នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់សម្ដេចតេជោ ហ៊ុន​ សែន​ ក្នុងពិធីខួប ៤៥ឆ្នាំ​ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម

2022/06/20 06:29:57 pm        888
Facebook Telegram Linkin
ត្បូងឃ្មុំ៖ នៅព្រឹកថ្ងៃទី២០ ខែមិថុនា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម Pham Minh Chinh នាយករដ្ឋមន្ត្រី​វៀតណាម បានអញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅ​ព្រំដែន​កម្ពុជា-វៀតណាម ក្នុងខេត្តត្បូងឃ្មុំ។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន​ សែន​៖- សម្តេចតេជោ ហ៊ុន សែន បានបញ្ជាក់ឡើងវិញពីប្រវត្តិ នៃដំណើរតស៊ូរបស់សម្តេច និងយុទ្ធមិត្ត កាលពីរយៈពេល ៤៥ឆ្នាំមុន នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម ក្នុងខេត្តត្បូងឃ្មុំ។- សម្តេចតេជោ ហ៊ុន សែន បានបញ្ជាក់ថា ដំណើរ៤៥ឆ្នាំមុន គឺលទ្ធផលនៅថ្ងៃនេះ ដែលជាការតស៊ូរំដោះជាតិ នាំឱ្យកម្ពុជាមានសុខសន្តិភាព និងការអភិវឌ្ឍដូចពេលបច្ចុប្បន្ននេះ ខណៈដែលកម្ពុជាបានបន្តនូវសុខសន្តិភាព និងការរីកចម្រើនជាលំដាប់។- សម្តេចតេជោ ហ៊ុន សែន បានបញ្ជាក់ថា ប្រវត្តិសាស្ត្រ នៃកម្ពុជា គឺភស្តុងតាង​បញ្ជាក់ពីដំណើរតស៊ូ ប្តូរផ្តាច់ ដើម្បីជាតិ មាតុភូមិ ទឹកដី និងប្រជាជនកម្ពុជា។ ប្រវត្តិសាស្ត្រនេះ សម្តេចមិនចង់លើកឡើងឡើយ ព្រោះវាជារឿងឈឺចាប់បំផុត ដែលមនុស្សអាចទ្រាំបាន តែបើមិនលើកក៏មិនកើតដែរ ដើម្បីឱ្យប្រជាពលរដ្ឋកាន់ជ្រួតជ្រាប។- សម្តេចតេជោ ហ៊ុន សែន បានបញ្ជាក់ថា កាលពីរយៈពេល ៤៥ឆ្នាំមុន នៃដំណើរតស៊ូរំដោះជាតិ មានជំរើសមួយចំនួន ដែលសម្តេចត្រូវសម្រេចជ្រើសរើស តែអ្វីដែលសម្តេចបានជ្រើសរើសនាពេលនោះ គឺត្រូវឆ្លងដែនចូលទៅកាន់ប្រទេសវៀតណាម​ដោយខុសច្បាប់ ដើម្បីសុំអន្តរាគមន៍ជំនួយគាំទ្រផ្នែកប្រដាប់អាវុធ ដើម្បីរំដោះប្រជាជនកម្ពុជា​ពីរបបអាវខ្មៅ ឃោរឃៅ យង់ឃ្នង។- សម្តេចតេជោ ហ៊ុន សែន បានបញ្ជាក់ថា កាលពីអំឡុង ៤៥ឆ្នាំមុននោះ គឺជាការសម្រេចចិត្តស្លាប់-រស់ ដែលយើងមិនមានជម្រើសល្អជាងនោះឡើយ។ សម្តេចតេជោ ហ៊ុ ន សែន បញ្ជាក់ថា «អ្វីៗត្រូវចាប់ផ្តើមនៅទីនេះ គឺតំបន់កោះថ្ម-X-16»។- សម្តេចតេជោ ហ៊ុន សែន បានបញ្ជាក់ថា ពេលដែលសម្តេចចូលអុជធូបនៅតំបន់កោះថ្ម-X16 សម្តេចបានស្រក់ទឹកភ្នែក ស្រណោះអាល័យ ពន់ពេក ដែលក្នុងនាមយុវជនម្នាក់ បែរជាត្រូវទទួល​អំរែកដ៏ធ្ងន់ ដែលជាអំរែក ត្រូវតស៊ូដើម្បីជាតិ មាតុភូមិ និងប្រជាពលរដ្ឋកម្ពុជា ដែលកំពុងរង​ការកាប់សម្លាប់ដ៏ព្រៃផ្សៃបំផុត។- សម្តេចតេជោ ហ៊ុន សែន បានបញ្ជាក់ថា ខ្សែភាគយន្តខ្នាតធំរៀបរាប់ពីដំណើរចេញ​តស៊ូរំដោះជាតិកម្ពុជារបស់សម្តេចតេជោ ហ៊ុន សែន នាយករដ្ឋមន្ត្រី កាលពី៤៥ឆ្នាំមុន កំពុងដំណើរការថត និងផលិត ហើយនឹងត្រូវចាក់បញ្ចាំងនៅអំឡុងឆ្នាំ២០២៣ខាងមុខនេះ។- សម្តេចតេជោ ហ៊ុន សែន បានបញ្ជាក់ថា វៀតណាមជួយកម្ពុជា ហើយកម្ពុជា ក៏បានជួយវៀតណាមដូចគ្នាផងដែរ នៃដំណាក់កាលដ៏លំបាក រវាងប្រទេសទាំងពីរ ដែលបានញាំញីដោយសង្គ្រាមនៅវៀតណាម(វៀតណាមខាងជើង និងខាងត្បូង) និងអំពើប្រល័យពូជសាសន៍(នៅកម្ពុជា នៃរបបកម្ពុជាប្រជាធិបតេយ្យ)។- សម្តេចតេជោ ហ៊ុន សែន បានបញ្ជាក់ដោយសង្កត់ធ្ងន់ថា សម្តេចគឺជាអ្នកបង្កើតទ័ព និងដឹកនាំកងទ័ព ដើម្បីវាយផ្តួលរំលំរបបប្រល័យពូជសាសន៍ប៉ុលពត និងប្រឹងប្រែងទប់ទល់​មិនឱ្យ​របបដ៏ខ្មៅងងឹតនោះ កើតឡើងវិញលើទឹកដីដ៏កំសត់របស់យើងជាថ្មីម្តងទៀតឡើយ។- សម្តេចតេជោ ហ៊ុន សែន បានបញ្ជាក់ដោយចោទជាសំនួរថា តើការអន្តរាគមន៍របស់កងទ័ព​វៀតណាម​ចូលមកជួយរំដោះប្រជាជនកម្ពុជាត្រូវ ឬខុស? ចម្លើយ គឺតាមរយៈតុលាការកូនកាត់ កម្ពុជា-អង្គការសហប្រជាជាតិ ដែលកាត់ទោសមេដឹកនាំខ្មែរក្រហម ហើយតុលាការ​នោះមានឈ្មោះជាផ្លូវការថា អង្គជំនុំជម្រះវិសាម័ញ្ញក្នុងតុលាការកម្ពុជា ។- សម្តេចតេជោ ហ៊ុន សែន បានបញ្ជាក់ថា កងទ័ពរំដោះប្រជាជនវៀតណាម ដែលបានចូលមក​អន្តរាគមន៍ជួយវាយរំដោះប្រជាជនកម្ពុជាពីរបបប្រល័យពូជសាសន៍ប៉ុលពត បានដកចេញទៅវិញ នៅថ្ងៃទី៣០ ខែកញ្ញា ឆ្នាំ១៩៨៩ គឺមុនរយៈពេល២ឆ្នាំ នៃកិច្ចព្រមព្រៀងសន្តិភាពទី​ក្រុងបាវីស​ទៅទៀត ខណៈដែលក្រុមជំនាញការវៀតណាម បានដកចេញនៅថ្ងៃទី២ ខែមិថុនា ឆ្នាំ១៩៨៨ (មុន១ឆ្នាំ ដែលកងទ័ពវៀតណាមដកចេញ)។- សម្តេចតេជោ ហ៊ុន សែន បានបញ្ជាក់ថា សន្តិភាព បានកើតឡើងរយៈពេលជាង ៤៣ឆ្នាំមកហើយ ក្រោមការដឹកនាំរបស់គណបក្សប្រជាជនកម្ពុជា។ រយៈពេល ៤៣ឆ្នាំមកនេះ កម្ពុជាបានធ្វើកិច្ចការជាច្រើនជាមួយវៀតណាម ក្នុងនោះសម្រេចការបោះបង្គោលព្រំដែន ៨៤ភាគរយ ខណៈដែលចំណុចសេសសល់ ១៦ភាគរយទៀត កំពុងដំណើរការជាបន្តបន្ទាប់ ដោយឈរលើទស្សនវិស័យព្រំដែនសន្តិភាព មិត្តភាព និងកិច្ចសហប្រតិបត្តិការ​ជាមួយប្រទេសជិតខាង។- សម្តេចតេជោ ហ៊ុន សែន បានប្រកាសបញ្ជាក់ថា «កម្ពុជាមិនអាចឱ្យបាត់បង់ទឹកដីចូលទៅកាន់​ប្រទេសវៀតណាម ហើយវៀតណាម ក៏មិនចង់បានទឹកដីកម្ពុជាដូចគ្នាផងដែរ»។ សម្តេចបញ្ជាក់ថា កម្ពុជារក្សាឱ្យបានទឹកដី ដែលបន្សល់ទុកដោយអាណានិគមន៍និយមបារាំង។- សម្តេចតេជោ ហ៊ុន សែន បានប្រកាសថា មិនមែនតែបូរណភាពទឹកដីកម្ពុជា ជាមួយ​ប្រទេសវៀតណាម​នោះទេ ជាមួយប្រទេសក្បែរខាងផ្សេងទៀត ក៏មិនឱ្យមាន​ការបាត់បង់​ទឹកដីដូចគ្នា សូមប្រជាពលរដ្ឋស្ងប់ចិត្ត និងទុកចិត្តលើការដឹកនាំរបស់សម្តេច និងគណបក្សប្រជាជនកម្ពុជា។- សម្តេចតេជោ ហ៊ុន សែន បានប្រកាសថា នាពេលអនាគតតំបន់កោះថ្ម X-16 នឹងក្លាយ​តំបន់អភិវឌ្ឍន៍ ខណៈដែលច្រកទ្វារអន្តរជាតិព្រំដែនរវាងកម្ពុជា-វៀតណាម នៅតំបន់នោះ នឹងត្រូវបង្កើតឡើង ហើយការដោះដូរទំនិញ និងផលប្រយោជន៍​រវាងប្រទេសទាំង​ពីរក៏មានភាពមមារញឹកផងដែរ។- សម្តេចតេជោ ហ៊ុន សែន ជំរុញដល់ឯកឧត្តម ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់, នាយឧត្តមសេនីយ៍ សៅ សុខា និងអាជ្ញាធរមូលដ្ឋាន ត្រូវរក្សាទុកដីបម្រុងទុករបស់រដ្ឋនៅតំបន់កោះថ្ម X-16 ជាង១.០០០ហិកតា(មួយពាន់ហិកតា)ឱ្យបាន ដើម្បីទុកវិនិយោគមន៍តាមតម្រូវការ នៃការរីកចម្រើននៅតំបន់នោះ។- សម្តេចតេជោ ហ៊ុន សែន បានបញ្ជាក់ថា បាយមួយពេលរបស់ប្រជាជនវៀតណាម ដែលផ្តល់​ជូនសម្តេច និងយុទ្ធមិត្តកាលពី៤៥ឆ្នាំមុន គឺជាអាហារ ដ៏មានគុណតម្លៃមិន​អាចប្រៀបធៀប​បានឡើយ។ សម្តេចតេជោ ហ៊ុន សែន បញ្ជាក់ថា «ព្រោះតែអាហារមួយពេលនោះ នាំឱ្យកម្ពុជា​សល់ស្រូវ-អង្ករ​រាប់លានតោននាពេលនេះ»។បងរឹម, [6/20/2022 11:23 AM]- សម្តេចតេជោ ហ៊ុន សែន បានប្រកាសថា កម្ពុជាមិនត្រូវឱ្យមានឱនភាពសេដ្ឋកិច្ចដោយសារវិបត្តិ នៃជំងឺកូវីដ-១៩នោះឡើយ ខណៈដែលកម្ពុជានៅមានការវាយតម្លៃកម្រិតខ្ពស់ នៃកំណើនសេដ្ឋកិច្ចប្រចាំឆ្នាំដោយអង្គភាពសេដ្ឋកិច្ចធំៗ ដើម្បីសម្រេចគោលដៅចក្ខុវិស័យកម្ពុជា ២០៣០ ជាប្រទេសមានចំណូលមធ្យមកម្រិតខ្ពស់ និងជាប្រទេសមានមានចំណូលខ្ពស់ នៅឆ្នាំ២០៥០។- សម្តេចតេជោ ហ៊ុន សែន ប្រកាសអំពាវនាវដល់ប្រជាពលរដ្ឋ​ឱ្យបន្តប្រុងប្រយ័ត្ន​ពីការឆ្លង​រីករាលដាលជំងឺកូវីដ-១៩ និងនាំគ្នាទៅទទួលយកវ៉ាក់សាំងបង្ការជំងឺកូវីដ-១៩ ទាំងដូសមូលដ្ឋាន និងដូសជំរុញ។- សម្តេចតេជោ ហ៊ុន សែន បានបញ្ជាក់ថា ដំណើរការវ៉ាក់សាំងកូវីដ-១៩ នៅតែបន្តចាក់​ជូន​ប្រជាពលរដ្ឋ​ដោយមិនគិតថ្លៃ ទោះជាតម្រូវការចាក់វ៉ាក់សាំងបង្ការជំងឺកូវីដ-១៩ ទាំងនោះ​អូសបន្លាយ​ដល់ដូសទី២០ក៏ដោយ។សង្កថាសម្តេចតេជោ ហ៊ុន សែន នាយករដ្ឋមន្ត្រី ចប់នៅវេលាម៉ោង១១ និង២២នាទី

