នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ជប៉ុន ប្រារព្ធខួបលើកទី៧៨ ចាប់តាំងពីការបញ្ចប់សង្គ្រាមលោកលើកទី២

2023/08/15 07:01:37 pm        130
Facebook Telegram Linkin
ជប៉ុន៖ ប្រជាជននៅក្នុងប្រទេសជប៉ុនកំពុងប្រារព្ធខួបលើកទី៧៨ដ៏សំខាន់ នៅថ្អៃងង្គារនេះ។ នៅថ្ងៃទី១៥ ខែសីហា ឆ្នាំ១៩៤៥ សេចក្តីថ្លែងការណ៍មួយមកពី ព្រះចៅអធិរាជ Showa ត្រូវបានផ្សព្វផ្សាយតាមវិទ្យុ ដែលប្រកាសថា ប្រទេសនេះ បានចុះចាញ់នៅក្នុងសង្គ្រាមលោកលើកទី២។ ជារៀងរាល់ឆ្នាំ រដ្ឋាភិបាលជប៉ុន បានរៀបចំពិធីមួយនៅក្នុងទីក្រុងតូក្យូ ដើម្បីរំលឹកដល់ប្រជាជនប្រមាន៣,១ លាននាក់ ដែលបានស្លាប់នៅក្នុងសង្គ្រាម។  នាយករដ្ឋមន្ត្រី លោក Kishida Fumio នឹងថ្លែងសុន្ទរកថា ។ នៅពេលរសៀល ក្រុមអ្នកចូលរួម នឹងធ្វើពិធីស្មឹងស្មាធិ៍១នាទី។ ព្រះចៅអធិរាជ Naruhito នឹងថ្លែងព្រះរាជសុន្ទរកថា។ សាច់ញាតិជនរងគ្រោះមួយចំនួន ត្រូវបានអញ្ជើញឲ្យមកចូលរួមពិធីនៅឆ្នាំនេះជាពិធីធំបំផុត ចាប់តាំងពីវីរុសកូរ៉ូណា បានចាប់ផ្តើមរាលដាល។ ប្រជាជនមកពី ខេត្តចំនួន៤៧ ត្រូវបានកំណត់ពេលចូលរួមជាលើកដំបូង ក្នុងរយៈពេល៤ឆ្នាំមកនេះ។ប៉ុន្តែក្រសួងសុខាភិបាល និងសុខមាលភាព និយាយថា គិតត្រឹមល្ងាចថ្ងៃអាទិត្យ សាច់ញាតិមកពីខេ្តចំនួន៩ បានសម្រេចចិត្តមិនចូលរួមដោយសារតែព្យុះទីហ្វុង Lan។ សាច់ញាតិអ្នកដែលបានស្លាប់ដោយសង្គ្រាមជាង៧៥ភាគរយ ដែលមានផែនការចូលរួមក្នុងពិធីនេះ គិតត្រឹមល្ងាចថ្ងៃអាទិត្យ មានអាយុ៧០ឆ្នាំឬចាស់ជាងនេះ។ ប្រទេសជប៉ុន ជួបនឹងបញ្ហាប្រឈមដ៏ធំដែលបានឆ្លងកាត់បទពិសោធន៍សង្គ្រាមរហូតដល់មនុស្សជំនាន់ក្រោយ ខណៈអ្នកនៅរស់រានមានជីវិត ដែលធ្លាប់បានឆ្លងកាត់សង្គ្រាម មានចំនួនថយចុះ។ ព្រឹត្តិការណ៍ជាច្រើនផ្សេងទៀត ដើម្បីឆ្លុះបញ្ចាំងពីសន្តិសភាព នឹងត្រូវធ្វើឡើងផងដែរ នៅទូទាំងប្រទេសនៅថ្ងៃនេះ៕

ប្រទេសឥណ្ឌាត្រៀមប្រារព្ធទិវាឯករាជ្យលើកទី៧៧

2023/08/15 06:55:09 pm        108
Facebook Telegram Linkin
ឥណ្ឌា៖ ខណៈប្រទេសឥណ្ឌាត្រៀមប្រារព្ធទិវាឯករាជ្យលើកទី៧៧ ដោយបានធ្វើការតុបតែងភ្លើងព័ណ៌នៅវិមានដែលមានរូបបដិមា នៅទូទាំងប្រទេស ភាគច្រើនមានព័ណ៌ចម្រុះនៃទង់ជាតិ។វិមានល្បីឈ្មោះ និងកន្លែងព្រឹត្តិការណ៍សំខាន់ៗរួមមាន វិមាន Qutb Minar ច្រកទ្វាចូលប្រទេសឥណ្ឌា ស្ពានHowrah Bridge និងទីកន្លែងជាច្រើនទៀតត្រូវបានគេមើលឃើញបំពាក់ភ្លើងមានពន្លឺចែចាំង នៅទូទាំងប្រទេស។នៅមុនថ្ងៃទិវាឯករាជ្យជាតិបុគ្គលិកសន្តិសុខ នៃកងកម្លាំងសន្តិសុខព្រំដែនប្រទេសឥណ្ឌា ត្រូវបានគេឃើញកំពុងល្បាតនៅព្រំដែន ដោយថ្មើរជើងនិងតាមទូក។ ប្រទេសឥណ្ឌា បានទទួលសេរីភាពពីការគ្រប់គ្រងអាណានិគម នៅថ្ងៃទី១៥ ខែសីហា ឆ្នាំ១៩៤៧។ ការរៀបចំពេញលេញសម្រាប់ការប្រារព្ធទិវាឯករាជ្យនៅថ្ងៃអង្គារទី១៥ ខែសីហា នេះខណៈការរៀបចំសន្តិសុខត្រូវបានបង្កើននៅក្នុងរដ្ឋធានីរបស់ប្រទេសនេះ និងមានការហាត់សមពេញលេញរបស់កងកម្លាំងប្រដាប់អាវុធគ្រប់ប្រភេទ ដែលធ្វើឡើងនៅវិមាន Red Fort ក្នុងទីក្រុងឌេលី កាលពីថ្ងៃអាទិត្យ។ភ្ញៀវពិសេសៗប្រមាណ១.៨០០នាក់ រួមមានមន្ត្រីតំបន់ បុគ្គលិក គ្រូបង្រៀន គិលាននុបដ្ឋាក ត្រូវបានអញ្ជើញមកចូលរួមក្នុងទីវានេះ។ការប្រារព្ធទិវាឯករាជ្យ នឹងត្រូវបានដឹកនាំដោយនាយករដ្ឋមន្ត្រីលោក Modi ដែលនឹងថ្លែងសុន្ទរកថា ពីវិមាន Red Fort។ លោកក៏ត្រូវបានគេរំពឹងថា នឹងត្រួតកងកិត្តិយស និងលាតត្រាដាងទង់ជាតិនៅវិមាន Red Fort ៕

