នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុងស្រុកស្អាង និងស្រុកកោះធំ
ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី
ប្រធានក្រុមការងារចុះមូលដ្ឋាន៖ បក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

នយោបាយ​ និង ការអភិវឌ្ឍន៍

បណ្ដាប្រទេស BRICS នឹងជួបប្រជុំគ្នានៅអាហ្រ្វិកខាងត្បូង ដើម្បីកាត់បន្ថយឥទ្ធិពលរបស់លោកខាងលិច

2023/08/17 12:23:27 pm        284
Facebook Telegram Linkin
អាហ្រ្វិកខាងត្បូង៖ មេដឹកនាំ BRICS ជួបប្រជុំគ្នានៅអាហ្រ្វិកខាងត្បូងនៅសប្តាហ៍ក្រោយ ដើម្បីពិភាក្សាអំពីមធ្យោបាយបង្វែរក្រុមប្រទេសវប្បធម៌ចម្រុះ ដែលមានចំនួនមួយភាគបួននៃសេដ្ឋកិច្ចពិភពលោក ទៅជាកម្លាំងភូមិសាស្ត្រនយោបាយដែលអាចប្រឈមមុខនឹងការឥទ្ធិពលគ្រប់ដណ្តប់របស់ប្រទេសលោកខាងលិចក្នុងកិច្ចការពិភពលោក។ប្រធានាធិបតីរុស្ស៊ី លោក វ្ល៉ាឌីមៀ ពូទីន ដែលប្រឈមមុខនឹងដីកាចាប់ខ្លួនអន្តរជាតិជុំវិញឧក្រិដ្ឋកម្មសង្រ្គាមក្នុងប្រទេសអ៊ុយក្រែន នឹងមិនចូលរួមជាមួយបណ្ដាមេដឹកនាំមកពីប្រទេសប្រេស៊ីល ឥណ្ឌា ចិន និងអាហ្វ្រិកខាងត្បូងនោះទេ ស្របពេលមានការខ្វែងគំនិតគ្នា អំពីថាតើត្រូវពង្រីកប្លុកដើម្បីរួមបញ្ចូលប្រទេសសកលខាងត្បូង រាប់សិបប្រទេសដែលកំពុងតម្រង់ជួរចូលរួម ឬយ៉ាងណា។ដោយរីកសាយភាយពាសពេញពិភពលោក ហើយជាមួយនឹងសេដ្ឋកិច្ចដែលដំណើរការតាមរបៀបផ្សេងៗគ្នាដ៏ទូលំទូលាយ កត្តាសំខាន់នៃការបង្រួបបង្រួមក្រុមប្រទេស BRICS គឺការមន្ទិលសង្ស័យពីសណ្តាប់ធ្នាប់ពិភពលោក ដែលពួកគេមើលឃើញថាបម្រើផលប្រយោជន៍របស់សហរដ្ឋអាមេរិក និងបណ្ដាសម្ព័ន្ធមិត្តប្រទេសអ្នកមាន ដែលជាអ្នកលើកកម្ពស់បទដ្ឋានអន្តរជាតិដែលពួកគេអនុវត្ត ប៉ុន្តែពួកគេតែងតែមិនគោរពសណ្តាប់ធ្នាប់នោះ។ព័ត៌មានលម្អិតមួយចំនួនបានលេចចេញអំពីប្រធានបទដែលពួកគេគ្រោងនឹងពិភាក្សា ប៉ុន្តែការពង្រីកខ្លួនរបស់ប្លុកនេះ ត្រូវបានគេរំពឹងថានឹងមានកម្រិតខ្ពស់នៅក្នុងរបៀបវារៈ ខណៈដែលប្រទេសចំនួន៤០ បានបង្ហាញចំណាប់អារម្មណ៍ក្នុងការចូលរួម ទាំងផ្លូវការ ឬក្រៅផ្លូវការ នេះបើយោងតាមអាហ្រ្វិកខាងត្បូង។ ប្រទេសទាំងនោះរួមមាន អារ៉ាប៊ីសាអូឌីត អាហ្សង់ទីន និងអេហ្ស៊ីបផងដែរ៕

សហរដ្ឋអាមេរិក៖ មិនមានការគំរាមកំហែងច្បាស់លាស់ណាមួយចំពោះសម្ព័ន្ធមិត្តណាតូពីកងកម្លាំងWagner ទេ

