នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ប្រេសិតពិសេសប្រធានអាស៊ាន ប្រគល់អំណោយវ៉ាក់សាំងបង្ការជំងឺកូវីដ-១៩ ជូនដល់អាស៊ានសម្រាប់មីយ៉ាន់ម៉ា

2022/06/30 10:25:42 pm        982
Facebook Telegram Linkin
ភ្នំពេញ៖ នៅថ្ងៃទី៣០ ខែមិថុនា ឆ្នាំ២០២២ នៅក្រោមផ្នែកមួយ នៃការអនុវត្តកិច្ចព្រមព្រៀងជាឯកច្ឆន្ទប្រាំចំណុចរបស់អាស៊ាន ដែលបានអនុម័តក្នុងកិច្ចប្រជុំប្រមុខដឹកនាំអាស៊ានកាលពីថ្ងៃទី២៤ ខែមេសា ឆ្នាំ២០២១ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា និងជាប្រេសិតពិសេសប្រធានអាស៊ាន និងឯកឧត្តម ឯកផាប់ ផាន់ថាវង្ស អគ្គលេខាធិការរងអាស៊ានទទួលបន្ទុកសហគមន៍សង្គម-វប្បធម៌អាស៊ាន (ASCC) ក្នុងនាមជាតំណាងរបស់ ឯកឧត្តម ដាតុ លឹម ចុក ហ៊ុយ អគ្គលេខាធិការអាស៊ាន និងអ្នកសម្របសម្រួលជំនួយមនុស្សធម៌របស់អាស៊ាន (SG-AHAC) ព្រមទាំងឯកឧត្តម ឆិន ហៃ ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនប្រចាំមីយ៉ាន់ម៉ា បានចូលរួមក្នុងពិធីប្រគល់អំណោយវ៉ាក់សាំងកូវីដ-១៩ របស់រដ្ឋាភិបាលចិនជូនដល់អាស៊ានសម្រាប់មីយ៉ាន់ម៉ា នៅទីក្រុងយ៉ាងហ្គូន។

បទវិភាគនយោបាយ៖ តើវាសនារបស់លោក សុន ឆ័យ នឹងបញ្ចប់ដូចមេរបស់លោក ឬយ៉ាងណា?