អ្នកវិភាគ និងយុវជនជឿជាក់លើការដឹកនាំរបស់នាយករដ្ឋមន្ត្រីថ្មី ជាមួយនឹងទំនាក់ទំនងការទូតអន្តរជាតិ

2023/08/15 06:55:01 pm        1742
Facebook Telegram Linkin
ភ្នំពេញ៖ លោកបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា និងយុវជន សិស្ស និស្សិត បង្ហាញភាពជឿជាក់លើការដឹកនាំរបស់ឯកឧត្ដមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្ដីថ្មីនៃកម្ពុជា ជាពិសេសលើទំនាក់ទំនងការទូតអន្តរជាតិនានា ខណៈទស្សនកិច្ចផ្លូវការ​របស់ឯកឧត្ដម វ៉ាង យី រដ្ឋមន្ត្រីការបរទេសចិនមកកម្ពុជា ​កាលពីពេលថ្មីៗនេះ បានបង្ហាញ​ចំណងមិត្តភាពស្អិតរមួត និងមិត្តដែកថែបយូរអង្វែងរវាងប្រទេសទាំងពីរ។ លោកបណ្ឌិត យង់ ពៅ បានថ្លែងថា ឯកឧត្តម វ៉ាង យី (Wang Yi) ក្នុងដំណើរបពេញទស្សនកិច្ច​ផ្លូវការ​នៅ​ព្រះរាជាណាចក្រម្ពុជា ​២ថ្ងៃ ចាប់ពីថ្ងៃទី១២ ដល់ថ្ងៃទី ១៣ ខែសីហា ឆ្នាំ២០២៣ បានបញ្ជាក់ពីការតភ្ជាប់នៃនយោបាយការបរទេស ស្របតាមឆត្រនយោបាយ «មិត្តភាពដែកថៃប កម្ពុជា-ចិន»។លោកបានកត់សម្គាល់ឥរិយាបថការទូត ចំពោះដំណើរបំពេញទស្សនកិច្ចផ្លូវការលើកនេះ គឺ​ឯកឧត្ដម វ៉ាង យី ក្រៅពីកម្មវិធី ថ្វាយបង្គំគាល់ព្រះមហាក្សត្រ ​និងជំនួបជាមួយនាយករដ្ឋមន្ត្រីកម្ពុជា ឯកឧត្ដម ក៏បានជួបសន្ទនាការទ្វេភាគីជាមួយឥស្សរជន​នយោបាយការ​បរទេសកម្ពុជា​ ៣ជំនាន់ ទាំងចាស់ ​និងថ្មីតាមលំដាប់ដោយ រួមមាន ឯកឧត្តមឧបនាយករដ្ឋមន្ត្រី ហោ ណាំហុង អតីត​រដ្ឋមន្ត្រី​ក្រសួងការបរទេស និងសហប្រតិបត្តិការអន្តរជាតិ (ថ្ងៃទី១២ ខែសីហា)។ ឯកឧត្តម សុខ ចិន្តាសោភា​ អនាគតរដ្ឋមន្ត្រីក្រសួងការបរទេស ​និងសហប្រតិបត្តិការអន្តរជាតិ (ថ្ងៃទី១២ ខែសីហា)។ ​ឧបនាយករដ្ឋមន្ត្រី ប្រាក់ ​សុខុន​ រដ្ឋមន្ត្រីក្រសួងការបរទេស និង​សហប្រតិបត្តិការអន្តរជាតិ ផុតអាណត្តិ (ថ្ងៃទី១៣ ខែសីហា ផងដែរ។ចំណែក យុវជន សិស្ស និស្សិតបញ្ញវន្ត ប្រជាជនគ្រប់មជ្ឍដ្ឋានបានសាទរ និងតាមដានយ៉ាង​យក​ចិត្តទុក​ដាក់​ចំពោះនាយករដ្ឋមន្រ្តីថ្មី ​ពិសេស ឥរិយាបទខាងការទូត​របស់​កម្ពុជា​ក្នុង​អាណត្តិទី​៧នេះ។ ក្រុមយុវជនលើកឡើង ​អាណត្តិទី៧នេះ កម្ពុជា​បានបើកទំព័រប្រវត្ត​សាស្រ្ត​ជាថ្មីម្តងទៀត ដោយ​មាននាយករដ្ឋមន្រ្តីវ័យក្មេង ​និង​ឈ្លៀសវៃ​បំផុតគឺ ​ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ​បន្តដឹកនាំនាវាកម្ពុជា​ឆ្ពោះទៅមហាអំណាចក្នុងតំបន់ ​ស្របតាមកត្តាភូមិសាស្រ្ត និង​ការអំណោយផលផ្នែកធនធានមនុស្ស រួមជាមួយនឹង​ការ​រក្សា​បាន​នូវស្ថិរភាពនយោបាយ ក្រោមការ​ដឹកនាំប្រកបដោយកិតិ្តបណ្ឌិតសម្តេច​អគ្គ​មហា​សេនា​បតីតេជោ ​ហ៊ុន សែន ជាគុណបំណាច់យ៉ាង​ធំធេង​សម្រាប់ប្រទេសជាតិទាំងមូល។សូមជម្រាបថា ឆ្នាំ២០២៣នេះ រដ្ឋាភិបាលកម្ពុជា-ចិន ​បានប្រកាសបើកព្រឹត្តិការណ៍ «ឆ្នាំមិត្តភាព កម្ពុជា-ចិន» ដើម្បីអបអរសាទរខួបលើកទី៦៥​ នៃការបង្កើតទំនាក់ទំនងការទូត និងឆ្នាំមិត្តភាពឆ្ពោះ​ទៅយុគសម័យថ្មី នៃការកសាង​សហគមន៍​វាសនារួមគ្នា​កម្ពុជា-ចិន និងបានឯកភាព​បង្កើត​ក្របខណ្ឌ «កិច្ចសហប្រតិបត្តិការត្បូងពេជ្រ»​ ក្នុង​ដំណើរទស្សនកិច្ចផ្លូវការរបស់​ សម្តេចតេជោហ៊ុន សែន ​នៅសាធារណរដ្ឋប្រជាមានិតចិន ​កាលពីខែកុម្ភៈ ឆ្នាំ២០២៣ ​កន្លងទៅ៕អត្ថបទ៖ វ៉ន ដារ៉ា

