BTV NEWS

ក្រុមហ៊ុន TH Automotive Manufacturing Co., Ltd នឹងសម្ពោធជាផ្លូវការ រោងចក្រផ្គុំ និងដំឡើងរថយន្តរបស់ខ្លួននៅកម្ពុជា ក្នុងឆ្នាំ២០២៦នេះ

ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្តទុកដាក់បម្រើពលរដ្ឋ

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ និង ការអភិវឌ្ឍន៍

សម្ដេចតេជោ រំពឹងថា កិច្ចសហប្រតិបត្តិគ្រប់ជ្រុងជ្រោយរវាងអាស៊ាន-អូស្ត្រាលី នឹងកាន់តែផ្ដល់ផល ប្រយោជន៍ដល់ពលរដ្ឋ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានអាស៊ានឆ្នាំ ២០២២ បានបង្ហាញនូវសុទិដ្ឋិនិយម ចំពោះការបន្តនូវកិច្ចសហប្រតិបត្តិការគ្រប់ជ្រុងជ្រោយរវាងអាស៊ាន-អូស្ត្រាលី នឹងកាន់តែផ្ដល់ផលប្រយោជន៍ដល់ប្រជាពលរដ្ឋ ។ក្នុងឱកាសបើកកិច្ចប្រជុំអាស៊ាន-អូស្ត្រាលី លើកទី២ នៅថ្ងៃទី១២ ខែវិច្ឆិកា ឆ្នាំ២០២២ សម្ដេចតេជោ នាយករដ្ឋមន្ត្រី មានប្រសាសន៍ថា អូស្ត្រាលី តែងតែបង្ហាញនូវការគាំទ្រឥតងាករេមកលើមជ្ឈភាពអាស៊ាន តាមរយៈ ការចូលរួមយ៉ាងសកម្ម ក្នុងយន្តការនានា ដែលដឹកនាំដោយអាស៊ាន ។ប្រធានអាស៊ានឆ្នាំ២០២២ បានបន្តថា ក្នុងក្របខណ្ឌ នៃភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-អូស្ត្រាលី សម្ដេច បានកោតសរសើរនូវល្បឿន និងទំហំនៃសមិទ្ធផល ដែលភាគីទាំងសម្រេចបានរួមគ្នា ក្នុង រយៈពេលដ៏ខ្លីតាមរយៈគំនិតផ្ដួចផ្ដើមយ៉ាងច្រើន ជាពិសេសគំនិតផ្ដួចផ្ដើមស្តីពីអូស្ត្រាលី ដើម្បីអនាគត អាស៊ាន ដែលនឹងផ្ដល់ការគាំទ្រអន្តរវិស័យ សល់ការអនុវត្តទស្សនវិស័យអាស៊ានស្ដីពី ឥណ្ឌូប៉ាស៊ីហ្វិច ដែលជាតម្រូវការជាក់ស្ដែង របស់បណ្ដាប្រទេសអាស៊ាន ។គួរបញ្ជាក់ថា នៅថ្ងៃទី១២ ខែវិច្ឆិកានេះ អាស៊ានមានកិច្ចប្រជុំសំខាន់ៗទាំង៦នោះរួមមាន កិច្ចប្រជុំកំពូលអាស៊ានបូកបី (ចិន ជប៉ុន កូរ៉េ) លើកទី២៥, កិច្ចប្រជុំកំពូលអាស៊ាន-ឥណ្ឌា លើកទី១៩, កិច្ចប្រជុំកំពូលអាស៊ាន-អូស្ត្រាលី លើកទី២, កិច្ចប្រជុំកំពូលអាស៊ាន-ជប៉ុន លើកទី២៥, កិច្ចប្រជុំកំពូលអាស៊ាន-អាមេរិក លើកទី១០ និងកិច្ចប្រជុំកំពូលខួបអនុស្សាវរីយ៍អាស៊ាន និងកាណាដា ៕ អត្ថបទ បាន សុខរិទ្ធិ

សម្តេចតេជោ ហ៊ុន សែន អញ្ជើញដឹកនាំកិច្ចប្រជុំអាស៊ានបូកបី (APT)

