នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

កូរ៉េខាងជើងបាញ់មីស៊ីលរយៈចម្ងាយខ្លីពីរគ្រាប់ បន្ទាប់ពីព្រមានឆ្លើយតបទៅនឹងសមយុទ្ធសម្ព័ន្ធមិត្ត

2023/06/16 06:49:58 pm        154
Facebook Telegram Linkin
កូរ៉េខាងត្បូង៖ យោធាកូរ៉េខាងត្បូង បាននិយាយថា ប្រទេសកូរ៉េខាងជើងបានបាញ់មីស៊ីលរយៈចម្ងាយខ្លីចំនួនពីរគ្រាប់ចេញពីឆ្នេរសមុទ្រភាគខាងកើតរបស់ខ្លួន កាលពីថ្ងៃព្រហស្បតិ៍ (ទី១៥ ខែមិថុនា) ដោយការបាញ់នេះមានរយៈពេលមិនដល់មួយម៉ោងផង បន្ទាប់ពីទីក្រុងព្យុងយ៉ាង បានព្រមានថា នឹងមានការឆ្លើយតបដោយ «ជៀសមិនរួច» ចំពោះសមយុទ្ធយោធា ដែលធ្វើឡើង កាលពីថ្ងៃមុន ដោយកូរ៉េខាងត្បូង និងទាហានសហរដ្ឋអាមេរិក។សកម្មភាពចុងក្រោយបង្អស់របស់កូរ៉េខាងជើង បានកើតឡើងក្នុងខណៈដែលទីប្រឹក្សាសន្តិសុខជាតិរបស់ប្រធានាធិបតីអាមេរិក លោក Joe Biden គឺលោក Jake Sullivan បានទៅដល់ទីក្រុងតូក្យូ ដើម្បីប្រជុំជាមួយសមភាគីប្រទេសជប៉ុន និងកូរ៉េខាងត្បូង។យោងតាមខ្លឹមសារនៃកិច្ចប្រជុំ ដែលចេញផ្សាយដោយប្រទេសជប៉ុន បានឲ្យដឹងថា នៅក្នុងជំនួបជាមួយទីប្រឹក្សាសន្តិសុខជាតិរបស់កូរ៉េខាងត្បូង លោក Cho Tae-yong និងទីប្រឹក្សាសន្តិសុខជាតិរបស់ប្រទេសជប៉ុន Takeo Akiba កាលពីថ្ងៃព្រហស្បតិ៍ មន្ត្រីជាន់ខ្ពស់ទាំង៣រូប បានពិភាក្សាគ្នាអំពីកម្មវិធីមីស៊ីលរបស់កូរ៉េខាងជើង ហើយបានបញ្ជាក់ថា ភាគីទាំងបី នឹងធ្វើការយ៉ាងជិតស្និទ្ធជាមួយគ្នា ដើម្បីធ្វើឲ្យទីក្រុងព្យុងយ៉ាងបោះបង់ចោលអាវុធនុយក្លេអ៊ែររបស់ខ្លួន។ក្រសួងការពារជាតិរបស់ប្រទេសជប៉ុន បានប្រាប់ថា មីស៊ីលបាលីស្ទិកពីរគ្រាប់ បានធ្លាក់នៅក្នុងតំបន់សេដ្ឋកិច្ចផ្តាច់មុខ (EEZ) របស់ខ្លួន ដោយប្រហែលជាគ្រាប់នោះ បានហោះមិនប្រក្រតីក្នុងគន្លងបាញ់៕

