នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា
សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់​ដល់អាជ្ញាធរមូលដ្ឋានឱ្យ​បង្ក្រាប​ Online Scams ឱ្យទាល់តែអស់​ជាដាច់ខាត​ប្រកបដោយស្មារតីទទួលខុសត្រូវខ្ពស់បំផុត
គណៈរដ្ឋមន្ត្រី​ អនុម័តលើសេចក្តីព្រាងរបាយការណ៍តាមដាន និងត្រួតពិនិត្យការអនុវត្តយុទ្ធសាស្ត្របញ្ចកោណដំណាក់កាលទី១ ឆ្នាំ២០២៥

នយោបាយ​ និង ការអភិវឌ្ឍន៍

អាមេរិក អនុម័តការលក់កញ្ចប់សព្វាវុធតម្លៃ ២០ពាន់លានដុល្លារដល់អ៊ីស្រាអែល

2024/08/14 11:14:22 am        239
Facebook Telegram Linkin
សហរដ្ឋអាមេរិក កាលពីថ្ងៃអង្គារ (១៣ សីហា) បានអនុម័តការលក់យន្តហោះចម្បាំង និងគ្រឿងយុទ្ធោបករណ៍យោធាផ្សេងទៀតក្នុងទំហំទឹកប្រាក់ចំនួន ២០ពាន់លានដុល្លារទៅឱ្យអ៊ីស្រាអែល ខណៈប្រទេសនេះកំពុងបន្តសង្រ្គាមរយៈពេល ១០ខែនៅក្នុងតំបន់ហ្កាហ្សាស្ទ្រីប ដោយមន្ទីរបញ្ចកោណនិយាយថា ការចែកចាយលើកញ្ចប់សព្វាវុធទាំងនោះនឹងត្រូវចំណាយពេលរាប់ឆ្នាំ។មន្ទីរបញ្ចកោណបាននិយាយនៅក្នុងសេចក្តីថ្លែងការណ៍មួយថា រដ្ឋមន្ត្រីការបរទេសអាមេរិក លោក អង់តូនី ប្លីងខិន (Antony Blinken) បានអនុម័តការលក់យន្តហោះចម្បាំង F-15 និងគ្រឿងយុទ្ធោបករណ៍ដែលមានតម្លៃជិត ១៩ពាន់លានដុល្លារ រួមជាមួយនឹងគ្រាប់កាំភ្លើងរថក្រោះដែលមានតម្លៃ ៧៧៤លានដុល្លារ គ្រាប់កាំភ្លើងត្បាល់មានតម្លៃជាង ៦០លានដុល្លារ និងយានជំនិះសម្រាប់កងទ័ពមានតម្លៃ ៥៨៣លានដុល្លារ។ យន្តហោះចម្បាំង ប៊ូអ៊ីង ខូ អេហ្វ-១៥ (Boeing Co F-15) ត្រូវបានគេរំពឹងថានឹងចំណាយពេលច្រើនឆ្នាំដើម្បីផលិត ហើយការចែកចាយត្រូវរំពឹងថានឹងចាប់ផ្តើមនៅឆ្នាំ២០២៩។ គ្រឿងយុទ្ធោបករណ៍ផ្សេងទៀតនឹងចាប់ផ្តើមចែកចាយនៅឆ្នាំ២០២៦ នេះបើតាមមន្ទីរបញ្ចកោណ។ អ្នកជំនាញម្នាក់លើដំណើរការនេះនិយាយថា ការចែកចាយខ្លះអាចលឿនជាងឆ្នាំ២០២៦។រដ្ឋមន្ត្រីក្រសួងការពារជាតិអ៊ីស្រាអែល លោក យ៉ាវ ហ្កាឡាន់ (Yoav Gallant) នៅក្នុងការបង្ហោះនៅលើបណ្ដាញសង្គម X ដោយបានថ្លែងអំណរគុណដល់ក្រុមមន្ត្រីអាមេរិកដែលបានជួយអ៊ីស្រាអែល រក្សា «សមត្ថភាពយោធាប្រកបដោយគុណភាពនៅក្នុងតំបន់» និងការប្តេជ្ញាចិត្តរបស់សហរដ្ឋអាមេរិក ចំពោះសន្តិសុខរបស់អ៊ីស្រាអែល៕

ការអំពាវនាវរបស់អឺរ៉ុបឲ្យបន្ធូរបន្ថយភាពតានតឹងក្នុងជម្លោះតំបន់ហ្កាហ្សារបស់អ៊ីស្រាអែលគ្មានអ្នកស្ដាប់