2023/08/17 12:20:21 pm        350
Facebook Telegram Linkin
អាមេរិក៖ អ្នកនាំពាក្យសន្តិសុខជាតិសហរដ្ឋអាមេរិក លោក John Kirby បាននិយាយកាលពីថ្ងៃពុធ (១៦ សីហា) ថា យោងតាមសហរដ្ឋអាមេរិក គេមិនច្បាស់ទេថា តើកងកម្លាំងទាហានស៊ីឈ្នួល Wagner បង្កការគំរាមកំហែងទឹកដីមួយណានៅក្នុងទ្វីបអឺរ៉ុប។នៅពេលសាកសួរអំពីចលនានៃកងកម្លាំងរបស់ក្រុមទាហានស៊ីឈ្នួល Wagner លោក Kirby បាននិយាយថា កងអនុសេនាធំមួយចំនួននៅតែដាក់ពង្រាយនៅក្នុងទ្វីបអាហ្រ្វិក ហើយខ្លះបានបញ្ជូនទៅកាន់ប្រទេសបេឡារុស្ស និងខ្លះទៀតអាចស្ថិតនៅក្នុង ឬនៅជិតប្រទេសអ៊ុយក្រែន។ លោកឧត្តមនាវីឯក Kirby បាននិយាយថា រដ្ឋាភិបាលសហរដ្ឋអាមេរិកកំពុងយកចិត្តទុកដាក់ចំពោះសកម្មភាពបង្កហេតុ និងវោហាសាស្ត្រដែលគួរឱ្យស្អប់ខ្ពើម ចេញពីរដ្ឋធានី Minsk របស់បេឡារុស្ស។កាលពីថ្ងៃពុធ រដ្ឋាភិបាលលីទុយអានី បានសម្រេចបិទច្រកព្រំដែនចំនួនពីរក្នុងចំណោមច្រកព្រំដែនចំនួនប្រាំមួយរបស់ប្រទេសនេះជាមួយប្រទេសបេឡារុស្ស ដោយសារស្ថានភាពភូមិសាស្ត្រនយោបាយ ប៉ុន្មានសប្តាហ៍បន្ទាប់ពីក្រុមទាហានស៊ីឈ្នួល Wagner Group របស់រុស្ស៊ីបានជ្រកកោននៅក្នុងប្រទេសនេះ។រដ្ឋាភិបាលលីទុយអានី មិនបានពន្យល់ពីកាលៈទេសៈ និងការគំរាមកំហែងនៅក្នុងហេតុផលរបស់ខ្លួន សម្រាប់ការបិទព្រំដែនចាប់ពីថ្ងៃសុក្រ នៅចំណុចឆ្លងកាត់ជនបទទាំងពីរ ដែលមិនត្រូវបានប្រើប្រាស់ដោយរថយន្តពាណិជ្ជកម្មនោះទេ៕

អ្នកក្រុងអាត្លង់តា ប្រតិកម្មនឹងសំណុំរឿងរបស់លោក ដូណាល់ ត្រាំ ខណៈដែលរដ្ឋអាជ្ញាស្នើឲ្យមានការកាត់ទោសនៅខែមីនា ឆ្នាំ២០២៤

2023/08/17 12:17:09 pm        308
Facebook Telegram Linkin
អាមេរិក៖ ខណៈដែលរដ្ឋអាជ្ញារដ្ឋ Georgia បានស្នើសុំកំណត់យកខែមីនា ឆ្នាំ២០២៤ ជាពេលវេលាសម្រាប់ការកាត់ទោសអតីតប្រធានាធិបតីអាមេរិក លោក ដូណាល់ ត្រាំ ដើម្បីប្រឈមមុខនឹងការចោទប្រកាន់ពីបទជ្រៀតជ្រែកការបោះឆ្នោតនោះ អ្នកស្រុកដែលរស់នៅទីក្រុងអាត្លង់តា មានទស្សនៈលាយឡំគ្នាលើការចោទប្រកាន់ចុងក្រោយនេះ។លោក Samuel Huggins អ្នកស្រុកអាត្លង់តា វ័យ៧០ឆ្នាំបាននិយាយថា «ខ្ញុំមិនចង់ឃើញរឿងបែបនេះកើតឡើងលើនរណាម្នាក់នោះទេ។ និយាយការពិតទៅចុះ ក្នុងគំនិតរបស់ខ្ញុំ ខ្ញុំមិនចង់ឱ្យនរណាម្នាក់ត្រូវធ្វើទុកបុកម្នេញនោះទេ ជាពិសេសមេដឹកនាំនៃពិភពលោកសេរីមួយនេះ»។អ្នកស្រី Muriel Curtis វ័យ៧២ឆ្នាំ ជាអ្នករស់នៅទីក្រុងអាត្លង់តា បាននិយាយថា «ខ្ញុំគិតថាវាស័ក្តិសមណាស់ ព្រោះលោក ត្រាំ បានធ្វើកិច្ចការជាច្រើនពីក្រោយខ្នង និងមានឯកសារជាច្រើនដែលមិនបានប្រគល់ឱ្យរដ្ឋ។ វាដល់ពេលហើយដែលលោកត្រូវសងវិញ នូវអ្វីដែលលោកបានធ្វើ។ ប្រសិនបើអ្នកធ្វើខុស នោះអ្នកត្រូវតែទទួលខុសត្រូវ ហើយលុយមិនអាចទិញអ្វីគ្រប់យ៉ាងបាននោះទេ»។គណៈវិនិច្ឆ័យសហព័ន្ធ Fulton កាលពីថ្ងៃអង្គារ (១៦ សីហា) បានចោទប្រកាន់លោក ត្រាំ និងសហការីរបស់លោកចំនួន១៨នាក់ផ្សេងទៀត ដោយចោទប្រកាន់អតីតប្រធានាធិបតីរូបនេះថា បានព្យយាមបង្វែរលទ្ធផលចាញ់ការបោះឆ្នោតឆ្នាំ២០២០ របស់ខ្លួនដាក់លើប្រធានាធិបតីសហរដ្ឋអាមេរិក លោក ចូ បៃដិន។ក្រុមមេធាវីរបស់លោក ត្រាំ បានជំទាស់ក្នុងករណីឧក្រិដ្ឋកម្មផ្សេងទៀត ដោយថាការកាត់ក្ដីណាមួយលើលោក ត្រាំ ត្រូវតែកំណត់បន្ទាប់ពីការបោះឆ្នោតប្រធានាធិបតីក្នុងខែវិច្ឆិកា ឆ្នាំ២០២៤ រួច។ ការិយាល័យរដ្ឋអាជ្ញាពិសេសរបស់សហរដ្ឋអាមេរិកលោក Jack Smith ក៏បានស្នើសុំចៅក្រមសហព័ន្ធវ៉ាស៊ីនតោន ឌីស៊ី ឲ្យកំណត់កាលបរិច្ឆេទចាប់ផ្តើមការជំនុំជម្រះនៅថ្ងៃទី២ ខែមករា លើការចោទប្រកាន់ដែលលោក ត្រាំ ពីបទរៀបចំផែនការបង្វែរលទ្ធផលការបោះឆ្នោតឆ្នាំ២០២០ផងដែរ៕