ការសើរើទិដ្ឋាការរបស់អូស្ត្រាលី ធ្វើឲ្យសេដ្ឋីចិនស្ថិតក្នុងសភាពមិនច្បាស់លាស់

2023/06/16 06:42:46 pm        189
Facebook Telegram Linkin
អូស្ត្រាលី៖ ក្នុងឆ្នាំ២០១៨ លោក Paul Wang បានចាកចេញពីគេហដ្ឋានរបស់លោក ក្នុងទីក្រុងប៉េកាំង ដើម្បីចាប់ផ្តើមជីវិតថ្មី នៅប្រទេសអូស្ត្រាលី ដោយបានបណ្តាក់ទុនចំនួន ១លានដុល្លារអូស្ត្រាលី (៦៨០.០០០ដុល្លារអាមេរិក) ក្នុងអាជីវកម្មកែច្នៃម្ហូបអាហារ ដោយសង្ឃឹមថា នឹងទទួលបានសិទ្ធិស្នាក់នៅអចិន្ត្រៃយ៍ ក្រោមគម្រោងទិដ្ឋាការវិនិយោគរបស់ប្រទេសនេះ។ប្រាំឆ្នាំក្រោយមក ក្តីសង្ឃឹមរបស់លោក សម្រាប់គ្រួសាររបស់លោកដែលមានកូនបីនាក់ នៅតែជាប់គាំង ដោយសាររដ្ឋាភិបាលបានដាក់ចេញនូវកម្មវិធី «ទិដ្ឋាការមាស» ដ៏ចម្រូងចម្រាស ដែលនាំឲ្យពេលវេលាដែលកំពុងប្រព្រឹត្តទៅ រលាយបាត់ ដោយធ្វើឲ្យជនអន្តោប្រវេសន៍ ដែលមានទ្រព្យសម្បត្តិដូចជាលោក Wang ស្ថិតក្នុងស្ថានការណ៍មិនច្បាស់លាស់។លោក Wang វ័យ ៤៤ឆ្នាំ បាននិយាយថា៖ «យើងមិននឹកស្មានថា វានឹងចំណាយពេលយូរនោះទេ ហើយជីវិតរបស់យើង គឺមានភាពរញ៉េរញ៉ៃដោយសារតែរឿងនោះ។ យើងមិនអាចរៀបចំផែនការជាមុនជាមួយនឹងភាពមិនច្បាស់លាស់ទាំងអស់នោះទេ»។នៅពេលដែលប្រទេសអូស្ត្រាលី បានដាក់ចេញនូវកម្មវិធីការកែច្នៃអាជីវកម្ម និងការវិនិយោគ (BIIP) ក្នុងឆ្នាំ២០១២ ក្តីសង្ឃឹមគឺថាម្ចាស់អាជីវកម្មដែលមានទ្រព្យសម្បត្តិ វិនិយោគិន និងសហគ្រិននឹងជួយជំរុញសេដ្ឋកិច្ច ដោយការនាំចូលមកនូវដើមទុន និងការជំរុញនុវានុវត្តន៍។បន្ទាប់ពីចូលកាន់តំណែងកាលពី ១៣ខែមុន រដ្ឋាភិបាលគណបក្សពលករងាររបស់ប្រទេសអូស្ត្រាលី បានផ្លាស់ប្តូរអាទិភាព ដើម្បីកាត់បន្ថយការខ្វះខាតកម្មករជំនាញសំខាន់ៗ។ ជាលទ្ធផលមួយផ្នែក ទិដ្ឋាការអចិន្ត្រៃយ៍ BIIP ភាគច្រើន ចំណាយពេលជិត ៣ឆ្នាំ ដើម្បីដំណើរការ ដោយឡើងពីមធ្យមភាគពេលមុនប្រហែល ១២ខែ ហើយបន្ថែមលើខួបនៃការវិនិយោគពី ៤ឆ្នាំ ទៅ ៥ឆ្នាំ៕

កូរ៉េខាងត្បូង រកឃើញចំណែកនៃរ៉ុក្កែត ដែលប្រើក្នុងការបាញ់បង្ហោះផ្កាយរណបរបស់កូរ៉េខាងជើង

2023/06/16 06:39:25 pm        182
Facebook Telegram Linkin
កូរ៉េខាងត្បូង៖ នាយសេនាធិការចម្រុះ បាននិយាយ នៅថ្ងៃសុក្រនេះថា ប្រទេសកូរ៉េខាងត្បូង បានទាញយកពីសមុទ្រមកវិញនូវចំណែកនៃគ្រាប់រ៉ុក្កែត ដែលប្រើនៅក្នុងការប៉ុនប៉ងមិនជោគជ័យរបស់ប្រទេសកូរ៉េខាងជើងក្នុងការបាញ់បង្ហោះផ្កាយរណបយោធាដំបូងរបស់ខ្លួន កាលពីខែមុន។យោធាបាននិយាយថា បំណែកត្រូវបានស្រង់យក កាលពីល្ងាចថ្ងៃព្រហស្បតិ៍ ដោយបន្ថែមថា ពួកគេបានបន្តស្វែងរកវត្ថុផ្សេងបន្ថែមពីអ្វីដែលកូរ៉េខាងជើងអះអាងថា ជាយានបាញ់បង្ហោះទៅកាន់ទីអវកាស។កាលពីថ្ងៃទី៣១ ខែឧសភា ប្រទេសកូរ៉េខាងជើង បានព្យាយាមបាញ់បង្ហោះផ្កាយរណបចារកម្មដំបូងរបស់ខ្លួន ប៉ុន្តែការហោះហើរបានបញ្ចប់ដោយបរាជ័យ ហើយឧបករណ៍ជំរុញ និងបន្ទុក ធ្លាក់ចូលទៅក្នុងសមុទ្រ។ភ្លាមៗ កូរ៉េខាងត្បូង បានរកឃើញបំណែកនៅម្ដុំឆ្នេរសមុទ្រភាគខាងលិចរបស់ខ្លួន បន្ទាប់ពីការបាញ់បង្ហោះ ហើយបានចាប់ផ្តើមប្រតិបត្តិការទាញយកមកវិញ ក្នុងក្តីសង្ឃឹម ដើម្បីសិក្សាពីរ៉ុក្កែតថ្មីនេះ។រូបថតដែលចេញផ្សាយដោយយោធាកូរ៉េខាងត្បូង បានបង្ហាញវត្ថុរាងស៊ីឡាំងដ៏ធំមួយ ដែលមានសញ្ញាសម្គាល់ថា «Chonma» ដែលមានន័យថា សេះមានស្លាប ក្នុងភាសាកូរ៉េ។ កូរ៉េខាងជើងបានហៅរ៉ុក្កែតនោះថា «Chollima-1»៕