សម្តេចតេជោ ហ៊ុន សែន កំពុង​មានប្រសាសន៍​ក្នុងឱកាស​នៃការប្រារព្ធ​ទិវាចងចាំ​ដំណើរឆ្ពោះទៅ​ការ​ផ្ដួលរំលំរបបប្រល័យពូជសាសន៍ប៉ុលពត

2022/06/20 05:11:10 pm        412
Facebook Telegram Linkin
ភ្នំពេញ៖ នៅព្រឹកថ្ងៃទី២០មិថុនានេះ សម្តេចតេជោ ហ៊ុន សែន នាយករដ្ឋមន្ត្រី​បាន​អញ្ជើញ​ថ្លែង​សំណេះ​សំណាល​​ក្នុងឱកាស នៃការប្រារព្ធទិវាចងចាំដំណើរឆ្ពោះទៅការផ្ដួលរំលំ របប​ប្រល័យ​ពូជ​សាសន៍​ប៉ុល​ ពត។សម្ដេចតេជោ ហ៊ុន សែន មានប្រសាសន៍ថា រយៈពេល៤៥ឆ្នាំ បានកន្លងផុត ជាមួយ​នឹង​កិច្ចការ​ជា​ច្រើន​បានវិវឌ្ឍន៍រវាងប្រទេសទាំងពីរ ដោយចំណងមិត្តភាពកាន់តែស៊ីជម្រៅ និង​បាន​ធ្វើ​កិច្ចការ​ជា​ច្រើន​ដែល​ជា​ផលប្រយោជន៍កម្ពុជា-វៀតណាម។ សូមទស្សនាប្រសាសន៍ទាំងស្រុងសម្តេចតេជោ ហ៊ុន សែន ដូចតទៅ៖

សម្តេចតេជោ ៖ បាយមួយពេលដែលប្រជាជនវៀតណាមផ្តល់ជូនសម្តេចកាលពី ៤៥ឆ្នាំមុន ប្រៀបបាន​ដូចជា​អង្ករ​រាប់​លាន​តោន​នា​ពេលសព្វថ្ងៃនេះ

2022/06/20 05:01:27 pm        1351
Facebook Telegram Linkin
ត្បូងឃ្មុំ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា បាយ​មួយ​ពេល​ដែលប្រជាជនវៀតណាមបានផ្តល់ជូនសម្តេច និង​សមមិត្ត​ដ៏​ស្មោះស្ម័គ្រ​ចំនួន​ ៤រូប​ផ្សេង​ទៀត​កាល​ពី​ ៤៥ឆ្នាំមុន ប្រៀបបានដូចជាអង្កររាប់លានតោននាពេលសព្វថ្ងៃនេះ ខណៈ​បាយ​មួយ​ពេល​នោះ​ពិត​ជាមានគុណបំណាច់ដ៏ធំធេងដល់សម្តេចក៏ដូចជាប្រជាជនកម្ពុជាទាំងមូលផងដែរ។ថ្លែងនៅក្នុងកិច្ចជំនួបជាមួយ ឯកឧត្តម Pham Minh Chinh នាយករដ្ឋមន្ត្រីវៀតណាម នៅ​ព្រឹក​ថ្ងៃ​ទី២០ ខែមិថុនា ឆ្នាំ២០២២នេះ មុននឹងចាប់ផ្តើមប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅ​ព្រំដែនកម្ពុជា-វៀតណាម ក្នុងខេត្តត្បូងឃ្មុំសម្តេចតេជោ ហ៊ុន សែន បាន​បញ្ជាក់ថា​ក្នុង​ដំណើរ​ឆ្ពោះ​ទៅ​កាន់​ការផ្តួល រំលំរបបប្រល័យពូជសាសន៍របស់សម្តេច និងយុទ្ធមិត្តចំនួនបួនរូបទៀត នា​ពេល​នោះ​គឺ​ពិត​ជាមានការប្រថុយប្រថាន និងសង្ឃឹម​មាន​ជីវិតតិចតួចណាស់ ខណៈ​ដំណើរ​ដ៏​គ្រោះថ្នាក់​នោះ​ គឺ​មានគោលបំណងចង់បានកម្លាំងរបស់ប្រទេសវៀតណាម មក​សង្រ្គោះ​កម្ពុជា​ឲ្យ​រួច​ផុត​ពី​កណ្តាប់ដៃពិឃាត​ដ៏ឃោឃៅរបស់ ប៉ុល ពតនោះ។សម្តេចតេជោ ហ៊ុន សែន នាយករដ្ឋមន្រ្តីក៏បានបញ្ជាក់បន្ថែមទៀតថា បច្ចុប្បន្នទីតាំងកោះថ្ម «X16» ​ឃុំទន្លូង ស្រុកមេមត់ ខេត្តត្បូងឃ្មុំនេះ គឺជាកន្លែងប្រវត្តិសាស្រ្តដ៏ជួរចត់បំផុត ហើយ​តំបន់​នេះ​បាន​សាងសង់នូវសំណង់មួយចំនួនរួចរាល់ហើយដូចជា សាលាដំណាក់, វេទិកាប្រារព្ធពិធី, ស្រះទឹក, បន្ទប់អនាម័យ, ទីលានបាល់ទាត់, ប្រព័ន្ធរំដោះទឹក ចាក់ដីបំពេញ, បំពាក់​អំពូល​អគ្គិសនី​បំភ្លឺ​ជា​ដើម ខណៈនាពេលខាងមុខតំបន់នេះនឹងបើកច្រកអន្តរជាតិធំ រួម​ទាំង​បង្កើត​ឲ្យ​មា​ន​តំបន់​សេដ្ឋកិច្ចពិសេសផងដែរ ដើម្បីបង្កើនការងារជូនប្រជាពលរដ្ឋឲ្យបានកាន់តែច្រើននោះ៕ អត្ថបទ៖ បាន ចក់