2022/06/30 09:19:57 pm        988
Facebook Telegram Linkin
ភ្នំពេញ៖ ការបោះឆ្នោតក្រុមជ្រើសរើសប្រឹក្សាឃុំ សង្កាត់ អាណត្តិទី៥ មិនទាន់បានបញ្ចប់ទៅបានប៉ុន្មានផងអនុប្រធានបក្សភ្លើងទាន លោក សុន ឆ័យ កំពុងជាប់បណ្ដឹងចំនួនពីរ ពោលបណ្ដឹងពីគណបក្សប្រជាជនកម្ពុជា និងគណៈកម្មាធិការរៀបចំការបោះឆ្នោត (គ.ជ.ប) ពាក់ព័ន្ធទៅនឹងការប្រើប្រាស់​ពាក្យពេចន៍​មិនសមរម្យរបស់លោកក្នុងនាមជាអ្នកនយោបាយ និងជាមនុស្សរបស់មហាជនដែលអាចបណ្ដាលឱ្យមានការប៉ះពាល់ដល់កិត្តយសជាតិទាំងមូល។ ជាក់ស្ដែងលោក សុន ឆ័យ បានលើកឡើងដដែលៗតាមរយៈកិច្ចសម្ភាសន៍ជាមួយ Cambodia Daily កាលពីថ្ងៃទី៨ ខែមិថុនា ឆ្នាំ២០២២ នេះថា «ការបោះឆ្នោតក្រុមប្រឹក្សាឃុំ សង្កាត់មិនមានភាពត្រឹមត្រូវ និងមិនយុត្តិធម៌» ព្រមទាំងចោទថា គ.ជ.ប បានលួចសន្លឹកឆ្នោត​ដែលធ្វើ​ឱ្យប៉ះពាល់ដល់យ៉ាងធ្ងន់ធ្ងរដល់ស្ថាប័ននេះ។ ផ្ទុយទៅវិញលោកបានលើកឡើងទៀតថា គណបក្សភ្លើងទានរបស់លោកទទួលយកអាសនៈដែលទទួលបានព្រោះវាបានបង្ហាញពីឆន្ទៈរបស់រាស្រ្ត។ តើការបដិសេដរបស់លោកដោយចោទថា ការបោះឆ្នោតមិនត្រឹមត្រូវនេះ គឺជាឆន្ទៈផ្ទាល់ខ្លួន​របស់​លោកដោយមិនបានគោរពដល់សិទ្ធិម្ចាស់ឆ្នោតដែលជាប្រជាជននៃកម្ពុជាទេឬ?លោកសុន ឆ័យ នៅក្នុងកិច្ចសម្ភាសន៍ជាមួយ Cambodia Dailyជាការឆ្លើយតបនឹងទង្វើមិនសមរម្យរបស់លោកសុន ឆ័យ គណបក្ស​ប្រជាជន​កម្ពុជា​បាន​ដាក់​ពាក្យ​ប្ដឹង​ កាល​ពី​ថ្ងៃទី​១៤ ខែមិថុនា តាមរយៈលោក​មេធាវី គី តិច តំណាង​ឲ្យ​គណបក្ស​ប្រជាជន​កម្ពុជា​ បាន​ប្តឹង លោក សុន ឆ័យ ទៅ​កាន់​អយ្យការ​អម​សាលាដំបូង​រាជធានី​ភ្នំពេញ ដោយ​ទាមទារ​ឱ្យ​តុលាការ​ផ្ដន្ទាទោស​តាម​បញ្ញត្តិ​ច្បាប់និង​ទាមទារ​ឱ្យ​លោក សុន ឆ័យ បង់ប្រាក់​សំណង​ជំងឺ​ចិត្ត​ចំនួន ១ ​លាន​ដុល្លា ឬ​ស្មើ ៤​ពាន់​លាន​រៀល​។ ស្របពេលជាមួយគ្នានេះដែរ កាលពី​ថ្ងៃទី​១៧ ខែ​មិថុនា គ.ជ.ប បានដាក់ពាក្យបណ្ដឹងមួយដាច់ដោយឡែកដោយអះអាងថា ការលើកឡើងរបស់លោក សុន ឆ័យបានប៉ះពាល់​យ៉ាងធ្ងន់ធ្ងរ​ដល់​ស្ថាប័ន គ.ជ.ប ពាក់ព័ន្ធទៅនឹង ការបំពេញភារកិច្ច​ការងារ ដោយ​ឯករាជ្យ និង​អព្យាក្រឹត ដើម្បី​ធានា​ឱ្យ​ការបោះឆ្នោត​ប្រព្រឹត្ត​ទៅ​ដោយ​សេរី ត្រឹមត្រូវ និង​យុត្តិធម៌ ស្របតាម​គោលការណ៍​នៃ​លទ្ធិ​ប្រជាធិបតេយ្យ​សេរី ពហុបក្ស។ស្របពេលដែលកំពុងមានពាក្យបណ្ដឹងពីរជាប់ខ្លួនបែបនេះ លោក សុន ឆ័យ បានអះអាងតាមវិទ្យុ​អាស៊ីសេរីថា កាលពីថ្ងៃទី២២ ​ខែមិថុនាថា ​លោកមិនគេចវេស​នៅក្រៅប្រទេសនោះឡើយ ដោយ​លោក​ បានលើកឡើងថា «ខ្ញុំ​សូម​ជំរាប ខ្ញុំ​បាន​សម្រេច និង​ទិញ​សំបុត្រ​យន្តហោះ​រួចហើយ ខ្ញុំ​នឹង​ត្រលប់​ទៅ​កម្ពុជា​វិញ នៅសល់​៩​ថ្ងៃ​ទៀត គឺ​នៅ​ថ្ងៃទី​១ ខែ​កក្កដា»។គួររំលឹកដែរថា រឿងប្រហាក់ប្រហែលគ្នានេះ បានកើតមានឡើងរួចមកហើយជាក់ស្ដែង គឺលោក សម រង្សី ដែលជាអតីតប្រធានគណៈបក្សសង្រ្គោះជាតិ​ដែលត្រូវបានរំលាយចោលដោយ​តុលាការ​កំពូល និងអតីតមេរបស់លោកសុន ឆ័យនេះផ្ទាល់តែម្ដង។ ​កំឡុងឆ្នាំ២០១៨ និងឆ្នាំ២០១៩ លោកសម រង្សីដែលតែងតែប្រកាសក្ដែងៗ​ថា​ខ្លួននឹងត្រលប់មកប្រទេសកម្ពុជា​ដោយមិនខ្លាច​រអា​នឹងការដាក់ទោសនោះឡើយ។ជាលទ្ធផលវាបានត្រឹមតែជាការខកចិត្តសម្រាប់អ្នកគាំទ្ររបស់លោកម្ដងហើយម្ដងទៀត ដោយការសន្យារបស់លោកបានបញ្ចប់ត្រឹមតែជាសន្យាខ្យល់តែប៉ុណ្ណោះ។ តើអាចទេដែលមេ និងកូនចៅប្រើប្រាស់ឥរិយាបថតែមួយ?លោក សុន ឆ័យ និងលោក សម រង្សីតើលោកសុន ឆ័យ នឹងវិលត្រលប់មកក្នុងស្រុកវិញដោយហ៊ានប្រឈមមុខចំពោះមុខច្បាប់ឬយ៉ាងណា? យើងមិនមានលទ្ធភាពអាចព្យាករណ៍ដឹងមុននោះឡើយចំពោះរឿងរ៉ាវនៅក្នុងឆាកនយោបាយប៉ុន្តែយើងអាចទាញចេញជាសេណារីយ៉ូចំនួនពីរដូចខាងក្រោមនេះ។សេណារីយ៉ូទី ១​ លោកសុន ឆ័យធ្វើសេចក្ដីថ្លែងការណ៍ក្លែងក្លាយ វាមិនមែនជារឿង​ដែល​ថ្មី​នោះ​ទេ​សម្រាប់អ្នកនយោបាយក្រុមនេះ​ដែលបានត្រឹមតែនិយាយ​ ដោយគ្មានសកម្មភាព។ ការលើកឡើងបែបនេះ​ គឺដើម្បីឱ្យអ្នកគាំទ្ររបស់ខ្លួនស្ងប់ចិត្តមួយពេល រួចនឹងរកឧបាយកលផ្សេងទៀតដែលជាលេសដោះសារគេចវេះចំពោះបញ្ហាមួយនេះដូចទៅនឹងអតីតមេរបស់ខ្លួន។សរណារីយ៉ូទី ២ លោកនឹងត្រលប់មកវិញដោយមានលក្ខ័ណ្ឌច្បាស់លាស់ណាមួយដូច​ដែល​បានលើកឡើងខាងលើ ​យើងមិនអាចដឹងនោះទេថា នឹងមានអ្វីកើតឡើង ខ្លួនលោកផ្ទាល់អាច​នឹងដឹងកំហុសរបស់ខ្លួនរួចសុំចរចាដោយមានការសន្យាណាមួយដើម្បីឱ្យម្ចាស់បណ្ដឹង ដកពាក្យបណ្ដឹងវិញក៏ថាបាន។ ដូចសព្វដង គណបក្សប្រជាជនតែងព្យាយាមសម្រុះសម្រួល និងផ្សះផ្សាជាតិ ប៉ុន្តែតែងតែមានជនមួយចំនួនមិនចូលរួម ថែមទាំងបំផ្លាញជាតិឯងទៅវិញ។ ដូច្នេះសេណារីយ៉ូនេះអាចនឹងកើតឡើងប៉ុន្តែមានភាគរយតិចមែនទែន បើប្រៀបធៀបនឹងសេណារីយ៉ូទី១។ជារួមទៅ យើងសង្ឃឹមថាលោកមានភាពក្លាហាន ហ៊ានប្រឈមមុខនឹងការពិតមិនដូចទៅ​អតីត​មេរបស់ខ្លួននោះឡើយ ដោយហ៊ានទទួលកំហុសរបស់ដើម្បីជាគំរូល្អដល់យុវជនខ្មែរជំនាន់​ក្រោយ​ឱ្យហ៊ានទទួលនូវអ្វីដែលជាទង្វើរបស់ខ្លួនទាំងខុស​ និងត្រូវ។ ខណៈពេលនេះដែរ​ វាមិនមែនជារឿង​សំខាន់នោះឡើយថាលោកនឹងវិលត្រលប់មកវិញឬយ៉ាងណានោះទេ​ ប៉ុន្តែលោក សុន ឆ័យ ក្នុងនាមជាអ្នកនយោបាយ និងជាមនុស្សរបស់មហាជន រូបលោកគួរណាតែប្រើប្រាស់​ពាក្យពេចន៍​ឱ្យបានសមរម្យ និងមានភាពប្រសើរជាងនេះដែលមិន​មានការប៉ះពាល់ធ្ងន់ធ្ងរ​ដល់ភាគីណា​មួយ​នោះឡើយ។ ការធ្វើនយោបាយគប្បីធ្វើដោយភាពស្មោះត្រង់ ​គោរពសិទ្ធិអ្នកដទៃ និងគិតដល់​ប្រយោជន៍​ជាតិជាធំ ​មិនមែនយកវាធ្វើជាឈ្នាន់ដើម្បីប្រយោជន៍ខ្លួននោះឡើយ៕

