នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

សមាជិកសមាជិកា​គណបក្សប្រជាជនកម្ពុជា ក្រុងខេមរភូមិន្ទជិត ៤ពាន់នាក់ ធ្វើយុទ្ធនាការឃោសនាថ្ងៃដំបូង

2023/07/01 11:41:42 pm        354
Facebook Telegram Linkin
យុទ្ធនាការឃោសនារកសំឡេងឆ្នោត ថ្ងៃដំបូង នៅក្រុងខេមរភូមិន្ទ ខេត្តកោះកុង នៅថ្ងៃទី១ ខែកក្កដា ដឹកនាំ​ដោយឯកឧត្តម ប៊ុន លីត អនុប្រធានការងារបក្សថ្នាក់កណ្តាលចុះជួយខេត្តកោះកុង និង​លោក​ជំទាវ មិថុនា ភូថង ប្រធានគណៈកម្មាធិការគណបក្សប្រជាជនកម្ពុជាខេត្ត ។ យុទ្ធនាការ​ឃោសនា​រក​សំឡេងឆ្នោត​នេះ មានសមាជិក សមាជិក ជិត៤ពាន់នាក់បានចូលរួម ដើម្បីស្វែងរក​ការ​គាំទ្រ​ពី​សំណាក់​ប្រជាពលរដ្ឋ។ ឯកឧត្តម ប៊ុន លីត អនុប្រធានការងារបក្សថ្នាក់កណ្តាលចុះជួយខេត្តកោះកុង បានលើកឡើងនៅ ចំពោះ​មុខ​សមាជិក សមាជិកា ដោយរំពឹងថា គណបក្សប្រជាជនកម្ពុជា នឹងដណ្តើមបានជ័យជម្នះឱ្យខាង តែបាន ដើម្បីការពារសុខសន្តិភាព និងការអភិវឌ្ឍទៅមុខបន្តទៀត។ ពិសេសគាំទ្រសម្តេចតេជោ ហ៊ុន សែន ជានាយករដ្ឋមន្រ្តី អាណត្តិទី៧ និងគាំទ្រឯកឧត្តមបណ្ឌិត ហ៊ុន ម៉ាណែត ជាបេក្ខជននាយករដ្ឋ មន្រ្តី​បន្ត​វេន​ទៅថ្ងៃអនាគត ។ឯកឧត្តម បានស្នើដល់សមាជិក សមាជិកា គោរពទៅតាមច្បាប់ ស្តីពីការបោះឆ្នោតឱ្យល្អប្រសើរ និង​ឃោសនា​អ្វី ដែលជាគោលនយោបាយដែលបានដាក់ចេញដោយថ្នាក់ដឹកនាំបក្សទៅកាន់មហាជនឱ្យ ជ្រាប។ លើសពីនេះ ឯកឧត្តម អំពាវនាវដល់ពលរដ្ឋគ្រប់រូប ដែលមានឈ្មោះក្នុងបញ្ជីឈ្មោះបោះឆ្នោត ទៅ បោះឆ្នោតកុំបីខាន នៅថ្ងៃទី២៣ ខែកក្កដា នេះ ។សមាជិក សមាជិកា ដែលគាំទ្រ និងចូលរួមយុទ្ធនាការឃោសនាបោះឆ្នោតនៅថ្ងៃនេះ បានលើក ឡើង​អំពី​ភាព​ជឿ​ជាក់លើគណបក្សប្រជាជនកម្ពុជា ដែលធ្វើប្រទេសកម្ពុជាមានការអភិវឌ្ឍ ដូចដែលបាន មើល​ឃើញ​នា​ពេលសព្វថ្ងៃនេះ ។សមាជិក សមាជិកា គណបក្សប្រជាជនកម្ពុជាខេត្តកោះកុង ក៏បានផ្ញើសារទៅកាន់ប្រជាពលរដ្ឋ ទាំង​អស់​គ្នា ត្រូវតែទៅបំពេញកាតព្វកិច្ចជាពលរដ្ឋល្អ តាមរយៈការទៅបោះឆ្នោត នៅថ្ងៃទី២៣ ខែកក្កដា នេះ ចៀស​វាង​ជឿតាមការញុះញង់របស់ក្រុមប្រឆាំងជ្រុលនិយម៕ អត្ថបទ៖ ឈឹម មករា 

សមាជិកបក្សប្រជាជនកម្ពុជាខេត្តកំពង់ឆ្នាំង ជាង៣ម៉ឺននាក់ បើកយុទ្ធនាការឃោសនាបោះឆ្នោត

2023/07/01 11:15:19 pm        218
Facebook Telegram Linkin
គណបក្សប្រជាជនកម្ពុជាខេត្តកំពង់ឆ្នាំង នៅព្រឹកថ្ងៃទី១ ខែកក្កដា នេះ បានប្រមូលផ្ដុំសមាជិក-សមាជិការបស់ខ្លួន ជាង៣ម៉ឺននាក់ ដើម្បីបើកយុទ្ធនាការឃោសនាបោះឆ្នោត និងអបអរសាទរខួបអនុ ស្សាវរីយ៍លើកទី៧២ ថ្ងៃកំណើតរបស់គណបក្សប្រជាជនកម្ពុជា ។ ពិធីជួបជុំដង្ហែក្បួនឃោសនាថ្ងៃទី១ ត្រូវបានធ្វើឡើងនៅក្រុងកំពង់ឆ្នាំង ក្រោមអធិបតីភាពរបស់ សម្ដេចចៅហ្វាវាំង គង់ សំអុល សមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជាចុះ មូលដ្ឋានខេត្តកំពង់ឆ្នាំង និងឯកឧត្តមបណ្ឌិតសភាចារ្យ អ៊ុក រ៉ាប៊ុន សមាជិកអចិន្រ្តៃយ៍គណៈកម្មាធិការ កណ្តាលគណបក្សប្រជាជនកម្ពុជា និងជាអនុប្រធានទី១ក្រុមការងារថ្នាក់កណ្តាលចុះមូលដ្ឋានខេត្តកំពង់ ឆ្នាំង ឯកឧត្តម ស៊ុន សុវណ្ណារិទ្ធិ ប្រធានគណៈកម្មាធិការគណបក្សប្រជាជនកម្ពុជាខេត្តកំពង់ឆ្នាំង ឯក ឧត្តម ឡុង ឈុនឡៃ អនុប្រធានគណៈកម្មាធិការគណបក្សប្រជាជនកម្ពុជាខេត្ត ព្រមទាំងមានការអញ្ជើញ ចូលរួមពីសំណាក់ថ្នាក់ដឹកនាំក្រុមការងារថ្នាក់កណ្តាល និងថ្នាក់ខេត្ត និងសមាជិក-សមាជិកា ។ក្បួនដង្ហែ បានធ្វើឡើងតាមបណ្តោយផ្លូវជាតិលេខ៥ ឆ្លងកាត់វិមានឯករាជ្យ ទៅតាមសង្កាត់ទាំង៤ របស់ក្រុងកំពង់ឆ្នាំង និងបានឆ្ពោះទៅតាមមូលដ្ឋានស្រុក និងឃុំ ផងដែរ ។យោងតាមការបញ្ជក់របស់លោកស្រី នួន ចាន់នី ប្រធានគណៈកម្មាធិការរៀបចំការបោះឆ្នោតខេត្ត កំពង់ឆ្នាំង គឺនៅថ្ងៃដំបូងនៃយុទ្ធនាការឃោសនានេះ គណបក្សប្រជាជនកម្ពុជាខេត្តកំពង់ឆ្នាំង មានសមា ជិកចូលរួមដង្ហែក្បួន ប្រមាណ៣ម៉ឺននាក់ និងមធ្យោបាយ មានរថយន្តធំ ១៣៦គ្រឿង រថយន្តតូច ចំនួន ៧១១គ្រឿង ម៉ូតូ៥៣៣០គ្រឿង ទូក៦គ្រឿង មេក្រូ៥០គ្រឿង ឆៃយ៉ាំ១៦ក្រុម និងធុងបាស ការប្រគុំតន្រ្តី សម័យ ៣៤ទីតាំង៕ អត្ថបទ៖ ហុងវាស្នា  