ភ្នំពេញ៖ នៅព្រឹកថ្ងៃទី១២ ខែវិច្ឆិកា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានអញ្ជើញដឹកនាំកិច្ចប្រជុំកំពូល អាស៊ានបូកបី (APT) ដែលប្រព្រឹត្តទៅនៅសណ្ឋាគារសុខាភ្នំពេញ។នៅក្នុងកិច្ចប្រជុំនេះដែរ សម្ដេចតេជោនាយករដ្ឋមន្ត្រី បានមានប្រសាសន៍ថា ប្រទេសអាស៊ានបូកបី (APT) ដែលមានសមាជិកអាស៊ានទាំង១០ បូកប្រទេសចិន ជប៉ុន និងកូរ៉េខាងត្បូង គឺជាដៃគូដ៏សំខាន់មិនអាចខ្វះបានរបស់អាស៊ានគ្រប់ទិដ្ឋភាពទាំងអស់ ទាំងកិច្ចសហប្រតិបត្តិការសេដ្ឋកិច្ច សន្តិភាព និងនយោបាយ។សម្ដេចតេជោ បានបន្តទៀតថា ការជួបជុំនៅថ្ងៃនេះ បានបញ្ជាក់យ៉ាងច្បាស់ពីការប្តេជ្ញាចិត្តឥតងាករេ នៃថ្នាក់ដឹកនាំប្រទេសអាស៊ានបូកបី និងការពង្រឹង ក៏ដូចជាកាន់តែស៊ីជម្រៅ និងកិច្ចសហប្រតិបត្តិការលើគ្រប់វិស័យ ជាពិសេសក្នុងការរួមគ្នាដោះស្រាយបញ្ហាប្រឈមដ៏លំបាកនានា ក្នុងក្របខណ្ឌតំបន់ និងសកល។សម្តេចតេជោ ហ៊ុន សែន បានបន្តថា ជាការពិតប្រវត្តិសាស្ត្របានបង្ហាញឱ្យឃើញថា ទោះស្ថិតក្នុងកាលៈទេសៈណាក៏ដោយ អាស៊ានបូកបី តែងតែប្រកាន់ខ្ជាប់ស្មារតីរួបរួមគ្នាជានិច្ច។ មកដល់ថ្ងៃនេះ ភាគជោគជ័យ សមិទ្ធផលនៃកិច្ចសហប្រតិបត្តិការរបស់អាស៊ានបូកបី បានមកពីការខិតខំប្រឹងប្រែងឥតឈប់ឈរពីការប្រតិបត្តិការជិតស្និទ្ធ និងសាមគ្គីភាពដ៏រឹងមាំរបស់យើង។សូមបញ្ជាក់ថា ដំណើរការកិច្ចសហប្រតិបត្តិការ អាស៊ានបូកបី (APT) បានចាប់ផ្តើមនៅក្នុងខែធ្នូ ឆ្នាំ១៩៩៧ ហើយចាប់តាំងពីពេលនោះមកបានវិវឌ្ឍជាយន្តការដ៏សំខាន់ ក្នុងការលើកកម្ពស់កិច្ចសហប្រតិបត្តិការអាស៊ីបូព៌ាឆ្ពោះទៅរកគោលដៅរយៈពេលវែង នៃការកសាងសហគមន៍អាស៊ីបូព៌ា ដោយមានអាស៊ានជាកម្លាំងចលករ។អាស៊ានបូកបី បានក្លាយជាក្របខណ្ឌកិច្ចសហប្រតិបត្តិការដ៏ទូលំទូលាយបំផុតមួយនៅក្នុងតំបន់ ហើយកិច្ចសហប្រតិបត្តិការ អាស៊ានបូកបីត្រូវបានពង្រីក និងស៊ីជម្រៅលើវិស័យជាច្រើន រួមទាំងផ្នែកនយោបាយ-សន្តិសុខ ពាណិជ្ជកម្ម និងការវិនិយោគ ហិរញ្ញវត្ថុ ថាមពល ទេសចរណ៍ កសិកម្ម និងព្រៃឈើ បរិស្ថាន ការអប់រំ សុខភាព វប្បធម៌ និងសិល្បៈ ជាដើម៕

ឯកឧត្តម Justin Trudeau នាយករដ្ឋមន្ត្រីកាណាដា ដឹកនាំគណៈប្រតិភូមកដល់កម្ពុជាហើយ

ភ្នំពេញ៖ នៅរសៀលថ្ងៃទី១២ ខែវិច្ឆិកា ឆ្នាំ២០២២នេះ ឯកឧត្តម Justin Trudeau នាយករដ្ឋមន្ត្រីកាណាដា បានដឹកនាំគណៈប្រតិភូអញ្ជើញមកដល់ព្រះរាជាណាចក្រកម្ពុជា ដើម្បីចូលរួមកិច្ចប្រជុំកំពូលមេដឹកនាំអាស៊ាន ជាមួយដៃគូសន្ទនាកាណាដា និងកិច្ចប្រជុំកំពូលបូកជាមួយបណ្តាប្រទេសនានា។

កិច្ចប្រជុំកំពូលអាស៊ាន-អូស្រ្តាលី ចាប់ផ្តើមដំណើរការហើយ

ភ្នំពេញ៖ នាវេលាថ្ងៃត្រង់នេះ សម្តេចតេជោ ហ៊ុន សែន ប្រធានអាស៊ាន ចាប់ផ្តើមដឹកនាំកិច្ចប្រជុំកំពូលអាស៊ាន-អូស្រ្តាលី លើកទី២ ជាមួយឯកឧត្តម អាន់ថូនី អាល់បានីស (Anthony Albanese) នាយករដ្ឋមន្ត្រីអូស្ត្រាលីនាយករដ្ឋមន្រ្តី។

ឯកឧត្តម ហ៊ុន ម៉ានី៖ តើមនុស្សប៉ុន្មាននាក់ ដែលគិតថាកម្ពុជាអាចមានថ្ងៃនេះ?តើអ្វីៗដែលយើងសម្រេចបាននេះ ជារឿងចៃដន្យឬ?