សម្ដេចតេជោ ហ៊ុន​ សែន ប្រកាសពីគោលបំណងបើកច្រកព្រំដែនកម្ពុជា-វៀតណាម តំបន់កោះថ្ម

2022/06/20 04:12:17 pm        1692
Facebook Telegram Linkin
ត្បូងឃ្មុំ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ​បាន​ប្រកាស​ពី​គោល​បំណង​បើក​ច្រក​ព្រំដែន​កម្ពុជា-វៀតណាម នៅតំបន់កោះថ្ម ដើម្បីសម្រួលដល់ការធ្វើដំណើរ និង​ផ្លាស់​ប្តូរ​ពាណិជ្ជ​កម្ម​រវាង​ប្រទេសទាំងពីរ កម្ពុជា-វៀតណាម។ក្នុងឱកាសអញ្ជើញរំលឹកខួបទី៤៥ ទិវានៃការចងចាំដំណើរឆ្ពោះទៅការសង្គ្រោះជាតិ ពី​របប​ប្រល័យ​ពូជសាសន៍ប៉ុលពត នាថ្ងៃទី២០ ខែមិថុនា ឆ្នាំ២០២២ នៅខេត្តត្បូងឃ្មុំ សម្ដេច​តេជោ​នាយក​រដ្ឋមន្ត្រី មានប្រសាសន៍ថា រយៈពេល៤៥ឆ្នាំ បានកន្លងផុត ជាមួយ​នឹង​កិច្ច​ការ​ជា​ច្រើន​បាន​វិវឌ្ឍន៍​រវាង​ប្រទេសទាំងពីរ ដោយចំណងមិត្តភាពកាន់តែស៊ីជម្រៅ និងបានធ្វើកិច្ចការ​ជា​ច្រើន​ដែល​ជា​ផល​ប្រយោជន៍កម្ពុជា-វៀតណាម ។សម្ដេចតេជោ បានបន្តថា ហេដ្ឋារចនាសម្ព័ន្ធ ដែលបានតភ្ជាប់នៅតំបន់កោះថ្ម ក៏ត្រូវបានអភិវឌ្ឍន៍ ហើយ​សម្ដេច និងនាយករដ្ឋមន្ត្រីវៀតណាម នៅថ្ងៃក្រោយ ក្នុងពេលវេលាសមស្រប អាច​នឹង​បើក​ច្រក​នេះ ទៅជាច្រកអន្តរជាតិមួយ ។សម្ដេច​តេជោ ហ៊ុន សែន បានបន្ថែមថា ការបើកច្រកទ្វារអន្តរជាតិនេះ ត្រូវបំពេញ​ការងារ​មួយ​ចំនួន​ទាក់ទិននឹងការកសាងហេដ្ឋរចនាសម្ព័ន្ធ ការបំពេញនីតិវិធីផ្ទៃក្នុង ដើម្បីឈាន​ទៅ​សម្រេច​បើក​ច្រក​ព្រំដែន ដែលត្រូវជាច្រកព្រំដែនអន្តរជាតិ បើបើកបាននៅតំបន់នេះ នឹងធ្វើ​ឲ្យ​ប្រទេស​ទាំង​ពីរ មានទំនាក់ទំនងកាន់តែជិតស្និទ្ធ ជាមួយនឹងច្រកពាណិជ្ជកម្ម ដែល​ប្រទេស​ទាំង​ពីរ​កំពុង​មាន​ការ​រីកចម្រើនយ៉ាងខ្លាំង ។គួរបញ្ជាក់ថា កម្ពុជា-វៀតណាម មានច្រកអន្តរជាតិជាមួយគ្នាជាច្រើនកន្លែង មានដូចជា ច្រកអន្តរ​ទ្វារ​ជាតិអូរយ៉ាដាវ ខេត្តរតនគិរី, ច្រកទ្វារអន្តរជាតិដាក់ដាំ ខេត្តមណ្ឌលគិរី ច្រកទ្វារអន្តរជាតិបាវិត ខេត្តស្វាយរៀង, ច្រកទ្វារអន្តរជាតិម៉ឺនជ័យ ខេត្តព្រៃវែង និងច្រកទ្វារអន្តរជាតិត្រពាំងស្រែ ខេត្ត​ក្រចេះ​ជាដើម ដែលច្រកទ្វារអន្តរជាតិទាំងអស់នោះ បានបម្រើផល​ប្រយោជន៍​ជា​ច្រើនរ​វាង​ប្រទេស​ទាំងពីរ ក្នុងការធ្វើពាណិជ្ជកម្ម និងការឆ្លងចេញចូលរបស់ពលរដ្ឋ៕ 

សម្តេចតេជោ ហ៊ុន សែន អញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម

2022/06/20 02:31:49 pm        1430
Facebook Telegram Linkin
ត្បូងឃ្មុំ៖ សម្តេចតេជោ​ ហ៊ុន សែន នាយករដ្ឋមន្ត្រី និង ឯកឧត្តម Pham Minh Chinh នាយករដ្ឋមន្ត្រីវៀតណាម នោព្រឹកថ្ងៃទី២០ ខែមិថុនា ឆ្នាំ២០២២នេះ បានអញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម ក្នុងខេត្តត្បូងឃ្មុំ។គួររំលឹកថា នៅថ្ងៃទី២០ ខែមិថុនា ឆ្នាំ២០២២ នេះគឺជាខួបគម្រប់ ៤៥ឆ្នាំ នៃដំណើរតស៊ូឆ្ពោះទៅរកការរំដោះជាតិរបស់សម្តេចតេជោ ហ៊ុន សែន និងយុទ្ធមិត្ត ដើម្បីរំដោះជាតិ និងប្រជាជនកម្ពុជាចេញពីការកាប់សម្លាប់របស់ខ្មែរក្រហម។ ថ្ងៃទី២០ ខែមិថុនា ឆ្នាំ១៩៧៧ ជាពេលដែលសមមិត្ត ហ៊ុន សែន ក្នុងវ័យ ២៥ឆ្នាំ រួមនឹងយុទ្ធមិត្តដ៏ស្ម័គ្រស្មោះ ៤រូបផ្សេងទៀត បានសម្រេចចិត្តក្នុងស្ថានភាពដ៏តាន់តឹងបំផុតលាចាកទឹកដី លាចាកឧត្តមភរិយា និងកូនក្នុងផ្ទៃជាទីស្រឡាញ់ធ្វើដំណើរជ្រែកស្បៃរាត្រីឆ្លងកាត់ព្រំដែនទាំងគ្រោះថ្នាក់បំផុត ឆ្ពោះទៅកាន់ប្រទេសវៀតណាម ដើម្បីស្វែងរកគាំទ្រក្នុងការរំដោះជាតិ និងប្រជាជនកម្ពុជា ចេញពីក្រញាំបិសាចដ៏សែនឃោរឃៅ ប៉ុលពត។ផ្តេីមចេញពីដំណើរតស៊ូជាមួយទឹកចិត្តដ៏មុះមុតនោះហើយ ទើបនាំឱ្យមានការរំដោះប្រទេសជាតិ និងប្រជាជនកម្ពុជា ចេញពីរបបវាលពីឃាត ប៉ុល ពត នៅថ្ងៃទី០៧ ខែមករា ឆ្នាំ១៩៧៩ ហើយឈានឆ្ពោះទៅរកការបិទបញ្ចប់ភ្លើងសង្គ្រាម បិទបញ្ចប់ការបែកបាក់ជាតិ នាំមកនូវការបង្រួបបង្រួមជាតិ ឯកភាពជាតិ និងការកសាងអភិវឌ្ឍប្រទេសឱ្យរីកចម្រើនដូចពេលបច្ចុប្បន្ន។ដើម្បីរំលឹកដល់ស្លាកស្នាមប្រវត្តិសាស្ត្រដ៏មានគុណតម្លៃសម្រាប់ជាតិ និងប្រជាជន និងដើម្បីគាសរំលើងឱ្យឃើញនូវវីរភាពរបស់កុលបុត្រខ្មែរក្នុងការតស៊ូដើម្បីជាតិ និងប្រជាជនសម្រាប់កុលបុត្រខ្មែរជំនាន់ក្រោយនោះ នៅឆ្នាំ២០១៧ ដែលជាខួប ៤០ឆ្នាំនៃការចេញតស៊ូនេះ សម្តេចតេជោ ហ៊ុន សែន រួមនឹងយុទ្ធមិត្តដែលនៅមានជីវិត បានធ្វើដំណើររួមគ្នាទៅកាន់គ្រប់ចំណុចក្នុងដំណាក់កាលតស៊ូនោះ។​ ចាប់តាំងពីឆ្នាំ២០១៧នោះមក ក្រសួងការពារជាតិ ក៏បានទទួលភារកិច្ចរៀបចំប្រារព្ធពិធីមួយនេះជារៀងរាល់ឆ្នាំ។ បន្ថែមពីលើនោះ ក៏មានការរៀបចំសាងសង់នូវសំណង់នានា នៅលើតំបន់ប្រវត្តិសាស្ត្រមួយនេះផងដែរ ដើម្បីតម្កល់ទុកជាមរតកដល់មនុស្សជំនាន់ក្រោយ។បច្ចុប្បន្ននេះ នៅតំបន់ស្លាកស្នាមប្រវត្តិសាស្ត្រមួយនេះ ក៏មានការសាងសង់នូវសំណង់មួយចំនួនរួចរាល់ហើយដូចជា សាលាដំណាក់, វេទិកាប្រារព្ធពិធី, ស្រះទឹក, បន្ទប់អនាម័យ, ទីលានបាល់ទាត់, ប្រព័ន្ធរំដោះទឹក ចាក់ដីបំពេញ, បំពាក់អំពូលអគ្គិសនីបំភ្លឺជាដើម ហើយលទ្ធផលទាំងអស់នេះត្រូវសម្ពោធដាក់ឲ្យប្រើប្រាស់ជាផ្លូវការនាថ្ងៃនេះផងដែរ៕