ប្រធានបក្សនយោបាយចំនួនពីរបញ្ជាក់ថាថ្ងៃបើកការឃោសនាបោះឆ្នោតដំណើការដោយរលូន

2023/07/01 10:40:49 pm        407
Facebook Telegram Linkin
មេដឹកនាំគណបក្សខ្មែររួបរួមជាតិ និងគណបក្សខ្មែរតែមួយ បានបញ្ជាក់ថា​ ក្នុងឱកាស​នៃការ​បើក​យុទ្ធនា​ការ​ឃោសនាបោះឆ្នោតថ្ងៃដំបូង នាថ្ងៃទី១ ខែកក្កដា ឆ្នាំ២០២២នេះ គណបក្ស​ទាំង​ពីរ​បាន​ធ្វើ​ការដឹកនាំសមាជិក សមាជិកា និងអ្នកគាំទ្រធ្វើការឃោសនាបោះឆ្នោត និងជួបប្រជុំ​ក្រុម​ការងារ​បាន​ដោយរលូន គ្មានការអាក់រអួលណាមួយកើតមានឡើងនោះទេ។ប្រធានគណបក្សខ្មែររួបរួមជាតិ លោក ញឹក ប៊ុនឆៃ បានថ្លែងប្រាប់ BTV News នាថ្ងៃ​ឃោសនា​បោះឆ្នោត​ដំបូង​នេះថា គណបក្សរបស់លោក​ទទួល​បាន​ការ​អនុញ្ញាត​ឱ្យ​ធ្វើ​ការ​ឃោសនា​បោះឆ្នោត ប្រមូលផ្ដុំអ្នកឃោនានៅទីតាំងទីលានប្រជាធិបតេយ្យ តាមផ្លូវជាតិលេខ៥ ដោយ​មាន​អ្នក​ចូល​រួមជាង ២ពាន់នាក់។ លោកបញ្ជាក់ថា​ គណបក្ស​របស់​លោកធ្វើការឃោសនា​ស្វែងរក​សំឡេង​ឆ្នោត​នៅ​រាជ​ធានី​ភ្នំពេញ​តែមួ​យ​ព្រឹក​នា​ថ្ងៃបើកការឃោសនានេះប៉ុណ្ណោះ ហើយនៅថ្ងៃឃោសនាទី២ នឹង​បន្ត​ទៅ​ធ្វើ​ការ​ឃោសនា​នៅ​ទីរួមខេត្តបន្ទាយមានជ័យ និងស្រុកមង្គលបុរី ដោយមានអ្នកចូលរួមប្រមាណ ២ពា​ន់​នាក់ផងដែរ។ លោក ញឹក ប៊ុនឆៃ បញ្ជាក់ថា ក្នុងឱកាសយុទ្ធនាការឃោសនាបោះឆ្នោតនេះ​គណបក្ស​របស់​លោក នឹងធ្វើការឃោសនាទៅតាមបណ្ដារាជធានី ខេត្តធំៗចំនួន ១៣ ដើម្បីស្វែងរកសំឡេងឆ្នោត ខណៈ​លោករំពឹងថា ការបោះឆ្នោតនាថ្ងៃទី២៣ ខែកក្កដា ខាងមុខនឹងមានពលរដ្ឋ​គាំទ្រ​រហូត​អាច​ទទួល​បាន​អាសនៈនៅរដ្ឋសភាផងដែរ។ ចំណែកលោក គុជ លី ប្រធានគណបក្សខ្មែរតែមួយ បានអះអាងថានៅ​ថ្ងៃ​បើក​ការ​ឃោសនា​បោះឆ្នោត​ថ្ងៃ​ទី​១​នេះ គណបក្សរបស់លោកមិនបានធ្វើការឃោសនានៅតាមដងផ្លូវនោះទេ ប៉ុន្ដែ​បាន​ធ្វើ​ការជួបជុំគ្នាជាមួយសមាជិកសមាជិកា និងអ្នកគាំទ្រជាង ៥០០ នាក់ ដើម្បីផ្សព្វផ្សាយ​ពី​គោល​នយោបាយរបស់បក្ស។ លោកបានបញ្ជាក់ថា គណបក្សរបស់លោកនឹងចាប់ផ្ដើមធ្វើការឃោសនាទ្រង់ទ្រាយធំពីថ្ងៃទី ១៦-១៨ ខែកក្កដានេះ ខណៈលោកបានរំពឹងថា គណបក្ស​របស់​លោក​នឹង​អាច​ទទួល​បាន​អាសនៈ​ចំនួន៣ នៅរដ្ឋសភា សម្រាប់ការបោះឆ្នោតជ្រើសតាំងតំណាងរាស្រ្ដអាណត្តិនេះ។ សូម​ជម្រាបថា ប្រទេសកម្ពុជាដោយអនុវត្តបានល្អតាមលទ្ធិប្រជាធិបតេយ្យ សេរីពហុបក្ស និង​ប្រទេស​ជាតិ​មានសុខសន្ដិភាពពេញលេញនៅថ្ងៃទី១ ខែកក្កដា ឆ្នាំ២០២៣នេះ គឺជាការ​បើក​យុទ្ធនាការ​ឃោសនារកសំឡេងឆ្នោតពីសំណាក់គណបក្សនយោបាយចំនួន ១៨ ដែលត្រូវ​បាន​ទទួល​ស្គាល់​ជា​ផ្លូវ​ការដោយ គណៈកម្មាធិការជាតិរៀបចំការបោះឆ្នោត (គ.ជ.ប) ក្នុង​ការ​បោះឆ្នោត​ជ្រើស​តាំងតំណាងរាស្រ្ត នីតិកាលទី ៧ ឆ្នាំ ២០២៣នេះ។ ការឃោសនា​បោះឆ្នោត​ត្រូវ​ប្រព្រឹត្ត​ទៅ​ចាប់​ពីថ្ងៃទី១ រហូតដល់ថ្ងៃទី២១ ខែកក្កដា ឆ្នាំ២០២៣ សរុបមានរយៈពេល ២១ ថ្ងៃ៕ អត្ថបទ៖ វ៉ន ដារ៉ា