2024/08/14 10:00:54 am        242
Facebook Telegram Linkin
អ៊ីរ៉ង់និយាយថា ខ្លួននឹងមានការតាំងចិត្តខ្ពស់ ក្នុងការការពារសន្តិសុខរបស់ខ្លួន បន្ទាប់ពីមានការប៉ុនប៉ងធ្វើអន្តរាគមន៍រួមគ្នាដោយចក្រភពអង់គ្លេស បារាំង និងអាល្លឺម៉ង់ មុនពេលកិច្ចចរចាបទឈប់បាញ់ដែលបានគ្រោងទុកនៅក្នុងដែនដីហ្កាហ្សា។ ក្រសួងការបរទេសរបស់អ៊ីរ៉ង់ បានថ្កោលទោសក្រុមមេដឹកនាំអឺរ៉ុប បន្ទាប់ពីពួកគេបានជំរុញឱ្យក្រុងតេអេរ៉ង់ រក្សាភាពអត់ធ្មត់ កុំបើកការវាយប្រហារសងសឹកលើអ៊ីស្រាអែល ខណៈមានសញ្ញាជាច្រើនលេចឡើងថា ជម្លោះនៅតំបន់ហ្កាហ្សាអាចរាលដាលទៅជាសង្គ្រាមមជ្ឈិមបូព៌ាកាន់តែធំ។អ៊ីរ៉ង់លើកឡើងថា ការសងសឹកគឺជាមធ្យោបាយក្នុងការបញ្ឈប់ឧក្រិដ្ឋកម្ម និងជាសិទ្ធិស្របច្បាប់របស់ខ្លួន។ សហរដ្ឋអាមេរិកបានព្រមានថា ការវាយប្រហារលើអ៊ីស្រាអែលដោយអ៊ីរ៉ង់ ជាការសងសឹកចំពោះការធ្វើឃាតមេដឹកនាំក្រុមហាម៉ាសលោក Ismail Haniyeh ក្នុងទីក្រុងតេអេរ៉ង់ និងមេបញ្ជាការក្រុម ហេសបូឡា លោក ហ្វ៊ូអាដ សុកឺ (Fuad Shukr) ក្នុងទីក្រុង បេរូត (Beirut) អាចកើតឡើងក្នុងរយៈពេលប៉ុន្មានថ្ងៃខាងមុខ។ អ្នកនាំពាក្យក្រុមប្រឹក្សាសន្តិសុខជាតិអាមេរិក លោក John Kirby បាននិយាយថា ពេលវេលានៃការវាយប្រហារសងសឹករបស់អ៊ីរ៉ង់ អាចនៅក្នុងសប្តាហ៍នេះ។ ដោយចេញសេចក្តីថ្លែងការណ៍រួម នាយករដ្ឋមន្រ្តីអង់គ្លេស លោក គៀរស្ដាមើ (Keir Starmer) លោកប្រធានាធិបតីបារាំង Macron និងអធិការបតីអាល្លឺម៉ង់ លោក អូឡាហ្វ សូល (Olaf Scholz) បានអំពាវនាវឱ្យអ៊ីរ៉ង់ កុំវាយប្រហារ ដែលនឹងធ្វើឱ្យភាពតានតឹងក្នុងតំបន់កាន់តែពុះកញ្ជ្រោលឡើងថែមទៀត ។មេដឹកនាំទាំងបីបានព្រមានថា រាល់ការវាយប្រហារមុនណាមួយលើអ៊ីស្រាអែលនឹង បង្កគ្រោះថ្នាក់ដល់ឱកាសក្នុងការយល់ព្រមបទឈប់បាញ់ និងការដោះលែងចំណាប់ខ្មាំង ដោយបន្ថែមថា គ្មានប្រទេសឬដែនដីណាមួយ ទទួលបានលផចំណេញពីការកើនឡើងជម្លោះបន្ថែមទៀតនៅមជ្ឈិមបូព៌ាឡើយ៕

