នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ពលរដ្ឋអះអាងថា គ្មានការបង្ខិតបង្ខំ ឬការគំរាមកំហែងក្នុងអំឡុងពេលបោះឆ្នោត

2022/06/07 07:11:40 pm        350
Facebook Telegram Linkin
កណ្ដាល៖ ប្រជាពលរដ្ឋ ដែលបានទៅបោះឆ្នោតជ្រើសរើសក្រុមប្រឹក្សា ឃុំ-សង្កាត់ អាណត្តិទី៥ កាលពីថ្ងៃទី៥ ខែមិថុនានេះ បានអះអាងថា ពួកគេទៅបោះឆ្នោតដោយស្ម័គ្រចិត្ត គ្មានការបង្ខិតបង្ខំ និងគំរាមកំហែង ពីភាគីណាទាំងអស់ ចំណែកនីតិវិធីនៃការបោះឆ្នោត កាន់តែងាយស្រួលជាងពេលមុនៗ និងបរិយាកាស នៃការបោះឆ្នោតប្រព្រឹត្តិទៅដោយល្អ។ប្រជាពលរដ្ឋរស់នៅឃុំកំពង់ស្វាយ ស្រុកកៀនស្វាយ ខេត្តកណ្ដាល បាននិយាយថា ពួកគេ បានយល់ដឹងកាន់តែច្រើនពីរបៀបរបប នៃការឆ្នោត ពីមួយអាណត្តិទៅមួយអាណត្តិ ហើយ​តាមមណ្ឌលបោះឆ្នោត ក៏កាន់តែមានភាពល្អប្រសើរ ព្រោះគណៈកម្មការជាតិរៀបចំ​ការ​បោះឆ្នោតក្នុងឃុំ រៀបចំបានល្អ អ្នកបោះឆ្នោត បោះដោយសេរី និងយុត្តិធម៌ ។ពលរដ្ឋ បានបន្តថា នៅក្នុងមណ្ឌលពួកគេបោះឆ្នោត គ្មាន​សកម្មភាព​បំភិតបំភ័យ​ ឬបង្កការរំខាន អ្វី ឡើយ ​ដោយពលរដ្ឋបោះឆ្នោតជូនគណបក្សនយោបាយ ដែលខ្លួនស្រឡាញ់ គ្មានការបង្ខិតបង្ខំ ស្ថិតក្នុង ​បរិយាកាសរៀបចំការពារសន្តិសុខ សណ្ដាប់ធ្នាប់បានល្អ និងមានអ្នកទៅបោះឆ្នោច្រើន ពីមួយអាណត្តិទៅ មួយអាណត្តិផងដែរ ។ប្រជាពលរដ្ឋបានស្នើទៅក្រុមប្រឹក្សាឃុំកំពង់ស្វាយ ដែលបានជាប់ឆ្នោត​ បន្តជួយអភិវឌ្ឍមូលដ្ឋាន ក៏ដូចជាបម្រើសេវាសាធារណៈនានា ​ឲ្យទាន់ពេលវេលា ឆាប់រហ័ស ​និងកាន់តែល្អប្រសើរ ព្រោះពួកគេមានជំនឿទុកចិត្ត ទើបនាំគ្នាបោះឆ្នោតជូន ។ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ បានប្រព្រឹត្តិទៅកាលពីថ្ងៃទី៥ ខែមិថុនា ឆ្នាំ២០២២ ​មានគណបក្សនយោបាយចូលរួមចំនួន១៧ ​ដោយមានអ្នកចេញទៅបោះឆ្នោតជាង ៨០ភាគរយ ​ហើយគណៈកម្មាធិការជាតិរៀបចំការបោះឆ្នោត (គជប) គ្រោងនឹងប្រកាសលទ្ធផល​ផ្លូវការ នៅថ្ងៃទី ២៦ ខែមិថុនា ខាងមុននេះ ។ចំពោះលទ្ធផលនៃការបោះឆ្នោត ទោះ គ.ជ.ប ទើបប្រកាសជាបណ្ដោះអាសន្ន ​ប៉ុន្តែមានការប្រកាស​គាំទ្រពីគណបក្សនយោបាយផ្សេងៗ រួមទាំង​អ្នកសង្កេតការណ៍ជាតិ និងអន្តរជាតិ​ ដោយលើកឡើង ប្រហាក់ប្រហែលគ្នាថា ​ប្រព្រឹត្តិទៅដោយរលូនសេរីពហុបក្ស យុត្តិធម៌ ​គ្មានការគំរាមកំហែង គ្មានអំពើហិង្សា ធ្វើឡើងតាមបែបលទ្ធិប្រជាធិបតេយ្យ ៕អត្ថបទ បាន សុខរិទ្ធិ

ឯកឧត្តម យឿន យឿត ថ្លែងអំណរគុណដល់ពលរដ្ឋឃុំតាសាលដែលបានបោះឆ្នោតជូនគណបក្សប្រជាជនកម្ពុជា

