នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

នគរបាលកេនយ៉ា បាញ់ឧស្ម័នបង្ហូរទឹកភ្នែកលើក្រុមបាតុករ ដើរក្បួនតវ៉ាប្រឆាំងសំណើច្បាប់ហិរញ្ញវត្ថុ

2023/06/07 06:18:59 pm        107
Facebook Telegram Linkin
កេនយ៉ា៖ នគរបាលកេនយ៉ា បានបាញ់ឧស្ម័នបង្ហូរទឹកភ្នែក ជិតសភា កាលពីថ្ងៃអង្គារ លើហ្វូងមនុស្សរាប់រយនាក់ កំពុងតវ៉ាទៅនឹងសំណើច្បាប់ហិរញ្ញវត្ថុ ដែលនឹងដំឡើងការបង់ពន្ធលើប្រេងឥន្ធនៈ ការសាងសង់លំនៅឋាន និងផ្នែកឌីជីថល។ លោកប្រធានាធិបតី William Ruto ដែលបានជាប់ឆ្នោតកាលពីខែសីហា សម្រាប់វេទិកា ជួយដល់ជនក្រីក្រ កំពុងស្ថិតក្រោមសម្ពាធដើម្បីបង្កើនចំណូលនៅក្នុងកម្លាំងសេដ្ឋកិច្ចរបស់អាហ្វ្រិកខាងកើតមួយនេះ ស្របពេលមានការប្រឈមទៅនឹងការសងបំណុលកំពុងកើនឡើង។ ប៉ុន្តែសំណើនេះ បានបង្កឲ្យមានការរិះគន់យ៉ាងខ្លាំងពីមន្ត្រីរដ្ឋការ និងក្រុមបក្សនយោបាយប្រឆាំង ដែលនិយាយថា កត្តានេះ ប៉ះពាល់ដល់ជីវិភាពរស់នៅប្រចាំថ្ងៃដ៏ធ្ងន់ធ្ងរ សម្រាប់ប្រជាពលរដ្ឋ រួចទៅហើយ។  អ្នកសារព័ត៌មាន Reuters បាននិយាយថា នគរបាលបានបាញ់ឧស្ម័នបង្ហូរទឹកភ្នែកដើម្បីបំបែកក្រុមបាតុរប្រមាណ៥០០ នាក់ ដែលបានដើរហែក្បួនទៅកាន់អគាររដ្ឋសភា ដើម្បីដាក់ញ្ញត្តិមួយប្រឆាំងនឹងសំណើច្បាប់នេះ។ គេបានមើលឃើញនគរបាលបានឃុំខ្លួនអ្នកតវ៉ាចំនួន១១នាក់ ។ លោក Ruto បានការពារសំណើច្បាប់នេះ ដោយនិយាយថាការសម្រេចនានារបស់ខ្លួន ចាំបាច់ក្នុងការធានាស្ថិរភាពហិរញ្ញវត្ថុ និងបង្កើតការងារសម្រាប់យុវជន ដោយការកសាងលំនៅឋានថ្មីប្រើប្រាស់ហិរញ្ញវត្ថុបានមកពីការយកពន្ធពីការសាងសង់លំនៅឋាន។ គេរំពឹងថា ច្បាប់នេះនឹងត្រូវបោះឆ្នោតសម្រេចនៅសប្ដាហ៍ក្រោយ៕

ក្រុមបាតុករបារាំងប្រឆាំងកំណែទម្រង់សោធន៍និវត្តិន៍បានសម្រុកចូលទីស្នាក់ការកណ្ដាលអូឡាំពិករដូវក្ដៅ

2023/06/07 05:37:25 pm        110
Facebook Telegram Linkin
បារាំង៖ ក្រុមបាតុករប្រឆាំងកំណែទម្រង់អាយុចូលនិវត្តន៍បារាំង បានសម្រុកចូលក្នុងទីស្នាក់ការកណ្ដាល Paris 2024 Olympic Games កាលពីថ្ងៃអង្គារ ខណៈដែលក្រុមសហជីព បានសម្រេចប៉ុនប៉ងចុងក្រោយដើម្បីដាក់សម្ពាធក្នុងការកែប្រែការដំឡើងអាយុចូលនិវត្តន៍របស់លោកប្រធានាធិបតី Emmanuel Macron។ ក្រុមអ្នកតវ៉ាស្លៀកសម្លៀកបំពាក់ពណ៌ខ្មៅ បានដុតរថយន្ត នៅកណ្ដាលផ្លូវក្នុងទីក្រុងប៉ារីស កាលពីថ្ងៃទី៦ខែឧសភា ដែលបង្ខំឲ្យនគរបាលប្រើឧស្ម័នបង្ហូរទឹកភ្នែក ទប់ទល់នឹងការតវ៉ានេះ។ទូរទស្សន៍ BFM បានបង្ហាញរូបភាពនៃក្រុមសកម្មប្រយុទ្ធសហជីព ប្រកាន់ជំហរតឹងរ៉ឹង CGT រាប់សិបនាក់ សម្រុកចូលកាន់កាប់មួយរយៈខ្លី លើអគារអូឡាំពិកក្នុងសង្កាត់ Aubervilliers (អូប៊ែរវីលីយេ) ភាគខាងជើងក្រុងប៉ារីស ខណៈក្បួនជាច្រើនកំពុងប្រព្រឹត្តទៅនៅក្នុងទីក្រុងតូចធំទូទាំងប្រទេសបារាំង។អ្នកនាំពាក្យពហុកីឡដ្ឋានអូឡាំពិក បានប្រាប់សារព័ត៌មាន Reuters ថា ពុំមានអំពើហិង្សានិងការខូចខាតទេ។ ក្រុមសហជីព បានប្រឆាំងទៅនឹងទង្វើរបស់លោក Macron ក្នុងការធ្វើឲ្យបុគ្គលិករដ្ឋបារាំងបន្ថែមអាយុធ្វើការយូរទៀតចាប់តាំងពីពាក់កណ្ដាលខែមករាមក ដោយដុតបញ្ឆេះឲ្យមានកូដកម្មនិងការតវ៉ា កើតឡើងមកដល់សព្វថ្ងៃ រហូតឈានដល់អំពើហិង្សា។ លោក Macron និយាយថា វាជារឿងចាំបាច់ក្នុងការដំឡើងអាយុចូលនិវត្តន៍ពី៦២ ដល់៦៤ ឆ្នាំ ដើម្បីទប់កុំឲ្យមានកង្វះប្រាក់សោធននិវត្តន៍។ ទោះជាយ៉ាងណា សហជីពនិយាយថា លុយនេះអាចរកបាននៅកន្លែងផ្សេងទៀត ដូចជាការយកពន្ធពីក្រុមអ្នកមានបន្ថែមទៀត៕