ក្រុមការងារចុះស្រង់ទិន្នន័យអ្នកធ្វើការសេវាកម្សាន្តក្រៅប្រព័ន្ធ ដើម្បីឈានទៅសម្ភាសន៍ផ្ដល់ប័ណ្ណសមធម៌

2023/08/17 12:14:24 pm        586
Facebook Telegram Linkin
ភ្នំពេញ៖ បច្ចុប្បន្នក្រុមការងារ ដោយមានភាគីពាក់ព័ន្ធជាច្រើន កំពុងបន្តចុះស្រង់ទិន្នន័យ ក្រុមគោលដៅធ្វើការសេវាកម្សាន្តក្រៅប្រព័ន្ធ ដើម្បីឈានទៅសម្ភាសន៍ផ្ដល់ប័ណ្ណសមធម៌។ នេះជាការបញ្ជាក់របស់ឯឧត្តម កែវ អ៊ូលី ប្រធាននាយកដ្ឋានអត្តសញ្ញាណកម្មគ្រួសារក្រីក្រ នៃក្រសួងផែនការ។មន្រ្តីពាក់ព័ន្ធ និងក្រុមបណ្ដាញនៅតាមរាជធានី-ខេត្ត គឺកំពុងបន្តធ្វើការងារ ស្រង់ទិន្នន័យអ្នកមាន​ជីវភាពក្រលំបាកធ្វើការ សេវាកម្សាន្តទេសចរណ៍ក្រៅប្រព័ន្ធនៅតាមរង្គសាល ឌីស្កូតែត ខារ៉ាអូខេ បៀរហ្កាឌិន កន្លែងម៉ាស្សា និងស្ប៉ា ដើម្បីឈានទៅសម្ភាសន៍ផ្ដល់ប័ណ្ណសមធម៌ជូន។ នេះជាការបញ្ជាក់របស់ ឯកឧត្តម កែវ អ៊ូលី ប្រធាននាយកដ្ឋានអត្តសញ្ញាណកម្មគ្រួសារក្រីក្រ នៃក្រសួងផែនការ។ឯកឧត្តមបន្តថា សម្រាប់រាជធានី-ខេត្ត ដែលធ្វើការស្រង់ទិន្នន័យក្រុមគោលដៅរួចរាល់ អាចនឹង​ចាប់​ផ្ដើមការសម្ភាសន៍ ក្នុងកំឡុងចុងខែសីហា រឺក្នុងខែ កញ្ញាខាងមុខ ដើម្បីឱ្យពលរដ្ឋគោលដៅ ទទួលបានអត្ថប្រយោជន៍ដែលរាជរដ្ឋាភិបាលផ្ដល់ជូន។អត្ថប្រយោជន៍ ដែលទទួលបានក្នុងពេលបច្ចុប្បន្ននេះ គឺប័ណ្ណសមធម៌នឹងផ្ដល់ជូនការពិនិត្យព្យាបាល នៅតាមមន្ទីរពេទ្យរដ្ឋ ដោយមិនគិតថ្លៃ សម្រាប់បុគ្គលដែលទទួលបានប័ណ្ណ ក៏ដូចជាសមាជិកគ្រួសាររបស់គាត់ ដែលបានចុះក្នុងបញ្ជីប័ណ្ណសមធម៌នោះ។មុននឹងឈានដល់ការសម្ភាសន៍ផ្ដល់ប័ណ្ណសមធម៌ជូនក្រុមគោលដៅថ្មីនេះ ឯកឧត្តមណែនាំទៅក្រុមគោលដៅត្រូវត្រៀមឯកសារចាំបាច់ ដូចជាអត្តសញ្ញាប័ណ្ណ ក៏ដូចជាសៀវភៅ រឺលិខិតបញ្ជាក់ការស្នាក់នៅឱ្យរួចរាល់ និងត្រូវមានជីវភាពក្រលំបាក។ ចំពោះអ្នកមានជីវភាពប្រសើរ អាចប្រើប្រាស់យន្តការផ្សេង ​ដោយបង្វែទៅទទួលយក ប័ណ្ណមូលនិធិសមធម៌​សុខាភិបាលជំនួសវិញ។គួរបញ្ជាក់ថា ក្រុមគោលដៅដែលទទួលបានប័ណ្ណសមធម៌ អាចប្រើប្រាស់ប័ណ្ណនេះបានភ្លាមៗ សម្រាប់​ការទទួលសេវានៅគ្រប់មន្ទីរពេទ្យរដ្ឋដោយមិនគិតថ្លៃ។ ​ក្នុងការចាប់ផ្ដើមយុទ្ធនាការពីរថ្ងៃ នៅរមណីយដ្ឋាន​ប្រវត្តិសាស្រ្តវត្តភ្នំកន្លងទៅ ​គឺមានក្រុមគោលដៅប្រមាណជិត១០០នាក់ ទទួលបានប័ណ្ណសមធម៌៕អត្ថបទ៖ គឹមហុក 