2022/06/07 06:58:06 pm        132
Facebook Telegram Linkin
កំពង់ស្ពឺ៖ អនុប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកឱរ៉ាល់ និងជាប្រធានក្រុមការងារចុះមូលដ្ឋានឃុំតាសាល ស្រុកឱរ៉ាល់ ខេត្តកំពង់ស្ពឺ ឯកឧត្តម យឿន យឿត បានគោរពថ្លែងអំណរគុណយ៉ាងជ្រាលជ្រៅជូនចំពោះសមាជិក-សមាជិកា គណបក្សប្រជាជនកម្ពុជា និងប្រជាពលរដ្ឋទាំងមូលនៅស្រុកឱរ៉ាល់ ជាពិសេសនៅឃុំតាសាល ដែលបានសម្រេចចិត្តដ៏ត្រឹមត្រូវជ្រើសរើសគណបក្សប្រជាជនកម្ពុជាឱ្យបន្តបម្រើបងប្អូន ក្នុងមូលដ្ឋាន ឃុំ-សង្កាត់ សម្រាប់អាណត្តិថ្មីនេះបន្តទៀត។ ឯកឧត្តមបានថ្លែងនៅព្រឹកថ្ងៃទី៧ ខែមិថុនានេះថា ក្នុងចំណោមគណបក្សទាំង៥ ដែលបានចូលរួមប្រកួតប្រជែងនៅក្នុងឃុំតាសាល គឺមានតែគណបក្សប្រជាជនកម្ពុជាតែមួយគត់ឈានមុខគេ ដោយទទួលបាន៧អាសនៈ លើ៧អាសនៈ។នេះបើតាមលទ្ធផលបណ្តោះអាសន្នដែលគណៈកម្មាធិការជាតិរៀបចំការបោះឆ្នោត(គ.ជ.ប.)បានបង្ហាញ។ ឯកឧត្តមយឿន យឿត បានបន្តទៀតថា លទ្ធផលដែលបងប្អូនប្រជាពលរដ្ឋនៅឃុំតាសាល ផ្តល់ជូនដល់គណបក្សប្រជាជនកម្ពុជានេះ គឺជាទឡ្ហីករណ៍ដ៏សំខាន់មួយសម្រាប់មន្រ្តីគណបក្សប្រជាជនកម្ពុជានៅស្រុកឱរ៉ាល់ ជាពិសេសគឺនៅឃុំតាសាល ឱ្យខិតខំប្រឹងប្រែងទ្វេដង ដើម្បីបម្រើដល់បងប្អូនឲ្យកាន់តែល្អ និងបន្តការពារសុខសន្តិភាព ស្ថិរភាពបន្តទៅមុខទៀត សក្តិសមនឹងជំនឿជឿជាក់ និងទំនុកចិត្តដែលបានផ្តល់ជូនតាមរយៈសន្លឹកឆ្នោតនាពេលនេះ៕

ផ្សារទំនើប ព្រីនស៍ ថាមស៍ សឃ្វែរ ដែលជាមជ្ឈមណ្ឌលពាណិជ្ជកម្មដ៏ធំមួយនៅភ្នំពេញ​បានសម្ពោធដំណើរការជាផ្លូវការ