លោក Christie បើកយុទ្ធនាសម្រាប់តំណែងសេតវិមាន ដោយវាយប្រហារលោក Trump ថា «បម្រើតែខ្លួនឯង»

2023/06/07 05:14:48 pm        149
Facebook Telegram Linkin
អាមេរិក៖ លោក Chris Christie ដែលជាអតីតអភិបាលរដ្ឋ New Jersey របស់សហរដ្ឋអាមេរិក កាលពីថ្ងៃអង្គារ បានចាប់ផ្តើមយុទ្ធនាការប្រជែងតំណែងប្រធានាធិបតីឆ្នាំ២០២៤ របស់លោក ដោយបានណែនាំខ្លួនឯងថា ជាបេក្ខជនតែមួយគត់ ក្នុងសមរភូមិរបស់គណបក្សសាធារណរដ្ឋដែលកំពុងរីកចម្រើនខ្លាំង ដោយមានបំណងចង់ប្រឈមផ្ទាល់ជាមួយគូប្រជែងដែលលោកហៅ «អ្នកបម្រើឲ្យតែខ្លួនឯង» គឺបេក្ខជននាំមុខលោក Donald Trump។កាលពីយុទ្ធនាការប្រជែងកៅអីសេតវិមានដ៏ជោគជ័យរបស់លោក Trump ក្នុងឆ្នាំ២០១៦ លោក Christie គឺជាទីប្រឹក្សាម្នាក់នាពេលនោះ ប៉ុន្តែចាប់តាំងពីពេលនោះមក លោកបានក្លាយជាអ្នករិះគន់ឥតសំចៃមាត់ ចំពោះការអះអាងក្លែងក្លាយរបស់អតីតប្រធានាធិបតីដែលថា ការបោះឆ្នោតឆ្នាំ២០២០ ត្រូវបានក្លែងបន្លំ។លោក Christie ដែលអតីតរដ្ឋអាជ្ញាសហព័ន្ធមួយរូបដែរនោះ បានចាប់ផ្តើមការប្រឹងប្រែងប្រជែងតំណែងសេតវិមានរបស់លោក នៅឯព្រឹត្តិការណ៍រចនាបថសាលាក្រុង នាមហាវិទ្យាល័យ Saint Anselm ក្នុងទីក្រុង Manchester រដ្ឋ New Hampshire។ លោកបានប្រើពេលតិចតួច ដើម្បីវាយប្រហារលោក Trump ដោយផ្ទាល់ ដោយចោទប្រកាន់ពីការគេចវេះមិនទទួលខុសត្រូវចំពោះកំហុសឆ្គងនានា ខណៈពេលដែលបារម្ភ និងខ្វល់តែពីខ្លួនឯងប៉ុណ្ណោះ។លោក Christie ដែលពេលនេះ មានវ័យ ៦០ឆ្នាំ បាននិយាយខ្លីៗថា៖ «មនុស្សឯកោ យកតែចិត្តខ្លួនឯង បម្រើតែខ្លួនឯង ដូច្នេះ មនុស្សអាត្មានិយមបែបនេះ មិនសមធ្វើជាអ្នកដឹកនាំគេនោះទេ»។ក្នុងចំណុចមួយផ្សេងទៀត លោកបានបង្ហាញចំណាប់អារម្មណ៍បែបចំអក ចំពោះលោក Trump ដោយអះអាងថា លោកនឹងសាងសង់កំពែងព្រំដែនភាគខាងត្បូង ដោយការចំណាយរបស់ប្រទេសម៉ិកស៊ិក ហើយបាននិយាយថា លោក Trump គួរត្រូវបានស្ដីបន្ទោសច្រើនជាងប្រធានាធិបតីបច្ចុប្បន្នលោក Joe Biden សម្រាប់ការបរាជ័យនៃគោលនយោបាយអន្តោប្រវេសន៍របស់ប្រទេស។លោក Christie ទទួលបានលទ្ធផលមិនល្អនោះឡើយ សម្រាប់ការស្ទង់មតិសាធារណៈរហូតមកដល់ពេលនេះ ដោយលោកទទួលបានការគាំទ្រត្រឹមតែ ១ភាគរយប៉ុណ្ណោះ ពីអ្នកបោះឆ្នោតបឋមរបស់គណបក្សសាធារណរដ្ឋដ៏មានសក្តានុពល នៅក្នុងការស្ទង់មតិរបស់សារព័ត៌មាន Reuters/Ipsos ក្នុងខែឧសភា បើប្រៀបធៀបទៅនឹងការគាំទ្រ ៤៩ភាគរយរបស់លោក Trump និងការគាំទ្រ ១៩ភាគរយលើអភិបាលរដ្ឋ Florida លោក Ron DeSantis៕

សម្តេចតេជោ អំពាវនាវឲ្យពលរដ្ឋធ្វើការស្ងប់ស្ងាត់ ក្រោយមានជនអគតិធ្វើចលនារារាំងមិនឲ្យទៅបោះឆ្នោត

