នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសំណេះសំណាល និងបិទវគ្គ ជូនសិស្ស​សាលាភូមិន្ទ​រដ្ឋបាលជាង ២ពាន់នាក់

2022/06/13 05:14:33 pm        795
Facebook Telegram Linkin
ដើម្បីទទួលបានព័ត៌មានថ្មីៗ រហ័ស សូមចុចJoin Channel Telegram BTV Newsភ្នំពេញ៖ នៅព្រឹកថ្ងៃទី១៣ ខែមិថុនា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បាន​អញ្ជើញ​ជា​អធិបតីភាព​ដ៏​ខ្ពង់​ខ្ពស់​ក្នុង​ពិធី​សំណេះសំណាល និងបិទវគ្គ ជូនសិស្សសាលាភូមិន្ទរដ្ឋបាលជាង២ពាន់នាក់ ។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន​ សែន​៖- សម្តេចតេជោ ហ៊ុន សែន ប្រកាសជាថ្មីបន្ថែមថា កម្ពុជានៅតែមានភាពចាំបាច់ក្នុងការពារ និងអនុវត្តន៍វិធានការ ការពារ ការឆ្លងរីករាលដាលជំងឺកូវីដ-១៩ ទោះករណីឆ្លងថ្មីមានអត្រាកម្រិតសូន្យក៏ពិតមែន តែជំងឺនេះនៅមិនទាន់ទៅណាឆ្ងាយពីយើងនៅឡើយទេ។- សម្តេចតេជោ ហ៊ុន សែន មានប្រសាសន៍ថា យើងទើបតែអាចឈ្នះសមរភួមិកូវីដ-១៩ តែប៉ុណ្ណោះ តែយើងមិនទាន់អាចយកឈ្នះសង្គ្រាមកូវីដ-១៩នេះទាំងស្រុងនៅឡើយទេ ដែលទាមទារឱ្យយើងបន្តអនុវិធានការដែលមានស្រាប់ជាចាំបាច់។- សម្តេចតេជោ ហ៊ុន សែន បានប្រកាសថ្លែងការកោតសរសើរដល់មន្ត្រីកម្ពុជា ដែលបានទទួលវគ្កបណ្តុះបណ្តាលជានិច្ចនិរន្ត ដែលជាដំណើរការលើក​កម្ពស់សមត្ថភាពមន្ត្រីឱ្យមានកម្រិតកាន់តែខ្ពស់ ដោយសម្តេចបានគូសបញ្ជាក់ថា «ការរីកចម្រើនទាំងឡាយ មិនអាចកាត់ផ្តាច់ចេញពីធនធានមនុស្សបានឡើយ»។- សម្តចេតេជោ ហ៊ុន សែន បានបញ្ជាក់ថា សាលាភូមិន្ទរដ្ឋបាលបានផ្លាស់ប្តូរ​រចនាសម្ព័ន្ធ​គ្រប់គ្រងជាបន្តបន្ទាប់ ក្នុងនោះរួមមាន៖ ក្រសួងមហាផ្ទៃ ,ទីស្តីការគណៈរដ្ឋមន្ត្រី ចុងក្រោយ គឺក្រសួងមុខងារសាធារណៈ ដែលការផ្លាស់ប្តូរនេះ គឺដើម្បីដាក់ឱ្យចំគោលដៅ ធានាប្រសិទ្ធភាព​ខ្ពស់ នៃការបណ្តុះបណ្តាលដល់មន្ត្រីរាជការ។- សម្តេចតេជោ ហ៊ុន សែន បានបញ្ជាក់ថា សម្តេច ធ្លាប់ជាគ្រូឧទ្ទេសកិត្តិយស​សម្រាប់​សាលាភូមិន្ទរដ្ឋបាលនេះ ដែលសម្តេចក៏ធ្លាប់ទទួលបានប្រាក់ខែម្តងផងដែរ។ វត្តមានដ៏ខ្ពង់ខ្ពស់របស់​សម្តេច​ជាគ្រូឧទ្ទេសកិត្តិយសនេះ គឺសម្តេចត្រូវមកបង្រៀនថ្ងៃបើកវគ្គ និងបិទវគ្គ នៃវគ្គបណ្តុះបណ្តាលនីមួយៗ។ - សម្តេចតេជោ ហ៊ុន សែន បានបញ្ជាក់ថា វ៉ាក់សាំងកូវីដ-១៩ គឺជាវត្ថុចាំបាច់បំផុតនៅពេលនេះ សម្រាប់សង្គ្រោះប្រជាពលរដ្ឋ ពីជំងឺកាចសាហាវកូវីដ-១៩ ហើយសម្តេចក៏បានរំលឹក ពីគ្រាដ៏លំបាកបំផុតក្នុងការប្រយុទ្ធប្រឆាំងកូវីដ-១៩ ក្នុងព្រឹត្តិការណ៍កុម្ភៈ ឆ្នាំ២០២១។- សម្តេចតេជោ ហ៊ុន សែន បានប្រកាសពីសិទ្ធិរស់រានមានជីវិត ក្នុងពេលប្រយុទ្ធ​ប្រឆាំង​នឹងជំងឺកូវីដ-១៩ ដោយកម្ពុជាបានអនុវត្តន៍វិធានការនានា ដើម្បីសង្គ្រោះ​អាយុជីវិត​ប្រជាពលរដ្ឋពីការស្លាប់ ដោយរង្គាលពីជំងឺកូវីដ-១៩។ សម្តេចបញ្ជាក់បន្ថែមថា «មុននឹងនិយាយដល់សិទ្ធិផ្សេងៗទៀត គឺត្រូវនិយាយពីសិទ្ធិរស់រានមានជីវិតជាមុនសិន»។- សម្តេចតេជោ ហ៊ុន សែន បានប្រកាសថា វ៉ាក់សាំងកូវីដ-១៩នៅកម្ពុជា គឺជាវ៉ាក់សាំងមនុស្សធម៌ សប្បុរសធម៌ ដែលប្រជាជនណាក៏ដោយ ,មាននិន្នាការនយោបាយអ្វីក៏ដោយ, មានជំនឿសាសនាណាក៏ដោយ សុទ្ធតែអាចទទួលបានវ៉ាក់សាំងកូវីដ-១៩ ដោយស្មើភាព និងគ្មានការរើសអើង។- សម្តេចតេជោ ហ៊ុន សែន បានប្រកាសពីដំណើរការដំបូង នៃការចាក់វ៉ាក់សាំងកូវីដ-១៩ ដែលកាលណោះមានការបំផុស បំពុលព័ត៌មាន និងសភាពការណ៍ពាក់ព័ន្ធ នឹងដំណើរការចាក់វ៉ាក់សាំងកូវីដ-១៩នេះ។ ទោះជាបែបណាក៏ដោយ អ្នកដែលប្រឹងបំផុស បំពុលព័ត៌មានទាំងនោះ បាននាំគ្នាមកចាក់វ៉ាក់សាំង និងបណ្តើមចាក់វ៉ាក់សាំងកូវីដ-១៩ទៅវិញ។- សម្តេចតេជោ ហ៊ុន សែន បានប្រកាសថា យើងមានវ៉ាក់សាំងកូវីដ-១៩ហើយ បើគ្មានសិល្បៈ ក្នុងការចាក់វ៉ាក់សាំងទេ យើងក៏មិនអាចធ្វើឱ្យមានភាពស៊ាំសហគមន៍បានដែរ។ សម្តេចបញ្ជាក់ថា យុទ្ធសាស្ត្រ និងសិល្បៈចាក់វ៉ាក់សាំងកូវីដ-១៩របស់កម្ពុជា គឺចាក់ស្រោចនៅភ្នំពេញ និងខេត្តកណ្តាល តាមរបៀប«ផ្ការីក»។- សម្តេចតេជោ ហ៊ុន សែន បានប្រកាសថា កម្ពុជាបានប្រើអស់សមត្ថភាព កម្លាំងកាយចិត្ត និងលទ្ធភាព ដើម្បីធ្វើសង្គ្រាមប្រឆាំងនឹងកូវីដ-១៩។ សម្តេចបញ្ជាក់ថា បើយើងពឹងតែទៅលើ​ក្រសួងសុខាភិបាល តែម្នាក់ឯង យើងមិនអាចទ្រទ្រង់សភាពការណ៍នេះបានឡើយ។- សម្តេចតេជោ ហ៊ុន សែន បានចង្អុលបង្ហាញដល់លោកជំទាវ​ឯកអគ្គរដ្ឋទូត​សហភាពអឺរ៉ុប​ប្រចាំប្រទេសកម្ពុជា ឱ្យមើលឃើញពីភាពពិត នៃកម្ពុជា ដែលក្រុមម្ខាងកំពុងរត់ចោលស្រុក បានបំពុលយ៉ាងខ្លាំងពីភាពពិត នៃកម្ពុជា។ សម្តេចបញ្ជាក់ថា កម្ពុជាមានមានពីរ, កម្ពុជា១ គឺភាពពិតជាក់ស្តែង ដែលយើងទាំងអស់គ្នាបានឃើញ ហើយកម្ពុជាមួយទៀត គឺកម្ពុជាលើទំព័រសារព័ត៌មាន ដែលក្រុមម្ខាងកំពុងកំពុលយ៉ាងខ្លាំង។- សម្តេចតេជោ ហ៊ុន សែន បានផ្តល់អនុសាសន៍ ដល់បរទេសទាំងឡាយ មុននឹងជឿលើអត្ថបទចុះផ្សាយនានានៅបរទេសពីកម្ពុជា ដែលផ្តល់ដោយក្រុមម្ខាង សូមធ្វើការពិនិត្យពិចារណា និងវិនិច្ឆ័យឱ្យបានដិតដល់ មុននឹងសម្រេច ឬផ្តល់ទស្សនទានផ្សេងៗមកដល់កម្ពុជា។ កម្ពុជា បើកចំហសម្រាប់ការផ្តល់ព័ត៌មានពីភាពពិតជាក់ស្តែង នៃការកម្ពុជា។- សម្តេចតេជោ ហ៊ុន សែន បានប្រកាសជាថ្មីថា កម្ពុជាមិនខ្វះវ៉ាក់សាំងកូវីដ-១៩ ដើម្បីចាក់ជូនប្រជាជនទេ ហើយកម្ពុជាបន្ត និងបង្កើតដំណើរការចាក់វ៉ាក់សាំងកូវីដ-១៩ ដល់ប្រជាពលរដ្ឋដោយមិនគិតថ្លៃ ទោះជាតម្រូវការចាក់រហូតដល់ដូសទី២០ ក៏នៅតែមិនយកលុយដែរ។- សម្តេចតេជោ ហ៊ុន សែន ប្រកាសពីវិបត្តិស្បៀង និងថាមពល ដោយសារជម្លោះប្រដាប់​អាវុធ​រវាងរុស្ស៊ី និងអ៊ុយក្រែន ដែលជាវិបត្តិដ៏ធំ មានវិសាលភាពទូទាំងពិភពលោក ហើយកម្ពុជា​ក៏បាន​ត្រៀម​ទប់ទល់នឹងវិបត្តិនេះផងដែរ។- សម្តេចតេជោ ហ៊ុន សែន បានប្រកាសដំឡើងប្រាក់បៀវត្សរ៍ដល់មន្ត្រីរាជការ កងកម្លាំងប្រដាប់អាវុធ នៅឆ្នាំ២០២២ តាមការសន្យា។ សម្តេចបញ្ជាក់ថាការឡើងនោះ គឺផ្តល់អាទិភាពដល់គ្រូបង្រៀន និងគ្រូពេទ្យ យ៉ាងហោចណាស់បានចំនួន ១.៥០០.០០០ រៀលក្នុងមួយខែ ហើយការដំឡើងផ្សេងៗទៀតនោះ គឺធ្វើដំណើរតាមរបៀបផ្សេង ដោយអ្នកប្រើខែច្រើនឡើងកម្រិតណាមួយ, អ្នកប្រាក់ខែតិច ឡើងកម្រិតណាមួយ ដើម្បីឱ្យសមតុល្យនឹងគ្នា។- សម្តេចតេជោ ហ៊ុន សែន ប្រកាសដល់អ្នកទាំងឡាយដែលរិះគន់រឿងប្រេងសាំង​ឡើងថ្លៃ​នៅកម្ពុជា ខណៈដែលតម្លៃប្រេងឥន្ធនៈនៅបារាំងមានតម្លៃប្រមាណជា ១ម៉ឺនរៀលក្នុងមួយលីត្រ, នៅអាមេរិកក៏មានតម្លៃកើនខ្ពស់ជាងនៅប្រទេសកម្ពុជាផងដែរ និយាយរួមតម្លៃប្រេងឥន្ធនៈនេះ​បានកើតឡើងទូទាំងពិភពលោក មិនមែនតែកម្ពុជាទេ។- សម្តេចតេជោ ហ៊ុន សែន បានប្រកាសថ្លែងអំណរគុណដល់ប្រជាពលរដ្ឋ ដែលបាននាំគ្នាទៅ​ចូលរួមបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ប្រព្រឹត្តិទៅ​ដោយរលូន ត្រឹមត្រូវ តម្លាភាព និងទទួលបាន ការកោតសរសើរ​ពីអ្នកសង្កេតការណ៍ជាតិ អន្តរជាតិ និងបក្សនយោយបាយនានា ដែលចូលរួមក្នុងដំណើរការបោះឆ្នោត។- សម្តេចតេជោ ហ៊ុន សែន បានប្រកាសថា កម្ពុជាបានដំណើរបោះឆ្នោតជាទៀតទាត់ តាមលទ្ធិប្រជាធិបតេយ្យ សេរី ពហុបក្ស។ សម្តេចបញ្ជាក់ថា បក្សនយោបាយទាំងអស់ ដែលចូលរួមក្នុងដំណើររៀបចំការបោះឆ្នោតនីមួយៗ សុទ្ធតែដឹងពីដំណើរជាទៀតទាត់នេះ និងបានត្រៀមខ្លួនសម្រាប់ការប្រកួតប្រជែង។ - សម្តេចតេជោ ហ៊ុន សែន បានប្រកាសថ្លែងអំណរគុណដល់​គណៈកម្មាធិការជាតិរៀបចំការ​បោះឆ្នោត (គ.ជ.