គ.ជ.ប គ្រោងរៀបចំការពិនិត្យបញ្ជី និងចុះឈ្មោះសម្រាប់បោះឆ្នោតតំណាងរាស្រ្តនាខែតុលា ឆ្នាំ២០២២

2022/06/30 07:21:29 pm        478
Facebook Telegram Linkin
ភ្នំពេញ៖ បន្ទាប់ពីប្រមុខរាជរដ្ឋាភិបាលប្រកាសកំណត់កាលបរិចេ្ឆទបោះឆ្នោតជ្រើសតាំងតំណាងរាស្រ្ត នីតិកាលទី៧ គណៈកម្មាធិការជាតិរៀបចំការបោះឆ្នោត (គ.ជ.ប) គ្រោងនឹងដំណើរការរពិនិត្យបញ្ជី ឈ្មោះ និងចុះឈ្មោះបោះឆ្នោតឆ្នាំ២០២២ នាខែតុលាខាងមុខ។ថ្លែងប្រាប់BTV News នៅថ្ងៃទី៣០ខែមិថុនា ឆ្នាំ២០២២ ឯកឧត្តម ហង្ស ពុទ្ធា សមាជិក និងជាអ្នកនាំ​ពាក្យគណៈកម្មាធិការជាតិរៀបចំការបោះឆ្នោត បានឲ្យដឹងថា បន្ទាប់ពី គ.ជ.ប បានទទួល​នូវ​លិខិត​អំពីការប្រកាសរបស់ប្រមុខរាជរដ្ឋាភិបាលជុំវិញការកំណត់​កាលបរិច្ឆេទ​អំពីការ​បោះឆ្នោត​ជ្រើសតាំង​តំណាងរាស្រ្ត នីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ គ.ជ.ប នឹងសិក្សា​អំពី​ការ​រៀបចំ​ប្រតិទិន​សំខាន់ៗ​សម្រាប់បម្រើការបោះឆ្នោតជ្រើសតាំងតំណាងរាស្រ្ត នីតិកាលទី៧ ។ឯកឧត្តម បន្តថា មុនឈានទៅរកការរៀបចំប្រតិទិននោះ គ.ជ.ប ត្រូវ​រៀបចំ​សន្និបាត​ដែលនឹងប្រពឹត្ត​ទៅ​នាដើមខែកក្កដានេះ ដើម្បីទទួលយកអនុសាសន៍ និងបទពិសោធនទាំងឡាយ សម្រាប់​ជា​ការពិចារណារៀបចំនីតិវិធីក្នុងដំណើរការបោះឆ្នោតជ្រើសតាំងតំណាងរាស្រ្ត នីតិកាលទី៧ ។ ឯកឧត្តម ហង្ស ពុទ្ធា ក្នុងចំណោមដំណាក់កាលសំខាន់ៗសម្រាប់ការបោះឆ្នោតជ្រើស​តាំង​តំណាងរាស្រ្ត នីតិកាលទី៧ ដែលនឹងចាបផ្តើមមុនគេនោះ គឺការរៀបចំពិនិត្យ បញ្ជី ឈ្មោះ និង​ការចុះឈ្មោះបោះឆ្នោតឆ្នាំ២០២២។ឯកឧត្តម បញ្ជាក់ថា ក្រៅពីនេះ គ.ជ.ប មានផែនការពិនិត្យអំពីគុណភាពទៅលើហិប ឆ្នោត និង​សម្ភារៈទាំងឡាយដើម្បីធានាអំពីគុណភាពត្រៀមសម្រាប់ការបោះឆ្នោតជ្រើសតាំងតំណាង​រាស្រ្តនាឆ្នាំ២០២៣ខាងមុខ។ឯកឧត្តម ហង្ស ពុទ្ធា បន្តថា ពីមួយឆ្នាំទៅមួយឆ្នាំ គ.ជ.ប បានរិះរកនូវបច្ចេកវិទ្យានានា​ដែលបង្ក​លក្ខណៈងាយ​ស្រួល​ជូនប្រជាពលរដ្ឋក្នុងដំណាក់​កាលពិនិត្យ​បញ្ជី​ឈ្មោះរបស់ខ្លួន ក្នុង​បញ្ជីបោះឆ្នោត។ ឯកឧត្តម រំពឹងថា តាមរយៈបទពិសោធនកន្លងមក និងភាពជោគជ័យនៃការបោះឆ្នោតឃុំ-សង្កាត់ អាណត្តិទី៥កន្លងទៅ គឺ​គ.ជ.ប អាចរៀបចំការបោះឆ្នោតជ្រើសតាំងតំណាងរាស្រ្តនា​ឆ្នាំ២០២៣​ខាងមុខ ប្រកបដោយភាពត្រឹមត្រូវ តម្លាភាព និងទទួលយកបានពីគ្រប់ភាគីពាក់ព័ន្ធ រួមទាំង​គណបក្សនយោបាយ និងប្រជាពលរដ្ឋជាម្ចាស់ឆ្នោត៕ អត្ថបទ៖ សេក ឧត្តម  

ថ្ងៃនេះ កម្ពុជារកឃើញករណីឆ្លងថ្មីជំងឺកូវីដ-១៩ ចំនួន៧នាក់ សុទ្ធតែជាករណីឆ្លងក្នុងសហគមន៍

2022/06/30 06:42:31 pm        521
Facebook Telegram Linkin
ភ្នំពេញ៖ ក្រសួងសុខាភិបាលប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន៧នាក់ ដែលសុទ្ធតែជាករណីឆ្លងក្នុងសហគមន៍ និងគ្មានអ្នកជាសះស្បើយថ្មី និងករណីស្លាប់ថ្មីទេ នៅថ្ងៃទី៣០ ខែមិថុនា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានករណីឆ្លងថ្មីសរុបចំនួន ១៣៦.២៧៩នាក់, ករណីជាសះស្បើយចំនួន ១៣៣.២០៦ និងករណីស្លាប់សរុបចំនួន ៣.០៥៦នាក់។