លោកស្រី Hasina ជំរុញឱ្យអ្នកគាំទ្ររបស់ខ្លួននៅបង់ក្លាដែស បង្ហាញកម្លាំងជាសាធារណៈ

2024/08/14 09:45:10 am        200
Facebook Telegram Linkin
នាយករដ្ឋមន្ត្រីបង់ក្លាដែស ដែលត្រូវបានបណ្តេញចេញពីតំណែង លោកស្រី សេក ហាស៊ីណា (Sheikh Hasina) កាលពីថ្ងៃអង្គារ (១៣ សីហា) បានស្នើឱ្យអ្នកគាំទ្ររបស់ខ្លួនបង្ហាញពីភាពរឹងមាំ និងកម្លាំងរបស់ពួកគេជាសាធារណៈនៅចុងសប្តាហ៍នេះ ប៉ុន្មានម៉ោងបន្ទាប់ពីតុលាការបានសម្រេចថា ការស៊ើបអង្កេតករណីឃាតកម្មប្រឆាំងនឹងលោកស្រីដែលពាក់ព័ន្ធនឹងភាពចលាចលកាលពីខែមុន អាចដំណើរការបាន។លោកស្រី Hasina វ័យ ៧៦ឆ្នាំ បានភៀសខ្លួនកាលពីសប្តាហ៍មុនទៅកាន់ប្រទេសឥណ្ឌា ខណៈក្រុមបាតុករបានសម្រុកតវ៉ាក្នុងទីក្រុងដាកា ដែលនាំឱ្យបញ្ចប់ការគ្រប់គ្រងរយៈពេល ១៥ឆ្នាំរបស់លោកស្រី។ មនុស្សជាង ៤៥០នាក់ត្រូវបានសម្លាប់ និងរាប់រយនាក់របួសក្នុងអំឡុងពេលប៉ុន្មានសប្តាហ៍នៃភាពចលាចលនោះ។លោកស្រី Hasina បាននិយាយនៅក្នុងសេចក្តីថ្លែងការណ៍ជាលាយលក្ខណ៍អក្សរទៅកាន់អ្នកសារព័ត៌មានតាមរយៈកូនប្រុសរបស់ខ្លួនថា «ខ្ញុំសូមអំពាវនាវដល់អ្នកគាំទ្រឱ្យប្រារព្ធទិវាជាតិនៃការកាន់ទុក្ខនៅថ្ងៃទី១៤ ខែសីហា ដោយការគោរព និងឱឡារិក»។ លោកស្រីបានស្នើឱ្យអ្នកគាំទ្រនាំគ្នា «អធិស្ឋាន» នៅលំនៅឋានកុមារភាពរបស់ខ្លួនក្នុងរដ្ឋធានីដាកា និងបង្ហាញភាពរឹងមាំរបស់ពួកគេ។សេចក្តីថ្លែងការណ៍កាលពីថ្ងៃអង្គារនេះគឺជាការអត្ថាធិប្បាយជាសាធារណៈលើកដំបូងរបស់លោកស្រី Hasina ចាប់តាំងពីការលាលែងពីតំណែង។ លោកស្រីក៏បានទាមទារឱ្យមានការស៊ើបអង្កេតលើការសម្លាប់ និងអំពើឧក្រិដ្ឋកម្មផ្សេងទៀតក្នុងអំឡុងពេលចលាចលដែលបានបង្ខំឱ្យលោកស្រីចេញពីតំណែង ដោយពិរុទ្ធជនត្រូវតែ «កំណត់អត្តសញ្ញាណ និងផ្តន្ទាទោស»៕

[BREAKING NEWS] នាយករដ្ឋមន្ត្រីជប៉ុន លោក Kishida នឹងចុះពីតំណែងប្រធានបក្សកាន់អំណាចនៅខែកញ្ញា

2024/08/14 09:41:48 am        198
Facebook Telegram Linkin
ប្រព័ន្ធផ្សព្វផ្សាយបានរាយការណ៍នៅថ្ងៃពុធ (១៤ សីហា) នេះថា នាយករដ្ឋមន្ត្រីជប៉ុន លោក ហ្វ៊ូមីអូ គីស៊ីដា (Fumio Kishida) នឹងចុះចេញពីតំណែងជាមេដឹកនាំគណបក្សកាន់អំណាចនៅក្នុងខែកញ្ញា ដោយបញ្ចប់អាណត្តិរយៈពេល ៣ឆ្នាំ ក្នុងអំឡុងពេលដែលលោកបានជំរុញឱ្យមានប្រាក់ឈ្នួលខ្ពស់ និងបង្កើនការចំណាយលើវិស័យការពារជាតិ។លោក Kishida ដែលបានមើលឃើញការគាំទ្រជាសាធារណៈរបស់ខ្លួនធ្លាក់ចុះស្របពេលមានរឿងអាស្រូវជាបន្តបន្ទាប់ និងស្របពេលមានជម្លោះនយោបាយ នឹងមិនស្វះស្វែងរកការបោះឆ្នោតឡើងវិញនៅក្នុងតំណែងមេដឹកនាំគណបក្សប្រជាធិបតេយ្យសេរី (LDP) នោះទេ នេះបើយោងតាមប្រព័ន្ធផ្សព្វផ្សាយក្នុងស្រុក រួមទាំងទូរទស្សន៍សាធារណៈ NHK បានរាយការណ៍ ដោយសម្អាងដល់បុគ្គលិករដ្ឋបាលជាន់ខ្ពស់។ការសម្រេចចិត្តលាលែងពីតំណែងរបស់លោកនេះនឹងបង្កឱ្យមានការប្រកួតប្រជែងដើម្បីជំនួសតំណែងរបស់លោកជាប្រធានបក្ស និងដោយការបន្តជាមេដឹកនាំប្រទេសសេដ្ឋកិច្ចធំទីបួនរបស់ពិភពលោក។ អ្នកស្នងតំណែងបន្តពីនាយករដ្ឋមន្ត្រីជប៉ុនរូបនេះ នឹងប្រឈមមុខនឹងបញ្ហាកំណើនថ្លៃចំណាយប្រចាំថ្ងៃ ការកើនឡើងនៃភាពតានតឹងភូមិសាស្ត្រនយោបាយ និងលទ្ធភាពនៃការវិលត្រឡប់របស់លោក ដូណាល់ ត្រាំ (Donald Trump) ជាប្រធានាធិបតីសហរដ្ឋអាមេរិកនៅឆ្នាំក្រោយ៕