ប) ដែលបានរៀបចំការបោះឆ្នោតបានយ៉ាងល្អ ទៀតទាត់ និងត្រឹមត្រូវ ហើយ​សម្តេចក៏បានថ្លែងអំណរគុណដល់ផ្នែកពាក់ព័ន្ធនានា ដែលបានចូលរួមក្នុង​ដំណើរការ​រៀបចំ​ការ​បោះឆ្នោតនៅកម្ពុជា។- សម្តេចតេជោ ហ៊ុន សែន បានប្រកាសដល់ក្រុមមួយក្តាប់តូចដែលនិយាយ និងចោទប្រកាន់​ពីដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ តែបែរជា​ទទួលយកកៅអីដែលខ្លួនបានឈ្នះទៅវិញ។- សម្តចតេជោ ហ៊ុន សែន បានបញ្ជាក់ទៅកាន់ក្រុមរិះគន់ទាំងឡាយដែលនិយាយថា ការស្បថជារឿងតូចតាច លេងសើច និងទាល់ច្រក ។ សម្តេចបញ្ជាក់ថា ការស្បថ ត្រូវបានធ្វើឡើងទូទាំងពិភពលោក រាប់ទាំងអាមេរិក និងអឺរ៉ុបផងដែរ ។ នៅកម្ពុជា បើមិនបាននស្បថ គឺមិនមានសុពលភាពនៅឡើយទេ ហើយការស្បថនេះ មិនមែនជារឿងតូចតាច ឬលេងសើចនោះដែរ។- សម្តេចតេជោ ហ៊ុន សែន បានប្រកាសបន្ថែមទៀតថា ចាក់វ៉ាក់សាំងកូវីដ-១៩នៅកម្ពុជា ជាដំណើរការដោយមិនប្រកាន់ពណ៌សំបុរ ជំនឿសាសា ឬនិន្នាការនយោបាយឡើយ។ សម្តេចបញ្ជាក់ថា «វ៉ាក់សាំងកូវីដ-១៩នៅកម្ពុជា គឺជាវ៉ាក់សាំងគ្មានពណ៌សំបុរ»។- សម្តេចតេជោ ហ៊ុន សែន បានប្រកាសដល់ក្រុមប្រឆាំងមួយក្តាប់តូច ដែលនិយាយរិះគន់ថា មានការលួចបន្លំសន្លឹកឆ្នោត ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២។ តើនរណាជាអ្នកលួច? លួចដោយរបៀបយ៉ាងម៉េច? សូមធ្វើការពន្យល់ឱ្យដឹងផង។- សម្តេចតេជោ ហ៊ុន សែន បានផ្តល់អនុសាសន៍ដល់មន្ត្រី សូមប្រកាន់ខ្លួនជាមន្ត្រីរបស់រដ្ឋ ជាអ្នកបម្រើប្រជាពលរដ្ឋដោយស្មោះត្រង់ មិនមែនជាចៅហ្វាយនាយរបស់ប្រជាពលរដ្ឋនោះទេ។ សម្តេចបញ្ជាក់ថា «បើមិនអាចដាក់គោលដៅ ដើម្បីបម្រើប្រជាពលរដ្ឋបាននោះទេ មិនគួរធ្វើជាមន្ត្រីឡើយ»។- សម្តេចតេជោ ហ៊ុន សែន អំពាវនាវសូមកុំឱ្យមានការប្រែធាតុ ពេលក្លាយខ្លួនជាមន្ត្រីរបស់រដ្ឋ បម្រើប្រជាពលរដ្ឋ។ សម្តេចតេជោ ហ៊ុន សែន បានបញ្ជាក់ថា «សូមកុំឱ្យមានវប្បធម៌ ប្តីសក្តិ៣ ប្រពន្ធសក្តិ៤ កូនសក្តិ៥ ហើយនាំគ្នាលូកដៃចូលកិច្ចការនានារបស់មន្ត្រីឱ្យសោះ... »។- សម្តេចតេជោ ហ៊ុន សែន បន្តប្រកាសទស្សនវិស័យរបស់កម្ពុជា ដោយដាក់ចេញនូវ​នយោបាយ​គាំពារសង្គម និងសេដ្ឋកិច្ចឱ្យបានសម្រេច ដោយឆ្នាំ២០៣០ ក្លាយជាប្រទេស មានចំណូល​មធ្យម​កម្រិត​ខ្ពស់ និងឆ្នាំ២០៥០ ជាប្រទេសដែលមានចំណូលកម្រិតខ្ពស់។- សម្តេចតេជោ ហ៊ុន សែន បានប្រសាសន៍ដល់មន្ត្រីមិនបានការទាំងឡាយទាំងពួង គឺតែងធ្វើរឿងចំនួនពីរ ដោយទី១ បន្ទោសមន្ត្រីថ្នាក់ក្រោម និងទី២ រាយការណ៍ទៅថ្នាក់លើ ដែលមន្ត្រីទាំងនោះ មិនអាចដឹកនាំស្ថាប័នឱ្យមានការរីកចម្រើន និងធ្វើឱ្យមាន​សុខុដុមនីយកម្ម​ផ្ទៃក្នុងបានឡើយ។- សម្តេចតេជោ ហ៊ុន សែន បានប្រកាសត្រៀមកញ្ចប់ថវិកាមួយចំនួនធំបន្ថែមទៀត ដើម្បីគាំពារសង្គមពីវិបត្តិសកលលោកនានា រួមទាំងវិបត្តិចាស់ដោយសារកូវីដ-១៩ និងវិបត្តិសកលថ្មី ដែលបណ្តាលមកពីសង្គ្រាមអូសបន្ទាយរវាងរុស្ស៊ី និងអ៊ុយក្រែន។- សម្តេចតេជោ ហ៊ុន សែន បានប្រកាសដល់មន្ត្រីទាំងឡាយ សូមធ្វើខ្លួនជា«មន្ត្រីគ្រាប់ល្ពៅ» សូមធ្វើខ្លួនជាមន្ត្រីបម្រើប្រជាពលរដ្ឋដោយស្មោះត្រង់។- សម្តេចតេជោ ហ៊ុន សែន ប្រកាសដោយធ្វើការស្មើភាពជាមួយមិត្តបរទេស និងឈរលើគោលការណ៍ផ្តល់តម្លៃឱ្យគ្នាទៅវិញទៅមក។ សម្តេចបញ្ជាក់ថា «យើងធ្វើការ និងផ្តល់ព័ត៌មានឱ្យគ្នាទៅវិញទៅមក តែយើងមិនធ្វើការដោយសម្អាងលើអត្ថបទសារព័ត៌មាននោះទេ»។- សម្តេតេជោ ហ៊ុន សែន បានប្រកាសថា យើងមិនដែលអួតថាយើងធ្វើអ្វីល្អឥតខ្ចោះនោះឡើយ ដូច្នេះហើយបានជាយើងធ្វើការកែលម្អជាបន្តបន្ទាប់ តែមិត្តបរទេសក៏មិនត្រូវ​វាយតម្លៃ​ខុសពីសភាពការណ៍ និងភាពពិតជាក់ស្តែង នៃកម្ពុជានោះដែរ។- សម្តេចតេជោ ហ៊ុន សែន ចោទជាសំនួរថា តើកម្ពុជាមិនអាចកសាង​កំពង់ផែសមុទ្រ ដើម្បីបំពេញតម្រូវលការប្រើប្រាស់របស់ខ្លួន? មិនអាចធ្វើទំនើបកម្មវិស័យកងទ័ពរបស់ខ្លួន ឬយ៉ាងណា? សូមធ្វើកាតផ្តល់យោបល់ដោយសេចក្តីថ្លៃថ្នូរ និងភាពទទួលខុសត្រូវចំពោះកម្ពុជា។សង្កថាសម្តេចតេជោ ហ៊ុន សែន នាយករដ្ឋមន្ត្រីបានចប់នៅវេលាម៉ោង ១០ និង០៤នាទី