2022/06/07 06:24:29 pm        706
Facebook Telegram Linkin
ភ្នំពេញ៖ នៅថ្ងៃទី០៧ ខែមិថុនា ឆ្នាំ២០២២ ពិធីសម្ពោធជាផ្លូវការនៃផ្សារទំនើប ព្រីនស៍ ថាមស៍ សឃ្វែរ ត្រូវបានប្រារព្ធឡើង។ ផ្សារទំនើប ព្រីនស៍ ថាមស៍ សឃ្វែរ បានប្រមូល​ផ្តុំនូវម្ចាស់​អាជីវកម្ម​ចិន និងខ្មែរជាច្រើន និង​ជា​អគារ​ពាណិជ្ជកម្ម​ខ្នាតធំដែលមានមុខងារពេញលេញ​នៅក្នុង​ទីក្រុង​ភ្នំពេញ ហើយក៏ជាមជ្ឈមណ្ឌលពាណិជ្ជកម្មដំបូងបង្អស់របស់ក្រុមហ៊ុន ព្រីនស៍ រៀល អ៊ីស្ទេត គ្រុប ដែល​បានបើកដំណើរជាសាធារណៈ។ក្រុមហ៊ុន ព្រីនស៍ រៀល អ៊ីស្ទេត គ្រុប បានចាក់ឫសនៅក្នុងទឹកដីប្រទេសកម្ពុជា និង​មាន​អាជីវកម្ម​គ្រប​ដណ្ដប់លើវិស័យនានាដូចជា ផ្សារទំនើបលំនៅឋាន និងតំបន់ទេសចរណ៍ ហើយមានតួនាទី​ជា​អ្នកចូលរួមក្នុងបុព្វហេតុជំរុញការអភិវឌ្ឍនគរូបនីយកម្ម និងទំនើបកម្មនៃប្រទេសកម្ពុជា។ ការបើកសម្ពោធនៃផ្សារទំនើប ព្រីនស៍ ថាមស៍ សឃ្វែរ បានបង្ហាញពីការប្តេជ្ញាចិត្តរបស់ក្រុមហ៊ុន ព្រីនស៍ រៀល អ៊ីស្ទេត គ្រុប ក្នុងការពង្រាយអាជីវកម្មរបស់ខ្លួន និងពង្រីកការវិនិយោគនៅកម្ពុជា។ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានអញ្ជើញចូលរួម​ក្នុង​ពិធីសម្ពោធនេះ និងមានប្រសាសន៍ថា កម្ពុជាកំពុងបើកដំណើរការសកម្មភាពសេដ្ឋកិច្ចសង្គម​ពេញលេញ​ឡើងវិញលើគ្រប់វិស័យតាមគន្លងប្រក្រតីថ្មី ។ ហើយផ្សារទំនើបព្រីនស៍ ថាមស៍ សឃ្វែរ ដែលបានបើកសម្ពោធនៅពេលនេះ នឹងក្លាយទៅជាគោលដៅដើរទិញទំនិញ ការកម្សាន្ត និងទេសចរណ៍មួយ ដែលទទួលបានការគាំទ្រពីសំណាក់ប្រជាពលរដ្ឋ និងភ្ញៀវទេសចរ។ឯកឧត្តម ឃួង ស្រេង អភិបាលរាជធានីភ្នំពេញ បាន ប្រកាសថា កម្ពុជាបានត្រៀមខ្លួនរួចជាស្រេច ដើម្បីជាចលករជំរុញ និងគាំទ្រដល់ការវិនិយោគរបស់វិស័យឯកជន។ កម្ពុជាទទួលស្វាគមន៍ និង​លើក​​ទឹកចិត្តចំពោះការបណ្តាក់ទុនវិនិយោគ និងការធ្វើអាជីវកម្ម សេវាកម្មស្របច្បាប់គ្រប់ប្រភេទ ជាពិសេសការពង្រឹងសហគ្រិនភាព កិច្ចសហប្រតិបត្តិការពាណិជ្ជកម្ម ការបើកទូលាយបរិយាកាស​វិនិយោគឱ្យកាន់តែមានភាពល្អប្រសើរ ប្រកបដោយភាពទាក់ទាញ និងផ្តល់ទំនុកចិត្តខ្ពស់​ដល់​ធុរជន និងសហគ្រិនទាំងអស់ ស្របតាមក្របខ័ណ្ឌពាណិជ្ជកម្មសកលលោក សម្រាប់ជំរុញ​កំណើន​សេដ្ឋកិច្ច និងពង្រីកសក្តានុពលថ្មីៗ ប្រកបដោយគុណវុឌ្ឍន៍ខ្ពស់។លោក Edward Lee នាយកប្រតិបត្តិនៃក្រុមហ៊ុន ព្រីនស៍ រៀល អ៊ីស្ទេត គ្រុប បានថ្លែង​អំណរគុណ​យ៉ាង​ស្មោះស្ម័គ្រចំពោះការគាំទ្រពីសំណាក់ស្ថាប័នរដ្ឋគ្រប់លំដាប់ថ្នាក់​ក្នុងពេល​កន្លងមក ក៏ដូចជាការគាំទ្រ និងការទទួលស្គាល់យ៉ាងពេញទំ ហឹងពីគ្រប់មជ្ឈដ្ឋាន និងពីសំណាក់​ប្រជាជនកម្ពុជាផងដែរ។ លោកក៏បានលើកឡើងថា ក្រុមហ៊ុន ព្រីនស៍ រៀល អ៊ីស្ទេត គ្រុប បានអភិវឌ្ឍ​អាជីវកម្មរបស់ខ្លួននៅកម្ពុជា ដោយតែងតែប្រកាន់ខ្ជាប់នូវគោលការណ៍បម្រើកម្ពុជា កសាងកម្ពុជា និងតបស្នង កម្ពុជា។ ផ្សារទំនើប ព្រីនស៍ ថាមស៍ សឃ្វែរ គឺជាស្នាដៃថ្មីមួយ​ទៀតរបស់ក្រុមហ៊ុន ព្រីនស៍ រៀល អ៊ីស្ទេត គ្រុប នៅកម្ពុជា ដែលមិនត្រឹមតែនាំមកនូវ​បទពិសោធន៍​ពេញលេញថ្មីៗជូនប្រជាពលរដ្ឋ និងភ្ញៀវទេសចរ ថែមទាំងក៏នឹងបង្កើត​ការងារបន្ថែមទៀតនៅកម្ពុជា និងលើកកម្ពស់ការអភិវឌ្ឍសេដ្ឋកិច្ច និងសង្គមរបស់កម្ពុជាផងដែរ។ផ្សារទំនើប ព្រីនស៍ ថាមស៍ សឃ្វែរ មានទីតាំងស្ថិតនៅផ្នែកខាងត្បូងនៃមហាវិថីព្រះនរោត្តម ក្នុងខណ្ឌចំការមន រាជធានីភ្នំពេញ ដែលជាតំបន់ដែលមានភាពសក្ដានុពល និងរីកចម្រើន​បំផុតមួយ​នៅភ្នំពេញ។ គម្រោងនេះបានទទួលការចាប់អារម្មណ៍យ៉ាងខ្លាំងពីគ្រប់មជ្ឈដ្ឋាន​តាំងពី​ពេលចាប់ផ្តើមបង្កើតគម្រោងមកម្ល៉េះ ហើយក្នុងអំឡុងពេលសាងសង់គម្រោងនេះ សាលារាជធានី​ភ្នំពេញ និងក្រសួងមន្ទីរពាក់ព័ន្ធបានផ្ដល់ការគាំទ្រយ៉ាងច្រើន ដែលធ្វើឱ្យគម្រោងនេះ​អាច​អភិវឌ្ឍន៍ និងបើកដំណើរការតាមការរំពឹងទុក៕ អត្ថបទ ៖ ប្រាក់ វ៉ាន់ដា 