អាជីវកម្មលក់បន្លែសុវត្ថិភាពកើនឡើង ខណៈការផ្គត់ផ្គង់ពីកសិករមិនគ្រប់គ្រាន់

2022/06/30 06:35:35 pm        612
Facebook Telegram Linkin
ភ្នំពេញ៖ ក្រុមអាជីវករ បានលើកឡើងថា ការបើកអាជីវកម្មលក់បន្លែសុវត្ថិភាព ដែលដាំនៅក្នុងរោងសំណាញ់ ជាពិសេសនៅក្នុងរាជធានីភ្នំពេញ មានការកើនឡើង នារយៈពេលប៉ុន្មានឆ្នាំចុងក្រោយនេះ ប៉ុន្តែកសិករមិនទាន់មានផលិតផលផ្គត់ផ្គង់គ្រប់គ្រាន់នៅឡើយទេ ខណៈការគាំទ្រពីសំណាក់ប្រជាពលរដ្ឋកំពុងមានសន្ទុះ។លោក ម៉េង សុងហោរ ម្ចាស់ផ្សារខ្មែរបន្លែធម្មជាតិ នៅសំណង់១២ បានលើកឡើងថា កាលពី៥ឆ្នាំមុន ការលក់បន្លែសុវត្ថិភាពមានមិនដល់១០ប្រេននោះទេ ប៉ុន្តែរយៈពេលចុងក្រោយនេះបានកើនឡើងជាច្រើនទៀត ហើយតម្លៃបន្លែក៏មិនខ្ពស់ប៉ុន្មាន ពីបន្លែដាំនៅតាមទីវាល និងមានការគាំទ្រច្រើន ព្រោះមានប្រភពច្បាស់លាស់ ការវេចខ្ចប់ក៏ល្អ រួមទាំងផ្ដល់អត្ថប្រយោជន៍ច្រើនទៀត ។ លោកបន្តថា បន្លែសុវត្ថិភាពដែលលក់នេះ ត្រូវបាននាំមកពីសហភាពសហគមន៍កសិកម្ម បន្លែសុវត្ថិភាពកម្ពុជា ជាទីតាំងប្រមូលផ្ដុំបន្លែដាំក្នុងរោងសំណាញ់ និងតំបន់មួយចំនួនទៀត ប៉ុន្តែមិនទាន់ឆ្លើយតបនឹងតម្រូវការទីផ្សារបច្ចុប្បន្ន។ ចំណែកលោក សាន ស អ្នកគ្រប់គ្រងហាងសួនធម្មជាតិ នៅខណ្ឌសែនសុខ ដែលនាំយកបន្លែសុវត្ថិភាពីសហភាពសហគមន៍បន្លែសុវត្ថិភាពដែរនោះបានឲ្យដឹងថា កសិករយល់ដឹងច្រើនពីការដាំដុះបន្លែសុវត្ថិភាព ការដឹកជញ្ជូន ការវេចខ្ចប់បានល្អនៅស្រស់ និងសូមឲ្យពួកគាត់បន្តដាំបន្លែប្រភេទនេះឲ្យមាននិរន្តរភាព និងស្វែងរកប្រភេទដំណាំថ្មីៗមកធ្វើការដាំដុះ ។ បើតាមលោក ជួ មករា ប្រធានសហភាពសហគមន៍ បន្លែសុវត្ថិភាពកម្ពុជា បានលើកឡើងថា រហូតមកដល់ពេលនេះ មានទីតាំងធ្វើអាជីវកម្មលក់បន្លែសុវត្ថិភាព ចំនួនប្រមាណ ៣០កន្លែងហើយ នាំយកបន្លែពីសភាពរបស់លោក ទៅចែកចាយបន្ត ។ លោកបញ្ជាក់ថា ចំពោះសន្ទុះនៃការគាំទ្របន្លែសុវត្ថិភាព ដែលដាំក្នុងរោងសំណាញ់កំពុងគាំទ្របន្ថែមពីពលរដ្ឋ ព្រោះបានយល់ដឹងពីអត្ថប្រយោជន៍របស់បន្លែសុវត្ថិភាព ខណៈសហភាពនេះ ក៏ជួយបង្រៀនពីបច្ចេកទេស ការផ្គត់ផ្គង់សម្ភារធ្វើរោងផ្ទះសំណាញ់ និងរកទីផ្សារជូនកសិករ ដែលមានបំណងដំបន្លែប្រភេទនេះផងដែរ ៕

ឯកឧត្តម អ៊ុន ចាន់ដា ៖ ដើម្បីលុបបំបាត់គ្រឿងញៀន យេីងត្រូវសហការគ្នាពីអាជ្ញាធរមូលដ្ឋាន និងកងកម្លាំងសមត្ថកិច្ច

2022/06/30 05:57:21 pm        111
Facebook Telegram Linkin
កំពង់ចាម ៖ រដ្ឋបាលខេត្តកំពង់ចាម បានប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន ក្រោមប្រធានបទ "ដោះស្រាយ បញ្ហាគ្រឿងញៀនក្នុងវិបត្តិសុខភាព និងមនុស្សធម៌ “ ធ្វើឡើងនៅថ្ងៃទី៣០ ខែមិថុនា ឆ្នាំ២០២២ នាស្រុកបាធាយ ខេត្តកំពង់ចាម ។ ឯកឧត្តម អ៊ុន ចាន់ដា បានបង្កើតគណៈកម្មការបង្រ្កាប ការជួញដូរ ចែកចាយ និងការប្រើប្រាស់គ្រឿងញៀន នៅតាមក្លឹបកម្សាន្តត និងសប្បាយដ្ឋាន នៅក្នុងខេត្តកំពង់ចាម និងដើម្បីលុបបំបាត់ឲ្យអស់នូវការចែកចាយ ការប្រើប្រាស់គ្រឿងពីគ្រប់មជ្ឈដ្ឋាន និងគ្រប់រូបភាពទូទាំងខេត្ត។ឯកឧត្ដម អភិបាលខេត្ត ស្នើសុំដល់ម្ចាស់អាជីវកម្មទាំងអស់ចូលរួម សហការទប់ស្កាត់ ការជួញដូរ សារធាតុញៀន ត្រូវរាយការណ៍មកសមត្ថកិច្ចជំនាញ ឲ្យបាន ដោយសមត្ថកិច្ចមានភារកិច្ច គោរពតាមគោលការណ៍ដោយរក្សាសិទ្ធិមិនឲ្យដឹងប្រភពដែលបានសហការរាយការណ៍មកសមត្ថកិច្ចឡើយ ៕