សម្ដេចតេជោ​ ហ៊ុន សែន ប្រាប់ទៅអ្នករិះគន់ថាមានការលួចបន្លំសន្លឹកឆ្នោត ឲ្យធ្វើការពន្យល់ថា តើលួចដោយរបៀបណា?

2022/06/13 04:47:44 pm        213
Facebook Telegram Linkin
ដើម្បីទទួលបានព័ត៌មានថ្មីៗ រហ័ស សូមចុចJoin Channel Telegram BTV Newsភ្នំពេញ៖ សម្តេចតេជោ ហ៊ុន សែន បានប្រាប់ដល់ក្រុមប្រឆាំងមួយក្តាប់តូច ដែល​និយាយ​រិះ​គន់​ថា មាន​ការលួចបន្លំសន្លឹកឆ្នោត ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២។ សម្ដេចបានចោទជាសំនួរថា តើនរណាជាអ្នកលួច? ហើយ​លួច​ដោយ​របៀប​យ៉ាងម៉េច? សូមធ្វើការពន្យល់ឱ្យដឹងផង។សម្ដេចតេជោបានមានប្រសាសន៍យ៉ាងដូច្នេះក្នុងឱកាសដែលសម្ដេច​បានអញ្ជើញ​ប្រគល់​សញ្ញាបត្រ​ជូន​សិស្ស​សាលាភូមិន្ទរដ្ឋបាលជាង ២ពាន់នាក់ នៅព្រឹកថ្ងៃទី១៣ ខែមិថុនា ឆ្នាំ២០២២នេះ។សម្តេចតេជោ ហ៊ុន សែន បានបន្ថែមថា ក្រុមមួយក្តាប់តូចដែលនិយាយ និងចោទ​ប្រកាន់​ពីដំណើរ​ការ​បោះឆ្នោត​ជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ តែ​បែរ​ជា​ទទួល​យក​កៅ​អី​ដែល​ខ្លួន​បាន​ឈ្នះទៅវិញ។ ជាមួយគ្នានេះដែរ សម្តេចតេជោ ហ៊ុន សែន ក៏បានថ្លែងអំណរគុណដល់ប្រជាពលរដ្ឋ ដែល​បាន​នាំគ្នា​ទៅ​ចូលរួមបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ពិសេស​គណៈកម្មាធិការជាតិរៀបចំការបោះឆ្នោត (គ.ជ.ប) ដែលបានរៀបចំការបោះឆ្នោត ប្រព្រឹត្តិ​​ទៅ​ដោយ​រលូន ត្រឹមត្រូវ តម្លាភាព និងទទួលបានការកោតសរសើរពីអ្នកសង្កេតការណ៍ជាតិ អន្តរជាតិ និងបក្សនយោយបាយនានា ដែលចូលរួមក្នុងដំណើរការបោះឆ្នោត។សម្តេចតេជោ ហ៊ុន សែន បានគូសបញ្ជាក់ថា កម្ពុជាបានដំណើរបោះឆ្នោតជាទៀតទាត់ តាម​លទ្ធិប្រជាធិបតេយ្យ សេរី ពហុបក្ស ហើយបក្សនយោបាយទាំងអស់ ដែល​ចូលរួម​ក្នុង​ដំណើរ​រៀបចំ​ការ​បោះឆ្នោត​នីមួយៗ សុទ្ធតែដឹងពីដំណើរជាទៀតទាត់នេះ និង​បាន​ត្រៀម​ខ្លួន​សម្រាប់​ការ​ប្រ​កួត​ប្រជែងនេះដែរ៕ 

សម្ដេចតេជោ ហ៊ុន​ សែន ប្រកាសដំឡើងប្រាក់បៀវត្សរ៍ដល់មន្ត្រីរាជការ កងកម្លាំងប្រដាប់អាវុធ នៅឆ្នាំ២០២២​នេះ

2022/06/13 04:35:14 pm        4319
Facebook Telegram Linkin
ដើម្បីទទួលបានព័ត៌មានថ្មីៗ រហ័ស សូមចុចJoin Channel Telegram BTV Newsភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាន​ប្រកាសដំឡើងប្រាក់បៀវត្សរ៍ដល់មន្ត្រីរាជការ កងកម្លាំងប្រដាប់អាវុធ នៅឆ្នាំ២០២២​នេះតាមការសន្យា។សម្ដេចតេជោបានប្រកាសយ៉ាងដូច្នេះក្នុងឱកាសដែលសម្ដេច​បានអញ្ជើញ​ប្រគល់​សញ្ញាបត្រ​ជូន​សិស្ស​សាលាភូមិន្ទរដ្ឋបាលជាង ២ពាន់នាក់ នៅព្រឹកថ្ងៃទី១៣ ខែមិថុនា ឆ្នាំ២០២២នេះ។សម្តេចតេជោ​បញ្ជាក់​ថា ​ការ​ឡើង​នោះ គឺផ្តល់អាទិភាពដល់គ្រូបង្រៀន និងគ្រូពេទ្យ យ៉ាង​ហោច​ណាស់​បាន​ចំនួន ១.៥០០.០០០ រៀល​ក្នុង​មួយខែ ហើយការដំឡើងផ្សេងៗទៀតនោះ គឺ​ធ្វើ​តាម​របៀប​ផ្សេង ដោយ​អ្នក​ប្រើ​ខែ​ច្រើន​ឡើង​កម្រិត​ណាមួ​យ, អ្នកប្រាក់ខែតិច ឡើងកម្រិតណាមួយ ដើម្បីឱ្យសមតុល្យនឹងគ្នា។ 

សម្ដេចតេជោ ហ៊ុន សែន៖ កម្ពុជាប្រើអស់សមត្ថភាព កម្លាំងកាយចិត្ត និងលទ្ធភាព ដើម្បីធ្វើសង្គ្រាមប្រឆាំងនឹងកូវីដ-១៩

