រុមហ៊ុន Wagner និងអ្នកគាំទ្ររបស់របស់លោក Prigozhin កំពុងដាក់បណ្តាសា ប្រធានាធិបតីរុស្ស៊ី លោក Vladimir Putin និងរដ្ឋមន្ត្រីការពារជាតិលោក Sergei Shoigu ព្រមទាំងគំរាមសងសឹកលើពួកគេ។លោក Prigozhin ទំនងជាត្រូវបានសម្លាប់នៅពេលដែលយន្តហោះរបស់លោកបានធ្លាក់ក្នុងផ្លូវធ្វើដំណើរទៅកាន់ទីក្រុង St. Petersburg កាលពីថ្ងៃពុធ ដែលមានរយៈពេលពីរខែបន្ទាប់ពីមានការបះបោររយៈពេលខ្លីប្រឆាំងក្រសួងការពារជាតិរុស្ស៊ី។ វិទ្យាស្ថានសម្រាប់ការសិក្សាអំពីសង្រ្គាមនៅក្នុងទីក្រុងវ៉ាស៊ីនតោនឌីស៊ី បានចាត់ទុកការធ្លាក់យន្តហោះនេះថាជា «ការធ្វើឃាត» និងជាចុងបញ្ចប់នៃកិច្ចខិតខំប្រឹងប្រែងរបស់រុស្ស៊ីដើម្បីបំផ្លាញក្រុមហ៊ុនទាហានស៊ីឈ្នួល Wagner ៕

កូរ៉េខាងជើងប្តេជ្ញាវិធានការដ៏លើសលប់ និងគ្រោងទុកជាមុន បន្ទាប់ពីកិច្ចប្រជុំកំពូលរវាងសហរដ្ឋអាមេរិក កូរ៉េខាងត្បូង និងជប៉ុន

កូរ៉េខាងជើង៖ មន្ត្រីការពារជាតិជាន់ខ្ពស់មួយរូប បាននិយាយថា ប្រទេសកូរ៉េខាងជើង បានរិះគន់កិច្ចប្រជុំមួយនៅវិមានសម្រាកលំហែCamp David ក្នុងចំណោមសហរដ្ឋអាមេរិក កូរ៉េខាងត្បូង និងជប៉ុនថា ជា«កំណែទម្រង់អាស៊ីនៃអង្គការណាតូ»ហើយបានប្តេជ្ញាចាត់វិធានការ«លើសលប់និងគ្រោងទុកមុន»ប្រឆាំងនឹងសម្ព័ន្ធភាពត្រីភាគីនេះ។កាលពីថ្ងៃព្រហស្បតិ៍ នៅថ្ងៃដដែលនោះ ប្រទេសកូរ៉េខាងជើង បានបរាជ័យក្នុងការបាញ់បង្ហោះផ្កាយរណបចារកម្មជាលើកទីពីរក្នុងរយៈពេលបីខែ ដោយរដ្ឋមន្ត្រីការពារជាតិកូរ៉េខាងជើងលោក កាង ស៊ុនណាម (Kang Sun Nam) បានចោទប្រកាន់មេដឹកនាំទីក្រុងវ៉ាស៊ីនតោន សេអ៊ូល និងតូក្យូថាមាន «មហិច្ឆតាលោភលន់ ដើម្បីគ្រប់គ្រងពិភពលោក» នេះបើយោងតាមទីភ្នាក់ងារសារព័ត៌មានកណ្តាលកូរ៉េ។បន្ទាប់មក លោកបាននិយាយថា ប្រទេសកូរ៉េខាងជើង នឹងមិនអត់ឲ្យចំពោះទង្វើអរិភាពយោធាប្រឆាំងនឹងរដ្ឋរបស់យើងទាល់តែសោះ ហើយ[នឹង]ចាត់វិធានការដ៏លើសលប់ និងគ្រោងទុកជាមុន ជាការឆ្លើយតបទៅនឹងកិច្ចប្រជុំនេះ នេះបើយោងតាមកាសែតកូរ៉េខាងត្បូង Kyunghyang Shinmun (ក្យុងយ៉ាង ស៊ីនមុន)។លោកកាង បានបន្ថែមថា«ឆន្ទៈ និងការប្តេជ្ញាចិត្តរបស់យើងក្នុងការអនុវត្តនេះ គឺពិតជាមិនផ្លាស់ប្តូរ»៕

នាយករដ្ឋមន្ត្រីឥណ្ឌា លោក ម៉ូឌី គូសបញ្ជាក់ពីការព្រួយបារម្ភជាមួយប្រធានាធិបតីចិន លោកស៊ីលើបញ្ហាព្រំដែន