មានរយៈពេល២ឆ្នាំបន្ទាប់ពីក្រុមតាលីបង់ដណ្តើមការគ្រប់គ្រងក្នុងប្រទេសអាហ្វហ្គានីស្ថាន

2023/08/15 06:51:02 pm        123
Facebook Telegram Linkin
អាហ្វហ្គានីស្ថាន៖ នៅថ្ងៃអង្គារនេះ គឺជាខួប២ឆ្នាំចាប់តាំងពីក្រុមតាលីបង់ ដណ្តើមអំណាចមកវិញនៅក្នុងប្រទេសអាហ្វហ្គានីស្ថាន។ វិធានការរឹតត្បិតរបស់ខ្លួនលើសិទ្ធស្ត្រី ត្រូវបានរឹតបន្តឹងកាន់តែខ្លាំងឡើង ហើយសេដ្ឋកិច្ចនៅតែពុំអាចស្ទុះងើបឡើងវិញបាន។ ក្រុមតាលីបង់ បានដណ្តើមយករដ្ឋធានីកាប៊ុល នៅថ្ងៃទី១៥ ខែសីហា ឆ្នាំ២០២១ ខណៈកងទ័ពសហរដ្ឋអាមេរិក កំពុងដកចេញពីប្រទេសនេះ។ ក្រុមអ៊ីស្លាមនិយម ក្រោយមកបានបង្កើតរដ្ឋាភិបាលបណ្តោះអាសន្នមួយ និងកំពុងគ្រប់គ្រងប្រទេសនេះស្របទៅតាមការបកស្រាយរបស់ខ្លួននៃច្បាប់អ៊ីស្លាម។ ស្ថិតនៅក្រោមការគ្រប់គ្រងរបស់របស់ក្រុមតាលីបង់ ក្មេងស្រីត្រូវបានហាមប្រាមមិនឲ្យចូលរៀននៅសាលារៀនថ្នាក់អនុវិទ្យាល័យ ហើយសមាជិកបុគ្គលិកស្ត្រីរបស់អង្គការសហប្រជាជាតិ និងអង្គការមិនរកប្រាក់កម្រៃ ត្រូវបានហាមឃាត់មិនឲ្យទៅធ្វើការ។ កាលពីខែមុន ក្រុមនេះបានប្រកាសបម្រាមលើមណ្ឌលកែសម្ផស្សស្ត្រី។ អង្គការសហប្រជាជាតិ ស្ថិតក្នុងចំណោមស្ថាប័នដ៏ទៃទៀត ដែលបានអំពាវនាវដល់ក្រុមតាលីបង់ដើម្បីធ្វើឲ្យស្ថានភាពប្រសើរឡើង ប៉ុន្តែក្រុមនេះពុំបានទទួលយកសំណើរនោះឡើយ ហើយគ្មានប្រទេសណាមួយ ទទួលស្គាល់ក្រុមតាលីបង់ជារដ្ឋាភិបាលស្របច្បាប់នោះដែរ។ ប្រទេសអាហ្វហ្គានីស្ថាន ប្រឈមមុខសេដ្ឋកិច្ចជាប់គាំង និងកង្វះស្បៀងអាហារធ្ងន់ធ្ងរ ខណៈការគាំទ្រពីក្រៅប្រទេសក៏បានជាប់គាំង។ អង្គការសហប្រជាជាតិ និយាយថា ច្រើនជាង២ភាគ៣ នៃប្រជាជនរបស់ប្រទេស ត្រូវការជំនួយមនុស្សធម៌។ រដ្ឋមន្ត្រីការបរទេសស្តីទី លោក Amir Khan Muttaqi មកពីរដ្ឋាភិបាលក្រុមតាលីបង់ បានជួបពិភាក្សាជាមួយមន្ត្រីជាន់ខ្ពស់ក្រសួងការបរទេសសហរដ្ឋអាមេរិក កាលពីខែកក្កដា។ លោកបានអំពាវសុំឲ្យដកទណ្ឌកម្មដែលត្រូវបានដាក់ដោយសហរដ្ឋអាមេរិក ដែលរួមទាំងការបង្កកទុនបម្រុងរបស់ធនាគារកណ្តាល។ក្រុមតាលីបង់ បានអំពាវនាវឲ្យមានការទទួលស្គាល់រដ្ឋាភិបាលបណ្តោះអាសន្ន។ ប៉ុន្តែសហគមន៍អន្តរជាតិ បានជំរុញឲ្យក្រុមនេះធ្វើឲ្យស្ថានភាពប្រសើរឡើង ទាក់ទងទៅនឹងសិទ្ធិស្ត្រី ខណៈផ្តល់ស្បៀងអាហារ និងការគាំទ្រផ្សេងៗទៀត៕