សហភាពអឺរ៉ុប ពុំបានឈានដល់ការឯកភាពគ្នាលើគោលនយោបាយអន្តោប្រវេសន៍នោះទេ

2023/07/01 09:48:56 pm        257
Facebook Telegram Linkin
អឺរ៉ុប៖ សហភាពអឺរ៉ុប ពុំបានឈានដល់ការឯកភាពគ្នាលើគោលនយោបាយអន្តោប្រវេសន៍ដ៏ចម្រូងចម្រាសនោះទេ ដោយសារតែការជំទាស់របស់ប្រទេសប៉ូឡូញ និងប្រទេសហុងគ្រី នៅក្នុងកិច្ចប្រជុំកំពូលរដូវក្តៅរយៈពេលពីរថ្ងៃ ដែលបានបញ្ចប់កាលពីថ្ងៃសុក្រ។នៅក្នុងកិច្ចប្រជុំកំពូល សមាជិកសហភាពអឺរ៉ុបមានផែនការផ្តោតលើស្ថានភាពនៅប្រទេសអ៊ុយក្រែន ប៉ុន្តែបញ្ហានានាទាក់ទងនឹងកំណែទម្រង់អន្តោប្រវេសន៍បានគ្របដណ្ដប់លើរបៀបវារៈ។ ការពិភាក្សាស្តីពីការទទួលជនអន្តោប្រវេសន៍ខុសច្បាប់ បានអូសបន្លាយពេលរហូតដល់ថ្ងៃសុក្រ។ប្រធានក្រុមប្រឹក្សាអឺរ៉ុបលោក Charles Michel បាននិយាយក្នុងសន្និសីទសារព័ត៌មាន បន្ទាប់ពីកិច្ចប្រជុំ ថា កិច្ចប្រជុំកំពូលនេះពុំបានឈានដល់ការឯកភាពគ្នាលើបញ្ហាក្តៅនៃកំណែទម្រង់អន្តោប្រវេសន៍នោះទេដោយសារតែការជំទាស់ពីប្រទេសប៉ូឡូញ និងហុងគ្រី។ទាក់ទងនឹងប្រទេសអ៊ុយក្រែន ទោះបីជាសហភាពអឺរ៉ុប បាននិយាយរំលឹកឡើងវិញនៅក្នុងកិច្ចប្រជុំថា ខ្លួននឹងផ្តល់ជំនួយផ្នែកយោធា និងហិរញ្ញវត្ថុដ៏ចាំបាច់ដល់ប្រទេសនេះរយៈពេលជាយូរក៏ដោយ ការខិត ទៅរកការផ្តល់ការធានាសន្តិសុខដល់អ៊ុយក្រែនដែលស្នើឡើងដោយប្រទេសបារាំង និងប្រទេសផ្សេងទៀត ត្រូវបានជំទាស់ដោយរដ្ឋសមាជិកជាច្រើន៕