2023/06/07 05:14:28 pm        246
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានធ្វើការអំពាវនាវដល់បងប្អូនជនរួមជាតិទាំងអស់ សូមរក្សាភាពស្ងប់ស្ងាត់ កុំស្តាប់តាមការញុះញង់ និងចលនារបស់ជនអគតិមួយក្តាប់តូច ដែលធ្វើការរារាំងមិនឲ្យបងប្អូនទៅចូលរួមបោះឆ្នោត នាពេលខាងមុខនេះ។ក្នុងឱកាសអញ្ជើញជាអធិបតីភាព នៅក្នុងពិធីបើកការដ្ឋានសាងសង់ផ្លូវល្បឿនលឿនភ្នំពេញ-បាវិត នាព្រឹកថ្ងៃទី៧ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា ខណៈយុទ្ធនាការ​បោះឆ្នោតសកលអាណត្តិទី៧ កាន់តែ​ខិតជិត​មកដល់ សូមបងប្អូនប្រជាពលរដ្ឋ​ទាំងអស់ ដែលមានសិទ្ធិបោះឆ្នោតអញ្ជើញទៅចូលរួមបោះឆ្នោតឲ្យបានគ្រប់ៗគ្នា ប្រកប​ដោយ​បរិយាកាស​នយោបាយ​អព្យាក្រឹត្យ ​និងស្របទៅតាមសិទ្ធិជ្រើសរើសរបស់បងប្អូនប្រជាពលរដ្ឋ ដោយកុំស្តាប់តាមការញុះញង់ពីមជ្ឈដ្ឋាននានា ដែលមានចេតនា​ទុច្ចរិត​បន្ទច់បង្អាក់​មិនឲ្យបងប្អូនទៅបោះឆ្នោត​ដោយហេតុផលនេះហេតុផលនោះជាដើម។សូមបញ្ជាក់ថា នៅរយៈពេលប៉ុន្មានថ្ងៃមកនេះមានជនអគតិមួយក្តាប់តូច ដែលសុទ្ធតែអ្នករត់ចោល ស្រុកបានប្រើធម្យោបាយ​ទុច្ចរិតនានា ក្នុងគោលបំណងរារាំង​មិនឲ្យបងប្អូនទៅ​ចូលរួម​ការបោះឆ្នោត​តំណាងរាស្រ្តអាណត្តិទី៧ ដែលនឹងប្រព្រឹត្តទៅនាថ្ងៃទី២៣ ខែកក្កដា ឆ្នាំ២០២៣ខាងមុខនេះ​ដោយសារតែគ្មានវត្តមានបក្សនេះ បក្សនោះជាដើម។យ៉ាងណាក៏ដោយបន្ទាប់ពីបានដឹង និងឃើញនូវសកម្មភាព​បន្ទច់បង្អាក់​ពីក្រុមទាំងនោះ ​គណៈកម្មាធិការជាតិរៀបចំការបោះឆ្នោត បាន​អំពាវនាវដល់បុគ្គលដែលមានចេតនាទុច្ចរិតទាំងនោះ ​ត្រូវបញ្ឈប់នូវសកម្មភាពរបស់ខ្លួនជាបន្ទាន់ ហើយប្រសិន​បើក្នុងករណីមិនបញ្ឈប់​សកម្មភាពទាំងនេះទេ គ.ជ.ប នឹងមានវិធានការយ៉ាង​ម៉ឺងម៉ាត់​បំផុតចំពោះសកម្មភាពរបស់ពួកផងខ្លួន​ ដែលបានរំលោភលើច្បាប់ ស្តីពីការបោះឆ្នោតជ្រើសតាំង​តំណាងរាស្ត្របទបញ្ជា និងនីតិវិធីរបស់ គ.ជ.ប៕អត្ថបទ៖ បានចក់

អាមេរិកដាក់ទណ្ឌកម្មអ៊ីរ៉ង់ និងចិន ដោយដាក់គោលដៅលើមីស៊ីល និងកម្មវិធីយោធារបស់ទីក្រុងតេអេរ៉ង់

2023/06/07 05:01:42 pm        129
Facebook Telegram Linkin
អាមេរិក៖ សហរដ្ឋអាមេរិក កាលពីថ្ងៃអង្គារ បានសម្រេចដាក់ទណ្ឌកម្មលើបុគ្គលនិងអង្គភាពអាជីវកម្មជាច្រើន នៅប្រទេសចិន ហុងកុង និងអ៊ីរ៉ង់ ដោយក្នុងរួមទាំងសេនាអនុព័ន្ធការពារជាតិរបស់អ៊ីរ៉ង់ នៅទីក្រុងប៉េកាំងផងដែរ ជុំវិញការចោទប្រកាន់ថា អ្នកទាំងនោះបានជួយទិញគ្រឿងបង្គុំ និងបច្ចេកវិទ្យា ដែលជាកត្តាដ៏សំខាន់ ក្នុងការអភិវឌ្ឍមីស៊ីលបាលិស្ទិករបស់ប្រទេសអ៊ីរ៉ង់។កាលពីព្រឹកថ្ងៃអង្គារ ទីភ្នាក់ងារសារព័ត៌មាន IRNA ផ្លូវការអ៊ីរ៉ង់ បានរាយការណ៍ថា ប្រទេសអ៊ីរ៉ង់បានបង្ហាញនូវអ្វីដែលក្រុមមន្ត្រីបានពិពណ៌នាថា ជាមីស៊ីលបាលិស្ទិកល្បឿនលឿនជាងសំឡេងផលិតក្នុងប្រទេសលើកដំបូង ជាការប្រកាសមួយ ដែលទំនងជាបង្កើននូវការបារម្ភកាន់តែខ្លាំងរបស់លោកខាងលិចអំពីសមត្ថភាពមីស៊ីលរបស់ទីក្រុងតេអេរ៉ង់។លោក Brian Nelson អនុរដ្ឋមន្ត្រីរតនាគារជាតិទទួលបន្ទុកភេរវកម្ម និងចារកម្មហិរញ្ញវត្ថុ បានឲ្យដឹងនៅក្នុងសេចក្តីថ្លែងការណ៍មួយថា៖ «សហរដ្ឋអាមេរិក នឹងបន្តកំណត់គោលដៅបណ្តាញផ្គត់ផ្គង់ឆ្លងដែនខុសច្បាប់ ដែលគាំទ្រការផលិតមីស៊ីលបាលិស្ទិករបស់អ៊ីរ៉ង់ និងកម្មវិធីយោធាផ្សេងៗទៀត»។ទីក្រុងវ៉ាស៊ីនតោនបានដាក់ទណ្ឌកម្មយ៉ាងទូលំទូលាយលើអ៊ីរ៉ង់ រយៈពេលជាច្រើនឆ្នាំមកហើយ ក្នុងនោះរួមទាំងកម្មវិធីនុយក្លេអ៊ែរ និងមីស៊ីលបាលិស្ទិករបស់ប្រទេសនេះ ហើយនិងការចោទប្រកាន់ពីការរំលោភសិទ្ធិមនុស្សផងដែរ។ពាក់ព័ន្ធនឹងការដាក់ទណ្ឌកម្មនេះ តំណាងរបស់អ៊ីរ៉ង់ប្រចាំនៅអង្គការសហប្រជាជាតិ ក្នុងទីក្រុងញូវយ៉ក និងស្ថានទូតចិន នៅទីក្រុងវ៉ាស៊ីនតោន មិនបានឆ្លើយតបភ្លាមៗនោះទេ ចំពោះការស្នើសុំការអត្ថាធិប្បាយ៕