ការប្រឡងឌីប្លូមឆ្នាំសិក្សា២០២២-២០២៣ កំពុងដំណើរការនៅតាមបណ្ដាគ្រឹះស្ថានអប់រំឯកជន

2023/08/15 06:45:11 pm        155
Facebook Telegram Linkin
ភ្នំពេញ៖ គ្រឹះស្ថានអប់រំឯកជន ​នៅក្នុងរាជធានីភ្នំពេញ កំពុងដំណើរការប្រឡងមធ្យមសិក្សា​បឋមភូមិ (ឌីប្លូម) សម្រាប់ឆ្នាំសិក្សា២០២២-២០២៣ ​នៅតាមសាលារៀងខ្លួន បន្ទាប់ពីមានការ​អនុញ្ញាតពីក្រសួងអប់រំ យុវជន និងកីឡា ខណៈការប្រឡង​នៅសាលាសាធារណៈរបស់រដ្ឋ នឹង​ចាប់ផ្ដើម​នៅថ្ងៃទី២ ខែតុលា ឆ្នាំ២០២៣ខាងមុខ ។លោក ហែម ស៊ីណារ៉េត ប្រធានមន្ទីរអប់រំ​ យុវជន​ និងកីឡារាជធានីភ្នំពេញ ​បានឲ្យដឹងថា ​បច្ចុប្បន្ន មានសាលាឯកជនបណ្ដើរៗហើយ បានរៀបចំការប្រឡងមធ្យមសិក្សាបឋមភូមិ ហើយនៅ​រាជធានី​ភ្នំពេញ មានសាលាឯកជនដល់ជាង ៩០ភាគរយ ដែលមានលទ្ធភាពប្រឡងដោយខ្លួនឯង ។លោកបន្តថា ​ចំពោះការប្រឡងខ្លួនឯង ​គឺតម្រូវឲ្យអនុវត្តតាមលក្ខខ័ណ្ឌ ​ដែលបានដាក់ចេញ ហើយបើ​សាលាណាមិនបានអនុវត្តតាម ​មន្ត្រីរបស់ក្រសួងអប់រំនឹងចុះអធិការកិច្ច ​ប៉ុន្តែយ៉ាងណា​គឺ​មានទំនុកចិត្តលើសាលាទាំងអស់នោះ ​ព្រោះតាំងពីមានការអនុញ្ញាត ឲ្យរៀបចំការប្រឡង​ខ្លួនឯង​នេះ ពុំទាន់មានបញ្ហាអ្វីនោះទេ ​ហើយការប្រឡងដោយខ្លួនឯងរបស់សាលាឯកជននេះទៀតសោត ក៏បានជួយសម្រាលផងដែរ​ ដល់ការចំណាយរបស់ថវិកាជាតិ ។លោកស្រី រស់ យ៉ាណា​ ប្រធានសាលាអន្តរទ្វីបអាមេរិកកាំង ​បានលើកឡើងថា នារយៈពេលប៉ុន្មាន​ឆ្នាំមកនេះ ក្រសួងអនុញ្ញាតទៅកាន់សាលាឯកជនទាំងឡាយ ដែលមានលទ្ធភាពរៀបចំ​ការប្រឡងឌីប្លូម​ដោយខ្លួនឯង​ ដោយការអនុញ្ញាតនេះ ក៏បានបង្កភាពងាយស្រួលផងដែរ ក្នុង​ការធ្វើនីតិវិធី ការរៀបចំ និងកំណែតម្រងមួយចំនួន ។លោកស្រី បានបន្តថា នៅពេលមានការររៀបចំដោយខ្លួនឯង ​គឺសាលាអន្តរទ្វីបអាមេរិកកាំង អាច​ច្នៃការងារទាំងឡាយ មានភាពច្បាស់លាស់​ និងមានទំនុកចិត្ត ​ក្រោមការតម្រងទិស ក៏ដូចជា​ការផ្ដល់ឱវាទពីក្រសួង ​និងមន្ទីរអប់រំ យុវជន ​និងកីឡារាជធានីភ្នំពេញផ្ទាល់ ហើយការប្រឡង​កន្លងមកនេះ​ បានប្រព្រឹត្តិទៅដោយរលូន ​ហើយសិស្សក៏ទទួលបាន​លទ្ធផលល្អ ។ ជាមួយនេះលោកស្រី រស់ យ៉ាណា បានបង្ហាញពីការប្ដេជ្ញា ​ធ្វើយ៉ាងណាឲ្យការប្រឡងនេះ បាន​ប្រព្រឹត្តិទៅតាមការអនុញ្ញាតរបស់ក្រសួង ​ដែលបានដាក់ចេញ​ ក៏ដូចជាបន្តចូលរួមធ្វើឲ្យវិស័យអប់រំ នៅកម្ពុជាកាន់តែមានភាពរីកចម្រើន ​តាមរយៈការស្វែងរកនូវកម្មវិធីសិក្សាល្អៗ សម្រាប់​សិស្សានុសិស្ស ។គួរបញ្ជាក់ថា ចាប់ពីមានការឆ្លងរីករាលដាលខ្លាំង នៃជំងឺកូវីដ-១៩ មានគ្រឹះអប់រំឯកជនមួយចំនួន​បាន​ស្នើសូមក្រសួងអប់រំ ​យុវជន និងកីឡា ​ដើម្បីអនុញ្ញាត​ឲ្យពួកគេរៀបចំការប្រឡងមធ្យមសិក្សា​បឋមភូមិ​ដោយខ្លួនឯង ​ដើម្បីចូលរួមទប់ស្កាត់ ​ការឆ្លងរាលដាលនៃជំងឺនេះ កុំឲ្យកើនឡើង​កាន់តែខ្លាំង ៕ អត្ថបទ បាន សុខរិទ្ធិ