ឯកឧត្តម ជិន ម៉ាលីន ៖ ឲ្យតែឃាត់ខ្លួនសកម្មជន តែងថាជារឿងនយោបាយ តែមិនលើកច្បាប់មកនិយាយ

2022/06/29 10:04:55 pm        903
Facebook Telegram Linkin
ភ្នំពេញ៖ ឯកឧត្តម ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ លើកឡើងថា ឲ្យតែមានការឃាត់ខ្លួន ឬឃុំខ្លួនសកម្មជន (គណបក្សប្រឆាំង) អង្គការសង្គមស៊ីវិល និងមេធាវីរបស់ពួកគេ តែងភ្ជាប់ទៅនឹងរឿងនយោបាយ ប៉ុន្តែមិនលើកយកសក្ខីកម្មផ្លូវច្បាប់មកនិយាយ ។ក្នុងវេទិកាពិភាក្សាស្តីពី វឌ្ឍនភាពនៃវិស័យសិទ្ធិមនុស្ស និងយុត្តិធម៌នៅកម្ពុជា នាទីស្ដីការគណៈរដ្ឋមន្ត្រី នៅថ្ងៃទី២៩ ខែមិថុនា ឆ្នាំ២០២២ ឯកឧត្តម ជិន ម៉ាលីន មានប្រសាសន៍ថា អង្គការសង្គមស៊ីវិល កុំភ្ជាប់បញ្ហាសិទ្ធិមនុស្ស និងរឿងនយោបាយ ក្នុងការធ្វើសកម្មភាពរបស់ខ្លួន ដោយរឿងសិទ្ធិមនុស្ស ជាបច្ចេកទេសគិតទៅលើទិដ្ឋភាពសិទ្ធិមនុស្ស ហើយការអនុវត្តច្បាប់ ជារឿងបច្ចេកទេសច្បាប់ ត្រូវគិតផ្ដោតយកចិត្តទុកដាក់លើទិដ្ឋភាពច្បាប់ អង្គហេតុ និងអង្គច្បាប់ ហើយរឿងនយោបាយ គឺជារឿងផ្សេង កុំព្យាយាមយកមកភ្ជាប់គ្នា ។ ឯកឧត្តមបន្តថា នៅពេលសកម្មជនមួយប្រព្រឹត្តិល្មើសច្បាប់ ត្រូវបានផ្ដន្ទាទោសតាមនីតិវិធីតុលាការ ដោយមានមូលដ្ឋានផ្លូវច្បាប់ ផ្អែកលើអង្គហេតុ អង្គច្បាប់ បែរជាអង្គការសង្គមស៊ីវិល រួមទាំងមេធាវី មិននាំគ្នាទៅការពារតាមផ្លូវច្បាប់ ផ្ដល់អំណះអំណាងជាសក្ខីកម្ម ដើម្បីដោះបន្ទុកទេ តែចោទថាជារឿងនយោបាយ ត្រូវដោះនយោបាយសិនបានជួយបាន ។នៅក្នុងវេទិកានេះដែរ អ្នកនាំពាក្យក្រសួងយុត្តិធម៌ ក៏បានបង្ហាញ ពីការបន្តជួបជាមួយក្រុមអង្គការសង្គមស៊ីវិល ដើម្បីពិភាក្សា និងដើម្បីយល់ចិត្តគ្នាកាន់តែច្រើនពាក់ព័ន្ធនឹងការចេញរបាយការណ៍ណាមួយ រួមទាំងពិភាក្សាលើសេចក្តីព្រាងច្បាប់ផ្សេងៗ ខណៈក្នុងវេទិកានេះ ក៏មានការចូលរួមពីមន្ត្រីអង្គការលីកាដូ សមាគមអាដហុក អង្គការខុមហ្វ្រែល និងអង្គការតម្លាភាព ជជែកពិភាក្សាគ្នា ក្នុងបញ្ហាសិទ្ធិមនុស្ស តុលាការ រួមទាំងការអនុវត្តច្បាប់ជាដើម ៕(ដោយ៖ បាន សុខរិទ្ធិ)

ប្រមុខការទូតកម្ពុជា៖ មីយ៉ាន់ម៉ាអាចដកពិសោធន៍សន្តិភាពពីកម្ពុជា ដើម្បីអនុវត្តការបង្រួបបង្រួម និងស្ថិរភាព