យុទ្ធនាការសិទ្ធិមនុស្សបានប្រកាសដាក់រដ្ឋក្នុងគ្រាអាសន្នសម្រាប់មនុស្សស្រឡាញ់ភេទដូចគ្នានៅអាមេរិក

2023/06/07 04:41:19 pm        129
Facebook Telegram Linkin
អាមេរិក៖ យុទ្ធនាការសិទ្ធិមនុស្ស (HRC) កាលពីថ្ងៃអង្គារបានប្រកាសដាក់រដ្ឋក្នុងគ្រាអាសន្នជាផ្លូវការសម្រាប់មនុស្សស្រឡាញ់ភេទដូចគ្នានៅសហរដ្ឋអាមេរិក ដោយលើកឡើងពីការអនុម័តច្បាប់ជាង ៧០ នៅក្នុងរដ្ឋជាង១០ ដែលកំណត់គោលដៅយ៉ាងជាក់លាក់ចំពោះសហគមន៍នេះ។ ក្រុមនេះបាននិយាយនៅក្នុងការព្រមានរបស់ខ្លួនថា យ៉ាងហោចណាស់សំណើច្បាប់ចំនួន ៥២៥ប្រឆាំងនឹងក្រុមមនុស្សស្រឡាញ់ភេទដូចគ្នា ត្រូវបានដាក់ចេញនៅឆ្នាំនេះនៅក្នុងរដ្ឋចំនួន ៤១ រួមមានច្បាប់ជាង ២២០ ដែលកំណត់គោលដៅយ៉ាងច្បាស់លាស់ទៅលើក្រុមមនុស្សកែភេទ។ សំណើច្បាប់នេះប្រឆាំងនឹង ក្រុមមនុស្សស្រឡាញ់ភេទដូចគ្នា មិនតិចជាង៧៦ច្បាប់ទេ ដើម្បីអនុម័តបានក្លាយជាច្បាប់នៅឆ្នាំនេះដោយករណីរបស់យុទ្ធនាការសិទ្ធិមនុស្ស កើនឡើងជាងពីរដងកាលពីឆ្នាំមុន ដែលជាឆ្នាំដ៏អាក្រក់បំផុតក្នុងកំណត់ត្រា។ ប្រធានក្រុមយុទ្ធនាការសិទ្ធិមនុស្ស លោកស្រី Kelley Robinson បាននិយាយនៅក្នុងសេចក្តីថ្លែងការណ៍មួយថា ការគំរាមកំហែងកាន់តែច្រើនដែលប្រឈមនឹងមនុស្សរាប់លាននាក់នៅក្នុងសហគមន៍របស់យើងគឺមិនពមមែនគ្រានើតែជាការយល់ឃើញនោះទេ គឺជារឿងពិតប្រាកដ ជាក់ស្តែងនិងគ្រោះថ្នាក់ ។ក្នុងករណីជាច្រើនពួកគេកំពុងបណ្ដុះឲ្យមានអំពើហិង្សាលើមនុស្ស ស្រឡាញ់ភេទដូចគ្នា ដោយបង្ខំគ្រួសារឲ្យលុបបំបាត់ជីវិតរបស់ពួកគេចេញ និងភៀសខ្លួនចេញពីផ្ទះរបស់ពួកគេដើម្បីស្វែងរករដ្ឋដែលមានសុវត្ថិភាព និងបង្កឲ្យមានរលកនៃការរើសអើងកាន់តែខ្លាំង និងការអំពើស្អប់ខ្ពើមអ្នកកែភេទកាន់តែកើនឡើង ដែលធ្វើឲ្យសុវត្ថិភាពរបស់យើងម្នាក់ៗ ស្ថិតនៅក្នុងហានិភ័យ៕

សម្តេចតេជោ ស្នើឲ្យវៀតណាម ចាប់បញ្ជូនទណ្ឌិតក្បត់ជាតិនិងបក្សពួកមកកម្ពុជា ប្រសិនពួកគេចូលទៅវៀតណាម