ក្រុមអ្នកជំនាញ៖ក្រុមរដ្ឋឥស្លាមនៅតែមានសមាជិករាប់ពាន់នាក់នៅស៊ីរី និងអ៊ីរ៉ាក់ ហើយបង្កការគំរាមកំហែងដល់ប្រទេសអាហ្វហ្គានីស្ថាន

2023/08/15 06:32:57 pm        113
Facebook Telegram Linkin
អាហ្វហ្គានីស្ថាន៖ ក្រុមអ្នកជំនាញរបស់UN បាននិយាយនៅក្នុងរបាយការណ៍មួយដែលត្រូវបានផ្សព្វផ្សាយកាលពីថ្ងៃចន្ទថា ក្រុមរដ្ឋឥស្លាម(IS)នៅតែបញ្ជាសមាជិកពី ៥.០០០ ទៅ៧.០០០នាក់ នៅទូទាំងអតីតតំបន់ការពាររបស់ខ្លួននៅក្នុងប្រទេសស៊ីរី និងអ៊ីរ៉ាក់ ហើយក្រុមអ្នកប្រយុទ្ធរបស់ខ្លួន បានគំរាមកំហែងបង្កអំពើភេរវកម្មធ្ងន់ធ្ងរបំផុត នៅក្នុងប្រទេសអាហ្វហ្គានីស្ថាន សព្វថ្ងៃនេះ។អ្នកជំនាញឃ្លាំមើលការដាក់ទណ្ឌកម្មប្រឆាំងនឹងក្រុមសកម្មប្រយុទ្ធ ដែលត្រូវបានគេស្គាល់ដោយអក្សរកាត់អារ៉ាប់ Daesh (ដែស) បាននិយាយថា ក្នុងអំឡុងឆមាសទីមួយនៃឆ្នាំ២០២៣ថា ការគំរាមកំហែងដែលបង្កឡើងដោយIS នៅតែមានភាគច្រើននៅក្នុងតំបន់ជម្លោះ និងកម្រិតទាបនៅក្នុងតំបន់ដែលមិនមានជម្លោះ ។ប៉ុន្តែក្រុមនេះបាននិយាយនៅក្នុងរបាយការណ៍មួយទៅកាន់ក្រុមប្រឹក្សាសន្តិសុខUNថា៖«ស្ថានភាពទាំង មូលមានភាពសកម្មយ៉ាងខ្លាំង» ហើយទោះបីជាមានការខាតបង់យ៉ាងសំខាន់ក្នុងការដឹកនាំក្រុមនេះ និងបាន កាត់បន្ថយសកម្មភាពនៅក្នុងប្រទេសស៊ីរី និងអ៊ីរ៉ាក់ក៏ដោយ ក៏ហានិភ័យនៃការកើតឡើងវិញរបស់ក្រុមនេះ នៅតែមាន។ក្រុមអ្នកជំនាញ បាននិយាយថា៖«ក្រុមនេះ បានកែសម្រួលយុទ្ធសាស្រ្តរបស់ខ្លួន ដោយបង្កប់ខ្លួនជាមួយប្រជាជនក្នុងតំបន់ និងបានអនុវត្តការប្រុងប្រយ័ត្នក្នុងការជ្រើសរើសសមរភូមិ ដែលទំនងជាបណ្តាលឲ្យ មានការខាតបង់មានកម្រិត ខណៈពេលដែលការកសាងឡើងវិញ និងជ្រើសរើសពីជំរំនៅភាគឦសាននៃសាធារណរដ្ឋអារ៉ាប់ស៊ីរី និងពីបណ្តាសហគមន៍ដែលងាយរងគ្រោះ រួមទាំងនៅប្រទេសជិតខាង»៕