ភ្នំពេញ៖ យោងតាមបណ្តាញទំនាក់ទំនងសង្គមហ្វេសប៊ុកផ្លូវការរបស់ឯកឧត្តម ហ៊ុន ម៉ានី ប្រធានគណៈកម្មការទី៧ នៃរដ្ឋសភាជាតិ និងជាប្រធានសហភាពសហព័ន្ធយុវជនកម្ពុជា នាព្រឹកថ្ងៃទី១២ ខែវិចិ្ឆកា ឆ្នាំ២០២២នេះ បានសរសេរថា៖ ត្រឡប់ទៅថ្ងៃទី២០ ខែមិថុនា ឆ្នាំ១៩៧៧ យុទ្ធជនមួយក្រុមតូច ដឹកនាំដោយសមមិត្ត ហ៊ុន សែន ផ្តើមការតស៊ូដាក់ជីវិត រើបំរះចេញពីរបបខ្មែរក្រហមដ៏ខ្មៅងងឹត។ កាលនោះ តើមនុស្សប៉ុន្មាននាក់ ដែលគិតថា គាត់អាចទទួលបានជោគជ័យ និងអាចដឹកនាំប្រទេសរហូតបានមកដល់ថ្ងៃនេះ? ឯកឧត្តម ហ៊ុន ម៉ានី បានសង្កត់ធ្ងន់ថា៖ នៅថ្ងៃទី០៧ ខែមករា ឆ្នាំ១៩៧៩ កម្ពុជា ត្រូវបានរំដោះទាំងស្រុងចេញពីរបបខ្មែរក្រហម។ ពីបាតដៃទទេ កម្ពុជា ត្រូវបន្តរស់ដោយពឹងខ្លួនឯងចាប់តាំងពីឆ្នាំ១៩៧៩ ដល់ឆ្នាំ១៩៨៩ ក្រោមទណ្ឌកម្មសេដ្ឋកិច្ចដ៏ធ្ងន់ធ្ងរពីប្រទេសបច្ឆិមលោក ដែលមានចេតនាដាក់កម្ពុជាឲ្យនៅឯកកោ។ ទោះយ៉ាងនេះ កម្ពុជា បន្តរស់ដោយខ្លួនឯងយ៉ាងអង់អាច រហូតដល់មានកិច្ចសន្តិភាពទីក្រុងប៉ារីស ថ្ងៃទី២៣ ខែតុលា ឆ្នាំ១៩៩១ ឈានទៅដល់ការបោះឆ្នោតសកល ឆ្នាំ១៩៩៣ ដែលកាលនោះ សន្តិភាពពេញលេញក៏រកមិនទាន់បាន ទោះមានជំនួយពីអង្គការសហប្រជាជាតិ។ សង្រ្គាមនៅបន្ត ដែលតម្រូវឲ្យកម្ពុជា ត្រូវបន្តដោះស្រាយបញ្ហាផ្ទៃក្នុងជាច្រើន ដោយខ្លួនឯងជាថ្មី។ ឆ្នាំ១៩៩៨ ក្រោមនយោបាយឈ្នះ-ឈ្នះ ដែលផ្តួចផ្តើមឡើងឯកឧត្តម ហ៊ុន សែន សន្តិភាពពេញលេញបានកើតមានឡើង ហើយខ្មែរគ្រប់ភាគីបានក្លាយជាអ្នកឈ្នះ ក្រោមនយោបាយដែលដាក់ចេញដោយខ្មែរខ្លួនឯង។ នេះជាសន្តិភាព ដែលកើតមានឡើងក្រោមការលះបង់ ការប្រឹងប្រែង និងការតម្តល់ប្រយោជន៍ជាតិខ្មែរជាធំ។ សន្តិភាពពេញលេញ បានក្លាយជាមូលដ្ឋានដ៏រឹងមាំដែលអាចឲ្យកម្ពុជា បោះជំហ៊ានដ៏ស្វាហាប់លើគ្រប់វិស័យ។ ក្រៅពីវិស័យអប់រំ សុខាភិបាល និងវិស័យសំខាន់ៗផ្សេងៗទៀត វិស័យសេដ្ឋកិច្ចបានរីកធំធាត់គួរឲ្យកត់សម្គាល់។ ជាង០២ទស្សវត្សចុងក្រោយ កម្ពុជា ត្រូវបានទទួលស្គាល់ថា ជាប្រទេសដែលមានសេដ្ឋកិច្ចរីកចម្រើនជាងគេមួយ ក្នុងចំណោម០៦ប្រទេសលើលោក ដែលមានសេដ្ឋកិច្ចរីកចម្រើនក្នុងរង្វង់០៧%។ ក្រៅពីវិស័យសេដ្ឋកិច្ច ការរីកចម្រើនក្នុងវិស័យការទូត ក៏ជាចំណុចដ៏សំខាន់មួយ ដែលគួរឲ្យកត់សម្គាល់។ កម្ពុជា ដែលធ្លាប់តែជាប្រទេសខ្ទេចខ្ទាំដោយសារសង្គ្រាម និងដែលធ្លាប់ស្នើសុំទាំងជំនួយសង្គម និងមនុស្សធម៌ពីបណ្តាប្រទេសនានាលើលោក បានក្លាយជាប្រទេស ដែលផ្តល់ជំនួយទៅបណ្តាប្រទេសផ្សេងៗនោះទៅវិញ។ កម្ពុជា បានក្លាយទៅជាប្រធាន និងសមាជិកអង្គការអន្តរជាតិធំៗជាច្រើន រួមជាមួយនឹងអង្គការក្នុងតំបន់ ដែលក្នុងនោះរួមមានសមាគមប្រជាជាតិអាស៊ីអាគ្មេយ៍ (ASEAN) នេះជាអាទិ៍។ ក្នុងឋានៈថ្មីៗទាំងនេះ កម្ពុជាមិនត្រឹមតែបានចូលរួមក្នុងការសម្របសម្រួលលើយន្តការតំបន់ និងអន្តរជាតិប៉ុណ្ណោះទេ ប៉ុន្តែថែមទាំងបានដើរតួនាទីជាអ្នកកាច់ចង្កូតនាវាតំបន់ និងអន្តរជាតិផងដែរ។ តើនេះ ជារឿងចៃដន្យទេ? ការអញ្ជើញចូលរួមពីបណ្តាប្រមុខថ្នាក់ដឹកនាំកំពូលៗលើលោកនៅពេលនេះ ឆ្លុះបញ្ចាំងយ៉ាងច្បាស់ពីតួនាទីដ៏សំខាន់របស់កម្ពុជា ការជឿទុកចិត្តលើកម្ពុជា និងការឲ្យតម្លៃដល់កម្ពុជា។ ភាពជោគជ័យនៅថ្ងៃនេះ មិនមែនជារឿងចៃដន្យឡើយ ហើយក៏មិនមែនជាអ្វី ដែលបរទេសណាម្នាក់បានផ្តល់ឲ្យកម្ពុជាឡើយ។ ភាពជោគជ័យនៅថ្ងៃនេះ ជាញើស ជាឈាមរបស់កម្ពុជាសុទ្ធសាធ ក្រោមការដឹកនាំដ៏ប៉ិនប្រសព្វរបស់ប្រមុខរាជរដ្ឋាភិបាលយើង ជាមួយនឹងការបន្តគាំទ្ររបស់ខ្មែរយើងម្នាក់ៗលើការដឹកនាំដ៏ត្រឹមត្រូវនេះ៕ អត្ថបទ រដ្ឋា