សម្ដេចតេជោ បន្តអំពាវនាវដល់កម្មករ-កម្មការិនីទាំងអស់ថែរក្សាសន្តិភាព ខណៈសន្តិភាពនេះ ជាមូលដ្ឋានគ្រឹះនៃការអភិវឌ្ឍ

2023/06/16 06:12:27 pm        325
Facebook Telegram Linkin
កំពង់ចាម៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសបន្តអំពាវនាវដល់បងប្អូនកម្មករ-កម្មការិនី រួមទំាងបងប្អូនប្រជាពលរដ្ឋខ្មែរទាំងអស់ ត្រូវបន្តរួមគ្នាថែរក្សានូវសុខសន្តិភាពដែលកំពុងមានសព្វថ្ងៃនេះឲ្យខាងតែបាន ខណៈសន្តិភាពនេះ គឺជាមូលដ្ឋានគ្រឹះសម្រាប់ការអភិវឌ្ឍប្រទេសជាតិលើគ្រប់វិស័យ។ក្នុងឱកាសអញ្ជើញចុះជួបសំណេះសំណាល និងសួរសុខទុក្ខ ដល់បងប្អូនកម្មករ-កម្មការិនី នៅរោងចក្រឡឺក្រោនស៊ូអ៊ិនដាសស្ត្រី (LECROWN SHOES INDUSTRY)នៅភូមិរវៀង ឃុំខ្នុរដំបង ស្រុកជើងព្រៃ ខេត្តកំពង់ចាម នាព្រឹកថ្ងៃទី១៦ ខែមិថុនា ឆ្នាំ២០២៣នេះសម្តេចតេជោ ហ៊ុន សែន មានប្រសាសន៍ថា កត្តាសុខសន្តិភាព និងស្ថិរភាពនយោបាយ ផ្តល់ឱកាសឱ្យកម្ពុជាយើងទាក់ទាញ​វិនិយោគពីបរទេសដើម្បីមកផលិតនៅក្នុងស្រុកបម្រើការនាំចេញទៅក្រៅប្រទេស ដូច្នេះបងប្អូនទាំងអស់ត្រូវរក្សាសន្តិភាពនេះឲ្យបានមិនថា កាលៈទេសៈណានោះទេ។នៅក្នុងឱកាសជួបសំណេះសំណាលជាមួយបងប្អូនកម្មករ-កម្មការិនីនោះដែរសម្តេចតេជោ ហ៊ុន សែន ក៏បានប្រកាសរំលឹកដល់បងប្អូនកម្មក-កម្មការិនីរួមទាំងបងប្អូនប្រជាពលរដ្ឋទាំងអស់​សូមកុំធ្លោយ និងលង់លក់នឹងការសន្យាខ្យល់របស់អ្នកណា ឬគណបក្សណាឲ្យសោះ​គប្បីត្រូវមើលឃើញតថភាពជាក់ស្តែងដែលកំពុងមានបច្ចុប្បន្ននេះ។ សម្តេច បានបន្តថា រាជរដ្ឋាភិបាលបានកំពុងធ្វើការទាក់ទាញអ្នកវិនិយោគិន​បរទេសឲ្យមកដាក់​ទុនវិនិយោគ​នៅកម្ពុជាបន្ថែម​ ដើម្បីផ្តល់ឱកាសការងារដល់បងប្អូនប្រជាពលរដ្ឋ ឲ្យបានកាន់តែច្រើន ហើយការដែលបរទេសគេសម្រេចមករកស៊ីនៅប្រទេសយើងក៏ដោយសារតែកម្ពុជា យើងមានសុខសន្តិភាព ​និងស្ថិរភាពនយោបាយនេះដែរ៕អត្ថបទ៖ បានចក់

ប្រធានាធិបតីគុយបា និងអ៊ីរ៉ង់ យល់ព្រមធ្វើការក្នុងការផលិតអគ្គិសនី និងការធ្វើអាជីវកម្មរ៉ែ