បេក្ខជនឈានមុខមេដឹកនាំកោះតៃវ៉ាន់ និយាយថាគ្មានផែនការប្ដូរឈ្មោះផ្លូវការរបស់កោះនេះទេ

2023/08/15 06:27:01 pm        104
Facebook Telegram Linkin
តៃវ៉ាន់៖ បេក្ខជនឈានមុខដែលនឹងក្លាយជាមេដឹកនាំថ្មីរបស់កោះតៃវ៉ាន់ គឺជាមេដឹកនាំលំដាប់ទី២ លោក វីលៀម ឡៃ (William Lai) បាននិយាយក្នុងបទសម្ភាសន៍មួយនៅថ្ងៃអង្គារនេះថា លោកគ្មានគម្រោងប្ដូរឈ្មោះផ្លូវការរបស់កោះនេះទេ ប៉ុន្តែបានបញ្ជាក់ជាថ្មីថា កោះតៃវ៉ាន់ នឹងមិនរណបចំពោះចិនឡើយ។ ទីក្រុងប៉េកាំងមិនពេញចិត្តលោកឡៃ ទេ ចំពោះការអត្ថាធិប្បាយកន្លងទៅរបស់លោក ដែលថា លោកគឺធ្វើការជាក់ស្ដែងសម្រាប់ឯករាជ្យរបស់កោះតៃវ៉ាន់ ជាបន្ទាត់ក្រហមសម្រាប់ចិន ដែលមើលឃើញកោះគ្រប់គ្រងតាមបែបលទ្ធិប្រជាធិបតេយ្យមួយនេះថាជាផ្នែកមួយនៃដែនដីរបស់ខ្លួន ។  លោកឡៃ បានអះអាងជាថ្មី ថា លោកពុំបានស្វែងរកការផ្លាស់ប្ដូរស្ថានភាពជាក់ស្ដែងទេ ដោយនិយាយបែបសាមញ្ញថា ការពិត កោះតៃវ៉ាន់ មានឯករាជ្យរួចទៅហើយ ដែលហៅថាសាធារណរដ្ឋចិន ជាឈ្មោះផ្លូវការរបស់ខ្លួន ដោយបន្តថា មានតែប្រជាពលរដ្ឋកោះតៃវ៉ាន់ខ្លួនឯងប៉ុណ្ណោះ ដែលអាចសម្រេចពីអនាគតរបស់ពួកគេបាន។ លោកបាននិយាយក្នុងបទសម្ភាសន៍មួយជាមួយទីភ្នាក់ងារសារព័ត៌មាន Bloomberg ថា យើងត្រូវតែទទួលយកការពិត ជាអ្វីដែលលោកចង់និយាយ ដោយភាពប្រាកដនិយម ដែលកោះតៃវ៉ាន់ មានអធិបតេយ្យភាពរួចទៅហើយ ជារដ្ឋឯករាជ្យដែលហៅថាសាធារណរដ្ឋចិន ។ នេះមិនមែនជាផ្នែកមួយនៃសាធារណរដ្ឋប្រជាមានិតចិនទេ ៕

ចិនជំទាស់នឹងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិស្តីពីសិទ្ធិមនុស្សនៅកូរ៉េខាងជើង

2023/08/15 06:15:47 pm        137
Facebook Telegram Linkin
ចិន៖ អ្នកនាំពាក្យបេសកកម្មរបស់ចិនប្រចាំនៅUN ក្នុងទីក្រុងញូវយ៉ក បាននិយាយកាលពីថ្ងៃចន្ទថា ប្រទេសចិនជំទាស់នឹងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិដែលបានគ្រោងទុកស្តីពីការរំលោភសិទ្ធិមនុស្សនៅក្នុងប្រទេសកូរ៉េខាងជើង ព្រោះវានឹងគ្រាន់តែបង្កើនការប្រឈមមុខដាក់គ្នា និង ការបង្កជម្លោះប៉ុណ្ណោះ។  សហរដ្ឋអាមេរិក អាល់បានី និងជប៉ុន បានស្នើសុំកិច្ចប្រជុំដែលនឹងធ្វើឡើងនៅថ្ងៃព្រហស្បតិ៍។ វានឹងជាការជួបប្រជុំជាសាធារណៈលើកដំបូងរបស់ក្រុមប្រឹក្សាដែលមានសមាជិកទាំង១៥លើបញ្ហានេះ ចាប់តាំងពីឆ្នាំ ២០១៧មក។អ្នកនាំពាក្យបេសកកម្មរបស់ចិនប្រចាំនៅUN បាននិយាយថា៖«ប្រទេសចិនមើលឃើញថា គ្មានតម្លៃបន្ថែមសម្រាប់ក្រុមប្រឹក្សា ដើម្បីឲ្យមានកិច្ចប្រជុំបែបនេះទេ ហើយនឹងប្រឆាំងវា ដោយបន្ថែមថា អាណត្តិរបស់ក្រុមប្រឹក្សានេះគឺ«ការថែរក្សាសន្តិភាព និងសន្តិសុខអន្តរជាតិ មិនមែនបញ្ហាសិទ្ធិមនុស្សទេ»។អ្នកនាំពាក្យរូបនេះ បាននិយាយដោយសំដៅដល់ឈ្មោះផ្លូវការរបស់ប្រទេសនេះ គឺសាធារណរដ្ឋប្រជាធិបតេយ្យមានិតកូរ៉េថា៖«កិច្ចប្រជុំក្រុមប្រឹក្សាស្តីពីសិទ្ធិមនុស្សនៅកូរ៉េខាងជើង ស្ថិតនៅក្រៅអាណត្តិរបស់ក្រុមប្រឹក្សា ធ្វើឲ្យបញ្ហាសិទ្ធិមនុស្សទៅជាបញ្ហានយោបាយ ហើយគ្រាន់តែបម្រើដល់ការបង្កើនការប្រឈមមុខដាក់គ្នានិងការបង្កជម្លោះប៉ុណ្ណោះ»៕