រដ្ឋមន្ត្រីការបរទេសអ៊ុយក្រែន រំពឹងថា កម្ពុជានឹងជួយអ៊ុយក្រែន រំដោះផ្ទៃដីមានមីន បង្កប់ដោយកងទ័ពរុស្ស៊ី

ភ្នំពេញ៖ រដ្ឋមន្ត្រីការបរទេសអ៊ុយក្រែន បានរំពឹងថា អ្នកជំនាញដោះមីនរបស់កម្ពុជា នឹងជួយដល់កងកម្លាំងដោះមីនរបស់អ៊ុយក្រែន ក្នុងការរំដោះផ្ទៃដីដែលមានមីន បង្កប់របស់កងទ័ពរុស្ស៊ី ក្នុងអំឡុងនៃការឈ្លានពាន ។នេះជាការលើកឡើងរបស់លោក ឌីមេត្រូ គូលេបា (Dmytor Kuleba) រដ្ឋមន្ត្រីការបរទេសអ៊ុយក្រែន ក្នុងសន្និសីទសារព័ត៌មាន នាថ្ងៃទី១២ ខែវិច្ឆិកា ឆ្នាំ២០២២នេះ ជុំវិញនៃការអញ្ជើញមកចូលរួមក្នុងកិច្ចប្រជុំកំពូលអាស៊ាន លើកទី៤០ និង៤១ និងកិច្ចប្រជុំពាក់ព័ន្ធនានា ដែលកម្ពុជាធ្វើជាម្ចាស់ផ្ទះ ។គួរបញ្ជាក់ថា រាជរដ្ឋាភិបាលកម្ពុជា តាមរយៈមជ្ឈមណ្ឌលសកម្មភាពកំចាត់មីនកម្ពុជា (CMAC) នឹងបញ្ជូនមន្ត្រីជំនាញបច្ចេកទេស ចំនួន៣នាក់ ទៅបំពេញបេសកកម្មជួយហ្វឹកហ្វឺនមន្ត្រីជំនាញសកម្មភាពមីន នៃប្រទេសអ៊ុយក្រែន ក្រោមការគាំទ្រគម្រោងជំនួយរបស់ប្រទេសជប៉ុន ហើយកម្លាំងស៊ីម៉ាក់ ត្រូវសហការឲ្យបានល្អជាមួយមិត្តជប៉ុន ដើម្បីជួយដល់អ៊ុយក្រែន បំផ្លាញចោលគ្រាប់មីន ។ ជាផែនការក្រុមដំបូងអាចចេញដំណើរនៅដើមខែធ្នូ ឆ្នាំ២០២២ និងក្រុមទី២ អាចបំពេញបេសកកម្មនេះ នៅក្នុងត្រីមាសទី១ ឆ្នាំ២០២៣ ។ក្នុងសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ស្តីពីលទ្ធផលជំនួបរបស់សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា និងឯកឧត្តម វ៉ូឡូឌីមៀ ហ្ស៊ែឡិនស្គី កាលពីថ្ងៃទី១ ខែវិច្ឆិកា បានឲ្យដឹងថា ដោយមានកិច្ចសហប្រតិបត្តិការពីប្រទេសជប៉ុន កម្ពុជាបានត្រៀមខ្លួនជាស្រេច ក្នុងការបញ្ជូនអ្នកដោះមីនរបស់កម្ពុជា ទៅជួយបណ្ដុះបណ្ដាលដល់អ្នកដោះមីន របស់អ៊ុយក្រែនតាមពេលវេលាសមស្រប ៕ អត្ថបទ បាន សុខរិទ្ធិ

សម្តេចតេជោ៖ កិច្ចប្រជុំកំពូលអាស៊ាន-ឥណ្ឌានឹងក្លាយទៅជាបង្គោលចរដ៏សំខាន់ក្នុងការទាក់ទងផ្នែកសេដ្ឋកិច្ច និងនយោបាយ

សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានអាស៊ាន បានថ្លែងអះអាងថា កិច្ចប្រជុំកំពូលអាស៊ាន និងឥណ្ឌាលើកទី១៩ នឹងក្លាយទៅជាបង្គោលចរដ៏សំខាន់មួយ នៃទំនាក់ទំនង ផ្នែកសេដ្ឋកិច្ច,នយោបាយ, និងសង្គមវប្បធម៌ របស់អាស៊ាន និងឥណ្ឌា បើទោះបីជាអស់រយៈពេល៣០ឆ្នាំ នៃទំនាក់ទំងរវាងអាស៊ាន និងឥណ្ឌាមានបញ្ហាប្រឈមមួយចំនួនក៏ដោយតែភាពរីកចំរើនរវាងភាគីទាំងពីរ នៅតែបន្តមានដដែល។ថ្លែងនៅក្នុងពិធីបើកកិច្ចប្រជុំអាស៊ាន-ឥណ្ឌា នៅថ្ងៃទី១២ ខែវិច្ឆិកា ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា កិច្ចប្រជុំនេះនឹងធ្វើឲ្យទំនាក់ទំនងរវាងអាស៊ាន និងឥណ្ឌាកាន់តែល្អប្រសើបន្ថែមទៀត ជាពិសេសផ្នែកសេដ្ឋកិច្ច នយោបាយ និងវប្បធម៌ជាដើម។សម្តេចតេជោ នាយករដ្ឋមន្រ្តី និងជាប្រធានអាស៊ានបានបញ្ជាក់ថា«ជាការពិតក្នុងបីទសវត្សន៍ កន្លងមក ទោះបីជាជួបប្រទះនូវបញ្ហាប្រឈមនានា អាស៊ាន និងឥណ្ឌាមានការរីកចំរើនឥតឈប់ឈរ ដែល បានក្លាយទៅជាពូលសង្គម-សេដ្ឋកិច្ចសំខាន់ពីរនៅលើពិភពលោក។ ជាមួយនិងលទ្ធផលនៃការអភិវឌ្ឍនេះ កិច្ចសហប្រតិបត្តិការអាស៊ាន-ឥណ្ឌា ក៏កាន់តែរីកចំរើន និងមានមូលដ្ឋានកាន់តែទូលំទូលាយជាលំដាប់ ដោយសារការប្តេជ្ញាចិត្តដ៏មុះមុតក្នុងការពង្រឹងភាពជាដៃគូ ដើម្បីឲ្យអាស៊ាន-ឥណ្ឌា មានទំនាក់ទំនងកាន់ តែស្អិតរមួត និងមានលទ្ធភាពកាន់តែខ្ពស់ ក្នុងការធានា និងនាំមកនូវសន្តិភាព និងវិបុលភាពរួមជូនប្រជា ជនរបស់យើងទាំងបច្ចុប្បន្ន និងទៅអនាគត»។ ជាមួយគ្នានោះដែរ សម្តេចតេជោ ហ៊ុន សែន ប្រធានអាស៊ាន ក៏បានសម្តែងការពេញចិត្តចំពោះ វឌ្ឍនភាពគួរឲ្យកត់សម្គាល់ នៃការអនុវត្តផែនការសកម្មភាព ដើម្បីអនុវត្តន៍ភាពជាដៃគូអាស៊ាន-ឥណ្ឌា សម្រាប់សន្តិភាព,វឌ្ឍនភាព និងវិបុលភាពរួម២០២១-២០២៥។ សម្តេចតេជោ ហ៊ុន សែន ក៏បានលើក ឡើងផងដែរថាកម្ពុជាក៏សូមស្វាគមន៍ការជំរុញកិច្ចសហប្រតិបត្តិការទ្វេភាគីអាស៊ាន-ឥណ្ឌា តាមរយៈគំនិត ផ្តួចផ្តើមជាច្រើនរបស់ឥណ្ឌា ផ្នែកលើគោលការឆ្ពោះទៅទិសខាងកើតផងដែរ៕អត្ថបទ៖ បាន ចក់