ក្រុមប្រឹក្សាសន្តិសុខអង្គការសហប្រជាជាតិ ថ្កោលទោសការបិទដែនដីជម្លោះ ណាហ្គ័រណូ-ការ៉ាបាក់

2023/08/17 12:14:21 pm        132
Facebook Telegram Linkin
UN៖ ក្រុមប្រឹក្សាសន្តិសុខអង្គការសហប្រជាជាតិបានពិភាក្សាកាលពីថ្ងៃពុធ (១៦ សីហា) អំពីការបិទដែនដីជម្លោះ ណាហ្គ័រណូ-ការ៉ាបាក់ (Nagorno-Karabakh) បន្ទាប់ពីអតីតរដ្ឋអាជ្ញានៃតុលាការព្រហ្មទណ្ឌអន្តរជាតិ ក្នុងខែនេះ បាននិយាយថា ការបិទតំបន់នេះអាចឈានទៅរក «អំពើប្រល័យពូជសាសន៍» លើប្រជាជនអាមេនីក្នុងស្រុក។រដ្ឋមន្ត្រីការបរទេសអាមេនី លោក Ararat Mirzoyan(អារ៉ារ៉ាត មៀហ្សូយ៉ាន) បានប្រាប់ក្រុមប្រឹក្សាសន្តិសុខថា ការការពារមហន្តរាយនៅក្នុងតំបន់ គឺជាកាតព្វកិច្ចស្នូលរបស់អង្គការសហប្រជាជាតិ។ ទន្ទឹមនឹងនេះ តំណាងរបស់ប្រទេសអាស៊ែបៃហ្សង់ ប្រចាំអង្គការសហប្រជាជាតិ លោក Yashar Aliyev បានចាត់ទុកការអះអាងរបស់លោក Mirzoyan ថាជា«ការចោទប្រកាន់គ្មានភស្តុតាង និងគ្មានមូលដ្ឋានត្រឹមត្រូវ»។មន្ត្រីជំនួយជាន់ខ្ពស់របស់អង្គការសហប្រជាជាតិ លោកស្រី Edem Wosornu បានប្រាប់ក្រុមប្រឹក្សាថា ការផ្តល់ជំនួយមនុស្សធម៌ដោយគណៈកម្មាធិការអន្តរកាកបាទក្រហមអន្តរជាតិ (ICRC) ត្រូវតែអនុញ្ញាតឱ្យបន្តឡើងវិញតាមរយៈបណ្ដាញផ្លូវដែលដំណើរការ។ដែនដីការ៉ាបាក់ ត្រូវបានទទួលស្គាល់ជាអន្តរជាតិថាជាផ្នែកមួយនៃប្រទេសអាស៊ែបៃហ្សង់ ប៉ុន្តែប្រជាជនរបស់តំបន់នេះចំនួន១២០.០០០នាក់ គឺជាជនជាតិភាគតិចអាមេនីច្រើនលើសលប់ ហើយទឹកដីដែលនៅសេសសល់មួយរបស់តំបន់នេះភ្ជាប់ទៅនឹងប្រទេសអាមេនី គឺច្រករបៀងឡាឈីន (Lachin) ដែលត្រូវបានគ្រប់គ្រងដោយកងរក្សាសន្តិភាពរុស្ស៊ី ត្រូវបានរំខានជាលើកដំបូងនៅកាលពីខែធ្នូ៕

ក្រុមអ្នកនេសាទកូរ៉េខាងត្បូង ប្រមូលផ្តុំគ្នាប្រឆាំងនឹងផែនការបញ្ចេញទឹកសំណល់វិទ្យុសកម្មរបស់ជប៉ុន