លោកជំទាវ ម៉ែន សំអន ថ្លែងអំណរគុណដល់សមាជិកគណបក្សក្រោយទទួលលទ្ធផលការបោះឆ្នោតដ៏ត្រចះត្រចង់

2022/06/07 05:59:54 pm        567
Facebook Telegram Linkin
ភ្នំពេញ៖ លោកជំទាវ កិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមកាងារគណបក្សខេត្តស្វាយរៀង បានថ្លែងនូវការកោតសរសើរ និងអំណរគុណដល់ថ្នាក់ដឹកនាំក្រុមការងារ និងថ្នាក់ដឹកនាំគណបក្សគ្រប់លំដាប់ថ្នាក់ទាំងអស់ នៅខេត្តស្វាយរៀង ដែលខិតខំអស់កម្លាំងកាយ និងស្មារតី ដណ្តើមជោគជ័យជូនបក្សក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណិត្តទី៥កន្លងទៅនេះ។

គណបក្សខ្មែររួបរួមជាតិ ទទួលស្គាល់ការបោះឆ្នោតដំណើរការប្រកបដោយលទ្ធិប្រជាធិបតេយ្យ និងគ្មានការបង្ខិតបង្ខំ

2022/06/06 08:35:42 pm        690
Facebook Telegram Linkin
ភ្នំពេញ៖ គណបក្សខ្មែររួបរួមជាតិ បានប្រកាសគាំទ្រលទ្ធផល នៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ដែលបានដំណើរការប្រកបដោយលទ្ធិប្រជាធិបតេយ្យ សេរី ពហុបក្ស និងគ្មានការបង្ខិតបង្ខំឡើយ។

គណបក្សសញ្ជាតិកម្ពុជា ប្រកាសទទួលស្គាល់ការបោះឆ្នោតថាប្រព្រឹត្តិទៅដោយរលូន គ្មានការសំឡុតគំរាមកំហែង

2022/06/06 08:26:32 pm        634
Facebook Telegram Linkin
ភ្នំពេញ៖ គណបក្សសញ្ជាតិកម្ពុជា បានប្រកាសគាំទ្រការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ថា មានដំណើរការល្អប្រសើរច្រើនជាងអាណត្តិមុនៗ ប្រកបដោយសន្តិសុខ សណ្តាប់ធ្នាប់ល្អ ប្រព្រឹត្តិទៅដោយរលូន គ្មានការសំឡុតគំរាមកំហែង គ្មានអំពើ​ហិង្សា។