2022/06/13 04:05:23 pm        467
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា កម្ពុជាបានប្រើអស់សមត្ថភាព កម្លាំងកាយចិត្ត និងលទ្ធភាព ដើម្បីធ្វើសង្គ្រាមប្រឆាំងនឹងកូវីដ-១៩។ សម្តេចបញ្ជាក់ថា បើយើង​ពឹង​តែ​ទៅ​លើក្រសួងសុខាភិបាល តែម្នាក់ឯង យើង​មិន​អាច​ទ្រទ្រង់​សភាពការណ៍​នេះ​បាន​ឡើយ​។​ សម្ដេចតេជោបានមានប្រសាសន៍យ៉ាងដូច្នេះក្នុងឱកាសដែលសម្ដេច​បានអញ្ជើញ​ប្រគល់​សញ្ញាបត្រ​ជូន​សិស្ស​សាលាភូមិន្ទរដ្ឋបាលជាង ២ពាន់នាក់ នៅព្រឹកថ្ងៃទី១៣ ខែមិថុនា ឆ្នាំ២០២២នេះ។សម្តេចតេជោ ហ៊ុន សែន បានបញ្ជាក់បន្ថែមថា វ៉ាក់សាំងកូវីដ-១៩ នៅកម្ពុជា គឺ​ជា​វ៉ាក់សាំង​មនុស្សធម៌ សប្បុរសធម៌ ដែលប្រជាជនណាក៏ដោយ ,មាននិន្នាការនយោបាយអ្វីក៏ដោយ, មាន​ជំនឿសាសនាណាក៏ដោយ សុទ្ធតែអាចទទួលបានវ៉ាក់សាំងកូវីដ-១៩ ដោយ​ស្មើភាព និង​គ្មាន​ការ​រើស​អើង។សម្តេចតេជោ ហ៊ុន សែន បានគូសបញ្ជាក់ដែរថា យើងមានវ៉ាក់សាំងកូវីដ-១៩ ហើយ បើ​គ្មាន​សិល្បៈ ក្នុងការចាក់វ៉ាក់សាំងទេ យើងក៏មិនអាចធ្វើឱ្យមានភាពស៊ាំសហគមន៍បានដែរ។ សម្តេច​តេជោ​បន្តថា យុទ្ធសាស្ត្រ និងសិល្បៈចាក់វ៉ាក់សាំងកូវីដ-១៩ របស់កម្ពុជា គឺ​ចាក់​ស្រោច​នៅ​ភ្នំពេញ​ និងខេត្តកណ្តាល តាមរបៀប«ផ្ការីក»។ជាមួយគ្នានេះដែរ​សម្តេចតេជោ ហ៊ុន សែន បានរម្លឹកពីដំណើរការដំបូង នៃការចាក់វ៉ាក់សាំងកូវីដ-១៩ ដែលកាលណោះមានការបំផុស​ បំពុលព័ត៌មាន និងសភាពការណ៍ពាក់ព័ន្ធ នឹង​ដំណើរ​ការ​ចាក់​វ៉ាក់សាំងកូវីដ-១៩នេះ។ ទោះជាបែបណាក៏ដោយ អ្នកដែលប្រឹងបំផុស បំពុល​ព័ត៌មាន​ទាំង​នោះ បាន​នាំ​គ្នាមកចាក់វ៉ាក់សាំង និងបណ្តើមចាក់វ៉ាក់សាំងកូវីដ-១៩ ទៅវិញ៕     

សម្ដេចតេជោ ហ៊ុន សែន៖ មុននឹងនិយាយដល់សិទ្ធិផ្សេងៗទៀត គឺត្រូវ​និយាយ​ពី​សិទ្ធិ​រស់​រាន​មានជីវិតជាមុនសិន

2022/06/13 03:52:10 pm        769
Facebook Telegram Linkin
ដើម្បីទទួលបានព័ត៌មានថ្មីៗ រហ័ស សូមចុចJoin Channel Telegram BTV Newsភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសពីសិទ្ធិរស់រានមានជីវិត ក្នុងពេល​ប្រយុទ្ធ​ប្រឆាំង​នឹង​ជំងឺកូវីដ-១៩ ដោយកម្ពុជា​បាន​អនុវត្តន៍​វិធាន​ការ​នានា​ ដើម្បី​សង្គ្រោះ​អាយុជីវិត​ប្រជាពលរដ្ឋ​ពី​ការស្លាប់​ដោយ​រង្គាលពីជំងឺកូវីដ-១៩។សម្ដេចតេជោបានប្រកាសយ៉ាងដូច្នេះក្នុងឱកាសដែលសម្ដេច​បានអញ្ជើញ​ប្រគល់​សញ្ញាបត្រ​ជូន​សិស្ស​សាលាភូមិន្ទរដ្ឋបាលជាង ២ពាន់នាក់ នៅព្រឹកថ្ងៃទី១៣ ខែមិថុនា ឆ្នាំ២០២២នេះ។សម្តេចតេជោ ហ៊ុន​ សែន​ បញ្ជាក់បន្ថែមថា «មុននឹងនិយាយដល់សិទ្ធិផ្សេងៗទៀត គឺត្រូវ​និយាយ​ពី​សិទ្ធិ​រស់​រាន​មានជីវិតជាមុនសិន»។ 

សម្តេចតេជោ ហ៊ុន សែន អញ្ជើញក្នុងពិធីសំណេះសំណាល និងបិទវគ្គ សិស្សសាលាភូមិន្ទរដ្ឋបាលជាង ២ពាន់នាក់

2022/06/13 02:37:05 pm        727
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១៣ ខែមិថុនា ឆ្នាំ២០២២នេះ បានអញ្ជើញប្រគល់សញ្ញាបត្រជូនសិស្សសាលាភូមិន្ទរដ្ឋបាលជាង២ពាន់នាក់ បន្ទាប់ពីពួកគេបានបញ្ចប់ការសិក្សាដោយជោគជ័យ។សិស្សសាលាភូមិន្ទរដ្ឋបាល ដែលបញ្ចប់ការសិក្សាវិជ្ជាជីវៈជាមន្ត្រី និងទទួលសញ្ញាបត្រក្រោមអធិបតីភាពសម្តេចតេជោនាយករដ្ឋមន្ត្រី រួមមាន៖ សិស្ស កម្មសិក្សាការី និងសិក្ខាកាមសរុប ២,៣៨៨នាក់។ សិស្សកម្មសិក្សាការី និងសិក្ខាកាម ដែលបញ្ចប់ការសិក្សារួមមាន៖ កម្មសិក្សាការីមន្ត្រីជាន់ខ្ពស់ឆ្នាំ២០២០ ចំនួន១០៦នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ២០២០ ចំនួន ១៦៤នាក់, កម្មសិក្សាការីមន្ត្រីមធ្យមឆ្នាំ២០២០ ចំនួន ៣៩នាក់, កម្មសិក្សាការីមន្ត្រីក្រមការឆ្នាំ២០២០ ចំនួន ៤៣នាក់, សិស្សមន្ត្រីជាន់ខ្ពស់ជំនាន់ទី១១ ចំនួន ៩១នាក់, សិស្សមន្ត្រីក្រមការជំនាន់ទី៩ ចំនួន ១២១នាក់, កម្មសិក្សាការីមន្ត្រីជាន់ខ្ពស់ឆ្នាំ២០២១ ចំនួន ១៥១នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ២០២១ ចំនួន ៥៣៤នាក់, កម្មសិក្សាការីមន្ត្រីមធ្យមឆ្នាំ២០២១ ចំនួន ៩០នាក់, កម្មសិក្សាការីមន្ត្រីក្រមការឆ្នាំ២០២១ ចំនួន ៨៨នាក់, សិស្សមន្ត្រីជាន់ខ្ពស់ជំនាន់ទី១២ ចំនួន ៩៣នាក់, កម្មសិក្សាការីមន្ត្រីជាន់ខ្ពស់ឆ្នាំ២០២២ ចំនួន ១៦១នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ២០២២ ចំនួន ៩៤នាក់, កម្មសិក្សាការីមន្ត្រីមធ្យមឆ្នាំ២០២២ ចំនួន ២៨០នាក់, កម្មសិក្សាការីមន្ត្រីក្រមការឆ្នាំ២០២២ ចំនួន ២៧នាក់, សិក្ខាកាមវគ្គភាពជាអ្នកដឹកនាំ និងនវានុវត្តន៍វគ្គទី១ ចំនួន ១៤៦នាក់ និងសិក្ខាកាមវគ្គភាពជាអ្នកដឹកនាំ និងនវានុវត្តន៍វគ្គទី២ ចំនួន១៦០នាក់៕