ខ្លឹមសារសំខាន់ៗនៃសន្និសីទសារព័ត៌មានរបស់រដ្ឋមន្ត្រីការបរទេសអ៊ុយក្រែន

ភ្នំពេញ៖ ឯកឧត្ដម ឌីមេត្រូ គូលេបា រដ្ឋមន្ត្រីការបរទេសអ៊ុយក្រែន នៅថ្ងៃទី១២ ខែវិច្ឆិកា ឆ្នាំ២០២២នេះ កំពុងធ្វើសន្និសីទសារព័ត៌មានស្តីពី លទ្ធផលនៃការអញ្ជើញមកចូលរួមកិច្ចប្រជុំកំពូលអាស៊ានលើកទី៤០ និង៤១ និងកិច្ចប្រជុំពាក់ព័ន្ធនានា ។សន្និសីទសារព័ត៌មាន រដ្ឋមន្ត្រីការបរទេសអ៊ុយក្រែន បានថ្លែងថា ទំនាក់ទំនងរវាងអ៊ុយក្រែន ជាមួយអាស៊ាន គឺជាអាទិភាពចម្បងរបស់អ៊ុយក្រែន។រដ្ឋមន្ត្រីការបរទេសអ៊ុយក្រែន៖ យើងទទួលបាននូវសារជាច្រើនពីបណ្ដាប្រទេសអាស៊ាន ដែលបង្ហាញនូវការគាំទ្រចំពោះអ៊ុយក្រែន។រដ្ឋមន្ត្រីការបរទេសអ៊ុយក្រែន បានអំពាវនាវដល់បណ្ដាប្រទេសអាស៊ាន ចាត់រាល់វិធានការ ចំពោះរុស្ស៊ីឱ្យបញ្ឈប់រាល់សកម្មភាពយោធា និងការរារាំងចំពោះការនាំចេញគ្រាប់ធញ្ញជាតិទៅកាន់បណ្ដាប្រទេសនានាក្នុងពិភពលោក ដើម្បីបង្ការកុំឱ្យមានការប្រឈមនឹងគ្រោះអត់ឃ្លាន។រដ្ឋមន្ត្រីការបរទេសអ៊ុយក្រែន រំពឹងថា អ្នកជំនាញកម្ពុជានឹងជួយដល់កងកម្លាំងអ៊ុយក្រែន នៅក្នុងការរំដោះផ្ទៃដីដែលបង្កប់ដោយមីនរបស់កងទ័ពរុស្ស៊ី។ឯកឧត្ដម ឌីមេត្រូ គូលេបា ខ្ញុំមើលឃើញថា រុស្ស៊ីបានលើកឡើងពីការចរចាស្វែងរកដំណោះស្រាយសម្រាប់បញ្ហានៅអ៊ុយក្រែន គឺដើម្បីបិទបាំងសកម្មភាពអាក្រក់របស់ខ្លួននៅអ៊ុយក្រែនប៉ុណ្ណោះ។រដ្ឋមន្ត្រីការបរទេសអ៊ុយក្រែន៖ នេះគឺជាលើកទី១ ដែលអ៊ុយក្រែន ត្រូវបានអញ្ជើញចូលរួមកិច្ចប្រជុំកំពូលអាស៊ាននៅកម្ពុជា។រដ្ឋមន្ត្រីការបរទេសអ៊ុយក្រែន៖ កងទ័ពរុស្ស៊ីបានធ្វើទារុណកម្ម និងបំពានរំលោភលើពលរដ្ឋអ៊ុយ ក្រែន នៅគ្រប់កន្លែងដែលគេចូលកាន់កាប់ សូម្បីក្នុងរបាយការណ៍របស់ UN និងរបាយការណ៍របស់ អង្គការសិទ្ធិមនុស្សក៏មានសរសេរពីសកម្មភាពអាក្រក់របស់កងទ័ពរុស្ស៊ី លើពលរដ្ឋអ៊ុយក្រែន ទាំងនោះដែរ។រដ្ឋមន្ត្រីការបរទេសអ៊ុយក្រែន៖ ខ្ញុំបានជួបពិភាក្សាជាមួយចិន ដើម្បីឱ្យជួយបញ្ឈប់សកម្មភាពយោធារបស់រុស្ស៊ី លើអ៊ុយក្រែន។ រដ្ឋមន្ត្រីការបរទេសអ៊ុយក្រែន៖ តើប្រទេសធំ ត្រូវតែឈ្លានពានលើប្រទេសតូចឬ ?