ពលរដ្ឋមើលឃើញពីភាពល្អប្រសើរនៃស្ថានភាពនយោបាយ និងដំណើរការបោះឆ្នោតនៅកម្ពុជា

2022/06/06 07:51:11 pm        883
Facebook Telegram Linkin
ភ្នំពេញ៖ ចាប់ផ្ដើមពីយុទ្ធនាការឃោសនាបោះឆ្នោត រហូតដល់ពេលបញ្ចប់ការបោះឆ្នោតជ្រើសរើសក្រុមប្រឹក្សាឃុំសង្កាត់ គ្រប់យ៉ាងគឺមានដំណើរការល្អប្រសើរ ពុំមានការភិតភ័យ រឺភាពចលាចលជាអវិជ្ជមានណាមួយកើតឡើងនោះទេ។ នេះជាការបញ្ជាក់របស់ប្រជាពលរដ្ឋរស់នៅ ខណ្ឌច្បារអំពៅ។ការឃោសនាបោះឆ្នោត ក៏ដូចជាការបោះឆ្នោតជ្រើសរើសក្រុមប្រឹក្សាឃុំសង្កាត់ ឆ្នាំ២០២២ បាន​បញ្ចប់​ដោយភាពរលូនស្ងប់ស្ងាត់ ​ពុំមានការបង្ខិតបង្ខំ រឺភាពចលាចលអវិជ្ជមានណាមួយកើតឡើង​នោះទេ។ នេះជាការបញ្ជាក់របស់ ​ប្រជាពលរដ្ឋរស់នៅក្នុងខណ្ឌ ​ច្បារអំពៅ ដែលធ្លាប់ចូលរួម​បោះឆ្នោត​តាំងពីឆ្នាំ១៩៩ ៣មកម្ល៉េះ។ក្រោយបញ្ចប់ការបោះឆ្នោតជ្រើសរើសក្រុមប្រឹក្សាឃុំសង្កាត់នេះ ​ពួកគាត់ក៏សប្បាយចិត្ត នៅពេល​ដែលគ្មាន​ភាព​ចលាចលណាមួយកើតឡើងបែបនេះ។ ​ពួកគាត់ពេញចិត្តដែលប្រជាពលរដ្ឋមិនថា ជាអ្នកគាំទ្រគណបក្សណា ​ក៏នៅតែមានសមាគ្គីភាព ក្នុងនាមខ្មែរតែមួយ។ ​ក្រោយការបោះឆ្នោតនេះ ពួកគាត់ក៏​សង្ឃឹមជឿជាក់ថា ​ថ្នាក់ដឹកនាំសង្កាត់ក្នុងអាណត្តិថ្មីនឹង បន្តការអភិវឌ្ឍន៍ក្នុងមូលដ្ឋាន​ឱ្យកាន់តែប្រសើរ។ការបោះឆ្នោតជ្រើសរើសក្រុមប្រឹក្សាឃុំសង្កាត់ឆ្នាំ ២០២២ ដែលដំណើរការនៅថ្ងៃទី ៥ ខែមិថុនា ចាប់ពីវេលាម៉ោង ៧.០០ ព្រឹក ដល់ម៉ោង៣.00 រសៀល ទូទាំងប្រទេស គឺបញ្ចប់ដោយស្របច្បាប់ សន្តិសុខសុវត្ថិភាព ​មានសណ្ដាប់ធ្នាប់សាធារណៈ គ្មានអំពើហិង្សា​ និងការគំរាមគំហែងនោះទេ។ នេះជាការបញ្ជាក់របស់​ គណៈកម្មាធិការជាតិរៀបចំការបោះឆ្នោត ក្រោយបញ្ចប់ការបោះឆ្នោត​កាល​ពីម្សិលម៉ិញ។ក្រោយបញ្ចប់ការបោះឆ្នោតភ្លាមៗ គជប ក៏បានប្រកាសពីលទ្ធបណ្តោះអាសន្ននៃ​ចំនួនអ្នកចូលរួម​បោះឆ្នោតឆ្នាំ២០២២នេះ ដោយបានបញ្ជាក់ថា ​ចំនួនប្រជាពលរដ្ឋ ដែលបានទៅបោះឆ្នោត​គឺមានចំនួន ៧៧, ៩១% នៃចំនួនប្រជាពលរដ្ឋសរុបដែលមានឈ្មោះក្នុង​បញ្ជីបោះឆ្នោត​ចំនួនជាង ៩លាននាក់។ តួលេខនេះ អាចនឹងមានការកើនឡើងបន្ថែមទៀតផងដែរ។ នេះបើយោង​តាម​សេចក្តីប្រកាសព័ត៌មានរបស់ គជប៕ អត្ថបទ៖ គឹមហុក