2023/08/17 12:11:53 pm        118
Facebook Telegram Linkin
កូរ៉េខាងត្បូង៖ ក្រុមអ្នកនេសាទកូរ៉េខាងត្បូងជាង១.០០០នាក់នៅតំបន់ឆ្នេរភាគខាងត្បូងនៃតំបន់ហ្គោវ៉្យុង (Goheung) បានប្រមូលផ្តុំគ្នាកាលពីថ្ងៃពុធ ដែលជាផ្នែកមួយនៃការប្រមូលផ្តុំតវ៉ានាពេលថ្មីៗនេះក្នុងចំណោមអ្នកនេសាទក្នុងស្រុក ដើម្បីប្រឆាំងនឹងគម្រោងការរបស់ប្រទេសជប៉ុន ក្នុងការការបញ្ចេញទឹកសំណល់វិទ្យុសកម្មទៅក្នុងមហាសមុទ្រ។ក្រុមអ្នកតវ៉ាបានសង្កត់ធ្ងន់ថា ប្រសិនបើទឹកសំណល់វិទ្យុសកម្មត្រូវបានបញ្ចេញទៅក្នុងមហាសមុទ្រ ការខូចខាតនឹងកើតឡើងចំពោះប្រព័ន្ធអេកូឡូស៊ីទាំងអស់នៅក្នុងមហាសមុទ្រប៉ាស៊ីហ្វិក និងអ្នកនេសាទទាំងអស់ដែលរស់នៅពឹងផ្អែកលើការរកស៊ីក្នុងសមុទ្រផងដែរ។ យោងតាមការស្ទង់មតិលើមនុស្សពេញវ័យជនជាតិកូរ៉េខាងត្បូងចំនួន១.០០០នាក់ ក្នុងខែឧសភា មនុស្សចំនួន៨៥,៤ភាគរយបានប្រឆាំងនឹងការបញ្ចេញទឹកសំណល់វិទ្យុសកម្មរបស់ប្រទេសជប៉ុននេះ ខណៈដែលមនុស្ស៧២ភាគរយបាននិយាយថា ពួកគេនឹងកាត់បន្ថយការប្រើប្រាស់ផលិតផលសមុទ្រ ប្រសិនបើទឹកសំណល់ត្រូវបានបង្ហូរទៅក្នុងមហាសមុទ្រ។ស្របពេលមានការរិះគន់យ៉ាងទូលំទូលាយពីក្នុងប្រទេស និងក្រៅប្រទេស រដ្ឋាភិបាលជប៉ុនបាននិងកំពុងជំរុញឱ្យបញ្ចេញទឹកសំណល់មានមេរោគនុយក្លេអ៊ែរ នៅរដូវក្តៅនេះ ពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដៃអ៊ីឈី ដែលរងការវាយប្រហារដោយការរញ្ជួយដីដ៏ធំ និងរលកយក្សស៊ូណាមិកាលពីខែមីនា ឆ្នាំ២០១១៕

ចំហេះព្រៃនៅកាណាដា គំរាមដល់ទីក្រុងនានា ខណៈរដ្ឋាភិបាលចេញបទបញ្ជាជម្លៀសពលរដ្ឋ

2023/08/17 12:08:59 pm        114
Facebook Telegram Linkin
កាណាដា៖ ក្រុមមន្ត្រីប្រទេសកាណាដា បានចេញបទបញ្ជាជម្លៀសពលរដ្ឋ នៅរដ្ឋធានី Yellowknife ដែនដីភាគពាយព្យ និងសហគមន៍តូចៗជាច្រើនកាលពិថ្ងៃពុធ ខណៈចំហេះព្រៃទ្រង់ទ្រាយធំ បានគំរាមកំហែងដល់ទីក្រុងទន្លេ Hay កាលពីពេលយប់។ ក្រុមជាច្រើនកំពុងធ្វើការជម្លៀស នៅតំបន់ទន្លេ Hay ជាសហគមន៍មួយមានពលរដ្ឋប្រមាណ៣.០០០នាក់ នៅលើបឹងធំ Great Slave Lake ដឹកជញ្ជូនដោយរថយន្តក្រុង ឬយន្តហោះ កាលពីយប់ថ្ងៃពុធខណៈអគ្គិភ័យខិតជិតមកដល់។ មន្ត្រីព័ត៌មានអគ្គិភ័យ លោក Mike Westwick បាននិយាយនៅក្នុងសន្និសីទសារព័ត៌មានកាលពីល្ងាចថ្ងៃពុធថា នៅតំបន់ទន្លេHay បានឃើញអគ្គិភ័យ នៅភាគខាងត្បូងសហគមន៍របស់ពួកគេកើនឡើង ដែលខិតកាន់តែកៀកទីក្រុងនៅថ្ងៃនេះ។ យើងបានមើលឃើញអគ្គិភ័យមានសកម្មភាពខ្ពស់នៅក្នុងតំបន់នោះ ហើយវាកំពុងរាលដាលយ៉ាងឆាប់រហ័ស។ លោក Westwick និយាយថា អណ្តាតភ្លើង នឹងទៅដល់ទីក្រុង Yellowknife នៅចុងសប្តាហ៍នេះដោយពុំមានភ្លៀងធ្លាក់ ហើយពលរដ្ឋនៅរដ្ឋធានី កំពុងត្រូវបានស្នើសុំឲ្យចាកចេញ ជាផ្នែកមួយនៃ ការជម្លៀសតាមដំណាក់កាល ដោយចាប់ផ្តើមជាមួយសហគមន៍ដែលមានការគំរាមកំហែងខ្លាំងបំផុត។អង្គភាពអគ្គិភ័យនៅដែនដីភាពពាយព្យ បាននិយាយថា មានហានីភ័យដល់ទីក្រុង Yellowknife ។ ក្រុមរបស់យើង រួមជាមួយទីក្រុង Yellowknife កំពុងធ្វើអ្វីគ្រប់យ៉ាងដែលអាចធ្វើទៅបានដើម្បីពន្យឿតការកើនឡើងអគ្គិភ័យ និងការពារសហគមន៍។ ដែនដីភាគពាយព្យ បានប្រកាសរដ្ឋក្នុងគ្រាអាសន្នកាលពីល្ងាចថ្ងៃអង្គារ ហើយយោធានាកាណាដា ត្រូវបានដាក់ពង្រាយដើម្បីជួយទប់ទល់អណ្តាតភ្លើង និងដឹកជញ្ជូនពលរដ្ឋមួយចំនួនតាមយន្តហោះទៅកាន់ទីសុវត្ថិភាព៕