UN ជំរុញដល់របបដឹកនាំមីយ៉ាន់ម៉ាបច្ចុប្បន្ន ដោះលែងអ្នកទោសនយោបាយទាំងអស់

ភ្នំពេញ៖ ថ្លែងក្នុងសន្និសីទសារព័ត៌មាននៅអំឡុងចូលរួមកិច្ចប្រជុំកំពូលអាស៊ាននៅកម្ពុជា និងកិច្ចប្រជុំកំពូលពាក់ព័ន្ធ នៅថ្ងៃទី១២ ខែវិច្ឆិកា ឆ្នាំ២០២២ ឯកឧត្ដម António Guterres អគ្គលេខាធិការអង្គការសហប្រជាជាតិ បានលើកឡើងថា ឯកឧត្ដមជំរុញឱ្យរបបគ្រប់គ្រងមីយ៉ាន់ម៉ាបច្ចុប្បន្ន ដោះលែងអ្នកទោសនយោបាយទាំងអស់។ក្រៅពីការលើកឡើងបែបនេះឯកឧត្ដម ក៏បានស្នើដល់គ្រប់ភាគីពាក់ព័ន្ធទាំងអស់នៅមីយ៉ាន់ម៉ា ដោះ ស្រាយជម្លោះដែលកំពុងកើតមានដោយសន្តិវិធីផងដែរ។ឯកឧត្ដម ក៏បានបង្ហាញនូវក្ដីរំពឹងផងដែរ ឥណ្ឌូណេស៊ីដែលនឹងទទួលជាប្រធានអាស៊ាននៅឆ្នាំ២០២៣ ឆ្នាំក្រោយ នឹងបន្តដោះស្រាយបញ្ហាដែលកំពុងកើតមាននៅមីយ៉ាន់ម៉ា តាមមធ្យោបាយវិជ្ជមាន៕ ដោយ៖ គង់ ឌិន

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយអនុប្រធានាធិបតីឥណ្ឌា

ភ្នំពេញ៖ នៅព្រឹកថ្ងៃសៅរ៍ទី១២ ខែវិច្ឆិកា ឆ្នាំ២០២២នេះ ដដែលនេះ បន្ទាប់ កិច្ចប្រជុំកំពូលអាស៊ានបូក៣ រួចមក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ាន បានអញ្ជើញជួបពិក្សាការងារជាមួយ ឯកឧត្ដម SHRI JAGDEEP DHANKHAR អនុប្រធានាធិបតីឥណ្ឌា នៅសណ្ឋាគារសុខាភ្នំពេញ។

បណ្ដាញសង្គម

ព័ត៌មានថ្មីៗ

ការប្រកួតជឺជីតស៊ូជើងឯកអាស៊ីអាគ្នេយ៍ជាឱកាសល្អសម្រាប់កម្ពុជាត្រៀមប្រកួតកីឡាអាស៊ីនៅជប៉ុនខែក្រោយ

UN ទាមទារការទទួលខុសត្រូវបន្ទាប់ពីការវាយប្រហារដ៏បង្ហូរឈាមរបស់អ្នកតាំងលំនៅឋាននៅ West Bank