សម្តេចតេជោ៖ បើគណបក្សប្រជាជនឈ្នះឆ្នោតនឹងសម្រេច​នូវជោគជ័យ​កម្មវិធីនយោបាយ​របស់ខ្លួន

2023/07/01 08:37:29 pm        252
Facebook Telegram Linkin
សម្តេចតេជោ ហ៊ុន សែន ប្រធានគណបក្សប្រជាជនកម្ពុជាបានសន្យាជាឱឡារិកថា បើ​គណបក្សប្រជាជនកម្ពុជា​ទទួលបានជ័យជម្នះនៅក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៧ នាថ្ងៃទី២៣ ខែកក្កដាខាងមុខនេះ នឹង​ឈរយ៉ាង​រឹងមាំលើ​គោល​ជំហ​រ​ជា​យុទ្ធសាស្ត្រ និង​ដឹកនាំ​អនុវ​ត្តឱ្យបានសម្រេចជោគជ័យនូវកម្មវិធីនយោបាយរបស់គណបក្សប្រជាជនកម្ពុជា ដែលនឹងក្លាយជាកម្មវិធីនយោបាយរបស់រាជរដ្ឋាភិបាល សម្រាប់នីតិកាលទី៧ នៃរដ្ឋសភា។ ថ្លែងក្នុងឱកាសប្រារព្ធខួប៧២ឆ្នាំ ថ្ងៃបង្កើតគណបក្សប្រជាជនកម្ពុជា និងបើក​យុទ្ធនាការ​ឃោសនា​បោះឆ្នោត ជ្រើស​តាំង​តំណាង​រាស្ត្រ នីតិកាលទី៧ នៅ​មុខ​មហោ​ស្រពកោះពេជ្រ នាព្រឹក​ថ្ងៃ​ទី១ ខែកក្កដានេះ សម្ដេចតេជោ ហ៊ុន សែន បានបញ្ជាក់ថា នឹងធានាការការពារ និង​លើក​ស្ទួយ​ផល​ប្រយោជន៍​របស់ប្រជាជន នឹងជំរុញ​ការ​អនុវត្ត​ប្រកបដោយ​ប្រសិទ្ធភាព​នូវ​គោល​នយោបាយ​ជា​អាទិភាព ដែលនឹងក្លាយទៅជាកម្មវិធីនយោបាយរបស់រាជរដ្ឋាភិបាល។សម្ដេចតេជោ​ មានប្រសាសន៍ថា «គណបក្សប្រជាជនកម្ពុជា បានអនុម័តការគាំទ្រខ្ញុំព្រះករុណា ខ្ញុំ ជាបេក្ខភាពនាយករដ្ឋមន្ត្រី សម្រាប់នីតិកាលទី៧ និងគាំទ្រ ឯកឧត្តម ហ៊ុន ម៉ាណែត ជា​បេក្ខភាព​នាយករដ្ឋមន្ត្រី សម្រាប់ពេលអនាគត។ ខ្ញុំព្រះករុណាខ្ញុំ នឹងឈរយ៉ាងរឹងមាំលើ គោល​ជំហរ​ជា​យុទ្ធសាស្ត្រខាងលើនេះ និងដឹកនាំ​អនុវត្តឱ្យ​បាន​សម្រេច​ជោគជ័យ​នូវ​កម្មវិធី​នយោបាយ​របស់​គណបក្សប្រជាជនកម្ពុជា ដែលនឹងក្លាយ​ជា​កម្ម​វិធី​នយោបាយ​របស់​រាជ​រដ្ឋាភិបាល សម្រាប់​នីតិកាលទី៧ នៃរដ្ឋសភា»។សូមបញ្ជាក់ថា គោលនយោបាយជាអាទិភាពចំនួន ៦ចំណុច ដែលនឹងដាក់ក្នុង​កម្ម​វិធី​នយោបាយ​របស់​រាជ​រដ្ឋាភិបាលនីតិកាលទី៧ នៃរដ្ឋសភា រួមមាន៖ ការផ្ដល់ការ​ថែ​ទាំ​សុខ​ភាព​ឆ្ពោះ​ទៅ​កម្ម​វិធី​គ្រប​ដណ្ដប់​សុខភាពជាសកល ដោយចាប់ផ្ដើមពី៖ ការផ្ដល់សេវាថែ​ទាំសុខភាព​ជូន​គ្រួសារ​ងាយរង​ហានិភ័យប្រមាណជាង ៤៥ម៉ឺនគ្រួសារ ស្មើនឹងសមាជិកសរុបជាង ១,៥លាននាក់ តាមរយៈ​ការប្រើប្រាស់មូលនិធិសមធម៌សុខាភិបាល ។ការពង្រីករបបថែទាំសុខភាពរបស់ ប.ស.ស. ទាំងសម្រាប់កម្មករ-និយោជិត និងសម្រាប់​មន្ត្រី​សាធារណៈ​ដែល​គ្រប​ដណ្ដប់​បន្ថែម​ដល់​សមាជិក​គ្រួសារ និងអ្នកក្នុងបន្ទុករបស់ពួកគាត់ ប្រមាណជាង ៣លាននាក់ តាម​គោល​ការណ៍​ស្ម័គ្រ​ចិត្ត។ ជាសរុប គម្រោងទាំងពីរនេះ នឹងធ្វើឱ្យប្រជាជនប្រមាណ ៧,៤លាននាក់ មានលទ្ធ​ភាព​ទទួលបា​ននូវរបបសន្តិសុខសង្គមផ្នែកសេវាថែទាំសុខភាព។-ការបណ្ដុះបណ្ដាលជំនាញវិជ្ជាជីវៈ និងបច្ចេកទេស ជូនដល់យុវជនមកពីគ្រួសារក្រីក្រ និងគ្រួសារងាយរងហានិភ័យនៅទូទាំងប្រទេសដែលមានចំនួនប្រមាណជាង ១,៥លាននាក់ នៅតាមបណ្ដាគ្រឹះស្ថានបណ្ដុះបណ្ដាលវិជ្ជាជីវៈនានារបស់រដ្ឋ ក្នុងកម្រិតសញ្ញាបត្របច្ចេកទេស និងវិជ្ជាជីវៈកម្រិត១ ដោយមិនបង់ថ្លៃសិក្សា និងទទួលបាននូវប្រាក់ឧបត្ថម្ភប្រចាំខែ។-ការធ្វើស្ថាបនូបនីយកម្មកម្មវិធីជាតិជំនួយសង្គមសម្រាប់គ្រួសារក្រីក្រ, ក្រុមជនងាយរង​គ្រោះ​នៅ​ក្នុង​គ្រួសារ​ក្រីក្រ និងគ្រួសារងាយរងហានិភ័យនៅក្នុងគ្រាមានវិបត្តិសេដ្ឋកិច្ច និងគ្រាមាន​គ្រោះ​អាសន្ន ដើម្បីជួយទ្រទ្រង់ និងផ្ដល់ការគាំពារទាន់ពេល និងក្នុងលក្ខណៈជាប្រព័ន្ធជូនប្រជាពលរដ្ឋ ជា​ពិសេសគ្រួសារក្រីក្រ និងងាយរងគ្រោះ និងគ្រួសារងាយ​រង​ហានិភ័យ​ទៅ​តាម​ស្ថាន​ភាព​ជាក់​ស្ដែង​នៃវិបត្តិ ឬគ្រោះអាសន្ន នៅតាមគ្រប់ទីតាំងភូមិសាស្ត្រទូទាំងប្រទេស ដែលនឹង​គ្រប​ដណ្ដប់​លើ​ប្រជាជន​សរុបប្រមាណ ៤,៣លាននាក់។-ការដាក់ចេញ និងការជំរុញអនុវត្តយុទ្ធសាស្ត្រអភិវឌ្ឍន៍សេដ្ឋកិច្ចក្រៅប្រព័ន្ធ ឱ្យមានលទ្ធភាព​ចូល​រួម​ទៅ​ក្នុង​សេដ្ឋកិច្ចក្នុងប្រព័ន្ធ និងអាចទទួលបានផលប្រយោជន៍ពីប្រព័ន្ធគាំពារសង្គមផ្លូវការ តាមរយៈ ការផ្ដល់នូវការគាំពារ និងការបង្កើតនូវបរិយាកាសអំណោយផលសម្រាប់ការធ្វើធុរកិច្ច និង​ពាណិជ្ជកម្ម ព្រមជាមួយនឹងការផ្ដល់នូវការបណ្ដុះបណ្ដាលជំនាញបច្ចេកទេស និងវិជ្ជាជីវៈ​ដល់​ក្រុម​ហ៊ុន-សហគ្រាសធុនមីក្រូ តូច និងមធ្យម, និង ការផ្ដល់ការគាំពារសង្គម ដល់បុគ្គល​ស្វ័យ​និយោជន៍​នៅក្នុ​ងសេដ្ឋកិច្ចក្រៅប្រព័ន្ធ ដោយផ្ដោតការ​យក​ចិត្ត​ទុក​ដាក់​ជា​បឋម​លើ​ការ​ផ្ដល់​សេវា​ថែ​ទាំ​សុខភាពនៅក្រោមមូលនិធិសមធម៌សុខាភិបាល។-ការដាក់ចេញនូវយន្ដការសម្របសម្រួល និងកម្មវិធីហិរញ្ញប្បទាន សំដៅលើកស្ទួយផលិតកម្ម, រកទីផ្សារ និងរក្សាលំនឹងថ្លៃកសិផលសំខាន់ៗ ក្នុងកម្រិតសមរម្យ តាមរយៈការ​ដាក់​ចេញ​នូវ​កញ្ចប់​ថវិកា​ជាក់​លាក់ដោយចាប់ផ្ដើមពីចំនួន ១០០លានដុល្លារមេរិក និងអាចវិភាជ​ថវិកា​បន្ថែម​ប្រសិន​បើ​មាន​តម្រូវ​ការ​ចាំបាច់ ដើម្បីធ្វើអន្តរាគមន៍ឱ្យបានទាន់ពេល ក្នុងការទិញកសិផលពីប្រជាកសិករ ជាមួយនឹងគោលដៅរក្សាស្ថិរភាពថ្លៃនៅរាល់រដូវប្រមូលផល ជាពិសេស​លើ​ផលិត​ផល​កសិកម្ម​មួយ​ចំនួន ជាអាទិ៍ ស្រូវ ស្វាយកែវរមៀត មៀនប៉ៃលិន ស្វាយចាន់ទី ដំឡូង ពោត និង​ផលិត​ផល​ផ្សេង​ទៀត តាមការចាំបាច់។និងកម្មវិធី យោបាយទី៦ : ការរៀបចំចា​ត់បញ្ជូន​មន្ត្រី​បច្ចេកទេស​ផ្ដល់​សេវា​កសិកម្ម​ឱ្យ​បាន​គ្រប់​ឃុំ​ទាំង​អស់​នៅ​ទីជនបទទូទាំងប្រទេស ដើម្បីជំរុញការលើកកម្ពស់ផលិតភាពកសិកម្ម និងជួយ​ដល់​គ្រួសារ​កសិករ ក្នុងការលើកស្ទួយផលិតផលកសិកម្មរបស់ខ្លួន៕