អ្នកស្រាវជ្រាវវ័យក្មេងមើលឃើញថា គណៈរដ្ឋមន្រ្តីថ្មីជាក្តីសង្ឃឹមរបស់ប្រជាជនខ្មែរ

2023/08/17 12:07:42 pm        226
Facebook Telegram Linkin
ភ្នំពេញ៖ អ្នកស្រាវជ្រាវវ័យក្មេងនៅក្នុងប្រទេសកម្ពុជា លោក ប៊ិន យ៉ាន បានបង្ហាញទស្សនៈវិជ្ជមាន និងក្ដីសង្ឃឹមថា ​គណៈរដ្ឋមន្រ្ដីថ្មីដែលដឹកនាំដោយឯកឧត្ដមកិត្តិទេសាភិបាលបណ្ឌិត ហ៊ុន ម៉ាណែត គឺជាក្ដីសង្ឃឹមរបស់ប្រជាជនខ្មែរ ក្នុងការដឹកនាំប្រទេសកម្ពុជាឱ្យមានការអភិវឌ្ឍ​រីកចម្រើន​បន្ថែមទៀត។លោក ប៊ិន យ៉ាន សង្កេតឃើញថា គណៈរដ្ឋមន្រ្ដីថ្មីក្នុងអាណត្តិទី៧នេះអ្វីដែលជាភាពលេចធ្លោ​ក្រោម​ការ​ដឹកនាំ​របស់ឯកឧត្ដមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្រ្ដីថ្មីនៃកម្ពុជា គឺមានភាពវិជ្ជមានជាច្រើន ដោយសារតែឥស្សរជននៃគណៈរដ្ឋមន្រ្ដីថ្មីនេះ ​បានរៀនសូត្រចេះ​ដឹង​ខ្ពង់ខ្ពស់ពី​បច្ឆិម​ប្រទេសទាំងផ្នែកសេដ្ឋកិច្ច យោធា ​និងផ្នែកនយោបាយ។ ដូច្នេះសម្រាប់ការដឹកនាំប្រទេសកម្ពុជា​ដោយគណៈរដ្ឋមន្រ្ដីថ្មីនេះ នឹងបង្កើតនូវសមិទ្ធផលថ្មីៗ​ជាច្រើន​បន្ថែមទៀតសម្រាប់ប្រទេសកម្ពុជា។លោក ប៊ិន យ៉ាន យល់ឃើញថា​ បើទោះពីជាបច្ចុប្បន្ននេះពិភពលោកកំពុង​មាន​វិបត្តិសាកល និង​អតិផរណាសេដ្ឋកិច្ចមិនច្បាស់លាស់ក៏ដោយ។ ​ប៉ុន្ដែក្រោមការ​ដឹកនាំ​របស់​គណៈរដ្ឋមន្រ្ដីថ្មី​សេដ្ឋកិច្ចរបស់​ប្រទេសកម្ពុជា​នឹងមានការរីក​លូតលាស់​បន្ថែមទៀត ​ក្រោមការដឹកនាំរបស់​ឯកឧត្តមកត្តិទេសាភិបាលបណ្ឌិត ហ៊ុន ម៉ាណែត និងគណបក្សប្រជាជនកម្ពុជា​ បានធ្វើឱ្យប្រទេស​កម្ពុជាមានស្ថិរភាព​ លំនឹងផ្នែកនយោបាយ និងសង្គម។សូមបញ្ជាក់ថា ​អាណត្តិថ្មីនៃរាជរដ្ឋាភិបាលកម្ពុជា នឹងមានសុពលភាពចាប់ពីថ្ងៃទី២២​ ខែសីហា តទៅ ​ដោយក្នុងនោះមានការផ្លាស់ប្តូរក្បាលម៉ាស៊ីនដឹកនាំថ្មីស្ទើរតែទាំងស្រុង ដោយ​ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រី ដែលការផ្លាស់ប្តូរ​ជាប្រវត្តិសាស្ត្រ​នៃការដឹកនាំប្រទេសមកពីគណបក្សប្រជាជនកម្ពុជា។ ខណៈការផ្លាស់ប្ដូរនេះត្រូវបាន​សម្តេចតេជោ​ ហ៊ុន សែន ​ចាត់ទុកជាការផ្លាស់ប្តូរ ដើម្បីធានានូវ​ស្ថិរភាពសង្គម ​និងការអភិវឌ្ឍមួយយូរអង្វែង៕អត្ថបទ៖ វ៉ន ដារ៉ា