2022/06/29 07:06:08 pm        705
Facebook Telegram Linkin
ភ្នំពេញ៖ នៅព្រឹកថ្ងៃទី២៩ ខែមិថុនា ឆ្នាំ២០២២ ឯកឧត្តមឧបនាយករដ្ឋមន្ត្រី ប្រាក់ សុខុន ប្រមុខការទូតកម្ពុជា និងជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា អញ្ជើញដឹកនាំគណៈប្រតិភូអញ្ជើញទៅបំពេញទស្សនកិច្ចការងារលើកទីពីរ នៅសាធារណរដ្ឋសហភាពមីយ៉ាន់ម៉ា។ថ្លែងប្រាប់BTV New មុនអញ្ជើញបំពេញទស្សនកិច្ចកិច្ចការងារលើកទីពីរ នៅសាធារណរដ្ឋ​សហភាព​មីយ៉ាន់ម៉ា ឯកឧត្តមឧបនាយករដ្ឋមន្ត្រី ប្រាក់ សុខុន ប្រមុខការទូតកម្ពុជា និង ជាប្រេសិត​ពិសេស​របស់​ប្រធានអាស៊ាន​ស្តីពីមីយ៉ាន់ម៉ា ​ថ្លែងថា ដំណើរទស្សនកិច្ចលើកទីពីររបស់ប្រេសិត​ពិសេស​ទៅ​កាន់មីយ៉ាន់ម៉ា មានគោលបំណង តាមដានវឌ្ឍនភាពនៃការអនុវត្តការព្រមព្រៀងជាឯកច្ឆន្ទ៥ចំណុច និង​លទ្ធផលនៃកិច្ចប្រជុំពិគ្រោះ​ យោបល់ស្តីពីជំនួយមនុស្សធម៌របស់អាស៊ាន​សម្រាប់មីយ៉ាន់ម៉ា ដែល​បានប្រព្រឹត្តិ ទៅកាលពីថ្ងៃទី៦ ខែឧសភា ឆ្នាំ២០២២ នៅរាជធានីភ្នំពេញ និងដើម្បីរួមចំណែក​ដល់​ការបង្កើតបរិយាកាសអំណោយផលសម្រាប់ដំណើរការសន្ទនានយោបាយប្រកបដោយ​បរិយាប័ន្ន ​តាមរយៈការជួបពិភាក្សាជាមួយ ​គ្រប់ភាគីពាក់ព័ន្ធ។ក្នុងនោះ​ ឯកឧត្តម ឧបនាយករដ្ឋមន្រ្តី ប្រាក់ សុខុន បញ្ជាក់ថា ក្នុងនាម​ប្រេសិត​ពិសេស​របស់​ប្រធាន​មិន​អាច​បង្គាប់​បញ្ជា​ទៅមីយ៉ាន់ម៉ា​ឲ្យអនុវត្តតាម​កម្ពុជាឡើយ ប៉ុន្តែមីយ៉ាន់ម៉ា​អាច​ដកបទពិសោធន៍​សន្តិភាពពីកម្ពុជា ដើម្បីអនុវត្តការ​បង្រួបបង្រួម ​និង​ស្ថិរភាព​ក្នុងប្រទេសរបស់ខ្លួន។ពាក់ព័ន្ធនឹងដំណើរទស្សនកិច្ចការងារលើកទី២នេះ ឯកឧត្តម ឧបនាយករដ្ឋមន្រ្តី ប្រាក់ សុខុន បញ្ជាក់​ជាថ្មីថា ​គោលបំណង​នៃដំណើរទស្សនកិច្ចនាពេលនេះ ​មានគោលដៅចំនួន៣ រួមមាន កាត់​បន្ថយអំពើហិង្សា ឬគោរព​ដល់ការអនុវត្តបទឈប់បាញ់, បញ្ហាជំនួយមនុស្សធម៌ និងការកសាង​ទំនុក​ចិត្តគ្នា ដើម្បីឆ្ពោះទៅរកការចចារថ្នាក់ជាតិ។យ៉ាងណាមិញ ២ថ្ងៃមុនការបំពេញទស្សនកិច្ចការងារលើកទី២ នៅមីយ៉ាន់ម៉ា នាពេលនេះ ​ឯកឧត្តម ប្រាក់ សុខុន ​ឧបនាយករដ្ឋមន្ត្រី រដ្ឋមន្ត្រីការបរទេស ​និង​សហប្រតិបត្តិការអន្តរជាតិ និងជាប្រេសិត​ពិសេស​របស់ប្រធានអាស៊ានស្ដីពីមីយ៉ាន់ម៉ា​ បាន​ផ្ញើលិខិត​ទៅកាន់ក្រសួងការបរទេសមីយ៉ាន់ម៉ា ដោយ​បានទទូចឱ្យក្រុមប្រឹក្សារដ្ឋបាលរដ្ឋមីយ៉ាន់ម៉ា ​បញ្ជូនលោកស្រី អោងសាន ស៊ូជី ត្រឡប់ទៅកាន់លំនៅដ្ឋានវិញ​ ខណៈបច្ចុប្បន្នលោកស្រីត្រូវ​បាន​ស្ថិតនៅក្នុង​ពន្ធនាគារ​ទីក្រុងណៃពិដោ ប្រទេសមីយ៉ាន់ម៉ា។ការបំពេញទស្សនកិច្ចការងារលើកទីពីររបស់ប្រេសិតពិសេសប្រធានអាស៊ាន​ស្តីពីមីយ៉ាន់ម៉ា មានរយះពេល៥ថ្ងៃ​ ពីថ្ងៃទី២៩ ខែមិថុនា ដល់ថ្ងៃទី០៣ ​ខែកក្កដា ឆ្នាំ២០២២ ខណៈដំណើរ​ទស្សនកិច្ច​នេះ មានការចូលពីឯកឧត្តម ឯកផាប់ ផាន់ថាវង់ ​អគ្គលេខាធិការរងអាស៊ានទទួលបន្ទុក​សហគមន៍​សង្គមវប្បធម៌អាស៊ាន​ និងមន្ត្រីជាន់ខ្ពស់ ​របស់រាជរដ្ឋាភិបាលមួយចំនួន ព្រមទាំង​បុគ្គលិក​របស់​លេខាធិការដ្ឋានអាស៊ានផងដែរ៕