អគ្គិភ័យឆេះរថយន្តក្រុងនៅឥណ្ឌា បណ្តាលឲ្យមនុស្ស២៥នាក់ស្លាប់

2023/07/01 08:37:14 pm        243
Facebook Telegram Linkin
ឥណ្ដា៖ មនុស្សយ៉ាងហោចណាស់ ២៥ នាក់បានស្លាប់ និងប្រមាណ ៨ នាក់បានរងរបួស បន្ទាប់ពីរថយន្តក្រុងមួយគ្រឿងកំពុងធ្វើដំណើរក្នុងរដ្ឋ Maharashtra ប្រទេសឥណ្ឌា បានឆេះនៅព្រឹកថ្ងៃសៅរ៍ ទី១ ខែកក្កដានេះ។មន្ត្រីនគរបាលម្នាក់បាននិយាយថា រថយន្តក្រុងនេះកំពុងធ្វើដំណើរពីក្រុង Nagpur ទៅកាន់ក្រុង Pune ដោយកំពុងដឹកមនុស្សប្រហែល ៣៣ នាក់ នៅពេលនោះធុងប្រេងម៉ាស៊ូតបានបែក ហើយចាប់ផ្តើមលេចធ្លាយ បណ្តាលឱ្យមានភ្លើងឆេះយ៉ាងសន្ធោសន្ធៅនៅក្នុងរថយន្ត។ អ្នកស្លាប់ភាគច្រើនបណ្តាលមកពីការឆេះរលាកជាជាងគ្រោះថ្នាក់។ ជនរងគ្រោះដែលរងរបួស ត្រូវបានបញ្ជូនទៅសង្គ្រោះនៅមន្ទីរពេទ្យស៊ីវិលទីក្រុង Buldhana ។ រដ្ឋាភិបាលរដ្ឋ បានប្រកាសផ្តល់ប្រាក់ចំនួន ៥០០.០០០ រូពី ឬ៦០៩ ដុល្លារ ជាសំណងដល់ក្រុមគ្រួសារអ្នកស្លាប់ក្នុងឧបទ្ទវហេតុនេះ៕