ទាហាននីហ្សេជាង១០នាក់ ត្រូវបានសម្លាប់ក្នុងការវាយប្រហារនៅជិតព្រំដែនប្រទេសម៉ាលី

2023/08/17 12:05:38 pm        140
Facebook Telegram Linkin
នីហ្សេ៖ ក្រសួងការពារជាតិរបស់ប្រទេសបាននិយាយថា ទាហាននីហ្សេ យ៉ាងហោចណាស់១៧នាក់ត្រូវបានសម្លាប់នៅក្នុងការវាយប្រហារដោយក្រុមប្រដាប់អាវុធ នៅជិតព្រំដែនជាមួយប្រទេសម៉ាលី។ យោងតាមសេចក្តីថ្លែងការណ៍ ដែលបានចេញផ្សាយកាលពីល្ងាចថ្ងៃអង្គារបានឲ្យដឹងថា ការផ្តាច់ខ្លួនរបស់កងកម្លាំងប្រដាប់អាវុធនីហ្សេ ដែលកំពុងធ្វើសកម្មភាពរវាងតំបន់ Boni និង Torodi គឺជាជនរងគ្រោះនៃការពួនស្ទាក់វាយប្រហារដោយក្រុមភេរវកម្ម នៅជិតទីក្រុង Koutougou មានចម្ងាយ៥២គីឡូម៉ែត្រភាគនិរតី តំបន់ Torodi។ សេចក្តីថ្លែងការណ៍បានបន្ថែមថា ទាហាន២០នាក់ផ្សេងទៀត បានរងរបួស ដោយពួកគេទាំងអស់ត្រូវបានជម្លៀសទៅកាន់ទីក្រុង Naimey ជារដ្ឋធានី។ ទាហាននិយាយថា អ្នកវាយប្រហារជាង១០០នាក់ ត្រូវបានរារាំងអំឡុងប្រតិបត្តិការរបស់ពួកគេ។ កាលពីទសវត្សរ៍មុន តំបន់ព្រំដែន នៅកន្លែងមានការប្រសព្វគ្នាប្រទេសម៉ាលីភាគកណ្តាល ប្រទេសបួរគីណាហ្វាសូ និងប្រទេសនីហ្សេភាគខាងលិច បានក្លាយជាចំណុចកណ្តាលនៃអំពើហិង្សាដោយក្រុមប្រដាប់អាវុធ ទាក់ទងទៅនឹងក្នុងអាល់កៃដា និងក្រុមរដ្ឋអ៊ីស្លាមអ៊ីរ៉ាក់ និងឡេវ៉ាន នៅក្នុងតំបន់សាហ៊ែល(Sahel) ។ កំហឹងនៅក្នុងការបង្ហូរឈាម បានបង្កឲ្យមានការដណ្តើមអំណាចយោធា នៅក្នុងប្រទេសចំនួន៣ ចាប់តាំងពីឆ្នាំ២០២០ ដោយប្រទេសនីហ្សេ ចុងក្រោយធ្លាក់ចូលក្នុងរដ្ឋប្រហារកាលពីថ្ងៃទី២៦ ខែកក្កដា នៅពេលនោះប្រធានាធិបតីលោក Mohamed Bazoum ត្រូវបានបណ្តេញចេញ។ ប្រទេសនីហ្សេ ភាកអាគ្នេយ៍ ក៏ជាគោលដៅរបស់ក្រុមប្រដាប់អាវុធដែលកំពុងឆ្លងកាត់ពីប្រទេសនីហ្សេរីយ៉ា ភាគឦសាន ជាប្រភពនៃយុទ្ធនាការដែលផ្តើមឡើងដោយក្រុម Boko Haram នៅក្នុងឆ្នាំ២០១០។ មេដឹកនាំរដ្ឋប្រហារ បាននិយាយថាការបណ្តេញចេញលោក Bazoum ដោយសារតែភាពអសន្តិសុខនៅក្នុងប្រទេសនិងការធ្លាក់ចុះកាន់តែយ៉ាប់យ៉ឺនស្ថានភាពសន្តិសុខ និងអភិបាលកិច្ចខ្សោយ។ ប៉ុន្តែអ្នករាយការណ៍ព័ត៌មានរបស់សារព័ត៌មាន Al Jazeera ដែលរាយការណ៍ពី ទីក្រុង Abuja នៅជិតប្រទេសនីហ្សេរីយ៉ា បាននិយាយថា ការលុបចោលកិច្ចព្រមព្រៀងរបស់រដ្ឋាភិបាលយោធារបស់ប្រទេសនីហ្សេ ជាមួយយោធាបារាំង និងការផ្អាកការផ្តល់ជំនួយដោយដៃគូផ្សេងទៀតរបស់ទីក្រុង Niamey ធ្វើឲ្យជីវិតកាន់តែលំបាក៕

កុមារជាច្រើនស្ថិតក្នុងចំណោមអ្នកដែលត្រូវបានជួយសង្គ្រោះ ខណៈទូកតូចមួយគ្រឿង បានមកដល់អង់គ្លេសភាគខាងត្បូង