ក្នុងអាណតិ្តរដ្ឋាភិបាលថ្មីបានជំរុញទំហំពាណិជ្ជកម្មអន្តរជាតិកម្ពុជាបន្តកើនខ្លាំង ឈានដល់ជាង ៦៥ពាន់លានដុល្លារអាមេរិក

អ៊ីរ៉ង់៖ ទណ្ឌកម្មសេដ្ឋកិច្ចរបស់សហរដ្ឋអាមេរិកគឺជាការប្រកាសសង្គ្រាមលើគ្រប់ប្រទេសទាំងអស់

នាយករដ្ឋមន្ត្រីអ៊ីស្រាអែល ហៅនាយករដ្ឋមន្ត្រីទួរគី ថាជាមេដឹកនាំផ្តាច់ការប្រឆាំងជ្វីហ្វ

សមាជិកណាតូ ពិភាក្សាអំពីជម្រើសនៃច្រកសមុទ្រ Hormuz ដោយគ្មានការចូលរួមពីសម្ព័ន្ធមិត្ត

រដ្ឋមន្ត្រីក្រសួងអប់រំ លើកទឹកចិត្តសិស្សានុសិស្សកម្ពុជា ដែលប្រឡងបានមេដាយមាស ប្រាក់ និងសំរឹទ្ធ នៅអង់គ្លេស បន្តខិតខំរៀនសូត្របន្ថែមទៀត និងធ្វើជាគំរូដល់សិស្សដទៃ

ទាហានថៃ បន្តឈូសឆាយព្រៃ ធ្វើផ្លូវ លេណដ្ឋានថ្មីនៅតំបន់សង្កាត់អូរស្មាច់ ភាគខាងជើងវត្តកែវសិក្ខាគីរីស្វារៈលើដែនអធិបតេយ្យភាពកម្ពុជា

សហរដ្ឋអាមេរិក និងអ៊ីរ៉ង់ បន្តប្រើប្រាស់វោហារសាស្ត្រអរិភាពនៅមុនពេលមានទណ្ឌកម្មថ្មី

ប្រធានាធិបតីអ៊ីរ៉ង់និយាយថាដល់ពេលបញ្ចប់សង្គ្រាមហើយ ខណៈកំពុងតែស្ថិតក្នុងជំហរដ៏រឹងមាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ ហ៊ុន សែន អញ្ជើញដឹកនាំកិច្ចប្រជុំអាស៊ានបូកបី (APT)

ឯកឧត្តម Justin Trudeau នាយករដ្ឋមន្ត្រីកាណាដា ដឹកនាំគណៈប្រតិភូមកដល់កម្ពុជាហើយ

កិច្ចប្រជុំកំពូលអាស៊ាន-អូស្រ្តាលី ចាប់ផ្តើមដំណើរការហើយ

រដ្ឋមន្ត្រីការបរទេសអ៊ុយក្រែន រំពឹងថា កម្ពុជានឹងជួយអ៊ុយក្រែន រំដោះផ្ទៃដីមានមីន បង្កប់ដោយកងទ័ពរុស្ស៊ី

ខ្លឹមសារសំខាន់ៗនៃសន្និសីទសារព័ត៌មានរបស់រដ្ឋមន្ត្រីការបរទេសអ៊ុយក្រែន

UN ជំរុញដល់របបដឹកនាំមីយ៉ាន់ម៉ាបច្ចុប្បន្ន ដោះលែងអ្នកទោសនយោបាយទាំងអស់

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយអនុប្រធានាធិបតីឥណ្ឌា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន អញ្ជើញដឹកនាំកិច្ចប្រជុំអាស៊ានបូកបី (APT)

ឯកឧត្តម Justin Trudeau នាយករដ្ឋមន្ត្រីកាណាដា ដឹកនាំគណៈប្រតិភូមកដល់កម្ពុជាហើយ

កិច្ចប្រជុំកំពូលអាស៊ាន-អូស្រ្តាលី ចាប់ផ្តើមដំណើរការហើយ

រដ្ឋមន្ត្រីការបរទេសអ៊ុយក្រែន រំពឹងថា កម្ពុជានឹងជួយអ៊ុយក្រែន រំដោះផ្ទៃដីមានមីន បង្កប់ដោយកងទ័ពរុស្ស៊ី

ខ្លឹមសារសំខាន់ៗនៃសន្និសីទសារព័ត៌មានរបស់រដ្ឋមន្ត្រីការបរទេសអ៊ុយក្រែន

UN ជំរុញដល់របបដឹកនាំមីយ៉ាន់ម៉ាបច្ចុប្បន្ន ដោះលែងអ្នកទោសនយោបាយទាំងអស់

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយអនុប្រធានាធិបតីឥណ្ឌា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