លោក Biden ហៅការវាយលុកចូលរបស់អ៊ុយក្រែនថា ជាទ្វេគ្រោះពិតប្រាកដសម្រាប់លោក Putin

2024/08/14 08:46:43 am        232
Facebook Telegram Linkin
លោកប្រធានាធិបតីអាមេរិក Joe Biden បាននិយាយកាលពីថ្ងៃអង្គារទី ១៣ ខែសីហាថា ការលុកលុយយោធារបស់អ៊ុយក្រែនចូលទៅក្នុងប្រទេសរុស្ស៊ី បានបង្កើតជាទ្វេគ្រោះពិតប្រាកដសម្រាប់លោកប្រធានាធិបតីរុស្ស៊ី លោក Vladimir Putin ដោយបន្ថែមថាក្រុមមន្ត្រីអាមេរិកកំពុងតាមដានស្ថានការយ៉ាងដិតដល់ចំពោះសកម្មភាពរបស់អ៊ុយក្រែន។មួយសប្តាហ៍បន្ទាប់ពីទាហានអ៊ុយក្រែនប្រហែល ១.០០០នាក់ បានឆ្លងព្រំដែនរុស្ស៊ីកាលពីព្រឹកព្រលឹមថ្ងៃទី ៦ខែសីហា អមដោយរថក្រោះ និងរថពាសដែក ក្រុមមន្ត្រីសហរដ្ឋអាមេរិកបាននិយាយថា ពួកគេនៅតែស្វែងរកដើម្បីសិក្សាពីអ្វីដែលអ៊ុយក្រែនចង់សម្រេចបានជាមួយនឹងការលុកលុយរបស់ខ្លួន។ ខណៈកំពុងឆ្លើយសំណួររបស់អ្នកសារព័ត៌មានពេលមកដល់ទីក្រុង New Orleans លោក Biden បាននិយាយថា លោកត្រូវបានគេផ្ដល់សេចក្ដីរាយការណ៍រៀងរាល់ ៤ ទៅ ៥ ម៉ោង ម្ដងសម្រាប់រយៈពេល ៦ ទៅ៨ ថ្ងៃចុងក្រោយអំពីសកម្មភាពរបស់អ៊ុយក្រែន។ លោកបាននិយាយនៅក្នុងការអត្ថាធិប្បាយសំខាន់ៗដំបូងរបស់លោកអំពីប្រតិបត្តិការនេះថា ស្ថានការណ៍នេះ កំពុងបង្កើតភាពទ្វេគ្រោះ ឬការលំបាកខ្លាំងយ៉ាងពិតប្រាកដសម្រាប់លោក Putin ។សហរដ្ឋអាមេរិកបានផ្តល់សព្វាវុធតម្លៃរាប់ពាន់លានដុល្លារដល់អ៊ុយក្រែន ភាគច្រើនសម្រាប់គោលបំណងការពារ ខណៈអ៊ុយក្រែនព្យាយាមវាយបកការឈ្លានពានរបស់រុស្ស៊ីកាលពីខែកុម្ភៈឆ្នាំ២០២២ ៕

លោក Biden និយាយថាបទឈប់បាញ់ហ្កាហ្សា អាចបញ្ឈប់អ៊ីរ៉ង់ មិនឱ្យវាយប្រហារអ៊ីស្រាអែល

2024/08/14 08:21:51 am        162
Facebook Telegram Linkin
ប្រធានាធិបតីអាមេរិក លោក ចូ បៃដិន (Joe Biden) បាននិយាយកាលពីថ្ងៃអង្គារ (១៣ សីហា) ថា កិច្ចព្រមព្រៀងបទឈប់បាញ់នៅតំបន់ហ្កាហ្សា អាចរារាំងអ៊ីរ៉ង់ ពីការវាយប្រហារលើអ៊ីស្រាអែល ក្នុងការសងសឹកចំពោះការសម្លាប់មេដឹកនាំក្រុមហាម៉ាស ដែលបានធ្វើឱ្យភាពតានតឹងក្នុងតំបន់កើនឡើងខ្លាំង។ការលើកឡើងរបស់លោកបានធ្វើឡើងបន្ទាប់ពីអ៊ីរ៉ង់ បានច្រានចោលការអំពាវនាវរបស់លោកខាងលិច ឱ្យ«បន្ធូរបន្ថយ» ការគំរាមកំហែងនៃការសងសឹករបស់ខ្លួន។ សាធារណរដ្ឋអ៊ីស្លាមមួយនេះ និងសម្ព័ន្ធមិត្តរបស់ខ្លួនបានស្តីបន្ទោសអ៊ីស្រាអែលចំពោះការសម្លាប់ លោក អ៊ីស្មេល ហានីយេ (Ismail Haniyeh) កាលពីថ្ងៃទី៣១ ខែកក្កដា នៅទីក្រុងតេអេរ៉ង់ ខណៈអ៊ីស្រាអែលមិនបានធ្វើអត្ថាធិប្បាយលើរឿងនោះទេ។ អ៊ីរ៉ង់បានប្តេជ្ញាសងសឹកយ៉ាងចាស់ដៃចំពោះការស្លាប់នេះ។នៅពេលត្រូវសាកសួរថា តើបទឈប់បាញ់រវាងអ៊ីស្រាអែល និងក្រុមហាម៉ាស អាចទប់ទល់នឹងការវាយលុករបស់អ៊ីរ៉ង់ដែរឬទេ លោក Biden បានឆ្លើយថា «នោះជាការរំពឹងទុករបស់ខ្ញុំ»។ លោកបានប្រាប់អ្នកយកព័ត៌មាននៅទីក្រុង ញូវស៍ អលីនស៍ (New Orleans) ថា៖ ទោះជាការចរចាកំពុងស្ថិតក្នុង «ស្ថានភាពពិបាក» ក៏លោក «នៅតែមិនបោះបង់ឡើយ»។អ្នកការទូតលោកខាងលិចបានព្យាយាមទប់ស្កាត់ជម្លោះដ៏ធំមួយនៅមជ្ឈិមបូព៌ា ដែលភាពតានតឹងបានកើនឡើងខ្ពស់រួចទៅហើយ ដោយសារតែសង្គ្រាមអ៊ីស្រាអែល និងក្រុមហាម៉ាសនៅតំបន់ហ្កាហ្សា។ សេតវិមានបានព្រមានថា «ការវាយប្រហារដ៏ធំជាច្រើន» ដោយអ៊ីរ៉ង់ និងសម្ព័ន្ធមិត្ត អាចកើតឡើងក្នុងសប្តាហ៍នេះ ដោយនិយាយថា អ៊ីស្រាអែលក៏បានចែករំលែកការវាយតម្លៃដូចគ្នានេះដែរ៕