2023/06/16 06:06:51 pm        106
Facebook Telegram Linkin
គុយបា៖ ប្រធានាធិបតីអ៊ីរ៉ង់លោក Ebrahim Raisi បានជួបជាមួយសមភាគីគុយបាលោក Miguel Diaz-Canel កាលពីថ្ងៃព្រហស្បតិ៍ ដែលជាការឈប់សំចតចុងក្រោយរបស់លោក ក្នុងដំណើរទស្សនកិច្ច នៅប្រទេសចំនួនបីនៃតំបន់អាមេរិកឡាទីន ក្នុងគោលបំណងបង្កើនការគាំទ្រក្នុងចំណោមប្រទេសសម្ព័ន្ធមិត្តអាមេរិកឡាទីនដែលរងទុក្ខដូចជាប្រទេសអ៊ីរ៉ង់ដែរ ដោយសារការដាក់ទណ្ឌកម្មពីសហរដ្ឋអាមេរិក។លោក Raisi បានប្រាប់អ្នកយកព័ត៌មាននៅក្នុងវេទិកាពាណិជ្ជកម្មមួយ ក្នុងទីក្រុងឡាហាវ៉ាន (Havana) កាលពីព្រឹកថ្ងៃព្រហស្បតិ៍ថា ប្រទេសគុយបា និងអ៊ីរ៉ង់ នឹងស្វែងរកឱកាស ដើម្បីធ្វើការរួមគ្នា ក្នុងការផលិតអគ្គិសនី បច្ចេកវិទ្យាជីវសាស្រ្ត និងការធ្វើអាជីវកម្មរ៉ែ ក្នុងចំណោមវិស័យផ្សេងៗទៀត។លោក Raisi បាននិយាយនៅក្នុងកិច្ចសន្ទនាជាមួយប្រធានាធិបតីគុយបា លោក Miguel Diaz-Canel ថា៖ «លក្ខខណ្ឌ និងកាលៈទេសៈ ដែលគុយបា និងអ៊ីរ៉ង់ រកឃើញថា បច្ចុប្បន្ននេះប្រទេសយើងមានរឿងដូចគ្នាច្រើនណាស់។ ជារៀងរាល់ថ្ងៃទំនាក់ទំនងរបស់យើងកាន់តែរឹងមាំខ្លាំងឡើង»។មន្ត្រីជាន់ខ្ពស់នៃប្រទេសទាំងពីរ បានចុះហត្ថលេខាលើកិច្ចព្រមព្រៀងរដ្ឋបាល ដោយប្តេជ្ញាជំរុញកិច្ចសហប្រតិបត្តិការ រវាងក្រសួងយុត្តិធម៌ និងភ្នាក់ងារគយរបស់ប្រទេស ក៏ដូចជាក្នុងវិស័យទូរគមនាគមន៍ផងដែរ។សូមបញ្ជាក់ថា លោក Raisi នៅដើមសប្តាហ៍នេះ បានធ្វើទស្សនកិច្ចជាមួយមេដឹកនាំនៃប្រទេសដៃគូផលិតប្រេងវ៉េណេហ្ស៊ុយអេឡា ដែលនៅទីនោះ លោកបានសន្យាថា នឹងបង្កើនពាណិជ្ជកម្មទ្វេភាគី និងពង្រីកកិច្ចសហប្រតិបត្តិការក្នុងវិស័យឥន្ធនៈគីមី ហើយមុនពេលទៅដល់ប្រទេសគុយបា ប្រធានាធិបតីអ៊ីរ៉ង់រូបនេះ ក៏បានជួបជាមួយលោក Daniel Ortega របស់ប្រទេសនីការ៉ាហ្គ័រ នៅក្នុងប្រទេសអាមេរិកកណ្តាល៕

ក្រសួងយុត្តិធម៌និយាយថា គណៈវិនិច្ឆ័យអាមេរិក ចោទប្រកាន់បុគ្គលិកឆ្មាំអាកាសជាតិ Jack Teixeira ពីបទទម្លាយឯកសារសន្តិសុខជាតិ