2023/08/17 12:02:49 pm        74
Facebook Telegram Linkin
បារាំង៖ កុមារតូចៗជាច្រើននាក់ ស្ថិតក្នុងចំណោមជនអន្តោប្រវេសន៍រាប់សិបនាក់ ត្រូវបានជួយសង្គ្រោះនិងនាំយកទៅកាន់ឆ្នេរសមុទ្រពីព្រែកជីកអង់គ្លេសកាលពីថ្ងៃពុធ ប៉ុន្មានថ្ងៃបន្ទាប់ពីមនុស្ស៦នាក់បានស្លាប់ដែលកំពុងព្យាយាមឆ្លងកាត់រវាងប្រទេសបារាំង និងចក្រភពអង់គ្លេស។ ផ្លូវទឹកអង់គ្លេស គឺជាផ្លូវដឹកជញ្ជូនដ៏មមាញឹកបំផុតមួយរបស់ពិភពលោក ដោយមានអាកាសធាតុពុំអាចព្យាករណ៍ទុកជាមុនបានធ្វើឲ្យការឆ្លងកាត់តាមទូកតូចៗមានគ្រោះថ្នាក់។ ស្ថានភាពអាកាសធាតុកាន់តែមានអំណោយផលច្រើនក្នុងប៉ុន្មានសប្តាហ៍ថ្មីៗនេះ។ តួលេខរបស់រដ្ឋាភិបាលអង់គ្លេស បានបង្ហាញថាចំនួនជនអន្តោប្រវេសន៍ដែលឆ្លងកាត់ផ្លូវទឹកនេះរហូតមកដល់ពេលនេះនៅឆ្នាំនេះ មានចំនួនជាង១៦.០០០នាក់ ដោយជាង១.១០០នាក់ បានមកដល់កាលពីសប្តាហ៍មុនតែមួយ។ ក្នុងរយៈពេល៣ខែដំបូងនៃឆ្នាំនេះ ភាគច្រើននៃជនអន្តោប្រវេសន៍នៅលើទូកតូចៗ មានមកពីប្រទេសអាហ្វហ្គានីស្ថាន ឥណ្ឌា អ៊ីរ៉ង់ ឬអ៊ីរ៉ាក់។ កាលពីឆ្នាំមុន ក្នុងខែសីហា បានបង្ហាញពីចំនួនខ្ពស់បំផុតនៃការមកដល់នៅលើទូកតូចៗសម្រាប់ខែនេះមានចំនួនខ្ពស់បំផុត ខណៈពាក់កណ្តាលនៃជនអន្តោប្រវេសន៍ទាំងអស់ បានមកដល់ក្នុងអំឡុងខែសីហា រហូតដល់អំឡុងខែតុលា៕

បណ្ដាញសង្គម

ព័ត៌មានថ្មីៗ

លោកជំទាវ​បណ្ឌិត ពេជ ចន្ទមុន្នី ហ៊ុនម៉ាណែត អរគុណ​ថ្នាក់​ដឹកនាំ​ អាជ្ញាធរកម្ពុជា ជួយសម្រួល និង​រក្សា​សុវត្ថិភាពជូនគណៈប្រតិភូអន្តរជាតិ​ចូលរួមមហាសន្និបាតកាយប្ញទ្ធិនារីពិភពលោក
06/21/2026 06:06 PM
Facebook Telegram Linkin
ការវាយប្រហាររបស់អ៊ីស្រាអែលបានសម្លាប់មនុស្ស ៦នាក់នៅហ្កាហ្សា រួមទាំងអ្នកថតរូបរបស់ Al Jazeera ផងដែរ
06/21/2026 03:06 PM
Facebook Telegram Linkin
សាកសពជនអន្តោប្រវេសន៍ ១៥ នាក់ ត្រូវបានអណ្តែតទើលើច្រាំង​សមុទ្រនៅភាគខាងកើតប្រទេសលីប៊ី
06/21/2026 03:06 PM
Facebook Telegram Linkin
អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុងស្រុកស្អាង និងស្រុកកោះធំ
06/21/2026 02:06 PM
Facebook Telegram Linkin
រដ្ឋបាលរាជធានីភ្នំពេញ និងស្ថានទូតឥណ្ឌា ប្រារព្ធ​ទិវាយោគៈអន្តរជាតិ ដើម្បីជំរុញ​សកម្មភាពកីឡា និងទេសចរណ៍
06/21/2026 02:06 PM
Facebook Telegram Linkin
ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី
06/21/2026 02:06 PM
Facebook Telegram Linkin
កម្ពុជា មានកម្រិតបរិយាបន្នហិរញ្ញវត្ថុ និងលទ្ធភាពទទួលសេវាហិរញ្ញវត្ថុខ្ពស់
06/21/2026 02:06 PM
Facebook Telegram Linkin
លោក TRUMP គំរាមយកថ្លៃសេវាឆ្លងកាត់ច្រកសមុទ្រ HORMUZ បើកិច្ចព្រមព្រៀងចុងក្រោយជាមួយអ៊ីរ៉ង់បរាជ័យក្នុងពេល៦០ថ្ងៃ
06/21/2026 02:06 PM
Facebook Telegram Linkin
អឺរ៉ុបកំពុងរងការគំរាមកំហែងពីរលកកម្ដៅខ្ពស់ ខណៈបារាំង រឹតត្បិតការប្រើប្រាស់គ្រឿងស្រវឹង
06/21/2026 01:06 PM
Facebook Telegram Linkin
ក្រសួងព័ត៌មានជំរុញការផលិតមាតិកាទំនើប ដើម្បីប្រសិទ្ធភាពផ្សព្វផ្សាយក្នុងសម័យឌីជីថល
06/21/2026 01:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.