អ្នកសង្កេតការណ៍អន្តរជាតិថា ការបោះឆ្នោតកម្ពុជា បានអនុវត្តប្រជាធិបតេយ្យពេញលេញ

2022/06/06 07:19:37 pm        615
Facebook Telegram Linkin
ភ្នំពេញ៖ ក្រុមអ្នកសង្កេតការណ៍អន្តរជាតិ បានមើលឃើញថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ដែលទើបបញ្ចប់ គឺបានអនុវត្តលទ្ធិប្រជាធិបតេយ្យពេញលេញ ដោយសារគ្មានអំពើហិង្សា កើតឡើង បើប្រៀបធៀបនឹងប្រទេសដទៃ។ក្រុមអ្នកសង្កេតការណ៍អន្តរជាតិមកពីតំបន់អឺរ៉ុប ក្នុងសន្និសីទសារព័ត៌មាន នៅព្រឹកថ្ងៃទី៦ ខែមិថុ នា នេះ បានឲ្យដឹងថា បន្ទាប់ពីបានចូលរួមសង្កេតការណ៍លើដំណើរការបោះឆ្នោត​ជ្រើសរើស​ក្រុម​ប្រឹក្សា ឃុំ-សង្កាត់ កាលពីម្សិលមិញ នៅតាមមណ្ឌលបោះឆ្នោតមួយចំនួន ទាំងក្នុងរាជធានី ភ្នំពេញ និងតាមបណ្តាខេត្ត គឺការបោះឆ្នោតពេញមួយថ្ងៃ ត្រូវបានរៀបចំបានយ៉ាងល្អ ប្រកបដោយ​ប្រសិទ្ធភាព និងប្រសិទ្ធផល រួមទាំង​មាន​ឥរិយាបថ​ស្ងប់ស្ងាត់ ​ធ្វើឲ្យដំណើរការទាំងមូលមាន​សុវត្ថិភាព និងសណ្តាប់ធ្នាប់។លោក រ៉ាមីន ម៉ាម៉ាឌូវ អ្នកសង្កេតការណ៍អន្តរជាតិមកពីស្ថាប័នអាយខាប់ បានបញ្ជាក់ថា ការចូល រួម​សង្កេតការណ៍របស់លោកនៅកម្ពុជា គឺដើម្បីចង់ឃើញអំពីភាព​ស្អាតស្អំ​របស់​កម្ពុជា ហើយ​ក្រោយ​ពីបាន ចុះអង្កេតការណ៍ការបោះឆ្នោតកាលពីម្សិលមិញ ​បានឃើញថា ​ការបោះឆ្នោតរបស់កម្ពុជា គ្មាន​ការប្រកាន់និន្នាការនយោបាយ ដូចប្រទេសដទៃ ​រហូតឈានដល់មានអំពើហិង្សានោះទេ។លោក ម៉ូឌ ហាតា​ អ្នកសង្កេតការណ៍អន្តរជាតិមកពីស្ថាប័នអាយប៉ា ​បានបញ្ជាក់ដែរថា ការបោះ ឆ្នោតរបស់កម្ពុជា ​មានសេរីភាព តម្លាភាព និងយុត្តិធម៌ ​ដោយសារ​មាននីតិវិធីមួយចំនួន បាន​ក្លាយ​ជាបទ ពិសោធន៍សម្រាប់ប្រទេសមួយចំនួន។សេចក្តីថ្លែងការណ៍របស់អ្នកសង្កេតការណ៍អន្តរជាតិ ​បានវាយតម្លៃថា គ.ជ.ប ​បានរៀបចំដំណើរ ការ​បោះឆ្នោត មានលក្ខណៈត្រឹមត្រូវ ​ស្របតាមការប្តេជ្ញា​ចិត្តរបស់អន្តរជាតិ ដូចជាអត្រាអ្នក​ទៅ​បោះឆ្នោត​ មានភាពល្អប្រសើរ ​ហើយមន្រ្តីរបស់គ.ជ.ប​ បានអនុវត្តត្រឹមត្រូវ ​និងភាពស្មោះត្រង់។ បន្ថែមលើសពីនេះ ​ក្រុមអ្នកសង្កេតការណ៍អន្តរជាតិ​ បានកោត​សរសើរ​កម្ពុជា​ទ្វេដង ​ដែលអាច​រៀបចំ​ការបោះឆ្នោតឃុំ-សង្កាត់ ​ក្នុងអាណត្តិទី៥ របស់ខ្លួន​ប្រកប​ដោយសមធម៌៕ អត្ថបទ៖ សេក ឧត្តម

បក្សនយោបាយពីរ បានទទួលស្គាល់ការបោះឆ្នោតថា ប្រកបដោយភាពសេរី ត្រឹមត្រូវ និងយុត្តិធម៌

2022/06/06 07:06:39 pm        842
Facebook Telegram Linkin
ភ្នំពេញ៖ គណបក្សនយោបាយចំនួនពីរ គឺគណបក្សយុវជនកម្ពុជា និងគណបក្សខ្មែរតែមួយ បានប្រកាសទទួលស្គាល់ថា ដំណើរការនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ បានប្រព្រឹត្តិទៅដោយសេរី និងយុត្តិធម៌ គ្មានរូបភាព​គំរាមកំហែង ។ក្នុងសេចក្តីថ្លែងការណ៍ដាច់ដោយឡែកពីគ្នា នៅថ្ងៃទី៦ ខែមិថុនា ឆ្នាំ២០២២ ក្នុងនោះ​គណបក្ស​យុវជនកម្ពុជា បានឲ្យដឹងថា នៅកម្ពុជាកាលពីថ្ងៃទី៥​ ខែមិថុនាកន្លងទៅថ្មីៗនេះ បានរៀបចំ​ការ​បោះឆ្នោតជ្រើសរើសក្រុមប្រឹក្សាឃុំសង្កាត់​ ដែល​មានគណបក្សនយោបាយ ចូលរួមប្រកួតប្រជែង​ចំនួន ១៧គណបក្ស ។សេចក្តីថ្លែងការណ៍ដដែល បានបន្តថា​ គណបក្សយុវជនកម្ពុជា បានចូលរួមប្រកួតប្រជែង​ផងដែ​រនោះ បានកត់សម្គាល់ឃើញថា ​ដំណើរការនៃការបោះឆ្នោត ​បានប្រព្រឹត្តិទៅដោយរលូន ក្នុង​ស្ថាន​ភាព​សន្តិសុខល្អ ​សណ្ដាប់ធ្នាប់ល្អ និងក្នុងបរិយាកាសសេរី ត្រឹមត្រូវ យុត្តិធម៌ គ្មានរូបភាព​គំរាម​កំហែង​កើតឡើងនោះទេ ជាពិសេសប្រជាពលរដ្ឋ ​បានទៅបោះឆ្នោតជ្រើសរើស​ក្រុមប្រឹក្សា​ឃុំសង្កាត់ ​អាណត្តិទី៥នេះ យ៉ាងច្រើនកុះករផងដែរ ។ដោយឡែក​សេចក្តីថ្លែងការណ៍របស់គណបក្សខ្មែរតែមួយ​ បានឲ្យដឹងថា ​គណបក្សខ្មែរតែមួយ បាន​សង្កេតឃើញថា ​បរិយាកាសនៅក្នុងអំឡុងពេល ​ធ្វើយុទ្ធនាការឃោសនារកសំឡេងឆ្នោត ចាប់​ពីថ្ងៃទី២១ ខែឧសភា ​ដល់ថ្ងៃទី៣ ​ខែមិថុនា ឆ្នាំ២០២២ ​និងការបោះឆ្នោតនៅថ្ងៃទី៥ ខែមិថុនា​កន្លងទៅ​ថ្មីៗនេះ គឺមានភាពល្អប្រសើរ ​ដោយសារ​គ្រប់ភាគីពាក់ព័ន្ធ​មានភាព​ចាស់ទុំខាង​នយោបាយ​ ធ្វើឲ្យមានការរលូន ​គ្មានការរំខាន ​និងគ្មានអំពើហិង្សាណាមួយ បានកើនឡើងនោះទេ ហើយការបោះឆ្នោតអាណត្តិទី៥នេះ​ មានភាពល្អប្រសើរជាងអាណត្តិមុនៗ ។គណបក្សខ្មែរតែមួយ ថ្លែងអំណរគុណ ​ចំពោះគណៈកម្មាធិការជាតិរៀបចំការបោះឆ្នោត (គជប) បាន​រៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់ ​អាណត្តិទី៥នេះ ដែលប្រព្រឹត្តិទៅដោយសេរី ត្រឹមត្រូវ និងយុត្តិធម៌​ ស្របតាមគោលការណ៍លទ្ធិប្រជាធិបតេយ្យ ​សេរី ពហុបក្ស និងទទួលយកបាន ។គួរបញ្ជាក់ថា ក្នុងលទ្ធផលបណ្ដោះអាសន្នរបស់ គ.ជ.ប បានឲ្យដឹងថា ការបោះឆ្នោតជ្រើសរើស​ក្រុម​ប្រឹក្សាឃុំសង្កាត់ អាណត្តិទី៥ ឆ្នាំ២០២២ មានពលរដ្ឋចេញទៅបោះឆ្នោតបានប្រមាណ ៨០ភាគរយ ៕ អត្ថបទ៖ បាន សុខរិទ្ធិ 