[BREAKING NEWS] រដ្ឋ Georgia បានចោទប្រកាន់ ត្រាំ ពីបទព្យាយាមបង្វែរលទ្ធផលបោះឆ្នោតឆ្នាំ២០២០ដោយខុសច្បាប់

2023/08/15 05:58:56 pm        100
Facebook Telegram Linkin
អាមេរិក៖ អតីតប្រធានាធិបតីសហរដ្ឋអាមេរិក លោក ដូណាល់ ត្រាំ ត្រូវបានចោទប្រកាន់ពីបទឧក្រិដ្ឋកម្មលើកទី៤កាលពីថ្ងៃចន្ទ នៅពេលដែលគណៈវិនិច្ឆ័យរបស់រដ្ឋ Georgia បានចេញដីកាចោទប្រកាន់លោកពីបទព្យាយាមបង្វែរលទ្ធផលបាញ់ការបោះឆ្នោតឆ្នាំ២០២០ ទម្លាក់លើប្រធានាធិបតីប្រជាធិបតេយ្យ លោកចូ បៃដិន។ការចោទប្រកាន់ដែលបញ្ចូនដោយមេធាវីសហព័ន្ធ លោក Fani Willis បានបន្ថែមលើបញ្ហាផ្លូវច្បាប់ដែលកំពុងប្រឈមពីលោក ត្រាំ ដែលជាអ្នកនាំមុខគេក្នុងការប្រជែងតំណែងបេក្ខជនប្រធានាធិបតីរបស់គណបក្សសាធារណរដ្ឋសម្រាប់ការបោះឆ្នោតប្រធានាធិបតីឆ្នាំ២០២៤។ដីកាចោទប្រកាន់ដែលមានកម្រាស់៩៨ទំព័រ បានរាយបញ្ជីឈ្មោះជនជាប់ចោទចំនួន១៩នាក់ និងបទល្មើសសរុបចំនួន៤១ករណី។ ជនជាប់ចោទទាំងអស់ត្រូវបានចោទប្រកាន់ពីបទឧក្រិដ្ឋកម្មគ្រោងទុក ដែលត្រូវបានប្រើដើម្បីកំណត់គោលដៅលើក្រុមសមាជិកនៃក្រុមឧក្រិដ្ឋកម្មមានអង្គការចាត់តាំង និងផ្តន្ទាទោសដាក់ពន្ធនាគាររហូតដល់២០ឆ្នាំ។ការចោទប្រកាន់នេះបានលើកឡើងពីបទឧក្រិដ្ឋមួយចំនួនដែលលោក ត្រាំ ឬសហការីរបស់លោក ចោទប្រកាន់ថាបានប្រព្រឹត្ត រួមទាំងការផ្តល់សក្ខីកម្មក្លែងក្លាយដល់ក្រុមសមាជិកសភាថា ការក្លែងបន្លំសន្លឹកឆ្នោតបានកើតឡើង និងការជំរុញឱ្យក្រុមមន្ត្រីរដ្ឋ បំពានលើពាក្យសម្បថរបស់ពួកគេ ដោយការផ្លាស់ប្តូរលទ្ធផលបោះឆ្នោត។លោក ត្រាំ បានបដិសេធថាមិនបានធ្វើអ្វីខុសនោះទេ ហើយបានចោទប្រកាន់មេធាវី Willis ដែលជាអ្នកប្រជាធិបតេយ្យជាប់ឆ្នោតថា មានហេតុផលនយោបាយនៅពីក្រោយការចោទប្រកាន់នោះ។ លោក ត្រាំ បានផ្ដល់ចម្លើយពីភាពគ្មានទោសរួចហើយថា មិនមានកំហុសក្នុងសំណុំរឿងព្រហ្មទណ្ឌចំនួន៣ករណីនោះទេ៕