យ៉ាងហោចណាស់មនុស្ស៤៨នាក់ស្លាប់ ក្នុងគ្រោះថ្នាក់ចរាចរណ៍នៅប្រទេសកេនយ៉ាភាគខាងលិច

2023/07/01 08:33:15 pm        253
Facebook Telegram Linkin
កេនយ៉ា៖ នគរបាល និងសាក្សី បាននិយាយថា មនុស្សយ៉ាងហោចណាស់ ៤៨ នាក់បានស្លាប់នៅក្នុងគ្រោះថ្នាក់ចរាចរណ៍នៅទីក្រុង Londiani ប្រទេសកេនយ៉ាភាគខាងលិច កាលពីល្ងាចថ្ងៃសុក្រ នៅពេលរថយន្តដឹកទូទំនិញមួយគ្រឿង បានបើកវេរចេញពីផ្លូវ ហើយបានបុករថយន្តជាច្រើនគ្រឿង។ រូបភាពនៃឧបទ្ទវហេតុ ដែលបានថតដោយប្រព័ន្ធផ្សព្វផ្សាយក្នុងតំបន់ បង្ហាញពីបំណែករថយន្ត និងម៉ូតូ ដែលរងការខូចខាត រួមជាមួយទាំងរថយន្តក្រុងធុនតូច និងរថយន្តដឹកទំនិញ។ អធិការនគរបាលប្រចាំតំបន់ លោក Tom Odera បាននិយាយថា ចំនួនអ្នកស្លាប់បានកើនឡើងដល់ ៤៨ នាក់កាលពីល្ងាចថ្ងៃសុក្រ។លោក Peter Otieno អ្នកបើកបររថយន្តបាននិយាយថា «ខ្ញុំបានឃើញរថយន្តសណ្ដោងមួយគ្រឿងបើកក្នុងល្បឿនលឿន។ ខ្ញុំវេរចង្កូត ហើយគេចទៅបុករថយន្តនៅខាងមុខ។ អ្នកដែលធ្វើដំណើរពីក្រោយខ្ញុំ គិតថាខ្ញុំចង់ទិញអ្វីមួយ។ លោក Otieno បាននិយាយថា «ខ្ញុំបានឃើញសាកសពប្រហែល ២០នាក់ ដោយផ្ទាល់ភ្នែករបស់ខ្ញុំ។ មានសាកសពផ្សេងទៀតស្ថិតនៅក្រោមរថយន្ត។ កាកបាទក្រហមប្រទេស កេនយ៉ា បាននិយាយថា រថយន្តដឹកទំនិញបានបុករថយន្ត៦គ្រឿង ហើយបានកិនលើអ្នកថ្មើរជើង។ កាកបាទក្រហម និយាយថា អ្នកស្លាប់និងរបួសជាង២០ នាក់ត្រូវបានបញ្ជូនទៅកាន់មន្ទីរពេទ្យក្នុងតំបន់។ ចំនួនអ្នកស្លាប់ បានធ្វើឱ្យឧបទ្ទវហេតុនេះក្លាយជាឧបទ្ទវហេតុដែលមនុស្សស្លាប់ច្រើនបំផុតនៅលើដងផ្លូវរបស់ប្រទេសកេនយ៉ា ក្នុងរយៈពេលប៉ុន្មានឆ្នាំថ្មីៗនេះ។ កាលពីឆ្នាំមុន មនុស្ស ៣៤ នាក់បានស្លាប់នៅប្រទេសកេនយ៉ាភាគកណ្តាល។ 

មេដឹកនាំក្រុងហុងកុង អំពាវនាវឲ្យមានការការពារសន្តិសុខជាតិក្នុងខួបលើកទី២៦នៃការប្រគល់ទីក្រុងនេះ

2023/07/01 08:26:10 pm        215
Facebook Telegram Linkin
ហុងកុង៖ មេដឹកនាំទីក្រុងហុងកុងលោក John Lee នៅថ្ងៃសៅរ៍ទី១ ខែកក្កដានេះ បានអំពាវនាវឱ្យពលរដ្ឋការពារសន្តិសុខជាតិនៅក្នុងពិធីផ្លូវការមួយដើម្បីរំលឹកខួបលើកទី ២៦ នៃការប្រគល់ទឹកដីនេះពីអង់គ្លេសឲ្យមកការគ្រប់គ្រងរបស់ចិន។ លោក Lee និងមន្ត្រីជាន់ខ្ពស់ រួមទាំងអតីតនាយកប្រតិបត្តិលោក Leung Chun-ying បានចូលរួមក្នុងពិធីបង្ហូតទង់ជាតិជាផ្លូវការនៅព្រឹកថ្ងៃសៅរ៍នេះ មុនពេលេជល់កែវក្នុងអំឡុងពេលលើកកែវស្រាជូនពរដើម្បីអបអរខួបនៃការប្រគល់ទីក្រុង។ក្នុងអំឡុងពេលថ្លែងសុន្ទរកថា លោក Lee បានព្រមានពលរដ្ឋឱ្យ «នៅតែប្រុងប្រយ័ត្ន» ចំពោះកងកម្លាំងដែលមានបំណងដាក់គោលដៅ និងដាក់សម្ពាធមកលើប្រទេសចិន ដែលមួយចំនួនកំពុងលាក់ខ្លួននៅក្នុងទីក្រុងហុងកុង ហើយបានអំពាវនាវឱ្យមានការខិតខំប្រឹងប្រែងដើម្បីការពារសន្តិសុខជាតិដោយស្ម័គ្រចិត្ត។ លោក បានប្តេជ្ញាធ្វើសមាហរណកម្មទីក្រុងហុងកុងបន្ថែមទៀតទៅក្នុងការអភិវឌ្ឍន៍រួមរបស់ប្រទេសចិន។ អង់គ្លេសបានប្រគល់ទីក្រុងហុងកុងមកឲ្យការគ្រប់គ្រងរបស់ចិនវិញនៅថ្ងៃទី ១ ខែកក្កដា ឆ្នាំ ១៩៩៧ ក្រោមរូបមន្ត «ប្រទេសមួយ ប្រព័ន្ធគ្រប់គ្រងពីរ» ដែលធានានូវស្វ័យភាពដ៏ទូលំទូលាយ និងឯករាជ្យភាពរបស់តុលាការដែលពុំត្រូវបានមើលឃើញនៅក្នុងប្រទេសចិនដីគោក។ ក្រុមអ្នករិះគន់និយាយថា ការសន្យានេះត្រូវបានលុបចោល បន្ទាប់ពីប្រទេសចិនបានដាក់ច្បាប់សន្តិសុខជាតិលើទីក្រុងហុងកុងកាលពីខែមិថុនា ឆ្នាំ ២០២០ ដោយដាក់ទណ្ឌកម្មលើសកម្មភាពវិទ្ធង្សនា អំពើភេរវកម្ម ការឃុបឃិតជាមួយកងកម្លាំងបរទេស និងការបះបោរ ដែលអាចជាប់ពន្ធនាគារអស់មួយជីវិត បន្ថែមលើការចាប់ខ្លួនអ្នកធ្វើយុទ្ធនាការគាំទ្រលទ្ធិប្រជាធិបតេយ្យជាច្រើននាក់៕