សម្តេចតេជោ ហ៊ុន សែន នឹងអញ្ជើញសំណេះសំណាល និងបិទវគ្គសិស្សសាលាភូមិន្ទរដ្ឋបាលជាង ២ពាន់នាក់

2022/06/13 02:07:11 pm        555
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១៣ ខែមិថុនា ឆ្នាំ២០២២នេះ នឹងអញ្ជើញប្រគល់សញ្ញាបត្រជូនសិស្សសាលាភូមិន្ទរដ្ឋបាលជាង២ពាន់នាក់ បន្ទាប់ពីពួកគេបានបញ្ចប់ការសិក្សាដោយជោគជ័យ។សិស្សសាលាភូមិន្ទរដ្ឋបាល ដែលបញ្ចប់ការសិក្សាវិជ្ជាជីវៈជាមន្ត្រី និងទទួលសញ្ញាបត្រក្រោមអធិបតីភាពសម្តេចតេជោនាយករដ្ឋមន្ត្រី រួមមាន៖ សិស្ស កម្មសិក្សាការី និងសិក្ខាកាមសរុប ២,៣៨៨នាក់។ សិស្សកម្មសិក្សាការី និងសិក្ខាកាម ដែលបញ្ចប់ការសិក្សារួមមាន៖ កម្មសិក្សាការីមន្ត្រីជាន់ខ្ពស់ឆ្នាំ២០២០ ចំនួន១០៦នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ២០២០ ចំនួន ១៦៤នាក់, កម្មសិក្សាការីមន្ត្រីមធ្យមឆ្នាំ២០២០ ចំនួន ៣៩នាក់, កម្មសិក្សាការីមន្ត្រីក្រមការឆ្នាំ២០២០ ចំនួន ៤៣នាក់, សិស្សមន្ត្រីជាន់ខ្ពស់ជំនាន់ទី១១ ចំនួន ៩១នាក់, សិស្សមន្ត្រីក្រមការជំនាន់ទី៩ ចំនួន ១២១នាក់, កម្មសិក្សាការីមន្ត្រីជាន់ខ្ពស់ឆ្នាំ២០២១ ចំនួន ១៥១នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ២០២១ ចំនួន ៥៣៤នាក់, កម្មសិក្សាការីមន្ត្រីមធ្យមឆ្នាំ២០២១ ចំនួន ៩០នាក់, កម្មសិក្សាការីមន្ត្រីក្រមការឆ្នាំ២០២១ ចំនួន ៨៨នាក់, សិស្សមន្ត្រីជាន់ខ្ពស់ជំនាន់ទី១២ ចំនួន ៩៣នាក់, កម្មសិក្សាការីមន្ត្រីជាន់ខ្ពស់ឆ្នាំ២០២២ ចំនួន ១៦១នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ២០២២ ចំនួន ៩៤នាក់, កម្មសិក្សាការីមន្ត្រីមធ្យមឆ្នាំ២០២២ ចំនួន ២៨០នាក់, កម្មសិក្សាការីមន្ត្រីក្រមការឆ្នាំ២០២២ ចំនួន ២៧នាក់, សិក្ខាកាមវគ្គភាពជាអ្នកដឹកនាំ និងនវានុវត្តន៍វគ្គទី១ ចំនួន ១៤៦នាក់ និងសិក្ខាកាមវគ្គភាពជាអ្នកដឹកនាំ និងនវានុវត្តន៍វគ្គទី២ ចំនួន១៦០នាក់៕

ព្រឹកស្អែក សម្តេចតេជោ ហ៊ុន សែន នឹងអញ្ជើញប្រគល់សញ្ញាបត្រជូនសិស្ស​សាលាភូមិន្ទរដ្ឋបាលជាង ២ពាន់នាក់

2022/06/12 11:43:38 pm        611
Facebook Telegram Linkin
នៅព្រឹកថ្ងៃទី១៣ ខែមិថុនា ឆ្នាំ២០២២ ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​ នៃព្រះរាជាណាចក្រកម្ពុជា នឹងអញ្ជើញប្រគល់សញ្ញាបត្រជូនសិស្សសាលាភូមិន្ទរដ្ឋបាលជាង២ពាន់នាក់ បន្ទាប់ពីពួកគេបានបញ្ចប់ការសិក្សាដោយជោគជ័យ។សិស្សសាលាភូមិន្ទរដ្ឋបាល ដែលបញ្ចប់ការសិក្សាវិជ្ជាជីវៈជាមន្ត្រី និងទទួលសញ្ញាបត្រក្រោមអធិបតីភាពសម្តេចតេជោនាយករដ្ឋមន្ត្រី នាថ្ងៃស្អែកនេះ រួមមាន៖ សិស្ស កម្មសិក្សាការី និងសិក្ខាកាមសរុប ២,៣៨៨នាក់។ សិស្ស កម្មសិក្សាការី និងសិក្ខាកាម ដែលបញ្ចប់ការសិក្សារួមមាន៖ កម្មសិក្សាការីមន្ត្រីជាន់ខ្ពស់ឆ្នាំ២០២០ ចំនួន១០៦នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ២០២០ ចំនួន ១៦៤នាក់, កម្មសិក្សាការីមន្ត្រីមធ្យមឆ្នាំ២០២០ ចំនួន ៣៩នាក់, កម្មសិក្សាការីមន្ត្រីក្រមការឆ្នាំ២០២០ ចំនួន ៤៣នាក់, សិស្សមន្ត្រីជាន់ខ្ពស់ជំនាន់ទី១១ ចំនួន ៩១នាក់, សិស្សមន្ត្រីក្រមការជំនាន់ទី៩ ចំនួន ១២១នាក់, កម្មសិក្សាការីមន្ត្រីជាន់ខ្ពស់ឆ្នាំ២០២១ ចំនួន ១៥១នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ២០២១ ចំនួន ៥៣៤នាក់, កម្មសិក្សាការីមន្ត្រីមធ្យមឆ្នាំ២០២១ ចំនួន ៩០នាក់, កម្មសិក្សាការីមន្ត្រីក្រមការឆ្នាំ២០២១ ចំនួន ៨៨នាក់, សិស្សមន្ត្រីជាន់ខ្ពស់ជំនាន់ទី១២ ចំនួន ៩៣នាក់, កម្មសិក្សាការីមន្ត្រីជាន់ខ្ពស់ឆ្នាំ២០២២ ចំនួន ១៦១នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ២០២២ ចំនួន ៩៤នាក់, កម្មសិក្សាការីមន្ត្រីមធ្យមឆ្នាំ២០២២ ចំនួន ២៨០នាក់, កម្មសិក្សាការីមន្ត្រីក្រមការឆ្នាំ២០២២ ចំនួន ២៧នាក់, សិក្ខាកាមវគ្គភាពជាអ្នកដឹកនាំ និងនវានុវត្តន៍វគ្គទី១ ចំនួន ១៤៦នាក់ និងសិក្ខាកាមវគ្គភាពជាអ្នកដឹកនាំ និងនវានុវត្តន៍វគ្គទី២ ចំនួន១៦០នាក់។ 