2023/06/07 04:37:10 pm        574
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានស្នើឲ្យភាគីវៀតណាម ជួយចាប់ទណ្ឌិតក្បត់ជាតិបីជំនាន់ និងបក្សពួកបញ្ជូនមកកម្ពុជា ជាបន្ទាន់ប្រសិនបើពួកទាំង​នោះចូលទៅទឹកដីវៀតណាម ខណៈសម្តេច បានទទួលបានព័ត៌មានថា ក្រុមក្បត់ជាតិទាំងនោះ ដើម្បីតែចង់ឌឺដង និងចង់ឲ្យសម្តេចខឹងបាន ប្រកាសប្រើលិខិតឆ្លងដែនរបស់បារាំង​ចូលទឹកដី​ប្រទេសវៀតណាម​ក្នុងនាមអ្នកទេសចរណ៍។ក្នុងឱកាសអញ្ជើញជាអធិបតីភាព នៅក្នុងពិធីបើកការដ្ឋានសាងសង់ផ្លូវល្បឿនលឿនភ្នំពេញ-បាវិត នាព្រឹកថ្ងៃទី៧ ខែមិថុនា ឆ្នាំ២០២៣នេះ ​សម្តេចតេជោ ហ៊ុន សែន បានបញ្ជាក់ថា រាជរដ្ឋាភិបាល​កម្ពុជា និងវៀតណាម មាន​បត្យាប័ន​ក្នុងការបញ្ជូនអ្នកទោសទៅវិញទៅមក ជាមួយគ្នាដូច្នេះ​ប្រសិនបើឃើញពួកអាក្បត់ជាតិបីជំនាន់ ​និងបក្សពួកចូលទៅទឹកដីវៀតណាម សូមចាប់បញ្ជូនពួកទាំងនោះកម្ពុជាភ្លាម។ជាមួយគ្នានោះដែរសម្តេចតេជោ ហ៊ុន សែន នាយករដ្ឋមន្រ្តីក៏បានប្រកាសផ្តាំទៅក្រុមប្រឆាំង និងក្រុមវិភាគមួយក្តាប់តូចផងដែរថា ការដែលសម្តេចគំរាមប្រើប្រាស់កាំភ្លើងធំបាញ់​កម្ទេច​ជនក្បត់ជាតិទាំងនោះ គឺដោយសារតែក្រុមបក្សពួកទាំងនោះប្រកាសចង់ធ្វើសង្រ្គាមជាមួយសម្តេច តាមរយៈការ​ញុះញង់ និងអំពាវនាវឲ្យកងកម្លាំងប្រដាប់អាវុធបែកាណុងកាំភ្លើងមករកសម្តេច ដូច្នេះដើម្បីការពារមិនឲ្យប្រទេសមានសង្រ្គាម ត្រូវតែ​កម្ទេច​មេបក្ស​ពួករបស់វាមុន៕អត្ថបទ៖ បាន ចក់