ឯកអគ្គរដ្ឋទូតសាធារណរដ្ឋកូរ៉េបេ្តជ្ញាជំរុញទំនាក់ទំនងកម្ពុជា-កូរ៉េ ឱ្យកាន់តែរីកចម្រើនថែមទៀត

2024/08/13 03:47:06 pm        738
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នាព្រឹកថ្ងៃទី១៣ ខែសីហា ឆ្នាំ ២០២៤​នេះ​បានអនុញ្ញាតឱ្យ ឯកឧត្តម ផាក ជុងវុក (Park Jung-Wook) ឯកអគ្គ​រដ្ឋទូត​សាធារណ​រដ្ឋ​កូរ៉េ ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងពិភាក្សាការងារ នៅ​វិមានសន្តិភាព។ក្នុងឱកាសនៃជំនួប ឯកឧត្តម ផាក ជុងវុក (Park Jung-Wook) ឯកអគ្គរដ្ឋទូតសាធារណរដ្ឋកូរ៉េ ប្រចាំ​ព្រះរាជាណាចក្រកម្ពុជា បានវាយតម្លៃខ្ពស់ចំពោះទស្សនកិច្ចផ្លូវការ របស់​សម្ដេច​ធិបតី​នៅ​សាធារណ​រដ្ឋកូរ៉េ កាលពីខែឧសភា ឆ្នាំ២០២៤ ដែលជាមូលដ្ឋានក្នុងការបន្តពង្រឹង និងពង្រីក​កិច្ច​សហប្រតិបត្តិការរវាងប្រទេសទាំងពីរ ឱ្យកាន់តែរឹងមាំបន្ថែមទៀត។ ឯកឧត្តម​ឯក​អគ្គ​រដ្ឋទូត​បាន​ប្ដេជ្ញា​ខិតខំ​ប្រឹងប្រែងជំរុញទំនាក់ទំនងសាធារណរដ្ឋកូរ៉េ-កម្ពុជាឱ្យកាន់តែរីកចម្រើនថែមទៀត តាម​រយៈកិច្ចសម្របសម្រួលយ៉ាងជិតស្និទ្ធជាមួយនឹងក្រសួង-សា្ថប័នពាក់ព័ន្ធរបស់កម្ពុជា ដើម្បី​អនុវ​ត្ត​ប្រកបដោយប្រសិទ្ធភាពនូវកិច្ចព្រមព្រៀង និងគំនិតផ្ដួចផ្ដើមនានា ដែលបាន​សម្រេច​ក្នុង​ដំណើរ​ទស្សនកិច្ចផ្លូវការខាងលើ។ សម្ដេចធិបតីបានកោតសសើរចំពោះការចូលរួមយ៉ាងសកម្មរបស់ឯកឧត្តម ឯកអគ្គរដ្ឋទូត ក្នុង​ការ​ពង្រឹង និងពង្រីកទំនាក់ទំនងកម្ពុជា-សាធារណរដ្ឋកូរ៉េ។ សម្តេច​ធិបតី​បាន​សម្តែង​ក្តី​រីក​រាយ​ចំពោះ​ភាព​រីក​ចម្រើនជាលំដាប់ និងជាបន្តបន្ទាប់នៃទំនាក់ទំនងរវាងប្រទេសទាំងពីរ ដែលត្រូវ​បាន​តម្លើង​កម្រិត​ដល់ “ភាពជាដៃគូយុទ្ធសាស្រ្ត” នៅក្នុងឆ្នាំ២០២៤នេះ។ សម្ដេចធិបតី បាន​អរគុណ​រដ្ឋាភិបាល និងប្រជាជននៃសាធារណរដ្ឋកូរ៉េ ដែលបានចូលរួមគាំទ្រ និងរួម​ចំណែក​ក្នុង​ការ​អភិវឌ្ឍ​សង្គម​-សេដ្ឋកិច្ចរបស់កម្ពុជា។ សម្ដេចធិបតី និងឯកឧត្តមឯកអគ្គរដ្ឋទូត ក៏បាន​ពិភាក្សា​គ្នាអំពី​កិច្ច​សហ​ប្រតិបត្តិការ​សំខាន់​ៗ​មួយ​ចំនួន រួមមាន៖ វិស័យពាណិជ្ជកម្ម និងវិនិយោគ, វិស័យការពារជាតិនិងសន្តិសុខ, វិស័យ​ទេសចរណ៍, ការផ្លាស់ប្ដូរប្រជាជននិងប្រជាជន ព្រមទាំងការបណ្តុះបណ្តាលជំនាញបច្ចេកទេស និង​វិជ្ជាជីវៈ។ ឯកឧត្តមឯកអគ្គរដ្ឋទូតបានកោតសរសើរកិច្ចខិតខំប្រឹងប្រែងរបស់សម្តេចធិបតី ក្នុង​ការ​ធ្វើ​ឱ្យ​កាន់តែប្រសើរឡើងនូវបរិយាកាសអំណោយផលដល់ការវិនិយោគនៅកម្ពុជា តាមរយៈ​ការ​ដាក់​ចេញ​នូវគោលនយោបាយលើកទឹកចិត្ត និងយន្តការសម្របសម្រួលជាច្រើន សំដៅបង្កើន​ទំនុក​ចិត្ត​ និងជោគជ័យរបស់វិនិយោគិនកូរ៉េដែលបណ្តាក់ទុននៅប្រទេសកម្ពុជា។ ឯកឧត្តម​ឯក​អគ្គ​រដ្ឋទូត​ក៏បានគូសបញ្ជាក់ថា វិនិយោគិនកូរ៉េមានការចាប់អារម្មណ៍ចំពោះប្រទេសកម្ពុជា បន្ទាប់​ពី​ដំណើរ​ទស្សនកិច្ចផ្លូវការរបស់សម្តេចធិបតី, សិក្ខាសាលា និងវេទិកាធុរកិច្ចជាបន្តបន្ទាប់៕