ឥណ្ឌា៖ លេខានៃក្រសួងការបរទេសឥណ្ឌា បាននិយាយថា នាយករដ្ឋមន្ត្រីឥណ្ឌាលោកណារិនដ្រា ម៉ូឌី ( Narendra Modi) បានថ្លែងទៅកាន់ប្រធានាធិបតីចិន លោកស៊ី ជីនពីង ( Xi Jinping) នៅក្រៅវេទិកាកិច្ចប្រជុំកំពូលប្រ៊ីក(BRICS) នៅទីក្រុងចូហាននេប៊ើក(Johannesburg) ហើយបានលើកឡើងពីការព្រួយបារម្ភរបស់ឥណ្ឌាអំពីបញ្ហាព្រំដែនតាមខ្សែបន្ទាត់នៃការគ្រប់គ្រងជាក់ស្តែង(LAC)។លេខានៃក្រសួងការបរទេស លោក វីណាយ ក្វាត្រា (Vinay Kwatra) បាននិយាយថា លោក ម៉ូឌី និង លោក ស៊ី បានយល់ព្រម«ដឹកនាំក្រុមមន្ត្រីពាក់ព័ន្ធរបស់ពួកគេ ឲ្យបង្កើនកិច្ចខិតខំប្រឹងប្រែងក្នុងការដកថយពីខ្សែបន្ទាត់នៃការគ្រប់ជាក់ស្តែងនោះ និងបន្ធូរបន្ថយភាពតានតឹងឲ្យបានឆាប់។ ទំនាក់ទំនងរវាងប្រទេសជិតខាងប្រដាប់អាវុធនុយក្លេអ៊ែរទាំងពីរ មានភាពជូរចត់អស់រយៈពេលជាង៣ឆ្នាំបន្ទាប់ពីទាហានពីភាគីទាំងពីរ បានប៉ះទង្គិចគ្នានៅព្រំដែនហិម៉ាឡៃ ក្នុងខែមិថុនា ឆ្នាំ២០២០ ដែលបាន បណ្តាលឲ្យមនុស្ស ២៤នាក់ស្លាប់។ខណៈពេលដែលស្ថានភាពនៅលើព្រំដែនប្រវែងជិត ៣.000 គីឡូម៉ែត្រ (១.៨៦០ ម៉ាយ) បានស្ងប់ស្ងាត់ចាប់តាំងពីពេលនោះមក ការប្រឈមមុខដាក់គ្នា នៅបន្តនៅក្នុងតំបន់ពីរបីប៉ុណ្ណោះ។លោកក្វាត្រា បាននិយាយថា នៅខាងក្រៅវិទិកាកិច្ចប្រជុំកំពូលប្រ៊ិក(BRICS) លោកម៉ូឌី បានថ្លែងបញ្ជាក់ទៅកាន់លោកស៊ីអំពីក្តីបារម្ភរបស់ឥណ្ឌាលើបញ្ហាដែលមិនទាន់បានដោះស្រាយនៅតាមបណ្តោយព្រំដែនតាមខ្សែបន្ទាត់នៃការគ្រប់គ្រងជាក់ស្តែង(LAC)៕