គ.ជ.ប៖ លទ្ធផលបណ្ដោះអាសន្ន ពលរដ្ឋប្រមាណ ៨០ភាគរយ បានទៅបោះឆ្នោត

2022/06/06 07:00:31 pm        765
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត (គជប) បានប្រកាសឲ្យដឹងថា លទ្ធផលជាបណ្ដោះអាសន្ន មានប្រជាពលរដ្ឋប្រមាណ ៨០ភាគរយ បានទៅបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ បើទោះបីមានការរំខានខ្លះៗដោយសារបញ្ហាអាកាសធាតុ។ក្នុងសេចក្តីជូនដំណឹងរបស់ គ.ជ.ប ចេញនៅថ្ងៃទី៥ ខែមិថុនា ឆ្នាំ២០២២ បានឱ្យដឹងថា តាមតួ លេខបណ្ដោះអាសន្ន ដែល គ.ជ.ប ទទួលបាន មានអ្នកបោះឆ្នោតចំនួនជាង៧លាន១សែននាក់ នៃអ្នក មានឈ្មោះនៅក្នុងបញ្ជីឈ្មោះបោះឆ្នោត ចំនួនជាង៩លាន២សែននាក់ ស្មើនឹង៧៧.៩១ភាគរយ។ តួលេខនេះ អាចនឹងកើនឡើងបន្ថែមទៀត ។គ.ជ.ប បានឱ្យដឹងទៀតថា ការិយាល័យបោះឆ្នោតនៅទូទាំងប្រទេស ​ដែលមានចំនួនសរុបជាង ២៣០០០ការិយាល័យ បានបើកបម្រើឲ្យការបោះឆ្នោតចាប់ពីម៉ោង៧ព្រឹក ហើយទោះបី​មាន​ការរំខានខ្លះ បង្កឡើងដោយកត្តាអាកាសធាតុយ៉ាងណាក៏ដោយ ​ក៏ដំណើរការនៃការបោះឆ្នោត បានប្រព្រឹត្តិទៅជាប្រក្រតី តាមការគ្រោងទុក ក្នុងបរិយាកាសសន្តិសុខ សុវត្ថិភាព​និង​សណ្ដាប់ធ្នាប់​សាធារណៈ។គ.ជ.ប បានបញ្ជាក់ថា តួលេខបណ្ដោះអាសន្ន ​ដែលមានជិត៨០ភាគរយនេះ​ គឺជាតួលេខខ្ពស់ បើ ធៀប​ទៅនឹងបណ្ដាប្រទេសមួយចំនួនលើសកលលោក។ គ.ជ.ប ទទួលបានជោគជ័យក្នុងការ​ទប់ស្កាត់ ​ផែនការបំផ្លាញការបោះឆ្នោត។ ពលរដ្ឋមួយចំនួន មិនបានទៅបោះឆ្នោត ដោយសារពួកគេនៅក្រៅប្រទេស និងដោយសារ​កត្តា​អាកាស​ធាតុផងដែរ ​ហើយចំពោះការមិនចូលរួមសង្កេតការណ៍បោះឆ្នោត ​របស់សហ ​ភាពអឺរ៉ុប ជា​សិទ្ធិរបស់គេ ដោយ គ.ជ.ប បានជូនដំណឹង ​និងអំពាវនាវរួចហើយ ​ហើយទោះបីមិនមានអ្នក សង្កេត​ការណ៍​មក​ពីសហភាពអឺរ៉ុប ​ក៏ការបោះឆ្នោតឃុំសង្កាត់នៅកម្ពុជាប្រព្រឹត្តិ​ទៅស្រប​តាមច្បាប់ដែរ។គ.ជ.ប បានថ្លែងអំណរគុណដល់ពលរដ្ឋ ​ដែលបានចូលរួមបោះឆ្នោត ​និងអរគុណដល់សមត្ថកិច្ច គ្រប់​លំដាប់ថ្នាក់ ​គណបក្សនយោបាយ ​និងភាគីពាក់ព័ន្ធទាំងអស់ ​ដែលបានចូលរួម និង​សហការអនុវត្ត តាមភារកិច្ចរៀងៗខ្លួន ធ្វើឲ្យការបោះឆ្នោតប្រព្រឹត្តិទៅដោយជោគជ័យ និង​ប្រកប​ដោយសន្តិសុខ ​សុវត្ថិភាព ​និងសណ្ដាប់ធ្នាប់សាធារណៈ គ្មានអំពើហិង្សា។ចំពោះការប្រកាសលទ្ធផលផ្លូវការ ​នៃការបោះឆ្នោតជ្រើសរើសក្រុមប្រឹក្សាឃុំសង្កាត់ ​អាណត្តិទី៥ នេះ ​គឺនៅថ្ងៃទី២៦ ខែមិថុនា នេះ ៕ អត្ថបទ៖ បាន សុខរិទ្ធិ 