កងការពារដែនអាកាសបេឡារុស បានបាញ់ទម្លាក់យានដ្រូនចំនួន ១៣គ្រឿង ដែលហោះហើរពីអ៊ុយក្រែន

2024/08/13 03:01:28 pm        761
Facebook Telegram Linkin
លោកវរសេនីយ៍ឯក Andrey Bogodel អនុប្រធាននាយកដ្ឋានអគ្គសេនាធិការនៃបណ្ឌិត្យសភាយោធារបស់ប្រទេសបេឡារុស បាននិយាយថា កងការពារដែនអាកាសបេឡារុស បានបាញ់ទម្លាក់យានដ្រូន ចំនួន ១៣គ្រឿង ដែលហោះហើរពីអ៊ុយក្រែន ឆ្លងកាត់តំបន់ Mogilyov កាលពីថ្ងៃទី ៩ ខែសីហា។លោក បាននិយាយក្នុងបទសម្ភាសន៍មួយជាមួយទីភ្នាក់ងារព័ត៌មាន BelTA ដែលបានបង្ហោះនៅលើ បណ្តាញសង្គម YouTube របស់ខ្លួនថា៖«ព្រឹត្តិការណ៍ដែលបានកើតឡើងនៅក្នុងដែនអាកាសរបស់យើង គឺយានដ្រូន ចំនួន ១៣គ្រឿង ដែលត្រូវបានបាញ់ទម្លាក់ដោយផ្ទាល់ពីលើតំបន់ Kostyukovichi - គឺជាសារព័ត៌មានមួយ ដែលជាការប៉ុនប៉ង ដើម្បីបង្ហាញប្រទេសបេឡារុស្សតាមរបៀបដែលមិនគួរឲ្យជឿ។ នេះ គឺជាការបង្ហាញថា អ៊ុយក្រែន មិនបានរងទណ្ឌកម្មឡើយ »។លោក Bogodel បានធ្វើការអត្ថាធិប្បាយថា អ៊ុយក្រែន បានធ្វើសេចក្តីថ្លែងការណ៍មួយចំនួនថា«គ្មានយានដ្រូនហោះពីខាងលើទីនោះទេ» ។មន្ត្រីយោធារូបនេះ បាននិយាយថា៖«ពួកគេ បានចាប់ផ្តើមអះអាងថា ឧទ្ធម្ភាគចក្រ និងយន្តហោះត្រឡប់ទៅមូលដ្ឋានវិញ ជាមួយនឹងគ្រាប់រំសេវដែលមិនប្រើប្រាស់។ ប៉ុន្តែទាំងយន្តហោះ និងឧទ្ធម្ភាគចក្រ មិនត្រូវបាន ក្នុងមធ្យោបាយនោះទេ។