ចិន ជំរុញឲ្យអាមេរិក លុបចោលកិច្ចព្រមព្រៀងលក់អាវុធឲ្យកោះវ៉ាត់ជាបន្ទាន់

ចិន៖ អ្នកនាំពាក្យក្រសួងការបរទេសចិនបាននិយាយកាលពីថ្ងៃព្រហស្បតិ៍ថា ប្រទេសចិនមិនពេញចិត្តយ៉ាងខ្លាំង និងប្រឆាំងដាច់ខាតចំពោះគម្រោងលក់អាវុធរបស់សហរដ្ឋអាមេរិកទៅឲ្យកោះតៃវ៉ាន់ ហើយជំរុញឲ្យសហរដ្ឋអាមេរិកលុបចោលការសម្រេចចិត្តរបស់ខ្លួនជាបន្ទាន់។ យោងតាមរបាយការណ៍ប្រព័ន្ធផ្សព្វផ្សាយ ក្រសួងការបរទេសសហរដ្ឋអាមេរិក បានអនុម័តការលក់ប្រព័ន្ធស្រាវជ្រាវ និងតាមដានសម្រាប់យន្តហោះចម្បាំង F-16 និងឧបករណ៍ផ្សេងៗទៀត ទៅឲ្យកោះតៃវ៉ាន់ក្នុងទំហំទឹកប្រាក់ ៥០០លានដុល្លារអាមេរិក ។អ្នកនាំពាក្យក្រសួងការបរទេសចិន លោក វ៉ាងវិនប៊ីន (Wang Wenbin) បាននិយាយថា ការលក់គ្រឿងសព្វាវុធរបស់សហរដ្ឋអាមេរិកទៅកាន់តំបន់តៃវ៉ាន់របស់ប្រទេសចិន បានបំពានយ៉ាងធ្ងន់ធ្ងរលើគោលការណ៍ចិនតែមួយ និងខ្លឹមសារដែលបានចែងនៃសេចក្តីប្រកាសរួមចំនួនបីរវាងចិន-អាមេរិក ជាពិសេសសេចក្តីថ្លែងការណ៍ថ្ងៃទី១៧ ខែសីហា ឆ្នាំ ១៩៨២ ។ ការលក់នេះក៏បំពានលើច្បាប់អន្តរជាតិ និងបទដ្ឋានជាមូលដ្ឋានដែលគ្រប់គ្រងទំនាក់ទំនងអន្តរជាតិ ផងដែរ ដែលបំផ្លាញអធិបតេយ្យភាព និងផលប្រយោជន៍សន្តិសុខរបស់ប្រទេសចិន និងធ្វើឲ្យប៉ះពាល់ដល់សន្តិភាព និងស្ថិរភាពនៅទូទាំងច្រកសមុទ្រតៃវ៉ាន់។ លោក Wang បាននិយាយថា៖ កិច្ចព្រមព្រៀងនេះបញ្ជូនសញ្ញាខុសធ្ងន់ធ្ងរដល់កងកម្លាំងបំបែកខ្លួនតៃវ៉ាន់ដែលកំពុងស្វែងរកឯករាជ្យភាព។ លោកបាននិយាយថា តៃវ៉ាន់គឺជាផ្នែកមួយដែលមិនអាចកាត់ផ្តាច់បាននៃទឹកដីរបស់ចិន។ លោកបានចង្អុលបង្ហាញថា បញ្ហាតៃវ៉ាន់ គឺជាកិច្ចការផ្ទៃក្នុងរបស់ចិនសុទ្ធសាធ ដែលមិនមានការជ្រៀតជ្រែកពីបរទេសឡើយ៕

អាជ្ញាធរថៃនឹងសម្រួលដោះលែងពលរដ្ឋខ្មែរធ្វើការខុសច្បាប់ចំនួន៥នាក់ នៅថ្ងៃអង្គារសប្តាហ៍ក្រោយ

អាជ្ញាធរថៃនឹងសម្របសម្រួលដោះលែងពលរដ្ឋខ្មែរចំនួន៥ដាក់ដែលធ្វើការខុសច្បាប់ នៅប្រទេសថៃឱ្យវិលមកកម្ពុជាវិញ នៅថ្ងៃអង្គារសប្តាហ៍ក្រោយ បន្ទាប់ពីមានការជួយសម្របសម្រួលពីអនុព័ន្ធការងារកម្ពុជា និងស្ថានទូតកម្ពុជា។សូមបញ្ជាក់ថា អាជ្ញាធរថៃ កាលពីថ្ងៃទី១៩ ខែសីហានេះ បានចាប់ខ្លួនពលរដ្ឋខ្មែរចំនួន៥នាក់ ដែលកំពុងប្រកបរបររកស៊ីដែលច្បាប់ប្រទេសថៃហាមឃាត់។ ភ្លាមៗ ស្ថានទូតខ្មែរប្រចាំប្រទេសថៃ បានឱ្យអនុព័ន្ធការងារចេញទៅដោះសា្រយ និងសប្រសម្រួលនិងស្វែងយល់ពីបញ្ហាដើម្បីស្វែងរកការដោះស្រាយ។ អនុព័ន្ធការងារប្រចាំស្ថានទូត បានប្រាប់អ្នកសារព័ត៌មានថា ក្រោមការសម្របសម្រួលដ៏ជិតស្និទរវាងប្រទេសជិតខាងទាំងពីរ អាជ្ញាធបានអនុញ្ញាតឱ្យពលរដ្ឋខ្មែរទាំង៥រូបអាចវិលមកកាន់កម្ពុជា នៅថ្ងៃទី២៩ ខែសីហា ឆ្នាំ២០២៣សប្តាហ៍ក្រោយនេះ។ ទន្ទឹមនឹងនេះ លោកបានអំពាវនាវឱ្យពលរដ្ឋខ្មែរដែលចង់ធ្វើនៅប្រទេស សូមចូលធ្វើជាពលករស្របច្បាប់ ទៅតាមទីភ្នាក់ងារក្រុមហ៊ុនដែលក្រសួងការងារទទួលស្គាល់ជាផ្លូវការព្រោះការធ្វើការដោយមិនស្របច្បាប់មានភាពប្រថុយប្រថាន និងគ្រោះថ្នាក់និងបាត់បង់អត្ថប្រយោជន៍ ប៉ុន្តែការបម្រើការងារស្របច្បាប់វិញមិនធ្វើឱ្យពលរដ្ឋខ្មែរមានហានិភ័យការងារ និងទទួលបានអត្ថប្រយោជន៍របស់ប្រទេសជាដៃគូ។ លោកបន្តថា ស្ថានទូតខ្មែរ និងអនុព័ន្ធការងារកម្ពុជានៅប្រទេសថៃ មិនបានព្រងើយកន្តើយចំពោះសុខទុក្ខរបស់ពលរដ្ឋដែលប្រឈមនឹងបញ្ហាឡើយ។ បន្ថែមមពីនេះ អនុព័ន្ធការងារកកម្ពុជាប្រចាំប្រទេសថៃ បានអំពាវនាវ បងប្អូនប្រជាពលរដ្ឋដែលមានបំណងទៅធ្វើការនៅបរទេសដោយស្របច្បាប់ និងសុវត្ថិភាពការងារ ព្រមទាំងទទួលអត្ថប្រយោជន៍ផ្សេងៗស្របទៅតាមច្បាប់នៅប្រទេសទទួល ដូចនេះពលរដ្ឋខ្មែរយើងអាចចុះឈ្មោះទៅធ្វើការតាមរយៈទីភ្នាក់ងារជ្រើសរើសឯកជនទទួលការអនុញ្ញាតពីក្រសួងការងារ និងបណ្ដុះបណ្ដាលវិជ្ជាជីវៈ និងគណៈកម្មាធិការបណ្ដុះបណ្ដាល និងបញ្ជូនពលករទៅបរទេស៕