ប៉ូឡូញឃាត់ខ្លួនកីឡាករវាយកូនបាល់លើទឹកកកជនជាតិរុស្សីម្នាក់ពីបទចារកម្ម

2023/07/01 08:22:07 pm        147
Facebook Telegram Linkin
ប៉ូឡូញ៖ ប្រទេសប៉ូឡូញ បានឃុំខ្លួនកីឡាករវាយកូនបាល់លើទឹកកកអាជីពជនជាតិរុស្ស៊ីម្នាក់ពីបទចារកម្ម។ រដ្ឋអាជ្ញាបាននិយាយកាលពីថ្ងៃសុក្រទី ៣០ ខែមិថុនា ដោយបានចាត់ទុកជនជាតិរុស្ស៊ីម្នាក់នេះថាជាមនុស្សទី១៤ហើយ ដែលត្រូវបានចាប់ខ្លួនពីបណ្តាញចារកម្ម។ក្រុមរដ្ឋអាជ្ញាបាននិយាយនៅក្នុងសេចក្តីថ្លែងការណ៍ថា កីឡាកររូបនេះលេងឲ្យក្រុមប្រទេសប៉ូឡូញកងទី ១ ត្រូវបាននាំទៅកាន់មន្ទីរឃុំឃាំងនៅក្នុងតំបន់ Silesia ភាគខាងត្បូងប្រទេសប៉ូឡូញ។ កីឡាករនិងក្រុមរបស់លោក មិនត្រូវបានគេបង្ហាញអត្តសញ្ញាណជាសាធារណៈនោះទេ។ រដ្ឋអាជ្ញា និយាយថាកីឡាកររូបនេះបានមកដល់ប្រទេសប៉ូឡូញកាលពីខែតុលាឆ្នាំ ២០២១ ។មជ្ឈមណ្ឌលសំខាន់មួយសម្រាប់ការផ្គត់ផ្គង់យោធាប្រទេសលោកខាងលិចដល់ប្រទេសអ៊ុយក្រែន ប្រទេសប៉ូឡូញនិយាយថា ខ្លួនបានក្លាយជាគោលដៅសំខាន់សម្រាប់ចារកម្មរុស្ស៊ី ហើយប៉ូឡូញបានចោទប្រកាន់ទីក្រុងមូស្គូ ពីការព្យាយាមបង្កអស្ថិរភាពដល់ប្រទេសនេះ។ រដ្ឋមន្ត្រីក្រសួងយុត្តិធម៌លោក Zbigniew Ziobro បានសរសេរនៅលើបណ្តាញ Twitterថា ចារកម្មរុស្ស៊ីកំពុងដួលរលំម្តងមួយៗ។ចារកម្មដែលធ្វើសកម្មភាពក្រោមការក្លែងបន្លំរបស់អត្តពលិកម្នាក់នេះត្រូវបានចាប់ខ្លួន។ ជនជាតិរុស្ស៊ីរូបនេះគឺជាអ្នកលេងឲ្យក្លឹបកងទីមួយ។ យោងតាមរដ្ឋអាជ្ញាបានឲ្យដឹងថា បុរសនេះបានអនុវត្តសកម្មភាពជាច្រើនរួមទាំងការកំណត់អត្តសញ្ញាណហេដ្ឋារចនាសម្ព័ន្ធសំខាន់ៗដែលលោកបានទទួលការបង់ប្រាក់។ បុរសរូបនេះ នឹងត្រូវឃុំខ្លួនក្នុងមន្ទីរឃុំឃាំងមុនការកាត់ទោស ហើយអាចប្រឈមនឹងការជាប់ពន្ធនាគាររហូតដល់ ១០ ឆ្នាំ។ ទីភ្នាក់ងារសារព័ត៌មានរដ្ឋ RIA បានរាយការណ៍ថា អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បាននិយាយថា ទីក្រុងមូស្គូបានទាមទារការពន្យល់ពីប្រទេសប៉ូឡូញ ជុំវិញការចាប់ខ្លួនពលរដ្ឋរុស្ស៊ីរបស់ខ្លួន។ កាលពីខែមីនា ប្រទេសប៉ូឡូញបាននិយាយថា ខ្លួនបានបំបែកបណ្តាញចារកម្មរុស្ស៊ីដែលកំពុងធ្វើប្រតិបត្តិការនៅក្នុងប្រទេស ហើយបានឃាត់ខ្លួនមនុស្ស ៩ នាក់ ដែលខ្លួនបាននិយាយថាកំពុងរៀបចំសកម្មភាពបំផ្លិចបំផ្លាញ និងតាមដានផ្លូវរថភ្លើងទៅកាន់ប្រទេសអ៊ុយក្រែន៕

ឯកឧត្តម គន់ គីម អំពាវនាវពលរដ្ឋបោះឆ្នោតជូនបក្សប្រជាជនកម្ពុជា ដើម្បីការអភិវឌ្ឍ និង​ជីវភាពកាន់តែប្រសើរ