គេហទំព័រ៖ រថក្រោះ Abrams របស់អាមេរិកជាង ៨០គ្រឿង ត្រូវបានបញ្ជូនទៅប្រទេសប៉ូឡូញ

2024/08/13 02:45:06 pm        188
Facebook Telegram Linkin
គេហទំព័រ interia.pl បាននិយាយថា រថក្រោះ M1A2 Abrams ជាង ៨០ គ្រឿងដែលជាកម្មសិទ្ធិរបស់កងទ័ពសហរដ្ឋអាមេរិក ត្រូវបានបញ្ជូនទៅកាន់មូលដ្ឋានយោធា Powidze នៅភាគកណ្តាលប្រទេសប៉ូឡូញ។យោងតាមប្រភពរបស់គេហទំព័រនេះ រថក្រោះទាំងអស់ ត្រូវបានបញ្ជូនពីមូលដ្ឋានអាមេរិកក្នុងប្រទេសអាល្លឺម៉ង់ទៅកាន់ប្រទេសប៉ូឡូញ។ ការបញ្ជូននេះ ត្រូវបានគេរាយការណ៍ថា រថពាសដែក Bradley ប្រហែល ១៥០ គ្រឿង និងកាំភ្លើងផ្លោង M109 ចំនួន ២០ដើម ត្រូវបានបញ្ជូនទៅទីនោះផងដែរ។គ្រឿងយុទ្ធបករណ៍របស់សហរដ្ឋអាមេរិក បានចាប់ផ្តើមមកដល់មូលដ្ឋាន Powidze ក្នុងខែមេសា ឆ្នាំ ២០២៣។គេហទំព័រនេះ កត់សម្គាល់ថា រថក្រោះទាំងអស់របស់សហរដ្ឋអាមេរិកដែលបានបញ្ជូននៅទីនោះ គឺជាម៉ូដែលចុងក្រោយបំផុត M1A2 Sep v3 ដែលមានប្រព័ន្ធការពាររឹងមាំ និងប្រព័ន្ធអេឡិចត្រូនិចទំនើបជាង មុន។រថក្រោះ Abrams ដែលដាក់ពង្រាយនៅមូលដ្ឋាន Powidze ជាកម្មសិទ្ធិរបស់កងទ័ពអាមេរិក ហើយមានបំណងពង្រឹងផ្នែកខាងកើតរបស់អង្គការណាតូ។ កងទ័ពប៉ូឡូញ ក៏មានរថក្រោះ Abrams ផ្ទាល់ខ្លួនផង ដែរ។នៅឆ្នាំ ២០២២ ប្រទេសប៉ូឡូញ បានចុះហត្ថលេខាលើកិច្ចព្រមព្រៀងជាមួយសហរដ្ឋអាមេរិកលើការផ្គត់ផ្គង់រថក្រោះ M1A2 Abrams ទំនើបចំនួន ២៥០គ្រឿង ក្នុងឆ្នាំ ២០២៥-២០២៦។ ក្រោយមក ទីក្រុងវ៉ាសូវី បាននិយាយថា ខ្លួនបានឈានដល់កិច្ចព្រមព្រៀងជាមួយទីក្រុងវ៉ាស៊ីនតោន លើការបញ្ជូនរថក្រោះ M1A1 ចំនួន ១១៦ គ្រឿងទៀត។ យានិកជនជាតិប៉ូឡូញ បានទទួលការបណ្តុះបណ្តាលរួចហើយលើយានប្រយុទ្ធស្រដៀងគ្នារបស់សហរដ្ឋអាមេរិក ក្នុងឆ្នាំ ២០២២។