លោក Putin និយាយទម្លាយពីលោក Prigozhin បន្ទាប់ពីការធ្លាក់យន្តហោះ

រុស្ស៊ី៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃព្រហស្បតិ៍ បាននិយាយលើកឡើងលើកដំបូង អំពីការធ្លាក់យន្តហោះ ដែលបានសម្លាប់ប្រធានក្រុមហ៊ុនទាហានស៊ីឈ្នួល លោក Yevgeny Prigozhin កាលពីមួយថ្ងៃមុន។ លោក Prigozhin ជាស្ថាបនិកនៃកងជីវពលក្រុមហ៊ុនឯកជន Wagner ត្រូវបានចុះបញ្ជីជាអ្នកដំណើរនៅលើយន្តហោះឯកជនមួយគ្រឿងដែលបានធ្លាក់នៅភាគខាងជើងទីក្រុងមូស្គូ បណ្តាលឲ្យមនុស្សទាំងអស់នៅលើយន្តហោះស្លាប់។ លោកជាឥស្សរជនដ៏មានឥទ្ធិពល ដែលបានរិះគន់ចំណាត់ការរបស់រុស្ស៊ីចំពោះសង្រ្គាមរបស់ខ្លួននៅអ៊ុយក្រែន ហើយកាលពីពីរខែមុន បានដឹកនាំការប៉ះបោមួយដ៏ភ្ញាក់ផ្អើលរយៈពេលខ្លីប្រឈមជាមួយលោកPutin។ លោក ប្រធានាធិបតី កាលពីថ្ងៃព្រហស្បតិ៍បានសម្តែងការចូលរួមរំលែកទុក្ខដល់គ្រួសាររបស់លោក Prigozhin ។ លោកបាននិយាយថា លោកបានស្គាល់លោក Prigozhin តាំងពីទសវត្សរ៍ឆ្នាំ ១៩៩០ ដោយចាត់ទុកលោកថាជាអ្នកជំនួញមានទេពកោសល្យ ហើយលោកPutin ទន្ទឹងរង់ចាំមើលអ្វីដែលអ្នកស៊ើបអង្កេតដឹងពីបំណែកយន្តហោះនោះ។ មូលហេតុនៃការធ្លាក់យន្តហោះនេះនៅពុំទាន់ដឹងនៅឡើយ។ មន្ត្រីអាមេរិកពីរនាក់ដែលនិយាយក្នុងលក្ខខណ្ឌមិនបញ្ចេញឈ្មោះបានប្រាប់សារព័ត៌មាន Reuters ថា យន្តហោះប្រហែលជាត្រូវបានបាញ់ទម្លាក់ដោយមីស៊ីលបាញ៉ពីដីទៅអាកាស ដែលបានបាញ់នៅខាងក្នុងប្រទេសរុស្ស៊ី។ ប៉ុន្តែក្រោយមក មន្ទីរបញ្ចកោណបានច្រានចោលការកត់សំគាល់នេះ។ យើងពុំមានព័ត៌មានណាមួយដើម្បីបញ្ជាក់នោះទេនៅពេលនេះ ដែលសេចក្តីរាយការណ៍របស់សារព័ត៌មានបញ្ជាក់ថា មានប្រភេទមីស៊ីលបាញ់ពីដីទៅអាកាស បានបាញ់ទម្លាក់យន្តហោះ។ យើងវាយតម្លៃថាព័ត៌មាននោះមិនត្រឹមត្រូវទេ។ ការស្លាប់របស់លោក Prigozhin កើតឡើងបន្ទាប់ពីមេបញ្ជាការទាហានស៊ីឈ្នួលរូបនេះបានដឹកនាំអ្នកប្រយុទ្ធពីកងជីវពលឯកជនក្រុមហ៊ុន Wagner របស់លោកដើម្បីដណ្តើមកាន់កាប់ទីក្រុង Rostov របស់រុស្ស៊ី ហើយបើករថយន្តទៅភាគខាងជើងឆ្ពោះទៅកាន់ទីក្រុងមូស្គូ មុនពេលត្រលប់មកវិញ។ ជាក់ស្តែង លោក Prigozhin បានក្លាយជាអ្នករិះគន់យ៉ាងខ្លាំងចំពោះប្រតិបត្តិការ ដែលពួកគេហៅថាប្រតិបត្តិការសិកពិសេសនៅអ៊ុយក្រែន៕