2023/06/16 05:54:40 pm        198
Facebook Telegram Linkin
អាមេរិក៖ ក្រសួងយុត្តិធម៌អាមេរិកបាននិយាយកាលពីថ្ងៃព្រហស្បតិ៍ថា ឆ្មាំអាកាសជាតិក្នុងរដ្ឋ Massachusetts លោក Jack Teixeira ដែលត្រូវបានចោទប្រកាន់ពីបទបែកធ្លាយឯកសារសម្ងាត់សំខាន់បំផុតរបស់យោធា ត្រូវបានចោទប្រកាន់ពីបទឧក្រិដ្ឋកម្មសហព័ន្ធ។គណៈវិនិច្ឆ័យសហព័ន្ធនៅទីក្រុងបូស្តុន(Boston)បានចោទប្រកាន់លោកក្នុងបទចោទចំនួន ៦ករណី ពីបទលាក់ទុកដោយចេតនា និងការបញ្ជូនព័ត៌មានដែលត្រូវបានផ្ទៀងផ្ទាត់ទាក់ទងនឹងផ្នែកការពារជាតិ ។ ពាក្យចោទប្រកាន់នីមួយៗត្រូវផ្តល់ការកាត់ទោសជាប់ពន្ធនាគាររហូតដល់ ១០ ឆ្នាំ ដោយដាក់ឲ្យស្ថិតក្រោមការត្រួតពិនិត្យរហូតដល់៣ឆ្នាំក្រោយបញ្ចប់ការអនុវត្តន៍ទោស និងពិន័យជាប្រាក់រហូតដល់ ២៥០.០០០ដុល្លារ ។ ការចោទប្រកាន់នេះគឺបន្ថែមពីលើការចោទប្រកាន់ចំនួនពីរដែលដាក់ដោយរដ្ឋអាជ្ញាប្រឆាំងនឹងលោក Teixeira បន្ទាប់ពីការចាប់ខ្លួនរបស់លោកកាលពីខែមេសា។អ្នកជំនាញផ្នែក ITនៅអង្គភាពឆ្មាំជាតិអាមេរិក វ័យ ២១ ឆ្នាំ រូបនេះ ត្រូវបានចាប់ខ្លួនកាលពីខែមេសា ដោយចោទប្រកាន់ពីបទចែកចាយឯកសារយោធាដែលមានចំណាត់ថ្នាក់ខ្ពស់អំពីសង្គ្រាមរបស់រុស្ស៊ីនៅអ៊ុយក្រែន និងបញ្ហាសន្តិសុខជាតិធំៗ ផ្សេងទៀតនៅក្នុងបន្ទប់ពិភាក្សាការងារឬ chat room នៅលើ Discord ជាវេទិកាប្រព័ន្ធផ្សព្វផ្សាយសង្គមដែលបានចាប់ផ្តើមជាការជជែកកម្សាន្តសម្រាប់អ្នកលេងបណ្ដាញសង្គម៕

កងកម្លាំងសន្តិសុខ បាញ់ឧស្ម័នបង្ហូរទឹកភ្នែក ខណៈផ្ទុះអំពើហិង្សាថ្មីជុំវិញជម្លោះជនជាតិភាគតិចក្នុងរដ្ឋម៉ាន់ពួ ប្រទេសឥណ្ឌា

2023/06/16 05:28:29 pm        120
Facebook Telegram Linkin
ឥណ្ឌា៖ អំពើហិង្សាថ្មីៗបានផ្ទុះឡើងនៅក្នុងតំបន់មួយចំនួននៃរដ្ឋម៉ានីពួ (Manipur) ភាគឦសានរបស់ប្រទេសឥណ្ឌា កាលពីថ្ងៃព្រហស្បតិ៍ ខណៈកងកម្លាំងសន្តិសុខបាញ់ឧស្ម័នបង្ហៀរទឹកភ្នែកទៅលើក្រុមបាតុករដែលកំពុងតវ៉ាចំពោះការស្លាប់ជនស៊ីវិល៩នាក់ ក្នុងការប៉ះទង្គិចគ្នាជាបន្តបន្ទាប់រាវងក្រុមជនជាតិភាគតិចគូប្រជែងកាលពីមួយថ្ងៃមុន។ នគរបាល និងកងកម្លាំងប៉ារ៉ាប្រចាំរដ្ឋ បានបាញ់ឧស្ម័នបង្ហូរទឹកភ្នែក ដើម្បីបំបែកក្រុមបាតុករ ក្នុងតំបន់  ឆេកខុនថ្មី (New Checkon) នៃស្រុកអ៊ីមផាល់ខាងកើត(Imphal East)។ អភិបាលរដ្ឋ លោក បៃរិន ស៊ីញ (Biren Singh)បានអំពាវនាវឲ្យមានសន្តិភាព និងបាននិយាយថា ដំណោះស្រាយអចិន្ត្រៃយ៍មួយមិនអាចដើរទៅដល់ ដោយគ្មានកិច្ចសហប្រតិបត្តិការជាសាធារណៈនោះទេ។អំពើហិង្សារវាងក្រុមសមាជិកជនជាតិភាគតិច គូគី (Kuki) ដែលភាគច្រើនរស់នៅតាមជើងភ្នំ និង ក្រុមជនជាតិភាគតិចម៉ីតី (Meiteis) ជាសហគមន៍ដ៏មានឥទ្ធិពលមួយក្នុងដែនដីវាលទំនាប បានផ្ទុះឡើងកាលពីថ្ងៃទី៣ខែឧសភា ដែលបង្កឡើងដោយសារភាពលម្អៀងជុំវិញផលប្រយោជន៍សេដ្ឋកិច្ច និងកូតាក្នុងវិស័យការងាររបស់រដ្ឋាភិបាល  និងការអប់រំដែលបានត្រៀមបម្រុងសម្រាប់ប្រជាពលរដ្ឋរស់នៅតាមតំបន់ភ្នំ៕

សម្តេចតេជោដាក់ការសង្ស័យថា មេឧទ្ទាមដែលឆ្មក់សម្លាប់អាជ្ញាធរវៀតណាម ជាច្រើននាក់អាចនៅកម្ពុជា