ក្រសួងអប់រំ ប្រកាសលទ្ធផលជ័យលាភីសិស្សពូកែទូទាំងប្រទេស សម្រាប់បេក្ខជនសិស្សថ្នាក់ទី៩ និងថ្នាក់ទី១២

2022/06/19 08:10:43 pm        923
Facebook Telegram Linkin
សៀមរាប៖ ក្រសួងអប់រំយុវជន និងកីឡា នៅថ្ងៃទី១៩ ខែមិថុនា ឆ្នាំ២០២២នេះ បាន​ប្រកាស​លទ្ធផល​ប្រឡង​​សិស្សពូកែទូទាំងប្រទេស សម្រាប់បេក្ខជនសិស្សថ្នាក់ទី៩ និងថ្នាក់ទី១២ បន្ទាប់​បាន​បើក​ការប្រឡងអស់រយៈពេល៧ថ្ងៃ ចាប់ពីថ្ងៃទី១៣ដល់ថ្ងៃទី១៥ ខែមិថុនា ឆ្នាំ២០២២ នេះ ។ ការប្រកាសលទ្ធផលនេះ ធ្វើឡើងនៅវិទ្យាល័យ១០មករា១៩៧៩ នាខេត្ដសៀមរាប ។ឯកឧត្ដម ហង់ ជួនណារ៉ុន រដ្ឋមន្ដ្រីក្រសួងអប់រំយុវជន និងកីឡា មានប្រសាសន៍ថា ការ​ប្រឡង​ជ្រើស​រើស​សិស្សពូកែទូទាំងប្រទេសនេះ គឺជាការប្រគួតដ៍ត្រឹមត្រូវបំផុត ដោយមាន​បេក្ខជន​ប្រឡង​ជាប់​ជ័យលាភីចំនួន ៦០នាក់ ក្នុងនោះមានចំណាត់ពីថ្នាក់លេខ១ដល់លេខ១០ សម្រាប់​ថ្នាក់​ទី១២ និងពីលេខ១ដល់លេខ១០ សម្រាប់ថ្នាក់ទី៩ លើវិញ្ញាសារមុខវិជ្ជាអក្សសិល្ប៍ រូបវិទ្យា និង​គណិតវិទ្យា។​ ឯកឧត្ដម​បាន​កោត​សរសើរ​ដល់​បេក្ខជន​ដែល​បាន​ខិតខំ​យក​ចិត្ដ​ទុក​ដាក់​ព្យាយាម​សិក្សារៀនសូត្ររហូតទទួលបានជ័យលាភីសិស្សពូកែទូទាំងប្រទេស ។ ឯកឧត្ដម​បាន​បញ្ជាក់​ថា បើទោះបីក្លាយខ្លួនជាសិស្សពូកែហើយក្ដី ​ក្មួយៗ​ដែល​ជាប់​ជាជ័យ​លាភី​សិស្ស​ពូកែ​ទូទាំង​ប្រទេស​មិនត្រូវភ្លេចខ្លួននោះទេ ត្រូវខិតខំសិក្សាឈ្វេងយល់រៀន​​សូត្រ​បន្ថែម​ទៀត​ទើប​សម្រេច​បាន​នូវជោគជ័យក្នុងជីវិត។ ទន្ទឹមគ្នានេះ ចំពោះសិស្សដែលបានមកប្រឡងហើយមិនជាប់ជាជ័យលាភី ក៏មិន​ត្រូវ​បាក់​ទឹក​ចិត្ត​នោះ​ដែរ ព្រោះថា ការប្រឡង​នេះមិនមែនជាការកំណត់អ្នកណាជាអ្នកជោគជ័យ អ្នក​ណា​បរាជ័យ​នោះ​ដែរ​។ ឯកឧត្ដម ក៏បានក្រើនរំឭកដល់សិស្សានុសិស្សទាំងអស់ ត្រូវ​បន្ថែម​នូវ​ការ​ខិតខំ​រៀន​សូត្រ​របស់​ខ្លួនបន្តទៀត ហើយកំណត់​គោល​ដៅ​ជីវិត​ក្នុង​ការ​ចាប់​យក​ចំណេះជំ​នាញ​ឲ្យ​ច្បាស់​លាស់ ដើម្បីងាយស្រួលក្នុងពេលដែលបញ្ចប់ការសិក្សានៅសាលាចំណេះទូទៅ យើងអាច​ស្វែង​រក​សាលា​បណ្តុះបណ្តាលនៅឧត្តមសិក្សាត្រូវតាមក្តីស្រមៃរបស់យើង។បេក្ខជន​ជាប់ជ័យលាភី បានសម្ដែងការសប្បាយចិត្ដ ក្រោយពី​ទទួល​បាន​ជោគជ័យ​លើ​ការប្រឡងនេះ ។ បេក្ខជនជ័យលាភីបន្ដថា ការប្រលងសិស្សពូកែនេះមានការលំបាកខ្លះៗ ប៉ុន្ដែពួក​គាត់​អាចធ្វើបានដូចការរំពឹងទុក ដោយការប្រឡងនេះ មាន​ភាព​សុក្រិត្យ​ និង​យុត្ដិធម៌​ត្រឹម​ត្រូវ​ក្នុង​រយៈ​ពេល ៣ថ្ងៃកន្លងមកនេះ។យោងតាមសេចក្តីប្រកាសរបស់គណៈកម្មការរៀបចំការប្រឡងនេះ បង្ហាញថា សម្រាប់​លទ្ធផល​ប្រឡង​សម្រាប់សិស្សថ្នាក់ទី៩ និងថ្នាក់ទី១២ នាពេលនេះ មានបេក្ខជន បេក្ខនារីចំនួន ៦០នាក់ ដែលទទួលបានជ័យលាភី។ ក្នុងនោះសម្រាបថ្នាក់ទី៩ ចំនួន ៣០នាក់ រួមមាន៖ ភ្នំពេញ ៧នាក់, សៀមរាប ៤នាក់, ព្រៃវែង ៦នាក់, កណ្ដាល ៤នាក់, កំពត ៣នាក់, កំពង់ចាម ២នាក់, កំពង់ឆ្នាំង ២នាក់ បន្ទាយមានជ័យ ១នាក់, ត្បូងឃ្មុំ ១នាក់ ដោយឡែកថ្នាក់ទី១២ ចំនួន ៣០នាក់ រួមមាន៖ ភ្នំពេញ ៥នាក់, ព្រៃវែង ៥នាក់, កំពង់ចាម ៤នាក់, តាកែវ ៤នាក់, សៀមរាប ៣នាក់, កំពង់ឆ្នាំង ៣នាក់, កណ្ដាល់ ២នាក់, កំពង់ ២នាក់, ពោធិ៍សាត់ ១នាក់ និង បន្ទាយមានជ័យ ១នាក់។សិស្សកម្រិតថ្នាក់ទី៩ ជ័យលាភីផ្នែកអក្សរសិល្បិ៍ខ្មែរ មានចំនួន ១០នាក់ ផ្នែករូបវិទ្យា ១០នាក់ និង ផ្នែកគណិតវិទ្យា១០នាក់ និងសិស្សកម្រិតថ្នាក់ទី១២ ជ័យលាភីផ្នែកអក្សរសិល្ប៍ខ្មែរចំនួន ១០នាក់ ផ្នែករូបវិទ្យា ១០នាក់ និងផ្នែកគណិតវិទ្យា ១០នាក់។សូមបញ្ជាក់ថា មុខវិជ្ជាដែល​បាន​ប្រឡងរួមមាន អក្សសិល្ប៍ រូបវិទ្យា និងគណិតវិទ្យា ដែល​បេក្ខជន​ដែល​មក​ចូលរួម​ប្រឡងនៅពេលនេះ មានចំនួន ៤៨០នាក់ មកពី២៩៤សាលា លើចំនួន​គ្រឹះ​ស្ថាន​មធ្យម​សិក្សា​សរុប ១៨១២នៅទូទាំងប្រទេស៕