ក្រុមអ្នកជំនាញ៖ នយោបាយ និងវិទ្យាសាស្ត្រ ប៉ះទង្គិចគ្នាក្នុងភាពចម្រូងចម្រាសលើផែនការបញ្ចេញទឹក ហ្វ៊ូគូស៊ីម៉ារបស់ជប៉ុន

ជប៉ុន៖ ក្រុមអ្នកជំនាញនៅតែខ្វែងគំនិតគ្នាលើការសម្រេចរបស់ប្រទេសជប៉ុន ក្នុងការគ្រប់គ្រងទឹកសំណល់ពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដាយអ៊ីឈី ដែលបានខូចខាត ដោយការបញ្ចេញសំណល់ទឹកនោះទៅក្នុងមហាសមុទ្រប៉ាស៊ីហ្វិក ខណៈដែលប្រតិបត្តិការបានចាប់ផ្តើមកាលពីថ្ងៃព្រហស្បតិ៍ (២៤ សីហា)។ខណៈពេលដែលអ្នកខ្លះបាននិយាយថា នេះគឺជាការអនុវត្តធម្មតារបស់រោងចក្រនុយក្លេអ៊ែរនៅទូទាំងពិភពលោក ហើយបានចាត់ទុកភាពចម្រូងចម្រាសទៅជាបញ្ហានយោបាយ អ្នកផ្សេងទៀត បាននិយាយថា កត្តាមិនច្បាស់លាស់ជាច្រើននៅតែមាន ហើយថាជម្រើសវិទ្យាសាស្រ្តនោះ មិនត្រូវបានគេពិចារណាឱ្យបានគ្រប់គ្រាន់នោះទេ។ ប្រទេសជប៉ុនបានប្រកាសពីដំណើរឆ្ពោះទៅមុខនៃផែនការរបស់ខ្លួន កាលពីថ្ងៃអង្គារ ដោយជំរុញឱ្យមានប្រតិកម្មតបតពីប្រទេសជិតខាងក្នុងតំបន់របស់ខ្លួន រួមទាំងការហាមឃាត់ការនាំចូលអាហារសមុទ្រពី ប្រទេសចិន ព្រមទាំងទីក្រុងហុងកុង និងម៉ាកាវ ដែលជាទីផ្សារអាហារសមុទ្រធំជាងគេទីពីរបន្ទាប់ពីប្រទេសចិនដីគោកផងដែរ។ការបង្ហូរសំណល់ទឹកសំណល់វិទ្យុសកម្មពីរោងចក្រនុយក្លេអ៊ែរ ហ្វ៊ូគូស៊ីម៉ា របស់ប្រទេសជប៉ុន ធ្វើឡើងស្របពេលមានការរិះគន់ និងបម្រាមនាំចេញអាហារសមុទ្រ បន្ថែមពីលើនោះ ក្រុមបាតុករជប៉ុនរាប់សិបនាក់ សកម្មជនកូរ៉េខាងត្បូង និងប្រជាជនហុងកុង បានប្រមូលផ្តុំគ្នាតវ៉ាចំពោះការបញ្ចេញសំណល់ទឹកវិទ្យុសកម្ម ដែលត្រូវបានធ្វើប្រព្រឹត្តកម្មរួច ចេញពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដែលបានខូចខាត ចូលទៅក្នុងមហាសមុទ្រប៉ាស៊ីហ្វិកមួយនេះផងដែរ៕