សម្តេចតេជោ ហ៊ុន សែន អញ្ជើញសម្ពោធបើកការដ្ឋានល្បឿនលឿនភ្នំពេញ-បាវិត

2023/06/07 02:24:37 pm        732
Facebook Telegram Linkin
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រី និងឯកឧត្តម វ៉ាង វិនធៀន(Wang Wentian) ឯកអគ្គរដ្ឋទូតចិនប្រចាំនៅកម្ពុជា អញ្ជើញជាអធិបតីភាពដ៏ខ្ពង់ខ្ពស់ នៅក្នុងពិធីបើកការដ្ឋានសាងសង់ផ្លូវល្បឿនលឿនភ្នំពេញ-បាវិត នៅព្រឹកថ្ងៃទី៧ ខែមិថុនា ឆ្នាំ២០២៣នេះ។ផ្លូវល្បឿនលឿនភ្នំពេញ-បាវិត ជាផ្លូវល្បឿនលឿន ខ្សែទី២ ក្នុងប្រទេសកម្ពុជា បន្ទាប់ពីផ្លូវល្បឿនលឿនភ្នំពេញ-ព្រះសីហនុ ដែលដាក់ឱ្យប្រើប្រាស់ ជាផ្លូវការកាល ពីឆ្នាំ ២០២២កន្លងទៅនេះ។ពិធីនៅថ្ងៃព្រឹកនេះ ក្រៅតែពីការបើកការដ្ឋានសាងសង់ផ្លូវ ល្បឿនលឿន ភ្នំពេញ-បាវិត ហើយ នោះ ក៏មានពិធីភ្ជាប់ជាមួយនឹងការបើកការ ដ្ឋានសាងសង់ស្ពានឆ្លងកាត់ទន្លេមេគង្គ និងផ្លូវតភ្ជាប់ក្បាលស្ពានផងដែរ។ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានឱ្យដឹងថា ផ្លូវល្បឿនលឿននេះ គឺជាសមិទ្ធផលថ្មីមួយបន្ថែមទៀតនៅក្នុងចំណោមសមិទ្ធផលជាតិសំខាន់ៗជាច្រើននៅទូទាំងប្រទេស ដែលបាន កើត ចេញពីកិច្ចខិតខំប្រឹងប្រែងរបស់អគ្គមគ្គុទ្ទេសក៍ដ៏ឆ្នើមរបស់កម្ពុជា គឺសម្តេចតេជោនាយករដ្ឋមន្ត្រី និងការចូលរួម ចំណែក មិន អាចខ្វះបានពីបណ្តាប្រទេសជាមិត្តរបស់កម្ពុជា និងដៃគូអភិវឌ្ឍន៍នានា។គម្រោងសាងសង់ផ្លូវល្បឿនលឿនភ្នំពេញ-បាវិត មានប្រវែងសរុប ១៣៥,១០គីឡូម៉ែត្រ មានចំណុចចាប់ផ្តើមពី ឃុំថ្មគរ ស្រុកល្វាឯម ខេត្តកណ្តាល ទៅដល់សង្កាត់ច្រកម្ទេស ក្រុងបាវិត ខេត្តស្វាយរៀង។ផ្លូវនេះ មានខ្សែផ្លូវឆ្លង កាត់ខេត្តកណ្តាល ប្រវែង ៤,១គីឡូម៉ែត្រ ខេត្តព្រៃវែង ប្រវែង ៧០,៩គីឡូម៉ែត្រ និងខេត្តស្វាយរៀង ប្រវែង ៦០,១គីឡូ ម៉ែត្រ។គម្រោងនេះនឹងត្រូវអនុវត្តការងារបច្ចេកទេសសាងសង់ដោយ៖-ក្រាលបេតុងកៅស៊ូ(AC) កម្រាស់ ១០សង់ទីម៉ែត្រ និងថ្មលាយកៅស៊ូ(ATB) ១២ សង់ទីម៉ែត្រ ទទឹងតួផ្លូ វ ២៤,៥ម៉ែត្រ មានគន្លងផ្លូវសម្រាប់រថយន្ដធ្វើចរាចរណ៍ចំនួន៤គន្លង(២គន្លងទៅ-២គន្លងមក) ដែលគ ន្លងនីមួយៗមានទទឹង ៣,៧៥ម៉ែត្រ ខឿនសួនចែកទិសចរាចរណ៍នៅចំកណ្តាលទ្រូងផ្លូវ ទទឹង ៣ម៉ែត្រ ចិញ្ចើមផ្លូវក្រាលបេតុងកៅស៊ូ ទទឹង ២,៥ម៉ែត្រ និងចិញ្ចើមផ្លូវក្រាលក្រួសក្រហម ទទឹង ០,៧៥ម៉ែត្រ ទាំ ងសងខាង។-សាងសង់ស្ពានធំ និងស្ពានមធ្យមចំនួន ២៦កន្លែង ប្រវែងសរុប ២២៦៦ម៉ែត្រ ស្ពានតូចចំនួន ១៦កន្លែង ប្រវែងសរុប ២៥៦ម៉ែត្រ និងដាក់លូគ្រប់ប្រភេទចំនួន ១៩៧កន្លែង។-សាងសង់ផ្លូវប្តូរទិសចរាចរណ៍(Interchange) ចំនួន ៥កន្លែង ផ្លូវរូងក្រោមដីទំហំធំ និងទំហំតូច ចំនួន ២០៤កន្លែង។-សាងសង់តំបន់សេវាកម្ម ឬចំណតឈប់សម្រាក(Service Area) ចំនួន ២កន្លែង ចំណតរថយន្ត(Parking Area) ចំនួន ១កន្លែង មណ្ឌលប្រតិបត្តិការ និងថែទាំផ្លូវ(Maintenance Center) ចំនួន ៣កន្លែង និងបញ្ជរបង់ប្រាក់ចំនួន ៦កន្លែង។-រៀបចំបំពាក់សម្ភារបរិក្ខារផ្លូវថ្នល់រួមមាន ផ្លាកសញ្ញាចរាចរណ៍ ភ្លើងសញ្ញា គំនូសសញ្ញា បង្គោលគីឡូ ម៉ែត្រ និងរបាំងសុវត្ថិភាពទៅតាមបទដ្ឋានបច្ចេកទេសរបស់ផ្លូវល្បឿនលឿន។-ផ្លូវល្បឿនលឿននេះ អនុញ្ញាតឱ្យយានយន្តគ្រប់ប្រភេទអាចបើកបរក្នុងល្បឿនរហូតដល់ ១០០ និង ១២០គីឡូម៉ែត្រ/ក្នុងមួយម៉ោង។-គម្រោងនេះ នឹងរួមបញ្ចូលការសាងសង់ហេដ្ឋារចនាសម្ពន្ធឆ្លងកាត់ព្រំដែន ដោយរាជរដ្ឋាភិបាល ទទួលបន្ទុកកិច្ចលទ្ធកម្មដីសម្រាប់ទីតាំង និងសាងសង់ហេដ្ឋារចនាសម្ពន្ធឆ្លងកាត់ព្រំដែននេះ។ទន្ទឹមនឹងការសាងសង់ផ្លូវល្បឿនលឿនភ្នំពេញ-បាវិតនេះ រាជរដ្ឋាភិបាលក៏បានសម្រេចឱ្យមានការសា ងសង់ស្ពានឆ្លងកាត់ទន្លេមេគង្គ ដែលតភ្ជាប់ពីឃុំដីឥដ្ឋ ស្រុកកៀនស្វាយ (ពីផ្លូវក្រវាត់ក្រុងខ្សែទី៣) ទៅដល់ឃុំថ្មគរ ស្រុកល្វាឯម និងតភ្ជាប់ទៅផ្លូវល្បឿនលឿនភ្នំពេញ-បាវិត។ ស្ពាននេះជាប្រភេទស្ពានបេតុ ង មានប្រវែង ១៦០០ម៉ែត្រ ទទឹង ២៦ម៉ែត្រ និងផ្លូវតភ្ជាប់ទាំងសងខាងពីក្បាលស្ពានមានប្រវែង ២១ ០០ ម៉ែត្រ ទទឹង ២៦ម៉ែត្រ ក្រាលបេតុងកៅស៊ូAC កម្រាស់ ១០សង់ទីម៉ែត្រ រួមទាំងការសាងសង់ផ្លូវប្ដូរទិសចរាចរណ៍(Interchange)ចំនួន ១កន្លែង និងផ្លូវក្រោមស្ពាន(Underpass) ចំនួន ២កន្លែង។ផ្លូវល្បឿនលឿនភ្នំពេញ-បាវិត គ្រោងចំណាយថវិកាវិនិយោគសរុបប្រមាណ ១,៣៥ប៊ីលានដុល្លារ ក្រោ មទម្រង់វិនិយោគសាងសង់-ប្រតិបត្តិការ-ផ្ទេរ(BOT) ដែលមានរយៈពេលប្រតិបត្តិការចំនួន ៥០ឆ្នាំ ក្នុងនោះ ២០ភាគរយ ជាទុនវិនិយោគរបស់ក្រុមហ៊ុនសាជីវកម្មស្ពាន និងថ្នល់ចិន និង ៨០ភាគរយ ជាប្រាក់កម្ចីរបស់ក្រុមហ៊ុន។ដោយឡែកស្ពានឆ្លងកាត់ទន្លេមេគង្គ គ្រោងចំណាយថវិកាសរុបប្រមាណ ២៣២,៥៨លានដុល្លារ ដែលជាថវិកាវិនិយោគរបស់រាជរដ្ឋាភិបាល រួមជាមួយនឹងថវិកាបដិភាគសម្រាប់ការបោសសម្អាតគ្រាប់មីន យុទ្ធភណ្ឌមិនទាន់ផ្ទុះ និងពន្ធអាករផ្សេងៗ។ គម្រោងទាំងពីរនេះនឹងអនុវត្តការសាងសង់ដោយក្រុមហ៊ុ នសាជីវកម្មស្ពាន និងថ្នល់ចិន(CRBC) ប្រើប្រាស់រយៈពេលសាងសង់ចំនួន ៤៨ខែ គ្រោងនឹងបញ្ចប់នៅក្នុងអំឡុងឆ្នាំ២០២៧៕