កម្ពុជានឹងចាប់ផ្តើមធ្វើជាម្ចាស់ផ្ទះនៃកិច្ចប្រជុំរដ្ឋមន្រ្តីការពារជាតិអាស៊ានពីថ្ងៃទី២១-២២ ខាងមុខនេះ

2022/06/17 09:35:42 pm        702
Facebook Telegram Linkin
ភ្នំពេញ៖ កម្ពុជានឹងចាប់ផ្តើមធ្វើជាម្ចាស់ផ្ទះនៃកិច្ចប្រជុំរដ្ឋមន្រ្តីការពារជាតិអាស៊ានលើកទី១៦ (16thADMM) និងកិច្ចប្រជុំរដ្ឋមន្រ្តីការពារជាតិអាស៊ានបូក ចាប់ពីថ្ងៃទី២១ ដល់ថ្ងៃទី២២ ខែមិថុនា ឆ្នាំ២០២២នេះ ខណៈកិច្ចប្រជុំនេះ នឹងមានប្រតិភូតំណាង និងរដ្ឋមន្រ្តីការពារជាតិអាស៊ានទាំង ១០ប្រទេស និងរដ្ឋមន្រ្តីក្រសួងការពារជាតិជប៉ុនចូលរួមផងដែរ។ថ្លែងនៅក្នុងសន្និសីទសារព័ត៌មាន នាព្រឹកថ្ងៃទី១៧ ខែមិថុនា ឆ្នាំ២០២២នេះ នាយឧត្តមសេនីយ៍ ណឹម សុវត្ថិ ទីប្រឹក្សាពិសេសសម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ បានថ្លែងថា នៅក្នុងកិច្ចប្រជុំADMM នាពេលខាងមុខនេះ នឹងពិភាក្សាគ្នាជាច្រើនទាក់ទងបញ្ហាសន្តិសុខ ក្នុងតំបន់ក៏ដូចជាពិភពលោក រួមទាំងពិភាក្សាលើ​ឯកសារទស្សនទាន ជាច្រើនទៀត ដែលរដ្ឋមន្រ្តីការពារជាតិអាស៊ាន បាន ចេញនាពេលកន្លងទៅ។សូមបញ្ជាក់ថា កិច្ចប្រជុំរដ្ឋមន្រ្តីការពារជាតិអាស៊ាន និងកិច្ចប្រជុំរដ្ឋមន្រ្តីការពារជាតិអាស៊ាន​បូក​លើកទី១៦ ដែលកម្ពុជាធ្វើជាម្ចាស់ផ្ទះនាពេលនេះ នឹងពិភាក្សា និងពិនិត្យសម្រេចលើសំណើរ​របស់ឥណ្ឌាសុំរៀបចំលំហាត់លម្ហសមុទ្រអាស៊ាន-ឥណ្ឌា និងសម្រេចលើការរៀបចំកិច្ចប្រជុំក្រៅ​ផ្លូវការ ​រវាងរដ្ឋមន្រ្តីការពារជាតិអាស៊ាន ​ជាមួយប្រទេសបូកមួយចំនួននៅខែវិច្ឆិកា ឆ្នាំ២០២២ផងដែរ។ក្នុងអំឡុងនៃកិច្ចប្រជុំរដ្ឋមន្រ្តីការពារជាតិអាស៊ាន ក៏នឹងមានការរៀបចំកិច្ចប្រជុំក្រៅផ្លូវការរវាង​រដ្ឋមន្រ្តីការពារជាតិអាស៊ាន-ជប៉ុនជា​រូបវន្ត​ និងកិច្ចប្រជុំក្រៅផ្លូវការរវាងរដ្ឋមន្រ្តីការពារជាតិអាស៊ាន-ចិន តាម ទម្រង់ប្រព័ន្ធវិដេអូផងដែរ។ ជាមួយកិច្ចប្រជុំនេះរដ្ឋមន្រ្តីការពារជាតិអាស៊ាន​ ប្រតិភូបណ្តាសមាជិកអាស៊ាន និងអគ្គលេខាធិការដ្ឋាន​អាស៊ានទាំងអស់ក៏នឹងចូលជួបសម្តែងការគួរសម ជាមួយសម្តេច​អគ្គមហា​សេនា​បតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាផងដែរ៕ អត្ថបទ បាន ចក់