សម្តេចតេជោ ហ៊ុន សែន ប្រមុខរាជរដ្ឋាភិបាលចេញសេចក្តីសម្រេចកំណត់យកថ្ងៃទី២៣ ខែកក្កដា ឆ្នាំ២០២៣ ជាកាលបរិច្ឆេទ នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ នៃរដ្ឋសភា

2022/06/29 06:29:42 pm        1162
Facebook Telegram Linkin
ភ្នំពេញ៖ សម្តេចតេជោ ហ៊ុន សែន ប្រមុខ នៃរាជរដ្ឋាភិបាលកម្ពុជា ចេញសេចក្តីសម្រេចកំណត់យកថ្ងៃទី២៣ ខែកក្កដា ឆ្នាំ២០២៣ ជាកាលបរិច្ឆេទ នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ នៃរដ្ឋសភា។នេះបើ យោងតាមសេចក្តី សម្រេចចុះថ្ងៃទី២៩ ខែ មិថុនា ឆ្នាំ២០២២ ដែលចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្ត្រី។

ថ្ងៃនេះ កម្ពុជារកឃើញករណីឆ្លងថ្មីជំងឺកូវីដ-១៩ ចំនួន១០នាក់ (៨នាក់ឆ្លងក្នុងសហគមន៍)

2022/06/29 06:15:22 pm        217
Facebook Telegram Linkin
ភ្នំពេញ៖ ក្រសួងសុខាភិបាលប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន១០នាក់(៨នាក់ឆ្លងក្នុងសហគមន៍) និងគ្មានអ្នកជាសះស្បើយថ្មី និងករណីស្លាប់ថ្មីទេ នៅថ្ងៃទី២៩ ខែមិថុនា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានករណីឆ្លងថ្មីសរុបចំនួន ១៣៦.២៧២នាក់, ករណីជាសះស្បើយចំនួន ១៣៣.២០៦ និងករណីស្លាប់សរុបចំនួន ៣.០៥៦នាក់។

បណ្ដាញសង្គម

ព័ត៌មានថ្មីៗ

ផ្ទះទេវតាទី៣៣៨ មួយខ្នងទៀតដោយមានភ្ជាប់ប្រព័ន្ធភ្លើងសូឡា និងទឹកស្អាត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាព នៅខេត្តកំពង់ធំ
08/23/2026 05:08 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញវឌ្ឍនភាព និងការចាប់ផ្តើមអនុវត្ត “កម្មវិធីលើកកម្ពស់ជីវភាពគ្រួសារយុទ្ធជន តាមរយៈគំរូផលិតកម្មកសិកម្មទំនើប”
08/23/2026 04:08 PM
Facebook Telegram Linkin
លោកជំទាវ ឌី សុខីទីឃាយុកោ ហ៊ុន ម៉ានិត អញ្ជើញប្រគល់អណ្តូងទឹកស្អាត ១០ កន្លែង ជូនប្រជាពលរដ្ឋក្នុងឃុំមានជ័យ ស្រុកឈូក ខេត្តកំពត
08/23/2026 04:08 PM
Facebook Telegram Linkin
ក្រសួងការងារ៖ ខេត្តកំពង់ស្ពឺមានឱកាសការងារជិត ២ម៉ឺនកន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 04:08 PM
Facebook Telegram Linkin
ចង់ក្លាយជាអ្នកជំនាញអគ្គិសនី? ឱកាសអាហារូបករណ៍ រៀនជំនាញទំនើប អនុវត្តជាក់ស្តែង រៀនចប់ឆាប់មានការងារធ្វើ រៀននៅវិទ្យាស្ថានពហុបច្ចេកទេសតេជោសែនស្វាយរៀង
08/23/2026 04:08 PM
Facebook Telegram Linkin
ACU នឹងបញ្ជូនមន្ត្រីក្រសួងការបរទេសចំនួន ៣រូប ទៅតុលាការនៅរសៀលនេះ
08/23/2026 03:08 PM
Facebook Telegram Linkin
ក្រសួងការងារ៖ ខេត្ត៤ជាប់សមុទ្រមានឱកាសការងារជិត ២ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
ក្រសួងការងារ៖ ខេត្តតាកែវមានឱកាសការងារជាង ៦ពាន់កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
មនុស្ស ២នាក់ ត្រូវបានសង្រ្គោះ និងមនុស្ស ២២នាក់ បាត់ខ្លួន ក្រោយនាវាដឹកទំនិញលិចនៅជិតតំបន់ឆ្នេរប្រទេសឥណ្ឌា
08/23/2026 03:08 PM
Facebook Telegram Linkin
ជនជាតិម៉ិកស៊ិក ៣៦៥នាក់ ត្រូវបាននិរទេសចេញពីអាមេរិកទៅកាន់ហុងឌូរ៉ាស
08/23/2026 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.