ប្រធានាធិបតីកូរ៉េខាងត្បូងព្រមានថាកូរ៉េខាងជើងកំពុងពង្រឹងសមត្ថភាពមីស៊ីល និងនុយក្លេអ៊ែរ

2023/06/06 09:08:19 pm        101
Facebook Telegram Linkin
កូរ៉េខាងត្បូង៖ ប្រធានាធិបតីកូរ៉េខាងត្បូង លោក Yoon Suk Yeol និយាយនៅថ្ងៃអង្គារនេះថា កូរ៉េខាងជើងកំពុងពង្រឹងសមត្ថភាពមីស៊ីល និងនុយក្លេអ៊ែររបស់ពួកគេ ហើយនិងធ្វើឲ្យស្របច្បាប់ការប្រើប្រាស់អាវុធនុយក្លេអ៊ែរ ខណៈពេលដែលភាពតានតឹងឡើងកម្តៅខ្លាំង ក្រោយការព្យាយាមបាញ់បង្ហោះផ្កាយរណបចារកម្មពុំបានជោគជ័យលើកដំបូងរបស់ទីក្រុងព្យុងយ៉ាង ។  អំឡុងអនុសាសន៍របស់លោកនៅក្នុងពិធីរំឭកទិវាអនុស្សាវរីយនៅទីក្រុងសេអ៊ូល លោក Yoon និយាយថា បច្ចុប្បន្នសម្ព័ន្ធភាពកូរ៉េខាងត្បូង-សហរដ្ឋអាមេរិក ត្រូវបានដំឡើងដល់សម្ព័ន្ធភាពដោយផ្អែកលើនុយក្លេអ៊ែរ ។ រដ្ឋាភិបាល និងយោធារបស់ពួកយើង នឹងបង្កើតស្ថានការណ៍សន្តិសុខពាសដែកផ្អែកលើសម្ព័ន្ធភាពកូរ៉េខាងត្បូង-សហរដ្ឋអាមេរិក ខ្លាំងក្លាជាងមុនពុំធ្លាប់ដែលមាន និងការពារជីវិត និងសុវត្ថិភាពប្រជាជនរបស់ពួកយើង ។  កាលពីខែមេសាកន្លងទៅ លោក Yoon និងប្រធានាធិបតីសហរដ្ឋអាមេរិកលោក Joe Biden បានព្រមព្រៀងគ្នានៅក្នុងសេចក្តីប្រកាស "Washington Declaration" ដើម្បីបង្កើតក្រុមប្រឹក្សានុយក្លេអ៊ែរ ធ្វើឲ្យកូរ៉េខាងត្បូងយល់ដឹងកាន់តែច្បាស់ជាងមុនលើការរៀបផែនការយថាហេតុរបស់សហរដ្ឋអាមេរិក ក្នុងការរារាំង និងឆ្លើយតបចំពោះឧបទ្ទេវហេតុនុយក្លេអ៊ែរណាមួយនៅក្នុងតំបន់ ។  សូមបញ្ជាក់ថា កូរ៉េខាងជើង បានព្យាយាមបាញ់បង្ហោះផ្កាយរណបចារកម្មលើកដំបូងរបស់ខ្លួនទៅកាន់ទីអវកាសកាលពីថ្ងៃទី ៣១ ខែឧសភាកន្លងទៅ បើទោះបីជាវាបញ្ចប់ទៅទាំងបរាជ័យក៏ដោយ ។ ពួកគេបានសន្យាថានឹងបាញ់ផ្កាយរណបមួយគ្រឿងទៀត ក្នុងពេលដ៏ខ្លីខាងមុខនេះ ៕