គ.ជ.ប ពន្លឿនការដោះស្រាយបណ្តឹងសេសសល់ ខណៈការទទួលបណ្តឹងបញ្ចប់នៅថ្ងៃនេះ

2022/06/17 08:23:30 pm        418
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) កំពុងពន្លឿនការដោះស្រាយបណ្តឹង​សេសសល់ ខណៈការទទួលពាក្យបណ្តឹងនឹងបញ្ចប់នៅថ្ងៃនេះ។ នេះបើតាមការឱ្យដឹងពីអ្នកនាំពាក្យ (គ.ជ.ប) ។ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត នៅថ្ងៃនេះ បានប្រាប់ ថ្លែងប្រាប់BTVថា ក្រោយពីការបោះឆ្នោតក្រុមប្រឹក្សាឃុំ-សង្កាត់ ក៏ដូចជាដំណាក់កាលបិទផ្សាយ​លទ្ធផលបណ្តោះអាសន្នបានបញ្ចប់ គជប បានទទួលបណ្តឹងសរុបនៅទូទាំងប្រទេសចំនួនជាង ២០០បណ្តឹង ក្នុង នោះមានបណ្តឹងពាក់ព័ន្ធដំណាក់កាលឃោសនាបោះឆ្នោត ចំនួនប្រមាណ ១០០បណ្តឹង និងបណ្តឹងពាក់ ព័ន្ធនឹងលទ្ធផលបោះឆ្នោត ចំនួនជាង១០០បណ្តឹង។ស្របពេលថ្ងៃនេះ ជាថ្ងៃចុងក្រោយ នៃការដាក់ពាក្យបណ្តឹងពាក់ព័ន្ធនឹងការបោះឆ្នោត ឯកឧត្តម ហង្ស ពុទ្ធា បានបញ្ជាក់ថា ប្រសិនក្នុងករណីមានការដាក់ពាក្យបណ្តឹងបន្ថែម គ.ជ.ប នឹងពន្យាពេលចំនួន ៤ថ្ងៃ ដើម្បីពិចារណាលើបណ្តឹងទាំងនោះ។ជុំវិញបណ្តឹងសេសសល់ចំនួន៦ ដែលពុំទាន់បញ្ចប់ការដោះស្រាយ ឯកឧត្តម ហង្ស ពុទ្ធា បាន លើកឡើងថា ក្នុងសេចក្តីចែងនីតិវិធីរបស់ គ.ជ.ប មានសិទ្ធិដោះស្រាយក្នុងពេលវេលាសមស្រប និងពន្យា ពេលដោះស្រាយបណ្តឹងទាំងនេះផងដែរ។គួរបញ្ជាក់ថា គ.ជ.ប គ្រោងប្រកាសលទ្ធផលផ្លូវការបោះក្រុមប្រឹក្សាឆ្នោតឃុំ-សង្កាត់ នៅថ្ងៃទី២៦ ខែមិថុនានេះ ខណៈលទ្ធផលផ្លូវការ ​អាចនឹងប្រកាសមុន​កាលបរិច្ឆេទ ប្រសិនការដោះស្រាយ​បាន​បញ្ចប់ កំឡុងសប្តាហ៍ក្រោយ៕អត្ថបទ៖ សេក ឧត្តម