លោក Wang Yi អំពាវនាវឱ្យការអភិវឌ្ឍបែបសម្របសម្រួលរវាងចិន និងអាស៊ាន

2024/08/13 02:32:55 pm        135
Facebook Telegram Linkin
រដ្ឋមន្ត្រីការបរទេសចិន លោក វ៉ាង យី (Wang Yi) កាលពីថ្ងៃចន្ទ (១២ សីហា) បានអំពាវនាវឱ្យមានកិច្ចខិតខំប្រឹងប្រែងរួមគ្នារបស់ប្រទេសចិន និងសមាគមប្រជាជាតិអាស៊ីអាគ្នេយ៍ (អាស៊ាន) ដើម្បីពន្លឿនការអភិវឌ្ឍន៍បែបសម្របសម្រួល និងជំរុញកម្លាំងផលិតភាពប្រកបដោយគុណភាពថ្មីនៅទូទាំងតំបន់។លោក Wang ដែលជាសមាជិកនៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិន (CPC) បានធ្វើការលើកឡើងនេះនៅក្នុងលិខិតអបអរសាទរទៅកាន់ពិធីសប្តាហ៍នៃអាស៊ាន-ចិនឆ្នាំ២០២៤។ ពិធីបើកព្រឹត្តិការណ៍នេះត្រូវបានប្រារព្ធឡើងកាលពីថ្ងៃចន្ទ នៅទីក្រុង ឆាងជឺ (Changzhi) ខេត្ត សានស៊ី (Shanxi) ភាគខាងជើងប្រទេសចិន។លោក Wang បាននិយាយថា ចាប់តាំងពីការបង្កើតភាពជាដៃគូយុទ្ធសាស្ត្រលើគ្រប់ជ្រុងជ្រោយរវាងចិន-អាស៊ានមក វឌ្ឍនភាពដ៏រឹងមាំត្រូវបានបង្កើតឡើងក្នុងការកសាងសហគមន៍ចិន-អាស៊ានជាមួយនឹងអនាគតរួមគ្នា។ ដោយសង្កត់ធ្ងន់លើសក្តានុពលគ្មានដែនកំណត់នៃទំនាក់ទំនងចិន-អាស៊ាន លោក Wang បានអំពាវនាវឱ្យភាគីទាំងពីរស្វះស្វែងរកការពង្រីកជាបន្តបន្ទាប់នៃផ្នែកថ្មីនៃកិច្ចសហប្រតិបត្តិការ និងចាប់យកឱកាសនៃជុំថ្មីនៃបដិវត្តន៍បច្ចេកវិទ្យា និងឧស្សាហកម្មដើម្បីភាពរីកចម្រើនរួមគ្នា៕

បណ្ដាញសង្គម

ព័ត៌មានថ្មីៗ

[UPDATE] ផ្លូវរូងក្រោមដីលាក់កំបាំង និង​ទ្វារក្លែងក្លាយ ​គ្របដណ្ដប់លើការ​​ស៊ើបអង្កេតសោកនាដកម្មអាជីវកម្ម​រ៉ែដែលបានសម្លាប់មនុស្ស ៨២នាក់នៅចិន​​
05/27/2026 12:05 PM
Facebook Telegram Linkin
បណ្ដាប្រទេសនៅអាហ្វ្រិក បង្កើនវិធានការឆ្លើយតបជំងឺអេបូឡា ខណៈករណីឆ្លង និងស្លាប់កើនឡើង
05/27/2026 12:05 PM
Facebook Telegram Linkin
មនុស្សរាប់លាននាក់ប្រមូលផ្តុំគ្នានៅពេលថ្ងៃលិចសម្រាប់ការបួងសួងបុណ្យហាជ នៅភ្នំ Arafat ប្រទេសអារ៉ាប៊ីសាអ៊ូឌីត
05/27/2026 11:05 AM
Facebook Telegram Linkin
រដ្ឋមន្ត្រីការបរទេសរុស្ស៊ី ប្រាប់រដ្ឋមន្ត្រីការបរទេសអាមេរិកថា រុស្ស៊ីនឹងបន្តការវាយប្រហារលើទីក្រុងគីវ
05/27/2026 11:05 AM
Facebook Telegram Linkin
រុស្ស៊ី៖ អាមេរិក មិនបានផ្តល់ទិដ្ឋាការដល់អនុរដ្ឋមន្ត្រីដើម្បីចូលរួមក្នុងកិច្ចប្រជុំអង្គការសហប្រជាជាតិទេ
05/27/2026 11:05 AM
Facebook Telegram Linkin
រដ្ឋមន្ត្រីការបរទេសចិន៖ ចិនសង្ឃឹមថាភាគីសង្គ្រាមនៅអ៊ីរ៉ង់ អាចជួបគ្នានៅពាក់កណ្តាលផ្លូវ
05/27/2026 11:05 AM
Facebook Telegram Linkin
ភាពវឹកវរនៅបូលីវី បានបន្តក្រោយការតវ៉ាច្រើនសប្តាហ៍ដែលបានហ៊ុមព័ទ្ធរដ្ឋាភិបាលរបស់លោកប្រធានាធិបតី Rodrigo Paz
05/27/2026 11:05 AM
Facebook Telegram Linkin
អ្នកវិភាគ៖ ក្រុមហេសបូឡា មិនចាញ់សង្គ្រាមទេ ខណៈអ៊ីស្រាអែលបង្កើនការវាយប្រហារលើលីបង់
05/27/2026 11:05 AM
Facebook Telegram Linkin
លោក Trump នឹងកោះប្រជុំគណៈរដ្ឋមន្ត្រីនៅឧស្យាន Camp David ស្របពេលមានភាពតានតឹងកើនឡើងជាមួយអ៊ីរ៉ង់
05/27/2026 11:05 AM
Facebook Telegram Linkin
សម្តេចធិបតី កំណត់យកថ្ងៃទី៧ ខែកក្កដា សម្ពោធដាក់ឱ្យប្រើប្រាស់ផ្លូវការកំណាត់ផ្លូវជាតិលេខ៧ (ស្គន់-ក្រុងកំពង់ចាម)
05/27/2026 11:05 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.