នាវាចិនចាកចេញពីដែនទឹកវៀតណាម បន្ទាប់ពីមានការចរចា រវាងអាមេរិក និងចិន

2023/06/06 08:32:57 pm        107
Facebook Telegram Linkin
ចិន៖ អ្នកជំនាញតាមដានការចរាចររបស់នាវា បាននិយាយថា នាវាស្រាវជ្រាវរបស់ចិន និងនាវាអមដំណើររបស់ខ្លួន ដែលបានធ្វើប្រតិបត្តិការជិតមួយខែ ក្នុងតំបន់សេដ្ឋកិច្ចផ្តាច់មុខ(EEZ)របស់ប្រទេសវៀតណាម នៅសមុទ្រចិនខាងត្បូង បានចាកចេញពីដែនទឹកទាំងនោះហើយ កាលពីយប់ថ្ងៃចន្ទ (ទី៥ ខែមិថុនា) បន្ទាប់ពីមានការចរចាកម្រិតខ្ពស់សហរដ្ឋអាមេរិក-ចិន។យោងតាមទិន្នន័យតាមដានប្រតិបត្តិការនាវាចរណ៍ បានឲ្យដឹងថា នាវាចិន ឈ្មោះ Xiang Yang Hong 10 បានចាប់ផ្តើមធ្វើដំណើរក្នុងតំបន់សេដ្ឋកិច្ចផ្តាច់មុខ (EEZ) របស់វៀតណាម កាលពីថ្ងៃទី៧ ខែឧសភា ដែលពេលខ្លះមានអមដោយនាវាជាច្រើនគ្រឿង និងបើកឆ្លងកាត់ជាទៀងទាត់តំបន់ឧស្ម័ន និងប្រេង ដែលប្រតិបត្តិការដោយក្រុមហ៊ុនរបស់ប្រទេសរុស្ស៊ី។តែកាលពីថ្ងៃចន្ទ បន្ទាប់ពីមន្ត្រីជាន់ខ្ពស់របស់សហរដ្ឋអាមេរិក និងចិន បានជួបពិភាក្សាគ្នា នៅទីក្រុងប៉េកាំង ដែលភាគីទាំងពីរហៅថាកិច្ចពិភាក្សាស្ថាបនា នាវារបស់ចិន និងនាវាអមដំណើរជាងពាក់កណ្ដាល បានចាប់ផ្តើមធ្វើដំណើរត្រឡប់ទៅកោះហៃណាន (Hainan) របស់ប្រទេសចិនវិញ ដោយចាកចេញពីតំបន់សេដ្ឋកិច្ចផ្តាច់មុខ (EEZ) របស់វៀតណាមប្រហែលពាក់កណ្តាលអធ្រាត្រ។នៅពេលត្រូវបានសួរអំពីការធ្វើចរាចររបស់នាវាទាំងនេះ ក្រសួងការបរទេសចិន មិនបានធ្វើអត្ថាធិប្បាយអ្វីនោះឡើយ ពាក់ព័ន្ធនឹងការវិលត្រឡប់ទៅកាន់កោះហៃណាន (Hainan) វិញ។ ក្រសួងបានឲ្យដឹងនៅក្នុងសេចក្តីថ្លែងការណ៍មួយថា៖ «នាវាស្រាវជ្រាវវិទ្យាសាស្ត្ររបស់ចិន ដែលធ្វើសកម្មភាពស្រាវជ្រាវធម្មតា នៅក្នុងដែនសមុទ្រក្រោមដែនសមត្ថកិច្ចរបស់ប្រទេសចិន គឺស្របច្បាប់ និងត្រឹមត្រូវ។ ករណីនៃការឆ្លងចូលទៅក្នុងតំបន់សេដ្ឋកិច្ចផ្តាច់មុខ (EEZ) របស់ប្រទេសមួយផ្សេងទៀតនោះ មិនមានឡើយ»។ដោយឡែកក្រសួងការបរទេសវៀតណាមវិញ មិនបានឆ្លើយតបទៅនឹងការស្នើសុំការអត្ថាធិប្បាយនោះទេ៕

បណ្ដាញសង្គម

ព័ត៌មានថ្មីៗ

រដ្ឋមន្ត្រីការបរទេសរុស្ស៊ី៖ ចក្រភពអង់គ្លេសប្រឈមក្លាយ​ជាភាគីនៃសង្គ្រាមអ៊ុយក្រែន
08/19/2026 04:08 PM
Facebook Telegram Linkin
អគ្គស្នងការដ្ឋាននគរបាលជាតិបើកកិច្ចប្រជុំពង្រឹងលើការអនុវត្តរឹតបន្តឹងច្បាប់ស្ដីពីចរាចរណ៍ផ្លូវគោក
08/19/2026 04:08 PM
Facebook Telegram Linkin
សមយុទ្ធយោធាអាមេរិក-កូរ៉េខាងត្បូង នឹងបញ្ចប់មុនកាលកំណត់ បន្ទាប់ពីលោក TRUMP បញ្ជាឲ្យកាត់បន្ថយទំហំ
08/19/2026 04:08 PM
Facebook Telegram Linkin
លោក Putin ធ្វើជាម្ចាស់ផ្ទះទទួលស្វាគមន៍​មេដឹកនាំមីយ៉ាន់ម៉ា និងពិភាក្សា អំពីគម្រោងថាមពល
08/19/2026 04:08 PM
Facebook Telegram Linkin
រដ្ឋមន្រ្ដីធនធានទឹកចុះពិនិត្យគម្រោងអភិវឌ្ឍន៍ធនធានទឹកស្ទឹងឃ្លៀច ខណៈក្រោយសាងសង់រួចស្ទឹងនេះ មានសមត្ថភាពស្ដុកទឹកបានប្រមាណ ១១៥លានម៉ែត្រគូប និងធានាសន្ដិសុខទឹក ការពារទឹកជំនន់
08/19/2026 04:08 PM
Facebook Telegram Linkin
ក្រសួងការងារ ចាត់វិធានកា​រលើ​អ្នកគ្រ​ប់​គ្រង​ជា​ជន​បរទេស​ដែល​ប្រើ​ប្រាស់​អាកប្ប​កិរិយា និង​ពាក្យ​សម្តី​មិន​​សមរម្យ​ជា​មួយ​បង​ប្អូន​កម្មករ​​និ​យោ​ជិត​ខ្មែរ
08/19/2026 04:08 PM
Facebook Telegram Linkin
កម្ពុជា និង ADB បង្ហាញលទ្ធផលនៃការសិក្សាលើវិស័យឧស្សាហកម្មកែច្នៃកសិផល និងឧស្សាហកម្មយានយន្តអគ្គិសនី ដើម្បីគាំទ្រកំណើនសេដ្ឋកិច្ចជាតិប្រកបដោយចីរភាព
08/19/2026 04:08 PM
Facebook Telegram Linkin
លោក AOUN៖ លីបង់ប្តេជ្ញាបន្តការចរចាជាមួយអ៊ីស្រាអែល ខណៈកិច្ចព្រមព្រៀងក្របខណ្ឌប្រឈមនឹង ការលំបាក
08/19/2026 04:08 PM
Facebook Telegram Linkin
ក្រសួងមុខងារសាធារណៈ ចុះធ្វើជំរឿនមន្ត្រីជាក់ស្តែងនៅក្រសួងវប្បធម៌ ដែលជាគោលដៅទី២២
08/19/2026 04:08 PM
Facebook Telegram Linkin
ក្រុមហាម៉ាសចោទលោក Netanyahu ថា បានធ្វើឱ្យខូចកិច្ចព្រមព្រៀងបទ​ឈប់បាញ់ ក្រោយ​វាយប្រហារ​តំបន់ហ្កាហ្សា
08/19/2026 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.