2023/07/01 08:14:53 pm        169
Facebook Telegram Linkin
ឧត្តរមានជ័យ៖ ឯកឧត្តមកិត្តិសង្គហបណ្ឌិត គន់ គីម សមាជិកអចិន្ត្រៃយ៍ នៃ​គណៈកម្មាធិការ​កណ្តាល​​គណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តឧត្តរមានជ័យ បាន​អំពាវ​​នាវ​​ប្រជាពលរដ្ឋ ដែលមានឈ្មោះក្នុងបញ្ជីឈ្មោះបោះឆ្នោត បោះឆ្នោត​ជូន​គណបក្ស​ប្រជាជន​​កម្ពុជា ដើម្បីការអភិវឌ្ឍ និងធ្វើឲ្យជីវភាពកាន់តែល្អប្រសើរ។ ក្នុងឱកាសដឹកនាំសមាជិក-សមាជិកាចំនួន អ្នកគាំទ្រជាង៩ពាន់នាក់ បើក​យុទ្ធនាការ​ឃោសនា​បោះឆ្នោត​ជ្រើស​តាំង​តំណាងរាស្រ្ត នីតិកាលទី៧ នៅថ្ងៃទី១ ខែកក្កដា ឆ្នាំ២០២៣ ក្នុងស្រុក​អន្លង់វែង ខេត្តឧត្តរមានជ័យ ឯកឧត្តម គន់ គីម បានថ្លែងអំណរគុណដល់សមាជិក សមាជិកា កម្លាំងយុវជន និងសកម្មជនទាំងអស់នៅក្នុងខេត្តឧត្តរមានជ័យ ដែលបានធ្វើសកម្មភាពឃោសនា និង​ចុះជួបប្រជាពលរដ្ឋដោយផ្ទាល់នៅតាមខ្នងផ្ទះបង្រៀនពលរដ្ឋពីរបៀបគូសសន្លឹកឆ្នោត ព្រម​ទាំង​បង្ហាញ​នូវ​គុណតម្លៃ និងកិច្ចប្រឹងប្រែងកសាងអភិវឌ្ឍន៍ជាតិ និងលើកកម្ពស់​ជីវភាព​ប្រជាពលរដ្ឋ របស់គណបក្សប្រជាជនកម្ពុជា។ ឯកឧត្តមកិត្តិសង្គហបណ្ឌិត បន្តថា បើទោះបីខេត្តឧត្តរមានជ័យ ជាទឹកដី​ទទួល​បាន​សុខ​សន្តិភាព​ក្រោយ​គេ ទឹកដីទទួលបានកិច្ចអភិវឌ្ឍន៍ ក្រោយគេយ៉ាងណាក្តី តែក្រោម​គោល​នយោបាយ​ប្រែក្លាយ​ទឹក​ដី​អតីតសមរភូមិសង្គ្រាមទៅជាតំបន់អភិវឌ្ឍន៍ និងតំបន់ពាណិជ្ជកម្ម របស់​សម្តេច​តេជោ ហ៊ុន សែន ប្រធានគណបក្សប្រជាជនកម្ពុជា បានធ្វើឱ្យខេត្តនេះ មាន​ការ​រីក​ចម្រើន​លូត​លាស់​លើ​គ្រប់​វិស័យ។ឯកឧត្តម គន់ គីម សង្កត់ធ្ងន់ថា ទឹកដីឧត្តរមានជ័យ មិនខុសពីខេត្តដទៃនៅ​ទូទាំង​ប្រទេស​កម្ពុជា​នោះ​ឡើយ ទោះបីខេត្តបិទបញ្ចប់ភ្លើងសង្គ្រាមក្រោយគេក្តី ដោយហេដ្ឋារចនាសម្ព័ន្ធ ដូចជា ផ្លូវ ស្ពាន សាលារៀន ការសិក្សាអប់រំ សុខភាពសាធារណៈ ប្រព័ន្ធទឹកស្អាត អគ្គិសនី ការធ្វើកសិកម្ម​ជា​ដើម បានរីកចម្រើន និងផុសឡើងជាបន្តបន្ទាប់ ដើម្បីបម្រើផលប្រយោជន៍របស់ប្រជាពលរដ្ឋ។ ជាមួយគ្នានេះ ឯកឧត្តមប្រធានក្រុមការងារ បាន​អំពាវ​នាវ​ប្រជាពលរដ្ឋ​ទៅ​បោះឆ្នោត​ឱ្យ​បាន​គ្រប់​គ្នា​នៅ​ថ្ងៃ​អាទិត្យ ទី២៣ ខែកក្កដា ឆ្នាំ២០២៣ ដោយបោះ​ជូន​គណបក្សប្រជាជនកម្ពុជា​មាន​រូប​សញ្ញា​ទេវតា​បាចផ្កា ដើម្បីបម្រើប្រជាពលរដ្ឋ កសាងអភិវឌ្ឍន៍ជាតិឱ្យកាន់តែរីកចម្រើន និ​ង​ធ្វើ​ឱ្យ​ជីវភាព​កាន់តែល្អប្រសើរ៕

បណ្ដាញសង្គម

ព័ត៌មានថ្មីៗ

ការបាញ់ប្រហារយ៉ាងកក្រើកក្នុងសាលារៀននៅហ្វីលីពីនបង្កឱ្យមានក្ដីបារម្ភទូទាំងប្រទេស
08/19/2026 11:08 AM
Facebook Telegram Linkin
ប្រព័ន្ធផ្សព្វផ្សាយរដ្ឋកូរ៉េខាងជើងរិះគន់សមយុទ្ធរួមគ្នាអាមេរិក-កូរ៉េខាងត្បូងថាជាការគំរាមកំហែងដោយបើកចំហ
08/19/2026 11:08 AM
Facebook Telegram Linkin
លោក Trump និយាយថា ពុំមានការចរចាណាមួយកំពុងធ្វើឡើងជាមួយអ៊ីរ៉ង់ ហើយក៏ពុំមានគម្រោងចរចាដែរ
08/19/2026 11:08 AM
Facebook Telegram Linkin
កម្ពុជាខកខានដណ្តើមមេដាយមាស៣គ្រឿងលើវិញ្ញាសាប្រកួតជាក្រុម ក្នុងជើងឯកអាស៊ីអាគ្នេយ៍ លើកទី៣ ក្រោយចាញ់មីយ៉ាន់ម៉ា
08/19/2026 11:08 AM
Facebook Telegram Linkin
ប្រសាសន៍សំខាន់ៗរបស់សម្ដេចធិបតី ក្នុងឱកាសអញ្ជើញក្នុងពិធីសំណេះសំណាលជាមួយអាចារ្យ អាចារិនីទូទាំងប្រទេស លើកទី១១
08/19/2026 11:08 AM
Facebook Telegram Linkin
Hun Sen Cup៖ ព្រះវិហារក្រោន ស្គាល់ជ័យជម្នះ ខណៈខេត្តកណ្ដាល វាយបក​ឈ្នះ​ភ្នំពេញ​ហ្គាឡាក់ស៊ី រក្សាកៅអីកំពូលតារាង
08/19/2026 10:08 AM
Facebook Telegram Linkin
សម្ដេចធិបតី ឧបត្ថម្ភថវិកា ៥លានរៀល និងអង្ករ១តោនក្នុង១ខែដល់សាលាដូង និងផ្អាកការអនុវត្តការរុះរើ
08/19/2026 10:08 AM
Facebook Telegram Linkin
ជំនួបមិត្តភាពសប្បុរសធម៌ រវាងក្រុម ស.ស.យ.ក អលស្ដារ និងរដ្ឋបាលខេត្តកណ្ដាល កៀរគរបានថវិកាជាង ៤០០លានរៀល
08/19/2026 10:08 AM
Facebook Telegram Linkin
ព្រះខ័នរាជ វាយបកតាមស្មើក្រុម Eastern ចុងម៉ោង ក្រោយការស៊ុតដ៏សន្ធាប់ តែ​ភាគ​ច្រើន​បុក​របាទី
08/19/2026 10:08 AM
Facebook Telegram Linkin
កម្ពុជាចូលរួមសន្និសីទកំពូលលើកទី១៧ នៃអនុសញ្ញាសហប្រជាជាតិ ដើម្បី​ប្រយុទ្ធប្រឆាំងនឹងរហោស្ថានកម្ម (UNCCD COP17) នៅប្រទេស​ម៉ុងហ្គោលី
08/19/2026 08:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.