បណ្ដាញសង្គម

ព័ត៌មានថ្មីៗ

ថៃ បើកកិច្ចប្រជុំបន្ទាន់ស្តីពីរលកនៃការវាយប្រហារដ៏កក្រើកពីក្រុមបះបោរនៅភាគខាងត្បូងប្រទេស
08/24/2026 08:08 AM
Facebook Telegram Linkin
អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ អញ្ជើញចុះពិនិត្យស្ថានភាពទឹកជំនន់ និងផលប៉ះពាល់ប្រជាពលរដ្ឋ ក្នុងខេត្តត្បូងឃ្មុំ
08/24/2026 08:08 AM
Facebook Telegram Linkin
មន្រ្តីឧទ្យានុរក្សចុះល្បាតទបស្កាត់ការទន្ទានដីព្រៃខុសច្បាប់ នៅឧទ្យានជាតិគីរីរម្យ
08/24/2026 08:08 AM
Facebook Telegram Linkin
រដ្ឋសភានៃព្រះរាជាណាចក្រកម្ពុជានឹងធ្វើជាម្ចាស់ផ្ទះរៀបចំកិច្ចប្រជុំស្ដីពី «កិច្ចសន្ទនាជាមួយពហុភាគីពាក់ព័ន្ធរបស់សភាស្ដីពីការវិនិយោគប្រកបដោយការទទួលខុសត្រូវសម្រាប់សន្ដិសុខស្បៀង និងអាកាសធាតុ»
08/24/2026 07:08 AM
Facebook Telegram Linkin
ផ្ទះទេវតាទី៣៣៨ មួយខ្នងទៀតដោយមានភ្ជាប់ប្រព័ន្ធភ្លើងសូឡា និងទឹកស្អាត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាព នៅខេត្តកំពង់ធំ
08/23/2026 05:08 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញវឌ្ឍនភាព និងការចាប់ផ្តើមអនុវត្ត “កម្មវិធីលើកកម្ពស់ជីវភាពគ្រួសារយុទ្ធជន តាមរយៈគំរូផលិតកម្មកសិកម្មទំនើប”
08/23/2026 04:08 PM
Facebook Telegram Linkin
លោកជំទាវ ឌី សុខីទីឃាយុកោ ហ៊ុន ម៉ានិត អញ្ជើញប្រគល់អណ្តូងទឹកស្អាត ១០ កន្លែង ជូនប្រជាពលរដ្ឋក្នុងឃុំមានជ័យ ស្រុកឈូក ខេត្តកំពត
08/23/2026 04:08 PM
Facebook Telegram Linkin
ក្រសួងការងារ៖ ខេត្តកំពង់ស្ពឺមានឱកាសការងារជិត ២ម៉ឺនកន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 04:08 PM
Facebook Telegram Linkin
ចង់ក្លាយជាអ្នកជំនាញអគ្គិសនី? ឱកាសអាហារូបករណ៍ រៀនជំនាញទំនើប អនុវត្តជាក់ស្តែង រៀនចប់ឆាប់មានការងារធ្វើ រៀននៅវិទ្យាស្ថានពហុបច្ចេកទេសតេជោសែនស្វាយរៀង
08/23/2026 04:08 PM
Facebook Telegram Linkin
ACU នឹងបញ្ជូនមន្ត្រីក្រសួងការបរទេសចំនួន ៣រូប ទៅតុលាការនៅរសៀលនេះ
08/23/2026 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.