លោកឧកញ៉ា ឡូវ ហ៊ឹង មិនភ្លេចគុណពលរដ្ឋដែលនៅតែបន្តគាំទ្របក្សប្រជាជនកម្ពុជា

2022/06/12 04:37:23 pm        637
Facebook Telegram Linkin
កំពង់ចាម៖ លោកឧកញ៉ា ឡូវ ហ៊ឹង ប្រធានក្រុមការងារចុះជួយឃុំទងត្រឡាច ស្រុកស្រីសន្ធរ ខេត្តកំពង់ចាម បានបន្តចុះជួបសំណេះសំណាល ជាមួយប្រជាពលរដ្ឋនៅឃុំទងត្រឡាច ស្រុកស្រីសន្ធរ ខេត្តកំពង់ចាម ជាថ្មីម្តងទៀត ដើម្បីលើកទឹកចិត្ត និងថ្លែងអំណរគុណដល់​ប្រជាពលរដ្ឋ​ដែលនៅតែមានជំនឿជឿជាក់មកលើគោល នយោបាយ និងការដឹកនាំ​របស់​គណបក្ស​ប្រជាជនកម្ពុជា ។ដើម្បីឆ្លើយតបទៅនិងការសន្យារបស់ខ្លួន លោកឧកញ៉ា ក៏បានសម្រេចសាងសង់ផ្ទះចំនួន៨ខ្នង​ជូន​អ្នកភូមិជន្លត់ដៃ នៃឃុំទងត្រឡាចដែលជាអ្នកក្រីក្រ ព្រមជាមួយនឹងការសន្យាបន្តកសាង​សមិទ្ធផល​ដទៃទៀត​សម្រាប់អ្នកឃុំទងត្រឡាចទាំងមូល។ការថ្លែងអំណរគុណឆ្លើយតបតាមរយៈ ផ្តល់ការសាងសង់ផ្ទះនិងបន្តកសាងសមិទ្ធផល​សាធារណៈ​របស់​លោកឧកញ៉ា ឡូវ ហ៊ឹង ​ជូនអ្នកឃុំទងត្រឡាចខាងលើនេះ ត្រូវបានធ្វើឡើងក្នុង​ពេល​លោកឧកញ៉ា អញ្ជើញចុះជួបសំណេះសំណាលជាមួយ​ប្រជាពលរដ្ឋឃុំទងត្រឡាច​ជាថ្មីម្តងទៀត​ នៅព្រឹកថ្ងៃអាទិត្យទី១២ មិថុនានេះ។លោកឧកញ៉ា បានបញ្ជាក់ថា លទ្ធផលដែលអ្នកឃុំទងត្រឡាច បោះឆ្នោត ជូនគណបក្សប្រជាជន​កម្ពុជា ជាចំនួនដ៏ខ្ពស់ស្ទើរ តែ១០០% ដែលបងប្អូនអ្នកទងត្រឡាចនៅតែស្មោះត្រង់ ស្រលាញ់ គាំទ្រមកលើគណបក្សប្រជាជនកម្ពុជា។ដោយជោគជ័យនៃការ បោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ឆ្នាំ ២០២២​ដែលកើត​ចេញពីទឹកចិត្តជំនឿជឿជាក់មកលើគណបក្សប្រជាជនជាបន្តទៀតនេះ លោកឧកញ៉ាក៏បានប្រកាស​បន្តសាងសង់​ផ្ទះជូនអ្នកភូមិជន្លត់ដៃ នៃឃុំទងត្រឡាចដែលមានជីវភាពក្រីក្រចំនួន៨ខ្នង​ផ្ទះបន្ថែម​ទៀត​ ដែលមានតម្លៃប្រមាណជា៤ម៉ឺនដុល្លារ រួមជាមួយនឹងកិច្ចការចំពោះមុខជាច្រើនទៀត​ដែល​អាជ្ញាធរឃុំទងត្រឡាចក្រោមការជួយគាំទ្រពីថ្នាក់ដឹកនាំនៃក្រុមការងារចុះជួយមូលដ្ឋានបន្តអភិវឌ្ឍន៍​ដើម្បីបំរើនូវសេចក្តីត្រូវការចំពោះមុខជូនពលរដ្ឋជាបន្ត។ពលរដ្ឋឃុំទងត្រឡាចបាន បង្ហាញការរីករាយចំពោះជោគជ័យនៃគណបក្សប្រជាជនកម្ពុជា​លើការ​បោះឆ្នោត​ក្រុមប្រឹក្សាឃុំសង្កាត់អាណត្តិទី៥ឆ្នាំ២០២២។អភិបាលរងស្រុកស្រីសន្ធរ លោក ម៉ម ណាំ បានលើកឡើងដោយមោទនភាពថា ឃុំទងត្រឡាច ឥឡូវនេះ មានការកែប្រែខ្លាំង​ដោយ​សមិទ្ធផល​ទាំងឡាយ ដូចជា ផ្លូវ ប្រឡាយ បង្គោលភ្លើង​បំភ្លឺផ្លូវ​ជាដើម សុទ្ធ សឹង​បានកើតឡើងដោយការជួយជ្រោមជ្រែងពីលោកឧកញ៉ា ឡូវ ហ៊ឹង ប្រធានក្រុម​ការងារ​ចុះជួយឃុំទងត្រឡាចដែលបានខិតខំ និងអូសទាញ​គៀគរ យកមកជួយដល់ប្រជាពលរដ្ឋ​នៅទីនេះដោយបានយកសុខទុក្ខរបស់ប្រជាពលរដ្ឋនៅទីនេះដូចគ្រួសារតែមួយដោយបានធ្វើឱ្យលទ្ធផលនៃការបោះឆ្នោតឈានខ្ពស់លើសគេលើសឯង។ជាមួយនឹងជោគជ័យនេះ លោកក៏បានបញ្ជាក់ថា ទោះជាបែបនេះក្តី អ្នកទងត្រឡាចនៅមានបញ្ហា​ប្រឈម២​ចំពោះមុខដែលត្រូវបន្តដោះស្រាយទី១ គឺបញ្ហាប្រឡាយទឹក​ដែលនៅស្ទះក្នុងការដោះទឹក​មិនទាន់សម្រាប់ផលដំណាំស្រូវនិងកសិកម្មដទៃទៀតដោយសារប្រឡាយមិនទាន់ធ្វើហើយជាស្ថាពរ និងទី២បន្តយកចិត្តទុកដាក់ទៅលើវិវាទបញ្ហាទំនាស់ដីធ្លី ខិតខំ​សម្របសម្រួលឱ្យបានសមស្រប​ដែលពលរដ្ឋអាចទទួលយកបានទាំងអស់គ្នា។ឆ្លៀតក្នុងឱកាសនោះដែរ ពលរដ្ឋឃុំទងត្រឡាចក៏បានសំណូមពរ​ដល់រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុដើម្បីបន្តធ្វើផ្លូវបេតុងចម្ងាយ ៤.៥០០ ម៉ែត្របន្ថែមទៀត ៕

បេក្ខភាពឈរបោះឆ្នោតឃុំនៅស្រុកបារាយណ៍ ទទួលស្គាល់លទ្ធផលបោះឆ្នោត និងត្រៀមចូលបម្រើការងារឃុំអាណត្តិថ្មី