ចិន ព្រមានជប៉ុន កុំឲ្យលូកដៃជ្រៀតជ្រែកការយាមល្បាតរវាងរុស្ស៊ី និងចិន នៅក្នុងតំបន់

2023/08/15 05:51:00 pm        98
Facebook Telegram Linkin
ចិន៖ អ្នកនាំពាក្យក្រសួងការពារជាតិចិន លោក អ៊ូឈាន (Wu Qian) បាននិយាយកាលពីថ្ងៃចន្ទថា ប្រទេសចិន បានព្រមានជប៉ុនប្រឆាំងនឹង "ការចាត់វិធានការគ្មានប្រយោជន៍" ដែលរារាំងការល្បាតរួមគ្នាដោយយោធារបសចិន និងរុស្ស៊ីនៅក្នុងតំបន់។អ្នកនាំពាក្យរូបនេះបាននិយាយថា ការតាមដាន និងឃ្លាំមើលយ៉ាងជិតស្និតរបស់ប្រទេសជប៉ុនគឺមានគ្រោះថ្នាក់ខ្លាំងណាស់ និងងាយក្នុងការបង្កឲ្យមានការយល់ច្រឡំ និងការវិនិច្ឆ័យខុស និងគ្រោះថ្នាក់នៅសមុទ្រ ព្រមទាំងនៅលើអាកាស។ យើងជំរុញឲ្យភាគីជប៉ុនបញ្ឈប់ការជ្រៀតជ្រែកគ្មានន័យទាំងនេះ ដោយបញ្ឈប់សកម្មភាពដែលប៉ះពាល់ដល់ការអភិវឌ្ឍប្រកបដោយសន្ទុះខ្លាំងនៃទំនាក់ទំនងទ្វេភាគីរវាងចិន និងជប៉ុន និងប៉ះពាល់សន្តិភាព និងស្ថិរភាពក្នុងតំបន់។ សម្តីនិងទង្វើគ្មានការទទួលខុសត្រូវ។លោកបានបន្ថែមថា យោងតាមផែនការសហប្រតិបត្តិការប្រចាំឆ្នាំរវាងយោធាចិន និងរុស្ស៊ី ការបង្កើតកងទ័ពជើងទឹកនៃប្រទេសទាំងពីរនឹងធ្វើការល្បាតដែនសមុទ្ររួមគ្នានៅក្នុងដែនទឹកដែលពាក់ព័ន្ធនៅភាគខាងលិច និងខាងជើងនៃមហាសមុទ្រប៉ាស៊ីហ្វិក។សកម្មភាពនេះមិនសំដៅទៅភាគីទីបីទេ ហើយមិនពាក់ព័ន្ធនឹងស្ថានភាពអន្តរជាតិ និងតំបន់បច្ចុប្បន្នទេ។ ក្នុងពេលធ្វើដំណើរនោះ កងនាវារបស់ចិន និងរុស្ស៊ីបានគោរពយ៉ាងម៉ឺងម៉ាត់ចំពោះច្បាប់អន្តរជាតិ ហើយបានធ្វើដំណើរលើផ្នែកខាងលើរបស់ដែនសមុទ្រ។ លោក ឈាន Qian បានសង្កត់ធ្ងន់ថា វាគួរតែត្រូវបានចង្អុលបង្ហាញថា កិច្ចសហប្រតិបត្តិការរវាងយោធាចិន និងរុស្ស៊ីគឺបើកចំហ និងតម្លាភាព ហើយមានគោលបំណងរួមគ្នាការពារភាពត្រឹមត្រូវ និងយុត្តិធម៌អន្តរជាតិ ព្រមទាំងរក្សាសន្តិសុខ និងស្ថិរភាពពិភពលោក និងក្នុងតំបន់៕

បណ្ដាញសង្គម

ព័ត៌មានថ្មីៗ

ក្រុមហ៊ូទីអះអាងថា ខ្លួនបានធ្វើការវាយប្រហារថ្មីដោយដ្រូនទៅលើរោងចក្រចម្រាញ់ប្រេងរបស់អារ៉ាប៊ីសាអ៊ូឌីត
08/18/2026 06:08 PM
Facebook Telegram Linkin
លោក Lavrov បញ្ជាក់​ថា រុស្ស៊ី និងកូរ៉េខាងជើង គាំទ្រ​ឱ្យមាន​សណ្តាប់ធ្នាប់ពិភពលោកពហុប៉ូលថ្មី
08/18/2026 06:08 PM
Facebook Telegram Linkin
កូស្តារីកាជម្លៀសពលរដ្ឋចេញ ក្រោយទឹកជំនន់វាយប្រហារខេត្ត Limon និងតំបន់ផ្សេងទៀត
08/18/2026 06:08 PM
Facebook Telegram Linkin
ជប៉ុននឹងសាកល្បងមីស៊ីលល្បឿនលឿនជាងសំឡេង នៅ​អូស្ត្រាលី ក្រោមកិច្ចព្រមព្រៀងថ្មី
08/18/2026 06:08 PM
Facebook Telegram Linkin
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
08/18/2026 06:08 PM
Facebook Telegram Linkin
ភ្លៀងធ្លាក់ខ្លាំងបង្កការជន់លិចផ្ទះសម្បែង និងដងផ្លូវនៅរដ្ឋធានី Lima របស់ប្រទេសប៉េរូ
08/18/2026 06:08 PM
Facebook Telegram Linkin
អ្នកចរចាអ៊ីរ៉ង់ថា ច្រកសមុទ្រហ័រមូសនឹងមិនបើកឡើយ រហូតដល់សហរដ្ឋអាមេរិកបំពេញតាមការទាមទាររបស់ទីក្រុងតេអេរ៉ង់
08/18/2026 06:08 PM
Facebook Telegram Linkin
តុលាការស៊ីរី កាត់ទោសប្រហារជីវិតបងប្អូនជីដូនមួយរបស់អតីតមេដឹកនាំ Bashar al-Assad
08/18/2026 06:08 PM
Facebook Telegram Linkin
ប្រធានសេដ្ឋវិទូរុស្ស៊ី ត្រូវបានដកតំណែង ក្រោយព្រមានពីការចំណាយកើនឡើងដោយសារសង្រ្គាមអ៊ុយក្រែន
08/18/2026 06:08 PM
Facebook Telegram Linkin
អ្នកនាំពាក្យ៖ ក្រសួងបានត្រៀមការងារថ្មីជូនកម្មករនៃរោងចក្រ៣នៅបន្ទាយមានជ័យដែលប៉ះពាល់ពីការឈ្លានពានរបស់ថៃ ទាំងតាម «១២៩៧»​ និង «ការចុះឈ្មោះជូនផ្ទាល់នៅរោងចក្រ»
08/18/2026 06:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.