មហាអំណាច G7 ថ្កោលទោសការបាញ់បង្ហោះផ្កាយរណបបរាជ័យរបស់កូរ៉េខាងជើង

G7៖ បណ្ដារដ្ឋមន្ត្រីការបរទេសមកពីក្រុមប្រទេសប្រជាធិបតេយ្យស្តុកស្តម្ភទាំង៧ឬG7 បានថ្កោលទោសចំពោះការបរាជ័យរបស់កូរ៉េខាងជើង ក្នុងការបាញ់បង្ហោះផ្កាយរណបចារកម្មកាលពីថ្ងៃព្រហស្បតិ៍ (២៤ សីហា) ដោយលើកហេតុផលថា កូរ៉េខាងជើងបានប្រើប្រាស់បច្ចេកវិទ្យាមីស៊ីលបាលិស្ទិកដែលត្រូវបានហាមឃាត់។ នៅក្នុងសេចក្តីថ្លែងការណ៍រួមមួយ ចក្រភពអង់គ្លេស កាណាដា បារាំង អាល្លឺម៉ង់ អ៊ីតាលី ជប៉ុន សហរដ្ឋអាមេរិក និងសហភាពអឺរ៉ុប បាននិយាយថា ទង្វើរបស់កូរ៉េខាងជើង «បង្កការគំរាមកំហែងយ៉ាងធ្ងន់ធ្ងរដល់សន្តិភាព និងស្ថិរភាពក្នុងតំបន់ និងអន្តរជាតិ»។ការប៉ុនប៉ងលើកទី២ របស់កូរ៉េខាងជើងក្នុងការដាក់ផ្កាយរណបមេឃនៅលើគន្លងគោចរ បានបរាជ័យកាលពីថ្ងៃព្រហស្បតិ៍ គឺរយៈពេលបីខែបន្ទាប់ពីការបាញ់បង្ហោះលើកដំបូងបានធ្លាក់ចូលទៅក្នុងមហាសមុទ្រ។ រដ្ឋផ្តាច់ការដែលប្រដាប់ដោយអាវុធនុយក្លេអ៊ែរមួយនេះ បាននិយាយបន្ទាប់មកថា ខ្លួននឹងព្យាយាមបាញ់បង្ហោះម្តងទៀតនៅក្នុងខែតុលា។ផ្កាយរណបនេះ ត្រូវបានគេបញ្ជូនទៅកាន់គន្លងតារាវិថីក្នុងរ៉ុកែតជាដំណាក់កាលមួយ ដែលប្រើប្រាស់បច្ចេកវិទ្យាដូចគ្នានឹងមីស៊ីលបាលិស្ទិក ដែលទីក្រុងព្យុងយ៉ាងត្រូវបានហាមឃាត់មិនឱ្យអភិវឌ្ឍ ក្រោមការសម្រេចរបស់អង្គការសហប្រជាជាតិ។ អគ្គលេខាធិការអង្គការសហប្រជាជាតិ លោក Antonio Guterres ក្រោយមកបានចេញសេចក្តីថ្លែងការណ៍មួយ តាមរយៈអ្នកនាំពាក្យរបស់លោក ដោយនិយាយថា លោក «ថ្កោលទោសយ៉ាងខ្លាំងក្លាចំពោះការប៉ុនប៉ងបាញ់បង្ហោះផ្កាយរណបយោធាមួយផ្សេងទៀតរបស់កូរ៉េខាងជើង»៕

លោក Trump ត្រូវបានដោះលែងក្រោយបង់ប្រាក់ធានាខ្លួន បន្ទាប់ពីប្រគល់ខ្លួនឲ្យក្រុមអាជ្ញាធរ ពន្ធនាគាររដ្ឋចចា ពាក់ព័ន្ធការបង្វែរលទ្ធផលឆ្នោត២០២០