2022/06/11 08:22:39 pm        1311
Facebook Telegram Linkin
កំពង់ធំ៖ នៅព្រឹកថ្ងៃទី១១ ខែមិថុនានេះ ឯកឧត្តម ថោង ខុន ប្រធានក្រុមការងារចុះជួយ​ស្រុកបារាយណ៍ ​និងស្រុកតាំងគោក ខេត្តកំពង់ធំ បានជួបសំណេះសំណាលជាមួយបណ្តាបេក្ខភាព​ឈរឈ្មោះបោះឆ្នោតជ្រើសរើសក្រុមប្រឹក្សាឃុំសង្កាត់អណត្តិទី៥ ​នៅស្រុកបារាយណ៍។ បណ្តាបេក្ខភាពក្រុមប្រឹក្សាឃុំ ប្រកាសទទួលស្គាល់លទ្ធផលការបោះឆ្នោត និងបានប្តេជ្ញាចិត្ត​ធ្វើការ​ងារ​រួមគ្នាជាមួយបេក្ខភាពមកពីបណ្តាគណបក្សនានា ដើម្បីជម្រុញ​មូលដ្ឋាន​បន្តការអភិវឌ្ឍបន្ថែមទៀត។បណ្តាបេក្ខភាពឈរឈ្មោះបោះឆ្នោត បានលើកឡើងថា នៅថ្ងៃបោះឆ្នោតជ្រើសរើសក្រុមប្រឹក្សាឃុំ​សង្កាត់អណត្តិទី៥ ថ្ងៃទី៥ ខែមិថុនានេះ ​ដំណើរការបោះឆ្នោតបានប្រព្រឹត្តិទៅ​មានសន្តិសុខ សណ្តាប់​ធ្នាប់​ ពលរដ្ឋទៅបោះឆ្នោតគ្មានការ​បង្ខិតបង្ខំ ការរាប់សន្លឹកឆ្នោតធ្វើបានឡើង​ក្រោមការ​ឃ្លាំមើល​យ៉ាងដិតដល់ពីគ្រប់តំណាងគណបក្សនយោបាយ និងបណ្តាអ្នកសង្កេតការណ៍​មកពី​បណ្តាគណបក្ស រហូតមានការចុះហត្ថលេខាព្រមព្រៀងទទួលស្គាល់លទ្ធផល​ការបោះឆ្នោត​នោះថែមទៀតផង។សម្រាប់បេក្ខភាពត្រៀមចូលកាន់ដំណែងជាប្រធានក្រុមប្រឹក្សាឃុំអាណត្តិថ្មី មកពីមកពីឃុំចើងដើង ឃុំបល្ល័ង្គ ក៏ដូចឃុំបារាយណ៍ជាដើម បានថ្លែងការប្តេជ្ញាចិត្តធ្វើការងារជាមួយបណ្តាសមាជិក​ក្រុម​ប្រឹក្សា​ឃុំមកពីគណបក្សនានា ដើម្បីបង្កើនការផ្តល់សេវាល្អជូនបណ្តាប្រជាពលរដ្ឋអោយ​បាន​ល្អប្រសើរ ជាពិសេសការខិតខំជម្រុញមូលដ្ឋានបន្តការអភិវឌ្ឍជាដើម។ទោះយ៉ាងណាក៏ដោយ ឯកឧត្តម ថោង ខុន នៅក្នុងជំនួបសំណេះសំណាលនេះ បានថ្លែងការកោត​សរសើរប្រធានក្រុមប្រឹក្សាឃុំអាណត្តិចាស់ ដែលបានបំពេញការងារផ្តល់សេវាថ្នាក់មូលដ្ឋាន​ជូន​បណ្តាពលរដ្ឋបានល្អប្រសើរ រហូតធ្វើអោយពលរដ្ឋផ្តល់ការស្រឡាញ់ ទុកចិត្ត និងបន្តគាំទ្រ​បោះឆ្នោតជូនមេឃុំក្នុងជួរគណបក្សប្រជាជនកម្ពុជា ហើយឯកឧត្តម ក៏បានស្នើសុំក្រុមប្រឹក្សា​ឃុំអាណត្តិ បន្តប្រពៃណីល្អផ្តល់សេវាល្អជូនពលរដ្ឋនៅក្នុងមូលដ្ឋាន អោយបានល្អប្រសើរថែមទៀត៕ អត្ថបទ៖ ស៊ុម សុខជា

បណ្ដាញសង្គម

ព័ត៌មានថ្មីៗ

ផ្ទះទេវតាទី៣៣៨ មួយខ្នងទៀតដោយមានភ្ជាប់ប្រព័ន្ធភ្លើងសូឡា និងទឹកស្អាត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាព នៅខេត្តកំពង់ធំ
08/23/2026 05:08 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញវឌ្ឍនភាព និងការចាប់ផ្តើមអនុវត្ត “កម្មវិធីលើកកម្ពស់ជីវភាពគ្រួសារយុទ្ធជន តាមរយៈគំរូផលិតកម្មកសិកម្មទំនើប”
08/23/2026 04:08 PM
Facebook Telegram Linkin
លោកជំទាវ ឌី សុខីទីឃាយុកោ ហ៊ុន ម៉ានិត អញ្ជើញប្រគល់អណ្តូងទឹកស្អាត ១០ កន្លែង ជូនប្រជាពលរដ្ឋក្នុងឃុំមានជ័យ ស្រុកឈូក ខេត្តកំពត
08/23/2026 04:08 PM
Facebook Telegram Linkin
ក្រសួងការងារ៖ ខេត្តកំពង់ស្ពឺមានឱកាសការងារជិត ២ម៉ឺនកន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 04:08 PM
Facebook Telegram Linkin
ចង់ក្លាយជាអ្នកជំនាញអគ្គិសនី? ឱកាសអាហារូបករណ៍ រៀនជំនាញទំនើប អនុវត្តជាក់ស្តែង រៀនចប់ឆាប់មានការងារធ្វើ រៀននៅវិទ្យាស្ថានពហុបច្ចេកទេសតេជោសែនស្វាយរៀង
08/23/2026 04:08 PM
Facebook Telegram Linkin
ACU នឹងបញ្ជូនមន្ត្រីក្រសួងការបរទេសចំនួន ៣រូប ទៅតុលាការនៅរសៀលនេះ
08/23/2026 03:08 PM
Facebook Telegram Linkin
ក្រសួងការងារ៖ ខេត្ត៤ជាប់សមុទ្រមានឱកាសការងារជិត ២ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
ក្រសួងការងារ៖ ខេត្តតាកែវមានឱកាសការងារជាង ៦ពាន់កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
មនុស្ស ២នាក់ ត្រូវបានសង្រ្គោះ និងមនុស្ស ២២នាក់ បាត់ខ្លួន ក្រោយនាវាដឹកទំនិញលិចនៅជិតតំបន់ឆ្នេរប្រទេសឥណ្ឌា
08/23/2026 03:08 PM
Facebook Telegram Linkin
ជនជាតិម៉ិកស៊ិក ៣៦៥នាក់ ត្រូវបាននិរទេសចេញពីអាមេរិកទៅកាន់ហុងឌូរ៉ាស
08/23/2026 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.