បក្សនយោបាយ គាំទ្រការចាត់វិធានការច្បាប់ចំពោះបុគ្គលបំភ្លៃការពិតជុំវិញការបោះឆ្នោត

2022/06/16 08:36:17 pm        551
Facebook Telegram Linkin
ភ្នំពេញ៖ គណបក្សនយោបាយនានា បានសម្តែងការគាំទ្រចំពោះ គ.ជ.ប ជុំវិញការចាត់វិធានការច្បាប់លើបុគ្គលបំភ្លៃការពិតពាក់ព័ន្ធ នឹងការបោះឆ្នោតឃុំ-សង្កាត់ កាលពីដើមខែមិថុនានេះ។បន្ទាប់ពីគណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្តីថ្លែងការណ៍​ចាត់ទុក​ការ​បំភ្លៃរបស់​លោក សុន ឆ័យ អនុប្រធានគណបក្សភ្លើងទៀន ពាក់ព័ន្ធនឹងការ​បោះឆ្នោត​ជ្រើស​រើសក្រុមប្រឹក្សាឃុំសង្កាត់ អាណត្តិទី៥ ជាអំពើខុសច្បាប់ ​ដែលប្រឈមនឹងការផាកពិន័យនោះ មាន​បណ្តាគណបក្សនយោបាយដែលចូលរួមប្រកួតប្រជែង ​បានលើកឡើងថា​ ការបោះឆ្នោតឃុំ-សង្កាត់ អាណត្តិ​ទី៥ បាន​បញ្ចប់ទៅ​ដោយ​ការពេញចិត្ត និង​ទទួលយកអំពីលទ្ធផលបណ្តោះអាសន្ន​ដែល​បិទផ្សាយជាសាធារណៈ។ក្នុងកិច្ចសម្ភាសន៍ជាមួយBTV លោក ញឹក ប៊ុនឆៃ ​ប្រធាន​គណបក្ស​ខ្មែររួបរួមជាតិ បានឲ្យដឹង​នៅ​ថ្ងៃទី១៦ ខែមិថុនានេះថា​ ការបោះឆ្នោតឃុំ-សង្កាត់ បានប្រព្រឹត្តទៅ​ដោយភាពត្រឹមត្រូវ និង​មាន​ការចូលរួម​ពីភាគីពាក់ព័ន្ធគ្រប់ដំណាក់កាលទាំងអស់។ លោក បន្តថា ការចោទ​ប្រកាន់ទៅ​លើ គ.ជ.ប គឺជាការពុំត្រឹមត្រូវឡើយ ដោយសារការបោះឆ្នោត​ទូទាំងសកលលោក​ក៏មិនមានប្រទេសបានរៀបចំ​ល្អ​ឥតខ្ចោះឡើយ។ជុំវិញ គ.ជ.ប ប្រកាសអំពីការអនុវត្តផ្លូវច្បាប់ចំពោះបុគ្គលបំភ្លៃការពិត​ លោក ញឹក ប៊ុនឆៃ បាន​គាំទ្រចំណាត់ការផ្លូវច្បាប់ ​ដើម្បី​បញ្ឈប់​បុគ្គលដែលបំបោង ​និងបំភ្លៃបែបនេះបន្តទៀត។លោក គុជ លី ប្រធានគណបក្សខ្មែរតែមួយ ​ក៏បានគាំទ្រការចាត់វិធានច្បាប់​ដូចគ្នាចំពោះបុគ្គល លោក សុន ឆ័យ ដើម្បីបញ្ឈប់ទង្វើបំផ្លាញ ​និង​ជាន់​ពន្លិច​ជាតិសាសន៍។គួរបញ្ជាក់ថា ការព្រមានចាត់វិធានការច្បាប់ របស់ គ.ជ.ប ទៅលើលោក សុន ឆ័យ បន្ទាប់ពីបាន​ចោទ​ប្រកាន់ និងរិះគន់ គ.ជ.ប ​ដោយគ្មានមូលដ្ឋាន​ តាមរយៈដោយករលើកឡើងដដែល ក្នុង​កិច្ច​សម្ភាសន៍​ជាមួយសារព័ត៌មានអនឡាញនៅបរទេស ​កាលពីថ្ងៃទី៨ ខែមិថុនា​ ឆ្នាំ២០២២ ដោយដៃ​ទទួល​យកអាសនៈ រីឯមាត់ចោទថា​ ការបោះឆ្នោតជ្រើសរើសក្រុមប្រឹក្សាឃុំ សង្កាត់នេះ មិនត្រឹមត្រូវ និងមិនយុត្តិធម៌ ហើយអះអាងទៀតថា​ ការដែលគណបក្សភ្លើងទៀន ទទួលយកអាសនៈ គឺជាការគោរពឆន្ទៈអ្នកបោះឆ្នោត។ជាមួយគ្នានេះ គ.ជ.ប ​មិនអាចទទួលយកបានទេ​ និងចាត់ទុកជាការមាក់ងាយ ​និងប៉ះពាល់ ដល់​តម្លៃ​របស់ម្ចាស់ឆ្នោត​ដែល​បាន​អញ្ជើញទៅបោះឆ្នោត​យ៉ាង​ច្រើនកុះករ និង​ធ្វើឱ្យប៉ះពាល់​ដល់​កិត្តិយស និងសេចក្តី​ថ្លៃថ្នូរ​របស់ គ.ជ.ប ដែលជាស្ថាប័ន​ចែង​ក្នុង​រដ្ឋធម្មនុញ្ញ ​ព្រមទាំងធ្វើឱ្យ​មានការ​ភាន់ច្រឡំ ​និងបាត់ទំនុកចិត្តលើការបោះឆ្នោត ​ដែលបាន​ចែងក្នុងមាត្រា ១៧១ នៃច្បាប់​ស្តីពី​ការ​បោះឆ្នោត​ជ្រើសរើសក្រុមប្រឹក្សាឃុំ សង្កាត់ ​ដែល​នឹង​ត្រូវ​ផាក​ពិន័យជាប្រាក់ពី ១០លានរៀល ដល់ ២០លានរៀល ដោយពុំទាន់គិតដល់ទោសព្រហ្មទណ្ឌផ្សេងទៀត៕ អត្ថបទ៖ សេក ឧត្តម 

គ.ជ.ប បញ្ចប់ការត្រួតពិនិត្យ និងផ្ទៀងផ្ទាត់លទ្ធផលជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២

2022/06/16 05:39:19 pm        435
Facebook Telegram Linkin
ភ្នំពេញ ៖ ឯកឧត្តម សោម សូរីដា អ្នកនាំពាក្យគណៈកម្មាធិការជាតិរៀបចំការបោះឆ្នោត( គ.ជ.ប )បានបញ្ជាក់ថា គ.ជ.ប បានបញ្ចប់ការត្រួតពិនិត្យ និងផ្ទៀងផ្ទាត់ឡើងវិញនូវលទ្ធផលបណ្តោះអាសន្ន នៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ដោយគណបក្សប្រជាជនកម្ពុជា នៅតែទទួលបានសំឡេងគាំទ្រដ៏ច្រើនលើសលប់ ដោយនាំមុខគណបក្សនយោបាយចំនួន ១៦ផ្សេងទៀត។

បណ្ដាញសង្គម

ព័ត៌មានថ្មីៗ

ផ្ទះទេវតាទី៣៣៨ មួយខ្នងទៀតដោយមានភ្ជាប់ប្រព័ន្ធភ្លើងសូឡា និងទឹកស្អាត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាព នៅខេត្តកំពង់ធំ
08/23/2026 05:08 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញវឌ្ឍនភាព និងការចាប់ផ្តើមអនុវត្ត “កម្មវិធីលើកកម្ពស់ជីវភាពគ្រួសារយុទ្ធជន តាមរយៈគំរូផលិតកម្មកសិកម្មទំនើប”
08/23/2026 04:08 PM
Facebook Telegram Linkin
លោកជំទាវ ឌី សុខីទីឃាយុកោ ហ៊ុន ម៉ានិត អញ្ជើញប្រគល់អណ្តូងទឹកស្អាត ១០ កន្លែង ជូនប្រជាពលរដ្ឋក្នុងឃុំមានជ័យ ស្រុកឈូក ខេត្តកំពត
08/23/2026 04:08 PM
Facebook Telegram Linkin
ក្រសួងការងារ៖ ខេត្តកំពង់ស្ពឺមានឱកាសការងារជិត ២ម៉ឺនកន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 04:08 PM
Facebook Telegram Linkin
ចង់ក្លាយជាអ្នកជំនាញអគ្គិសនី? ឱកាសអាហារូបករណ៍ រៀនជំនាញទំនើប អនុវត្តជាក់ស្តែង រៀនចប់ឆាប់មានការងារធ្វើ រៀននៅវិទ្យាស្ថានពហុបច្ចេកទេសតេជោសែនស្វាយរៀង
08/23/2026 04:08 PM
Facebook Telegram Linkin
ACU នឹងបញ្ជូនមន្ត្រីក្រសួងការបរទេសចំនួន ៣រូប ទៅតុលាការនៅរសៀលនេះ
08/23/2026 03:08 PM
Facebook Telegram Linkin
ក្រសួងការងារ៖ ខេត្ត៤ជាប់សមុទ្រមានឱកាសការងារជិត ២ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
ក្រសួងការងារ៖ ខេត្តតាកែវមានឱកាសការងារជាង ៦ពាន់កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
មនុស្ស ២នាក់ ត្រូវបានសង្រ្គោះ និងមនុស្ស ២២នាក់ បាត់ខ្លួន ក្រោយនាវាដឹកទំនិញលិចនៅជិតតំបន់ឆ្នេរប្រទេសឥណ្ឌា
08/23/2026 03:08 PM
Facebook Telegram Linkin
ជនជាតិម៉ិកស៊ិក ៣៦៥នាក់ ត្រូវបាននិរទេសចេញពីអាមេរិកទៅកាន់ហុងឌូរ៉ាស
08/23/2026 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.