អាមេរិក៖ អតីតប្រធានាធិបតីសហរដ្ឋអាមេរិក លោក Donald Trump បានប្រគល់ខ្លួនឲ្យក្រុមអាជ្ញាធរក្នុងពន្ធនាគារស្រុក ហ្វាល់តុន (Fulton ) ក្នុងរដ្ឋចចា (Georgia) ពាក់ព័ន្ធបទចោទប្រកាន់នានា ដែលចោទប្រកាន់លើរូបលោកពីបទរៀបចំផែនការខុសច្បាប់ក្នុងការបង្វែរលទ្ធផលឆ្នោត របស់លោកដែលបានបរាជ័យកាលពីឆ្នាំ២០២០។ លោក Donald Trump បានក្លាយជាអតីតប្រធានាធិបតីអាមេរិកដំបូងដែលត្រូវបានថតរូបនៅពន្ធនាគារ។ការថតរូបនៅពន្ធនាគារជាផ្លូវការរបស់លោក Donald Trump ត្រូវបានបញ្ចេញកាលពីល្ងាចថ្ងៃព្រហស្បតិ៍ទី២៤សីហា សប្ដាហ៍នេះ បន្ទាប់ពីលោកត្រូវបានសរសេរកំណត់ហេតុនៅពន្ធនាគារអាត្លង់តា ចំពោះបទចោទប្រកាន់ បទព្រហ្មទណ្ឌជាង១០ករណី ជាផ្នែកមួយនៃបទចោទប្រកាន់បទព្រហ្មទណ្ឌជាច្រើនករណី ពីការប៉ុនប៉ងបង្វែរលទ្ធផលឆ្នោតដែលបានបរាជ័យក្នុងរដ្ឋចចា របស់អតីតប្រធានាធិបតីអាមេរិករូបនេះ ។រូបថតក្នុងទឹកមុខស្រពោន មិនញញឹម លោកត្រូវបានថត ដោយមានលេខសម្គាល់អ្នកទោស P01135809 អំឡុងការប្រគល់ខ្លួនរបស់លោក Trump នៅព្រឹកថ្ងៃសុក្រនេះ។ លោក Trump បានស្ថិតក្នុងពន្ធនាគាររយៈពេល២០នាទី មុនពេលត្រឡ់ទៅកាន់ក្លឹបវាយកូនហ្គោលរបស់លោកវិញនៅរដ្ឋ New Jersey បន្ទាប់ពីបង់ប្រាក់ធានាខ្លួនចំនួន២០ម៉ឺនដុល្លារអាមេរិក។ក្រុមពាក់ព័ន្ធរបស់លោកចំនួន១៨នាក់ផ្សេងទៀត ដែលបានជាប់ពាក់ព័ន្ធក្នុងសំណុំរឿងនេះ ត្រូវបានតម្រូវឲ្យប្រគល់ខ្លួនមុនថ្ងៃទី២៥ខែសីហា។លោកTrump កំពុងប្រឈមការចោទប្រកាន់លើរូបលោកពីបទរៀបចំផែនការខុសច្បាប់ក្នុងការបង្វែរលទ្ធផលការបោះឆ្នោតដែលលោកបានបរាជ័យកាលពីឆ្នាំ២០២០ ។ នេះគឺជាការចូលខ្លួនលើកទី៤របស់លោក Trump ចាប់តាំងពីខែមេសាមក នៅពេលដែលលោកបានក្លាយជាអតីតប្រធានាធិបតីដំបូង ក្នុងប្រវត្តិសាស្ត្រអាមេរិក ប្រឈមនឹងការចោទប្រកាន់បទព្រហ្មទណ្ឌបែបនេះ៕

[BREAKING NEWS] លោក Donald Trump បានប្រគល់ខ្លួនឲ្យក្រុមអាជ្ញាធរក្នុងពន្ធនាគារស្រុកហ្វាល់តុន (Fulton)ពាក់ព័ន្ធផែនការខុសច្បាប់ក្នុងការបង្វែរលទ្ធផលឆ្នោត

[BREAKING NEWS] អតីតប្រធានាធិបតីសហរដ្ឋអាមេរិក លោក Donald Trump បានប្រគល់ខ្លួនឲ្យក្រុមអាជ្ញាធរក្នុងពន្ធនាគារស្រុក ហ្វាល់តុន (Fulton ) ក្នុងរដ្ឋចចា (Georgia) ពាក់ព័ន្ធបទចោទប្រកាន់នានា ដែលចោទប្រកាន់លើរូបលោកពីបទរៀបចំផែនការខុសច្បាប់ក្នុងការបង្វែរលទ្ធផលឆ្នោត របស់លោកដែលបានបរាជ័យកាលពីឆ្នាំ២០២០។ ការបង់ប្រាក់ធានាខ្លួនរបស់លោក Trump ត្រូវបានកំណត់ចំនួន ២០០.០០០ដុល្លារអាមេរិក ដែលលោកនឹងត្រូវបង់ជាថ្មីទៀត ដើម្បីបាននៅក្រៅឃុំបណ្ដោះអាសន្ន។ ក្រុមពាក់ព័ន្ធរបស់លោកចំនួន១៨នាក់ផ្សេងទៀត ដែលបានជាប់ពាក់ព័ន្ធក្នុងសំណុំរឿងនេះ ត្រូវបានតម្រូវឲ្យប្រគល់ខ្លួនមុនថ្ងៃទី២៥ខែសីហា។នេះគឺជាការចូលខ្លួនលើកទី៤របស់លោក Trump ចាប់តាំងពីខែមេសាមក នៅពេលដែលលោកបានក្លាយជាអតីតប្រធានាធិបតីដំបូង ក្នុងប្រវត្តិសាស្ត្រអាមេរិក ប្រឈមនឹងការចោទប្រកាន់បទព្រហ្មទណ្ឌបែបនេះ៕

បណ្ដាញសង្គម

ព័ត៌មានថ្មីៗ

មេដឹកនាំប្រឆាំងវ៉េណេស៊ុយអេឡា ធ្វើដំណើរទៅទស្សនកិច្ចសហរដ្ឋអាមេរិក បន្ទាប់ពីពិភាក្សាជាមួយរដ្ឋាភិបាលបណ្ដោះអាសន្ន