2023/06/16 05:15:40 pm        387
Facebook Telegram Linkin
កំពង់ចាម៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដាក់ការសង្ស័យថា មេពួកឧទ្ទាម ដែលបានវាយឆ្មក់ ដល់អាជ្ញាធរវៀតណាមដោយប្រដាប់អាវុធ កាលពីប៉ុន្មានថ្ងៃនេះ អាចកំពុងនៅ​ទឹកដីកម្ពុជា ដូច្នេះសម្តេច សូមដាក់បទបញ្ជាយ៉ាងជាក់លាក់ឲ្យកងកម្លាំងប្រដាប់អាវុធ​ទាំងអស់​ត្រូវយកចិត្តទុកដាក់ឲ្យបានខ្ពស់ ជាពិសេសខាងទិសភូមិភាគទី១ តែម្តង។ក្នុងឱកាសអញ្ជើញចុះជួបសំណេះសំណាល និងសួរសុខទុក្ខ ដល់បងប្អូនកម្មករ-កម្មការិនី នៅរោងចក្រឡឺក្រោនស៊ូអ៊ិនដាសស្ត្រី (LECROWN SHOES INDUSTRY)នៅភូមិរវៀង ឃុំខ្នុរដំបង ស្រុកជើងព្រៃ ខេត្តកំពង់ចាម នាព្រឹកថ្ងៃទី១៦ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន បានប្រកាសថា កាលពីប៉ុន្មានថ្ងៃមុន មានកងកម្លាំងប្រដាប់អាវុធមួយក្រុមដែលជាជនជាតិភាគតិច បានលួចវាយឆ្មក់ដោយប្រដាប់អាវុធសម្លាប់នគរបាល មេឃុំ និងមេបក្សឃុំរបស់វៀតណាម ជាច្រើននាក់ចំនួនពីរទីតាំងដាច់ដោយឡែក ដោយពួកក្រុមឧទ្ទាមទាំងនោះកំពុងលាក់ខ្លួន ហើយអាចឆ្លងចូលទឹកដីកម្ពុជាផងដែរ ​ដូច្នេះកងកម្លាំងប្រដាប់អាវុធគ្រប់ប្រភេទទាំងអស់នៅកម្ពុជា​ត្រូវតែសហការគ្នាជាមួយអាជ្ញាធរវៀតណាមធ្វើកិច្ចការងារនេះឲ្យបានច្បាស់លាស់ ខណៈបញ្ហានេះ គឺជាករណីភេរវកម្ម ដោយមិនត្រូវ​ធ្វេសប្រហែស​នោះឡើយ។ជាមួយគ្នានោះដែរសម្តេចតេជោ ហ៊ុន សែន នាយករដ្ឋមន្រ្តី ក៏បានដាក់បទបញ្ជាឲ្យមានការត្រួត ពិនិត្យឲ្យបានច្បាស់លាស់ចំពោះជនជាតិភាគតិចម៉ុងតាញ៉ា ​ដែលកំពុងស្នាក់នៅប្រទេសកម្ពុជា ដើម្បីធ្វើការ​សម្ភាសន៍​ត្រៀមខ្លួន​ទៅ​ប្រទេសទីបីនោះ ​បើពេលនេះ​សម្ភាសន៍មិនជាប់​ទេ​គប្បីបញ្ជូនពួកគេឲ្យទៅភាគីវៀតណាមវិញ ខណៈពួកនេះ​កំពុងស្ថិតនៅការសង្ស័យ​ជា​បក្សពួកក្រុមឧទ្ទាម​ដែល​បានស្លាប់អាជ្ញាធរវៀតណាមនោះដែរ។ទាក់ទងនឹងករណីជនជាតិភាគតិចម៉ុងតាញ៉ានេះដែរ ​សម្តេចតេជោ ហ៊ុន សែន ក៏បានផ្តាំទៅក្រុម​អង្គការសិទ្ធិមនុស្សមួយចំនួន និងប្រទេសលោកខាងលិចកុំនិយាយរិះគន់ និងថ្កោលទោសថាកម្ពុជា​រំលោភសិទ្ធិមនុស្សឲ្យសោះ ដោយកម្ពុជា​ធ្វើបែបនេះ ចំពោះជនជាតិភាគតិចម៉ុងតាញ៉ា​ទាំងនោះ​គឺ​ដើម្បីការពារនូវអធិបតេយ្យភាពរបស់ខ្លួន ​និងការពារនូវសន្តិសុខ សណ្តាប់ធ្នាប់ប្រទេសកម្ពុជា​តែ​ប៉ុណ្ណោះ ខណៈបញ្ហានេះមិនមែនជាការលេងសើចនោះទេ​ វាអាចជាករណីភេរវកម្ម៕អត្ថបទ៖ បាន ចក់

ភ្លៀងធ្លាក់ខ្លាំងវាយប្រហារទីក្រុងតំបន់ឆ្នេរមួយចំនួនរបស់ឥណ្ឌា ខណៈព្យុះស៊ីក្លូនចាប់ផ្ដើមបោកបក់ខ្លាំង

2023/06/16 04:55:28 pm        123
Facebook Telegram Linkin
ឥណ្ឌា៖ ទីក្រុងនានានៅក្នុងតំបន់ឆ្នេរសមុទ្ររបស់ប្រទេសឥណ្ឌា ត្រូរងការវាយប្រហារដោយភ្លៀងធ្លាក់ និងខ្យល់ខ្លាំង កាលពីថ្ងៃព្រហស្បតិ៍ ទី១៥មិថុនា ប៉ុន្មានម៉ោងមុនការរំពឹងទុកនៃការមកដល់របស់ព្យុះស៊ីក្លូនដ៏មានឥទ្ធិពលមួយនេះ ។ ផ្លូវនានាត្រូវបានទឹកជន់លិច ហើយមែកឈើត្រូវបានគេមើកឃើញខ្យល់បោកបក់យោលយោគខ្លាំងនៅក្នុងទីក្រុងម៉ាន់វី ( Mandvi) និង ប៊ូជ(Bhuj) ក្នុងតំបន់ឆ្នេរសមុទ្រភាគខាងលិចរបស់ប្រទេសឥណ្ឌា ជាទីដែលផ្ទះសម្បែងប្រជាពលរដ្ឋទាំងអស់ងាយរងគ្រោះ ត្រូវបានជម្លៀស ហើយក្រុមសង្រ្គោះបន្ទាន់ ត្រូវបានបញ្ជូនទៅជួយក្នុងស្ថានភាពដ៏អាក្រក់នេះ។ក្រុមអាជ្ញាធរនៅក្នុងប្រទេសឥណ្ឌានិងប្រទេសជិតខាង គឺប៉ាគីស្ថាន បានជម្លៀសមនុស្សជាង១៥ម៉ឺននាក់ ពីតំបន់ឆ្នេរសមុទ្រងាយរងគ្រោះ ដែលនៅចំមុខរបស់ព្យុះ ស៊ីក្លូនបាយប៉ចយ (Biparjoy) ដែលបោកបក់នៅក្នុងសមុទ្រអារ៉ាប់និងបានប៉ោះពួយមកដល់ដីគោកកាលពីយប់ថ្ងៃព្រហស្បតិ៍។ ក្រុមមន្ត្រីតុនិយម បាននិយាយថា ព្យុះបាយប៉ចយ ដែលមានន័យថា ការបំផ្លិចបំផ្លាញ ឬគ្រោះមហន្តរាយធម្មជាតិ ជាភាសា បង់ហ្គាលី(Bengali) បានបោកបក់ក្នុងកម្លាំង១៤០គីឡូម៉ែត្រក្នុងមួយម៉ោង នៅក្បែរកំពង់ផែចាខួ(Jakhau) ក្នុងរដ្ឋហ្គូចារ៉ាត់(Gujarat) ភាគខាងលិចរបស់ប្រទេសឥណ្ឌា និងមានកម្លាំង២៣០គីឡូម៉ែត្រក្នុងមួយម៉ោងក្បែរកំពង់ផែក្រុងការ៉ាជីភាគខាងត្បូង របស់ប្រទេសប៉ាគីស្ថាន ៕