ប្រទេសន័រវែសស្វែងរកការហាមឃាត់ការធ្វើពាណិជ្ជកម្មជាមួយនឹងអ្នកតាំងលំនៅឋានអ៊ីស្រា អែលខុសច្បាប់

ជនអន្តោប្រវេសន៍នីហ្សេរីយ៉ាដែលវិលត្រឡប់មកពីអាហ្វ្រិកខាងត្បូង កំពុងប្រឈមនឹងបញ្ហាសេដ្ឋកិច្ច

សម្ដេចពិជ័យសេនា ទៀ បាញ់ ណែនាំដល់ស្ថាប័នពាក់ព័ន្ធឱ្យបន្ដរៀបចំអភិវឌ្ឍន៍តំបន់ប្រវត្តិសាស្ត្រយោធាកម្ពុជា X-16

មេដឹកនាំសហភាពអឺរ៉ុបឯកភាពគ្នាបន្តទណ្ឌកម្មលើប្រទេសរុស្ស៊ីរយៈពេលមួយឆ្នាំទៀត

មន្ត្រីជាន់ខ្ពស់៖ អ៊ីរ៉ង់មិនដកពីការចរចាអំពីបទឈប់បាញ់នៅប្រទេសលីបង់ជាមួយអាមេរិកទេ

WHOនិយាយថា ការផ្ទុះឡើងនៃជំងឺអេបូឡានៅកុងហ្គោបានឆ្លងដល់គ្រូពេទ្យចំនួន ៧៥នាក់ ចាប់តាំងពីខែឧសភាមក

សម្តេចពិជ័យសេនា ទៀ បាញ់ អញ្ជើញជាអធិបតី ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧) នៅខេត្តត្បូងឃ្មុំ

ការវាយប្រហាររបស់អ៊ីស្រាអែលនៅទូទាំងលីបង់បណ្តាលឲ្យមនុស្សយ៉ាងតិច ៤៧នាក់ ស្លាប់ និង ៩៧នាក់រងរបួស

ជនជាតិចិន១៦៤នាក់ពាក់ ព័ន្ធករណី Online Scams ត្រូវបានបណ្ដេញចេញពីកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អ្នកប្រយុទ្ធក្រុមហ៊ុន Wagner ខឹងសម្បារនិងប្តេជ្ញាសងសឹកបន្ទាប់ពីមេដឹកនាំរបស់ពួកគេស្លាប់

នាយករដ្ឋមន្ត្រីឥណ្ឌា លោក ម៉ូឌី គូសបញ្ជាក់ពីការព្រួយបារម្ភជាមួយប្រធានាធិបតីចិន លោកស៊ីលើបញ្ហាព្រំដែន

ចិន ជំរុញឲ្យអាមេរិក លុបចោលកិច្ចព្រមព្រៀងលក់អាវុធឲ្យកោះវ៉ាត់ជាបន្ទាន់

អាជ្ញាធរថៃនឹងសម្រួលដោះលែងពលរដ្ឋខ្មែរធ្វើការខុសច្បាប់ចំនួន៥នាក់ នៅថ្ងៃអង្គារសប្តាហ៍ក្រោយ

លោក Putin និយាយទម្លាយពីលោក Prigozhin បន្ទាប់ពីការធ្លាក់យន្តហោះ

មហាអំណាច G7 ថ្កោលទោសការបាញ់បង្ហោះផ្កាយរណបបរាជ័យរបស់កូរ៉េខាងជើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អ្នកប្រយុទ្ធក្រុមហ៊ុន Wagner ខឹងសម្បារនិងប្តេជ្ញាសងសឹកបន្ទាប់ពីមេដឹកនាំរបស់ពួកគេស្លាប់

នាយករដ្ឋមន្ត្រីឥណ្ឌា លោក ម៉ូឌី គូសបញ្ជាក់ពីការព្រួយបារម្ភជាមួយប្រធានាធិបតីចិន លោកស៊ីលើបញ្ហាព្រំដែន

ចិន ជំរុញឲ្យអាមេរិក លុបចោលកិច្ចព្រមព្រៀងលក់អាវុធឲ្យកោះវ៉ាត់ជាបន្ទាន់

អាជ្ញាធរថៃនឹងសម្រួលដោះលែងពលរដ្ឋខ្មែរធ្វើការខុសច្បាប់ចំនួន៥នាក់ នៅថ្ងៃអង្គារសប្តាហ៍ក្រោយ

លោក Putin និយាយទម្លាយពីលោក Prigozhin បន្ទាប់ពីការធ្លាក់យន្តហោះ

មហាអំណាច G7 ថ្កោលទោសការបាញ់បង្ហោះផ្កាយរណបបរាជ័យរបស់កូរ៉េខាងជើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