រុស្ស៊ី ព្យាយាមបង្ហាញសញ្ញាក្នុងសភាពធម្មតាខណៈកងកម្លាំងអ៊ុយក្រែន បានវាយរុលទៅមុខ

2023/06/16 04:45:07 pm        235
Facebook Telegram Linkin
រុស្ស៊ី៖ ប្រទេសរុស្ស៊ី បានប្រកាសផែនការមួយចំនួនកាលពីថ្ងៃព្រហស្បតិ៍ដើម្បីរៀបចំការបោះឆ្នោតនៅក្នុងតំបន់មួយចំនួនដែលបានគ្រប់គ្រងនៅក្នុងប្រទេសអ៊ុយក្រែន ក្នុងរយៈពេល៣ខែខាងមុខ ជាការព្យាយាមចុងក្រោយបំផុតរបស់ទីក្រុងមូស្គូ (Moscow) ដើម្បីផ្ដល់សញ្ញាថាខ្លួនបានគ្រប់គ្រងដែនដីទាំងនោះ ខណៈការវាយបករបស់អ៊ុយក្រែន បានរុញកងកម្លាំងរបស់រុស្ស៊ី ឲ្យបកក្រោយនៅក្នុងតំបន់មួយចំនួន។ នេះគឺជាការវាយប្រហាររបស់អ៊ុយក្រែននៅក្នុងដំណាក់កាលដំបូង ហើយក្រុមអ្នកជំនាញយោធានិយាយថា សមរភូមិប្រយុទ្ធដ៏ខ្លាំងក្លា ស្ថិតនៅខាងមុខនៅឡើយ ប៉ុន្តែ សាកសពទាហានរុស្ស៊ី និងរថពាសដែករងការបំផ្លាញជាច្រើន នៅរាយប៉ាយតាមដងផ្លូវ នៅក្នុងភូមិមួយចំនួន ដែលទើបដណ្ដើមបានមកវិញថ្មីៗដោយទាហានអ៊ុយក្រែន ដែលបានបញ្ជាក់ពីការវាយរុលទៅមុខដ៏ខ្លាំងក្លាបំផុតរបស់ទីក្រុង គីវ( Kyiv) ចាប់តាំងពីឆ្នាំមុនមក។ លោក Zelenskiy បានប្រាប់សារព័ត៌មាន NBC News ក្នុងបទសម្ភាសន៍មួយក្នុងទីក្រុងគីវ ថា ពលរដ្ឋដ៏អង់អាចរបស់យើង ទាហានរបស់យើង នៅសមរភូមិមុខកំពុងប្រឈមការតស៊ូដ៏លំបាក កីព្រោះដើម្បីឲ្យរុស្ស៊ី បរាជ័យក្នុងយុទ្ធនាការនេះមកលើអ៊ុយក្រែន ខ្ញុំអាចនិយាយបានថា មានន័យពិតប្រាកដ គឺការចាញ់ក្នុងសង្គ្រាមនេះ ។  ខណៈដែលនៅតែបន្តយុទ្ធនាការរបស់យើងសម្រាប់ការសុំជំនួយយោធា លោក Zelenskiy បានជំរុញសភារបស់ប្រទេសស្វីស តាមរយៈសុន្ទរកថាតាមវីដេអូ ដើម្បីអនុញ្ញាតឲ្យរដ្ឋផ្សេងទៀត នាំចេញបន្តនូវអាវុធដែលផលិតដោយប្រទេសស្វីសមកឲ្យអ៊ុយក្រែន៕

បណ្ដាញសង្គម

ព័ត៌មានថ្មីៗ

សហគ្រាសធុនតូច និងមធ្យម កំពុងមានតម្រូវការទំហំឥណទានធំជាងមុនពីធនាគារ​ SME
08/19/2026 02:08 PM
Facebook Telegram Linkin
Jamal Musiala ដួលក្នុងការប្រកួតជាលើកទី២ ក្នុងរយៈពេល ៤ថ្ងៃ
08/19/2026 02:08 PM
Facebook Telegram Linkin
ពលរដ្ឋ ងាកមកពឹកផ្អែកលើសេវាសុខាភិបាលរដ្ឋកាន់តែខ្លាំង បន្ទាប់ពីរដ្ឋខិតខំពង្រឹងគុណភាពការផ្ដល់សេវា
08/19/2026 02:08 PM
Facebook Telegram Linkin
ស្ថាបនិក Amazon, Jeff Bezos ទិញភាគហ៊ុនជិត ៤០% ពី Liverpool
08/19/2026 02:08 PM
Facebook Telegram Linkin
រដ្ឋមន្ត្រីក្រសួងបរិស្ថាន និងអភិបាលខេត្តកំពង់ស្ពឺ ចុះពិនិត្យស្ថានភាពសំណង់ និង​ផ្ទះលំហែ​សង់ខុសច្បាប់​នៅលើភ្នំគិរីរម្យ
08/19/2026 02:08 PM
Facebook Telegram Linkin
កម្ពុជា និងម៉ាឡេស៊ី ពង្រឹងកិច្ចសហប្រតិបត្តិការពាណិជ្ជកម្ម តាមរយៈវេទិកាពាណិជ្ជកម្ម និង​ជំនួប​ផ្គូផ្គងធុរកិច្ច
08/19/2026 02:08 PM
Facebook Telegram Linkin
Memphis Depay សុខចិត្តកាត់បន្ថយប្រាក់ឈ្នួល ដើម្បីបន្តស្នាក់នៅ Corinthians
08/19/2026 02:08 PM
Facebook Telegram Linkin
សាលា NPIC លើកទឹកចិត្តសិស្ស​ទើបចប់​ថ្នាក់​ទី១២ ចាប់យកជំនាញអគ្គិសនី​ ខណៈ​តម្រូវការទីផ្សារ​​​​កើនឡើង
08/19/2026 01:08 PM
Facebook Telegram Linkin
អ្នកនយោបាយមើលឃើញថា កូនស្រីអតីតប្រធានគណអតីតបក្សប្រឆាំងចូលរួមក្នុងជួររាជរដ្ឋាភិបាល គឺជាស្មារតីរួបរួមខ្មែរតែមួយ
08/19/2026 01:08 PM
Facebook Telegram Linkin
ដំណើរឆ្ពោះទៅធ្វើម្ចាស់ផ្ទះកីឡាវ៉ូវីណាមជើងឯកអាស៊ី នៅកម្ពុជា ទទួលបានការគាំទ្រផុលផុសពីវិស័យឯកជន
08/19/2026 01:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.